نزلت و راحت صوب البحر و يلست تشووف منظر البحر لان هي تموت فالبحر تحسه اقرب شي لها

يابحر ..فيني من الحزن كثر مافيك..!!
من ..حزن..وأوجاع..وغياب..وغرايب..!!
لاتلومني إليا شفتني دايم أجيك..
ولاشفتني دايم على الشط سارح ..!!
حزني كبير..أكبر من حدود شاطيك ..!!
وأقسى من جروووووح الزمان العطايب..
وإن كان تنشدني ف أنا مقدر أخفيك ..!!
دايم أظن ويطلع الظن خايب..!!!
في هالزمن أقرب حبايب يشقيك ..
إلين تدفع في غلاه الضريب..
من بعد هذا يبتعد عنك ويجفيك
ما كنه بجنبك قضى الوقت طايب
وإلا الخوي إللى توقعت يفديك
يفديك عمره لا غدت بك نشايب
صد وتصدد مايبي سمع طاريك
وياما أنت دونه أتعبتك الطلايب
لا تقول لي بدري وتوك ويمديك
وتعال وأسمع باقي الهرج صايب
خلك بحالك وأطلب الرب يهديك
ولا تنشد اللى غاب وأين أنت غايب
وأن شفتني غايب عن حدود شاطيك
أعرف تراني تحت ذيك النصايب
وأعرف تراني دايم ؟إذا ضقت :باجيك"
لاني أنا والموج صرنا حبايب..!!

مها تنهدت فهاللحظه : اه
سيف استاذن من سلطان اللي راح صوب ربعه الثانيين و قرب صوب مها : سلامتج من الاه

مها لفت صوبه و ابتسمت
سيف و هي ييلس عدالها بس بعيد شوي : مادري ليش احس مما ضحكتيو فرحتي نظره الحزن بعدها فعيونج

مها و هي تشووف البحر :اه خلها على الله بس تعرف مرات أتمنى أفر عمري فالبحر عشان افتك من الدنيا بس خوفي من ربي يردني

سيف : بسم الله عليج لا تتفاولين على عمرج بالموت انزين فتحيلي قلبج
مها : مادري تصدق انا ارتحت لك احس فيك من ريحه الامارات اللي ولا مره شفتها و هذي برووحها معاناه تخيل تسمع عن بلدك و خاطرك تلمس ترابه بس ما تقدر
سيف و هو منصدم : و لا مرره شفتي الامارات
مها تلف راسها بحزن : لا و لا مره لفيت اوروبا كلها بس و لا مره رحت الامارات عشان داد
سيف : انزين و رمسيني عنج بعض
مها : اممم تعرف مالي نفس أحس عمريه بختنق بس ما عليه اووعدك اخبرك كل شي بعدين لاني صدق صدق ارتحت لك من زمان ما رمست حد اماراتي غير ابوي و بغصه قالتها " و اخووي "
سيف لف للبحر و قال فخاطره : الله يعينج و الله بموت انا لو ما شفت الامارات

مها و هي تلف له و تبتسم و لا كنه صار شي : و انت خبرني عن الامارات ابا احس كني فيها بلييز
سيف و هو ياشر على عيونه :من عيوني
مها و هي منزله راسها : تسلم لي عيونك

سيف بدا يرمس أول شي عن بوويه زايد و خنقته العبره و هو يرمس عنه يحس بانه فقده وايد وايد وايد و عقب بدا يرمس عن العين و هل العين المشهورين بالحشمه و البداوه و الشهامه و هل دبي هل الاناقه و الذووق و كثره الاجانب فدبي و هل الشارقه هل الثقافه المشهورين بالثقافه و العلم و هل بوظبي هل الذووق و الزين و هل راس الخيمه المشهورين بالجود و الطيبه و هل ام القيوين و عيمان اللي الكل يشهدلهم بكرمهم و عقب بدا يرمس عن شيووخ الامارات كلهم ربي يحفظهم و اندمجوو كلهم مع بعض لدرجه ما حسو بالوقت و الساعات اللي مرت و هم يرمسوون مع بعض الا يوم ياهم واحد من الشباب و خبرهم انهم بيروحون الحين

مها و هي تقووم و تنفض التراب عن ثيابها : أووه الساعه 8 صدق ما حسينا بالوقت
سيف : هي و الله
مها و هي تطالع سيف بامتنان : مشكوور و ربي مشكوور أنا كل اللي عرفته عن الامارات و قريت عنه ما يووصل ربع اللي قلته لي و ربي حسيت اني عايشه فالامارات
سيف و هو يطالعها مستانسه و يحس براحه يوم شافها فرحانه : العفوو مها تعالي كل يوم
مها : هههههههه ترا بصدق عمري و بييك كل يوم
سيف : امرررررره الدرب طايح

مها : يلا عيل بنرووح لهم تاخرنا عليهم
سيف : يلا

و رووحو ويا بعض و كانو احلى ثنائي فالرحله و الكل رد مستانس لانهم تقربوو من بعض اكثر



و بس خلص البارت

طبعا هالمره ما بحط توقعات بهيئكم للبارت الياي و اللي هو اليوم الموعود .. العرس ..

أبا توقعاتكم شو بيصير فيه من مواقف ؟؟

و رايكم فالشخصيات و اكثر شخصيات حبيتوها و كرهتوها ؟؟

ابا تفاعل ولا ما بنزل البارت هع

والسموحه
اختكم
إماراتيه ماركه

*~ .. الفصل السادس .. ~*

....... **** الع يوم رس **** .......

>> طبعا الوصف بخليه للشخصيات لانه يوم سبيشل <<

ترررن ترررن " صوت المنبه "

.. مياري ..
قمت الساعه ست الصبح أوووف أحس راسي يعوورني موت أكيد بيورني و انا ما رقدت الا طشوونه أفكر بحياتي اللي بتبدا اليوم
سكرت المنبه و انا احاول ما اتذكر شو اليووم بس على ميين و انا اشووف الفستان معلق قدامي و تحته الكعب و الطرحه و كل شي
قربت صوبه بدون شعور و تمييت اتحسسه و انا افكر
اه .. قعدت أفكر لوو تبدل كل شي و زايد طلع يحبني و خذنا بعض عن حب كييف بييكوون اليووم ؟!؟
بس هالشي اعرف انه مستحييل لان زايد يكرهني و تصرفاته كلها تثبتلي هالشي
لا نسيت شي مهم الحين زايد بياخذنيه و هو يكرهني زوود أنا متاكده انه لين الحين واثق اني ارمس شباب
الله يلعن اللي مسلطنه علي استغفر الله استغفر الله حرام العن
حسبي الله ونعم الوكيل لو تميت افكر فهالسالفه و فزايد بالاخص بيين محد فاهمنه هالانسان
استغذت من الشيطان و رحت اصلي الصبح و انا ادعي بان هالليله تعدي على خير

.. زايد ..
طبعا رقدت و ما حسيت بعمريه الا على دق الباب لا حوووووووول من هاللي يدق من صباح الله خير .. هاي امييه الله يطوول بعمرها تقوومني اوونه اليووم عرسي خخخ ..
قربت صوب فووني و روحي بغت تطلع من قووه الشهقه اللي شهقتها أووووووبس الحين الساعه 8 و انا ما صليت وورايه شغل قدشعر راسي لا حوول متىبفتك من هم العرس
و فهاللحظه تذكرت شكل ميره يوم الملجه مادري ليش ابتسمت
لا لا مبانا اللي افكرفي بنت صايعه و مرمسه الف واحد
و الله يعلم شو مسويه من بلاوي بعد
اخر شي توقعته انها ترمس شباب
بس يالله كل شي فهالدنيا يصير
اذا ما راويتها الويل و كرهتها حياتها
فهالفتره ماكون انا زيود
بس عقب بطلقها و بفتك منها مستحيل احط وحده تاريخها خايس على ذمتيه
قطع تفكيري صوت المسج و علطول تذكرت المسج هذاك اللي من ربيع ميره لاحووووووول كل شي يذكرني فيها
فتحت المسج و كان من سارووه
" زيوووووود يالحمار قووم اليوم يوم عرسك "
ههههههههههه هاي تحسب اني مستانس بالعرس
استغفر الله استغفر الله استغفر الله
ذكرت الله و قمت برووح اتوضا عشان اصلي

... نروح حق بيت قوم مهاري ...

أم راشد و هي تمسح دموعها و ماسكه التلفوون : متى بتي يا سيف ؟؟
سيف و هو يعتدل بيلسته : ههه هلا امييه و عليكم السلام
أم راشد : سيف ويينك اليوم عرس زايد ما بتي ... توقعت بتي ... تعال
سيف : أممم ما يصير يا امييه هالفتره فتره امتحانات ما اقدر ايي و باركيلهم عني
أم راشد : اه ما تسوى علينا هالسفره
سيف : ما عليه ان شاء الله بردلج بالشهاده اللي ترفع الراس و تفتخرين فيني
أم راشد : ربي يوفقك يا ولدي
سيف : وياج امايه
أم راشد : يلا عيل بخليك فديتك خذ بالك عى عمرك
سيف : ان شاء الله شي فخاطرج مناك
أم راشد : أبا سلامتك يا ولدي شي قاصرنك هناك اطرشلك فلوس
سيف : لا لا امرره كل شي اباه موجود
أم راشد : فداعه الله
سيف : فحفظ الرحمن

و هني دخل راشد و نووره الصاله

نوره و هي تحب راس ام راشد : صباح الخير عموو
أم راشد : صباح النور حبتج العافيه فديتج

راشد : سلام عليج امايه
ام راشد : و عليكم السلام يالغالي وينك ما اشوفك هالايام مختفي
راشد: و الله شغل الشغل ما يخلي الواحد في حاله
أم راشد : الله يعينك

هني ام راشد انتبهت لشكل نوره غير غير غير
لو شافتها فالسوق ما عرفتها
ضعفانه و تحت عيونها سواد و شكلها مهمووووووووووووومه

أم راشد : بلاج يا بنتي تعبانه
نوره " تقتل القتيه و تمشي فوق جنازته الله يسامحج يا عمتي " : سلامتج عمووه بس يمكن من السهر
أم راشد و هي مصدقتنها : يا بنتي لا تسهرين السهر مب زين
نوره : ان شاء الله

كل هذا صار قدام عيون زايد و هو ساكت و متاكد من كذب نوره هو يدري و يسمعها يوميا تصيح طوول الليل على حالتها و على حياتها " ليييت بيدي اشلج و نرووح بعييد عن هالعالم ليييييييييت

.. العصر ..
... في بيت قوم مياري ...

سلامي و هي تدش غرفه ميروه بدفاشه : ايييييييه انتي ما تلبستي يلا وايد تاخرنا
ميروه و هي تلبس عباتها : يلا يلا يايه عن تاكلينيه
سلامي : مبررررررردج
ميرووه : حطيني فالفرن ها ها ها
سلامي : سخييييييييفه نترياج تحت بسسرررررررعه
و رقعت الباب بقووه و هي تنزل من فووق بسرعه

اتصلت حق الريامي

سلامي : اقوول الريامي بتوون ويانا و لا برووحكم
الريامي : ههههههههههههههههههههه نحن فالصالون الحينه نترياكم بالغصب حصلنا لنا مكان يعني اكيد بيأخرونكم
سلامي : لا لا تخافين نحن حاجزين حقنا و حق سارووه بعد
الريامي : و شمووووووه ؟؟
سلامي : تنقلع لاه خل عويش تنقعها
الريامي : الله يهديج خخخ
سلامي : باي باي اكييه ست الحسن و الجمال نزلت بنتلاقا فالصالون
و سكرت فويهها من العيله

ميروه : شوي شوي اللي يقوول انتي اللي بتعرسين مب انا
سلامي : ياليت أكون مكانج
ميرووه: جب جب يلا نروح السياره ياهل و ترمس

سلامي تقدمتها و عطتها طاف

... عند عويش و شموه في الصالووون ...

شموووه شهقت بصوت عالي و قالت بصراخ : أسووووووووووووووووووووووووود
عويش : اص فضحتينا الناس كلها تطالعنا بلاج انتي هي اسوود
شموه و هي فاجه عيونها مب مصدقه : انتي ترمسين جد فستانج اسوود !!!!!!!!!!!
عويش بطنازه : لا ارمس عم .. و الله العظيم مب مصدقتني براويج صورته فالفون

و طلعت فوونها و فتحت صوره فستانها الاسود

شموه : ايييييه ما اصدق حد يلبس فستان اسود في عرس ولد خالته
عويش بفخر : هي انا كييفي طرا فبالي البس اسوود عشان ابينلها اني بعدنياحب زايد اباها تنقهر
شمووه : حرام عليج البنت شذنبها تقهرينها فيوم فرحتها ماكفاج اللي سويتيه فيها
عويش و هي تطالعها بنص عين : ها اشووف حنينا عليها و بعدين ما اشووف زواجهم تفركش مالت عليها مادري كيف سكتته بس ما بسكت لها و ما برتاح الا يوم اشوفهم تطلقوو
شموه و هي تبا تسكر السالفه : أقوول بس سدي هالطاري ملييت من هالسالفه يلا بنرووح نتعدل
عويش : يلا

... في الصالون الثاني ...

ميراني و سلامي و ساروه اول مادخلن لقن مهاري و الريامي فويهن

مهاري : يلا يلا ما شي وقت سوالف رووحي عند الحرمه هاييك و خليها تعدلج
ميروه : اللهم طولج يا رووح بلاكم جذي

و راحت صوب الحرمه و الباقيات توزعن فالصالون و بدن يتعدلن

ريما : و لييك يؤبرني هالوش يلا حبيبتي نبدا
ميره و هي تهز راسها بهي : هي

غمضت عينها واستخرت عالاخر رغم حشره سلامي فالجهه الثانييه

سلامي : ايييييييه بلاج انتي انا ما قلت هالتسريحه اقصد اللي عدالهها
اللبنانيه : أووووووه سوري ما انتبهت الا
سلامي : أقوولج اليوم عرس اختيه يعني لا تنرفزينيه
اللبنانيه " أول مره بشوف بنووته متل جمالا بهالدفاشه " : خيتووو انتي بيئربلك حدان من الشام لاني اول مره بشوف شئرا و بيضه متلك و مواطنه كمان .. ختيه انتي يقربلج حد من الشام لاني اول مره اشوف شقرا و بيضه مثلج و مواطنه بعد "
سلامي : غربلج الله الحين انا شاميه لا بوويه ما يقربلي حد من عندكم فديتني جمالي طبيعي

سارووه و هي يالسه عدالها : اقوول خلي عنج الخقه و الكلام الزايد و خلي الحرمه تشووف شغلها
سلامي : هههههههههههههههههه انتي كملي تقردين احسن لج

سارووه تذكرت و لفت صوب الحرمه : انتي وايد حلوه
الحرمه و هي مصدقه : تسلميلي حياتي عيونك الحلوه
ساروه و هي كاتمه ضحكتها : اشوف اشووف ما شاء الله عليج ذوييقه فثيابج
و تكمل تكمل المجامله

طبعا سارووه متعوده كل ما ترووح الصالون لازم تمدح الحرمه عشان تعطيها باور و تسويلها شي حلوو << هذي انا خخخخخخ

.

.. عند زايد و حمدان ربيعه ...

حمدان : ها شو النفسيه اليوم
زايد : اخيييييييييييه لا تذكرنيه
حمدان : هههههههه انسى كل شي اليوم و عيش حياتك
زايد : يصير خير اووف انت خل اللليله تعدي على خير اول شي

... في الصالون ...

" فتحت عيونها يوم سمعت ريما تقولي انها خلصت كل شي
فتحت عيوني عالاخر منصدمه من اللي فالمنظره
لا لا هاي انا مستحيل كل شي فيني غير حسيت عمريه ملاك امشي عالارض
صدق صدق ما اكذب عليكم
رمشت بعيوني من الصدمه و لفيت رحت صوب مهاري "

ميروه : مهاري
مهاري و هي تلف : هللا

سلامي و ساروه و الريامي كلهم بنفس اللحظه شهقو

مهاري و هي تقرب صوبها : ما شاء الله ما شاء الله عليج قمر قمر 14 تغرميييييييييين
ريماني و هي تقرب صوب شعرها اللي مفلووول و تتحسسه : الله انتي فاله شعرج و الله انه طرطريشن طالعي الحريم كيف يطالعونج
سلامي و هي مصدومه : الله ياخذ المكياج شويسوي أوييييييه انتي متغيره مليون بالميه

ميروه باحباط: يعني مب حلو
ساروه و هي تنقز : باسم الله من قال جي و الله لو انا ريال كان رحت فيها

كلهم : هههههههههههههههههه

الريامي و هي تطالع الساعه : ايييييييييه الساعه 8 وايد تاخرنا لازم نروح الفندق الحين
مهاري : من بيودينا الفندق

سلامي سكرت الفون : قبل ربع ساعه دقيت حق سالم و قلتله ايي و هو الحين تحت
مهاري : يالله عيل رحنا

" طبها مهاري و ريماني عادي ما يستحون من سالم يعتبرونه اخووهم لانه من هم صغاروياهم "

... عند عواش و ذيلها شموووه ...

عواش : يلا شموه محمد تحت

شموه : قولي و الله
عواش : لا حولل بدت خبالها

شموه و هي تطالع عمرها فالمنظره : عواش شرايج فيني حلوه و لا
عواش : حلوه حلوه يلا نزلنا لا نتاخر
شموه : بس و الله انتي تحفه بالاسود اتخيل اشكالهم

و نزلو ركبو السياره رغم محمد اللي كان مشمأز من وجود شموه و غشوتها اللي طيحتها اول ما دخلت

... في الفندق ...

ميروه : يلا انا بروح البس الفستان و اييكم انتو نزلو تحت ما يصير كلكم فووق
مهاري : انا بتم عندج و الباقي نزلو
سارووه و الريامي : نحن بنرووح
سلامي : ويت بعدل جحاليه و بنزل عندكم

ساروه : لحقينا

و نزلوو تحت و اول ما دخلو القاعه فصخوو عبيهم
و بدو يسلمووون عالضيوف و عيوون الحريم ما خازت عنهم

ساروه : افف مليت من كثر ما اسلم اقووولج بنسير صوب البنات
الريامي : هي و الله صدقج يلا رحنا

ساروه و هي تقرص الريامي من يدها و تاشرلها بعيونها على قدام

ساروه بهمس : تشوفين اللي اشوفه
الريامي : أوووووووويه شو لابسه هاي
ساروه : مالت عليها اسووود شو رايحه عزا هاي
الريامي : طاف طاف ما فينا عالمشاكل

... عند الرياييل ...

محمد و هو يالس عدال سالم

سالم و هو يسكر الفون : أووووووووووف
محمد : بلاك ؟؟
سالم : امييه من صوب تباني ارمس الفندق عشان سوالف الحجز و مادري شو و اووويه يباني ايلس عند الرياييل و مهددني اذا ما شافني هني هه
محمد : أفا و انا شو اسوي هني خلاص انا برووح عنك ارمس الفندق
سالم : لا لا خلاص
محمد : حلفت عليك و الله انا فاضي ابا اشوف لي شغله اسويها خخخ
سالم : خلاص كيفك

أما عند سلامي

سلامي و هي شوي و بتصيح : مهاري وين عباتي ؟؟؟
مهاري : انتي وين حطيتيها
سلامي و هي تدور : حطيييييييييييييتها هني مادري وين راحت
مهاري : خلاص لبسي هاي العباه مادري مالت منو بس دبري عمرج لين توصلين تحت
سلامي و هي تطالع العباه بصدمه : انتي شو تقولين هاي شفافه
مهاري بلا مبالاه : عادي محد بيشوفج تراج بتنزلين من اللفت و خلاص
سلامي و هي مقتنعه شوي : خلاص اووكي ييبيها بلبسها

بعد مالبست العباه : يلا سي يو تحت

و طلعت و هي تحاول تسرع من خطواتها عشان محد يشوفها
لان عباتها شفافه وايد و الشيله اخف

ضغطت على زر اللفت و هي تتريا على نار

و اول ما فتح اللفت ما صدقت و علطول رفعت راسها تبا تدخل

صدفه لقيته اللي هويته محلى عيونه واي فديته
بو ويه غاوي كالبدر ضاوي عوقي يداوي شفته ولقيته
يسلي كلامه عا خده علامه لوله الملامه غصبن خذيته
بلمسة كفوفه روحي خطوفه ولا فيه خوفه من عمري عطيته
وبحره غزير دربه خطير لوهو عسير لجله مشيته
داري وداده لقوى بعاده ومني شهاده قلبي هديته

محمد فخاطره : اه و اخيرا شفتج
سلامي شهقت و بصوت عالي : انت !!!!!!!!!!

محمد ابتسم و ذاب في شكلها كانت غاوييييه
و خصوصا بلون فستانها السماوي
أول مره يشوف شعرها و يعرف انه اشقر
شقرا البنت

محمد بابتسامه و هو ذايب فشكلها : هلا و الله

سلامه و قلبها يدق بسرعه حاولت تتدارك عمرها الله يا محلى الصدفه من زمان و هي تتذكر شكله " فالمطبخ " : ايييييييه شو تطالع انته

محمد ابتسم لها ابتسامه ذوبتها و رووح و هو مقدر موقفها خصوصا انهم بروحهم قدام اللفت طلع و قالها : شرفي

سلامه علطول خدودها توردت من ابتسامته و هذا اللي حلاها دخلت اللفت بسرعه و سكرت اللفت

و كل هذا صار قدام محمد اللي كان واقف قدام اللفت و ما قدر يتحرك الا يوم سكرته

محمد : فديتج و فديت مستحاج

أما سلامي راحت فخرايطها علطول راحت صوب الحمام " عزكم الله " و سكرت الباب و تمت حاطه يدها على قلبها
...

بعد نص ساعه

اللحظه اللي يترقبها الكثيييييييييييييييير

...

تسكرت الليتات و انفتح ضوووء خفيف ذهبي زين القاعه الذهبيه و بدت تنزل فراشات ذهبيه بطريقه محترفه تبين كانها تطير

و ثلاث أولاد دخلو و فايدهم المسجبه و اييووولووون و يمشون فالنص

و بدو يمشون وراهم بنتين صغار لابسات فستان ابيض و فايدهم سله فيها ورد احمر وحده من اليسار و الثانيه من اليمين و كل وحده تقول الزين عندي

و دخلت وراهم وحده احلى من القمر

اقبلت مثل القمر بنص الشهر
البهاء ولا الشكل شيء عجيب
عقدها من جيدها سوى سفر
بين منشول الشعر شيء رهيب
عودها غصن خضر عقب المطر
ماتمايل للقريب وللبعيد
والعيون اللي لواحضهن خطر
من خجلها تكسر العظم الصليب

همسه :: الكلمات من زفه لراشد الماجد

تمشي بخطوات خجووله و مرتبكه من كثر هالناس

و الكل منبهر من شكلها و شعرها بالاخص الي كان منثوور على جسمها و يطير مع المشيه شعرها طووييل طوييل ما شاء الله واصل لتحت ركبها

الاضواء مسلطه عليها و هي بالموت ترفع راسها شعور غريب دخلها

هي نجمه الحفل اليوم .. هالحفل كله لاجلها

بتفارق هلها و بتعييش في بيت يديد ما تعرف شو مصيرها فيه

كل شي فكرت فيه من الربكه و هي تمشي ما صدقت انها وصلت للكوشه و علطول يلست

طبعا المصوره ما خلتها فحالها كل مره تصورها في لقطه

حست بالحظات تمر بسرعه مع ييه البنات و ربيعاتها كلهم يسلمون عليها و اهلها حست انها مهمه صدق و استانست ان كل هالحضور حقها

و بدوو و البنووتات سلامي و ساروه والريامي و مهاري يرقصن فرحانات لمهاري

و الكل انصدم يوم شاف فستان عووييش الاسود و اكثر شخص عصب منها امها لانها فشلتها عند الحريم

ساروه تهمس لمياري : حبيبتي تجهزي زايد الحين بيدخل
مهاري : لا لا ماباه يدخل
ساروه : هههههه

و اعلنو ان زايد و هل مياري بيدشون عشان الحريم يتغطن

طبعا عويش دووووورت عباتها الشفافه اللي قاصده تييبها بس ما حصلتها فاضطرت تلبس العباه العاديه بس تغشت بغشوه خفيفه وايد

زايد

" دخلت مع ابوي و عمي و عياله و انا ما احس فيهم من شفت هالقمر اللي قدامي و انا امشي بسرعه مادري ليش لا شعوري كل ما اقرب صوبها اكثر كل ما انصدم أكثر و خصوصا و انا أشوف الشعر الطويييييييل توني اعرف ان شعر ميره طويل يالله محلاها يوم وصلت قدامها ما اعرف بشو حسيت كنها ملاك تمشي عالارض هاي تقوول للقمر قوم بيلس مكانك ... بدون احساس حسيت يديه تخوني قرب صوب الطرحه و فجيتها و فتحت ثميه من الللي اشوفه معقووول في بنت بهالجمال انا قابلت نص بنات البلاد و لا شفت بنت
بحلاتها يالله ربي يحفظها و يخلي هالجمال لي لي انا و بس حبيتها على يبهتها و انا بعدني منبهر و ما صدقت علطول وقفت عدالها "

ابو ميره : مبروووك يا بنتي مبرووك يا زايد

ميره بصوت يالله ينسمع : الله يبارك فيك

سالم

" بصراحه حتى انا مصدوم من ختيه ما تووقعت تكون بهالجمال صدق المكياج يسوي العجايب متى اكون فمكانهم و عدالي اللي فبالي متى بس "

تموو يباركولهم العرب من كل جهه و زايد ما يدري ليش يحس عمره فرحان و ميره لا تسالون عنها تحس قلبها بيطير و هي يالسه عدال حب حياتها زايد

ميره

" ماروم اصدق نظره زايد احس فيها الفرحه و الانبهار معقوول تغيررر اه احمدك يا ربي و الله اني مستانسه مووت ما تدرون بشو حسيت يوم شفت نظره زايد لي حسيت عمريه بموت من الفرحه "

مرت الساعات باحلى ما يكون و طلعو الشباب و بدو الحريم الكبار يسلمون عليهم و يباركولهم و سارووه كنها الحارس واقفه عدالهم

الكل انصدم يوم شاف عويش ماسكه يد شماني و قامت صوب زايد و ميراني

عويييش بدلع : مبرووك زايد
شماني : مبرووووك

ميراني هني الضغط وصل عندها الف من حركتها الله ياخذج من بنت حتى فعرسي بتنكدين عليه بدون ما تحس التفتت صوب زايد تبا تشووف شو شعوره يوم يت عويش

بس انصدمت من بروده فالرد : الله يبارك فيكم

" ما اكذب عليكم يمكن هو ريح فواديه بهالررد و احس عويش السباله بعد انصدمت من برووده "


وصلت لهم ام زايد و هي تقولهم انهم لازم يروحون الحين يريحون لانها الساعه 1 الفير

قامو الثنين و مشوو صوب الباب و كانو احلى ثنائي بصراحه
أول ما وصلت ميراني صوب امها قربت صوبها و لوت عليها و تمت تصيح الدمووع اللي ما سكتهن طول اليوم كلهن طيحتهن الحين

أم ميراني : بس يا بنتي بس غناتي بس

ميراني خازت عنها و تمت تمسح دموعها برقه و الحمد الله انه مكياجها ما اخترب عشان التصوير

راحو للفت و الثنينه ساكتين و محد يرمس

أول ما دخلو لقو فويههم المصوره تستناهم باوامر ام زايد عشان يتصورون

تصوروو بعد اصرار المصوره
و الثنينه يبينون لبعض انهم يبتسمون غصب و لا هم بيطيرون من الفرحه

ميره معروفه فرحتها اما زايد لييش ؟؟ تصدقون انا برووحي مادري يمكن لانه فرحان انه خذ وحده بجمالها أو انه نسى سالفتها مع علي و سالفه انه ماخذنها غصب

طلعت المصوره بعد ما خلت ميره ميته من المستحى لانها كل مره تقولها تسوي شي مره مسكي يده و مره مادري شو و من هالبلاوي

أول ما طلعت و رقعت الباب و شاف زايد وضع ميره و انه خذها الحين

تذكر كل شي و كأنه صحى من غفلته ما يدري ليش كره عمره و كره شعوره لها ليييش كنت فرحان لييييييييييييش ؟؟؟

طالعها باحتقار من فوق لتحت و راح للحمام " اكرمكم الله " عشان ياخذ شاور و يصحصح شوي من غفلته

ميره حست عمرها بتمووووووووت من نظره احتقاره معقوول كل الفرحه كانت مزيفه كانت كذب يعني هو لا فرحان و لا هم يحزنون و انا وين رحت بافكاري

مسحت دمعتها اللي نزلت و راحت صوب التسريحه تفج الشبابيص اللي فشعرها و هي تشكي همها الوحيد " زايد "

سمعت صوت مسج

من من يا ترى فنص هالليل ؟؟؟

دارت في الغرفه لين وصلت لمصدر الصوت تلفون زايد
من :: أسوومه

و بفضوول و غيره كبيره فتحت المسج ::

" حبيبي زايد أو ما تشوف المسج دقلي اشتقت اسمع صوتك "

زاد تنفسها و هي كل مره تعيد تقرا المسج
انا السبب انا السبب ليش وافقت عليه
ليتني ما وافقت
أنا سمعت عنه انه صايع
لكن تبعت قلبي
بس انا احبه
حرام حرام عليه
هذي بس البدايه يا ميره عيل شو بعد بتشوفين بلاوي

انفتح الباب و هي غايصه بتفكيرها

أول ما شافها زايد عصصصب و طلعن ينونه
بعد توصل لها الجراه تفتش فوني

قرب صوبها و مط التلفوون بقووه منها و قرا المسج
هني كل عصبيته و غضبه راح
ابتسم
ييتي فوقتج يا اسووم
نا هذا اللي اباه
مثل ما قهرتني بذاك المسج
انا قهرتج فليلتج يا حلوه
و من الحين ببينلها اني بعدني على كلمتي اني بعيش شبابي مثل ما ابا

علطول دق اتصال على الرقم و هو مبتسم و يطالع ميره المصدومه بتحدي

أسوم علطول ردت : هلا حبيبي
زايد بتحدي : هلا بقلب و روووح زايد

أسووم : شحالك حبيبي
زايد : و الله بخير من سمعت صوتج و انتي علومج فديتج ؟؟

أسووم : بخير فديتك
زايد : اشتقتلج غناتي

هني ميره ما تحملت قامت بقووه و راحت تضرب زايد على صدره بيدها و كنها تبا توقفه عن الكلام اللي يجرحها هي من حقها تغاري

مياري بصراخ : حقيييييييير حقير

زايد و هو يرمس البنت : أقووول بخيج احينه شويه بدقلج عقب

و سكر على طول و مسك يدها

يدج هاي ما تمدينها علي فاهمه و لا بقصها لج

مياري انهارت و علطوول خلته و فتحت غرفه من الغرف و سكرتها بقووه و تمت تصيح

زايد و هو يقرب صوب الباب و بصراخ : أقووووووووول جهزي عمرج باجر بنسافر لا تحسبين السفره منيه تحلمين تراها من ابووج و ما حبيت ارده

صح غمضته بس هو هذذا اللي يباه يبا يكرهها بعيشتها هدفه فالحياه يكرها بعيشتها لانها بالنسبه له عدوته

1. رمست شباب و هي على ذمته و هذا برووحه مصيبه
2. لانه انغصب عليها و بالنسبه لتفكيره اهي السبب اللي خلا ابووه يغصبه عليها
3. لانه عاهد عمره انه بيعيش حياته و شبابه مثل ما يبا و بيكمل صياعته حتى و هو معرس " و هالسبب ما يخصه بميره "

نكمل بكرة فديتكم

يعطيك الف عافيه

نتظر جديدك

نورت