تغريدة صباح } ..

**ShahrzaD** · 09-03-2016, 03:36 PM

رد: تــغــريــدة صــبــآح } ..

احس بيجيني شي والسبه انتم وتحليلاتكم للذكاء انتف شعري الله
ليه الغالبيه تقول كلامه كله اسقاطات وانقاص من ذكاء الرجال
حتى بعضهم بدون ماينتهوا للكلامهم ان فيه اسقاط على ذكائنا !!

لا تنتف الشعر بتنفك الغرز

بالله عليك وش تنتظر جواب من الأنثى؟
معقول إنت بتوقف مع الهلال ضد النصر ؟...
طبيعي زي ما إنت متحيز لجنسك ونافخين الصدور إحنا بعد واثقين من أنفسنا ومتأكدات إننا مو هينات ومش أقل ذكاء منكم

**ShahrzaD** · 09-03-2016, 11:29 PM

رد: تــغــريــدة صــبــآح } ..

جيت من مدونة أنة حرف وأنا مدري وش أقول أو أعبر..
أتفق معاها بخصوص بعض المشاركات في موضوعنا النقاشي،،
وصحيح درست وبرضو قرأت هالدراسات وموجوده في كتاب علم نفس النمو وماخذه فيه منتاز ^^
الأنثى تنمو أسرع من الذكر.. تمشي قبله، تنطق قبله، علامات البلوغ أسرع منها عند الشاب.
وشفتها في بنت أخوي نطقت وهي أصغر من اولاد أختي وأذكى منهم الله يحفظها رغم انها مو جذابه لكن سلبتنا بكلامها واستيعابها والصوت صغيورووون

أتخيل الوسمي يرد ويقول ( إيوه إحنا ننمو وننضج على نار هاديه ونصبح أنضج وأذكى منكم.. وبعدين وش دراني هذي دراسات مو موثوق فيها ) هههههههههه

وأنا بكون فاعل خير وأقول لا تسوين شي في أخونا اللي في فريقك أعتقد أنه لاشيء يستحق هههههههه
خليه بس يشارك في الإختبار

ماقصرتي الله يعطيك العافيه

**ShahrzaD** · 10-03-2016, 12:55 PM

رد: تــغــريــدة صــبــآح } ..

وهذي نتيجة الوسمي

يانفر ابن الكويس.. اعتقد إنك شاركت برأيك إنت والوسمي ولاشيء يستحق
والبنات لابد يشاركون والا نكتف الأيادي ؟ خصوصا إن المشاركات كانت مستفزه للأنثى وإنت أخر المستفزين.. الصراحه إيه ياقماعه؟ راحه
تقول في حيوانات أذكى من حيوانات وأطفال أذكى من أطفال ... إلخ
ولما وصلت للمرأه الذكيه قلت: " كذلك نقول امراه ذكية وغاية في الذكاء لكن تجدها في مواقف عنز ولو طارت "
عشان ما تقولون البنات يسوو إسقاطات على الرجل .. هذي إسقاطه برضو

يالله باقي نتيجة باقي الشباب.. نفر ولا شيء يستحق وغيرهم من الأعضاء المعروفين.. وكلن وذمته
أنا متى بأقبل الهزيمة.. لما أنهزم قدام الأخ عبد الرحمن مثلا هههههه إنتو ماتهزموني لو إيش

إذا نتيجتي صامده في القمه لازملي تهنئه في قسم الترحيب هههههههه

**ShahrzaD** · 10-03-2016, 02:23 PM

رد: تــغــريــدة صــبــآح } ..

ههههه ياخي كان فيه احد جالس يدف

و البنات منجد ينكرونك سلام سلام
الحين شهرزاد تقول سويت اسقاطات ع البنات
طيب ماشفتي الاسقاط على الرجال قبل البنات
لا تاخذي شي وتخلي شي
بعدين لسا مابديت الاستفزاز جالس احاول بس اكون عاقل
وبعدين كمان من زود فرحتك بالنتيجة طالبه مدري وش ماعرفت اقراها
حتى قرت تدوينتي وعلقت عليها ماسوت لايك ماعلانا الله فوق

أنكرت اسقاطات البنات؟ أبدا ...
قلت " هذي اسقاطات برضو" يعني ما أنكرت اللي قبلها. وقلت اتفق مع أنة حرف إن في مشاركات ماتحسب لنا.
واللي ماعرفت تقراه ياريت تقتبسه.. قريت ردي ومالقيت شي مومفهوم !
أنا فعلا في مشاركات عندك وعند غيرك ما سويت لها لايك.. ما أعجبتي .

**ShahrzaD** · 11-03-2016, 11:23 AM

رد: تــغــريــدة صــبــآح } ..

الله الله الله
ماشاء الله تبارك الله
سجلو عندكم انتصار ثاني لذكاء الجميلات..
شمس الشتاء ونتيجة براقه ( ١٦٣ )
من يزيد يابنات

ماقصرتو تفاعل جميل ونتايج حلوه

الوسمي فرحان بنتيجته في الزاويه تبعت الذكاء البصري.. بالله عليك الذكاء البصري والا المنطقي أهم ههههههه
بس يالله استمتع وامبسط.. لا يأس مع الحياة وأنا أختك.
بقية الشباب اما انهم شافو نتايجهم وهونو ، والا انهم لسى يعيدون في هالامتحان

**ShahrzaD** · 12-03-2016, 09:42 AM

رد: تــغــريــدة صــبــآح } ..

ماخلصنا من سيرة الذكاء.. الموضوع جاب لي الصداع صراحه زود على ناس في العمل فجرو راسي.
أعتذر إذا زودتها شوي في أسلوبي أو ضايق أحد.
بس الاختبار يالوسمي قاس القدرات العقليه.. مو مركز على مسائل وشغلات تحتاج مذاكره.
أقصد اللي أختبرناه في التحدي.

ابغى استمر في مدونتي بسوالف عاديه زي أول .. إلى اللقاء

**ShahrzaD** · 12-03-2016, 10:14 AM

رد: تــغــريــدة صــبــآح } ..

نفسيتي زي العضو الجديد "الموت أرحم "
جالسه أخطط لاخرتي وأضبط أموري الأخرويه.

**ShahrzaD** · 15-03-2016, 04:13 AM

رد: تــغــريــدة صــبــآح } ..

يونس اسويلص

**ShahrzaD** · 15-03-2016, 02:48 PM

رد: تــغــريــدة صــبــآح } ..

سلام عليكم ورحمة الله وبركاته ..

أسرة عبير ........... المحترمين

كيفكم

خلاص قفلتو مواضيع الذكاء وهدى اللعب هههههه
زي مضاربات لعبة بلوت وجا الأخ عبد الرحمن برد إحترافي مضمونه( الصلح زين ياجماعه كلكم أذكياء وشطورين روقونا ههههههه
لا والله الشهاده لله مشاركه مافي قبلها ولا بعدها.. صح لسانك ابيات جزله .<< وش تقول ذي

لو تدرون حولي قصص.. لو أحكيها بأخلف الشرهان من جد ههههه بس على دراما شوي
والله ودي اعرف قصة تفتح النفس عشان أحكيها لكن كل ماتخلص قصه تجي قصه أردى منها.

ماعلانا.. البارح كان يوم اجازتي الاسبوعيه وحللته من الصباح لفجر اليوم.. لان بنات عمو جو بجنبنا واحتفلنا :)
الحمد لله سويت رفرررش للنفسيه جامد. ذبحتني الوحده في الديره أبي بنات أبي وناسه.. لدرجة جو بنات عمي
وأنا مو قادره أبتهج.. ملامح الاكتئاب من الوحده يبست وجهي ( استاذه في التعبير ههههههههه
والله قلت لهم شدو حيلكم طلعوني من وضعي هذا. وانا شديت حيلي معاهم والنتيجه أرق من شدة الوناسه هههههههه
داومت وانا نايمه من ٦ الصباح ل٩ إلا ربع .. الحمد لله أهم شي تم الررفررش بنجاح.

بجيب لكم صوره من سنابي توصف وضعي .. برب