تويت
رد: روايه سعوديه جنان (مســـــكـ كتفي وهو يهمس .. {تراني في غيابكـ صمتـ
ركبت رنا السياره وقلبها كان يرجف من الخوف ..ويالله يالله تلقط نفسها ..
ركبوا .. وظلو لحضات بالسياره هاديين ..محد تكلم
رنا بعد ماحاولت تتناسى الموقف السخيف اللي صار لها ..
بعد تفكيير قالت متردده .. رنا ا .. الا سلطان وش رايك فيها ..
رنا مسكت قلبها وخافت لاتسمع كلمته المعتاده ..أذا رفض وحده ..ماعليها كلام ..!!
سلطان بعد صمت قال : حلوه ..
رنا ماصدقت : احلللف يعني أعجبتك ريم !!
سلطان أبتسم على حركاته اخته ..أي ...
رنا بفرححه : متى العرس ... !
مرت الايام تركض وأتفقوا على ان الملكه تكون بين الرجال فقط ..
والزواج امه وأبوهأ صروا انهم يخلونه بعد بعد شهر .. كل هذا خوف من اأن المده أذا طالت يمكن
ولدهم يكنسل الزواج .. ويغير رايه .. وسلطان مرضات لوالدينه وافق ..مع انه كان متمني لو أن الزواج يتاجل
شوي ..
شوي ..
ريم كانت مي مصدقه ورافضه تماما يكون العرس بعد شهر وأصرت برفضها .. بس وليد ماقصر فيها
قعد براسها الين ماخلاها توافق .. وريم بقلة حيله استسلمت لزنه فوق راسها ..
وبحكم قصر المده .. ريم وأختها مها صارت تركض بها للسوق تبي تلحق الأيام قبل ماتمشي
وتفوت عليها وهي تشوف اختها ماشرت شيئ ..
ريم كالعاده بحكم ذوقها الصعب والصعب جدا تشري قطعه الا بطلعه الروح وماتاخذ الشيئ
الا بعد ماتقعد عليه ساعه تفكر هل هو يناسبها ويريحها أو لا ..
وطبعا اختها مها تكفلت بالملابس الخصوصيه اللي ريم حلفت يمين وعظيم ماتقرب لها واللي على قولها
ملابس قلة الأدب ..
ورنا أيضا ماقصرت .. وبين اليوم الثاني تجي ريم .. وتطلع هي وياها .. ويقعدون يقضون مع بعض
يوم كامل كله فرفشه .. ويطنشون الاغراض .. اما أذا كانت معهم مها أو امها يطبقون على نفسهم
ويحشرونهم عن الحركه .. ويخربون عليهم وناستهم ..
قبل العرس بأسبوع . مها كانت بغرفه ريم قاعده تعطيها دروس عن الحياة الزوجيه ..وانها مبنيه على الحب
والتفاهم والتغاظي عن الأمور والعيوب التافهه .. وقعدت تفتح عينها على مسمى الزواج ..والأشياء الطبيعيه اللي
تصير فيه حتى ماتنصدم وتتأقلم مع الوضع ..
ريم شهقت : أول ماسمعت هالطاري .. بس بس .. ياشيخه الله يسد نفسك مثل ماسديتي نفسي ..
الله ياخذك زواجي بعد كم يوم ونتي توك تتكلمين .. كان قايله لي من قبل ..عشان استوعب الموضوع ..
مها وميته ضحك : هههههههههههههههههه عادي عادي يابنت الحلال .. وبعدين هذا شرع ربي
ريم صرخت وفزت من سريرها .. انتي أبفهم من اللي مسلطك علي هالليله
أنا اللحين وش ينومني بعد اللي سمعته ....أقول طسي عن وجهي . وينك يايمه
وقامت من على فراشها وراحت تركض لغرفه امها بجنون
ومها وراها تضحك عليها ..
أمها منفجعه من فتحة ريم المجنونه : بسم الله الرحمن الريحم .. وش فيكم وش صاير ..
وليد صاير فيه شيئ .. ياسر وبدر بهم شيئ ؟!.. تكلموا لاتخوفوني ..
ريم وشوي وتصيح .. مابهم بلا عيالك .. البلا بي أنا بنتك .. ياتلحقيني ياماتلحقيني
أمها مستغربه ؟ وشبك .. وش صاير لك ..؟!
ريم معصبه كتفت يدينها وقالت بحزم : يمه أسمعي هالكلمتين وصليهم لأخوي الشقيق وليدوه ..
قولي تقولك أختك ريم : كلامن ياصلك ويتعداك .. ويروح لجده ويلقاك .. انا انسانه ماأبي اتزوج
أبي اقعد عندكم .. كيفي
مها وتوها داخله الغرفه والضحكه مازالت بين ثغرها .. يمه يمه طنشيها طنشي هالبزر ماعليكي منها ..
أمها تعاتب مها : وش قايله لها عشان تهون ..؟!
مها ومازالت تضحك : أبد بس قلت لها الدروس اللي حفظتيني اياها قبل ماأتزوج ..
أمها يوم سمعت هالكلام .. صفت مع مها وماقدرت الاتضحك ..
ريم بهستيريا : ياعالم ياناس تبون تجلطوني انتم ..أقول والله مامزح .. ماأبي اتزوج .. ومو بكيفكم تغصبوني
أمها : يابنيتي .هذا لو قبل مايملك عليكي .. لاكن اللحين أنتي مملكه عليه وحسبه زوجته خلاص ..
ون تركك معناها طلقك بعيد الشر
ريم وكأنها خافت من هالمسمى .. لا وش مطلقه سم الله علي توي بزهره شبابي
طيب ..يعني شلون مافي حل أبد ..
مها ومازالت تضحك : عادي ارضي بالأمر الواقع ..وهالامور كبرتي ولاصغرتي
بيجي اليوم اللي تبي تفهمينها ..
ريم عصبت : افففففففففففففففففف .. وتركتهم ومشت .. وتمت مها تركض وراها تحارشها وتعلق عليها ..
/
/
تعليق