همس الموت | Whisper of death ™..كامله

تقليص
X
تقليص
 
  • الصفحة لـ 23
  • الوقت
  • عرض
إلغاء تحديد الكل
مشاركات جديدة
السابق 1 12 13 14 15 16 17 18 19 20 21 22 23 template التالي
  • ஜ .¸¸ فجر¸¸. ஜ
    عضو ماسي
    • May 2009
    • 708
    • .
      .
      .


      .
      .
      .
    #211
    رد: همــس الموت | Whisper of death ™

    ،
    دقايق..وكلنا ظهرنا...
    وأظن ما بقى حد داخل..

    انصصصدمت لما جفت عمري اظهر من صيدلية...!
    هني كان مقرهم..!!
    يالله.. من كان بيتوقع..؟؟
    ..

    ظهروا كل الناس الموجودين في الصيدلية..
    ووقفنا كلنا نراقب من بعيد..!
    الشرطة مطووقة المكان...وسيارات الاسعاف منتشرة..
    و المطافي وفرق الانقاذ كلها تستعد للحظة الانفجار...

    الكل يطالع ساعته بتوتر...
    3
    2
    1 ثانية...!

    وو انتهى الوقت....!!!!
    عم الصمت المكان....الناس المتجمهرة كلها تصنمت...!
    ..؟ شو اللي صار.؟

    شوي وبدا صوت الناس يعلى باستغراب..
    أي انفجار..! ماصار شي..!

    تريينا عشر دقايق..!
    بس بعد ما صار شي..!

    أرسلوا فرييق من الشرطة يجوفون الوضع..
    ،
    وبعدا ما ردوا...صعقوونا بكلامهم...!
    " المقر أختفى..! "
    كيف اختفى...!!! ما فهمت..؟؟؟

    ريم بحيرة : كيف يعني..؟ طار مثلا.؟
    قلت : مادري عنهم..!

    قالوا انه اختفى... وماله أي أثر...!
    ولو انهم ما جافوه قبل شوي ما كان صدقوا ان في مقر ف هالمكان..!

    ريم مسكتني : تعالي بنرووح نجوووف...
    رحنا بسسرعه ل داخل وسمعنا اصوات تمنعنا ....بس طاف...!
    لما وصلنا المكان اللي ظهرنا منه....!

    شهقنا بصصدمة....!
    مكان فاضي....ومافيه أي أثر..!!
    كييييف هذا..!!
    سحر..؟

    مسكنا الشرطي وقال : يلا ظهروا من هني...هالمكان خطيير عليكم...
    سحبنا لين برا...
    ريم بعدها مصدوومة : مريووووم...!! تقوولين طاروا شرات قصر سندباد..؟
    مادريت علييها لاني برووحي مادري...
    يالله كيف المنظمة فظيعه.!
    .
    تركنا الشرطي بعد ما ابتعدنا...

    طالعت الناس اللي كانوا في المقر يالسين ع الارض بتعب...
    بعضهم مصابين..وبعضهم تعبانين..و الفريق الطبي يعالجهم..

    دورت بعيوني على العم عزيز ومرته....؟؟؟
    ريم : عموو عزيز..!!
    قلت بسرعه : وييييينه..؟؟؟

    أشرت لي ع مكانهم...
    ..
    رحنا لهم بسسرعه.......بسس....انتبهت ل شهرزاد وياهم...!!
    لا وتصيييييح ف حظن العم عزييز...! واللي يصيح هو ومرته بعد.!

    ريم : بسم الله شو صار..؟
    شهرزاد تعلقت ف العم عزيز أكثر : يبه.... سامحني يا يبه..!!
    شهقت مرت العم عزيز : بنتي...شهرزاد....اه ياروح أمممج....

    ابتعدت شهرزاد من العم عزييز...وضمت امها وصاحت أكثر...
    ام وابو شهرزاد..

    شهقت...!! طلعوا عايشيين ما ماتوا..!!
    و ابو شهرزاد هو العم عزييييز..!!

    كل الناس راقبت المشهد بتأثر...!
    ،

      تعليق

      • ஜ .¸¸ فجر¸¸. ஜ
        عضو ماسي
        • May 2009
        • 708
        • .
          .
          .


          .
          .
          .
        #212
        رد: همــس الموت | Whisper of death ™
        انتبهنا كلنا للريال اللي اقترب منا وأمرنا نروح وياه المركز لاستكمال التحقيق..!
        انا وريم وفجر والريال اللي شكله مألوف لي..واخته أظني..و شهرزاد وامها وابوها...و والريال اللي يعالج حمد....وو بدوري..!!
        بدووري هني..!!

        ،
        ركبنا كلنا سيارة الدورية...وتوجهنا للمركز..
        ،
        دخلنا مكتب الرئيس...
        ولما جافنا...شكرنا ع شجاعتنا و ع مجهودنا في مواجهة أخطر منظمة دولية..!
        وبعد ما حقق ويانا..

        ،
        تحمحم وقال بشرح : المنظمة هذي هي من أخطر المنظمات الدولية....! لها فروووع عديدة في كل الدول..! ومقراتهم تكون متنقلة..متى ما تم اكتشافهم..
        يفجرون المكان بقنابل ذكية ما تترك أي اثر لوجودهم..وينتقلون لمقر ثاني..

        اووه..! عسب جي اختفى المكان..!
        كمل : الشرطة الفيدرالية شكت ان مقرهم الرئيسي انتقل ل بلادنا...فأرسلت عميل سري منهم....واللي هوو....." أشر ع الريال المصاب " حمد....!
        لحظات صمت...!
        الكل التفتوا له متفاجأين..!

        شهرزاد بصدمة : انت..!! حمد..!
        ابتسم بتعب..وهز راسه بتأكيد..
        كمل الرئيس : حمد هو عميل ال ( f.b.i )....أرسل ف مهمة تحقيق قبل 4 سنوات..وتنكر على هيئة مواطن عادي يشتغل في الأوقاف...
        وبعد ما حقق وياكم...وبمساعدتكم...قدر يوصل للمنظمة...وقدرنا نقبض على الكثير من اعضائهم..وكانت فرصة ذهبية لنا...ضربنا فيها عصفورين بحجر..
        المقر الرئيسي + الفرع " د "..!
        أما بخصوص البقية اللي قدروا يفلتون من قبضتنا...بنواصل ملاحقتهم لين ما نسلمهم للعداله..!
        " سكت شوي وهو يقرا الملف اللي فايده " المنظمة ف كل بلد تحتوي على 9 عملاء..كل عميل او عميلين لهم فرع..!
        بس ف بلادنا يوجد 9 عملاء + رئيس المنظمة..
        وكل ما قل الرقم كانت قوة نفوذ العميل أكبر...!
        نبدا بالرقم 10...وهو عميل جديد تم تعيينه....إبراهيم ال.....و قتله رئيس المنظمة..لاسباب مجهولة
        رقم 9..وهوعميل جديد أيضا....سليمان ال...وقتله الرئيس لاسباب مجهولة..
        رقم 8...سعد ( منصور ) قتل قبل فترة وجيزة في احدى المهمات..
        رقم 7..خالد ( محمد ) رفيق منصور...وهو مع الرئيس حاليا..
        رقم 6...مجهول..
        رقم 5..ديفيد ( ستيفن )....تم القبض عليه..!
        رقم 4..فارس ( يوسف )....وهو مع الرئيس حاليا..
        رقم 3..الوردة الحمرا...وقد قتلت بواسطة المنظمة لتمردها عليهم..!
        رقم 2.. مجهول..
        رقم 1 رئيس هذه المنظمة الدولية بدر ( سامي )..!


        ،
        خالد...؟ هذا اسمه..؟
        ليش كلهم بأسماء مستعارة...!
        لحظظة....سامي..؟
        مب هوو اللي اطلق النار ع حمد..! يعني هذاك رئيس المنظمة..!

        ريم همست لي : الريال كان رئيييس المنظمة..!!! اففف...ليش مححد قالي قبل..! كنت قتلته..!
        شي عجيييب..! يعني محمد شرد وياه..!
        ،

          تعليق

          • ஜ .¸¸ فجر¸¸. ஜ
            عضو ماسي
            • May 2009
            • 708
            • .
              .
              .


              .
              .
              .
            #213
            رد: همــس الموت | Whisper of death ™
            ،
            بعد ما خلصصنا تحقيق...ظهرت برا اشم هوا...
            ..
            كل شي مر نفس الحلم..!
            او كأني يالسة أمثل ف فلم وهذي هي النهاية..!
            ..
            واخيرا..! برد لاهلي....واه كيييف اشتقت لهم...!!
            شهد...لمار..صقر..شهاب..أمي...ابوووووي..!!!

            هههه كيف بتكون ردة فعلهم لما ادخل عليييهم...؟
            انتبهت لريم اللي ضربتني بخفة ع ظهري..
            قالت : شو تفكرين فيه..؟
            ابتسمت بشوق وقلت : ف اهلي...!
            طالعت فيها لما تنهدت ..قلت : شفييييج...؟؟
            قالتلي : مريوووم...لما تقابلين اهلج لازم تصيحين صح.؟

            رفعت حواجبي بتعجب...شو هالسؤال..؟
            ريم تاففت : متووووهقة...تخيلي ما اصيييح جدامهم..! واه..فضيييحة وهم يصيحون وانا لا..! عاد انا ادري بدموووعي لما ابييها تنززل تعاند وتفششلني...
            رمشت بسرعه استوعب كلامها....بعدها ضحككت وضربتها ع راسها...
            صدق غبية...هههههه....

            ذكرتني لما قلت لامي نفس الكلام......!
            كنت اقولها البنات لما ينزفن لرياييلهن يصيييحن.....أما انا مستحيل أصييح...هههه اصلا ما اقدر اصييح جدام الناس...!
            بس هي كانت ترد علي وتقوولي لما اعييش هاللحظة...بتييني الصييحة غصصبن عني....مع اني ماظن..!؟

            ريم : مريووووووووووم....خبلوووه...وين سرتي..
            انتبهت : هاه...؟؟
            ريم : عطيني حل يلا...
            ضحكت : انتي بعدج...؟ هههه انزين بطلي عيووونج ولا تغمضيينها لين تدمع...
            وسعت عيونها باصابعها : جذي..؟
            انا : هههههه هيه..حلووو..!
            قالت وهي تقاوم ما تغمض : بسس....عيووني تحرقني....!!
            انا بنذاله : اكييد بتحررقج....ترا كل حرقتج اكثر..كل ما نزلت الدموع اكثر..
            ريم : بروح اتحوط داخل...واذا نجحت هالبرووفة..بسويها جدامهم...ههههه..

            وراحت تتحوط داخل وعيونها مفتووحه ع الاخر...
            ،
            تفاجأت ببنت تحظني بقووووووة.............وتصيح..!!!
            : انا اسسسسسفة والله......سامحيني.....والله اني احببببج...لا تكرهييني ....والله إني ندمانة ع كل اللي كنت اسويه فييييج....سامحيني الله يخلييييج...
            بسسم الله منوو هذي..!
            تمت تصيييح وتعتذر مني وانا مادري شو السالفة...
            انتبهت للحرمة اللي وراها...تمسح دموعها ب بطرف شيلتها...

            منوو هذيل..؟؟
            لما ابتعدت البنية قدرت اجووف ويهها....عقدت حواجبي...ماعرفها.؟؟
            صاحت اكثر لما جافتني عقدت حواجبي : والله إني اسف...سامحيني..لا تزعلييين مني...انتي اختي الوحييييييدة....
            اختها...!؟
            ما لحقت استوعب الا وهالحرمة تدفني ف حضنها...وتصييييح هي الثانية...!
            لحظة...لحظة.....شكلهم مغلطين...!
            يحسبووني ريمووووه....!

            تريييت لين ما الحرمة تتركني.....ذبحتني...ابي اتنفسسس....
            ..: خلاص ذبحتيييها يا حرمة....!
            طالعت الريال الواقف ورا الحرمة.....هذا ابوو ريم..؟
            ابتعدت الحرمة عني....واقترب الريال وهو فاتح لي ذراعه...

            بطلت عيني وشهقت....وابووي..وين يبا هذا....من صدقه...!
            تكلمت بارتباك : أأأأ....لحظة...لحظة....انتوا فاهمين غل...

              تعليق

              • ஜ .¸¸ فجر¸¸. ஜ
                عضو ماسي
                • May 2009
                • 708
                • .
                  .
                  .


                  .
                  .
                  .
                #214
                رد: همــس الموت | Whisper of death ™
                وو
                ضمني بدون يسسمع مني شي.....
                هيييييييي....!! حسييييييت بحرررر..و إحراج..!!!
                حاولت أبعده عني.....بس هو متشبث فيني..!
                تيبست لما حسيييت فيه يصيح بصمت..!
                كنت بصيييييح من الاحراج.....اهىء وييينج يا ريموووه....
                لالا مابييها تطلع الحييين...اتخيل يكتشف اني مب بنته...
                لا...والله بموووووت....

                : يبه...!!! شوووو تسوي...!
                لا....لييييش ييتي الحيييين.....لييييييش...
                ابتعد عني...وطالع ريم بصصدمة....
                مرر نظراته بيني وبييينها...

                كنت بقوول " يبه " وارقع السالفه.....بس ريموووه خربتها...
                تخصرت ريم : منوو بنتك...انا ولا هي..! ترا اذا ماعرفت لا انا اعرفك ولا انت تعرفني...!
                طعع هذي..!!!
                طالع فيني ابووها....وبادلته بنظرات بريئة...!

                ريم اونه حزينة : افا..! مسسسرع ما نسيتني ..غبت عنكم كم شهر ونسيتووووني...
                لما حسيت انه عرفها...
                غطيت ويهي من الفشييييلة...ورحت ورا رييم....وقرصصصتها بقوووة....

                الام : ريم....!!! بنتي..!!! هييه والله هذي ريييييم...
                ،
                يلست ع الدري وانا اراقب ريم اللي مسويه مناحه وياهم..!!
                هههه هذي اللي قالت ما تقدر تصييييح...
                تأملت اهلها واحد واحد....!
                ولا يخصصصهم فيها..!
                ولا 1% فيهم شبه منها...يعني أي حد بيجووفهم بيعرف ان هذي مب بنتهم.!

                الام والاب والبنت والولد الصغير كلهم يتشابهون....
                وكلهم لهم نفس لون البشرة الداكن..
                اما ريم ف بشرتها فاتحه...!

                ف عايلتي انا.....
                انا وشهد نشبه أمي اكثر شي...وفي شبه بسييط بينا كلنا..ويدل على ان نحن عايلة وحده...

                ،
                انتبهت ل فجر اللي حطت ايدها ع كتفي...ومعاها علي اللي تذكرته..هو اللي كنت احسبه مات...واخته ممم شو اسمها..؟ هيه سلمى...وبدووري..والدكتوور..
                ابتسمت لي..ويلست عدالي...

                علي بابتسامة : ما تبين تجوفين اهلج.؟
                قلت بشوق : اكيييد ابا..!!
                علي : ترا فجر قالت للظابط لا يدق عليهم....وقالت خليها تروح لهم وتفاجئهم..!

                جفت فجر غمزت لي..
                قال الدكتور : يلا قوموا بوصصلكم....الشمس بدت تشرق...
                وقفت فجر..ومدت ايدها....مسكتها...وشدتني...
                و ظهرنا من المركز...

                وقبل ما اركب السيارة وقفت....
                قلت : لحظة....نسييييت شي....!!
                ردييييت اركض ل المركز...
                هالشي اللي كنت خايفة منه....
                ان انا وريم نفترق...!
                هي مب توأمي او نصفي الثاني....هي أنا نفسها...!!
                ..
                أدري ان ريم مستحيل تتخلى عن اهلها اللي ربووها...
                ..
                لما جفتها....رحت لها وحضنتها بقووووة....
                كان خاطري اصيييح ...
                بس كلامها خلاني اتماسك...

                ريم ضحكت : اوووه..اوووه....طلعتي تحبييني..!
                ابتعدت عنها....وتفاجأت لما عطتني بكس خفييف ع بطني..
                ريم : لييش رديتي...؟ لا تقوولين اشتقتي لي..؟ لا واللي يعافيج...روحي روحي...لاعت جبدي من كثر ما اجوووفني...مليييت من شكلي والسبه انتي...
                طالعتها متفاجأة..وضحكت...
                ضحكت : سمعي عفووونه.....اليوم العصصر الساعه 4 بالظبط.. اول ما انش من الرقاد..بكون واقفة جدام بيتكم....وشسسمه...ترا ف بالي وايد خطط قلت بنسويها لما نظهر....دزتني...يلا رووووحي لا تأخريييهم...لو ييت وجفتج راقدة يا ويييلج مني....بسويييلج نفس ما كنت اسوي..
                ضحكت ريم بجهنمية...!
                ..
                وبسرعه...رديت لها الضربة..وشرردت عنها....
                سمعت صووت تهديدها..

                ضحكت براحه....
                وركبت السيارة...

                ،
                تحركنا..
                تأملت الشمس اللي تشرق..وتعلن بداية حياة وصفحة يديدة لكل واحد منا..
                وانتهاء كل شي....المنظمة والعذاب...!

                ..
                وقفت السيارة جدام بييتنا....
                حسيت بتووتر وبحماس ف نفس الوقت...

                حطت فجر ايدها ع كتفي تشجعني..
                نزلت من السيارة...
                وتقدمت ببطىء للباب....

                خذت نفس عمييييق...وضغطت ع الجررس...!
                ثانية...5 ثواني.......دقييييقة...
                ييت بدق مرة ثانية...

                بس جفت مقبض الباب يتحرك....
                كتمت انفاسي وانا اراقب بلهفة..
                وو
                انفتح الباب.....!

                لحظات صمت......وبعدها انطلقت صرخه..!
                : مريوم....!!!!!!
                //

                  تعليق

                  • ஜ .¸¸ فجر¸¸. ஜ
                    عضو ماسي
                    • May 2009
                    • 708
                    • .
                      .
                      .


                      .
                      .
                      .
                    #215
                    رد: همــس الموت | Whisper of death ™
                    //
                    علي
                    ،
                    نزلت انا وسلمى بعد ما شكرت الدكتور لانه وصلنا...
                    ..
                    فتحت باب بيتنا ودخلت....

                    جفت عمتي اللي كانت يالسة ع الدري اللي برا....وقفت و قالت بلهفة : سلمى...!!!
                    ولما اقتربت منا....انتبهت لي...
                    انعقد لسانها وما قدرت تتكلم....

                    وبعدها....! سوت مناحة اظن اخسس عن مناحه سلمى وفجر..ههههه...
                    ،
                    بعد المناحه....صعدت فووق ل غرفتي....وارتميييت ع السرير براحه....
                    انتهى كل شي..!

                    هيه....خل اقووولكم كيف ظهرت لكم ع المسرح مرة ثانية...وشو اللي صار بعد هذاك اليوم المشؤوم..!
                    "
                    غمضت عيني مبتسم بعد ما سمعت اخر كلامات فجر..! وبعدها ما حسيت بشي..
                    ..
                    فتحت عيوني بسس ما حصلتها...؟؟
                    الحمدالله....
                    مابيها ترد مرة ثانية...
                    مابي خلييفة يجوووفها.....بيقتلها...!!!
                    فجر لا تردييييين....

                    حسييت بالألم يخترق صدري أكثر...
                    ماقدرت اتنفسس بسبب الدم اللي يظهر من حلجي وخشمي...
                    سمعت صووت خطوات...

                    ولما اقترب وسمعت صوت انفاسه اللاهثه...عرفته....خليييفة..!
                    غمضت عيني...وحاولت ما اصصدر اي صووت....

                    حسيت يسوي شي..بس مادري شوو هو...؟
                    بعدها....سمعت صوت ماي..؟
                    واظني يرشه ع الارض.....
                    اقترب مني....وصب علي الماي....

                    اخ......لا.....هذا مب ماي.....
                    اه....احس رووووحي بتطلع....
                    الجرووح كلها تحرقني...
                    ال...صب علي بترول..!!! بيحرقني...!

                    تلويت بألم....حاولت اتنفسسس...خلاص أنا ميت.....
                    انا اموووووت...

                    فتحت عيني باستسلام لما سمعت صوت يهمس لكل حواسي...
                    هو نفسه....

                    " همس الموت "
                    غمضت عيوووني...وماحسيت بنفسي....
                    ،
                    فتحت عيوني....انا مامت..؟
                    حسيت بحرارة الجووو حوولي...
                    المستودع يحترق...شكلي ما بموووت الا لما اذووق كل انواع العذاب..

                    حسييت بحد واقف عند راسي...
                    حاولت اركز واجووفه عدل....

                    ي....يوسف...!
                    هه.....انا ميت ميت...!
                    حسيت فيه يحاول يرفعني....
                    همس لي : تحمل..بظهرك من هني....!!
                    ،
                    وبعدها ما حسييت بنفسي الا وانا في المستشفى....
                    انا..انا ما مت...!!

                    جفت الاطباء والممرضات كلهم متجمعين حوووولي...ويوزوعون ابتسامات...
                    شسالفة...؟

                    ..
                    عرفت إني كنت ف غيبوبة من 3 اسابيع...
                    ..
                    بعد ما استقرت حالتي..نقلوني ل غرفة عادية...
                    ،
                    ماترييت لين ما اشفى بالكامل....شردت من المستشفى قبل ما يرد لي يوسف...او أي حد..

                    طوول الفترة الماضية وانا متخفي..وماعرف اي شي عن اهلي او فجر او الشباب...
                    كنت أحقق عن المنظمة برووحي...
                    كتبت كل الشفرات اللي حافظنها ...
                    وبدييت افككها...

                    لين يا اليووم اللي فهمت فيه كلمات " الوردة الحمراء " الاخيرة..!!
                    حسييت بدرجة غبائي...!!

                    قالتلي ثلاث كلمات أفعى – كأس – إتش – س..

                    في البداية لما قالتها...قلت اكييد تخرربط او مادري شو تتخيل...
                    لكن لما قارنتها ب الشفرات....عرفت ا ن اول ثلاث كلمات اللي قدرت تقولهم هي تعني مقراتهم...!

                    ،
                    وقدرت اوصل للمقر الرئيسي.....
                    وانا اللي عطلت كل انظمتهم..وسربت معلوماتهم...لين اضطروا يتخلصون من المقر قبل ما يكشف حد غيري مكانهم...
                    بس انا عرفت المقر الثاني...ولحقتهم....
                    ونفس الشي عطلت انظمتهم وسربت معلوماتهم....

                    "
                    ،

                    وهناك تفاجأت ب فجر..تطلق النار ع يوسف...!
                    هني...قدرت ارد الدين ل يوسف..وانقذت حياته من فجر اللي كانت بتقتله...
                    وماهتمييت اقبض عليييه...بسبب هالشي...!

                    ،
                    انصصدمت من اختي سلمى لما جفتها هناك...!!
                    قالتلي انها لحقت شهرزاد وفجر ومعاها بدر البدور..!
                    وبالصدفة تلاقت بالدكتور ...وتسللوا للمنظمة....
                    طبعن ما خلييت هزبة الا وهزبتها....كييف تيي بدون ما تقول ل عمتي..لا وبعد تييب بدور وياها...!
                    بس هدييت لما عرفت انها هي اللي سلمتهم الشفرات..وقالتلي ان يوسف كان يدورها...

                    مع ان هالشي ما يشفع لها ع اللي سوته...
                    بس الحمدالله..ان كل شي مر بسلام..!

                    ،
                    كملت الضابط عن خليفة والبقية....
                    خليفة بيقللون فترة سجنه ل 6 سنوات...صحيح ان اللي سواه لي خيانة كبيرة...لكن ها عشان العشرة اللي بيننا..
                    اما فهد وحميد و جاسم...عقووبة متعاطي المنشطات هي في الاساس 3 سنوات وغرامة.....بس حمد خفف عليهم ل سنتين + الغرامة....و ما فضح سالفتهم...

                    ،
                    وأخيرا.....انتهى كل شي....!!
                    لا منظمة..ولا تحقيق ولا اي أكشنات..!
                    وبترد حياتي شرات قبل...............مملة..!




                    //
                    ~| نهاية الهمسة التاسعة و عشرون |~

                      تعليق

                      • ஜ .¸¸ فجر¸¸. ஜ
                        عضو ماسي
                        • May 2009
                        • 708
                        • .
                          .
                          .


                          .
                          .
                          .
                        #216
                        رد: همــس الموت | Whisper of death ™
                        ~| ما بعد نهاية الهمسات |~
                        //
                        بعد مرور سنة ونصف



                        //
                        فجر
                        ،
                        ظهرت من الحمام وانا جفف شعري...
                        طالعت الساعه...5:15
                        فريت الفوطة...وظهرت من غرفتي للغرفة المقابلة..
                        فتحت الباب بهدوووء...
                        الغرفة ظلام....وباردة.....
                        واه...تييب الرقاد...
                        مشيت بخفه ل سريرهم...
                        واندسيت بينهم تحت اللحاف....
                        برررررد......!!
                        سحبت ايده وايدها....وضميتهم لصدري احاول ادفي نفسي فيهم..
                        غمضت عيني وانا ابتسسسم براحه..
                        نشت متخرعه : بسسم الله...يممه فجر...هذي انتي..!!?
                        ما رديت عليها....اوني راقدة...
                        قالت تتحرطم: الله يهديج ...! انا كم مرة اقووولج لا تخرعيني...!!
                        ضحك بخفة وقال : قومي قووومي....خرعتي امج....سيري رقدي ف حجرتج....
                        تشبثت ف ايدهم اكثر..قلت : مابا....
                        سحب ايده وقال : يلا قووومي يالفاره....انا مادري لييش ما تحبين ترقدين الا عندنا...!!
                        دفنت ويهي ف حضن امي وقلت : ياخي كل يووم تقوولي هالكلام.....قول باختصار انك غيران مني لاني ارقد بالنصص...!
                        ضحكت أمي : والله ان هالبنت سووسة استحي ع ويهج....و قوومي يلا...ما تيين الا وقت الصلاة....قوومي صلي وخلينا نذكر ربي...
                        قلت وانا اتذكر : اوووه....اصلا كنت ياية اقعدكم للصلاة....
                        حسيت بأبووي يقعد...مد ايده وقرصني بخفة
                        ابوي : وانتي كل يوم تقولين لنا هالعذر ...!
                        قلت : هههه والله صدق....بس لما ادخل غرفتكم اييني رقاد لذيذ ..!
                        مسحت امي ع راسي بحب : يلا يممه قوومي صلي.....!!" تحسست شعري المبلول " وييي ..!! ليش ما جففتي شعرج..؟؟؟ بتمرضين...!!!
                        ابوي بعتب : انا كم مرة قلتلج لا تتسبحين ف هالوقت..! وخاصة ف هالايام الباردة...!!؟ كم مرة افهمج..؟
                        يلست وقلت بلا مبالاة : هههه ماعلييكم ...ترا مناعتي قوووية....
                        ،
                        بس ما تركووني....وتموا يعيدوون لي محضراتهم اليومية...
                        كالعادة.!
                        ..
                        بعدها...نقزت من السرير...وقربت كرسي أمي المتحرك...وساعدتها تقعد عليه...
                        وساعدتها بعد تتوضا..
                        وبعد ما خلصت...
                        رحت غرفتي....وصلييت...
                        ،
                        خل اقوولكم شو صار لي الفترة الأخيرة...!
                        وأكيد تبون تعرفون كيف أمي وأبوي هني..!
                        مفاجأة صح..؟
                        الله يسسلمكم بعد ما سافرت بدووري ويا أمها...تميييت بروحي ف هذيك الشقة الكئيبة..
                        حسييت بالوحدة......كلهم رجعوا لاهاليهم الا أنا...!
                        يأست من الحياة اللي انا فيها..!
                        ،
                        ف قررت ارجع فجر الأولانية وافتح صفحة يديدة واعيش حياتي....
                        ونفس ما وعدت دكتور مروان..
                        رحت اتعالج عنده ..
                        وبعد شهوور....أختفى فارس...ورجعت فجر..!



                          تعليق

                          • ஜ .¸¸ فجر¸¸. ஜ
                            عضو ماسي
                            • May 2009
                            • 708
                            • .
                              .
                              .


                              .
                              .
                              .
                            #217
                            رد: همــس الموت | Whisper of death ™

                            بعد ما ظهرت من المستشفى...
                            سكنت ف بيتنا...وقررت أكمل دراستي في الجامعه وأتخرج واشتغل وأكون نفسي..
                            بس بعد كم يوم..تفاجأت بأمي وابوي...!!
                            ما صدقت رووحي لما جفتهم يدخلون علي..!!!
                            كانت مفاجأة من علي وحمد لي...واروووع مفاجأة بصراحه,,
                            ما قدرت أعبر غير إني سجدت شكر ل ربي..!
                            ،
                            فهمني حمد كل السالفة...!
                            وشو اللي صار لي ولاهلي بالظبط..
                            ...
                            لما كانت السيارة تحترق....وانا طايحة بعييد عنها..وكنت اسمع صرخة امي وابوي.....كنت اتحسبهم داخلها يحترقون...!!
                            وهم العكس..!!
                            يحسبووني انا اللي داخل احترق...
                            بما ان اخواني كلهم طلعوا من السيارة الا انا..!
                            ولما انفجرت السيارة....عرفوا اني اختفيييت وتقطعت لاشلاء..!
                            أما ابراهيم اللي كان يراقب الوضع..
                            استغل الفرصة...وخذني ع اساس اني بنته للمستشفى...
                            و اهلي...؟
                            أخواني على طوول ماتوا بسبب الدخان..!
                            اما امي بسبب اللي صار لنا ...مرضت...وكانت بتموت..!!
                            ف اقترح ابراهيم على ابوي يسفرها في الخارج...
                            ولان ابوي ماعنده خيار ثاني...سافر معاها...
                            ولكن للاسف...!
                            طاخوا ف فخ ابراهيم....اللي ب مساعدة المنظمة الموجودة هناك...
                            قدروا يمنعون امي وابوي من الخروج من هذيك البلاد..!
                            وما ظهرهم غير حمد اللي بعد ما حقق في السالفة عرف مكانهم..
                            ..
                            صحييح حزنت وايد لان أخواني ماتوا..
                            بس الحمدالله على كل حال.....شي..احسن من لاشي..!
                            ،
                            يلست ع السرير امششط شعري....!
                            وانا افكر في الاحداث اللي مرت كأنها حلم..!
                            الحادث.., تحولي لولد..., لاعبة مشهورة.., الشباب ....النادي.., الحرييقة.., محاولة قتل علي...ويوسف والمنظمة...وابراهيم ..!
                            و اخيرا حياتي اللي ردت شرات قبل..!
                            تنهت بعمق...صدق كأنه حلم..!
                            ...
                            انتبهت للبلكوونة...


                            لما دققت جفت طيف انسان يالس ع حافتها ..
                            دققت اكثر...جفت نظراته..!
                            وقفت بسرعه واقتربت ناحية البلكونة....قبل ما يختفي..
                            ولما فتحتها...اختفى........!!!
                            لحظظظة...لا تروووح..!!
                            سمعت صوت تحت ف الاشجار..؟
                            اقتربت بسرعه وطالعت تحت...
                            جفته متخفي وراها...
                            ليش يتخفى مني...؟؟؟؟؟
                            ...
                            رفعت حواجبي لما جفت الوردة البيضاء وعليها شريطة حمرا....


                            قربت منها...
                            رفعتها من ع الارض...
                            وتأملتها....ورود بيضاء نقية ملتفة بشريطة حمرا...
                            ومع طلوع كل فجر ...احصلها هني..!
                            طالعته مرة ثانية...
                            لكنه اختفى....!
                            ابتسمت بهدوء...
                            و ادري انه ما بيرد الا الفجر الياي..!
                            رديت ادخل لما حسيت بالبرد....
                            ليش يرسلها لي...
                            هالشي الوحيد اللي ما افهمه...؟
                            مادري يقصصد فيها..يمحي كل اثاره السودا عن قلبي..!؟
                            بس اثاره كلها انمحت لما رد لي علي...!
                            يوسف......او بالاصح.." فارس "..!
                            كل الشخصيتين يلفهم الغموووض....!
                            شخصية يوسف غامضة..وبتقى غامضة بالنسبة لي...
                            أما فارس....أعتقد انها هي الشخصية النابعه من داخله...!
                            ،
                            الشي اللي كان محيرني اكثر...! " ليش انقذ حياة علي "..؟؟
                            ولكن قدرت أؤمن بوجود شي مهم ف الحياة..!
                            " مافي إنسان ما يمتلك ف داخله ذرة من إنسانية "
                            حتى لو كان اقسى واحد ف الكون...مستحيل ما يمتلك ذرة طيبة أو شي من الانسانية..!

                              تعليق

                              • ஜ .¸¸ فجر¸¸. ஜ
                                عضو ماسي
                                • May 2009
                                • 708
                                • .
                                  .
                                  .


                                  .
                                  .
                                  .
                                #218
                                رد: همــس الموت | Whisper of death ™

                                وها استنتجته من أعضاء المنظمة..!
                                سليمان..! ع رغم قسوته مع شهرزاد...الا انه ما قتل اهلها..!
                                إبراهيم.! احمد ربي مليون مرة...انه ما فكر يقتل اهلي..!
                                محمد..! ع اللي قالتلي مريوم عنه...انه متجرد من الاحساس..! بس طلع هالكلام عكس..! لما حقق حمد عسب يتأكد من موت ربيعه..تفاجئنا من موقف محمد..! لما مات ربيعه ف المهمة....ما ترك جثته للعدو...!
                                لا..! خاطر بنفسه عشان يحمييها ويدفنه بنفسسه...وبسبب هالتضحية...فقد اذنه اليسرى..!
                                يوسف...! وانا متأكدة مليون بالامية...انه يكره علي لحد الموت...الا ان ذرة انسانيته تحركت ف لحظات علي الاخيرة....! وانقذه من الموت...
                                بدر...او سامي...رئيس المنظمة..! من كان يتوقع ان رئيس هالمنظمة ممكن ينقذ بنت صغيييرة من سجن مدته خمس سنوات...؟؟
                                بدر البدور..هي الوحيدة اللي حركت فيه هالذرة..!
                                وخلته يعششقها بجنون...!!!! ويحاول يحميها بكل الوسائل...!
                                لدرجة..! إنه قتل ابوها..ومرته..لانهم سبب معاناتها..!
                                تذكرت الجملة اللي همس لي فيها لما سألته ليش أنقذ بدوري.؟
                                " بعض تصرفاتنا..ما يكون لها مبرر .! "
                                بس المبرر هي ذرة الانسانية اللي مستحيل ما تكون ف شخص ف هالكون...!
                                هي تحتاج فقط لمن يحركها...!
                                ،
                                وو صح...! اللي صدمني اكثر...لما عرفت ان بدوووري ما انخطفت من الاساس..!
                                وان بدر...اللي هو سامي كان يسكن عدالنا..!
                                ف عسب جي كان يعرف كل شي عن بدووري...!
                                ..
                                لما كنا في الحديقة القريبة من شقتي...( في اليوم اللي اختفت فيه )
                                جافته بدووري ولحقته للسيارة وركبت بدون مايدري..!!!
                                ووصلت للمنظمة....والحمدالله ان شهرزاد والباقي لحقوا عليها قبل لحد يجووفها..
                                ،
                                الساعه 6 و نص..!
                                نشيت اتزهب للجامعه...
                                ..
                                بعدما خلصت...خذيت مفتاح سيارتي وشنطتي وفوني...ونزلت تحت اتريق ويا امي وابوي...!
                                ...
                                وع الساعه 7...ركبت سيارتي السبوورت...
                                وتحركت رايحه لطريقي المعتاد...
                                ،
                                وقفت جدام النادي اتأمله بابتسامة...
                                ع كثر الاشياء اللي صارت فيه..! الا ان ذكرياته الحلوة محفوورة ف قلبي..!
                                ،
                                عضيت ع شفايفي لما تذكرت الموقف اللي صار لي قبل ما أرد فجر..!
                                وهو لما اكتشفوا الشباب اني بنية...!!




                                  تعليق

                                  • ஜ .¸¸ فجر¸¸. ஜ
                                    عضو ماسي
                                    • May 2009
                                    • 708
                                    • .
                                      .
                                      .


                                      .
                                      .
                                      .
                                    #219
                                    رد: همــس الموت | Whisper of death ™

                                    "
                                    بعد 3 ايام من مواجهة المنظمة...!
                                    تفاجأت بالتوأم عندي ف الشقة..!
                                    مريم وريم : مراحب.....!!
                                    طالعتهم متفاجأة : بسسم الله....من وين طلعتوا انتو..؟
                                    انتبهت للاكياس الكثيرة المتناثرة ع الارض..؟
                                    وبدووري تتعبث فيهن..
                                    قالت ريم اظني : يبنا لج مفاجأة....!!
                                    قالت مريم : هههه مريوم والله متحمسسسه ابي اجوووف كيف بيطلع شكلها..!
                                    طالعتهم وانا متنححه ع الاخر..
                                    منو مريم ومنو ريم الحين..؟
                                    المعفنات مطقمات من فووووق لين تحت...!
                                    وماقدر افرق بينهم...!
                                    قلت : فرييتووا مخي..منوو ريم ومنوو مريم...؟
                                    طنشووني ...!
                                    جفتهم يظهرون الاغراض من الاكياس...
                                    قالت : انا ريموو....." عرضت جدامي فستان اصفر قصير شوي " شرايج..؟
                                    طالعته ل ثواني..عقب قلت بدون اهتمام : حلو..
                                    قالت مريوم : طع هذي..!! حلو..؟ بسس..؟؟؟؟ ترا ها كللله شريناه حقج..!
                                    هاه..؟ اصلن توني انتبه انه نفس الفستان اللي لابسته التوأم..
                                    ريم : يلا قووووومي...نبا نجرب الفستان عليييج...!! كششخه بنطقم كلنا ويا بعض...
                                    طالعتهم باستنكار : نعم اخواتي..؟


                                    طالعن بعض وعقب قالت ريم : نعم انتي.....؟؟
                                    قلت : مب صاحيات صح...؟
                                    ريم شدت شعري : شو اللي مب صاحيات..؟؟
                                    ضحكت اطنز وانا أأشر ع الفستان : انا البس هذا...هههه...مستحيييل..!!
                                    صدق ما اتخيييل,,!
                                    مريم تخصرت : شو اللي مستحيل بالظبط.؟ وليش ان شاءالله لايكون ما بتلبسيينه ونحن تعبنا من الفرفرة ونحن نتشرا عسب نطقم دووم ويا بعض...
                                    هزيت راسي برفض قاطع : اكسكيوزمي...! انا مستحيل البسسه..! بعديين انتي ما جفتي شكلي كيف...؟ عاد لو لبست الفتسان والله صدق بيطلع علي مصصخرة..!
                                    ريم تتحرطم : يلا فجر..حرام عليج والله..لا تخربييين وناستنا...
                                    مريم تترجاني : يلا فجووور....بس جربييييه....بنجووووف كيف بيطلع عليييج....يلا عاد...
                                    شو نعم....؟؟
                                    وقبل ما اررفض..جفتهن يتبادلن نظرات الخبث....
                                    ونقزن علي ..
                                    وبعد ضرابات وياهن.....لبسسسته....!!
                                    وحطت لي مريوم شبابيص ع شعري القصير..
                                    وريم لبستني اكسسورات خفييفة..
                                    وصندل ع نفس لون الفستان
                                    ،
                                    لما وقفت جدام المنظرررة...!
                                    هييييييييييييييييي....
                                    شهقت...!
                                    كنت بمووت من الاحراج....!!
                                    شكلي فظيييييييييييع....!!!
                                    الفستان لنص الساق وضيق..
                                    شكل عضلاتي جي تخررع...!!
                                    جسمي ابدا ما يركب ع الفستان....
                                    اخيييييييييي...
                                    مريم تحاول تغطي احراجي : يجنن....!!! كيوووووووت....!!!
                                    هه كيووووت..!!!
                                    ريم صفرت باعجاب : احلى يا ولد..! والله و طلعتي قمر...! هههه اسم الله علييكي..!!
                                    وبدووري تدوور حوولي مستانسه...!
                                    قلت وانا امط الفستان ومب عايبني الوضع : ايييي...خلاص...ببدل..
                                    تفاجأت لما صرخن مع بعض..!
                                    مريوم : طبعن لا..! خلينا نستانس ف شكلج شوي..بليييييييز فجر...
                                    ريم تطالعني بنص عين : انتي ايييه...! لايكون تحسبيين عمرج ولد..؟ ترا كل اللي في الكبت بينعق ف الزبالة...
                                    حكيت خشمي منحرجة من الوضع اللي انا فيه....
                                    اصلا مادري لييش مستحية هههه....!
                                    هو الشي عادي...بس مادري لييش احسسه غريييب علي..
                                    قلت : انزييييين..خلاص....بس بتم فيه شوووي..." قلت اغطي ع الاحراج ونفس الوقت مابي اكسر بخاطرهن " يلسن هني..بييب لكم عصير...
                                    ريم ضحكت : حركات...خلاص لبستي الفستان يعني صرتي ربة بييت...!
                                    شفف هذي...! الا تفششلني...
                                    ظهرت من غرفتي ورحت للمطبخ التحضيري....
                                    وصبيت لهم عصير..
                                    وجهزت حلويات و جبس وبسكوووت....الخ...

                                      تعليق

                                      • ஜ .¸¸ فجر¸¸. ஜ
                                        عضو ماسي
                                        • May 2009
                                        • 708
                                        • .
                                          .
                                          .


                                          .
                                          .
                                          .
                                        #220
                                        رد: همــس الموت | Whisper of death ™
                                        خذييت الصينية برد لهم....


                                        بس..! تصنمت ف مكاني لما جفت باب الشقة مفتوووح...!
                                        والمصييييييبة....الشلة واقفة.................و تطالعني..!
                                        سالم – ناصر – سيف..!
                                        لا..........!!!
                                        تمنيييييييت الارض تنششق وتبلعني ف هالوقت....
                                        حسيت الجوو صار حار...
                                        فتحت عيوني ع وسعهن لما جفتهم دخلوا ووقفوا جدامي..!
                                        طالعووني لدقايق يحاولون يستوعبوون....!
                                        اهىء لا.....!!!!
                                        اسوي رووحي بنت واني ماعرفهم...
                                        هاللي يا ف بالي...!
                                        لكن واضح اني انا فارس اللي يعرفووونه....
                                        دعيييت ع التوأم ف داخلي...لانهم حطووني ف هالمووووقف السخييييييييف...!!
                                        سالم يأشر علي ويطالع ف الباقي يبيهم يتكلمون : أأأأ...؟
                                        هزوا كتوفهم ب " مادري "..!
                                        سالم يبا يضحك بس مايعرف كيف...
                                        اوووووه....حسييت الصينية شوي وبطيييح من ايدي...!!
                                        شووو اقوووووووول..؟؟؟ كيف ارقع الموقف....
                                        سيف ضحك بخفة في البداية : شباب..؟؟ انتوو تجوفون اللي اجوووفه..؟



                                        لما انتهى من جملته....!
                                        كانوا خلاص مستوعبين اللي يجوفونه..
                                        طاحووا ع الارض وضحكووووا ليييين قالوا بسسس..!!!!!!
                                        يوو التوأم لما سمعوووا الاصوات...
                                        ريم : منووو هذييل..؟
                                        مريم : بسم الله...شفيييهم.؟
                                        ريم : هييييييي....اكييد حرامية...!!!
                                        ماقدرت اتكلم....اصلا مالي ويه...!!
                                        سالم يمسح دمووعه ويضحك : لا يا فارس.....انت مستحيل...!!! هههههههههههههه..
                                        ناصر : هههههههههه...والله لاعب الدووور صح...!!! يليييييق عليييك..!!!
                                        سييف : هههههه فستان...وشبابيييص...وصينية...هههههههه شو شكلك انخطبت..!!
                                        ريم تخصرت : خييييير..؟؟ انتوووو...!!! كيف دخلتوا..!!!!
                                        مريم بعصبية : شو هالقلة ادب..؟ كيف تدخلون بدون استئذان..؟ بيييتكم هووو....؟؟
                                        سالم ظهر فووونه : هههههه...لا انا صراحتن لازم ما افووته هاللحظة....لازم اصوووورك....هههههههه
                                        هيييييييييييييي..!!!!!
                                        شوووو يسوي هالميينووووووون...!
                                        ..
                                        انقذتني رييييم لما سحبت الفوون منه بسرعه..
                                        قالت معصصبة من خاطرها: انت ايييييييييييييييييه..!!!! ما تستحي..!!!! كيف تصووور بنات الناس..؟؟ ما عندك خوات...؟ ماتخاف عليهن...؟
                                        مريم : عيني عييييينك. الحقيير..يصوووور...!!
                                        ماقدروا يمسكوون نفسسهم...ضحكووا مررة ثانية...!
                                        سالم : ههههههههههه سمعتوا شو قالت..؟ هههههههههه..
                                        سيف : ههههههه بنات ناس...!
                                        ناصر يقلد ريم وهو يضحك : ما عندك خوات.؟ ههههههه شادين حيييييلهم..!!
                                        سيف تنهد من الضحك : فارس من وييين طلعوا هالنسختين..؟
                                        مريم بصوت عالي : جب....!!!
                                        سكتوا شوي...ولما كانوا بيردون يضحكون...
                                        قالت مريم بجمود : انت وياه....سمعوا ....هذا مب فارس اللي تعرفونه....
                                        كتموا ضحكاتهم...وهزوا راسهم يعني نعرف..!
                                        مريم بجدية : انا اتكلم جد...! فارس اصلا بنت ....
                                        ريم كملت : و سواء صدقتوا او ما صدقتوا هذا شي راجع لكم..فارس انسووووه خلاص....وفجر مب ملزوومة تفهمكم السالفة او تبرر لكم...
                                        كانوا بيضحكون..بس لما جافوا ملامحنا الجدية..
                                        طالعوونا باستغراب...
                                        سيف : اما هذا فارس...كل يوم يطلع لنا ب سالفة..! هههههه...و
                                        قاطعته لما تكلمت اخيرا بصوت أنثوي : كل اللي قالوه صدق....فارس بالاساس بنت....!
                                        شهقوا و فتحوا حلووجهم من الصصصدمة ...!
                                        ناصر : فرووووص...!! انت تتكلم..!!!!
                                        سيف : من متى..!!!!
                                        سالم : فروووووووصي حبيييييبي......
                                        اقتربوا مني مستانسين...؟؟؟؟
                                        تراجعت لورا...
                                        قلت بنفاذ صبر : سمعوووووني....!!

                                          تعليق

                                          السابق 1 12 13 14 15 16 17 18 19 20 21 22 23 template التالي

                                          google Ad Widget

                                          تقليص
                                          يعمل...