أصبحنا واصبح الملك لله وحده
اللهم ما اصبح بي من نعمة او بأحد من خلقك فمنك وحدك
لا شريك لك فلك الحمد ولك الشكر

صباح جديد
وبدايه جديده بإذن الله لكل شيء
اللهم وفقنا لما تحبه وترضاه..

الحين يالسه ادور بمدونه زوتا بين مدونات الخلق
والاقيها معلقه فوق مع الشاطرين
الي يعطونهم شريطه حمراء>>ياقدمك ياطيف الحين صاروا يعطون الشاطرين ايبادات
ولا احد يخبرني هذي فيها قبايل ترا
مبرووووك زوتا تستاهلينها بجداره
ويحليلها
شاده حيلها للحين في قلبها شيء على فصليه الذكور المعاديه لنا
بخاطرها شيء للحين ماطلعت الي بقلبها ههههههههههه
فديتها هي واحتريتك ماعندهم الا قصف

شوفوا بنات في موضوع يديد عن ابو العز اذا في خاطركم شيء بعد كملوا عليه
بس من الحين انا اقولكم اني بصف الريال وبقووووه
(الي ماحط راس الغنمات في الصحن )
بصراحه اخيرا لقيت ريال فاهم ويحترم الضيف هذا لو اجوفه اسلم على راسه
واقوله ياخي انت كذا واسوي بيدي حركه قووود يعني احسنت

واوو اممم بس وشكرا
هههههههههههههه احس اني ناسيه شلون اسولف

سي يا
في سولافتون اخرى

اي صح رجاء لاتخلونا نحش خلونا ساكتين
سنه جديده ياقماعه تو اعرف ان بدينا سنه يديده يادوب ماخلصنا السنه الي راحت
شلون كذا
والله مو منك ياطيف من جلسه البيت معاد صرت اعرف الشهور من السنين
حسبي الله ونعم الوكيل ع وزاره التربيه و التعليم

بنت اهجدي
يوم قلت لكم تشبه لنو ماصدقتوني
تنهيدتي ياحلوه ياقميله استهدي بالله
وربي مو فاهمه شيء

والتدوينه حقتي الي نسختيها بمدونتج كانت حلطمه مع نفسي
لشيء او لنقول اشياء غريبه صارت لي
ماكنت ادري ان في باندات وحفله ودنيا ولويه من وراي
ايه ده هوا صاير فيه ايه ياقماعه الربع
ياللهوووول

خساره ماخذت باند مثلكم كان قلتوا لي
عشان اشاغب مثلكم واخذ باندات بعد
نصير طقم بعض
ودي اصير مشاغبه واعيش نفس الشعور
سويتها مره بمقلب مع لنو وانا واياها الي خفنا وهم لا
والله حاله هههههههههههههه

..

لااااااااا تعلييييييق
مدري ليه حبيت هالصوره بهالوقت
احس كأن لنو ومرامي فيه الحين ومسوين اكشن بالقيمز
وهربانين من الحكومه العبيريه

لنوووووووووووو مراااااااامييييي
اشتقتتتتتتت لكمممممممممم
ياميانين الالعاااااب


.. ..

روحوا سووا رياضه ياجماعه
تفتح شرااين المخ والاعصاب القلبيه

اخذت 8 لفات مربع يمين
وعكسها يسار
ومدي يدينك على امتداد النظر
وارجاعها للخلف بتصفيق اليدين خلف الظهر
وعيشوا جو طائر النورس حلق حلق
بالجناحين صفق صفق

كان ودي اجري بالسطح
بس مايمدي لاني لابسه شحاطات
فراح تطلع صوت يضحك
مثل البيبي لما يمشي حافي بارض سراميك
ويجري وتطلع صوت ريوله الصعنونه طاع طاع طاع
يانينهم يانااااس اروح لهم فدوه
تخليت شكلي بكبري وانا اجري بالسطح وطع طااااع
ههههههههه اصير انا وينانوتنا واحد هههههههههههه استغفر الله


يلا انتهت الهربته لهذا اليوم
سنذهب للصلاه
وفي ملتقى اخر بيوم لاحق نعود هااع

قوتن موقن
صباح الخير

من امس حالتي حاله
انا خلاص قررت اخلي اول هدف من اهدافي هالسنه
اني اسحب نفسي مع شعري واروح المشفى طيب غصب
وضعي ماينسكت عليه بصراحه
الم فظيع امس طول وقتي مو نايمه عندي ازعاج بالغرفه
وجيت من دوره حضرتها متاخر بعد العشاء
واحاول انام ماقدرت من الم عامودي الفقري
مالحقت انام ساعتين قمت لصلاه الفجر واكلت ايس كريم
الناس تفتح ريقها ع شيء دافي وانا حالتي مدري شنو فيها من امس كله ملخبط

بعدها نمت برا الغرفه
المكيف برودته تقص العظام قص
وربي حزنت ع نفسي اليوم بعدها رجعت انام بالغرفه
صحيت قبل نص ساعه لقيت ويهي كله دموع ياللهووووووول
وعيني اليمين متاثره اكثر شكلها هي الي كانت تبكي من قلب

المهم ماعلينا من هالحطمه
كاني شفت مدونه تنهيده تقول ان فصيله الذكور يتكلمون علينا الي مايستحون
ترا امس حاضره دوره حقوق المراءه من الى
واليوم بعد تكملتها عن العنف والضرب
قال وصلوا للترند قال
بنات اي احد يعصبكم هناك انتم بس خبروني
ونزلهم اسفل سافلين الترند عاد انا خلقه اكرهم من تخلفهم وهمجيتهم
وامس بالمحاضره جلست اضحك شوي ويقلبونها هوشه نساء ومطالبه حقوق

بنااااااااااات شيء مهم الي باقي ماملكت وكتبت عقد زواجها
اطلبوا انه ابو الشباب مايتزوج عليك
تراه حق من حقوقك ولا يقدر يفتح فمه بكلمه
واذا تبون اسدح لكم حقوقنا عشان تطلعون عيونهم الي فرحانين بالترند خبروني بس وماقصر

الموقف الي يضحك بالموضوع
ابوي لما جاء اخذني قال ها عن شنو اخذتوا
قلت عن حقوق المرأة وانو الي مايوظفنا باي وظيفه نبيها ادقه بالكلام
نشكيه للقاضي والمحكمه( امازحه طبعا)
عاد هو انصدم قال خراط فاضي
قلت لا مو خراط واي شي تعارضونه وربي كفلنا حقه في الاسلام
نقدر نشكيكم
من بعدها انصدم ولا عاد تكلم حتى بالعاده يهاوشني اغطي عيوني
امس عيوني كاشخه وكاشفه ماقالي شيء لحد ماوصلنا البيت

عاد مدري هو خايف على منصدم
او ان في موضوع شغال باله عشان كذا مسرح وماهو يمي
اعرف ابوي لما يفكر بشيء ينسى الي حوله
ويشرب الشاي بدون مايحط سكر
لانه مدمن سكر يحبه كثير
مره صدته شفته ماحط سكر بكوبه قلت اعترف وش تفكر بوه ها

امممم اي صح قبل انسى
مبروك لاخوي ابو العز لتوليه الحكم
ونبايعه على السمع والطاعه والمشاغبه احيانا
تستاهل خيو منها للاعلى يارب

سبحان الله دايما لي نظرة بالاخرين ماتخيب
حقيقه تقال الانسان الصامت عند هبعد نظر في الاشياء وبعمق بعد
ولاني انسانه صامته اغلب الاحيان ( خارج نطاق عبير وداخله )>> الي مو مصدقني بكيفه
خصوصا وقت التجمعات والعزايم
ومااصير مينونه وحقت سوالف الي اذا لقيت ناس مودهم ع نفس مودي
هالشيء من جد خلاني اشوف الناس بنظرة اعمق

وحضوري للدورات ماهو عبث والتعمق في الشخصيات ماهو تسليه
بكثر ماهو خزينه ممتلكات بشريحه بشرائح متعدده تتاملينها
وتسبحين الله على تفكيرهم العجيب والغريب
والاجمل في الموضوع بعد نهايه الحفله وانزال الستار التسليه الكبرى
للي مسوين فيها اذكياء وانهم لاعبين علي وانك اؤطه مغمضه وهبله
في حين العكس صحيح وانت بمزاجك ممشيه الماي من تحتك لهدف في نفسك

الي خلاني اكتب هالشيء
نموذج لانسان عارضني الاغلبيه عليه سابقنا
وهاتك ادله واحاديث وانه انسان فيه ومافيه
وتكلموا علي وقتها وطلعوا السبعه وذمتها عشان كنت اشوف فيه شيء مايشوفونه هم
بداخله بذره خير واحترام بس يحب يظهر العكس عشان يبين انه قوي ومايهمه شيء
زبده الموضوع ان هالعضو او الاخ بعد فتره مشاكسات اختفى عن المنتدى
في يوم من الايام كنت بحذف الرسائل القديمه عشان صندوق الوراد كان ممتليء عندي
فتذكرته وارسلت له اسال عن حاله ومأله
الشيء الجميل في الموضوع على الرغم من اختفاءه الا انه ماتجاهل رسالتي
بعد اختفاء طويل وللان مختفي وماله اي اثر
الله يوقفه لما يحبه ويرضاه
وكان اجمل شي استفتحته فيه المنتدى اليوم قبل اكتب بمدونتي اي شيء
هي رسالته


في حين ناس كثيره اقدرهم واحترمهم يتجاهلون اي رد
ولا يجيون يتحلطمون اني مارديت عليهم وتجاهلت رسالتهم
وبعد سؤء فهم صار واعتذاره لي ارسلت اكثر من مسج ردا عليه
ولا حصلت ولا رد واحد ههههههههههههههه

امركم عجيب وغريب يااهل عبير

عموما مازلت استمتع بصمتي الغائب
ورؤية بعض الأمور بحقاقئها دون رتوش
شيء جمميييل يدفعك لشيء اخر اجمل .!!!

..

اخذ بريك
ومن ثم خروج
اجهز نفسي لحضور ماتبقي من دوره حقوق المراءة

بنات جد جد الدوره مهمه جدا وممتعه
وناسختها عندي بفلاش
الي حابه انسخها لها وانزلها بمدونتي تامروتبشر
يلا سي يا