...

و نرد حق أمرييكا

عند سيف و سلطان كانو يتمشون فالجامعه

سلطان : و الله هالاستاذ ابصم لك بالعشر انه يكرهنا بس لانا عرب
سيف : طبه طبه برايه خله يكرهنا المهم نييب الشهاده و نرد البلاد
سلطان : الله يعين لا يخسف بدرجاتنا
سيف و هو يطالع الاجنبيه اللي لابسه قطع يطلعن أكثر مما يسترن : طالع هاي و قسم بالله خياس أونها لابسه ثياب الحين
سلطان : ههههههههه هاي الموضه الحين

سيف وهو يطالع البنت نفسها يايه صوبهم : طالع قدامك
سلطان و هو يطالع البنت : هاي شو يابها هني

البنت و هي واقفه عدالهم و ماسكه كتبها : السلام عليكم
سيف و سلطان : و عليكم السلام و الرحمه

البنت و هي منزله راسها : أنا اسفه عاللي صار أمس
سيف : لا تعتذرين و لا شي هذا واجبنا و انتي ما يخصج في شي

البنت و هي ترفع راسها و تطالع سيف بعيونها الزرقا : شكرا
سيف : العفوو

سلطان :هههههه بسألج انتي موواطنه و لا اجنبيه

البنت : ههههه لا انا مواطنه و اماراتيه بعد بس عيوني زرقا لان امي أمريكيه
سلطان : اها غريبه انتي ساكنه هني

سيف و هو يطالع سلطان: عيب عليك لعوزت البنت باسألتك

سلطان : عادي عندها صح
البنت : ههههه هي صح
سلطان : الا انتي شو اسمج ؟؟

البنت و هي تنزل راسها : مها
سلطان و سيف : و النعم

سلطان: أنا سلطان و هذا اللي مسوي عمره بطل اسمه سيف

البنت : ههههه

و كملت : أمم أنا برووح الحين و شكرا مره ثانيه

(و مدت يدها ) و كملت : تشرفنا

سيف ياي بيقول شي بس بطي قاطعه

بطي : يا ويلي يا ويلي عالرومانسيه و مسوي عمره الحشيم اللي يدافع عن البنات
شلته : هههههههه

سيف ياي بيضرب بطي بس مها شدت على يده و طالعتته برجا

سيف ما قدر يقول شي غير انه ودر يدها و قالها بهمس : انتبهي من هالشله

البنت و هي تهز راسها : اووكي

سلطان : هههههههههه يالله عاد سيف مصختها هع
سيف خوز يده بانحرراج و مط سيف و هو يقول : يالله رحنا

سلطان سوا حركه بيده يعني باي باي حق مها

مها : هههههههه

...

دخل راشد البيت و هو راد من الشغل تعبان و علطوول طلع فووق عند نوره

راشد و هو يدق الباب مستغرب : نوره النووري فتحي الباب ليش قافلتنه ؟؟؟

نوره حاطه يدها على ثمها ما تبا يطلع صوت صياحها

راشد بصوت أقوى : نووره نووره فجي الباب بلاج ؟؟

نوره بعدها فمكانها ما تحركت ما تباه يشوفها و هي تصيح

راشد : نوووره و قسم بالله ان ما فجيتي الباب بكسره
نوره قامت بضعف و فجت الباب و علطول لفت ويهها و عطلت ظهرها لراشد

راشد لفها صوبهو تنهد يوم شاف دموعها : رمستج صح
نوره لفت ويهها عنه و تمت تصيح

راشد: لا حوووول لييش نحن لييييش ؟؟
و لوا عليها و هو يقوولها بهمس : لا تخافين مستحيل حد يفرق بينا مستحبيل
نوره و هي تصيح: وعد

راشد : وعد

...

مهاري و هي تقووم ميروه : مييرووه يالله عاد قووومي
ميرووه برقاد : اف مهاري بس و الله أبا ارقد

مهاري : ما عليه انا براويج الرقاد على اصووله
و راحت يابت قلاص ماي و ترسسته ماي بارد

ميرووه فتحت عيونها بالصدفه و قالت : لا لا لا لا
مهاري رشته كامل على ويهها

ميرووه : أوووف مالت عليج خيستيني ماي اه بارد اح
مهاري : هههههههههههههه أحسن

ميرووه قامت بسرعه و مطتها من شعرها و طلعتها برع و قفلت الباب

مهاري : ايييييه غرفتيه و تطردينيه منها ما عليه بس يالله جهزي بنظهر المول عشان زهبتج مع سلامي و الريامي
ميرووه بصراخ : أمحق زهبه و أمحق عرس اللي بدون معرس
مهاري : هههههههههههههههههههههه يالله بسرعه

فهالحظه وصل مسج حق ميروه من رقم غريب !!

" حبيبي حبيبي غير كلمه
أح بك
مووت ما أملك "

عقدت حياتها باستغراب بس قالت أكيد مغلط و قامت تبدل ثيابها
...

في بيت عوييش

محمد : يالله عاد ما خلصتي
عويش : يالله يالله خلصت

و نزلت تحت و هي بفل ميكب و عباه مخصره

محمد و هو يطالعها من فوق لتحت : لايكوون بتظهرين جي السوق
عويش و هي مستغربه و تطالع عمرها : هي ليش ؟؟

محمد و هو معصب : و قسم بالله ان مارحتي الحين و بدلتي هالمصخره و غسلتي ويهج طلعه من البيت ماشي

عويش بنرفزه : انزين انزين لا تعصب

و راحت فووق تبدل عباتها
و فهالحظه دقتلها شماني

عويش بنرفزه : ألوو
شماني مستغربه : بلاج ؟؟ و بعدين وينكم أنا من زمان اترياكم
عويش : يايين يايين اووف

و سكرت التلفون فوييها

بعد ربع ساعه

نزلت و هي لابسه عباه مسكره و فيها موديل شوي و مخففه الميكب

محمد و هو يطالعها : مع انه مب ذاك الزود بس يالله ماشي وقت مب متفيج لج انا
عويش و تلوي شفايفها : يالله و هي صح نسيت خطف صوب بيت عمتيه بنشل شماني ويانا

محمد انزعج من هالطاري : و هاي كل ما نرووح لازم ويانا
عويش : أوووف لازم حد يشتري ويايه ماحب اتشرى بروحي

محمد : امشي امشي بس

و أول ما وصلو بيت شما طلعت شما بعباه كلها فصوص و ضيقه شوي و مسويه ميكب عرس و رافعه القباضه

ركبت السياره و قالت بدلع : السلام عليكم
محمد يطالعها باحتقار و تقز من منظرها : و عليكم

شما و هي تقول بهمس حق جواهر من وراها : اه يهبل أخووج أحبه أحبه
جواهر : بس جب لعوزتيني

*~.. الفصل الراب؏ .. ~*

.. في بيت قوم مهاري ..

تلبست ميروه و لبست عباه مسكره بس فيها موديل عالخفيف و سوت جحال و قلوس و ظهرت

ميروه : مهاري مهاري
مهاري : لبييه
ميروه : لبيتي في منى من بيرووح معانا
مهاري : أممم أنا و انتي و سلامي و الريامي و توني دقيت حق سارووه عشان تظهر معانا
ميروه : و من بيودينا
مهاري : بلاجكله تسالين دريول قوم سارووه بيودينا لان دريولنا و دريولكم مشغولين
ميروه : أوكي يالله عيل سرينا
مهاري : يالله

.. في بيت أبو حمد ..

ساروه نزلت من فووق كانت لابسه و جاهزه و صوت الكعب ينسمع من بعد كيلو طق طق طق
زايد : مالت عليج انتي و هالكعب وين بترووحين ؟؟
سارووه بغياض : انننه ما يخصك " و لفت على امها و هي تتمسكن " ماماتي حياتي
أم حمد : من الاخر من الاخر
سلامي و هي تحب راس أمها و تيلس عدالها و زايد يطالعها بنص عين
ساروه : أميه شمووه راحت و محد عندي فالبيت ملل و قوم مهاري و ميرروه بيرووحون السووق بروووح وياهم انزين
زايد بنقمه : برووحكم !!!
سارووه : شو نسوي محد متفيج يودينا المول و لازم نزهب ماشي باقي عالعرس الا اسبوعين و شي
زايد توه ينتبه ان ماشي باقي عالعرس : لا قصوركن بعد تفرفرن فالمولات برووحكن خلاص انا بوديكم
ساروه ترمس عمرها بهمس : أمممممم يمكن ميرووه تستحي
زايد فخاطره : هههههههه ضحكتيني تستحي أونه
و قال بصوت عالي : يالله
ساروه : انزين اووف

.. أما عند سلامي ..

قالت بصوت عالي : يلا امييه انا بظهر شي فخاطرج ؟؟
أم سلامي : سلامتج فديتج و لا تتاخرين و ييبي اختج معاج
سلامي تاشر على عيونها : من عيووني

و طلعت برا و هي مستغربه و تشوف سياره زايد برا

سلامه فخاطرها : معقووله زايد بيودينا عيل الله يعييين ميروه هي بروحها طاري العرس ما تدانيه

و سمت بالله و ركبت السياره

سلامه : سلام .. سارووه تعالي ورا بتم بروحيه
ساروه : أمممممم أووكي

و نزلت و ركبت ورا
زايد و هو يطالع باب البيت بنص عين و قال فخاطره بعد مب ناوييه تيي

زايد بنقمه : سلامه ويين ميره مب ناويه تي الشيخه
سلامي و هي مستغربه : بلاك ميروه في بيت قوم مهاري

زايد" زين بعد "

و خطف بيت أبو راشد

...

ميراني و هي ورا الباب : سلامي مب جني اشووف سياره زايد
مهاري و هي تفكر بصوت عالي : زايد بيودينا !!!!!
ميراني و هي تلف ويها و ترووح صوب الدري : عيل خلاص ما بروح

مهاري و هي تربع صوب ميرووه : تعالي انتي تبينه ياكلنا اصلا الطلعه كلها حقج
ميراني معصبه : ينقلع لاه من قاله ايي يودينا محد طلب خدماته بس ما عليه ساروه دوواها عندي

و طلعت فونها و هي تطرش مسج حق ساروه

" سارووه يالحماره من قالج تخللييين اخووج يووصلنا قوليله ما بنرووح خلاص عذرت "

و فهاللحظه وصلها مسج من الرقم المجهوول اللي ليل نهار يطرش مسجات و كلها حب و غرام و ميرووه مطنشه

" تشرق حياتي وتسعد وياك
يابعد روحي ميت فيك
أثبت وجودي وكفى بيمناك وانت الغلا
وماحد يساويك يا سعد من دايم يلاقيك
ياحظ قلبي يوم يلقاك وادعي إلهى لي يخليلك
الروح يازين تفداك خذها هدية قلب يغليك "

عند سارووه كانو قاعدين برا يستنوون الشيخات يوصلوون و زايد مفوول و السياره هدووء خايفين من زايد لا ينفجر عليهم لانه معرووف ما يحب يستنى حد

و صلها المسج و ما اهتمت بان ميرووه سبتها و لا شي بس كانت خايفه من ردت فعل زايد اذا قالتله تمت تطالع زايد بارتباك و فاجه المسج

زايد يوم حس بارتباكها شك فيها و بسالفه المسج قال بعصبيه : ساره من من المسج

هني ساروه علطول سكرت المسج و قفلت الفون و هذا اللي خلا زايد يزيد شك فيها و صوصا من حركتها

مط منها الفوون و حط على اخر رساله و قرا المسج من رقم ميروه

عصب بقووووووو من حركتها و بسرعه ضرب اتصال عالرقم و هو مفوووول

...
يتبع , ,

في ^ أمريكا .. دار الحمر هع .. ^

في شقه سلطان و سيف

سلطان : يلا عاد ما تسوى علينا هالطلعه كنك عروس تكشخ حق عرسها
سيف طالعه و هو رافع حياته و طييف مها فعينه ما فارق خياله : يلا جب حرام الواحد يتلبس
سلطان و هو يغمزله : ما احيدك تكشخ جذي حق الجامعه و لا بس عشان خاطر اللي بالي بالك
سيف و هو يستهبل : من ؟؟؟؟؟؟؟؟؟
سلطان طالعه بنص عين : علينا عليينا يا عمي انا فاهمنك عشره سنين مقابلنك 24 ساعه عيل احلف انك ما تفكر فيها
سيف و هو منزل راسه بعدين رفعه و قال و هو يدز خليفه : بس جب يلا تاخرنا
سلطان : هههههههههههههههههههههههههه تستحي سيفوووووووه
سيف : سيفوه فعينك يالهرم ريال طول بعرض تناديني سيفووه
سلطان : لا لا محشوووووم و قال بصوت عالي : يالعاشق
سيف : أووووووووووووووووووف
سلطان : ههههههههههههههه يلا يلا طلعنا
سيف و هو رافع حياه : تووك تتفيق

.. عند زايد و ميراني و الوضع متكهرب ^^ ..

ميراني : أكييه ها ساروه دقتلي بقوولها ما بنروح

و دقت عالاخضر

ميراني : ألووو
زايد و هو يصارخ : و قسم بالله ان ما طلعتي الحين يا مطج من كشتج انتي و شلتج الحين منقعتنا برا فالشمس نص ساعه و اخر شي ما بتروحين
ميراني و هي مترووعه موت من صوته و بالغصب ما طلع صوتها : خلاص ما برووح
زايد و هو خلاص انفجر : ميره و صمخ انتي ما تعرفينيه و الله الحين بنزل بمطج من كشتج و ماحد بيهمني
ميروه خافت و استسلمت للامر الواقع : بس بس لا تصارخ انزين بظهر
زايد سكر فوييها بدون اي حرف

و سلامي و ساروه متروووعات من صريخ زايد


مهاري و الريامي علطول سارو السياره

و ميرووه طلعت و هي تنافخ من الغيض هذا اللي ناقص بعد يتحكم في طلعاتي مالت عليه انا مادري كيف حبيته هالدفش

مهاري و الريامي ركبن ورا و قالن في نفس الوقت : السلامم عليكم

ميراني ورا تطالعم ركبو ورا و نو وي تييلس وياهم لان ما يكفي
و قفت بدون ما تحس و قالت و هي شوي و بتصيح : لا لا مستحيل اركب قدام لا ياربي مابا حرام عليكم

زايد طالعها و هو فاهم بشو تفكر : بسررررررررعه ركبي ميت على اليلسه عدالج انا

ميروووه خلاص ما تحملت صراخه عليها هي مب متعووده حد يصرخ عليها و ما تحب حد يصرخ عليها

ركبت قدام و هي تحاول تكتم شهقاتها اللي كل شوي يرتفع صوتها

طلعا كل اللي ورا حاسين بميرووه و يدروون انها تصيح لانها ما تقدر تتحمل فلمو ثمهم و سكتوو لا يكلون هزبه بعد و يستنوون يووصلون عشان يهدون ميرووه على راحتهم

% ميره %
" حرام حرام اللي يصير فيني و الله حرام انا شو سويت عشان يصير فيني جذي كل ذنبي اني حبيته .. بس هو ما يحبج يا ميرووه اصحي اصحي .. خلاص دام هو ما يحبني انا بعد ما بغصبه يحبني و ماله داعي ابين له اني احبه .. بس لا انا ابا اكثر من جذي اباه يحبني انا شوفيني ناقص عن عويش السباله أنا احلا .. لا وين انتي احلى اكيد هي احلا عشان جذي زايد يحبها و بياخذها .. و من هالفكره نزلت دموعها اربع اربع .. لا لا مستحيييل زايد لي لي تفهموووون زايد بس حقي انا لو ما يحبني انا احببه "

أما زايد و ما ادراك ما زايد متلووووووم متلوووم متلووووووووم وايد و يزيد لومه كل ما يسمع شهقات ميرووه هو يدري انها تصيح الحين و اكره ما عنده يشووف حد يصيح قدامه بسببه اللي ما تعرفونه عن زايد انه رغم قساوته و حقده و غيرته و صفاته الشينه الثانيه الا اننه طيييييييب وايد و حنوووون ووايد يتلووم في غيره بس يحاول يكتم طيبته عشان بالنسبه له الطيبه ضعف

% زايد %
" أوووف شو سويت انا بعد .. بس هي قهرتبي و أنا ما اتحمل أعصب بسرعه .. لا لا يا زايد مب هذا اللي تباه مب هذا اللي تبا تشووفه ضعفها مب انت اللي قلت انك تبا تدمرها .. بس لا حرام مب جذي اللي سوييته وايد قوي بحقها مهما كان هي حرمتي و مالها ذنب انتبه لعمره انا شو قلت حرمتي هي صح حرمتي .. أووووه بس خلاص مللييت أنا بعد شو ذنبي و قلتلها تراني انها بتعيش معززه مكره و انا بعيش شبابي يعني كلنا الكسبانين .. لا شو تقص على عمرك انته اي كسبانين و اي خرابيط الحرمه تبا حنان و انا برمس البنات قدامها .. أووووووف .. لا اله اللا الله شسوي الحين انا قلت بدمرها لانها دمرتني و خلتني انا انغصب انا الريال يغصبوني عشان سواد عيونها بسسسسسس أوووف انا لو تميت جذي بين ...

و ما حس بعمره الا على صريخ البنات و ضرب بريك قوي

زايد بعد شد اعصاب كان خايف يسوي حادث

يتبع . , !

زايد : اه الحمد الله ما صار شي
البنات كلهن ماسكات قلبهن من الزييغه كانو خلاص بيسووون حادث مع شاحنه بس الله ستر و زايد انتبه فاخر لحظه

مهاري فخاطرها بعد ما هدت : الله يعينك يا زايد و الله يعينج يا ميروووه محد فاهمنكم

زايد و هو يلف عالبنات اللي يصيحون : خلاص حصل خير ما استوى شي حمدو ربكم لييش تصيحون الحين

سارووه : اه الحمد الله الحمد الله الحمد الله

و هدو البنات شوي شوي و زايد تحرك بعد ما حس ان البنات هدو و خصوصا ميرووه اللي زاد صياحها بعد الموقف اللي استوى

.. عند عويش وشماني و محمد في بوادي مول ..

شماني و هي لاصقه بمحمد قالت بمياعه : أحمداني تعال بنروح المحل هذا اخاف ارووح بروحي
محمد و هو يطالعها بتقزز و هو كاره قربها " استغفر الله هاي وين هلها عنها " : لا استني عويش و بعدين بنرووح كلنا
شماني و هي تناقز بدلع متعمد : نو نونو الحين بنرووح برووحنا
محمد " و قسم بالله ما يليق بج الدلع و فهالحظه تذكر اللي شافها هاك اليوم و ما فارقت خياله و الله انه شما ما تسوىظفرها فرق السما و اللارض بينهم "
شماني وهي توقف قدامه : فشو تفكر ..و بجراه .. يالحلوو
محمد" لا اله الا الله مب ناويه تخووز عنيه هاللصقه "

أما شما كانت تفكر بهالحركات بانها بتقربه منها و بتخليه يحبها ما تدري بانها تطلع مث الهبله قدامه

عند عويش دق فونها و اول ما شافت الرقم طالعت التلفوون بخبث و بعدين ردت

قالت بدلع : ألوووه
علي : يا مرحبا مليار بهالصوت الدلع يالدلع
عويش و هي تمثل المستحى : بس عاد استحي
علي : فديتج و فديت مستحاج يالحلوه ذبحتيني خاطريه اشووفج مره وحده بس
عويش : بعدين بعدين يصير خير الا بتخرك سويت اللي قلتلك عليه
علي : أفا عليج ما خلييت مسج ما طرشته لها الا شو قلتيلي اسمها
عويش بنرفزه : اسمها ميرره و انت بعدك ما طرشت مسج و انت كاتب اسمها فيه
علي :أمممم لا لاني نسيت اسمها
عويش بعصبيه : من الحين تبدا تطرشلها مسجات تبين انك تعرفها فيها فاهم
و سكرت في ويهه
علي و هو يطالع الفون : ما عليه ما عليه مردي لج و عرفي من علي اللي تطنشينه و تسكرين في ويهه التلفوون

طلعت عوييش من المحل عالساعه 2 و هي شاله 3 اكياس من الكبار و عطتهن شما

و قالت لمحمد : يالله بنرووح نتغدا

.. و في نفس المول بس عند قووم زايد ..

ساروه و هي تووقف عدال زايد : زيوود حاول تراضيها رام عليك طيب خاطرها بكم كلمه
زايد بعد تفكر " ما صدق حد يقووله " : أممممم خلاص عيل الحين بنرووح المطاعم و انتو طلبو و انا بتم عند ميره خبري البنات
سارووه و هي مستانسه :احييييييم خلاص تم
و ربعت صوب البنات و خبرتهم الخطه بصوووت خفيف
و كلهم استانسوو انه بيراضيها

...

في بيت أبو راشد

أم راشد و نوره و راشد كانو يتغدون فالصاله

أم راشد : راشد يا ولدي باجر بييوون ام حمده و بنتها يزورونا عاد ابا تكوون موجود عشان تسلم على خالتك .. و شددت عليها .. و بنتها حمده

نوره هني غصت بالاكل و تمت تكح و تطالع راشد برجا

راشد و هو يدح ظهرها : صحه صحه

و كمل و هو يطالع امه : أمايه انا باجر عندي شغل و بتاخر ما اقدر ايي باجر

أم راشد : أحيدك من تيي الساعه ثنتين القاك مرتز عند حرمتك فووق باجر بالذات بتتأخر شوف يا راشد هاي خالتك وواجب عليك السلام عليها و بعدين هي ماخذه بخاطرها عليك تقول سيف مسافر و معذور ما يسلم عليها أما انت شو عذرك

راشد و هو يدري ان امه ما بتخلييه لين يوافق قال و هو يتحاشا نظرات نوره المترجيه : خلاص خلاص بحاول باجر اخلص شغلي و ايي من وقت

أم راشد تطالع نوره و تبتسم بانتصار : هي جي اباك دووم يا ولدي

نوره " لا لا لا مستحييل مابا أنا اعرف انه عمتيه قاصده تخلي راشد موجود عشان يشووف حمده اللي ناويه تخطبها له بدالي لا ما بقدر أشووفها وياه فنفس الصاله يا ناس ما اتحمل "

و ودرت الاكل و قامت و هي ترروح صوب حجرتها

راشد و هو يطالع امه بلوم بعد ما راحت نوره : أمايه عاد انتي الله يهديج ما لقيتي تذكرين هالطاري الا قدامها
ام راشد : يا ولدي انا مب قصدي احرجها و هي الله يشهد انها مثل بنتي بس لاززم تتعوود من الحين
راشد : أمييه انا قلتلج عرس ما بعرس وماله داعي العيال هذا اللي الله كاتبه و تكفيني نووره
أم راشد : لا لا انت ما تفكر بعقلك بكره يوم بتكبر بتحتاج العيال و بتقوول ياليتني عرست و يبت عيال
راشد بياس : الله يهديج يا امايه

و قام و لحق حرمته

أم راشد : ما عليه انت بعدك صغير و ما تعرف مصلحتك بكره بتكبر و بتدعيلي ليش اني زوجتك

.. في امريييييييييكا ..

سيف فخاطره و هو يلف راسه يمين و يسار يدورها (( وييينها هاي ما شفتها اليوم لا يكون راحت !!! ))

سلطان و هو يراقبه من الصبح : بسك بسك رقبتتك بتنكسر من كثر ما تلف براسك تدورها اكييه قدامك الطييب عند ذكره

سيف لف راسه بسرعه وين ياشر سلطان و ماحس الا

" طراخ "

مها اللي كانت مستعيله و ما شافته :أوووووووه سوري
سيف و هو يطالعها و سرحان فيها : ا لا عادي

مها وييها استوى احمرر من الاحراج نزلت تحت و تمت تلم اغراضها اللي طاحن

سيف نزل : عننج عننج
مها بصووت خفيف : اممم عادي اقدر اشلهن برووحي

سلطان : يا ويلي يا ويلي خلاص لا انت و لا انتي انا هههههههههههه

سيف طالعه بعين حاره : جب
سلطان : هههههه

مها و هي تقووم بعد ما شلت اغراضها : احمم شكرا
سيف : العفو تعالي كل يوم

يت مها بترووح بس وقفها صوت سيف

سيف : ا مها
مها لفت : هلا

سيف بارتباك : اممم في رحله الجامعه حق امرييكا الشماليه بتين ؟؟
مها ابتسمت : هي
سيف ابتسم و هو مستانس : خلاص عيل نتلاقا هناك

مها ابتسمت : اووكي

و رووحت

سلطان : ههههههههههههههههههههه و الله انكم مسوين احلى فلم هندي فامريكا هع لو تشوفون اشكالكم خخخخخخ

سيف : لم ثمك و تقدمني
سلطان : هههههههههه .. ياخي خليتوني سخيف فالقصه من كثر ما اضحك عليكم غرشووبه " نبضووه " بس كله تضحكيني
غرشووبه دار الزين " نبض البداوه " : اووه بس جب كييفي قصتيه انننننه
سيف و سلطان : ياهل هههههه
غرشووبه دار الزين " نبض البداوه " : طالعه عليكم بس لا تتطنزوون خلوني اكمل القصه القراء متحمسين حق زايد و ميراني فالموول صح ^*

.. في بوادي مول ..

أ,ل ما وصلو صووب المطاعم

بدوو ينسحبوون وحده وحده لين ما وصلو لمهاري

ميرووه : ويت ويت بيي معاج
مهاري بسررعه : لا لا ماله داعي انا بييبلج الوجبه لين هني
ميرووه : مابا بيي معاج
مهاري : انتي تعباننه خلاص بلا عناد
ميرووه و هي برووحها تعبانه : اووكي خلاص
و رووحت مهاري

فهاللحظه قرب زايد بارتباك صووب الطاوله و يلس فيها

زايد : السلام عليكم
ميروه طالعته من تحت الغشوه و ردت نزلت راسها

زايد و هو يحرك تلفوونه بارتباك و قبل لا يرمس لمح شمووه يالسه عدال محمد بمياعه و قدامهم عوويش و صوت ضحكها واصل لاخر العالم

هني فار دمه و علطوول سار صوب شما و مطها من كتووفها و خوزها عن الكرسي

شما فجت عيونها " يا ويلي يا ويلي "

محمد نش و وايه زايد

محمد : مرحبا الساع
زايد : مرحبتين ويينك يا ريال ما تنشاف
محمد : تعرف عاد مشاغل الدنيا يبالنا نسوي جمعه شباب نتجمع فيها
زايد : و الله فكره حلوه

عوييش نشت : هلا زايد
محمد طالعها بعصبيه من طريقه كلامها
زايد بانحراج : أهليين

زايد : عاد اسمحولنا بناخذ شما منكم
محمد " فكككككه " : أفا عليك أختك ما يحتاي تاخذ اذن منا

و مط شما و هو يقول : امشي حسبي الله عليج من بنت فضحتينا عند الريال

شما : شسويت
زايد : شسويتي ها دواج بعدين انتي فالبيت انقلعي عند البنات لا ردج الله

شما : أووووف

و رجع زايد صوب ميرووه اللي زادت عصبيتها من موقف عايشه

زايد بارتباك أول ما يلس نسى شما و طوايف شما : السموحه عالموقف فالسياره و على عصبيتي الزايده
ميرووه باستهزاء : هه على شو و لا على شو

زايد : ا عاد خلاص السمووحه و حقج علينا بس انا اعصب بسرعه
ميرووه ما تحب ترد حد يعتذر لها : خلاص خلاص رضيت بس لا تعيدها هههه
زايد " يالله ما اطيبها " : هههههههه تامرين أمر من عيوني

ميرووه و هي تنزل راسها من الاحراج : تسلم لي عيوونك

و فهاللحظه وصل مسج لميرووه

و هي تدعي انه ما يكون من الرقم المجهول هي مب ناقصه

و أول ما طالعت الرقم : لا لا مب الحين مب وقتك و علطول فرت التلفون حتى بدون لا تقرى المسج

زايد بشك : من من ؟

ميرووه بارتباك زايد: ها لا لا مب من حد ماعليك منه

و وصل مسج ثاني بعد

هي كانت واثقه انه من نفس الرقم

فعلطول شلت شنطتها و قالت : أنا برووح الحمام

زايد يحاول يكتم عصبيته : هاتي التلفوون
ميروه : لا ليش ؟؟
مط زايد منها الشنطه و فتح المسج و اوردي فتح المسج الاول



" خذني على ميعاد اللقاء عشاق
نحيا بضم الشوق وندفي اشفاهنا
نصير مع اصحاب الفرح بعناق
ونحجز كل يوم ميعاد اشواقنا "


المسج الثاني
أحبج ميراني اشتقتلج دقيلي يوم بتفضين "


زايد طالع ميراني بعصبيه و غيره فظيييعه كان عادي يقتلها فهاللحظه

*~ .. الفصل ال خ امس .. ~* < < لعيون ميثاني

.. و الاوضاع مشحوونه عند زايد و مياري ..

زايد بصوت عالي و فايده الفون : يالصايعه يالحقييره و مسوتلي فيها شريفه قولي من هذا لا اكسر راسج الحين

ميراني ارتبكت من صريخه و الناس كلهم تجمعوو عليهم قالت بصوت واطي بس فيه كل العصبيه : أووص لا تكمل أنا شريفه و اشرف منك و من طوايفك يالشيخ

زايد تم يصارخ : لا تكذبين لا تكذبين أنا كشفت كل شي و عرفت ك ....

هني قاطعووه البنات و سارووه قربت صوبه

ساروه بصوت خفيف : زايد زايد هدي الناس بدت تتشمت فينا تفاهمو فالبيت

زايد لف صوب تجمع الناس و قال بعصبيه : نعم فيه شي يلا كل واحد على شغله
و لف صوب البنات : انقلعن لا بارك الله فيكم يلا

هني البنات كلهم تجدموهم و تمو يمشون بسرعه صوب الباركنات

و ميراني تمشي و تحاول تمسك دمعتها

% ميراني %
" لا مابا اضعف مابا اضعف مب انا اللي اضعف .. الله يسامحك يا زايد لا حشمتني و لا حشمت اني حرمتك .. الحين انا صايعه و حقيره .. بس ما عليه انا براويه من ميرووه "

% زايد %
" لا لا يعني انا طول المده مخدووع فيها لا مستحييل ما عليه انا البنت بطلقها مب مستعد اخذ وحده ما حشمت هلها و راحت تصييع و ترمس شباب .. لا و بعد تقولهم اسمها "

% شماني %
" أميييه يا ويلي يا وييلي اكيد بيعق كل حرته عليه فالبيت .. كله منج يا عووويش حرام عليج خربتي بيتهم اكييد سوت اللي تباه .. الله يهديج "

نرد حق عواش و محمد

عويش أول ما شافت الموقف ابتسمت بخبث و استانست مووت

محمد : أفففف فكه ما يغت ترووح
عوييش : محمد انا بروح الحمام " أكرمكم الله " و برد أوكي
محمد : اترياج

و راحت صوب الحمام "اكرمكم الله " و علطول دقت حق علي

عويش : فديتك فديتك فديتك ما تقصر
علي شاف عمره : أفا عليج كل شي لعيوونج بسويه
عويش : تسلم حبيبي
علي : عاد يالله ابا الجايزه
عويش : بدون لا تقول موافقه
علي : أممممممم أبا اشووفج
عويش : بس جي من عيووني
علي : فدييت عيونج انا
عويش :يلا عيل بخليك علاوي
علي : فداعه الرحمن حياتي
عويش : مع السلامه

و سكرت منه و هي مستانسه

" و اخيرا و اخييرا زايد بيكون لي "


.. نرد حق دار الغرب .. أمريكا ..

بس في بيت مهاو

بنتعرف على عايله مها

أبو مها : جاسم رجل اعمال عوود و له كلمه مسمووعه .. فري يعني و يتنقل من بنت لبنت فامريكا بس يحب مها وايد و يدلعها كل ما يشووفها لان هوو نادر يشوفها بسبب شغله و البنات

أم مها : جيني .. أمريكيه عايشه حياتها فري و ما تهتم وايد بعيالها يعني حياتها و بس متبعه سياسه ... نفسي نفسي ....

مطر : عمره 25 ريال خربان و عايش حياته فامريكا صايع و راعي بنات و سكيييير و ياخذ من صفات امه

مها : 20 سنه اممم ما اثرت فيها امريكا و لا هم يحزنون مع انه محد رباها بس هي بعدها محافظه على عمرها لانها ثقفت عمرها من ناحيه الاسلام و الصلاه وغيره و قرت كتب و ساعدها ابوها لان امها مسيحيه و ما تعرف شي و هي ما جربت حد يعلمها خصوصا انها رابيه فامريكا و عندها جواز امريكي

ردت مهاو البيت و هي مستانسه و لقت امها ترمس فالتلفون مع ربيعاتها

مها : hi mom " أهلا امي "
أم مها : hi baby " أهلا طفلتي "

و رقت فوق صوب غرفه ابووها عسى تلاقيه و صدق لقته

مها و هي تنقز عداله : باباتي
أبو مها : هلا بنتي هلا دلوعتي شحالج اليوم ؟
مها : و الله مستانسه وايد بابا اليوم شفت سيف اللي خبرتك عنه قبل
أبو مها : هي ذكرته أخباره
مها : و الله تمام .. هي صح نسيت أقولك بنرووح رحله حق امريكا الشماليه عقب كم يوم
أبو مها و هو يعطيها فلوس : استانسي هناك يا بنتي و لا تقصرين على عمرج بشي
مها و هي تحب راسه : علني ما خلا منك بابا

وطلعت و لقت فويها أخوها مطر و علطول قفت عنه و سرعت صوب غرفتها

مطر و هو يربع وراها و يمسكها
:صبري شوي

مها و هي تبعد يده بتقزز : بلييز مطر بعد عني

مطر : لا اله الا الله الحين انتي بتكملين اسبووعين مب مكلمتني عشان شي ما يسوى

مها بصراخ : شي ما يسوى " و تطيح دمعتها " انت ما تحس هذا شي ما يسوى ما تعرف شعوري و انا اقى اخوي عزوتي اللي المفروض يحافظ علي و على سمعتي يحاول يعتدي علي

مطر تنرفز بس صدق كسرت خاطره : بس انا ما كنت في وعيي انتي تعرفين اني كنت سكران

مها و دموعها تطيح أربع اربع : لا لا يا مطر مب اول مره تسويها و انت شارب هالسقم انا ما قووول الا الله يسامحك الله يسامحك يا مطر

و ربعت صوب غرفتها و هي تصييح دم

أصعب شعوور تحس فيه البنت يوم تشوف اخوها عزوتها سكران
أصعب شعور يوم تشووف ابووها يرمس بنات و يتغزل فيهن قدامها
أصعب شعور و هي تشوف امها تطلع مع ربعها و ربيعاتها و لا فكرت تطلع معاها
أصعب شعور يوم تشوف امك و ابوك متزوجين بس و لا كانهم متزوجين كل واحد في عالم
أصعب شعور يوم تعرف انه اخووك ضايع فالدنيا و انت تصفق يدينك
اصعب شعور يوم تشوف اخووها يحاول يعتدي عليها

اه يالدنيا لين مى لين متى بتم ضايعه بدون حد يواسيني و افتخر فيه

متى بس متى

و قربت صوب سيادتها و فتحتها ثم يلست فووقها و يابت القران و تمت تقراه لي ما حست عمرها ارتاحت سكرت القران و راحت ترقد

هذي حالتها و هذي حياتها كل ما تحس عمرها متدمره ما تلقى غير القران و السياده يواسونها فحزنها تشكي و تشكي لربها ترا الشكوى لغير الله مذله

ياربي اشكيلك بحالي...شكوى لغير الله مذله
::
لو مر وقت(ن)ما صفالي...محد(ن)بيسعفني سوى الله
::
يا ربي يا اتعبني سؤالي...يا عالم (ن) بالامر كله

... عند مياري و زايد ..

وصلهم للبيت و هو ماسك عمره

و اول ما نزلوو راح صوب ميراني و مطهامن يدها و راح صوب الصاله و سكره الباب

ميراني و هي تتالم من مسكه يده بس ما يوصل جرح قلبها : اي خلني يالحمار ودرني
زايد و هو يشد على يدها و يفرها عالارض : جب يالحقيييييره هي اكيد بتشوفيني حمار و هالصيع يترسوون عينج صح
ميراني يت تبا ترد عليه بس مسكت عمرها
زايد و هو يقرب صوبها و بصراخ : قوووليي قووولي من هذا اللي ترمسينه .. رمسسي

ميراني و هي تنش بقووه مب طبيعيه و قالت بصراخ : قلتلك و الله ما ارمس حد و ربي هذا من زمان يطرش مسجات بس اعطيييييه طاف

زايد بنرفزه و هو يشوف الصدق بعيونها : لا تحلفيييين باسم الله الله عزيز عن هالاشياء تقصيييين علييه انتي شايفه مكتووب عيبهتيه حمار ما افهم لوو مسجات بدون شي بصدق لاكن مسجات و فيهن اسمج و احبج و من هالخياس هاي وين اصرفها انا

ميراني : و الله و الله بريييييئه شدراني انا من اللي مسلطه علي و ربي ما عرفه يا ناس ما عرفه

زايد : و الله لو ما وقفتي جذب يا ميرووه و قلتي الصدق بتشووفين شي ما شفتييه فحياتج و الله لسوييلج فضيحه ما صارت و لا استووت

ميرراني خلاص وصلت حدها من الصبح تحلفله ما يفهم : تبا الصدق صح انا قلتلك الصدق و ما صدقتي لانك تبا الصدق غير هالكلام خلاص بقووول اللي تباه هي اعرفه و ارمسه و ارمس مليوون غيره و اعشقهم كلهم و كلهم ترسووو عيني الا انت مب هذا اللي تباه هذا اللي تباه صح

زايد بدوون ما يحس عطاها كف من الخاطر رد طيحها على الارض

ميراني بصوت يالله ينسمع : تضربني تضربني يا ززاييد

زايد : اضربج و اضرب اشكالج يالخايسه بس ما علييه ان ماربووج هلج انا بربيييييج

" و يا بيضربها مره ثانيه .. قامت ميره بقووه و مسكت يده "

ميراني : هاي الخايسه اللي تقوول عنها حرمتك مقيووله كلنن يرا الناس بعين طبعه و اييدك هاي اكسرها قبل لا تضربني فيها فاهم هليه ربوونيه احسن تربيه و الرب شاهد مب محتايه شهادتك و اذا ما تبانيه طلقنيه مب مستعده اخذ واحد يشك بشرفي و عرضي

زايد فج عيوونه و انصدم من قوتها اللي يتها و انصدم اكثر يوم سمع كلامها اللي يبين فييه الصدق و لوو ما شاف اسمها فالمسج كان بصم بالعشر انها اشرف و اطهر وحده فالارض بعد كلمتها بنت ريال بس مب انا اللي تخدعني وحده بكلامها

زايد بخاطره : ما بتخدعيني يا ميرووه بكلامج و نظره عيوونج

و قال بصوت عالي : ما عليه انا بحطج على ذمتيه بس عشان خاطر عمي عن الفضايح و كلام الناس لان العرس بعد اقل من اسبوعين و الا انتي ما هميتيني .. بس تلفوون تلعبين لعايبج فيه ماشي فاهمه

ميره : فهمت خلاص و التلفوون شله ماباه فكتين .. بس بييك يوم و بتندم يا زايد صدقني بتندم على كل هالكلام اللي قلته في حقيه و حق هليه

زايد راح و شل التلفون من شنطتها و ظهر

ميره طاحت عالارض : اه و يلست تصييح و تصييح دموعها اللي كانت حابستنها من ظهرت و تصيح شك زايد حببيب الروح

.... طلع زايد من البيت و هو عايف عمره وصل قوم هاري بيتهم و نزل شمامي و سارووه البيت و ظهر صووب البر حتى انه نسى سالفه شمامي أو بالحرى ما تفيق لها ....

عقب يوومين
... يووم مهم حق نووره بالذات و تعد الثوواني تتمنى توقف و لا يصير هاليوم بس ليس كل ما يتمناه المرء يدركه ...

لبست كندووره حمرا و رفعت شعرها الطويل و سوت قلووس و جحال و اي شدوو احمر و طلعه جنان

راشد دخل عليها و هو يصفر : اووه اووه ماروم عالكشخه انا عطينا ويه انزين

نواري لفت صوبه و ابتسمت ابتسامه هاديه و ردت تعدل عمرها عدال المنظره

راشد و هو يشووفها من فووق لتحت و يقوول فخاطره : و يقوولوون لي خذ غيرها حد يودر القمر و يرووح عند النجووم انا عندي النوري و تكفيني عن الناس كلهم

نواري و هي تلف بعمرها بعد ما خلصت كل شي و تحاول تضحك : ترالارلا شرايك فيني

راشد : اه غرام غرام تعقين الطير من السما

النوري استحت : ههههه عاد مب لهدالدرجه

راشد بصدق : و الله و الله انتي لييش ما تصدقيني و ربي كنج تقوولين للقمر قوم بيلس مكانك

النوري حمرت و قالت و هي تماه يمدحها اكثر محتاجه باور حق اليوم : هههه لانهم يقوولوون السباله بعين زوجها غزال

راشد : افا اففا من يقوول عنج سباله اقص لسانه انتي النوري و مب اي حد

النوري : ههه تدري انك الوحيد اللي تقولي النوري

راشد و هو يقرب صوبها و يطالعها بهيام : وهذا المطلووب

النوري : هههههه بعد بعد ورانا عزيمه نحن
راشد بووز : امحق عزيمه
النوري : ما عليه حبيبي شنسوي بعد يلا ننزل
راشد و هو يمسك يدها بتملك : يلا

... عند سلامي ...

أونها يالسه فالحجره تدرس و هي ترسم و عقلها عند اللي شافته من زمان

سلامي : هههههه أسميني شرشحته من الخاطر يحليله بس صدق من هذا !!

و قامت و هي ملانه من الصبح تدرس و دقت على ربيعتها علايه من رقمها اليديد

سلامي و هي تغير صوتها كنها ريال : ألوو مرحبا
علايه : مرحبتين اخويه .. أمم شكلك مغلط بالرقم
سلامي أونها ريال : لا لا مستحيل مب انتي علايه
علايه فجت عيوونها : نعممممممممممم و انت من وين تعرفني الشيخ
سلامي " الريال " : أفا افا مسررع ما نسيتيني
علايه بخوف : لا لا ابوويه مغلط و يليت ما تدق عهالرقم مره ثانيه

و سكرت التلفون فويهها

سلامي بصوت عالي : ههههههههههههههههههههههههههههههههههههههههههه

هني سالم دخل عليها : الهم سكنهم مساكنهم بلاج تضحكين برووحج كنج ينيه
سلامي : ههههههه لا ههههه توني مسويه مقلب فربيعتيه هههههههههههه
سالم و هو يقرصها من ذنها : و انتي ما تتووبين من هالمقالب شو مسويه بعد

سلامي : هههههههه اي اي اذني ههههه " و تتذكر الموقف " ماشي بس خليت عمريه ولد و دقيتلها هه

سالم : ههههه الله يخسج يا سلاموه ما تودرينها حركاتج هاي
سلامي : فدمي هالحركات هع
فحالحظه دق تلفوون سالم و اول ما شاف الرقم ارتبك و قال : ام أنا برووح الحين اشووفج بعدين يالسكنيه باي

و علطوول طلع

سلامه : لا حوول بلاهم هل البيت كل واحد فعالم خلني ادرس احسن لي ورا باجر امتحاني .. يالله توفقني فدراستيه

و فتحت كتابها و تمت تحاول تدرس و تشد على عمرها عشان تييب نسبه ترفع الراس

.. في امرييكا ..

سيف : يالله هانت باقي 3 أيام عالرحله
سلطان : هههههههه مستعيل عشووفه مها
سيف: جب جب
سلطان و هو يقرب صوب سيف : قول الصراحه حبيتها
سيف و هو يلف صوب سلطان : اممم ما عرف
سلطان : ههههههه كيف بعد ماعرف
سيف : مادري بشوو احس يوم شوفها احس قلبيه بيطلع منيه بس بعدني مب متاكد من الحب
سلطان : الله يعينك دامك ابتليت بهالمرض يالله نرووح
سيف : يالله

.. و نرد حق العزيمه ..

نزلوو راشد و نوره و كانو مستانسين و الكل يحسدهم عالحب الي يجمعهم

راشد و نوره : السلام عليكم
حمده و امها : و عليكم السلام والرحمه

حمده بدلع : شحالك راشد ؟؟
راشد بدوون نفس : بخير الحمد الله و من صوبج
حمده : والله يسرك حاليه الشيخ
نوره و هي تتمسك براشد : شحالج خالوو ؟؟ شحالج حمده ؟؟
حمده بدون نفس : بخير
أم حمده : و الله تمام بشوفتكم .. تعال راشد ايلس عداليه

" نوووره هني تنرفزت هي تدر ان ام حمده تباه ييلس عدالها عشان حمده عدالها من الطرف الثاني و بصراحه حمده كانت طالعه حلوه يعني لابسه تنووره و قميص ازرق قدام راشد و لا تستحي و مسويه ميكب ازرق "

راشد و هو حاس بنووره : لا انا بيلس عدال " حرمتي "

و راح و يلس هو و نوره بكرسي برووحهم

نوره ابتسمت لراشد بامتنان و قالت بصوت خفيف : علني ما خلا منك
راشد : و لا منج

أم راشد : تعالي يا حمده فديت هالزين انا
حمده مسويه عمرها مستحيه : تفدتج العافيه .. و شددت عالكلمه " عمتيييييه "

نوره مسكت عمرها لا تقوم تمطها من كشتها متعمده تتدلع عدال راشد

رن تلفوون راشد فهالحظه و استاذن و قام عشان يرد عالتلفون
حمده : عمتيه انا استاذن شويه برووح الحمام " اكرمكم الله "

أم راشد : رووحي فديتج اذنج معاج

و رووحت ورا رشد و هي متعمده تبا تيلس معاه بروحهم

حمده و هي تقرب من راشد

حمده : راشد
راشد لف و هو مستغرب منها : نعم
حمده : امممم مشغوول
راشد : لا عادي شي تبين
حمده و هي تتدلع : أباك تطلعنا تودينا الموول لو ما عليك كلافه
راشد انصدم منها و حاول يبعدها : لا اسمحيلي الشيخه انا مشغوول هالايام
حمده بفقدان امل : أممممم خلاص خذ راحتك
راشد و هو يرووح صوب سيارته : يلا انا مرووح مع السلامه
حمده : فحفظ الرحمن

" نوره داخل قاعده تاكل عمرها من الغييظ يالله تخلي راشد لي يالله "

% حمده %
" أووف شكله يعشق نويير بس ما عليه ان ما خليتك لي ما اكون انا حمده بنت شوييخ "

بعد كم يوم

عند مياري و سلامه

ميره : أوووووووووووف تعبت
سلامي : ههههه محد قالج قلتلج وقفي هالكورس
ميره : لا والله ادرس طوول الكورس و على الامتحانات اووقف
سلامه الله يعينج
ميره : هي و الله صدق انكرفت بين تجهيزات العرس و الامتحانات
سلامه : كم امتحان باقلج
ميره : 3 و بعدها بيبقالي يومين و عقبها العرس أنا مادري على شو مستعييليين
سلامه : هه زيود مستعييل

% ميره %
" اه لا تفتحيين الجرووح يا سلامي عرسنا بعد اقل من اسبووع و هو ما فكر يراضيني امحق عرس في ذمتيه و الله لو امييه كان ما فكرت اجهز للعرس بس شا قوول غير الله يعيني "

سلامه : اييها ويين رحتي
ميره و هي تبتسم بصعووبه و تقوم : أنا برووح ادرس و عقب بنرووح الصالون و انتي بعد يالله سيري درسي
سلامه : أووكي سي يو

" امممم فهالايام الكل مشغول بالعرس و اولهم مياري اللي بالغصب تشل عمرها و تسير تشتري الثياب و غيره و ما استوت لها اي لقاءات مع زايد اللي معاه للحين التلفون و الله اعلم شو بيسوي فيه لانه مب متفيق لشي و عايف عمره من التججهيزات من ناحيه القاعه و الاكل و غيره "

عند زايد

أم زايد : ها بوويه رحت حجزت القاعه و لا بعدك
زايد بدون نفس : هي حجزت خلاص
سارووه بنغزه : ياحظك دامك بتاخذ شيخه البنات مياري
زايد و هو يلف صوبها بعصبيه من طاري ميره : لمي ثمج دام النفس علييج طيبه
شما اللي من هذاك اليوم تخاف ترمسو زايد موجود لا يتذكر حركتها : أمييه انا بروح اليوم عند المصمم بقيس فستاني
أم شما بحسن نيه : روحي فديتح الرب لج حافظ
زايد و هو يطالعها بنص عين : شما بالذات ما تطلع بروحها فهمتووني و يويلج ان شفتج لابسه بنطلوون بعدني ما تفيقت لج لكن دواج عندي بعدي
شما و هي منزله راسها : انزين و هي تقول فخاطرها " لووو الموت ما اودر البناطلين "
أم زايد : بلاك عالبنيه هدي هدي
زايد : انا قلتلكم و اذا شفتج مشبره برا البيت بروحج بحش ريولج حش
أم زايد : خلاص انزين لا تاكلها
زايد بنرفزه : أنا برووح
أمزايد : فداعه الله الغالي
ساره و هي تدري ليش هو مشدد عليها من ذاك اليوم و تقول فخاطرها " زين حد انتبه للي تسويه " : أنا برووح وياج استنيني لين اخلص دراسه
شما تطالعها و شوي بتاكلها قالت بقله حيله : أوووووووووووكي

.. في امريكا ..

dr. Jak : are you ready gays ??
دكتور جاك : هل انتب مستعدين شباب

: yes sear we are ready
: نعم مستعدين

dr.jak : let's go
دكتور جاك : اذا هيا لنذهب

سيف و هو يلف يمين و يسار و يقول حق سلطان : وينها ما يت ؟؟
سلطان : يمكن يتها ظرووف و ما بترووح الغايب عذره معاه
سيف تنهد : يالله عيل رحنا

وركبو الباص اللي بيوديهم للقطار

و قبل لا يطلعون بدقايق شافو طيف بنيه يايه بسرعه

هني سيف ابتسم و كنه بيطير من الفرحه تعرفوون يوم تحسون بفقدان الامل يعني شي كنتو تتريونه من زمان و اخر شي قالولك خلاص ما بيي و فلحظه تشووفه قدامك هذا الشعور اللي كان يحسبه سيف

maha : sorry am let
مها : أسفه تاخرت

dr.jak : no problem baby next time hurry up
دكتور جاك : مب مشكله لكن المره اليايه استعيلي

maha : ok sear
مها ابتسمت : ان شاء الله استاذ

سيف : ههه توج تفيقتي كنا بنروح عنج
مها :شسوي لين يا داد و سلمت عليه و عقب روحت
سيف : يالله المهم ودعتيه هي الا اليوم و بس ما يسمونها رحله بس يالله شي احسن من لا شي
مها : هيه صدقك المهم بنرفه عن نفسنا

و نزلو و راحو صوب القطار و ركبوو و ما بقا مكان لمها الا قدام سيف و سلطان يعني مقابلتنهم

مها و هي تبتسم : عادي ايلس
سيف و سلطان : أكيد

و من يلست لفت للدريشه و تمت تشوف المناظر مب مستحى من سيف و لا شي بس تفكر بحياتها المتدمره و حياه مطر خووها

طبعا سيف و سلطان استغربوو من الحزن فيها سيف حس بان لها قصه طوووييله تحكي معاناتها من نظره عيونها الحزينه عشان جذي احترم سكوتها و ما حب يزعجها

وصلو للمنطقه اللي محددينها و كانت عباره عن بحر للتسليه يعني يايبينهم عشان يريحونهم شوي من الدراسه و عقب بيردوون