صباحكم إطلالة خميس
بذهاب ليلة اربعاء بحزن أفل ..

ماعلينا لانسوي درامه هنديه واخرتها محد داري عن هوى درانا مثل مايقولون
أنا مادري من الملقوف الي طلع بهالنظام على اخر عمرنا
يالله هي جت ع ايام الاسبوع
عادي جدا ما عاد تفرق
من جد راح كل شي من زمن الطيييبييين حتى الايام تغيرت عجبي !!

المهم بما أن الأيام تغيرت
وصار كل شي من تعودنا عليه بأيام الطفوله يروح
قلت يابنت تضامنا مع يوم الأربعاء والخميس والجمعه
والتغيرات الي صارت بروح معاهم أنا بعد

على اسس اني بقول كلمتين واسوي اهداء للكل هنا واروح
بس امس حلمت في اربع اشخاص منكم
وهو كان يتعلق بالشي الي كنت راح اكتبه وبعدين صارت زحمه هالسوالف
الي الحين تقرأونها

الموضوع الأساسي هو أنه بنروح للمدينه برمضان
لأن رمضان الي راح كان اول رمضان نصوم فيه بالمدينه واعجبنا جدا الاجواء الرمضانيه هناك
وقلنا لازم نكررها مدام هالصيفيه جالسين بالبيت


لكن الي تفرع من اصل الموضوع<<< احس اني جالسه اشرع درس
هو اني حلمت في اربع اشخاص منكم بنتين وولدين والغريب ان الحلم كان يتعلق بالمدينه
وحكايتي الي صارت لي فيها برمضان وان اشرح لهم السالفه وهم متحمسين
فجاه مادري شلون كلهم صاروا بنفس المكان الي قلت لهم السالفه فيه ويجرون وياي!!!!

يالله يمكن الحلم يبيني اختم هاليوم بهالسالفه
تذكرون يوم قلت لكم ضعت بمكه وبغيت ابكي ومابكيت
وبغيت انخطف بالمدينه وماقلتها لكم
شكلي بقولها اليوم وتصير ختامها مسك
دقايق بس احمل الصور وارجع
ماتروحوش بعيد

اي بنات بقولكم شي استخدمت صابونه شي مو طبيعي
هي وحده من الثنين ياأنها تبيض صدق لان من اول استخدام طلعت وشفت نفسي لمبه
وناعمه حيل ياني من زمان كذا ومو منتبه على نفسي << طلعت من الموضوع شكل الدماغ عندها انقلب
<< احد يدور لها اقرب مخرج يالربع
ذكروني اقولها لكم اذا تبون بعد سالفه الحلم الي بقوله الحين

طبعا نبدا بمكه السنة الي طافت برمضان
عندنا بالعايله نص ياخذ عمره والباقي يجلسون وبعدها العكس
هالمره جلست انا والتو سستر بالتوسعه لان كان زحمه
والباقين مع الفاذر يعتمرون عاد ونحن جالسين قمت اصور



وهنا تحت ذا الشي جلسنا مسكنا مكان عشان نفطر موقع استراتيجي عشان نشوف الساعه تولع << الصدق خبط لزق جلسنا من الزحمه ماكان براسنا لا ساعه ولا غيره



طبعا اهلي داخل يعتمرون ونحن جالسين نناظر بالناس الي رايحه وجايه
واشياء حلوه من اجواء ايمانيه وبنفس الوقت فكاهيه ابتسمنا

ومنها اذكر لكم موقف جانا رجال وقال ياخواتي في افطار صائم
تدفعون بملبغ وقدره ويحتسب لك افطار صايم

عاد انا موسوسه حبتين قلت اكيد توصله تراها بذمتك قال ايه وقدامك بس ننتطر الولد يجي ونوزعها
هي عباره عن وجبات بكراتين عرفتوها
المهم عطيناه الي فيه النصيب انا واخواتي والي يمنا وكل وحده تبي الاجر

الموقف الي يضحك وين
هو يوم جا الولد الي وياه الوجبات تفرقوا الرجال لان الحريم كثير ومنها يوزعون على اكبر عدد
فالولد ذاك من كثر الزحمه واغلبيتهم من اخواتنا الصاعيده بمصر مايبي يدخل بوسطهم كلهم تجمعوا عليه
ونحن نتامل المواقف كانت حلوه

وبنفس الوقت تضحك فالولد عشان يفك نفسه من تجمعهم حوله أعطى وحده منهم كيس كامل على اساس انها توزعه على البقيه
ويفتك هو من تجمعهم عليه
الي صار ان الحرمه اخذت الكيس بكبره وهجت فيه هههههههه
والصعيدايات وراها تذكرون مقطع الفديو الولد الصغير الي بيده رز ويبكي والدجاج يلحق وراه
عشان الاكل في يده مثل جذيه بالضبط ههههههههههه
وربي يضحكون الحرمه ماتبي توزع تبي تاخذه لها بروحها وهم هجوم عليها يجرون وراها
فاخر شي عطت وحده بدون نفس وهجت بالباقي ومازالوا يجرون خلفها
وربي ان ماكلنا الا تمر وماي زمزم والله احس اني بعد شبعت
سبحان الله هم عندهم طاقه ومايتسحون من الاكل ماشاء الله
انا حتى التمر استحيت اطلبه
وزين ان وحده اعطتنا ولا كان والله ماشرب الا ماي زمزم ماحب اطلب احد استحي
اما اختي الثانيه لا والله عادي عندها راحت تجيب تمر وانا جبت لهم الماي
والثالثه حراسه للمكان

خلصنا فطور والحمد لله وصلينا وقلت لاخواتي بدش داخل بصلي التراويح هنا حر
وهم رفضوا يدخلون قلت بكيفهم انا جايه اصلي مو جايه عشان اطالع للرايح والجاي والصلاه تروح علي
ودشيت وصليت وخلصت وماتشوفون الا زحمه الاتصالات على جوال وينك فينك اين انتي وير ار يو<< جبتها بكل اللهجات من ازعاجهم
قلت جايتكم بالطريق وضيعت من اي بوابه دشيت<< وجالسه اصور بعد فاضيه



المهم جلسوا يهاوشوني امي تقول انتي ليه ماتحبين تقعدين مع اخواتك دايما بالحالك الله لايقردنا
وابوي يهاوش انتي فين << انا مادري وشلون يبون الواحد يتعبد الله بهالازعاجات الي هم فيها
هم لو قالوا لي من البدايه تعالي مكان ماجينا فيه عند الباص ماكان اخذت دقايق الا انا عندهم
بس كالعاده عايله قلق مافي تخطيط

المهم ابوي يقول يابنت وينك واقوله بالمكان الفلاني قال روحي لعند فندق السلام
والله واروح ومن زود الهبال اخواتي ماخذين شوزي معاهم زين اني لابسه شربات بس
ولا كان ماطقيتها مشي

والله واروح وماتشوفون الا اخوانا المصريين والمصريات كبار ودبدوبات ماشاء الله عليهم
يميني ويسار يمشون وانا عندهم نمله
واسال رجال سعودي لابس عكسري اقوله وين فندق السلام يقول مادري
على شنو عكسري مادري

وفي واحد شكله مصري وملتحي كأنه حزن علي شافني صغنطوطه <<ترى مو قزمه الحين تتطنزون علي ترى الحمد لله طولي طبيعي
بس هم لانهم طوال بزياده ومليانين ماشاء الله عليهم فاصير عندهم عقله الاصبع هههههههههههه
يعني راسي يوصل عند صدرهم او كتفهم مالحقهم ^^
المهم شافني وحزن علي ونزل راسه علي حسيت نفسي بيبي كل ماكلمت احد اساله
نزل راسه وحط اذنه عشان صوتي يالله ينسمع عيب
والله واخر شي طقت وياي كل مالفت مالاقي احد وابوي كل ثانيه يتصل ويزفني يقول انتي وين
وانا اقول انت وين لحد ماقلت له ترى اذا ما جيت اخذتني ابكي << على اساس تهدد ولا تبي ابوها يجي يطير مثل سوبر مان وياخذها

واخيرا جا بعربيه مثل الي تجي بالكوره عرفتوها والرجال سعودي
وابوي يوم شافني يقول امشي بسرعه لا السياره تمشي لان السياره ماتوقف يكبون فيه وهي تمشي لاتسالوني كيف
من الزحمه كل الناس كذا بس ينطون هههههههههه

واخواتنا المصريات
ينطون فيها وسحبني من يدي بقوه من وسطهم قلت لكم كبار ومليانات وانغفصت بينهم وربي شكل بزر عندهم
وانا اقول يبببه وهو يسحب يدي من بينهم يدي عورتني وهم ماشاء الله من كل حدب وصوب
وركبني قدام عند الرجال وربي استحيت المكان مره زحمه والسياره صغيره والكل راكب فيها
صار الرجال يسوق وابوي يمه وانا عند حافه الباب طبعا مافي باب السياره شكلها كذا عرفتوها؟؟

فجأه تجي صعيديه هب بوب وتطب عند رجلي انا وبوي
وداست رجل ابوي وابوي عصب ههههههههه قال مايصير كذا مايجوز تركبين هنا
بصراحه جلستها غلط الله يهديها وجها بوجهنا وريولها بين ريولي وريول ابوي عيب وربي عيب
وحتى اني استنتقدتها بنفسي بس هم ماشاء الله عليهم متعودين مو مثلنا ماينفع نركب كذا اصلا

واهي تقول معليش ياسي الحج حئك علي تخيلو حشررره بقوه وانا لاتعليق
وكل شوي معلش معلش وتقولي معليش وانا على الصامت منحرجه اني قدام وربي تحف ههههههه
شوي الا ابوي قلب يسولف معاه << ياسلام ياسي باباه مايصحش كده
ورحنا لسياراتنا بسلام وريحينا شويتين وبعدها جهزنا انفسنا نطقها للمدينه

وهاي رحله مكه وخلصنا منها ومن الضياع الي انا فيها صدقوني ابصم لكم على العشره
راح اهلي يقولون لي هالمره نعتمر سوا ولا مافي تروحين لحالك
وقولوا طيف ماقلت اعرفهم خابزتهم وعاجنتهم

....................................................................................................................................................................يتبع

ول بي باك << يعني انا جيت
سوري ع التاخير << تكفين عاد الي احد ينطرك مثلا وحنا ماندري

المهم راحت علي عصريه يوم الخميس الضعيفوف الي راح يصير من ايام الكرف
اه قلبي الصغير لايحمتل كل هذه الاحداث
سوف تجيني جلطه مبكره << اروح شوربه مع اللغه العربيه انا هههههه
شكل يدي مو انحرقت الا مخي

المهم السبب ان العصريه راحت علي وانا ماكملت سولافتي هو نصها راح بالنوم
والنص الثاني ماسكه عائلتي السعيده وحده اسوي لها شعرها ويفي وانحرق صبعي
وامي اسوي لها الاينالر والثانيه احط لها مناكير بيدها شنو هالتعذيب حستني الة مو انسانه
وجع دايما كذا اذا مارحت معهم العرس اتدبس فيهم غير حوسه البيت لما يروحون وكل شي فوق راسي
لا انا منتحره منتحره سيبوني محدش يمكسني
اي صح معلومه على سالفه الحرق اذا لا سمح الله صار واحترقتوا
على طول حطوا معجون اسنان سقنل 2
مو الي بالنعناع ومادري وش احس بتولع الدنيا بزياده

لا خذوا العادي وحده بوحده عن تجربه
وكاهو بصبعي للحين حطوا طبقه على الحرق وخلوه حتى لو تنامون فيه عادي
اول شي يسحب حراره الحرق وتصير بارده
وثاني شي مايصير علامات بالجلد

ومره قرأت موضوع لساجده الله يذكرها بالخير
تحط دقيق مادري طحين المهم شي ابيض للعجن
بس ماجربتها

هم معلومه بعد اذا انقرصتوا من الناموسه او
القاروص عند اخوانا الكويتين او الباعوض او شفاط الدماء ههههههه
وكنتو من النوع الي يتحسس بالقرصه
على طول حطوها عليها اي كريم موجود عندك وتروح
انا كنت اعصب منها خصوصا ماكانت تاخذ الا من دمي انا تقهرني
بالرغم ان اختي موجوده وياي بنفس الغرفه

واروح لامي معصبه واقول وش معنى انا تقرصني عاد من كثر الدم الي فيني بتشفطه
الله يذكر شغالتنا بكل خير كانت تضحك علي وتقول عشان انت في دم حلو كويس يشرب من انتي
للمعلوميه بعد انثى البعوض هي مصاصه الدماء
والذكر مستريح شكله يطير وياشر يقول تعالي اشربي من ذي وذاك

ماعلينا من هالزحمه ذي كلها
بنرجع الحين للجزء الثاني من الرحله للمدينه والحلم الي حلمته فيكم
جست منت بليز

الحين بقول لكم الحلم
حلمت ان اربع منكم وياي على طاوله بيضاء
2 مان اند 2 ومن << يعني رجالين وبنتين من عبير
كانت غيوم التعابير على يساري واظن الثانيه موتي ولا دمعة امي بس الي متاكده منها غيوم التعابير
لانها ع يساري وع يميني اخوي الوسمي ويمه على يده اليمين اخوي اسير
وكنا كلنا على طاوله بيضاء بيضاويه وجالسه احكيهم شنو صار لي بالمدينه يعني كنت اقولهم الي الي صار بالحقيقه
لاتخافون مانتبهت لاشكالكم كنت متحمسه للسالفه وانتم هم متحمسين ومانظرت فيكم بس ع السريع
فجاه صرتوا انتم معاي بنفس موقع الحدث الي كلمتكم فيه وبنفس الشرح اقول صار هنا يلحقني واشر على نفس المكان
وانتم كنتو وياي خطوه بخطوه بس اخوي الوسمي واسير كانو ورانا وبعدها مادري وين راحو وهم بعد موتي مادري ين راحت
وغيوم يمي وقلت لها شوفي نفس السياره السوداء
وصارت تقولي اجري واجري وهم يجرون وربي نفس الي بالواقع والي قلت لهم بالحلم صار وتكرر مره ثانيه
شي غريب والله

ماعلينا نجي للواقع هنا وللرحله وصلنا المدينه تقريبا على الساعه 10
ويادوب لقينا شقه واخذناها ونوووومه لحد صلاه العصر وبعدين
امي جالسه تصحينا تقول يالله نروح للحرم وانا والباقين مكسلين مواصلين ومانمنا زين
قلت لهم روحو ونحن نصلي هنا ونحلقكم وابوي جالس يوصيني يقول انتبهي ومن هالسوالف
طبعا الي راحوا ابوي وامي واختي والشغاله
وبقينا بالشقه 3 انا وستتر واحد نفر برذر
تخيلو شنو صار وانا نايمه كان يتخيل لي اني شفت احد يناظر فيني من طرف باب الغرفه الي نايمين فيها
وانا بعدي نايمه على السرير وفيني نوم
وقلت لنفسي يابنت يتهيا لك شكل شعر غرتي بس طاح على وجه وتخيلي << شوف التفكير بس
قلت يعني من يكون وباب الشقه مقفول من داخل
المهم قمت على قريب المغرب بشوي ع اساس بصلي العصر واصحيهم ونروح للحرم
فجاه الي الاقي باب الشقه الي حنا موجودين فيها مفتووووووووح على مصراعيييييه << حلوه مصراعيه
يعني البابين مفتوحه ثنيناتهم مو باب كامل تخيلوا قمت اصحي اختي واقوم قومي الحقي الباب مفتوح
واخوي الصغير تذكرونه ابو سيارات نايم بالغرفه الثانيه وتقوم مخترعه هي بعد واتحجب واروح ادور بالغرف مالقيت احد
طلع في واحد داش من باب الطوارئ وفتح الباب الاخو مع النص وخرج وخلاه مفتوح
يعني ماكان يتهيا لي يانهار اسوح

المهم عطيت خبر لابوي لما رجعوا وصار سالفه عند الرسبشن
وباليوم الثاني رحنا كلنا من عصر ولا يخلو المشي من التصوير كالعاده
يالله كان اول مره بحياتي اشوف منظر ايماني كذا من اهل الخير
الكل يشارك بالتوزيع هنود باكتسنين عرب شي حلو وهذا باقي السفره ماكتلمت
لاني بس جالسه امشي واصور





عاد قسم الحريم ماصورته صعبه ولا ارضاها حتى لهم لاني من فصيلتهم انثى حواء
بس بجد كانت اشياء حيل مؤثره وبنفس الوقت تحسين شوي وتبكين وماردي شنو مشاعر مختلطه
واهل الخير الكل يوزع والي يمد السفر والي ماجابوا شي ياساعدون بتوزيع الاشياء عليها
من جد اجواء روحانيه مفعمه بالايمان وقتها لما شفت هالمنظر قلت الدنيا باقي فيها خير
اي والله باقي فيها خير
المكان الي كانا جالسيت فيه كانو ناس موسعودين الي قائمين على السفره بالي فيها
قالت امي روحوا ساعدوها ورحنا لها وتقول لا مافهمت علينا تحسب بناخذ منها شي
لان همحاسبين حسابهم انهم يجيبون فرشه كبيره ويجلسون الناس عليها وبعدها يمدون كذا سفره
ويوزعون عليها بالعدد عشان تكفي الموجودين واشرنا لها انا واختي يعني لا بنوزع وياك بالصحون
وفهمت واعطتنا طلعو من تركستان او كاسخستان والله ناسيه بس ماشاء الله عليهم الله يزيدهم من اول رمضان
لاخره وهم كذا
ومنها هالجمعه الحلوه تعرفت على اخوات مصريات وليبيات وعمانيات
واخذت ارقامهم معاد الليبيات مادري شكلنا كنا مستحين من بعض
وكنت نتناقش عن سواقه المراه للسياره والثورات الي صايره وتشوفوني عاد هذا مجالي
طلع جن براسي وقمت اناقشهم نقاش عقلاني
فاخر شي سالوني قالوا انتي سعوديه ههههههههه لا افريقيه متجنسه قلت لهم ليه
قالوا اول مره نشوف سعوديه كذا قلت لهم انتم ماخذين فكره غلط عنا ترى فينا الذكتوره والممرضه والاستاذه والمعلمه واكثر
بس كل هذا عشان ماسقنا سيارات ولا نكشف تعتبرونا متخلفين من العصر الحجري نحن اهل بلد ونحن اعرف وش الي فيها لمصلحتنا
يعني انتم عندكم بمصر او ليبيا لو الوحده تسوق سياره مو شي غريب ولا يمكن حتى تلفت النظر عكس هنا لانه شي ماتعودنا عليه
ماراح ينفع بين يوم وليله نسوق ولا ينفع اصلا وقمت عاد اتفلفس عليهم لحد ماقنعتهم وجيتهم بماساله الحجاب
قلت لكم انا بمساله المناقشات اعقد الي قدامي حتى يكره انه ناقشني

قالت الاخت الي من ليبيا لا كشف الوجه يجوز مافيها شي قلت لها انت مسلمه وتتبعين الله كلامه ولا لا قالت اكيد
قلت خلاص في القران مكتوب يانساء المؤمنين وكملت لها الايه ورجعت
وقلت لها اي اطهر واشرف نحن ام زوجات الرسول قالت اكيد هم
قلت من باب اولى نحن بهالزمن الفاسد نحن الي نتغطى مو هم
لانهم على دين وخلق وعلى نظر عين الرسول ومدرسته وابتسمت

ولا هي راضيه تقتنع تقول طيب نحن متحجبات مو كاشفات حشرتها بسؤال واختها الكبيره تتابع كلامي وتتبتسم
قلت لو اخذت حجابك ولفيته على وجهي بحيث انه يغطيه وخليت شعري فاتح يعني العكس
بنظرك في بالفت نظرك لي قالت لا قلت يعني لما تغطين شعرك وتكشفين
وجهك ايهم الملفت مو وجهك ابتسمت ولا هي حابه بعد فكره انها تغطي وجهها
قمت اخذتها من قاصرها واعطيتها بالوجه وانا اضحك

قلت لها انتي مو راضيه تقتنعين لان كيف يتزوجك رجل وهو ماشافك وحبك وبعدها يتقدم لك وضحكت
قلت شفتي يعني انتم عندكم عادي تكشفون ويجي واحد ويعجب فيها
ويتزوجها ومو الكل سواء في النهايه هو امر واجب من الله مو شي من عندي يعني نحن مو متخلفات لما نلتزم بهالامر
والله وودعنا بعض على حب وسلام وايخاء اهم شي

وجلست اسولف على اخت مصريه وجده مصريه حبيتهم واخذت رقمها
وهم بعد جلسنا نسولف بامور تختص بالسعوديه
بصراحه اعجبني تدينها لابسه قفازات ومحترمه وكلامها يدخل القلب
قالت انتم عندكم صح بدرسوا الدين وتهتموا فيه عكسنا بمصر
بس للاسف اشوف البنات هنا مو اوي بلبسهم حجابهم والتزامهم
غير انها علقت انه هم بعد حنا مانتهتم بالمواد الثانيه مثل الانقلش والرياضيات وغيرها
وربي صادقه عيالنا مو فالحين الا بالصياعه بس
واذا ابتعثوا برى عشان اللغة جابوا العيد وصيعوا الاجانب الي هناك

يتبع

المهم اليوم الثاني قلت لازم نصلي الفجر بالحرم
عاد انا عشقي جنون الفجر والصباح
شكلي لاتزوجت بخلي الناس يجون بالليل ويجلسون للفطور وع س 10 صباحا انزف
كيفي مو الايام تغيرت وراح الخميس والربوع على كيفي بعد انا ابي زفه بالصباح هههههه

المهم طبعا محد راضي يروح فيهم لان الشقه بعيده يعني ثلاث شوارع او اكثر بعد الكبري الي عند الحرم
والله محد رضي الا اخوي وقلت هيا ياولد وجالسه اغريه اقول يطلع الصباح والجو حلو ومادري وش
المهم ورحنا قلت خل الحين نروح دام ناس بالشارع يمشون نكون معاهم احسن من لحالنا
ورحنا وصلينا وكان صباح ولا ا اجمل



صلينا وخلصنا وطبعا اهلي الكرام مايخلون احد بحاله كل دقيقه وثانيه انتم وينكم
بالمريخ يعني وين الله يهديكم مايخلون احد يستمتع باجواء الصباح قلت لاخوي يالله مشينا
ونالعصر نفس الموضوع رجعنا للحرم
بعدها صلاه التروايح جلست اصلي وفي اطفال باكستينه يمي قروشوني بالصلاه
بالعاده انا لاصليت خلاص عيوني بالارض ولا التفت بس هالمره لانهم بوجهي
وحركاتهم كثير ومايخلوني اسجد زين
فاخذت لهم صوره البنت مادري ليه تذكرني بلنو ههههههه احسها مشاغبه مثلها
حتى وقتها ضحكت اسمها خوله واخوها مصعب اعتقد مادري نسيت


حتى بالتصوير مو جالسه عاقله بس تهاوش وتكربت بلهجتهم على اخوها



بعدها اخذت صور للمظلات وحنا راجعين للشقه اول ماتتفتح مثل الورده بعدين تصير شجره هههههههها << ام التشبيه





اليوم الثاني هنا المصيبه بغيت اروح فيها
كالعاده قلت احد يروح وياي نصلي الفجر محد معطني ويه موليه
وامي تقول لاتروحين طيب بالله ليه جايين عشان ننام بس قهر وربي
والله واخذت عباتي وماعليه من احد قلت لهم ترى بروح بصلي مو بروح برى السعوديه
واجري عشان امي ماترجعني لاني اخوي مو راضي يروح هالمره

والله وانزل بسرعه وامشي مع الناس واحاول اكون مع الحريم حتى لو اجنبيات اهم شي ماكون بروحي
لان الدنيا بعدها لليل ماطلع النهار
والله ووصلت بسلام ودشيت داخل الحرم وقرات قران وصليت الضحى الاخت واثقه للحين الدنيا امن
او جاء ع بالي ان في ناس مثلي وبيتاخرون ولاقي ناس امشي معاهم لما الشقه
الا امي تتصل كالعاده انتي وين ارجعي الوقت متاخر تقريبا السعه كانت 7 وشوي
والله واخذ نفسي وامشي

الا اشوف ناس قليل باتجاه المكان الي بروح فيه لقيت سعودي ومعه اخواته بنفس الطريق
بس بينا مسافه شوي بعيده لاني طلعت متاخر بس الله يهديهم دخلو شقتهم الي باول الطريق
وانا بعدها بشارع شقتنا
الا في واحد يمشي يمي طول مانا ماشيه بشويش وربي اني خبله على بالي انا بزمن الرسول مو الرسول قال
بجي زمن تأمن المره نفسها محد يتعرض لها عاد انا مخفه للحين على ايام الطبيبين ونسيت انا بوقت يخرع
ومالقيت الا عامل نظافه قلت بحتمي فيه لو صار لي شي وقربت منه قلت ياعم لاتروح<< شفتوا البراءه والخوف كيف

ويروح صاحب السياره الي بالطريق قلعته شوي الي يجي واحد سيارته سوداء هذا نفس الي بالحلم
ويوم شفته قرب سيارته قلت بسوي فيها يعنني البنت الذكيه وادش من الحاره عشان سيارته ماتقدر تدش فيها واضيعه
الا يروح من الجهه الثانيه ودخلت محل يعنني بشتري مالت وانا قلبي ببطني من الخرعه يدق
اقلت اكيد يحسب اني الحين دخلت الشقه واطلع وامشي بسرعه
الا الاخ على الجنب الثاني من الشارع من ورى البيوت يمشي بسيارته ويبتسم
قلت مو مشكله اهم شي مايقدر يجي عندي بينا بيوت شوي
الا في لفه دش منها ومادري الا السياره الي وراي

وامشي بسررررعه والشارع فاضي مادري وين كان عقلي وقتها
شوي الا جا يمي شوي ويلصق فيني يعني لو طلع يديه من الدريشه يقدر يمسكني وانا احاول اجري
شوي الا قالي اساعدك بتوصيله عاد انا هنا رفعت صوتي قلت ماتخاف ربي حتى بنهار رمضان واحط رجلي
وهالمره جري جلس يضحك بصوت عالي ويهز راسه شكله يقول في نفسه هالبنت موصاحيه

والله وجري ليه وصلت الشقه حتى ماطلعت بالمصعد من الخرعه ركضت ركض بالدرج والهث بغيث اموت
خوف وعطش وقلبي شوي ينفجر من الطق بسرعه يمه وربي خفت خوف مو طبيعي
هذا الموضوع الي صار بالحقيقه قلته للاربع بالحلم وصار مره ثانيه بوسط الحلم يعني حلم داخل حلم
وعاشوا الاحداث معاي وشافوا نفس الرجال واسمعهم يقولون اجري وغيوم تقول اجري وهي تجري
والباقين ورانا بس ماشوفهم

يعني يمكن فايده الحلم اني اجي اقول لكم الي صار بالحقيقه
لحد تروح بورحها
هالدنيا صارت تخررررررررع بقوووووووووه معاد فيه شي اسمه امان
وربي موقف للحين كل ماتذكره اهزء نفسي اقول وين عقلي وقتها

مثل ماقلت لكم
برمضان بنروح المدينه المنوره
والواحد مايضمن عمره شنو يصير له
فإذا غلطت بحق اي أحد العذر منكم والسموحه

وهنا تكون الخاتمه
بثالث يوم الجمعة

فشكرا لكم على مداد الأربع السنوات
الي قضيتها وياكم تعلمت الكثير والكثير منكم
سواء بشكل مباشر أو غير مباشر
شكرا من أول صفحه كنتم فيها داخل حروف حياتي
إلى اخر صفحة فيها
شكرا لكل من قيم وابدا اعجابه بخرابيش طيف من أول صفحه لاخر صفحه
حتى للمتابعين خلف الكواليس هم بعد شكرا

شكرا على أنكم منحتوني ذكريات جميلة لاتنسى بصحبتكم
حتى لو كانت بعض الذكريات أليمه وقاسيه بس هم بعد تعلمت منها دروس
ماراح انساها بحياتي
وهذا أحلى شي بالحياه أنك لازم تطيح مره ومرتين وثلاث
عشان تتعلم وشلون تمشي وتوقف ^*
لكم جميعا في القلب مكانة لايعلمها إلا الله
فاتمنى لكم السعادة

وها هي ثلاث أيام مضت بكل سطر فيها
الأربعاء والخميس والجمعة

ورابعها صفاحات من الحياة تلت
لتتغير رحلة الأيام مع تغيرات الحياة
فكونوا بخير جميعا ..



لكن الحياة هي كما في هذا الشريط ..


البعض نحبهم ولكن ..












.

.

اللهم إني أستغفرك بدعائي لي و لوالداي و لوالديهما
لكل ذنب خطوت إليه برجلي
أو مددت إليه يدي أو تأملته ببصري
أو أصغيت إليه بأذني أو نطق به لساني
أو أتلفت فيه ما رزقتني
ثم استرزقتك على عصياني فرزقتني
ثم استعنت برزقك على عصيانك فسترته علي
وسألتك الزيادة فلم تحرمني
ولا تزال عائدا علي بحلمك وإحسانك يا أكرم الأكرمين

اللهم إني أستغفرك من كل سيئة ارتكبتها في بياض النهار وسواد الليل
في ملأ وخلاء وسر وعلانية وأنت ناظر إلي
اللهم إني أستغفرك من كل فريضة أوجبتها علي في اناء الليل والنهار
تركتها خطأ أو عمدا أو نسيانا أو جهلا
وأستغفرك من كل سنة من سنن سيد المرسلين وخاتم النبيين
سيدنا محمد صلى الله وأله وسلم
تركتها غفلة أو سهوا
أو نسيانا أو تهاونا أو جهلا أو قلة مبالاة بها
أستغفر الله وأتوب إلى الله مما يكره الله
قولا وفعلا وباطنا وظاهرا

إلهي لاتغضب علي فلست أقوى على غضبك
فقد أصبت من الذنوب ماعرفت وسترت
وأسرفت على نفسي بما قد علمت
فإجعلني لك عبدا إما طائعا فتكرمه وإما عاصي فترحمه ياأرحم الراحمين
يارب
سألتك أن تسترني فسترتني
وأسألك أن تغفرلي فهلا غفرت لي
أخطأت من ضعفي وليس إستهان بك يارؤوف يارحيم
وأنت تعلم ضعفي وزلتي وذلي
إلى من تكلني بهمي وذنبي
اللهم لامهرب منك إلا إليك
لاأتحمل غضبك ولا عذابك
فسألتك ياكريم أن تغفر لي.
.(اللهم اغفر لي ولهم ولكاتبتها يارحمن)


سبحانك اللهم وبحمدك أشهد أن لا إله إلا أنت استغفرك واتوب اليك
كنت هنا معكم طيف دمتم بخير


نقطة
...انتهى ..

.

.




.. 4 ..


.