تغريدة صباح } ..

**ShahrzaD** · 30-05-2016, 01:19 PM

رد: تغريدة صباح } ..

صورتي الرمزيه نويت اغيرها كم مره بس ماتحول قلبي لغيرها.
ثابته إلين يتغير الحال وألقى صوره يتفق كلي معها.

**ShahrzaD** · 01-06-2016, 12:57 AM

رد: تغريدة صباح } ..

ياصباح الروقان :)

اش فيكم يا عزيزيني زعلانين، مين اللي في المنتدى يزعل نفر كويس وأنة حرف والله أعلم مين زعل مين كمان . هذا ما معقول ^_^
لايكون رجعت حركات المقالب

ارجوكم بلاشي مقالب في بعض خلاص سمجت ( أصبحت سخيفة)
تذكرت مقلبي في مآثر اللي نسيت أنزله.. بنزله هنا حصري لمتابعيني فقط

اي نسيت أبارة لكل الناجحين والله أفرح بخبر النجاح للكل خصوصا ان عندنا بالبيت خريجه جديده ^^
أخر العنقود تخرجت من الثنوي ب ٩٦ ٪‏ الله يوفقها بالتخصص اللي ماتندم إنها أختارته وجميع الخريجين يارب

**ShahrzaD** · 01-06-2016, 04:27 PM

رد: تغريدة صباح } ..

وهذا المقلب المغبر من رمضان اللي فات هههههههههه
أتمنى يكون ممتع خصوصا لمآثر

ShahrzaD

-سلام عليكم
اليوم مالك حس بالمنتدى،،
بس بسألك ،، كيفك مع الشعر والخواطر خصوصا الخواطر؟

وردة أمل

-وعليكم السلام ..
ايه اليوم عازمين ببيتنا وانشغلت شوي ..
اممم اكتب بس مو خواطر خواطر لا خرابيط كذا .. ليه في شئ .؟

- أجل نسولف بعدين لا فضيتي،،

-لا حبيبتي عادي انا فاضيه الحين ..

- طيب
تقولين انك تكتبين خرابيط،، بس أنا واثقه انك شاطره في التعبير الفصحى ع الأقل،،
لأن فيني مشاعر صادقه ودي أترجمها في خاطره حتى لو مو سليمه مره لكن توصل المطلوب.
وابغى استعين بمخك .

- أها يعني إنتي بالضبط ويش تريدي تسوي؟

- راح أشرح لك قصة الخاطرة ،، وتكتبينها (عادي خذي راحتك يوم يومين )
وأنزلها بإسمي في المنتدى إذا ممكن،، لانها عن صديقتين بعبير بينهم تتش
وودي أنزل خاطره ك صلح،، طبعا بمساعدتك.

موافقه؟

-ايه عادي ..
بس ترا اقول لك من الحين ما اعرف اكتب خاطره زينه ..

- شفتك طولتي قلت أكيد مو موافقه ،،ماتبغى أكتب اسمي على مجهودها

.. بس طلعتي كفو
شوفي عندي شروط :
أبغاها ما تقل عن ٢٠ سطر
ونسقيها زين،، وبعدين نحكم على الكلام اذا خلصتي .
لا يطلع الكلام هذا ،،يبقى سر لأن الخاطره بتكون بإسمي بعدين تسير فضيحه .

- لا حبيبتي بس تفلشت من موقف صار لي الحين عشان كذا تاخرت ..
اوك بس ويش المشكله بالضبط ؟.

وترا انا ما اكتب فصحى اكتب عادي ..
سرك ببير غلاتي .،

- لا ليه عادي ما يصلح إلا فصحى !

-اممم اوك بحاول وبعدها بنراجعها انا وانتي ونعدل فيها ..
بس ويش نوع المشكله والغايه من الخاطره .؟
يعني اشرحي لي اي شئ عشان اعرف ويش اسوي كلام.

-المشكله هي ان البنتين صداقتهم قويه وممتازه لكن دخل بينهم الشيطان وسارو أعداء
ودي أوصل لهم ان الصداقه فوق كل شي والمفروض يتمسكو فيها فوق كل الظروف.

يلا اكتبي اول سطرين ك بدايه ونشوف :)

- عطيني اول سطر وانا اكمل عندي مشكله بالبدايه.

-انا لو سهله علي ما طلبتك :(
شدي حيلك حتى لو للصبح ،،الله يعيني بصبر. << الله يعينها هي

- اوك ..

شوشه يا حلوه تخيلي ان الخاطره ع اربع اقسام خبريني في كل قسم عن ايش اتكلم ..

انا اقول لك القسم ١ عن صداقتهن وعلاقتهن الاوليه وكيف كانن مبسوطات مع بعض

القسم ٢ الوضع بعد الخلاف ..

القسم ٣ والقسم ٤ يش تبيني اسوي فيه ؟
<< رهيبة.. حل المشاكل بتقسيمها زي الأستازه مآثر

-القسمين الأخيره تكون فيها النصيحه والحكمه ،،يعني توجهينهم للتصرف السليم.. وارسمي رسمه مع الخاطره لبنتين ماشين مبسوطات مع بعض << زودت العيار نيهههههاي
ورسمه بسيطه فوق الخاطره لكلمة الصداقه.

- ويش قصدك برسمه ؟ << بسم الله على قلبك من الصدمه

-رسمه ترسميتها بيدك مو صوره من النت . <<

- اها يعني انتي تبيني انزل الخاطره كامل مع الرسومات كصوره او اني اكتبها هنا والصور تنزليها لحالها مع الموضوع .؟ << تكتب وتدعي على اليوم اللي عطتني وجه فيه

-اي كلها في موضوع واحد ابنزلها مره وحده.
سؤال وجاوبي بسرعه اوك،، << بلحق عليها قبل تكتب وتاخذ الموضوع جد زي حكايا

يعني انتي مستعده تكتبين لي خاطره لا تقل عن ٢٠ سطر وفصحى وتزينينها برسومات من يدينك ؟
وفي النهايه تكون بإسمي مابيكون لك أي دخل فيها بعدين ؟

- امممم خاطره ايوا لكن رسومات صعبه شوي. <<

طلع الصدق

- كثر الله خيرك أصلا انك قبلتي في الخاطره فما بالك الرسومات

نزلي القلم وشيلي الورقه،، ما ابغى خاطره ولا رسمه.

مقلبتك

- لا عاد تمزحين اكيد << ترا من جد البنت عصبت

-والله مقلب في سموك الكريم

متى اللحظه اللي حسيتي اني زودتها وتعجبتي مني؟

- شهرزادوه يا دبه هين اصبري بردها لك الحين اول ما طلبتي مني تركت اهلي والعزيمه واراسلك واشغل مخي ويش بكتب للبنيه وادور كلمات ومسحت الرسائل واسئل المشرف العام يصير ارجع الرسائل ومنقهره والحاله واخرتها مقلب بس خلك الحين رمضان بعد رمضان بردها لك يا الدب

لما قلتي اريد رسمه وتعجبت اكثر من رسالتك الاخيره اللي تقولي فيها جاوبي بسرعه انقهرت وكان ودي اقول لك تقلوعي
لاني حسيتك تستغليني بس قلت لا شوش طيبه وطلعتي ***** استغفر الله ما ودي اسبك برمضان ان شاء الله بعد رمضان بوريك يا شوشوه

- هههههههههههههههههههه
والله انك ذوق وماتقصرين والمقلب هذا كشفلي انك قول وفعل مو صديقه عاديه

فيني فضول اعرف وش بتسوين بي بعد العيد

**ShahrzaD** · 03-06-2016, 01:25 AM

رد: تغريدة صباح } ..

‏" وفي المرأة امرأة أخرى لا يعرفها أحد
‏تستيقظ فقط حين تنكسر⁰حين تؤمن ألا أحد في هذا العالم سيكون معها
‏فجأة تصبح أقوى في العزلة.! "
‏*نجيب محفوظ

**ShahrzaD** · 03-06-2016, 03:10 AM

رد: تغريدة صباح } ..

صباحكم حلو زي وجهي بالمكياج

الحين جربتو حظن يداويكم غير حظن الأم ؟...
أنا من يوم جلسو عندنا تاليتابيز وانا ماعاد حضنت أمي

أقصد أطفال أختي

أحجام تجنن ، اذا كنت أصلي وهجمو ع الغرفه وجت ست الحسن والجمال أختهم الصغيره جنبي، والله لو مافيني تركيز انزل يديني وأضمها ^_^. وأبغى ما تروح لين أخلص صلاتي واعضها ولو في مجال أكلها علك.
المهم كل ماحسيت بتعب والا ملل هم يداووني.. بيخلوني أتزوج بس عشان تكون معي بنوتة عسل وتكون صديقة أمها ^_

الان خلصت من رسمة أرهقتني نص يوم لأن من زمان ما رسمت واللياقه الفنانيه صفر،، والحمد لله طلعت حلوه بزياده عن توقعي.. وأول مره أرسم بألوان الخشب هي هالمره وحبيت التجربه . كلي أشكي من التعب حتى قلبي يخفق كثير كأني كنت في إختبارين توفل ورا بعض

سلامتي والله يسلمني ومايسمني .. سلام قبل تتدهور خفة دمي زياده

**ShahrzaD** · 03-06-2016, 03:20 AM

رد: تــغــريــدة صــبــآح } ..

مركز التحميل تبع عبير مايفتح بالجوال.. وأخاف أحمل الصوره ويطلع حجمها كبير جدا.
اكبسو ع الصورة وشوفوها بحجمها الطبيعي ولاتبخلو علي بالكلام الحلو التشجيعي

**ShahrzaD** · 06-06-2016, 01:33 PM

رد: تغريدة صباح } ..

أهنيكم بقدوم الشهر الغالي
كل عام وأنتم بألف خير وصحة وعافية

اللهم اجعلہ شھرا تتبدل فيہ ذنوبنا إلى حسنات
وهمومنا إلى أفراح وأحلامنا إلى واقع . .
جعلنا الله من المقبولين فيه وبلغنا تمامه .. اللهم آمين

مبارك عليكم الشهر

**ShahrzaD** · 10-06-2016, 03:45 PM

رد: تغريدة صباح } ..

‏" اللهم إني أسالك حسن الصيام وحسن الختام ولا تجعلني من الخاسرين في رمضان
‏اللهم اجعلنا ممن تدركهم الرحمه و المغفره والعتق من النار "

"

"

**ShahrzaD** · 10-06-2016, 03:58 PM

رد: تغريدة صباح } ..

السلام عليكم.. مساء الخيرات

أختكم مجهده نفسها ومسويه دايت ف مافي طاقه للتعبير هنا،، أخاف أجي وأعبر بعدين أجوع وأخرب الدايت

الحمد لله جالسه أنقي جسمي من السكر بكل أنواعه ماعدا الفواكه والتمر ووالعسل بس بكميات قليلة ومكتفيه بالفاكهة،
والدهون والمعجنات والخبز والشغلات الدخيلة على الغذاء الصحي مثل المواد الحافظة والمسليات من شبسات وشكلاتات ...حتى العصيرات اللي من برا.
اللي يساعد هو كثرة شرب المويه والرياضه .. اسوي رياضة الكارديو جدا مهلكه وتحتاج وزن معقول يعني ما انصح بها اللي وصلو للسمنه .. يخففون قبلها عشان ما تتضرر المفاصل والعضلات أو العظم كمان.
الحمد لله ماشيه تمام من الجمعه اللي فاتت للجمعه هذي ^_^
واللي ساعدني ع التحكم بحجم الوجبة هو شرب مويه قبل الاكل قد أكبر كاستين عندك وبعدها اكل وأحاول ما امتلي عشان ألحق اتمرن بسرعه مو انتظر ٤ ساعات او ٣.

أتمنى أواصل وتسير نمط حياتي، كنت على هذا الحال قبل ٦ سنين وخربت بعدها ورجعت الان استعيد هالنمط. لان الحلو فيه اني ما اشتهي نكهات ولا تغريني الاكلات المغرية وروائحها،، وأسير أكل عشان أعيش فقط مو أعيش عشان أكل

. ويروح الكسل والنفسيه تصبح تمام.

حبيت أنفض غبار مدونتي شوي.. سلام

**ShahrzaD** · 12-06-2016, 01:39 AM

رد: تغريدة صباح } ..

تقبل الله من الجميع

يالله هاتو المتر عشان نقيس البطون.. لا تتحمسون قدامكم عيد والمقاسات مو سهل تتوفر كلها

اليوم أبويه جايب قشطة (لايت) يعنني قليلة الدسم ههههههه شاف البيت كله عاملين دايت قام يجيب شغلات لايت، خدعوك يا أبي كيف تجي قشطه لايت :)

البنات في السناب لما شافو رسمي اشتغلو ارسمينا ارسمينا، وانا سبحان الله كنت حاسه انهم بيطلبون ف تكلمت عن هالموضوع وقلت اني ما أرسم أي وجه،، هو الوجه اللي يدعيني للرسم، وخصوصا اذا جابت لي وحده صوره مصورتها بطريقة ما تصلح أرسمها.. ف قلت إذا بأضطر أرسم وحده لازم أتمشى في الاستديو حقها لين ألقى الصوره اللي تناسبني.. على بالي أنهيت الموضوع، إلا الخاص اشتغل صور بالجمله هههههههههه كان ودي انها صور مكتمله كلها قطاعي .. أكمل صوره تجي نص وجه

لا اكثر.

تغريدة صباح } ..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget