تويت
.
رد: بلا رقيب / لعاشقه ديرتها ، كاملة
((3))
(.. الاصطياد في الماء العكر..)
عساف
تسرعت باللي سويته كان كل شي ماشي مثل ماخططت له بس شفتها أنقلب كل شي أستفزتني أقهرتني يالناس مغروره ترفع الضغط تحسب كل شي على كيفها يمشي ,, أعجبتها فكرت أنها هي اللي بيدها القياده تحسب مثل ماهي قاعده تمشي خواتها بتمشيني وأنا الخبل ساكت لها أحسب أنها مع كثر الضغط بتلين ..أستاهل كل اللي جاني ولا فيه واحد عاقل يسوي اللي أنا سويته .. بس انا خلاص مليت بانتظر مبارك وش يسوي وأن ماقدر يسوي شي انا بتصرف بطريقتي اصلا أجازتي مابقى منها شي كل اللي بقى أسبوعين ..لازم أستغلها وأخلص كل شي وبعدها أرجع لشغلي بعد مأثبت وجودي هنا واسس لي بيت وزوجه زي الخلق ..
وش سوت بأختها اللي شافتنا مع بعض ويمكن بعد سمعت جزء من كلامنا ... بستين لعنه أنا وش دخلني فيها هي وأختها ..بس جت بوقتها ياحليلك ياضحى والله وأنحرجتي بس اخ أقدرت تطلع منها أعصابها صلبه مو أي شي يهزها ولا أي موقف ينهيها .. خلاص وبعدين معك عساف أعقل ... كلمت نفسي بصوت مسموع أبغى أسمع صوتي وأستحي من حالي بس ماقدرت رجعت أهوجس فيها مانيب قادر اشيلها من تفكيري ... كل شي فيني صار يفكر فيها حتى وأنا جالس لحالي بالسيارتي أنطق أسمها من غير وعي ومرات أكلمها اعاتبها وكنها تسمعني .. والله اللي جننت فيك بنت مبارك ياولد محمد ..
اوووه هذا جوالي يدق ..شفت رقم خلف ورديت عليه ..
خلف :السلام عليكم ..
عساف :هلا والله وعليكم السلام .. كيف حالك ..
خلف :بخير الله يسلمك .. وينك اللحين ..
عساف :بالسياره وش بغيت ..
خلف :تمرني بعد الدوام نتغدى سوى وعندي موضوع بأخذ رايك فيه ..ز
عساف :ايه خلاص أشوف ..
خلف :الا عساف ماشفت قيس ..
عساف :هاه لا وين أشوفه ..
خلف :ماهو بجاركم ..
عساف :خلف لاتسويلي فيها قلت لك ماشفته ..
خلف :طيب لاتعصب قلت يمكنك شايفه .. على العموم انتظرك فالبيت لاتأخر ..
عساف :طيب على ثنتين ونص وأنا عندك ..مع السلامه ..
ثنتين وعشر كنت موقف سيارتي قدام بيته ونازل منها .. دخلت بالمجلس الخارجي وفتحت الليت .. ولقيت مالك مفترش وحده من الكنبات ونايم ..
عساف :مالك مالك ..
انقلب على جنبه الثاني وبيده غطى عيونه ..
عساف :مالك قم اصحى يامالك ..
مالك :اووووووف عمي ماهوبوقتك خلني نايم ..
عساف :تبي تنام أدخل داخل ماعندك حجره تنام فيها..
مالك :وين أدخل وأمي هناك بعدين أمي مكنسله حجرتي ..
عساف :مالك فز قم ..مالك ترى قسم بالله لأصب على راسك جركل ماء ..
مالك :عمي واللي يرحم والديك خلني نايم ..
عساف :مالك ووجع قم أخوك عازم رجاجيل أصحي قبل مايوصلون..
من سمع كلمتي تعدلت بجلسته .. وقال وهو يتثاوب ويرجع شعره اللي طاح على وجهه من طوله لورى ..
مالك :اللحين وين أنام به ..
عساف :دبر عمرك .. وبعدين حلق شعرك هذا اللي ماباقي الا تسويه جدايل ..
مالك :اللحين انت شكو ابوي اللي هو أبوي ماعمره قالي طول شعرك ولاأحلق شنبك انت شكو ..
عساف :يقولون أني عمك .. بس أي أبو اللي تكلم عنه لاتكون للحين تحلم ..
مالك :اه قصدي عمي مبارك .. وينه خلف والضيوفه موكنهم تأخروا ..
عساف :وأنت تبيهم يدخلون عليك وأنت لابس كذا روح ألبس لك ثوب وتعال مو لابس سروال وفانيله وبتستقبل ضيوف ..
مالك :طيب زين بروح ويمكن مأرجع ..لاتنتظروني ..
عساف :ايه مير بنحتريك أنقلع بس ..
وطلع وهو مسكر عيونه ويحك شعره ..سمعته يقول أح شكله صقع بالشي ثم سمعت صوته يسلم على واحد أستغربت شكلي كذبت كذبه وصارت صدق .. طلعت أشوف وش صاير ..
عساف :ياهلا والله .. حيالله من جانا حيالله قيس .
قلتها وأنا أسلم عليه ..
قيس :ياهلا والله الله يحييك ويبقيك .. كيف حالك أبو محمد ..
عساف :طيب طاب حالك تفضل يمل العافيه ..توه الضحى سألني عنك خلف ...
قيس :ايه كلمني وتقابلنا قدام البيت ..
دخلنا ومأمدانا نجلس الا وداخل علينا خلف ..
خلف :وش فيه الخبل مالك ..
قلت له وأنا أضحك لأني تذكرت شكل مالك ..
عساف :خربت عليه نومته ..لا وقلت له أن خلف جاي ومعه ضيوف بس عشان يصحى ..
خلف :لازين سويت فيه ..معذب الوالده معه بس نوم وسهر وشغل مافيه ..
قيس :ليه هو خلص الجامعه ..
خلف :لاوين خلصها ......
سرحت عن كلامهم أفكر بقيس أنسان عجيب غريب يحيرك فيه اذا جالسته تعجب من قل كلامه بس بتعجب أكثر منه لتكلم لأن كل كلمه تخرج منه حاسب حسابها وسوالفه ماينمل منها لأنها نادره ..كل من يعرفه غصب عنه يحترمه لأنه بشخصيته يفرض أحترامه على الجميع ..بس فيه طبع سيء عصبيته اللي كانت أستغربها على طبعه الهادي بس بعد ماشفته يدخن زال الأستغراب ..
خلف :عمي عساف ..
عساف :هاه هلا ...
خلف :اللي مأخذ عقلك أنطح فالك اقلط ..
يوووه هذا الغدء شكلي أبحرت بأفكاري بعيد بعيد بعيد ..
(.. الاصطياد في الماء العكر..)
عساف
تسرعت باللي سويته كان كل شي ماشي مثل ماخططت له بس شفتها أنقلب كل شي أستفزتني أقهرتني يالناس مغروره ترفع الضغط تحسب كل شي على كيفها يمشي ,, أعجبتها فكرت أنها هي اللي بيدها القياده تحسب مثل ماهي قاعده تمشي خواتها بتمشيني وأنا الخبل ساكت لها أحسب أنها مع كثر الضغط بتلين ..أستاهل كل اللي جاني ولا فيه واحد عاقل يسوي اللي أنا سويته .. بس انا خلاص مليت بانتظر مبارك وش يسوي وأن ماقدر يسوي شي انا بتصرف بطريقتي اصلا أجازتي مابقى منها شي كل اللي بقى أسبوعين ..لازم أستغلها وأخلص كل شي وبعدها أرجع لشغلي بعد مأثبت وجودي هنا واسس لي بيت وزوجه زي الخلق ..
وش سوت بأختها اللي شافتنا مع بعض ويمكن بعد سمعت جزء من كلامنا ... بستين لعنه أنا وش دخلني فيها هي وأختها ..بس جت بوقتها ياحليلك ياضحى والله وأنحرجتي بس اخ أقدرت تطلع منها أعصابها صلبه مو أي شي يهزها ولا أي موقف ينهيها .. خلاص وبعدين معك عساف أعقل ... كلمت نفسي بصوت مسموع أبغى أسمع صوتي وأستحي من حالي بس ماقدرت رجعت أهوجس فيها مانيب قادر اشيلها من تفكيري ... كل شي فيني صار يفكر فيها حتى وأنا جالس لحالي بالسيارتي أنطق أسمها من غير وعي ومرات أكلمها اعاتبها وكنها تسمعني .. والله اللي جننت فيك بنت مبارك ياولد محمد ..
اوووه هذا جوالي يدق ..شفت رقم خلف ورديت عليه ..
خلف :السلام عليكم ..
عساف :هلا والله وعليكم السلام .. كيف حالك ..
خلف :بخير الله يسلمك .. وينك اللحين ..
عساف :بالسياره وش بغيت ..
خلف :تمرني بعد الدوام نتغدى سوى وعندي موضوع بأخذ رايك فيه ..ز
عساف :ايه خلاص أشوف ..
خلف :الا عساف ماشفت قيس ..
عساف :هاه لا وين أشوفه ..
خلف :ماهو بجاركم ..
عساف :خلف لاتسويلي فيها قلت لك ماشفته ..
خلف :طيب لاتعصب قلت يمكنك شايفه .. على العموم انتظرك فالبيت لاتأخر ..
عساف :طيب على ثنتين ونص وأنا عندك ..مع السلامه ..
ثنتين وعشر كنت موقف سيارتي قدام بيته ونازل منها .. دخلت بالمجلس الخارجي وفتحت الليت .. ولقيت مالك مفترش وحده من الكنبات ونايم ..
عساف :مالك مالك ..
انقلب على جنبه الثاني وبيده غطى عيونه ..
عساف :مالك قم اصحى يامالك ..
مالك :اووووووف عمي ماهوبوقتك خلني نايم ..
عساف :تبي تنام أدخل داخل ماعندك حجره تنام فيها..
مالك :وين أدخل وأمي هناك بعدين أمي مكنسله حجرتي ..
عساف :مالك فز قم ..مالك ترى قسم بالله لأصب على راسك جركل ماء ..
مالك :عمي واللي يرحم والديك خلني نايم ..
عساف :مالك ووجع قم أخوك عازم رجاجيل أصحي قبل مايوصلون..
من سمع كلمتي تعدلت بجلسته .. وقال وهو يتثاوب ويرجع شعره اللي طاح على وجهه من طوله لورى ..
مالك :اللحين وين أنام به ..
عساف :دبر عمرك .. وبعدين حلق شعرك هذا اللي ماباقي الا تسويه جدايل ..
مالك :اللحين انت شكو ابوي اللي هو أبوي ماعمره قالي طول شعرك ولاأحلق شنبك انت شكو ..
عساف :يقولون أني عمك .. بس أي أبو اللي تكلم عنه لاتكون للحين تحلم ..
مالك :اه قصدي عمي مبارك .. وينه خلف والضيوفه موكنهم تأخروا ..
عساف :وأنت تبيهم يدخلون عليك وأنت لابس كذا روح ألبس لك ثوب وتعال مو لابس سروال وفانيله وبتستقبل ضيوف ..
مالك :طيب زين بروح ويمكن مأرجع ..لاتنتظروني ..
عساف :ايه مير بنحتريك أنقلع بس ..
وطلع وهو مسكر عيونه ويحك شعره ..سمعته يقول أح شكله صقع بالشي ثم سمعت صوته يسلم على واحد أستغربت شكلي كذبت كذبه وصارت صدق .. طلعت أشوف وش صاير ..
عساف :ياهلا والله .. حيالله من جانا حيالله قيس .
قلتها وأنا أسلم عليه ..
قيس :ياهلا والله الله يحييك ويبقيك .. كيف حالك أبو محمد ..
عساف :طيب طاب حالك تفضل يمل العافيه ..توه الضحى سألني عنك خلف ...
قيس :ايه كلمني وتقابلنا قدام البيت ..
دخلنا ومأمدانا نجلس الا وداخل علينا خلف ..
خلف :وش فيه الخبل مالك ..
قلت له وأنا أضحك لأني تذكرت شكل مالك ..
عساف :خربت عليه نومته ..لا وقلت له أن خلف جاي ومعه ضيوف بس عشان يصحى ..
خلف :لازين سويت فيه ..معذب الوالده معه بس نوم وسهر وشغل مافيه ..
قيس :ليه هو خلص الجامعه ..
خلف :لاوين خلصها ......
سرحت عن كلامهم أفكر بقيس أنسان عجيب غريب يحيرك فيه اذا جالسته تعجب من قل كلامه بس بتعجب أكثر منه لتكلم لأن كل كلمه تخرج منه حاسب حسابها وسوالفه ماينمل منها لأنها نادره ..كل من يعرفه غصب عنه يحترمه لأنه بشخصيته يفرض أحترامه على الجميع ..بس فيه طبع سيء عصبيته اللي كانت أستغربها على طبعه الهادي بس بعد ماشفته يدخن زال الأستغراب ..
خلف :عمي عساف ..
عساف :هاه هلا ...
خلف :اللي مأخذ عقلك أنطح فالك اقلط ..
يوووه هذا الغدء شكلي أبحرت بأفكاري بعيد بعيد بعيد ..
تعليق