مرهقة أنا ..
مازلت ابحث عني في زحام ذاتي

طيف عابر

باين اني تعبانه صح وفيني نوم
يلا سي يا >> هو لحقنى نشوفج عشان تودعين
مع نفسكم مع السلامه يعني مع السلامه

تضاربت مع نفسي قبل شوي
وشوي يوصل الدم للركب من كبر الهوشه>>الله يكبرها من كذبه
<<بس اطمنكم ماصار لي شيءالحمد لله يت سليمه>> تحشيش
المهم انو جد تخاصمت مع نفسي
ياعالم ياناس ماصرت اشوف الصباح مثل زمان
معشوقي الصباح راح في خبر كان
قصدي خبر نوم

صرت كاني خوفاش ليلي
اصحى بالليل وانام بالنهار صابني اكتئاب حتى نفسي ضاعت مني
بالله اذا لقيتوها اتصلوا علي وامسكوها لين اجي
واتعرف عليها يمكن اطلع مو انا >> الله صباح خير مالى صباح هبالك ياطيف
المهم قررت اواصل لحد اذان الظهر لازم ارجع لنظامي السابق واطرد الطاقه السلبيه الي ماسكتني
اعوذ بالله معاد صرت اشوف الشمس الا بالظهر
المهم ماطول عليكم وعشان اشغل نفسي مريت على مدونه خينا نافوره وسرقت منه حكمت الصباح

حكم ياعمي حكم
اخوي نفر يوم يكون رايق وفايق ومراقب
يصير حكيم زمانه ماشاء الله عليه>>الحين يدش عرض ويقول تراني حكيم من صغري
يلا مناك بلا نصب

لا والله خلاص ماقدر
عيوني وصلت حدها الائتماني من الدوخان
بروح انام
مافي الا حل واحد اذا صحيت الظهر اتخيل انو صباح وانتهينا

والله هالفيس احسه نايم من قلب
بسحب المخده من تحت راسه وخليه يضرب بالارض وانا انام بداله نذاله


يلا بباي


سبحانك اللهم وبحمدك اشهد ان لا اله الا انت استغفرك واتوب اليك

صباحو
صباح النشاط والحيويه
صباح الطاقات الايجابيه والشعشوعيه>> من اشعه الشمس يعني
صباح الرومنصيات والمود الرايق
باختصار صباحكم أنا

بما اني فايقه ورايقه
يالسه اقرا ب بريدي رسايلكم وابتسم
وبنفس الوقت في رسائل تستحق التأمل لانها تبين لك معادن الناس بدون رتوش
وناس مادري شنو يبون ويا حركاتهم المضروبه
تصدقون مرات يمرون علي ناس غريبن الاطوار والمخ والمخيخ
ولا فكرت اعلق عليهم بمدونتي
ولا حتى اروح اتمشكل وياهم عند الادراه اليوم الثاني الاقيهم ماخذين باند
يستاهلون من قله ادبهم
الشيء المضحك اني محتفظه برسائلهم عشان اذا احد فكر يقل ادبه مره ثانيه
ويزيد هبل على راسي اروح اكلم الاداره
بس سبحان الله تجي من الله وينطردون اليوم الي بعده

ما علينا خلونا بالرسائل الجميله لاصحاب القلوب النقيه والي معرفتهم ذهب
نبدا بصقيقتي الصغيره بقايا
هاي ياطويلين العمر والعمرات كانت بوقت الاختفائه العالميه
للأعضاء غياب جماعي
فصرت مثل امكم بس ارسل للخلق اسال عليهم ليه مختفين
المشكله اني بكبري انا بعد مختفيه وياهم والله حاله

اي وربي مرض الكتروني معدي
نفس الحاله ادش واطلع بسرعه تقولين خايفه احد يشوفني
>>نفسيه هههههههههههههههههههههه
وربي حالتي صعبه اول ماسوي دخول تلاقئيا بعد رساله الترحيب الخاصه بالمنتدى
ايدي على كلمه خروج يعني حتى مالحق تطلع لي قائمه الدخول الا مسويه خروج
الحمد لله والشكر شكلي كنت وقتها مو صاحيه
او اجرب مفتاح التسجيل
من بعد مالعبوا برقم دخولي يعل الي لعب فيه وغيره بالاسهال الحاد
حسبي الله من وقتها حسيت اني مخنوقه وكارهه المنتدى

ماعلينا المهم
بس لقيت الحل يلا خذوا الدواء على قوله بقايا
ناموا بكير لتصحوا بكير ومنعنشين مثلي الحين
وتطير النفسيه من حالها باذن الله
.. .. ..
المسج الي بعدوه دقايق انسخه

وهاي من ورده هههههههههههه فديت عمرها الملقوفه
السالفه انو مره كنا نسولف على البيبي ماذكر بالضبط عن شنو
المهم بالسالفه اعتقد قالت لي تعرفين نفر او شنو علاقتك بنفر
والله مو ذاكره ذكريني ورده شنو سالتني لاني ناسيه جد
المهم الي اذكره اني قلت انو نفر اخوي من الرضاعه
ومامته تصير مامتي فديتها
وماصدقتني البنت قالت كذابه
قلت اذا مو مصدقه اسالي نفر لاني بنزل جده عنده زياره لانه اخوي
وصدق وقتها نزلت جده ( وراح انزل بعد هالاسبوعين )
ولا قدرت اتواصل وياها لان ماكان بالشقه شبكه الا بالصاله
ولا كنت فاضيه اصلا
فرجعت تسالني هنا بعبير
وقلت لها السالفه بالبيبي
بطلي لقافه ياوردتي هههههههههههههههههههههه

مدري شنو احس بوه >> قلبت قصيميه
من اول يالسه اقرا بمقلب شمس واتصفح قسم الضحك والفرفشه
واضحك مع نفسي من الطفش
وبعدين يعني والنهايه وياكم
متى ترجعون يالمختفين
اشوف ماكو الا انا اسولف ويا نفسي
انا احتج
ترا ازعل وارجع نفسيه واختفي مثلكم
بترجعون كلكم ولا شلون

قوود مورننق افري بري
صباحكم قميل بطلتي البهيه طبعا
الله لو تدرون شنو مصحيني بهالوقت كان ضحكتو علي
اختكم في الله كانت نايمه في حال سبيلها وصحوني اهلي المزعجين مع الصباح الباكري
عشان اروح المستشفى عشان اشوف حل مع ظهري الي باقي ماخذت نتيجته للحين
لي اكثر من شهرين كل ماروح يقولون جهاز الكمبيوتر عطلان

وانا كاني ماصدقت خبر
لان بعد في اشعه ثانيه هي الي خايفه منها ماسويتها للحين ولا ابي اروح
المهم مالكم بالطويله سويت نفسي نايمه لان خلاص طيروا النوم من عيني عشان ماروح
وحاطه اللحاف على ويهي يعنني نايمه وانا نصابه
ياخي وشلون هيك خبط لزق مصحيني يبوني اروح
الموضوع يبيله استعداد نفسي اولا
بعدها اخذ شور ثانيا للانتعاش عشان ماتحسين بخوف >>وش دخل مدري عشان اضحك على نفسي اني مو رايحه المشفى
ثالث شي قميصي الابيض وفي روايه بلوزه بيضاء >>فاضيه انكت انا وويهي
فوق في الغساله ومايمديه ينشف
المهم انو هالقميص مخصصته لحق المشفى والاشعه خفيف وشبه شفاف عشان مايشخلعوني بقسم الاشعه عيب
ولاني استحي وبقوووووه
عشان كذا اتهرب اروح للمشتشفى ياخي احترموا الي يستحون وراعوا مشاعيرهم ومحاسيسهم الخجوله
وربي لو تشوفون شكلي وانا مسويه روحي نايمه واختي تعزز لي
تقول اهلي راحوا يعني عليك الامان خلاص اصحى هههههههههههههههههه

وشنو بعد وشنو بعد عشان مره وحده اكتب مالي حيل ارجع مره ثانيه
اي صح كنت امس اقرا بمدونه ابو الاربعاء
وقريتها انا بعد مدمن مدونات من السرعه
ع بالي يقصد انه مجنون تدوين من كثر مايشخبط في مدونته
طلعت الكلمه غير والله مشكله السرعه مو اول مره اخبص
كذا مره اخبص في القراءه ع السريع والكتابه بعد يصير فيها حوادث من السرعه
وبس يلا مع السلامه بباي