المشكله اني عارفه انه مقلب من اول مارسلت لي ورده
كنت حاسه في خبصه بينهم
وكملت رد عليهم
ومن اول ارد عليها بضحك واغني لها يعني لاتحاولين ياشمس
بس هي مو راضيه تقتنع ومكلمه جو
اوك ياشوسي ان ماخليتج تكرهين اسم مقلب بحياتج ماكون طيف
الويل لك الوعد قادم لامحاله

اصبحنا على فطرة الاسلام , وعلى كلمة الإخلاص
وعلى دين نبينا محمد صلى الله عليه وسلم
وعلى ملة أبينا ابراهيم حنيفا مسلما وماكان من المشركين

شكلي انا الي راح انزل المقلب المفضوح
عشان اعطيكم خبره بكشف المعادن قصدي المقالب
بس بعد ماتعطيني شمس الاذن والضوء الاخضر
ولا اقولج نزلي انتي حقي الوسمي
وانا انزل حقج لاني كاشفتك من اول

مخي اتحلس ياقماعه
موش فاهمه ايتوها حاقه
لا جد وربي من وقت مقلب شمس
الدنيا تخربطت فوق تحت
وصرت مو فاهمه شيء
هو فيه ايه ياخونا ياقدعان

غير التخبيض بمدونتي شيء ثاني
كأنه نقش حناء هههههههههههه اللهم المستعان على مابها تفعلون

هههههههههههههههه هيا جفتوا من زود التوهان واللحسه
كتبتها فوق مخس اتحلس
بدل انلحس والله حاله من جد ملحوسه ههههههههههههههه
خلوني انزل المقلب
عشان تعرفون وين اللحسه بالمضوع
بما ان الانسه شمس الشموسه حذفته
ومو راضيه ترجعه ولاسباب امنيه مجهوله
انا بنزله
بس موعلينا بعد ماتمقلبين تروحين النصر لنا

هههههههههههههههههههههههه
لاحول ولا قووه الا بالله
وربي شي يضحك من جد

تدرون شنو الي يضحك بالموضوع

لما تكوني مخططه تسوين شيء ومتفقه مع طرف اخر للتنفيذ
وتكوني متحمسه لهاشيء تمام كذا
وبعدين وانتي بقمه حماسج يطلع الهدف الي مخططين عليه
خرب عليج التخطيط ونزل شيء يعارض تكميل تنفيذ الخطه

وتقريرين خلاص ماتسوين الشيء الي مخططه عليه
يعني بالعامي الفصيح مدري الصريح تبطلين
اليوم الثاني تتفاجئين ان الطرف الاخر نفذ الفكره من غير علم مسبق منك
وبنفس الوقت كنتي تحاولين تراضين الطرف المعني بالهجوم وتعرفين اسباب زعله وليه وما ليه
فالاخير صارت حووووووووووووووسه
وانلحاس بالمخ شيء مو طبيعي
الامور دخلت ببعض وصار شي مضحك من غير تخطيط
فهمتوا شيء >>ولا حتى انا خلوني استوعب شوييتن ثم ارجع لكم بالتفاصيل

تدرون شنو اكثر شي اكرهه بالحياة
انو النايم محد يحترم نومه
شيء موطبيعي مانمت الا ساعتين ومتقطعه بعد
والمشكله نومي خفيف لو احد يعطس اصحى وانسوا اقدر ارجع انام مره ثانيه

وجع نايمه شوي الا البغبغاءات البشريه
صوتهم كأنهم بالعين مايكرفون
ومن وقتها صاحيه للحين وراسي مصددددع
والحل يعني اروح اهاجر ولا اقلب اثيوبيه واقتل كل الي بالبيت عشان اعرف انام
والله حاله

الله يزين الي حضرت
غطت على كل الحضور
اي بالله >>هذي منو طيف
انا طبعا

من شويات راجعين من كوفي
واهلي راحوا لبيت جدو
وانا قلت مابي لانو مالي خلق وثاني عشان انزل المقلب
رجعت البيت رتبته بعد حوستنا
وناظرت بويهي
وابتسمت طلعت براسي فكره
قلت مدام اني حاطه ميك اب>>الله من كثر الميك اب كلها مسكره ورسم حواجب وبلشر ع الوجنتين
المهم اختكم في الله ماعمري في حياتي حطيت رووووج احممممر او لون غامق
لان ويهي ابيييض ولما احط روج احمر او غوامق
تعالوا شوفوا ويهي تقولين طحين ابيض والروج طالع بويهي غلط
دايما اشوف الارواج الغامقه والاحمريكا وانقهر
يناسبني اكثر الالوان الفاتحه شكلها ناعم وكيوت ومناسبه لويهي
المهم اختكم في الله شنو سوت
استغلت غياب السسترات عن البيت
واستخدمت ميك اختي الاسمر وجع حاقد عليهم هم يحطون روح احمر انا لا ليه
فرحت شنو سويت حطيت بودره ع كامل ويهي سمراء
بنات شنو يسمون البودره الي تجيك على بني مسمر مادري
المهم حطيتها ع كامل ويهي وناسه صرت سمرررررراء
شكلي حلوووو حبيت نفسي والله واحط لكم ذاك الروج الاحمريكا
وزمام بخشمي مع شعري الاسود قلبت هنديه سمراء فخمه ناقصني النقطه الحمراء الي بين الحواجب
واصير نفره مثلهم سيم سيم هههههههههههههههه
طلعت ظالمه نفسي من يوم ورايح شكلي اسوي برونزاج
اي والله صح تو عرفت اسم البودره يوم قلت برونزاج
بودره برونزيه وانا اقول بودره سمراء ههههههههههههه الله يخلف علي في نفسي
الحمد لله والشكر احيانا اشك ان انثى حتى اسماء الاشياء الي استخدمها ماعرفها

يلا عن اذنكم بروح انزل المقلب
استعدوا للحرب الضروس
ضروس ولا اسنان >>سماجه