تويت
رد: لأننـــي خادمــــــه/ روايه اماراتيه رائعه /كامله
الجزء الخامس عشر// الفصل الأول
منوة : اميه السالفة وايد طويله ..
منال : ونحن شو ورانا .. نركب السيارة وفي البيت اسمعج لين ما تتعبين وتقولين دخيلج يا اميه انتي اللي رمسي ..
منوة : هههههههههههه ان شا الله ..
مشوا مع بعض باتجاه السيارة ..
وكل وحدة تفكر ف شي معين ..
.
.
روت منوة لأمها كل معاناتها اللي مرت بها ..
من ام أم فايز وبوفايز ..
ومن ذل فتحية .. ل سجنها ..
ومن طيش راجو ومحمد ..
ومن تجربة حب سيف وفضيحة العرس ..
ومن عمر وشهد .. والخيانة المفضوحة ..
و أخيرا لعايلة خالد .. ومواقف خالد وياها ..!
وسبب طيحتها .. وعايلة عبيد الدخيلة !!!
.
.
دخلت منوة البيت وهي مذهولة من كل هالفخامة الموجودة ..
ما كانت قادرة تستوعب ان مقدار الفخامة هذا كانت عايشتنه وهي صغيرة ..
تذكرت معاناتها ف بيت بوفايز وفتحية ..
تنهدت على مصير فتحية المؤلم ... السجن !! ..
صدت أمها عليها بعد ما لاحظتها انها تسمرت ف مكانها : شو بلاج يا منوة ؟
منوة بأسف : تدرين يا اميه .. احس ان كل اللي انا أعيشه وهم × وهم ..
ام منوة : ليش انزين يا منوة ؟
منوة : انا جربت كل شتى أنواع العذاب يا اميه .. كل حياتي كانت مجرد شقى وتعب .. معقولة أحصل الراحة الحين ؟!
ام منوة دمعت عينها : حسبي الله ع اللي سوى كل ها فيج .. الله لا ي ..
منوة تقاطعها : لا يا اميه .. مب زينه الدعاوي .. ع الاقل اخذ حقي بليا دعاوي ع الناس .. اخذ حقي بإيدي ..
قطع رمستهم تواجد فارس ..
ام منوة صدت على فارس : هذي منوة يا فارس .. شفت ؟ خالد ما ظهر يقص علينا ..
منوة تصاصر أمها : اميه هذا ريلج ؟
ام منوة : هيه يا بنتي .. هذا ولد عمي و ريلي .. سيري سلمي عليه ..
نشت منوة له بكل حب ومدت يدها له : شحالك عمي ؟
طالعها فارس بنظرة حقد .. ومد يده لها : الحمدلله بخير ..
منوة تشنجت من مسكته ليدها ..
ليش يوم سلم عليها حست بطيف الماضي يعيد نفسه ؟!
يلس فارس .. وردت منوة ويلست حذال امها ..
كانت تتطالع فارس بربكة طول هاليلسة .. وما كانت تدري ليش ! ..
ام منوة بقهر : بنتي شقت وتعبت ف حياتها يا فارس .. لازم نبلغ الوجهات المختصة انهم ياخذون حق بنتي ..
فارس اللي كان مرتبك : وكيف بيصدقونج يعني ؟
تعليق