ام باإأك

يعني لقد رجعت بالعربي اشبك اصلا رحت ادري بس بسوي زحمه ردرود ف المدونه
مدونتي وانا حرن فيها !!

الله يسامح شهرزاد تعقدت صرت اكتب سطر ارجع اقراه مره ثانيه ادور
الاخطاء الاملائيه تذكرت المدرسه يالله ماعليكم ضريبه الشهره << برا برا قال شهره قال

صح وربي كدت انسى ليه رجعت بسرعه !!

هذا ياطويلين الاعمار اختنا الطيبه ( انه حرف ) ارسلت قبل كم يوم تعيد وتطمنا انها بدت
تتحسن وانها راجعه باذن الله زي اول

وبوه ناسن شكلهم على بالهم اني امزح عاد قلت ياولد بجيب لكم الرساله فيذا
عشان العالم اللي تسال عنها كمان تتطمن

طبعا رسالتها جات بعد ما ارسلت لها رساله اسال عن صحتها وكذا
وبس .. الله يتمم شفائها وترجع بالسلامه

المشكله تهدد انها بترجعني السجن وكذا مدري ليه والله اني طيب وغلبان والبسه
تاكل عشاي اذ امي ماكانت عندي

بس السجن للرجال ولا يهمك ترجعي بالسلامه ان شاء الله وماعندي مشكله
دخلوني السجن دام فيها فلوس وشهره ادخل السجن وانا اضحك


ربي يتمم شفاك على خير وتقومي بالسلامه والله يجعلها اخر الامراض ويكتب لك الاجر
لان مع كل مرض اجر للصبر واحتساب الاجر

اسال الله لك شفاء دائم وصحة طيبه لانك انسانه كسبتي احترام الجميع برقي
تعاملك واحترامك للجميع كوني بخير اختاه

وبس هذه الرساله نزلتها هنا عشان العالم اللي تسال عنها ودعواتكم لها
وبس !!


ف امان الله وحفظه

صح قبل انسى شهزراد ترى اتعمد احط الفا لوحدها واطنش الياء يعني ماهو خطا املائي انتبهي
هذا للعجله ولاني احب اللي يقرا كلامي كانه قاعد قدامي

خودافس

اأإم بأأأإأاأك اقين !!

لقد رجعت مرت اخرا ايضا وش رايكم يوم اتكلم انقلش واترجم لكم
والله المفروض ياخذوني اشتغل ف السفاره الفرنسيه دام معاي لغات وكذا

يالله ماعليكم مني

جاي بعلمكم اني اليوم سويت حركات الوزراء ما داومت الى الساعه 12
يعني اهلنا ف مسقط السعيد توهم راجعين من مدراسهم يوم جيت اداوم

قلت لكم امس اني مزكوم والبارح اخذت فلوتاب وبندول نايت وبخاخ للانف << متهور صح
وبروفين لضروسي

وكلها بدون وصفه طبيه هذا الناقص استنى دكتور يقول لي وش اخذ

المهم وسحبتها نومه من 12 ونص لين 12 ونص اليوم الظهر
اتصلت على المدير وقلت ترا تو اصحى اجي او اكملها غياب قال لا تعال

وهذاني جيت

شايفين ماعندي سالفه بس بعلمكم اني داومت 12 وبطلع اربعه ونص العصر نيهاهاهاهاهاي

يالله ف امان الله

خودافس وبعدوا عني لا اعديكم ترى علمتكم اللي مايحط لايك بعديه

خودافس

مافيني شي !!
عجبتني البصمه !!

البعض يتركها فينا تبقى خامده مدفونه
احيان وبدون اي شي تثور !!

لتذكرنا ببعض اخطائنا رغم قدمها الى انها
تبقى !!

لثورتها اثر يبقى طويلا

من الاشياء الله انحرمت منها !! !!

سقا الله ايام كنت مدمن لين جبت العيد
شوي واكسر لهم الشاشه واخذه

اصلا برد وزكام ماش اصلا ما احبه << باين الصادق !!

اليوم احسني صاير بخيل ف الردود شكلي مستعجل اقلب الصفحه
تخبرون الي ماعنده سالفه مغير كلمه ورد غطاها

ع العموم تشكرات للعالم اللي شاده حيلها تقيم وكذا
بس وربكم منفس لين الان اللون الاخضر مارجع شكلي بشري لي صبغ واقعد اصبغ
فوق بالاخضر لين يضبط

سلام سلام شكلي مع الجوع قمت ارمي خيط وخيط وربكم حتى فطور مفطرت لين
الان مغير شاهي قهوه لين صرت اسمع صوت القربه اذ تحركت

يالله سلام

صبحكم الله بالخير يالطيبن جميع صباح اطهر من ابتسامه طفل
جاته امه بعد غيبه ف سوق او زياره قريب

وخميسكم سعيد باذن الكريم ونهايه اسبوع بارد جاب العيد في بعضنا
واولهم خويكم صاحب ذا المدونه اللي مدري كيف جايه




معجبتني ذا اللطخه عشان كذا بغثكم فيها غث ها الكم يوم
يعني استحملوني شوي فتره وتعدي وارجع للوضع العادي

على طاري هلا ب اللي برجعتهم تحس فيه روحه راجعه هنا

من جد لتواجد البعض شكل ثاني في عتبهم في خربشتهم
في خواطرهم اللي مدري كيف جايه



تصدقون ساعات اجي بكتب هنا والقاني اتكلم بشي ثاني غير اللي ببالي
وامسك خط ثاني وامشي معاه

وتعدي احيان على خير مع اني قريب من جيبت العيد

صح قبل انسى اعتذر من العالم اللي هنا او ف تويتر يطلبون تواصل
عن طريق الجوال سوري وانا اخوكم اعذروني جوالي خط احمر

زي كل البقع الحمرا اللي شوهت فيها مدونتي من امس
اصلا احمدوا ربكم علمتكم بحسابي ف تويتر

عندني فوبيا من التواصل الاجتماعي احب اكتب واطلع وبس
ما احب اكثر من كذا !!



قبل فتره ماهي بعيده جاني عضو معنا هنا بس زمان مايدخل شكله شاف حسابي
هنا وجاني هناك ف تويتر

بعد السلام عرفني بنفسه والله فرحت صراحه
طلع يبغاني اسجل معاهم في منتدى ثاني يقول نبغاك تكون معنا هناك

اعتذرت لاني مالي ف المنتديات يكفي اني تورطت ف ذا المنتدى
وخلاص توبه اكررها

طلع من اهل المدينه طلب جوالي واداني جواله وكما اعتذرت
وادري انه راح يكون هنا يقرا كلامي

اعتذر له هنا كمان وبس !!



من فتره ماشي على سياسه تعلمتها من الوالد الله يحفظه يقول
خل الكل عنك بنفس المسافه لاتقرب احد منك بزياده

راح يطلع لك ناس يزعلون اش معني ذا الشخص منك قريب بزياده
ويحاولون بقد مايقدرون يخربون علاقتكم ببعض

ابعد عن الشر وغني له !!

خصوص ف النت اطبق ذا القاعده بقوه احاول يكون الجميع بنفس المكان
عشان اتجنب التصادم من خاف سلم



ف الاخير

اسمع من الكل لا ترد احد انه يتكلم لو مهما يقول اسمع منه
الاستماع يريح الشخص احيان يفرح يلقى احد يسمع له

بس ماهو شرط اذ سمعت اطبق او اصدق او ابني اي شي على
الكلام اللي سمعته

خميسكم فله ...

واجازه سعيده باذن الله

خودافس

ايوه لقد عدت ام باك اقين سلام ...

من زمان ما جبت اللي يتكلمون عني في مدوناتهم وقعدت اسحب
فيهم فيذا اليوم فايق ويمكن اثر ومفعول الحبوب لسى ما راح

مع اني اخذ كاسه شاهي نعناع حساوي اول ما اصحى
عشان تفك .. صح جربوه اشرب لك شاهي بالنعاع الحساوي يطير مفعول اي

مضاد او حبوب اخذتها وتحس بفوقان خاصه مع البندول نايت والفلوتاب
قلبت دكتور بس ماعليكم خبرات باقي بس يعطوني شهاده واداوم

بالمركز الصحي اللي عندنا اصلا سهلة كل وصفاتهم الطبيه
بنادول وبنادريكس ومضاد ليه متعبين نفسهم وفاتحين المركز مدري

احسن مافيهم اذ جيت تبغى اجازه تقعد تسولف مع الدكتور وتطلع بالتقرير



نجي للاقتباسات ببدا براعية البايسن طيف الان صدقت نفر انها تاخذ كم شفطه
بايسن وتقعد تحشش وبعدين تتحلطم على شكل خواطر

الزحمه اكيد انتم سببها ماشاء الله عليكم حتى شغالتكم تجيبونهم معكم
وربي مشوار ابو عشر دقايق من الزحمه اجلس ساعه عشان اوصل له واصلا من كبر
المدينه كلها حذفت حصا

وايوه حر بالله جايين بنص اغسطس اوربا كلها سايحه من الحر اجل كيف حنا
لو كسرت لي بيضه على كبوت السياره استوت من الحر بس الحمد لله الان الاجواء فله

تدرين حياكم المكان مكانكم .. وربي مع الزحمه اللي تسوونها بس انكم تحلونها
صح انكم فيكم شوفه نفس شوي اذ كلمت احد على طول يقول ترانا سعوديه مو حجاج بتضحك علينا

ماخذين فكره غلط عننا واننا ننصب ع الحجاج الله يسامحكم بس !!

ف الاخير نصيحه طيف اذ اخذتي لك بايسن ثاني مره لا تسجلي دخول للمنتدى


..

خلصنا من طيفوووه المطفوقه نجي لاكثر وحده تسولف هنا ماشاء الله عليها
لا تقول بكره اديتني عين وتقلع لي عيني شكلها مدمنه افلام زومبي بقايا

مره حطت صورة مدرستهم قلت بجيها اكتب على بابها ذكريات الوسمي شخبط شخبيط
اول شي ترى اعرف المدرسه قريب سوق الساحه

بكره بعد صلاه الجمعه ف الصرفه تلقوني عندكم >> حشيش

بعدين تعالي بسالك نفسي اعرف القسم اللي انتي مشرفه عليه وين مكانه
اسم القسم فله ( مشرفه مظهرك على الانترنت )

ومتى سوو ذا القسم نفر تدري عن القسم ذا وينه خلنا نروح نكشخ فيه ههههاي



يالله سلام سلام قبل اجيب العيد

ولي رجعه قريب باذن الله

خودافس

دايم تجبروني ارجع ام باك اقين اند اقين اند اقين .. سلام ..
خلاص ماله داعي اترجم احسكم صرتوا تعرفون لغات احسن مني

يحمسوني العالم هنا وبخاصه اذ جاني كذا تقييم خونفشاري
يخليك تشوف نفسك لو ثواني

رجعتي ترا عشان اسحب كم رد من كم مدونه اجيبه فيذا
قايل لكم ياويل اللي يجي طاري بكلمه اسحب فيه هنا ترى

عاد اشتقت للاقتباسات وحركاتها !!




ببدا مع بنت السلطنه

ربي يعافيك ويبعد عنك كل شر ذا اول هام على قولتهم
بعدين مشكلتي مع الفوكس اللي عندنا نقول له فيكس اسهل صح
عندي فوبيا منه بس احب ريحته

اصلا لو يمر شهر بالشتا ما زكمت اصدع وادور الزكام بشمعه خلاص صرنا حبايب
اويلاه ع البخار واحشني والله >> اصلا ماعمرك اخذته او سويته ادري والله يبعدني عنه

احسه ضحك ع الدقون زي البايسن وكود ريد

ورده جربي العسل بمويا دافيه مع الليمون وربك وحده بوحده احسن من الفوكس
وطعمه احلى بس مدري ليه تغمض غصبن عنك اذ شربته لثواني




نجي الان لبنت فلسطين جبتهم ورى بعضه لانهن متهاوشات وبصلح بينهم
امزح لحد يصدقن

عادي من كثر التجارب وكذا المفروض يكون عندي احفاد
كله من النصر مصغرني كثير << وش دخل النصر

مدري وربي

يعني قولي جدو عموو خالو هو الباقي عادي ما اراح اطقك على قولتكم
بس معلومه ع الطاير انتي راح تصيري مهندسه ان شاء الله قبل اتخرج انا من الجامعه

ويمكن يصير عندي احفاد وانتي لسى ما صرتي مهندسه ههههههاي

اي والله بعيد الشر ان شاء الله !!

يابنت تدري احسن شي بالزكام
النوم ماتتعب معاه حط راسك ع المخده تنام ف الطريق مايمديك تغمض الى وانت نايم

من غير العذر الجاهز للفرنكه عن الدوام عن اي شغل
لان صوتك يكون مبين فيه الزكام فالكل يحزن لحالك وانواع الشردات

والله توي راجع للدوام من 10 طلعت يارب ابو سيف مايشوف مدونتي ذا مديرنا
صاير اداوم ساعه واسحب اربع ساعات وارجع اكمل ساعتين نيهاهاهاي

تصدقون من فوائد الزكام صوتك يتغير نفسي اسجل لي
شريط اغني وانا مزكوم شكلي اغطي على جوروج وسوف >> برا برا




ف الاخير

هلا والله بالعالم اللي بدوا يتوافدون امس واليوم ماشاء الله تبارك الله
هلا باصحاب الاقلام الرائعه وعقبال مايكمل كل الطاقم

قولوا يارب

صح قبل انسى

فيه فكرتن براسي وودي اسويها مدري كيف بيكون التجاوب معكم معها

ودي افتح المجال للي براسه شي ويبغى يسال
برساله او ف مدونته او بالتقييم

وبجيب اسئلتكم هنا واجاوب عليها

مدري كيف موافقين او بفتح المجال وما احصل اي تجاوب
بس تدرون بجرب

بديكم من اليوم لين يوم الاحد الجاي باذن الله
اللي حاب يسال في اي شي وعن اي شي لا يرده الى نفسه

والله يستر !!

استناكم واذ مالقيت تجاوب بسوي نفسي ميت

يالله ف امان الله جا وقت غدا العمل لاننا نداوم لين بعد العصر

( اهربت واجد ) اليوم صح >> عاجبتني ذا الكلمه من زمان ودي اقولها

يالله سلام

سلام وصبحكم الله بكل خير قووود مورنق قايز اند قيرلز
بالله وش رايكم بالانقليش وربي شكلي بحترف مع ليفربول ليه قاعد هنا مدي!!!

< لايكثر اقول وش جايبك بتالي الليول !

لاتدف طيب الحين اقول لكم ليه جاي

عندي خبرين ببدا باللي باللي فيه مساعده وكثر الله خير ورده
قالت لي طريقه اسويها ارجع اللمبات الخضرا مرتن ثانيه

تشكرات لبنت السلطنه ومردوده قريب ان شاء الله

بالله وشرايكم باللون الاخضر مو شياكه احم احم


نجي للخبر الثاني اللي اصلا جاي عشان اعلمكم مدري ليه فرحان
ابشركم اخيرا تمت العمليه على خير وسلامه ...

ياربي لك الحمد طيرت عقلي لا لا قصدي طيرت ضرس العقل
يارباه كم هو شعور رائع تحرك راسك براحه تنام براحه وكل شي

اللهم لك الحمد اصلا مدري ليه اخرته كل ذا الوقت بس الحمد لله
وصورت الضرس للذكريات يعني احد يخوفني اجيب له الصوره

اخليه اسبوع ماياكل اللي يقهر ماعطونيه ارميه للشمس
< الله يسامحهم زمان يضحكون علينا ونصدقهم


يالله ف امان الله يالربع


واحلى خودافس