" ابسألك وش هو الشبه بين النهاية و الأخير ...كلها نفس المصير "

في تلك الليلة ..
بندر دخل متضايق مره والدنيا صافقته هموم ...
سلم ببرودة ...
وشاف زينة عند امه تحكي عليها وتقرا عليها ايات .. تعتليه نظرات غريبة جدا
زينة شافته معصب وخافت تسأله عشان مايكرشها ( يفشلها )
دخل وجلس في غرفة امه يشوفها ويجلس عندها
زينة بصوت مرتجف خايف : تعشيت ......
بندر ساكت بعدين قال: مالي نفس...
زينة تفرك اصابعها : ليش عسى ماشر ...........
.. بندر عصب وعطاها نظرة اخرستها وصوته عالي شوي : مايجي الغالين الشر ان شاءالله
زينه خافت وتمسكت في ام تركي من غير شعور...

بندر طلع غرفته فوق ..
زينة دموعها طلعت تلقائيا وماحست إلا بلمسة حانية من ام تركي تضمها لصدرها وتبكي معها
زينة طول الليل عند ام تركي تضمها ا لانها معها حست بحنان الام اللي ماقد حسته ابد

بندر طول الليل ذبحه التفكير والهموم زادت على راسه
جلس في مجلس وقال له واحد للحين ماجبت عيال صح ...( طبعا اللي قاله كان يكره بندر )
بندر : الله كريم اللي عند ربي قريب ان شالله ...
الرجال : أي بس ماظن فيك ظنى ( خلفه )
وضحك بمسخره على اسلوب ساخر لاذع ينم عن تخلف ذاك الشخص
بندر تضايق كثير من كلام الجزمة ذا بس عاد كيف مافكر اهو بهالشيء
" بس التحليلات اثتبت اني قادر وحتى زوجتي قادرة بس مادري ليش اكيد فيه مشكلة وخمن 80% انها منه "
-
-

زينة حبت تتطمن على بندر طلعت له فوووق وطقت الباب بهدوء ...
بندر كان جالس على الاريكة البوربل ....
زينة تحاول تكتشف وش فيه : احط لك عشاء ؟
بندر يناظرها ويحدق فيها بتركيز
( يالله على رقة هالانسانه على كثر ماسويت فيها إلا انها واضح انها تحبني تداريني جايه تسألني ابي عشاء او لا )
بندر رفع نظرته : ايه وهاتيه هنا ....
زينة بتردد و خوف : بس ممكن تنزل لأمي تحت تبيك تحاتيك من قبل شوي لانك منت على بعضك قبل شوي
بندر بإستغراب وتقرف : امك هنا متى شرفت ووش تبي فيني ..؟
زينة بحزن تحس ببرودة فظيعة : امي منيرة ( رفعت عيونها عشان تداري دمعتها) قصدي عمتي ام تركي ....
بندر بإبتسامه فيها خبث : ايه اشوى على بالي امك مضاوي هنا ..
زينة بحزن نزلت راسها : ماتدري عن امي وشلونها؟
بندر وهو واقف بينزل لأمه : لا مادري عنها اكبر همي اسأل عنها

زينة تضايقت من كلامه وطلعت تداري دمعتها اللي انولدت للتو .......

" نزل بندر لأمه اللي كان في عيونها نظرات لوم و عتاب لإنه زعق على زينه وكأنه يحس بامه توصيه على زينة ......."
مسك يدها واعتذر من امه وبوسها..
زينة قطعت عليهم : الاكل جاهز .......
وبوست راس ام تركي وقالت : تصبحين على خير
وطلعت
ام تركي تراقبها لين طلعت واهي تدعي لها بينها وبين نفسها...
"
"
زينة جالسة في غرفتها تقرا كتاب فجاءة دق جوالها ناظرت فيه ما تعرف الرقم .. بعدين ( طوط طوط) صوت مسج فتحت المسج وإذا من بدر اخوها وبعدين ...

مفاجأة
"
"
" اخيرا تذكروني اهلي "
وشوي دق بدر..
بدر : هلا زيوووون
زينة الدمعة بعيونها : هلا بدر كيفكم ...
بدر : بخير انت كيفك مرتاحه يالغلا ..؟
زينة : بخير وحشتوني (تتكلم بصوت عالي )
بدر : ههههههه وجع فجرت اذني ترانا بالرياض وش فيك تزعقين
زينة : واو صدق ليش ماقلتوا لي ؟
بدر : وانا وش اسوي الحين ذا انا في المطار داق عليك ...يلا اسبقينا للبيت
زينة بحماس فظيع : ان شالله ....
زينة قفلت من بدر ( رجعت لها الحياة )
ونزلت طايرة لبندر اللي كان طالع مع الدرج صدمته الهبله من زود الرباشة
( تخيلوا في نفس مكان الصدمة اللي اول مره حبوا فيها بعض )..
عيونهم تلاقت
وقلوبهم نبضت بقوة
بلموا ساعه كاملة يناظرون بعض حتى مابعد ابعدوا عن بعض مازالوا قريبين من بعض
بندر قطع الموقف: بسم الله الرحمن الرحيم مين اللي يلحقك ؟؟ لا تكون صحت نسرين
زينة : ههههههههههه
بندر يناظرها بدهشه جملت عيونه العاشقة بعصبية : خير ان شالله احاكيك وتضحكين وش فيك طايره متى بتعقلين هاه ؟
زينة واهي تبتسم : ابشرك عندي لك بشارة
بندر يتأمل عيونها : ماظن ان علومك تبشر بالخير بس هاتي اشوف
زينة تبتسم بقوة تغطي إرتباكها : لا ذالخبر بالذات بيطيرك السماء
بندر بدهشه : وشوووووو طيب
زينة صرخت بفرح : فرجت ابوي وبدر اخوي في الرياض
بندر انصعق وحزن بنفس الوقت : بسم الله عليك اكيد انت محمومه( حط يده على جبينها)
زينة : ههههههه والله العظيم بدر توه مكلمني من المطار خلاص ابشرك بفارق عنك خلاص اهلي وصلوا
بندر تكدر ولا وضح عليه : جد والله الحمدلله على سلامتهم....
بندر مر جنبها وطلع فوق غرفته ..
زينة ناظرت فيه : بندر ماعليش تقدر توصلني
بندر : عفوا ..؟
زينة بتردد : ودي اروح الحين ..؟
بندر وهو ماشي : لا خليه بكره ...
زينة : لا بدر يقول اسبقينا في البيت
بندر : اها طيب بتروحين وترجعين صح ...!
زينة ببراءة : لا ابشرك ارتاح لا تخاف ما راح ارجع
بندر التفت بحزم : صادقة او تتريقين ...!!
زينة ناظرت تحت : لا صادقة انتم ماقصرتم معي خلاص انا الحمدلله اهلي رجعوا صار لازم اروح لهم .....
بندر وقف قدامها : ايه بس امي تعودت عليك تعرفين ماتأكل إلا منك ..؟
زينة ( انقهرت ياغرورك يابندر امك بس وانت طيب وإلا تبي الفرقى اليوم قبل بكره ادري ومتأكده ) ...
زينة سكتت ولا قالت شيء......
زينة طلعت غرفتها ولمت اغراضها كلها وجمعت الصور وكل شيء
بندر كان جالس يناظر فيها ويتألم من قلبه لانها يحبها للحين ولاراح يحب بعدها
بندر : بتسافرين او تجلسين هنا بالديرة يعني ؟
زينة راسها كله في الدولاب تجمع اغراض: مادري اذا سافروا اكيد بسافر وش يجلسني بعد
بندر : اها طيب اذا سافرت هنا بتتحجبين او لا زي قبل ...

( زينة انجرحت وش فيه ذا قاعد يذكرني بالتغيرات اللي سواها في حياتي )
زينة سكتت

بندر قرب لها ومسك جلابيه طلعتها اخذها من يدها : على فكرة ماعليش نأجل موضوع الطلاق شوي..؟
زينة ناظرت فيه وقلبها ينزف : ليش ذي الفرصه دام اهلي هنا ..؟
بندر شخص عيونه على عيونها : بس امي تعبانه اخاف تتعب وانت تشوفين ماحد عندها نسرين الله يهديها لنفسها واميرة فيها الخير بس متزوجه ومستحين نأخذها من زوجها كل يوم ..........وحتى انا اذا تزوجت يبي لزوجتي وقت عشان تتأقلم على وضع امي ....

" قالها و نظراته ليست مفهومه قاسية عاشقه غامضة حزينة باكية مختلطة "
( زينة دمعت عينها لانها تكره الفراق كثير وحزت بخاطرها انه يتزوج غيرها كبيره والله كفاية تحطيم يابندر )
بندر يمشي صوبها و مسك خصلة من شعرها : وش تعتقدين الحل .........؟
زينة تبعد يده : مافي حل كل شيء متفقين عليه ..
بندر شدها مع يدها : بس الوضع تغير الحين
زينة بنظرات عاشقة جريحة : اتركني خلاص اهلي هنا كفايه تجريح كفاية اهانات الحمدلله عزوتي و سنايدي وصلوا مو زي اول خلاص لاعاد تضربني مره ثانيه
بندر يناظر فيها ويبتسم : اوكي انا مقدر اضربك تدرين ليش..؟ ( نظرته جنان عذاب)
لان امي احس بعيونها انها توصيني عليك ..... بس انت انانية لانها تعلقت فيك وحبتك واليوم راح تتركينها

( هو بالضبط ماندري يتكلم عن نفسه او عن امه )

زينة : خلاص يابندر شبعت اهانات شبعت منتك وغرورك وكبرياءك مليت بالعربي اطلق سراحي الله يريحك دنيا واخره ......
-
-
راحت زينة لبيتهم ونظفته بندر كان يناظرها يتأمل ملامحها لانه مايدري ليش حس انهم بيفترقون الليلة..
زينة بتقطع الموقف لانها انحرجت من نظراته : اقوووول وش رأيك فيني صايرة اعرف اشتغل ؟
بندر بلؤم : عشان تعرفين قيمتي بس انا اللي علمتك
زينة نزلت راسها : ماقصرت والله معروفك على راسي من فوق
بدر بروحه المرحه : لا وتتغازلون في بيتنا بعد صدق من قال اللي اختشوا ماتوا
بندر وزينه ضحكوا وتلاقت عيونهم بنظرات غريبة طابعها حزن الفراق
وسلموا على بدر وابوه
بندر و زينة عيونهم تلتقي مع بعض و فيها حزن كبير وشجن عنيف اتفقت حياتهم عليه واليوم موعد الفراق
زينة راحت غرفتها وضبطت اغراضها ...نزلت بعد ربع ساعه
بندر قلبه يننزف من جد ..( احبها اعشقها اموت فيها ياناس بس الشكوى لله )
اخيرا استأذن بندر بيروح ....زينة نبضاتها تلسعها بقوة ...

( معقولة هذي اخر مره اشوف بندر فيها دموعها كتمتها بعيونها )
بدر التفت لزينة : افا وانت ليش جالسه ورا ماتقومين مع رجلك ..؟

زينة واهي تضم ابوها : بنام هنا .....
ابو بدر : اذا رجلك سامح لك اجلسي هاه يابندر ..؟
بندر يناظرها بغموض شامخ : والله ياعمي لو الشور شوري ماتركتها بس عاد بنتك عنيده ههههههههههه
زينة تضحك مجاملة ( وش فيه ذا عندي يهزءني ويجرحني وعند الناس يدهني بزبدة )
دق جوال بندر ورد واهو بيطلع
وواضح من شكله انه انفجع ....
بدر وابوه فزوا وسألوا بندر وش فيه !!
( زينة كانت رايحه المطبخ تجيب لابوها مويا وطاح من يدها كأس المويا كانها حست بشيء قبض قلبها ) طلعت بسرعه وشافت بندر محيوس....
زينة مسكت كتف بندر من غير شعور : وش اللي صار بندر وش اللي صار ..؟
بندر بحيرة : زينة امي تعبانه ممكن تجين معاي نوديها المستشفى ...؟
زينة لبست عبايتها وطلعت من غير شعور وبدر لحقهم بسيارته ...
وصلوا البيت ولقوا داليا ونسرين عند امهم .. ( للمعلومية نايف في الشرقية و تركي في بيته )
زينة دخلت طايرة وشالت خالتها ام تركي مع ان نسرين حاولت تدفعها على ورا بس زينة دفعت نسرين بقوه وحملت امها
طول المسافه واهي تقرا عليها....

الساعه 2 في الليل

والخاله ام تركي داخله غرفة العلميات لها ساعتين تقريبا
بندر قلبه يضرب خايف على امه .... وزينة انهارت من البكى
وبدر ضاع بين بندر و زينة كل شوي يطمن في واحد منهم ... اخيرا طلع الدكتور وطمنهم على الوالده
/ زينة قررت واصرت ترافق معها/
بدر تطمن وطلع ... بندر جلس عند امه و زينة لين اذن الفجر ...
زينة : بندر روح نام وارتاح وان شالله انها بخير...
بندر : طيب بروح بس عاد اذا جاء الدكتور دقي علي خلاص لو يجي بعد ساعه دقي
زينة : ان شالله .
بندر تابع امه بنظرات حانية فظيعه و طلع
"

< تبا للحزن >

داليا كانت جالسه لوحدها طول الوقت وتبكي ماتدري وش اللي صار لأمها ... طبعا البنات عندها
الهنوف : يابنت الحلال اذكري الله والله توني كلمت بندر قالي انها بخير ..
داليا تبكي : هنوف ماشفتيها يوم تشيلها زينة ماتحس بشيء والله
ريم : والله العظيم اميرة توها كلمت بندر وطمننا قسما بالله وربي
داليا : ياربي احفظ لي امي يارب
الهنوف : إلا عمي وينه ماشوفه ...؟
ريم : وقتك انت الثانية هذا وقته ..
داليا : ياشيخه ابوي 24 ساعه في المزرعة ولا داري عنا إلا اذا فكر يقرر قرار غصب نسويه يتذكرنا ذيك الساعة...
ريم : طولي بالك والله يحفظ امك وابوك لك يارب ....
الهنوف : اقوول بنات عشان خاطر دلو بخربها وادفع لكم من حسابي الخاص يالله اطلبوا من أي مطعم ..
داليا بعصبية : وقتك انت امي بين الحياة والموت وانت تقولين لي اكل
ريم : خلاص هدي دلو
الهنوف : هذا جزاي ينقالي بواسيك ....
داليا : بنات والله مدري وش انا فيه لاحد يواخذني ...!! حتى اميرة ما ترد علي الحين
نسرين دخلت .... ريم نغزت الهنوف ...
نسرين بتعالي : ماجاك خبر عن امي ..؟
ريم + الهنوف يناظرون بعض لإنها جحدتهم ما سلمت خخخخ
داليا : اميرة دقت على بندر وطمنها
نسرين : اجل اميرة اللي عندها مرافقه ...
داليا تفكر : مدري لا اميرة كلمتني من بيتها قبل شوي......( ناظرت البنات) صح مين عند امي مرافق شكلي بروح انا ..؟
نسرين طنشتهم وطلعت ....
الهنوف تهمس لريم : قاهرتني والله ينقالها ماهيب معبرتنا يع ودي الفعها مع ذا الخشه اللي متغيره علي
ريم : ايه لاحظت شكلها مسويه عملية تجميل بحواجبها ...
داليا : خير انت واياها ...ليش ماتردون
الهنوف : نعم نعم انا اقول لو تروحين ترافقين عند امك ابرك وحنا بنروح معك نقول لخالد يدبر لنا واسطه من هنا من هناك ..
ريم : والله فكرة مش بطاله
داليا : احلفي بس انت واياها ...الحين يعني ماسمعتوني حاكيت بندر وقالي ان زينه مرافقه
الهنوف + ريم : زينه زينه ماغيرها
داليا : زينة مرت بندر ..
الهنوف : مرافقه عند امك
داليا : الله الله
ريم قامت : متأكده انها زينة بنت مضاوي
داليا عصبت : وجع انت واياها اسمها زينة بنت سعود او حتى قولي مرة بندر بن فهد
الهنوف تصفر : ياعيني ياعيني على الموود اللي ضبط بس متأكده انك داقه على بندر
داليا بعصبية : لا يمكن اني داقة على جون ابراهام او زايد خان مدري يمكن وش ظنك يعني
الهنوف : هههههههههههه لا يمكن داقه على سلمان خان ( رفعت حواجبها وضحكت )
ريم فطست ضحك ...
داليا : لا ياشيخه ذبحتوني بسلمان تراه ولد عم ليس إلا واذا عاجبك اخذيه ..
الهنوف : خخخخ وش ابي فيه والله انا عيني على اخوه المزيون اخ بس و طر ماي شسيت طررررراه
ريم : قلبت الفراعنة على غفله
الهنوف : لا احترمي نفسك انا اثقف منه
داليا : المهم تبون قهوة
ريم : بدري ههههههههه
داليا : يختي والله حالتي حالة اختبيت من اميمتي الله يعافيها
الهنوف + ريم + داليا راحوا المطبخ يسوون قهوه << كل هالوفد على دلة قهوة من جد يسمعون بالمطبخ خخ ياحبني لهم بس ...
-
-
" الحمدلله تحسنت صحة الخاله ام تركي بس كانت مصرة ان زينة تكون جنبها ترعاها وتداريها..رفضت داليا واميرة ..
زينة انشغلت عن حفلة ملكة اخوها بدر على إبتهال في انها ترعي خالتها في المستشفى
طبعا إبتهال اخر وناسه ومتجهزة للملكة من شهر تقريبا... وكل شي منظم "
-
-
الساعه 8 المغرب

دق بندر على زينة : هلا زينة اليوم شبكة بدر ليش مارحت للحين ؟
زينة : أي بروح بعد شوي الساعه 9...
بندر بحنية غامضة : مسويه بريستيج هههههه
زينة : حرام عليك اخوي الوحيدهههههه
بندر في لحظة يأس : اها طيب لو كانت شبكتي انا تحضرين ..؟
زينه تنهدت : اكيد لا وش يخليني اجي اصلا بسافر مع ابوي يعني استريح ماراح افكر ادمر الخطبه او شيء ...
بندر : ههههههه ياحبني لك والله انك طيبة مره
زينة : طيب هات اميرة او داليا عشان تصير عند خالتي .. لاني بروح
بندر : يجيبها هشوم لا شغل ولا مشغله بس مقابلها 24 ساعه
زينة : طيب دق عليه عشان يجيبها تستحي هي تقوله
بندر : اميره صارت تستحي مو معقوووول بس تدرين انا بجيها بجلس عندها انت توكلي على الله صح مين بيوديك ..؟
زينة : بدر بيجيني
"
"
زينة بوست خالتها وقالت لها : يمه ماعليش بروح شوي وارجع لك اليوم شبكة اخوي بدر ودي افرح له تعرفين امي مسافرة برى وانا بمكان امه ...
دخل بندر : ههههههههههههه والله انك مأخذه مقلب مكان امه مره وحده
زينة تبتسم : بسم الله متى وصلت مامداك توك مكلمني
بندر يناظر عيونها : ياذكية اكلمك وانا تحت عند باب المستشفى....
زينة : طيب شوف هذي ابرة خالتي
وناظرت فيه واهي تضحك قصدي عمتي
بندر : هههههههههه أي تعدلي
زينة تبتسم : لا تغلط في الابر واذا خربطت صوت على الممرضة
بندر : بالله عادي اصوت للمرضة ماتغارين ...
زينة تبتسم بثقل : خلاص احنا خالصين من هالموضوع..............
بندر : ايه صح طيب بترجعين هنا بعد الحفلة ....؟
زينة : ان شالله
بندر : لا تتأخرين
زينة : لا اعوذ بالله وش اتأخر اصلا بدر نظام امريكي مايحب يضيع الوقت
بندر : الله يوفقه
زينة : امين ...
بندر : و يوفقك انت بعد ...
زينة : امين ....
بندر : وانا طيب
زينة تبتسم وتناظر فيه : الله يوفقك .......
بندر : ههههههههههههه يمه واضح انها من غير نفس
زينة : بالعكس حرام عليك
"
"
راحت زينة شبكة اخوها بدر
كانت الحفلة مره حلوه ومرتبه بس نغص على زينه ان امها مو فيه ولاحظت نظرات الكره اللي يقابلونها فيها ماتعرف ليش بإستثناء إبتهال < --- تحس زينة انها ميب واثقه بنفسها من النظرات
ضي : مين ذي ياتغريد ؟؟
تغريد : وين الدبه اللي لابسه ازرق ..؟
ضي : لا يالهبله الحلوة اللي تأخذ ملامح من جويل بحلق ..
تغريد : أي ذي زينة اخت بدر بنت عمنا سعود زوجة بندر هي قطعة بس مغرورة ماتشوف الناس شي
ضي : ماشاء الله قمر تجنن .......بالعكس احس انها طيوبة
تغريد تجامل : أي حلوووه ماشاءلله و طيبة بالحيل
ضي كانت لابسة فستنا حمل ... جت زينة وسلمت عليهم جميعا وصدفت انها جلست جنب ضي
ضي : كيف الخاله ام تركي ؟
زينة تبتسم : الحمدلله ان شالله انها بخير
جت راما تركض لزينة وضمتها لانها تحبها مره وجلستها بحضنها
ضي : واو تحبك شكلها مره..؟
زينة : أي كثير نلعب انا واياها صح رمرم هاه عساك مبسوطة
-
-
نواف دخل المطبخ جايب القهوة ويهاوش لانهم تأخروا فتح الثلاجة واخذ كاس مويا وشربه دفعه وحده......
نواف : كرفني خالد اليوم هو وبدر البرنسييس وكل ذا على حساب ام لسان ابتهالوه
ريم : ههههههههه احسن يوم فرحك تكرفهم ان شالله
نواف بثقة : انسي انا ما راح اتزوج ابد
إلأا وبدخلة تغريد اللي سكتت نواف
: فضحتنا صوتك عالي حتى راما يوم سمعت صوتك بكت وراحت تركض بحضن زينة
نواف بلع ريقه بحسره : زينة هنا
الهنوف : وجع اخت بدر اكيد بتكون هنا ههههههههه
نواف : اخ ماقول غير ياحظك يابندر عرفت تختار اخ بس
تغريد : هههههههه يلا بس لا يكثر البنت متزوجه
نواف واهو يستهزء: شكلي بذبح بندر عشان اخذها هههههههه
ريم : اعوذ بالله الله يسترنا دنيا واخره والله ينحرك بندر زينة غالية عنده وكلنا ندري
نواف يناظر تغريد : ترى ابو الشباب هنا يسأل خالد تو يبي الشبكة الاسبوع الجاي
حمر وجه تغريد اللي انحرجت وطلعت ..........
ريم : ههههههههه عرفت وشلون تسكتها بس بدري ترى
نواف |: تقولين لي بالله وش اخبار زينة ...؟
ريم : احلف بس من جد ماتستحي على بالك نسيت حركتك فينا البارح يوم تخمك ام التكرن وتقل سنوات الضياع ...
نواف : الله يلعن شيطانك انا نسيت القهوة مالت عليك بسسسس
طلع يجر اذيال خيبته في الأمنية المستحيلة !
و بدر طبعا شاف إبتهال و لبسها الشبكة و جلس معها شوي وسط تنغصيات نواف و سعود .. والحفلة ككل كانت بيرفكت لولا اصوات البزران اللي شتت كل شيء خخخخخ
"
"
صوفيا شرفت وكانت لابسة برمودا ابيض على تي شيرت اسود سلمت على الجميع وجلست تهايط وتقول السعوديين والسعوديات....
دق بندر على زينة ............. طلعت عيون صوفيا من راسها من الحسد
زينة : هلا ...
بندر : وغلا
زينة تبتسم : نامت خالتي ..........
بندر : لا بس اشتاقت لك تبيك تددلل علي من تو اخر شيء شكلها زعلت حسيت انها تقول مافي مثل زينه
زينة قلبها ينبض بقوة : ههههههههه طيب ما راح اتأخر نص ساعه بالكثير واجي ان شالله

صوفيا ولعت حسد وغيره .... وكل الوقت تقز زينة من فوق لتحت

استأذنت زينة وراحت طلعت برى تنتظر بندر اللي دق عليها من 10 دقايق يقول انه عند الباب
زينة : سبحان الله طبعه مايتغير مايحب يصبر يطلعني قبل يوصل بساعه
شوي إلا ويكبس النور عليها
زينة ركبت
بندر يناظرها : هاه بشري كيف الاوضاع وناسه ..؟
زينة بحزن : الحمدلله وناسه
بندر لاحظ حزنها : وش فيك مكتمه طيب ..
زينة: مافيني شيء
بندر واهو يسوق : شوفي والله ان ماقلت اني لاطبل على الدرقسون ويصير اللي يصير بتركه واحنا في تقاطع خطر ...... << ياحب بندر لهيك حركات خخخ
زينة تبتسم : يؤ مافي شيء وش فيك
بندر ترك الدرقسون .. صرخت زينة .... بندر طايح شماغه يبي يخوفها
زينة بخوف ورعب فظيع : بندر وش فيك صار لك شيء..
بندر يضحك : للحين خوافة انت ههههه يلا قولي وش فيك ؟
زينة : بس تضايقت لان امي مو موجوده في شبكة بدر اخ ياقلبي الله يهديك بس
بندر : وانا على بالي عندك سالفة هههههههههههههه طيب مافي شي جديد يعني انت متوقعه انها تجي ........ زينة تناظر قدام : كنت متأملة.....

( غريبه علاقة بندر و زينة بعدما طاحت الخالة ام تركي صاروا يحكون مع بعض كثير ويضحكون مع بعض بس الاهم الرابط النفسي والعاطفي بينهم مرفوض ولا له أي قبول للحين )"""
""
"
طلعت الخاله ام تركي في السلامة وزينة جهزت اغراضها كلها وودتهم البيت ورتبت غرفتها وعطتها الدوا والحبوب ....

" والحين خلاص يازينة وش يجلسك الفترة انتهت والخاله تحسنتت موضوع الطلاق لازم ينفتح، بندر كبرياءه يرفضني وانا بعد ارفض اعيش بذل واهانه "
نامت الخاله وجلست زينة في الصالة مع داليا على التلفزيون ...
داليا : اقول زينة ما شفتي بنت تركي اخوي اليوم جت مع ابوها
زينة تبتسم : لا خساره بس اذكرها يوم كانت في المهد تجنن ماشاءالله
داليا : الخالق الناطق نسخه مني هههههههه
زينة : انت قمر والله إلا كيف اميرة ما مرت لها يومين عسى ماشر ...
داليا : يختي تعبانه مره يوم واحد بالاسبوع تصير نشيطة وست ايام ملازمة السرير
زينة : الله يعينها ......

دخل بندر
الجو يعزف اوتار القلق على جفون زينة
وطفش داليا شوي بتعليقه عليها اذا لبست العباية هههه
وطل على امه بعدين طلع غرفته يبي ينام
زينة لحقته وطقت الباب وفتحته

" كان بندر لابس فوطه بس لافها على جسمه توه اخذ شاور و معه فوطه صغيرة ينشف شعره فيها "
زينة دخلت وانحرجت يوم شافته كذى طلعت عشان مايهزءها بعد ويجرحها بكلامه..

بندر : خير في شيء ..........
...... زينة من خلف الباب بخجل : أي بحاكيك بموضوع
بندر : انزين شوي وجايك ...........

لبس بنطلون بس بدون بلوزة وطلع عندها في غرفتها
وقفت يوم شافته وانحرجت كيف بتكلمه وهالخبل كذى ...

زينة واهي تبتسم متفشلة : ممكن تروح تلبس عشان احاكيك زين واقدر اناظر فيك
بندر : ههههههههه مستحيه عادي حلالك ناظريني
زينة( أه يالجروح اللي تلسعني ) عيونها تحت : ادري بس الموضوع يبي اكثر جديه من شكلك كذى
بندر انسدح على سريرها .....
زينة : لا ياشينك لا تنام الموضوع جدي لازم تجلس..
بندر حط يده على رأسه و غرس يدينه بشعره : ادري وش بتقولين بس عشان امي مو عشاني اجلي الموضوع شوي ؟
زينة : لمتى ابوي وبدر بيسافرون بعد بكرة ولازم اروح معهم
بندر جلس وناظر فيها : تدرين انك للحين لئيمة ، كم مرة قلت لك لا تختارين الوقت اللي تفكرين انك تروحين فيه لاتفكرين انك بذالشكل تجبريني انا ماحد يجبرني فاهمه ... لا يكون على بالك اني بخليك عندي لان امي تحبك لا عيوني مو بندر اللي تتغير مشاعره بيوم وليلة انت خلاص مالك مكان (( ابتسم بخبث)) وناظرها
زينة وقفت عصبت بتطلع
بندر مسك يدها وقربها له ناظر في عيونها
زينة : بعد عني
بندر يناظرها بصمت غامض
زينة : بندر خلاص بليز
بندر : بتركك بس قبل ماتركك بقولك ..
زينة عصبت : بجد وقح

< منذ أن عرفتك و أنا أعرف أنك " قابل للضياع "
ربما لذلك...!!
صرت " ضد الإنكسارات" مهما تتابعت,,, ولمرات عدة !! >


(1)

عندما تدق الساعة ، معلنة منتص الليل
ينقلب فيها يوم " مات " ليوم اخر " سيعيش" في تلك اللحظة الفاصلة بين
< موت و ميلاد >
لا يهم شيء غير أن الأمل سيجتاح جزر الشخصيات الطيبة
و الحقد سينصب خيامه في فيافي رحاب الشخصيات الشريرة ..


نسرين تتأنق بدقة فائقة ....وهي ترسم الكحل استوقفت نفسها وهي تتأمل حالها في المراية
" كل ذالزين ولاني سعيدة ...غيري اقل جمال مني وسعيد بحياته ...غيري اقل مادية مني و سعيد....< نبعت فيها مشاعر غريبة جدا مزجتها بنظرة ما تطمن > إن ما كسبت الرهان ما أكون بنت فهد يا خالد اجل انا تعيفيني عشان وحدة غريبة .......( نسبتها لقبيلتها مع انهم من قبيلة وحده بس المقصود العرق اللي ترجع له في القبيلة ) وهنا نشوف مشكلة مستأصلة الجذور في المجتمع "
داليا دخلت تتسحب : نس نس انا بطلع عند بنات عمي طيب
نسرين وهي تحاول تضبط كنترول نفسها : ارجعي بدري لا تتأخرين انا مدري وش جايز لك مع ال..
داليا قاطعتها : ياليل رجعنا لطيري ياللي لا تنسينا نهم اهل عيالك ترضين احد يقول كذا عن عيالك ..
نسرين ابتسمت بغرور : عيالي غير لا تنسينا ني امهم يعني..
داليا واضح انها تكرنت خخ : لا يعني ولا يقول ....وعلى فكرة ترى فيه ثنتين تحت ملطوعات لهم ساعة يمكن
نسرين ببرود : تقولين لي وليش ما ضيفتيهم !
داليا وهي تضبط شعرها في المرايا : والله تعرفين هيك شخصيات ما اتقبلهم خير شر اووما ذي اللي ينقالها ام زكي ما هضمتها ابد يعني احس انها عبله كامل يوم كانت بشخصية " ريا"
نسرين بشموخ لا يضاهى : لا يكثر بس وارجعي بدري واترك حركات الناس البداوية شوي << يبي لها تصفيق وبقوة ^_^
داليا : ماراح اتأخر بإذن الله

نسرين طلعت تمشي بشموخ وخطوات مليئة بأحاسيس غريبة ولكن تتفق مظاهر الغرور على تلك الخطوات ...


جرت الخطى لحد ما وصلت عند ضيوفها ....

بعد الضيافة الأكثر من راقية والكلام الرسمي المتداول

نسرين : اسمعي ام زكي ابي منك طلب صغير ما راح يكلفك أي شيء وبالمقابل لك شيك مفتوح اكتبي فيه اللي تبين.!
ام زكي (حضرمية مع إحترامي لجميع الفئات ولكن هكذا تمت الواقعة ): شيك مفتوح معناتو تبين شيء كبير
نسرين بلؤم : اهو كبير كبير بس ما راح يكلفك أي شيء انت بالذات؟
ام زكي تتلفت : اش معنى انا
نسرين : لان قلبك قوووووي ( طقت كتفها ) قامدة اوي يعني
ام زكي بنظرات يعتليها الإستغراب : ايش المطلوب مني ؟
نسرين مسكت الشيك وحطته قدام ام زكي : برسلك لوحده حامل مواعيدها عند الدكتورة هالة ، اهي اكيد جاني خبر انها متنومه في المستشفى ابيك تتفقين مع بنت خالتك الممرضة ال.....( نسبة لمنطقتها ) مدري وش اسمها وتطقونها ابرة تسبب لها نزيف وتسقط الجنين ......وتذكري شيك مفتوح ( قربته لعيونها )
ام زكي بإسلوب اللي تطمع : اووووف ماتحسي ان الموضوع صعب شوي في حياة او موووت
نسرين بقهر تعدل ساعتها : ياشيخة اهي ماتستاهل اهي خطفت رجلي مني
ام زكي بنسبة ضئيلة من الخوف : بس اخاف يكشفونا
نسرين : لا ما راح يكشفون ابد انت متأثرة مره بالافلام العربية هههههههههه
ام زكي بإقناع : طيب ايش رايك نسوي لها عمل تتفرق مع زوجها؟
نسرين عضت شفتها : وش دعوه يعني ماحاولت بس تخيلي المشعوذة تقول عجزت و اللي ما تتسمى ملتزمة يعني صعبة شوي وذالمشعوذة اخذت مني ألالاف على الفاضي بس خرطي بس
ام زكي : لا شوفي ام هاجوس قامده اووووي وشغلها يصيب
نسرين بتقرف : لا.... بعد كيف تبيني انزل نفسي لهالمستوى هاه بتساعديني او لا !
ام زكي : انت تعرفين انا محتاجه فلوس كتير عشان راح ابني فيلا لي في جده بعدما طلقني السافل
نسرين : اخ الرجال خونه مالهم امان مايملى عيونهم إلا الجحود
ام زكي : ياعمري انت لا تخافي تشوفي اذا ماجاك ذاللي مايتسمى يترجاك ترجعين له هما الرجال كدا مثل الكورة تشوتيها وتجيك راجعه
نسرين : والله ماحد فاهمني غيرك كفك هههههههههههه
ام زكي : كم عندي من نسرين انا اعتمدي ياشيخه...يا أميرة الكل
نسرين : اوكي بس لازم احذر انتبوا ترى الزفت مرابط عندها 24 ساعه
ام زكي : لا تخافي بسوي نفسي زائرة عشان يستحي ويطلع
نسرين : لا فيه تغريد عندها تخيلي طايرين فيها وانا كانوا مايحبون يناظرون خشتي
ام زكي : غيرانين منك ياختي
نسرين رزت عمرها : أي صح من هالناحيه انا متأكده ميه الميه ............

(2)

عند جلسة الصبايا ...


قهوة ...صياني حلا ...شوكلاتات ... موكا اوردر طبعا ...شيبس و بيبسي << حوسه كثيره خخ

الهنوف برباشتها : بنات يالله القطه بليز ترا مانيب مكلوفة كل وقت بباشر عليكم ( تناظر ساعتها) الاوردر مابقى على وصوله شيء ..
داليا : ياليل القعاطى انت تموتين على القرش طالعة على مين ابي اعرف ..! وبعدين الطلب مسجل باسمك
الهنوف تحرك حواجبها بحركة تضحك : احلفي بس ..اصلا وش دراك انت يقولون لك قمة التحضر إنك ما تسرفين تضبطين ميزانيتك اول بأول..وبعدين انا كنتاكي ابد ماخش مزاجي تعالوا نغير بس ..
داليا : ههههههه لا تقولين هارديز ترى السنتر نفسه بنات شيلوا سبحة ابليس ذبحني ( تقصد الفصفص) خخ
ريم قاطعتهم سحبت الفصفص ورفعته : يا مال الفقر والله اللي يسمع يقول بنت فقر احمدي ربك على النعمة
الهنوف تبوس يدها وجه وظهر << ليش صفحة هي خخ : وعشان كذا انا احمد ربي اجل تبوني اتبطر و اباشر عليكم على الطالعه والنازلة المرة الأولى قلت عني وعن والدي بس عاد طولتوها
إبتهال : مسوية كاش اباشر عليكم واباشر عليهم تراك صدعتينا ماتسوى علينا هالمنه
الهنوف ألتفت لها : منيب رادة تكريما مني لك لانك بعد ايام معدودة بتضفين عفشك وتروحين لرجلك ليس إلا
أميرة : أيوه عشان ليس إلا ذي ههههه انا اللي بباشر عليكم
داليا : احم احم والله لو اني متزوجة لاضفكم كلكم واقول لرجلي يودينا البلورة او ابل بيز هيك شيء
ريم بتريقة : على اساس ماعندك سايق كش بس ياشين اللي بيثبت وجوده باي طريقة
اميرة بعد ما دقت على هشام ..
اميرة : هشوم مايقدر عنده رجال في الإستراحة قولوا لداوود وانا احاسب ..
الهنوف : صلاح موب فيه راح مزرعتنا اللي بالخرج مدري وش عنده فيها بالله دقوا على ايوب !
داليا فطست ضحك : دريتوا ان ايوب انحاش خخخخ
اميرة شهقت : اووما انحاش هههههه وعزاه عن اخواني وابوي بس
داليا : لا ووسيع الوجه تارك رسالة قبل النحشة
ريم بحماس : ههههههه وش عنده البنقالي نحشتوه
داليا : والله نايف يقولون انه متكرن ليش نقلوه من البيت للإستراحة وتعرفين مافيه امل يعارض ابوي عشان كذا انحاش هههه
الهنوف : عرف لكم والله ههههه بس تدرين عني انا انه مشخص بالبطحاء
اميرة : خسارة والله انه كفو يعني من سنين بس مدري وش جاه !
ابتهال : خيرة خيرة
الهنوف تغني : لا تقول خيره خيبة كبيرة ...
اميرة : داليا دقي على نايف مايقصر صح بيغسل شراعك بكم كلمة بس تحملي عشان هالمجاعة خخخ
الهنوف : تبطرنا يا مدام هشام
اميرة دق عليها هشام وطلعت تحاكيه ..
داليا : و الله فكرة بدق على اخواني عاد ابوي مهزئ فيهم البارح ههههههه لان ايوب هرب يعني ابن امه يقول لي منيب جايب لك شيء
ريم بشطانة : فرصتنا أي صدقت يالله
داليا فتحت شنطتها " البنية وفيها إطارات وردي فاتح "
الهنوف : تبطرنا والله بزران عرفوا يشخصون ههههههه
داليا : هاهاهاهاها ابرك من زولك يالخبله .....المهم
الهنوف : تعرفين المهم
داليا : هاهاها حس بالي انت اللي تعرفين بس
الهنوف : حس بالي وإلا كمبيوتر
الجميع فطس ضحك
داليا : ماجبت جوالي
الهنوف تناظرها : لو تفحطين بيدينك و رجليك
ريم : قايله لك هنيف فيهاعرق ......( نسبة لفئة قعاطى مره خخ) خذي جوالي
داليا : من جد قعيطية ...
نايف : سم
داليا : هاي نايف
نايف في الإستراحة وعنده كل الشباب : بالاذن شباب...لحظة شوي
داليا تضحك بصمت و تناظر البنات اللي كلهم قلطوا يسمعون ...
نايف : امري
داليا : الله مير يسلمك مايأمر عليك عدو ولا ظالم
نايف ( ياليل شكلها بزر وفاضيه و ملكعة ) : خير
داليا : اعصابك خير خير إن شاءالله
نايف : عفوا مين معي ...؟ << بلهجة مهايطية نطقها
البنات ضحكوا ...الدهشه والغموض على معالم نايف
داليا تمسح دموعها : معك داليا عبدالصمد القرشي
البنات ضحكوا وطلعوا يكملون الضحك برى
نايف عصب : لا ياللي ما تستحين وتتملحين تخففين دمك
داليا : ههههههههههه حلو المقلب صح
نايف : كلي كبر راسك يالعصلى وقتك يعني تتريقين الشرهه ميب عليك على اللي عطاك جواله
داليا : اجل الشرهه على ريم ميب علي ...المهم نبي بلعة ممكن تجيب لنا تغيثنا ماسكة معنا
نايف قاطعها : فيه إختراع اسمه منيو زين و هي عبارة عن ورقة مربعة طويلة عريضة فيها مالذ وطاب و بأخر شيء فيها ارقام يعني لو وحده منكم تتذيكى وفكرت ودقيتوا وتركتوا التحويط شوي
داليا : احلف بس لا احلف وبقوة بعد هههههههههههه وبعدين حلوة تحويط بس مابعد وصل الاوردر
نايف : اصبروا وإلا تسمعون بالصبر انتم
داليا : نايف لا تفشلني قدام الصبايا
نايف : ياشين السرج على البقر بس قالت صبايا خخخخخخخ يالله شويات وادق عليك اشوف طلبات الشيخات
داليا : ياي وناسه ( كل البيت ارتج من صرختها )
طبعا بعد ربع ساعة ماقصر نايف اللي وصل لهم الاكل ... وطاحوا فيه أكل << مجاعة بجد
اميرة مشت ... وابتهال جالسة عند البنات ...
ابتهال تحوس بجوالها
ريم : وش تدورين يالغلا هههههه
ابتهال مسفهه فيها
الهنوف وهي تبلع خخ : يقولون لك إن بدر اللي هو زوجها او بالاحرى اللي مملك عليها بيأخذها يتعشون سوا ومدري متى ذالعزيمة بتجي بيجحدها و الله أعلم
ابتهال : فيه ناس كثيرة قاطة الفيس و الميانة وبقوة
داليا : عشان وبقوة ذي اشك انك مجحودة بس تعالي البارح كان عند اخته للمعلومية
إبتهال ناظرتها : أي صح تعالي يختي زينة احس انها متغيرة ماتسولف ولا شيء بس ساكته وحتى يوم جيناكم اخر مره ماجلست كثير ماشاءالله تشتغل كثير قرمة ( قرمة = سنعة = راعية بيت )
داليا << الله يستر لا تكب العشاء : ايه هي تحب الشغل بالحيل
ريم : اوووما ذي وربي ماحسيت بس من جد متغيره
الهنوف : احس فيها لمعة حزن ليش
داليا << على وشك : ياهوووه هههه انصحك لا تكثرين قراءة الروايات ولا تشوفين الأفلام
الهنوف : ههههه لا تخليني اتهور واروح اغازل و ارقم ! << تمزح طبعا
ابتهال :وجع
الهنوف : خخخخخخ وين جوالي وينه بس !
ابتهال خطرت عليها فكرة جهنمية
ابتهال : هنيف رامي يعرف رقمك ؟
الهنوف بدلاخة : على اساس انه مو ولد اخوي يعني هههههه اكيد بيعرفه
ريم : ليش ؟
ابتهال : عندي مقطع الهيئة هههههههه ودي ندق على رامي ونحطه بنشوف يكب عشاه او لا!
الهنوف : أي والله اني شاكة فيه ههههههههه ذاك المرة يهمس لبلوط يوم العيد ويوم شافوني قمطوا
داليا : ياي اكشن يالله بليز
ريم : من وين رقم ...بس لقيتها بجيب جوال يانتي
الهنوف : كح كح ههههههه دايركتلي بتعطيك اياه
ابتهال : والله لو تفحطين بعربية بندة ماراح تعطيك اياه
ريم : اقولها بشحن لك والله تعطيني غصب تبطرنا يعني نست ايام ماكنت اعطيها جوالي وتحاكي اهلها بإندونيسيا ساعات ....
راحت ريم وبعد وقت طويل ومحاولات إقناع جادة جابته....
ريم : ههههههههه تقول لا تطولون لان صلاح بيدق ومايصير هو فيه ادق وفيه ويتنق
إبتهال : ههههههههه حتى هم بعد يغارون والله مشاعر صدق
الهنوف : يالله مين تتعهد و تتطوع لهذه المهمة !!
راما قامت معصبه تجلس وتروح بس الحين تكرنت : تلعبون على اخوي هاه !
ريم : قامت الورع ذي فازعة نامي نامي ياماما ! ( ورع = طفل )
راما بعصبية : شيلي يدك هنا ...والله لاقول لابوي
ابتهال مسكتها وفهمتها انهم بيضحكون .....
دقوا على رامي اللي مايرد .....<< مشخص خخ
راما : قايلة لكم مستحيل يرد على رقم غريب اخوي وانا ابخصه
داليا : رمرم حياة خاله يصير ماعاد تغردين بليز
شويات و وتعيد هنيف الإتصال
الهنوف : رد رد
إبتهال جهزت مقطع الصوت وقربته .....
( اعتقد المقطع مشهور واغلبكم سمعه خخخخ مايحتاج اذكره ....)
طبعا رامي كب عشاه كله ههههههههه
الزينة وين يوم قاله رجل الهيئة : اطلع عند الباب قبل يدخلون عليك و يسحبونك يجرونك جر ..
رامي : وش سويت منيب بالبيت انا كيف اطلع << نصاب بغرفته هههه
رجل الهيئة : اقول اطلع بس
رامي : والله ماسويت شيء حمد ( بلوط) هو اللي عطاني صور هيفاء وأليسا و التفحيط منيب رايح معهم والله والل
البنات فقعوا ضحك وقفلوا .....
يمسحون دموعهم من الضحك .....
إبتهال : طلع من تحت لتحت وحنا نقول بزر مايعرف اخ من جيل هاليوم بس
ريم : جيل بوكيمون و ديجتال ههههههههههههههه
داليا : بدق عليه اقوله تعال محرم معي مع السايق بروح البيت بشوف وجهه وشلون بعد الخرشه
الهنوف : اخ يا بطني ههههه رخمه خواف
راما : هيه انت ماسمح لك ترى
ريم : دقي عليه ....بالله
دقت عليه داليا من رقم ابتهال ولا بين أي شيء ....راح معها وصلها البيت وهو قامط ... راما راحت عند امها وبكرة بترجع ...!
الهنوف : هين والله الحمدلله اللي مسكت عليه دليل وهو دايم يطيح وجهي قدام الناس
ريم : هههههههههههههه راعي تفحيط اجل
إبتهال : مصدقين حده تفحيط بعربيات بندة والعثيم

^^^^^^^^

(3)

تمتلئ سلال القلوب بهموم المعذبين ...
زفراتها الهادئة ثكلى باهاتهم ...!!
يستعيرون حفنة من العتمة لطلاء الهموم


ياظالمه زينك بشين السوايا
من وين لك قلب على طول جاير

مبغا الدوا لاصار جرحك دوايا
باكر على الظالم تدور الدواير


من إطلالة أشعة شمس الغد المشرقة ...

في المستشفى ---- جناح رقم 36------


عندما تتحدث القلوب المرهفة لتعلن عن جمال عذب !
و حيث تقيم العذوبة الناشئة عن التفاهم والحب المتكامل
نجد :

ضي منسدحه على السرير الابيض .... ( عندها موعد و إجراءات روتينية لأي حامل )
وخالد ماسك يدها ويطمنها
ضي : حبيبي ليش ما تطلعني خلاص مو لازم نعرف هو بنت او ولد اتركها سربرايز؟
خالد يبوس يدها : لا حبي انا متحمس لولدي او بنتي اللي انت امهم
ضي : ياحبي اللي يسمعك يقول اول مره تشوف عيال لك ..؟
خالد : ايه ياقلبي عندي عيال واحبهم موت بعد بس متحمس مره اشوف ولدي منك
ضي : اخاف يصير بار فيك بس يطلع يشبهك وانا يجحدني ...؟
خالد : هههههههههه من هالناحية تأكدي اجل انه نسخه مني
ضي : حبيبي اليوم ما مريت على شغلك توكل على الله ولا تخاف علي
خالد : لا اليوم ماسكة اجلس معك عندك مانع هههههههههه << كانه حاس ياعيني على الحب الراقي
ضي : لا قلبي بس خايفه اعطلك ...
خالد قاطعها : انا اصلا ماتعطل إلا اذا بعدت عنك حبيبي
ضي : اقول ترى ولدك قام يغار صار يتحرك في بطني يبي يطلع ههههههههه
خالد حط يده على بطنها : والله انا شكلي بغار منه اخاف يأخذك مني وتنسين ابوه
ضي تتسند على كتف خالد : وانا اقدر...
خالد : اكيد لا هههه
ضي : يا واثق ههههه...
خالد عطاها بوسة مع راسها : يابعد راسي والله انت ...... وصار يطمنها
خالد : بتغداء معك اليوم وش نتغدا حبيبي ؟
ضي : يؤ لا لازم تروح الشركة اخاف ابوي يسبقك في المشاريع ثم يتهمني اني انا اللي مشغلتك ويأخذني عنك ههههه
خالد : تهقين ابوك يسويها هههههه
ضي : أي ليش لا ههههه
حالد : لا تحاولين اليوم متغدي عندك متغدي ان شالله ولو على كيفي نمت هنا عندك بعد ههههه
ضي : والله مجنون تسويهاههههههههه
خالد : والله انا كنت عاقل بس يوم حبيتك طار عقلي
ضي : يؤ ايوووه يلا حط كل شيء فيني ثم صرخت : اه بطني
خالد قام : بسم الله عليك انادي الطبيب
ضي : هههههههه امزح معاك ياخواف ....
خالد : ههههه خلاص كل شيء فيني بس لاتعصبين فديتك


( يا إلهي لم أعلم أن للشر عينين كبريتين )


< يا إلهي لست أعلم أي عالم حائر هذا ...!!
تغذوه الاهات و يستوطن أضلعه الألم !! >

في ذاك المستشفى .....
نجد تلك الممرضة التي تسابق الخطى ...
وقد لمح البعض كثرة ترددها لهذا القسم اليوم على غير المعتاد...

نسمات قذرة بقذارة ضمير أصحابها !

و نظرات ملوثة بطابع المؤامرة المادية البحثة !

علامات السأم والضجر قد ارتسمت على محياها ...
الممرضة عبير بنت خالة ام زكي دقت على ام زكي والحيرة تكتنف الغموض

عبير : ياشيخه مو قادرة تخيلي زوجها جالس عندا تغدو واضح انو بيجلس ينام هنا كمان ..؟
ام زكي : لا اتصرفي نسرين دافعه لنا مبلغ خيالي دي فرصتنا ..
عبير : مو قادرة مو قادرة وإلا كل شيء جهزته حتى الصيدليه اخذت منها الابره عشان المستشفى مايلاحظون وكمانا مش من صيدلية المستشفى من صيدلية تانيه...
ام زكي : برافو عليك بس يلا طقي الابرة واهربي واتأكدي انها خلاص و ان الجنين مات .............
عبير: دعواتك لي ان شالله بروح اشوف اذا عندها جوزها او طلع....
-

نلقي الضوء
" حيث نسمات الطهارة و الحب الراقي البعيد كل البعد عن صخب الحياة "

خالد ماسك يد ضي : حبيبتي مثل ماتفقنا بنت راح نسميها لين وش رايك .. ؟
ضي : اللي يناسبك يالغلا والشوق طيب لو ولد ...
خالد : بسميه على اسم اسم ابوي الله يرحمه محمد
خالد : بسميه على اسم اسم ابوي الله يرحمه محمد
ضي : ايه صحيح ليش ماسميت رامي محمد ..؟
خالد : امه مارضت وصممت على رامي وراما
ضي : اما بجد زوجتك ذي ماعندها دم خير شر .......
خالد : ماعليك منها اتركيها اذا انا معك ابي اكون معك انت وبس
ضي : الله لا يحرمني منك ........
خالد : امين يارب و يخليك لي ان شالله ...

دق جوال خالد ...<< --- عبدالله يتصل بك

خالد : ياساتر من ذالنشبة وش يبي اخ بس لو مزوجينه تغريد ومفتكين ههههههه
ضي : الله يسعدهم صح اليوم شبكتهم خسارة ماقدر احضرها
خالد وهو يناظر الإتصال : عادي تبين نطش نطش ههههههه
ضي : يؤ لا خالد ذي اختك حرام مالها غيرك ( فرق بين كلامه وبين كلام نسرين )
خالد : مصدقة انت وخشتك عاد لا اكيد بروح افا بس وانا اقدر
ضي : ههههههههه الله يخليك لنا
خالد بإستعجال : هلا عبدالله ان شالله ابشر كلها ربع نص ساعه بالكثير وحياك الله ..
عبدالله : هههههههههه وش فيك مستعجل طيب اصبر بسلم
خالد : ماله داعي شايفك البارح هههههههههههه وبعدين دايم تدقون علي باوقات سياحيه مره
عبدالله : ههههههههههه الله يطعمنا مثل ماطعمك
خالد : قل هو الله احد اعوذ بالله منكم بس كلكم حاسديني على زوجتي ههههههههه
ضي ابتسمت
خالد : المشكلة ان ماعندها خوات عشان ازوجك منهن ...وإلأ تخسي تأخذ انت وجهك على تغريد ذاللي بقى يلا بس .
عبدالله : ههههههه انجز واترك الترزز عند زوجتك وبسرعه لا تتأخر علينا ترى مانيب فاضي لك انت ولطعاتك
خالد : أي شيء ثاني عمي ...
عبدالله : مثل ماقلت لك هرررري اب
خالد : على خيررر إن شاءالله والله يوفقكم ....
خالد ناظر ضي واهي تضحك بقوة ...
خالد : بس ضايقت ولدي حرام عليك
ضي : هههههههههه وش اسوي ماقدرت اقاوم هبالك
خالد : أي والله صادقة خلاص لازم اقلب جد الحين بصير ولي امر تغريد لين املك لها
ضي : تصدق قبل الخطبة ماتوقعت انك كذى على بالي ان دمك ثقيل ولا عندك سالفة في الحب
خالد : اوووف اووووف ارفقي علي .. (غمز عينه) طيب والحين
ضي : لا الحين اكتشفت انك استاذ الحب والرومانسية والعشق ...ودكتور فلسفة الغرام
خالد : لا خلاص شكلي مانيب رايح بدق اعتذر ههههههه
ضي : لا تتأخر على الولد توعد فيك ترى
خالد : طيب قلبوو ديري بالك لعمرك ولا تفرحين مافي فكة بجيك بعد الحفلة اقابلك
ضي : الله يخليك لي ....
طلع خالد وراح البيت عشان مايتأخر على شبكة تغريد وعبدالله
:
:
في زمن

انعدمت الانسانية في مناهجه..

وتلاشى فيه الخو ف من الله

" كيف استطاعت ان تنسى أن الله مطلع على كل كبيرة وصغيرة "

< انها الغيرة السوادء والحسد الجشع الذي يأكل الاخضر واليابس >

في تمام الساعة الثانية عشر

انتهى دوام الممرضة عبير ، قبل أن تبدل ملابس الدوام طلعت على غرفة ضي اللي كانت نايمة في أمان ...
فتحت باب الغرفة وناظرت يمين ويسار ....
دقات الساعة ( تك تك تك ) تنشر القلق في المكان
حتى خوف ماخافت لانها متعودة تسوي كذى بس الارتباك واضح لانها خايفه يدخل خالد أي وقت


(اقسى شيء أن لا يراعي الممرض او الدكتور عمله ويسعى متعمدا للإضرار بالمريض)

تلثمت اول مادخلت عشان اذا صحت ضي ماتعرفها
فتحت ضي عيونها ناظرتها وشافت ممرضة رجعت نامت في اطمئنان تام .....
مسكت عبير يد ضي ورفعت كم ثوبها
ضي بتساؤل : بسم الله وش ذالابرة ماقال الدكتور لي شيء ...؟
عبير: ايوووا هوا قال لي دحين اعطيك هيا ؟
ضي وقلبها يشعر بخوف : طيب ابرة لايش انا حامل مايصير ..؟
عبير : فيتامينات اشبك خوفتي مثبتتات للحمل
ضي سلمت امرها لله الواحد الأحد
وعطتها يدها ...
عبير بكل قسوة وهمجية ووحشية دخلت الابرة في يد ضي المسكينة ثم طلعت .............
مفعول الابرة يبدا بعد نص ساعه بالضبط
ضي ماحست بشيء إلا إن الجنين صار يتحرك بقوة لدرجة انها شكت انها بتولد ....
عبير طلعت من المستشفى عشان ماتكون بموقع شبهه ...
ونسرين تتابع الحدث باهتمام وهمها كله تبي تقهر خالد ويرجع ذليل لها..............

الساعه 12 وربع

ضي مسكها صداع خفيف صار يزود شوي شوي لين صدعت بقوه
مسكت جوالها تبي تدق على خالد بس للاسف الحيوانه عبير اخذت جوالها نظرا لخبرتها في ذالسوالف.....

12:25 ص
ضيي فقدت توزانها وبدأت تتقلب على السرير كثير

12:30 ص
صرخت صرخة مدوية
اطلقت للجميع
واعلنت عن ألم انسانه بريئة نتيجة لإنعدام الضمير وانحطاط الاخلاق في زمن المادة فيه اعمت قلوب البشر
المستشفى بجميع الاطباء والممرضين والممرضات وجميع المسؤولين
اتجهوا بسرعه اتجاه هذا الجناح اللي اعتلت منه صافرة انذار تدق نتيجه للصراخ المزمن ....
الدكتور المشرف على حالة ضي مسك يدها وعرف مباشرة انها في حالة خطرة ...
ادخلت العناية التلطيفية والعياذ بالله ......
واخذ الاجهزة بسرعه وحطها على قلبها اللي نبضه يضعف بشويش معلنا عن وفاتها بعد دقائق معدودة ...
الدكتور رمزي : لا قلبها بيدق بشويش
بسرعه اعطى تعليمات بتجهيز العلميات وراح يسعى جاهدا لاإنعاشها ابالاكسجين
وراح يضغط على قلبها بقوه بس للأسف
-
-
ضي الطيبة
الوفية
المخلصة للحب ولزوجها
انتهت هذه الاسطورة في لحظة انعدم فيها الضمير ,,,
-
-
-
خالد دقوا عليه المستشفى
وجاء مسرع مايشوف الطريق ولحقه بندر ونواف وسعود
خالد يتصدم في الجدران من القلق والرعب
والشباب وراه مايعرفون وش يقولون له او كيف يتصرفون ؟؟

خالد لمح الدكتور سعيد وراح له بسرعه مسكه : هاه دكتور وش صار على زوجتي ؟
الدكتور سعيد : ضي .............
خالد بقلة صبر : ايه ............
الدكتور سعيد : البقية في حياتك..
خالد انصدم واغمى عليه من الصدمه
" كيف بس وانا معها قبل ساعتين او ثلاثة مافيها شيء يارب ماعترض على قدرك بس يارب
الهمني الصبر ... اللهم لا اسألك رد القضاء ولكن اسألك اللطف فيه "
بندر اخذ خالد والدكتور سعيد اشرف على حالة خالد اللي كان عنده انهيار في الاعصاب من قو الصدمة ... نواف بكى لان ضي انسانه كلهم حبوها ووجودها في البيت مع انها غريبة مو من نفس العائلة بس كأنهم اخوان ....
سعود كان عند خالد يقرا عليه ويراعيه والحزن رسم ملامحه على ملامح سعود .....
بدر جاء مسرع يتخبط الابواب وشاف نواف جالس بحزن ..
بدر : وش فيه نواف ..؟ وش فيه وش صار ؟
نواف واهو يصد عن بدر : ضي تطلبك الحل ..؟
بدر منصدم : وشلووووووووون ...
بندر اللي مره تأثر بهالخبر : لا تقول وشلون اذكر الله وانا لله وانا اليه راجعون لحول ولا قوة إلا بالله .. كلنا رايحين بهالطريق ..................
-
-

في غرفة العمليات

" حيث تلك النماذج المثالية تعمل جاهدة لإسعاف المرضى "

الدكتور رمزي يحاول جاهدا لإنعاش نبضات ضي ...العملية استغرقت 6 ساعات .....

في تمام الساعه 6 صباحا
طلع البروفيسور رمزي منهك من هالعملية ...
بدر كان جالس عند باب غرفة خالد وحزين مره ( طبعا كان بدون عقال ) شاف الدكتور رمزي طالع ناظر فيه على باله انه مسوي عملية لمريض ...
الدكتور رمزي منهك مره وقف عند الريسبشن وقال : سجلوا عندكم المريضه ضي بنت عبدالرحمن تنقل للعناية المركزة ..
بدر سمع ويحس انه ماسمع معقوله ضي لسى عايشه
راح بسرعه ومسك الدكتور وقال : دكتور لو سمحت المريضة ضي للحين عايشه
الدكتور : ايووووه ولسى طالعين من العمليه بتاعتها وان شالله نرجوا من الله يشفيها واهي تحت الخطر الحين
بدر : متأكد دكتوور ضي بنت عبدالرحمن ال..
الدكتور : أي حرم خالد بن محمد ال..
بدر بإستبشار : الله يبشرك في الخير .............ياربي لك الحمد

بدر راح مايدري وين يمشي يتصدم في العالم والابواب
فتح الباب على جناح خالد اللي كان حزين مره و يواجه موجة حزن عارمة تعصف في حياته
بدر : خالد ابشرك
" خالد بينه وبين نفسه أي بشرى بعد موت الغالية ...."
بندر بعتب لبدر : خير ان شالله ماتشوفه تعبان وش تبي تقول مو وقته ياخي ...
بدر بإستبشار : إلا وقته ونص خالد ابشرك ضي ماماتت ضي في العناية
خالد بحلق عيونه بألم : وش قلت .......
بدر : اللي سمعت والله بعد بنادي لك الدكتور رمزي
الدكتور رمزي يتخطى الخطى وهو ينزع الباب بهدوء ينم عن ثقله ووقاره ..
الدكتور رمزي : ايوووه يابرنسيس خالد شو يعني نسميه هذا وفاء لزوجتك اذا تعبت لازم تتعب
خالد : دكتور وين ضي زوجتي ..؟
الدكتور : في العناية المركزة ....
خالد يناظر بندر و بدر : يعني ما ما ما ماتت ...
الدكتور : لا الحمدلله بفضل من الله سبحانه وتعالى استطعنا ننقذها
خالد : الحمدلله والشكر لك يارب ......
كل الشباب
حمدو ا الله على هالخبر
خالد صلى صلاة شكر لله ..........
الشيخ ابو وليد جاء يتطمن على بنته وشافها وكان خالد جالس عندها في العناية
، طلعوا خالد ودخلوا ابوها اللي ضم خالد وبكى من قلب .....
الدكتور رمزي : ياخ خالد ممكن تتفضل معايا المكتب شوي!!
خالد : خير دكتور ضي فيها شيء
الكتور : خل ايمانك بالله قوي تعال معايا وان شاله بفهمك على كل شيء
-
-
خالد : دكتور يلا احنا لوحدنا قلبي طار وش فيها زوجتي ؟؟
الذكتور رمزي : شوف يابني ، انا عشان المستشفى دي اللي كرمتني اللي اختارتني من بين 300 بروفيسور في ألمانيا مش راح احرضك عليهم ..
خالد مبلم : يادكتور خرشت قلبي وش السالفه .؟
الدكتور : اسمع يابني زوجتك في احد عطاها ابرة متسممه بالغلط يمكم و دي الحقنة تأثر على حياتها وعلى حياة الجنين
خالد عصب : ابرة متسممه وشلون وين الرقابه يعلن اشكالهم !
الدكتور : والله مش عارف يابني بس انا ماصرفت الابرة دي لزوجتك ، والامن بيقولوا ان في ممرضة دخلت عليها الساعه 12 بالضبط ود موعد مغادرة الممرضات واستلام الاخريات يعني فيه حاقه غريبة
خالد بعد صمت : يعني بتفهمني يادكتور ان ان ان
الدكتور : ايووووه بالضبط يابني فيه مؤامره او مخطط من عديمي الضمير بس انا اوعدك بتابع الموضوع وزوجتك ماتخافش عليها ان شالله كلها اسبوع اسبوعين وراح تكون احسن بإذن الله انت ادعي لها بس..
خالد : حسبي الله ونعم الوكيل وشلون ومين بس ........ مين له مصلحه انا ماضريت احد ولا زوجتي بعد
الدكتور : دعواتك يابني ، والغلط مش منك من إدراة المستشفى دي !
خالد : وربي الكريم لاطيرهم واحد واحد وتشووف
" طلع خالد و هو معصب وحالف انه يطير مدير المستشفى والمرافقين الكرام له "
بندر شاف خالد قابس وطاير بالمشي
بندر : خالد وش فيك وووين رايح ؟
خالد بصوت مكتوم : شوي وراجع ......
سعود : بندر رح معه الحقه شكله مو طبيعي انا بجلس انتظر بو وليد
نواف شاف خالد طاير وشكله معصب ومتضايق وراح معه وبندر لحقهم كلهم ركبوا اساسنير واحد ......... بندر : ريح اعصابك خالد وش فيك ..؟
خالد : أي راحه واي نيلة واي قرف
نواف : خالد اذكر الله زوجتك والحمدلله طلعت عايشه خلاص عاد احمد ربك على النعمة
خالد : الحمدلله والشكر لله ........
" خالد يمشي مسرع وبندر ونواف يتطالعون مايدرون وش السالفه ...خالد فتح باب المدير بدون استئذان ولا شيء ......... المدير كان عنده اثنين رجال اعمال بيتعاقدون مع المستشفى مقابل توفير اللالات ( خالد مشهور في هالمجال لإن عنده مستشفى خاص بس لانه يحب ضي موت وداها ذالمستشفى عشان في بروفيسور )
خالد صقع الباب بقووه ..... "
المدير ناظر : هلاوالله ابو رامي
خالد بعصبية : وانتم خليتوا فيها هلا
المدير مستغرب : وش السالفه يابوي ..؟
خالد يطق الطاولة : ممكن اعرف وش وظيفتك هنا بالضبط ..؟
نواف يساسر يندر : ياخوي شكل اخوي فقد عقله
بندر : انطم بنشوف وش اخرتها
المدير : خير يابو رامي وش هالإسلوب !
خالد يصرخ : جاوبني يامدير الغفلة
المدير : خالد احترم نفسك او بضطر انادي لك الامن
خالد : تسوونها ولا شيء كنتم بتقتلون نفس برئيه لإاهمالكم وتؤاطكم ، زوجتي في العناية بسبب اهمال وبسبب فلوس تندفع لكم ورجيتوا قلوب حسبي الله عليكم لهالدرجة المادة اعمت القلوب
( بندر و نواف فهموا السالفه انه اللي في ضي خطا طبي )
واحد من رجال الأعمال اللي جالسين : طيب ياخوي ماعليش الخطا الطبي وراد في كل مكان والحمدلله على سلامة زوجتك
خالد يناظر فيه : ليته خطأ طبي المشكلة مؤامرة قتل متعمد ...........
المدير تفاجأ : كيف ياخالد مستحيل وشووون
خالد : مدري اعتقد انه شغلك ذا ياسعادة المدير اسمع
معاك 24 ساعه تطلع لي ملابسات القضية وإلا ورب الكعبة لاخليك تندم على اليوم اللي فتحت فيه مستشفى "... وطلع خالد والشباب وراه"
نواف : يلعن شكلهم عيال اللذين معقوله قتل متعمد ............
بندر : خالد طيب وش اللي يخليك متأكد ...!
خالد تنهد : البروفيسور رمزي قال لي ............ بس ان شالله تصحى زوجتي واشوف السالفه منها....!


طبعا نبي نشيك على حالة العصابة

نسرين طايرة فرح لإنها تحسب ضي ماتت واللي ببطنها مات المغفلة عطتهم شي 80,000 ريال ....
عبير كانت خايفه مره ...
نسرين : برافو عليك ياقدعه ...
عبير : أنا قلبي يضرب لإن المستشفى اكيد مقلوب وانا مادوامت .!!
ام زكي : لازم تداومي عشان ماتصيري في موضع شك
نسرين : اهم شيء اسمعي اذا صار شيء لا تقولين طاريي هاه ترى ذا من شروط الاتفاق
عبير : لا تخافي مش راح اتطرق ليك .....
نسرين استأذنت واهي فرحانه مره ...........
دخلت البيت وشافت زينة تعشي امها << ياقلبو يا زينة بس على طيبتها
زينة ناظرت فيها وطنشتها...
نسرين ناظرت في زينة وقالت : تدرين أنا مبسوطة مره اليوم مابي ابوز سعادتي بوجهك الخايس ههههههه فعلا اعجبني اخوي فعلا تركك خدامة درجة اولى لامي ....
زينة مطنشة وتعشي خالتها...
رامي وراما نزلوا ولا حتى سلمت عليهم امهم ...
جلسوا عند زينة ...
نسرين طلعت فوق في جو ملئ في اسارير السعادة
دخل بندر منهك تخيوا له يومين ماجا البيت واذا سألوه الاهل قال عنده إستلام < - - نفسيته تعبانه بقوة
بندر : السلام عليكم
الجميع : وعليكم السلام
" بندر بوس راس امه وواضح من شكله انه تعبان .... "
زينة طنشته لإنه هزءها اخر مره وهمشها تماما ...
بندر فقد نسرين ومايعرف ليش حس إن لها يد في اللي صار لضي ..
بندر بحرص : رامي وين امك ..؟
رامي : فوق
بندر اخذ نفس عميق : اشوى
الخاله ام تركي سمعت هالكلمة وحست إن بنتها مسويه شيء لإن لها يومين مو طبيعيه فرحانه وماتجلس في البيت ابد ،
زينة : يمه فيك شيء ..؟
بندر انتبه لكلمة زينة وقرب لأمه مسك يدها : سلامات يمه فيك شيء..تشكين شيء
امه ضمته وبكت في موقف باكي " امه تبكي على حاله ابد شكله مو مرتاح خير شر وهالرؤية كسرت قلب امه "
وزينة كانت تناظرهم محتاره ماتعرف وش تقدر تسوي ..( كتمت عبرتها بقوة وطلعت تفضفض عبرتها برى)
""
"
"

)( يا طيور البحر انشدي لحن الحياة لمن أهلكته الهموم )(

بندر جلس في الصالة اللي تحت شوي بعد ما نامت امه
وبعدين طلع فوق ، دخل على نسرين اللي كانت تتكلم في الجوال مع ام زكي تأخذ اخر المستجدات ..
نسرين من النوع اللي يحكي بصوت عالي
نسرين : هههههههه أي احسن تستاهل الله لا يرحمها بعد بجهنم الحمراء
ام زكي : الله يستر يابنت الست ماتت مايجوز لها إلا الرحمة ههههههه
نسرين : ياساتر تذبحين القتيل وتمشين بجنازته هههههه
ام زكي : ذا حال الأيام دي النفاق اهو اللي يعبرك عند هالعالم
نسرين : صدقت والله شكلي بصير منافقة ( وش دعوة عاد مانتب منافقة ) عشان اتوفق
ام زكي : هههههههه ياساتر تلاقي خالد الحين مقطع عمرو على زوجتو
نسرين : أي اكيد يفكر كيف يرجع ههههههه تدرين لو يموت ما راح اوافق بذل الحيوان زي ماذلني وتزوج علي وحده غريبة
بندر ما يسمع مضبوط ولكن تقريبا " لب الموضوع فهمه "
عصب مايقدر يتحمل اكثر وفتح الباب بقوه....
نسرين : اوكي ام ناصر احاكيك وقت ثاني اوكي سلمي على البنات ...
نسرين : خير ان شالله وش فيك داخل كذى وينى فيه ..؟
بندر بعصبية : انت ماتستحين على وجهك وشذالحكي اللي سمعته هاه ..؟
نسرين تحاول تضبط نفسها : ع ع ع ادي وش قلت انا ..؟ ارتبكت
بندر بعصبية : انا بذبحك بس مادري متى فضحتينا خلاص وصلت فيك المواصيل تسوين كذى انت مريضة او شيطان بهئية انسان وش انت بالضبط هاه ؟
نسرين جلست تبكي ( تحلفون انها صادقة ) : هين يابندر معقولة تفكر فيني كذى وش سويت أنا ذا جزاي اني تصرفت مع ام زوجتك المصون ..
بندر استغرب بعصبية : ام زينة متى شرفت ؟ لا تلفين السالفة
نسرين بخبث : خير ياخوي والله ( طبعا ياكثر اللي يحلفون وهم يسمعون بالصدق) كانت هنا قبل شوي واتريقت على امي كثير وانا سنعتها ..
بندر بعصبية حس بضعف : وش دخل ذي باللي سمعته هاه بتجلطيني انت انا سمعتك باذني سمعتك ..؟
نسرين : اهي اللي اقصد إن عمي اخذ وحده غريبة ودعيت إن ربي مايرحمها لانها حيوانة ماترحم ..
" و مازالت نسرين تسرد الأكاذيب والمبررات التي تستثير غضب و مشاعر بندر "
( بندر مشت عليه هالكذبة لان نسرين خبيثة تقنع غصب )...
بندر تنهد ..
نسرين : تصرف مع زوجتك المغرورة ذي على بالها حلوة مالت عليها الله يأخذها هي وامها بيوم واحد انا مدري وش تبي فيها لا تجيب لك عيال ولاسعيد معها حتى امي بطلعتك تكرهها وتقسى عليها بس قدامك الحيوانه تسوي البارة الحنونة بأمي ، طلقها ياخي لا وامها قبل شوي جايه تتمسخر علينا بعد وهي شاقه الكشرة بأمها قلت لك ماتتعدل و الرحمة ما تجوز عليها ابد منافقة و ممثلة ذي
بندر ( ماعاد يستوعب زود) : نسرين تدرين لو ادري انك كذابة وش بسوي فيك ..القتل شوية فيك ؟
نسرين تبكي : ايه اطلع لها روح لها وش مجلسك عندنا هاه دامك ماتقدر تدافع عن امك وتخلي هالحثالة هي وامها يتريقون عليها ويذلونها واللي قاهرني انك موريهم قدرهم ومع ذا يتمادون للحين
( بندر عاد كل شي ولا طاري امه )
طلع من نسرين..
و خيوط الغضب قد امتزجت حتى كونت محيطا لا ميناء له من التوتر وإنفلات الأعصاب ...
يمشي يخطوات سريعة تجتاح بعضها ...
ودخل على زينة صفق الباب صفق..يحس الدنيا ضاقت بكبرها
زينة جالسه على سجادتها : بسم الله الرحمن الرحيم .........
بندر بعصبية وحشية : وبعدين معك انا مادري كيف اتصرف ..؟
زينة بهدوء وقفت و طبقت السجادة وهي تناظره : بايش
بندر شدها بقوة : ولا كأنك سويت شيء
زينة بعقلانية : عندك شيء قول اوما انك بتذلني وتبي تتهاوش انا مانيب فاضيه كبرنا على هالاشياء
ما حست إلا ب
( طراخ )
على خدها وطاحت من قو الكف على الارض ... << تنرحم حتى جسمها نحل مره ما تتحمل
بكت زينة بصوت صغير ..
-
-
-
( عندما تفتك أنامل القسوة على بقايا الحنين )

جلس عندها مسكها مع شعرها بقوة

زينة : حرام عليك خلاص كفاية مانيب قادرة انت ايش قلبك ؟ أه شعري مقدر اتحمل
بندر انفاسه حاره بقوة من العصبية : لا بخليك تقدرين لا تخافين.... كيف بس وصلت فيك الدناءة تمثلين قدامي وليش تسمحين لامك تدخل هنا ليش ..؟ انت الطيب حرام معك حرام ( رعد بقوة )
زينة بإمتعاض فظيع من كلامه : والله العظيم إنها ...
بندر شدها بقوة وبعدين ابعدها : انطمي مابي اسمع صوتك يالنصابة صدق ذيل الكلب مايتعدل
زينة تبكي : اتركني عورتني حرام عليك .....
بندر قلبه ينزف جرح عمره
مسكها ووقفها قدام المراية وقال بحسرة تكوي قلبه على حظه معها : شفت شكلك اللي أنت اخذه مقلب فيه ، كرهته وكرهتك وكرهت وقتي معك كسرت قلبي وحطمت حياتي وسكتت عديتها لك بس قلب امي ومشاعرها تبطين بدري عليك ماتفهمين انت !
زينة واهي تبكي : بندر حرام عليك والله ماسويت شيء
طراخ ثاني
على خدها مره ثانيه ..
وجهها كله دموع ...
غمضت عيونها تبي تهرب من هالواقع و ما حست إلا و بندر
بندر في لحظة قهر على طيبته و إنها استغلته بصوت عالي : مابي اشوف وجهك في هالبيت فاهمه تضفين نفسك و تطلعين بأقرب وقت أنت طالق .....!
طلع بحزنه و خيبته فيها .....
-
-

( هاهي طيور الفراق تنادي أن تاهبوا للرحيل فالوقت قد ان )


( راحت مشت وعيوني تتبعها ...راحت مشت مجبور اودعها ....يرضيك ياشوق كذا العيون تمنعها ..يرضيك ياشوق بالبعد تطالعني وأطالعها ....)

راحت في خطوات متثاقلة من الضرب لغرفتها وما تزال تجمع اغراضها
-
-
-
بندر طلع وهو معصب بالحيل
-
-
و زينة راحت تلم اغراضها بحسرة فظيعة تلملم جروحها و كرامتها اللي ضاعت بقوة ..
جمعت اغراضها كلها .. و الدموع على خدودها تتسابق و ترثي حالتها البائسة...!
و الذكرى العذبة مع بندر ذبحتها كل شوي تتذكره في كل زاوية !
وكل مكان ناظرت في كل ركن في الجناح.... !
-
-
بس المهم وين بتروح ...؟
لمين بتروح ..؟
لا اهل ولا سند ...؟
(..... اهلها وسندها برى السعودية ..... )


دقت على إبتهال .. لانها خطيبة اخوها وبنت عمها
إبتهال بخوف لانها سمعت زينة تشاهق من البكاء : هلا زينة وش فيك ..,؟
زينة ..: إبتهال محتاجتك تكفين تعالي اخذيني وديني بيت امي نورة..........
... إبتهال بدلاخة لانها متروعه : طيب طيب جايتك لا تخافين .....
إبتهال راحت تركض قالت لسعود يوصلها بيت عمها ابو تركي نزلت وسلمت على الخاله ام تركي وصعدت لجناح زينة واهي تطلع صدمت في نسرين ( زوجة اخوها خالد سابقا )
إبتهال ناظرتها فوق تحت : لو سمحت شووووي ....
نسرين مسكتها مع يدها : وين وكالة من غير بواب وين رايحه ..؟
إبتهال تركت يدها وطلعت جناح زينة ..فتحت الباب ووقفت
إبتهال : زينة وينك ...
زينة بصوت مرهق : هنا تعالي ..
إبتهال يدها على فمها : يؤ يؤ وش فيك وراك كذى..؟
زينة تبكي : خلاص إبتهال عجزت اصبر اخذيني وديني بيت امي نورة بموت اذا ضليت يوم هنا ارحميني صار لي سنتين متعذبة ..
.. إبتهال دموعها بتنزل : بندر اهو اللي ضربك ..
زينة تبكي ...... إبتهال : هين والله راح يندم مو مشكلة يالغلا
زينة : مابيه يندم بس ابي اروح طلعيني من هنا تكفين انت اللي لي هنا كلهم مايحبوني
ضمتها إبتهال واخذت اغراضها وطلعت ......
سعود مثل الاطرش بالزفة ....
سعود بصوت صغير : وش السالفه ..؟
إبتهال : لا سالفه ولا شيء بس تعرف بيت جدة زينة نورة ؟
سعود : هو نفسه يوم كنا صغار اللي في حي القدس
إبتهال : ايه اظنه صح يا زينه ..
زينة بصوت حزين : ايه .....
سعود حس من نبرة صوت زينة ان فيه شيء بينها وبين بندر ...( سعود يفكر ب اكيد بندر مطرطع لان زوجته ملاكه اللي يحبها زعلانه عليه خخخ يبي لها سهره بالاستراحه وتمسخر عليه ابد ليلة مثل كذا ماتنفوت عليه خخ)
وصلوا البيت ودخلت إبتهال مع زينة اللي مالقت غير جدتها نورة بس وجلست تضمها وتبكي
جدتها دموعها على خدها : الشكوى لله يمه كله من امك اهي اللي ماتسمع الكلام ضيعتك كنت متوقعه هاليوم يمه الله يهديها
إبتهال ضمت زينة ووصتها على حالها ووعدتها تجي تزوها كل اسبوع ضمتها وطلعت ..
في السيارة سعود ينتظر...
إبتهال : هاي ..
سعود : وعليكم الهاي ...
سعود : وش السالفه ..
إبتهال : سالفه تضيق الخلق ...
سعود: صاير شيء بينها اهي وبندر ..؟
إبتهال : ايه واعتقد بيطلقون
سعود بدهشه جملت ملامحه : اهب يا فالك
ابتهال : بدوي ماعليك شرهه هههههه
سعود مازال فاتح فمه وعيونه مبلم : اووف اعذو بالله ليش طيب ؟
إبتهال : اذا صار ولد عمك مايرحم وقاسي وش تبي تعيش معه مو شرط انها تحبه تصبر عليه
سعود : حبه حبه فهميني وش اللي صاير بالضبط ..؟
إبتهال : ياربي ليش تبي تعرف وش دخلنا احنا البنت منهارة وتبيني اخذ منها التفاصيل بعد ياخزياه اللي شفته انه معلم بخدودها علامات من الكفوف ذا غير الدمار النفسي اللي اهي فيه ابد مايستحي بندر ذا
سعود انفجع : قولي غير ذالحكي بندر يموت بزوجته وكلنا نعرف هالشيء
إبتهال : وماخفي كان اعظم ...............
سعود دق على بندر بيشوف حالته اكيد متضايق
بندر قفل جواله
وطلع برى البيت لانه متأكد اذا رجع ماراح يلاقي زينة ...
-
-
-
بندر في الدوام مستلم مع الناس ولاهو معهم ...في عالم حزين بائس مؤلم كله شوك وحرمان ... تفكيره فيها و بقلبه الجريح اللي ينزف دم على فراق الحبيبة الغالية ....
الساعه 2 الظهر
طلع من الدوام واهو مابات في البيت البارح دخل البيت وشاف امه اللي مره متكدره لان زينة ماشافتها اليوم ولا البارح تسأل بعيونها وين زينة ..؟
بندر ماهتم لان نسرين قالت له ان زينة في غيابها تعذب امي لكذا مافهم نظرات امه ..
طلع فوق خاف انه يلقى زينة للحين ...وش بيكون موقفه معها لو كانت للحين فيه ...؟ وهو مطلقها وش موقفي منها ...؟
الاكيد
انه بيسارع يضمها لحضنه و بيبكي في حضنها
لان قلبه دامي لها بقوة مشتاق لها
يسحب خطاه وهو خايف بقوه وقلق جدا
-
-
فتح الباب سكوووون تام ....
هدوء...
غمض عيونه بألم وحسرة ونزلت دمعه ترثي قلبه
ناظر في كل الجناح مالقى إلا بقايا
عطرها ..
. و شوقها ..
وكرامتها المهدورة
وحتى ريحتها بعدها فيه ريحة دموعها وريحة ترجاها كل شيء كل شيء...


قف و ناظر دمعتي يوم ادرجت يوم شفتك ناوي ترحل بعيد
يوم كلمتك و صديت اخرجت اذهلتني دمعة الحزن الأكيد

كلمتين ان كنت بقول امرجت دمعتين سكرن حبل الرويد
ولا عليها لوم بالشوق ادمجت ما تريدونه على ما كنت اريد

نزلت دمعة بندر رغم كبرياءه وقسوته إلا انه بداخل كل انسان قوي يولد انسان ضعيف
ناظر في كل شيء يمين يسار فوق تحت
كل شيء له ذكرى كل شيء يذكره بالانسانه اللي جرحته وحطمت مشاعره
بالانسانه اللي عشقها موت حتى واهي تهينه صبر على اهانتها وجرحها بس هالانسانه لمست اغلى نقطة في حياة أي رجل شرقي يؤمن بالبر بالوالدين

اعترف لك مابقى من عالي الهمه سفوح ...انحدر كلي كما طفل تحدر مدمعه


جلس بندر يبكي بينه وبين حاله رغم انها ظلمتني معها....!
وجرحتني ....! وحتى امي ظلمتها ...! ومثلت قدامي انها تحبها وتراعيها اثاري الحيوانه تبي ترد الانتقام لامها ....( طبعا ذا الكلام للي قالته له نسرين النصابه ) .
بندر ذبحته العبره صورة زينة في كل مكان في كل زواية ...!
اخ للاسف حبنا انتهى وانا اللي قتلته بيدي ...
( بندر في حالة لا تكفيها عبارات الوصف حالاتها ) ولسان حاله يترجم الموقف ب :


هذا اخر ما وصلنا له هذا اخر ما وصلنا له ...!

بعد ما كان كل الناس تحسدنا على الود اللي حنا عايشينه ...

انت في دنيا بعيدة .. وأنا تايه وسط غابة من مشاعر تلهب القلب و تبيده

من وريده لوريده .....!

اخ يازينة ليتك تدركين ان قلبي يتعذب ويتقطع كل ماقسيت عليك او جرحتك احبك واموت فيك وبظل طول عمري احبك مستحيل احب بعدك اوعدك ، بس ليش انت قتلت الحب بحركاتك وانصياعك لاوامر امك من متى امك تسأل عنك يعني ...؟
ولسان حال بندر ينطق :

ليلي عذاب عشت انا ليلي أعاني من العذاب ....

كلي إغتراب وقت الفرح عن ناظري عدا وغاب ...

من رحلت جفني مايغفى ابد ... بس اقلب حزن فيني او اعد

كم مضى من ل يل من قلت وداع

(11)

مدخل :

< عمر حزين و بسمة قد انتحرت منذ فجر ذلك اليوم التعيس..
تساقطت أوراق الخريف كلها .. و اغتسلت بإصفرار الكون..
بعد اليوم :
لن ننتظر " حبا " او " وداعا " ..
فلقد انتهى كل شيء في صمت حزين ..
و اصبحنا تحت رحمة الأقدار >


^^ متى يملأ ضجيجهم مجاهل سمعي ...!! دفنوك يا حلمي و بقيت وحدي اسامر أنفاس الموت ... ألا يسأمون ....!! ^^



-
-
-
-

؛ في المستشفى ؛


خالد ظل متواجد طول الوقت عند زوجته ضي ....
خالد انهك مشاعره في التفكير يضرب أخماس بأسداس ...!!
طبعا خالد حسم اللحظة لإنه وصل لمرحلة إنفجار بالتفكير .....
وحب يدخل على مدير المستشفى يشوف وش صار معه
--

نجد خالد يجر الخطى المتهالكة ويسعى جاهدا للدخول ....ومن حسن الحظ حظي بالقبول ولم تكن هناك ادنى معارضة او محاولات منع ...!
خالد بنظرات تعلن عن الإصرار و قوة العزم و بشموخ قد رسم ملامحه على المساحات كلها ..
التوتر بدأ يعلن عن إجتياحه للمكان ...!
المدير فضل يكسر هالجو الغامض : هاه بشر يا ابو رامي كيف المدام ..؟
خالد ضغط على اسنانه بقهر : بخيرر الحمدلله ..
خالد جر خطواته بثقل و شموخ .....ناظر المدير بنظرة لها ألف تفسير وتفسير ......بعدين ناظر تحت وقال : وش صار على اللي قلت لك عنه..؟
المدير بأسف : للأسف ياخ خالد مسكنا خيط خيط لين توصلنا لأساس المشكلة ....
خالد شد انتباهه مع الدكتور
خالد بثقل : واجبكم طال عمرك هذا أقل مايمكن تسوونه في مثل حالة زوجتي ..
الدكتور ابتسم : مقدر الوضع والله والله يصبركم السالفة ومافيها إن الموظف كاتب القسم شاف ممرضة اسمها عبير بنت ..... دخلت على جناح زوجتك علما بان هالموظفة دوامها خلص ، واللي زاد شكوكنا ان الممرضة من ساعة اللي صار ماداومت..
خالد رفع نظره : وش الحل من وجهة نظرك يعني اعتقد المسأله تلاعب بأرواح خلق الله مو شيء سهل ..
تدري لو الله كتب انها تموت كان تكونون اخذتوا ذنبين الام والجنين اللي في بطنها..
المدير يطبطب الموضوع : الشكوى لله ياخ خالد انا الامر مو بيدي بس وربي الكريم اني لاشرشح هالموظفة واطلعها من تحت الارض لك بس عاد خلنا نتفاهم ماله داعي اللي براسك انا اعذرك ولو بمكانك بقول كذى بس عاد انت تعرف وشكثر انا اهتم بسمعة هالمستشفى !
خالد بحنكة : اعرف يادكتور بس عاد لا تلومني ابي اعرف وشلون اخذت الابرة ومين صرفها لها واذا يضايقكم اتصرف بطريقتي الخاصة !
الدكتور" مدير المستشفى" : ذي السالفه معقدة شوي انا ناظرت الاوراق لقيت الدكتور إبراهيم صرف لها حبه فيتامين واخذته اثناء العشاء بس غير كذى مالقيت شيء..حتى تابعت الموضوع بذاتي
خالد : أي انا اللي عطيتها بيدي الحبة مع الاكل ...
الدكتور تكأ ظهره على الكرسي : انا شيكت على صيدلية المستشفى قال لي الصيدلاني ان الممرضة عبير الساعه 5 ونص العصر مرت عليه واخذت منه محلول الابرة ....وحتى مو الصيدلية صيدلية برأس الشارع بس اللي فهمته انها سألت في ذالصيدلية قبل ..!
خالد بحلق ( شد ) عيونه : معناته لازم نجيب هالممرضة ..
الدكتور : أي وصيت الموظفين وجابوا لي كل شيء عنها ودلينا الشقة اللي ساكنه فيها بس طقينا محد يفتح وجبنا الشرطة ولا احد فتح كمان مبين انها هربت الحيوانه!
خالد : تهرب ليش تهرب ابي اسمها وانا اعمل لها حظرماتقدر تهرب برى فوضى الدعوة !
المدير : أي بس يمكن تختبي في المملكة وانت تعرف وش كثر السعودية كبيرة ماشاءالله

خالد تقفلت الطرق بوجهه .... وصدع راسه من الهم ....
ضم كفوفه مع بعض ويبدو إنه يستغرق في قمم التفكير ...!!
-
-
إلا بدخلة مرافق المدير ( دكتور محترم و ملتزم ماشاءالله ) ...
-
-
همام بعد ما ألقى التحية : ياسعادة المدير ابشرك جتنا اخبار تفيد ان الممرضة عبير في قسم الموظفين تقدم استاقلتها
الدكتور بشموخه تفاعل : اهي بنفسها جت .......
همام : لا ارسلت اختها او مدري ايش تصير لها بالضبط بس رفضنا وقلنا لازم اهي تجي .. واهي جايه بالطريق ان شالله !
الدكتور بحنكة : لا تنحاش زين حصنوا الموقع اذا دخلت ذي دمرت سمعة المستشفى ولا زم نعرف اهي اللي مسويه هالشيء او مظلومه ....


(( نهار الظلم تتعقبه شلالات الرحمة من الله ))

دخل الموظف في شؤون الموظفين (سعد )
-
-
سعد : ياسعادة المدير منظفة جناح النساء والولاده جت عندنا وعطتنا سواره تقول انها لقتها بغرفة المريضة ضي عبدالرحمن اثناء ماكانت تنظف قبل اللي صار للمريضة ضي ....
" خالد ناظر في الاسواره واهو يتأمل يعرفون صاحبتها عشان ناوي يقتل هاللي نوى يقتل ولده و زوجته حبيبته ضي ...."
الاسوراه مكتوب عليها (سعاد)
مين سعاد تصير ام زكي....
-
-
-
طق الباب واذا همام يقدم الممرضة عبير للدكتور : ذي الممرضة عبير ياسعادة المدير
خالد ناظرها يتمقل فيها من تحت لفوق بقهر وسكت
الدكتور : ممكن اعرف ليش مادوامت لك فترة ؟
عبير بصوت خافت : ت ت ت ت تعبانة
همام : عذرللمقا طعة دكتور، وانت ماتدرين ان التعبان ضروري يجي يأخذ اذن او على الاقل يتصل يعتذر .....
عبير : اسفة خلاص انا بستقيل من هنا.......
الدكتور يناظر خالد : ممكن نعرف ليش ؟
عبير : بكمل دراستي ......
همام : واللي بيكمل دراسته يجي منكسر وحزين كذى
سعد : انت ياخت عبير متهمه بقتل مريضة عندنا هنا بالمستشفى !
عبير : أي أي مريضة ( ارتبكت ) انا ماقتلت احد
خالد لاحظ ارتباكها وكأنه حاس ان وراها سالفه ...( وينك يا بندر بس تحقق معها وربي انك كفو تعرف كيف تدير التحقيق عدل )
همام : بدون لف ودوران و زوج المريضة هذا اهو ما راح يسوي لك شيء بس يبي يعرف ليش سويت كذى اصلا مايعرفونك اهم عشان تقتلين المريضة ضي عبدالرحمن ..!
عبير تحاول تضبط اعصابها : انت قلتها ماعرفها كيف بقتلها حرام عليكم انا مسكينة لا تظلموني أنا اصلي و اصوم كيف بس تفتروا علي كده !!
الدكتور بثقل : احنا مانظلم احد احنا نحقق وبس يعني قلت انك مادخلت غرفتها ابد
عبير : أي ماجيت القسم كلو اصلا ..
همام : واللي يقول انه شافك داخله وبعد الساعه 12 بالضبط وكان معك محلول ابرة سامه وماخذتها من الصيدلاني مو تبع المستشفى بعد صيدلية الموجودة برأس الشارع ومعاه الورقة وش بتقولين ..!!


(( أما ان لأصحاب القلوب المتحجرة الكشف عن زوبعة الخفأيا ))


عبير اتربكت وبكت : مادري عن شي مو انا مين قاله اصلا كداب انا خلصت دوامي وطلعت
سعد : طيب تعرفين ذالاسوارة .........؟
صدمه على وجه عبير وبسرعه قالت : لا
سعد :غريبة مكتوب عليها اسمك واسم سعاد مين ذي بعد ..؟
عبير : مدري مين بعدين السعودية والمستشفى خصوصا فل ممرضات اسمهم عبير
الدكتور : سعد شيك على الكشف كم ممرضة عبير هنا ..؟
سعد : شيكت ياسعادة الدكتور ومالقيت غير عبير حاجي واعتقد انها ذي
عبير : مادري يمكن زائرة او شيء ...
سعد : سبحان الله تغير الحكي هاه
خالد تنهد وناظر الدكتور : احنا ماعندنا أي احد في العائلة باسم عبير ( تذكر عبير زوجة محمد ولد عمه بس مستحيل لإنها بنت اصيلة وفوق كذا بالشرقية مع محمد )
عبير بدت تنكشف وبكت : مدري عن شيء دكتور ممكن توقع لي على الاستقاله ..؟
الدكتور : ابشري مو استقالة طرد بعطيك واشهار باسمك في كل المستشفى وحتى بالجرايد بنزل اسمك وصورتك كمان ............
عبير بكت : حرام عليك وش سويت انا
سعد : اذا اعترفت باي شيء مش راح نسوي هالي قال سعادة الدكتور
خالد باسلوب حكيم : لك مني الامان بس تكلمي قولي السالفه وخلاص ماراح يجيك شيء ابد
عبير : حرام عليكم خطيبي راح يتركني اذا سويتوا فيا كدى وانا يتيمة ولا عندي اهل ..
الدكتور : سعد خذها وقطها بالشرطة خل النيابة العامه تحقق معها وانت ياهمام شوف شغلك واعمل لها اشهار في كل الصحف والمجلات هذا غير انك تكلم المحامي يرفع عليها قضيه و
عبير بكت قاطعته : لا دخيلكم انا بعترف بس خايفه
همام : ممن مين انت ماخفت من الله بتخافين من احد ؟
عبير سكتت .....
خالد : ماعليش همام اسكت خلها تعترف ولا تخافين من احد بس ياويلك اذا كذبت او لفيت ترى وربي لامسحك بالارض واخليك صدق ماتسوين
عبير تبكي : امري لله .
سعد : شوفي ترى اذا اكتشفنا انك تكذبين بنرتكب فيك خطا طبي متعمد زي اللي سويت فاهمه
عبير : والله العظيم مش راح اكدب ودا هوا الصحيح بس اوعدوني ماتقولوا شيء عني او اني اعترفت..........
خالد انبهر وطلعت عيونه : ان شالله بس قولي ....
عبير بتردد : انا وحده جتني وقالت لي ان وحده صاحبتها تبي مني خدمه انسانيه اني اضرب ضي هالابرة عشان تموت اهي والجنين مقابل شيك مفتوح
خالد انهبل حط يده على راسه : حسبي الله ونعم الوكيل الله لا يسامحك
عبير تبكي : غصب عليا كنت محتاجه الفلوس عشان اكون بيتي واتجوز بسرعه من خطيبي ولد خالتي
خالد بعصبية : الله لايوفقك انت واياه ان شالله حسبي الله عليكم
عبير بندم : اسفه بس ذي الحرمة صارت تزن على صديقتي لين طينت عيشتي وعيشتها اننا ندمر ضي او بالاحرى نقتلها ( نزلت راسها تحت )
سعد بإصرار : مين ذي الحرمه ...؟
عبير صدت : مش راح اقول انا عارفة لو قولت راح تذبحني اهي ماتخاف ربها ابد
همام : لا تخافين انت قولي اسمها واحنا بنطلعك منها وبنلفق الف سالفه وسالفه عشان نتوصل لها.....
عبير : اسفة مش راح اقوله إلا غير للأخ لخالد لوحده بس وهو حر يبغى يقلكم او لا...
استأذن الدكتور وهمام وسعد وطلعوا قبل يطلعون قال همام : شوفي انا احذرك يا ويلك وياسواد ليلك اذا كنت تكذبين وربي الكريم غير نذبحك !!
عبير : وربي الكريم اني قلت لكم الصحيح وراح تشوفوا اذا اكتملت التحقيقات
-
-
خالد ناظر فيها واهو معصب بنظرة تهز البدن : مين .......؟
عبير : اسفه بس اللي طينت عيشتي عشان اسوي كدا اهي زوجتك نسرين

------------------ ص صدمة دمة -----------------------

خالد انصعق مره وحس الارض ما تشيله من هول الصدمه ...
خالد يتمسك بأطراف الكرسي من الدوخه اللي حس فيها : قلت مين عفوا ...؟
عبير : جوزتك نسرين ام رامي وراما << " سبحان الله احد يلتم على معصية الله ربي يحط حيلهم بينهم "
خالد يضغط على اسنانه : متأكده ..............
عبير : ايووه
وطلعت الشيك و شافه خالد اللي تأكد وشاف توقيعها واسمها ( وسفاه بك من ام عيال وبنت عم بس )
عبير : حتى كنت حاسبه حساب اليوم دا وسجلت لها مكالمه واهي تحذرني ماقول اسمها اذا كشفتوا شيء ...تبي تتأكد خد اسمع ...
اخذ خالد جوالها بمشاعر حزينة ماتوقع حالة نسرين توصل لهالدرجة !!
وسمع صوت نسرين واهي تتوعد في عبير
مشاعره تدفقت قهر و بؤس و الأكيد تجددت أواصر العصبية
ذب الجوال عليها وطلع ...
""""
"

( 12)


< كان مساء لاهب ...كنا قبله حلمين موعودين >


في بيت الجده نورة


( ياقو قلبك .. تجرحني من قلب و تروح... قولي و ربك ..؟
من علمك درس الجروح...ما جاك مني يجرحك ولا جاك مني يألمك
ليه القسى ..وقلبك نسى ..؟ )


< إحساسي تجاهك عميق بعمق الأيام التي طوتني في خباياها >


" زينة ملازمة لغرفتها
ولا تطلع منها ابد حتى اكل ماتأكل ولا تشرب كل وقتها تبكي وتتألم من جروحها..
زينة ضعفت مره صارت تعبانه ثقتها بنفسها مره معدومه ، بندر دمرها ودمر مشاعرها قضى عليها ذبحها بالتجريحات وشوهها بالضرب والكفوف ... صارت حساسه مره تكره تطلع للنور .وقتها كله محصور في استرجاع الذكريات والبكي عليها،،،، المشكلة تحبه وتموت عليه "

صار لها اسبوع على هذالحال .....


( أيتها الأيام اسرعي الخطى لينسى المعذبون جراحاتهم .. ))

" واذا بتتساءلون عن بندر حالته في الدوام ولاعاد يطيق البيت خير شر يكابر على مشاعره وكلام نسرين ما زال يتردد في ذهنه فيسقطه كالجريح ....الأهل يتساءلون عن غياب زينة ولكن الصمت الإجابة من بندر "

جلست على الاريكة الفوشي وتسمع إليسا حبك وجع

(اخ يابندر ليش كذى وعدتني تحميني من جور الايام ... حلفت لي تكون لي سند وظهر وعلى العكس انت اللي كسرت ظهري وجرحت كرامتي انت اللي عذبتني و طلعتني كذابة ونصابة وبعد ممثلة ....)

ابتهال واقفه عن باب غرفة زينة ...
إبتهال : هاه وش فيك خاشه جو ههههههههههه
زينة بحزن تجفف دموعها : أي جو واي قرف ...
إبتهال : اقول اسكتي واذا بتصيرين كذا بايخه ترى بطلع تعرفيني انا ماحب جلسات الحزن ....
زينة ضمتها وبكت
إبتهال تجفف دموع زينة : بس يازينة حرام عليك ارحمي حالك حتى جدتك المسكينة تحت تشكيك لي تقول سنعيها ماتأكل ولا شيء ......؟
زينة دموعها انهمرت بقوة يوم شافت ابتهال : ليش يابتو واللي صار لي شوي ..
إبتهال : ييعني افهم انك تحبين هاللي مايتسمى ..
زينة بسرعه ( تذكرته اشتاقت له ) : لا بالعكس كرهته قد ماحبيته...
إبتهال مكشرة : انا مدري بس يقولون اللي يحب مايكره ابد ..
زينة تلم شعرها المبعثر : قلتيها يقولون بس الواقع انا اقولك اللي يحب ثم يكره يكره بقوه ...
إبتهال تبتسم : امممممممممم بدوري يسلم عليك
زينة تبتسم بألم : الله يسلمه لا ياللئيم مادق علي
إبتهال : وش يبي فيك تغثينه باحزانك هههههههههه ...
زينة نزلت راسها : قلت له عن اللي صار ..؟
إبتهال : لا ماحبيت اشغله و إن شاءالله وش دراك يمكن الوضع يتصلح
زينة تنهدت : الوضع عمره ماراح يتصلح وش تتوقعين يعني ؟ مستحيل اصلا
إبتهال تمسح شعرها : لا حرام عليك خليك متفائلة
زينة سرحانه ..
إبتهال : ممكن شوي بس تقطعين حبل افكارك وبعدين تربطينه لين اطس هههههه
زينة بحسره: اخ يإبتهال وعلى بالك اللي ينقطع ينربط ..
.إبتهال بإستهبال : ايه اكيد
زينة بوجع يوخز قلبها: لا مستحيل ......
إبتهال : هههههههههههههه يختي هاللي مايتسمى مقطع قلبك
زينة بضعف متناهي : مو قطعه وبس إلأا حرقه لي إحراق
" وبكت واهي تتذكره قبل تعصف الزوبعة في حياتهم كان ملاك بكل شيء "
إبتهال : كنتم تحبون بعض ليش تغيرتوا ، ياهمي يعني احتمال انا وبدر نصير زيكم ؟
زينة تبتسم : لا بدر اخوي غير طبعه حليم ورقيق... اوما (وسكتت بحزن حتى اسمه يجرحني) فهو غير كبرياء....
و دمعت عيونها...
إبتهال بحزن : خلاص يختي سوري على السؤال بس عاد اسمعي ترى حالتك حالة ماتسر ، فرح اختي تغريد بعد بكرة لازم تجين !
زينة تجفف دموعها : باركي لها واعتذر لي منها ولا تقولين لها عن اللي صار لي ادري فيها بتتشمت لاني كنت ...
إبتهال قاطا عته: بقولها بقولها إلا اذا جيت ما راح اقول لها
زينة دمعت عيونها وبكت : إبتهال ترى مو ناقصة انا وربي حياتي طين في طين مليت كرهت حالي يختي عجزت احس اني بموت ذبحني قطع قلبي...
وبكت بقوه << تنرحم بقوة
إبتهال : وادري بعد الحيوانه اللي ماتتسمى اخته الكبيرة نسرين ماقصرت فيك ..؟
زينة : حسبي الله عليها اهي اللي دمرت نفسيتي وثورت بندر علي بعدما حسيت انه بدا يهضمني
إبتهال : بلا بشكله هاللي اخذ بنفسه مقلب على باله مزيون مالت عليه وتقولين كبرياء أي كبرياء واخته تمشيه بكلامها....
زينة واهي تبكي : اخ يإبتهال انت ماتدرين وش اللي صار لي اصلا انا اللي بديت انا اللي استاهل انا اللي انصعت ورا كلام امي واخر شيء ورطتني و يوم طحت بالسالفه راحت ولا حتى سألت عني تخيلي

وشرحت لها السالفه بالتفصيل)

إبتهال واهي تمسح دموعها : أي بس بندر يحبك واللي يحب يسامح الله سبحانه وتعالي العظيم القدير يسامح ويغفر عاد كيف هالعبيد يرفضون يسامحون ....
زينة بألم : بندر كرهني يتفنن بتعذيبي تخيلي كل هالسنين ينتقم مني لين قالت له نسرين عن اخر كذبتها وتهور وفقد اعصابه ... وساعتها مالقيت احد اروح له اهلي برى ابي احد يوصلني بيت امي نورة بس تخيلي مسوي قوي علي لان ماعندي اهل هنا
إبتهال تبكي : وشذالحكي احنا وين رحنا .......
زينة : انا دقيت عليك لانك من ريحة الغالي بدر
إبتهال : الله يخليكم لبعض ولايحرمكم من بعض ...
زينة تذكرت بدر اشتاقت له كثير : امين يارب
إبتهال : طيب وش راح تسوين مع بندر ..؟
زينة دموعها في عينها حابستهم : اهو طردني وطلقني و ابيه يطلقني خلاص لا يمكن استمر معه و دقيت عليك بس مدري مين ب
إبتهال قاطعتها : افا لا تخافين انا اسنعك واجيبها لك اخواني ماراح يقصرون ........
زينة : الله يخليكم يارب ويجزاكم خير انا ماعندي احد غيركم انتم
إبتهال : يلا عاد ياويلك اذا جيت وشفتك متضايقة بعد يختي باعك برخيص بعيه بارخص..
زينة عيونها تدمع : الله يعين ان شالله ويصبرني ويطبع على قلبي نسيانه
إبتهال اشفقت لحال زينة وطلعت واهي متأثرة مره ...
*


(

(13)

< نبضات القلب كادت أن تتوقف ....!
سنين العمر مضت ..
دموع تتساقط و اهات ترتفع
إلى متى ..!!
أفكار حائرة
أحلام مبعثرة ....
ثم ماذا .....؟
هي تلك النهاية الحتمية ..؟ >

خالد

" كنت أجر جسدي المتهالك على تصديق تلك الحقيقة " -
-
مايدري وش يسوي يروح لبيت عمه ابو تركي اللي في مزرعته ولا يدري عن البيت ويقوله بسوايا بنته ، او يدخل اهو يكفخها او ايش بالضبط ... !!
حيرة تكتنف مشاعر خالد ... ولكنه لاذ بالقرار الأكيد !
دق خالد على بندر اللي كان في غرفته يتذكر زينة ويتفطر قلبه ألف مره ومره...تركته خلاص
ناظر الجوال ..<< -ابو رامي يتصل بك ...
بندر بصوت حزين : هلاوالله بو نسب
خالد ( وانتم خليتوا فيها نسب ) : هلا بك انا تحت انزل ابيك
بندر : حياك الله ( بندر بينه وبين نفسه يفكر في وش فيه ذا معصب بعد ناقصه انا )
نزل بندر وراح وشاف خالد واقف
نزل خالد سلم على بندر وكان معصب خالد وواصلة معه
بندر ناظر في خالد وحس بغضبه
بندر : خير وش فيه بشر وش صار على زوجتك ؟
خالد واهو يناظر فيه : ممكن تشوف لي اختك المصون وتناديها.. واذا رفضت تقابلني ترى والله العظيم لادخل
بندر قلبه عوره مره من هالكلام ودخل شاف نسرين اللي على بالها ان ضي توفت
بندر : نسرين خالد هنا يبي يشوفك ..؟
نسرين فرحت مره لان خطتها نجحت وجاها ذليل يبي يرجعها ( ياحرام مسرع مامر على وفاة زوجته إلا اسبوع وجايني ) : اسفة قوله مستحيل اشوف إلا اذا حقق شروطي واهو يعرفها عدل
خالد سمع صوتها وعرف انها بالصالة خصوصا وانه سمع كلامها
تنحنح ودخل
نسرين خافت صار سنين ماشافته والحين واقف قدامها بجماله وشموخه وجاذبيته ..
بندر استغرب: هلا خالد تفضل مافي احد حياك الله
نسرين بكبرياء : بندر بليز قوله يطلع انا مابي اشوفه واهو يعرف زين
خالد يبتسم : لا والله بجد عاد انا اللي ميت اشوفك ؟
نسرين بدا الخوف يسري بدمها من نظراته "فتاكة واثقة نظراته "
بندر واقف ويلاحظ نظراتهم القاسيه خصوصا نظرات خالد الفتاكة ....
خالد قرب ومسك نسرين مع شعرها وشدها بقووه
، نسرين صرخت ،
بندر : اذكر الله ياخالد مافي شيء إلا بالتفاهم خلاص انا اوعدك اجيبها للبيت خلاص ماتبي شروط ولا شيء
خالد شدها مع شعرها : ومين الحمار اللي قال لك اني ابيها او اني جاي احقق لها شروطها او حتى اشوفها ، انا جاي اذبحها او حرام اوسخ يديني فيها حتى طقة كف مستخسرها عليها...
بندر عصب من كلام خالد
بندر : خالد خير ان شالله نزل يدك عنها خلاص عاد تراي ساكت عنك من تو...<< احلف بس خخ
خالد : انت اطلع منها واختك ذي شغلها معي ..؟
نسرين بعدت بقوة عن خالد : مالك شغل فيني واذا على بالك برجع لك بعدما ماتت زوجتك انسى ؟؟
" بندر مايدري وش يسوي "
خالد ضحك بسخريه : مين ضي اللي دبرت لها قتل متعمد بس ابشرك انها للحين عايشة الحمدلله وحتى الجنين بخير ...

------ص ص صدمه دمه دمه ------------
بندر استغرب وناظر في خالد : اعوذ بالله بس ياخالد وش هالافكار اللي تجيك اذكر الله بس
خالد : منت مصدق اسأل اختك اللي واقفه قدامك .........
نسرين : كذب كذب صدقت ذالخايبة ضي كذابه ..؟
طرررررررررراخ على وجهها قوووووي
خالد : اسمها بس لا تقولينه على لسانك انا صحيح استخسرت كف عليك بس علشان ام محمد كل شيء يهون وابشرك انها جابت ولد واسمه محمد ......
بندر تفشل مايعرف كيف يتصرف .....
مايعرف وش يقول لخالد ..
ماله وجه يدافع عن نسرين
وقف مكتف و راسه صدع بقوووه ....( صداع يخمه من وقت للثاني صداع قوي جدا)
خالد : تدرين كنت ناوي اسحبك في المحاكم بس تذكرت انك بنت عمي واخوانك اخواني ولولا الخوف من الله ثم من زعلهم اني لامسح فيك البلاط اقل شيء تخيسين في السجن لك كم شهر ..
بندر عجز يتحمل الموقف وطلع صدماته كثيرة هالأيام .................
نسرين بثقة و شموخ : تخسي انت واشكالك تسحبوني في المحاكم ....
خالد : والله ثم والله اذا قربتي صوب ضي او جبتي طاريها بس وربي غير تندمين انا حلفت وتعرفيني ماعرف اكذب عموما انت طالق بالثلاث ولوووو ذبحت ضي وسويت الف شغله وشغله ما راح ارجعلك لو على جثتي فاهمه لانك انسانه متبلدة مريضة نفسيا مكروهه وغير ذا ماعندك دم ولا إنسانيه .........


( هنالك العديد من الأشخاص الذي لابد أن نقدم لهم العزاء في موت ضمائرهم )

طلع خالد واهو برد قلبه شوي
شاف بندر برى بالحوش متضايق وحالته حاله ناظر فيه وقال له : العذر والسموحه ياولد عمي بس عجزت واختك طلعتني من طوري حتى وانا بعيد ماتركتني بحالي، سامحني ادري جرحتك بس عاد الشكوى لله الله يهديها ان شالله والمغرب بمرك اعطيك ورقة الطلاق .............
بندر بحزن ضغط على الزقارة بجزمته وانتم بكرامه : والعيال ...
خالد لبس النظارة : بخيرهم واهم شيء راحتهم يبوني انا ابيهم وشاريهم وياليت يرتاحون عندي
بندر : الله يكون في العون وسامحنا ترى ما...
خالد سكت بندر عشان مايكمل : لا تقول شيء اللي صار صار والحمدلله على كل حال
طلع خالد من البيت ....
و بندر سحب له نفس عميق .... يحس قلبه ذاب من الهموم
-
-
وطلع فوق لنسرين مايشوف الدرب مايشوف اللي يصادفه داليا تحاكيه ولا يشوفها خير شر ...... سحب نفسه بسرعه البرق و إذا هو عند نسرين فتح الباب بقوه ومن غير استئذان
بندر زعق بصوت عالي و عيونه يتطاير منها شرر : أم بدر اجل هاه ......؟؟
قرب لها ... : يوم اني انشدك عن البلوى اللي سمعتها يوم انت تحاكين في الجوال تكذبين علي ليش ..؟
نسرين بترد ..... بندر : ولا كلمة لك عين ليش تحلفين وانت تكذبين ليش ,,,,؟؟؟
رفع صوته عالي
رفع صوته بقوه : تدرين جنونك شوي و يذبح انسانه مالها ذنب هبله انت ....؟. وش قصتك ماقصرنا معك بشيء ...كل الطرق سويناها ومع ذا من سيئ لاسوء ليش ....؟؟؟؟ حرام عليك اتقي الله في عيالك ابوهم مارحمتيه حرمتيهم منه ..... وش انت وش قلبك ....؟؟

( غمض و تذكر شكل زينة يوم تبكي وتقوله والله ما سويت شيء ماسويت شيء ) انطعن بقوة

بندر : و انا ندمي الوحيد اني سمعت كلامك و صدقتك ....غبي درج دلخ اني صدقتك ..( بحسرة قالها)
نسرين بسخرية وعدم إكتراث : كل ذا عشان بنت مضاويوه ذلفت ماتسوى علينا ترى
بندر ضغط على قلبه وقرب لها : معليش اختي الكبيرة بس يبي لك هالكف
ط رررراخ
و على الله و تصحين لنفسك

و طلع يجر حزنه و صدمته الكبيرة معه ....خلاص ماعاد للحياة طعم
""

(14)

)()( لم أعد أشعر بشيء ..عدا تلك الاهات التي تعلو مع كل نبضة من بقايا نبضات الحياة بداخلي )()(

في المستشفى فتحت ضي عيونها.
وشافت محمد شايله خالد بحضه ويبوسه
ضي بصوت متقطع : خالد ...........
خالد نزل حمودي .
ومسك يد ضي : عيون خالد الحمدلله على السلامه ..... طيبة ان شالله الحمدلله الدكتور قالي انك بخير...
ضي تبتسم : وش جبت .....؟
خالد واهو يبتسم : ولد يدنن نسخه مني ...
ضي تضحك : طيب سليم مو معاق ولا شيء.....
خالد : الحمدلله طيب وكل شيء تمام
ضي مسكت يد خالد : وش اللي صار لي ؟
خالد يناظر عيونها بحب كبير : انت قولي لي وش صار لك انا من ساعة ماتعبت وانا مو مع العالم فقدت حياتي وبهجتي كلها
ضي بصوت خافت ابتسمت : يابعد عمري والله...
خالد : اخ ياقلبي بس وين ابوك يقولك وش صار لي ؟
ضي : الله لا يحرمني منكم .......
" دخلت ام خالد ومعها تغريد والهنوف وريم وراما ......
سلموا عليها وتحمدوا لها بالسلامه وشالوا حمودي .... "
راما راحت تركض لابوها وضمته وجلست بحضه ،
خالد مسك حمودي و عطاه راما : شفت هالنونو اخوك اسمه حمودي
راما ببراءة : اخووي ذا اخوووي .....
ريم بلقافه : أي اخوك اجل .....
راما : ابيه ودي اخذه وناسه
خالد :اخاف يطيح منك صغير هذا ياماما مايعرف شيء
راما : يعرف يقول راما .............
ريم بلقافتها : اقول اها بس
ضي: وش فيك عليها صغيره ماتعرف .....!
خالد يناظر راما : لا يمه مايعرف بس ان شالله يكبر ويلعب معك بس لا تضربينه طيب ( ضحك لها)
راما : لا ماحب اضرب احد بس ماما دايم تضربني
( خالد انكسر من كلام بنته لاحظ انها متحطمه نفسيا )
الجميع تأثر بهالموقف خصوصا بعدما عرفوا سالفه نسرين ورا محاولة قتل ضي .......
( خالد محتار كيف بيقول لضي ...)
ضي : وين بتوووو ؟
ريم : عند زينة
تغريد استغربت : غريبه زينة وش عندها بتو، او لانها اخت بدر يعني هههههههه
خالد : هههههه هذا انتم يالبنات اخت زوجكم تتمصلحون معها لين تتزوجون وبعدين تسحبون عليها
ضي : الحمدلله انا ماكنت اعرف خواتك إلا بعد الزواج ههههههه
ام خالد: لا يام محمد انت غير والله الله يقومك بالسلامه بس
خالد : افا يمه ترى راسها بيكبر علي من تووو لو شفت وش تقووووول؟
ريم بلقافتها : وش تقول ؟
خالد: وانت وش حاشرك عيب بعدك بزر ههههههه امور مثل كذا عيب تحكين فيها
ضي طقت يد خالد بشويش لانها انحرجت ...
خالد : يالبى قلبها يمه ذبحتني خجوله بالمره
، وقام وبوس راسها ....
ريم والهنوف كاتمات الضحك << ربشات خخ
"تغريد تفكر غريبة بتو تروح لزينة وش عندها ومن متى اصلا زينة تعطي احد وجه من صار لها سنين متغيرة "
الهنوف : تغريد بشري عساك بس حليت اللغز ؟
تغريد من غير نفس : أي لغز ...
ريم : اللي لك ساعة تفكرين فيه .........
تغريد بحماس : تبون الصدق لا هههههه
"
"

إبتهال عند زينة تواسيها بس لاحظت ان صحة زينة مرة تدهورت مره نفسيتها تعبانه حيل ماعندها ثقة بحالها ابد ....
إبتهال تحاول تسوي جو لزينة : تدرين زينة ضي جابت ولد ..؟
زينة بحزن تحرك دمية بيدها : الحمدلله على سلامتها ويتربى بعز والديه ...
إبتهال : الله يجزاك خير طيب تدرين ان نسرين الحيوانه استأجرت ممرضة عشان تقتل ضي والجنين اللي في بطنها ...
زينة بحزن وألم وحسرة ( مو مع إبتهال خير شر ) : اللهم صلي على محمد الله يعافينا من حالها..
إبتهال : امممم امممم طيب تدرين ان ان وش بعد أي تدرين ان ود حامل ..؟
زينة بمراره : على البركة ........
إبتهال انفجرت : خلاص تعبت ترى احاكيك وانت زين تكلمت كلمة او كلمتين خلاص عاد سولفي معي انا متهاوشة مع سعوود لين شاتني عند بابكم ومتوعد فيني اذا دقيت عليه يجي يأخذني....

(( زينة ابتسمت بسمة مصطنعة)) ...

إبتهال : بسمتك بايخه مره ههههههههه تسكيته واضحه ........ إلا اقولك صدق تدرين تدرين متى زواج اخوك بدر ..؟
زينة ابتسمت وناظرتها : لا .... بس اكيد قريب اهو قال هالشهر
بتو : كيف بتحضرين وانت بهالحال .....
زينة : ماراح احضر .....
بتو : افا كبيرة اخوك الوحيد
زينة بحزن : ماقلت لك امي بتجي ان شالله الاسبوع الجاي وبروح بيتنا ان شالله ...
بتوووو : حلو عشان اجيك كل وقت ههههههههه اللي يسمع يقول اني ماطيح عندك 24 ساعه في بيت جدتك
زينة تبتسم : لعيوني او عيون بدر
بتووو : تبين الصراحه مابي اكون كذابه لعيون بدر اول ثم عيونك ههههههه
زينة ابتسمت وضمتها
بتووو : وش رايك اغديك على حسابي في أي مطعم انت تختارينه ..؟
زينة بإمتعاض : لا مالي خلق ......
بتو : وانت ماتعرفين غير هالكلمة كرهتها ترى ارحميني ...
دق جوال بتوووو<---تغريد يتصل بك ..
بتو : شفت تغريد دقت تاخرت راح الوقت ولاكلت أي شيء ........
. بتو : هلا تغريد سوووق مانيب رايحه تعبانه وزينة قرفتني وش تبين..؟
تغريد :ههههههه من زين ذوقك عاد يوم اخذك معي للسوق من يوم ما خقيت على " فيل فري" غسلت يديني من ذوقك المخيس ايه صح وش فيها زينة عسى ماشر ..؟
بتو : تتدلع تعبانه ورافضه تبتلع ....
تغريد بلقافة : حامل ...
تغير وجهها : لا
زينة سمعت وتضايقت مره .....
تغريد : وش فيها اجل ....
بتو : اللي خبري خبرك ههههههه
تغريد : الله يكوووون في عونها سلميني عليها وقولي لها تكتب وصيتها هههههه
بتو : لا عاد لا تخرشين البنت تحسبين كل العالم زيك
تغريد : تخفيف ذنوب ان شالله ، المهم ترى نواف بالملعونه واختها جاي بيأخذك لا تتأخرين عليه ثم يفضحنا ويخليك يسويها عادي ولاشيء تراه ملحوس ماينقال عنه شي
بتو : وناسه عشان انام عند زيووون
تغريد : وجع و بندر ..؟
للمرة الثانية ندمت بتو على كلمتها وحست ان زينة تألمت لانها كرهت طاريه وكرهت كل حياتها وذكرياتها معه ،
بتو : يلا بس خلي نواف يجي لا يتأخر علي...
"
"
"
"
نواف معصب مايدري وش توصيف البيت اللي اخذه من سعود على باله ان بتو عند صاحبتها
نواف : خير وش مجلسك عند صاحبتك لهالوقت ناظري الساعه 3
بتو تعدل نقابها : وش اسوي مسكينه محتاجتني مايصير اخليها
نواف : أي بس عاد مايصير تجلسين إلا هالوقت تدرين لو يدري خالد يزعل عليك
بتو : لا انا مستأذنه منه وسمح لي وقال اذا بتامين بعد
نواف وقف السيارة ربط فرامل خخخ : لا والله ذاللي ناقص عشان اذبحك انا بيديني
بتووووووو : عادي نواف ذي بنت عمي ومسكينه منهارة نفسيا
نواف ماميز كلمة بنت عمي من العصبية : ان شاءالله تنهار كليا مو نفسيا بس مايصير تجلسين لهالوقت....
بتو : حرام عليك ماعندها احد إلا انا
نواف : وين امها وابوها واخوانها خواتها على الاقل مقطوعه من شجرة معقولة .؟
بتو : لا والله تستهبل انت ووجهك هاه ... يعني ماتدري ان عمي سعود ماعنده إلا بنت وحده واهو بإيطاليا وزجته رازه عمرها تحضر الدكتوراة هناك و و احم احم احم في كندا يدرس
نواف شهق ووقف السيارة : انت كنت عند مين ..؟ مين
بتو : وش فيك انت شكاك اعوذ بالله من حالك زينة بنت عمي سعو د
نواف قلبه تزايدت دقاته : زينة ....
بتو منخرشه : أي
نواف بأسى : وش جايبها هنا؟
بتو : عند جدتها نورة ........
نواف : أي بس سعود قالي انك عند صاحبتك
بتو : نذل مع مرتبة الشرف ههههههههه يدري لو قلت بيت جدة زينة ماتدل وبترفض ترجعني
نواف ( ا ه لو تدري بقلبي انا طاري زينة لو اتعنى له باخر الدنيا ) : وش فيها طيب تعبانه؟
بتو : أي ياحرام تعبانه ...
نواف بمراره : اهي حامل صح ....؟
بتو : لا تعبانه شوي بس ........
نواف : طيب انا شايف بندر قبل شوي يكلم خالد اخوي في بيتنا يعني موجود ليش زينة في بيت امها نورة ؟
بتو : مدري مقرود وخبل ومايستحي على دمه ....
نواف استغرب : وشو ليش طيب
بتو : حيوان وبس .......
نواف : مافي شيء اسمه بس ليش طيب مزعلها بشيء ( مشاعره انطعنت بقوة )
بتو : ياويلك اذا قلت لاحد اهو طلقها بس مارسل ورقتها للحين
نواف( بارقة امل امامه ليستبيح جمال وبراءة زينة ) : غريب اللي اعرفه انو يموت فيها ؟
بتو : حتى اهي تموت فيه ( صفقه على قلب نواف )
نواف : ليش بيطلقون طيب ؟
بتوووووو : نصيبهم وطبعا ذا غير حركات العذال
نواف مايعرف ليش انبسط مع انه يحب بندر ويبي له الخير دايم لانه مايقصر معه بشيء،
بتو : اقول يالاخووو كنك روقت ....
نواف ابتسم : أي والله
بتو : بما انك مروق الله لا يهينك هات لي كوب كوفي من اللي دايم تأخذ منه كيوبز كافيه
نواف : وانا كم بتووووو ( اول مره يقول بتو ) عندي تأمرين امر
ونزل وجاب لها ، بتو : اللهم زود وبارك كم مات يهودي اليوم ههههههههههههه
نواف : عادي تحسديني على اني مروق .....
بتو : لا بس مو عادة لك انت اكره شيء عندك الزحمة والطريق هههههههههههههه
نواف : لا ابشرك عقلنا ...
بتو تحرك الملعقة في الكوب وتقول : اقول اغسل يدك من اللي تفكر فيه ...؟
نواف ابتسم لانه فهم قصدها قال واهو يحرك الدرقسون : ليش ؟
بتو : ماعتقد البنت منهارة نفسيا بندر ولد عمك كسرها هاللي مايستحي على وجهه
نواف : اقول عاد إلا بندر حرام عليك مايستاهل انت وش دراك احنا مانعرف عن شيء ؟
بتو : لا السالفه كلها عندي صبتها علي زينة ياحرام تخيل ماعندها احد تفضفض له
نواف ( اه من زينة بس راح تذبحني ماتدري ان فيه قلب يتحسر ويتعذب ليليا عشانها) ..
نواف : وش السالفه ؟
بتو : صحيح اني خبله ومتسرعه بس عاد كاتمة اسرار .....
نواف : امحق ههههههه عز الله اللي فضحيتها بكرة بنلاقي الخبر في كل الرياض وملحقاتها
بتو : ياويلك من ربك بالعكس زينة اقرب شيء لي من يوم اننا صغار وانا بعد ماخفي عليها شيء..
.نواف : عسى مافضحتينا وافصحت لها عن مكنون الاشواق لبدر ههههه
ابتهال : احد قال كان دمك خفيف هاهاهاهاها
نواف : احمدي ربك متحمل مصالتك اليوم ههههه لإن فيه ظرف استثنائي ليس إلا