لأنني خادمه/ روايه اماراتيه رائعه /كامله

**لحن آلأمل** · 28-03-2011, 02:31 PM

رد: لأننـــي خادمــــــه/ روايه اماراتيه رائعه /كامله

منوة : ههههههه انزين ..

.

.

نزلت اسما للصالة ..

وهناك عذبة وخالد كانوا يالسين ..

عذبة : ها بشري بتيي ؟

اسما : يا رب اتيي .. بالغصب اقنعتها.. والحين بترمس امها ..

خالد باستغراب : منو ؟

عذبة : وحدة تهبل وتطيح الطيير من السما ..

اسما : اميه تباها حق أحمد ؟؟

عذبة تنرفزت : وشحقه مب ل خالد ؟

اسما : الصراحة انا قلتلها تعالي جوفي خطيبة خالد ..

عذبة بغيظ : اتخسي رويضو تاخذ خالد ..

خالد : هههههههه ها الواقع عذبو .. انزين منو هاي ؟

عذبة : بنت يارتنا .. يا هي حلوة وخلوقة .. والله يا حظ اللي بياخذها ..

خالد : اوب اوب .. اونها عاد ..

عذبة : صدقني يوم بتجوفها بتطيح واقف ..

خالد : ههههههههه يالله ..

اسما : قلتلها تكشخ شرات ما خبرتيني..

خالد بملل : والله فاضيات ..اقوم واسير اجابل أشغالي أحسن ..

عذبة : وين وين .. والله ما تشبر برع البيت اليوم فاهم ؟؟

خالد : اتخبرج انتي ما عندج ريل ولا شو سالفتج ؟ 24 ساعة يالسة ف بيتنا !

عذبة : مالت عليك .. حميد دوم الا في الشركة ..وما يخلص الا المسا .. وبعدين تعال منو قال 24 ساعة .. ها يزايه ياية أملي عليكم البيت ؟!!

خالد : بس بس ولا تزعلين .. خلاص حياج الله .. انزين شحقه اتم في البيت ؟

عذبة : اباك بسالفة ( وبخبث ) لو تنطبق السما ع الأرض ما تاخذ رويض ..

.

.

وقت العزيمة ..

البنات كانن كاشخات وشالات البيت شل بسوالفهن ..

منوة بعد محاولات كبيرة مع امها طاعت تخليها تسير وسارت وياها ..

من اول ما وصلت منوة على طول سحبوها ل فوق عند البنات ..

و امها تمت ويا الحريم ..

.

.

روضة : واشحقه ما كنتي تزورينهم قبل هالفترة ؟

منوة بإحراج : لان ريل امي كان مانعنا من الظهرة .. ومن اميه تطلقت منه بدينا نظهر للناس ..

روضة بغيرة : انزين وشحقه مطولة شعرج ها ؟

عذبة : عوذ بالله انتي شو يخصج ؟

روضة : انزين عادي أنا أسأل بلاج انتي ؟

عذبة : يالله .. اسإلي شرات الأوادم .. شو ها !

منوة بكبرياء : عادي خليها ع راحتها ..

عذبة : فديتج الا انتي طيبة وع نياتج ..

روضة بغيظ : شو قصدج ؟

**لحن آلأمل** · 28-03-2011, 02:33 PM

رد: لأننـــي خادمــــــه/ روايه اماراتيه رائعه /كامله

عذبة : اللبيب بالإشارة يفهم .

اسما : خلاص عاد بلاكم ..

رن تلفون عذبة ..

جافت الاسم جان تبتسم بخبث : اقول منوة حبيبتي تعالي اباج بسالفة ..

روضة : وهالسالفة ما تنقال جدامنا ؟

عذبة : انتي ما يخصج يالرزة ..

وظهرن من الحجرة ..

يلست عذبة تمشيها الين الصالة اللي مجابلة قسم خالد ..

ومنوة قلبها يدق ..

ما تدري عذبة انها على علم بكل شبر ف ارجاء هالبيت !

عذبة : منوة حبيبتي برد ع ريلي وبييج .. لا تتحركين ..

منوة بخوف : شو السالفة ؟

عذبة : ههههههه ماشي ماشي .. الحين بتعرفين ..

ومشت عذبة عنها وردت دشت حجرة اسما ..

تمت يالسة لدقايق جيه محتارة تتريى عذبة ..

الين ما انصدمت بصوت القفل ينفتح من حجرة خالد ..

خالد ظهر بكشخته اللي تخبل ..

وانصدم بهالملاك الموجود ..

ما عرفها انها هي نفسها منوة لان فعلا منوة تغيرت 180 درجة عن قبل ..

منوة شهقت : خالد ؟؟؟

خالد استغرب في البداية .. لكن من تأمل ملامحها عرفها ..

منوة ..

.

.

فز الخفوق

فز الخفوق وقلت يالله عسى خير

أ ثر الليالي عاد غايب قمرها

مع شوفته نشوه و فزه و تخدير

و عيون خلان(ن) تعانق نظرها

يفز له قلبي كما فزة الطير

و الرجل كن اللي تحتها غدرها

ا صبح عمري يا صباح التباشير

نوره ملا قلبي و روحي غمرها

عقب الفراق اللي تعدى المحاذير

يبس غصون القلب جافي دهرها

ربع بروحي عقب ماهي معاسير

سحابة(ن) هلت بقلبي مطرها

و اسقى بها زرعة هوانا بتقدير

غرسة غرام(ن) بالمحبه بذرها

يا عاذلين العين والله مخاسير

و اللي درى عن حال عيني عذرها

**لحن آلأمل** · 28-03-2011, 02:33 PM

رد: لأننـــي خادمــــــه/ روايه اماراتيه رائعه /كامله

تشوم عيني عن جميع الغنادير

و إن ناظرت عيني فوادي نهرها

يا ناس احبه و المحبه مقادير

هذا هوى نفسي و هذا قدرها

و الحب ماله يا اهل الحب تفسير

قلبين و الله بالمحبه امرها

لا جيت اصور حالة الحب تصوير

و أرد عن حالي لخلي خبرها

لقيت وجدي فوق كل التعابير

كل الشعر قطره و شوقي بحرها

.

خالد بلهفة : منوووة شحالج وشخبارج ... شو مسوية ان شا الله تمام ؟

منوة ما رامت ترد عليه لانها كانت مرتبكة من الخاطر !

خالد : والله يا حظي فيييييج .. معقولة !! .. عذبة تباج لي ؟؟ يا سلام ..

منوة وهي شوي بتصيح : دخيلك اسكت .. ( تذكرت ) هاك خالد ( ظهرت ظرف من شنطتها فيه موبايله و مبلغ محترم ) .. بليز لا تردني ..

خالد باستغراب : شو ها ؟؟

منوة مشت عنه بخوف : شكلي اليوم بنجتل بسبة عذبوووه .. انا براويها ..

ضحك خالد ع ردة فعلها ..

ويلس يجيك شو في الظرف ..

تضايج شوي ان منوة ردت له الفلوس ..

وف نفس الوقت كبرت ب عينه يوم جافها غالقة الموبايل من تاريخ اخر لقاء امبينهم ..

و حصل فوق 30 مسج كلهم من روضة ( هدوني عليها خلني اقطعها ! )

والله انج كبرتي ف عيني يا منوة ..

خلاص ما راح اتخلى عنج ..

انتي .. وبس ..

مشى عسب يدخل الظرف ف حجرته ..

ويوم دخله دشت عذبة ..

عذبة بفضول : ها شو رايك فيها ؟

خالد تنهد بحب : اباها عذبو .. ومابا غيرها ..

.

بعد ما عدت العزيمة ع خير ..

في الصالة..

عذبة وامها يالسات في الصالة ..

ام خالد : والله خاطري فيها ..

عذبة : فديتها والله تستاهل خالد ..

ام خالد : بس انا اباها لأحمد ..

عذبة : ويه ويه ويه .. شو قلتي اميه .. ليكون تبين رويض لخالد ؟

ام خالد : هيه .. ومنوة تاخذ احمد ..

أسما كانت يالسة تتصوخ الرمسة من عند امها وعذبة ..

**لحن آلأمل** · 28-03-2011, 02:37 PM

رد: لأننـــي خادمــــــه/ روايه اماراتيه رائعه /كامله

وعلى طووول طيران واتصلت بمنوة تبشرها بالخبر التعيس ! ..

أسما : يالله اميه تباج لاخوووويه ..

منوة بحيا : ايوا ..

اسما : والله وناسة لو يستوي عرس خالد واحمد ف يوم واحد ..

منوة بحب : ان شا الله ..

اسما : واو .. روضة وخالد ف قسم .. وانتي واحمد في القسم الثاني من الكوشة .. يس !

منوة بصدمة : اشوووه ؟ احمد !!

/

\

/

\

نهاية الجزء الخامس عشر ...

**لحن آلأمل** · 28-03-2011, 02:40 PM

رد: لأننـــي خادمــــــه/ روايه اماراتيه رائعه /كامله

الجزء السادس عشر // الفصل الأول

اسما : واو .. روضة وخالد ف قسم .. وانتي واحمد في القسم الثاني من الكوشة .. يس !

منوة بصدمة : اشوووه ؟ احمد !!

أسما باستغراب : شبلاج منوة ؟ احمد فيه شي ؟

منوة تضايجت من الخاطر : اسما هب جنه المفروض ما نرمس عن سوالف شرات هاي ؟

اسما : والله سوري منوة بس من وناستي قلت بخبرج ..

منوة بحزن : لا عادي فديتج ..

اسما انحرجت منها : منوة غناتي برايج انا بخليج الحينه .. بتصلبج باجر اوكيه ؟

منوة : اوكيه مب مشكلة .. مع السلامة ..

.

سكرت عن أسما ولا إراديا نزلت دموعها بقهر ..

عيل ليش عذبة بغتني ل خالد ؟

أنا مب فاهمة شي يا ناس !

.

ما استوت دقايق الا وعذبة متصلتبها ..

تنهدت منوة بضيج ومسحت دموعها ..

منوة بحزن : الو ..

عذبة : هلا والله بالغالية .. شو وعيتج من الرقاد ؟

منوة : لا فديتج .. توني كنت ياية برقد بس ..

عذبة : انزيييين يا مرت اخويه ..

منوة تضايجت : مرت اخو مرة وحدة ؟

عذبة : هيه حبيبتي .. انتي مب شويه ..

منوة بدون نفس : مشكورة وما قصرتي .. بس بعد مرت اخوج شويه قويه ..

عذبة : لا والله ؟ تدرين ان خالد تخبل علييييييج ؟؟ لا بعد تم يقول اباها عذبو .. ههههههههه يا بوج يننتي الريال .. بس تصدقين غريبة انه ما سأل عن اسمج !! .

منوة ارتبكت وحبت تغير الموضوع : ماشا الله انتي تبيني لخالد واسما تباني ل احمد ..!!

عذبة تنرفزت : لا تقوليلي انها اتصلتبج وخبرتج عن سالفة اميه ؟

منوة بضيج : هيه من شويه كانت ترمسني ..

عذبة بغيظ : هاي اسوم يبالها كف .. اصلا نحن ما نتشرف ناخذ رويض السووووسة ! ..

منوة بفضول : أتخبرج عذبوو .. انتي شحقه مب طايجتنها ؟

عذبة صخت شويه عقب رمست بغيظ : لانها السوسة وراس الفتنه فهالعايلة ! ..

منوة باستغراب : ما فهمت ..

عذبة بقهر : روضة سوووسة وما ترتاح الا يوم تدمر الواحد .. اسإليني عنها والله اني فاهمتنها ..

منوة بصدمة : معقوولة ؟!

عذبة : والله صدق .. روضة اذا خذت خالد بتحطمه .. وانا ما ارضى لاخويه انه يتحطم واسكت لها ..

منوة : بس يا عذبة انا من شفتها ما حسيت انها جيه ..

**لحن آلأمل** · 28-03-2011, 02:41 PM

رد: لأننـــي خادمــــــه/ روايه اماراتيه رائعه /كامله

عذبة : لانها حية وسوسة من تحت لين تحت .. مدام هيه ما فيه خير لأخوها تهقين يكون فيها خير ل خالد ؟

منوة : والله ما فهمت ..

عذبة بصوت كله ألم : روضة كانت السبب في انه اخوها سيف يودرني .. انا كنت محيرة له من صغرنا وكل الناس تعرف بهالشي .. ومرة من المرات انا تضاربت ويا رويض .. اتخيلي عسب تنتقم مني سارت قالت عني اني هب زينة واني ألعب على سيف ومن هالخرابيط .. ومن هاييج الحزة سيف كرهني ولا عاد ايي بيتنا الا نادر .. واتخيلي القهر انها يتني تقول انها هي بنفسها كرهت سيف فيه لاني ما أستاهله!

منوة بصدمة : معقولة ؟!

عذبة بحزن : انتي ما تدرين كيف كانت حالتي صعبة عقب ما قالتلي .. بس الله فوق وانقذني ويا حميد وخطبني .. والحمدلله ظهر حميد ريال والنعم فيه .. ولا حتى سيف يوصل له بأخلاقه و طبايعه ..

منوة : انزين ما تتوقعين ان ممكن الله هداها الحين ؟

عذبة بغيظ : يمكن .. بس بعد ما بغيها لأخويه ! ..

منوة : انزين وامج ؟ تراها تباها ..

عذبة تنهدت : اميه روحها سالفة .. تبا ترضي خواتها عسب يلتمون حولها على حساب مشاعر عيالها ..

منوة : والله حرام ! ..

عذبة : ما عليج انتي من هالسالفة .. ويلا خلج مستعدة .. بني نخطب ف أي وقت .. المعرس مستعيل ويا ويهه ^^ ..

منوة بضيج : دخيلج عذبة .. هالسوالف انا ما حب ارمس عنها ..

عذبة : عاشت عاشت اللي تستحي .. ههههههههه عروس عروس ..

منوة بحزن : يلا عاد عذبووو ! ..

عذبة : انزيييين خلاص هههههههه .. يلا سيري ريحي الحييين وارقدي .. نوم العوافي يا رب ..

منوة : الله يعافيج ..

.

اليوم الثاني ..

و الكل يالس ع الغدا ف بيت بو خالد ..

عذبة وهي متعمدة ترمس جدام أبوها : ابويه حصلنا عروس حق خالد ..

ام خالد وقفت الأكل وتمت تطال عذبة بغيظ ..

بوخالد : ماشا الله .. بنت منو ؟

عذبة : بنت المهندس محمد الله يرحمه .. اللي ساكنين ف فريجنا ..

خالد : ماشا الله ونعم الأخلاق .. والله انك عرفت تنقي يا خالد .. بالمبارك عليك ..

خالد شق الحلج : الله يبارج ف حياتك يالغالي ..

ام خالد بغيظ : واشحقه مستانس ها ؟ هب جنه يا مدام عذبة انا قلت بنت محمد لاحمد ؟

احمد : بسم الله ! .. شبلاج اميه خالد يباها .. حلال عليه ..

خالد يطالع احمد بفخر : تعجبني الصراحة ..

ام خالد غيظت زيادة : خالد ما بياخذ الا رووووضة .. فاهمين ؟؟

خالد بعصبية : لو تنطبق السما ع الأرض مب ماخذنها .. يا تزوجيني بنت محمد .. يا اني ما اعرس ..

ام خالد : لا والله ؟ وروضة ؟

**مناور** · 28-03-2011, 02:44 PM

رد: لأننـــي خادمــــــه/ روايه اماراتيه رائعه /كامله

عذبة بقهر : روضة سوسة وما ترتاح الا يوم تدمر الواحد .. اسإليني عنها والله اني فاهمتنها ..
منوة بصدمة : معقولة ؟!
عذبة : والله صدق .. روضة اذا خذت خالد بتحطمه .. وانا ما ارضى لاخويه انه يتحطم واسكت لها ..
منوة : بس يا عذبة انا من شفتها ما حسيت انها جيه ..

\

الاقتباس ...

القصة ذات معاني كبيرة ولا اتوقع لها الا نجاحك المعهود..............

التنكر للغير ليس الا سوسة تهدم...

**لحن آلأمل** · 28-03-2011, 02:44 PM

رد: لأننـــي خادمــــــه/ روايه اماراتيه رائعه /كامله

عذبة باندفاع : الله يرزقها الريل الصالح .. بس هب خالد ..

أحمد نش من على الكرسي وطالعهم بغيظ : اميه انا ابا روضة .. والحين تسيرين تخطبينها لي .. وان ما خطبتيها انسي ان عندج ولد اسمه أحمد ..

ودز الكرسي بالقو من غيظه .. وظهر من عندهم ل حجرته ..

عذبة بدهشة : ها بلاه ؟؟ ما صدقنا نفج لزقة رويض من خالد .. الحين هو يباها ؟؟!! ..

/

\

/

\

يتبع //

**لحن آلأمل** · 28-03-2011, 02:48 PM

رد: لأننـــي خادمــــــه/ روايه اماراتيه رائعه /كامله

الجزء السادس عشر // الفصل الثاني

عذبة بدهشة : ها بلاه ؟؟ ما صدقنا نفج لزقة رويض من خالد .. الحين هو يباها ؟؟!! ..

خالد : أي لزقة وأي خرابيط يا عذبة ؟ احمد هب طبيعي .. شو صابه ؟؟

ام خالد برعب : بو خالد الحق علينا بلاك ساكت جيه .. انطق .. تكلم !! ..

بوخالد قام من مكانه : في يوم تدخلت بينكم يوم ضاربت سيف على سالفة عذبة .. واستوت قطيعة عودة مدتها شهور .. وهددتيني ما اتدخل مرة ثانية .. تذكرين يا ام خالد ؟

ام خالد ارتبكت : بس هالسالفة تخص ولدك الحين ..

بو خالد : تراه يبا ياخذ بنت اختج .. زوجيه وفكينا من الصدعة ..

ام خالد بإصرار : أنا أباها لخالد !

بو خالد : والله كيفج .. تبينه يظيع من ايديج انتي حرة .. بعدين لا تقولين يا ليتني زوجته ! ..

مشى بو خالد عنهم و سار فوق ..

بينما اسما وعذبة .. وخالد وامه .. تموا حيرانين ..

اسما : والحين شو بتسون ؟

عذبة بغيظ : انتي تعالي شحقه رمستي منوة وقلتيلها ان اميه تباها لاحمد ؟

خالد تينن : احمد ؟؟ ياخي شو سالفتكم انتوا ؟؟

عذبة : لا تحاتي .. قول زين ان البنية قالت انها ما تحب ترمس فهالسوالف ولا جان رحنا فيها ..

اسما : وانا شدراني.. سمعتكم ترمسون وخبرتها ..

خالد بقهر : CNN حشى مب اسما ..

ام خالد : وليدي يهددني وبيروح عني .. وانتوا مشغولين بام المشاكل منوه ؟؟؟

عذبة بقهر : اميييه .. منوة ما يخصها .. يالله عادة رويض النحسة مول ما سوت مشاكل .. ترى بسبتها أحمد غيظ علينا ..

ام خالد : لو هاييج منوة ما كانت موجودة جان على طول زوجنا خالد روضة ..

عذبة : هيه ترى احمد كان بيخليكم .. اميه جيه احسن .. ع الأقل احمد هب حاقد على خالد ..

خالد بضيج : بسير أرمسه ..

عذبة : الله يهديه ان شا الله ..

.

.

**لحن آلأمل** · 28-03-2011, 02:52 PM

رد: لأننـــي خادمــــــه/ روايه اماراتيه رائعه /كامله

وسار خالد حجرة احمد ..

خالد دق الباب : ممكن أدش ؟

احمد كان متساند بإيديه بحيرة ..

خالد يحاول يلطف الجو : ها ما جوفك يالس ع اللابتوب ؟؟!

احمد : اووه يا خالد .. اظني انته عارف اشحقه انا متضايج ..

خالد : اوكي ما اختلفنا .. بس ماله داعي انك تتضايج من الأساس .. ياخي خذها منو يودك ؟

احمد : ترى اميه تباها لك ..

خالد : كانت تباها لي لاني العود .. والحين يوم درت انك تباها رضت .. واستوى كل شي عادي ..

احمد تهلل ويهه : احلف ؟

خالد : لا اتمصخر عليك انا ويا هالويه ..!

أحمد : هههههههه ..

خالد بامتنان : مشكور يا احمد ..

احمد باستغراب : ع شو ؟

خالد : على انك خطبت روضة ..

احمد : انته ليش ما تباها ؟

خالد : لان قلبي تعلق ب منوة .. ولا غيرها قدر يحتله ..

احمد بشك : جيه من متى انته تعرفها ؟

خالد ارتبك : ها .. جفتها مرة وحدة .. بس حسيت ان هالانسانة اللي تناسبني ..

احمد : اونك عاد .. خويلد .. تهقى اميه تسامحني ع الحركة البايخة اللي سويتها ؟

خالد : اكيد ما يبالها رمسة .. سير لها واستسمح منها ..

احمد : يالله انزين نش ويايه .. تراني ما عرف شو اقول فهالمناسبات خخ ..

خالد : ههههههههه مناسبة ها ؟؟

.

ونزلوا لأمهم اللي تمت ويا عذبة بس ..

احمد يحب راسه امه : اميه اسمحيلي ع اللي سويته من شوي ..

ام خالد تطالعه بحزن : حرام عليك يا احمد .. جيه تسوي بأمك اللي تحبك وتحاتيك ؟؟ جان قلتلي من زمان كنت خطبتها لك ..

خالد وعذبة طالعوا بعض بغباء ..

احمد افتشل وصد على خالد وعذبة وطالعهم بعبط ..

خالد : هيه هيه .. كله احمد يدلعونه ..

عذبة : بسك خلود اكثر واحد مدلع انته ..

خالد يسوي لها مالت : من زين ويهج يا الكريهة .. تعالي وينه حميد ؟

عذبة غيظت : هيه هب فاضي لنا .. تو الناس .. صباح الخير .. تراه الصبح يا وسلم على اميه وابويه ويابني هني لانه بيسافر ..

احمد : وين ؟؟

عذبة : افغانستان ..

خالد بخبث : يا حيك يا حمييد .. اسميك بتطيح على الحسن كله .. العيون العسلية اللي جنها عيون المها .. ولا الحواجب .. رهييييبة ..

احمد ع نفس الموجة : ولا شعر الشنب الله يخليك ..

خالد : هههههههه ..

عذبة بقهر : عسب جييييه من طلبوه للدورة هناك طاع على طول .. ما عليه انا براويه ..

ام خالد : حشى هب صاحية انتي .. جوفي ويوههم وهم يستهبلون عليج ..

لأنني خادمه/ روايه اماراتيه رائعه /كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget