تطمنو الكل سليم بعد الغدا الحمد لله محد تسمم ^_^
تغدى أبويه وأخويه وأختي معاهم تترقب لا يكون أحد يعلق والا شي تنتحر بالشوكه على قولتها ههههههه
أنا غبت عن الغدا ما كان لي نفس..فرصه دام في أحد يجلس مع ابويه وهو ياكل لأن ما يحب ياكل اذا مافي أحد معاه..
يعني كنت أتغدى مجامله طول الزمان ويقطع لي دجاج ويقول كلي ..تستحين من أبوك..!
لا والله مو سحى لكن طبيعتي أكل كأني أنقنق على قولة أهل الحجاز هههههه

لكن في أمريكا تعلمت أكل بسرعه هههههه أطول في الدوام ويهلكونا بالدروس من جد كان ضغط
وأرجع البيت ما أقدر أصبر دقيقه لازم اكل.. ومين اللي بيطبخ؟.. أنا :(
والله أخويه عبدول ما يقصر أوقات يقول أنا بطبخ والا يجيب من برا لأن هو ما يقدر يصبر إذا جاع..
الله يسعده شفت الجانب الرؤوف والعطوف ع الأنثى أكثر في الغربه
رغم إنو إحنا أصحاب ومع بعض من الطفولة
بس الغربه تعرفك على نفسك وغيرك أكثر.


دخلت من سالفه في سالفه.. لكن أحسن من بلاشي ^_

ﷲ ﷳ ﷲ ﷳ ﷲ ﷳ
ﻻ إله إلالله
ﷲ ﷳ ﷲ ﷳ
ولله الحمد
ﷲ ﷳ كبيرا والحمد لله كثيرا
وسبحان ﷲ بكرة وأصيلا
وتعالى ﷲ جبارا قديرا

وصلى الله على رسولك ﷴﷺ

الله على السمكات النصراويه ههههههه
صراحه حزنت عليها.. وش ذنبها بهالألوان يالوسمي << بيحطني في القائمة السوداء

إي النصراويه جربت أمزح معاهم وشفت وجه ثاني وجه ناره مغلباني ههههههه
قبل ٦سنين في بنات جمعتني بهم فترة التطبيق في المدارس
وجابو طاري الكوره وقالت وحده أنا أشجع النصر.. قلت أنا: هو باقي يلعب!؟
والله وشفت وجه البنت سار يخوف صراحه رغم ان شكلها كيوت أول
بعدين أعتذرت ورقعت الموقف قبل تطلع مفاجات ثانيه ^^"


إلا السمكات ذكرتني بسالفة بنت عمي المفهيه اللي أشحثها دايم تشارك هنا..
هي معاها بساس في البيت واحتاجت تجيب لهم أكل من عالم الحيوان،
أرسلت سواقهم الهندي وقالت له جيب أكل للبساس من هناك وكذا..
راح واتصل عليها قال مدام .. هذا أكل خلص مافي.. أجيب سمك؟ سمك كويس
ويقولها وهو متحمس.. هي قالت اوك ولازالت تذكر حماسه ومستغربه
يوم جا أثاريه جايب لها حوض أسماك زي حقت الوسمي هههههههه

حظنا أنا وياها بهالهنوووود T_T
سواقنا البارح شافني ماناديته على الساعه عشره بالضبط كالعاده
راح قفل بوابة البيت ونام !! يعني صرررفي نفسك !!
وأدق على جواله على ١٠ ونص ما يرد وأنا في المحل انتهى دوامي لازم أرجع البيت
حسبي الله بس من جد دايم يسوي حركات مالها وصف
دقيت على أخويه كان قريب أشوا جا وردني.
والله لو ما بنسافر بكره كان طبقت معاه نظام عسكريه
يسير يجي على ١٠ ويستناني لين اطلع .. ان شاء الله بعد الإجازه.


يالله .. تبغون شي والا شي
تقييم .. دعاء.. سوالف..
اتصل على زيرو سبعميه خمس طعشر...

سلام

صباح الوردات والفلات

الحمد لله رجعت لأحضان الماما وصلنا لجده ،و ياسلام على الدفا
صحيح أجوائنا في الجنوب جميله ومناظرها أجمل لكن للأسف ما أحب البرد وأجواء الشتاء الكئيبه،
أنا من أصدقاء الصيف والحر والدفا..
أذكر لما كنت أدرس في جده أداوم بجكيت صوف ! لأني ما أحب المكيفات المركزيه
ويضحكون علي أنا وجكيتي يقولون نسيتينا إننا في جده انتي وهالصوف.

الدوام ما صرحو لي بإجازه لكن عطيتهم خبر ولسى يطبخون أمور إجازتي والله ييسرها..
أهم شي نفذت بجلدي ^^

سلام يامسلمين

أفا مدونتي طارت للصفحه الثانية
و لو الأعضاء ما انشغلو بتجهيزات العيد كان مالقيتها الا عن طريق قوقل
لأن من جد أحس طولت الغيبه وسار مالي حس بالمنتدى..
فقر شبكه .. أعاني من متلازمة فقر الاتصال وين ما أروح لازم ألاقي هالمشكله
والكمبيوتر خربان ونسيته في الديره بدال ما أجيبه أصلحه هنا بجده
لأن مو مقتنعه بشغل اللي في الديره خصوصا لما يركبون للكمبيوتر نظام وندوز تقليد!
هنا شطبت عليهم وعلى باقي المحلات كلها.

جا العيد
تقبل الله منا ومنكم صالح الأعمال
والله يعيده علينا وعليكم بكل خير وسعاده وهنا
بقول لكم شي يسير معي.. والحمد لله حمدا كثيرا :)
فيني طبع ما أحب أطلب أحد حاجه.. يقولو عزة نفس
لكني كذا حتى مع أهلي وأبويه اللي يصرف علي
ف لما أحتاج مررره ما أتكلم.. أجلس أنتظر الفرج.. والحمد لله يجي الفرج
سرت متعوده انها تفرج ولله الحمد.. هالإجازة كل ما جا بخاطري شي
تجي الفلوس في وقتها.. وكلها خمسميات هههههه
كل ما خلصت وحده وجات حاجه في نفسي جت اللي بعدها.
الله يديمها من نعمه ويرزقنا من حيث لا نحتسب.


وصيتي لكم اليوم لا توفرون أي فرصه ممكن تدخل السرور
في قلب أحد حتى لو بفعل بسيط

ياصباح الخير والمسرات
ها وروني أشكالكم بلبس العيد !
واللا مشغولين بشغل السفاحين ومناظركم مزريه
ربي رحمني هذا العيد ما قطعت الا كبده وحفنة لحم
العيد اللي فات وفي مثل هذا اليوم جابو لي خروف كامل مو مقطع :(
والحمد لله ان فيه خدامه أثيوبيه فيها بوادر سفاحين .. شرحته زي المرتديلا ههههه امزح p:
المهم كل ما جت تظرب بالساطور أهرب بعيد.. دائما اتخيل انه بيفلت من يد الي قدامي
حتى أنا ما احب أكسر العظم شكلي مستقبلا في بيتي بشتري منشار كهربائي

بس نفسي أشوف أختي بهالموقف ههههههه
اخر العنقود هذي متدلعه دلع .. لما أقول لها ليه ماتسوين وما تفعلين
تقول ليه اسوي وانتو موجودين.. اذا سرت لحالي بقوم بالواجب
متى عيني تشوفها بهالموقف بس ماش مايبغون يغامرون ويسلمونها هالأمور.

السناب كللله لحوم ومقلقل وكمونيه (الأخيره توي أتعرف عليها)
وتجي وحده تحط وجه مرعب عن طريق التحديث الجديد.. كأننا ناقصين رعب مع مناظر الذبح
وبس الله يسلمكم :)

اللي أعجبوني من أول نظرة.. في فترة قصيرة سرت أشوفهم عاديين.
واللي كنت اشوفهم عاديين أو بشعين و مع الوقت أثارو إعجابي،لازالو يثيرون اعجابي..!


لذلك لا يغركم أول إنطباع أو ردة فعل..
لأن من شدة ربكتي وخجلي بعد نظرة إعجاب بغيت أصدق اني حبيت من أول نظره
ولما شفت نفس الشخص بعدها بكم يوم لقيتني أشوفه عادي زي باقي الناس.

استغرب من الناس اللي بعد الشوفه الشرعية،،
يعبر عن حبه لخطيبته ويرسل قصايد وخواطر،، وكلام كبير في الحب !
وهو ماله معرفه فيها إلا يوم الشوفه بس.
اوك ممكن يرسل كلام يعبر عن اعجابه او غزلي.. لكن المبالغه عاد ماتنبلع، تعتبر كذب.
لا تجاملون وتبالغون.. خليكم صادقين حتى في اختياركم للرسايل.