تويت
رد: لأننـــي خادمــــــه/ روايه اماراتيه رائعه /كامله
يعطيك العافيه
تابعي
يعطيك العافيه
تابعي
-
-
رد: لأننـــي خادمــــــه/ روايه اماراتيه رائعه /كامله
يعطيك العافيه سراب
استمريتعليق
-
رد: لأننـــي خادمــــــه/ روايه اماراتيه رائعه /كامله
واو سراب انا امووووت في هذي الروايه انا قد قريتها بس عشانك اقراها مررره ثانيه يسلمو يالغلاتعليق
-
رد: لأننـــي خادمــــــه/ روايه اماراتيه رائعه /كامله
مششكورين عالمرور
ابي اصرخ يا قلبي لو ما انتي كان ما قريت روايه روعه مثل هذيتعليق
-
رد: لأننـــي خادمــــــه/ روايه اماراتيه رائعه /كامله
الجزء التاسع // الفصل الثانيوين تسير ؟ ووين تروح ؟مشت ع الرصيف وهي شاردة الذهن ..ودموعها تنزل بلا أي وعي ..ومع زحمة السيايير ..ما حست الا وسيارة توقف صوبها ..سمعت صوت يقولها : تعالي اركبي ..صدت وهي تطالع صاحب هالصوت بصدمة وكل كلمة فيها تصرخ : من وين طلعت لي انته ؟نطقتها بصوت واضح مسموع له ..خالد وعلامات الغيظ بعدها بادية فيه : ركبي السيارة ..طالعته منوة بقهر فظيع / حست ان عاطفتها انجلبت نحوه لعاطفة غيظ ..خالد : شو بلاج تطالعين جيه .. يلا ركبي بسرعة ..طالعته بغيظ فطيع ومشت عن السيارة ..خالد ما استسلم ويلس يمشي السيارة ع سرعة مشي منوة ..وب تجاهل كبير للسيارات اللي وراه !خالد وهو لازال فالج الدريشة : منوة اعقلي واركبي ..ما صدت له منوة موليه ..خالد وهو يصك بضروسه بشكل قوي : منوة اقولج اركبي يعني اركبي ..منوة باصرار : مب راكبة ..خالد يصارخ بقوة : لا تخليني انزل من السيارة جدام كل هالعالم واركبج غصب ؟!طالعته منوة بصدمة ..والله يا خالد تسويها ..بخطوات مترددة فجت باب السيارة اللي ورا وركبت ..في السيارةتمت منوة ساكتة ..حاقدة على خالد اللي كان مغيظ عليها يوم نزلها عند فتحية ..وماطاع يرمسها ولا يفتح أي مجال للكلام وياها ..والحين !الاخو مركبنها سيارته .. ليكون يباني أرد بيتهم ؟بزواله لو الموت مب رادة هناك ..ارد ل بيت ام محمد واعاني من راجوارد ل بيت سيف تحت رحمة مزونأرد ل بيت شهد وعمر و أمل من ضرايبهمبس ما ارد هناك ..هناك العوق كله !خالد : اظني أنا يالس ارمس وياج .. ردي عليه ع الأقل ..ما صدت له منوة والتفتت للدريشة ..خالد بغيظ : ليش ما تردين عليه ؟ ها يزاي اني خفت عليج ؟منوة غيظت : أصلا انته ما يخصك فيه .. نزلني .. بسير أي مكان ..خالد بحزم : منوة بلا حركات يهال وقري مكانج ..منوة بقهر : طول عمري مشردة .. شو بيتغير يعني الحين ؟خالد : وانا ما قلت شي ..منوة : ما بغي ارد بيتكم ..خالد بحيرة : عيل وين بتسيرين ؟منوة بحزن : فرني ف اقرب دار للأيتام ..خالد تنفس بوضوح : منوة بلييييز افهميني ..منوة ودموعها تنزل بضعف : بليييز اسكت !خالد بهدوء : انا بسكت الحين .. بس من تهدين لازم نتناقشطول الدرب وخالد ساكت ..لاحظت منوة انها من قالت انها ما تبا ترد بيتهم غير وجهته ..انتبهت انه نزل من السيارة لمبنى ضخم ..ونبهها ما تظهر ..حزتها منوة هدت أعصابها شوي ..كانت محتاجة ل شوية وقت تتم فيه روحها ..وما استوى هالوقت الا بروحة خالد ..مع مرور الوقت رد خالد ..خالد يعطيها كمن ورقة : هاج .. سيري وسجلي بنفس هالإسم المكتوب عندج ف الورقة .. عسب يحجز لج غرفة ف هالفندق ..منوة وهي ملاحظة فخامة هالمكان : كم الإيجار ؟خالد : ههههههه انتي لا تحاتين .. بس سيري سجلي ..تعليق
-
رد: لأننـــي خادمــــــه/ روايه اماراتيه رائعه /كامله
منوة غيظت : لو سمحت !! روحي بدفع ..خالد وهو مسايرنها : كيفج (يعطيها موبايل) هاج هالموبايل .. بتصل لج فيه ..منوة هزت راسها بإيجاب ونزلت ..نزل خالد دريشة سيارته : اذا احتجتي شي اتصلي علي .. رقمي موجود ف اللستة .منوة بحزن : انزين شكرا ..وما ردت التفتت له عسب تسمع رده ..دخلت الفندق ..وبمجرد ما عطت الموظف الواقف ف قسم ال reciption اسم خالد ..سهل اجراءاتها ..وما طاع ياخذ عنها فلوس لأن خالد بالأساس دافعنها مقدما ..عطاها البطاقة ودلاها ع مكان حجرتها .لا تنسون ان منوة كانت بعدها بلبس الخدم ..مشت بشنطتها لين الحجرة ..وفتحت الباب ..وهالها اللي تجوفه!غرفة فخمة 5 نجوم ..سويت راقي بعدة غرف ..فرت اغراضها ف حجرة من الحجر الموجودة ..وردت للصالة ..وهي تفكر باللي يالس يستوي الحين ..معقولة يا خالد كل اللي سويته وياي ؟مب غلط اللي انا أسويه ؟مب حلو موقفي مووليه جدامه !اه مني أنا بس ومن بلاوي اللي ما تخلص ..تذكرت دفترها الغالي ..واتجهت للغرفة اللي فرت فيها شنطها ..ظهرت دفترها وقلمها ..وانسدحت ع الشبرية ..وأطلقت العنان لتفكيرها ..وتذكرت الموبايل اللي خالد عطاها اياه ..غلقته وابتسمت ..لانها عارفة انها بجيه بتغيظ خالد وبترفع ظغطه .." وها قد تم القبض على فتحية ، أتخيل الان مدى حزن القطة الشريرة وأبنائها عليها ، وهاقد –ثانية- تخلصت من حياة الخدم ، للأبد ؟! . وأسعى الان لأفك يدي من جروح لطالما ألمت بي وأنا أنظف ، ولكن من يدري ، فقد تكون حياتي الان أبشع من ذي قبل ، ولكن .. هل سأعوض مقدار الحرمان ؟؟ "سكرت الدفتر ..وما وحى لها تستند بوضعية صحيحة ع الفراش ..الا والنوم يسابقها .....ورود في متاهة غريبة محاطة بسور الصين العظيم ! ،،أمطار وإعصار يخليها ترتطم بنهر النيل ..بستان ورود حمرا كلها أشواك ..جرس الباب .. المزعج ..الجرس ..الجرس ..الجرس ..الجرس....صحت منوة من النوم وهي متفاجأة ،، كل هالخرابيط كانت مجرد حلم ..الا دق الجرس ..لبست منوة حجابها بإهمال و ركضت عسب تفج الباب ..دق الباب مب طبيعي ،، خير اللهم اجعله خيربصدمة : خالد !خالد بخوف : وينج الله يهديج ؟ انا خفت قلت استوى بج شي !منوة وهي بعدها مب مستوعبة شي والرقاد مأثر فيها : كنت راقدة ..خالد : وليش غالقة الموبايل .؟منوة وهي تحج عيونها بطفولة : كنت ابغي اغايضك ..خالد يطالعها باستغراب: نعم ؟؟؟منوة وهي تتثاوب : اسمح لي بسير أغسل ويهي ..وسارت عنه للحمام ..من جهة خالد كان يضحك ع ردة فعلها ..حشى نص ساعة وهو يدق الباب وهي ما تفتح ..تعليق
-
رد: لأننـــي خادمــــــه/ روايه اماراتيه رائعه /كامله
وتسجل ...
وتواصل الابداع
وهو الامر الواضح من الكبيرة في قدرها وتترك القلم ..ولاحظت نورا يخرج عبر الشاشة ,,,,,
اواصل بعد حين حيث تأخذ استراحتي وتذهب لاستريح من تعب صدع في وجداني منا
لا بد انك عالقة مع الروح ليتها تتركك لي لو طرفة عين لاراني .....تعليق
-
رد: لأننـــي خادمــــــه/ روايه اماراتيه رائعه /كامله
اخر شي ظهرت راقدة ..طالع الساعة اللي كانت تشير ل 9 ونص ..يلس ع القنفة وهو يفكر بأمور عديدة ..دقايق .. من عقبها ظهرت منوة ..خالد يطالعها : هههههههههه وين تبين ؟منوة باستغراب : شو ؟خالد : هههههههه اشحقه لابسة اليونيفورم ؟منوة توها انتبهت : اوووه .. (طالعته بإجرام) يعني وايد يضحك شكلي ؟خالد : انتي ادرى هههههههه ..شلت منوة شنطتها وردت للحمام ..ولبست شيلتها المتهالكة ..ظهرت له : ها جيه اوكيه ؟خالد منبهر فيها : اكثر من اوكي !منوة يلست بعيد : خالد شكرا انك دفعت الفلوس .. بس بغيت أسألك .. يعني انته كم دفعت ؟خالد : ناوية ترديلي اياهم ؟منوة : هيه ..خالد بخبث : خلاص ماله داعي .. بخصمه من المهر .. وبالفلس جان تبين ..منوة تضايجت : خالد بليز خلك واقعي شوي ! ..خالد : انا عمري ما كنت واقعي كثر هالوقت ..منوة : انا وانته لا يمكن نرتبط !خالد بغيظ : ليش ؟!منوة : خالد انته نسيت منو أنا .. وشو اشتغلت ؟خالد : منوة افهميني .. انا بتزوج منوة ما بتزوج (بسخرية) صوفي ..منوة باندفاع : بس صوفي اللي مب عايبتنك هاي جزء مني ..خالد : قصدج جزء انتحلتيه من شخصية مجهولة ..منوة : سم اللي بتسميه .. صوفي هاي انا عشت حياتي كلها بها .. الكل يزقرني صوفي ..خالد بإصرار : بس انتي منوة يا منوة!منوة والدمعة تطفر من عينها : منوة ف نظر نفسي بس .. كل الناس تعرف اني صوفي ..خالد : ليش يا منوة هالعناد ؟؟ ليش ما عندج أمل انج تكتشفين منو انتي ؟منوة : وتهقى اني بروم اتعرف على نفسي بعد 14 سنة ؟؟ خالد خلك واقعي ..خالد بإصرار : اللي الله رايدنه بيستوي ..منوة : اوكيه . .اللهم لا اعتراض .. بس انا اقولك بالفم المليان .. لا يمكن احصل هلي ..خالد : وليش كل هاليأس ؟منوة تصيح : انا مالي اهل .. انا لقيطة ..خالد بغيظ : منوة اياني واياج تعيدين هالرمسة فاهمة ؟منوة توقف ف مكانها والدموع ف عينها : شو موقفك اذا انخطفت وانته صغير .. وتميت لأيام بليا أكل وشرب .. عقب يربيك ريال وغد وحرمة أوغد عانوا مرارة النقص وبثوها فيك شرات أم فايز وبوفايز ؟خالد : منوة نحن ما نبا نتخيل .. ( بصوت حنون) نحن نبا نحط النقاط ع الحروف .. نبا نكتشف هلج ..منوة : واذا اكتشفتهم ؟!! تتوقع يقبلوني بهالسهولة ؟خالد غيظ : البسي عباتج وتعالي ..منوة باستغراب : وين ؟!خالد : انتي تعالي وبخبرج ..على عجل ..لبست عباتها وعدلت شيلتها ..وسارت عند سيارة خالد وركبت ورا..خالد صد لها : ليش ما ركبتي جدام ؟منوة بضيج : ادري بتقول مالج اهل شحقه خايفة على سمعتج .. بس صدق انته ما تقربلي ..خالد غيظ : انا ما قلت شي .. لا تيلسين تقوليلي شي ما قلته !منوة ما ردت عليه ..خالد : وين بيت بو فايز ؟منوة تفاجأت : نعم ؟؟؟خالد بإصرار : اللي سمعتيه ..منوة : اسفة ما بدليك ..خالد يصارخ : منوة بلا حركات يهال ..منوة : ما يخصني مب قايلة .. شو تباني أرد للذل بريولي ؟خالد : محد بيوديج عندهم ..منوة : لا والله ؟ عيل ليش من الأساس تباني ادليك مكانهم ؟خالد : منوة اقصري الشر ورمسي ..منوة : ما برمس ..خالد غيظ : عشان جيه مب مترقعة .. عنادج مودنج ف ستين داهية !منوة بقهر : شو قصدك تذلني ؟خالد تنهد بحيرة : الله يخليج يا منوة أنا يالسة أترجاج ..منوة : شو تبا بالعنوان ؟خالد : انتي عطيني وبس ..تعليق
-
رد: لأننـــي خادمــــــه/ روايه اماراتيه رائعه /كامله
عطته منوة العنوان ..وبعد ما عرفته ع البيت ..ردها الفندق ..منوة : بوفايز لئيم .. خذ حذرك منه .. ولا تشل فلوسك وياك بيصرقونك ..خالد : هههههههههههه خيبة لهالدرجة ؟؟ فالج طيب ..رد خالد لبيت بو فايز ..بينما منوة اللي يلست ف الفندق أكدت على خالد يتصلبها عقب ما يخلص زيارته ..وأخيرا وصل ..وظهر من سيارته ووقف جدام باب البيت ..دق الجرس ..بانتظار المجهول اللي بيفج الباب ..وبيقلب صفحات مجهولة ..لي .. ولكم ../\/\نهاية الجزء التاسع ...تعليق
-
رد: لأننـــي خادمــــــه/ روايه اماراتيه رائعه /كامله
الجزء العاشر // الفصل الأول( فضائح واعترافات)وأخيرا وصل ..وظهر من سيارته ووقف جدام باب البيت ..دق الجرس ..بانتظار المجهول اللي بيفج الباب ..وبيقلب صفحات مجهولة ..لي .. ولكم ..طولوا لين ما فجوا الباب ..بس خالد الاصرار كان يسيطر عليه عسب يجوف بو فايز وام فايز ..ظهرت له بعد طول انتظار حرمة متينة شوي ..من هيئتها توقع خالد انها تكون ام فايز ..خالد : ام فايز ؟ام فايز باستغراب : ايوه .. شايفني قبل هالمرة ؟خالد : معرفة سطحية .. بو فايز موجود ؟ام فايز : ليكو بالبيت .. بدك تدخول ولا تستناه هون ؟خالد : لا بغيت ادخل اذا ما عليج امر ..عفست ويهها ودخلته ..دخلته الصالة .. وتمت تلقي عليه كمن كلمة شرات السم عسب ما يتحرك ! ..دقايق من روحتها ..اسفرت عن ظهور المجهول الثاني .. بو فايز ..على عكس ما تخيله خالد ..ظهر مواطن ..بو فايز : حياك تفضل ..خالد : الله يحييك ويبجيك الشيخ ..بو فايز يطالعه باستغراب : الصراحة انا مب من عادتي اني استقبل ضيوف فهالوقت ( يغزه بنظرة) والساعة 11 بالليل ..خالد افتشل : اسمح لي يالغالي .. بس انا ياينك بسالفة ضرورية وما تحتمل التأجيل ..بو فايز تنهد : تفضل قول اللي عندك ..خالد : انا ييت أسألك عن صوفي .. ( بثقة ) بالأحرى منوة ..بو فايز من صدمته وقف : منوة ؟؟؟ !!دخلت ام فايز وصينية العصير وياها ..ام فايز باستغراب : ابو فايز ليه وائف ؟؟ تؤبرني اؤعد ..بو فايز يلس بس ملامح الدهشة كانت مسيطرة عليه ..خالد يبتسم لها باستهزاء : مصدوم ليش اني سألته عن صوفي .. أقصد منوة ..أم فايز اعتلت الصدمة ويهها وتمت تبلع ريجها بخوف : لك شو بدك منا ؟؟ منين جاي بالله منييين ؟ وشو بدك ب صوفي الله لا يوفقها .. مين انته ولاه ؟خالد : انا محقق ف الشرطة ..ام فايز بخوف : لك شووووو ؟؟؟؟ الشرطة .. يبعتلي ستميييت حمة ..خالد وهو اكتسب ثقة : المفروض يتم القبض عليكم بتهمة تزوير جواز سفر واختطاف طفلة .. وغيرها من الجرايم ..تعليق
تعليق