عند ساروه و شويخ فالصالون " بعد ما استذنت ساروه من امها من باب لاحترام و لا امها مب مهتمه و الدليل شميم "

سارووه : مرحبا الساع و اخيرا شرفتي
شويخ : قلتلج بيي بعد شوو

ساروه بتردد : اممم اووكي انا بقص شعريه طشوونه شرايج تقصينه من تحت شويه بطريقه حلوه احسن من جذي

>> شويخ كانت مسويه عقص لان شعرها طوله متوسط و خاشتنه تحت العباه <<

شويخ بعناد : لا
سارووه و هي تترجاها : بلييز بلييز عشان خاطريه خاطري اشوف شعرج مفلول " مفتووح "
شويخ : لا
ساروه : شوشي بلييز حرام عليج اهون عليج اترجاج من الصبح
شويخ : لا طبعا بس ..
قاطعتها ساروه : لا بس و لا شي يلا يلا خلي عنج و انتي اليوم في يديه اووك .. يا مدام
ريما : نعم حياتي

ساروه : اممم انا ابا اقص شعريه من تحت شوي احسه استوى متقصف وايد و هالبنوووووووته الحلوه اباج تقصين لها هالعقص و تعدلين قصه شعرها لانها ابدا مب شي " هني شويخ فجت عيونها و ساروه غمزتلها " اباج تسوينها احلى بنوته فالصالون حتى احلى عنيه

ريما : و لك من عيوني تفضلي حياتي

بعد تقريبه ساعه من القص و الششوار و الصبغه اللي غيرت لوون شعرها البني الباهت

فجت عيونها و انصدمت من شكلها و تمت ترمش بعيونها من الصدمه .. هاي انا لا لا مستحييييييييييل ..
دخلت عليها الغرفه سارووه و شهقت من الصدمه و بعد 5 دقايق من الصدمه

ساروه : واو واو واو بصراحه انتي تووحفه طررر طررر تعقين الطير من السما توني اكتشف انج حلوه لهالدرجه وين هالجمال كان رايح تحت العقص

طبعا شويخ فهالوقت ما كانت مسويه شي غير انها قاصه شعرها شوي و فاتحتنه و غيرت لون شعرها من البني الباهت الين اللون الكستنائي الحلوو و خصوصا انها بيضا فبين جمالها صدق

ساروه و هي تمسك شويخ من يدها : يلا يلا ماشي وقت بسررعه بنعدلج اليوم كانج امييره

و راحت تقولهم يسوولها ميكب بسيط لانها مصرره اليوم تبدا في تحويلها من بويه لبنوته حلوه

...
عند راشد و نوره

حياتهم تحولت من قمه في الرومانسيه الى قمه فالحزن مب عشان شي بس لان باجر اليوم المشهود لان ام راشد مستعيله وايد خايفه ان راشد يرد في قراره و طبعا حمده مامانعت

نوره و هي تقرب من راشد : راشد باجر لا تيي هني بلييييز بلييز ما اتحمل اشوفك في يوم عرسك ارحمني
راشد : بس ...
نوره و هي تقاطعه : ارجوووك ارجوك لا تردننيه و اوعدك هذا اخر طلب حقي
راشد : خلاص بحاول اقاوم عمريه بس اوعديني انج ما تصيحين
نوره و هي تدمع : ما اقدر
راشد : و غلاتيه عند لا تصيحين
نوره بالم و هي تبلع ريقها : بحاول " ضربت عالعوق يا راشد "


كت


اممم ان شاء الله عيبكم البارت " اتمنى من خاطريه "



توقعاتكم
لعرس راشد ؟؟و شو من المواقف بتصير ؟؟؟

مطر كيف بيبدون في تغييره " سيف و سلطان " و هل بيتغير و لا لا " ؟؟

مهاري & عبد الله – محمد & سلامي شو نهايه قصتهم ؟؟؟

ميره و زايد و فراقهم حان هل بيخليها زايد تروح بيت هلها و لا لا ؟؟؟

سالم شو بيسوي لمريم ؟؟؟


إماراتيه ماركه : بليييييز محد يقول لي وين البارت انا يوم الكاتبه اتنزله بنزله فاهمين !! هع

*~.. الفصل الح 11 ادي عشر ..~*

//


عند شويخ بعد ما عدلتها ساروه

فتحت عيونها بعد ما كانت مغمضتنهن طول الوقت

رمشت بعيونها بصدمه من اللي كانت تشوفه .. انصدمت من عيونها اللي كانت دوم تخفيهن بالسواد اللي تحت عيونها من السهر .. انصدمت من ثمها اللي كان اسود من كثر ما كانت تدخن مع شله الخياس .. انصدمت من شعرها اللي كانت تخفي نعومته و تبقى معقصتنه طول اليوم

هذا كله كانت تخفيه تحت مسمى البوووويه كله كانت تخفيه عشان تبين انها بويه صدق

نست او تناست ويهها الطفولي البريئ اللي انصدمت من شافته اليوم هي اخر مره شاف ويهها جذي من كم سنه

انا بنوته هي نعم أنا بنوته الحين نفس يوم كنت صف 3 اعدادي

تذكرت اللي كانت ناسيتنه و نسته من قوه فرحتها تذكرت سنه 3 اعدادي لا لا مستحيل ما ابا انا بتم جي بتم مثل ما انا و ما بتأثر علي هالاشياء

غمضت عيونها بالم و حاولت قد ما تقدر ان دمعتها ما تظهر قدام ساروه

كل هذا صار قدام ساره اللي كانت تطالع ملامحها بترقب و شوق لمعرفه تاثير اليوم عليها

بس صدمتها يوم لفت عليها بدفاشه و تمت تفج الشبابيص اللي على شعرها بقووه و دفاشه اكبر كانها تفر كل حرتها على شعرها

لفت عليها بعيوون يطلع منها الشراررر و قالت بصراخ و صوت عالي : خلاص ارتحتي سويتي اللي تبينه سمعيني يا سويره انا مستحيل استوي بنوته يا بنت الناس ما ابا استوي بنوته غصب هو و دام ربعتج ما تيي منها الا المصالح ما اباها

مطت شيلتها من الطاوله بقوه و حطتها على راسها باهمال و هي تمشي بسرعه صوب الباب خذت دريولهم و ردت بيتهم و طول الطريق و هي تصيح أيام 3اعدادي و أيام 3 ثانوي و التحولات اللي صارت بين هالسنين

أما عند ساروه بعد ما نزلت كلمات شويخ عليها مثل القنابل طاحت دموعها تلقائيا

معقوله معقوله انا صداقتيه صداقه مصالح انا حرام عليج يا شيخه حرام الله يلعن الساعه اللي صرت اعزج فيها و اتمنى لج الخير و الدليل اني كنت اباج تستوين بنوته انا الغبيه انا الغبيه اللي سويت جي الله يسامحج يا شيخه على ظنج

...

جيت كلي شوق وإحساس ووله .. أحمل أشواق الإمارات بيدي
جيتكم أحمل مشاعر مرسله .. باسم دار الزين واسمي يا بعدي

تنفست هوا الامارات بقوووه وه بس يا حلاه هوا الامارات " على الرغم من حره " بس غيررر غيرر يوم تحس انك فبلادك تحس بالامان لو محد حولك و هاي مب أي بلاد هاي الامارات الغاليه

لاول مره من خذت زايد هاي اول مره تحس فيها بالامان هناك غربه ووحشه يعني لو سوالها أي شي محد درابها لاكن الحين ما يقدر يمس شعره من راسها و حولها اهلها و خصوصا بعد القرار اللي اتخذته

نزلو من الطياره و سوو الاجراءات الروتينيه المعروفه راحو واحد من الكوفيات القريبه من البوابه عشان يلتقون مع سالم اللي كان يترياهم و ما شافهم فاتفق معاهم يلتقون في كوفي ..........

قالت بصوت اقرب للهمس لانها من اخر موقف ما كلمته : زايد
زايد بدون ما يحس و كانه ما صدق سمع حسها : هلا
مياري استغربت من كلمته بس طنشت و قالت بصوت خفيف : بروح الحمام " الله يعزكم " شويه
زايد : اوكي بس تدلينه وين ؟؟
مياري اللي كانت تبا تنهي الكلام بسرعه : هي هي ادله

راحت عنه بعيد و هي تدور أي علامه تدل على مكان الحمام .. اووف وينه الحمام انا اخر مره يايه المطار من سنه وين بتذكره انا الغبيه اني ما قلتله ماعرف مكان الحمام .. عادي عادي اضييييع و لا اتم اسولف مع زايد زياده وين انا بالغصب كنت ماسكه عمريه كلمه زياده و كنت بتراجع عن قراريه

تمت تدور و تدور على امل انها تحصل الحمام " الله يعزكم "

و فنفس الوقت

وقف زايد اللي لمح سالم من بعيد و هو يقرب صوبه و فعينه نظره استغراب ..هههه اكيد مستغرب ليش الشيخ مياري مب موجوده ..

سالم و هو يوايه زايد : مرحبا مرحبا الساع يا ريال ما بغيتو تردون
زايد بمرح مصطنع : ههههه تبا الصراحه انا عن نفسي ما ابا ارد لكن مياري مادري بلاها عزمت ترد البلاد و انت ما صدقت
سالم : ههههههه هيه هاي الغاليه ما نرد لها طلب الا هي وينها " و هوو يمررر ويهه عالطاوله يدورها "
زايد : راحت الحمام الله يعزك
سالم : هيييه خلاص عيل بنستناها لين ترد

و تم سالم يتخبره عن السفر و علوم فرنسا " المشؤؤوومه "

...

أمريكا


مها اللي اختفت هاليومين بسبب امتحاناتها النهائيه
قررت اليوم تتخذ قرار جريئ شوي بالنسبه لها طبعا

اللي هو انها تمر على مطر تتطمن عليه اللي صار لها كم يوم ما شافته قبل كانت تشوفه الصبح مرات بس الحين صار له تحول انه يرقد نفس العالم فليل و يقوم الصبح .. شو سبب هالتغيير مجهول للحين بالنسبه لمها .. !! ..

فتحت الباب و هي تتمنى انه يكون راقد عشان ما ينتبه انها دخلت غرفته تتطمن عليه لان العلاقه بينهم مثل ما عرفنا قبل جافه

رمشت بعيونها عشان تتاكد من اللي تشوفه الحين .. قاعده تشوف اخوها مطر يتشهد و يصلي .. ماشافته يصلي من زمان ..

طاحت دموعها من الفرحه هذا اللي كانت تتمناه و تباه من قبل يالله محلى هالمنظر و هي تشوف مطر يصلي الحمد الله الحمد الله الله هداه و عرف الطريق الصح

انتبهت له و هي يوطي السياده و فنفس اللحظه هو انتبه لها

قابله بابتسامه تبعتها تكشيره بعد ما انتبه لدموعها

ما حس بها الا و هي تطيح عليه بقووه و تلوي عليه من الفرحه

ارتاح ارتاح بقووه بعد خصوصا بعد ما حس انها صارت تحس بالامان معاه و خصوصا انها لوت عليه بدون لا تخاف

مها و هي تودر مطر و تمسح دموعها : الحمد الله الحمد الله
مطر : انا ندمان عاللي سويته يا مها السموحه السموحه منج يا اختي سامحيني
مها :مسموح و خصوصا بعد اللي شفته الحين كيف ما اسامح اذا ربك يسامح

بعد حوالي نص ساعه في المطار و فنفس الكوفي عند زايد و سالم

سالم : مب كنه تاخرت ميره
زايد و هو يطالع ساعته : هي و الله اووف اووف الساعه ثلاث و هي رايحه 2 و شي
سالم و هو يقوم : قم قم ندورها اخاف صار فيها شي
زايد : صبر بدق عليها بشوفها وين

و دق على ارقامها بارتباك و فاجئه صوت الحرمه اللي ما يحبه " ان الهاتف اللذي طلبته مغلق .... "

زايد بارتباك : تلفونها مغلق
سالم فز : شووه ؟؟

زايد : اممممم قوم انت دورها فالاماكن اللي عدال الكوفي و طل على الكوفي كل مره اخاف تيي الكوفي و ما تحصلنا و انا بدورها صوب السوق الحره يمكن راحت تشتري شي

سالم : خلاص تم يلا

و روحو كل واحد بصوب تحت هدف واحد انهم يحصلون مياري " الضايعه "

في صوب مهاري

.. أففف و اخيرا حصلتك يا مستر حمام ..

راحت صوب الحمام " عزكم الله " و عقب تمت تعدل شيلتها و عباتها كالعاده

طلعت و لقت مقابلها الاسواق و السوبرماركت حاولت تتذكر المكان اللي يت منه بس ماقدرت لان راحت فالدرب عشوائي بدون ما تركز و لا شي

طرت على بالها فكره انها تمر على السوبرماركت و فنفس الوقت تسالهم عن مكان الكوفي

طبعا ما بقت و لا حلاوه و لا شبس و لا شوكلت و لا أي شي ينتمي للحلويات ما شرته لان عشقها الحلويات دفعت الحساب و سالت راعي الكاشير عن مكان الكوفي و عرفت الدرب تقريبا

تطمنت لانها خلاص عرفت المكان فتمت تمشي على مهلها و هي تشوف المحلات و غيره

لمحت طرف كندوره لفتت نظرها و فجت عيونها يوم شافته يرمس تلفوون وهو يدور على عالمحلات

.. احم احم يدور عليه من قدي ..

قربت منه شوي شوي و هي تدعي ربها انه يكون هو و ما تكون مغلطه فالريال

عند زايد قبل 5 دقايق تقريبا

تم يدور عليها بين المحلات بتوتر خايف ما يحصلها و يبتلش مع هلها

انتبه لتلفونه اللي يرن من الصبح و طلعه .. شاف 2 مس كول من .. خديجه القرده .. ههه ضحك عالاسم هو متعمد يسميها جي لانه مهمتها نفس القرد بس تضحك الناس بقصد و بدون قصد

هذا وقتها عشان تخليني اروووق شوي

دق على اعاده اتصال و ردت عليه بعد ثواني

خدووي : هلا هلا و الله بالشيوخ وينكم تتغلون علينا
زايد : هههه تدرين بي معرس و توني راد من السفر
خدوووري : افا ليش ما طولتووو ؟؟؟
زايد بغرور : هههههه طفشت مني اونها من كثر ما ارمس البنات تعرفين لازم هالشغله ما نودرها
خدوي : هههه و الله انك ريال هي جي لا تنسانا مثل غيرك من عرسو اعتزلووو المهنه
زايد : لا لا افا عليج خدووي انتو عسل هالشغله ما نقدر نعيش بلياكم تطمني ما بقطع اتصالاتي مثل غيري

دارت بها الدنيا لا لا مستحيل حتى بعد ما استوى هذا كله و رده البلاد و برائتي بعده مصر على انه يرمس بنات حتى بعد ما بينتله اني برد بيت هليه يعني ما يهمه !!!!!!!!!!

مب قادره اصدق !! و مب قادره اتحمل !!

دار راسها من كثر التفكير و التعب و ما حست بعمرها الا و هي تطيح بقووه على ارض المطار

أما زايد فبعد ما سمع صوت قووي عالارض كنه شي طاح لف ويهه و بايده التلفون .. طاح التلفون من يده من قوه صدمته .. طاح بدون احساس عدالها و تم ينادي على حد يساعده بدون ما يحس

...


...

و فنفس الوقت عند سلامي

كانت قاعده عالمسن و شافت توبيك عنود ربيعتهاو كان .. رفجه عليك تقول لي تم ..
و حبت تلعوزها شويه

()( كنت اشوفك شي ثاني )() * سلامي *
اممررره تم امري انتي بس

.. رفجه عليك تقول لي تم .. * عنود *
هههههه مب انتي

()( كنت اشوفك شي ثاني )() * سلامي *
طالعوو انتو شهالدفاشه عالاقل جاملي

.. رفجه عليك تقول لي تم .. * عنود *
فديت قلبج انا .. جي حلو استويت رقيقه صح

()( كنت اشوفك شي ثاني )() * سلامي *
هههههههه مالت

.. رفجه عليك تقول لي تم .. * عنود *
عليج هع .. هي صح ذكرتيني ترا الاسبووع الياي حفله تخرجيه بنسبه 85.6 احم احم


سلامي و علامات الاستفهام على ويهها
شووووووه ؟؟

.. رفجه عليك تقول لي تم .. * عنود *
بلاج ؟؟

()( كنت اشوفك شي ثاني )() * سلامي *
ويت ويت الحين من وين عرفتي نسبتج ؟؟

.. رفجه عليك تقول لي تم .. * عنود *
من وين بعد طرشولي عالايميل اليوم .. ما وصلج ؟؟

سلامه بسرعه
بترخص غناتي باي

عنود و هي تضحك في غرفتها : اكيد الحين بتدور نسبتها الله يعينها يمكن بعدها ما وصلت
هههههههه باي

في مكتب من مكاتب المطار

شلوها و حطوها فاقرب غرفه للموظفين

و لحسن حظهم الوقت كان الفير و محد ناس وايد

زايد بتوتر و هو يصفع مياري بالخفيف : ميره ميره قووومي ميره
و قال و هو يصارخ : ييبو عطر " و صارخ يوم حسهم ما فهموله " بيرفيوم بيرفيوم لا بارك الله فيكم
الهندي و هو يهز راسه : اوكي اوكي بابا ما في سوي جنجال
و تم يحوس و يدور لين حصل عطر محطوط فالدرج

شل العطر و ياب كلينكس و عطاه زايد

زايد بنفرزه : ييب ييب ما شي فايده منكم انتو
و رش عالكلينكس كم رشه عطر و قربه صوب خشم ميروه عشان تنش
زايد : ميره ميره يلا نشي

و فهاللحظه تم يرن تلفونه اللي كان عداله بعد ما يابله اياه الهندي اللي يبيع فالمحل

زايد و هو يشوف الاسم من بعيد قال بارتباك : هذا سالم شقوله الحين اخاف اقوله عنها و ايي و هاي تقوله كل شي الله يستر

زايد : الو سالم
سالم : ها حصلتها
زايد بارتباك : حصلتها طايحه فواحد من المحلات مغمى عليها
سالم ببلاهه : هاه
زايد غمض عيونه " الله يستر " : اللي سمعته
سالم : هي بخيير الحين .. أقول انا ياينكم انتو وين
زايد : ف ..........................
سالم : باي

و سكر التلفون على ويهه من خوفه على مياري

زايد و هو يقرب الكلينكس : بس عاد يلا ميره نشي شوفيج اليوم
ميره و هي تحس بريحه قويهه على خشمها و صداع اقوى فراسها فتحت عيونها عالخفيف و سكرتها مره ثانيه بعد ما شافت الليت القوي و وويهه زايد مقابلنها

زايد و هو يصفعها مره ثانيه بس بخفيف : هاه ميره قمتي بشو تحسين ؟؟
ميره و هي تخوز راسها عن ريول زايد حطت يدها على راسها من الصداع اللي تحسه و حاولت تعصر مخها شو اللي يابها هني بس هذا كله ما يحتاي لانه من شافت ويه زايد مره ثانيه طالعته بنظره غريبه و هي تبللع ريقها و كانها تذكرت كل شي

ما حبت تقوم حبت تتم جي و لا انها تطالع زايد و تتذكر كل شي و هذا اللي خلاها تطيح مره ثانيه عليه و هي تغمض عيونها بقووه

زايد بخوف : ميره ميره بلاج ميرررررره ؟؟

بعد 5 دقايق

دخل عليهم سالم و هو خايف على مياري

خذها من زايه و حطها فوقه و تم يقولها و يصفعها بالخفيف : ميروه ميرووه قومي
ما حس بها الا و هي تقوم بسرعه و تلوي عليه و هي تصيح بعد ما حست بوجوده

و هذا اللي خلا زايد ينصدم وايد و يفج عيونه عالاخر !!!!!

...

فجت الهوتميل تشيك عالرسايل يمكن وصلها شي لانها من يومين فاقده الامل انهم يطرشولها نسبتها

بعد ثواني صرخت بصووت عالي : يس
و تمت تناقز فالغرفه و هي الارض مب شالتنها من الفرحه

دخلت عليها حرمه سعيد اخوها

عليا : بسم الله اللهم سكنهم مساكنهم بلاج يالخبله
سلامي و هي تنزل من الشبريه و " تهجم على عليا " و تحبها على خدها بقوووووه : ياي انا مستانسه اليوم مستانسه وايد

عليا و هي تضحك على تصرفاتها : هههههههههه بلاج ؟؟
سلامي بصراخ : باركيلي باركيلي
عليا : مبرووك مبروك انخطبتي
سلامي بتكشيره : لا بسم الله عليه " و شقت الويه من الابتسام " احم احم طلعت نسبتيه
عليا بفرحه : و الله " و بفضول " بشريني كم كم ؟؟
سلامي بصراخ : 94.4 ياي
عليا : و الله ماشاء الله ماشاء الله تبارك الرحمن مبروك مبروك غناتيه منج النسبه و منها التخصص هع
سلامي : هههههههههههههه مالت عليج
عليا فتحت عيونها : شووه ؟؟
سلامي : ههههههههه باي باي بسير ابشر اميه
عليا : ههههه

و نزلت تحت فالمطبخ عند امها

سلامي و هي تغمض عيون امها من وراها : احم من انا
أم سلامي و هي تضربها على يدها : سلامووه بعد شوو ؟؟ قومي قومي عنيه لا ينحرق الاكل
سلامي : ههههههههههههه امييييييييييييييييييه
أم سلامي بصوت عالي : و عللللللللله
سلامي : بس عاد عالاقل اليوم رمسيني زين انا كبرت ^*
ام سلامي : لا و الله و ليش اليوم بالذات .. و لا كبرتي اليوم

سلامي و هي تصارخ : اميييييييييييه اليوم ظهرت نسبتيه
أم سلامي و هي مشغوله بالطبخ : شسويلها

و عقب ثواني استوعبت رمسه سلامي و قالت : شوووه

سلامي : هههه اقولج ظهرت نسبتيه
أم سلامي : من الحين اقولج اذا مسوده الويه لا تقولينها و لا بالمغرفه على راسج
سلامي : لا لا تطمني نسبتيه تبيض الوييييييييه
أم سلامي : انزين كم ؟؟
سلامي : كح كح الشيخه سلامي يابت 94.4
أم سلامي و هي تلوي عليها : مبروووك مبروووك تستاهلين غناتيه امرره اطلبي أي شي و انا تحت امرج

سلامي : أبا سلامتج امايه

أم سلامي : لا لا نقي و اختاري الهديه اللي تبينها و انا بشريها
سلامي : خلاص خلاص ابا من ذووقج يالحلوه
أم سلامي : من عيووووووووووني

سلامي بصوت خفيف : طالعو الفرق قبل دقايق و الحين صدق ان النسبه ترفع الراس بياض ويه

..

وصلها سالم السياره و ايده بيدها و ركبها ورا و هو يردد : هدي و سمي باسم الله
كل هذا قدام زايد الممذهول من حنان سالم و صياح ميره

ركبو السياره و جو السكون يعم عليهم كلهم من غير صوت شهقات و دموع ميره و هي تصيح
سالم : هدي يا ميره بلاج شو صارلج انفجرتي مره وحده هاذوه ردينا البلاد و كل شي بخير

ميره و هي تشوفه رايح وين درب بيت هل زايد صرخت بدون احساس : ودني البيت ابا بيتنا بيتنا
زايد انصدم منها و لف عليها و هو مصدوم : شوه ؟؟
ميره و هي عاطتنه طاف و ترمس سالم : سالم بلييييييز ودني بيتنا ما ابا ارووح عند زايد دخيلك طلبتك

سالم بهدوء : خلاص خلاص بنوصل زايد و بوديج معايه البيت
ميره : اقوووووووووولك ودني بيتنا ما ابا اتم معاه ثواني زياده الشيمه سالم
سالم : خلاص خلاص من عيوني بس هدي اعصابج

زايد لف على سالم و هو بعده مصدوم " بلاهم الاخوان كلهم انقلبو عليه لا اله الا الله شو اسوي الحين ابا اهزبها و امطها من كشتها اوديها البيت بس ما اقدر و ابا اترجاها اقولها ودري هالحركات عنج و ردي مثل قبل بس مستحييييييييل "

...

في اليوم الثاني

يوم العرس " عرس راشد على حمده النسره "

طبعا استوى في بيت حمده لان العرس بيكون عائلي بس و لان اغلب العايله مضربه عن هالعرس و متفقين ما يحضرون و اللي هي عايله نوره و مياري امهم حالفه عليهم ما يروحون عرس زايد و نفس الشي الريامي اللي عذرت و عاندت انها ما بتروح لين ما فقدو الامل منها

و هذا اللي خلا المعازيم مب وايد و اغلبهم من عايله حمده

كانو يالسين عالكوشه و البرود مالي المكان

ما قالها و لا كلمه و لا حتى مبروك و هذا اللي خلا الحميدي تنقهر و تفكر في اللي قالته لها شماسي

قربت شماسي صوب الحميدي و هي تقولها بصوت خفيف و تتطنز عليها : هههههه هذا ريلج البارد اسميه من الحينه يبين انه ما بيعطيج ويه عنبوه الناس بدت تنتبه على برودكم الله يعينج عليه و على حرمته

حميدي بقهر : شمسوووه شسوي معاه ؟؟ ساعديني

شماسي و هي تغمز لها : اللي قلتلج ياه قبل لا تنسين له مفعول بيخلي روييشد خاتم في يدج

حميدي بدون احساس و كانها نست ربها اللي فوق " اعوذ بالله " : خلاص خلاص شكله ماشي غير هالحل انا عقب كم يوم بدبرلج كم فانيله له و لا تنسين سويله عمل .. سحر .. خليه يمووووووت فيني سمعتي خلي راشد يموت فيني

شماسي : امرره تامرين امر

و نفس العيون اللي شافتهم قبل و ما سوت شي سمعتهم و سمعت حوارهم و هي ترقص على الحان الموسيقى

بعد كم ساعه خذوهم وودووهم الجناح بعد ما هلكتهم المصوره بالتصوير

راحووو غرفتهم و الشيخ راشد من لوعته و تعبه من العرس رقد فالوقت اللي تتسبح فيه حمده

...

أما عند عوواش في بيتهم بعد ما طلعوها من المستشفى

من طلعت من المستشفى و هي حالتها حاله لا ليلها ليل و لا نهارها نهار طول اليوم ساكته و لا تصيح و الاكل مسحته من قاموسها و هذا اللي متعب امها

وصلها مسج من مسجات علي المعتاده

و فيه صوره لها و مركبنها و لاعب فيها و خليا كنها يالسه عدال واحد

فتحت عيونها لان الصوره جريئه شوي
و طاح التلفوووووون منها و بدت مناحتها

دوم دوم صار يهددها و يوميا يطرشلها يمكن 5 صور نفس هاي

و من كم يوم صار يزيد من جراه الصور يعني يخليها تلوي على واحده و لا يالسه بين اثنين كانه يبا يثبتلها انها وحده من هالقذرات بنات الشوارع

عواش و هي تصفع عمرها : اه اه لو يدري محمد و الله ليذبحنيه اه انا لازم اسوي شي " و قالت بلهجه فيها مكر و جنون شوي " هي انا لازم ادمره مثل ما دمرني ما اباه يفضحني لازم اسويله شي لازم


.................................................. ............................................

*~.. الفصل الث 12 اني عشر ..~*

//


بعد اسبوع بالضبط من احداث القصه

راح نعرف شو اللي تغير فحياه بعض الشخصيأإأت

ميره & زايد

منفصلين كليا عن بعض لا سلام و لا كلام كلن في بيته يعاني زايد اللي يعاني من طيف ميره اللي يمر دوم فخياله و يحس انه ظلمها وايد بس كبرياءه منعه بس البارحه وصلله خبر راح يكون نقله يديده في حياتهم

خلنا نتذكره شوي

" كان فالدوام يشتغل و حاس بحياته ملل مررا قطع عليه الهدوء اللي فالمكتب صوت تلفونه اللي يررن

من شاف الاسم علطول رد

زايد : هلا و الله
... : اهلين
زايد : شحالك بو الشباب ؟؟
... : و الله تمام و من صوبك
زايد : يسرك حالي ... هاه بشر
... : طولي بعمرك انا عرفت الرقم و هو حق واحد اسمه علي ال........ي
زايد بفرحه : و الله زين زين تسلم يالغالي ما عليك زود و الله
... : افا هذا واجبنا
زايد : انزين انا بخليك احينه عندي كم شغله بسويها
...: يلا عيل فداعه الله
زايد : ربي يحفظك

سكر منه و علطول دق على الررقم بعد ثوانني رد عليه

علي : الووه
زايد و هو ما سك عمره : مرحبا
علي : مرحبتين .. منوو ؟
زايد : معاك زايد ال.......ي
علي : و النعم
زايد : اقول ابا الاقيك فاي مكان
علي باستغراب : لييش
زايد : يوم بتوصل بتعرف
علي : امم عيل خلاص بقابلك باجر في ستاربكس العين مول
زايد : تم
علي : مع السلامه
زايد : باي

و سكر عنه "

و مثل ما تشوفونه الحين هو قاعد يتجهز عشان يتلاقى مع علي

أما عند ميره اللي تعاني من حبها و من زايد اللي ما فكر يتصل فيها و يتطمن او انه يقولها ترد بيتها عنده
صارت عندها عصبيه فظيعه من أي شي و اقل شي بس عشان تغطي على المها و حزنها

مريم & سالم & البطل اليديد بطي

بدو خطتهم من اول الاسبوع

بطي دق على مريم على اساس انه مغلط و بدت مريم تتميع فالرمسه عنده عشان تتعرف عليه لانه كان ثقيل فالرمسه يوم يكلمها و هي هالنوع يشدها

مريم : الو
بطي و هو حاط سبيكر : السلام عليكم هذا تلفون خالد
مريم بدلع بعد ماشافت صوته غليظ : لا مغلط هذا رقم ميمي
بطي : و الخيبتين

و سكر في ويهها متعمد و عداله سالم اللي انصدم من اسلوب مريم
مريم و هي تشهق " مالت عليه سكر في ويهي شكله ما عنده هالحركات بس مب عليه دخل مزاجي الاخ مسوي فيها ثقيل "

بطي : شفت !! الحين بتم تدقلي من قهرها و حرتها عليه

و صدق بعد دقايق ردت حرقت تلفونه من الاتصالات
بطي ببرود و هو فاتح الاسبيكر : نعم
مريم : الله ينعم بحالك ؟؟ شحالك ؟؟
بطي : و انتي شعليج
مريم " وافديت الشخصيه انا غريبه اول واحد ما يذوب من صوتي لاكن الا اخليه يحبني " : افا مب انا ميمي عيونك اللي تشوف فيها
بطي : تخسين
مريم " بوزت " : اييه عن هالكلام اوك اوك انت شاسمك
بطي : الشيخ هزاع
مريم : يالبيه عالاسم انا و انا مريوم و يدلعوني ميمي

و من هاليوم و سالم كل يوم يزيد قهره على مريم و يفكر بانتقامه و مريم تزيد اعجاب ببطي لدرجه انها صارت تاخذ الهدايا اللي يطرشونها الشباب و تطرشه حق بطي

!!

أما ساره و الريامي و شيخوه

بعدهم على نفس الحاله

شيخوه تحاول ترمس ساروه تستسمح منها على عصبيتها ذلك اليوم بس هي مب راضيه ماخذه بخاطرها وايد عليها
بس الريامي عادي ترمس شويخ و شويخ ترمسها و عزمتها على حفله تخرج سلامي و اللي هي باجر

شما

مستمره على صياعتها و لا حد فكر يردها

عواش

عايشه على حالتها من ذلك اليوم و يمكن نقول ان صابها شويه ينون و هستيريا و خصوصا انها كل ما تفكر تظهر من حيرتها تلقى مسج من مسجات علي او صوره من الصور و ترد تصيح و هي خايفه فاي ثانيه محمد يفتح الباب و يذبحها " رحمتها بس تستاهل "


راشد و نوره vs مريم

من ثأإأني يوم ما قدرت تتحمله و تتحمل جفاه و اسلوبه و حبه الجنوني لنوره
فسوت اللي قالته لها شموس و يايبتلها اغراضه اللي تحتاجه عشان تسحره و تخليه يحبها حب نوره و يكره نوره كثر ما يكرها
و من يومين بس بدا مفعول السحر الله يكافينا شره و الله يعين راشد و نوره عالالم × العذاب × الجفا

و هذي كانت بدايه السحر

" يالس في مكتبه و مللان ملل فظيع يلف الكرسي على عمره و يقرقع باصابيعه الطاوله و يغني بصوت خفيف و كانه يتخيل نوره لكن المشكله كل ما يحاول يرسم طيفها و هو يغني الاغنيه يهجم طيف حمده و يقطع عليه احلامه

الين ما دقتله نوره اللي كانت مستانسه بانه ما خلف بوعده و ما نساها حتى اول يوم

نوره : هلا حياتي
راشد : أهلين غلايه
نوره : هههه مشغول مع اني ما اتوقع حسيتك ملان مثل كل يوم من صوتك
راشد : ههههه الا ملان مللل ييتي فوقتج حبي
نوره : امممم انزين شرايك تغنيلي
راشد نغزه قلبه بقووو : اه ما اقدر حياتي اجليها بعدين و اصلا من زين الصوت احينه
نوره : أووووووونه تقص على عمرك انته صوتك غرام
راشد و هو يحب كلامها بس جسمه يعوره و بدا يحر و قلبه ينغزه : نوره
نوره باستغراب : هاه
راشد : بلاج ؟؟
نوره : لا بس استغربت اول مره تناديني نوره من خذتني .. فيك شي حبيبي
راشد بعصبيه من الم قلبه كل ما يسمع صوتها قال بصوت عالي : كفرت يعني يوم قلت نوره
نوره بلعت ريجها : لا سلامتك اللي يريحك حبيبي بس لا تتعب عمرك
راشد : باي

و سكر على ويها و علطول حط يده على قلبه لو كمل و تم يسمع صوتها و كلامها كان الحين هو طايح عالارض من الالم

راشد" انا شوفيني شو اللي صاير من متى انا اكره رمسه نوره ا النوري ليش احس كل جسمي ضدي يوم اسمع صوتها بس اه قلبي قلبي متناقض نصه مع جسمي و نصه يحن على النوري
شسوي قولولي شسوي ؟!؟ "

و من خلص دوامه كان رايح فدرب بيتهم عند النوري بس ردله الالم و حس عمره ما يقدر يسوق غمض عينه بقووه و لا ارادي راح لبيت السوسه حمده

أما حمده من تغيير راشد عليها فاليوم الثاني و هي ما تخليه يبات الا فبيتها و تتم تسويله حركات و هيك بس هو غير غير يحس جسمه معها جسمه يرتاح معاها بس رووحه ما ترتاح الا مع حبه الاولي النوري

تطلع كلمات الغزل لا ارادي من لسانه و تتوجه لحمده اللي تفرح فرح كبير و تحس في تغيير جذري في حياتها

نوره خلوها على الله >.<

مطر + سلطان + سيف

رغم امتحاناتهم اللي بيبدونها باجر الا انهم ما نسو مطر و تمو وياه خطوه خطوه ماسكين يده و يودونه للطريق الصح

صار غير يصلي .. يصوم احيانا .. يسمع محاضرات لكم شيخ من النت

يعني صار فيه تغيير قوي بالنسبه له
بس الشي الوحيد اللي ما قدر يودره اللي هو الخمر هو صح قلل كميه شربه بس بعده يشرب عالاقل كوبين فاليوم

و هذا اللي مقلق سيف و سلطان و خايفين يرد لحالته الاوليه و خصوصا انه ربعه القبليين يحاولون انه يردون عن هالدرب لانه هو اللي كان يعزمهم و يشربهم بفلوسه يعني ياخذ اثمه و اثمهم استغفر الله

و اليوم بالذات قرروا هم و مطر انهم يودونه احد مراكز التخلص من ادمان الخمر
و من ناحيه الفلوس مطر خذ من ابوه فلوس العلاج و اتفقوو انه يوم بيبدون الامتحانات راح يودونه المركز و يخلونه هناك الين ما يتعالج من هالادمان

مطر رغم انه يسكر لاكن لا ارادي ما يقدر يصيبه صداع قوي اذا ما شرب و ما صدق يوم سمع اقتراحهم و علطول وافق و اكيد بشر اخته مها

مها يا مها ما اقدر اوصفلكم فرحتها برده مطر الاولي و كل ما تشوفه يصلي تدمع عينها و تحمد ربها و تشكره انه رد لها مطر الاولي مطر عزوتها فالدنيا
و طبعا ما تخلى لحظات من لقاها مع سيف تسلم عليه و يسلم عليها و تخبره عن تطوراتها مع مطر و هو نفس الشي و تشكره على هالشي

و هذا اللي خلا سيف يعشقها بجنون يحب كل شي فيها حشمتها ادبها احترامها لذاتها لدرجه انها ما تطول معاه و لا تسمحله يدق سوالف وياها


هذي هي حياه شخصيات البعض بالمختصر المفيد طول هالاسبوع ^^

نرد لزايد و موعد لقاه مع علي و اللي هو اليوم

وصل ستاربكس قبل الموعد بربع ساعه و هو متوتر و مرتبك و خايف ليش ما يدري بس يحسانه بسمع شي بيغير حياته

بعد 20 دقيقه وصل عليه و دق على زايد و خبره بمكانه

سلمو على بعض و دقو بالخشوم بلا انفلونزا الخنازير بلا خربطان هع

زايد بدون نفس و هو يحس انه بيذبح علي يوم تذكر ايامه و يا ميره : هللا
علي : اهللين .. نعم بغيت شي يالاخوو

زايد و طلع رقم من تلفون و مده له

: هالرقم تعرفه و لا لا
علي و هو يطالع الرقم و يحس انه مب غريب : أمممم لا ما اتذكر
زايد و هو يبتسم باستهزاء : أووكي ما عليه

و طلع مسج من التلفون كان مرسله قبل من تلفون ميروه

زايد كانه يكلم ياهل و هو ماسك عمره قال : و الحيييييين هالمسج تذكرته و لا لا
علي شاف المسج و فتح عيونه " الله يغربلج بلشتينا وياج يا عويش "

علي : احم و انت شيخصك ؟؟
زايد بنظرات شرانيه : أقووول بترمس و لا تبا اسلوب الضرب و المشاكل
علي و هو مب مهتم : امممم هالمسج كنت مطرشنه عشان حد قالي ....
زايد قاطعه بعصبيه و بصوت عالي : البنت اللي طرشتلها المسج تعرفها و لا لا من الاخر
علي ببرود : لا و لا فحياتي شفتها
زايد بصراخ : عييييل ليش تطرشلها مسجات يالحثاله يالخسيس
علي : اييييييه لا تتعدا حدودك و بعدين انا قلتلك البنت اللي ترمس عنها حد قالي اطرشلها مسجات نفس هاي و بس

زايد مسك عمره بقو لا يكفخه الحين : و من هالشخص ؟؟
علي ببرود : ما اقدر اقولك

زايد قام له و مطه من كندوته : اقووول بتتكلم و لا بكس عويهك
علي و هو يتافف : لا اله الا الله خلاص خلاص فكني
زايد فجه : نعم قوول

علي : اسمع انا عندي بزنس هاليومين مع هالشخص و امرره تم من افتك منه بخبرك من هو
زايد : أي بزنس أي خربطان
علي : تبا و لا امشي
زايد : خلاص خلاص بس بعد يومين ان ما طرشتلي مسج باسمه كامل ما بتشوف خير و الله ما تقوم الا و انت طايح فالمستشفى فاهم
علي بصراخ : خلاص فهمنا عاد فكنا الحين

زايد طالعه باحتقار من فوق لتحت و سكت عنه لين يعرف من هالشخص و بعدين حسابه معاه

بس الحين فكره مع الانسانه اللي ظلمها مع الانسانه اللي ضيع زواجها عشان مسج مع الانسانه اللي قلبه بدا يحن لها مع الانسانه اللي ما فارقت خياله مع الانسانه

اللي بدا يعشقهأأأأ و كره اليلسه فالبيت عشانها

خلاص بروحلها اليوم و بستسمح منها على كل شي و ببدا معاها صفحه بيضا من اول ويديد انا اشك اني اقدر ابات فالبيت بدونها عقب اليوم

مشاعر تملكته حب × ندم × عطف

في البيت عند سلامي و مياري

سلامي : الله ميرووه تصدقين انها حفله تخرجيه اووويه ما اصدق ياقلبي انا ^^
ميروه و هي تحاول انها تنسى حزنها : هههههههههه قلناها قبلج استانسي استانسي يا حوبي هو الا مره وحده

سلامي بفرحه : اكيد بستانس الله يسلمج انا ما بقيت وحده ما عزمتها عاد خبرج انا اعرف كل بنات السكوول عزمتهن كلهن و حياتج
ميروه : خخخ الله يغربلج بتفلسينا هو الا حفله مب عرس

سلامي و هي تلف على عمرها بالفستان : فدوه فدوه عن راسي فديتني

ميروه : ههه اوكي يلا انا بروح اتلبس لين ما تيي الكوافيره ناديني انزين
سلامي : اووك

و راحت مياري طلعت فستان احمر كانت شارتنه مع زهبتها و لا لبسته تنهدت بصوت عالي و طاحت دمعه من عينها لهالدرجه انا رخيصه عنده لهدالدرجه ما فكر يرفع سماعه التلفون و يتطمن علي

افف ليت ما عندي قلب و لا اكون حبيت واحد مثله بس شسوي !!

لبسته و كان طررر عليها بصراحه ما اقدر اوصفه الا انه كشووخي وايد و فخم في نفس الوقت

راحت عند الكوافيره و خلتها تسويلها ميكب فخم على لون الفستان و سوت تسريحه لفت فيها سعرها كله طلعت حبتين

سلامي مبوزه : اووف شو هاذا و الله انج طرطريشن غلبتينا يا بنت الناس و المفروض انا اللي اكون احلى وحده
مياري : هههههههه جب جب و الله انج طر انتي و هالفستان الاخضر ^^
ساروه : مالت عليج احلويتي بعد العرس بس شو نسوي امرنا لله " و قالت و هي تكلم الكوافيره " سوي سوي حلووووو ها "

... : اووك حوبي راح خليك متل الامر " القمر "

ميره : يلا انا بنزل اكيد البنات بيين الحين
سلامي : كيفج

و نزلت و فنفس الوقت يوو البنات و تجمعو كلهم البيت كله انترس بنات و طبعا طاردين الشباب و خصوصا سالم لانه عزوبي هع

...

عند عويش

طبعا ما راحت الحفله و لاهم يحزنون
يتها امها اللي حزينه عليها وايد

أم عاشه : اندوج يابنتي شربي عصير ما يصير جي تتمين بالايام بدون اكل شوفي كيف صرتي امرره عظام
عويش صرخت : مابا مابا تفهمين ابا اموووووووووووت

ام عاشه : بسم الله عليج
عويش و شفايفها ترتجف : امييي سسسامحيني عللللى كل شي دخيلج

أم عاشه : مسامحتنج و عاذرتنج يا بنتي بس لا تقطعين لي قلبي و انتي يالسه جي شرايج تروحين الحفله اليوم مسويه سلامه حفله عشان تخرجها

عويش : م ...

و قطع عليها صوت المسج من تلفونها

اول ما شافت الاسم انتفضت كلها
و فجت الرساله و هي ترتجف

" تعالي باجر شقتيه اللي في ...... شقه رقم ...... الساعه 9 فليل
ان ما شفتج يايه بيتنفذ التهديد و ماشي بيردني يا بنت امج "

فتحت عيونها عالاخر و تمت تمشي فالغرفه مثل المينونه زاد تنفسها طاحت عالارض بقووه و تمت تحرك ريلها لا ارادي و تصارخ لا لا ا نكشت شعرها بلا حاسه ما تصدق هاي نهايتها نهايتها اكيد

أم عاشه و هي تقوم بسرعه صوب بنتها بسرعه و تمسكها تحاول تهديها

بس عويش تفر يد امها خلاص ما صارت تثق باي شخص مهما كان حتى لو امها
تمت بهاي الحاله الين ما اغمى عليها من الارهاق

...

في الحفله

فالينها البنات سوالف و حشره يعني الحفله تووب

دخلت الخدامه على سلامه فالصاله و عطتها هديه مع رساله

ميري : مدام دا هديه في واحد سياره يعطي يقول هدا حق سلامه
سلامه باستغراب : منو اللي بيطرش هديه بدون لا ينزل هاتي هاتي

و شلت الهديه و قرت الكرت اول شي

" ألف مبرووك التخرج
و عقبال ان شاء الله اللي في بالي

أتمنى تقبلين هديتي البسيطه

محمد ال............ي "

انصدمت بقوو من حركته و علطوول يابت القلم و كتبت ورا الرساله

أسفه بس ما اقدر اقبل هديتك
أنا مب شمه شكلك مغلط يالاخو "

و خبرت الخدامه ترد الهديه اذا كانت السياره للحين موجوده و صدق طلعت موجوده ووردتله الهديه

فرح محمد اول ماشاف شي مكتوب فالرساله

بس من قراها ما صدق " لا يكون تحسبني العب .. و الله و الله احبج .. و بعدين من شمه ؟؟؟ شهق بصوت عالي .. تقصد شما بنت عمي !!! لا فاهمه غلط شسوي شسوي اووووف "

و صابه احباط قوي

ماقدر الا انه ييب القلم و كتب تحتها

" أنا ما العب على الحبلين وقت الطيش وسنينه
تبيني الحين يوم اني كبرت العب على الحبلين

السموحه الشيخه شكلج فاهمه غلط
بس و الله اني احبج
و شما بنت عمي ما بيني و بينها شي و راسج
لا تفهميني غلط

عاشقج "

وعطا الخدامه الرساله و الهديه على امل انها تقبلها
بس للاسف سلامه من شافت الهديه و الرساله ما كلفت عمرها انها تقراها لان اللي تسويه شي عيب و منقود عند العرب و مب لازم تستمر معاه بالرسايل

وصلت الخدامه عند محمد نفس ماراحت

شل محمد الرساله بشغف و تم يلف الورقه
يدور وين الكلام و عقب سال البشكاره :: مافي ورقه ثانيه سلامه ما كتبت شي

الخدامه و هي تهز راسها : سلامه ما في اقرا رساله هيا قول حق انا رجع هذا ما يريد شوف أي شي

محمد : هاه
" ياربي شسوي الحين ما تهون عليه تفهمني غلط و انا اللي اموت فيها "

شل الهديه باحباط و روح

...

أما عند زايد

وصل البيت و يلس برا

متفشل يدخل داخل و منحرج يكلم ميره بعد كل اللي سواه لها
فاحسن حل انه يدق لسالم

دقله و خبره انه يبا يشوف ميره بس لللاسف سالم ما كان فالبيت بس قاله انت انزل و ايلس فميلس الرياييل الخارجي و انا بخليها تيي و هو ماصدق طبعا وواقف

اتصل سالم فميره و قالها انه يباها تيي ضروري الميلس

و هي حليلها على نياتها وافقت انها تلاقيه هناك
لبست عبايتها بس ما اهتمت فلفها وايد لانه الميلس بس تطلعين خطويتين من البيت و طلعت و هي بكامل زينتها لين وصلت الميلس

دخلت و هي تقول : هلا و الله بالش ..
و بلمت يوم شافت زايد موجود فالميلس

ميره بعبره خانقتنها : انت انت شششو تسوي هني
زايد قام لها : ياي اشوفج
ميره : بعد شو انا كملت اسبوع فبيت هليه و انت و لا عبرتني بالله عليك أي نوع من الرياييل انت
زايد قرب صوبها : اسف و الله اسف

و انصدم يوم شاف فستانها و كشختها أول مره يحس بجمالها من خذها صدق عيونه كانت عميا

ميره ربعت يدينها : اسف وين اصرفها هاذي بالله لا و تتهمني بشرفي و وو
و ماقدرت تكمل خنقتها العبره

زايد قرب منها زياده عشان يهديها
ميره بحزم ": لا تقرب

زايد : هاه

ميره : خلاص خلاص يا زايد انا اكتشفتك على حقيقتك مستحيل اعيش معاك يوم واحد
زايد : بس انا احبج

سكوون سكون فالميلس و حس و لا همس و لا شي

هو قال جي و لا تتوهم لا لا ما اصدق يحبني ههه اكيد يكذب

ميره بلعت ريقها : لا تكذب بس عشان تردني لعذابك
زايد : و قسم بالله اني احبج اقولج انا نفسي ما اصدق هالشي انتي من رحتي عني و طيفج ما فارق خيالي و شعرج اه يا شعرج معذبني و ابتسامتج كل شي فيج هز كياني

ميره بالم : توك تحس بهالاحساس ؟!!؟ اسفه يا زيد ما اقدر اردلك انا اذا رديتلك بكون وحده ضعيفه شافت الضيف و ردت بمجرد كلمه احبج لا لا يا زايد مب هاي ميره ميره لازم ترد الحركه بالف

وودرته و يت بتطلع

زايد مسكها من يدها : الشيمه يا بنت عمي لا ترديني و اوعدج اعوضج عن كل شي

ضربت عالعووق يا زايد عاد الاكلمه الشيمه تهز كيان ميره ما تقدر ترد اللي يقولها الشيمه ليش ما تعرف ؟!!؟ بدويه ما تنلام

شو تسوي ما تقدر ترده بس بعد ما تقدر تردله بدون لا تحس انها صدق اثرت عليه و خلته يحس بغلطته

فاقل من دقايق طرت على بالها فكره و بدون ما تحس قالتها بدون تفكير : موافقه بس بشرط
زايد : هلا امري انا كلي لج يا عيون زايد
ميره تنحت: احم برد بس لازم احسسك بغلطتك و هذا طبعي
زايد طالعها بسكوت : كيف ؟؟
ميره : تباني ارد برد بس بكلم شباب قدامك لمده انا احددها

زايد انصدم : شووووووووووووووووووووووه ؟؟؟؟؟

الفصل ال 13

ميره : تباني ارد برد بس بكلم شباب قدامك لمده انا احددها

زايد انصدم : شووووووووووووووووووووووه ؟؟؟؟؟
ميره وهيه حاسه بشعوره وبنفس الوقت متوترة من ردة فعله : شوووه شوووه بعد .. هذا شرطي إذا تريدني ارد لك
زايد وبعده منصدم ومحتار هب عارف شو يقول ومستغرب من طلبها : .............
ميره تشوف كل تعابير ويهه وعرفت شفيه، قالت بملل : ها شقلت ؟! ..
زايد هب رايم يتكلم ورجع لورا يلس ع اول كرسي شافه يدامه ونزل راسه وهو يفكر
ميره بقوة وهيه تشوفه بنظرات : لهالدرجة شرطي صعب ؟! .. شوف انا بعطيك مدة تفكر عندك يومين وإذا ماشفت مسج او اتصال منك اعرف انك من حياتي منتهي .. شقلت ؟؟ موافق ولا
ميره في خاطرها : بلاه هذا مايرد عليه هههههه شكل القطو كل لسانه خخخخ .. ماعليه يازايد انا اراويك بخليك تذوق إلي ذقته
ميره تأففت بصوت مسموع بالنسبه لزايد عسب يحس انه تأخر بالرد عليها .. عطته ظهرها وقالت : شكلك هب موافق خلاص اعتبر كل شي منتهى من بينا
وقبل ماتظهر زايد مسك جتفها ولفها له وقال بهمس وهو محطي عينه بعينها : انتظري ردي بعد يومين بالكثير .. وباس راسها وظهر من الميلس بهدوء
ميره في هالوقت ماعرفت شو تسوي تلخبطت من فوقها لتحتها : معقوله هذا زايد ولا انا اتخيل .. ومليون علامه استفهام وتعجب ع راسها ؟؟؟؟؟؟؟؟؟؟!!!!!!!!!!!!............
ورجعت عند البنات على طول وطول الوقت سرحانه وتفكر

............

يا اليوم الثاني
..~ في أمريكا ~..

بدت امتحاناتهم وكانت سهله والحمدلله ..
في شقه سيف وسلطان

سيف وهو معصب : إييييييييييييه يالله تأخرنا ع الريال
سلطان بصوت عالي لأنه في الغرفة : اووووف زين زين ياي ياي
وعقب خمس دقايق ظهر من الغرفة وهو بكامل اناقته .. ويوم شاف مطر .. اووووه الريال معصب ربي يعيني عليه : احيم خلصت
سيف وهو معصب ويشوفه بطرف عينه وشوي بيقوم وبيذبحه : ............
سلطان وهو زايغ : حبيبي مطوور لاتزعل بس عاد إلا هيه خمس دقايق .. عشان خاطري بس هالمرة طوفها عليه
سيف قام من مكانه وتجدم صوب سلطان ونظراته كلها توعد : ..............
سلطان وهو زايغ : س س سيفووه خخ خلاص امسحها بويهي عشان خاطر مها طوفها
سيف يوم سمع اسم مها ابتسم : ..........
سلطان ويسوي عمرة فاج عيونه: طاع من مساعه وانا احاول اراضيك ويوم طريت حبيبه القلب ابتسمت
سيف وهو يصارخ : بسك هذربان كفايه متأخرين ع الريال يالله طووف يدامي .. ويدزه لبرع الشقة ويروحون لمطر

........................

نرجع ..~ للإمارات ~..

في غرفه عواش
عواش قافلة ع عمرها الباب ويالسه ع السرير وحاظنه ريولها ودموعها اربع اربع ويالسه تذكر موعد اليوم إلي بيدمرها : ياربي شو اسوي خلاص ماشئ وقت الحين العصر 4 والموعد 9 .. اه ياربي شسوي ش سوي قوووولولي ياناس شسوي .. هممم هيه لقيتها لازم اخبر محمد شووه لا لا شو اخبر محمد انا بعد عسب يكون قبري حذال باب البيت .. الله ياخذك ياعلي ربي ياخذك وتفك العالم من شرك وانا اول وحده .. ويلست تفكر في تهديده .. ماعندي غير اني اخبر حد بس منو هالشخص المناسب اممم شما شوو لا لا مستحيل، امايه ها لا لا ماينفع .. اخبرهم !! لا لا لا لا بيذبحوني ان دروا اه وربي هب قادرة افكر بشئ .. اخ ياراسي بينفجر من التفكير .. كله مني انا إلي ظيعت عمري بس ندمت وربي ندمت
تمت تفكر لين ماغفلت وهيه بمكانها

نروح بعيد شوي بس في البلاد

عند النوري

نوره وهي يالسه في بلكونتها وتفكر في حالها وفي حال راشد وفي الموقف إلي صر لها من دقايق
نرجع الوقت شوي تقريبا ربع ساعة لورا
يوم نوره اتصلت في راشد بس الصاعقة ان هب هو إلي رد عيلها
حمده بصوت ناعم لأنها ماشافت الإسم عدل : ألووو
نوره وهيه فاجه عيونها وهب عارفة شو تقوول وبالأساس ماتدري كيف حمده تجرأت وردت عليها من فون حبيبها وقلبها راشد : ..........
حمده : ألوووو ماتردون .. وشوي تشوف الإسم عسب تعرف منو المتصل .. من شافته ابتسمت بستهزاء وقالت بعجرفه: اووه عيوز النار متصله .. ماتردين !!
نوره وبعدها مصدومة وبنفس الوقت حست ان لسانها منربط من قالت لها عيووز النار: شوووووووووووووووووووه
حمده بستهزاء : ههههههههههههههههه شكلج اول مرة تسمعين حد يناديج بهالإسم
نوره وشوي وبتنفجر بويهها بس قالت بهدوء: اقوول انا هب متصله عسب اكلم انا متصله عسب راشد هب انتي يا ..
بس سكتت يوم سمعت راشد من بعيد يقوول لحمده: غلايه ماريتي موبايلي
حمده وهيه تحطي الموبايل ع التسريحة ورا الكلينكس عسب مايبين وهيه قاصده هالحركة عسب تسمع نوره الكلام وصدتله بدلع وقالت : ها حبيبي شقلت ما اسمعك
راشد وهو ياي يقوللها حبيبتي بس غير رايه وهو يذكر نوره يوم كانت تقوله هالكلمة بس حس بقلبه يعوره يوم تذكرها :..........
حمده وهيه تتقرب منه وبدلع : رشوودي شقت ماسمعتك
راشد انتبه لحركتها وكلامها : ها .. هيه ذكرت فديتج ماريتي موبايلي احيدني محطنه في الصاله ويوم رحت اشوفه مالقيته
حمده وبدلع وقاصده تقوله هالكلام عسب نوره تسمع رده: لا ماريته بس اقوول شرايك اليوم تسير لنوره
راشد وهو يفكر بنوره بس يحس قبله بنغزه وراسه يعوره: ها لا لا حبي خليني اليوم هنيه مستانس وياج فديتج

نرجع للنوري قاعده تسمع وهيه مصدوومه للاخر
وسكرت الموبايل وللحين مصدومه
نرجع لنورة مره ثانيه << شكلي دورت براسهم هع
اه ياراشد شعنه تغيرت عليه معقوول نسيتني وحبيتها !! لا لا مستحيل يحبها بالأساس هو ماخذنها عضب عنه بس إلي يشوف حالته يقول انه متيم ابها هب حابنها .. وين وعودك وعهودك لي يا راشد ؟! .. كلها طارت وتبخرت بيوم وليله
انا قلت من البداية هاي الحمدووه مايي من وراها غير المشاكل وعوار الراس .. والحين سارقه راشد مني .. بس لو هو كان صدق يحبني جان مايلس عندها دقيقة في البيت صح انها زوجته بس هو يحبني أنا مب هيه .. بس الأيام تثبتلي العكس .. اه ياراسي تعبت من كثر مافكر فيك ياراشد .. الله يسامحج ياعمووه كله منج انتي السبب في تعبي وتعب راشد انتي السبب بس شو اقول غير الله يسامحج الله يسامحج .. حسبي الله ونعم الوكيل حسبي الله ونعم الوكيل ..~

............................

نروح لعبد الله اخو ميثه ^___^

عبدالله وهو الصاله يالس مع ميثة وهو يفكر ب مهره إلي سهرته الليل وإلي محتله تفكيره كل وقت
ميثه وهيه تشوف حال اخوها ومستغربه منه : عبوود
عبدالله وهو سرحان ولا حاس بالدنيا : ..........
ميثه وفي بالها شئ تسويه بإخوها جان تييب ماي بارد في إيدها من الحمام > عزكم الله < وتبتسم بخبث خخخخ الحين براويك ياخوويه هع وترشه عويهه
عبدالله بعده سرحان خخخخخ
ميثه وهيه فاجه عيونها بل عليه في منو يفكر هالكثر حتى انه مانتبه للماي إلي رشيته به : حووووووه عبوووود .. لا حوول انا اروايك >> وتروح حذال اذنه وتزعج بصوت عالي : عبووووووووووووووووووووووووووووووود
عبدالله هو يفز من مكانه بيفج عيوونه ومعصب من حركتها : إييييييييييييييييييييييييييه انتي صمختيني غربلات بليسج من بنت .. طبلتي انطرت يا...

بس سكت وهو ينتبه للماي المجبوب عليه وفج عيونه أكثر جان يقوول : ميثووه منو إلي جاب عليه ماي ؟! .. ومتى ؟؟؟؟؟
ميثه وهيه ميته ضحك ع اخوها من اول مافز من مكانه للحين : ههههههههههههههههههههههههههههههههههههههههههه وربي انك تحفه ياخووي .. إلي جب عليك الماي امم تبي الصراحة الصراحة
عبدالله وجنه فهم ع تلميحها بس سكت يريدها تكمل : هيه قوولي الصراحة
ميثه وبضحه وهيه تربع للدري وتقول بصوت عالي: انا
وتبتسم وتظهر كل ضروسها << خخخخخخ دعايه اسنان هع ^^
عبدالله وهو يقوم من مكانه ويركض وراها : اصبري يالهرمه اصبري .. عيل انا تجبين عليهخ الماي وتشردين
ميثه في هالوقت حدرت غرفتها ونست ماتقفل الباب وشلت فونها عسب تتصل بمهاري
وعبدالله راج جدا غرفته عسب يبدل ثيابه المتخيسة ماي وبالمره يسبح

عند ميثه وهيه تقوول تسولف مع مهاري بعدين قالت : مهوور شرايج تسرحين جدانا
مهاري وهيه عايبتنها الفكره : هيه والله انا ملانه وطفرانه خلاص عيل بتخبر امايه وبرد عليج اصبري شوي
ميثه وهيه فرحانه : خلاص اوكيك انتظر ردج

مهاري راحت لأمها وقالت لها ووافقت
مهاري وهيه فرحانه: ميثوووه
ميثه كانت سرحانه وتفكر بمهاري واخوها وابتسمت .. وفزت من سمعت صوت مهاري: ها ها بلاج صميتي اذووني
مهاري ببتسامه : اقوول هب متفيجه لج خليني ارووح البس عسب أييج
ميثه بفرح : صدق بتين .. خلاص عيل خليني ارووح اتزهب
مهاري : اوكيك ساعة بالكثير وبكون عندج
ميثه وهيه محتجه : شوو ساعه وايد نص ساعة تكفيج
مهاري : هههههه انزين خلاص نص ساعة يالله اشوفج بعدين بباي
ميثه : باي
وراحت ميثه تتزهب لأن ربيعتها وحبيبه قلبها بتيها
ومهاري نفس الشئ

......................

نروح لشخصة مهمه وايد وايد في قصتنا وابتعدنا عنها شوي

..~ زايد ~..

وهو يالس في الكوفي وهو يذكر ليله امس شو موقفه مياري
زايد فخاطره : ياربي هب عارف شو اقرر ماعندي غير يومين بس ولا زم تسمع ردي .. اوووووف انا الحين صدق احبها ولا اقص ع عمري .. لا لا يازايد انت هب بس اتحبها ان عاشقنها بس ماتريد حد يعرف .. اه اتعبتيني بحبج ياميره >> بس فجأه تذكر شرطها << كيف تقوول جيه وبالأساس شو بتستفيد يوم بترمس شباب ؟! .. تقهرني .. هيه يا زايد بتقهرك شرات ما انت قهرتها وهنتها وقللت من جيمتها .. بس انا هب قصدي بس هم غصبوني ع العرس وكانتهاذي شروطي من البدايه وهيه رظت ابها بدون اي اعتراض وكانت تألم بداخلها بس متحمله وانا ولا هامني عايش حياتي وكانت الكرة في ملعبي وألعببها ع كيفي .. بس الحين الكرة في ملعبها وصعب اني ارجعها لي .. اووووووف والحين ش ارد عيلها بس انا هب قادر على فراقها ماقدر ماقدر حتى البيت ماينطاق ضيجه من بعدها صح انها ماسكنت فيه بس بعد وجودها معاي في نفس البيت يعني الكثير حتى لو هيه كانت بعيده عني بس المهم في نفس البيت .. وينج يأيام باريس

ويلس يذكرها يوم الطيارة وكيف صرخ عليها ويوم لاويه ع الكرسي لأنها تخاف .. ويذكر كيف كان يعاملها في الشقة .. ويوم لابسه المكسي الأبيض وشعرها إلي يتحرك من اي حركه تصدر منها وعيونها الذبوحيه والسوالف إلي يلس يسولف وياها يوم ظهروا وعفويتها يوم تتكلم ويوم انقهرت وردت الفندق وهيه معصبه ويذكر الكف إلي عطاها اياه ويوم اتصلت لسالم ذكر كل شي لين الموقف الأمسي وللحين يتردد صوتها يوم تقوول : تباني ارد برد بس بكلم شباب شباب شباب قدامك لمده انا احددها
قطع تفكيره صوت موبايله
شاف الرقم غريب
زايد بحزم : ألووو
..... : ألووو
زايد بعد بحزم : منوو يتكلم
.....: انا امم
زايد : هيه انتي يعني انا .. خلصيني منو انتي
........ : صد وراك وبتعرف
زايد صد ورا بتردد وملامح جامده شاف وحده ملامحها حلووه > شعرها أشقر زعيونها زرق ع رصاصيات وكبار وشفايفها صغار وموردات طبيعي وخشمها الصغير بس حلوو .. ومحطيه لاينر من فوق ع طرف العين ومن تحت بعد ع طرف وساحبتنه وظاهره عيونها ناعسات حلوات ومحطيه مسكرة خفيفة وقلوس شفاف وبلش بينكي خفيف ومظهرة شوي من قصتها الشقرا <
اعتدل مره ثانية ورد مكانه وقالها : نعم اختي اخدمج بشي << خخخ مسوي عمره تجيل
وهو يفكر فيها وبشكلها الحلوو وجمالها الهادي والجذاب بنفس الوقت
....... : Nothing but I see you lonly
زايد وفي خاطره بلاها هذي تتكلم إنقلش ماتعرف عربي ولا شووه سالفتها بالضبط ياخوفي هاي وحده مطرشتنها مياري عسب تعرف ان بعدني اكلم بنات ولا .. هيه لقيتها خلاص عيل دامنها هيه بتكلم شباب انا بكلم بنات بس هب يدامها
زايد وجديته بدت تخف : شعنه ترمسين انقليزي ماتعرفين ترمسين عربي
....... : اعرف بس انا احب اخلط في الرمسه
زايد : اها .. عيل ماتعرفنا ع الإخت ؟! ..
.... : انا مريم .. وانت ؟! ..
زايد : عاشت الأسامي .. انا منصور
مريم : عاشت ايامك
زايد : خير مريم بغيتي حايه
مريم : لا بس حبيت اتعرف عليك واخفف عنك همومك .. اشووفج متضايق

وتم زايد يكلمها بس مارتاح لها ابد وبند من عندها لأنه حس ان وراها شئ وشكلها تريد توصل المعلومات لشخص معين
وفعلا مريم كانت ربيعه وحده من إلي يعرفون زايد .. وزايد هدها عقب ماعرف انها محيره ملجتها ع ولد عمها عقب أيام

يتبع .,

في امريكا

وصلو سيف و سلطان بيت مطر عشان يروح وياهم
بس هو داخل و يا مها يودعها عشان انه بيتم مده فالمركز

مهاو و هي يالسه عدال مطر و لاويه على يده : لا لا خلاص لا تروح
مطر : ههههههه شو ما ارووح ما تبيني افتك من هالسم
مهاو بسرعه : خلاص خلاص رووح
مطر هههههه الحين قرري تبيني اروح و لا
مهاو : اممم و الله تعودت عليك بس خلاص روح و تحمل ععمرك ها
و طاحت دمعه من عينها
مطر و هو يمسح دمعتها : افا بدينا
مهاوو هي تبتسم برقه : يلا عيل بوصلك لين تروح عادي
و طالعته بنظره مترجيه
مطر ابتسم : خلاص بس هالمره وين شيلتج
مهاو : أكييه .. و راحت صوبها و لبستها بسرعه

مهاو : يلا نروح
و تشابكت ايدها مع ايده و روحوو

سيف كان يالس قدام السياره بملل و اوول ما لمح طيف مهاو على طول فز ووقف
سيف : احم احم
سلطان لف ويهه صوبهم و شق الابسامه و علطول طالع سيف بنظره

سيف مفتشل : لم ثمك
سلطان بصوت عالي : ههههههههههههههههههههههههههههههه

سيف طالعه بقوه و قال بسرعه : جب فشلتنا
سلطان : ههههههههههههههه خلاص خلاص

مطر و هو يقرب صوبهم بابتسامه : ههههه بلاك تضحك ضحكونا معاكم
سلطان : لا لا ماشي " و طالع مهاو اللي ما تدري عن شي و هو كاتم ضحكته "

مهاو و دمعتها تطيح : ربي يحفظك يالغالي تحمل ععمرك
مطر : هه بتصيحيني معاج
مهاو بدلع مب مقصود : مطررر

مطر طالعها و طالعهم و هو يشوفونهم تفشل و قال : احم يلا رحنا

سلطان ركب السياره لانه اللي بيسوق و مطر بعد الا سيف اللي كان ذايب فصوتها و لا يدري عن هوى داره سلطان طلع راسه من الدريشه و صرخ : يلا سيف

سيف انتبه لعمره و شاف مهاو نظره اخيره و قال بصوت مسموع و هو ما يدري عن عمره : انا خاطبنج خاطبنج و اللي فيها فيها

فهاللحظه مهاو صار ويهها طمامه تمنت الارض تنشق و تبلعها من الفشله
علطول قفت عنهم و روحت و هي تفكر فالكلام اللي قاله : ياي يعني هو يحبني بعد ياحظي فيك و الله كل بنت تتمناك

سيف يوم شاف ملامح ويهها و فشلتها انتبه لعمره و قفط حمد ربه مليون مره انه مطرو سلطان ما انتبهو له و فنفس الوقت استانس انها عرفت بشعووره صوبها

سلطان نزل دريشه مطر و هو حاس فيه هع : بتبات هنيه شكلك
سيف : خلاص خلاص بركب حشى

و ركبو و هم مروحين صوب المصح عشان مطر يتعالج

..

عند عواش

: لاه لا ا

و فزت من رقادها وويهها معرق و هي تنتفس بقووه
: ا الحمد الله الححمممد الله انه حلم يالله

خف تنفسها تلقائي و بعد ما حست انها تمالكت عمرها لفت صوب فونها و شافت الساعه و فجت عيونها

بلعت ريجها بقوه : ا الساعه 8 ممممماشي باقي على الموووعد

و تذكرت الحلم و لا اراديا لفت على عمرها بقوه : لا

امها من سمعت صوتها و هي تصارخ ربعت صوب غرفتها و فتحتها فجت الليت و طالعت شكل غناتها و بنتها عويش خافت عليها بقوه و قربت صوبها يت تبا تمسكها
بعدت عنها بسرعه و خوزت يدها و هي تصارخ و لاويه على عمرها

أم عواش : بسم الله عليج بنتي بلاج ؟؟

عويش نزلت راسها و تمت تصارخ و تصيح بقوه

ام عواش : فضفضي يا حبيبتي انا امج سترج و غطاج
من هالكلمه عويش ما تحملت و زادت صياحها

أم عويش طاعتها باسى و هزت راسها : لا حول و لا قوه الا بالله

و طلعت و سكرت الباب

عويش بعد ربع ساعه انتبهت على عمرها و فزت
عويش : هي هي صح انا بروح و باخذ الفيديوهات و الصور و ما بخليه يسوي شي هي علطول بطلع و خلاص

مطت عباتها و شيلها من الكبت و لبستهم باهمال

عواش بعد ما دقت عالدريول : ألووووو طلع السياره الحين بسرعه


و نزلت من الدري و هي تركض تبا تخلص كل شي بسرعه و تفتك من هالهم

...
..~ محمد ~..

يالس وماسك فونه ويفكر ان يتصل في سلامي
بس بعدين غير رايه عسب مايطيح من عينها
ويفكر ان يروح يخطبها .. ابتسم في خاطره هيه صح ليش ماروح اخطبها ويعدين بفهمها كل شئ

اه يا سلامي عذبتيني وسهرتيني ليالي .. طيحتيني بحبج من اول ماريتج .. يالله متى بي باجر عسب اخبر امايه .. ولا ليش باجر اليووم احسن .. انا شيصبرني لباجر
وراح محمد يدور امه عسب يخبرها عن قرار زواجة ومن البنت إلي يريدها

دخل المطبخ و هو متاكد انه بيحصل امه فيه

محمد : امايه
ام محمد : لبيه
محمد حب راسها : لبيتي في منى بس بغيت منج حايه
أم محمد : امرني الغالي
محمد و هو منحرج : اممممممم
: اممممممم
: امممممممممممم

أم محمد : بلاك قووول شو فخاطرك
محمد : احم ابا اعرس
ام محمد : و الله هاي الساعه المباركه كلوووووووولوووووووووووش
محمد نزل راسه بحرج

أم محمد : ههههه و الله فرحتني يا ولد زين بيستوي عندنا فرح بعد حاله اختك عويش
محمد : الله يهديها مادري شو استوابها هالبنت يمكن يني راكبنها
أم محمد بخوف : بسم الله عبنتي فال الله و لا فالك
محمد : هههههه
أم محمد : انزين ما قلتلي اخطبلك شمووووه بنت خالك
محمد فج عيونه : هاه لا لا بسم الله عليه شو تبيني انتحر امايه

أم محمد : بلاها بنت خالك ما شاء الله الزين راكبنها من راسها لساسها
محمد فخاطره : مادريتي يمكن من برا حلوه بس من داخل شينه

محمد : لا لا ابا سلامه بنت عمها
أم محمد و هي تحاول تتذكرها : سلامه سلامه أي سلامه هييييييييييييه سلامه ما شاء الله عليك زين ما اخترت يا ولدي شيخه البنات ربي يحفظها و تكون لك

محمد فخاطره : امييين

محمد متحرقص : انزين متى بتخطبينها
أم محمد : هههههههه اصبر شوي ما واحالك هههههههههه
محمد مفتشل : احم رمسيهم الحين

أم محمد بت بتعترض بس من شافت نظره ولدها قالت : تم اممررره

و راحت صوب التلفون و اتصلتلهم طلبت يد سلامي لولدها


...........................................