تويت
رد: همــس الموت | Whisper of death ™
بعدها قالت شهرزاد بهدوء : انزين نحن شو بنسوي..؟ بنهجم عليهم..؟ بنتسلل..؟ ولا شوو..؟
حمد بصوت واطي: بقوولكم كل الخطة بس خلوونا نووصل...
ما علقت شهرزاد....
،
طالعت في الدريشة وانا افكر...
بقدر اجووف يوسف هناك..؟ او ابراهيم...
هل بقدر انهيهم من حياتي كلها..؟
و شو بيستوي لنا..؟؟!!!!
برد حيه..؟ ولا بموت هناك..!؟
،
وقف حمد السيارة في باركنات المستشفى....
وبعد ما بندها...
التفت لي ول شهرزاد....
قال بهدوء : سمعوني عدل......الحين بندخل للمستشفى...و بنبحث عن مقرهم..
شهرزاد رفعت راسها بتعجب : مب توك تقول ان المستشفى هو مقرهم..؟
حمد : تريي خليني اكمل......الاكيد انهم متخفين هني..! لكن ويين..؟ هاللي ماقدر اعرفه..! اعتقد انه تحت الارض.! ..المهم... نحن الثلاثة بنفترق...والمطلوب منا ندور مدخل المقر..!
هزيت راسي بموافقة...
حمد يقول ل شهرزاد : عطيني الشنطة اللي تحت السيت..
رفعتها شهرزاد وناولتها حمد...
.
قال وهو يفتحها : لازم ننتبه ان محد يجوفنا او يعرفنا....وهذي اهم نقطة..
ظهر من الشنطة اشياء للتنكر...
خذيت الاشياء ب حماس...
ناولني حمد شنب و خشم مستعار ونظارة طبية و جل ومشط صغير....!
ول شهرزاد شعر مستعار..وخشم..وروج ..!
.
ركبت الخشم والشنب علي...ولبست النظارة...وسبحت شعري جل...وفرقته من النص....!
شغلت الليت بجوف شكلي ف المنظرة...
بس حمد بندها بسرعه : لالا..لا تشغلي الليت..!! بيجوفونا ونحن نتنكر...!
اووه....نسيت...!!
طالعت شكلي من الاضاءة الخفيفة...
لا..!! هههههههههههه....مستحيييييل هاي انا....!!
طالعه هندية من الخاطر..! مب هندية...الا هندي..!!
حمد : فجر ...اجوف شكلج...!؟
صديت بسرعه اطالع الدريشة..وجسمي يهتز من الضحك...
حمد : يلا..
هزيت راسي بلا...
قال بصرامة : يلا فجر ما شي وقت..!
لما التفت له....
طالعني بهدووء.....ووبعدها جفت تعابير ويهه تتغير....وهو يحاول ما يبتسم..!!
و شهرزاد لما انتبهت لي...نقعت ضحك بصووت عالي..
وحمد بعدها ضحك بخفة....
طالعتهم بنظرة..بس لما جفت اشكالهم...ضحكت...
حمد حاط لحية طويلة..وحواجب كثييفة....
اما شهرزاد..
خشم كبيير فظييييييييع..!! و شعر خششن...! و رووج احمر فاقع يلق حتى وهو في الظلام...هههههههه...صراحتن اشكالنا لا ترى..!
حمد تحمحم : جذي تنكرنا تمام التمام..... " مد لي ول شهرزاد سماعة لا سلكية ع لون الجلد " وهذي عسب نتواصل...وتقولولي كل تحركاتهم اول بأول....واهم شي الحذر...ولا تتهوروون رجاء...!!!
هزيت راسي بطاعه..
حمد خذ نفس عمييق : ان شاءالله نلقاهم..! " فتح باب السيارة " يلا بسم الله...اول ما ندخل بوابة المستشفى بنفترق..!
نزل حمد و ف ايده شنطه...
وبعده انا وشهرزاد...
توجهنا لمدخل المستشفى.....ولما دخلنا......جفت حمد مشى وتركنا...
وبعده شهرزاد......تميت واقفة افكر وين اروح...
سمعت صوت حمد من السماعه : شهرزاد....انتي روحي القسم الثاني....فجر...القسم الثالث...وانا الاول...!
تأملت المستشفى....وطالعت اللوح الخضرا المعلقة..
· الاستقبال.
· الإدارة.
القسم الثالث......وين....؟
مشيت بروح للرسبشن بسألهم..بس لحظة...لالا...
كيف بقولهم وانا ماقدر اتكلم..؟
اففف...... تتبعت اللوح الموجودة....لين لقيت القسم الثالث...
· القسم 3 ( الانف والأذن والحنجرة ) .
مشيت ببطىء فيه...وانا اتفحصه عدل..
طليت ع الغرف الموجودة..وغرف الدكاترة والممرضات...
وع الحمامات...وغرف العاملين...
بس مافي شي غريب..
يلست ع الكرسي..تكتفت وحطيت ريل ع ريل....
راقبت الناس الرايحة والراده...يمكن في منهم اعضاء للمنظمة..!
،
مر الوقت وما جفت شي غريب ....كل شي عادي...
تكلم حمد : شهرزاد....شو الوضع عندج..خلصتي؟
شهرزاد : للحين تمام...هيه..
حمد : اووك...فجر...خلصتي...؟ دقي باصبعج ع السماعه مرة اذا هيه..واذا لا مرتين...واذا في شي غريب دقي ثلاث مرات..
تعليق