الســــلآم عليكم .. وصبحكم الله بالخير
تكفون لحد يرجع للصفحه اللي قبل هذه اوكيشن !!

وكمان لحد يقيمن



ماودي الرقم ابو ثلاث ستات يخرب لا وقبلهم اربعتين يعني كانه يقول
كمل الرابعه

تدرون ودي لو ارجع مشرف بس عشان التقييم يكون مفتوح
قسم قهر اشوف مدونات وكلام ودي اقيم اصحابه ويقول سمعات ومدري كيف
سقى الله ايام العز بالكريك اقيم لا ويجي يقول انت بس تقييم

وربي مافكرت بشي خلو اللي ماهو عاجبه مع نفسه اصلا التقييم اشيك
واقل ضرر من اي رساله او كلام لاي احد تاثيره اجمل وافضل واحسن على المتلقي

وهنا فيه ناس للان خايفه تقييم !!

على قولت وليد عبدالله جعل مايقيم غيرك قيم يامال الغناه

ماعلينا لحد يخرب عليا الرقم اوكيشن

ماعليكم بعطيكم لغز خفيف ينشطكم شوي

اذ كانت

1 = 5
2 = 25
3 = 325
4 = 4325
5 = ؟

اللي يحله له تقييم مليوني وش يبي تنهيده خليك قريبه لانك بتقيمين
اللي يجيب الجواب الصحيح اول واحد !!

طبعا اللغز للاذكياء ممنوع استخدام الآله الحاسبه ومعكم لين
المغرب استقبل الاجابات بكل مكان

بمدوناتكم او صفحت الصراحه حقتي
او رساله هنا
او بتقييم وذا الافضل

بروح ابصم بصمه الساعه (9) وراجع الله يسامح الجنوبي
كاد انه ابلشنا بالبصمات

يالله خليكم قراب بشوف مين الاذكى هنا

ســــلام

ودي اتحدى كم واحد هنا ابغاهم يدونا لو رد واحد في مدوناتهم بس بشرط يكون
كامل باللهجه الحجازيه نفسي اشوف كيف بيكون الرد

مدري ليه احس طيف بتبدع شهرزاد وتنهيده الظاهر بيقعدون ساعه لين يكتبون الرد
باللهجه الحجازيه كامل

نفر معلم ابو العز وربي يوصولون للعالميه ماجاب الرد باللهجه الحجازيه

هيا خلونا نشوف ادونا رد في مدوناتكم تكلمو عن اي موضوع بس بشرط
يكون باللهجه الحجازيه الصرفه مو مكسر لا ابيه حجازي حجازي

وبعدين بسالكم عن شي بس اول ابي ابداعاتكم باللهجه الحجازيه
نفر انت المدقق الاملائي حقنا خليك قريب مع اني اشك انك تقدر

تكتب باحترافيه بنفس اللهجه !!

المهم لا تنسون وكله ترا رد واحد يعني مو كثير
مدري ليه اظن ورده اكثر وحده بتضبط الرد باللهجه الحجازيه صح

خلوني اقوم افطر

وهاه لا تنسون استنى مشاركااتكم باللهجه الحجازيه
وعادي اللي ماعنده مدونه يكتب لي كم سطر برساله او يرسله على صفحة
الصراحه يلقاها تحت فـ التوقيع

ســـلآم

ســــــــــلآم

مدري ليه فيه ناس مصره اني زعلان !!
ياناس وربي ماني بزعلان ولا فيني شي بس كل السالفه موضوع
كنت اتهدد به وكنت ماخذ الامور بكل سهاله وكذا

الان صار التهديد واقع وقاعد اعيشه بس هذه كل السالفه

عاد تخيلو يجي احد يهددك بشي بعد فتره التهديد يدخل مرحله التنفيذ
وماتقدر تغير شي لانه سبق وتم انذارك وكذا

تدرون وين المشكله عاد

انك تتعامل مع ناس في قمه الذكاء وانت تدري بمدى ذكائهم وتحاول تخاطبهم
بنفس قدرتهم وتبعد عن الكلام المباشر اللي يكون فـ الصميم

هم يفهمون انت وش تبي توصل له او وش سالفتك بالضبط وغيرهم
ماينتبه انت وش قاعد تقول فيحسب انك زعلان او شي !!

عشان كذا خلو كلامي عنكم ترا ماعندي سالفه وقاعد اهذري مدري وربي
المهم ان زعل والله مابوه زعل واخر ما فكر فيه ازعل من احد

صح نعصب احيان بس والله ان الزعل بعيد

خلوني اخذ فره على مدوناتكم وجاي بشوف ابداعات الشعب فـ الحجازيه
مع اني قريت البارح ع الطاير كم مشاركه وربي توحف

يالله سي ياي نكست تايم تو دي ذا لاست دي وورك انذ ويك
تمورو از ويك اند هابي ويك اند ايفري ون

خودافس

اخر سطرين تعقد ادري

ســـلآم

قاعد اتابع من فتره كلامكم على كلام ملكة بشموخي هذه البنت
صراحه مبدعه في طرحها طريقه تفكيرها تختلف عن اغلب البنات تنظر للمواضيع
من زوايا مختلفه عن الغالبيه يبان ذا الشي من طرحها

فيها كثير من تنهيده وشهرزاد كانها مكس منهم مدري

ما اتفق مع الجزء الاول من الكلام او خلونا نقول نهايه الجزء الاول
هذا اول شي !

ثاني شي الحب المنتهي بالزواج مايكون مكان شاشات ابد او اسماء وهميه
ومعرفات مايندرى عن من هم خلفها

يعني خلونا نتفق مافيه حب كذا هذا اعجاب بالطرح اعجاب الشخصيه
اعجاب بشي نصه او اغلبه غامض عنا

بس مايوصل للحوب اللي يمكن ينتهي بزواج فخلوكم من الناس اللي تبي تخطب ناس تعرفها
من النت او المنتديات هذول ماهم صادقين لو مهما يقولون واذ تبون تعرفون
اسالو نوادر نجد عنهم

نجي للجزء الثاني من الكلام حلو التجربه والعيش فيها وكذا بس ترا مو حب وربي
اقصد مو الحب الطبيعي ذا زي ماقلت لكم حب شخصيه خياليه نوعا ما في طرحها
وكلامها بعد اعجاب فيها وبطرحها بس مايصير نوصله للحوب الحقيقي اللي غني له محمود فواد

اضم صوتي لشهرزاد وتنهيده ذا مو حب ذا وهم الحب او جوع الحب
لان بعضهم جعان بس يبي اي شي عشان يقول احب سلامات مو كذا الحب

لو الكل يخلي النت والناس اللي فيه اصدقاء مو اكثر من كذا والله بيرتاح
الصداقه الالكترونيه رهيبه لو نخليها في حدودها مانخليها تتجازو ذا الشي

مشكلتنا نبي نعيش الحب وماندري كيف يعني اجي امدح في موضوع لك
او انزل موضوع وكذا يعجبك بعد فتره القاك تحبني سلامات !!

لا والمصيبه اللي يحبك او يقول انه يحبك وبعد فتره يبغاك ماتكلم احد غيره
كانكم تزوجتو لا مو كذا ياهوووو اعقل من كذا بالله !!

بس مانختلف ان المفروض تكون الذكريات حلوه والاستمتاع بكل لحظه جمعتنا مع اي
احد في ذا العالم بعض النظر عن اي شي شابها او اختلاف حصل فيها

بدون من التقليل من احد ان الانقاص منه او المزايده في اشياء تاففه
او السعي للانتقام من اللي جمعتنا فيه الايام وكان بيننا لحظات اكثر من رائعه

هذا رايي فـ الموضوع وسلامتكم

ادري مسكت مخرج 14 والمفروض اروح مع مخرج 11 بس ماعليكم
ماني من اهل البلد واحيان اضيع

وبس سلامتكم

ســــلآم

الســـلآم عليكم

صبحكم الله بالخير .. الحمد لله عدى امس على خير
وتساهيل كنت شايل الهم وربي بس طلع كلام فاضي وتنظير
لا وجلسات مالها داعي كنت ودي اقطعها من النص واقول وربي ادري
بس عاد صار اللي صار المشكله في بعضهم يتعامل معاك
كانك عايش في صحرا ولا تدري عن شي !!

مدري ليه للواحد فينا تقبله للنصيحه او التوجيه دايم بنوع من الملل
ماتتحمل احد يقعد ينظر عليك ويعطيك كلام انشائي وكذا
ودك تحذفه باي شي قدامك وتقول ادري هات
اللي بعده .. !!

احيان كثيره ودي اسوي زي شعراء القلطه ( المحاوره ) بس يقول كلمه
الكل يسكت ( خلوووها )

خلاص ويجيب القاف الثاني او الرد الجديد والله امس كل شوي
ودي اقولها اللي عندي ( خلوها ) بس ماش خفت من عواقبها وربي

فقاعد اسمع لا وكاني اول مره اسمع الكلام عاد احب اقعد ساكت
لو تقعد تسولف على راسي ساعه وانا ساكت ماعندي مشكله
بس لا تسالني وتقول وش كنا نقول !!

ياخي طبع مدري كيف جاي يبغاله اعادة تهيئه وكذا

المهم ماعليكم

اخوي الغالي اللي مرسل لي فـ الصراحه بالله كيف برد عليك
او بكلمك فياليت تفتح صفحه صراحه وتعطينا رابطها
ومنها اقدر اتواصل معك براحتك وبراحتي

تقييم مقدر اقيمك الى مره وحده وخلصتها معاك ويبغالي مشوار لين
اقدر ارجع اقيمك فعطني رابط صفحة الصراحه عندك وباذن الله تزين الامور
ولا يهمك بحاول بقد ما اقدر

والله يكتب اللي فيه الخير للجميع

يتبع >>>

يعنني حركات مسوي بس بالله وش رايكم بالحركه
يتبع ونكمل بالله ماهي رهيبه

ماعلكيم مني خلونا نتكلم فـ المفيد مو مفيد مفيد لا بس شي شفته وكلام قريته
ماعجبني صراحه وحبيت ارد عليه هنا بمكاني الخاص

ياخوان مو شرط نكتب للفايده او عشان احد يجي يمر من هنا يستفيد او كذا
لا والله لنا باهل علم لنفيد ولسنا من اهل التجارب لننصح
لا نملك مواهب عشان نهايط فيها ولا موهلاتنا تساعد نكون موجهين او ناصحين

ولا لدينا القدره على نسج القصص وفبركتها كما يريد بعض المخرجين
مجرد ناس عاديين قدر علينا ان نكون هنا معكم نكتب فقط لمجرد الكتابه
لا نبحث عن شهره ولا عن اعجاب بما نكتب فقط نكتب وسنستمر بالكتابه والشخبطه

هي كذا كتاباتنا تحمل الردي احيان وقليلا ماتجد الجيد فيها
حين ادون او اكتب اريد فقط ان اكتب بعض النظر عن النتيجه اصلا الحش جاي جاي
مهما نسوي نفسي اعطيكم رقمي السري في صفحه الصراحه
والله بتشوفون اشكال غريبه وربي كل هما الحش واشكال التطفيش

بس عادي تعودنا وربي وكبرنا شوي صرنا اكثر اتزان وكذا

المهم

نعم برد واناقش المواضيع اللي احصلها او تشدني اني ارد عليها
وفي هذه الصفحه او ذا المكان لانه هو مكاني ماحب بصراحه اروح لمكان ثاني
لو ان فيه مواضيع كثيره تشدني بكذا مكان بس خلاص بيتي هنا

ماودي اطلع منه !!

ماقلت لكم فـ الرد اللي قبل احب اسمع بس لا تسالني بعدها عن شي
اذ بعلق بيكون تعليقي بطريقتي وبالمكان اللي ارتاح فيه

احترم طبعا راي الغالبيه بس كمان احترمو وجهة نظري احسني هنا اقوى
من اي مكان ثاني بالمنتدى

عشان كذا تلقون طلعاتي برا هنا قليله واستضافتي بالاقسام الثانيه شبه معدومه
>> لان مامنك فود

اسكت انت مالك دخل صوت الضمير احيان وربي يجيبها بنص الجبهه
بس ماعليكم منه خووي ويمون

فـ الاخير

اكتبو براحتكم ليس شرطا ان تكون كتاباتكم تحمل التوجيه والارشاد
او ان تكون ذا فائده كبيره فقد تصنع ابتسامه افضل من اي نصيحه

تعبنا من النصح والاستماع اليه ومحاوله التصنع لننصح
خلونا شوي متحررين من قيود النصح عيشوها با اكثر سهالات واقل تصنع واخف نصح

عيشوها صح

وبس سلامتكم

لا شوف احد يقيم او يحط لايك رديني الاخيره هذه حق من حذفها
بس خساره التعب اللي فيها

وهاه لحد يتحسس من الكلام بس هي كم كلمه براسي حبيت اقولها
لاني قريت الكلام اكثر من مره في اكثر من مكان

وبنفس الطريقه كان المتحدث واحد والادوات مختلفه

خودافس

النهايه .

صبحكم الله بالخير لحظه برويكم شي من التميز الرقمي
خليكم قريب بقص والصق واحمل واجيب !!




ياخوان احب التميز الرقمي بجد فيه فخامه الحمد لله ماني
ولد نعمه وفلوسي كثيره وربي تلقونها راحت فـ الارقام المميزه وكذا

(5000005)

بالله لحد يخربه خلاص ماعاد ابي احد يقيم بريحكم من التقييم
فتكفون لحد يقسيه على قول الكوايته

خلوه زي ماهو ليت اقدر اقفل التقييم عشان محد يتلقف ويقييم
ومنها اريح الناس من الاحراج !

عاد تصدقون وربي اكثر شي احب اسويه يوم كنت مراقب اني اقيم الخلق
على اي شي تلقوني حاط تقييم لاني اعرف قد ايش التقييم يفرق مع الواحد

الان اشوف الوضع اختلف فيه فقر تقييمي واضح من الارقام اللي اشوفها
لان خويكم صاحب ذا المدونه مجنون ارقام يعني ترا اشوف معدلات التقييم عند الكل

وماشاء الله عليها تنهيده محد قدها كسرت حاجز المليون هنا
يجون بعدها نفر وشهرزاد وانه الحرف وشمس والوزير وخويكم صاحب ذا المدونه
اللي خلاص قفل الباب لحد يقيمه

<< فرحان بالرقم المميز اللي عنده

ايوه فرحان مالك دخل

وبس ماعندي سالفه اليوم بس فرحان بالرقم حق التقييم وجاي اتررزز بوه هنا

بس نصيحه للناس اللي عندها الباب مفتوح للتقييم لا تبخلون على العالم
قيموهم ترا والله يفرق معهم وبيجي لكم يوم تتمنون تقيمون بس ماتقدرون
زي وضعي الحين كل شوي طالعتي رساله السمعات وكذا

بس ابشركم لقيت حل في صفحات الصراحه واقيم العالم هناك بطريقتي الخاصه
يدي تاكلني نفسي اقول لكم كيف

بس لا ماني قايل بقيمكم بطريقتي وبستمر بذا الشي
وسلامتكم جميع

هاه لا تنسون لا شوف احد يقييم !!

قبل اطلع ابو العز وينك عن مدونتك يابو ترا اخذنا 2 دوري
وعادي ندون وكذا لا تحسب انها شطاره يوم تاخذون الدوري

ترا الفتح اخذه

الشطاره فـ العالميه يابو !!


خودااافس

اي وربي لو نتعلم ذا الشي ونخليه شعار لنا نرتاح
( قل لن يصيبنا الإ ماكتب الله لـنا )

.
.

يسالني مره واحد يقول ياولد انت كيف فلان سحب عليك وكذا ولسى انت
ماخذ الامور بسهاله وكذا !

اذكر كنت اتهاوش معاه عشان ذا ا لشي

اقول له اصلا لو دامت لغيرك ماوصلت لك وماجاك الى عمل يديك
فلا تحسب الامور واقفه عليك او انت الوحيد المهم بالعالم

خوينا يزعل احيان وبعدين يرسل انه زعلان اقول لاتردك الى يدك
من نايحيتي الامور طيبه ولا عليك تبقى وربي عزيز وغالي

كلها كم كلمه طيبه وضحكه حلوه وتزين وربي الامور مدري ليه ناخذها باكثر تعقيد
ترا ماتسوى وربي

اعرف من كان يقول خليكم زي التغليف حق الهدايا نتعب احيان وحنا نختار التغليف الافضل
واذ غلفنا فيه الهديه نفرح بقووه بس ودنا نوصلها لصاحبها بسرعه

يشوفها صاحبها يفرح بمجرد مايشوف معاك شي مغلف
يعني التغليف كان سبب في السعاده اكبر شي وفيه سعاده مع فتح التغليف
بس حده يخلص من فتح الغلاف يرميه ويصير الغلاف بدون اي قيمه

ولا له اي داعي !!

شايفين كيف الغالبيه كذا زي اغلفه الهدايا رهيبه وتجيب السعاده بس موقته للاسف
فخلونا نكون اكثر من الاغلفه خلونا نصير الهديه نفسها

وبس سلامتكم

ســــلآم

كل ـآلبشر مآفيهم .. / ـآنسآن كآمل !
ـآلكل منآ ع’ـنده | ـأخ’ـطآء و ذنوب ]
وأكبر خ’ـطآ في ـآلنآس
{ سوء ـآلتع’ـآمل •
{ وـأكبر ذنوب ـآلنآس -[ تذنب و لـآتتوب ..
..................................و لـآتتوب !

النفسيه اليوم ودكم من ياخذها ويسوي لها فرمته ويردها الظهر
وربي بالقوه جاي اصلا ..

مواصل وجاي للدوام والاخلاق وربي صفر استنى البصمه الاولى
ببصم وبروح البيت !

وماسكه معاي غلط اليوم بروح اشيك على موضوع
قريب فـ النقاشات لا يفوتكم

تنهيده تدور مشكل منزله موضوع مدري كيف هناك بروح اشوف شـ السالفه
ويمكن اترك لهم بصمه وامسك الباب

ويمكن اطالعهم بنص عين كالعاده وامشي

بس الموضوع مشربك يبغاله روقان وكذا وانا وربي ماشوف زين
على صحوتي من امس المغرب للان مانمت !!

يالله فتكم بعافيه !!

ســـلآم