تويت
رد: لأننـــي خادمــــــه/ روايه اماراتيه رائعه /كامله
عوافي سروبه
كمليها الله يسعدك
نبي نعرف وش رد ام خالد على خالد يوم سألها..
عوافي سروبه
كمليها الله يسعدك
نبي نعرف وش رد ام خالد على خالد يوم سألها..
-
-
رد: لأننـــي خادمــــــه/ روايه اماراتيه رائعه /كامله
الجزء الحادي عشر // الفصل الثانيام خالد تفاجأت : اشووه ؟؟ (ارتبكت) خويييييلد من وين يايب هالرمسة ؟؟خالد شك ف السالفة : بلاج اميه انا أسأل ؟؟ام خالد غيظت : انته تدري ان رمستك هاي عودة ؟؟ شو وين تبا انته ؟خالد باستغراب : عادي اميه مجرد سؤال اشحقه غيظتي ؟ام خالد : لا والله ؟؟ اشحقه اغيظ ؟؟ بنتي مخطوفة من سنة وحطبة .. وانا يالسة مستانسة ؟؟ شو هالرمسة ها ؟خالد ارتاح نفسيا : مادري قلت يمكن يعني ..ام خالد تطالعه بشك : انته حد تارس مخك . .شو سالفتك ؟خالد : ها .. ههههه .. ولا شي .. تعالي اميه .. تهقين الام لو انخطفت بنتها .. شحقه تسكت عنها كل هالسنين ؟ام خالد : ويه يا خالد .. عادي يمكن توفت الام عقب هالحادثة .. ولا يمكن ريلها ما يبا فضايح ..خالد : حشى انزين هاي بنته !!ام خالد : عادي يمكن ماخذه ريل ثاني ..خالد : حسبي الله عليه جان ما خلاها ..ام خالد ردت تطالعه بشك : انته عندك شي .. قوله احسن ..خالد : هههههه لا تحاتين امايه انا جيه بس كنت افكر فهالسالفة .. وفضفضت لج ..دخلت عذبة : وانا يا خلود النحس .. شحقه ما تفضفض لي ؟خالد ابتسم : مقبولة منج يا العروس .. شسويبج امي تسأل وانتي ولا عندج خبر ..عذبة : هي اعترف انك ما تتشرف اكون بير اسرارك ..خالد : ايييها .. خلج ويا الهرم حميد .. شو تبين فيه انا ؟ام خالد : تعالي عذبة .. حميد ما ياب فلوس الكوشة ؟عذبة : لا اميه .. حميد خبرني انه بيعطي راعي الكوش الفلوس عقب ما يجوف شغله ..ام خالد : خله يستعيل .. ترى ما تم شي على عرسج .. بعدين تعالي .. اشحقه يرمسج الحينه ها ؟خالد بغباء : ريلها .. كيفه يرمسها متى ما بغى ..ام خالد : ادريبه ريلها .. بس خلهم يثجلون شوي .. حشى بيملون من بعض بسرعة ..خالد وطاري منوة على باله : والله انا واحد ما اروم ما ارمس حرمتي ..عذبة وام خالد طالعوا بعض باستغراب ..عذبة : حرمتك ها ؟ جيه خلاص ناوي تخطب ؟خالد : ان شا الله جريب ..عذبة بفرحة : والله ؟؟ تعال ليكون حاط عينك على وحدة معينه ؟خالد ارتبك : ها ؟ام خالد تقاطعه : اكيد بدون لا يرمس .. روووضة فديت روحها ..عذبة بغيظ : نعم ؟؟ صدق الرمسة يا خويلد ؟؟ عاد ما شي الا رويض ؟ام خالد : بلاج تقولينها بليا نفس .. ولا جنج ما تدرين ان روضة محيرة لخالد ؟؟عذبة : ويه ويه ويه .. هاي تاخذ خالد ؟؟ تخسى وتهبى .. حشى اميه جيه شو ناقصنه خالد عسب تيوزينه هاي ؟؟ام خالد غيظت : عذبوو .. شو تقصدين يعني ؟؟عذبة بقهر : اللي سمعتيه يا اميه .. انا هالروضة ما أبلعها ..خالد ببرود : شربي ماي هههههههه ..ام خالد تستنجد بخالد : دخيلك سكت اختك .. شكلها مب ناويه تعدي هالليلة على خير ..خالد : هههههههه انزين شحقه انتي مشتطة عذبو ؟عذبة : اميه .. حشى شو حصلتي ف روضة .. لا جمال ..ام خالد تقاطعها : الجمال مب كل شي .. بعدين البنية زوينه ..عذبة : ما عليه خلي الجمال .. الأخلاق . حشى اميه هاي مول فاصخة الحيا ..خالد يطالع امه باستغراب : وتبيني اخذها ها ؟عذبة : امك يوم تحلى ف عينها البنية تنسى كل فعايلها وسواياها ..ام خالد : عذبو بلاج ع البنت .. ايه هاي بنت اختي ..عذبة : بنت اختج ع العين وع الراس .. بس انها تاخذ خالد لاء والف لاء ..ام خالد : ايه .. خالد اللي بيعرس مب انتي ..عذبة : هي عقي عقي عيالج ع بنات الناس .. وعقب طيحي تعبانة علينا من بلاويها و سواياها ..ام خالد طالعت عذبة بغيظ ..خالد : خلاص اميه انا ما بنقي الا وحدة على مزاجي ..طالعتهم ام خالد بنظرة احتقار ..وشلت عصاها ومشت بانكسار : اخر زمن .. ايام اول ما كنا نروم نطالع ويوه امهاتنا ونراددهم .. والحين يسكتوننا وفوق ها يخالفون شورنا ويراددونا .. ( بقهر ) حسبي الله ونعم الوكيل ..وظهرت من حجرة خالد ..خالد يدز عذبة : نشي اعتذري لها ..تعليق
-
رد: لأننـــي خادمــــــه/ روايه اماراتيه رائعه /كامله
عذبة : اووه يا خالد .. انا ما قلت شي غلط .. بس روضة صدق ما تصلح لك .. روضة متفتحة وايد .. كل شي free عندها .. عادي عندها تظهر شعرها جدام الرياييل .. كل شي حلال عندها ..خالد : بس مهما كان .. وبغض النظر اذا انا خذتها او لا .. بتم هاي بنت خالتج ..عذبة بانفعال : يا سلام ؟ تباني اجوف حياتك تتدمر جدامي واسكت ؟خالد : وشحقه مغيضة من الأساس ؟؟ اصلا انا روضة شالنها من بالي .. بس شو نسوي .. امي ولازم نسايرها ..عذبة : لا والله ؟؟ كيف بتسايرها بعد ؟خالد : طبعا ما بقولها موافق اتزوجها . .بس من بحس ان البنت اللي اباها موجودة بخبرها وبترضخ لي ..عذبة : هيه جيه طمنتني ..خالد : تعالي صح .. انتي عاطيه رقمي الثاني حق روضة ؟عذبة باستغراب : لا .. ( تذكرت ) هيه امسات اسمو خذته عني .. اشحقه ؟خالد : فشلتني والله .. انا هالموبايل عطيته ربيعي .. قالي ان في مسج حب وصل لي منها .. ولا كاتبه اسمها بعد .. تخيلي ردة فعلي جدامه !! ..عذبة شهقت : كله من اسمو الغبية .. انا بخبرها تهدد المستخفة ..خالد : هههههههه ايه بلاج كارهتنها جيه ..عذبة : خلها تولي عنك .. (تطالعه بتمعن) تعال انته حاط ف بالك وحدة تباها ؟خالد ارتبك : ها .. لا ..عذبة : خويييلد .. هالسوالف ما تطري علي انا .. انت طول عمرك ما تداني طاري الزواج .. ويوم نطريه جنه طرينا ابليس .. شو استوى بك فجأة ؟ جيه مرررة حبيته ؟خالد يتهرب : ما حبيته .. بس مهما كان .. ما في واحد ما يتمنى يكون عنده عيال يشلون اسمه ..عذبة بشك : ولو اني مب مصدقتنك يالخراط ..خالد دزها : انا خراط ؟عذبة بتحدي : هييييه ..خالد : اقول مالت عليج عاطنج ويه انا .. ذلفي برقد .. ها بعد عروس وسهرانة .. انا حرمتي لو تتم لين الساعة 10 ما بخليها ..عذبة : ها جفت ؟؟ بعد رديت وطريت هالسالفة ..خالد : هههههههههههههه ذلفي احسن ..عذبة : مب مشكلة .. اللي في الجدر يطلعه الملاس يا حلو ....اليوم الثاني ..سار خالد عند منوة ..كان حاس انه لازم يبشرها انها مب اخته ..منوة بدون اهتمام : والله ؟؟ زيين ..خالد : منو شبلاج ارمسج من الصبح تكلميني بدون نفس ؟؟منوة نشت بقهر وفرت عليه الموبايل وسارت ..على طول كانت الشاشه ع ال Inbox في مجلد الرسايل ....صدقني من عرفتك وانت لي كل المشاعر..ياما في حبك حبيبي افتخر دايم وأكابر..وين ألاقي مثل قلبك في زمن قاسي وغادر..مثل طبعك يا حياتي صعب في الدنيا ونادر..انت في عمري حكايه وانت لي اجمل مشاعر..(روضة)..عليك .. وفيك .. كل الحلى ذاب..يامنتهى حلم الغلا والمحبة..عجزت اعرف بناظري سر الاعجاب..يامن عطاه احلى حلا الناس ربه..ثقل وعقل .. واسلوب ساحر وجذاب..أنا اشهد ان لي حظ في حبه..(روضة)..تم يطالع المسجات ..مسج ورا مسج ..وكلها بأسامي روضة ..حسها كلها تافهة ..الا هالمسج ....خالد أنا أدري انك تحبني بس تتغلى ..انا عندي استعداد أظهر وياك واسافر معاك ..لو تباني اكون زوجتك بالسر عادي عندي ..تعليق
-
رد: لأننـــي خادمــــــه/ روايه اماراتيه رائعه /كامله
تدري ليش ؟؟ لاني احبك والكل يحسدني ..(روضة)..هز راسه بحيرة ..هاي شو الحل وياها ؟؟!!خالد يزاقر : منوة تعالي ..منوة يت صوبه ويلست بعيد ..خالد : منوة انتي لا تتصورين اني ممن اتزوج ولا أحب اروضة .. روضة هاي ف حياتي ولا شي .. ولا شي .. ومن بعد هالمسج كرهتها صدق ..منوة بحزن : خالد انا ما اطلب منك تثبت لي شي .. انته حر في علاقاتك ..خالد بغيظ : لا مب حر .. يا منوة لو انا كنت اجذب عليج جان ما جفتيني سويت كل ها .. انا احبج يا منوة ..منوة تصيح : خالد الله يخليك لا تعذبني .. انا هندية .. تعرف شو معناة هالشي ؟خالد بتحدي : هيه اعرف .. اعرف عدل بعد ..منوة صاحت بقوة : يعني ع الهامش .. ع الحضيض .. (تنزل راسها بانهيار) انا ولا شي .. ولا شي !!..خالد بحزن : منوة تفاءلي بالخبر ..منوة : كيف اتفاءل وانا حتى ما عندي أي دليل يثبت ان هلي موجودين ؟خالد : وانتي ليش دوم متشائمة ؟ ليش ؟؟منوة بانهيار : لاني عادي اكون بنت شوارع .. لقيطة .. أي شي فهالدنيا ..ويلست منوة تشهق من كثر الصياح ..خالد بهدوء : منوة انتي اسمعيني ..قطع عليه رنة التلفون .. برقم غريب ..خالد : الو ........ : مرحبا خالد ؟ وياك بو فايز ..خالد بصدمة : بو فايز ؟؟ ( منوة رفعت راسها ) ..بو فايز : عندي لك خبر يسوى ملايين ..خالد : بهالسرعة ؟؟ شوو ؟بو فايز : تخيل يعقوب ياني بارحة .. وعطاني مستندات تخص منوة عسب احرقها .. عن حياتها واسم عايلتها ..خالد بصدمة : معقولة ؟؟بو فايز : كيفك مب مصدق لا اتي .. انا ناوي اعقهم ..خالد : لالالالا .. الحين ياينك .. اصبر علي ../\/\نهاية الجزء الحادي عشر ...تعليق
-
رد: لأننـــي خادمــــــه/ روايه اماراتيه رائعه /كامله
الجزء الثاني عشر // الفصل الأولبو فايز : تخيل يعقوب ياني بارحة .. وعطاني مستندات تخص منوة عسب احرقها .. عن حياتها واسم عايلتها ..خالد بصدمة : معقولة ؟؟بو فايز : كيفك مب مصدق لا اتي .. انا ناوي اعقهم ..خالد : لالالالا .. الحين ياينك .. اصبر علي ..بو فايز : بسرعة لاني مستعيل وعادي احرقهم ف أي وقت ..خالد : اوكي اوكي ..بو فايز : وشرات ما قلتلك .. من سبق لبق !خالد باستغراب : من سبق لبق ؟ شو السالفة ( سكر الخط ف ويهه ) الو .. الووو .. طاعوا .. (يطالع منوة) سكروا ..منوة بقلق و صياحها خف : جيه شو السالفة ؟خالد وهو يحاول يستوعب الموضوع : الا قولي سوالف مب سالفة وحدة !منوة : خالد !! بليز لا تخوفني ؟خالد يطالع منوة بتمعن : تدرين ان بو فايز اتصل بي وخبرني ان عنده اوراق تخصج وتخص ماضيج ؟منوة بصدمة : شو تقصد ؟!خالد : اقصد ان بنسبة 90% تحصلين هلج بعد كل هالسنين ..منوة وهي مصدومة اكثر : وتتوقع بيرضون فيه من بعد هالسنين كلها ؟خالد بألم : منوة انتي بنتهم .. معقولة ما بيرضون ؟!منوة وردت الدموع ف عينها : بس انا ما اباهم ..خالد تفاجأ : شووه ؟ يعني شو ما تبينهم ؟منوة وصوتها بدى يعلى : يعني ما أباهم .. ما أبا اعرف منو هم .. تفهم ؟!!خالد غيظ : ما ظني ان هذا تصرف وحدة عاقلة . انزين ؟؟منوة تصيح بقوة : عيل تباني اسير لهم واقول لهم انتوا هلي تعالوا خذوني ؟!خالد غيظ زيادة : لا خلج عيل عالة ع المجتمع .. ولا ردي خدامة احسن ف بيوت الاوادم ..منوة انهارت : شو قصدك يعني ؟؟ تعايرني مثلا ؟؟ ( بقهر ) ما لومك يا ولد الحسب والنسب ..خالد ما عرف بشو يرد عليها ..حسها مغيظة من الخاطر..دشت الحجرة وشوي الا وهي ظاهرة بعباتها وشيلتها وشالة شنطتها ..طالعته باحتقار : خلاص ما عاد لي مكان بين ناس يعايروني ..ما انتظرته يقول لها شي ..لان ما عاد له أهمية ..خالد شكله راح ينتهي شرات سيف ..مثل ما دخل قلبها بسرعة ..ظهر بسرعة !!..من بعد ما ظهرت من الفندق ..ما عرفت وين تسير ..بس كان هدفها الوحيد انها تلقى مكان يضمها ويداوي جراحها ..ركبت التاكسي .. وخالد كان وراه ..وصلها راعي التاكسي لمكان شبه مهجور ..تعليق
-
رد: لأننـــي خادمــــــه/ روايه اماراتيه رائعه /كامله
في عمارة سكنية متهالكة بعض الشيء ..كانت هالعمارة عبارة عن شقق سكنية مفروشة رخيصة للإيجار ..فانوس ( الناطور) : خلاص يا بنتي مش مشكلة .. اديني 500 درهم في الشهر ..منوة تنهدت : دخيلك راعني .. انا على قد حالي ..فانوس : الاه ؟ دانتي عاوزة شقة كاملة وبتتشرطي كمان ؟منوة بألم : خلاص مابا شقة كاملة .. عطني ولو غرفة بس ..فانوس : مش مشكلة .. حديكي غرفة وحدة ب 150 في الشهر .. بس دي الغرفة صغيرة اوي .. وكمان هيه موجودة بجنب عيلة كبيرة ..منوة بخوف : لالالا .. شو تباني اعيش بين ناس ما اعرفهم يعني ؟فانوس : يا بنتي مللتيني .. طب ازا مش عايزة اتوكلي على الله ..منوة بضعف حيلة : خلاص امري لله ....خالد تم يلوم نفسه طول الدرب وهو يلحق التاكسي ع الكلام اللي قاله ..هو دوم يوم يغيظ ما يحاسب ع رمسته ..بس منوة صدق كانت ترفع الضغط والسكر ..بعد ما اندل مكانها .. مشى بهدوء من غير ما تحس به ..وما كان هامنه يعرف هي ف أي غرفة ساكنة ..كثر ما كان هامنه يكتشف .. منو هم هل منوة !!..ف بيت بو فايز .بو فايز باستغراب : انا اتصلت بك ؟ متى ؟خالد بتوتر : بو فايز دخيلك لا تحرق اعصابي ..بو فايز : ياخي بشو تباني احلف لك ان ما عندي رقمك ؟؟خالد يفكر : هيه صح .. انا يوم قلت لك عطني رقمك ما طعت .. ولا انا عطيتك رقمي ..بو فايز : جفت ؟؟خالد بحيرة : عيل منو ؟بو فايز : وانا شدراني ؟؟شوي .. الا وتلفون خالد يرن ..خالد لاحظ رقم غريب ثاني : الو ..الريال : هههههههه شرات ما توقعت .. وصلت يعني لبيت بوفايز ها ؟خالد بصدمة : منو انته ؟الريال : عمك وتاج راسك ههههه .. خبرني .. بعدك مصر تعرف منو منوة ؟خالد بقهر : وانته اشحقه تتلاعب باعصابي ؟الريال : الا قول انته اشحقه راز ويهك ف سالفة منووه الخايسة ؟خالد غيظ : الخايس هو انته يا عديم الأخلاق ..الريال : والله حالة .. يهالو ولسانهم اطول عنهم ..خالد : لو انته ريال جان واجهتني .. يا الجبان ..الريال : هه .. انا مب جبان .. والدليل اني يالس ارمسك وانا مجابلنك ..صد خالد على بوفايز بصدمة ..بس ما كان يرمس بالتلفون !الريال : فج الدريشة وبتجوفني ..ركض خالد صوب الدريشة ..وجاف واحد عند كابينه التلفون العمومي يأشر له وكأنه يقوله ( باي باي )خالد غيظ : يا حقيييييير ..تعليق
-
رد: لأننـــي خادمــــــه/ روايه اماراتيه رائعه /كامله
الريال : ههههههههههههههوسكر الخط ف ويهه ..ظهر خالد من بيت بو فايز وعلى طول ركض صوب الكابينة ..بس شرات ما توقع ..محد !رن تلفونه مرة ثانية ..اتلفت خالد حوله يدور كابينه ثانية ..خالد بغيظ : يا حقير !الريال : هالمرة انا في الكابينة اللي ورا بيته هههههههه ..ورد خالد يركض لورا بيت بو فايز ..ونفس الشي ما حصله ..وتواصلت الاتصالات اللي يننت خالد !..اما بالنسبة لمنوة ..اللي الأقدار صبتها انها تعيش في جناح عايلة كاملة غرفهم مفتوحة على بعض ..وهي من بينهم .. مجرد متطفلة !اللي فاجأها انهم مواطنين .. بس شو اللي سكنهم هنيه ؟!!شو اللي حدهم يودرون البيوت الزينة وايون هني ؟؟دخلت حجرتها ونست تقفل الباب ..وبالغلط شيلتها طاحت وهي ترتب شنطتها ..دخل شاب طول وعرض فجأة بدون ما يدق الباب ..الولد يطالعها بتمعن : مرحبا .. حيا الله من يانا .. وياج عبيد ..منوة لبست شيلتها بسرعة وبخوف : شو تبا ياي هني ؟عبيد : افا عليج ترانا جيران الحين ..منوة : هذا ما يعني انك تدخل الحجرة بليا احم ولا دستور ..عبيد : ههههههه .. سوري ..منوة بغيظ : وقح ..عبيد : ههههه مقبولة منج يا وقحة ..منوة غيظت زيادة : وقحة يوم فكرت أكلمك يا غبي .. اذلف عن ويهي لا بارك الله فيك ..عبيد رفع حاجب واحد : على فكرة تراني شرطي .. كلامج هذا يوديج ف ستين داهية ..منوة تنهدت وحاولت تاخذه باللين : انزين شو تبا ؟عبيد : ممم ندردش بس .. انا شرطي وانتي شو ؟؟منوة عقدت حواجبها : انا ما اشتغل !عبيد : وعندج جنسية ..منوة ارتبكت : اكيد .. ليش هالسؤال ؟عبيد : لاني انا بس حامل الجواز .. واتريى الجنسية .. عيل دام عندج جنسية شو يابج هنيه ؟منوة ارتبكت بوضوح : نعم ؟!/\/\يتبع //تعليق
-
رد: لأننـــي خادمــــــه/ روايه اماراتيه رائعه /كامله
الجزء الثاني عشر // الفصل الثانيمنوة ارتبكت بوضوح : نعم ؟!عبيد باستغراب : بلاج ؟منوة تداركت نفسها : ماله داعي اقولك شي عني ..عبيد : ليش ؟منوة : لاني لا اعرفك ولا تعرفني عسب اشرح لك شي عن ماضي عشته ..عبيد باستنكار : ما توقعه ماضي مشرف !!منوة غيظت : لو يكون أخيس ماضي فهالدنيا .. انته ما يخصك فاهم ؟!عبيد وهو ظاهر : بسيطة على راحتج .. انا كنت ياي أساعدج بس .. بس شكلج ما تبين ..منوة : الله وياك ..تنهدت منوة .. وقفلت باب الحجرة البالية ..كانت أشبه ببيت فتحية .. بس الفرق ان هاي بليا صراصير وفيران ! ..ما وحى لها تنسدح ع الشبرية ..الا ودق الباب يعلى ويعلى ..منوة فجت الباب بضيج : نعم ؟الحرمة : وه وه وه .. سلامن عليج .. انا يارتج ام عبيد ..منوة بقلق وهي تسمع اسم عبيد : هلا فيج الغالية ..ام عبيد دشت بليا اذن : ها ناويه تسكنين على طول هني ؟منوة : مادري .. حسب امكانياتي ..ام عبيد بفضول : تشتغلين ؟منوة : مع وقف التنفيذ !! ..ام عبيد ما فهمت بس اونها عاد : هييييه يمدحون هالشغلة .. شو الاخت بدون ؟منوة طالعتها برعب : وهذا بشو يهمج ؟؟ام عبيد : وييه انا ما قلت شي ..دشوا جيش يهال وراهم ثنتين كبار ..سهام : اميييه عيسو ضربني ..ام عبيد شهقت : اللي ما يستحي .. هذا وانتي يايبتله 5 اولاد ؟سهام : يبا بنية ويا ويهه جان اقوله صدق انك ويه فقر .. جان يضربني ..ام عبيد : حسبي الله عليه .. الله فوق .. الله بيراويه .. انتي صبري كم يوم وبيي ..سهام تطالع منوة : انتي اليارة اليديدة ..منوة : الظاهر جيه !سهام : انا سهام .. وهاي ( تأشر ع البنت اللي حذالها) مرت اخويه فوز ..منوة عقدت حواجبها : اها ..سهام تصارخ : عبود ويهد .. حمود النحس قوم عنه ..ام عبيد : فوز وينه ريلج ؟فوز بدون نفس : يعني وين مثلا ؟؟ ف شغله ..ام عبيد : الله والشغل !!!منوة كان باين من ويهها انها ملانة منهم ..ام عبيد بخبث : عبيد خبرني عنج ووصاني عليج ..منوة : اها ..وتموا يسولفون ..تعليق
-
رد: لأننـــي خادمــــــه/ روايه اماراتيه رائعه /كامله
مع مرور الوقت ..تمت فوز مع منوة ..فوز : ادريبج مليتي منهم ..!منوة ارتبكت : مب جيه السالفة . .بس يعني انا تعبانة وجيه ..فوز بخبث : تدرين ان عبيد حاط عينه عليج ؟منوة باستغراب : لا والله ؟؟ مسرع ..!!فوز : الله يخليج هالعايلة ما يصدقون حد يسكن هني عسب يخطبونه ..منوة باستغراب : معقولة ؟!فوز : لا تستغربين .. عندج انا وحليلي .. من فقر لين أفقر ..منوة بحنان : الله يساعدج والله .. بس كيف خذتي ولدهم ؟فوز : قصدج شبيب ؟؟ الله يسلمج شبيب هذا خلاني احبه بجنووون .. نسيت كل ظروفة وتميت افكر فيه .. الين ما تزوجته .. وشوفة عينج .. جني بس حق اليهال .. لا يصرف علي ولا شي ..منوة : هو العود ؟فوز : لا اصغر عن عبيد بسنة ..منوة بفضول : وعبيد شحقه ما عرس ؟فوز : اه .. مالت . يتحسب عمره شي .. اونه ما ياخذ أي وحدة ..منوة : اونه عاد .. ومنو هاي اللي بترضى فيه ؟!فوز : لا بويه لا تقولين انج ما بتوافقين ياخذج ؟؟منوة : اكيد ما بوافق .. حشى خلصوا الرياييل !فوز : ههههههههه وحليله زوين ..منوة : خلي الشكل .. انتي جوفي وضعه .. اخلاقه .. ليكون يباني اعيش هني ؟؟فوز : ههههه وانتي الصاجة .. هذا ما يودر امه ! ..منوة : عيل خله يودرني ف حالي .. ما يخصني فيه ...فوز بفضول : حبيتي قبل ؟منوة تفكر : مرتين ..فوز : يعني ناس راهين ؟؟منوة : مممم الاول كان وضعه زيين .. بس بعد ما حبيته وكل شي .. اكتشتفت انه مالج ..فوز : يعني ما كان يحبج ؟منوة : ما عرف والله ..بس هو اللي بدى وطرش لي رسالة انه يحبني .. وحرك مشاعري بها .. تصدقين شكله كان يلعب .. عسب جيه نسيت بسرعة ..فوز : والثاني ؟منوة تنهدت : هذا اللي حبه قطع أوصالي وخلاني أعيش الحلم معاه .. كان متمسك فيه لدرجة الجنون .. وبدل أحوالي .. وما أنكر انه هو اللي بدى حبه لي ..فوز سرحت : عنده فلوس ؟منوة : هو تاجر من تجار هالبلاد .. ما شا الله عليه عايش العز كله ..فوز سرحت : دام هالكثر تحبينه ؟ ليش افترقتوا ؟منو تأثرت : لسبب معين .. اليوم نحن افترقنا ..فوز : يا حرام .. وانتي وين هلج عنج ؟منوة بألم : هلي ؟ هه .. هلي بعاد عني .. عايشين عالمهم الخاص ..فوز : ما تجوفينهم يعني ؟منوة بتهرب : بين فترة وفترة ..فوز : انا هلي تبروا مني ..منوة : افا .. ليييش ؟!فوز : لاني تزوجت شبيب غصب عنهم ..تعليق
-
رد: لأننـــي خادمــــــه/ روايه اماراتيه رائعه /كامله
منوة : وما فكروا يزورونج ؟!فوز : ابدا .. اوني طمست شرف عايلتي بهالزواج ..منوة : وانتي شو رايج؟فوز : انا فعلا طمسته من خذت شبيب .. هالعائلة سمعتها ف الحضيض !منوة بخوف : ليش ؟فوز : الأبو مسجون بقضية قتل من 20 سنة .. والام طلابة عند بيوت الاوادم .. والبنت متزوجة مدمن مخدرات .. وريلي انا سكير بالدرجة الاولى .. شو تبين اكثر عن جيه ؟!منوة : لا حول ولا قوة الا بالله العلي العظيم !فوز : نصيحة مني .. لا تصدقين رمستهم عن عمارهم .. لانهم جذابين ..منوة : انزين وشو تفسرين كون عبيد شرطي ؟!فوز : طموح أمه .. اونه عسب يظهر ابوه من السجن .. جوفي التخلف !منوة : هه .. الله يستر !..ومع مرور الأيام ....عند خالد ..ام خالد بغيظ : منو هاي اللي متزوجنها ها ؟ ارمس ارمس ..خالد بصدمة : الحين انا متزوج ؟ شعنه ؟ام خالد : عيل ظهراتك نصايف الليل شو تعني ؟خالد غيظ : وانتوا كله تفكرون بشي هب زيين ؟؟!!عذبة تصيح : وشو تفسر شردتك من أيام عرسي .. حشى ولا جني عروس ..خالد بتأنيب ضمير : والله يالغالية نسيت انه في أيام حق العرس ..ام خالد : سير الحين وفز واعتذر لحميد .. مسكين وايد شال ف خاطره ..خالد : ان شا الله .. الحين بتهديني اسير ارقد ولا شو ؟ام خالد : مب قبل ما تقولي بلاه ويهك وارم ؟خالد يتفحص ويهه بعد ما صد لمراية وراه : وين .. مافي شي !ام خالد : أي ما فيه شي ؟؟ جوف كيف هالات عيونك سودة ..خالد : اوووه يا امي .. الحين الا تدوريلي العلة يعني ؟ام خالد : مب هادنتك انا الين ما تنطق ..خالد غيظ : شو انطق ؟ شو اقول ؟ام خالد : ليش ما خطبت روضة لين الحين ؟عذبة بوضوح : اميه هب غايته الحين ..ام خالد : الا غايته .. شو انته حاط ف بالك وحدة ثانية ؟خالد تنرفز : امييييه شلي رويض من بالج ماباها ..ام خالد : انزين شحقه ؟؟!!خالد : تفكيرها ما يوازي تفكيري .. شكلها مب عايبني ..عذبة : اميه الا الزواج .. لا تخلينه ياخذها غصب ..ام خالد : كله ولا روضة تسمعون ؟؟ هاي شيخة البنات ..وغصب عنك بنسير باجر نخطبها لك ..توه يا خالد بيرد على امه .. الا وموبايله يرن ..طالع الرقم واللي كان غريب ورد بسرعة : الووو ..الريال : وينك يا دلوعة ماما ؟ تعال خذ مرضعتك ههههههههههه ..خالد غيظ : يا حقيييييييير .. يا جليل الحيا .. يا ... يا ... يا ....ظهر خالدعنهم وهو يشتم ويتوعد ع التلفون ..وسط صراخ امه ..وصدمة اخته !!/\/\نهاية الجزء الثاني عشر ...تعليق
تعليق