محمد:يماه يماه
ام محمد:هاه ياوليدي شو بغيت
محمد:عمتي عبير شصار لها اليوم
ام محمد:حمدلله جات سليمه طاحت مغمي عليها
محمد:طب شو منه طاحت مغمي عليها
ام محمد تنهدت:تعبانه
محمد سكتت وجلس جمب امه يفكر بمروه وبصياحه اللي يسمعه باذنه يحاول يكون طبيعي لاكن قدام الام محد يقدر يخبي
ام محمد:شوفيك محمد ارمس
محمد طالعها:هاه لاولاشئ امايه انه بسير انام تصبحين على خيير الغاليه
وقام منها وتركها وسط تساؤلاتها اهي متاكده انه محمد فييه شئ
رقى لغرفته فوق جلس على السرير وانهمرت دموعه وربي اني حاس بغلطتي وربي اني حاس
انسدح على السرير
مدري شسوي يامروه كل مارديتي لي جرحتج وكل جرح اقوى من الثاني لييه انه كذا ليه اللي ابيهم دايم اجرحهم لييييييييه






وربي الخالق ابيه...ماودي ايدي تترك ايديه ..
ان غاب عني احس بالهفه والحرمان..!!

وان جاء قربي جرحته بسكاكيني..
ماهي سالفة اعناد صدقوني..


لاكن غصب عني اغلط..!!
واحاول اصلح الاغلاط..


كذا طبعي ..مجازي الكل بجراح..
احاول اكتم ولا ابوح بدمعتي..


غصب عني تهدر دموعي بكي..!!
قلبي من البكي بدت نبضاته تزدادد..


واحس الموت بيديه يطويني..
احبه ومصيبتي ارد له الوفاء بجراح..

وان جرحني احاول اسكت بلا حسبان..
ودي اجيه اركض..واضمه وابكي على صدره..


واقوول سامحني غصب عني ماهوبعناد..!!
وبحاول بطيبتي اكسب ارضاه..


وعساه يرد لي..بعد كل العناه..
وان مارد لي..عسى ربي يسعده وين ماراح..

هذا ذنبي ولازم اتحمل غلطتي..

...............................
باليوم الثاني
غرام:تكفين دكتوره مابا ايلس هني دخيلج طلعيني تكفين
الدكتوره:غرام شو اطلعج الشرطه برا ينطرون كلامج اللي بتقوليه لهم
غرام بخوف:الشرطه
الدكتوره:زي مانتي جايفه الضرب اللي ياج مو شئ ينسكت عنه عسب جي الدكتور منصور خبر الشرطه وهم برا يتحرون اللحظه اللي يدخلون فيها
غرام نزلت راسها ودموعها تصب:.....
الدكتور:غرام حبيبتي انتي عارفه انى كلامج اللي بتقولينه بيكون بمصلحتج فتكلمي بكل اللي تعرفينه لان ماراح يضيع حقج
طلعت الدكتوره واعطت الاذن للشرطي بالدخول غرام اول ماشافته صرخت بخوف
غرام:ابي ابوي
الشرطي حسن:اختي اهدي
غرام تهز راسها بلا :لا انا ابي ابوي يباه "وقفت على السرير"يباه تعال الله يخليك لاتخليني يباه
كانت تصارخ وهي تدف ايادي الممرضات عنها عارفه انهم بيخدرونها هي تعبت من التخدير تعبت منه
حسن:دكتوره سلمى شو اللي يصير
الدكتوره:اسفه استاذ بس البنت ماكانت تدري اني بدخل عليها ضابط
غرام وهي تصيح:هدوني هدوني مابا ايلس هني طلعوني برا يماه يماه تعالي لي الله يخلللللللللليج
الدكتوره:عطوها ابره بسرعه
النيرس:مانروم دكتوره تتحرك وايد
غرام صرخت تستنجد باخر امل لها:ض ا اري
وبنفس اللحظه انظربت الابره بمعصمها
كلها لحظات واسترخى جسمها
غرام بتعب:وال...له ماسويت شئ يبه يباه...اهئ اهئ يباه....انه احبك ......ضاري ...ضاري ...ضاري..تعال بسير وياك............اهئ اهئ ...يماه...يم...ه
حسن:دكتوره سلمى لو سمحتي اباج تكتبين لي كل شئ عن اهلها
سلمى:انشاء الله
حسن:واباج تراقبين لي حالتها عدل
سلمى:واجبي هاي الشئ
حسن:انزينه محد زارها من يات هني
سلمى:لاء لللاسف تركها اخوها هني ولا عاد جفناه
حسن تنهد:يصير خيير
..................................................
حمد:امايه يعني ضاري ماياج
ام حمد:حمد وانه امك سسير دور اخوك انتى تعرف هاي اول مرره من يزعل ماجوفه ويطلع من البيت مايرد تكفى سير دوره
حمد باس يدها:انشاء الله امايه
ام حمد:طمني وانه امك
حمد:انشاء الله يلا مع السلامه
ام حمد:مع السلامه ربي سيحفظك يارب
حمد طلع وهو يتصل على جوال ضاري اخوه لاكن مافي رد جلس يدور بالشوارع اللي ممكن يكون فيها لاكن للاسف ولاشئ
.
.
.
.
ومرت الوقت والحين الساعه عشر الضحى له ساعه ونص يدور عليه ولا لقى له اثر بد الخوف يتسلل لقلبه لاكن تعوذ من ابليس وكمل طريقه
........................................
مروه:طيب
اروى:عاد تعرفين حركات الاعجاب يوم كنت بزير ههه والله اني تحوفه لا يوم كنت ارمسه ماكان يعطيني وجه ابد ههه والله انه شئ خخخخ كان يقهرني
مروه:والله مانسى شكلج يوم تعصبين منه
اروى:خخخ مانسى ذيك الايام
*يلا انتوا يالسين هني والحنايه وصلت بسرعه
اروى:سراب انتى من متى ييتي
سراب:ههههه انه من الصبح عندكم يالمفهييه
مروه بتردد:بنات مابا الحنه
سراب واروى:شوووووووووووووووووووووو
مروه:مابا اتح
سراب قاطعتها:شو اللي ماتبين يلا جدامي انتي اول وحده بتبدى فيج
جرتها وسط اعتراضاتها واروى تطالعهم يعني للحين ماتصالحتوا للحين
..................................
في السعوديه وتحديدا بغرفه جوجو جوجو المنهاره كانت تطالع بعمار اللي منسدح على السرير بقرف وقهر ودموع تنزل بغزراه تبي تنزل الحين وبسرعه وتصرخ في اخوها اللي خاف امس عليها من الشارع يشوف البيت اللي يبيها اربع وعشرين ساعه فيه تبي تصرخ عذريتها برتئتها ماعادت تهمها المها اللي بجسمها الالم اللي غزا قلبها اعظم واكبر واغزر
مسحت الدموع اللي مختلطه مع الدم اللي يسيل من راسها وتقدمت منه وبيدها المقص تبي تنتفم لعذريتها لاكن اول ماقربت ممنه.............

الجزء التاسع والعشرون

يايمه ضميني .....أدري ما تغدريني
إذا كنت في صدرك ... في ظهري أعرفك ... ما تطعنيني
//
يايمه .... ضميني
\\
أبي أحس بحضنك بالأمان
من هالزمان ... وهالمكان
والأصحاب ... والأقراب ... وكل هالأمه
وأنسى نفسي ثواني ... وما أعاني ... من زماني
\\
وأنا بالعمر دوبي ...تايه في دروبي
ماعرفت الفرح ... بس أعيش الجرح
ولو أشوف الفرح مقبل من بعيد
واستبشر بالشي الجديد
قبل لا يجني ...يفنى وينتهي عمره
وأنا بعيني أشوفه ... لما يموت.... وقلبي يذبحه همه
//
\\
يايمه ليه الدنيا أذى؟!!
وليه الناس مو مثلك كذا ؟!!
قلبك كبير ... ولناس تتمني الخير
وهم من الثاني وده... لو يشرب من دمه !!
يايمه ... ليتني مثلهم والله
وأعيش... مثل باقي خلق الله
ولا اهتم .... وأعيش بهم
ويجرعني الألم سمه
وأنسى هالعالم وغمه ... يايمه
//
\\
أبي أحكي لك ... عن إلي جرا فيني
وبشكي من سنيني
و كيف حزني عجزت... يايمه ... ألمه
أنا أحزاني مطر...عيا يتوقف
كلما قلت : انتهى ... رجع ثاني ينهمر
ويبرق ... ويرعد ... وتتكاثف غيومه
//
تسألني أش فيني ؟... ولا تهديني ... خليني
أبي ارتاح عندك ... أبي تلميني في حضنك
وعطرك ودي أشمه
أحس برد.... داخل عظامي
وأحس إني بعد ظامي... وأنا رويان يا يمه
من إلي فيني .... ألخبط بعمري
مدري وش إلي راح... وإلي جاء كمه
//
\\
ضميني... ضميني حيييييييييل يا يمه


\\
ضميني يا يمه ...ولو بكيت ؟

مسحت الدموع اللي مختلطه مع الدم اللي يسيل من راسها وتقدمت منه وبيدها المقص تبي تنتفم لعذريتها لاكن اول ماقربت ممنه.............
مسك يدها باقوى ماعنده
عمار يبتسم بخبث:تبين تذبحيني
جيهان دفته عنها بقوه وصاحت وهي تحاول توقف لاكن ماهي قادره من التعب النفسي والبدني
عمار وقف وطالعها ثم لف للباب بيطلع وجيهان على الارض تصيح بقهر خسرت كل حياتها هي للحين منصدمه من اللي صار للحين


حست بصفقه الباب اللي ذبحتها زحفت للباب وبصعوبه قفلته وتسحبت على الباب وهي تصيح بقهر وتشاهق
جيهان:يماه وينج بنتج ضاعت
سمعت صوت جوالها وراحت له
جيهان:الوه
راكان:هلا والله شخبارك جوجو
جيهان بصوت مخنوق:راكان ..."سكتت تكتم صياحها "
راكان:جوجو شفيك
جيهان تضغط على نفسها:مافيني شئ واحشني شخبارك
راكان:انا اسال عنك
بعد شوي سكرت منه ورمت روحها على الارض وهي تصيح وتندب حضها
.......................................
محمد:شو يعني ماتدرون عنه
حمد:محمد بتسير ويايه لولا
محمد:ياينك ياينك
حمد:بسرعه
محمد ركب السياره:وين بنسير
حمد:مدري انه قلت لربعه ومدري عنهم وخالي سعيد بعد قلت له
محمد:حمد ضاري هب بزر عسب ندوره هو ماطلع الا انه يبي يختلي بنفسه
حمد:ضاري عمره ماختلى بنفسه الا بالبيت ماعمره اذا كان زعلان هد البيت
محمد:طيب انت سرت الكافيات
حمد:هييه سرت بس باجي جم واحد بمر عليهم الحينه عل وعسى
.................................
ذعار دخل البيت ومبين عليه القلق
ذعار:ابويه الشرطه برا يبونك
بوذعار منصدم :هاه
...................
ياسمين:طيب شو اللي يثبت لي انج صادجه
ماريه:انه كنت وياهم
ياسمين بابتسامه خبث:يعني ضاري الحينه محد يرمسه
ماريه:هييه بس مدري احسه مظلوم
ياسمين :الحينه ماقلتي لي خالي جاسم شو سوا
ماريه:"قالت لها السالفه"
ياسمين:هييهجي السالفه عييل
ماريه:ياسمين حبيبتي مابا الخبر يطلع منج انه قلت لج عسب اني عارفه شو ضاري بالنسبه لج
ياسمين:تسلمين ياقلبي
طلعت ماريه وتركت ياسمين اللي تفكر في ضاري
.....................................
اليد:شو
ماجد:يدي تكفى خلنا نسير له المخفر
اليد:سير وانه بي وياك
ماجد:يدي
اليد:ماجد قلت لك سير وانه بيي وياك
طلع ماجد وظل الجد يفكر شيسوي عسب يخلص ولده
*السلام عليكم
لف اليد على بوهلال اللي دخل
اليد:وعليكم السلام هلا سعد تعال اباك توديني لخوك
بوهلال:طيب ابويه بوديك له بس قبل ابا ارمسك بخصوص...
اليد يقاطعه:اخوك بالمخفر وانتى تبى ترمس امش سير ويايه
بوهلال:بالمخفر؟؟؟؟؟؟؟
.................................
شروق:انزينه شو تبا اسوي للطلعه
مجاهد:ولاشئ بنسير خفاف
شروق:طب الله يخليك قولي وين بنسير
مجاهد يبتسم:سر
شروق:يوه ابا اعرف
مجاهد:بتعرفين بس مو الحينه العصر
شروق قامت :الا تعال مجاهد انه مارحت اجوف غرام ابا اسير لها قبل مانروح
مجاهد:طب سيري تجهزي عسب نسير لها
شروق قربت منه وباسته:تسلم لي الغالي
راحت شروق وبقى مجاهد جالس على السرير يفكر بالللي بيسويه للطلعه اللي مسويها مفاجاه للشروق وشوق حس بجواله يدق طالع هذا نفس الرقم اللي يدق عليه من فتره بس هو مايرد عليه طالع بالرقم وتنهد ورما الجوال شوي وقف طالع بالجوال براحه لان يزعجه صوت الجوال بالذات اذا ماكان يبي يرد ماحس الا بنغمه الرساله رفعه من جديد وقرا الرساله اللي خلت عرقه يصب
"مادامك ماتبي ترد علي انا برسل لك ولا على باللك اني ماقدر اوصل لك الكلام اللي ابيه اسمعني عدل يامجاهد شروق اللي رديتها بتندم اشد الندم لانك بس فكرت مجرد فكره ترجعها بس الحين بما انكم صرتوا واقع اثنينكم اللي راح تندمون وقد اعذر من انذر "
*حبيبي
ارتاع مجاهد وطالع بشروق وهو يبلع ريقه
شروق:شو فيك
مجاهد ابتسم مطمئنها:لاولاشئ خلصتي
شروق جلست جمبه:هييه
مجاهد:يلا عن نتاخر عليها
...........................................
بوذعار:ياحظره الضابط قلت لك هي طاحت من على الدري
الضابط .حسن:والله ياستاذ التقرير الطبي يبين انه بنتك متعرضه للضرب وغيير نوبات الصرع الليي تييها بين حين وحين وغيره ياستاذ انى بنتك اقدمت على الانتحار من جم يوم
بوذعار:....
الضابط .حسن:شو ارمس
بوذعار:ماظن انك اخذ ت اقول بنتي عسب تجذبني
حسن بحزم:بنتك منهاره للاخر وانتى تبينا نرمسها صج انه ابا اعرف هي بنتك منجد
بوذعار:استاذ حسن
حسن:لاترفع صوتك وارمس
بوذعار:انه ماعندي شئ ارمس فييه
حسن:طب ممكن اسالك احين انتى رامي بنتك بالمستشفى كم يوم ولا فكرت مجرد فكره انك تزورها او حتى تسال عن احوالها بالتلفون ممكن تفسرلي السبب
بوذعار والحل عنده على طول:كنا مشغوليين بعرس اخوها وعيال عمه
..............................
حمد:هذا هو محمد
وقف حمد السياره ونزل منها مسرع:ضاري ضاري
ضاري لف على حمد ومحمد اللي جايينه طالعهم مستغرب:شو
حمد وقف وهو يلهث:وينك يالسبال انه يالس ادور عليك من الصبح
ضاري/تدور علي لييه كان اتصلت على موبايلي
محمد وقف:والله موبايلك ماترد عليه كيف تبانا نتصل عليك
ضاري دخل يده بجيبه:موبايلي عندي ماياني اتصال من حد"فجاءه كشر"موبايلي مو عندي دقيقه
وراح لسيارته يدوره ويدوره لاكن للاسف ماكو امل
حمد:هاه مالقيته
ضاري:لاه
حمد:طب اش الموبايل بعدينه ندوره امي تحاتيك
ضاري:ولييه تحاتيني انه موبزر
محمد بعتب:انتى مانمت من امس بالبيت
حمد:ولا جفتها من صارت السالفه
محمد:يلا ضاري
ضاري:طيب انتوا سيرو انه بيي بعدكم
حمد:ماراح نسير الا انتى ويانا
محمد:هييه يلا
..............................
غرام بدمعه:شروق
شروق الصدمه الجمتها عن الكلام وسارت لها تركض وخذتها بالاحضان
غرام تصيح:لاتخليني وتسيرين تكفييييييييييييييييين امي خلتني انا اباها وينها


إرمي همومك علي / وكل هم منك أضمه‎ !!
مستعدة " اخسر حياتي" بس‎ ‎ما أشوفك حزينه !!






شروق:بس غرام خلاص ماراح اخليج انه وياج بس
غرام:ابوي مايباني شروق اهئ اهئ
شروق:لاتقولين جي انتي اهدي وماراح يصير الا كل خيير
غرام:لاتتركيني
شروق:بسج غرام انه اموت ولا اخليج جي حزينه
غرام حطت راسها بحضن اختها تطلب دفاها وحنانها عليها
.......................................
بوسام:هايام وسام جاهزه بتروحين معنا
ام وسام:اييه اكيد بروح معاكم هذي الامارات
بوسام:اجل جهزي حالك وشوفي جيهان اذا بتروح معنا
ام وسام:شتبي فيها خلنا نروح نستانس هناك لييه تبي تنكد علينا انت
بوسام:نعم انكد عليك اقول بنتي قبلك تركب قالت ايش انكد اصلا المفروض انتي تتعاقبين على اللي سويتيه مع راكان ولدي وبعد لك عين
ام وسام:بس انا...
بوسام:لوسمحتي روحي نادي لي جيهان
ام وسام طالعته منقهره وقامت طلعت برا الغرفه وعلى جناح احمد فتحت الباب الا انصدمت بصوت الصياح اللي من غرفه جوجو تقدمت بخطوات بطيئه وهي تسمعها اول ماطقت الباب حست بالصمت من الجهه الثانيه
جوجو سكتت وهي تطالع بالباب خوف بداخلها سرا هي ماتدري لييه كل اللي خايفه منها انفضحت اكيد عمار قال لهم اكيد كتمت شهقتها وهي تسمع الضرب على الباب
جيهان بصوت مخنوق فيه من البحه مايفي بعذاب هالكائن:مييين
ام وسام:انا شعندك ادق الباب ماتردين
جيهان:شتبين
ام وسام:فتحي الباب
جيهان خافت انها تشوفها بهالحاله وتروح تقول لابوها وابوها يجي يحقق معاها وبعدها تنفضح:خالتي انا جالسه ابدل اذا خلصت اجيلك
ام وسام:لاتجيني انا ابوك ينتظرك
راحت وحطت جيهان يدها على قلبها تحاول تهدي نفسها ماتبي تشوف ابوها قامت وهي تمشي بعرجه واضحه فتحت الدولاب خذتلها عبايه جديده بعد اللي دمرها عمار وخذت لها ملابس لبست الملابس بسرعه وهي تناظر بيدها اللي منتفخه خذت عبايتها بعد ماحطت الحجاب على راسها فتحت الباب وهي تناظر تمسكت بالجدار ومشت بشويش بحيل منهد وجسم هزيل تعبان
*جيهان
نققزت جيهان من صوته ولفت على بدر برعب لصقت بالجدار بخوف
بدر شاف وجهها وطالع منصدم من شكلها نزل على عرجتها ويدها المنتفخه والدم اللي على راسها
بدر بحزم:من اللي ضاربك
جيها صقعت بالجدار:محد محد بعد عني تكفى
بدر:جيهان تكلمي من سوا لك كذا
جيهان:محد قلت لك
بدر شك انه عمه هو اللي ضربها لانه مبين من خوفهان احد ماتبيه يعرفه سحببها من يدها ودخلها للغرفه وسط اعتراضها وخوفها ونضتها اللي زادت لاكنها من الخوفاللي جاها طاحت مغمي عليها مسكها بسرعه وبنفس اللحظه طلعت امه
ام شهاب:بددددددددر
بدر من الخرعه دز جوجو عن حضنه
وامه جرته من يده وعلى غرفته
..................................................

ضمטּي بسكات و أهمس لي

|أحبك|



و أنا أبטּسى
كل شي
كل شي
كل شي
كل شي!!




*موووووووت احبك
هلال غمض عيونه وهو حاضنها: احبج
سراب بلهت ريقها وهي تغرق بحضنه: احبك
هلال رفع راسها وجلس يبوسهابكل مكان بوجهها وهي تنزل راسها لاكنه يرفعه رجع حضنها من جديد وهو يجلس معها على العشب رفع يدها اللي مزينه بالحنى وباسها ثم استنشق ريحه الحنه
سراب:هلال خلاص
هلال بترجي:خلينا نرد البيت
سراب:لا تكفى خلني عندهم ماقدر اخليهم جي بروحهم
هلال طالعها:يعني ماللي خاطر عندج
سراب:افا لك الخاطر كله بس انتى عارف هم بيوم عرسي ماهدوني تباني انه الحينه اتركهم
هلال وقف ووقفها معه:اييه بس هاد حطي ببالج مو تفكرين تنامين هني
سراب مبتسمه:افا عليك شو انه ماروم اصبر عنك
هلال قرب منها وباسها :فديتج الغلا
...................................
ام شهاب:شو هاللي يالس تسويه ياجليل الحيا
بدر:امي انتي فاهمه الموضوع غلط
ام شهاب:شنو اللي غلط كان قلتنا انك تبيها بلا هالمسخره اللي قالبينها
بدرعصب:من قال اني ابيها
ام شهاب:نععععععععععععععم يعني جالس تلعب على بنت عمك
بدر توهق:يمه يمه...
ام شهاب صرخت:لاتكلمني
وقامت طلعت بسرعه وبدر لحقها لاكنها سكرت الباب رجع ادرجه شاف جوجو على وضعها قرب منها وهو يقول مالها غيري الحيين شالها ودخلها داخل واتصل على اخوه شهاب عساس يجي يعالجها بمانه دكتور
.......................................
دخل ضاري البيت بعد حمد ومحمد وطالع بالصاله
ام حمد:ضاري يمه انت يييت
راح لها ضاري وحضنها يبي يخفف من الامه الي دافنها بحضنها يمكن تروح كل الطعون اللي بقلبه يحس انه مخنووووووووق


...
يمه اسمعيني ....

يمه يا يمه اسمعيني

ودي احكيلك همومي

بس لو مره افهميني

يمه من غيرك بيفهم حزني الساكن بعيني

بس قبله اوعديني

يمه انك تعذريني

يمه ودي احضنك وابكي سنيني

وانسى جرح خافي بصدري دفيني

اجرحيني عاتبيني

بس لحظة

اسمعيني

يمه من غيرك بيفهم حزني الساكن بعيني

يمه ليه هم اظلموني

في هوايه ما انصفوني

كم انا اعطيت لكن

لا وفوا ولا قدروني!!

يمه ليه هم عشموني؟؟

وفي النهايه يتركوني

طيبتي مع حسن ظني

هم سبب همي وظنوني

يمه جرح اليوم يكبر

يوم هم حيل اظلموني

اجرحيني

عاتبيني

بس لحظه

افهميني

يمه ليه؟؟

يمه ليه انتي زرعتي طيبة العالم بعيني؟؟

مخنوق يمه و احس الخنقه هدتني

مكسور قلبي و عيني مدري وش فيها

و دموعي اللي غصب عن عيني بكتني

مليت أغمض جفوني لجل اداريها .


ام حمد:ضاري خلاص
ضاري:امايه يدي كان يقولي غرام لك
ام حمد:يدك
ضاري:هييه يمه عشمني وغرقني بحلم مارراح يتحقق مخنوق يايمه مخنوق




مخنوق يمه و احس الخنقه هدتني

مكسور قلبي و عيني مدري وش فيها




ضاري:مخنووووق"واخيرا ذرفت دموعه اخيرا اطلقها"

"وهذي دمعه عاشق انسلبت فرحته"


ام حمد تمسح دموعه:لاء ياضاري مو انتى اللي تبجي مو انتى خلك قوي
ضاري:منين القوه يايمه وحياتي عندها منين
ام حمد:لاتعذبني وانامك لاتعذبني
على الدرج
محمد:يحبها
حمد:هيييه "ونزل راسه وصعد لفوق بيرتاح"
محمد يطالع بضاري اللي بحضن امه لييه كلنا كذا لييه من صغيرنالكبيرنا مالنا حظ
..........................................
شروق:خلاص غرام انه استاذنت من مجاهد بيلس عندج
غرام براحه غمضت عيونها التعبانه:الله يخليج لي


اختي يا عطر الورود والاماني والوعود


اختي يا احلا حكايه كلها حبا و جود


حبي لك يبقى ويبقى ل الابد ماله حدود


وإذا في يوم افترقنا بالامل نمحي سدود


ياما ياما علمتني وياما ياما وانصحتني


مهما صار ومهما كان مانسى فضلك بالوجود


شروق قربت من غرام وباست راسها وهي تطالع بوجهها اللي كله ضربات وعينها المنتفخه شفايفها

*شو اللي يايبنج هني
لفت شروق منصدمه وشهقت اكثر يوم شافت الشخصيه:نعم؟؟؟؟

الجزء الثلاث30وون


يطيح , عذري , فوق صدر الأوراق
ويصيح حرفي , من لوعة الخوف !
مشتاقه000
وشو يعني , فراق
وشو يعني , احتراق
وصدر الكلام , بعين الأوجاع , ضاق
وصار , صمتي , !
.. ملل , و , جروح , و اختناق , !
أنا محتاجه , ل حنين
ودمعتين , !
أنا محتاجتك , تجي
وتسألني , !
وشو يعني , تجي
و اتركني , في عبث حرف , وكلمتين
وقلب , !!
عايشك , منفى , وصاير , سجين ,
أنا محتاجه , ل حنين
ودمعتين , !
أنا محتاجتك , تجي
وتسألين , !
وشهو يعني تجين
و اتركني , !
أكتب , كل شي فيني , و أنادي
ألي حرمني , فرحة زماني , !
وتركني , أعاني
هموم , و , جروح , و أماني
وعلمني , الحنين
وكلمة العمر , في ماض السنين
أنا محتاجتك , تجي !
فيني عبث , حرف , ه الحين!
وفيني قلب , مخنوق , وسجين
و أنتظرك , تجي
كن الدروب أنت , و أنا عين
كن السماء أنت , و أنا غيم!
أمطر , أمطر
حنين , !!
يمكن , قلبك , القاسي , يلين ,!
ويمكن ينبت الحب فيك وتحس
ويمي , تجي
ملني , حتى صبري
وراح , !
وصرت موطن , ؟
بلا عقود , و أفراح
وكتبت الحرف , ودي , أرتاح
وش أسوي , ب الجراح
وش أسوي , ب الجراح
علمني , أرجوك , يا صاح !!
مابي أنا , من حبه , أفراح
بس أبي , منه ,أرتاح !!
و تعال , أرجوك , علمني
ليه الحب , ظالمني , !!
ومنك , ليه , حارمني
وين , قلبك ,!
.. و الإحساس
وين أمنياتي !
وحلم , الحب , وذكرياتي
وين ألاقي , بعدك حياتي!
ويني , أنا
ويني , أنا
يا ناسي !
ويا وقتي المر , والقاسي
محتاجه , أجمع بغيبتك , !
أنفاسي , !
وأعلم الحرف , إحساسي
وخوف , قلبي , والماسي
ويني , أنا
يا ناسي !
.
.
تعبت , !
.............. أنادي
تعبت , !
.............. أنادي
.
.
و
أكسر لجل عينك ,!
عنادي ,
......... و أجمع
أمنياتي , !
..وذكرياتي
وحلم الليل , ل رقادي
و أنت , ما همك , !!
وكل شي فيني يصير
.... منك , عادي , !
حتى , فراقي ,
صار عادي
وصار لون الأوجاع
بحزني , رمادي
يعني , عادي
لو تجي!
........... وتسألني
وشو يعني , حنين
وشو يعني
و أجاوبك ,
الحنين , سجن , المحبين
الحنين , فقر , ودمعتين!
الحنين , أنك , بغيابي , تناديني
و أنك , فيني , تحس!
هذا , يعني , حنين
و الحين , !!
أنا وقلبي , مسافرين








شروق:نعم؟؟؟
فهد طلع لها:هلا شروق شحالج
شروق عصبت:خييير شو اللي يايبنك لهني
فهد طالعها بستفزاز:انا اللي شو يايبني هني
شروق:هيييييه
فهد:شكلاتج نسيتي انا ريلها
شروق:واذا انك ريلها انا اختها ومابسمح لك تيي لها وفلوسمحت يافهد لاتحدني اسوي شئ مايعجبك
فهد:وشو بتسوين لي يعني
شروق:فهد..
فهد:اقول ليتك تطلعين منها لوسمحتي واحد ياي حق حرمته

*شرووق
شروق لفت بصدمه:مجاهد
مجاهد طالع بنظره:شوتساون
فهد:عن اذنكم
وراح
شروق طالعته:هو يا يبا يجوف غرام
مجاهد طالعها
شروق:مجاهد لشو ييت
مجاهدتذكر المسج اللي وصله


"مسيجين روح جوفها مع منو يالسه معقوله قصت عليك "


شروق:مجاهد
مجاهد طالعها:شو كان يبا منج
شروق:مجاهد قلت لك يبا يجوف غرام..
مجاهد طالعه بنظره ماعرفت تفسيرها وطلع لبرا وهي وراه منصدمه
شروق:مجاهد مجاهد
مجاهد لف بعصبيه:شووووووو
شروق:شو فيك
لاكنه طالعها ولف يمشي طالع لبرا
شروق رجعت وهي تتحسب على فهد
............................................
بدر:شهاب طمني
شهاب معصب:بدر اسكت خلني اعرف اتصرف
بدر:اففف ابا اعرف
شهاب لف عليه:احين ماتقولي من مسوي لها جي
بدر:اناشفتها توي اليوم انا اظن انه عمي
شهاب:عمي رايح معنا للعرس امس واليوم الصبح جا المستشفى عنده فحص فامايمديه يضربها
بدر مستغرب:مدري
شهاب:شوف لاتعلم احد واذا صحت اتصل علي خبرني انا لازم ارجع البيت اذن العشا احين اكيد سلمى تحاتيني يلا مع السلامه
طلع شهاب وبقى بدر يطالع بجيهان اللي لف لها شهاب راسها وغطى جروحها ويدها لفها لها طالع بالغرفه حقتها ومشى لها اول مافتح الباب شاف الحوسه اللي صايره من لليله امس لفت انتباهه العبايه اللي مرميه على الارض ومقطعه راح لها وانصدم وطالع الملابس اللي بالجهه الثانيه طالع فيهم والصدمه الجمته عن الكلام
....................................
في امريكا
*يلا راكان كله فحص بلا هالتوتر
راكان:انه مو متوتر بس تعرفين يعني اخاف يقول ان مافي امل اوشئ
الجوري جلست جمبه:راكان شوف هم مارسلولنا اللتقرير الا متاكدين يلا ركان
ركان:طيب
.................................
محمد:ذعار متغير وايد
حمد:هييه حتى انه احس جي
محمد يقول بخاطره الله وين كنا قبل ووين وصلنالحين
حمد:محمد


>محمد وحمد كانوا منسدحيين على السرير ويسولفون<<



محمد:هلا
حمد لف وطالع محمد بحيث ان يده تحت مخدته:محمد انتى ماترمس مروه
محمد ارتبك:هاه اييه ليه
حمد ابتسم ثم ضحك:خخخخخخ شكلاتهم متفقين علينه
محمد مستغرب:جييف
حمد:خخخ مو انه اروى مارمسها حتى انتى نفس الشئ واروى اخت مرتك يعني اكيد انهم متفقين
محمد بغموض:ماظن
حمد طالعه:لييه
محمدابتسم بالم:بس جي الا انتى شو سويت للحينه ماترمسك حتى عقب العرس
حمد تذكر ليله العرس


>>حمد قرب منها وهي رجعت على ورى لين ماصقعت بالباب وهو لصق فيهاوطالع في شفايفها اللي ترجف ابتسم بتشفي
حمد:تشمتين بختج هاه عسب تتادب طب وانتي ماتبين من اللي يادبج
اروى نزلت راسها وهي تحاول تبعد عنه لاكنه رفع راسها بيد واليد الثانيه سندها على الباب وقرب منها وباسها بوسه طويله وهي مبققه عيونها من الصدمه
ماحسوا الا بالباب ينفتح بسرعه وتطلع منه مروه تركض بثواني الا حمد واروى طاحوا على الارض لان حمد كان حاط ثقله على يده اللي مسنده على الباب فطاح على اروى داخل الغرفه وبنفس اللحظه محمد طلع بعد ماشافهم وهو يكتم ضحكته
حمد رفع راسه وطالعها وهو للحين مارفع نفسه من عليها
واروى للحين مبققه عيونها كل شئ يصير لها كنه حلم
حمد:اروى
اروى طالعته وهي تحاول تخلص نفسها من تحته
حمد:شورايج تيين ويايه بلا عرس بلا خرابيط
اروى جاتها خطه فقررت تنفذها
حمد:هاه شوقلتي تيين ويا...
ماكمل كلمته الا اروى صرخت
اروى:امايه والله هو...
قطعت كلامها يوم شافت حمد نقز من عليها وجلس جمبها وطالع يدور على امها مالقى احد لف عليها وهي تضحك ضحك هستيري
حمد مسكها من كتوفها:تلعبين عليه هاه
اروى كتمت ضحكتها:عسب ماتتفق عليه انتى واخوك
سكتوا للحظات يطالعون ببعض<<<

وقف حمد عند هذي اللحظه وبشفايف ترجف قال:شو سرهن"يقصد دمعاته اللي نزلوا"
محمد مستغرب:شووو؟؟


>>حمد حس بشئ قبض على صدره فجاءه وماحس بنفسه الا وهو يحتضن اروى بخوف حاول يخفيه ضمها لصدره وهو يعض على شفايفه اللي بدت ترجف حاول يضبط نفسه لاكن ماقدر كل اللي قدر عليه يحضنها بقووه كانوا على الارض اروى وحمد حاضنين بعض ذيل فستان اروى كان على الارض اروى ماتدري ليه انجرفت معه بس هي خافت من الخوف اللي حست فيه من نبضات قلبه المتسارعه حست بدمعه حاره تسسلل على كتفها رفعت راسه بيدينها
اروى بهمس:حمد لييه؟؟
"وهذي دمعه من دموع معاريسنا لاكنها دمعه مجهوله مجهوله"
حمد اذا هو نفسه مايدري ليه يقولها شنو
حمد ابتسم:ههه لاني شفتج
اروى مستغربه وللحين وجهه حمد بين يدينها:لانك شفتني
حمد يحرك راسه باي:هييه
اروى :حمد انه انه
حمد جرها من جديد لحضنه:اششششششش انتي بس لاتتركيني وانه بخيير <<


حمد طالع محمد وبيضيع السالفه:خخخخ تدري في يوم العرس كانت تتشمتت باختها وتقول عسب تتادب عاد انه صدتها وقلت لها وانتي منو بيادبج فاتك بس حتى قالت اني انا وياك متفقين عليهم"تنهد"ههههه
محمد ابتسم وهو يقول بخاطره لو تدري بحالي ياخوي انه مرتي زعلتها بذاك اليوم
.........................................
اروى :اح سرابوه يقرص
كانوا البنات متحنيات كل وحده لين كتفاه هذا باليد والرجل لين الركبه مع نقشه بالقاع وممديين يدهم ورجيلهم كل وحده بجهه
سراب:خخخخخ عسب تتذكرين شو سويتوا فيني يوم اتحنى
مروه تبتسم:اروينا مو مره حار
سراب:هييه جوفي البطله
*بنات اخوكم يباكم بيي بعد شويه
اخوكم هذي الكلمه اللي قلتها للبنات حسستهم بالعزوه اللي وراهم يفرحون لما ينطرى هالطاري
ام سراب:سراب سيري قولي لجوليا تسوي الفواله
سراب نقزت:انشاء الله
ثواني الا وهي جاييه شافت امها جالسه جمب مروه وتعدل لها كم بلوزتها ابتسمت من جا محمد وعبدالله وسامي وامهم تعامل مروه معامله نوعا ما زينه
سراب وهي تاخذ الكاميرا وتشغلها وتصورهم وهي تغني:حناج عيين يامروه حناج عيين لازفوج على محمد بالج تستحين وكللللللويش وحناج ورق يامرروه حناج ورق لزفوج على محمد طبج العرق
اروى:هههه سرابوه جوفي شلون صار وييها هههههههههههههههه
مروه اللي صارت طماطه:باس
*سلامن عليكم
سراب وام سراب:يمه
حطت سراب الكاميرا وخلتها تصور لحالها
راحوا سلمو على الجده
اليده:هاه شو حال العروستين عسى متهنين
سراب خذت الكاميرا وبدت تصور:جوفيهم يدوه يهبلون
اليده راحت لكل وحده منهم وشافت حنها وحبتها وجلست بينهم وبعد ماتقهوت وخذت احوالهم
سراب:يدوووه غني لنا اغاني اول نبا وحده لمروووه ووحده لارووووه
اليده وهي تبتسم:هيه نغني لهم من اغاني اول ذيج الاصيله
ام سراب:امايه عاد صوتها اول مايحتاي
اليده:وشو فيه صوتي الحينه شزينه
سراب:طب راوينا يدوه
اليده:طيب اندوج نغني لاروى فديتها
عليك بالعافية ياللي شراها
عليك بالعافية تهنا معاها
عليك بالعافية حلوه وجميلة
عليك بالعافية جوده وكميله
عليك بالعافية زينه ونشميه
عليك بالعافية والسعد جاها
عليك بالعافية مهري لبنيه
عليك بالعافية حلوه وحبيبه
عليك بالعافية مبارك قدمها
عليك بالعافية ياللي شراها
سراب بحماس:عاشت يدوووه
اروى:واي غنوا عليه يافرحتي
سراب قربت منها خبطتها على راسها:عيب عليج العروس تكون مستحيه مو انتي حتى العرق مايطبج
اروى:شو اسوي بعدينه تعالي مستقويه علينه انا مروه لاننا بينا حنا بس صبري عليه والله لو انه مو عشان عرسي جان لصقته بقمتج
ام سراب:ارووووووه عيب عليج اختج الجبيره
اروى:انشاء الله
اليده:هههه خليها يام سراب كلها جم يوم وبيسير هالخبال
مروه:حرام بعدين مانروم نضحك
سراب:لاتخافين اصلا هاي ماظن راح تعقل
اروى:ماعلينه يدووه غني على مروووه
اليده تطالع بمروه:نغني لها جم مروه عندنا
مروه انصبغت بالاحمر ونزلت راسها
اليده:حناج عيين يامروه حناج عيين
لازفوج للمعرس بالج تستحين
حناج ورق يامروه حناج ورق
لازفوج للمعرس طبج العرق
سراب:يدووه غنيناها لهم من شوي غييري غيري نبا شئ ماينعرف
اليده مبتسمه:المشكله الصوت ونايدتج خلاص بيروح
سراب:معليه معليه نبا شئ يونس جم مره بنعرسهم نحنا
ام سراب:لو بيدي جان سويتلهم حنا بس هم مو راضيين
اليده:خلاص نغني غيرها شو شو شو هييييه قومي اطلعي له ... يالغالية..
صفت خواتم على ... الغالي..
قومي اطلعي له ... يالغالية..
محلا الملبس على ... الغالي..
قومي اطلعي له ... يالغالية..
صفت سلاسل على ... الغالي..
قومي اطلعي له ... يالغالية..
صفت رياحين على ... الغالي..
قومي اطلعي له ... يالغالية..
صفت اورد على ... الغالي..

سراب:يدوه ماشاء الله عليج حافضتنهم
اليده:هييه هاي زمان اول ماروم انسى منه شئ
...................................

زياد دخل شقته وهو يتذكر اللي صار له اليوم


>>صققر:تبطي تشتغل هني
زياد:انت شتبغى مني
صقر:زياد كذا اكرهك
زياد:ممكن تبعد عن طريقي
صقر بسخريه:هههه وين بترو ح ياخي قلت لك ماراح يكون لك مكان هنا
زياد طالعه :صقر
*صادق كلامه حنا ماقبلنا اوراقك عندنا
زياد رفع راسه وطالع في المدير
زياد بقهر لاكن مخفيه:اشوى انك ماقبلتها لاني بكون متحسف اشد الحسف<<<

رمى حاله على السرير هذي ثاني مكان يروحه مع انه مهندس ومع مرتبه الشرف لاكن محد براضي يوظفه صحيح اخوانه حاولوا يقنعونه يشتغل معهم لاكنه كان يبي يبني نفسه لوحده
...................................
محمد:عليكم بالعافيه
مروه واروى:الله يعافيك
محمد:سراب وينه هلال
سراب مبتسمه:هلال بيجي الساعه 12 بياخذني
محمد مبتسم:الله يوفقكم
سراب قربت الكاميرا لمحمد:جوف هاي مساعه مصورينه
جلس محمد يطالع في الصور وهو مبتسم
كان بثواني يخطف عقولهم يحسسهم بابوته يحسسهم بحنانه مايخلى كلمه اه تطلع منهم
....................................
ملك:شو قلت جهاد
جهاد كان متردد:طيب بنسير الا هاي رفيجتج مايات لنا
ملك:لا كانت من ايام ماكنا في بيتنالجديم
جهاد:خلاص حضري نفسج باجر بنسير
ميره :ملوك منوقالج عن عرسها
جهاد:هييه من قالج
ملك وهي تبوس عبدالله:اختها اروى اتصلت عليه وقالت لي وانه عاد نسقت وياها عسب بسوي لها مفاجاءه
ميره:شو هي
ملك:سر
ميره:اممم سر
ملك:هههه بتجوفينه لسرنا هناك
جهاد:خلاص بنسير لهناك انتي بس حضري حالج
ملك:الله لايحرمن منك
اندق الجرس في هذي اللحظه جهاد قام بيفتح الباب
جهاد:منو
فتح الباب كان اللي عند الباب سعيد
سعيد بلع ريقه:السلام عليكم
جهاد:وعليكم السلام
سعيد:شحالك الشيخ
جهاد:بخير منو
سعيد مبتسم:بتخلينا نرمس برا
جهاد:اووه لاه حياك
دخله للمجلس وطلع للصاله
جهاد:جهزي الفواله بسرعه في ريال على الباب
ميره:ملك حبيبتي قومي انه برضع عبدالله
ملك:طيب
راحت ملك للمطبخ وراح جهاد للمجلس بعد ماخذا كوب عصير
جهاد:منو الريال
سعيد:وياك سعيد
جهاد:عاشت الاسامي
سعيد:عاشت ايامك انتى طبعا مستغرب انه شو اللي مييبني لك
جهاد:هييه
سعيد:انه ياينك ابا اخطب ملك
جهاد مستغرب:ملك
سعيد:هيييه
.............................................

شروق:طب شو اللي استوى
غرام دمعت عينها:ماباه
شروق تنهدت
غرام: شروق انه احبه
شروق منصدمه:فهد
غرام:لاء...."قالت بصوت انسان خسر عزيز"ضاري..احب ضاري لمشى احس الارض مو سايعتني من الفرحه"دمعت عيونها وهي تطالع بشروق"مو هاي الحب شروق لما اشوف رزته وكشخته يمغصني بطني"طاحت دموعها "مو هاي الحب مو هاي الحب شروق قالها لي قالي احبج قالها قالها


>>ضاري ابتسم ابتسامه ذوبت مخ غرام:شحالج الغاليه اربج بخير
غرام تهز راسها علامه انها بخيير وهي مو قادره تتكلم مستغربه من نفسها وين لساني وووينه
ضاري ضحك ضحكه هزتها وكهربتها:شو منو كلى لسانج
غرام انحرجت ونزلت راسها
ضاري حس باحد بيجي فقرب منها وهمس باذنها:احب ج<<





ايه احبه حب ماهو اعتيادي
احبه اعزه اموت فيه واذوب
وليتني له يد من الايادي
لا طلب شي(ن)جبت له المطلوب
ليتني ظله وظلاله والوادي
ليتني درب(ن)لامشى بين الدروب
ليتني شعوره بحس الفؤادي
ليتني انفاسه لا تنهد متعوب
ليتني صداه لا نادى انادي
ليتني ماني اناليتني المحبوب



شروق:من متى هالشئ
غرام:من اول ماجفته شروق ابويه صدق فهد
شروق:بشو
غرام:فهد قال انه "وقالت لها السالفه كلها من ليله انتحارها مع دموعها المعذبه"
شروق شهقت:كل هذا صارلج وانه مدري لييه ماقلتي لي
غرام:شو هو خبر حلو اخبرج
شروق للحين منصدمه:حسبي الله عليك يافهد
غرام:خايفه شروق خايفه
شروق حضنتها وهي تحاول تهديها ومنصدمه
*ضاري يحب غرام
*غرام تحب ضاري
*ابوها وفهد الخبيث
*هوشه عمها وابوها على سالفه مزيفه
.....................................
شوق:باباه ماما وينها
مجاهد للحين منقهر من شروق:مدري عنها
شوق:رديت لبيتهم
مجاهد:شواقه خلاص سيري باباه غرفتج انامي
شوق:مابا اثير
مجاهد:شوووق
شوق بدمعه:انه ماحبك لانك ماتحبني
وراحت تركض لبرا الغرفه مجاهد جلس وطالعها ماكان له خلق لها رجع راسه على الفراش وهو يفكر معقوله شروق بس فهد يصير ولد خالتها لاء يامجاهد لاتفكر هذي شروق
......................................
في يوم العرس



اليوم الي ننتظره



اليوم اللي بيفرح قلوب


اليوم اللي بنزف فيه معاريسنا


اليوم اللي>>طولتها صح خخخ



في بيت جاسم"بومحمد"

وبالذات في غرفه محمد اقصد جناحه كان واقف يشوف امه جالسه تبخره عسب يطلعون وتللولش
محمد مبتسم:فرحانه يام محمد
ام محمد:هيه وجيف مافرح واليله عرس ضناي الوحيد
محمد:الله لايحرمني منج
ام محمد وهي تطالعه:هاه يامحمد ماوصيك على حالك ومرتك باجر لسرت وياها للشهر العسل تراهي يتيمه وانتى اللي بتتظل فيك الحينه ماباك تزعلها تراها غاليه عليه
محمد باس يد امه:انشاء الله الغاليه
ام محمد حضنته ودمعتها فرت



في جناح حمد
كان الهدوء يعم المكان ام حمد تناظر حمد بصمت ودمعتها على محجرها وحمد يطالعها وهو مبتسم لها ابتسامه حلوه يتامل ملامح وجه امه
ام حمد :شوفيك تطالعني جيي
حمد رفع يد امه وباسها مره ومرتين ثم قرب من راسها وباسها
حمد:امايه انتي زعلانه مني
ام حمد شئ قبض قلبها من كلمته:زعلانه منك وليه ازعل منك
حمد:عييل لييه الدموع لييه الغاليه
ام حمد دمعت عيونها وبصوت مخنوق:ولدي متكشخ وبيروح لعروسته الليله ليه مافرح وانا امك لييه هاي دموع فرحتي
حمد باس يدها:ياعلني ماذوق حزنج وعساني ماشوفهن مره ثانيه يلله امايه مابا اروح الا وانا جايف ابتسامتج طلبتج امايه
ام حمد ابتسمت له وباست راسه




في الغرفه حقت ضاري
متعب:ضاري عدل الغتره
ضاري:متعب صبر اشويه خلني اعدل شكلي بعدينه انتى تعال
متعب:ضاري
ضاري:ويلي منك هات اجوف
مسك ضاري الغتره وجلس يعدلها له
متعب:ضاري
ضاري:هممم
متعب:انتى بتاخذ غرام
ضاري ترك الي بيده وطالع فيه:شنو
متعب:انتى بتاخذ غرام
ضاري:اخذها وين اخذها
متعب:اقصد بتتزوجها
ضاري؟؟؟؟؟؟؟؟؟؟؟؟
متعب:يدي يقول
ضاري :متى قال جي
متعب :يوم سرنا ذاك اليوم
ضاري:اي يوم
متعب:ثاني يوم من عرس خواتي
ضاري تنهد:غرام متزوجه "ورجع يعدل غتره متعب"
متعب:ضاري ترا انه ماراح ارمس عن هالشئ لحد تدري ليه
ضاري:....
متعب:لانه سر للكبار بس
ضاري ابتسم:هييه انتى شاطر جي
.........................................
في الكوفيره
سراب كانت متكشخه ومخلصه بس تنتظر خواتها اللي بس باقي لهم التسريحه
*خلصت سراب
لفت سراب على مروه وابتسمت بحب قربت منها
سراب:خف التوتر عنج حياتي
مروه رفعت راسها وشفايفها ترجف:الحمدلله وينها اروى
سراب:اروى يالسه تسو...
*اروينا يات
لفو سراب ومروه وانفجروا ضحك
سراب:من صجج انتي عروس
اروى بوزت:لييه مو حلوه نفس هاللي يمج ولا
مروه:اروى عطيني شوي من ثقتج
سراب:هييه عطيها ياختي ذبحتني بالهخوف قلت لج والله مافي شئ يخوف بالعرس اذا على الزفه
اروى قاطعتها:خيلي جنج بحفل تخرجنا العام وبس فديتج
سراب:هههههههههه يعني انتي بتتخيلين جي لالله يعين الناس جان ماترسل لهم بوسات نفس حفل تخرجكم
مروه:ههههه خليها ترسل بوسات ...
اروى:هيه واتخيل امايه جالسه تغني لي
وقفت وسوت نفسها تغني على المسرح
اروى:طلي بالابيض طلي يازهره نيسان طلي ياحلوه وهلي بالهوجه الريان واميرك ماسك ايديك والوب الكل حواليك والحب يشتي عليكي ورد وبيلسان والبي بيدعيلك يابنتي بالهليله الشعلاني ياميره البي انتي سلمنا الاماني"مسكت يد مروه وووقفتها"ماتنسي اهلك ياصغيره تعي لينا ماصرتي كبيره ظلي معنا وطيري وطيري مع جناح الامان"مروه تضحك وتضحك وذيك عايشه الدور"شعي مثل هالطرحه ياغللى البنات صلي تعيشوا بي هالفرحه لبائي الحياه وربي بالسما يباركون وين ماتوجهتوا يرافقكون في الايام الصعبه ينصركون على كل الاحزان "ونست المقطع وقفت متنحه تتذكر بعدين قامت تخربط "وبنئلك مع السلامه وروحي تحميكي الكرامه وطللللللللللي بالابيض طللللللللللللللللي
مروه بعدت عنها:ههههههههههههههههههههه بطني ارووه
سراب:هههههههههههههه سوينا ربكه بالمحل
اروى متحسفه:حسافه نسيت المقطع الاخير
جوال دق
سراب:الو ...هييه خلصنا بتيينا الحينه ...خلاص يلا مع السلامه
.................................

محمد:حمد
حمد طالع محمد وهو الابتسامه مافارقت محياه من دخل وجلس الكل يطالعه كان وجهه منور بفرحه اللي مو مصدقها هو نفسه
حمد:هلا
محمد:جوف ذاك طول الوقت يطالع فيك
حمد:يمكنه معجب
*سلامن على التوام
لفوا على سامي
حمد:تؤام مره وحده
سامي:والله اللي يشوفكم يقول تؤام
حمد ومحمد طالعوا بعض وابتسموا
................................
افرحوا وهللوا ياعرب إجتمع اليوم ماس وذهب هذا (محمد )إللي خطب (مروه )وهي عز الطلب
الماسه هي نور العيون تمون بالنظره وتمون الله كساها بالجمال فتون مامثله فتون
يالله طلبتك ياعظيم تزيد فرحتنا تد يم وفق لقاهم ياإلاهي قادر وانت الكريم
بالفخر والإعتزاز إجتمع ناس عزا ز بالرفاه والبين نالها النشمي وفاز
هللو كل العباد وانورت كل البلاد لجل (محمد ومروه )صار مايقوى البعا د
غنيت انا ل (محمد ومروه )وباركت أنا لأهل الغرام في ليلة والله يحلا فيها الشعر ويحلى الكلام
مروه )جتله عروسه حلوة وفيها الدلال ( محمد )القمر في تمامه يستاهلك بالوصال
(ال..)تهنوا بعيدكم والقريب مع (ال.. ) تغنو نعم النسب والنسيب
( مروه )ياشيخةالبنات بالزين وبأعلى صفات مثل شمس شارقه عن كل زينه فارقه
يالله طلبتك ياعظيم تديم فرحتنا تديم وفق لقاهم ياإلهي قادر وانت الكريم

وقفت مروه على المسرح ماسكتها يد محمد تطالع بالناس وتطالع بالمصوره تاره لف محمد عليها ورفع طرحتها
مروه كانت رافعه نص شعرها والنص الثاني طايح على ظهرها بطريقه خلابه النص الاول كان مسوى بطريقه تخبل طايح على الوجهه اغلبه بطريقه ساحره ومكياجها كان بارز للسحر اللي فيها اكثر والحبه الخال اللي فوق شفايفها كانت جررح بمعنى الكلمه نزولا على الفستان اللي كان منفووش وماسك من عند الصدر بس واعجزواناقول حلو عليها بالذات مع جسمها اللي متبتب على ضعيفه
محمد بلع ريقه:مبرووك
....................................
اروى:يلا بتصوريني الحينه
المصوره:اي ابل مايجي العريس
............................
..............................
مها:مساعد شو صار
مساعد:قلت لج لاتتتصلين انه بخلص كل شئ
..........................
ملك:هاه سراب شو الحينه
سراب :هيييه تعالي ويايه
صعدت ملك على المسرح وعطت سراب السيدي ووقفت بمكان مو بعيد مره تقدر فيه تشوف رده فعل مرووه
سراب مسكت المايك:هاي اهداء من صديقه للعروس
مروه رفعت راسها
....................زز
حمد:خلاص انا بسير هاي الغرفه
سامي وهومستعجل:اييه انا لازم اروح
........................
تطفت الانوار من جديد وتشغلت اغنيه مع صور لف محمد ومروه على البروجكت ومروه وقفت اول ماشافت الصور واسمعت الغنيه وحطت يدها على فمها من الصدمه

من زمان وانتي بنوته جنان
لسى فاكراكي يامروه وانتى لسى في الحصان
من زمان واحنا احلى اصحاب كمان
وانتى اقرب حد لي والسنين عدت اوام

"كانت صور مروه وهي طفله صغيره بلبس المدرسه وهي تلعب وكم صوره لها ذكرى حلوه"

والنهار ده بغني ليكي
والعريس ماسك ايدكي
الله على طعم الفرح
مبروك عليه ومبروك عليكي


"واخيرا شافتها ابتسمت ودمعه خرت ملك راحت لها تركض وحضنتها"


اد ايييه فرحانه لك اداييه
عمر عشنا وكنا فيه
خطوه خطوه جمب بعض
ولسى فيه حلم ياماحلمنا بيه
نلئى بنتك ويا بنتي زينا اصحاب بقد

"الكل دمعت وهم ييشوفون حضنهم لبعض"

بكره تيجي تباركي ليا
مانا خلاص فاضل شويا
واتزوج واحصلك
حبيبه وايدو بيديه

والنهار ده بغني ليكي
والعريس ايدوه بايديكي





مروه:وحشتيني يالدبه
ملك:وانتي اكثر
...............................
حمد وقف عند الباب توه بيفتح الباب
*حم د
حمد لف وابتسامته مافارقت وجهه لاكن انصدم بالسكين اللي انغرست بصدره
تمسك باللي طعنه
حمد بالم:منو انتى منو
مساعد طالع بحمد وخاف ليكشفه لاكن حمد كان اسرع منه ورفع الغطا اللي على وجهه
حمد ابتسم وهوينازع الالم:كنت متاكد انك انتى كنت ...مت...كد
*حمد
كانت صرخه ثانيه لفوا على الا احمد اللي جا بسرعه ومن صرخه جا كم رجال حمد خارت قوه وقت اللي وصل احمد والرجال اللي مسكو مساعد اللي كان يحاول يهرب لاكن ماكو امل
بنفس اللحظه فتحت اروى الباب وانصدمت كل اللي كانوا مو جودين لفوا عليها وانصدموا بعد ماكتشفوا ان هذي العروس احمد ماقدر يطالعها بثوب العرس نزل على احمد وبنفس الوقت طاحت اروى عنده ودموعها اللي بدت تطيح
كانت اروى لابسه فستان طايح وماسك من الصدر والطرحه على جمب وشعرها كله رافعته
اروى تهزه:حمد.."بلعت ريقها"حمد
...........................

محمد:لاوصيك عليها يامحمد
محمد:بعيوني
وقفوا عسب يطلعون


توشحت بالزين كله وراحت
. . . . . . . . يارب تسعدها وتسعد مساها

فرحت بليلتها وفيها تباهت
. . . . . . . . وتغنجت بالزين حتى خطاها

انسامها بالورد والمسك فاحت
. . . . . . . . وتعطر المحفل بنفحة شذاها

فلت ظفايرها وصالت وجالت
. . . . . . . . وتراقصت كل المشاعر معاها

تعالت الصيحات معها تعالت
. . . . . . . . واختالت الزينة وقامت تباها

بخدها قمرا ونجمة تلالت
. . . . . . . . مغيرها بالليل يضوي سناها

يا حيها أتحيات بالود فاضت
. . . . . . . . مقدارها عالي وزايد غلاها

أفراحها بانت عليها وزانت
. . . . . . . . والله يهنيها بشوفة مناها

راحت بزينتها وبالحب عادت
. . . . . . . . محبوبها بالود والطيب جاها

لعيونها كل المطاليب صارت
. . . . . . . . عروس مزيونة وكامل حلاها

اول ماوقفوا عند باب الغرفه
سراب:يلا مروه لازم اسير لاروى اجوفج على خيير ياحياتي وعساه مبروك عليكم
..................................
اروى تطيح دموعها بغزاره وهي تجره من ثوبه لها:حمممممممد تكفى قووم قووم حمممممممد لييه واقفين جي تعالوا شوفوووه بيسير مني حممممممممممممد قوم
حمد فتح عيونه وطالعها:اروى"سكتت يقاوم المه"
اروىرمت حالها عليه تصيح بحرقه والم صعب عليهالموقف احمد حاول يبعدها لاكن ماكو فايده نزل غترته على كتفها العريان
حمدهمس:اروى احبج اهتمي بحالج"سككت ياخذ نفس"قولي لامي لاتزعل عليه امي لاتزعل عليه
وطاح راسه وغمض عيونه
اروى صرخت:ح م د
.............................
ام حمد ركضت:ولدي حمد
ام محمد:ام حمد ام حمد
.............................................
اروى :تكفى قوووووووووووووووووووووووووووووووووم قووووووووم اه يايمه اه لاتعذبني ياحمددددد تكفى
*ولدي ولدي
طاحت ام حمد على رجيلها عند حمد وصرخه صرخه فجرت فيها كل براكيين الم
ح م د

احمد قرب منها:خاله تكفين اتركيه
ام حمد صرخ:ووووولدي جيف تباني اتركه
احمد ماعرف كيف يقنعها تبعد حمد ينازع
ام حمد:حمد يمه حمد
حمد وكانه استجاب لنداء امه طالعها بنظره ولسان حاله يقول:


اشوف الكل يودعني ولكن بينهم تبقين
يا يمه امسحي دموعك عيونك لا تبكيها


يا يمه هذي القسمة وقدر قد عرفنا زين
ياخذ ارواح من حوله ويوديها لباريها


يا يمه اليوم انا راحل بلاها الدمع عالخدين
ترى روحي تودعني بحالك ذا تشديها


ابي يمه تضميني كما طفل على الإيدين
ابي فحضنك تخليني إلين الروح اخليها


وبوسة راس تكفيني ومسحة إيد عالهدبين
اغمض فيهم عيوني يا اخر وجه يضويها


يا يمه وش بقى ليا وانا عالموت لي شبرين
وروحي تغتسل مني ابي ببسمة تنشريها


وخلي عنك كل هالناس..عيونك ترتمي لا وين؟؟
تصرخي بينهم ياكيف روحي لي ترديها


علامك كل مايقولوا "خلاص هديه "ماترضين
ولا قالوا لك الرحمة بكيتي إلين قلتيها


وكتفي تهزه ايدينك بنبضات الأمل ترجين
عساها تنبض بقلبي وتحيي روح راعيها


خلاص اليوم ودعيني ومسحي دموع هذي العين
واذا غلطاتي في حقك كثيرة اليوم انسيها


يا يمه قولي لأخواني وصية حقهم بعدين
ترى رضاك يغنيهم عن الدنيا ومافيها


ووصيهم يطيعونك بقولة " ايه ..نعم..وانزين"
اقسم بهذي اللحظه حياتج صعب نوفيها


ابي بإيدك تغسليني ياجنة تحت هالرجلين
عسى بإيدينك اتطهر من ذنوب ومساويها


يا يمه الحين كفنيني وقبليني اذا تكفين
واذا فيني سقط دمعك لفيني ولفيها


اشوف الكل يودعني ولكن بينهم تبقين
يا يمه امسحي دموعك عيونك لا تبكيها



ام حمد خذته لحضنها :يمه جاوبني حمدددد يمه حمد كنت حاسه قلبي كان عارف اه عليك ياحمد قوم يممه قوم
حمد طاح راسه بحضن امه والروح تسلمت لباريها
.................................................. .............

الجزء الواحد والثلاثون



ام حمد خذته لحضنها :يمه جاوبني حمدددد يمه حمد كنت حاسه قلبي كان عارف اه عليك ياحمد قوم يممه قوم
حمد طاح راسه بحضن امه والروح تسلمت لباريها
اروى:حمممممممممممممممممممممممممد تكفى رد تكفى
احمد مسك اروى وبعدها عنه وهو يحتضنها لصدره لانها قامت تصارخ بشكل جنوني
..................................
بالجهه الثانيه محمد ومروه طلعوا برا الفندق بيروحون يقضون ليلتهم في فندق ثاني
....................................
*بومحمد يابومحمد الحق على ولدك الحق عليه
بومحمد لف علىاللي اقتحم الصاله عليهم وهو يصارخ وركض وراه ومعاه اللي كانوا معها
................................
اروى وهي تصارخ:هدني خلني ابا اقومه هو ماراح يخلينا خلني اقومه احمددددددد تكفى طالبتنك خلني
احمد سحبها بصعوبه من على حمد
ام حمد:حمد يمه قوووووم قووووووم يايمه حمممممممممممممممد لاتعذب امك ياحمد لاتعذبها قوم جوف عروستك قوم جوف اللي بتاخذها قووووووم ياحمد قوم ياحشاشه يوفي قوم ولا تعذبني حمد انه امك قوم انه بموت بدالك قوووووووووم الحقوا عليه ولدي بيسر مني

اروى من كلام خالتها ماقدرت رجولها تشيلها وتذكرت حالها وهي تغني قبل ساعات



>>اروى:طلي بالابيض طلي يازهره نيسان طلي ياحلوه وهلي بالهوجه الريان واميرك ماسك ايديك والوب الكل حواليك والحب يشتي عليكي ورد وبيلسان والبي بيدعيلك يابنتي بالهليله الشعلاني ياميره البي انتي سلمنا الاماني"مسكت يد مروه وووقفتها"ماتنسي اهلك ياصغيره تعي لينا ماصرتي كبيره ظلي معنا وطيري وطيري مع جناح الامان"مروه تضحك وتضحك وذيك عايشه الدور"شعي مثل هالطرحه ياغللى البنات صلي تعيشوا بي هالفرحه لبائي الحياه وربي بالسما يباركون وين ماتوجهتوا يرافقكون في الايام الصعبه ينصركون على كل الاحزان "ونست المقطع وقفت متنحه تتذكر بعدين قامت تخربط "وبنئلك مع السلامه وروحي تحميكي الكرامه وطللللللللللي بالابيض طللللللللللللللللي<<<<<<<<<<<



اروى طاحت على الارض وهي تصرخ من جديد:لا ا حمد قوم اه يماه يباه اه
احمد ماقدر يحبس دمعته وهو يطالع محمد اخوها اللي جاي يركض
احمد طالع في محمد:محمد
محمد جا لها واخذها لاكن اول مامسك ايدها طاحت مغمي عليها
بومحمد جلس على رجيله عند ام حمد وحمد وقال بوهن:حمد"مد يده اللي ترجف وهزه"حمد قوم
حمد
......................................
لاحول ولا قوه الا بالله
لاحول ولا قوه الا بالله

"عروس تلطخ بدم عريسها في يوم الزفاف"


"بدل ليله الزفاف البيضاء تحولت ليله حمراء"

"عرس تحول لجنازه"

"عروس تبكي عريسها ليله زفافهم"

كانت هذي عناويين الصحف اللي نشرت الخبر


في المقبره كانت حشود من الناس متجمعه اهل السعوديه كانوا حاضرين لعرس لاكن العرس تحول لجنازه
ضاري يطالع بجثه اخوه اللي ينزلها ابوه واخوه محمد ماكان حاس بالناس من حوله يطالع والعبره خانقته للحين مو مستوعب شئ من اللي صار امس اخوي مات يعني شنو مالي اخوا اسمه حمد يعني يعني قرب منهم يعاونهم يطالع بوجهه ابوه الللي مقلوب ومحمد اللي متلطم
بعد ماحطوه بقبره وكشفوا عن وجهه ضاري شهق بخفيف وقال
ضاري:حمد..ا
محمد وقفه بسرعه لاينهار هنا وطلعه مسكه طلال اللي كان اول واحد يقابله ومسك الجسد لاكن الروح مو معه كان يشوفهم وهم يغطون حمد بالحجر وده يصرخ لاكن مافي صوت وده ينحب وده يقولهم معاه ابي تدفنوني هو اللي شايلني هو ابوي اللي بفقده هو اللي شايلنا هو هو هو هو هو
ماحس فيهم الا والقبر خلاص تسكر الكل قام يروح بقى ضاري واقف يطالع بالقبر كانه يشوف حمد جثا على ركبته عند القبر وطالع في التراب اخيرا نزلت دموعه اخيرا
ضاري وهو يصيح:حمد ليييييييه لييييييه"اجهش بالبكا "لييييييييييييييييييييه حرموك فرحتك ليييه اهئ لييييييييييه


جاني خبر وهز القلب ودقاته
يوم قالوا اخوك مات والحق صلاته
رحت ودعيت بصدق وانا بصلاته
عسى الله يغفر بدعواي ماضي حياته
رفعت النعش وعلى كتفي ثباته
وكل همي الفردوس تصبح جزاته
انحنيت عند قبره على ركبتي من غلاته
وبكيت والناس يقولون من يسوي سواته
مادروا ان اخوي تحت التراب اصبح مباته
واخوه فوق التراب تتثاقل خطاته
اصبحت مجنون مستغرب من الميت سكاته
ينتظر كلمة ويمسح لأجلها دمعاته
وصديت وقلت ليتني ميت مع مماته
واشوفه محشورمع الحور عند ربي بجناته



ضاري مسك التراب بيده:ليتني بدالك ياخويه ليتني "قام يشاهق من غير شعور وطلع صوته بالصياح"انت ابويه انت اهلي كل دنيتي كييف بعيش من دونك حمد منو اللي بيصبرنا بعدك

ماحس الا باحد حضنه ضاري مايدري من اللي حضنه لاكنه تمسك فيه وصاح صاح اخوه اللي بيفقده صاح العذاب اللي شافه بعيون امه صاح العريس اللي ماتهنى بليلته
كان بو محمد ماسك ضاري بعد ماعذبه بكلامه ضناه مات وهو مو مستحمل اي شئ
........................................
فتحت عيونها وطالعت باللي حولها ماكان فيه غير مروه اللي توها داخله اروى كانت منبطحه على السرير من امس ماتغيرت وضعيتها بفستانها الابيض اللي كله دم تسريحتها اللي اختربت مكياجها اللي ساح مروه ركضت لها وحضنتها
مروه:اروينا حبيبتي
اروى صاحت :مروه مات بيدي مات
مروه :خلاص حبيبتي خلاص اهدي اهدي
اروى:ابا اجوفه
مروه دمعت عيونها:....
انفتح الباب من جديد ودخلوا اخوانه وعيونهم حمره من البكا طالعتهم ونزلت راسها ماتبي تشوف اللي بعيونهم من دموع اكيد خلاص دفنووو ه تماسكت قدامهم لاكن سرعان ماخارت قواها وهي تقول


ياللي دفنتوا جثته.. ليه تبكون؟
لولا الحيا..لأقول : معكم خذوني

منه انحرمت وكنت انا عنه مسجون
ما أذكر لمحته .. غير مره بعيوني

شفته ..وكانت فرحتي مالها لون
عجزت لأوصف .. من لمحته شجوني

ياليتني ..كنت الكفن يوم تمشون
أبقى معه بالقبر ثم تدفنوني


أو ليتني .. من خلفكم كنت (مجنون)
أتبع خطاكم والعذر هو : جنوني

أبكي وراكم .. وأدعي ان كان تدعون
ما يكفي انه عاش عمره بدوني؟؟

تكفون < هاكم عمري اليوم تكفون
برخص حياتي دام خابت ظنوني

ما فادني صبري !! ولا فادني عون
ولا فادني دمع(ن) .. حرق لي جفوني

يا ما بكيته والبكي يحرق عيون
ميت أو انه حي .. دمعي بعيوني!!

العام كان بفرحته.. يعزف لحون
واليوم ؛ تحت الأرض .. ماهو بكوني

لكن أنا في فرحته.. كنت مدفون
فوق الثرى .. واليوم موته سجوني

(سميت قلبي عقب فرقاه ملعون)
هو و الليالي .. عن هناه امنعوني

ياليتني.. ماعشت لحظه بهالكون
و ياليت ربعي .. في سكات اذبحوني

وياليتكم .. عن همي اليوم تدرون
منه انحرمت > ومن عزاه .. احرموني

حتى بوفاته !! يوم أنا طحت مطعون
أخفيت طعناتي .. قبل لا يفضحوني

بكيت!! لكن .. ماتظاهرت بالهون
أبكي وأقول : الموت هو سبة طعوني


و إن كان في حبي أنا ..ماتحسون ..؟!
دلوني لقبره .. وهناك .. اتركوني ..!

اروى:ابا اسير العز
محمد:لاجدك يقول ارتاحي هنا
اروى صاحت:بس انا ..انا
محمد جلس جمبها:اروى انتي ارتاحي هنا وعندك مروه"تنهدت بالم"ماراح تتحملين اللي صاير تونا دافنينه"خرت دمعته واخافاها عنهم"وامه واخوانه مو مستحملين كييف وانتي انتي...
ماقدر يكمل كلمته
اروى هنا تكورت على نفسها انا ارمله ارمله ارمله
.......................................
في المستشفى
غرام كانت جالسه لحالها شروق قالت لها بتحضر عرس حمد ومحمد وبترد لاكن من امس لالها حس ولا خبر تنهدت بضيق وغمضت عينها تحاول ترد للنوم زهقت من كثر ماتنتظر اختها
...............................
*ماتقولين لي من شنو هذا
جيهان كانت تتنافض وهي تطالع ببدر اللي عيونه بتطلع من محاجرها
بدر:جيهان اذا مابتتكلمين انا بوريها عمي
جيهان:...
بدر صرخ:جيهان تكلمي انطقي تررا بالبيت مافي غيري انا وانتي واختي يعني مافي احد تخافين منه
جيهان من صرخته خافت منه اكثر فحضنت نفسها وهي تصيح بقوه
ماعرف بدر شنو يسوي معها سكت وتوجه لباب الغرفه لاكن قبل مايطلع لف عليها
بدر:بتركك لما تهدين وبعدين ابي تفسير لكل اللي صار انتي تدرين لو وديناك للشرطه كان سوو تحقيق وفتح محظر وووو...الخ تدرين ولا لاء
جيهان لازالت على وضعها وماتحركت
تاف اف منها بدر وطلع لاكن صوتها رجعها
جيهان:تكفى نخيتك ياولد عمي لحد يدري لحد يدري"واجهشت بالبكاء من جديد"
بدر قرب منها وجلس على ركبه قدامها:اوعدك محد راح يعرف بس انتي تكلمي تكلمي ياجيهان
جيهان رفعت راسها اللي موسم:ماقدر ماقدر
بدر نزل راسه وتنهد:والله ابي اساعدك
جيهان ابتسمت وهي تخفي كسرها:تعودت ياولد عمي مو شئ جديد علي الحزن انا الحين حزينه بكره بتشوف ضحكتي لازم ارسمهها مو لازم ابين اني مخنوقه ابد مو لازم انت بس ادعيلي
بدر:انا اذا احتجتيني تراني موجود
جيهان ماتكلمت وظلت تطالع فيه وهو طالعها ثم لف وتوجهه للباب من جديد وطلع ترك جوجو تصيح لحالها وتعاني المها لحالها لمنو تشكي مالها غيرهمحد غيره هو اللي بتشكي له

غصب أضحك .. غصب أفرح..ولكن الجروح كثار
أحاول أبتسم/أمرح وصوت الحزن يرثيني ..




تهيج ب داخلي عبره أعالجها مع الأسحار!!.
أمد كفوفي ل ربي و سواد الليل يخفيني ..





تعلمت الصبر لكن بدا في داخلي ينهار
سقى ذاك الزمان اللي دموعي تحتضن عيني!!.



تصب مجرى الدموع وضاق صدري والسنين أقدار
كفايه من جروحي بس/ودمعي اليوم يعصيني!!.




أنا يا صاحبي ما جيت أبث الهم و الأسرار..
ولاني قادره أحكي/وش اللي هو مضايقني





خذيت ( العهد ) من نفسي أموت ولا أقول شي صار
تعلمت أكتم|| العبره||ولله أرفع/ايديني





تعلقت ب رجا رب [عزيز قادر جبار!!.
وعانقت الرضا لكن..مع ضيقه تلازمني





ألا ياصاحبي بالله لا تزعل و لا تحتار
ولاتنشد عن أحزاني ولكن/ لا تخليني!!.





طلبتك كان لي خاطر [دعاءب حزة الأسحار


أناشهد بالدعا والله/ أحس انك تواسيني

...............................
راكان: الجوري
الجوري اللي كانت جالسه على التسريحه تعدل شعرها:هلا
راكان وهو يفسخ بلوزته:عطيني بجامه بدخل اتروش
الجوري:خلاص انت ادخل على بال ماجهز لك "طالعت بوجهه"راكان فيك شئ
راكان:لاه بس جهزي اللي قلت لك عليه
وقام بتثاقل ودخل الحمام والجوري ترقبه بعيونها فيه شئ بس ماتعرف وشهو من الصبح وهو معقد حواجبه وكل ماسالته شفيك تعذر باي شئ
*الجوري
الجوري لفت عليه كان متمسك بالجدار الي عند الحمام ولاف الفوطه على خصره راحت له بسرعه ومسكت يده كان مرره ساخن
الجوري:راكان شتحس فيه
راكان رما ثقله عليها:راسي احسه يدور واحس بطنين فيه واحس جسمي يالمني اه وصلني للسرير
الجوري مسكته من خصره بقوه ومشت لسرير:بسم الله عليك الرحمن الرحيم
جلس على السرير وحط راسه صار نصه على السرير والنص الثاني برا رجوله لبرا
الجوري:ارتاح انا بروح اجيب الزيت المقري اللي عطتني اياه امي
راحت الجوري وبقا راكان اللي يحس نفسه خلاص هلكان من التعب ماحس الا بيد الجوري اللي مسحت بالزيت على صدره وهي تقرا قران ومسحت تقريبا كل جسمه اخر شئ مسحت على راسه ودخلته على السرير عدل وهوكان مستسلم لها حطت الحاف عليه وجابت ماي بارد وجلست تكمد راسه ليين ماحست انه شوي خفت حرارته تنهدت براحه وباست جبينه وهي تطالع كييف مستسلم للنوم كانه طفل برئ حمدت ربها لانه من جاوو لهنا وهو متغير صاير يعاملها زين ويكلمها عن مشاعره اكثر تخاف اذا رجعوا يرجع على عادته جات بتقوم تجيب له ملابسه الا مسك يدها
راكان:خليك وياي
الجوري ابتسمت وباسته:حبيبي انا بجيب لك ملابس وبسوي لك شوربه وبجي لاتخاف
راكان:لاتبعدين الجوري انتي عيوني اللي اشوف فيها
الجوري طالعته وابتسمت قامت جابت له البجامه ورفعته لها لبسته اياها وجلست تسكر ازاريرها كملت له ملابسه
راكان:مشكوره
الجوري حطت يدها على شفايفه:راكان مابيننا هالكلام
راكان سكت ونزل راسه كملت له ملابسه ورجعت اللحاف عليه وقامت طلعت برا الغرفه دخلت المطبخ
الجوري:يلا احين شلون اسوي الشوربه
طلعت الاغراض الي هي محتاجتها وجلست تسوي اسهل شوربه تعرفها كانت وهي تبطخ تغني
الجوري بصوتها:قل لكل الناس سري وافضحه.. سو كل اللي تظن انه صواب ...الله اللي سخره لك ومنحه..قلبي الللي كم نصحته ماستجاب... زدعليه الجورقلبي واجرحه ..وهات ماعندك من انواع العذاب..عذبه لو طاب خاطرك اذبحه..واقتل بقلبي زهر حلم الشباب...كم نصحته وكل جا انصحه..عنك ابدا عيا يرد النا جواب... قلبي المجنون طلبك يفرحه..لايمل ولايكل ولايهاب...زد عليه الجو قلبي واجرحه..وهات ماعندك من انواع العذاب...ذل لي قلبي ولا له مصلحه..الحقيقه شمس والواقع سراب..المس بكفي سراب وامسح..
كان راكان يسمع لصوتها ومنسجم مع تناغم حسها حس براحه من جا لامريكا جلس يفكر بالايام اللي قضاها هنا مع الجوري وعلى هالفكره غفت عينه
عند الجوري جات له وبيدها الصصينيه فتحت الباب وحطت الاكل على الطاوله
الجوري:راكان
راكان:...
الجوري ابتسمت يوم شافته مستسلم للنوم قربت منه وجلست على رجلها باسته:ياقلبي نام
غطته عدل وقالت بتروح تتسبح على بال ماهو نايم واذا طلعت بتقومه يشرب شوربه دخلت الحمام وتسبحت ولبست لها ملابس خفيفه الناس ليل وتبي ترتاح بعد هي لبست قميص نوم فوشي علاقي يوصل لنص الفخذ طالعت بشكلها بالمرايه ابتسمت بحزن ليته يشوفني ليت انا كل هذا اسويه لك عشان تشوف ياراكان اكيد كل مره تتمنى من زوجها يشوفها بابهى حله لاكن هي حتى ماظفر بشوفها من تزوجوا محت لمحت الحزن اللي طرت عليها وطلعت شافته راكان على حاله قربت منه
الجوري:راكان راكان حبيبي يلا قوم عشان تاكل وتاكل الدوا راكان اسمع الكلام راكان شفيك اليوم صاير ثقيل في النوم راكان
راكان اللي كان سامعها بس ساكت ماحس فيها الا قربت منه وجلست جمبه ومسحت على راسه الساخن
الجوري بحنان:راكان
راكان:همم
الجوري:يلا قوم عشان تاكل
راكان:مالي نفس
الجوري:افا وتزعلني منك يلا راكان عشان تاكل لدوا وتنزل حرارتك
راكان سكت وهي قربت منه الصحن:يلا مد يدك
راكان مسك الملعقه لاكن صدق ماله نفس للاكل فرجعها مره ثانيه لاكن الجوري ماخلته خذت منه الملعقه ولقمته
الجوري:جالس تدلع يلا اكل
شربته الشوربه وسط اعتراضاته لين ماخلص نصها اخر شئ ودت الصينيه ورجعت له بسرعه جلست عنده تكمد له حراراته بعد ماعطته الدوا كانت تشوف حرارته كل مالها وتزيد كانت خايفه عليه خصوصا انه يئن من الم راسه في هذي اليله النوم جافاها جلست تناظر فيه وهي تدمع من اللي تشوفه قدامها راكان ماعمره تالم قدمها كمدته وقريت عليه قران ويوم خفت حرارته حضنته ونامت
صحى راكان على صووت الساعه اللي تعلن ان الفجر اذن تحسس الجوري اللي بحضنه من نفس نومها عرف انها تعبانه وكانت سهرانه ابتسم الجوري اليوم حسسته انها ماكانت تستاهل اللي سواه لها رفع يدها وباسها بوسه طويله منها الجوري صحت طالعته وهي تفرك عيونها
الجوري:هاه راكان فيك شئ راسك ليمالحين يالمك
راكان:لاه احسن احيين
الجوري تنهدت براحه وهي تحضنه:الحمدلله
راكان:تعبتك معاي
الجوري قامت:تعبك راحه يلا حبيبي خلنا نصلي
راكان والجوري قاموا يصلون على الرغم من تعب راكان الا انه حاول يجلس مع الجوري وماحسوا بنفسهم الا النوم غالبهم وهم بالصاله
..................................

نرجع للامارات في اليوم الثاني للعزا بالليل
كانت ام حمد منهاره مره وام محمد معها ماخلتها وكل ماشافت محمد تصيح ولدها وصارت ماتهدى الا ليشافت محمد الي يتعذب اكثر وهو يشوفها تحضنه وتصيح
ضاري حضر نص العزا والنص الثاني صعد فوق لغرفه حمد دخل الغرفه وقلبه يتقطع وهو يشم ريحه الغالي يتخيل له انه بيدخل الغرفه بيلقاه بيشوفه لاكن للاسف ماشاف غيرر ريحته وحاجياته طالع الشنط اللي على الارض كان بيسافر لشهر العسل مع زوجته لاكن حتى شهر العسل حرموه منه حتى زوجته ماتهنى بشوفتها رما حاله على الارض وهو يترك دموع القهر والغيض على اخوه تشتعل بداخله لييه انذبح شالسبب اخوي الكبير اللي كان لي الاب والاخ كان بفتره مابوي موموجود هو اللي يعتني فينا من صغيرنا لكبيرنا وراح لذكرى مو بعيده مرره قبل العيد بكم يوم


>>>>كان بو محمد ومحمد وحمد ومتعب نازلين من الدرج بيروحون لللمسجد وضاري داخل البيت يتسحب
بو محمد:ضاري وين كنت
ضاري ارتبك:هاه..لابس كنت بغرفتي وبسير للمسيد
بومحمد استغرب ضاري يقوم للمجد من دون محد يقومه:انتى يالس من النوم عسب تسير المسيد
ضاري وهو يطالع حمد اللي حط يده على راسسه وياشر بانه كذاب
ضاري:كنت يالس ومايان نوم سمعت صوت الاذان وطلعت
بومحمد وهو يتنهد:الله يهديك يلا سرينا
وبعد مارجعوا من المسيد
حمد وهم على الدرج:اقول بدور شو عندك امس مانمت بفراشك
ضاري:هيهيهيهي ضحكتني اقول سير لا..
حمد:احلف هاي وانا اخوك الجبير حسافه بس حسافه..
ضاري:وشو اللي حسافه
حمد:ماشي تدري كنت برمس ابويه انك جذاب بس قلت حرام
ضاري:ربي بلاني بكم بلوه تحبون العبيب
حمد:اقول امش لانزل العقال يلعب بظهرك
ضاري:هيهيهي ظهري ولا بطني
حمد:هيهيهي ثنينهم
ولحقوا بعض وبعد مادخلوا الغرفه بدا العراك بالوسايد<<<

صاح ضاري على هالذكرى وقام يمشي ليين مافراش حمد جلس وهو يطالع بالغرفه ويشاهق خذا المخده ورماها
ضاري ابتسم بالم:مافي حد الحينه بيردها لي

>>حمد:ضاري ترا والله حرب الوسايد
ضاري:حرب الوسايد حرب
قطع كلمته لانه مخده جاته على راسه<<<

ضاري نزل راسه على السرير وصاح بالم وهو يتمسك بجلابيه اخوه حمد كان يشم ريحته ويصيح ماحس بنفسه وهو متكور على حاله الا نايم
....................................
بالمجلس كانوا الرجال اللي داخل واللي طالع وبو محمد يحاول يتماسك على الاقل قدام عياله طالع باللي جالسين ماشاف ضاري
بومحمد بهمس:محمد
محمد طالع في ابوه:هلابويه
بومحمد:وينه اخوك
محمد:اي اخو
بو محمد:منوغيره ضاري
محمد:مدري بس انشاء الله شوي وياي
بومحمد تنهد ولف راسه من جديد ماحس الا بيد تنحط على يده لف الا هو ابوه اللي مسح على يده بحنان وهو يطالعه يبتسم ابتسامه مواساه رده له جاسم ابتسامه مالها اي معنى


طلال:ماجد وينه ضاري
ماجد بضيق:شو بيعرفني
طلال:احين انتى شو فيك حتى يلسه هني ماتبا تيلس
ماجد:مافيني شئ عن اذنك
طلع ماجد وكلها لحظات لحقه حمدان
طلال:شو مستوي لييه جي صايرين عيال عمي
قام وقف وهو يشوف جواله يدق طلع برا
طلال:هلا نواره
نوره بتعب:طلال عادي ابات الليله عند امايه
طلال:اللي يريحج حياتي
نوره:تسلم طلال بس حبيت اقولك لان امايه تباني ايلس عندها
طلال:برايج انتى شحالج الحينه احسن
نوره دمعت عيونها:الحمدلله على كل حال
طلال:تصبري يانواره خليج انتي القويه اختج منهاره وامج انتي اللي المفروض تصبرينهم عارف انج مو قادره هاي اخوج بس معليه حياتي
نوره نزلت دموعها بغزاره:تسلم طلال يلا تبا مني شئ
طلال:اباج سالمه الغاليه
نوره:مع السلامه
سكر طلال منها وبالغلط سمع
حمدان:انا بسير بتيي ويايه ولا لاء تعرف لازم انه نكون بالويه
ماجد:وشو تباني لما اسير اسوي احسن لي ايلس هني ولا اسير مععاك لعندها
حمدان:جيفك انه بسير لها وبجوف شوصار
طلال دخل بسرعه قبل مايشوفه حمدان وهو يبي يعرف لمنو بيسير حمدان وللييه صوته مايبشر بخير
حمدان:ماجد اخر مره ماتبا تيي ويايه
ماجد:لاء
راح حمدان وظل ماجد
طلع له طلال:ماجد
.....................................
سراب:شربي حصه هاي ماي مقري قاري فيه الشيخ
حصه خذت الكاس وهي تشاهق شربت له شربه ثم لفت على سراب وطالعتها من صار اللي صار محد تركهم كلهم حوالينهم الا هو ريلها وينه ماشافته
حصه بصوت مبحوح:وينها شروق
سراب:شروق سارت لغرام تعرفين بالمستشفى من امس ودها ذعار
حصه غمضت عيونها:نواره وينها
سراب:النوري ه...
قطعت كلمتها على دخله نوره عليها وبيدها الاكل حطته
نوره:حصه حبيبتي يلا اكلي لج شئ سدي يوعج فيه
حصه دمعت عينها:مايروم الاكل يدش لفمي "وصاحت"
سراب:لاه ياحصه خلاص حمد ماراح يرتاح بقبره ريحيه الله يخليج لاتخذلين امل اخوانج خليج قويه
نوره انسحبت وطلعت من الغرفه
حصه حضنت سراب وهي تصيح اخوها مو عارفه لييه حست انها وحيده
................................
مروه:اروى اروى بطلي الباب طلبتج اروى اروى بطلي الباب
اروى وهي تصيح:مابا اجوف احد مروه دخيلج ابي ايلس روحي مابا اجوف حد
مروه:حتى انه اروى حبيتي شو ياج فجاء ه انقلبتي حرام عليج اللي تسوينه بحالج حرام عليج
اروى صرخت:خلووووووووووني برووحححححي مابا ارمس حد
مروه استسلمت وجلست بالكرسي اللي بجمب الغرفه تحاول تداري دمعتها هي من جات لاروى اليوم وهي معفوسه هم كانوا سراب تجيها النهار ومروه باليل جلست مروه وهي تحاول تكبح المها اللي بداخلها
*السلام عليكم
مروه وقفت:هلا محمد
محمد:الحمدلله شخبارها الحين
مروه:والله على حطتها ياخوي مو رايمه تفتح لي الباب وتصيح وتصارخ انه خايفه تسوي بعمرها شئ
محمد:انا لله وانا اليه راجعون
مروه:كلمها
قرب محمد من الباب وطق الباب
محمد:اروى وانا اخوك فتحي الباب
كلها لحظات وانفتح الباب وطالعوا باروى اللي صارت تفجع الهالات السوده تحت عينها وشفايفها ترجف شعرها منكوش على غير عادته
محمد حنقته العبره:تعالي تعالي وانا اخوك
ارتمت اروى بحضن اخوها حضن ابوها ارتمت بحضنه تصيح الم وقهر
..........................
طلال:شو صاير
ماجد:انا..انا..

الجزء الثاني والثلاثون

بعض الحزن .. يصهرك يذيبك كالشموع يسكبك كالماءيشتتك كالأمواج...
وبعض الحزن .. ينهيك يجففك كالأشجار يسقطك كالأوراق يذبلك كالورد...
وبعض الحزن .. يهدك يفجرك كالجبال يبعثرك كالرمال يشتتك كالأمطار....
وبعض الحزن .. يحرقك يشعلك كالأخشاب يتركك كالجمر يخلفك كالرماد....
وبعض الحزن .. يعميك يطفئ مصابيحك يسرق نورك يعتمك كالليل...
وبعض الحزن .. يرعبك يخيفك كالأشباح يلاحقك كالوحوش يهددك كالموت....
وبعض الحزن .. يخنقك يقيم في صدرك يسرق هواءك يكتم أنفاسك...
وبعض الحزن .. يحنيك كالأغصان يهشمك كالزجاج يهدك كالجدار...
بعض الحزن .. يشتتك يدمر عقلك يضيع عناوينك يطمس ذاكرتك...
وبعض الحزن.. يخدعك يزيف لك حقائق يمنحك السراب ويعلمك الوهم بلاحدود....
وبعض الحزن .. يصادقك يتودد إليك يلتصق بك لا يفارقك للأبد...
وبعض الحزن .. ينفعك يضيء لك العتمة ينقذك من أوهامك يريك حقيقةالأشياء...
وبعض الحزن.. يغسلك يطهرك من أوهامك يطليك بالواقع يعيدبناءك..
وبعض الحزن .. يلدك يخرجك من الحياة يمنحك فرصة أخرى وطريقاجديدا...
وبعض الحزن . .يغيرك ينسفك يقلب موازينك يعيد حساباتك معنفسك..
وبعض الحزن .. يسجنك يبعدك عن العالم يخفيك عن الحياة يبقيك وحيدا...
وبعض الحزن.. يقتلك يجمد إحساسك يوقف عجلة الزمان يفقدك شهيةالحياة...
وبعض الحزن .. يعتقك من قيودك يمنحك حريتك ينهي استعمارهم لك...
وبعض الحزن.. يرممك يقيمك يملأ صدوعك يعيد رسم خرائطك..
وبعض الحزن .. مراتك يواجهك في نفسك يكشف لك عيوبك يضع حقيقتك أمامك....
وبعض الحزن.. بلا طعم ولا نكهة

ماجد:انا..انا..
طلال:شو صايرلكم
ماجد تنهد بضيق:ابويه يبانا نسير لغرام المستشفى عسب نطلعها وتتحضر لعرسها وانه مورايم اجوفها بهلحاله
طلال:عرسها اي عرس هاي اللي تبونه وولد عمكم ماله يومين تربت قبره ماجفت
ماجد نزل راسه هو بروحه متنرفز من السالفه
طلال بسخريه:ومتى عرسها انشاء الله
ماجد:بعد اسبوعين
................................................
غرام صحت على يد تنحط على راسها فتحت عيونها وطالعت بشروق بابتسامه باهته
غرام:شروق وين سرتي وخليتيني
................................
بالجهه الثانيه
ذعار:دكتور البنت تكلمت مع الضابط حسن وتنازلت
الدكتور:والله ياستاذ بنتكم ماظن تهون عليكم بصراحه مافي غير شخص واحد يزورها بمحنتها هاي لا ومايزورها الا بالليل شكلكم مانعين عنها حتى الزيارات
ذعار:منو اللي زارها
الدكتور وهو يكمل اوراق خروجها:واحد يقول انه انه هيه خطيبها واسمه ضاري
ذعار وقف معصب:ضاري
.................................
محمد:لاتتحركين عنها خليك وياهالليله
مروه:انشاء الله
محمد تنهد وهو يرجع اللحاف على اروى:الله يعينها
مروه:محمد عادي باجر تسير للعزا
محمد طالعها:اييه انا بروح احين اذا احتجتوا شئ نادوني
طلع محمد وترك وراه مروه الي جلست جمب اختها تنهدت وهي تشوف التعب اللي واضح على قسمات وجهها هييه ياختي مالحقتي تتهنين بشئ
...........................
جهاد :هلا مجاهد
مجاهد:شخبارك جهاد وينك ييت ليله العرس وماجفناك
جهاد بحزن:لابس انتى تعرف الظروف وابويه جفت شلون طردني
مجاهد:طب رمست خوالي
جهاد:هييه رمستهم واعتذرت منهم
مجاهد:الله يعين انتى احيين رديت
جهاد:هييه مالي حاجه عندكم لازم ارد
مجاهد:امي كانت تتمنى تجوفك
جهاد:حتى انه كنت اتمنى اني اجوفها بس انتى عارف ابويه وشو ممكن يساوي الا وينا امي
مجاهد:نايمه اخليها ترمسك لصحيت
سكر مجاهد من جهاد وراح للمجلس الرجال قبل مايدخل سمع بنته
شوق:خلاث متعب لاتثيح
متعب:...
شوق:حمد لاح الجنه كلنا بعدين بنلوح عنده
متعب:.....
قرب مجاهد منها وابتسم:شواقه
شوق:بابا حبيبي "وراحت له تركض حضنته"بابا احببببببببببببببببببببك
مجاهد:هههه حتى انه
شوق:حتى احب ماما
مجاهد ابتسم لها:ياحبني لك
جلس جمب متعب
مجاهد:متعب
متعب مسح وجهه:نعم
مجاهد:لاتصيح تزعل حمد عليك انتى ريال
متعب:مابصيح بس امايه كل يوم تصيح لييه
مجاهد تنهد:لانه ولدها
متعب:ليييه مات
..............................
.......................................
بعد اسبوعين من الاحداث هذ ي
زياد بعصبيه :جاب
صقر بسخريه:مو انا اللي انجب ياحضره المهندس الفاشل
زياد قرب منه وعطاه بكس:انت شتبي مني هاه ياخي حل عن طريقي تفهم حل عن طريقي في كل مكان بتكون مرافق لي انت ووجهك
صقر:والله انا ماصير مرافق لحد وحبيبي كلها تجي للصدف سبحانه الله ربي حاب يعلمك قدرك قدامي شهادتك هذي متسوى شئ
زياد:انت جيب مثلها بعدين تعال تكلم تفهم
صقر:اجيب اللي احسن منها مو انت ولد بابا هههههههه
ماستحمل زياد اكثر وهجم على صقر وجلس يضربه من غير شعور>طبعا حنا نعرف ان زياد مايعرف يضبط اعصابه ابدا<<
بدر طلع وانصدم بزياد وصقر حاول يفاككهم لاكن زياد ماسك صقر بطريقه مو مخلي حتى صقر يتحرك بدر بصراحه رحم صقر مع انه مايستاهل الرحمه لانه هو جرب ضرب زياد
واخيرا مسك زياد وبعده عن صقر لاكن مع الاسف زياد ماشفى غليله في صقر بس بدر سحبه بصعوبه وهو خايف ان زياد يضربه
زياد:هدني عليه ه الخسيس خلني اعلمه حدود الادب والاحترام
صق:انتى اللي يبالك تتعلم حدود الادب والاحترام فاهم انه متربي مو انتى
زياد انقهر وبعد بدر عنه بقوه لدرجه ان بدر طاح على الارض وهجم من جديد على صقر بشكل جنوني هستيري كان يضربه بقهر اللي مر عليه لاكن بلحظه طرت عليه امه وكلمتها



يمه .. وعدتك وأنا حر ووفي ذمه
لو تمشي العيب رجلي لاكسر عظامي



متباعد عن جميع الناس .. يا يمه
وعن منة الخلق أقضي هالعمر ضامي



طاحت وجيه أغلب الأصحاب للجمه
وأنا أتصبر .. عن المقفين متسامي



يمه.. ولدك الصغير يطاول القمه
وأن ماوصلها عسى مجناه للرامي



يمه تضيق وتضيق وجات ملتمه
من كل صوب علي الحزن مترامي



واللي يهد الخفوق ويحرق بدمه
لاجاتني من قريب بأسفل حزامي



لو هو طعني بوجهي كان ما ذمه
لكن تغافل حياي وجرحي الدامي



مشكلتي أني عزيز ماأقبل النمه
لو طاحت وجيه كل الناس قدامي



ومشكلتي أن الزمان يخالف اليمه
أمشي عليه ويخون الدرب بأقدامي



من قبل لا ألبس عقالي وأعرف العمه
وأنا على الطيب بالثنتين متحامي



لكن خساير زماني كانت مطمه
كانت تحد القصيد يعانق ألهامي



وأكبر خساير خفوقي (مي) يا يمه
ماعقبها بنت تقدر تغري أحلامي


يمه .. تحن .. الضلوع العوج للمه
وأحن ل(محمد) و(عبدالله) وسامي



لكن تهون وحياتك كل هالغمه
أليا ذكرتك تهون وتسكن الامي



يمه يروح الزمن ضحكات للخمه
وأنا مع غربتي تلعب بي أوهامي



لكن وربي .. فلا أرضى غير بالقمه
وأن ما وصلته عسى مجناي للرامي



زاد بضربه بقهر ازيد وماحس الا بشئ خبط راسه طاح علىصقر الا كانت بيده الاباجوره بدر شهق وركض لزياد
..................................
بوذعار:هييه باجر العرس
اليد معصب:شوووووووووو انتى ماتفهم ماتحس باللي انتى يالس تسويه غرام ماتسير ويا فهد غرام تتطلق منه وتاخذ ضاري فاهمني
بوذعار:نعم وش فيه ولد ولدك عسب ازوجه بنتي يبه فهد اولا مكون نفسه غني مو ضاري اللي ختى الشغل مايشتغله
اليد:اذا على الشغل من باجر بيداوم بالشركه
بوذعار:واذا العرس باجر
اللي مايدرون عنه ان ضاري كان واقف عند باب المجلس وانصدم بهذا الحوار رجع ادرجه وعلى سيارته
وقف سيارته على البحر ونزل الهموم تجمعت عليه من كل جهه خلاص غرام بتتزوج طيب هي ماتبيه ماتبيه ماتبيه طاح دموع القهر من عمه
خذا جواله واتصل على جوالها كان بكل رنه يحس قلبه معها يهوى ويطيح
غرام:الوه
ضاري:صج الخبر غرام"طاحت دموعه"
غرام سكتت ودموعها طاحت على وجناتها
ضاري:غرام انتي موله صح "صرخ وهو يصيح"غرام جاوبيني على رمستي انتي موله لاتذبحيني
غرام:ضاري لاتعذبني اكثر
ماحس الا بصوت غير صوت غرام
ماجد:ضاري خلاص
ضاري:لييييه ليييه ياماجد تدرون بحبنا وتسون جي عييل لو ماتعرفون شو بتساون شوبتساون
ارتبك ماجد وتلعثم ماعرف شو يرد وشو يقول هم من جد لييه ماحاولوا
ضاري سكر السماعه ورماه على التراب




اغصبوها بشخص غيري واحلفت لي ما تريده
دمروها ودمروني والله ان الحكم جاير
قطعوا عروق قلبي من وريده لا وريده
خانني التعبير عن حزني وعبرت بعباير
عاشقك يا روح قلبي صدمته كانت شديده
شلت احساسه وهو ناوي يسمعك البشاير
اشهد انك بالخبر صبتيني ابطعنه سديده
داير كوني براسي مدري راس الكون داير
يا ترى هالعالم من الظلم وش هي مستفيده
قصقصت جناح طيري واسقطت بالجو طاير
فعلهم ما هو يميت انساننا لا بل يبيده
كان الاعصار المدمر لو بأسلوبه مغاير
رحت اعاتبهم ولا ردوا لي ابجمله مفيده
التلعثم والتهرب زاد قلبي بالحساير
قلت دام الكل عارف منه تاج القلب وسيده
ليه ترضون لولدكم تصبح اماله خساير
وش هو اللي ميزه عني وانا عاجز اجيده
غير شيطان الدراهم اللي عالعميان شاير
الرصيد اللي بقلبي والله اكبر من رصيده
واللي أكبر هي سعادة راعية حلو الظفاير
ما دريتوا للمحبه تنحني اصلب حديده
ما دريتوا للظلم تنهار عالية العماير
حبها يا ناس ما هو في لقا لحظه سعيده
حبها الدنيا وما تحمل من اكبار وصغاير
حبها شوفي لساني سمعي اخصالي الحميده
دمي احساسي ونبظي ما يسيرني وأساير
ذنبها ياللي ظلمتوها انها قالت أريده
إيه تبيني وهم أبيها ما هو ذنب من الكباير
اه يا حرمان قلبي وين حبه وين عيده
اليتيم اكبر عذابه او عذابي صرت حاير
اه يا صوت الوطن يصدح ويبلغني نشيده
وانا حولي غربة تنعق ولا أقدر أخاير
اذكريني يا حياتي لا اشرقت شمس جديده
حاولي تلقي دفايا في خيوط الشمس ناير
اذكريني لا لمحتي نجمة الليل البعيده
وادري ان البعد عمره ما خلق أية ستاير
ايه احبك ما هي كلمه قلتها لك في قصيده
هي قصيده قلتها ابكلمة احبك للضماير
ودي يوم اقول أحبك اصرخ لحد النقيده
لين كل اطيور عالمنا بالأغصان اتطاير
ودي يعرف من يحب معنى المحبه ألأكيده
كيف يرجح حبنا عالحب يوم انه يعاير
ودي نقهر من ظلمنا نوفي بالحب ونكيده
لين هم احساسه ابظلمه ما نلقى له نظاير
انتحر مليون مره لو أشوف ايدك بإيده
انفجر لو ينطق اسمك مثلما البركان ثاير
مستحيل اتخيل انك معه في عيشه رغيده
قولي انك مو سعيدة هدي الدم اللي فاير
شفتك بحلمي تمدي يدك بنظره شريده
فقت ادور وين يدك ما بحولي أي زاير
حلم ثاني شفتك اتقولي تودعك الشهيده
فقت أصارخ لا تخليني لحالي بها الدواير
بنت عمي اسمحي لي يوم اسميك الفقيده
اكتشفت الموت له انواع ما بين العشاير
النتيجه واحده لو ان اسبابه عديده
يا رفيقة درب حبي صرت وحدي اليوم ساير
اللي صاير يا هلي قولوا لي قصه في جريده
أو من أوهام الخيال أو شي من الاحلام صاير
وللا عزوني هلي في فرحتي ذيك الوحيده
الله يعلم حبها ابقلبي وما تخفي السراير
اللي صاير يا هلي قولوا لي قصه في جريده
أو من أوهام الخيال أو شي من الاحلام صاير
وللا عزوني هلي في فرحتي ذيك الوحيده
الله يعلم حبها ابقلبي وما تخفي السراير


*عسب مره ثانيه تحرم تلمس شئ مولك
رفع راسه وطالع بفهد عصب وقف بيضربه الا مسكوه ثنين طالع فيهم ثم طالع بفهد
ضاري:وربي وربي راح افضحك وربي ماراح اخليك تتهنى
فهد ضحك:هههههههههههههههههههههههههههههه حبيبي بشو بتهنى هاه ليكون بغرامك ههههههههههههههههههههههههههههههه حبيبي انه مو ماخذنها الا انتقام وبس فاهم انتقام منها اخذ حقي اللي من 5سنين من اختها ومنها حقي اللي قبل سنه ومنها انتقام منك انتى انتى هههههههههههههههههههههههههههه
ضاري خاف على غرام اكثر يوم سمع كلام فهد:ماراح اخليك راح اقولهم
فهد:هههههههههههههههههه وعلى بالك اني بنطرك ليما تعلمهم لاحبيبي انتىاليوم بتسير ويانا ههههههه لاتخاف بندلعك وبنحطك بعيوننا ههههههههه
ضاري حاول يخلص نفسه لاكن اللي كانوا ماسكينه لاكن للاسف طلع لهم فهد ابره ومررها لهم وهو يبتسم بخبث وكلها لحظات والابره مغروسه بجسمه وماحس باللي حوله
.............................................

محمد:هههههه الله يعين ياعم
بوشهاب:يلا عاد روحوا له خلونا نفرح برجعته لنا
احمد:اييه من زمان ماجلسنا معاه
محمد:والله ياعم انا قلت انشاء الله بكرا بروح له تعرف طولت غيبته عن البيت بس نبي بدر معنا
بوشهاب:بدر انا بخليه يودكم له لو غصب
محمد:ههه لاياعم بعدين تزعل علينا الولد
بوشهاب:مافيها زعل ولا شئ انتم ماتبون يبعد اكثر من كذا
محمد:الله يعين ويي....
قطع كلمته وهو يسمع نغمه الرساله اللي جاته فتحهاوهو يكمل كلامه:وييسر لنا ا...
قطع كلمتهووقف بخوف وحط يده على قلبه بالم
عبدالله ركض له:محمد شفيك محمد
محمد:ز..ز..زياد
وطاح بين يدينهم
عبدالله خذا الجوال وانصدم
""زياد مات""
...........................................
اروى:سراب
سراب:هلا
اروى:باجر بتسافرون
سراب:هيه هاي اوامر يدي
اروى بحزن:وانه بيلس هني بروحي
سراب:مروه عندج اروى
اروى:مروه مروه منو بتيلس عنده عند ي انه ولا عند خالتها التعبانه
سراب جلست جمبها:اروى حبيبتي نحنا عارفين انج متضايقه مرره بس هاي ما يعني انج تستسلمين للي حولج وتحزنين اروى انتي قويه وانحنا ماعرفناج الا قويه حمد كان يومه مات بيومه
اروى:طب سراب لييه ذبحه
سراب بتردد:ماعرف
اروى تنهدت:عارفه انكم تعرفون مو معقوله ماتعرفون عن سبب موته
سراب:اروى لاتحاتين شئ اهتمي بحالج هاي هلال يتصل اكيد يباني اسير للبيت باي غلاي
باستها وطلعت جلستاروى بغرفتها قبل يومين رجعواخوانها للسعوديه هم من تخلص عدتها بيروحون للسعوديه تاركه وراها كل احلامها وامالها
..............................
بدر:حمدلله على سلامتك
زياد:الله يسلمك بدر تكفى رجعني البيت"طبعا زياد سووا له ثلاث غرز براسه وقالوا انه طاح من الدرج"
بدر:زياد على الاقل اصبر لين مايخلص المغذي
زياد بتعب:ومتى بيخلص
بدر:لاتخاف شوي وبيخلص
كانت الدقايق تمشي ببطئ عليهم لين ماخلص المغذي طلع زياد تمسكه يد بدر وهم يمشون
بدر:زياد مو هذا عبدالله
زياد رفع راسه وشاف عبدالله وجا معهم احمد وسامي وبوشهاب
زياد بخوف:شفيهم
راحوا لهم بسرعه
عبدالله اول مالف على زياد حس بالقهر يشتعل بداخله هذا هو حي قدامهم واخوهم يصارع الموت علىبالله انه مييت انقهر منه هو السبب في تردي حال اخوهم بعد مابعد مرض لاكن صحا على امل لقياه لاكن الحين بالعنايه المركزه والسبب زياد اللي
عبدالله بعصبيه:هذاك حي مامت مامت واخوي داخليصارع الموت بسبتك بسبتك اخوي داخل والله لو يصير له شئ ماسامحك ماسامحك والله لتندم
بوشهاب وسامي جاو يهدونه لانه لفت الانظارعليهم
زياد مو فاهم شئ كل اللي فاهمه ان في واحد داخل يقولون اخوه اي اخو ليكون محمد محمد قرب من الدريشه حقت الغرفه وشهق وهو يطالع في محمد اللي الاجهزه عليه ممن كل اتجاه طالعه ثم لف وطالع سامي
زياد بدمعه:لييه كذا شفيه ابوي شفييييييييه
........................................
بومحمد:ويين سار انا مرمسه وياي بالطريج
اليد:انتى قلت له انك تباه في بيتي
بومحمد:هييه بس مدري عنه
محمد:ابويه انا بسير ادور عليه
طلع محمد بيروح للبحر هو يذكر انه يوم دوروه هو حمد كان بالبحر اول ماوصل جلس يدور ويدور للحظه لمح سياره ضاري راح يركض الا انصدم السياره فاضيه وبابها مفتوح والمفتاح فيها تلفت يمين يسار عله يلقى اخوه لاكن للاسف مالقى له شئ يدل على اخوه وقف ينتظره وينتظر عله يجي لاكن مل من الانتظار سكر سلره ضاري واخذ مفتاحها وطلع على البيت
بوةمحمد:هاه يامحمد لقيته
محمد:لاء بس سيارته لقيته موقفه عند البحر وموفتوحه
بو محمد:وين سار هذا الحينه
......................................
وقف على نافذه غرفه العنايه المركزه وطالع بمحمد يحس انه السبب في كل اللي يصير لاخوه من الام

>>هذاك حي مامت مامت واخوي داخليصارع الموت بسبتك بسبتك اخوي داخل والله لو يصير له شئ ماسامحك ماسامحك والله لتندم<<<

بدر:زياد
زيا:...
بدر:زياد ارتاح انت تعبان
زياد:مافيني شئ انا بخير
بدر:زياد اسمع الكلام
*خله شوي يحس بالذنب والعذاب للي سببه له
زياد لف على عبدالله ثم رجع وسند راسه على القزاز ويداري دمعته
بدر:عبدالله حرام عليك
زياد جلس على الارض:انا السبب انا
انهار يصيح على الارض

الجزء الثالث والثلاثون

حس يا زمن جفني ترا النوم عافه ..
قلبي توطأ الهم مجبور لي عاف ..
وأنا أتحسس دمعته وإنجرافه ..
في همسي الدايم على ذيك الأطياف ..
دمعة حزين تالي الوقت شافه ..
هم وهوجاس على القلب صفصاف ..
قالوا له أحباب ترا الصد افة ..
تاه الوله ما بين صابر وخواف ..
ينوي وهو ما حس بالوقت طافه ..
يبكي على الغالين في كل الأوقات ..
عارف جروح القلب ما هي بصدافة ..
يذبحك كان إنه مع النوح ذراف ..
يذرف دموع تحرق الموق سافه ..
يكسر بها العبرات شاف الذي شاف ..
يطحن رحاه الود والشوق رافه ..
معلوم حالي ساير الوقت ينراف ..
من يكتم الاهات عاش بكلافة ..
حار بزمانه وحار مع ذيك الأصناف ..
يقولها اللي عايش الوقت تافه ..
ما عاش في ديمومة الوصل عراف

زياد جلس على الارض:انا السبب انا
انهار يصيح على الارض
بدر:زياد اهدى الله يخليك محمد بخير
زياد وهو يصيح :انا السبب انا اه والله ماكان قصدي والله
بدر يحاول يتماسك:زياد خلاص
بوشهاب:زيد وانا عمك خلاص اهدى
زياد كان يصيح بشكل هستيري مو حاس بنفسه عبدالله انسحب وبعده سامي وبقوا بوشهاب وبدر يهدونه
.................................................
ضاري وما ادراك ماحال ضاري كان مرمي على الارض واللي مع فهد ضربوه وعذبوه كان مرمي على الارض وهو يشوف الارجل اللي تقرب منه عرف ان وقت لضرب بيجي حاول يبعد بس حركته صعبه بسبب الضرب وبعد يدينه مربطه بدا اول واحد رفس ضاري على بطنه صرخ ضاري بصوت حسه ملاؤ المكان وهم اطلقوا ضحكه قوويه
ضاري:تكفون خلاص تركوني اسير بحالي
اول ماقال كلمته الاخيره ماحس الا برجل نحطت على صدره اللي كان عاري بعد مافصخوه بوزتهكان فهد يفرك بالجوتي على صدر خالد اللي الدم يصب منه وخالد يحول يبعد وصراخه يعلى
فهد:تتذكر رمستي يوم مات رفيجك قلت لك راح ادوس على قلبك ووهذاني ادوسه كنت تبا تدمرني تذكر
رفس صدره:والله راح تندم يالسبال
نزل وجر شعر ضاري وجلس يمطط فيه بظل صرخات ضاري
فهد:انه اكرهكم بعمري ماكرهت حد مكثلكم انتى وشروق وغرام اكرهكم
جلس فهد على ضاري وصارت ركبته على بطن ضاري وظل يعطي ضاري من الكفوف وهو يسب ويشتم يجر ب شعر خالد ويرجع يرضخ براسه بالارض
فهد وهو يصرخ ويكشف عن رقبته اللي كانت موسمه فيها عضه ضاري يوم تخانق معه على رفيقه
فهد:تذكر يالجلب هاي العضه اللي برقبتي تذكرها يالنذل "وعطاه كف سيل الدم من راسه من شده كفخته بالارض"
ضاري ينالم وهو يشوف بعينه صور الهوشه الللي صارت
فهذ خنقه:تذك ر
*فهد خل لنا شويه عاد
قام الكل يضحك
ضاري خنقه فهد خفت لاكن اللي صدمه يوم قرب راسه من رقبه ضاري اللي حاول يبعد لاكن عضه عضه حس ضاري لنه بيهلك منها لاكن بعد فهد عن ضاري بقرف واشر باشاره بدوا اللي مع فهد يضربونه كان الضرب يتوزع على جسمه
ضاري:اه خلاص تكفون ارحموني
هنا رفعه فهد ووقفه على حيله من شعره
فهد بنقمه:ضروي..ششو تتوقع راح يصير بغرامك ولا اقول اللي باجر راح تصير لعيال الشوارع..ههههههههه ..اقول شخبار امك شو راك نتصل عليها نطمنها عليك نخليها تسمع صوتك اكيد ولهانه عليك خلها تسمع صوتك
ضاري بوهن:قسم بتندم لو ساويت هالشئ
فهد رماه وصرخ:معاذ هات الموبايل
خذا الموبايل واتصل وحط سبيكر
فهد:هلا والله
ضاري صرخ :امايه سدي الخط
ام ضاري بخوف:يمه ضاري شوفيك ضاري يمه
فهد:هههههههههه تبين تعرفين وين ولدج ...
ضاري جاته قوه عجيبه مد رجله وطاح فهد على الارض ةانكسر الجوال لقطع
فهد انقهر وقام على ضاري يكفخه منا كف وبكس منا ماخلا فيه عظم صاحي بعدها جمع الشباب وبدوا يهيصون على راسه اللي يشرب واللي يرقص واللي يكفخ
.................................................
ام حمد:ولدي بيروح مني
حصه :امايه اهدي اللله يخليج ضاري مافيه الا العافيه
*شو صاير
قالت حصه لابوها ومحمد اللي توتروا وجلسوا يتصلون على ضاري لاكن مانفع اخر شئ راح بومحمد لللشرطه وبلغ
......................................
مروه تنهدت:اروى ياروحي خلاص بسج حزن
اروى اللي ماكانت معها موليه كانت سارحه بفكرها ليوم من زمان من اول ماجافت حمد بالبر


>>>>اروى طالعت بمروه وبهبل:شو وشو ماسووا لي
ماجد يقاطعها وهو ينزل:خرعتنا السباله وبالاخير اول مامسكنا خط فتحت عيونها "وهو يقلدها"شو بتساوون لي اكيد تبون تخطفوووني ردوني لبيتنا
"رجع لحالته:من رداه حظها نست ان كل الاهل بالمخيم
اروى:بعد شو تباني اسوي اطيح عند الخيمه واصحى معاكم بالسياره
ماجد:لا وبعد يوم وصلنا تتقلسسف ترا اروم اسير ولاحد يلمسني وتتوعد فينا واول ماحطت ريلها على الرصيف ودبوووج على ويهها هههههههه
تصدقين شكلج كان تحفه
مروه حضنتها:حرام عليك
الكل كان يطالعهم منصدم احين هم خايفيين وهم يتضحكون
جهاد:مجود شو السالفه
ماجد ويكمل: اصبروتبرع السيد حمد ورفعها "هنا وقف وضحك"هههههههههههههه"طالع حمد"الا تعال شو كانت دعوتها عليك "ورد يضحك"ههههههههههههههههه دقيقه اييه اييه هههههههههه
اروى مفتشله:بسك يالخايس
جهاد:كمل شوفيك وقفت ماعليك منها
ضاري:هيه هههه شوبعد دعت على اخويه
ماجد:ههههههه تخيلوا رمسته يوم انه شالها وقالت هاه دققوا بالي رمسته تقول ياعلك تشل مرتك العورا نزلني ههههههههههههههههه الاخت نست انها خطيبته ههههههههههههههههه
هنا الكل فقع ضحك على اروى الخبله وحمد مبتسم وفيه النوم
ماجد مستمر:هههههههههههه لاوالاخ حمد شو يقول لها اشوى اني الحينه حاملنها عاد دوروا اروووه ماتلاقونها هههههههههه انا ابا اعرف من وين تيبين دعاويج يالعيوز
اروى:هي هي هي ماتضحك
ضاري بعد مامسك نفسه من الضحك:ههههههه احينه انتوا مصدقين اعماركم رايحين مستشفى<<<<<<<<<
في ذاك ليوم كانت تحاول تخفي تووووووترها بخبالها بس هي بالحقيقه كانت خجلانه من حمممد