هههههههههههههههههههههههه احسن شيء
ونااااااااااااااااااااااااااسه الحين حسيت اني انسانه مرئيه للعيان >>عيون الناس الي تحت


بصرااااااااااحه ماقدرت اطلع من المنتدى
بعد مانزلت مدونتي تحت تنتنفس مع الخلق وتشوف الشمس والناس والحياه

حلفت اني اقبلها واضممممممها
قبل اطلع
>>خساره مافي فيس ضم مالنا الا الفشار

ياحبيبتي يامدونتي وربي اشتقت لك تحت>> فيس عيونه قلوبات
واشتقت لنفسي المرئيه معاج
ياقلبي عليك يانفسي تطبطب ع ظهر مدونتها>> الله يشفيها ليتنا مانزلناها فضحتنا قدام الناس

ماعلي فيكم وربي فرحت انها تحت حتى لو اخذ صفر ولا نص لايك
اهم شي اني احس اني عايشه مع بشر واشوف الحياه هههههههههههههه

خساره خليوتني ارجع اكتب وانا تو قايله خروج بلا عوده
وربي خلاص برستيج طاح معاد له ويهه موليه
خلاص بلبس قناااع من الفشله
كله منكم هوففف بس

المهم خلاص والله حلفت اخر مره
والله العظيم خلاص هذا اخر رد حقيقي

والناس الي ماشافوني فوق
ارجعوا صفحه للخلف بارك الله فيكم ورعاكم
ترا طلعت انسانه مو كاسبر مخفي
كثروا لايكات وسكربشن ودس لايك وان فولوا وفولوا وكولي حاقه


خلاص اعطيت نفسي ويهه زيااااده عن اللزوم
خروج حقيقي
وبن ام خال ابو عم احد يكلمني الحين
وربي ماارجع اكتب شي همم >>صوت التشميقه ولفه الظهر


قبله في الهواء وداعيه لمدونتي
ورحله سعيده لنفسي في مخي




سبحانك اللهم وبحمدك اشهد ان لا اله الا انت استغفرك واتوب اليك


استغفر الله فيني ضحكه يوم جيت اطلع وشفت مدونتي تحت استغفر الله
هههههههههه
هوص لحد يضحك وربي ماارجع يعني ماارح ارجع

..

سبقت أشواقي
خطواتي بالقدوم

لأرض ترعرعت فيها
وكانت متنفسي الوحيد
بعيدا عن واقعي المجنون

سأركض هنا كما اريد
واطلق سراح زفرات
خبئت بقلم كتوم

سأركض بعيييييدا
حتى النهاية
وسأقفز كل حواجز الجنون
سأكون حيثما أريد
لا كما الناس يريدون.!!

سأستمتع بكل شيء
بعيدا عن مجريات بعض الأمور..

كونوا بالقرب
وايضا كونوا بخير جميعا



................................................طيف عابر

أناااااااااا مصدومه ومتفاجعة ياجماعه

يعني لو مادشيت للمدونات ( كنت العب بقسم الالعاب )
كان مانتبهت للانسه المختفيه
الي يت ولا حتى زارتني وبلغتني بوصولها افرح فيها
بالله هالشيء مو يزعل
طيف البنت يايه من بعد غياب المفروض تذبحين لها جمل
وانت داشه مدرعمه هواش >>تستاهل انا ماعندي يمه ارحمني
ياما انبح صوتي مدري يدي
وانا انادي عليها هي ولنو بس مايستحون مزاعلتهم زعلا جميلا همم لحد يكلمني

مرمر يااااااااااااادبه هااااااااااق مي
تنط عليها وتحضننها بقوووه ع انها ماتستاهل

وطئت اهلا وحللت سهلا
يارفيقه

وصلني هالتقييم توه فرش من شهرزادي
وهو كالاتي

تستااااااااهل اصلا خلاص انا مزاعلتها هي ولنو لحد يكلمني ويراضيني عليهم
زعنانه يعني زعنانه

بسحب عليها هي ولنو واصادقك انت وتنهيده هنا
عقابا لهم عشان ماعاد ينخشون عن الانظار>>متعوب عليها ترا

مالها صاحب هالبنت >> هيا والله انكم نصابين اني مصادقه نص بنات المنتدى

..

واي شنو بعد حبيييييييت ووطأتي ع مهلا فخممممه وربي
تعالي اعلق ع كتفك نجمه


..

اي والله صح لسان قايلها
خلاص مزاعلتكم كلكم
وبصادق نفسي انا

لا ياحبيبتي لاتشقرين حواجبي ولاتلعبين بويهي
خلي حواجبي بحالها
موووووووواففقه تم بس بعيد عن الحواجب
ورب صج نفسي يصير هالشيء حقيقي ياسلااااااام شيء جميل
ونجيب خيول بعد اعشقها للنخاع ونسوي سباق


ونروح نكشت في بر ونار وكذا
بس تكون الخيمه سياره ذيك الي فيها غرفه وحمام
اما خيمه في العراء الطلق نو وي ياحلوات

بطلي هبل ماتفقنا نصير عاقلين عشان البرستيج قدام الناس

اي صح ماسويت شيء انا اصلا
هااااااق مي بق >> رجاء طيف خلج ع العربي ازين

خبله انا ماقصدي الاكل
قصدي نبض الوتين ترا ابد ماعرف ادلع احد فهذي تعتبر شيء كبير عندي
انت عمي يودج هايبر بنده
انا ينادوني بغرفه بعيده كانهم بياخذوني لمعتقل
ياخي مانبي نتزوج كيفي
انا الي بتزوجه لازم يكون نظام امريكي الاسباني مااااااحبهم ابد
ابطل وقول مو مواقفه قبل ادش المعتقل

خلاص تعالي نشتري ارض مدام مخج مثل مخي تجاري
ونتزوج اخوان ولا نبطل مانتزوج احسن فكه منهم ومن مشاكلهم


لانهم فاهيات يحسبون ازواجهم بيتزوجونا
يامال الهبال الي ماهو بهباله ع قوله حامد زيد

بس الحقيقه تقال استغفر الله انا اتواصل مع صاحباتي عادي
وفي بعض البنات المتزوجات ديناصوراتهم الي عندهم الي هم ازواجهم
يمنعوهم يتواصلون مع صديقاتهم وهالشيء شفته
بزوج بنت خالتي يقولها صديقات جيران مافي
ياااااااااادوب حافه اهلها سلاااامااااات من جد مرض

مساء الهدوء من بعد
ضجيج الأمس

ياهو ازعاج كان وفي نفس الوقت صار حدث عجيب الاطوار
كنا بحفله خطوبه لصاحبة اختي
وطبعا اختكم في الله هي واخواتها كاشخين ع الاخر
والناس كانوا بسيييطين مرررره يعني عاااادي مو متكلفين

ليتهم يحضرون افراحنا ميانين تحسين انج حاضره حفل عرض ازياء
وعروض مجوهرات البس ناعم وكيوت والاطقم تشوفين لمعتها من عند باب القصر
بس صراحه ع كثر هياطهم ورجتهم والمبالغة في فخامه الاعراس
بس تحسين انج رايحه عرس من جد

رغم اني اميل للاحتفالات البسيطه بس تكون فيها رجه عشان الواحد ينبسط
امس هددوووء ماكو الا ناس قليل ووحده هي الي
وجبت في الحفل من كثر ماترقص مصري ع شيلات ع كول حاقه

الحدث العجيب الاطوار الي صار انو انا واختي رايحين للمغاسل
نجوف مايحتاج تعديله من شوشه وروج ومايلزم
المصيبه وين المصيبه ان صاله الاكل قبال المغاسل
والمصيبه الاكبر اختكم في الله لابسه قصييير
ياويلي من غيوم
غيوم ترا قصير فوق الركبه بس اذا جلست طلع فوق الركبه >>اتغشمر اتغشمر غيوم وربي يوصل للركبه وربي

المهم تخيلوا وانا اعدل روجي واختي ع المرايه الثانيه وراي
الا اشوف رجاااااااااااااااال قدامي
وعادي يسولف ويكلم امه اخواته ويناظر وعااااادي الوضع
واقول لاختي بنت في رجال وننخش انا وياها بزاويه المغاسل
ومعطينه ظهرنا بس نشوف ويهه ويشوفنا هو بعد في المرايه

المصيبه في امه واخواته مهبل يعني مايشوفونا
ولا نحن ضباب ولا شنو بالضبط
وزوجته نفس الشيء تكلمه ونحن موجودين
وربي للحين مو مستوعبه
شكلهم منشغلين ويشوفونا بس بنفس الوقت مفهين ومو منتبهين
وطولنا وهم ع نفس الوضع واخته من الفهاوه الي فيها تناظرنا
وعادي تكمل سوالف فيس يحط يدينه ع راسه ياللهوووول وياللمصيبه
ياعااااااااالم يااااااااااهو نحن هنا

اخر شيء ناديتها بصوت عالي قلت هي تعالي غطي علينا
وجت غطت شوي وطفشت يوم طولت الوقفه وراااااااحت وخلتنا مع اخوها
واهله راحو ماكو الا نحن وياه
اقول لاختي يوم شفت اخته تركتنا بنت خلينا نجري ونروح هذولا مجانين
بس المشكله مانقدر لازم نمر من عنده ياللهوووووول مرتون اخرى
بس للامانه
ويهه لباب صاله الاكل لانه طلع احد مقفله وهو شكله انحشر ماني عارفه شلون
المهم صار هو معطينا ظهره ونحن نفس الشيء
لين جات اخته واعطته المفتاح وطلع
والي يضحك بالموضوع زوجته مانتبهت لنا ورجع لها مخها
الى يوم طلعنا وتناظر فينا انا واختي يعني خيير
وجالسه يمنا يوم جينا نسلم ع اخت الولد وتناظر ههههههههههه والله حاله

اول مره في حياتي يصير هالموقف
عجيب غريب الاطوار
لا الولد ولا زوجته ولا امه ولا اخواته
العايله كلها مخها مفصول من التركيز
المصيبه والي محيرني انهم كلهم يناظرونا انا واختي
ولا احد قال شيء
وربي شيء غريب
من بسطاتهم مفهين
والله لو انها صارت في جماعتنا كان الريااال الله يرحمه



...

من الطفش يالسه احوس بمدونات خلق الله
ومريت ع مدونه ابوي راضي بالمقسوم

بالله رحوا شوفوها وخص نص فصيله الشنبات

تصدقون وانا اقرا القصه اقول في نفسي
اكيد وطبعا امريكي مو اسباني
لان الاسبانين الي عندنا معروفين بتصحر مشاعرهم مالت عليهم
بس تذكرت اني قريت انهم يقرون القران ع بعض
يعني طلعوا مسلمين

هذا الريال وينهو فيه المفروض يحطونه ع اكبر طابعه
ويسون منه نسخ ويوزعونها ع العرب في شتى بقاع الارض

هذا لو فيه منه اثنين بدل مااهلي ينادوني في اخر غرفه بالبيت
يقولون في احد خطبك
انا الي اروح وامسك يدينهم واوديهم لاخر الغرفه وقول لهم
موافقه روحوا اخطبوا لي ذاك الرقول

بس اصلا ماعتقد ان القصه حقيقيه يمكن واحد يكتب روايه
>>للحين مو مصدقه

وان كان صج السالفه فـ بسم الله عليه ماشاء الله لاقوة الا بالله
عليه وعلى زوجته الله يحفظهم ويخليهم لبعض
>> عادي يتبنوني ولا مايجي
<< طيف بلا سماجه اطلعي برا مو عشانج طفشانه تتسميجين علينا
يلا مناك

..

تصدقون امس من الطفش
كنت بتهور وادش قسم الشكاوي والاقتراحات
واكتب في قسم الشكاوي
اني طفشانه مالحل ؟؟!!

بس الحمد لله خرجت قبل انهبل في مخي
ياترا شنو كان راح يصير لو سويتها صج
بيزفوني ويعطوني باند
ولا بيخلوني عبرة لمن لايعتبر من فصلات المخ والدماغ

بصراحه لاخر لحظه كنت بتهور واسويها
بس خفت من الجارح الصامت ذا الي الاعضاء يخافونه مدري ليه
يمكن لانو عضو غير مرئي للعيان محد يشوفه
فيخافونه لانهم مايدرون من وين راح يطلع لهم

شنو رايكم اتهور ونسويها كتجربه ونجوف رده فعله
بس اذا سوا لي شي وزفني وخاصمني انا بوييهكم دافعوا عني
ولاتتركونه يخاصمني خبوني وراء ظهركم

سووا لي مثل جذيه
اهم شي العصا حقت الشجره مافيها الا ورقه وحده مدري غصن مدري ايش
المهم ورقه خضراء وبس



وخاصموه نيابه عني