هالتقييم وصلني امس
وطلع فوق راسي علامه استفهام مع ضحكه

اهم شيء رايعه ولا تبربري كثير

والله ماينعرف لكم
ناس حابه جانب الخواطر اكثر من السواليف
وناس العكس

بعدين منو هياا ذي
لايكون انا قريتها كالعاده من السرعه هيا ع انها اسم بنت
ولا هي كلمه عاديه مثل رايعه بس بشكل غير
والله مدري

امممممممم تصدقون
شكلي بهتزل هبال وهربته >>ع قولة وردتي الجميله الشيخه مآثر
واصير البنت العاقله الي بس تتفلسف خواطر وكلام عقلاني
بما انو المنتدى يمر بفتره ركود
وغياب نخبه من عواميد المنتدى وعلى رأسهم البرذر تاز المشاكس
اتحداكم تعرفوووووووووونه
الله ياقدددددددمي ع ذا الاسم >>ع ايام لنو وتسمياتها لاخونا يوم يختفي
الله يردهم بالسلامه جميعا
ويكونوا بخير يارب

بصير البنت العاقله الي تتكلم بهدوء وثقل
ونعتزل هبال ورجه
يعنني بررررد وكذا >>وش دخل البرد
الا دخله ونص .. ترا البرد يخليج ثقيله دم يفرق الجو ترا

سبحان الله كنت طفشانه
ومالي خلق لنفسي حتى
وضغطت ع رقم عشوائي بمدونتي
من باب اعادة الذكريات الحلوه

العجيب في حالتي اذا كنت متضايقه
اوطفشانه او او
فجاءه الاقيني بمدونتي اختار رقمي عشوائي قدامي
وانبسط وافطس ضحك ع هبالي يوم كنت مرجوجه>>تكفين يالعاقله الحين
لا خلاص انا ماقلت اني بصير عاقله
يعني خلاص طيف المرجوجه الي قبل ماعرفها ولا تقرب لي
اي صح من باب الصدفه او الغرابه انو في نفس الصفحه الي يالسه اقرا فيها
ذكرت اخونا تااااز بنفس الاسم



اعطوني رايكم فرقت عن اول كثير وتغيرت
ولا يبيلي من جد وقفه مع ذاتي
لأكن انثى جديده عاقله

بروح اخطف تعليق اخير من مدونه شهرزادي واعلق عليه
قبل اعقل

نصلي ومن ثم نعود
لباقي الحشحشه قبل ان اعقل>> اروح فدوه للغة المضروبه انا
طيف برا

مرررررحببببببا ياجميلين
تصدقون عاد الوضع ابدا مو عاجبني هنا بعبير
ياجماعه اصبتموني بالخمووول
مااااااااااهذااااااا
من انتم
الويل لكم ستندمون

قبل شوي من الفضاوه مريت ع اغلب المدونات الي بالصف الاول
واوزع تقييمات ولايكاتو
المهم واطب بمدونه خيونا ابو العز ضحكت ع اخر شيء كتبه
ذكرني بنفسي يوم اكتب كل شيء فوق بعض وحوسه

وقبلها تقييم الاميره زوتا

من هو سعيد هذا
نعم نعم صدق سعيد ان السوالف تنكميشو بالحرارة
وتبربر بالبروده
لحظه لا غلط
السوالف تبربيرو( نسبه لكلمه تبربري من كثير الحكي كما سبق في تقييم اعلاه ) وتتمدد بالحراره
وتنمكشو وتتقص بالبروده يافتاه
اي صح واكتشافك في محله مو هو طلع ابونا الروحي ع قوله مدري منو الي قال
صج انه اب مايستحي يترك عياله وبناته ومخليهم بروحهم بدون اكل ولا ماي
لحظه لايكون ابونا تزوج وحده ثانيه غير امنا عبير
وياب بنات واولاد ثانين غيرنا ونسنا ياللهوووول

بس لاتخافون بنسوي له كمين
تعالوا اقول لكم


المهم قررت وانا بكامل قواي العقليه والعصبيه
اخلي هالصفحه حشحوشات واستلمكم نفر نفره
بما انو البق برذر المدير حقنا الوسمي غايب
فرصه نشاغب ع كيفنا >> ع انه والله مسكين يوم يكون فيه مايقول لنا شيء
الا يشاغب ويانا بكبره واذانيه

المهم ياجماعه لقيت خطه نصيد الوسمي ونخليه يطلع من مخبأه
بنمسك ابو العز ونحش فيه عاد ولد حرب حق فزعات ولقافه
يحب يسوي اكشن اذا صار في صولات وجولات بين السحالي والتماسيح
فراح يجي يفزع مع خويه
ونكون صدنااااااااااه


الحين نبدا بشغل الحشوحوشات
لان بصراحه يعز علي اودع هبالي واعلن انشقاقي عن نفسي المرجوجه
وانظم لقوافل العاقلين والعاقلات واصير فيلفوسه زماني>> كثري منها هين تعقلين
فهالصفحه نخربها والصفحه اليديده بصير وحده ثانيه

نجي للحب الاميره زوتا
ولا اقول لكم خلوها بالصفحه الي بعدها
عشان ماتقولون تسولفين كثير وفي روايه
ع كلام البعض تبربره مدري تبربرين

امممم جوفوا بصراحه أنا مع وضد بنفس الوقت

مع شهرزاد في هالنقطه

تعرفتي عليهم زمان عن طريق الانترنت وبرغم الصحبه والذكريات الجميله ماتحنين لهم وما اشوفك مهتمة بأصحاب الذكريات الجميلة، عكسي.
كل ماكانت المعرفه قديمه أحس انها مميزه وأميل للقداما والذكريات حتى لو مافيه تواصل لكن اتذكرهم ع الاقل مو انساهم.

انا مو النوع العاطفي الي يخص التعلق بالذكريات الجميله والاشخاص الي لهم بصمة رائعه كروعتهم في حياتي
وأكبر دليل لو لاحظتوا من بديت مدونتي وانا انزل تقييمات او اي تعليق او رساله جميله هنا
مو لانو شوفوا شنو كثر جاني تقييم او.. او..لا والله ماتهمني هالاشياء بدليل انو اعصب جد اذا
قيمتوني كثير>> نفسيه بعيد عنكم لانو مالحق عليكم ولا راح اوفيكم حقكم

الي يهمني بذا كله اني احب أتأمل ملامحكم بحروفكم وقت مالغياب ياخذ كل واحد منا بطريقه
تحت مسميات القدر والظروف
فأححححننن لكم كثير حتى الي مااذكر اسمائهم باستمرار
الا اني كل مامريت بمدونتي بكل الاسماء الي مرت علي بمدونتي من اول صفحه لاخرها
ابتسم لهم ابتسامه وجع وفقد اخوي للجميع
بلا استثناء
هم بعد دليل ثاني اني عاطفيه من هالنوع انو عندي اشياء من كنت ب 5 ابتدائي للحين ومحافظه عليها
كأنها يديده ..هذي نقطه


النقطه الثانيه
اتفق واختلف مع اختك بشيئين
حكمه او درس او لفته مهمه لي، قالت ما اهتم بعلاقات السوشال ميديا لان الناس يظهرون "اللي يبغونه يظهر" لي ولابد يكذبون، وأنا ما أحب الكذابين.

اختلف معاها كليا من مبدئ ان علاقات السوشل ميديا عكس الواقع تماما
الناس هم نفسهم الي بالنت او خارجه فيهم الصالح والطالح ع قولتهم

اختلف معاها بنقطه انو ليه مانحسن الظن بالاخرين من منطلق رؤيتنا لنفسنا اولا
اكبر دليل عندكم انا هي انا بكل بساااااااطه ويمكن اكون اكثر اريحيه هنا
لان اصادف ناااااس كثير نفس تفكيري واقدر اخذ واعطي برحاتي
بدون تعقيدات وبدون لف ولا دوران ولا التفت لامور سطحيه ماتهمني باي شكل من الاشكال
كمثال بارض الواقع والتجمعات سواء عائليه او غيرها
انت مضطره تعتزلين الرجه والاشياء الي تحبينها مقابل ناس
حب حياتهم الحش والتريقه بخلق الله وش لبست علانه وتطلقت فلانه
وقالت وفعلت
وين لوين تلاقين وحده جوها مثل جوك بفله وناسه بدون ماتخذين ذنب احد

عكس النت تلاقين كثير ناس مثل جوك
وين لوين تلاقين وحده تاكل لحم الثانيه وان لقيتي ووجهتيها باسلوبك
انك مو من هالنوع عادي سبحان الله في منهم يتقبلون وتكمل معاك عادي
عكس لو تكلمت مع احد من الناس الي تعرفينهم وحاولتي تبينين هالشيء غلط
قلبوا عليك وسووا سالفه من لاشيء ويمكن بعد تصير مشاكل

واتفق معاها بنقطه للاسف اكتشفت انه كلامها صحيح من ناحيه ان الناس مالها الا الظاهر
والاسوء يوم تكتشفين سقوط الاقنعه بطريقه او اخرى
وتحسين وقتها قد ايش كنتي تافهه لاني تعاملتي مع الجميع بكل صدق واحترام
وع شيء تربيتي عليه
فجاءه تشوفين العجب بدناءه اسلوب البعض ودناءه تفكيرهم
وانت مثل القطه المغمضه ع قولتهم مفهيه بالحياه تظنين كل الناس مثلك
الا تكتشفين بلاوي
بس هالشيء جمييييل بالنسبه لي
اعطاني درس بالحياه
مساحه اكثر في التعمق بالاخرين قبل اعطائهم الضوء الاخضر لدخولهم في حياتك

يتبع الحق اصلي وارجع
سي يا

عدنــــــــا بصوت الي بسبيستون



اي والله كنا مخدوعين فيك
طلعتي شهريار مو شهرزاد
اشاغبك
امممم بصراحه لي نظره في الاخرين
وقلما تخطئ >> متعوب عليها قلما هذي بدايه الفلسفه شنو عرفكم
حضوري للدورات النفسيه والشخصيه ماتروح عبث
امممم بالغالب مثل مايقولون القالب غالب
يعني استشف شخصيه الواحد من مدونته
ومن كذا موقف

سبق وحللت شخصيتك يوم كنا نلعب في قسم الالعاب
وسبق وقلت لك انت وتنهيده فيكم من حروفي ملامح
اقصد من ناحيه عمق التفكير
اما من ناحيه حروف السوالف والهبال انتم اعقل بكثير مني ماشاء الله
لايغركم اني اضحك طول الوقت ان مخي مضروب
انا لهاللحظه ماوريتكم الجانب العقلاني مني عشان ماتطفشون

ارجع واقول تعليق لما سبق
فيني من كل شيء ضد وضد>> مجموعه انسان
لا والله خلوني اتكلم جد
يعني انا عاطفيه من ناحيه تعلقي بالذكريات وبالاشخاص وبالاماكن
وعقلانيه جدا من ناحية اختيراتي

بدليل اني متواصله مع 6 بنات من النت ع السناب
وقبلها على البي بي وتعرفت برضوه ع بنات بالبي بي مااعرفهم
واضافوني ع السناب
والله انهم من اروع الناس واحبهم لقلبي
وافرح لفرح اي وحده فيهم وتلاقوني عندهم بمناسبتهم كلها فيسات
الفيسات وراهم وراهم المشكله انكم تعودتوا علي بهالوضع
وهم نفس الشيء اذا شافوني هاجده وغايبه عن الساحه
يجون ويسالون ويطمنون فدددددديتهم من اولهم لاخرهم

حتى اذكر مره ورده تلكمني ليه مختفيه عن عبير
وارد عليها بدون اي فيس تحسب اني زعلانه ولا فيني شي
تقول ليه متغيره

يعني حاليا وياي من عبير ميمي وغيوم وورده امل وكيان
الحين تزعل تنهيده
لانها كم مره تطلبين وانا اقول لها بفتح حساب جديد عام للكل
وهذا بخصصه ع حافه اهلي وقريباتي وبنات الجيران
وقبلها طلبتني غلاهم بعد

فمن هالمنطلق قررت اسوي سناب عام
وتشوفوني بطريقه ماتعودتها علي هنا
بشيء ماتتوقعونه
مو معناته اني اكذب عليكم بالعكس مثل ماقالت زوتا
الخداع دايما ما يكون متعمد
وان كان عن نفسي ماسميه خداع بكثر
مايكون جانب طغى ع جانب
يعني انتم تعودتوا على طيف ان اغلب حياتها
ضحك واستهبال ولعب ..فيوزات مخها مضروبه
ماعندها جديه
وهالشيء غلط
جانبي العقلاني مستخبي خلف الشاشه
من حضور دورات لتعليم ذاتي لعدة لغات
لقراءه كتب وروايات
لاستمتاع ببرامج وثائقيه واشياء كثير ماتخطر ع بالكم

حاولت كذا مره اني اكون بشكل متوازن
هنا بين العقل والرجه
وكذا مره قلت لكم بفتح مدونه جديده اذا تذكرون
اختلف فيها تماما عن طيف لي تعرفونها
بس سبحان الله في شيء يصدني
او اكون بوضع مالي خلق اي شيء واغيب عن عبير
وبفتره الغياب اكون مقررة
انو اغير اسلوبي معاكم لانو بجد مليت من نفسي
بس مااقدر كثير منكم تعودوا علي بهالنمط
وقتها راح تشوفوني نفسيه صدق مو كذب



ووسمي اننننه راحت عليك
جالسين تنناقس ونتنفلسف وانت مستخبي
وهو يحب هالحركات من خلال دراسات اجريت عليه سبقا
ههههههههههههههههههههههههههههههه
ياتلحق يابرذر ياماتلحقش خالص

اخونا في الله سأبقى مجهولا
انتظر دورك في الحشحوشات
والله ماخليك الدور جايك جايك باذن الله
خل التقييمين الي مع بعض ينفعك

قايله لكم بطلوا لقافه بس ماتسمعون الكلام

صباحو

اختنا في الله تنهيدة
مطنقرة مع الصباح الباكري
لأنها مو عندي بالسناب

ها ياجماعه شنو رايكم اضيفها ولا لا

جوفي تنهيده من الحين اقولج
حركات اساله كم طولج عرضج عمرج اين موقعج من الخريطه الارضيه
شنو تخصصج من اي القبائل انتمي
ماكو كيفي والله
سوا سوا بنات قبل
انا هناك طيف مثل ما انتي تنهيدة
لقافة بنات مافي
يمكن يوم من الايام اصير من المشاهير >> كثري منها هين تصيرين نص مشهوره حتى
وقتها تطلعون عارفين كل شيء لا
لازم من اكشن الغموض والخصوصيه

>> ياشينك وياشين من فكر يضيفج من اصله
عاد والله كيفي هذا القوانين حقتي