أنا جيييييييتت

بيبااااااي

لا شيء جديد هنا
سوى أنني مازلت تائهة
أبحث عني في أعماق
ذاتي
!!!!

.......................................طيف عابر

جميل أن نسكن الصمت
ويسكننا الهدؤؤء
بعيييدآآ عن كــــــــل شيء

مجرد رحلة استرخاء موقت
نستحقها بين حين لأخر..

.. .. ..


.................................................طيف عابر

الرجاء عدم النط فوق لوحه نظامي
والعبث بارقامي
رجاء خلوني افرح اشوي بالرقم الفخم والمميز
كله ثنينات وثمانيات
بس خمسه داش غلط
يلا معليه نعتبره من المعازيم
اهم شيء لحد يخرب علي رجاء وشكرا
ودمتم سالمين

اللهم ابعد نظرهم عن مدونتي وعن لوحه التقييم
يعل اصابع يديكم تطيح بحفره اذا خربتوا علي وقيمتوني

يااا الله
الحمد لله ع سلامتكم جميعا ياخوي نفر
في البيت ولا فيكم الحمد لله
الله يعوضكم خير
والف الحمد لله ع سلامتكم

وهذا اخونا نفر والحمد لله تطمنا عليه

باقي اخونا الغايب من فتره الوسمي
وتفاصيل الوله
وابو العز
وغلاهم
وفي انثنين بعد نسيت اسمهم

بالله اي احد يعرف عنهم شيء يطمنا
اختفوا فجاءه مره وحده
غيابهم صار يخوف
ياجماعه اذا تتابعون خلف الكواليس
دشوا بس طمنونا عليكم انكم بخير
بعدين اطلعوا عادي ..من زينكم عاد

لا والله جد وربي مانسال ونخاف عليكم
الا من باب اخوه جمعتنا بهالبيت

>>طيب ليه هالفيس المعصب
الا يستاهلون عشان يخافون ويدشون
ناس ماتجي الا بالفيسات المعصبه

ياجماااااااااااعه
جوفوا لي حل مع الي محبوسين في القفص
وقلبوا كناري حب
خلاص شوي وابكي


احد يجي ياخذهم
بدل ماكان ببغاء واحد صاروا 2
يادي النيله المهببه
والي قاهرني انا الوحيده بالبيت الي معطيتهم ويه
واحط لهم اكل واغير لهم الماي
ويعضوني الحيوانيين
من جد حيوانات اخر زمن مايستحون مو متربين

تو مرتبه البيت قلت اغير لهم جو الغرفه الي هم فيها
حاشهم اكتئاب حتى الضيف اليديد الثاني
طلعت له صلعه من قدام ينتف شعر راسه من القهر
وربي اقول الصج صار صلعاوي يجرح ويداوي>>لالا ماتجي مشوها
بس من صج وربي طلعت له صلعه من قدام
وصوته خشن قالب غورلا مع الكلام الغير مفهوم الي يقوله
وحقتنا شكلها والله اعلم انها بنت لانها صغنطوطه
وصوتها ناعم وانعدت من الغورلا وصارت مثله
والله حاله هههههههههههههههههههههه

لا ولو تجوفنهم الحين قالبين كناري حب
يبوسون بعض من خلف القضبان قليلن ادب
وذاك اليديد ابو صلعه عض ريلها وصاحت
خاصمته قلت ولد لاتعضنا حقنا
المشكله اشكالهم مثل بعض
ماتدرين منو البنت منو الولد هذا اذا ماكانوا كلهم مثل بعض بعد
هههههههههه اشكالهم تضحك وبنفس الوقت تحزن
وربي قلبي معورني عليهم حييييييييل اوف يا

انا شكلي بفتح حساب بالانستقرام وابيع حيوانات
وكلهم ببيعهم 20 ريال عشان احد يشتريهم بسرعه وانفك
من عوار القلب الي ماله دااااااااااااااعي
وربي خلاص لدرجه صرت اعرف احساسهم ولغتهم
واعرف متى يكون متضايق
اصلا متى كان مستانس 24 ساعه محبوسين بقفص
صابهم حاله نفسيه
شوي يقلبون قطاوه شوي يقلبون صوت غوريلا
ماددي وش وضعهم
المشكله اني اخاااااافهم
ولا كان طلعتهم ولعبت وياهم
بس هم حيوووانيييين يعضوووون

حسبي الله على من يصيدهم ولا يهتم فيهم
هووووووووووف من جد خلاص طقت روحي
جوفوا لي حل

تدرون وش اكثر شيء اكرهه بالحياه
لما تحضرين اجتماعات عائليه
نمط تفكيرهم مشوووهه
ويبونج نسخ لصق مثلهم بكل وقاحه
يعني تكونين كافيه خيرج شرج ومكتفيه بتأملهم
واعتزال الكلام الي ماله داعي

بس طايحين حش وتريقه بخلق الله ومو عاجبهم احد
ويمدحون بنفسهم
فجاءه الاقي نفسي ادافع عن الي محشوش فيهم حتى لو مااعرفهم
اوكل نفسي محامي دفاع
لان من جد تفكيرهم مدري وش يبي

حتى انا ماسلمت منهم
تخيلوا لعبنا لعبه الثعبان
وانا العب بكل صدق وامانه
يعني بدل ماانقز خطوتين ثلاث قدام لا
اقول انا هنا يعني اكثر من كذا براءه واخلاق مافيش
وجلسوا يضحكون علي يقول يوووه هذي صداااقه يعني تلعب بصدق
طيب وين المشكله اذا انتي صادقه مع نفسج ومع الناس
الشيء المقرف بالموضوع والي استغرب منه
صار الكذب والمجامله والنفااااااق الصريح الي عيني عينج
هم يعتبرون انفسهم انهم اهل الفله

طيب الفله والوناسه ماتصير الا لما اكون منافقه وكذابه عيني عينج
واحش بالناس واعيب على خلقتهم استغفر الله
شيء غريب عجيب
غير اصواتهم العاليه جدا وقتها صرت اتابع بصمت
وصرت محط الانظار انتي ماتطفشين كذا انتي مااادري شنو
حتى باكلي يبوني اكل مثلهم وش هالسطحيه بتفكيرهم

اكرهه ماعلي الي يبون الناس تكون مثلهم تتبعهم مثل القطيع
وكأن مالج رأي ولا شخصيه
سلامات

المشكله اني صريحه اقول رائي بكل صراحه
يعني كمثال وحده منهم تقول لاختها طلبتك تروحين معاي العرس ومارحتي
قامت اختها تعذر لها
عاد انا حبيت الطف الجو بينهم قلت حرام عليك شوفي عيونها كيف تبرر لك
طبعا كله ضحك ومزح
عاد اختها ذيك ع كبرها مافي مخ اخر شيء
قلت لها عادي ياحبيتي اذا مالج نفس قولي مالي خلق اروح ..ترا عادي
تخيلوا يدققون بادق التفاصيل ويحللون من راسهم اشياء عجيبه غريبه
قامت الثانيه انقهرت قالت عاد ماشفتي تعزز لج الا ذي
ههههههههههههههههههههههه والله انهم مو صاحين

يعني لازم اجامل وانافق واطلع ملييييون الف كذبه عشان تبرر الوحده
انها ماراحت للمكان الفلاني عشان صار هيك وهيك وهيك وهي كلها كذب
مصخره من جد
عاد جلطتهم بسنابه انو لاتجاملي احد ع حساب نفسك وتيننو اكثر
وطول الوقت طايحين حش فيني بين بعضهم
بغيت اقلبها فلم دراما بس قلت يابنت عيب لاتخربين الجمعه
اذا التعليم مافاد فيهم بجي انا الي اصغر منها اعلمها كيف تكون ناضجه
بتفكيرها
المشكله انها اول ماحضرت شافتني جالسه ماارقص واستهبل مثل اخواتها واخواتي
عاد صارت مناقرات كلها ضحك قلت لها انا راقيه وعاقله
حدي رقصتين ثلاثه وهااديه قالاخت شكلها زعلت وحطتها براسها طول الوقت
قالت ليه يعني نحنا مو راقين مجانين
والله شنو اسوي لهم اذا من اول ماجيت وهم يحارشوني ويتلقفون يبون المشاكل
وانا يالسه اتامل طريقه تفكيرهم واضحك بيني وبين نفسي

ماخربتها هههههههههههههههه
هم الي حاطين دوبهم ودوبي مع نفسهم
كلها حركات غيره ومرض بعيد عنك
وخصوصا لما يدتي تصرح بحبها لي قدامهم اخواتي مازعلوا
مثلهم هم كأني ذابحه احد فيهم
وش اسوي اذا الحب من الله
لما كنا صغار كان هذا طبع فيهم اذا غاروا منا يتلحطمون
ويسوون تصرفات اقل مايقال عنها غبيه مالها داعي
وكبروا وع باالي بينضجون لكن المرض الي من الصغر
معشش في قلوبهم في الكبر

شوفي مافتقدوا شيء فيني وتغير لان بكل
صراحه ياتنهيده انا بطبعي هاديه وعاقله والله صج
صح استهبل واضحك بس اسوي حركات مينونه واناقز وارقص
24 ساعه وماشوف الناس بطرف عيني
واتعالى عليهم لاااااااا ماهو من طبعي
واتنزفز بسرعه من هالاسلوب واكون بالاتجاه المعاكس

انا عفويه بطبعي واتعامل مع الكل بوديه وصدق
واكثر ماكون مينونه وخارجه عن اطار الهدوء والعقل هنا
لان احس ناس نفسي بدون اي رتوش واقنعه
بس عاد وش تسووين مع عقليه المجتمع الغلط
وش تبين من وحده تقولها اختها خلاص بطلوا اغاني ورقص
كان وقتها الساعه 3 ونص فجر قالت الله نازل بالسماء الدنيا
لاحظي للان انا اتابع حركاتهم بصمت ماقلت شيء
قامت اختها الكبيره ردت عليها ماهو وقتك ووقت الدعاء مانا فاضين او شيء من هالقبيل
وحده ماتادبت مع الله بجي اعلمها انا الادب مع الناس

المشكله انها ام وعندها بدال البزر 3
وفوق ذا مسويها لبنتها الي بثاني ابتدائي سناب
وتصور نفسها والي جالسين هذا اسلوب تربيه بالله
وتجيك الوحده تقول الله يرحم جيلنا كنا مؤدبين
اطفال هالجيل مايسمعون الكلام وقليلن ادب
طيب من المسؤؤل؟؟!!

حدث العاقل بما يعقل
مالك الا اعتزال الحكي والضحك على معتقدات تفكيرهم
الخارجه عن الصواااب
تدرين شنو مشكلتي اني حضرات دورات تدربيه كثيررره
في علم النفس ودراسه السلوك
وانماط الشخصيه
فهالشيء متعب لي لانهم مكشوفين بالنسبه لي
واعرف نقاط القوه والضعف عندهم وبمأكاني
اخذهم طقطقه
بس الاخذ والعطاء مع ناس مثل هالعقليات ينزل من مستواك
فخليهم ع ماهم علي واستمتعي بالعرض المسرحي الساذج

علية أفضل الصلاة وأتم التسليم
صلى الله عليه وسلم

فيني شغب للحرف
بس ضايع مني الكلام
والله حاله

بعدين تعالوا هنا
بنات بماذا تشعرون ها
اقول لحد يقيييم

واشوف ماشاء الله الخيول الجامحه تسابق بعض
لا وبعد اخر تقييم من أنة حرف
تقول خساره مالحقت تخرب الرقم
سلامات
جفتوا تخريب عمد مع سبق الاصرار والترصد
ياللهوووووووووول
الويل لكم ستندمووووووون
نطروا علي شوي وراح انزل هبالكم قدام الملاء
سأنتقم