:: الفصل الأول ::

*~ .. صدمه .. ~*


واو مب قادره أوصف لج شعووري و اخييييرا و اخيرا يا مهاري باخذه باخذ حب حياتي .. قالتها ميرووه و هي مستانسه وايد

اليوم يوم ملجتها على زايد ولد عمها اللي كانت محيره له من سنين رغم انها نادر تشوفه بس هي تمووت فيه و حفظت شكله في قلبها قبل عيونها و برمجت عمرها على انها لزايد .. زايد و بس

مهاري : بس بس يالمستلغثه هههه ميته عالعرس ثرج
ظربتها ميرروه كلى كتفها و هي تقول : جب انزين هذا و انا قاعده افضفض لج عن مشاعري
مهاري : هههه فديتج و الله و الله انيه فرحانه لفرحتج

و قامت لوت عليها بقووو و تمن يصيحن

دخلت عليهم سلامي و هي حاطه يدها على خصرها و قالت : أوووف بدوو عاد الحين من بيسكتهم .. بس بس دادا لا ثيحين بعطيث حواوا

ميرووه ودرت مهاري و هي تقول : دادا فعينج احم احم الحين أنا عرووووس كح كح

سلامي : عن يطيح نصج بس هع أصلا انا قايله ما بعرس الا يوم أخلص دراسه مب شراتج انننننه ( و تمد لسانها مثل اليهال )

ميرووه تسوي عمرها معصبه : يالله لازم تنكد علي يلا يلا برا ما ندخل يهال

ظهرت سلامي و هي تضحك على اختها

(( احين بعرفكم عليهم اكثر

ميرووه : تجنن هالبنت غرام حلوه من داخل و من برا بس شخصيتها قويه و ما تسكت عن حقها تموووت على شي اسمه زايد اممم عمرها 19 سنه و تدرس محاماه فجامعه الامارات صح عارضوها هلها على هالتخصص بس هي بقدرتها قدرت تسكتهم وتقنعهم

سلامي : اخت ميرووه عمرها 17 سنه ثانويه عامه حلوووه و كيوت يعني جمالها طفولي اممممم مرحه و حبوووبه تعيش كل يوم بيوومه

مهاري : بنت عم ميروووه ربيعتها الرووح بالروح عمرها 19 سنه و تدرس محاماه مثل ميرووه حبوووبه و قلبها طيب ما تاخذ بخاطرها على حد

و بس ))

نزلت سلامي تحت عند المعازيم

و كانت لابسه فستان ذهبي ناعم طوييل فيه ذيل و مخصر و مسويه تسريحه رافعه شعرها كله على فوووق و منزله خصل بسيطه منه طبعا حنت على امها لين ما خلتها تصبغه اشقر و هذا اللي حلاها لانها بييضه وايد و طالعه مثل الاجانب
و مكياجها كان ناعم يعني بس حاطه جحال داخل عيونها و اي لاينر و شدوو ذهبي و قلووس بس و هذا اللي بين جمالها الطبيعي

و أول مادخلت الصاله لفت كل الانظار عليها لدرجه ان سلامي تمنت الارض تنشق و تبلعها ^*

و حده من الحريم : ما شاء الله تبارك الرحمن هذي العروس يام سعيد
أم سعيد : لا الغاليه هذي اخت العروس سلامه تعالي سلامه فديتج

قربت سلامي صوب امها و هي بالغصب تمشي بسبب نظرات الحريم المتفحصه لين ما وصلت عندها

سلامي : هلا امايه تبين شي
أم سلامي بهمس : قريتي على عمرج بنتي
سلامي توها تتذكر : أووه لا نسيت
أم سلامي الحين روحي و ييبي الفواله و قبل لا تيين اقري على عمرج
سلامي : ان شاء الله اميه
أم سلامي باستغراب : غريبه صايره مطيعه اليوم و ان شاء الله دووم
سلامي تضحك بارتباك : هه اميه و هالحريم اللي ييلس عندهم يرتاح
أم سلامي ضحكت و فهمت على بنتها : هههه روحي روحي و لا تنسين تقرين على عمرج

في جهه ثانيه من الصاله

عويش تطالع سلامه باحتقار : الحين هذي خت ميره
شما : هيه هاي سلامه
عويش : أخيييج طالعيها شو مسويه بعمرها

ردت عليها ساره اللي تكرهها كره البلا : قالت و هي تقلدها " اخييييج " اقوول احترمي عمرج عالاقل هي اخت العروس و ما سوت شراتج انتي اللي ما تقربين للعروس يايه بفل ميكب بسم الله

عويش و هي تتعلج و تلف عليها و تطالعها بنظره :أقوول لمي حلجج احسن ما بقى الا اليهال يدخلون عمارهم بشي ما يخصهم

ساره : استغفر الله و الهل برد عليج بس ما ابا انكد عمريه
ريماني : أقوول سارووه خلنا نطلع نشووف .. وشددت عالكلمه " ححححرم زايد "

عويش تطالعها بقهر و تقوول لشما : الحين ما لقيتو الا ميرووه تخطبونها له انا جدامكم << هههه تخطب لعمرها
شما و هي خايفه من عويش : و الله شسوي انا قلت لامي بنخطبج بس قالتلي انهم من قبل محيرين زايد لميره
عويش بنرفزه : أووووووووف كريهه
شما سكتت و لا ردت باي كلمه

طلعوو ساره و ريماني للغرفه اللي فيها ميروه

...
يتبع

بنفس البيت بس بمكان ثاني

في ميلس الرياييل الكل مجتمع بسبب ملجه زايد & ميره

زايد كانت قاعد عدال ربيعه حمدان و يبتسم بالغصب للضيوف

حمدان : يا ريال هدي هدي شبلاك ؟؟ خل هالليله تعدي على خير و بعدين يصير خير

زايد اللي خلاص وصل حده قال بصوتو حاول ما يكون عالي و بعصبيه : و الله ما خليها و الله يخليها تكره حياتها عيل انا زايد بن سعيد انغصب على بنت لا و بعد من سنه يدي لا شفتها و لا اعرفها ما عليه أنا براويها

حمدان حاول يهديه : يا زايد لا تاخذ هالامور بعصبيه و بعدين البنت حليلها مالها ذنب كل ذنبها انهم حيرووها لك ليش شايل هالحقد بقلبك عليها

زايد عصب و قال بصوت عالي شوي : و انا و انا بعد شذنبي اخذ وحده ما اعرفها غير انها بنت عمي شذنبي ما اتهنى بحياتي بس عشان اني محير لبنت .. و قالها باستهزاء " العم "

حمدان : ما عليه انت ترفق بها هالبنت يتيمه مالها ذنب

زايد ابتسم باستهزاء و راح بفكره لبعيييد و قال فخاطره " نجووم السما اقربلها من اني اخليها فحالها أنا براويها "

قرب صوبه سعيد ولد عمه : مبرووك مبرووك يا النسيب
زايد من ورا خاطره : الله يبارك فيك

فوووق في غرفه ميرووه

كانو البنات كلهم مجتمعين باستثناء شما و عويش

سارووه : احم احم كح كح شو شعورج ميرووه و انتي خلاص بتودعين قفص العزوبيه
كلهم ضحكووو على كلمه قفص العزووبيه : هههههههه

عويش اللي كانت مستانسه من الخاطر : و الله شعوريه انيه مستانسه لاني بفارق سلامي و بيي عقب بيتكم هع

سلامي نقزت و قالت : لا و الله .. اهئ اهئ العشره ما تهون الا على ابن الحرام

ريماني : هههههههههههههههههههههههههههه أقول سلامووه تراها بعدها بتتم عندكم لين تعرس
سلامي : الله و اخيرا بيصير عندنا عرس بعد سنييييين

ما لحقو يكملون سوالفهم الا سمعوو دق عالباب

سلامه : خلكم انا بقوم له هذا سالم اكيد

و فتحت الباب

سلامي بفرحه : هلا سلووم
سالم اللي كان ماسك الورقه و قال بمزح : سلامه يلا سمي ووقعي على ورقه زواجج
سلامه تجاريه : بسم الله هات القلم بوقع

كلهم فجوو عيونهم من داخل الغرفه
و ميروه ما تعرف شو السالفه منصدمه و شوي بتصيح

طلعت لهم نوره بسرعه
و قالت : اييييه اييه وين تب ...
و ضحكت فجاه : ههههههههههههههههههههههههههههههههههه حركات بعد انتو تعالو داخل شوفو اشكالهم كيف ككككككككككك

كلهم شوي و بيستخفوون .. شو السالفه الحين من العروس ؟!؟

سالم يستهبل : عادي ادخل و الله
نوير تخصرت : أقول هات الورقه بسرعه
سالم و سلامي : هههههههههههه

دخلو نوره و سلامه الغرفه و انصدمو من اشكالهم و خصوصا ميرووه اللي علطول طاحت دمعتها

نوره ركضت لها : ميروه و الله يمزحوون بلاج ؟؟
سلامي : تستهبلين ميروه ترا كنا نمثل عليكم

ميروه مسحت دمعتها اللي نزلت بدون ما تحس و قالت : تعرفوون انيه حساسه وايد لازم تسوون حركات النص كم

نوره و سلامه : اسفيين اسفين و الله مانعيدها بس لا تصيحين اليوم ملجتج
ميرووه ابتسمت و قالت : خلاص أوكي جي زين شكلي

تغيرت سلامي على طول و ردت لروحها المرحه : ما شاء الله عليج تفو تفو خمسه و خميسه في عين العدووووو

كلهم نقعو ضحك على حركتها : ههههههههههههههههههههههههههه

ميروه تمسح ويهها بنفزه و ضحك على حركات اختها فنفس الوقت : ههههههههههههه يع خيستيني تفافيل و بعدين شو هاي خمسه و خميسه من وين يايبتنها هع

ساروه و ريماني فنفس الوقت : يمكن من ينونها

و طالعو فبعض و ربعو بسرعه لاقرب خشب ودقته ريم بسرعه و حطت يدها على يبهه ساره : بعرس قبلج هع

سارووه اللي نقزت و دقت الحديد و حطت يدها على يبهه ريم : ريلي احلى من ريلج

كلهم طالعووهم منصدمين من اللي صار و بعدين ضحكوو عليهم

كلهم : هههههههههههههههههههههههههههههههههههههههه

مهاري : هههههههه و الله انكم نكته من وين متعلمات هالحركه خخخخخخ
سارووه : ها نحن فكلاسنا البنات دوم جي نسوي اذا قلنا نفس الشي فنفس الوقت هع
سلامي : هههههههههههههه حتى نحن نسوي جي كك

ميرووه بغروور مصطنع لفت وييها عنهم : مراهقاتو سمعو صوت سالم يتنحنح و يقول : احم احم ويينكم ساعه لين توقعين
لفت نوره وحطت يدها على يبهتها : أوووووه نسيت
و قربت صوب ميرووه و هي تبتسم و تقولها : وقعي

ميروه لحظتها كل القوه اللي فيها راحت و قالت و هي خايفه : أميييه ما بعرس خلاص

كلهم : هههههههههههههههه

سلامي بمكر : خلاص هاتي بوقع بدالج
ميروه بدون ما تحس : لا لا لا خلاص بوقع
سلامي : هههههههههه بنات ما ايون الا بالعين الحمراء

سمت بالله ميروه و وقعت

مهاري و ساروه و سلامي و ريماني و نوره كلهم بوقت واحد : كلووووووووولوووووووووولووووووووش

كل اللي تحت سمعوو و فرحو الا شما و عايشه و طلعت امها علطوول تباركلها

أم سعيد تمسح دمعتها : مبروووك مبروووك يا بنتي
ميرووه نقزت و لوت عليها بقووو : فدييييتج أميه أحبج

بعد دقايق هدت أم سعيدعمرها و قالت : يالله يا بنتي الحين بتنزلين تحت

ميرووه لفت بطريقه سريعه صوب مهاري اللي قربت منها

همست ميرووه لمهاري بخوف : في وايد حريم تحت
مهاري : لا تخافين و توكلي على الله و نزلي الحين نحن بننزل قبلج
ميره برجا : لا تخليني
مهاري حبتها على خدها : لا تخافين حياتو الملجه اليوم و بس

و روحت عنها و نزلت تحت هي و البنات يزهبون لنزلتها

بعد دقايق نزلت ميرووه على اغنيه

كل العيون اللي تشوفك تودك...
وياحظ عين اللي عيونك توده...
حصر الحلا مابين عينك وقدك...
كن الحسن من زود حسنك تمده...
يضوي ظلام الليل من نور خدك...
الليل في داجيك روحه ورده...
ماحس في غيرك ولا اشوف ندك...
صافاك قلبن عاشق(ن) لاتصده...
حيرتني مابين جزرك ومدك...
لاغصت في جزره ولاجست مده...
لو دارت الايام ضدي وضدك...
باب السلام مابيننا لا تسده...

يتبع

كانت مرتبكه وايد و بالغصب وصلت للكرسي المخصص لها وسط عيون الحريم اللي معجب و اللي حاسد و اللي كاره و اللي ما همته

(( الحين بوصفلكم ميره

كانت حلوه قليله بحقها يعني تقول للقمر قوم بيلس مكانك طبعا لابسه فستان احمر مبين عودها الريان و فيه حركات بس ناعم و مبين نعومتها و جمالها

و عيونها اه من عيونها كبار مثل عيون المها و سوووود و حياتها مرسومات رسم مع انها ابد ما صكتهن من هي ياهل و خسمها سيف و صغير كيووت و شفايفها صغار وايد و لونهن توتي طبيعي و خدها أبيض أبيض أبيض لدرجه ان لمسه من احد تخليه أحمر مما يزيد حلاتها

اما شعرها و ما ادراك ما شعرها اسود سواد الليل و طويييييييل يوصل لتحت ركبها و غليظ وايد و هذا اللي خلاها ترفعه و تسوي تسريحه تجنن

و هيي بييضه ومع كل شي و خصوصا الاحمر استوووت غرام تعق الطير من السما ))

نرجع للقصه

ميره كانت طوول الوقت مرتبكه و منزله عيونها رغم الضجه اللي حولها يعني ما تحس باللي حولها بس اللي تفكر فيه انها صارت حررررم زايد يعني ملكها

بس لفت نظرها همس قريب منها خلاها تتنرفز لابعد حد

عوييش و هي شوي و تقطع ثيابها من الغيظ : الحين هاي ميره هاي لا و تقوليلي انها مب احلى عني اكييد زايد بيموت فيها و بينساني انا عويش بنت خالته

شما اللي كانت حاسه بان عويش بتسوي بلاوي فقالت بكذب : انتي هدي الحين و بعدين انا صادقه انج احلى منها عيل هاي الشيفه بتي صوبج

عويييش و هي تصر على اسنانها : هي الحين قصي علي بكلمتين

رفعت ميرووه بسرعه راسها صوب الصوت و انتبهت للي عدال شموه و تقول هالرمسه من الصبح و عصبت منها صدق

قطع عليها تفكيرها صوت أمها و هي تقولها : الحين زايد بيدخل

نست كل شي و نزلت راسها بسرعه و هي تسمع صوت خطوات زايد

طبعا زايد غصبه ابووه انه يدخل و ييلس مع ميروه و ما يفضحهم عند العرب

قرب زايد صوبها و هو شوي شوي تزيد صدمته بالملاك اللي قدامه معقوله هاي ميره معقوول هالملاك لي .. لا لا انت شو تقول مب بتكرهها بحياتها .. و انا عند كلمتيه يعني الحين بتسكتني بجمالها لا و الف لا انا زايد ما تهزني حرمه

قامت له ميره و هي ترتجف من الخوف

حبها ببرود على يبهتها ببرود و قال ببرود اكثر :مبرووك
ميره انصدمت من برووده و جفافه بس قالت اكيد أتوهم ردت عليه بصوت يالله ينسمع : الله يبارك فحياتك

و يلسو عالكرسي مده و عقبها لبسها الدبله و الشبكه و هو يغتصب الابتسامه

ميره الوحيده اللي كانت تحس ببروده بس كالعاده تطلعله أعذار انه تتوهم أو انه مرتبك

بعد حوالي نص ساعه طلعوهم للصاله الداخليه الفاضيه

عشان يرتاحون فيها

ميره تمسك يد ساروه قبل لا تدخل : خايفه
ساروه : خلج فري و ترا اخوويه ما ياكل هع

ميره تضربها على كتفها : متفيقه
ساروه : ههه يالله سمي بالله و دشي

ميره يلست دقايق تهدي عمرها و بعدين سمت بالله و دخلت

دخلت و يلست عالكرسي و هي منصدمه توقعت يقووم يرحب فيها بس كل اللي شافته عدم اهتمامه و انشغاله بالمسجات قالت يمكن ما انتبه لها هاذي هي من الصبح و هي تدور له اعذار لتصرفاته الغريبه قالت و هي تحاول تخليه ينتبه لها

ميره بصوت خفيف شوي : احم السلام عليكم

زايد عطاها طاف مع انه سمعها بعدين طرش المسج لوحده من هالصايعات و توه يتفيق لها

زايد ببرود رغم اعجابه بجمالها : هاه هلا

ميره اللي استوى ويهها احمر من الاحراج و الاستغراب من زايد

زايد ودر التلفون و قال بجديه : سمعي يا بنت العم

ميره بسرعه لفت صوبه بخوف من جديته و قالت برقه طبيعيه : هلا

زايد طالعها و هو منصدم من جمالها هواول مره يشوف ويهها كامل و صدق لو بيتم يشوفها من اليوم لباجر ما بيمل

ميره توها تنتبه لعمرها نزلت راسها بسرعه من المستحى

زايد تنهد و رد لجديته : سمعي يا بنت العم أنا خذتج عشان ابويه بس و عشان كلام الناس بما انه صارلي محيرنج سنين .. يعني بعدني ما تهنيت بشبابي و بصراحه ما كنت اتمنى اعرس بهالطريقه عشان جي من الحين أقولج حياتي قبل الزواج هي نفسها بعد الزواج مستحيل أودرها بعيش شبابي مثل ما ابا و ماباج تتدخلين فخصوصياتي أما بالنسبه لج فبتعيشين فالبيت معززه مكرمه و حقوقج كلها بتاخذينها اكثر من هذا ما عندي و ارد اكد لج انيه ماخذنج بس عشان ابووووويه

" ليش تتعمد تعذبني ليش زادت منك اطعونك "

ميره اه يا ميره كانت طوول الوقت منزله راسها و دموعها تنزل على خذها بدون ما تحس حست نفسها بدون احساس كرهت عمرها و كرهت عمها و كرهت زايد و كرهت كل الناس لييش ليشش يا قلب حبيته لييش حبيت حجر ما يحس ليييش و يقوولي ياها بيووم فرحتي بيووم ملجتي الي كل بنت تفرح فيه انه مب ماخذني لانه يحبني أو انه يباني ما خذني عشان عمي عميي يعني ما يحبني و لا حبني و انا الغبيه اللي حبيته من صغري حبيته من صغري يا ناس تحسوون تحسوون باللي احس فيه طعني طعني اللي كنت أحبه في يوم و اظن انه يحبني

بس لا مب ميره تنهار عشان واحد ما قدرها و لا حس فيها بيوم مب ميره اللي تضعف مب ميره اللي تنهان كرامتها و تنجرح انوثتها مب ميره

مسحت دموعها بسرعه و استوى ويهها احمر

قامت بكل شموخ و قالت لزايد و هي تتصنع القوه و تدوس على قلبها اكثر : اه يا زايد ريحتني كنت خايفه على مشاعرك لأني انا بعد مغصوووبه عليك و خذتك بس عشان كلمه ابوويه الله يرحمه يعني لا تخاف أنا ما احبك و لا حبيتك " داست على قلبها و تمنت انها ماتت و لا قالت هالرمسه " و خذتك عشان كلمه ابووويه بس

و طلعت برا و هي تركض ما تقدر تتحمل اكثر طاحت على شبريتها و هي تصيح و تصيح حب عمرها اللي ضاع فلحظه تصيح صدمتها تصيح زايد تصيح أبووها كرهت حياتها و كرهت عمرها ليش انها فيوم حبت زايد " المغرووور "

زايد انصدم ما توقع انها بتكون بهالقوه و لا توقع انها هي بعد مغصوبه عليه حس بصعوبه الكلمه يعني انا مب في مستواها عشان ما تقبل فيني و تنغصب علي غريييييبه هالبنت ما توقعت انها قويه لهالدرجه توقعت اني بجرحها انها بتصيح بتصارخ بتسوي اي شي بي انها توقف فويهي و تقول هالكلام اللي صدمني هو الللي ما توقعته

شل سويجه و راح للسياره و طلع من البيت بدون محد يحس فيه

كت
توقعاتكم..؟

*~ .. الفصل الثاني ..~*

.. مهما نحاول نفترق يجمعنا القدر ..

قامت و هي كلها هموم همومها كبيييره كبييره وايد
ما تتحملها طفله صغيره

قامت بالموت تحس جسمها متكسر من الصياح أمس
أول ما تذكرت الي صار رجعت تصيح

:: اه يا زمن ما عاد فيني للجراح ::

مسحت دمووعها بقووه و كنها بهاي الطريقه تحاول تنسى زايد و اللي ياب زايد بعد

...

في بيت ثاني ما يبعد خطوات عن بيت ميره

كانت يالسه كالعاده تحش في ميره مع عويييش بنت خالتها

شما : أصلا انتي ما شفتي شكله أمس أبصم لج بالعشر انه ما يحبها
عوييش : بس ما أقدر أتحمل أشووفها وياه تقهر و ربي تقهر
شما : هههههههه لا تخافين قلتلج ما بيحبها الشينه بس انتي بطريقتج خليه يحبج
عوييش بمكر : أقوول هو عندكم الحين

.. و فهاللحظه دخلت ساره الصاله اللي فيها شموه و من التعب فرت عمرها عالكرسي و لا رمست
أصلا شموه ما عطتها ويه

شما فهمتها : لا بس هو أكييد بيي المغرب عشان العزيمه الللي مسونها أبوويه بمناسبه ملجه .. ( و ما قدرت تكمل )
عويش بقهر : قووليها عادي قووليها أصلا نحن بعد عازمتنا خالتيه بس و الله ما خليها تتنهنى فيه ثانيه وحده و بنشوف اليوم

^ و سكرت التلفون في ويهه شما اللي كالعاده ما قالت شي ^

ساره : استغفر الله من صباح الله خير حش
شما : انتي ما يخصج و لا تدخلين يكوون احسن

ساره عطتها طاف لان ماشي فايده منها و راحت شلت الريموت و شغلت التلفزوون و يلست تطالع فلم اكشن كشخه

دخلت عليهم أمهم الي استغربت من الوضع

أم حمد : سارووه و شما اليوم لا تنسن العزيمه و اباكن تبيضن الويه عاد

ساره قامت وحبت راس امها : صباح الخير مامي
أم حمد : صباح النور فديتج تريقتي
ساره : أمييه مافيني أتريق و الله مب مشتهيه
أم حمد : خلاص عيل بس شربي عصير عالاقل
ساره ما حبت ترد أمها : أووكي فديتج

طبعا هذا كله صار و شما بس تطالع و لا تحركت و لا شي << عووذ بالله حتى امها مقاطعتنها

...

طلعت من الغرفه تحاول تنسى و لقت في طريقها سالم

سالم يوقفها : أوووب أوووب خلاص ما صارت تهتم لنا انزين سلمي السلام لله
ميره و هي تبتسم بالغصب : هلا ما شفتك
سالم و كانه حس بشي مسكها و قال بخوووف : ميراني بلاج ؟؟
ميره دمعت خلاص ما قدرت تتحمل الموقف تذكرت كل شي لفت وييها عنه و قالت : خايفه
سالم ارتاح : هههههههههههه صدق دلووعه من شو خايفه
ميره ابتسمت : ولا شي مثل ما قلت دلع هع

سالم :يلا أنا رايح تبين شي
ميره : سلامتك


سلامي توها قايمه من النوم و الشعر كشه فتحت الباب : بلاكم شو صاير ؟؟
سالم : ههههههههههههههههههههههههههههههه دخيلج سيري طالعي شكلج فالمنظره
سلامي مب متفيقه له : جب ما يخصك
و طالعت ميره : أقووووووول أخبار أمس

• ميره *
( أووف كل شي يذكرني فيه كلهم يذكروووني فيه أبا أنسى أبا أنسى يا ناس حسو فيني شوي )

سالم : أوووه صح نسيت قبل لا اظهر اليوم عمي مسوي عزيمه بمناسبه ملجتج جهزن عماركن المغرب بنرووح كلنا

ميره بعصبيه : مابا اروووح
سالم : ليييييييش ان شاء الله
ميره : بس جي مابا ارووح حرام
سالم : انتي نسيتي ان العزيمه على شرفج انتي و زايد
ميره : أوووف مابا أرووح مابا أروووح و خلاص

و ربعت لحجرتها قفلت الباب و تمت تصيح

سالم يطالع سلامه باستغراب : بلاها
سلامه هزت كتوفها يعني ما تدري : شدراني !!

و كملت : عقب بدق حق مهاري تيي هي الوحيده اللي تعرف لميرووه

سالم : كييفج أنا ظاهر الحين باي
سلامه و هي تروح لتلفون البيت : باي

...
يتبع ,,

في بيت قوم مهاري

ريماني : أووف ملل
مهاري : وايد

ريماني : شرايج نقنع امايه انا نظهر
مهاري : لييش أميه الحين مهتمه بنا خليها على همها كل همها رشوود و حرمته
ريماني : و الله أنا كاسره خاطري نووره

مهاري تتنهد : الله يعينها عاد طاحت بيد أميه

فهالحظه دخلت عليهم نوره وويها مصفر و لا كأنها هي نفسها اللي كانت أمس تمزح و تسوولف

نوره و هي تبتسم : صباح الخير
ريماني : أي صباح الخير قولي مساء الخير

نوره :هههه و الله ما حسيت بعمري أمس رديت تعبانه مووت

مهاري : هي و الله ما تنلامين أمس انتي و عمتيه اللي شالات الملجه

نوره : شسوي ملجه أختيه

تررررررن ترررررن << صوت تلفون البيت هع

راحت نوره للتلفوون

نوره : ألوو مرحبا
سلامي : هلا و الله بنوييييييييييير أخبارج علوومج ليش ما تدقين يالحماره و لا نسيتينا صدق من قال من لقى احبابه نسى اصحابه
نوره نقعت ضحك عليها : هههههههههههههههههههه شوي شوي علي سؤال سؤال
سلامي : أووه ما فيني المهم انتي بتين اليوم العزيمه
نوره : لا ما لي نفس
سلامي : بلاكم انتو اليوم كلكم ما تبوون ترووحون فشله
نوره باستغراب : ليش من بعد ما بيرووح
سلامي : الشيخه ميره ما دري بلاها عصبت و قالت ما بتروووح و راحت غرفتها و خلتنا
نوره بخووف : ليش شو فيها ؟؟
سلامي : شدراني أقوول نويير عطيني مهاري
نوره : أووكي ويت

و نادت مهاري : مهاري تعالي سلامي تباج عالفون

مهاري : األوو األوو بابا فين بابا هينا هينا هو أأوو مين أوولو عمو عمووو مين أووله من بيكلموووه عمو يا عم ..

و قاطعتها سلامي : بس بس داقه حق حظانه أنا
مهاري : ههههههههههههههههههه
سلامي : أقوول مهاري تقدرين تيين بيتنا اليووم و الحين
مهاري : لييش ؟؟

سلامي : و الله ميرووه مادري بلاها منتضيجه اليوم من قامت و يوم قلنالها جهزي حق العزييمه عصبت و راحت تصييح غرييبه و الله فقلت يعني تعالي قنعيها و شوفيها لان فشله ما ترووح العزيمه اللي مسونها عمي حقها و اذا أنا رمستها بتعطيني طاف

مهاري : أووكي برمس أميه و بشووف باي
سلامي : باي

...

في بلاد بعييد بعييده عن الامارات الغاليه

هناك كان قاعد سيف مع ربيعه سلطان في واحد من الكووفيات في أمريكا

سلطان : شوووف شوووف هناك شكلها يديده
سيف و هو يطالع البنت : أووووه لا هاي مؤدبه حليلها حاشمه عمرها
سلطان بدون نفس : أكييد بتتغير نفس الباقيات أنا مادري كيف علطوول أول ما يسافرن هالبنيات ينسن حشمتهن
سيف : طالع طالع بطي الحيوان

" كان بطي يحاول يتعرض للبنيه "

سيف : قم قم نفزعلها حرام شكلها يايه برووحها
سلطان : يلا

و راحو صووب بطي و البنت

بطي : أفا أفا الحلوه شو تسوي برووحها
البنت تحاول تروح عنه بس مسكها من يدها

سيف راح صوبه و مطه من رقبته و عطاه بكس ما يبا مثله

سيف : يالخسييس هذا بدال ما تدافع عنها و تحمييييها تتعرضلها يالحيووان تفوووو عليك

بطي ردله البكس بثاني : أقووووووووول انت شدخلك انقلع احسلك و مالخسيس الا انته يالزفت

سيف فرره بقووه عالارض

و قال للبنت : رووحي بسرعه

البنت اللي كانت تصيح ما قدرت تتحرك

سيف بصراخ : روووووووحي

البنت تمت تركض فالشارع ما تعرف شو تسوي

عند سيف و بطي

بطي : و الله يا ردلها لك يا سيف مسوي فيها البطل قدام البنت
سيف : رح رح الله يهديك

راح بطي صوب شلته الخايسه و هو معصب من سيف و يتوعد له

سلطان : أووووب ما نروووم عليك
سيف : ههههههههه ما سوينا شي
سلطان : قلنا متواضع بس متواضع لحد الغروور
سيف : هههههه أول مره أسمع متواضع لحد الغروور كيف هاي بعد
سلطان : هههههههه هاي يعني يوم تتواضع وايد وايد لدرجه فظيعه نسميها متواضع لحد الغرووور
سيف : اها زين زين و منكم نستفيد هع

و كملوو مشيهم صووب الجامعه

...

يتبع

نرد للامارات

و عند مهاري و مييراني

مهاري : ميراني بلاج قولي اللي فخاطرج لا تتمين تصيحين كسرتي خاطري
ميراني طاحت فحظن مهاري : ما يحبني ما يحبني يا مهاري ما يحبني
مهاري باستغراب : من هذا اللي ما يحبج شوي شوي هدي و سيري غسلي ويهج عشان نقدر نتكلم براحتنا
ميراني راحتت للحمام " أكرمكم الله " بهدووء و لا ردت بكلمه

بعد ما رجعت ميراني يلستها مهاري عدالها و قالت
: الحين قوليلي السالفه كلها شو اللي صار و خلاج تصيحين و ما تبين تروحين لبيت عمي

ميراني و هي تمسح دمعتها اللي طاحت غصب و تقول و هي خانقتنها العبره : ما يحبني يا مهاري زايد ظهر ما يحبني

مهاري باستغراب و قفت و قالت : شوووووووووووو ؟؟

ميراني و هي تهز راسها : هي صح ما يحبني أمس أمس قالها لي أمس تخييلي و أنا مستانسه انه كانت ملجتي ييي زايد و يقوولي ياها بكل بساطه انه ما يحبني و انه مغصووب علي يعني عشان اني محيره له

مهاري : حيوان

ميراني سكتت

مهاري : انزين انتي شو سويتي ؟؟

ميراني : ما شي وقفت وقلتله اني حتى انا ماحبه و مغصووبه عليه
مهاري فجت عيونها : كيف قدرتي ...
قاطعتها ميراني : ماقدرت ما قدرت أتحمل و أنا أشوووفه يهيني و يجرح كرامتيه و اسكت

مهاري : و طبعا انتي ما بترووحين اليوم العزيمه
ميراني : أكييد
مهاري : غببيييه
ميراني لفت عليها و هي تقول : لليش لا يكون تبيني أقابله بعد هالكلام
مهاري :يالغبيه انتي لازم تثبتيله انج عند كلمتج و ما هزتج رمسته أما لو ما رحتي بيعرف انج خايفه من مواجهته
ميراني : أمممم رايج جي
مهاري : أكيييد و رووحي كاشخه و فرحانه عشان تخلينه يندم عاليوم اللي رفضج فيه

ميراني : و الله و طلعتي مب هينه يا مهاري
مهاري : ههههههههه خبره و حياتج

دخلت عليهم سلامي بقووه : ها أخباركوووم بترووحين ؟؟؟

مهاري : هي

سلامي : يييس
...

^ في العزيييمه ^

بعرفكم على عايله عوييش شوي

أبووها متوفي من هي صغيره
و أمها دووم مشغووله عنها بالعزايم و الطلعات

و عندها أخووو واحد بس اللي هو محمد عمره 23 سنه و يشتغل في شركه من الشركات

عويييش كانت يالسه بدلع و ما خلت شي في ويها ما حطته و طوول وقتها عدال أم زايد

و ريماني و سوييره كانو قاعدات عالطرف و داقات سوالف عن كل شي و أغلب سوالفهم عن البنات فالمدرسه

و سلامي برووحها في عالم مندمجه و يا اليهال عيال نوره و سعيد خوها

أما فاطمه حرمه حمد فكانت يالسه عند الحريم بما ان نوره ما يت

فهالحظه دخلت مهاري و ميرراني اللي كانن متأخررات شوي

ريماني : مرحبا مرحبا ملايييين بنجمه الحفل
مهاري : شكرا شكرا
ريماني : مالت عليج من رمسج انتي انا أقصد هالغرشووب ميرووه

ميرروه ابتسمت بدلع و راحت تييلس على واحد من الكراسي

ساره سوت عمرها مغمى عليها و طاحت على ريموه

: اه اأأه طحت طحت شوو هالجمالل ماروم أنا عالدلع الله يعين زيوووود بس

عوييش هني ما تت من القهر من دخلت ميره و هم يرحبوبها و هي عاطينها أكبر طاف

فقالت : أقوول تووج تيين وايد عليج
ميره طلعتها و ابتسمت لها تبا تقهرها : أفا شسوي لازم أكشخ عشان زيوودي حبيبي و لا ما اكشخ أووه نسيت انتي بعدج ما حسيتي بالمسؤوليه لانج ما عرستي

كلهم : أوووووووووه ما نروم عليج ميرووه

عويش : لا تطمني ان شاء الله بعرس قريب و باخذ و احد أحبه من زمان بس شنسوي بالعذال

ميراني عرفت من تقصد بس عطتها طاف و راحت تسلم عالحريم

...
يتبع , ,

في المطعم عند نوره و راشد

نوره و هي متفاجئه : هههههههه ليش كلفت على عمرك حبيبي
راشد : لا كلفه و لا شي و بعدين انا أحبج و ابا اييبلج هديه حرام

نوره استحت وايد و نزلت راسها

راشد : ههههههه لين الحين تستحين مر على زواجنا 5 سنين و انتي بعدج تستحين

نوره نزلت راسها بالم و قالت و هي تبلع ريقها : بس انا ما استاهل كل هذا يا راشد

راشد و هو متنكد : أووه ردينا عالطير ياللي .. رمستج اليوم بعد

نوره و هي تمسح دمعتها : صدقها يا راشد انت ريال و تبا عيال ليش تحرم عمرك من العيال عشاني

راشد مسك يدها : أووف انتي ما تفهمين أنا مابا عيال خلاص انتي تكفيني
و بعدين قال بهمس : حسي فيني لا تزيدين همي هم تكفيني امي خلينا انعيش اليوم بيومه

نوره و هي تمسح دموعها و تبتسم : خلاص ان شاء الله يلا اطلبليه ههه
راشد يأشر على عيونه : من عيوووني

و نسووو كل شي و على قوله راشد عاشو اليوم بيوومه و نسو شو اللي يترياهم فالمستقبل

...

نرد للعزيمه

لمحت عوييش من الدرايش زايد يالس فالحووش اللي ورا راحت له على طوول

وقفت قدامه و قالت : هلا
زايد اللي انصدم من جرأتها : أهليين

عويش : شحالك زايد ؟؟
زايد : بخير يعلج الخير

عويش : أبا أرمسك شوي ممكن
زايد : أكييد

عويش سوت عمرها تصيح : زايد انت لليييش خذت مييره أنا أحبك أحبك لييش ما تحس فيني

زايد وقف يطالعها باستغراب بعدين قال : رووحي الحين لاحد يشووفج و تفضحينا

عويش : بس انا أحبك و الله أحبك و مستعده أستوي الحرمه الثانيه لعيوونك

هني زايد فج عيووونه مستغرب من عوييش و جرأتها

ما مداله يرمس الا سمع صوت صفقه وراهم

مييرووه و هي تصفق لهم : برافو برافو بصراحه فلم هندي روومانسي و لا أحلى

و قربت صوبهم و صفعت عويش : تفووو عليييج يالصايعه صدق ان هلج ما عرفو يربوونج انقلعي الله لا يردج

عوييشمسكت خدها مكان الصفعه و طالعتها بعين قويه و قالت : و الله يا تندمين على هالصفعه و بتشووفين

و رووحت عنهم وسط عين زايد المصدوومه

لفت عليه ميره

و قالت : و انت ياللي يسمووونك ريلي ما قدرت تحشم بيت عمي مسوي فلم روومانسي ويا عوييش انزين اذا انت ما تباني و تبا تسوي اي شي عشان تجرحني بلييييز مب في بيت عمي عالاقل حشم عمي

زايد : ايييه انتي شو تخربطين اي فلم رومانسي و اي خرابييط

ميره : ههههههههههههه لا تنكر شفت كل شي بعيني لا تخاف ما بخبر حد

و ركضت صوب عباتها في الغرفه و شلتها و ردت البيت مشي " لان البيت فرت حصاه يعني ووايد قريب منهم " بدون محد يحس فيها و طرشت حق مهاري مسج انها ردت البيت

و تمت تصيح و تصيييح ليييين ما رقدت

88888

• زايد *
( هههههههه شو اللي صار الحين .. شو السالفه أنا مب فاهم شي أبدا و بعدين من ويين طلعلتي هاي عوويييش ههههه الله يعيني بس )

...

نرد للعزيمه

سلامي : أووف وين راحت ميرووه ؟؟
مهاري : شدرراني هي قالت بتسير تييبلها عصير و ما يت
سلامي : ويت بسير أسووفها يمكن فالمطبخ
مهاري : أترياج

وراحت صوب المطبخ

سلامي تلف فالمطبخ و هي تقوول : ميرووه ميرووه انتي هني ؟؟

:: احم احم

سلامي لفت بسررعه من الخووف : اييييييييه من انته و شو تسوي هني

... :: والله أنا معزوووم هني مثلي مثلج

" و تم يطالعها و ما نزل عيينه منها "

سلامي : حوووه حووه عينك لا تطيح و بعدين عمي مب عازم الا عماني انت من وين ظهرت كش كش يلا

... :: هههههههه ضحكتيني و الله يوم بيكون البيت بيتج طردينيه و بعدييين اذا ما تصدقيني سيري سألي عمج و قوللليله هالريال الحلو معزووم و الا لا ههه أنا اللي بيلس و انتي اللي بتطلعين " و تم يشرب العصير

(( طبعا سلامي كانت متحجبه و هذا اللي خلاها تاخذ راحتها ))

سلامي : لا حوووول زط زط ان شاء الله اييك مغص انزين ماللت عليك

.. و كشت في وييهه و ظهرت ..


" ههههههههههههههه من هاي بس و الله حلوه خخخخ قويه عين بعد تطردنيه من البيت و لا يوم قالت كش كش هههه ياهل هع "

*~ .. الفصل الثالث .. ~*

... لييش تتعمد تعذبني ...



في يوم السبت الصبح
في بيت أبو ميراني

كالعاده كانو يالسات فالصاله "ميراني و سلامي "

سلامي : الا بتخبرج انتي ليش امس رحتي بدومن ما تخبرينا
ميراني تنكدت : أووف تعبت و رحت البيت حررام و سكري السالفه احسن
سلامي: أووف أووف بلاج انجلبتي خلاص خلاص عذرنا بس تراني نسيت أقولج انهم حددو موعد عرسج أمس
ميراني وقفت بعصبيه : شووووووووووووووو ؟؟؟؟؟
سلامي تأكد لها : هي و الله و خلووه بعد الامتحانات يعني بعد اقل من شهر
ميراني عصبت : لا و الله

و مشت بسرعه صوب أمها

ميراني فجت الباب و قالت بيأس و هي تبا تسمع العكس : أمييييه صدق اللي سمعته
أم ميراني و هي تقرب منها : شو اللي سمعتيه يا بنتي
ميراني و هي شويه و بتصيح : ان عرسيه بعد الامتحانات
أم ميراني : هي أمس الشياب اتفقوو على موعد العرس يوم رووحتي
ميراني طاحت في حظن أمها و تمت تصييح : أميييه مابا و الله مابا
أم ميراني و هي مستغربه : و شو اللي ما تبينه ؟؟؟ ليش تصيحين ؟؟؟
ميراني و هي تصيح : أمييه مابا أعرس خلاص مابا

أبو ميراني و هو ياي صووبها : شووووووووووووو قلتي ؟؟؟

ميراني و تودر أمها قامت و مسحت دموعها بكف يدها مثل اليهال و قالت : مابا أعرس
أبو ميراني و هو يجاريها : ليش ؟؟ مب كنتي موافقه قبل
ميراني و هي تحاول تطلع عذر : أبوويه شوو عقب الامتحانات انا متى بجهز

أبو ميراني و أم ميراني هني ماتو ضحك

أبو ميراني : ههههههههههههههههههههههههه الحين هالصياح و مابا أعرس عشان بس ما يمديلج تجهزين
أم ميراني : هههههههههههه تراج بتجهزين الحين و في الاجازات بتخلصين زهبتج كلها
ميراني بوووزت : خلاص مابا شي

و راحت صوب التلفووون و هي معصبه

...

في بيت أبو حمد

نزل زايد من فووق و هو يسكر عقم كندوورته و يفكر بالسالفه اللي صارت أمس و بمووعد العرس اللي تحدد و هو موجود و ما قدر يقووول شي

ساره يت في ويهه و قالت : بووووووووووووووو
زايد رفع راسه بهدووء و قال باستهبال : أمي ترووعت
ساره بوزت : مالت محد يمزح فهالبيت
زايد : ههههههه روحي روحي يالبيبي أونج بتخوفينيه يعني
سارووه : انا الغلطانه انزين انت يني تخووف ما تخاف اننننننه ( و مدت لسانها )
زايد مطها من شعرها و نزلها من الدري و هو يقول :
نعم نعم نعم شو قلتي ما سمعت الشيخه عيدي
ساروه تصارخ : اي اي خل شعريه يالدب حشى مب يد حديد حديد
زايد و هو يشد أكثر : ما اسمع عيدي شو قلتي
ساره بعناد : قلت انك حمار و زفت و يني اي خل شعريه
زايد : اعتذري أوول
سارووه : قصوورك انزي ... اي اي حرام عليك يالدفش
زايد : يلا اعتذري
ساروه : اي اسفه اسفه ارتحت
زايد مستمتع بالوضع : لا لا قولي انا الينيه سارووه اسفه يالشيخ زايد لاني سبيتك
ساروووه : انا الشيخه سارووه اسفه ياليني زايد لاني سبيتك
زايد و هو يمط شعرها : ها ما سمعت
ساروه : اي أووف انا الينيه سارووه اسفه يالشيخ زايد لاني سبيتك
و كملت : ارتحت
ايد و هو يوودر شعرها : هي جي زين
سارووه : مذله مذله حشى
زايد و هو يطالع شعرها بنقمه : تعالي انتي ليش قاصه شعرج ها
ساره و هي تكتف يدها : عشان ملجتك بعد لييش ؟؟
زايد: أنا مب قايل محد يقص شعره فهالبيت لييش ما تسمعين الكلام انتي
ساره و هي تحرك حواجبها : كيفي

و ربعت فووق عن يمط شعرها بعد

زايد : هههههههههه خبله و الله

و سمع تلفوون البيت يررن و راح صوبه

أول ما فتح السماعه انصدم

ميرووووه : سارووه سمعي خبري أخوووج الحمار اني ماباه ياختي ماباه لييش يسررع العرس مب هوو قايل ما يبانيه أووووووف

زايد و عيونه مفتووحه و هوو منصدم من ميرووه لهالدرجه تكرهه قال بصووت هادي و هو ماسك عمره : أولا : أنا مب حمار انا ريلج .. ثانيه : اذا انتي ما تبينيه انا بعد ماباج .. ثالثا : انا بعد معترض على موعد العرس شو تحرينيه مستعيل في حد يستعيل على الهم

ميروه و هي مصدوومه من كلامه : أنت

زايد : هي أنا عندج مانع

ميروه : فووق شينه قوات عينه

و طراخ سكرت في ويه

زايد و هو يطالع السماعه و هو معصب : بعد تسكر في ويهيه صدق انها قليله ادب

و سكر السماعه و ظهر من البيت

...

يتبع,,

عند نوره و اه يا نوره

كانوقاعدات في الصاله نوره و مهاري و الريامي

نوره : ها و شو سويتوو أمس بعد
مهاري و هي تغمز لها : و الله تمام بس اللي ما نعرفه شو سويتوو انتو و زايد بعد اللي اعرفه انه شرد من العزيمه و يا صوبج
الريامي بمكر : عييب عييب مهاري هالكلام حق الكبار صح نويره

نوره و هي منحرجه منهم و ويهها أحمر : ههههه ما سوينا شي

مهاري و هي تقوم و تييلس عدالها : علينا عليينا نوويير
نوره و هي تحط ويها على يدها من الاحراج و هي تذكر امس فالمطعم
: ههههههه انتو لازم تحرجوون الواحد

قهاللحظه دخلت أم راشد الصاله

أم راشد بحزم : مهره ريم يالله على غرفكم
مهاري و هي تقووم و تتحرطم : جاكالموت يا تارك الصلاه
ريماني بصوت خفيف حق نوره : الله يعينج

نوره كانت خايفه و شوي و بتصييح أكيد بترمس عن نفس الموضوع يارب ارحمني

أم راشد و هي تيلس : لا اله الا الله
أم محمد بعد ما يلست : أكيد تعرفين عن شو بكلمج صح
نوره و هي تنزل راسها : هي
أم راشد : سمعي يا نوره انتي عالعين و الراس و انتي تدرين اني اعزج بس يا بنتي انتي ما تييبين عيال
هني نوره تمنت المووت صعبه عليها هالكلمه وايد
أم راشد كملت : و أنا يا نوره أبا أشوف عيال بجري قبل لا أمووت
نوره يالست تصيح بصمت
أم راشد : ليش تحرمين راشد من العيال و تشركينه في شي هو ماله ذنب فيه
و كملت : صدقيني يا بنتي كل ريال يتمنى يشووف عياله و يرفع راسه فيهم عياله يكوونون باسمه و سنده في حياته
و قالت بحزم : قنعي راشد يعرس و اييب عيال لانه عشانج ما يبا يعرس

نوره و هي تصيح : بس يا خالتي بس حرام عليكم حسوو فيني

و ربعت لغرفتها و قفلت الباب و تمت تصيح

...


في يوم الاحد

كانو مهاري و مييروه في الجامعه و يترين الدريول لانهن بيطلعن مع بعض اليوم

ميرروووه : أفففف و قسم بالله ارف انا ناقصه .. تعرفين انهم حددو يوم عرسي
مهاري : هيييه عقب شهر ^^
ميرووه و هي متنرفزه : كيفهم هم كييفهم أنا ماباه خلاص عذرت
مهاري و هي تطالعها بنظره يعني لا تجذبين عليه أنا فاهمتنج : ميروه مب عليه
ميروه : مهاري اللي ما يبانا ما نباه و هو ما يباني خلاص بحاول انساه
مهاري : مب سهله تنسينه يا ميرووه خلاص انتي انسي كل شي هو الحين ريلج
ميرووه لفت ويهها عنها معصبه

هني يت ميثه ربيعتهم : ها ما يا الدريول

ميروه بعصبيه : طبعا ما بيي لازم كل يوم يتأخر ساعتين زياده
ميثووه : تعالوو بوصلكم
مهاري : لا ماله داعي الحين بيي
ميثوه : أفا تردوونيه
مهاري : و الله ما يحتاي
ميثوه : لا لا يالله بسرعه
مهاري و هي تمسك يد ميرووه : يالله بعد ما تعرفينها ميثوه بتحن على راسنا لين نركب
ميثووه : هههههههه يالله

و راحو صوب السياره و ركبو

طبعا ميرووه لانها معصبه و شوي و بتصيح من الضغط عليها فالجامعه وفالبيت ما فجت الغشوه عشان محد ينتبه عليها

أما مهاري أول ماركبت فجت الغشوه و هي تقول : أووف ما بغينا نووصل حر و ارف هالصيف و الله
ميثوه من قدام تنغزها عشان ترفع الغشوه بس هي و لا عالبال

و يوم طالعت قدام من المنظره لانها ورا الدريول انصدمت و فجت عيوونها و علطوول نزلت الغشووه يوم شافت كندوره بيضه
ميثووه هني نقعت ضحك من حركتها : هههههههههههههه

مهاري تصالعها بنص عين و هي منحرجه وايد و قالت بصوت خفيف : أنا براويج يا ميثوه
الريال هني ابتسم يوم سمعها و قال : وين بيت خوياتج ؟؟؟

ميثوه و هي ترد و را و تطالعهم : وين بيتكم ؟؟؟

مهاري استنت ميرووه ترد و استنت بس للاسف ميرووه و لا عالبال برووحها همومها تكفيها

مهاري بصوت يالله ينسمع : احم رووح قدام و بعدين لف يمين و بعد يمين و بعدين البيت رقم 8 بيتنا

الريال : تامرين أمر

ميثوه هني قرصت خووها و قالت له بصوت خفيف : اصطلب انزين
الريال : ههههههههههه

مهاري و هي تقوول في خاطرها : طالعوو و الله ماخذ راحته الاخ

ميثوه : هذا بيتكم
مهاري : هيه ثانكس ميثووه عالتوصيله

و طالعتها بنص عين : ما تقصرين

ميثوه و خووها فهمووها : ههههههههههههههه

مهاري سكرت الباب بقووه من الاحراج هو شو يخصه انا ارمس ميثوه

أما ميرووه نزلت بهدووء بيت عمها و علطوول طلعت فوق غرفت مهاري و طاحت عالشبريه و رقدت من التعب

يتبع