^ لا تدور اصابع الاتهام حولي الان ههههههههههه
والله ما تكلمت في موضوع غدر النساء اللي نزله الوسمي،
حرب النسوان والرجال اكيد بكون شبهه فيها من كثر ما حشيت فيهم
اليوم استرجعت ذكرياتي مع الكلاب والبساس وباقي الحيوانات من طيور وكائنات متنوعه،
اللي مدري ليه يعذبونه ويجيبونه من ارضه هو السلحفاه،
على قولة اختي وهي صغيره، تقول مافيها حنان ههههههههههه
حولنا كلاب صغيره كل شوي تجدد الحنين
اخر جرو كبر معي كان في غياب البابا
بعدين كبر شوي يعني نهاية سن الطفوله
وجا ابويه من السفر وخليته ينام برا، فضحني
يعوعو عند الباب طول الليل وابويه ماعنده الا البندق
عشان معنا طيور ووز وبط وارانب بالبيت ويحميها من الكلاب.
بعدين امي قالت له انا نربيها واخذها للغنم
كبر بعيد عن عيني وسار كلب وسيم وكذا
والله يعوضني خير فيه، راح في حادث.
بس ليه هالكائنات نجسه (فيس بدمعه)
صحيح الزين ما يكمل.
وكمان القطط كلها أمراض رغم كياتتها وحركاتها اللي تعذبني
أخويه يوم حكيتله عن هالعشق الممنوع قال ربي طيور !
مبسوط هو من صاحبه انه مدرب كناري، ماشاء الله عليه.
يبغاني اسوي مثله، ماش انا اما كلب او ذيب وبساس والا حصان على طول، غيرهم مابينا انسجام.
الوسمي وش اللي نحب التشكي، على اساس فيه خيار اخر غير تفريغ الغضب على المواعين.
انتو حرين باختيار وسيلة التنفيس، مو بانتظار رضى او موافقة احد، الخيارات روعه.
اصحى اليوم القى اخويه متصور بالطياره رايح لوس انجلوس،
جلست اصيح من الغبنه، الله يحفظه ما ودي الحقه بسوء.
هل أنتظر راي أحد أو موافقته ؟!.............
خلو الانثى في صراحاتها حتى لو اشتكت، ما وصلت تشكي في العلن من فراغ.
تعليق