رواية /وحشني شوف أصحابي وربعي والغلا مستور / كاملة

**SOoΚaRh** · 04-05-2011, 12:27 PM

رد: وحشني شوف أصحابي وربعي والغلا مستور / كاملة

الجزء الحادي عشر

حطها على السرير ..

وقعد يطالعها ويتأملها لوقت ..
بعد وقت أخذ عطر ورشه على باطن يده وقربه لانف غلا .. اللي كانت غايبه عن
الوعي تماما .. رش مره مرتين شوي صحت .. لما صحت نزل العطر على الطاوله
الصغيرة اللي جنب مكان غلا ..قعدت تطالع فهد بس بغير وعي منها ..
فهد : الى هالدرجه قربي مايناسبك ويرعبك .. مامدى مسكتك الا أغمى عليك ..
كانت غلا ساكته تحس نفسها دايخه .. وكل شي أمامها كأنه ضباب ..
فهد : غلا ..
طالعت فيه وكأنها بدت تسترجع اللي صار وصار تشهق بشكل حتى فهد خاف منها
وعليها ..
فهد : غلا .. لاتخافين ..
غلا وصوتها مقطع : وخ ر .. وخر .. وخر ..
فهد : لا تخافين ..
غلا وهي تحط يدينها على وجهها : الله يضيعك يافهد ..
فهد بعصبيه : لاتدعين .. أنا أرتكتبت ذنب لاني حبيتك .. جاوبي ..
غلا: الله يأخذك ..
فهد: لحظه .. لحظه .. غلا ..
غلا : ضعيتني يالحيوان الله يحرق قلبك وقلب ود ..
فهد بصدق : والله ماسويت لك ولاشي .. ماغير أملي عيوني بمشاهدك يانظر عيني ..

غلا وهي مومصدقه وتبكي : أحلف ..
فهد : والله مالمستك .. الحين ممكن تستمع بوقتنا ..
غلا وهي تقوم : والله أنك تهبى ..
فهد مسك يدها وبعصيبه : لاتخليني أفكر بشي ثاني .. والله محد يقدر يفكك من
يدي .. والله ياغلا أن ماقعدتي وسكتي لاخليك تندمين على قد شعر رأسك ..

غلا تمسح دموعها وبثقه بالله سبحانه وتعالى : الله بينجيني منك ومن كل شر ..
هزت هالكلمه فهد :.............
قامت غلا : ...............
فهد الشيطان لاعب براسه : منتي بطلعه قبل ماخذ لو شي بيسط ..
قرب شفايفه منها لكن الرد كان من غلا كف .. كان أقوى من نفس غلا ذاتها .. حتى
هي انصدمت من نفسها كيف أعطته واحد بحجم فهد كف وهي وهو بالغرفه لوحدهم ..
فهد وعيونه تطاير شرار : قد هالكف ..
شالت غلا العطر على فهد كانه مريض وهو يبهجم عليها وضربته على رأسه ..وشافت
الدم يطلع ..

سلمت نفسها وفهد كان يتحلطم عليها ..

طلعت من غرفه ود على الحمام ( وأنتم بكرامه ) ..

طالعت بوجهها .. مرا احمر وانفها محمر .. قامت غسلت وجهها كله .. ولقت
مناديل مسحته ..

نزلت مع الدرج وعلومها علوم ..
نزلت للمطبخ ولقت عمتها .
أم فهد: غلا شفيه وجهك محمر كذا ..
غلا خافت بس حبكت السالفه : أبد ياعمه بس حسيت بحكه شوي رحت غلست وجهي ..
عمتها : ياحبيتي أنتبهي لنفسك .. حصني نفسك ..
غلا: أن شاء الله ياعمه ..
شوي الا تطلع عمتها على دخلت ود للمطبخ وأنصدمت ب غلا ..
غلا بسرعه سحبتها من يدها وصفقتها كف على وجهها بنفس حجم كف فهم أو أو أكثر
شوي ..
غلا وهي تبكي وصكت باب المطبخ : تدخلين أخوك علي ياللي ماتستحين .. ترضين
أدخل واحد من أخواني عليك ..
ود وهي ماسكه خدها وتبكي بدلع : والله لتندمين ..
غلا: ماعقب هالندم ندم يابنت العمه ..
ود : طيب ياغلا طيب ..
تركتها غلا وطلعت ..

على العشا راحت غلا تتعشى عشان ماتزعل عمتها .. أستغلت ود الفرصه ..
واحت للمخيم وأخذت شنطه غلا وطلعت جوالها ولقت أسم تركي مسجل بأسمه تركي ..
أخذت الرقم وطلعت لغرفتها ..

مالقت الا دم على فراشها خافت ..
راحت لفهد غرفته لقته يجمع أغراضه .. وحاط شاش على جبهته ..
ود بخوف : فهد أشفيك ..
فهد بصوت مرا ضايق : بسافر .. توني كلمت أبوي وقلت له أني سافرت خلاص ..
ود : ليه ..
فهد : بس ..
ود شهقت : فهد .. وش الجرح اللي في راسك ؟؟؟
فهد:من بنت عمتك .. يله عن أذنك ..
وطلع مع الباب الخلفي للمطبخ عشان ماحد يشوفه وهو بحالته ..
دخلت ود غرفته ..
وضغطت رقم تركي ..
دق مره مرتين ..
رد تركي : نعم ..
ود بخوف : الو ..
تركي : نعم ..
ود : معي تركي ..
تركي عقد حواجبه وقام من مكانه بعيد عن المكان اللي كان قاعد فيه : معك تركي
.. من معي ..
ود وهي ترجف : مو مهم .. أبي أقولك أنت تعرف وين غلا ؟
تركي : وش تبين منها ؟
ود : أنت تعرف اول وين المحترمه زوجتك ؟
تركي تنرفز : أحترمي نفسك ؟
ود: أسمع لاتسوي فيها شخصيه .. زوجتك ببيت عمتها أم فهد حبيها الاولي ..
وكانت قبل شوي معه بالغرفه ..
تركي صارخ : بنت .. شقاعده تخرفين
!!
ود : مو مصدق دق الحين وشوف وينها ..
سكر تركي وكل عفاريت الدنيا جات بوجهه .. أجل تخونيني ياغلا ومامدى كلمنا مع
بعض أسبوعين ..
دق على غلا ..
غلا: هلا تركي ..
تركي ويحاول يكون صوته طبيعي : هلا .. وينك ..
غلا: ببيت عمتي ..
كأن أحد صك تركي على جهه .. أجل الكلام صدق ..
تركي : جهزي نفسك الحين بأخذك ..
غلا : أوك ..

بغرفه غلا وتركي ..

أول مادخلوا ..
مسك يدها وقال بهمس : الا الخيانه ..
غلا دمعت عيونها بسرعه : تركي ..
تركي: أسمي لاتطرينه على لسانك .. فاهمه .. مامدى تزوجنا عشان تخويين ؟ (صارخ
) مامدى تزوجنا مامدى ؟؟!
غلا: شقاعد تقول ؟ ! فهمني ..
مسك شعرها وقال بصراخ : أسمعي مثلك مايشرفني تقعد معي .. لكن أحتراما لنفسي
ولاهلك راح أستر عليك الين وقت معين وتالي أرجعي لاهلك .. ويدي ماراح أزيدها
وسخ بلمسك !!
دفها( رماها ) بأقوى ماعنده عن حافه سريرهم ودخلت
راحه(باطن ) يدها بحديده ذهبيه على شكل مثلث وحاده ..
وطلع من غير ماينتبه لحبيبه قلبه ..

بالرياض ..

أم دانه : ترى أم نايف خطبتك لولدها ..
دانه باستهبالها ركضت عند أمها : قولي والله .. لاماصدق .. اخير بفتك من
العنوسه
أمها تطالع باخواتها : الحمدلله يارب عندي بنت هبله ..
خالتها مها : هههههههههههههههه
أمها : تضحكين بلا ربي مابلاك بمثل مابلاني ..
دانه : هع هع والله أني اخقق .. المهم بجد أحد خطبني خخخخخ ..
خالتها : ايو الله قبل شوي أمه وجداته كانوا هنا ..
دانه سحبت يد بنت خالتها نجد وقعدت وقالت بخوف: لا ويه مابي أتزوج أخاف انا
.. بعدين خلي ادج شوي وبعدين زواج ..
أمها: الولد بكره بيجي لابوك معه خواله وعمه ..
دانه : يمه سلامات
أمها : كيفك والراي رايك ..
دانه : مني متزوجه ..
جات جدتها وجلست: ورى ماتعرسين ..اللي مثلك ماسكين بيوت ..
دانه : لاجدتي مالي خلق مسؤليه ..
جدتها : لا والله وافقي .. جدته (تقصد نايف) توصين وتقول لي مانبغى نفوتها من
يدينا تقصدك ..
أمها : بسم الله عليك وانا أمك صرتي مره .. والحين سنك سن حلو ومناسب للزواج
..
خالتها مها : شوفي نجد تزوجت ولد عمها بعد ماخلصت ثالث والحمدلله مرتاحه هذي
هي أسأليها ..

أبه ا
الساعه 11 بالليل ..
تو جاو أهل تركي من عند عزيمه ..

ريوف: بروح أشوف غلو ..
أمها: بنت يمكن ناموا ..
ريوف: لاوين خالي مستحيل الحين .. بروح

طلعت ريوف لغرفه غلا وتركي دقت الباب ماحد فتح ..
غلا : ريوف .. تعالي ..
دخلت ريوف وأنفجت يد غلا كلها دم وغلا وجهها أحمر مرا بس ماقاعده تبكي
..أنصدمت .. وبسرعه راحت عندها ..
غلا : ريوف بليز جيبي لي مويه بارده أو ثلج ..
ريوف دمعت عيونها : وش اللي سو بيدك كذا ؟! غلا شوفي الفتحه اللي فيها ..
غلا تحس نفسها مخدره من الالم بس صابرة : طحت ياريوف .. بس تكفين جيبي ثلج ..
قامت ريوف جابت ثلج ونادت خالتها رهف ..
رهف : يمه غلا تخوف الفتحه الي بيدك .. وين تركي .. بدق عليه الحين ..
غلا: لابليز رهف بحط الثلج وبنام ..
ماأهتمت لها رهف ودقت على تركي ..
تركي بصوت ضايق : نعم ..
رهف: تركي وينك ؟
تركي : بالبيت ..
رهف: تعال لغرفتك ..
تركي ببرود: ليه؟
رهف : تركي ماشفت غلا ويدها شفيها ؟!
تركي فز من مكانه : شفيها ؟
رهف : تعال وشوفها ..

**SOoΚaRh** · 04-05-2011, 12:31 PM

رد: وحشني شوف أصحابي وربعي والغلا مستور / كاملة

سكرت رهف عقب ماتنرفزت من أخوها وبردوه أول ماكلمته ..
غلا: ماكان له داعي تكلمينه ..
رهف : وش اللي ماله داعي .. شوفي يدك .. تروحين المستشفى ويخيطونها لك ..
غلا : لا ماراح أروح ..
دخل تركي جات عينه بعين غلا.. صدت عنه ..
تركي : أشفيه ؟
رهف : تركي مسخن منت شايف يد البنت !!
تركي قرب .. ولمعه الخوف بانت بعيونه قبل صوته .. : ليه كذا ؟!
وش اللي سوى فيها كذا؟!
غلا دمعت عيونها وصدت عن عيون تركي الخايفه عليها المقهورة على كل اللي صار
..
تركي ومسك راسه وقعد يطالع بأخته : رهف شوفي يدها .. رهف شوفي وجهها أشلون
مصفر ..
رهف : تركي اشفيك ؟ البنت شوي ويغمى عليها وزين ماغمى الى الحين ويدها تقطر
دم وأنت قاعد تطالع ..
تركي ضرب على راسه: صح .. يالله ( رفع عيونه للسما ) .. غلا قومي يله ..
غلا : تركي مابي أروح خلاص بنام تكفون ..
تركي : قومي بسرعه ..
غلا: قلت مابي ماتفهم ..
تركي : غلا لاخر مره اقولك قومي ..شوفي لاخر مره ..
غلا : تركي أنا كيفي ...............
تركي عصب وقاطعها وبصارخ : مو بكفيك ؟ فاهمه مو بكيفك ؟ قومي ألبسي عبايتك
..أو ريوف جيبيها ..

خافت غلا حتى اخته رهف وريوف هابوه( خافوا) أول مره تركي يتنزفز كذا ..
تركي : قومي معي الحين للسياره .. تعالي ريوف معنا ..
بالسيارة ..
أنسدحت غلا بالمكان الخلفي رفضت تقعد قدام .. لانها مرا دايخه الدم اللي نزل
من يدها مو بهين ..
كل شوي تركي يطالعها .. أنهبل خوف لما كلمها ماترد عليه .. وكذا ريوف ..
بالمستشفى .. وكان مستشفى خاص من أكبر المستشفيات بابها ..
تركي : عمليه خير عمليه ؟!
الدكتور بعصيبه : ياخي البنت معها قطع بجزء من احد الاورده ولازم نرجعه أو
راح تتوفى لاسمح الله .. وبعدين الحين شوف أغمى عليها ..
تركي من سمع وفاه أنقبض قلبه .. وقع بسرعه ..
كانت العمليه بسيطه استغرقت خمسه واربعين دقيقه .. والحمد لله نجحت ..

الصباح ..
صحت غلا لقت ريوف وتركي .. وكانوا نايمين على واحد على كنبه ..
طالعت بيدها لقتها عليها لفه .. حستها ثقيله ..
شوي الا صحت ريوف ..
ريوف: الحمدلله على السلامه ..
غلا: الله يسلمك ..
ريوف : غلا وجهك مصفر وذابل مرا..
غلا بعدم أهتمام : عادي مو مهم ..
صحى تركي على صوتهم ..
تركي : صباح الخير ..
ريوف : صباح النور ..
غلا كانت تلعب بيدها وتطالعها ..
تركي : كيف يدك ؟
غلا بهمس: عادي ..
تركي : طالعيني .. تألمك شي ..
غلا بعدها تناظر يدها: لا ..
تركي : بروح أجيب فطور .. شتغبون ..
ريوف : عادي بس شي ساخن ..
تركي: وانتي غلا ..
غلا: مابي شي ..
تركي : خير ماتغبين شي .. أمس الدم اللي نزف من يدك مو بهين .. لازم تاكلين
..
غلا بعناد : أنا كيفي مابي أكل ..
تركي : بنت .. والله ماعندي ترا دلع .. بتأكلين بالقوه مو كيفك ..
غلا : لاكيفي ..
ريوف شاف الجو بينهم مرا متوتر طلعت من الغرفه بهدوء ..
تركي : وبعدين معك ..
غلا: الفضل لك بطيحتي ذي ..
تركي عصب : لا بالله .. ناسيه اللي سويته يالخاينه ..
غلا صارخت بوجهه : شوف الا هالكلمه فاهم .. تبي تقول السالفه اللي خلتك
تطق وتسب بها الالفاظ أو قسم ياتركي لتوصل السالفه لابوي أو واحد من أخواني
..
تركي بعصبيه : لاتسوين نفسك مو درايه ؟؟
غلا : شوف بتقول أو أكلم أبوي يشوف سالفتك ؟!
تركي بغصه : أجل تخونين .. تجلسين مع غريب .. ماكانت الهقوه كذا !! ليه أجل
وافقتي .. ليه خليتي أتزوجك .. وقلبك معه .. تخونين يابنت أبو نواف من أول
أسبوع زواج !!والله ماسبقك أحد بها ..
غلا دمعت عيونها : لاتتهم .. والله ماخنت وأنا بعدني ( بنت ببيت أهلي ) ..
أجي أخون وأنا على ذمه رجال .. بنت عمتي هي اللي نادتي وقالت تعالي سوي لي
مكياجي وطلعت معها وتالي جا فهد .. والله ياتركي ماكنت أدري ..
لا تتهمني بالغدر والخيانه
اخون نفسي قبل لافكر اخونك
ماعاش من يرضى عليك بالاهانه
ولاخير في عمر اعيشه بدونك ..
تركي جلس على حافه السرير وحط يدينه بين راسه وناجى ربه :
يالله ..
غلا قاعده تبكي بشكل هستري: والله ماجلست معه ولالمس شي مني طلعت بسرعه من
الغرفه والله ..

تركي بعصبيه: أنتي من الاساس ليه تروحين من غير موافقتي ليه ؟!
غلا: أمي وجدتي قالوا عادي .. وبعدين دقيت عليك أكثر من مره بس مارديت ..
وارسلت لك رساله وربي .. حتى أفتح جهازك ..

تركي : مفروض ماتروحين لو قال لك من قال روحي .. أنتي الحين على ذمه رجال
المفروض ماتمشين الا بأذنه هو فهمتي والا لا ..
غلا : لاتصارخ ..
تركي يطالع فيها وعيونه محمره : لا أصارخ .. ها .. وزوجتي قعدت مع رجال غريب
ولوحدهم .. ها .. رخمه لو ماشربت من دمه رخمه ..
غلا نزلت راسها وصارت تبكي بشكل ..
تركي : ليه تبكين ؟ أنتي مالحقك من الامر شي ..الحرقه كلها بقلبي أنا ..
غلا : أطلع تكفى لاتزيدها .. شوف وأسمعها مني .. معك حق
(تطلقني ) .. ولو تبي تطلقني الحين طلقني
قاطعها تركي بعصبيه: طلاق مني بمطلق .. والله ياغلا أنك تحرمين على غيري
..والله ..
غلا تكمل: وتسوي اللي سويته فيني .. بس ياليتك قبل فهمت السالفه وتالي تصرفت
..
تركي : أنا من كلمتني البنت فقدت أعصابي ..
قاطعته غلا: لحظه بنت ؟ تركي من هالبنت ؟
تركي يطالعها وقال بنره هدوء وألم : بنت هي اللي قالت لي أنك ..
( وسكت) ..
غلا بلهفه وهي تمسح دموعها : الرقم اللي دق عليك بعده بالجهاز؟
تركي عقد حواجبه : تبين تعرفين منهي يعني ؟
غلا : أكيد ..
طلع تركي جهازه وفتح المكالمات الورداه .. : هذا هو ..
مسكت الجهاز وقعدت تبكي بشكل : أكيد ود .. هذا نهايه رقمها ..
أخذ تركي الجهاز ودق ..
يكلم غلا : أسمها قلتي ود ..
هزت غلا راسها بايه ..
ود نست السالفه ..
درت : نعم..
تركي بصوت خشن : ود ..
تخرعت وقعدت : من معي ؟
تركي : مامدى نسيتي صوتي !
ود: مين؟
تركي: تركي..
ود : اوه زوج غلا ..
تركي : زين تذكرتي .. شوفي والله لو منتي بنت ليحقك اللي بيحلق أخوك الحيوان
على يدي ..
ود خافت : مالي دخل ..
تركي بعصبيه: أشلون مالك دخل .. تدخلين أخوك على زوجتي ومالك دخل !! صعب
أربيك لاصرتي منتي متربيه من الاساس ..
ود: وجع سخيف ..
تركي تنزفز : لحظه .. لحظه .. أنا سخيف .. تبين أعلمك من السخيف ..جد ..
صدقيني الحين أخذ رقم أبوك وابليك بأي بلوه عندي زي شربي من كوب مويه عارفه
..
ود خافت وسكتت ..
تركي : تكلمي أشوف .. اللي أقدر أقوله عنك أنك قليله حيا وادب ولاتربيتي ..
ولاوراك رجال .. واللي بتدخل أخوه على بنات الناس .. بتدخل الرجال على نفسها
وبتطلع وبتروح وبتجي ولاهمها شي لانها مهي متربيه .. والدين يامحترمه بيرجع
لك .. بس مهوب عن طريقي لاني مترفع على دنايا القوم .. والدينا دين ..
ود سكتت وجهها طاح من كلام تركي لها .. وماقدرت ترد .. لان باين عليه مو هين
ويخوف ..
تركي يبي يعرف السالفه ويشوف هي زي ماقالت له غلا أو لا .. عشان يزيل أي
تفكير يطري بباله ..
تركي: قولي لي السالفه كيف دخلتي زوجتي ( وشدد على كلمه زوجتي ) على الحيوان
أخوك ؟!
خافت منه وقالت كله السالفه له ..
تركي : الحين أنا بسكر طيب .. وأخوك ترحمي عليه .. عشان يعرف على مين يدخل
ثاني مره ..!!
ود صارخت : لأأأأأأأأأأأأأأأأأأأأأأأأأأ الله يخليك فهد لا .. فهد يحبها وانت
اخذتها منه ..
تركي صارخ : لاتقولين يحبها .. حبته القرداه .. مايسوى موطى أقدامها كيف
يحبها قولي لي ها !!!
سكر تركي في وجهها وطلع مايشوف الدنيا قدامه ..
ريوف كانت بالممر تسولف مع الممرضات تلهي عمرها ..
شافت خاله طلع وجهه مهو ب له ..
خافت وبسرعه دخلت لغلا لقتها هي الثانيه مهي أحسن حال من خالها ..
ريوف: غلا شفيك ؟
غلا: تكفين شوفي تركي طلع اكيد بيروح لفهد تكفين ..
دقت ريوف على محمد .. بس مايرد .. الساعه كانت عشره وماتقدر تقول لامها ..
ولا لاحد ..
ريوف: مايرد ..
غلا:يالله ..
لو جوالي معي كان دقيت على سعود ..
ريوف: طيب دقي من جوالي ..
غلا: ماأحفظه ..
ريوف : غلا شصاير ؟ وشفيك أنتي وخالي ؟
غلا تمسح دموعها : ماراح تصدقين
ريوف: لاتخوفيني .. شصاير ؟!!
قالت لها غلا السالفه كلها ..
حطت ريوف يدها على فمها وصرخت : مستحيل ..
غلا: والله هذا اللي صار ..
ريوف: الله يأخذه السامج .. وش هذا .. خير مايستحي .. فقد عقله عشان يسوي كذا
..
غلا رجعت تبكي : انهرت ريوف انهرت لما صرنا وحدنا .. ماقدرت أحتمل ..
ريوف تهديها : الحمدلله .. قولي الحمدلله انها جاءت على قد كذا .. وزي
مادخلتك اخته عليه طلعتي سالمه ..
غلا: بجد الحمدلله ..
شوي الا تدق أم ريوف وسألت عن غلا .. وقالت لها أنها الحمدلله زينه وسوت
عمليه بسيطه ونجحت .. وعاد كلمت غلا وأم تركي بعد ..

**SOoΚaRh** · 04-05-2011, 12:34 PM

رد: وحشني شوف أصحابي وربعي والغلا مستور / كاملة

الساعه 11 دخل تركي ..
تركي : سلام ..
البنات: وعليكم السلام ..
غلا بكت : سويت شي ياتركي ؟!
تركي يشد على أسنانه وبعصبيه : لا سافر .. لكن مرد الكلب للقصاب وأنا تركي ..
أخذت غلا وريوف نفس عميق ..
سكتوا البنات ..
غلا : أبي أطلع من المستشفى ..
طالعها تركي للحظه وتالي قال : لامن تطمنت عليك بطلعك ..
غلا: خلاص مافيني شي ..
تركي بحده : موأنتي اللي تقررين ..
غلاعنادت معه : لا انا .. ولو سمحت كلم الطبيب ابي اطلع .. مالي خلق اجلس زود
.. كلها خياطه بسيطه وعدت ..
تركي : لا بسيطه .. عندك خبر لو تأخرنا شوي كان أنتي الحين ( وسكتت شوي ) ..
الله عالم وينك ..
غلا من قلب : قصدك ميته .. ياليت كان أحسن ..
طالعها تركي بصدمه وقام لها : شتقولين أنتي ؟
غلا بهدوء: أقول ياليتي ألحين ميته كان أحسن لي ..
تركي مسكها من يدها بقوه : لاتطرين الموت على لسانك فاهمه .. أذأ أنتي ماتبين
هالدنيا .. أنا أبيك .. تركي بيبك ..
وطالع لريوف اللي كانت تطالع الموقف بصمت وصدمه..
تركي : ريوف شوفي صديقتك ..
ريوف كانت ساكته :..............
تركي : عاجبك كلامها ..
ريوف : خالي معليه أنت وغلا بس بتدخل .. أنتم كم لكم متزوجين .. اللي أعرفه
أن من قبل أسبوع تقريبا صارت الزفه .. واللي يشوفكم الحين يقول لكم وقت مب
هين مع بعض .. لاتخلو المشكله اللي صارت .. تأثر عليكم .. حرام أنتم توكم
بادين حياتكم .. وبعدين اللي صار سواءياغلا سواء من خالي أو من غيره كان مقدر
ومكتوب .. حتى اللي سواه خالي غصب عنه والله ياغلو .. وأنت ياخالي لاتحط
ولاتزعل من غلا مالها ذنب .. أنت عارف هالزفت من قبل حتى تذكر اول ماكلمتها
وكانت متضايقه وتالي سكرت منها وقلت لك سالفه خطبته لها والضيقه اللي كانت
فيها ..( وبمزح ريوف المعتاد) وانتي يالدبه لاتطرين الموت على لسانك والله لو
ما يدك كان توطيت ببطنك ..
تركي كان متضايق وابتسم بس من سمع كلام بنت أخته ونصايحها فكر بجد ليه أزعل
من غلا .. مالها ذنب .. الشي اللي صار مقدر ومكتوب ..
طالع ب غلا اللي كانت تمسح دموعها وعينها على الغطا حق الفراش .. كان وده
يراضيها بس نفسيتها تعبانه كثير وأهو بعد .. قال خل حتى لما نرجع البيت ..
غلا تترجا صديقتها : ريوف بليز أبي أطلع من هنا ..
ريوف تترجا هي خالها : خالي خلاص .. خل غلو تطلع ..
طلع تركي من الغرفه وراح للدكتور .. اللي جا معه لغرفه غلا ..
الدكتور : يدك الحين الحمدلله .. وعادي حتى لونطلعك الحين .. لكن أنتبهي
عليها .. لان الجرح جاي في مكان تتجمع فيه الجراثيم وتتنشر بشكل سريع ..اللي
هو باطن الكف .. والاكثر من هذا اهميه ان كان فيه أحد الاورده متصله بالقلب
وتم عمل لها خياطه .. وكل أسبوع سوي مراجعه لاي من عيادتنا .. أو أذأ كنت
موجود تعالي لي .. بس هي تألمك شي ؟
غلا بهمس : شوي ..
الدكتور : خلاص راح أعطيك حبوب مهدئه للألم .. خذيها متى ماحسيتي بوخز الالم
..
تركي انقهر من الدكتور اللي قاعد يخز ب غلا على الرغم من ان الغطا على
وجهها بس حتى من طريقه مسكته ليدها قهره ..: أن شاء الله .. الحين نطلع ..
الدكتور : خلاص ..

راح تركي جاب سيارته من مواقف السيارات ..
قرب منهم ..
غلا: أركبي قدام ..
ريوف: لا وين سلامات .. أركبي أنتي .. مهما كان أنتي زوجته .. لاتزودينها ..
غلا بعناد : ريوف لاتحاولين مالي خلق أركب بجنبه بليز أركبي ..
وقف تركي ..
ركبت ريوف بجنبه .. وغلا ورا ..
سكت وكان عارف أنها رافضه تركب بجنبه .. تضايق زود على ضيقته ..
ببيت أبو تركي ..
أبو تركي : الحمدلله على سلامتك يابنتي .. دريت قبل شويه من عمتك وحمواتك ..
غلا : الله يسلمك ياعمي .. مامنك قصور ..
أم تركي كانت جالسه بجنب غلا قعدت تطالع بيدها وبحنان : كيف طحتي وأنا أمك
عليها ..
غلا لمعت عيونها من طريقه جلسه عمتها بجنبها ومسكته ليدها ذكرتها بأمها
وجدتها : طحت عليها فجأه .. وخبرك ياعمه الزخارف اللي بطرف السرير مرا حاده
وصار اللي صار ..
أم تركي : انتبهي وانا أمك ثاني مره .. الحمدلله المره هذي جت سلامه ..
غلا: ان شاء الله ماتتكرر ..
طالعت ب تركي لقته يبادلها النظرات صدت عنه ..
أم ريوف : بعد شوي بيأذن للظهر روح خذو لكم دوش هدو أعصابكم وتالي صلو الظهر
ونامو لكم شوي ..
غلا+ ريوف: أوك ..
أبو تركي طلع لانه بيروح يوضي للظهر ..
أم تركي : لا أما مرت تركي لاتتسبحين .. يدك بتتأثر ..
ابتسمت ريوف وغلاغصب : لاعادي ياعمه ماراح أخلي المويه تجيها ..
أم تركي بحنان : لا والله منتي متسبحه .. عشان يدك .. تالي تسبحي ولو أنك
مابك شي ( تقصد أنها نظيفه )
ضحك تركي من كل قلبه ..
طالعته أمه واخواته ..
رهف وهي مبتسمه : تركي اشفيك تضحك؟ههههههه
تركي : تعجبني أمي وتقيد بعض الناس عشان مايتسبحو ..
رهف : ههههههههههه يعني أنت منت بقادر عليها .. أعترف وأنا أختك ..
تركي : ههههههههههههه أخق معها لاسلهمت برمشها ..
رهف : ههههههههههههههههههههههههههههههههههههه
أم تركي : روح ياأمي وضو للظهر وتالي صلو هذا هو أذن .. أن قعدتوا مع تركي
وأخته منتو بمصلين ولانتم بنايمات ..
راحت غلا وريوف غيور ملابسهم
غلا : شوفي الغرفه ريحتها تدنن ونظيفه ( تقصد غرفتها هي وتركي )
ريوف : أكيد ماماتي وجدتي أو رهوفه هم اللي عدلوها ..
غلا بصدق : الله لايخلينا منهم ..
ريوف : أمين ..

ساعدت ريوف غلا بالوضوء .. وعاد صلو الظهر وراحوا ناموا بالغرفه اللي الكل
لما يتجمع ينام فيها ..
رهف دخلت وكان الصوت التلفزيون عالي ..
أخذت رهف الريموت ونزلت الصوت : أطلعوا للصاله خلو البنات يناموا ..
وطلعوا الصغار ..
ريوف رفعت رأسها : ويلوموني بحبك ياأحلى خاله بالدينا ..
رهف : هههههههههههههههه .. مابعد نمتوا ..
ريوف : كل ماأغط بالنوم يطلعون بالصوت ..
رهف : ههههههههههههههههههههه ناموا ..
ريوف : خالتي لاتصحوني للغدا ..
غلا : وأنا بعد ..
رهف: ليه؟
غلا : مالنا نفس والله ..
رهف : أوكي ..
وطفت رهف اللمبه وطلعت ..

دخل تركي للصاله .. توه جاي من صلاه الظهر ..
تركي وعيونه حمرا باين عليه الارهاق : السلام عليكم
الكل : وعليكم السلام ..
تركي : اجل وين البنات ( يقصد غلا وريوف )
أم ريوف : ناموا ..
تركي : أها .. طيب وين نامت غلا بغرفتنا ..
أم ريوف : لا ..
تنرفز تركي : ناسيه الاخت انها متزوجه الظاهر ..
أم تركي : تركي وش هالكلام ..
تركي بعصبيه : يمه وش فايدتها زوجتي ..
أم تركي : أذكر الله .. البنت تعبانه .. ونامت مع ريوف مافيها شي ..
تركي حك عيونه وقام: الا اله الا الله ..
راح سلم على رأس أمه وجلس عند رجولها : لاترعلين مني يالغاليه لكن طحيت غلا
أمس خوفتني كثير .. عشان كذا أبيها معي ..
أم تركي وهي تحط يدها على كتف ولدها بحنان : لاتخاف عليها .. شوفها الحمدلله
طيبه ..
رهف : ههههههههه والله وطحت ياتريك ومحد سمى عليك ..
تركي : هههههه خلاص شيلي تريك أنا الحين تروك .. توته ..ههههههههه
رهف : ههههههههههههه وانا أقول وشفيه لازق بالبنت أثره متعود على أشياء (
وغمزت له )
قام تركي من عند رجول أمه وهو يضحك : ههههههههههههههههه
امه : لاله الا الله .. رهف وين الغدا ..
رهف : خلص .. بس وين أبوي .. والعيال ..
تركي : بالمجلس .. وابوي قاعد معهم ..
أم تركي : خلاص أجل روحو حضرو الغدا .. وانا بمشي أصحي البنات ..
تركي : أنا بصحيهم ..
رهف : مايبون الغدا ..
تركي : ليه أن شاء الله ..
رهف : يقولون مالهم نفس ..
تركي : مهو بكيفهم .. ماأكلو شي من البارح ..
ام تركي : خلهم .. لاصحو أنا بسوي لهم أي شي ..
سمع تركي كلام امه بعد جادل ..

العصر ..
كان تركي جالس مع امه وام ريوف ..
تركي : الوالد وينه ؟ ماعمره تقهوى معنا ..
أم تركي : تلاقيه بالقهوه مع شياب يلعبون ضمونه ..
تركي : هههههههه خطير أبوي ..
دخلوا البنات ورهف معه القهوه والحلا ..
تركي : تعالي يا غلا بجنبي ..
ماقدرت تقول شي وراحت جلست بحنبه .. وظل ماسك يدها يكلمها بصوت واطي ..
تركي : شخبارك الحين ؟
غلا : تمام ..
تركي : اكلتي شي ..
غلا : ايه ..
تركي : بعد شوي أبيك تجين معي لغرفتنا ..
سكتت ..
تركي : سمعتيني ..
مادرت عليه ..
تركي وهو يأخذ فنجال القهوه من ريوف: تسلمين ..
ريوف وهي تجلس على ركبها قبال خالها : شتقولها .. الله يخليك علمني .. أنا
بنت أختك .. حبيبتك ..
تركي :هههههههههههههههههههههههههه ضحكتيني .. عيب هذي أسرار ..
ريوف: خالي انا ريوفه الحلوه اللي تدنن ..
تركي : ههههههههههههههههههههههههههه أقولها أبيه تجي معي للغرفه بعد القهوه
.. أبيها بسالفه ( وغمز لها )
ريوف قب وجهها من خالها ..
تركي : تعالي هنا أجلسي بجنبي ..
ريوف: خخخخخخخخخخ لاشكرا ..
بروح بجنب خالتي حبيبتي ( تقولها باللهجه المصريه)
تركي :هههههه عاد دام معاي القمر مالي ومال النجوم ..
ريوف : خخخخخخخخخخخخ تكفى ..
كانوا مندجمين بالسوالف .. وكان جوال غلا مع رغد قاعده تعلب فيه .. دق ..
رغد : جوالك يدق ..

**SOoΚaRh** · 04-05-2011, 12:35 PM

رد: وحشني شوف أصحابي وربعي والغلا مستور / كاملة

أخذته غلا وردت : هلا والله ..
سعود : هلا بوخيتي الغاليه .. كيف حالك .. ماهقيت أني بفقدك كذا ..
لمعت عيونه وقامت طلعت من الغرفه : هلا بعزوتي .. دب زين الحين بكيتيني ..
سعود : ههههههههههههههههه فديت الحساسه .. كيف حالك ..
غلا: الحمدلله .. مرا مشتاقه ابي أشوفك يالدب ..
سعود : كلمي رجلك خليه يجيبك ..
غلا: أستحي منه .. كلمه أنت ..
سعود : هههههههههههه مشكله ماقطيت معه الميانه للحين ..
غلا: هع هع .. طيب أبي أشوفك ..
سحب تركي الجوال من يدها ..
تركي : هلا بالنسيب ..
قهرها حركته سخيفه ليه يسحب الجوال أكيد شاك ..وقعدت تطالعه ..
تركي : تعال تقهو عندنا .. والله أنك تمر .. تعال شوف غلا .. لا يابن الحلال
.. أقول تعال .. يله سلام ..
وسكر الجوال ..
تركي : بيجي سعود ..
غلا: فسر حركه سحب الجوال !!
تركي ببرود : زوجتي ياحلوه أنتي يعني لي حريه التصرف فيك من رأسك لاساسك ..
غلا ترفع حاجب : لا ..
تركي ببراءه : والله ..
قهرها .. جات بتمشي من جنبه .. مسكها من يدها مابيي يزعلها زود كفايه سالفه
الضرب والهواش: أنا سحبته لان تبين تشوفين أخوك ومشتاقه له وحياك مانعك
تقولين له يجي .. على الرغم أن البيت بيت رجلك .. وبيتك ..
غلا من غير احساس حطت راسها على صدرها : مالك داعي ..
تركي أستانس من قلب وقعد يلمس شعرها : أحبك ..
حمر وجهه غلا وبعدت عنه ..
تركي : ههههه والله أحبك ..
راح للغرفه اللي جالس فيها الكل ..
تركي : يمه نسيبي بيجي ..
أمه : الله يحيه .. رهف وأنا أمك روحي شوفي المجلس هو نظيف ..
غلا: لارهوفه أنا بروح مع ريوف ونشوفه ..
راحت غلا وريوف .. وتالي قعدو يسون القهوه ..
غلا : بروح ريوف أتسبح ..
ريوف: هههههههههههه بسرعه قبل ماتدري جدتي ..
راحت غلا تسحبت وحاولت تحافظ على يدها قد ماتقدر بس لحقها طواش مويه ..
كانت ريوف جالسه على لاب توبها بغرفه غلا وخالها ..
طلعت غلا: وه يا زين المويه ..
ريوف : ههههههههههههههه من قلب ..
تعطرت غلا وحطت قلوس وكحل ..
غلا : ريوف تعالي سوي لي جديله فرنسيه .. مالي خلق أفكه ..
ريوف: أوك ..
وقعدت تسويها ..
خلصت ريوف : أشرايك ؟
غلا : تدنن فديتك ..
ريوف وهي تسوي حركتها المتعاده : هع هع ياحبني لي ..
غلا: خخخخخخخخخخخخخخخخخخخخخخخخ ياشين الواثقين ..
قو نروح نشوف القهوه ..
شوي الا سعود جاي ..
دخل تركي للمطبخ : غلا ( بلم تركي البنت شكلها جنان )
غلا: هلا ..
تركي وهو يقرب منها : أشهد أنك قمر ..
ضاعت علوم غلا ..
رهف : ههههههههه تركي أبعد عن البنت احرجتها ..
تركي : مشكله أنتي هههههههههههههه ( ومسك غلا مع خصرها ) هبال ياناس هالبنت
.. ( باسها على خدها ..
غلا: تركي

رهف تبعد تركي عن غلا: خلاص يا تريكان .. احرجتني أنا ..
تركي بعد بالموت .. : زوجتي ياناس ..
رهف: درينا ..
تركي : ههههههههههههه نسنيني هالجمال وش أبي أقول .. ايه صح ..تعالي غلو معي
للمجلس .. سعود جا
غلا أستبشر وجهها : جد ..
تركي ابتسم : ايه ..
شال تركي صينه القهوه ..
أول مادخلت غلا بسرعه لاخوها ركض .. ابتسم تركي على شكلها شكل العلاقه بينها
وبين أخوانها وثيقه حيل لاحظها من خلال العرس ..
غلا وهي بعدها ضامه سعود : ياقلبي والله مرا مشتاقه لك ..
سعود: وانا اكثر .. كيفك
تركي وهو يبعد غلا عن سعود وبغيره باينه..: بتخنقيه
سعود ضحك: أوه مشكله الغيره ..
تركي ضحك: هههههههههههههههههههههههههههههههههههههههههه ياخي يحق لي من أخذتها
ماضمتني ..
سعود: هههههههههههههههههههههههههههه..
تركي: تفضل حياك ..
جلسوا ..
سعودطالع فجأه بيد غلا وأنصدمت من الشاش الابيض المفلوف بعنايه وحذر : غلا وش
في يدك ..
غلا : ابد طحت عليها ..
سعود وهو يمسك يدها : شلون طحتي ..
غلا: طحت .. مانتهب كنت مستعجله وطحت ..
سعود : سلامتك والله ماكنت أدري .. طيب شلون رحتي للمستشفى ..
غلا : أيه وتنومت أمس فيه .. وسويت عمليه ..
سعود : أيش ..
غلا : لاعادي شوفني الحين أوك مافيني شي ..
سعود تنرفز: أجل أنا اخر من يدري .. ليه ياتركي ماقلت لي ..
تركي : تونا طلعنا الصباح وخابر امس الليل كله بالمستشفى .. أعذرنا ..
سعود : معذور .. تدرين لو تدري الوالده .. كلميها وعلميها أنتي أحسن ..
غلا : لايمه أخاف .. أنت قول لها ..
سعود : أيه حطيها براسي ..هههههههههههههه

قعدو يسولفون شوي ..
وتالي تركي أستأذن وتركهم على راحتهم ..
سعود : بتزوج ..
غلا: والله ..
سعود: ايو الله ..
غلا: سعود توك صغير .. ماكلمت 23 ..
سعود : ههههههههه عاد شتسوين أمي تبي من يونسها بالبيت .. وأنا بعد أبي أتزوج
هع هع ..
غلا: ياقلبي الله يوفقك .. طيب من حاط عينك عليه ..
سعودأبتسم حتى بانت غمازتيه : بنت خالتي فاطمه مرام .. الله عليها حلوه
غلا أبتسمت : سعود وجع وين شفتها ..
سعود : الاسبوع اللي فات اول ماجينا كانت مع جدتي قاعده عاد أنا درعمت على أن
مافيه أحد لان خالتي فاطمه كانت ببيت أهل زوجها ودخلت أسلم على جدتي ألا أصك
فيها .. وعاد دخلت مزاجي ..
غلا: خخخخخخخخخخخخ عاد شوفه شرعيه مرا وحده..
سعود: والله ان الله كتب لي نصيب معها لاشوفها شوفه شرعيه هع هع..
غلا: لا ماشفتها ..
سعود : من حقي هع هع ..
غلا : الله يوفقك ..
سعود رد ابتسم : أبي تشوفين لي رأيها ..
غلا : بس كذا ولايهمك ..
سعود : دقي الحين ..
غلا وهي تسوي حركه بوجهها: مو معي جوالي هع هع ..
سعود : مالت ..
غلا : خخخخخخخخخخخخخخخخ يالنذل ..
سعود : طيب متى راح تدقي عليها ..
غلا: بعد شوي ..

طبعا رفض تركي وابوه يخلون سعود يروح الا لما يتعشى معهم وافق سعود عقب أيش
لان احراج ..

بالرياض ..
ببيت أهل دانه ..

طبعا جا نايف واعمه وخواله .. وخطبوا رسمي والملكه العرس بعد اسبوع لان الناس
عطله واهو مستعجل ..
أبو دانه : الف مبروك وانا ابوك كبرتي ..
اتستحت دانه : ..........
سطام : شعلينا بنصير مسؤلين .. من قدنا ..
دانه : سطام ..
سطام : أدري انثبر ..
دانه : خخخخخخخخخخخخخخخخخخخخخخخخخ..زين عارف ..
أم سطام : انتي وياه ماراح تسكتوا ..
سطام : يمه هي ..
أبوه: الا دانه أبوها ..
سطام : وانا ..
أبوه : أنت رجال وبعدين بتجلس معنا أنا وامك ..لكن دندونتي بتروح يوم الخميس
..
سطام : الله لنا يادنواه ..
دانه طلعت له لسانها : خخخخخخخخخخخخخخخخخخ
سطام : قصم لو يشوفك نايف ليهون ..
دانه : دنا دانه بنت أبو سطام ..
أبوها : بعدي بنيتي ..
دانه : أعجبك هع هع ..
أمهم : تعال متى راح تحجز القاعه ..
أبو سطام :بكره ان شاء الله .. كلمت واحد من ربعي وقالي عن قاعه بس أني
بشوفها قبل .. عاد هذا عرس وحيدتي وابيه يليق بها ..
قامت دانه وباست أبوها : الله لايخليني منك ..
امها : وانتي ياحلوه بيي لك تجهزي نفسك عشان مافي وقت ابد ..
دانه حمر وجهها : أوك .. طيب تصبحون على خير ..
وطلعت لغرفتها ..
بسرعه دقت على عهد ..
عهد كانت بروحها متمللها ..
شافت رقم دانه ابتسمت ..
عهد: هلا والله ..
دانه : هلا بك دوبا .. كيف الحال ..
عهد : تمام .. وانتي ..
دانه : عهدوه زفتي الخميس الجاي ..
صارخت عهد من الحماس : وواوو .. قولي والله
تمزحين ..
دانه : والله حتى توهم كانوا الرجال عند ابوي .
عهد : واو .. دندون مش مصدقه ..
دانه : حتى أنا خخخخخخخخخخخخخخخ .. خايفه عهدوه ..
عهد : لاعادي شوفيني وشوفي غلو .. طيب شفيته .. ها كيف كان .. حلو .. وشو
اسمه .....
قاطعتها دانه : وجع وش كل هالاسئله خخخخخخخخخخخ
عهد : اقول قولي لي يله ..
دانه : صراحه ماشفته لانك عارفه سلم قبيلتنا مافي شوفه الا ليله العرس ..
عهد: لا ليه ..
دانه : خخخخخخخخخخخخخخخخخخخخخخ عاد سلوم وعادات قلبيتنا هع هع .. احس غباء
تخيلي ماراح أشوفه الا ليله العرس ..
عهد : اوف .. أحراج ..
دانه : أهي أهي ..

**SOoΚaRh** · 04-05-2011, 12:41 PM

رد: وحشني شوف أصحابي وربعي والغلا مستور / كاملة

عهد : طيب سولفي لي عنه ..
دانه : طبعا بما اني مرا قاطه الميانه مع أخوي سطام ..الله مير يسلمني هع هع
.. يقول أسمه نايف ومدرس .. ويقول سطاموه انه خفيف دم .. مرا يحب السوالف
وسعه الصدر .. وحيد امه وعايش معها ومع جدته ام امه وام ابوه بنفس الوقت ..
وماعليهم قصور عندهم عقارات وكل شي أمه ماسكته ..
عهد : طيب كم عمره ؟
دانه : على ماعتقد 24 ..
عهد: اها صغير باقي ..
دانه : يعني ..
عهد : تعالي هنا .. أهم شي حلو ..
دانه : وه أستكي يقول سطاموه يخقق على الرغم انه مش الطول اللي اتمناه بس
يقول حلو على قول سطاموه تخقون مع جماله يالبنات هع هع ..
عهد : خخخخخخخخخخخخخخخخخخ وجع ودي أشوفه ..
دانه : خخخخخخخخخخخخخخخخ هيي تراه خطيبي ..
عهد : ياهو يقالي اغار ..
دانه : خخخخخخخخخخخخخخخخخخخخخخخ شفتي كيف .. اغار وانا ماشفته هع هع .. تعالي
وينك خالد بالعاده لما يكون عندك مايتركنا نكلمك ناشب لك ..
عهد: خخخخخخخخخخخخخخخخخخخخ .. مهو ب فيه طالع من العصر وجواله مسكره ..
قاهرني ..
دانه : غريبه وينه ..
عهد : مدري عنه .. خليه ينطق ..تخليي قلت بما أنك بتطلع ودني بيت خالتي او
بيت جدي لان الكل هناك .. قال لا .. من تزوجنا وهو مسوي علي حصار قاهرني ..
دانه : لاعادي قلبي بس أكيد يبي تكوني معه .. ولاتنسي أنكم توكم مالكم شهرين
من تزوجتوا ..
عهد : مادري ..
دانه : روقي بابنت الحلال هع هع ..
عهد : خخخخخخخخخخخخخخخخخخخخخخخخخخ من وين طلعتي بنت الحلال ذي ..
دانه : سمعت وحده من جدات نايف تقولها ولقطتها وركبت عليها روقي هع هع ..
عهد : خخخخخخخخخخخخخخخخخخ أورح وطي مامدى لقطتي ..
دانه : خخخخخخخخخخخخخخخ ..
وقعدو يسولفوا عن التجهيزات ..

باأبها ..

ببيت أبو تركي ..
بغرفه غلا وتركي ..
طبعا راح سعود عقب ماتعشى .. وصى غلا انها تشوف رأي مرام ..
كانت ريوف وغلا ونجود ..
غلا : شو راح تدخلي ..
نجود : ان شاء الله حاسب ..
غلا : مشالله الله يوفقك .. حلو الحاسب له مستقبل ..
ريوف : تدرين كان ودي أدخل حاسب بس قلت ادخل أنا وشوق التربيه بالجبيل ..
نجود : حلو .. وانتي غلا ..
غلا : ان شاء الله دراسات ..
نجود : حلو .. وعمي اشرايه ..
غلا : قصدك تركي .. هو يقول عادي أهم شي تخصص اتارح فيه
نجود : مدري متى راح نسافر عشان التسجيل ..
ريوف : صح ..
غلا : بنات بروح أتسبح ..
ريوف : روحي طبعا ببلط بالغرفه انا والحلوه دي ..
جات غلا بتحضر ملابسها ..
ريوف بابتسامه : روحي أنتي تسبحي وانا بحضر لك ملابسك ..
غلا بطيب نيه : أوك ..
دخلت غلا للحمام ( وانتم بكرامه )
ريوف : هع هع وجات لي نياهاهاهاهاهاهاهاهاها ..
نجود جاءته ضحكه على بنت عمتها : ههههههههههههههههههههههههههههههههههههههه
الحمدلله وشفيك؟
ريوف : شوفي لما قعدنا مع غلا نجهز لعرسها شرينا أرواب نوم تدنن تصلح ل غلا
حاليا .. والاخت الى الان مالسبتها .. عاد حرام كاسر خاطري خالوا حبييي ..

وطلعت روف مرا رهيب .. كان قصير .. وفيه قصه من الصدر مرا واسعه .. من غير
نوعيه القماش الجذابه ..

نجود حطت يدها على فمها : خخخخخخخخخخ لاحرام والله احراج ..
ريوف : هع هع مافيش أحراج .. عادي وناسه ..
نجود: غلا تستحي .. ماتشوفي نظرات عمي تركي لها بلبس أجل أشلون لما يشوف هذا
عليها ..
ريوف : خخخخخخخخخخخخخ وناسه بتدعي لي ..
نجود : خخخخخخخخخخخخخخخخ الابتدعي عليك ..
ريوف راحت لباب الحمام ..
ريوف : غلو خذي ..
أخذته غلا من ورا الباب ..
غلا : ريوف وجع وش ذا ..
ريوف : سي يو خخخخخخخخخخخخخخخخخخخخخ
وطلعت من الغرفه ..
شوي الابدخله تركي ..
بلم لما شاف توها طالعه وماتبهت للي مبلم فيها ومنصدم البنت خجلوله أشلون كذا
.. بس قال أكيد بالسالفه أن ..
رفعت غلا رأسها وفي عيونها خوف يكون أحد بالغرفه .. وحمر وجهها وضاعت علومها
.. خلاص بكت جاءت بترجع للحمام ..
مسكها تركي : وين ..
غلا وعينها بالارض : فك يدي بليز..
تركي : ليه ؟
غلا: بليز ..
تركي : اسف ..
غلا : بليز ..
تركي : اسف ماراح أفكها .. مستحيه من لبسك يعني .. طيب انا لبسك كذا عاجبني
وداخل مزاجي بقوه ..
سكتت ..
تركي : طيب مستحيه كذا .. ورى لبستيه ؟!!!
غلا والعبره خانقتها : مو انا ريوف ..
ضحك تركي : ههههههههههههههههههه فديتها .. تدرين صرت احبها زود ..
سكتت ..
تركي : طيب يدك ليه غرقتيها ؟! فيها ضرر .. عندك خبر ..
غلا بعصبيه : مالك شغل بيدي .. فاهم .. ولاتفكر ان سوالفي معك قبل شوي يعني
نسيت اللي سويته .. لا ياتركي لكن مابي أحد ياخذ علينا مامدى اسبوع الاوحنا
متزاعلين ..
بعدت عنه وراحت شغلت الاستشوار ..
وقعدت تجفف يدها ..
سحب تركي الاستشوار : مجنونه أنتي ..
غلا : يدي فيها حكه وبعدين هذا مافيه شي أهم شي تجف ..
أخذت الاستشوار وقعدت تجفف يدها بعناد بتركي ..
وبعد وقت خلصت ..
سحبها تركي لحضنه وعلى وجهه ابتسامه مرسومه على زوجته وعنادها ..
تركي بهدوء : انا اسف .. على كل اللي صار ..
غلا: وين اصرف هالاسف .. تعالي أستفسر قبل .. اما كذا تهاجم لاياتركي ..
قربها تركي لجسمه زود : والله اسف .. انعميت بذيك اللحظه .. صعب لما تسمع ان
عرضك بخطر صعب ياغلا ..
غلاوهي تبعد عن تركي : بعد عني ..
تركي : مني مبعد ..

حاولت غلا فيه يوخر لكن كان معند معاها بشكل ..
غلا بيأس : وبعدين ..
تركي بابتسامه : أبي رضاك ..

أبغي الرضا منك لو ترضيني
ولاني بداري من اللي يرضي الثاني
ان كنت زعلان لي فيني يكفيني
واصل على الحد ولي ياني يكفاني

أبتسمت غلا غصب على تركي وحركاته ..
تركي شالها بين يدينه : فديت ضحكتك وكلك على بعضك ..
انحرجت غلا وحمر وجهها زود ..
تركي : قلبي .. أنتي ..
حطها على سريرهم ..
وأنسدح بجنبها ..
تركي : لاتستحين عادي ..
غلا : بغيره مو مرتاحه (تقصد الروب)..
تركي : منتي ب مغيره .. خليه .. لابق عليك بشكل خرافي .. وبعدين معجبني ..
سحبها تركي وصارت بوسط أحضانه وقعد يلعب بشعرها .. وشوي يغني لها وشوي يقول
شعر .. كان مستانس لابعد الحدود ..
أنا تعلمت الهوى تحت يمناك
درست معنى العشق حسب إختياري
مابغاك تعشقني ولكني أبغاك
لاضاقت الدنيا تصير داري
وأبيك لامني تزاعلت وياك
ترضي غروري قبل لا أجيب إعتذاري
وأبيك تدري لو أحاول بفرقاك
إني بحاول قبلها بإنتحاري !

.
.
.
.
.
.

.
الساعه اثنين الفجر ..

تركي : قلت لك ؟!
غلا: لا .. وشو؟!
تركي : بروح لمكه مع أخوياي ..
جلست غلا وعدلت روبها : ليه ..
جلس تركي : عشان عمره ..
سكتت ..
تركي : ماتبين أروح ..
غلاوالدمعه بعيونها : أنت تبي تروح ..
تركي : أنا الربع توهم قالوا الليله على المغرب وانا أعتمدت عشان العلاقه
كانت بيننا متوتره شوي قلت نبعد عشان نريح أعصابنا شوي ..
غلا: طيب خلاص الحين هون صارت العلاقه زينه ..
تركي أبتسم : ودي .. بس صعب التزمت معهم ب وعد .. ولو كان مفروض نسافر
للرياض بكره أو بعده ..
سكتت ..
تركي : بشتاق لك ..
قعدت تناظره تشوف في عيون تركي نظره ماهي مثل كل مره .. حتى نبره صوته ..
غلا وهي تمسك يدين تركي : الله يخليك حاول تعتذر .. بليز ..
تركي أبتسم زود : ليه ؟!
غلا: مو مرتاحه للسفره ..
تركي بنبره غريبه : غلا تركي الله كاتبه راح يصير .. واللي راح يصير أكيد
خيره ..
غلا لمعت عيونها وسكتت ..
تركي : ماحب أشوف اللمعه بعيونك .. ان شاء بكره مانتامين ألا بوسط احضاني ..
لاني بسافر بعد شوي وأكيد على المغرب بكره بكون بأذن الله هنا ..
ابتسمت غلا ..
قام تركي : الحين بروح أتسبح لاني بسافر الساعه 3 الفجر ..
غلا : أوك ..
وراحت تحضر ملابسه ..
.
.
طلع تركي وهو ينشف شعره ..
غلا: نعيما ..
تركي مبتسم : الله ينعم عليك ..
انحرجت غلا من نظراته لها ..
تركي : أأموت فيك لاأنحرجتي ..
أنحرجت زود ..

**SOoΚaRh** · 04-05-2011, 12:43 PM

رد: وحشني شوف أصحابي وربعي والغلا مستور / كاملة

دق جوال تركي ..
تركي : هلا لافي .. اوك .. طيب طيب .. يله أتنظرك .. ها جيت .. ههههه .. طيب
طالع لكم الحين ..
سكر تركي جواله .. ولبس ثوبه وأخذ شنطه فيها أغراض خفيفه ..
تركي : طيب أنا الحين بروح ..
غلا بكت :..........
تركي وهو ينزل الشنطه : لا دموع ماتفقنا ..
غلا ضمته بدون مقدمات ..
تركي أستانس لان اول بارده تجي من أتجاهها : قلبي ..
ماغير تبكي غلا ومتمسكه فيه ..
تركي : عيوني .. خلاص .. لاتبكين كذا ..
مافي رد ..
تركي وهو يرفع وجهها : الله ليه وجهك كله دموع ..
خلاص .. والله ثم والله كل دمعه من عيونك تعذبني ..

ليتني ما شفت في عينك دموع ..
منظر الدمعة على خدك هلاك ..

دق جوال تركي : عيوني بروح .. أنتبهي على نفسك ..
غلا وهي تبعد عن تركي وتمسح دموعها وكانه طفله: زين ..
باسها على خدها أكثر من مره .. وقعد يطالعها وهي تطالعها أكثر .. كأنها تجمع
من ملامحه ملامح ..
تركي : طيب طلب ممكن ( ويأشر على خده ) بوسه ..
حمر وجهها ..
تركي : بس وحده صغنونه من أخذتك ولاحده بس هالمره ..
باسته على خده اليمين ..
تركي طماع: وحده ثانيه بس ..
باسته على خده اليسار ..
تركي : تدرين خاطري اكثر .. بس لاكان صاحبك عسل .. لاتلحسه كله .. ههههههههه
..
طبع بوسه على جبينها وقال : سامحيني ..
وطلع ..

بعد ربع ساعه جاءته رساله من تركي بكته الين قالت أمين ..

لا تزعل إن جاك عني خبر شين
قالوا توفى بس هذي وصاته..
الأولى:حرام خدك تجرحه دمعة العين..
مادام ما ذاق الدمع في حياته..
الثانية: لا تنسى اللي يحبك من سنين..
ومحدن لأجلك يسوي سواته..

قعدت تبكي ..
أرسلت له ..
( ليه هالرساله )
رد تركي عليها ..
( هههههههه لاتزعلين ارسلتها كذا )
درت عليه ..
( لاتكلميني أنا زعلانه أجل هذي رساله ترسلها )
ابتسم تركي ..
كان تركي جالس بجنب لافي وراهم اثيين من ربعهم ..
لافي : حرام أخذنا بعض الناس وهو توه معرس ..ههههههههههههههههه
ضحكوا كلهم : ههههههههههههههههههههههههههههههههه
تركي : أقول أنت معه ..
لافي : تركي أشوف جوالك ..
تركي ناظره بنظره ومبتسم : تو حلا الجوال بعيونك ..
لافي : ياخي ودي أشوفه هههههههههههه
تركي : تلايط بس .. أيام كنت وحداني لك حق تقز أما الحين ( ويسوي حركه
بحواجبه تفطس ضحك ) لا ..
لافي : هههههههههههههههههههههههههههههههه الله يرج العدو ..

فتح تركي وارسل لغلا ..

أحبك .. بعد أحبك .. و الله أحبك ..
كيفي أحبك .. للصبح أحبك .. حيل أحبك ..
و الله لأدوخك أحبك .. أظل أحبك .. أحبك ..
لو تكسر الزر أحبك .. لا تستغرب .. أحبك .
. أنا أحبك .. أحبك .. المرسل : يحبك ..

استقبلت غلا ..
( لاترسل أنا زعلانه )

رد تركي ..
(وانا أقوى )
ردت غلا..
( لا أنت السبب تركي كان قلبي مشغول عليك والحين أشغلته زود )
رد تركي ..
( طيب تحبيني .. كانك تحبيني خلاص بلاش زعل )
ردت غلا ..
من تحداني في غلاك ؟ أقبل تحديه !
و من يشاركني حبك من الأرض أمحيه !!
رد تركي ..
فديت قلبك .. محدن راح يشاركني ولايشاركك حبنا لبعض ياغلا تركي ..
غلا ..
( تذكرت أم تركي وناديه وسالفه سلوى وعورها قلبها .. تخاف تركي يطاوع أمه
بيوم من الايام ويأخذ سلوى )
ردت
أتمنى ياتركي هالشي .. طيب الحين بروح أتسبح ..
عقد تركي حواجبه لما وصله المسج واستغرب .. بس تالي ابتسم ..
وارسل ..
شتقصدين .. ياليتي معك هههههه ..
قرت غلا الرساله وابتسمت .. وتالي راحت تتسبح ..

بالرياض ..

الساعه عشره الصباح ..
صحى خالد : أوف .. الساعه عشره ..
لبس وبسرعه طلع ..

ببيت خالد وعهد ..

دخل خالد بهدوء للبيت .. لانه مانام بالبيت !!! ..
طلع لغرفه النوم لقى عهد نايمه ..
راح بلهفه ل عهد .. صحيح نام برا البيت برغبته .. بمزاجه .. بس هالبنت
يشتاق لها بشكل .. يحب دلعها .. براءتها .. أنوثتها .. هبالها .. تفرق عن
غيرها بكل شي ..

خالد دخل الفراش بجنبها : عهدوتي ..
كانت بسابع نومه ..
خالد: عهدوه ..
عهد : ها ..
خالد قال : مزعج ..
عديم شعور ..
صحيح ,,, فاضي .!

يسعد صباحك )), قولي اللي تقولين

ليلي ,, تخالط مع سواده بياضي
وجيتك , أدور في " صباحك" تهاوين

جيتك , وأنا ياحلوتي شبه قاضي
مخنوق ضيقه ,, وممتلي حسره وبين

قولي : ( هلا) أو قولي : إنسان فاضي
يكفي ( أجيك ) وقولي اللي تقولين

عهد كانت نايمه على بطنها عدلت نفسها وصارت على ظهرها ومقابلته: كان كملت برا
أحسن .. وبعدين خل القصيد للي نمت عندهم ..
خالد حط أنفه على خدها :راحت على نومه يا قلبي ..
عهد : أوف يا خالد وخر ..
خالد عناد فيها ماوخر أنفه عن خدها : .............
جات عهد بتقوم حط خالد يدها على صدرها : مافي قومه من هنا الين ترضي ..
عهد : اوه منك .. وبعدين ريحتك كلها دخان وشي ثاني ..
خالد أرتبك : ... امم.. لا وش شي ثاني ..
عهد : الا ريحتك شي مو حلو .. قرف .. وش ذا ..
تذكر خالد : أها .. قصدك واحد من الربع يموت بالشيشه ..
طالعته عهد : وع .. خالد كل مره ريحتك نفس الشي الاليله السبت اللي طافت كانت
ريحتك زي ماطلعت زي مادخلت ..
ردت ل خالد حاله الارتباك .. وسكت ..
عهد بشك: شفيك ؟
خالد مبوز : ولا شي .. ألحين أنا اللي زعلان .. بسم الله نومه بس ليله وحده
برا البيت أكلتيني ..
وخرته عهد عنها وقامت : أزعل ( وطلعت له لسانها )
راح تأخذ لها دوش .. وطلعت ..
لقته نايم بثوبه وغترته .. والعقال مرمي بجنبه ..
راحت طلعت له ملابس ..
عهد : خالد قوم ..
خالد : ............
عهد : مامدى غطيت بالنوم ..
خالد : مانمت أمس الا متأخر ..
عهد : طيب قوم .. قوم ..
ماقام ..
جلست عهد على السرير وحطت راسه بحظنها ونزلت غترته والطاقيه وقعدت تلعب بشعره
عشان يقوم لها : يله دلبي ..
خالد يمكن نفسه بحظنها أكثر : انوم شوي عهدوه ..
عهد : لادلبي يله قوم .. ريحتك كلها دخان وشيشيه مب زين تنام كذا .. يله قوم
..
سحبته وقومته ..
خالد : الحين والله راح تجبينها لنفسك ..
عهد حمر وجهها : هههههههههههههههههه قوم .. أما الحين بأحلامك يالدب ..
خالد غمز لها : لاتتحدين ..
سحبته عهد للحمام ودخلته ..وسكرت الباب ..
عهد : شوف ملابسك عندك .. تحمم واطلع ..
خالد :ههههههههههههههههههههههههه طيب ياعهد ..
عهد : خخخخخخخخخخخخخخخخخخخخ ..
راحت عهد للمطبخ ولعت جمر عشان البخور ..
وشربت لها عصير برتقال عشان تحس نفسها دايخه ..

**SOoΚaRh** · 04-05-2011, 12:43 PM

رد: وحشني شوف أصحابي وربعي والغلا مستور / كاملة

لما خلص الجمر حطته بالمبخر وطلعت لغرفتهم ..
حطت العود ..
وه يالريحه .. قالها خالد لما طالع ..
عهد بزهق : خالد ليه ماتنشف شعرك زين ..
خالد مسوي برئ : ماعرف ..
عهد تجاريه : صدق ياحياتي .. تعال ياشاطر عشان انشفه لك زين ..
راح لها خالد وهو مبتسم .. قعدت تنشف شعره ..
عهد : يادلب ماما ممكن تجلس على السرير عشان أنشف شعرك زين ..
سمع كلامها وقعد .. وتالي بخرته ..
خالد برومنسيه : أحبك موت ..
انحرجت عهد : خالد بس ..
خالد : وين خالد بس .. وربي أحبك ..
عهد : صح أنا زعلانه .. لاتكلمني ..
ضحك خالد وقام لها ..
خالد : راحت علي نومه .. وبعدين ممكن أطلع وانا فيني نوم .. ويصير لي لاقدر
الله حادث ( يبي يستعطف قلبها )
عهد : لايمه .. بسم الله عليك .. خلودي لاتقول كذا مرا ثانيه ..
خالد : تخافين علي ..
عهد ركزت نظرته لعيونه : أخاف عليك .. ومنك .. وأخاف عليك من نفسك ياخالد ..
خالد بجديه : ليه ؟
عهد بنفس النظره : عليك لاني أحبك .. ومنك الايام أحسها مخبيه أشياء كثير لي
.. وعليك أنت قاعد تهلك نفسك بنفسك بها التدخين ..
باسها خالد وحط وجهها بين يدينه : لاتخافين اللي الله كاتبه بيصير ياعيوني ..
ومنك أشقصدك ..
عهد بغموض اكتفى نظراتها : مدري .. وسحبته من يده .. تعال يله الفطور أكيد
جهز ..

بابها ..

الظهر..

كانت غلا تكلم تركي ..
تركي : توني طالع الحين من الحرم .. وفكيت الاحرام ..
غلا: عمرة مقبولة وذنب مغفور
تركي : جزاك الله خير يالغلا ..
غلا : متى راح تجي ..
تركي : الليله مانام الا عندك أن شاء الله ..
غلا : والله .. وناسه ..
تركي ابتسم : فديت عمرك .. عمري الحين بنطلع للسياره .. وأن شاء الله على
العشا بالكثير انا عندك .. أمي درت ..
غلا : ايه قلت لها ..
تركي : زين .. مع السلامه .. أنتبهي على نفسك ..
غلا : شعندك على أنتهبي على نفسك ..
تركي : انتبهي على نفسك .. طيب .. غلا لو صار أي شي .. تذكري هذا قضاء وقدر
.. زين عمري ..
غلا دمعت : أن شقاعد تقول .. تركي نبرتك من أمس بالليل وهي غريبه .. فيها شي
..
تركي : غلا لاتخافين ..بس تأكدي أنك أغلا أنسانه بحياتي .. وأني أموت فيك ..
يله أمنتك الله يالغاليه ..
سكر تركي لان حاس العبره خانقته .. أول مره دمعته تحاصره من عقب وفاته خاله
تركي .. مايبي يروح عن غلاه .. عن أمه ..عن الغوالي .. بس فيه شي من أمس وهو
كاتم على قلبه .. مضايقه كثير ..
أما غلا سكرت من تركي .. وفيها هم وخوف بشكل مايتوصف ..

طلعوا لسيارتهم ..

لافي : هاشباب تبون نريح ..
كلهم : لا .. خل نمشي ..
تركي : جد خل نمشي ..
لافي مزوح : الله .. الله .. مشتاقين ..
ضحكوا كلهم ..الا تركي .. أكتفى بابتسامه ..
لافي : زين طلعنا من أبها الساعه ثلاث الفجر وصلنا هنا الساعه 8 الصباح ..
وأعتمرنا وحضرنا صلاه الظهر هنا والحين راجعين ..
مشاري : ان شاء الله الساعه 6 او 7 بالكثير وحنا باأبها ..
( لان بين أبها ومكه 600 كيلو )

العصر ..
كلموا البنات عهد وقالت لهم ان دانه عرسها الخميس ..عاد دقو على شلتهم كلها
وسوالف وضحك .. بس غلا كان بالها على تركي ..

المغرب ..
بمكان قريب من مكان سكنهم .. قريب من الغاليين ..
حادث شنيع .. يخوف ..
أوه هذا ثاني .. بس هالسياره فيها اربع شباب ..
واحد يون من الالم .. واللي خدوش بجسمه .. واللي كأنه الواعي من بينهم ..
واللي يشهدونه .. ويوجهونه أهل الخير للقبله ..!!
كان مرا يتألم ويتمتم بكلمات .. كله كسور .. يشكي من كل جسمه .. شهدوه ونطق
فيها ..
قل لا اله الا الله ..
تشهد ياولدي تشهد ..
رفع أصبعه وتشهد وكانت بفضل الله سهله كيف مو سهله وين جاي من بيت الله: إشهد
أن لا إله إلا الله وأن محمد رسول الله

الليل ..
الساعه 8 ..
كان زوجات عيال أبو تركي متجمعين كلهم ..
ناديه : ماعمري شفت معرس يسافر ويترك زوجته ..
رهف : دايم تركي متعود يسافر .. مهي ذا السنه بس ..
ناديه : لكن هو معرس ..
غلا كانت خلقه خايفه على تركي وهذي قاعده تقط بلاها : ,اذأ معرس شو يعني ..
رايح لبيت الله .. يعني متزوج خلاص ..
ناديه : ماقلنا شي ..
غلا : طيب شعليك من تركي سافر ماسافر ..
ناديه بقواه عين : حماي .. وعم ولدي .. ولد خالتي وعمي بنفس الوقت ..
خزتها غلا بنظره وطلعت من مجلس الحريم ..
أم ريوف : وشفيك على البنت ؟
ناديه بحقد : ماحبها ..
أم ريوف : لاتحبينها .. كفايه تركي يحبها ويموت فيها .. ولايبي أحد حبها غيره
.. خليها بحالها .. لاتغرك أنه ساكته لك كذا .. لا ترى بس محترمه وجودنا ..
بخوت هذي زوجه عبدالله حيل طيبه وحبوبه .. كانت تطالعهم وماسكه الضحكه ..
ناديه : وش بتسوي لو تكلمت .. خليها ترفع صوتها .. بس ..
رهف : ناديه الله يهديك .. خليها في حالها .. صدقيني مهي بساكته المره الاولى
لما سكتت ماكانت تبي تضايق تركي واحترام لامي .. لكن ماكل مره تسلم الجره ..
ناديه : ريحينا بس .. أن شاء الله تركي يطلقها ..
دخلت ام تركي اللي كانت عند عيالها بالمجلس ..
أم تركي : منهو اللي يطلق مرته ..
ناديه : تركي .. أن شاء الله يطلق اللي أخذها ويرجع لبنت عمه ..
أم تركي : أسمعي وأنا أمك .. صحيح أني ماكنت أبغى الا سلوى حليله ل تركي
وزعلت عليه لما تزوج غيرها .. وغلطت بحقه وحق مرته لما تكلمت عليها بالمطبخ
.. لكنها أسكتت واحترمتني ..لو غيرها كان الخبر وصل ل تركي ولاهمها ..
لكنها أصليه .. ماحبت الفتنه ..وكبرت بعيني زود لما ماقالت لي ولاشي .. الا
أحترمتني وحبتني على حب تركي .. وانا بغيتيها وأنا أمك صدق ماعاد أبغى غيرها
ل تركي ..
ناديه : مامدى لعبت عليك ياخالتي ..
أم تركي : ناديه ..
سكتت لما شافت نظرات خالته المعاتبه ..

بالصاله ..
كانوا البنات ريوف وغلا ونجود متجمعات ..
غلا : يالله ريوف تأخر ..
ريوف : لاتخافين .. أن شاء الله بيجي بعد شوي ..
غلا وهي ماسكها على بطنها : لا ياربي .. مرا خايفه ..
ريوف : لاتخوفيني ..
نجود: ترى بجد خفت أنا ..

بالمجلس ..
كان أبو تركي وعياله ..
كان عبدالله يكلم بالجوال ..
عبدالله ودموعه بدت تأخذ مجراها وبلهجه مهي واثقه : أنت متأكد ..
....... : لله ماخذ ولله ماعطى ..
عبدالله بصوت أليم ورضا بالقضاء والقدر : : لا اله الا الله ..
سكر الجوال .. وحاول قد مايقدر يتماسك .. وين .. أو شلون يقول ..
يارب عونك ..
مهند : أشفيه .. صاير شي ..
قاله عبدالله .. طلع عبدالله من المجلس ..

شاف رغد والصغار ..

بالصاله ..
رغد : وين جدتي خالي عبدالله يبيها ..
ريوف : بمجلس الحريم ..

راحت أم تركي لولدها ..

وطلعوا الحريم للصاله ..
رغد : خالي عبدالله بيكي يمه ..
أمها خافت : خالك وشفيه ..
قامت غلا .. عورها قلبها ..
راحت أم ريوف ورهف لابوها وعبدالله ومهند ..
بخوت : الله يستر .. وش فيهم ..
ناديه : صبر خل ادق على مهند ..
دقت ..
كل العيون تطالعها ..
ناديه وهي حاطه يدها على قلبها : هلا مهند .. وشفيكم .. ها .. تمزح .. ( دمعت
عيونها ) .. مات ..
طاح الجوال من يد ناديه ..
غلا قربت من ناديه تمسك بيدينها : تركي فيه شي ..
ناديه ماعندها أسلوب: تركي يطلبك الحل .. تركي توفي بحادث ..
غلا : لا ياربي ..
بكت× صارخت ..
أنهارات ..

***مزون شمر*** · 04-05-2011, 03:53 PM

رد: وحشني شوف أصحابي وربعي والغلا مستور / كاملة

الله يعطيك العافيه
استمري متابعه لك

**انثى من الخيال** · 04-05-2011, 04:13 PM

رد: وحشني شوف أصحابي وربعي والغلا مستور / كاملة

متابعتك روايه روعه

**بنت آبوها** · 06-05-2011, 01:25 PM

رد: وحشني شوف أصحابي وربعي والغلا مستور / كاملة

ياحياتي مات تركي اهى اهى واصلي خيتي عن جد متحمسه لتكملتها مبدعه واصلي ابداعك
وبانتظارك
تقبلي مروري ..

رواية /وحشني شوف أصحابي وربعي والغلا مستور / كاملة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget