تويت
رد: همــس الموت | Whisper of death ™
إي والله ..
الله يكون بعونهم هالبنات ..
تتنظرك عزيزتي =)
إي والله ..
الله يكون بعونهم هالبنات ..
تتنظرك عزيزتي =)
-
-
رد: همــس الموت | Whisper of death ™
مزوون وسووكررة
ربي مايحرمني منكن
تعليق
-
رد: همــس الموت | Whisper of death ™
~| الهمسة السابعة وعشرون |~
//
دخل الطبيب مروان الى الغرفة...ونظر اليهم بتعجب..
،
بعدما انتبهوا له..
سالم بضحكة مصطنعه : يا مرحبا الساع بدكتوورنا...!!
ناصر بابتسامة واسعة : وينك..!! الله يهدييك ضعت ...خوفتنا عليك..
دكتور مروان رفع حاجبيه: عيل انا ضعت...!!
خليفة بسرعه : لا...نقصد نحن اللي ضعنا..!
سيف بضحكة : بس كيف حصلتنا..؟
ابتسم لهم...وأشار الى كاميرتين مراقبة على السقف..
نظروا اليه بصدمة..!
سالم : يا فضيحتنا..من الصبح وهو يجوفنا..
سيف : لايكون بعد سمع سوالفنا...!!
خليفة ينظر الى الطبيب : صدق...لايكون سمعت سوالفنا..!!!!!
ضحك الطبيب بخفه...: لا...!
استاذن الطبيب لدقيقة...وبعدها خرج..
ناصر : احيييم....جفتوا كييف...مايقدر علينا..
سالم بضحكة : والله توقعت يكفخنا هالمرة..!!
خليفة : احمدوا ربكم انه ما طردنا..ونحن مسوين هالحشرة كلها..!!
.
دخل الطبيب مرة اخرى..وخلفه مجموعة من رجال امن المستشفى..
صرخ الشباب بمفاجأة..!!!!
سالم متفاجىء : شككلنا بننطرد شرات الحمير برا..!!!
ماهي الا ثواني حتى اصبحوا خارج المستشفى...!!
ضحك الجميع على انفسهم..!!
وذهبوا الى المنزل ل يكملوا حديثهم ولعبهم..
،
أما عن الطبيب ...عاد الى مكتبه..ل ينهي عمله قبل ان يعود الى منزله..
.
نظر الى الفحوصات بتمعن..
التقارير تثبت بوجود اثار اعتداء عليها..
ولكن الاهم انه لم يمسها احد..!
ابتسم براحه..
//
شهرزاد
،
لي اسبوع وانا ف هالمكان..!
بروحنا انا...وسامي...
بصراحه تفاجات من هالمكان..وكيف عرفه سامي..
اللي يصدمني كل يوم بشي..
المكان هذا وسط صحراء قاحله...مافيها ولا شي..
ومهجوور..
و
يخوف بالليل..
لما دخلته اول مرة...تفاجات ب الاسلحة الموجودة فيه..صح انها قدييمة ومغبرة...بس صالحة للاستخدام..
لما سالته عن هالمكان..
قالي انه اكتشفه..!!
بس....اظن انها كانت منطقة عسكرية..!
,
سمعت صوته وراي : يلا شهرزاد...وقت التدريب...
خذت مسدسي...وحطيت في رصاص..
سامي : تبين نأجل التدريب لين ما تخف حرارة الجوو...؟!
هزيت راسي بلا....لازم اتحمل كل شي..
وكل ما اتذكر الانتقام اللي بنفذه...
احس باصرار كبيير على اني اتعلم بسسرعه...
ظهرت برا..
وبديت اصوب ع القواطي المرصوصات بعيد..بكل قووة..
,
خلصت ذخيرة المسدس..و والنتائج كم قوطي طاح..والباقي ما يبتهم..
ظهرت من جيبي وحده ثانية ..ودخلتها في المسدس..
اقترب مني سامي اللي كان يراقبني بصمت..
سامي : خلييج مسترخية...لا تنفعلين بزيادة....خذي نفس عمييييييق..
غمضت عيني...وخذت نفس...
بعد دقيقتين..
سامي : الحين...خلييج هادية ومسترخية...
مسك ذراعي ورفعها..
سامي : خليها ثابته....واصابعج هي اللي تتحرك مب ذراعج...." أشر على مقدمة المسدس " وهالنقطة ركزي عليها الهدف...
ابتعد كم خطوة عني...وقال : يلا..
طالعت الهدف بتركيز....ضغطت ع الزناد....وووو طيحته...
صوبت ع الثاني....وبعد يبته..
ابتسمت بتحدي...
وبديت اطيحهم كلهم..
،
سامي ابتسم لي بتشجيع : ممتاز.....! مستواج يتحسن اكثر واكثر....يلا الحين بدربج ع الهدف المتحرك..وهذا هو الاهم..
ركززت معاه بكل حواسي..ويلست اسمع كل حرف يقووله باهتمام..
وو
بدا التدريب...
،
بالليل...تركني ف هالمكان...
قال بيرد بعد كم يوم..
.
لحظة..!
كيف اتم هني..برووووحي..؟!!!!
فتحتي حلجي بقوله يتم....بسسس
تركته يرووح..!
//
مريم
,
فرفرت بالقنوات بملل...
وكل ما اجوف الصورة اللي حاطينها اغلب القنوات...لما شهرزاد حضنت فجر..
اضحك عليهم...اتخيل اشكالهم لما يدرون ان هذي بنية..!!
اسميها شهرزاد حشررت الجماهير..!!
طالعت ريموه اللي تحاول تنرفز الياهل...
.
مسكت راسي لما سمعتها تصييح..
قلت لريموه بعصبية : بسسس ريموووه...طفرتيييني...بليييييييييز...مابي اسمع صوت صياحها...بالموت تسكت....!! تخيلي يالخبلة هذيلاك المخابيل يدخلون فجاة علينا..؟!
ريموه بملل : اففف..كم مرة قلتلج انا ماخذه احتياطاتنا..؟ " باست البنية " خلاص حبيبتي لا تصيحين..
جفت البنية سكتت...لانها اصلن كانت تصيح صياح دللع..
ابتسمت وانا اطالعها : تدرين اني ما اداني اليهال..بس هذي مادري ليش حبيتها..!
ضحكت ريم : والله حتى انا....سعوودوه اخوي كان مكرهني عيشتي " تنهدت فجاة " بس فدييته وحششني..
سكتنا...واظن كل وحده فينا تفكر باهلها...مادري لين الحين يدورون علينا..؟
قطعت ريم افكاري : مريووم....تعالي بنحاول مرة ثانية نعرف اسمها..
قلت بسرعه : لالا..تعبتت من كثر ما احاول....ماظن حتى تعرف اسمها..
ريم : يلا عاد...والله خاطري اعرف اسمها..
نزلت من ع السرير وتربعت عدال ريم وجدامنا البنية اللي تطالعنا باستغراب..
ريم مسكت ايدها : يا حبيبتي ..يا عمري انتي.....شووو اسمج..؟!!
طالعتها البنية وهي ماده بووزها..ههههههه كل يوم نعيد لها نفس الاسطوانة..
ريم تطالعني : شفييها هذي..؟
ضحكت عليها
ريم : يلا قوولي شوو ا سمج..؟
البنية كشرت : جب..!!
شهقنا انا وريم...
ريم تطالعني بصدمة : جب مرة وحدددددده...!! ايا مسوودة الويه.....مريووم هدييييني عليها..
ضحكت عليها...ودزيتها بعييد عنا... : انتي خللج بعييد..انا بتفاهم وياها..
قلت : يا حلوة...يا امووورة....لحظة...لحظة..." رفعت صوتي " منوو يبا حلاوا...
............." لا رد "
عطيت ريمووه نظرة....قفطتني...ما تحمست وياي..
ريم بغباء : كنتي تقصديني.؟
طنشتها : منووووو يبا حلاوا..
ريم بصوت صمخ اذووني : انا....
تكلمت البنية بصوت خفيف وبحماس : انا....
ابتسمت بنصصر : اللي يبا حلاوة..يقوولي اسممه اوول"طالعت ريم " شوو ا سمج يا حلوة.؟
ريم : اسممي ريمووووه..
قلت للبنية : وانتي يا عسسل.؟
البنية ضحكت : بدووووولي...
واه...اخييرن نطققت اسمها...لحظة.؟
طالعت ريم باستغراب : بدوولي..؟ هالاسم من وين طلع.؟
ريم اقتربت اكثر من البنية بحماس : بدووولي..! مممم...يمكن دلع بدرية..؟ انتي بدرية..؟
هزت راسها بلا
ريم : اسمج البندري صححح...؟
هزت راسها برفض وقالت باصرار : بدوووولي...بدووووووولي....
طالعتنا لفترة..ولما جافت انه مافي ا مل نعطيها حلاوة.....صدت عنا..وطالعت التلفزيون..
قلت بتفكير : هي اللام عندها رر......
ريم : بدووووري..؟
ردت البنية بعفوية : هممممم..؟
ريم : بدوووووري....
البنية : هممممممممممممم...
ابتسمت : اسمها بدوووري...يمكن بدوور...او بدرية...
ريم : اهم شي عرفنا اسمها....خخخخ كنت بتهور وبسميها ع كيفي..
،
مرت ساعتين...ونحن نفس الحال..
نفس كل يوم..
ما نعرف شو نسوي..
محمد ومنصوور..ما جفناهم من بعد هذاك اليوم
مهمتهم هالمرة طوولت..
احسسن..ولو يكونوا ماتوا فيها يكون افضضل...!
ريم صرخت بملل : ياربي....بمووووت...بموووت ف المكان من الملل..!!
مسكت ايدي تترجاني : بلييز ...بليييييز مريووم خليني اطلع....بتحوط ف هالمكان....بموت فهالغرفة الكئيبة..وبعدني ما اكتشفت هالقصصر....ترا بنجلط لو ما اكتشفته..
رفعت حواجبي : حلفي انتي بسس...قلتلج ماشي طلللعه برووحج..وانا ماقدر اطلع واخي هالياهل بروحها هنيي..بعدين انتي اذا طلعتي تييبي لنا مصيبة..
ضحكت لما جفتها تشد شعرها بغيض...
ريم : يعني شوو اسوي بعمممري......!!
قلت بجدية : ريمووه...انا ما اثق ف ولا واحد هني.....انتي الحين لما تطلعين وتاخذين راحتج...تحسبينهم ما يدرون عنج.؟ لا تقولين هم بعد شراتنا....ومادري شو...ترا عادي سالفة بدووري تكون عند محمد ومنصور..حبيبتي هذيلا مجرميين...كل شي توقعي منهم..هالخدم اللي مرابعتهم ..خللج بعيدة عنهم..
جفتها بوزت : مريوم انا بطلع من هنيي..وانتي تممي عند بدووري...
كنت بقاطعها بس كملت بسرعه : لا تخافين علي...والله ترا الشي ما يخوف مب خطير..
ما رديت عليها....الحين اخليها .؟ ولا لا.؟
قلت باستسلام : اوك..انا وانتي بنظهر...بس تريي لين ما بدووري ترقد..
جفتها استانست..وبسرعه سحبت بدوري وحطتها ع السرير وبندت الليت..
،
بعد ما كانت ريمووه شوي وتصيح..خخخخ رقدت بدووري اخيرن...
لحفتها عدل..
طالعتني بحماس : يلا...
.
فتحت الباب بهدووء...وراقبت المكان بحذر..
تفاجات لما دزتني ريم..
وظهرت..!!
ريم بثقة : شفييييج انتي ..عادي حبيبتي..امشي ولا كأنج مسوية شي..
طالعتها بنص عين : قلتلج لا تاخذين راحتج بزيادة........انزين الحين قوليلي...وين نروح..؟
ريم بتفكير : ممممم ...انا ابي اكتشف الباركنات..يمكن نحصصل مكان نشرد منه..بس اللفت ما بيفتح الا ببطاقة....والبطاقة مب عندنا..
تكتفت : انزين يا حلوة..ومن وين بنييبها..؟
ريم : بنتريا حد يدخل اللفت وبندخل وراه بسرعه..
طالعتها وانا مب مقتنعة : انزين يلا..
رحنا ويلسنا ع الكراسي اللي قريبه منه..
مررت دقيقة....دقيقتين.....ثلاث......ربع ساعه...
قلت بطفر : ريموو يالمعفنة محد يا...
ريم : ماعلييج تريي الحين بييون..
مرت نص ساعه....
وقفت وانا خلاص ملييت من الخاطر..
ريم بوزت : مادري ويينهم مسوديين الويه..
قلت : تعالي بنروح ندور ف مكان ثاني..
ريم : اووكي......بس لحظة....خلينا نروح تحت للسجن اوول....!
مادري..نرووح ولا لا....؟
هو الصراحه ابي اعرف شو صار عليهم..
بس اخاف حد من الحراس هناك...
جفت ريموو مشت عني...: شكلج مطوووله..انا رايحه..
تأفففت ومشيت وراها..
,
نزلنا تحت بحذر..
فتحت ريم الباب...
دخلنا راسنا...
.
هدوووووووء....!!
دخلنا وبندنا الباب..
ريم بهمس : مافي ليتات محترمة هنيي..؟ ماجووف عددل..
ضربتها ع راسها بخفه : ليش انتي ياية قاعه عرس ولا شو..؟
ريم رفعت صوتها شوي : عم عزيييز.....عمي عزيييييز....
قلت : وين كانت زنزانته..؟
....: هلا.... بناتي...
ابتسمنا ورحنا لزنزانته بسرعه..
ريم بفرحه : عموووووو....
قال بلهفة : هلا وغلا ببناتي.....وينكن...!! ما شفتكن من زمان..طمنوني عليكن..
قلت اطمنه : نحن بخيير...لا تحاتي....انت شخبارك..وكيف صحتك..!
قال : الحمدالله ع كل حال....
ريم راحت للزنزانة اللي عدالها وقالت بحماس : عمووووووه ...!! يا حيي هالشووووف..
ضحكت بخفه : الله يحييييج..هلا ببنيتي..
ريم : يعل هالضحكة دوووووووم....شخارج وشعلوومج....شهالزيييين..." ضحكت " محلوووة...!
قالت : الحمدالله..ناقصني شووفتج يعلني فداج......ههههه اي زييين....!!
ريم تتنهد بتمثيل : اه..وييينك يا عزيييز تجوووف هالزييين...!
ضحكنا ع خبال ريم..
عم عزيز بجدية : هاه يا بنتي...شو اخر الاخبار.؟ و المجرمين..ويينهم..! لايكون أذوكم بشي.؟
قلت : الحمدالله عموو نحن بخييير...
عم عزيز : انا مستغرب منهم..كيف مخليكم ع راحتكم ف هالمكان..؟
يلست مقابلة زنزانته : مادري ياعمي..انا بروحي مستغربة..كيف يخلونا ع راحتنا..غير انه من زمان ما جفناهم...ولما سالت ريم عنهم..قالولها ف مهمة..
تكلمت العمة :يا بناتي...والله اني خايفة عليكن منهم...ودي تتمون عندنا هنيي...ولا تظهرون من هالمكان..انتن بنات..وينخاف عليكن..
ريم دقت صدرها : افا عموووه....صح نحن بنات...بس ترانا عن عشر رياييل...
بطلت عيني ع وسعهن لما جفتها تظهر المسدس....بسم الله...هذي متى خذته..!!
ريم تراويه العم عزيز وحرمته....وبحماس : خللهم بس يقربوا صووبنا...
شهقت العمة بخوف..
قال العم بتوتر : من ويين خذتيييه...!!!!!
تربعت ريم بين الزنزانتين...وجفت كل اللي في الزنزانات الثانية يراقبونا بحماس..
ريم : الله يسسسلمك....مرة كنت استكشف...وجان احصل مخززن...مليان اسلحة..وخذت هذا..
العمة بخوف : وحد عرف انج خذتيه..؟
ريم بثقة : عمووه لا تخافين...حتى ولو عرفوا..ترا الخدم واللي يشتغلون هني..اغلبهم ربعي...
يا سلام ع الثقة...!!
العمة باصرار: انا اقصد الاثنين اللي خطفووكم...!!
ريم بلا مبالاة : هذيلا خليهم اييون اوول.....بعديين ترا انا مخبية المسدس..
هز عم عزيز راسه باسف : والله اني خايف عليكن...!
سمعت واحد من المسجونين تكلم : صدقيني لو جافوا المسدس على طول بتموتين..
ريم بتحدي : تقصد انا بموتهم...!
هزيت راسي بيأس من ريموه وتهورها..
طالعت فيهم كلهم....الحين ريموه تقول...ان فيه باركنات تحت....واكيد فيها المخرج..
معقولة نقدر نظهر هذيلا كلهم..؟
مستحييل محد يلاحظ..!!
بس كيييف..؟ كيف نقدر نساعدهم.؟
،
لحظة..!!
يتني فكرة..!!!!
ابتسمت وانا كللي أممل......يارب تنجح..!!!!
وقفت : سمعوووووووووني......!!!
لما جفتهم منتبهين معاي....
كملت : في طريقة واحدة...نقدر فيها نطلعكم من هنيي..
عم الهدوووووووووووء...!
بعدها.....سمعتهم يردون علي..
...: شوووو هي...؟
..: كيييف..؟
...: بنطلع من هالمكان..!!
قلت : هي مب اكييدة 100% بس الاكيد اني احتاج لمساعدتكم... الاهم نتعاون ويا بعض..
لما جفتهم متحمسين..ومستعدين يساعدونا....
قلتلهم عن الخطة...
،
بعدها..
لمحت ابتسامات الامل من ورا قضبان الزنزانات..
حضنتني ريم بحماس : اووختي عبقرية..!!! يلا خلينا بسرعه ننفذ الاشياء اللي علينا..
.
ودعنا العم عزيز ومرته...والباقي..
//
تعليق
-
رد: همــس الموت | Whisper of death ™
وبسرعه طلعنا..
،
ريم : اول شي لازم نسرق لنا بطاقة.....وو نكتشف الباركنات...و نروح مخزن الاسلحة...
مريم : انزين...بس المخزن..؟ يمكن مقفل بالمفتاح.؟
ريم : لا...اذكر ان الباب ينفتح بالبطاقة.....سمعي البطاقة اهم شي..!
مريم : اووك.....امشي بنروح نجووف من وين بناخذها...
ريم : لحظة..لحظة.....الحين لازم تكون عندنا خطة عسب نسرقها " همست " جووفي..عندنا خيارين....يا نقتل واحد منهم ونسرق بطاقته...او نسرقها من دون قتل..
طالعت فيها بصدمة...هالبنت صار تفكيرها اجرامي...!
قلت : خبلة انتي..!! كيف تقتلييين....!!!
ابتسمت بشرر : انا من خذت المسدس وهالفكرة معشعشة براسي..
سحبتها من ايديها : امشي جدامي اجووف...بنروح نفتش الغرف..
وقفت...: حلفي انتي بس..؟ ليش مالاحظتي ان اصحاب الغرف لازم يدخلون غرفتهم بالبطاقة..
يا هالبطاقة اللي طفرتني..!!
قلت بنفاذ صبر : انزيين يالشيخة ريم........والحل..؟
قال ببساطة وهي شاقة الحلج : نقتل...
مسكت راسي : ريموووووو مو وقت الاستهبال....
ضحكت : انا ما استهبل " تخصرت " يعني هم عادي يقتلونا..ونحن لا.؟
مسكت اذوونها : لييش هم قتلوووج..!!!؟ لما يقتلونج ..اقتليهم ونتفييهم..
بعدت ايدي : موولت علييج من توأم..الحين لازم يكون تفكييرج شراتي...!! لازم تتحمسين وياي..
قلت بنرفزة : لا اسمحيلي يا توأمي العزيز..لما يكون تفكيرج صح..وعقلاني شوي..بفكر نفسج..لكن مشكلتج متهوورة..!!
طالعت فيها.....سرحانة ما كانت تسمعني...
مطنشتي اللي ما تستحي..
ريم تكلمت فجأة : يلا الموهيم..خلينا نحصل حد عنده هالبطاقة...
مشييت وراها بيأس....هذي بتييب نهايتنا..
تجولنا في الممرات...نبحث عن هالبطاقة المشؤومة..
,
فجأة سحبتني ريم وانخشينا..
قلت بهمس: شفييج...حصلتي حد..؟
قالت بحماس : اوووووش...جوفي هالحرمة اللي طلعت من الغرفة..
تأملت الحرمة ..قصيرة...ضعييفة....وشكلها من الجنسية الاسوية..ملابسها سوودا وعلى رقبتها سكارف خفيف....و بعد ماظهرت..حطت البطاقة ف جيب قميصها..
ريم : قومي بنروح لها...
مسكت ايدي ريموه...
ما عرف شو مخططه له...بس بمشي وياها..
رحنا للحرمة..
ريم : هاي...هاو ار يو.؟
الحرمة باستغراب : فاين...اند يو.؟
ريم سكتت شوي..عقب قالت ببرائة : أم فاين....امممممم....اي نييد هلب...!
وقفت وانا احاول تكون ملامحي شرات ملامح ريم اللي يالسة تخرط ع الحرمة..
،
قالتها انهم موصينها تروح تحت وتبا مساعدة ومادري شوو..
الحرمة ترددت..وقالت انها مستعيلة..
بس عاد شو بيفكها من ريمووه...هههههه..
كنت ماسكة ضحكتي وانا اجووف ريموو تترجاها..
بس اخييرن وافقت..
مشت ريم..ومشينا وراها انا والحرمة..
ريم صدت ع الحرمة وبابتسامة : اوو..سوري....وتس يور نيم..؟
الحرمة ابتسمت : انجليينا..
ريم طالعتني : ههههه والله لطلع عيوونها...
رفعت حواجبي ..شتقصد هالخبلة..؟
نزلنا تحت...
للسجن...!
وقفت الحرمة بارتباك : سوو...ري...أأأ..مم..
مسكت ايدها ريم : انجليينا...ليتس قوووو..
طالعتني الحرمة بشك....ابتسمت اشجعها..ههههه..
دخلت ورا ريم بتردد..
وريم تمشي ولا عليها...
جفت العم عزيز والباقي يطالعونا باستغراب..
.
لين ما وقفت ريم لاخر زنزانة...وكانت فاضية..ومظلللمة..!!
تذكرت هذاك اللي مات فيها...!
فتحت ريم الزنزانة اللي قفلها مفتوح..
وتمت تتكلم ويالحرمة..وتأشر لها داخل..
جفت الحرمة تطالع المكان..وتحاول تفهم شو اللي تبا منها ريمووه..
.
لمحت غمزت ريم ..
قربت من الحرمة..وكملت مشوار ريم في الخرط..
.
وقفت ريم ورا الحرمة...
ابتسمت اشجعها...عسب تدزها داخل ونقفل عليها..
بس تفاجات لما ظهرت المسدس...
لا..
بطلت عيوني ف ريم..هيييييييي..هذي شوو ناوية علييييه....!!!
اشرت لها بعيوني..ابيها ترجع المسدس..
بس طنشتني..
صوبت ع راس الحرمة من ورا..
ماقدرت اتحمل..صرخت : ريم لا...
صدت الحرمة ورا...
وو
طاخ..
بسس مب صوت الرصاص...
صوت المسدس وهو يضرب راس الحرمة..
طاحت الحرمة ع الارض متألمة...مادري مغمى عليها..
مسكت قلبي احاول اهدييه..
خررعتني المعفنة...ع بالي بتقتلها صدق..!!
جفت ريم تضرب راسها مرة ثانية...لين صدق اغمى عليها.
قلت بتوتر : بسس....ذبحتييييييها...!!
ريم تتنفس بسرعه : يلا ساعديني...بندخلها داخل..
قلت بخوف : ريمووه....تخيلي يعرفون عنها.....الا اكيييييييد بيعرفون....شو بنسوي ..!!
ريم بنفاذ صبر : مريوووم....سحبييها وياي...مب وقتج...
سحبناها ليين اخر الزنزانة ف الظلام...
خذت اسكارفها.....ولفيته ع حلجها..
ويابت رييم السلاسل الموجودة..ولفتها عليها..
حسيت ان نحن صدق مجرمات..
قلت : يارب ما يكشفونها..
ريم بتعب : يلا بسسرعه خلينا نظهر من هني...
خذيت بطاقتها...وشنطتها..
وظهرنا بعد ما قفلنا الزنزانة..
عم عزيز : بسرعه يا بناتي ظهرن قبل ما اييون..
,
ثواني وظهرنا من المكان...
ردينا الغرفة..
بعد ما دخلناها..
يلست ع الارض وريووووولي ترتجف...
شوو سوييييييييييينا...!!
ريم بخوف : مريووم...نحن سوينا شي..؟
ياربي ع هالبنت..
تووها تستوعب...
طالعتنها بدون ما أرد....
ريم بجدية ولأول مرة : مريووم..نحن لازم نطلع من هنيي.." سكتت شوي " ياربي..ليتني قتلتها ولا أتم بهالخوف..
بققت عييني..شفف هذي...الحين مب خايفة لانها ضربتها...وحبسناها..
ريم بحسرة : لا تطالعيني جي...ع الاقل كنا نضمن سكووتها...
//
بعد شهر
،
فجر
،
تأملت شكلي ف المنظرة...
احس بديت ارد فجر ..
تحسست ويهي...كنت خايفة تطلعلي لحية..!!
بس الحين بما ان الدكتور يحاول ينظم هرموناتي ماظن تطلع..
تنهدت براحه..
رديت اقعد السرير..
خذت الكتاب اللي يابه لي الدكتور مروان ..وفتحت ع الصفحة اللي وصلت لها..
وبديت اقرا..
،
بعد ربع ساعه...
جفت الدكتور مروان دخل..
ابتسم لي...ويلس ع الكرسي بتعب..
كتبت له في الفون : خلصت مناوبتك...؟
قال براحه : هيييه...ما بغييت...
ابتسمت على شكله التعبان...
.
صار بعد ما يخلص اشغاله مع المرضى ومناوبته..
يقعد عندي لين بالليل وعقبها يرد البيت..
صحيح ما يتكلم وايد وياي..وهالشي ريحني وايد وايد..خاصة انه ماتدخل فاي شي يخصني..او سال عنه..
احس براحه لما يكون موجووود...
نزلت عيوني بسرعه لما حسيته انتبه لنظراتي له..
قال : في شي تبين تقولينه..؟
هزيت راسي بلا....
بعد شوي ... كتبت له : شكرا....!
خذ الفون مني...وابتسم...وجفته يكتب فيه..ورد يعطينياه..
: على..؟
رفعتي نظري له....
عقبها كتبت : على كل شي....
خذ الفون ....ورده لي : لا تشكريني ....لاني ما سويت لج اي شي..
رفعت حواجبي ...كل هذا ماسويت شي..!
يكفي انك حميتني من يوسف..
تكلم : لما اظهرج من اللي انتي فيه.....واجوفج تبتسمين من خاطرج...ذيج الساع اشكريني..
.
نزلت راسي....
شو اللي بتظهرني منه بالظبط..؟
بترد لي حياتي القبلية.؟
بترد لي علي..؟
بدووري..؟
اهلي..؟
تنهدت و كملت قراءة الكتاب..
،
مرت نص ساعه..انا اقرا الكتاب..والدكتور يكتب ف اوراقه..
،
قطع الصمت فجأة : ما تبين تتكلمين..؟ " ضحك بخفه " ما اشتقتي لصووتج..؟
تفاجات...!
اتكلم..؟ لا ابدن..
صووووتي...!
اشتاق له..!
هه.....انت ماسمعته عشان تقول اشتقت له..
هزيت راسي برفض قاطع..
رفع حواجبه بتعجب : أفا لييش...! ماتبيين صووتج يررد..!!
نزلت نظري ل غلاف الكتاب..
لما كنت محتاجة لصوتي ف اشد الاوقات ما طلع..
خلاص..تعودت اكون صامته..ولو ما اسمع يكوون افضل..!
ماريد احس بهالدنيا..
،
انتفضت لما سمعته يقول بجدية : ما تبين تقوليلي انتي منوو.؟ واهلج وين..؟ وتفهميني حالتج هذي..؟
توني امدحك..!!
مارديت عليه....
الدكتور مروان باصرار : فضفضي لي..صدقيني....بتساعدين نفسج..وو....بعدين انتي مب واثقة فيني..؟ انا وعدتج.!...وعدتج اووووقف وياج للنهاية..
صديت عنه...
ع كثر ما ارتحت لهالدكتوور...ع كثر ما تحسفت اني تعالجت عنده...
خايفة عليه من يوووسف والمنظمة...
مابي يصير له شي..
وو
مابي اتعلق فيه..
الدكتور مروان : انزيين فهميني ليييش ما تبين تقوليلي..!!
تنهدت.....وكتبت : لانه احسن لك ما تعرف شي..
قال بانفعال مفاجىء: قلتلج مهما يكون ...بوقف وياج..
خفت منه...ووهزيت راسي برفض..
جفته تنهد.......بعد ما هدا قال باستسلام : ع راحتج...
بعدها....
وقف.....وظهر....!
عضييت ع شفايفي...
انا ابي مصلحته..
مايهمني لو زعل...
اهم شي ما يصير له شي بسببي..
،
انسدحت وحطيت ذراعي تحت راسي..
الحين لين متى بتم ف المستشفى..؟
لين متى بهرب من يوسف والمنظمة...؟ مع اني ادري انهم يقدرون ياخذوني بالقوة..!
وموت علي..!
كيف اكشف لهم الحقيقة...؟
تنهدت.....ماعرف شوا سوي .....ابي حد يساعدني..
شهرزاد..!!!
ويينج يا شهرزاد..!
وعدتج انفذ الانتقام وياج....بس كييف...كيييييييف...!!
.
يلست وسندت ظهري ع السرير..
لازم اطلع من هني..!
مسكت فوني....بروح ل شهرزاد...
هي الوحيدة اللي ممكن اثق فيها..
.
دورت اسمها بين القائمة....وو دقييت عليها..
.
.
مغلق..!
دقيت مرة ثانية......بس بعد مغلق...
تأففت....بس لحظة.....اذكر طرشتلي مسج...و من رقم غريب..
بسرعه فتحت المسجات..وانا ادعي انه ما انحذف...لانه موجود من شهر..
.
تنهدت بارتياح لما لقيته...
فتحته بسسرعه...
نسخت الرقم.....
.
يت عيني ع المسج.....
لما قريته ...تذكرت الريال هذا اللي قالتلي عنه شهرزاد...
حمد..؟ منو هذا...!؟
بيساعدني ف حل قضية علي..!!!؟
وليش شهرزاد قالتلي عنه وكأنها واثقة فيه..!!
بسرعه دقيت ع رقمها هذا......................وو نفس الشي مغلق...!
رصيت ع الفون بقووة..
معقولة بتم اتريا شهرزاد..؟
فتحت المسج مرة ثانية..............وو دقيت على حمد....
طووووووط...طووط طوط......: الوووو....
بلعت ريجي لما سمعت صوت الريال..
..: الوووووو..؟
بندت بسرعه....
حطيت ايدي ع خدي....يمكن هو يعرف سالفتي وسالفة شهرزاد.؟
بس..بس اخاف يكون من المنظمة..
لالا
مستحيل يكون من المنظمة....ولا شهرزاد ما بتقولي عنه..
.
فجر...خللج قووية....لا تخافين من حد......وشو بتخسرين لو جربتيه..
يمكن بيساعدج...
ترددت اكتب له مسج....ولكن في النهاية طرشتله " انا من طرف شهرزاد....ممكن تقابلني ب مستشفى ال ****...الغرفة ***....الموضوع مهم "
دقايق....ومسج وصلني...
" تعرف شهرزاد...!! اكيييد..الحين اقابلك...ربع ساعه وأكون عندك "
رفعت حواجبي بتعجب....
ليش تفاعل بدون ما يدري عن الموضوع اللي بقوله عنه..؟
لا وقال بيي.من دون ما يعرف منو انا..!
.
شديت ع قبضتي اعطي نفسي قوة للمقابلة..
،
تعليق
-
رد: همــس الموت | Whisper of death ™
،
بعد ساعه..
سمعت دق خفيف ع الباب....
.
بلعت ريجي بخووف....ياربي انا ليش وهقت عمري..
وين الدكتوور مروان...ابيه يكوون وياي...
مسكت الجهاز بضغط ع الزر عسب ايي ...
.
فجر...يالخبلة.....! شو تسوييييييييين...!
خلللج قوووية ما بيسوي فيييج شي...
.
سمعت صوت الطرقات ترتفع شوي....عقبها انفتح الباب شوي..
..: أأأ.....احم....السلام عليكم......في حد هني..؟!
طالعت الباب بترقب...اترياه يدخل...
لما جاف انه مافي ا مل حد يرد عليه...
دخل...!
حطيت ايدي ع صدري احاول اهدي دقات قلبي...
لما جافني..تفاجىء....قال باحراج : أأ اسف...!!"قال يبرر" بس دقيت الباب وحد رد علي...!
دققت ف شكله...حسيت براحه شوي...من لحيته اللي مطولنها شوي..وملامح ويهه الطيبة..
قال بشك : أأ مممم...انت فارس صح.؟ " ابتسم " قريت اسمك ع الباب.....بس مادري اذا انت الشخص اللي بقابله او لا...
هزيت راسي بعد تردد ب هيه..
قعد ع الكرسي القريب مني..
ضحك بخفه وقال :تدري اني دخلت غصبا عنهم...! الممرضات منعوني...قالوا ممنوع الزيارة الا بموافقة الدكتور....وعاد دوورت هالدكتوور وماحصلته.!
وقررت ادخل بالدسة..عسب جذي تأخرت شوي..
ابتسمت بتوتر له....
بس تفاجات لما جفت ملامح الجدية اللي ارتسمت ع ويهه..
قال بدون مقدمات : شو تعرف عن شهرزاد..؟ ووينها الحين.؟ وشو الموضوع المهم..؟
حطيت عيني بعينه....عقبها كتبت له : شهرزاد هي اللي دلتني عليك..
لما قرا..تفاجى اول شي : لحظة...انت ما تتكلم..؟
هزيت راسي ب لا...
سكت لما قرا الكلام عقب قال : دلتك علي...؟
هزيت راسي ب هيه.....
لحظات صمت...
،
عقب كتبت بتردد : .....اقدر اثق فييك..؟
لما قرا ...طالعني بتمعن...........: أأ..اخمن ان الموضوع يخص المنظمة..؟
ارتحت....هذا دليل انه يعرف كل شي..
هزيت راسي بالموافقة..........وو....قلتله كل السالفة...!
،
في البداية انصدم لاني بنية..!
بس لما قلتله سوالف المنظمة..ما فاجأته وكأنه متوقع منهم هالشي..
بعد ما انتهيت...هز راسه متفهم : من زمان وانا ابي اعرف عنهم..من بعد ما صار لي حادث بسببهم..وبعد لما عرفت سالفة شهرزاد..." سكت شوي "..هذيلا محد يستهين فيهم..
هزيت راسي مؤيدة كلامه..
حط ايده ع ذقنه بتفكير : قلتي تبين اساعدج ف قضية موت علي..؟
علقت نظري عليه بأمل....
.
وو
بدا يخطط وياي..
،
قال بجدية : اول شي لازم نروح لموقع الحادث...ونحصل ادلة ونثبت انه مات مقتول...." سكت شوي " تدرين....لو قلتيلي من قبل..كنا ع الاقل طلبنا تشريح للجثة مرة ثانية.....اما الحين لو قلنالهم..ماينفع يظهرون الجثة من القبر....لانها خلاص...تقريبا تحللت..
اعتصصر قلبي لما قال تحللت.....جثة علي ما بقى منها شي....
شديت ع قبضتي بألم....
بسرعه قال : بس ان شاءالله نقدر نحصل ادلة...مهما ارتكب القاتل جريمة...لازم يكون فيه دليل ضده..!
ظهر ورقة وقلم... : بنخطط شو بنسوي.....طبعا لازم يكون الحذر هو الاهم في خططنا....
الحين...اللي تعرفين انهم من المنظمة....قلتيلي ابراهيم..مدير النادي...والمدربين..يوسف و ستيفن....وسليمان هذا اللي ويا شهرزاد...
هزيت راسي ب هيه..
كمل : اوكي....اما عن اللي قتل علي....انتي تقولين يوسف...بسبب تهديده السابق...وماعندج اي ادله تثبت انه قتله...
عضيت ع شفايفي ...وهزيت راسي بالرفض..
حمد : والشرطة اشتبهت ب عمر انه هو السبب ف الحريق اللي صار..وما قصد موت علي..
خلينا من هذا....وقوليلي عن اللاعبين.....امممم فهد و جاسم و عمر...هذيلا اللي لاحظتوا عليهم انهم يتعاطون المنشطات..انزين....عندج دليل..؟
كتبت : نفس ما قلتلك..انا لاحظت عليهم اثار المنشطات ف لعبهم...اما الشباب خليفة وسالم و ناصر وسيف....لقوا اثار على ذراع فهد..اما الباقي مادري..
حمد : مممم....اها...." كتب ع الورقة " المشتبهين بهم : عمر..يوسف..وو فهد...!
عقدت حواجبي كتبت : فهد..؟ لييش.؟
حمد بجدية : انتي مب قلتي ان اللي جافهم علي في المستودع كانوا هم اللي يتعاطون....؟ والمتأكدين انه يتعاطى هو فهد..واحتمال هو اللي قتله..
هزيت راسي برفض قاطع كتبت : مستحيل فهد يقتله....انت ما تعرف...فهد تراه ربييعنا...ومهما سووا مستحيل يقتل ربييعه...!
قال بتفهم : فاهمنج...انا ماقلتلج هوو القاتل....قلت هو مشتبه به..!
عفست ويهي ...حتى ولو..!
كمل : المهم....الاهم بعد كل هذا....الاستجواب بطريقة غير مباشرة...
عقدت حواجبي باستغراب ..كتبت : كييف..؟
قال : جوفي....هنيي خليج ذكية..واستجوبي كل من كان موجود ف هذاك اليوم..بس من دون ما يحسون....يعني مثلا....اسالي اللاعبين اللي وياج..! منو كان موجود وياهم في وقت الاستراحة..؟ وبعد نهاية المباراة.....يوسف وين كان.؟ وكل واحد شو كان يسوي.؟
ترا اعتمد علييج ف هذا....اي كلمة صغيرة ممكن تكون الخيط اللي بيوصلنا للقاتل..
كتبت : ان شاءالله.........بس اهم شي يووسف....مابيه يعرف عنك اي شي..
ابتسم بثقة : ماعليج..نحن بنخطط من بعيد ل بعيد ومن دون جد ينتبه...و.بكون حذر ان ش.........
نقزت من الخوف لما قطعنا...اقتحام الدكتور مروان...
دخل وهو يلهث....
طالعني بخووووف...
عقبها...
التفت بسرعه لحمد وهو معصصب وصرخ عليه : انت منوو قالك تدخل والممرضات قالولك ان الزي......
سكت فجأة..وهو يطالع حمد بصدمة...!
وقف حمد متفاجىء...!
الدكتور مروان : ح...حمد..................!
حمد طالعه بصدمة...عقب ابتسم بفرحة وراح للدكتور مروان..
حضنه بقوة : مروان...!!
الدكتور مروان وبعده منصدم : انت حمد..حمد!! مب مصصدق...!!!!
حمد ابتعد عنه وقال بشوق : اخيييرا..! اخيييرا التقيينا..!!!
الدكتور مروان بابتسامة عذبة : مابغيت اشووفك..!! توقعت ما نلتقي ابدا...
تفاجات بالقووووو....حمد...! والدكتور مروان..!! يعرفوووون بعض....!
ش هالصدفة..!!
حمد ضحك بخفه : ورببي مب مصصصدق...!!
الدكتور مروان بعتاب : لا تصدق ولوم نفسسك...تختفي فجاة من دون ما تقولي..وتطلع فجاة..وترجع تختفي...ياخي مب حالة هذي...
حمد حك خشمه باحراج : اسفين يالدكتوور...حقك علينا...انا غلطان " بمزاح " بتسامحني ولا اختفي مرة ثانية..
شده الدكتور من قميصه : اقوووول امش برا....قال بيختفي....ترا بقص ريولك..ولا بحجزك هني في المصحة...
ضحك حمد بقوة...: شكلك حاقد علي وبالقوو...
الدكتور مروان ابتسم : فوق ما تتصور......." سكت تذكر شي " تعال انت....شو كنت تسوي عند مريضي..؟ لا وداخل بالدس بعد...!
حمد شق حلجه : ياخي لاعب مشهوور وما تباني اعرفه علي....
الدكتور طالع فيني وضحك بخفه : فرووس.....لايكون ازعجك...؟
ابتسمت ع فرووس......وهزيت راسي ب هيه....ههههه نذالة...
الدكتور مروان بنذالة : اروايك فييه.....
شده من قمييصه لبرا....
لحظة..
عقدت حواجبي.....حمد.....لا...مابيه يقوول للدكتوور شي...!!!!!
طالعت ف حمد اللي سحبه الدكتور لبرا الغرفة...
سمعت صوته يقول : تريا...شفيييك انت تسحبني جني حمار...!
ضحك الدكتور مروان بقووة.....
حمد : تريا ....باخذ توقييعه وبرد لك.....اففف منك......فشلتني جدامه...
دخل علي حمد واقترب مني.....عطاني دفتره ومسكت القلم بوقع....لمحت الدكتور مروان واقف عند الباب ويراقب بابتسامة..
حمد : يلا فروووس...صرنا ربع...عاد تحملني...كل يوم بزووورك...."همس لي لما خذ الدفتر " اللي بينا بيبقى سررر..
تنهدت براحه....وابتسمت له...!
ودعني..وظهر مع الدكتور مروان...
//
اما عن أعضاء المنظمة....
،
سليمان
يكاد يجن ل فقده شهرزاد....وهو قلق بشأن معرفة المنظمة لاختفائها...
وقد ابقى الامر سرا....وجاري بحثه عنها..
,
إبراهيم..
اعطى للنادي اجازة لمدة اسبوعين بسبب الاحداث الاخيرة التي حدثت...
وحاليا جميع اللاعبين يتدربون...ولكن ينقصهم 3 لاعبين أساسيين...فارس/ عمر / علي..
،
يوسف..
لم يقم بأي خطوة اخرى تجاه فجر القابعه في المستشفى....ولا يعلم ما السبب..
مع علمه انه يوحد احتمال كبير باكتشاف سرها...وربما سر المنظمة ايضا...!
و مكوثها في المستشفى اكثر...يعني احتمالية عودتها الى ما كانت عليه...!!
وربما الاخيرة راقت له اكثر..!
//
تعليق
-
رد: همــس الموت | Whisper of death ™
//
ريم
،
بعد منتصف الليل
،
الحين انا ومريم ومنصور ومحمد في المروحية...متجهين للمهمة..
بتقولون اي مهمة.؟
بقولكم شو الاشياء اللي صارت في الشهر اللي طاف..
،
بعد ما حبسنا الحرمة انجلينا....محد عرف عنها....وتسللنا لداخل غرفتها....بعد ما هربنا الاسلحة...وخشيناها فيها..
الموهيم..مر يومين ع هالحال وحد عرف عنا اي شي...
.
لين ما جفنا عامل...وحسينا فيه يراقبنا...
بعدها عرفنا انه من عند شهرزاد...و ياي يطلعنا من هني..
هذاك اليوم كانت الفرحة ماليتنا...
.
فهمناه وضح السجناء اللي تحت..وعن خطتنا..
بس رفض نعطي السجناء اسلحة....بسبب ان المنظمة تفوق عددهم...
وثانيا بسبب حالتهم...اللي ما تساعد انهم يقاومون...
.
احترنا كيف نطلعهم..؟
بس اتفق ويانا نطلع على واحد واحد عسب محد يشك باختفائهم..
وطبعا اول شخص لازم يطلع من هني...
بدووري...!
خذ بدووري..وظهرنا وقال بيي بعد كم يوم او اكثرعلى حسب اذا قدر يتسلل مرة ثانية..
.
انتظرناه يوم.....يومين.....اسبوع...اسبوعين...
لكن...!
تفاجأنا ب محمد ومنصور اللي رجعوا من مهماتهم....
"
انفتح علينا الباب فجأة....ودخلوا الحراس....وسحبونا انا ومريوم لبرا الغرفة..
مريوم بعصبية : يالحقير لا تلمسني...بمشي برووحي..
بس هو سحبها بقوة..و طنش كلامها...
قلت : يالمتخلف..وين بتودينا...؟!!!
مارد علي....شففف...
وقفنا جدام الغرفة.........غرفة محمد ومنصور...فتحوا الباب..
ودزونا داخلها ..وظهروا....
جفت محمد مغطي ويهه بايده.....ومنصور مركز نظره على محمد
و ويوههم ما تبشر بخير..!
منصور بنرفزه : انت اللي وهقتنا بتهوورك....قال شوو..! كرامتي اهم شي....الحين كرامتك هذي شو فادتنا...!!؟ كان اقل شي سويته قتلتهم من دون حد يحس...!!
" ضرب ايده ع الطاولة يبا محمد يتفاعل معاه " محمد....انت فاهم شو يعني الرئيس كان هني..!!! فاهم شو يعني هذا....!!! يعني يبا مبرر..!! ومستحييل ماعرف بوجودهم...لانه طلبنا....يبا يجوفنا....!! شو بنقووله..؟ " قال بسخرية " لا تقول بتتخلص منهم الحين...لانه ماشي فايدة...
بعد محمد ايده....ورفع راسه يطالعنا..
تخرعت من عيووونه ومن ويهه المحمر...!!
ش ناوي عليه...؟
لايكون عرف عن اللي سويناه..!!!
طالعت مريوم اللي عرفت انها خايفة بس تحاول تخفي هالشي..
.
وبعدين انا ماجفت رئيسهم.؟
وماظن جافنا........لحظة..لحظة...يمكن جافنا من كاميرات المراقبة ومن دون ما ندري..
هيييي....لايكون جاف بدوووري و هذاك الريال اللي يا...!!
لا ان شاءالله...يارب انهم بخيير...
لا.......ولا لييش ما رد لنا...!!!!؟
عضيت ع شفايفي بتووتر....
محمد قطع الصمت : بيشاركونا ف مهمتنا الياية....!
لحظات صمت....كل اللي في الغرفة يحاولون يستوعبون جملته.؟
منصور بنفاذ صبر : نعم..؟ لا ..! محمد انت استخفيييييييييت...!! لا تخبل بي رجاءن..." اشر علينا " الحين تبا تقنع الرئيس....انهم شريكين ويانا في المهمات؟
لأ..لأ...انت مب صاحي....تبا هاليهال ويانا...لا وف اهم مهمة لنا..!
محمد بحدة : عيل عطني اقتراح بدل ما تقعد تتفلسف ع راسي...!
منصور تكتف : انزين......واذا قال الرئيس شو كانوا يسوون عندنا طول هالمدة.؟
محمد ببساطة : يتدربون...!
لحظات تبادلوا النظرات.....
بعدها تنهد منصور وقعد ع الغنفة..
منصور : على مسؤوليتك.....انا مايخصني بالنتايج...
محمد تنهد : اوك....انا بتحمل كل شي...بس ف المقابل ساعدني..
تكلمت مريوم وهي تطالعهم باحتقار : وليش نحن مالنا رأي..؟
رفعت حواجبي ع كلامها ...أي راي يا حلوة......احيانا مريوم تضحكني...يعني هالموقف تجوف ان لها راي فيه...!!
محمد طالعها ببرود : طبعا لا..!
تعبت من الوقفة...
رحت ع اقرب غنفة يلست وتربعت عليها....قلت بمصخرة : وأي مهمة يا أخوان.؟
محمد ابتسم بسخرية : لما تروحين لها ياماما بتعرفين...
قلت بعدم اهتمام : جوفوا من الحين اقولكم..اذا مافيها مسدسات وحركات...مابيي وياكم...!
جفت مريوم تخزني بنظرة...اووووف... ياويلي منها...
منصور طالعني بنص عين : تبين مسدسات وحركات....؟
كملت بحماس مصطنع : وقنابل ودبابات..وطيارات حربية.....وو..
محمد وقف و قاطعني : منصور...انا بروح للمقر بروحي..واعتمد عليك...ع الاقل علمهم كيف يمسكون المسدس...وفهمهم الخطة..
منصور وقف : بسير وياك...
محمد رفض: قلتلك بتحمل كل شي برووحي...انت خلك هني...هي كلها يومين وبرجع...
" اقترب من منصور وحط ايده كتفه " اعتمد عليك....
انا ومريوم نطالعهم باستخفاف...ياربي ع الايثار والصداقة الحميمة..!
الصديق بيروح يتعاقب عوضا عن صدييقه.....!
همست لمريوم وانا اضحك : موقف جمييل ومؤثر..! جذي الصداقة ولا بلاش...
عضيت لساني لما جفتهم يخزوني بنظرة محترمة...
تحمحمت..وشقيت الابتسامة..
اقتربت مني مريوم...وقرصتني من دون حد يجوف..
.
اخ.....
همست : اصطلبي...!! " التفتت لهم وهي متكتفة " الحين يايبينا هني عشان تراوونا هالمشهد..؟
عطاها محمد نظرة...و ظهر...
منصور مسح ويهه بايده......وعقبها قال بأمر : يلا تعالوا وراي...
طالعنا بعض انا ومريوم...... مسكت ايدي ورحنا وراه....
"
،
وبعدها من هذاك اليوم و هو ومحمد يعلمونا اشياء تخص المهمة واللي لازم نسويه فيها..
واللي الحين نحن رايحين لها..
.
منصور براحه : زين ان الرئيس ما قال شي عنهن...توقعت يسوي فينا شي..
محمد : اصلا ما ياب طاريهن...بس لمحت له ان ويانا شريكين في المهمة..
منصور يطالعنا بطرف عينه : الله يستر من هالثنتين..اخاف نفشل بسبتهن..
بطلت الحزام...وقفت ....
مريم : وين سايرة..؟
قلت : بتحوط...
مريم قالت بطنازة : ياربي من كبر الطيارة.؟
ضحكت عليها..ورحت لكابتن الطيارة...بلعوزه شوي..
جفت محمد ومنصور سكتوا لما جافوني مشيت من عدالهم..
رحت لكابتن الطيارة...
قلت بابتسامة : كيييف الحال كابتن....!
استغرب مني بس رد : تمام....." سكت شوي "..أي خدمة.؟
قلت وانا احاول اخفي حماسي : ترا انا اعرف اسووق الطيارة..." مسحت ع خشمي بخقة " مرة رفعتها فوووووق...
ههههه مادري شو يخصصه...اللي يقووول سألني..
ابتسم : يعني.......كابتن...؟
تشققت ع الاسم....
قلت بثقة : طبعا.....لاني اصلا كابتن...
خخخخ ازوين هو شو قال اصلا..؟
أشرت ع مساعده وقلت بثبت له : بس خلي هذا يقوم..واورييك كيف السواقه الصح...!
ضحك بخفة..وقال لمساعدة على طول يعطيني مكانه..
منصوور : وين تبيين.! شكلج ناوية علينا...
نقزت لما سمعت صوته وراي.....
طنشته ويلست مكان المساعد بحماس...
قلت بتكبر للكابتن : انت تعرف كل هالازرار شو وظيفتها...؟
ابتسم : اكييد...! ولا كيف صرت كابتن..؟
قلت بغرور : ايوا...ع باللي بعد......احمم " حركت ايدي بلا مبالاة ".....حتى انا اعرف...
هههههه كأن حد سالني...
قال بتشجيع : يلا بعطيج القيادة......استعدي...
قلت بغباء : هاه..!؟
هييييييي.... لايكون من صدقه هذا....؟
قلت اتهرب : لا عادي مب لازم....بس كنت ابي اراقب سواقتك كيف...
ضحك : انزين بس انتي شكلج عندج خبرة اكثر عني......يلا...عطيتج القيادة..
شهقت بخووف...ومسكت المقود بسرعه......
" همسة : اللي يبا يقعد ورا ريم ..يضغط هنا
"
قلت بخوف : و....وين ارووح....وو اي اتجاه احركه..؟
منصور وكأنه عيبته السالفة : مب الطريق عندج في الشاشة.؟ يلا يا كابتن...ورينا سواقتج ع قوولتج كيف...
ضحك الكابتن وعقب قال : روحي 30 درجة ع اليمين...وعقبها اثبتي ع خط مستقيم..
بلعت ريجي...اي ثلاثين درجة اي خرابيط...!
قلت وانا اسوي روحي فاهمة : اووكي....بس ماجوف شي...شغل الليتات اللي برا..
ما سمعت الا صوت ضحكاتهم اللي هزت الطيارة....
تنرفزت....
سكت منصور فجأة وقال بسرعه وبتوتر : ريم.....مو كأن الطيارة مالت بزيادة...!!!!!!!!!
شهقت : لاع....." سحبت المقود لفووووق " ببتنقلب الطيارة..
منصور بخوف : انا قلت مالت....ماقلت نزلت...يعني لفي يميييين...
على طوول لفيت يمييين...قلت للكابتن بتوتر : اي درجة األف.؟
الكابتن بابتسامة : الدرجة الموجودة ع الشاشة..
بيجلطني.....!!
يستهبل ع مخي.....لييش ما يساعدني...
بنمووووت نحن وهذا فالح يوزع ابتسامات...
منصور وترني زيادة : انتبهي...في مطبات هوائية جدامنا...
قلت بسرعه : ويييين....ماجوووف شي....
منصور : هذي ..ماتجووفينها..
اختبصت خاصة اني الجامة مرتفعه شوي علي....... بعدت ايدي عن المقود...
صرخ منصور : ليييش...!!
قلت بخووف : مب قلت في مطبات هوائية...!! بعدت ايدي عن البترول.." قلت وانا ضايعة بين هالازارا " وينه البرييك...؟
سكتوا كلهم....!
بديت ارتجف...قلت بصوت باكي : وييييييييينه...!!!
قالو مرة وحدة : مافيه..!
صرخت ودموعي تلمع ف عيني : شووووووووووو...!!
بعدها.....انفجروا يضحكوووووووووون.......!!
رمشت بعيني عسب تروح الدموع...واحاول استوعب الامر..
منصور وهو ميت ضحك : والله انج نكتة..!!! أي بترووول..أي بريييك....شو تسوقين سيارة...!
الكابتن يمسح دموعه : لا وشغلوا الليتات اللي برا عسب
اجوووف....هههههههههه...
كنت اطالعهم..واطالع الطريق....اخاف ندعم ف شي...
منصور لما جاف حالتي رجع يضحك مرة ثانية وبصوت اعلى : خلاص يا كابتن ارحمها...
.
الكابتن بضحكة : يالكابتن ريم......الطيارة كانت ع وضع الطيار الالي....
مساعد الطيار بابتسامة : يعني انتي ما سويتي شي...
تفأجات....!!
حسييت بحرررر من الفششلة اللي صارت لي..
يعني طوول الوقت وهم يتمصخروون علي...!!
بطلت الحزام بعصبية...احاول اغطي احراجي...
طالعت باحتقار : نننننا...وايد يضحك الشي....." عضيت ع شفايفي بغيض "...مالت عليكم...وووو.......ع اللي يعلمكم السواقة..
دزيت منصور بعيد عن الباب...وظهرت ...
رحت عند مريوم...
جفتها صادة تطالع الدريشة..ومحمد شكله كان يكلمها...ولما ييت سكت..
يلست وانا اتنفس بغييض...
مريوم طالعتني بتعجب : شفيييج..؟
قلت : رجاءن...بعدين....ابي انسى الموقف المحرج حاليا...
ما ناقشتني وايد....وصدت مرة ثانية..
تساندت ع السيت...وانا مبوزة واحاول امسح هالموقف من بالي..
،
حسيت بهز خفيف ..فتحت عيوني...جفت مريوم واقفة ولابسة جاكيت وفيه مسدسات واسلحة وحزام عليها....بطلت عيوني عدل..
مريم بجدية : يلا ريم...بدينا....
مدت لي بالجاكيت
لبسته وانا اتأكد من الاشياء الموجودة...ومن الحزام..ولبست قفازات..
قلت : نزلت الطيارة.؟
محمد سمعني : لا...نحن اللي بننزل وهي بتم فووق...
فتحت عيوني بتركييز : صدق...!!.....بالمظلات..!! واه..!
منصور بطنازة : الحين واو ...بس لما تجربين اخاف تصيحين..
كشرت ف ويهه...هذا ما نسى..؟
محمد : يلا ...مستعدييين..؟
واو...دوم كان حلمي انقز بالمظلة واشووف العالم من فووووق....
طالعت ريم اجوفها متحمسة وياي ولا لا.؟
جفت ملامح البرود ع ويهها وتطالع محمد..
...شكله صار بينهم شي...
بسألها عقب..
فتح محمد الباب...ودخل الهواء....
شهقت لما يا ع ويهي بقووة...
فر محمد الحبل..
لحظة..؟
نحن ما بننقز بالمظلات..؟
محمد : منصوور انت اول " أشر علي " و هذي وياك وعقبها انا...و انتي " لمريوم "
كشرت مريوم بويهه..
ركب منصور حزامه بالحبل....طالعني : يلا تعالي..
لاع...أأأ ويت ....صراحتن.....الحين خفت....>.<...
محمد بحدة : يلا...ما نبي نتأخر...
بلعت ريجي...طالعت مريوم...ابيها تتكلم...
انا الشي الوحيد اللي مستغربة منه..
مريوووم لييش ما تقاوم..؟
رحت لمنصور بسرعه...
قال وهو يرفع صوته عشان اسمعه : لا تخافين....بمسكج عددل..
ركب حزامي...ومسكني..قال : يلا بعد لين الثلاثة وبعدي ريولج.....1.....2....3..
غمضت عيوني ونا اتشهد بداخلي.. .مسكني منصور بقوة.....وبعدت ريووولي..
وو
ثواني ووصلنا تحت..
شهقت : بسسرعه وصلنا..!
بطل حزاماتنا....وابتعدنا شوي نتريا مريوم ومحمد...
تأملت المكان..
نحن فوق السطح...؟
شكله هذا المكان اللي بيسرقون منه المعلومات اللي يبونها.؟
طالعت فوق..مريوم وممحمد تأخروا..
منصور بنرفزة : اففف...تلاقينهم يعاندون بعض فووق..." طالع ساعته " ما عندنا وقت لحركاتهم هذي...
قلت لما جفت مريوم طلعت من المروحية : هذي مريووم..
تفاجات لما نزلت بروحها لتحت..!
اووه....وتطورنا يا مريوووم....
رحت عند مريوم بسرعه وساعدتها تبطل الحزام
ابتعدنا...ونزل محمد...
دزيت مريوم بخفة : حركات....عاشوا اللي نزلوا بروحهم....محد قدهم...هههه..
خزتني بنظرة....بلعت لساني...
قفطني...هذا وانا ابي الطف الجوو...
==...شكل مودها زففت بالقووو..
.
ابتعدت المروحية عنا...
محمد : يلا...انتي وياها عليكم تراقبون الوضع....وبنتواصل باللاسلكي وثبتوه عدل ف اذونكم.. اعيد الكلام عليكم....المهمة هي نحصل على وثائق سرية ومهمة جدا...وما نبي نفشل فيها....خاصة وان الرئيس يعتمد علينا فيها..
قلت بفلسفة مب ف وقتها : انزين..دامنها بس وثائق...يعني اوراق....ليش كل هالاسلحة.؟
محمد ببرود : الاحتياط واجب..
مريوم تكلمت فجأة : بس اذا أذيتوا حد...ترا ما بنشترك وياكم...
محمد بلامبالاة : مصيرج بيكون وقتها الموت...
شففف الحقيير...
جفت مريوم اللي واضح انها معصصبة..بس تحاول تمثل البرووود...
.
أشر بايده..يعني يلا نتحرك..
مشينا وراه..
وقفنا عن باب السطح....ظهر مسدس كاتم صوت...
واطلق ع قفل الباب..وو انفتح...!
هزيت راسي بتعجب.....الله ع الخببرة..!
دخلنا بهدووء للمكان...
وقبل ما ننزل....راح منصور للكهرباء..
وظهر المعدات من جيبه...وبدا يقص الاسلاك المطلوبة..
.
حاولت اتذكر الخطة اللي حفظوني اياها من كثر ما يعيدونها علي ...
الوثائق اللي يبونها ف الطابق ممم ال 8 اظن..
وهي ف خزنة....والخزنة ف وحده من الغرف....وتحت الزولية..
بس انا بتخبل...كيف عرفوا انها تحت الزولية..؟
اخ منهم ما في شي مايقدرون يسوونه..
.
نزلنا من الدري....ولين وصلنا الطابق الثامن..
هالطابق مظلم...طبعا بسبب منصوور..
تحركنا بحرية...لان كاميرات المراقبة ما تقدر تصيدنا..
مشينا في الممرات..
محمد بهمس : انتي خلج هني راقبي..
وقال لمريوم تروح الصوب الثاني...
راحوا للغرفة المطلوبة..
وانا ومريوم نراقب المكان...
كنت مركزة ع سمعي لاني ماقدر اجوف عدل في هالظلام..
يتني هواجس...اتخيل يقبضون علينا...!
ويسجنوننا....ولا يعدمونه...
ونحن بريئات...!!
اصلا كيف بيصدقون ان نحن بريئات ونحن وياهم..لا وبعد ف بلد غير بلدنا..؟
،
نفضت راسي من هالافكار...
.
مرت ربع ساعة وهذيلا بعدهم....
يمكن انقتلوا.؟
همست في اللاسلكي : مريووم....تسمعيني..
مريوم : جفتي حد..؟
قلت : لا...بس مو كأنهم تأخروا..؟
مريوم : يمكن ما لقوا الوثائق..
سمعت صوت خطوات....
قلت بسرعه لمريوم : مريووم...اسمع صوت خطوات...
مريوم : خلللج هادية...
الخطوات بدت تقترب اكثر واكثر..
لين ميزت الملامح..
تنهدت براحه..
محمد باستعجال : تمت المهمة ....خلونا نطلع قبل ما يكتشفون اختفاء الوثائق..
تحركت ورا محمد ومنصور...ومريوم وياي..
ركبنا الدري بسرعه..
بسس..
سمعنا صوت خطوات ورانا..
وكنت انا اخر وحدة فيهم..
ركضت بخوف..لما جفتهم يركضون...
..
تعثرت بالدري...وطحت ع ويهي..
صرخت بألم : اخ....
ردت لي مريوم...وسحبتني..
وقفت بسرعه..
وركضنا للسطح...
وصلنا اخيرا..
بس..!!
المروحية ما وصلت...!!
محمد يتكلم في اللاسلكي بعصبية: ويييينك......يلا بسسرعه..
سحبنا منصور انا ومريوم...وانخشينا ورا باب السطح...وراح يوقف عدال محمد
وو
طلعوا اثنيين من رجال الامن... : وقفوا مكانكم.......!
راقبت الوضع .. منصور محمد واقفين بعيد عنهم شوي...
رجال الامن بصرامة : القوا اسلحتكم ع الارض...وارفعوا ايدكم...
اقتربوا من محمد ومنصور..وهم مصوبين المسدسات عليهم..
حطيت ايدي ع حلجي بخووف..
ولصقت ف مريووم....
بيقتلونهم..وبيقتلوونا...!!!!!!!!!
محمد بدا يطلع الاسلحة ويفرها ع الارض..
ورفع ايده فوق...
..: وانت الثاني....يلا شو تتريا..
دخل منصور ايده ف جيبوبه..وظهر الاسلحة...ورماها ع الارض..
وو
قبل ما يرفع ايده..
ظهر شي..ورماه ع الارض بقووة..
وو
انفجر...
قنبلة دخانية..!!!!
ووبعدها سمعنا صوت 3 طلقات...!!
ترقبنا انا ومريوم الموقف بتوتر...
منوو بيطلع حي منهم.؟
.
تريينا بأعصاب مشدوودة لين ما اختفى الدخان..
وظهر لنا محمد ومنصوور...
وو
والضابطين.....طايحين ع الارض ميتيين....!
شهقت بخووووف....!!
.
تحركت مريوم رايحة صوبهم ببرود...!!!
اما انا ريوولي ما قدرت تتحرك....خفت...خفت لما جفتهم ميتين هناك..وحولهم سائل احممممممر...
صح مابي محمد ومنصور يموتون وخاصة ف هالمكان ويوهقونا..
بس بعد هم قتلوا ابرياء..!
مشيت ورا مريووم بخووف..
محمد قال ببرود : ثواني وتوصل المروحية..
صد عنا....طالعت منصور اللي معطينا ظهره و يجمع اسلحته ويدخلها....
شو هالناس....!!
يا عالم....توهم قتلوا .....!!
شو هالبروووووووووووووووود...
حضنت نفسي بخووووف...واسناني تصطك بعضها...
ليش محد خايف نفسسي..!!!!!!!
غمضت عيووني.....بس..
فتحتها مصدوومة...لما سمعت صوت الزناد..........!!!
التفت لمصدر الصوت........مريوووم...!!!
و
موجهه مسدسين ل محمد.....وو ل منصور....!!!!
//
~| نهاية الهمسة السابعة وعشرون |~
تعليق
-
رد: همــس الموت | Whisper of death ™
مسكينات مريم و ريم بورطونهم بعمليتهم
الله يعطيك العافيه فجوره
متابعه لكتعليق
-
رد: همــس الموت | Whisper of death ™
يعطيك العافيةة فجر
بإنتظارك :) ‘تعليق
-
رد: همــس الموت | Whisper of death ™
البارت بينحط بعد شوي....
البارت تويييييل جدا جدا...
وفي أحداث وايد..
وو
هو اللي " قبل الاخير "
ف شسسمه..
بيتكلم عن جريمة قتل علي...وهني كلكم شغلوا مخكم...واللي ورا الكواليس طلعوا وعطوني حل للجريمة..
أغلب المعطيات موجودة في الهمسة الياية..
اللي عليكم...
تخمنوون منوو القاتل..
اظن سهل تعرفونه....واضح وضوح الشمس >> لالا مب واضح وايد...بس الذكي بيعرف
تعليق
-
رد: همــس الموت | Whisper of death ™
~| الهمسة الثامنة وعشرون |~
//
مريم
،
حاولت اثبت توازني....صوبت المسدسين بثبات صوب محمد ومنصور....اللي عاطيني ظهرهم..
خذت نفس عمييييييييييق و ضغطت ع الزناد ....كلهم التفتوا لي...!
.
حسييت بصدمة ريم..!
ريم بصوت مرتجف : مم....مريوم...!!!!!!
قلبي دق بسرعه كبيييرة.......!
ما اهتميت لنظرات ريم....ادري لو طالعتها بضعف...
انا...انا اسوي شي كبييير...!!
ايدي بدت ترتجف...
لالالا...مب وقته...لازم اكون قوووية...
خذت نفس عميييق....!
ثبت ايدي عددل...
لكن.!
ردة فعل محمد ومنصور باردة...!!
منصور رد يحط اسلحته ف جيوبه..
ومحمد ظهر باكيت الزقارة...وطلع له وحده....وولعها...وبدا ينفث دخانها ببرود....!!!
و لا كأني مسوية شي..!
ريم لصقت فيني وهمست : م...مريوم.....من صدقج..!؟
طنشت كلامها....انا مب ناقصة اتردد ف هاللحظة..!
ريم بخوف : مر.مريوم....بتقتليينهم..؟ انتي ما تمزحين....ص صح.؟
خذت نفس عميق وقلت بتحدي : اكيد ما أمزح...! " قلت بسخرية " عيل من متى وانا اسمع كلام هالحثالة..؟ تحملتهم وايد...! خطفوني من اهلي...وحرموني منهم.... بدون سبب...والحين....وبكل بساطة يبوني اشترك ف جرايمهم..؟ يبوني اكون مجرمة اسرق واقتل...واسوي كل اللي يرضييهم....." سكت اخذ نفس وقلت بحقد "...يخسسسي....." رفعت صوتي " تسمع انت وياه...يخسسي تتأمرون علي.......وو هه...جوفوا حالكم كيف؟.....كل شي انقلب ضدكم..!
لمحت ابتسامة سخرية من منصور....ومحمد ما اهتزت له شعرة...!
انقهرت منهم ..كملت : عيل نستوي مجرمات ..هاه..؟ "جفت منصور وقف ..صرخت عليه " لا تتحرك..حركة وحدة.. ما بتردد وبقتلك...
نرفزتني ضحكته العالية اللي اطلقها : مو قلتلك..! هذيك النتفه ما بتسوي لنا شي..لكن هذي السوسة هي اللي تحت راسها بلاوي..! كنت ادري انها بتتمرد علينا..
طنشه محمد ...وطالع ساعته...
زفرر بضيق..: هذا ليش تأخر.....الحين يمديهم يطلعون فوق ونتوهق وياهم..
قلت بتعجب : الحين اكبر همك المروحية متى بتوصل..!! وما همتك حياتك..!
منصور باستمتاع : يالياهل...الحين انتي شادة حييلج...ومصوبة علينا..! " ضحك يستفزني "ع بالج بنموت ب هالسهولة..؟ انتي شكلج ما عرفتي نحن منوو.؟ " وبغرور " نحن العميلين 7 و 8.......يعني احلمي نموت بسهولة..!
سكت شوي...وعقبها رد ضحك بخفة وهو يطالع المسدس اللي بايدي : انتي جيكتي ع الرصاص قبل؟
طالعت منصور...رافع حواحبه...و ابتسامة الثقة والسخرية ما فارقت شفاته..!
علقت نظري عليه وما تحركت..
ريم همست بصدمة : لايكون مافيه رصاص..!!
بسرعه طلعت مسدسها..وظهرت الذخيرة..تنهدت بارتياح لما جافت انه فيه..
منصور صد عنا بلا مبالاة : اللي وياكم رصاص خاص بالتدريب.....استريحن.. باختصار الرصاصة مب قاتلة..
شهقت ريم متفاجأة.....!
لحظات صمت .............!
بعدها.......
ريم بصوت مرتجف : يعني تعمدتوا تحطونه لنا..!!!و...و....خططتوا لو تعرضنا لهجوم نم..وت نحن..!!!
طاح مسدس ريم ع الارض...ومنصور حرك ايده بلا مبالاة..وصد عنا..
.
اطلقت ضحكة صغيرة وقلت بمكر : اذا كنت ذكي...فأنى اذكى..! " و بجمود " ما لاحظتوا ان مسدساتكم اللي في الجيب الخلفي مختفية....؟
همست ل محمد بأسف : كنت اتمنى تكون اذكى عن جذي....!
تصنم منصور ف مكانه....ومحمد طاحت زقارته ف الارض..توهم ينتبهون..!
وقبل ما يتأكدوا...
.
.
تحركت أصابعي بالية....وو
طاخ....
أطلقت علييييهم....!!
.
صرخت ريم بصوت عالي مع صوت الطلقة..
.
لحظات وهم متجمدين ف مكانهم...
محمد التفت لي نص التفاته وعيونه جاحظة : ك.....كيف............!
وو
تعليق
تعليق