تويت
رد: همــس الموت | Whisper of death ™
بعدين يا الكابتن ستييفن..ويلس ويانا شوي..
وانا طول الوقت اتريا يووسف...
ويينه.؟ وليش مب هني...
بس اتمنى ما الاقيه.....مادري اذا بقدر اواجهه او لا...؟
،
استاذنت بروح غرفة التبديل...
.
دخلت...ووقفت جدام المنظرة...
تأملت شكلي.....
لا..ما يبين ابدا اني بنية...
مسكت شعري...
يمكن عسب شعري..؟ عادي..هذا سيف شعره اطول عن شعري..
ولا يمكن لان شعري كستنائي وناعم وايد..؟
تنهدت براحه.....بس ما يمنع اني اكون حذره اكثر..
.
يلست ع الكرسي مبتسمة..
وانا اتذكر شو اللي سوووه لي..
اخ..ليتنا نرد لايامنا اللي قبل...ويا علي...وبدون أي مشاكل..
،
على طاري علي..؟
الاوراق اللي عطتني اخته.؟
كيف وصلت له هالاوراق...؟
و شو كان يسوي فيهن..؟
هييييييييييي...لحظة...الاوراق....
.
وقفت بسرعه..ورحت صوب الشنطة اللي عقيتها بلا اهتمام..
فتحتها بسسرعه...
واه....الحمدالله....موجوودة...
اففف...شو هالغباء اللي فيني..!!
لا ويايبتها وياي هني..
,
لبست الشنطة وحطيتها ع جنب..
وظهرت عند الشباب..وانا مخططه اظهره منهم الكلام..
،
جفت انقسموا كل مجموعه ويا بعض بروحهم يسولفون..
سرت عند مايد وشلته..
انا مب وايد وياهم...بس بحاول اخذ واعطي وياهم..
يلست وياهم بعد ما أشرت لهم بايدي " سلام "
مايد بترحيب : هلا ومرحبا فرووس....حياك..
ابتسمت له....
قعدت اسمع سوالفهم..واكتب لهم سوالف...
.
بعد شوي...
كتبت لهم واوني تذكرت : وين الكابتن يوسف..؟
مايد باستغراب : الكابتن..! اووه..ما تدري..؟ اعتزل الكابتن يوسف..
فتحت عيوني....اعتزززل....!!
متى وكييف..؟؟
مستحيييل....!!
مايد يصحح : هو مو اعتزل اعتزل....ع قولت المدير يمكن يرد لنا بعد فترة...
اووف..!! شو اللي صار...؟
كتبت : انزين...ومتى اعتزل..؟
مايد بتفكير: اممم...انا كنت اجووفه هني....بس اخر مرة دربنا كان في النهائي..انت عادي تجوفه هني...بس ما بيدربنا..
كتبت وانا احاول اسحب الكلام منه : اها.....انا اخر مرة جفته في الحادث...اممم.بس قبل ما يحترق المستودع....ما جفته...ماكان في الملعب...حتى دورت عليه عسب واحد من المذيعين طلب مقابلتي ومقابلة الكابتن..
الله ع العذر بس..!
مايد يحاول يتذكر : بس اذكر انه كان ويانا طول الوقت..." سكت شوي...عقب قال بتأكيد " هيه صح كان ويانا...بس لما سمعنا عن الحريقة....تركنا وهو يركض..وعقبها جفته وهو يظهرك من النار..!
كل اللي ويا مايد اتفقوا وياه ع الكلام...
طالعتهم بتفحص...
كتبت : انزين وعموور اخباره المعفن..؟ محد جافه..؟
كلهم سكتوا يطالعوني..
كتبت بسرعه : ادري انهم يقولون يمكن هو اللي حرق المستودع...بس انا اعرف عمور..مستحيل يسويها..
واحد من لاعبين الاحتياط : هيه كلنا متأكدين انه مب هوو....بس عاد شو نسوي ما عندنا دليل..
مايد بحيرة : عمور طيب مستحيل يسويها..بعدين لما انتهت المباراة انا جفته ب عيني لما استاذن من المدرب لانه تعب فجأة وقال بيرد البيت...يعني بالعقل واحد تعبان بيسير يحرق لكم مستودع بكبره..؟..بس المشكلة مادري وين اختفى...! " سكت شوي " انا قلت هالكلام للمفتش والضابط...و شبه اقتنعوا..
طالعتهم بتعجب..
عمور كان تعبان .؟
تعليق