تغريدة صباح } ..

تقليص
X
تقليص
 
  • الصفحة لـ 168
  • الوقت
  • عرض
إلغاء تحديد الكل
مشاركات جديدة
السابق 1 16 66 106 107 108 109 110 111 112 113 114 115 116 117 118 119 120 121 122 123 124 125 126 166 168 template التالي
  • ShahrzaD
    V - I - P
    • Oct 2009
    • 3801
    #1151
    رد: تغريدة صباح } ..




    له له له
    منو ياينا هالحزه...خطيب في الصراحه
    يعني زي قصص ذولاك اللي يقولو من DM الى الكوشه وكذا
    والله ما توصل للكوشه، هذي عند الكفار بس

    جوابي عزباء ليبراليه عاقله إلا صلاتها ماتخليها وتعرف انجليزي !
    ها وش قلت، بس ترا ما ابغى بيت والا شقه طول حياتي وانا ببيت
    شد حيلك وجيب طياره او هيلكوبتر، ما نوطي الارض الا نعبي بنزين ونسلم ونمشي






      تعليق

      • ShahrzaD
        V - I - P
        • Oct 2009
        • 3801
        #1152
        رد: تــغــريــدة صــبــآح } ..





        صباحكم انتعاش الاجازة ورفاهيتها
        من يوم حطيت علب القهوة عند راسي وأنا أصحى في ستار بكس
        توي اتعرف على قهوة محمد باشا وهي اول قهوة تركيه تخليني اشرب القهوة التركية.
        وكمان خالطتها مع القهوة الفرنسية بدون بندق طبعا، أستثقل البندق ولست من محبينه.
        حبيتها وطنشت عدة القهوة الامريكيه لزمن، يجيلهم يوم وأحن.
        والله راسلت العمل وقلت لهم كنسلو اجازتي بجي اداوم،
        للحين ما ردو وشبعت نوم، وشهوله اجلس مأجزه وانا مسويه زعلانه.
        اصبحت متمرده ومدري هل فيه رجعه لي والا انتصار والا ضرب، معادهي فارقه.
        فيه موضوع معدي حده وهو لما يستخدمو الاهل موضوع رضى الوالدين كوسيلة تحكم!
        كان راس مالي حسن الخلق ورضى الوالدين، كنت متأمله ان اللي بيدخلني الجنه هالشيئين،
        وبعد تراكم مواقف وناس وازمان تحولت.
        مو بيدي التحول، وكل من ناقشني اقنعته معي لذلك ما اناقش احد بتحولي،
        لأنه ما يسرني لين القى نتيجه من تمردي بعدها يتحولون معي بكيفهم.

        الموضوع مو عشان السفر ابدا، كللنا اتوجدنا بهالوجود بدون اختيارنا
        ولكن هل هو مقبول اننا نعيش برضو باختيار وطريقة غيرنا ؟!
        اقلها شعري مو من حقي اقص، بايخه !
        ويغضبون علي بالاسابيع لين تجي الواسطه الأنجح عشان يسامحوني،
        واخويه سوى قزع صريييح وماجاه حتى عتب.
        هذا حال كل البنات والشباب وشي عااادي بنظرهم، متعودي على التحكم.
        لكن أنا أرسلت تحيتي لكل المتمردين في بيوتهم واللي ما رضو يعيشون بإختيار غيرهم وسلكت هالدرب.
        الحياة أقصر من ان امور بديهيه ومن حقي تكون " أمنيات".


        تحتسي قهوتها البارده وترفع صوت ماجد المهندس وتنتقل للمشاركه اللي بعدها...

        ههههههههه تذكرت المؤلفين للكتب الجدد فاشنيستات وكذا
        وانا كنت مؤجله مشروع التأليف لسن التقاعد عشان اكون نضجت واحترقت بشكل كافي .







          تعليق

          • ShahrzaD
            V - I - P
            • Oct 2009
            • 3801
            #1153
            رد: تغريدة صباح } ..




            جتني مشاركه على الاسئله اللي نزلتها ، مسموح تسوو نفس الفعاليات بمدوناتكم اكيد
            وممكن تزيدو او تغيرو في الاسئله.
            اللي جاوب صديق الصراحه، ماشاء الله كريم في الاجوبه كعادته
            اسعدتني بمشاركتك والله وعقبال باقي زوار مدونتي :)
            فيه قلال حياء سويت لصراحاتهم حظر من مده، عسى ما علم على جبهتكم
            تعيشو وتاكلو اكثر.

            نرجع للصديق الصريحي، اشكر لك المديح والله يجعلني استاهله
            اما مشكلتي مع الشباب والحب والزواج، ونزعة العداوه بداخلي لهم
            كان ودي ان نظرتي لهم ورديه والله، ولكن من صغري وانا افتح نفس الناس للفضفضه
            وسموني دكتور فيل، دكتوره فوزيه الدريع، مريم نور ... مسميات على اساس اني حلالة مشاكل
            وانا ما احل مجرد اخليهم يفضفضو واخليهم يفكرو بصوت عالي ويجدون الحل.
            واللي لقيته ان معظم معاناة الانثى المجتمع الذكوري والعينات المتمرجله المتواجدين بكثره.
            حتى الانظمه والمحاكم والعادات والتقاليد، والضوابط الشرعيه تتوجه للمرأه والرجل مضبوط شرعيا بخلقته الله يحرسه.
            الان بفضل الله فيه تحول كبير مع حبيب قلبي الملك سلمان وابنه العزيز على قلبي محمد اللله يطول بعمرهم ويبارك في جهودهم، ما ني من اللي انتظرو الرياضه النسائيه ودخول الحريم للملاعب ، حبايبي سعو في تمكين المرأه في المناصب القياديه وتفعيل دورها في المجتمع وهذا يعكس انهم شي فريد من نوعه على تاريخنا، شيييي وااااو للان استوعب التغيرات حتى في المحاكم كان فيه احكام تعتبر اضطهاد للمرأه تحووولت كليا والان في صف المرأه وشالو كل قاضي فيه تخلف الرجال الاول وبدلوه بالقائد الحقاني الحيادي واللي ينجح بعدم التحيز وكذا. لو بتكلم والله ما ألحق على ربع التحول اللي جالس يسير، المرأه كان ينظر لها وتتعامل على انها ما تقدر ما تفهم ما تقدر تدبر امورها ، لين كثير منهم تبنت هالفكره وتنقلها لبناتها واستمر الهدم في اجيال.
            وش اقول وش اخلي.


            نجي للحب والزواج، الحب ولا اروع منه، هو اللي يذوقنا طعم الحياة
            وانا مع الاختلاط لان لو كنا عايشين مع بعض كان اختار الشخص شريكه الثاني وبقناعه.
            لما اقول مع الاختلاط ما اقصد يسيرو احباب ويبنو قصه بعدين زواج، نهي نهي
            كلهم بيتعاملو بتربيتهم واصلهم والتعامل يكون بحدود، اللي ما يعرف حدوده نفهم انه مايصلح للزواج،
            نبغى نشوف تحركات وتعامل وفكر اللي قدامنا على الواقع، مو في فترة الملكه لما يلبس ثوب النبي.
            للان لما يقولو لي توافقين على مدري مين ؟ اضحك واقول على ايش اقرر
            مابيدي غير استخير واقول ( لأه )
            طبعا كلامي ماهو منزل من السما، مجرد اراء شخصيه طرحتها ومع الزمن ممكن تتبدل تتعدل الله اعلم.







              تعليق

              • ShahrzaD
                V - I - P
                • Oct 2009
                • 3801
                #1154
                رد: تغريدة صباح } ..





                نفر وتدوينته عن يوم الرجل العالمي ذكرتني بمقطع محمد صبحي ههههههه
                اكثر مقطع ضحكني هالسنه اشتهر بقوه
                ما لقيته الا بتويتر
                x.com
                https://twitter.com/mnal_1133/status/924976610993999872

                انتو الرقاله لمو بعضيكو وروحو مقلس الشعب يمممكن تخدو حريتكو
                إحنا ..! اتفلتنا خلاس ههههههه

                لازم اشوف هالمسرحيه



                  تعليق

                  • ShahrzaD
                    V - I - P
                    • Oct 2009
                    • 3801
                    #1155
                    رد: تــغــريــدة صــبــآح } ..




                    اللي مختار التوقيت نسويه مافيها كلام
                    هههههههههههههههههههههههههههههههههههههههههههههه

                      تعليق

                      • ShahrzaD
                        V - I - P
                        • Oct 2009
                        • 3801
                        #1156
                        رد: تغريدة صباح } ..



                        ‏“الجأ للعزلة لأنني لا اعرف طريقة أخرى أحتج بها على العالم.”


                          تعليق

                          • ShahrzaD
                            V - I - P
                            • Oct 2009
                            • 3801
                            #1157
                            رد: تغريدة صباح } ..


                            كوني اقوى واكثر اصرار ستجدين الف طريقه للاحتجاج غير العزله .
                            انقطع حيلي، جا دور العالم يراضوني.
                            نقلب الصفحة

                              تعليق

                              • ShahrzaD
                                V - I - P
                                • Oct 2009
                                • 3801
                                #1158
                                رد: تغريدة صباح } ..



                                حكمة الصفحه الجديده:

                                " ‏لو تفكر ان الفلوس هي اللي ممكن تغيرلك حياتك ،معاك حق "

                                الدوام كنت مرسله لهم يكنسلو اجازتي لين شفت رسايلهم بينهم عن شغلات بالعمل،
                                تذكرت غثاهم قلت النوم أطعم، وكنسلت الكنسله
                                جاني دوخه من كثر ما انا متسدحه واسرف بالراحه


                                تصحيح.. عزلتي حتكون على الناس بالواقع
                                اما مدونتي والنت لا ماوصلت لرغبتي بالعزله عنها.. لسى.
                                والشرهان لقبي لو سمحتو، وين حقوق حفظ الألقاب !
                                شكل الوسمي هو اللي بيمسك حقوق الألقاب


                                  تعليق

                                  • ShahrzaD
                                    V - I - P
                                    • Oct 2009
                                    • 3801
                                    #1159
                                    رد: تغريدة صباح } ..




                                    ياحياتي يالغيرانين في الصراحه
                                    سواء كنت ملاك ابيض والا شيطان كحلي وش حارق رزك
                                    كان ودي اعتبرها نصيحه لكن واضحه النيه





                                      تعليق

                                      • ShahrzaD
                                        V - I - P
                                        • Oct 2009
                                        • 3801
                                        #1160
                                        رد: تغريدة صباح } ..





                                        ‏- استغرب من الناس اللي يتلخبط نبضها من كلمة احبك
                                        على العموم تراها كلمة مو شاورما .

                                        ^ ‏ي جماعه، مو معقوله كل حياتنا اكل اكل اكل ،
                                        خلونا نتكلم شوي عن الحب ؟. مين يحب البيتزا؟
                                        هههههههههههه أمبسط على البيسيات المضحكه والنكت، الحمد لله ذا العاده ما اختفت.

                                        جايه اتكلم عن الشباب الان اللي يتابعون الفاشنيستات، مابحسابي ولا وحده منهم!
                                        كنت متابعه وحده بعدين حذفتها وبعدها وحده ثانيه وحذفتها وبعد كم وحده تبت نهائي.
                                        اشغلوني بكماليات وامور ماهي ظروريه بحياتي، سارت تروح فلوسي على امور المكياج والماركات.
                                        وانا في الاساس ابتكر عدة استخدامات للمنتج الواحد زي الروج شي اساسي ويكون روز او مشمشي اطلع له استخدامات متفرعه كحمرة خدود وظل عيون بنفس الوقت مو بخل بس ما احب زحمة الاغراض بحياتي، وهم اثرو فيني بهالمغريات واثرت على نفسيتي لانها مو حولي لازم اطلب من النت. لذا لغيتهم من السناب مرره.
                                        اكيد لهم تأثير ع لشباب برضو ولا اتخيل وش تأثيراتهم لكن اللي شاغل بالي بهالموضوع ،
                                        انو اذا تزوجت وطلع زوجي مطلع على مستجدات مستلزمات المرأه ومكياجها واكون انا غايبه عنها
                                        يغلبني في امور اولى انا اعرفها، له له له... والا تسير هداياه كونتور، اي شادو بالت
                                        وينسى ان البيتزا اطعم. كله من الفاشنيستات


                                          تعليق

                                          السابق 1 16 66 106 107 108 109 110 111 112 113 114 115 116 117 118 119 120 121 122 123 124 125 126 166 168 template التالي

                                          google Ad Widget

                                          تقليص
                                          يعمل...