رد: تــغــريــدة صــبــآح } ..

الحمد لله من البارح وقلبي متلهف لنتيجتي في الأيلتس،
كان حاس ان النتيجة انطبخت واصبحت جاهزة، وصلتني برسالة وفرحت رغم انها نازله عن العاده
لكن نععععمه ألف حمد وشكر يارب.. بشرح لكم معاني الدرجات .. (٦) هي درجة الناس المتخصصين في الانقلش
انا عادة كنت اجيب ٥ ونص ، هالمره جبت ٥ لاني أختبرت بدون نفس ولا اذاكر مجرد اعتمدت على اجتهادي السابق.
اللي نزل الدرجه هو قسم الإستماع لان كانت الاجوبه اللي اسمعها كلمات جديده علي وحسن إملائها فكانت نتيجتي في هالقسم ٤
بعكس قسم القرائة اللي جبت فيه ٦.. اما الكتابة والمحادثه ٥.
تدرون ان قسم القرائة ٣ أقسام ولأني مو متمرنه ولا مستعدة ف فقدت لياقتي شوي في القرائة، حليت قسمين والثالث مالحقت ع الوقت،، تركته فاضي.
ومع ذلك درجته اعلى شي ^^ فرحت والله بهالمفاجأه والله يسعدني بس

مدري متى أنام بعد هالمشاعر الحلوة، ومعاها مشاعر زعلانيه من موضوع ثاني لكن بستمتع بالحلوه
ازعلانه من ناس زعلو مني، ولا أبغى ابرر لهم موقفي واشرح، مدري هو برود مني أو شاريه دماغي
بس من جد لو احد بيزاعلني ما ادور رضاه، رضى أبويه وأمي وسمع الله لمن حمده :)
عاد صارحوني اذا اكتشفتو جانب شرير في الموضوع، قبل تتدهور حالتي

رد: تــغــريــدة صــبــآح } ..

السلام عليكم
الله يبارك فيكم


جايه من غير سوالف، داخلي هدوووووء وسكووون يشبه زر التوقف اللي ع الأجهزة .
يارب يكون هدوء ماقبل الإبداع والإنتاج والإبتكار. أعتقد اني في نقله جديده في شخصيتي.
محتاجه أغذي الهمة والصبر داخلي، لأن يبدو انها ماخذه اجازه مني

بما اني في مرحلة تبلد وهدوء ومضيعة وقت،، رجعت لشغله كنت أسويها في الواتس أب
مسويه لستة برودكاست وأشاركهم أنشطة انجليزية كل يومين وأفيد واستفيد.
لأن ما أحب أكون في الحياة متفرجة فقط زي حالتي هالفترة.. أخاف اتأقلم مع البطالة والجلسة بلا فايده.
طبعا لا تقولون وين انشطتك ذي عن قسم الانقلش في عبير، لأن أنشطتي لازم فيها متابعه وبصوتي
مو موضوع وانتهى، لا.

رد: تــغــريــدة صــبــآح } ..

نفر كويس يلمح إن الحر في جده له علاقه بجيتنا أنا وطيف ،
ماظنتي أول ما جيت جده تعدل جوها يومين وانت كاتب ذيك الفتره عن هالتغير الحلو بس ما تدري انه برد الجنوب جا معي ههههههههه بس بعدها لا إله إلا الله ! ساونا من الصبح لليل، حتى وانتو تحت الدش.

ياربي رحمتك في المساكين اللي بيصيفون في جده والرياض وكل المناطق الحارة.
انا قريب ارجع للبراد والمطر والشلالات والأودية والثلوج والنسيم العلليل والوجيه الزينه ههههههه هنا فجعوني بمكياجاتهم وعمليات التجميل
بس أهم من ذا كله .. حضن جدتي وأمي هناك مقره
بيت جدتي لحاله ودي استضيفكم فيه، نفس بيوت زمان الحجر والبويه البيضاء ووسطها خطوط ملونه.. ومكان للجمر بوسط جلسة الصالة تحط براد الشاهي فيه يطبخ على هداوه
وبخورها اللي لاهو عود ولا عنبر.. بس ببيتها له ريحه غير،، ولا أروع.
ما ألوم بنت خالي اللي تربت على يدها،، لما تزوجت وراحت للرياض، تختنق ، لازم كل كم شهر ترجع لجدتي وبيتها. وفي خاطرها تتطلق وترجع هناك مع جدتي مدى الحياة ههههههه . الله يهديها بس
والله لما اتصل على جدتي وتقول بيتكم ماله طعم بدونك ومظلم ومن هالكلام اني خلاص بتغلا على اهلي هههههههههه
واهم شي تقول لا تعلمين اهلك عشان مايبور عليهم يعني ياخذون في خاطرهم
الله يمتعها بالصحة والعافيه ولا يحرمنا منها حبيبتي.

رد: تــغــريــدة صــبــآح } ..

إي نسيت أقول اني تشاورت مع أخويه يجيب لي ذيب صغيرون اربيه ويكون من تربيتي
ماعندي أي خلفيه لسى عن هالكائن لكن راح اقرأ واشوف قبل انطلق للجنوب.
لان القطط وهي اقرب شي لقلبي تسبب أمراض ومعي حساسية منها توصلني للطواري.
والحصان وهو أول عشق لي بس لازم فلوس كتير ومكان مناسب له :(
والكلاب أعزكم الله نجسه مايمدي يعني... والأرانب والهامستر مقرفين يبغالهم تنظيف كل ٥ دقايق.

ف بجد افكر بذيب أسوود او كحلي هههههه او اسود وكحلي ( ذيب وحشي بدال حمار وحشي
اخويه يقول في ذيابه نونوين بوريك واختاري .. متحمسه وخايفه من امي لا تطردني معهم
اذا تم التبني راح اصوره لكم ^_*

رد: تــغــريــدة صــبــآح } ..

^ حاطه رمزية الوردة في السالفة بدال الفيسات
< تبوس يدها وجه وقفى على ما وصلت له من تناحه .


ياشباب اللي في التقييم،، لا تخافو راح اعرف الذيب على المنتدى عشان يتمشى فيه وما يعضكم
الا اذا احد فتح موضوع نقاش مثير للفتن والمشاكل بقول للذيب يعضه من إيده ههههههه

على طاري الحيوانات تذكرت لما جابو اخواني مجموعة كلاب صغيرونين يجننون
كثير مره ممكن عشرين،، وكنا نسوي لهم سباق في الحوش ويتعركسو ببعض يناس هههههه حلوين
المهم امي مطنشة الموضوع لان ابويه مسافر فاعتقد انها قالت خليهم يمبسطو بهم قبل يجي ابوهم ويطردها.
شويه لاحظت ان كل اسبوع يخلص كرتون حليب السعوديه،، عاد حليب من الحجم الكبير مو ابو مصاص..
لما اكتشفت ان أخواني البطرانين يخلصونه ع الكلاب هزأتنا كلنا وسمحت نحتفظ بإثنين ( الأم حنونه ^^)
لو ابويه بيطردهم مع اثنين من اخواني كمان هههههههه . المهم احتفظنا بإثنين وكبرو معنا وأبويه وظفهم مع الغنم حقينه، وكانو العمال يحبونهم بس مات واحد في حادث والثاني نسيت اش سار عليه. معليش ع النهاية التعيسه.

رد: تــغــريــدة صــبــاح } ..

صباح الجمال ياجميلين :)

احدثكم من استراحة النساء في المستشفى.. من صبح وانا هناك سويت تنظيف لاسناني وباقي اهلي يخلصو مواعيدهم.
وجيت اوصيكم على تنظيف الاسنان كل سنه مره ع الأقل.
اليوم تعذبت مره، أول مره سويتها قبل كم سنه ومدحت الدكتوره اسناني وقالت مافيها جير ومشاكل.. وخلصت بسرعه.
المره هذي تقول فيه كثير تحت اللثه والتهبت اللثه بسببها، تقول هذي الاماكن لازم بخيط الأسنان يوميا..
قلت لها أول ما كنت استخدم الخيط واسناني ما شكت، والحين يومن اني استخدمها طلع لي جير تحت اللثه
ماعليه اشوا اني جيت قبل يتدهور الوضع،، دمعت عيوني معها والله .

لا اوصيكم على سنوناتكم

رد: تــغــريــدة صــبــاح } ..

في أمور تعلمتها هالسنه عن الحب،، امور من جد جديده علي. متنوعة المصادر ،
تقول دكتوره ان الحب الحقيقي تبان حقيقته اذا مر على العلاقه سنه ونص ع الاقل،
يبان الصدق وقتها هل انتم كنتو متسرعين او مجرد حب تملك او توهمتم الحب.
لذلك اغلب قصص الطلاق تكون في السنه الثانيه او الثالثه من الزواج.
ومن جانب ثاني (كيف يكون الحب الحقيقي) الحب اللي بجذور عميقه ماتغيره الظروف ؟
للاسف وسائل الإعلام تنقل لنا صوره خطاء عن الحب وتملي علينا أفكار غلط ( كالعادة)
تصور لنا قصص حب ناقصة على أساس إنها كامله. ليه دايم نهايتها فراق ؟
لأنها قصص ساذجه وبنيت على فكر خطأ ( وجهة نظري)، لما نتوهم ان نظرة اعجاب هي حب من أول نظره !
والا اعجاب بمهارات شخص أو جانب فيه حلو ونتوهم انه حب،، وممكن يصل للتعلق والطمع بهذا الشخص.
الحب مو بهالسطحية، مايجي بحكم بسيط قصير المدى، يجي بعد المواقف وتجارب تسير بين الطرفين.
لما نقارن حب كان اساسه اعجاب وانجذاب ومصلحه بحب كان أساسه التفاهم والمواقف وتعاون وصبر وإيثار ..
بنتوقع ان الحب الثاني هو اللي بيصمد مع كل الظروف وعلى مدى الزمان.
عشان كذا غالبية الناس يقولو الحب بعد الزواج هو الأبقى. أنا مو ضد هالجملة ولكن عندي وجهة نظر
فترة الزواج هي الفترة الأمثل لإمتحان مدى التفاهم بين الطرفين وصبرهم وتنازلهم لبعض .. لان بيتشاركو الحياة بحلوها ومرها، فإذا الطرفين حاولو الحفاظ على هذي العلاقة وتعاونو على هالشي لابد ينشأ بينهم الحب الحقيقي اللي مستحيل نشوفه على التلفزيون .
حب مصحوب بعرفان واحساس بجميل الآخر وتفانيه وصبره ومع كل محنة يجتازونها المحبة تكبر أكثر.


اللي أثار هالكلام داخلي هو نقاش بسيط بيني وبين اخويه المتزوج في احدى المشاوير، قال لي انه وزوجته حبو بعض بداية الزواج حب سطحي مجرد اعجاب متبادل لكن مو متفقين كثير،، ( وهذا اللي لاحظته وقتها لكن عبرت له اعجابي بهم انهم استمرو في علاقتهم رغم اختلافهم الكبير عن بعض وكيف استمرت العلاقه ل ٨ سنوات الحمد لله بدون ما يتنازل أحدهم وينسحب لأن مرو بمشاكل بينهم كثيرة كان ممكن تطفشهم من بعض) . قال مادام اني اشوف اساسها ممتاز فأنا بصبر على العيوب اللي ممكن اعدلها وهي برضو مقتنعه في أساسي وراضيه فيه فنتغاضى ونقبل بعض،، وما تعرفنا على بعض زين أو بالأصح فهمنا بعض إلا بعد ٤ سنوات. لذلك أنا الحين أقول اننا نحب بعض حب حقيقي،، مافي حب تملك وسخافات،، ولا ننظر للامور السطحية واذا واحد فينا قصر الثاني يراعيه ويتفهم حاله ،، والحياة تمشي
الله يديم المحبه بينهم ويجعلهم دايم في سعاده وسرور.. أتمنى تلاقو فايده من كلامي
أتمنى للجميع حب حقيقي يسعده في الدنيا ويكون رفيقه في جنات النعيم :)

رد: تــغــريــدة صــبــاح } ..

مداخلة ونظرة من زاوية أخرى في مدونة شمس الشتاء في اللي حكيت عنه ، أسعدتني وأمتعتني و ماعندي اي اعتراض اكيد.
اما الدكتوره ممكن ماوصلكم المقصد من كلامها، وهو ان الشخص ما بيصمد اكثر من هالفترة مادام حبه خرطي ممكن يمل، يستغني، بعد ما امتلك حبيبه خلاص اختفى البريق اللي شافه فيه.. الخ. يبان الصدق .

اكيد الموضوع اكبر من اللي ناقشته انا وشمس.. برضو الحب زي الفايروس فجأه يصيب أحدنا زي ماقلتو من غير عشره وتجارب، وكان تركيزي ع الحب طويل المدى.. والله اعلم اش بأكتشف مع الوقت عن الحب ياحبايب
حبو بعضكون،، كلو أمح وشعير

رد: تــغــريــدة صــبــاح } ..

صباح الناس الرايقه

حابه أقول شي كمان
لا ترضون بأي خطوه ماهي مقنعه بالنسبة لكم..!
أحيان الحدس يشغل بالنا وتفكيرنا، ان هالشي اللي أنا فيه مو مقنع، مو مرضيني ولاهو مريح
فممكن القناعة نابعة من العقل أو الحدس، لا تستهينو بهالصوت اللي يكون داخلكم وينبهكم.
لما نواجه الصوت اللي داخلنا نحتاج شجاعه عشان نكون صادقين مع أنفسنا وصريحين.
وشجاعه برضو عشان نتخذ القرار المترتب على هالصوت الداخلي ونوصل للرضى .

هالنقطة اتعبتني لما كنت أحتار في بعض الأمور المهمة في حياتي وألقاها تشغل بالي وتفكيري لحد الإرهاق، قررت أهدي عقلي وبالي وبعدها أسأل نفسي وش سبب هالتفكير كله بعدها أقرر، حتى وإن كان فيه بعض الخساير مادام مشيت مع القرار المقنع ويشعرني بالرضى.

رد: تــغــريــدة صــبــاح } ..