تويت
رد: همــس الموت | Whisper of death ™
تأملت الرسالفة لفترة...
//
فجر
،
تألمت وايد....ماقدرت اقوول لحد.....ماقدرت اقول لشهرزاد...ان علي...طعنوووه...وعقبها حرقووه...
حاولت افهمها....بس...بس ماقدرت..!
.
زيارتها...فادتني وايد....شجعتني ع اللي بسويه...
ولازم انفذ اللي قالته...
صدقيني شهرزاد...التقي وياج الا لما اتغير....بتغير وما بعتمد على احد..!
،
فتحت عيوني.....يلست...انا رقدت....؟؟
مسحت ع ويهي...
وقفت...وفتحت الستارة...وتسللت الشمس لداخل الغرفة...
الحين كم الساعه...؟ ونحن اي يوووم...؟
خذت تلفوني...
9:20 الصبح..
اليوم الثلاثاء..
هاليوم الثالث من بعد الحادث!
جفت مكالمات لم يرد عليها ووايد مسجات..
اففف ...مب وقته...
.
ضغطت زر....وبالغلط انفتحت اول رساله..
" فجر..انا بختفي فترة .....خذي هالرقم.....اسمه الريال :حمد...! ماعرفه وايد...بس اظن انه ريال تقدرين تثقين فيه...و ممكن يساعدج ف حل جريمة قتل علي........شهرزاد. "
تأملت الرسالفة لفترة...
بس انا ابي اعتمد على نفسسي...!
بندت الرساله..
ورحت اخذ شاور...
.
بعد ما بدلت...سويت ريوق...اول ما حطيته جدامي ...اكلت لقمتين....
انسدت نفسي...!
مب مشتهية اكل..
.
وقفت...ولبست جوتيي...وظهرت...رايحه النادي..
لازم ابين للكل اني قووية...
ابي يوووسف يجووفني....!! يجووفني و انا قوووييه..!!
عضيت شفايفي بقهر لما تذكرت..انه جافني وانا بكل ضعفي وانكساري..!
،
وصلت للنادي..
دخلته و انا كارهتنه...وكارهه كل اللي فيه..!!!
.
وقفت اتأمل المكان...
خذت نفس عمييق...ومشيت متوجهه للمستودع اللي ورا..
.
وقفت جدامه.....طالعت الاشرطة الصفراء اللي ملتفه حوله " keep out"
رفعت نظري للمستودع..
اعتصصصر قلبي...محرووق كامل...!!
رفعت الشريط الاصفر....ونزلت من تحته...رايحه لداخل المستودع..
//
مكتب إبراهيم
،
جالس خلف مكتبه وهو يفكر بعمق...
والاخر...بنتظر منه ردا..
ابراهيم بتفكير : مادري....بس الاكيد انها جافته وهو مقتول..
هز راسه بتأكيد...
ابراهيم بعصبية : الغبي ليش يقتله..!! كنا لقينا حل ثاني....لو خليناه يتعاطى المنشطات..وعقبها نفرره ف السجن..
يوسف ببرود : عادي...انت ليش معصصب..؟ نقدر نطلع منها مثل الشعرة بالعجين..!
ابراهيم بانفعال : انت تعرف اني خايف على سمعة النادي....
يوسف بارتياح : لو ما قتله هو...كنت انا قتلته..
ابراهيم بسخرية : لانه سرق قلب عشيقتك... هاه...؟
تفاجىء يوسف......لكن لم يظهر هذا على وجهه..
بل واصل حديثه ببرود قاتل : لانه يعرف اشياء وايد....!
عقد ابراهيم حاجبيه : .....مثل شو.؟
ابعد يوسف ظهره عن الكرسي...ونظر الى ابراهيم بحدة..
يوسف : عن......فجر....ووو المنظمة...
وقف ابراهيم بذهول : كيييف...!!! منوو قاله...!!! لايكون بنت ال **** قالتله؟ " عض على شفته السفلى بغيض "....والله لاراويها بنت الذييين...يبالي اعييد تأهييلها من اول ويديييد..
هز يوسف كتفيه بلا مبالاة : هو اكتشفها...من قبل ما تقووله..! " عاد ليسند ظهره ع الكرسي..وقال بشرود " الشي الوحيد اللي متحسسف عليه...ذكاءه...اللي ضاع بسبب تهووره...!
جلس ابراهيم على كرسيه وقال بارتياح: عيل زيين انه مات....!
يوسف بشرود : اعتقد هو اللي تسلل من قبل لمكتبك....وسرق الاوراق..
ابراهيم متفاجىء : الشفرات الخاصة بالمهمات..؟!!!
هز راسه بايجاب : بس بعدني مب متأكد..."وبتفكير " يبالي اروح لبيته وافتشه...قبل ما تطيح بايد حد ثاني..
مسح ابراهيم العرق عن جبينه : والله وطلعت يا علي مب هين..!! " سكت قليلا " بس انت كيف عرفت كل هذا.؟
قال بزلة لسان : لما كنت اراقبها...ركزت عليه وتابعته...وجفته مرة ف موقع تنفيذ وحده من المهمات...ف شكيت فيه..
ابتسم ابراهيم بخبث : تراقبها..؟ والله ويابت راسك....بنت ال.*******
ما إن انهى جملته...حتى أحس بفوهة المسدس على رأسه
ارتعد من الخوف....!!
ضحك بتوتر : اسوووولف..... وياك....خ..خلاص...اسفين..كابتن يوووسف..ما بييب طاريها ع لساني...
ابعد المسدس ووضعه ف جيبه...
وعاد ليجلس مكانه..
تمتم ابراهيم بحنق : مححد يمزح ويا هالويوه .....!
ارسل اليه يوسف نظرة نارية...
قال بسرعه لينهي الموضوع : المهم ...شرات ما قلتلك...ابيك تسكتها..وتكثف المراقبة عليها.....مابيها تفتح عيون الشرطة على اشياء ما يدرون عنها..!
يوسف : اذا تقصد المفتش..؟ ماعليك...عندنا وايد عملاء من المنظمة يشتغلون ف الشرطة..و بمختلف الرتب...وحتى لو وصلت هي لواحد منهم...ما ظن يوصل الموضوع لرئيس الشرطة....اما عن الرقابة المكثفة مالها داعي...لان الخطر زال....وهي حاليا ف حالة ضعف..
وقف يوسف منهيا النقاش : بس تفاهم ويا الضابط..خليهم يخلصون تحقيقاتهم بسسرعه..
وقف ابراهيم...واخذ السوط المعلق على الجدار..ورماه باتجاه يوسف ...تناوله يوسف..
قال ابراهيم بجدية : اذا لزم الامر....رجعها شرات قبل..
تأمل يوسف السوط ....وبعدها خرج..
تعليق