.
.
.



.
.

الســلآم عليكم

تعلمو بالله يامتعلمين يابتوع المدراس كيف تكون الصراحه كيف هي الطريقه الافضل
لاستخدام تلك الصفحه كما اراد لها اصحابها كذا تكون الصراحه !!

تستاهل انك تاخذها وتسويها بتصميم وتضبطها وتبروزها ثمن تجيبها هنا
كلام في مكانه نظره بدون اي نوع من الاستهبال فيها انتقاد رائع ودعم اروع

ايوه كذا تكون الصراحه !!

نجي للصراحه نفسها الكلام اللي فيها كبير صراحه ومنمق وجاي بطريقة رائعه
شوفو الخوف والتردد اكيد بيكون موجود لاني قد تهورت ثمن اكلتها على راسي

فصار التردد اكثر من اول بكثير صراحه بس ولا يهمك بخففه شوي ان شاء الله
الامل وربي فـ الافضل موجود واصلا لولا الامل ماكان لنا داعي

بمثل هذه الصراحات سنسعى اكيد للتعديل للافضل يارباااه كم هي رائعه
بعض الصراحات والكلام اللي فيها بجد يخليلك تقراه اكثر من مره وبفرح بعد

شكر بحجم جمال تلكم الكلمات لصاحبـ / ـة الصراحه مع اني متاكد من هو
بس مو ميه فـ الميه الله يسعده مين ماكان بجد بدايه يومي اختلفت كثير
بعد هذه الصراحه

ياليت تكثرون منها والحساب يوم الحساب باذن الله

فـ الاخير

والله ترا ماكون زعلان احيان كثيره ولا فيني اي شي بس اكتب وكذا يتبادر لذهن
من يقرا اعتذر عن هذا الشي بس وربي اني مروووق لابعد الحدود

تدرون وش الاكثر احراج فـ الموضوع

يوم ياتيك احدهم ويضعك في مرتبت الاخ والله ان هذا شي كبير
اقدر كثير من اوصلني لتلك المكانه واتمنى اكون بقدها بجد

صح وقبل انسى كل خميس وانتم بخير

وبدايه شعبان الله يتممه على خير ويبلغنا رمضان ونخت وانتم على اكل وجه
وفي افضل صحه انتم ومن يعزون عليكم ..

كونو بخير حيث ماتكونو واستانسو بالويك اند هذا

ســــلآم

هذا الكلام بعلق عليه لقيته في مدونه قريبه من هنا شدني قلت بسحب من
رجلينه وبجيبه هنا اعلق عليه !!

بجد ذا اللي يصير بعضهم يامعكم يا اخرب بينكم وعليكم هذه الفئه
بجد يبغالهم قعده والتفاته زينه لين يعدلون من طبعهم هذا !!

ياخي جمعتنا مع بعض ايام حلوه وصحبه وكذا وقدر الله لهذه الصحبه النهايه
تحت اي ظرف او اي خلل او اي شي

ليش تحاول تعكرها وتخربها بمثل ذا الفعل اللي تسويه والاستماته في محاولة
تشويه صديق الامس لاجل ان لا يكون غيرك صديق اليوم !!

قالوها وطفشتكم من كثر ماقولها ( ماوصلت اليك لو دامت لغيرك )
يعني سهله الامور والمفروض ناخذها باقل حده وتوتر يمكن اخطا واحد فينا
خطا بسيط لا تعالجون الاخطاء باخطاء اكثر فداحه من الخطا الاول

مشكلتي ومشكلة الكثير مننا نعالج الخطا بخطا بغيت اروح في خرايطها على قولتهم
يوم كنت بعالج الخطا بخطا بس الله سلم !! ولطف !!

فـ الاخير

خلونا نلتمس لهم العذر قبل كل شي خلونا نكون اكثر كرما منهم دائما
لا تعالج بالبتر بالتشويه بالحقد وبالاستهزاء

عالج بالحكمه بالعقل بالاتزان بالابتسامه والله هذا الحل الافضل

نفسي اوريكم شي بس أو اقارن لكم بين كذا شي اخاف صاحبنا يزعل
فبلاشي منها

الايام كفيله بمعرفه كل شي

كونو دائما بخير استرو ماواجهتم مع اصدقائكم احبائكم وكونو لهم
غطاء في كل الاوقات وتحت كل الظروف

وبس سلامتكم

ســـلآم

صبحكم الله بالخير ياوجيه الخير
شي الدخول بالاوقات اللي محد متوقع يشوفك فيها

مدري ليه احسني جاي اسرق او بسوي مصيبه
شعور مدري كيف عاد متعشي شعور ويديني كلها سمك

بسوس حارتنا كلها على شنطه السياره حزنوني
لو دريت جبت لهم كيلو يمشون حالهم فيه لا والمشكله قاعدين ينادون بعض
يامهبل مافيه شي بس الريحه مدري كيف افهمهم ان مافيه شي

بس خلوهم تطلع عليهم الشمس ويذبحهم الجوع خبول
لهم زي ساعتين فوق السياره ومياوو مياااو

يالله ماعلينا

الحين وش جاييبن مدري وربي بس قلت بسجل حضور
من اولا مغير اقرا ومن مدونه للثانيه لين حللت اوم القرايه عطشت من كثر
ماقريت !!

ياخوان وربي الهجلوه في مدوناتكم رهيبه سبحان الله
كلن يغني على ليلاه الله يسعدكم ياشيخ

فـ الاخير

ترا وصلت الرساله بس قسم بالله ماقصدي شي ولا فهمت شي
لكن مسموحين وربي والايام دول ترا

وبس سلامتكم

جمعه طيبه ومباركه باذن الله انتبهو على انفسكم ترا الامور طيبه

سلام

الســلآم عليكم

عدت لكم من جديد بصيد ثمين من صفحه انسى اني امتلكها في احيان
كثيره .. لكن عندما اذهب لها واجد مثل

هذه الكلمات لابد ان اتوقف واحضر ماوجدت
للذكرى طبعا ولانعاش النفس لان بجد بعض الكلام فيه انعاش للنفس للشخص
لكل شي لروعه ماكتب !



.
.

بالله بعد هالكلام فيه كلام !!!

اسعدك الله ربي على هذه الكلمات تلك الاسطر هذا الجمال بجد شي رائع
فخم محفز داعم مشجع !

اتعب وانا اقول قد ايش مثل هذه الكلمات تكون محفزه للشخص داعمه له
ايوه الله يسعدكم هذه من فوائد صفحه الصراحه

تدخل احيان بمود وتطلع منها بمود وشكل ثاني لانك لقيت مثل هذا الكلام
من زمان اقرا لصديق الصراحه بكذا مدونه

هذه النسخه الانثثويه منه !

بس شثان بين الاثنين هنا اكتمل الابداع مع الدعم بقليل من التوجيه والنصح
ابدعت صاحبتنا هنا اسال الله لها التوفيق الدائم

اعذروني عاد بغثكم شوي بالصراحات اللي زي كذا قلت لكم من زمان
الشي الطيب هناك راح اجيبه هنا للذكرى والشكر والامتنان وكل ابو شي

شكرا لصاحبتة القلم هذا بجد شكرا قليل بحقها كتبت وابدعت
احيان اكون بجد محظوظ يوم القى مثل هذا الطرح بجد شكر شكر شكرا

ياليت محد يحط لايك هنا الى صاحبة الصراحه خلونا نعرف هي مين !!
مع اني شبه عارف بس كمان للتاكيد فبلاشي لقافه لا شوف لايك الى من اللي ارسلت هذه الصراحه

لكل جوال العنيد خمسه بس لاشوف لايكات على هذا الرد الى من صاحبه الصراحه
عاد لاتفشلوني اوكيشن !!

يا الله خلوني اروح افر ع المدونات مشتاق ونفسي مفتوحه
للهجوله في مدوناتكم من الحماس بالعاده ادخل المدونات قبل اكتب اليوم

جيت هنا طاير من الكلام اللي جاني

ربي يسعدك ياشيخه قسم بالله ان الكلام يفتح النفس بجد شكرا لك مليووون

ســــــــــلآم

وش ذا !!

مـــاهذا ياقوووم !!



مدوناتكم تنقط حب بكل مكان ماهذا ماذا حدث لكم !!
من انتم ومالذي تشعرون به !!

كله من نفر هو وسوالفه عن قيس وليلى خل الشعب كله يصدق ويعيش
معهم ترا اكثر القصص حقتهم من نسج الخيال لا اكثر !

بس فيه طفرات حب عند الشعوب ويصدقون اي شي !!

الوزير زعلان على التعدديه وانها من انواع الهياط لا وانا اخوك
فواحده لا تكفي الحاجه !

ابو العز حمد لله ع السلامه اخير رجعت وتنازلت تكتب في مدونتك
حمد لله ع السلامه وتو مازان المكان وربي ومبرووك على كل شي صار لكم
ذا السنه وعقبال العالميه مع انها صعبه وقويه

تنهيده تبي احد يعلمها الحوب كيف يكون وش الفرق بين انواعه وكذا
طيف فرحانه بكلام الوزير وشهرزاد معصبه من خويتها وصديقه الطفوله
ورده مشغوله مع ماريا بالدراسه الله يوفقهم
بقايا شتات من كثر ماتعاطش علينا شكلها اختفت !!

مكله بشموخي تغرد بابداع في مدونتها بجد مبدعه ذيك البنت بالتدوين
بس نفسي اعرف مين هي لانها قديمه واول مره اقرا لها زين برجعتها هالمره ...
مدري انا ناسي ولا ش السالفه !!

صح على طاري فيه مدونه وربي اعرف صاحبها زين من كتاباته
بس خلوني اتاكد زين واجيب لكم سالفته او سالفتها !!

فـ الاخير

الله يسعدكم جميع بجد للفلفه في مدوناتكم طعم وشكل ثاني
كونو بخير ولا تصدقون كلام نفر عن قيس وليلى

وماعليكم من الوزير وباركو لابو العز وكثرو من اللايكات والشير
والله الله بالتقييمات اللي توسع الصدر

وعندكم رابط الصراحه تحت شررفونا فيه وبس سلامتكم

ســـلآم

آخــــر شي عاد اعذروني بجد اليوم جعان هروج وربي
امس مغير نايم طول اليوم !!

واليوم جعان سوالف وكذا

باين من الصوره وش بتكلم عنه وابي رايكم بس هاه بدون مشاكل
اللي بتعصب مع نفسها بس بنتكلم بشوي واقعيه !!

( ليه البنات بشكل عام يرفضون التعدد )

وين المشكله فيه اذ توفرت القدره الماليه والصحيه والنفسيه وكل شي
ليه ترفض بس لانه عدد او فكر يعدد سلامات !

اتكلم من واقع اعيشه يعني مو جايب شي من كيسي

ثنين من اخواني معددين واختي زوجها معدد يعني عايش وسط
ناس تحب التعدد وماعندهم اي مشاكل فيه والحمد لله حياتهم في سعاده والله لايغير عليهم

ابي بنت وحده تقنعني بالعقل ليه يرفضون التعدد ليه !!

ولحد يجيب لي قصص ناس معدده وحياتهم مشاكل وكذا
لاني اقدر اجيب لكم مليون قصه ناس حياتهم وعيالهم ضياع في ضياع
وهم متزوجين من زوجه وحده !!

اعذرني يالوزير بس كلامك ماعجبني عادي ترا التعدد واقل من عادي وماللهياط علاقه
فيه انت بس شد حيلك وانوي وخذ لك حربيه واتحداك تاذيك اذ قلت لها بعدد او شي

اسالو من عاش وتربى وسط الحروب طبعا الحروب من حرب القبيله مو الحرب
اللي فيها موت وكذا لا !!

فـ الاخير

ابي احد يقنعني باضرار او مساوء التعدد !
ابي احد يقول لي الاضرار وين وبكل مكان في شرعنا الحنيف الحث ع الزواج
والترغيب فيه لا وكمان في التعدديه وكذا

فلحد يحاول يقنعني باضرار التعدد

وبس سلامتكم

ســـلآم

ياصباح الخير ياوجيـــه الخير هلآ والله بالزين كله
هــلا بعبير واهله هلا بالعيـــآأآأل !

صراحه زوار صفحتي حقت الصراحه كل يوم والثاني يثبتون لي ان
لسى فيه ناس صاحيه وتفكر صح وتنرفع لها الطواقي والعقل وكل شي

ربي يسعدكم لحظه بجيب ابداع اليوم وطبعا مو مدح في المدونه
لا هاالمره تعليق على كلامي امس بس ورب البيت اعجبني



بالله وش رايكم بالكلام بالنسبه ليا الكلام على متمه والزياده عليه
بتخربه بزياده !!

بس تتوقعون صاحب ذاالكلام ولد بشنب او بنيه كل الزين فيها !!!

اوتوقع ولد لان الكلام بجد موزون ومرستك يسعد لي ربي منطوقك ياشيخ
واذ بنيه فهي شهاده من اهل الدار والادرى ببواطن الامور من الشباب كلهم !!

اللي ماعجني فـ الكلام بس الجزئية الاخير

احس فيها اجحاف شوي بحق النساء بشكل عام
ولا ظنتي بيتفق زوجتان على ازعاج رجل واحد يرتبط بهن بعقد كالزواج !!

بس بجد صراحه رد مسكت وفي محله اتعب وانا امدح في راعيـ / ت الصراحه
بجد شكرا قليله في حقك !!

طبعا شهرزاد كمان بدعت في ردها واكيد لي تعليق بس صغيروون
طيف ماش بس تهاوش وتدعي احس ذيك البنت بتعجز بدري من كثر مجالس الحريم الكبار
باين اغلب تعلقياتها فيها دعاوي وكذا

وبس سلامتكم !!

ســــلآم

بزعجكم فـ الكم يوم الجايه بالصراحه
عاد وش اسوي تخبرون المخزون السولوفي اوشك على الانتهاء

فمالي شغل بحول على الصراحه ومنها ابدا كلامي
واجدد سواليفي وسلامتكم




الصراحهـ

أنا مقدر أكون إني حبيبـ ( نـ ) في بعض أحوال
أنا كلي أجي وإلا أروح بعزتي كلي

خذاني لك سؤال في عيونك والجواب محال !!

تعبت أرحل مع وجيه البشر بنساك بالترحال
ولا أدري وش يجيبك في وجيه الناس ..

خلووووها

سلام عليكم .. ام باك .. بعد ماذبحتني الشموس
مدري وش ادور طالع وتارك التكييف وكذا

ماعليكم

الحين للان ماني راضي اشوف لي حل مع ذا الوضع
كل شوي اقول خلاص وقف الامور ماهي زي ماكانت

وخلاص امشي على ذا الاساس
اجي من البكره وجوي رايق عاد يازين الصبح وخاصه بنهايه الاسبوع

واسوي نفس البلاهه اللي دايم ماني راضي اتوب
شكل يبغالي كف على خشتي عشان ارقد واقضب ارضي

بس ماعليكم دايم نتعلم
خلاص اوعدكم اروح ادرس واجيكم مع اني متاكد برجع لنفس الموال

وياليل ابو لمبه !!!

قسم مدري البلا وين < كمان تسال

اكيد فيگ يابو عدل وضعك ولا اقضب الباب


يعجبني صوت الضمير ماعنده يعطيك هي بوجهك
ليتنا دايم كلنا كذا مو عاجبك شي قول ولا تتردد

تخبرون بعضنا مهوين لازم تقولها له على بلاطه


لحد يدقق نفسنة الظهاري والحومه في الشموس
جعل ماينفس فيكم احد


سلام

حلو الكلام وربي بس طويل تعبت اقرا
وللان ماخلصت يامشاء الله عليكم

طيف روقي وخذي لك سنكرز يابنت ليه كل ذا العصبيه
لي رد على ردك باذن الله بس بمخخمخ كلامك

اللي من كثره مدري وش اقول واش اترك
تنهيده لاتعززي وتبين تقفلين الموضوع لا لسى عندنا شوي

توك مع القيلرز لحد يمسكني وخرو بس

وبس بقفل الصفحه اليوم وابعدو عني تراني ادور هوشات

سلام