رواية تتعب لو معي تلعب للكاتبة ساندرا (كاملة)

**الكاتبة ساندرا** · 30-03-2012, 04:46 PM

رد: رواية تتعب لو معي تلعب للكاتبة ساندرا

القدر حتما سيجمع بين جيهان وراكان..

ألم وجرح وقهر راكان بسبب كلام محبوبته أروى..

أم راكان أللتي اصابها القهر بسبب موافقه ابنها من الزواج باأرمله..
هل سوفي تعاني جيهان منها أم ماذا؟؟

أم فهد المسكينه..هل سووفى تعاني من ابنها فهد بعد زواج جيهان ام ماذا؟؟؟

احداث ششيقه وجديده..
ومواعظ تنتظركم بالبارت القادم
وسيكون اطوول من البارتات الجايه..
لان الرواية بدأت فعلا لتووها..

انتظروني بيوم الثلاثاء بإذن الواحد الأحد..

محبتكم/
الكاتبة ساندرا ^^

**ايبرو** · 30-03-2012, 05:33 PM

رد: رواية تتعب لو معي تلعب للكاتبة ساندرا

واو
روووووووووووعه يسلموو

**الكاتبة ساندرا** · 31-03-2012, 08:09 PM

رد: رواية تتعب لو معي تلعب للكاتبة ساندرا

بسم الله الرحمن الرحيم..

السسلام عليكم والرحمه..

وبعد<<كني اكتب عذر لمديرة المدرسه

لأني أحبكم وأعزكم معزه خاصه..
ولأنكم انتظرتوني كتيررر بعد غيبه طوويلة..
وبسبب تواجدكن المستمر ودعمكم لي وتقديركن لظروفي..

راح انزل بارت جديد وطويل...
وذلك بيوم الأحد من تاريخ/

9/5

:graaam (284):

وبنسبه للهجه تم تعديلها..الله يسعدكم يارب..

متمنيه أن ينال اعجابكم ويحوز على راضكم..

اححبببببببكم بالزاف :)

محبتكم الابديه:

الكاتبة ساندرا ^^

**نسيت انساااكـ** · 01-04-2012, 02:07 AM

رد: رواية تتعب لو معي تلعب للكاتبة ساندرا

يسلمووووووو يالغلا
بنتظارك

**الكاتبة ساندرا** · 01-04-2012, 04:35 PM

رد: رواية تتعب لو معي تلعب للكاتبة ساندرا

رواية تتعب لو معي تلعب

البارت الثامن..
طلال بقهر:خلها تنقلع..قلعها الله..
راكان بضعف:بس أنا أحبها يا طلال..
طلال بحقد:حبتك القراده يا أخي..
راكان:.......
طلال كمل بحقد:تقول لك ما تبيك..وش تبي فيها..خلها تولي بس..
راكان:بس يا طلال..
طلال قاطعه بقهر:لا تبسبس لا تبسبس..ذي المفروض تحمد ربها أنك بيوم حبيتها..مالت بس..
راكان:يعني وش الحل؟؟
طلال طق بالطاولة من القهر:أنك تنساها..وتنسى بيوم أنك حبيتها..ولشفتها سفها..
راكان:طلال أنا وافقت على أني اتزوج جيهان..
طلال بصدمه:كيف؟؟؟
راكان:من حره ما في قلبي..ادري أني تسرعت بقراري..
طلال بتفكير:تسرعك ذا في مكانه..
راكان:!!!!
طلال:انساها..اعتبرها من الماضي..وعيش حياتك الجديدة مع جيهان..وتسرعك ذا بيثبت لبنت خالتك انك ما تحبها وأنك مو تبيها ذاك الزود..
راكان:طيب وبعدين؟؟
طلال باندفاع:انت ما عليك إلا انك تركز بالخطة...
راكان هز راسه بنعم بعدم اقتناع
طلال(نفس عمر راكان 25 سنه..يشتغل نفس شغلته..صديق راكان الروح بالروح وما يخبون عن بعض أي شيء..اسمر من راكان بشوي طويل وسيم بس راكان اوسم منه بكثير..)

*** *** ***
وسرعان ما طلعت التحاليل..والتحاليل تطابقت
راكان رفضت أنه يشوفني النظرة الشرعيه..
واقنع ابوه أنه واثق بذوق روان وروعه..
وبيوم الملكه..
خلصت الكوافيره اخر لمسه بمكياجها:انتهينا..
قمت من الكرسي وتوجهت للمرايه..انصدمت من شكلي..
أم فهد فتحت الباب وبإندفاع:يلا يايمه وصل المليك..تاخرتي....
منتبهت لها..كنت معطيتها ظهري مقابله المرايه..
اقتربت مني ولفتني قبالها وبإعجاب:تبارك الرحمن..وش هالزين يا بنتي..
جيهان بحيا:صدق يمه..
أم فهد:صدق يا قلبي...
جيهان:احس اني مو حلوه..
أم فهد:لأنك ولا مره حطيتي مكياج زي كذا..
وقرت على بنتها القران وتنفث عليها..
كان الصاله مليان بالحضور..ورائحة المشموم والعطورات تبخ المكان..
4 طاولات متوسطات الحجم بوسط الصاله..وفوقهن مما لذا وطاب..
دخلت بكل شموخ وثقه وابتسامه رقيقة تعلوا على شفاتيها..
وصوت كعب صندلها العالي بتناغمق اللون الذهبي اللامع ليترك أثر على مسامع المتواجدين..
التفتوا لها..ابهروا الحضور بجمالها..
كانت لابسه فستان وردي غامق كاشف من نحرها وبدون اكمام ويزين كتفه كريستال باللون الذهبي..والفستان ماسك بجسمها ليبين ويظهر مفاتنها ومن الصدر مزمزم بشكل عشوائي..ومكياجها كان اوفر بلون الوردي والذهبي اللامع تحت حواجبها وبداية جفنها ورسمه تبرز عينها بالاي لينر الاسود وعدسات بلون التركواز وشعرها البني الغامق المسترسل بحريه على كتفها وينزل لاخر خصرها ببراعه فاتنه وحلق ملصع بالفصوص الذهبية وخاتم فخم ذهبي..

البنت الاولى:تبارك الرحمن ذي ملاك ولا أنسان..
البنت الثانيه:جميله حيل..الله يحفظها..
البنت الاولى:الله يسعدها يارب..
كانت بجانبها أمها وهي تسير بكل فخر ببنتها..
مرت بجانب الحضور وسلمت عليهم..والابتسامه لا تفارقها..
وجات بجانبها مرت عمها ريم وبهمس:يبغاك عمك..
وراح معها ووصلت بجانب باب مجلس الرجال..

يتبع...

**الكاتبة ساندرا** · 01-04-2012, 04:37 PM

رد: رواية تتعب لو معي تلعب للكاتبة ساندرا

كانت بجانبها أمها وهي تسير بكل فخر ببنتها..
مرت بجانب الحضور وسلمت عليهم..والابتسامه لا تفارقها..
وجات بجانبها مرت عمها ريم وبهمس:يبغاك عمك..
وراح معها ووصلت بجانب باب مجلس الرجال..
وطلع لها عمها من ورى الباب وباعجاب:تبارك الرحمن..وش ذا الزين ياجيهان..
جيهان نزلت راسها بحيا..
ريم بابتسامه:احرجت البنت..
سعود مد لها الكتاب:مهرك زي منتي عارفته 100 الف..وطلبت أنهم يكتبوا بالشروط شقه مستقله..وحسن العشير..موافقه على هالشروط ولا تريدين حاجه؟؟
جيهان:موافقه..
سعود مد لها القلم عشان توقع..
ومسكت القلم ويدها ترتجف وسمت بالله ووقعت..
سعود بابتسامه:مبروك مقدما..
جيهان بحيا:الله يبارك فيك..
سعود باس جبينها:الله يسعدك يارب..
ودخل للمجلس..
ريم ابتسمت لها..
وجلستها عند الحضور وعين الكل عليها..
روعه بهمس:وش السواه احين؟؟
روان:.......
روعه كملت:أم فهد تسأل عن أمي والناس تسأل..وش نقول لهم..
روان:زي مقلت لك قولي لأنها مريضه وبس..
روعه تنهدت بصمت:الله يهديك بس يا يمه..
روان تدور بعيونها:وين السحليه؟؟مشوفها..
روعه بستغراب:السحليه؟؟؟ من تقصدين؟؟
روان بحقد:من غيرها بعد..الهانم أروى..
روعه:أبي اعرف بس ليه أنتي تكرهينها..هاه..
روان:أفضل أني أحتفظ بالسبب لنفسي..
روعه بحس نيه:مسكينه..تلقينها تبكي لما عرفت أن راكان بيتزوج غيرها..
روان كشرت بوجها:إلا سكينه..بقلعتها بس.."وبسخرية" اي والله مسكينة..ذي حيه موسى..
روعه:حرام عليك..
روان بقهر:أنتي شب شب..لا تحرين قلبي..
روعه اكتفت أنها تناظر أختها ألي باين أنها تكره أروى بالحييل..
ومن جهه ثانيه..
كانت تفرك يدها بتوتر.. انتبهت لها امها:علامك؟؟
جيهان بتوتر:...خايفه..
أم فهد:ومن وش خايفه؟؟
جيهان ناظرت أمها:يمه قولي لهم اني ما أبي أشوفه ولا يشوفني..
أم فهد:وش ذا الكلام يابنتي؟؟ لزوم يشوفك وتشوفينه..
جيهان:.........
أم فهد كملت:أنتي بس أبعدي عنك هالكلام ألي مالا داعي..
جيهان:...بس يمه.....
أم فهد قاطعتها:لا تبسبسين..أنتي اذكري الله..واقري المعوذات وربك بيخفف توترك ذا..
جيهان بعدم اقتناع:طيب..

اقتربتوا منها وسلموا عليها:مبروك يا قلبي واعذريني على التأخير..
جيهان بفرحه:هلا حنونه ..الله يبارك فيك..وعقبالكم يارب..
حنان بهم:امين يا قلبي..
رنيم:وش ذا الزين يا قلبي..بسم الله عليك..
مرام:أنتي احلا وحده هنا..
جيهان:ههههه..فديتكم بس..عيونكم الحلوة..جلسوا فديتكم..
مرام:منقدر ان تاخرنا أكثر بيحلف انم ندخل بيتكم مدى الحياة..
جيهان:بل..
وسلموا عليها..
جيهان ألي ملاحظه الهم والغم بوجه حنان..

وفي المجلس..
وقع راكان بعدم قناعه منه..كان بيتراجع بس مابه وقت..الوقت تأخر كثير على التراجع..
وقاموا يباركون له..
الرجال الاول:مبرووك..
راكان بهم:الله يبارك فيك..
الرجال الثاني:مبروك ياراكان..
راكان بنفس همه:الله يبارك فيك..
كان بجانبه صديقه ألي حس بهمه وعدم فرحته وهمس له:ابتسم يا حظي..لا تفضحنا..
راكان:تسرعت كثير بقراري يا طلال..
طلال:ولا تسرعت ولا شيء..
راكان تنهد:إن لله وإن إليه راجعون..
طلال بهمس:ابتسم وحسس أبوك أنك مو مجبور على هالزواج..لا تزعله..شوفه مبسوط كنا هو الخاطب..
راكان ناظر بأبوه من بعيد وهو يشوف الأبتسامه ألي لم تفارقه من دخوله لبيت أبو فهد..
طلال اشر له وبهمس:ابتسم..
راكان ابتسم غصبن عنه..ابتسامه باهته..
قام أبو راكان من الكنب وجاء عند ولده وبفرحه:مبروك يا ولدي..منك المال ومنها العيال..
راكان بابتسامه متصنعه:الله يبارك فيك يبه..
أبو راكان:عاد ما أوصيك عليها..حطها بعيونك الثنتين يا ولدي..
راكان:إن شاء الله يبه..
أبو راكان ضم ولده قوة..
دمعت عينه وهو يشوف ولده..كان حلمه من زمان أنه يشوف خطبه ولده ، وعما قريب زواجه..وجاء هاليوم..
ومسح دمعته بشماغه وبحب:الله يسعدك يا ولدي..

يتبع...

**الكاتبة ساندرا** · 01-04-2012, 04:39 PM

رد: رواية تتعب لو معي تلعب للكاتبة ساندرا

دمعت عينه وهو يشوف ولده..كان حلمه من زمان أنه يشوف خطبه ولده ، وعما قريب زواجه..وجاء هاليوم..
ومسح دمعته بشماغه وبحب:الله يسعدك يا ولدي..
راكان تأثر بكلام وضمه ابوه له:وياك يارب..
راكان حس أن ابوه فخور فيه..كان واقف بجنبه وكل من مر وسلم عليه قال ذا ولدي راكان..وكان يقولها بفخر كبير..محسه من قبل..

دخل من الباب وشاف اخوه وبفرح:مبرووك يا خوي..
راكان التفتت لمصدر الصوت وبفرحه:نايف..
نايف اقترب منه وضمه ضمه شوق:مبروك ياخوي..الله يسعدك يارب..
راكان بنفس فرحته:الله يبارك فيك..وعقبال ما أفرح فيك يا خوي..
نايف بابتسامه:البنت بالجيب..بس أنتظر الموافقه على البنت من قبل الوالده والوالد..
راكان بابتسامه:بعد..صدق انك قليل الأدب ولا تقول لي..المهم مقلت لي متى رجعت السعودية؟؟
نايف:توني..رحت بدلت بالبيت وجيت طيران لهنا..تدري وأنا أخوك..صعبه اجي ببنطلون..
راكان:ههههههه..اتخيل شكلك..
نايف بهمس:بروح اسلم على الوالد..
راكان:أي رح قبل لا يزعل منك..
نايف:ههههه..منيب ناقص أنا..
ومن جهه اخرى..
الحلا والقهوة يقدم لضيوف وأصوات الحضور بدأت تعلو قليلا..
كانت خايفه من هاللحظه..ألي يقول بيها....
ام فهد:يلا يا بنتي..
جيهان بخوف:على وين؟؟
أم فهد:علامك كذا خايفه..على وين يعني..بيجي خالك سعود يوديك للمجلس و.....
جيهان برفض تام:لا يمه تكفين..
أم فهد بق عينها:اقوول تعقلي يابنت وقدامي لشوف..
جيهان بدت تبكي:اهئ..ماأبي..
أم فهد بحنيه:يا بنتي..يا حبيبتي أنتي..لزوم هالشيء..
جيهان بين دموعها:بس أنا ماأبا..
أم فهد تنهدت:مالي إلا عمك سعود يتفاهم معك..
ودقت عليه عشان يدخل..
سعود فتح الباب:عسى خير يارب..علامها تبكي؟؟
أم فهد تعدل جلالها ألي على راسها:تقول ماتبي تشوفه ولا يشوفها..
سعود التفت لجيهان:افا بس..وليه يابنتي؟؟
جيهان بتوتر:خايفه ياعمي..
سعود بابتسامه:أنا معك يا بنتي لا تخافين..ألي يسمعك يقول أنك أول مرة تتزوجين..
جيهان ابتسمت بتوتر:ذا غير وذاك غير..
سعود:صدقتي يا بنتي..وش جاب ألي جاب..
أم فهد تناظر ببنتها:يلا يا بنتي..سمي بالرحمن ودخلي وعمك بيكون معك..
جيهان بدت تبكي بخوف..
سعود ضم بنت اخوه وبحنيه:لا تبكين يا بنتي..وأن جانك ما تبين تشوفيه مراح تشوفينه بس لا تنزل دمعه من عينك..تراها غالية..
جيهان ببرائه:صدق..يعني مراح اشوفه ولا يشوفني..
سعود ابتسم له:أي بإذن الله..
أم فهد تنهدت:الله يهديك بس يا بنتي..
سعود:خلاص لا تضغطي عليها يا أم فهد..خليها على راحتها..
أم فهد:إن شاء الله..
سعود:بيدخل راكان ويبارك لك..
أم فهد:طيب..
ودخلت جيهان داخل بالصاله..
وسعود ناد راكان ودخل بكل شموخه..
كانت أم فهد ورى الباب..
وجاء قبالها وباس جبينها ومد لها 1000 لحبه الرأس..
راكان:أخبارك ياعمتي؟؟
أم فهد بابتسامه(مزيون تبارك الرحمن):طيبه يا ولدي..أنتي كيفك؟؟
راكان:بخير بعد شوفتك ياعمه..
أم فهد:الله يرضى عليك يارب..
راكان:وياك..
ودخل للمجلس هو مع سعود..
سعود بهمس:البنت خايفه وما تبي تشوفه..
أبو فهد بقهر:قول لها تجي لأكوفنها وأبعطها قدامه..
سعود بقهر:اقول لك البنت خايفه تقول أبعطها..
أبو راكان:أهم شيء راي البنت..وخلوها براحتها..
أبو فهد:وش رايك يا راكان؟؟تبي تشوفها ولا؟؟
راكان بغاها من الله وبتأيد لكلام ابوه وسعود:أي أهم شيء رايها..وخلوها براحتها..بعدين أشوفها بإذن الله..
أبو فهد وسعود:أي إن شاء الله...
ودقايق إلا وهم طالعين..
ولبستها الشبكه أمها
..وخفوا الحضور..
وما بغى في الصاله إلا أم فهد وجيهان وريم
ريم:حسافه مشاف جمالك ذا..
جيهان براحه:الحمد لله..هم وانزاح..فديت عمي بس.. أقنعهم..
ريم:ههههه..يقول لي سعود أنه ابوكي ما رضا بس ابو راكان وراكان قالوا خلوها براحتها..
جيهان:........
أم فهد بين دموعها:الله يسعدك يا بنتي..
ريم:امين يارب.."وحبت تغير الموضوع عشان ماتنقلب الكلام لحزن"إلا وين ام راكان انا ما شفتها..
أم فهد تمسح دموعها:انا بعد ما شفتها بس لما سألت بناتها قالوا أنها تعبانه ولا قدرت تجي..

يتبع...

**الكاتبة ساندرا** · 01-04-2012, 04:41 PM

رد: رواية تتعب لو معي تلعب للكاتبة ساندرا

ريم:امين يارب.."وحبت تغير الموضوع عشان ماتنقلب الكلام لحزن"إلا وين ام راكان انا ما شفتها..
أم فهد تمسح دموعها:انا بعد ما شفتها بس لما سألت بناتها قالوا أنها تعبانه ولا قدرت تجي..
ريم:الله يكون بالعون..
.
.
في اليوم التالي..
رجعت من كليتها وشافت امها واخوها عبدالله واختها يتغدوا..
صعدت فوق وبدلت ملابسها ولبست لها بجامه هاديه ونزلت تحت تتغداء معهم..
انتظرت ان اخوها يصعد فوق وبدت كلامها..
أروى:يمه صاحبتي عزمتني على بيتهم اليوم..
ام عبدالله:........
أروى:وحلفت أني أن مجيت بتزعل علي..
ام عبدالله:طيب روحي..
أروى كانت واثق هان امها بتوافق وبابتسامه:تسلمين يايمه..
ام عبدالله:من ألي بيوديك؟؟
أروى:كالعاده بتجي صديقتي واخوها يوصلني لبيتهم..
ام عبدالله:أي كذا زين..اهم حاجه ان اخته موجوده مو بالحالك يعني..<<مالت بس..
أروى بنفس ابتسامتها:افا عليك بس..
ام عبدالله:متى بتروحين؟؟
أروى:بعد صلاة العشاء..
وسكتوا شوي..
فاطمه:وربي اني منقهره اني مرحت خطوبة راكان..
ام عبدالله تنهدت:كان خاطري انه ياخذك يابنتي..
أروى كشرت:ذا النصيب يايمه..
.
.
.
جلست تفكر بجيهان وابتسمت:الله يسعدها يارب..
مرام:اميين يارب..
حنان:وربي اني فرحت لها كثيرر..
مرام:حتى انا فرحت لها..صايره قمر بسم الله عليها..
حنان:هي ملكة جمال أساسا..بس ابوي قهرني لما مخلانا نجلس اكثر.."وهي تقلده"بسررعه يلا..
مرام:ههههههه..كل ذه عشان ما يبي يشوفنا احد..ويتقدموا لنا...لان تعب من كثر مايبجيب لنا اعذار..
حنان ابتسمت بهم:ما كذبتي ياخيه..إلا وين الست رنيم؟؟
مرام بهمس:عند ابوي..
حنان:الله يستر بس..وش مسويه؟؟
مرام:مدري والله..علمي علمك..
ومرت 12 دقيقة وجا ترنيم وملامحها متغيره..
حنان بخوف:عسى خير إن شاء الله..
رنيم جلست قبالهم وبهم:ابوي بيسفر الخدامه..
حنان ومرام بصدمه:وليه؟؟؟
رنيم بضيقه:قال خسارة فيها الفلوس واحنا وش حضرتنا..ننظف ونكنس ونطبخ عنها..ومن بكره بيسفرها..
مرام بضحكه وبمزح:اجل نقول لها تسحر ابوي قبل متروح..
حنان:ههههههه..الله يقطع بليسك بس..
رنيم:ههههههه..فكره حلووه..
حنان:الله يعين بس..ندرس وبعدها نكرف..خووش والله..
رنيم ومرام ألي حسوا ان نفسيه اختهم تحسنت بقوة وبشكل ملحوظ..
رنيم حطت يدها على كتف حنان وبابتسامه:دووم البسمه بشفتك ياخيه..
حنان ردت لها الابتسامه..
مرام بفرحه:أي كذا اختي..ترى الدنيا ماتسوى.."وقامت تنشد"دنيا ما تسوى تعاني ليه مضايق حزين..
حنان:هههه فديتكم بس..
مرام بجديه:بس صدق يا أختي وش ألي غيرك كذا..بين يوم وليله..قبل كنتي مهموم ودحين غيررر..ابا اعرف السبب..
حنان بابتسامه وهي تسترجع ألي صار لها امسس

*** بعد مرجعت من بيت عمها..كانت سعيدة لجيهان قوة كما لو هي ألي ملكت مو جيهان..
جلست بغرفتها تبكي وهي مهمومه بالحييل..
وقاطعه بكائها صوت جوالها..كان الوقت متأخر عند الساعة 1:32
ردت عليها:هلا جهوونه..
جيهان:هلا قلبي..أخبارك ياعمري؟؟
حنان تنهدت بهم:الحال زي منتي عارفه..الحمدلله..
جيهان:أنا دقيت عليك ياحنان بهالوقت متعمده..
حنان:؟؟؟؟
جيهان:حنان بدل ما تبكين دحين على واقع انتي راح تعيشين بيه..روحي صلي لك ركعتين..لا تقولين لي كيف عرفت صووتك باين أنك كنتي تبكين..
حنان:..........
جيهان كملت بحب ورويه:ادعي لربك في صلاتك..وكثري استغفار ياغناتي..سبحان الله للأستغفار والذكر راحه وثواب واجر من ربك عظيم..والأهم رضى الله عليك..
حنان:.........
جيهان:ادري أنك مهمومه بسبب ظلم عمي..بس انتي لو فكرتي شوي..مقلتي يمكن تكون خيره..وعسى ان تكرهوا شيئا وهو خير لكم وعسى أن تحبوا شيئا وهو شرا لكم..والشيء الوحيد ألي يرد القدر هو الدعاء مخلصه لله..وتقربي من الله..
حنان:ا.....
جيهان قاطعتها:حنا صدق نصلي بس مو بخشوع وخضوع واخلاص لله عز وجل..شوفيني أنا ياحنان..
من شهور وانا متعذبه مع ابو يوسف وكنت ادعي ربي بكل ليله واصلي قيام الليل..أنه يبعدني عنه..وسبحان الله شوفي كيف ربي كافئني..والحمدلله على كل حال..
حنان:جيهان..
جيهان:قلبها أنتي..
حنان: شكرا على....
جيهان قاطعتها:لا تشكريني أنا مسويت شيء..روحي صلي ياقلبي وبكذا أنتي شكرتيني وزود بعد..وادعي ربك..
حنان بابتسامه:إن شاء الله..مع السلامه..
جيهان:مع السلامه..
وسكرت جوالها منها وراحت توضت وذكرت اسم ربها قبل وضوئها وفرشت سجادتها..
وكبرت:الله أكبررر..
وصلت بخشوع وخضوع..
ودعت لربها أن يكتب لها ألي فيه الخير..ويبعد عنها الشر..
ودعت عن همها:
اللهم إني عبدك ابن عبدك ابن أمتك ناصيتي بيدك، ماض في حكمك، عدل في قضاؤك، أسألك بكل اسم هو لك سميت به نفسك أو أنزلته في كتابك، أو علمته أحدا من خلقك أو استأثرت به في علم الغيب عندك أن تجعل القران ربيع ، ونور صدري، وجلاء حزني وذهاب همي"

حست براحه كبيرة..محست فيها من قبل..
كنها ملكت الدنيا كلها..

يتبع...

**الكاتبة ساندرا** · 01-04-2012, 04:43 PM

رد: رواية تتعب لو معي تلعب للكاتبة ساندرا

حست براحه كبيرة..محست فيها من قبل..
كنها ملكت الدنيا كلها..
ولماذا العجب!!!!!
ألا بذكر الله تطمئن القلوب..
سبحان الله..
بمجرد ذكره والتقرب منه يجعلك سعيدة
أيعجز أحدكم عن قول"سبحان الله العظيم..سبحان الله وبحمده"
ألا تريدين أن تدخلي الجنه..
لماذا إذا لا تجعلين لسانك رطب بذكر الله..

وأنتي جالسه تسمعين أو تقرين ذكري الله..
ما يأخذ منك وقت..
وربي راح تحسي أن لدنيا طرف..
راح تحسي بحلاوة ولذه مو طبيعيه
بمجرد ذكر الله..
سبحان الله..

مرام باندماج مع أختها:صدقت والله..حنا وين وذكر ربي وين..انشغلنا عن ذكره..
حنان بابتسامه:ذاك أول بس دحين..بيصير رطب بذكره..
مرام ورنيم بحماس:وأحنا بعد نبي نصير زي جيهان وزيك..
حنان:ههههههه..
رنيم:ليه تضحكين؟؟
حنان:هههههه حسستوني كني جده وأنتوا أحفادي..
رنيم ومرام:ههههههههه...
.
.
.
وفي التلفون وبهم:اسكتي يا أختي..وربي أني جلست ابكي من أمس لحد اليوم..
أم عبدالله:بسم الله عليك يا أختي..
أم راكان:منقهره..أجل راكان ولدي يا خذ وحده ارمله..وش ناقصه هو.."وصارت تبكي"
أم عبدالله حزنت على أختها:خلاص هدي يا أختي..
أم راكان بين دموعها:انا خاطري أني أفرح فيه..مو يمر يوم ملكته كالمرور الكرام..كان ودي ياخذ بنتك..
أم عبدالله تنهدت:وربي انا بعد أبي ولدك لبنتي..بس ذا النصيب وأنا أختك..
روان ألي جالسه تناظر بأمها ولما خلصت من تلفونها التفتت لها:يمه أنتي وش ألي مزعلك؟؟
أم راكان تمسح دموعها بيدها:أنتي ترضين لولدك أنه يأخذ وحده أرمله..اهئ..اهئ..
روان اقتربت من امها وضمتها:يايمه يا حبيبتي أنتي..أنتي ما تدرين وش الخيره فيه..
أم راكان:الله يكون بالعون بس..
روان:أنا مقدره كلامك يا يمه..لاني أنا بعد مراح ارضى لولدي أنه يا خذ وحده ارمله بس أنتي ما تدرين وش الخيره فيه..الله يكتب ألي فيه الخير..
أم راكان هزت راسها بنعم..
.
.
.
استغربت لان بنتها مقامت لحد الان وراحت لغرفتها..
وبهمس:جيهان..جيهان..
جيهان بهمس:همممم..
ام فهد:قومي يا بنيتي.."وصارت تهزها وبخوف"ليكون صار لها شيء..جيهان علامك يابنيتي؟؟
جيهان فتحت عيونها بتعب:لا يالغالية مافيني إلا العافيه..بس مانمت إلا متأخر امس..
أم فهد تنهدت براحه:الحمدلله..خوفتيني عليك يابنت..
جيهان تفرك عيونها:عسى خير يمه..وش بغيتي؟؟
أم فهد:ابد يا بنتي استغربت انك تأخرتي بالرقاد وذي مو من عادتك..يلا قومي صلي الظهر لاتفوتك..
جيهان قامت بكسل:إن شاء الله..
أم فهد:الله يسعدك يا بنتي..
وطلعت من غرفتها وراحت للمطبخ..
بدريه ألي بالصاله تناظر بأم فهد
بدريه بهمس:هالعجيز ذي تدعي الألم وشوفها تمشي بخفه..
فهد ناظر با أمه من بعيد
بدريه كملت:ولا أختك أمس مفكره حالها ملكة جمال..مالت عليها بس..مدري وش عندها رافعه نفسها لفوق يا حظي..
أم فهد جات لعندهم بصحن القهوة والشاي..وجلست بشويش على الكنب..
أم فهد ناظر فهد وحرمته:قهوة ولا شاي..
فهد:قهوة..
أم فهد:وأنتي يا بدريه؟؟
بدريه حطت يدها على بطنها وبمياعه:القهوة مضره بحملي والشاي مالي مزاج اشربه..
أم فهد:.........
إلا بدخله جيهان وحبت ترد عليها:أي قولي انك ماتبين مو أنك تكثرين هرج..قولي ماأبي وخلاص..
بدريه افتشلت من رد جيهان وانقهرت منها..
جيهان جلست بجنب امها:مساك ورد ياأحلا وأغلا أم بالدنيا كلها..
أم فهد عجبها رد بنتها على بدريه وبابتسامه تجيب العافيه:مساك نور يا بنتي..صليتي؟؟
جيهان:أي صليت الحمدلله..
بدريه قامت من مكانها بقهر..
جيهان تناظر با أخوها:روح لها لاتزعل منك زود..بعدين تحرمك من حقوقك..رح بس رح..
فهد انقهر من اخته:الوعد بعدين يابنت امك..
ولحقها وأم فهد وجيهان ميتين ضحك عليه..
.
.
.
..على الغداء..
روان تأخذ الملعقة من يده:وبعدين معك غازي؟؟
غازي:أبا اكل..
روان:انا أأكلك..
غازي بزعل:لا أنا أبي أكل بالحالي..
روعه التفتت لهم:عطيه يأكل بالحاله ويفكنا من نوحته.."وصارت تناظر فيه"شوفي بدأ يبكي عطيه يسرعه ترى مالي خلق لضجته..
روان عطته الملعقه:كل بأدب ولا تعفس السفرة..
غازي يمسك الملعقة:تيب..
روعه ناظرت بأمها ألي ما مدت يدها على الأكل:علامك يمه؟؟
أم راكان تنهدت بهم:ما فيني شيء يا يمه..إلا منزلت شريفة تتغدأ معنا؟؟
روعه:لو تبي كان نزلت من دون دعوة..
أم راكان:طيب ليه مجاء اخوكي لحد ألحين؟؟
روعه:قال انه بيتعشى برأ مع ربعه..
أم راكان:اها..
.
.
.
..وفي أحدى المطاعم الراقيه..
راكان مستغرب:وش عندك عازمني بمطعم راقي؟؟ مو من عوايدك..

يتبع..

**الكاتبة ساندرا** · 01-04-2012, 04:46 PM

رد: رواية تتعب لو معي تلعب للكاتبة ساندرا

..وفي أحدى المطاعم الراقيه..
راكان مستغرب:وش عندك عازمني بمطعم راقي؟؟ مو من عوايدك..
أبو راكان:..........
راكان كمل:أنت بالعادة تعزمني على مطاعم عاديه مو فخم مرة وحدة..
أبو راكان يأكل
راكان بشك:أكيد الموضوع فيه إن..اعترف وش تبي؟؟
أبو راكان التفت له:إن لله بس..الشرها مو عليك الشرها علي أنا ألي جايبك بمطعم مو من مستواك..
راكان:هههههههه..
أبو راكان:الغلط مني أنا..ذي غلطه مستحيل تتكرر ابد..ويلا قم نحاسب..
راكان جلس أبوه:اجلس بس..المطعم غالي حرام نقط الأكل ولا كلنا منه شيء..
أبو راكان:قم بسس..
راكان:بس أنا مكلت شيء وأنا جوعان..
أبو راكان:ما به لزوم تأكل يلا قم بس..وأنا متعب نفسي وعازمك..
راكان:ههههههه..ياشينك بس لتحلطمت..هههههه..
أبو راكان:بعدد!! اجل ذا الكلام لي أنا يا ركوون..ماشي..ألي يعزمك بعدين..
راكان باندفاع:لا خلاص...خلاص..
أبو راكان:بل..بل!!!!
راكان بضحكه:هههههه.."وهو يشوف القائمه"..بس وش ذا المطعم ألي الحمص حقهم ب 30..حششى مو حمص..لو طالب وجبة من أي مطعم مجاء هالمبلغ..وهذا حمص بس..اجل لو اطلب دجاج ولا لحم كان خلوه 400..ههههههههه
أبو راكان بقهر:أي وأنا قلت بعزمك على مطعم راقي عشان انك مملك امس..بس الشرها علي انا..لو اعزمك على حمص وعدس ب 4 ريال من سكندر ابرك لي...
راكان:ههههههههه..امزح معك يبه علامك زعلت..
أبو راكان:هههههه..ادري عنك..
راكان وهو يأكل:مقلت لي بجد وش هي المناسبة..
أبو راكان بجديه:اسمع يا ولدي..أنت أحين مملك ولزوم تشوف جيهان..
راكان:بس هي ألي......
أبو راكان قاطعه:ادري انه هي ألي رفضت بس هذا ميعني أنك متشوفها يا ولدي..لزوم تحسسها أنك تبيها وشاريها والاحترام والتقدير بالحياة الزوجية مطلوبه ومهمة يا ولدي..حطها ببالك زين..
راكان:.........
أبو راكان بأهتمام:المهم..أنا جات ببالي فكرة..وش رايك تقول لأمك أنك تبي تعزم اهل جيهان على مزرعتنا كم يوم..
راكان:وليه أنا ألي أقول لها..ليه مو أنت ألي تقول لها؟؟
أبو راكان:لأنك أن قلت لها أنت راح تتأكد أنك أنت ألي تبيها من رضاك..أمك حاطه ببالها أني انا غاصبك على الزواج..
راكان:.........
أبو راكان:كنك مو مقتنع بفكرتي..
راكان بأندفاع:لا أنا مقلت كذا..
أبو راكان:أي على بالي بعد..
راكان:ههههههههه...
أبو راكان:أكل بس أكل أمك حرقت جوالاتنا من كثر ماتدق علينا..واسمع ان قالت لك امك ولا خواتك وين كنت وش تقول؟؟
راكان تعب من كثر مايطرحه نفس السؤال:أقول أني ماكل برا مع ربعي..
أبو راكان:أي..وانا ادخل قبلك بعدها انت بنصف او ربع ساعة تجي البيت عشان مايشكون زين..
راكان ياكل:انزين..

انتهى البارت..

رواية تتعب لو معي تلعب للكاتبة ساندرا (كاملة)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget