سلام وصبحكم الله بكل خير ياربعنا في عبير كيفكم عساكم بخير !!
كيف اموركم ودنياكم

بالاول لين الحين ماجاني رد من المشرفين او المراقبين على كلامي قبل امس
ولا كاني اكلم احد !

يالله كل واحد يصلح سيارته شكل القضيه بتسجل ضد مجهول
واقعد احوس في المدونه حوس لين احصل الحذف !

نقطه ونهايه كلام

قبل انسى مبروووك يابو نوره وتتربى في عزكم ان شاء الله
والله يحفظها لكم وبرزقكم برها وصلاحها

الف مبرووك مره ثانيه يالخوي


صح على طار الخوي الثاني ابو العز يقول تاهلنا ترشيح ومكاتب ومدري كيف
انت لسى لك وجهه تتكلم عن العالميه يارجال

المهم عشان المنتخب وكاس الخليج ماراح ارد عليك ف الكلام عن الانديه موعدنا بعد
البطوله بس عساهم يجيبونها مع اني ما اظن دام اغلبهم لعيبه محليين

ف الاخير وقبل انسى شوفو

هذه طيف تهدد هههههههههههههاي خفي علينا بس والله ماعندك غير ( الضعوي )
روحي دوري ميمي تفسر لك معني الضعوي

المشكله تهدد وشعرها منكوش اجل الله يستر من تواليها
مع اني متاكد ماعندها سالفه ها الزوله تحسبنا زي ميمي وغيوم تسوي عليهم كوندليزا رايس

وبعدين جهزي الحنا والحركات بنروح نزور نفر نبغاكم تحنون يد نوره

قال ايس تهدد ههههاي وربي من الضحك يوم قريت كلامك بغيت اصدم في اللي
قدامي بالاشاره خفي علينا يابنت

وصح قبل انسى حمد لله ع السلامه لو درينا كان حشينا فيك من بدري
عشان تطلعين من كهفك

وجيبي المحليه معاك ميمي احسها لين اليوم تبكي عشان سيدني اخذ اسيا منهم



يالله في امان الله وشكرا للعالم اللي قاعده تقييم وتتابع

يوووه وربي بغيت انسى

الف الف الف الف
حمد لله ع السلامه نقولها لاختنا عاشقه المطر بعد الحادث اللي صار لهم
الف حمد لله ع السلامه لك انتي واخوك

وماتشوفون شر واجر وعافيه باذن الله

والف حمد لله ع السلامه وانتبهو المرات الجايه

يالله في امان الله ذحين

خودافس

سلام وتردفها احلى بيييس كيف الحال يالربع كلا باسمه من اكبركم لين الصغير

يقولون ان تصل متاخرا خيرا من ان لاتصل
الحمد لله على كل حال

كيف الحال يالربع والربعات >> حلوه الربعات
كيف الاحوال اشوف الامور كثيره متغيره ياخوان كانت انواري الخضرا مولعه الحين طافيه !!


غريبه وش صاير بالمنتدى !!

المشكله توي جاي ولي غايب يمكن حول اربع شهور وحووسه بكل مكان
مدري وين اوجهه او اروح او ارد ع الناس اللي مرسله !!

وربكم حوووسه



اشكر العالم اللي سالو جعل ربي يسعدهم واسف للعالم اللي ماقدرت اتواصل معهم بالفتره اللي راحت
والله ظروفن الله اعلم بها بس الحمد لله عدت الامور على احسن مايكون

احسن شي ذا المره رجعت ومحد قتلني زي المره الاخيره يعني فيه تطور

خلوني اخذ نفس وارجع لكم لا تروحون بعيد

خودافس

يارباه انشغلت بالدوام عن اللفه بالمنتدى
المهم يوم وقعت لي معاملة تو انتبهت ان التاريخ اليوم مميز (7 / 7)

ياويلي ويلاه حتى رجعتي بتاريخ مميز

عاد تلقون نفر مبسوط بتاريخ اليوم انشط واحد اليوم احسه نفر
ماشاء الله عليه

صح اخذت لي فره بسرعه على اول ثلاث صفحات بالمدونات
ماشاء الله


اشوف الدافوره شهرزاد وبرستيج وطيف مدوناتهم متحركه
وراجعين ماشاء الله عليهم

بس باقي لنو المنتهيه ومرامي وقلب صافي وحنين وين اراضيهم
عساهم طيبين

يالله خلوني اضبط النسكافه راسي مصدع وفيني نوم
تخبرون بعد الاجازات والنوم الطويل صعب تداوم وكذا

يالله فتكم بعافيه يالطيبين

خودافس !!!

صبح صبح ياعم الحج الله يارب ان تسلمكم وتسعد ايامكم ..
ياخي دوم يحرجوني اعضاء العبير بكلامهم وطيبتهم

الحمد لله الامور طيبه وزينه وماعلينا خلاف الله يديمها من نعمه
علينا وعلى كل مسلم قولو امين ...

والله من جد اول مره من يوم سجلت بذا المنتدى لين اليوم
يمكن اغيب كل ذا الفتره !

اول مره يوم ارجع اشوف ذا الزحمه ماني متعود كوذيه مدري على مين ارد
وبعضهم الله يستر عليهم صناديق الرسايل عندهم متروسه ترس ماني قادر ارد عليهم

ياشباب تكفون اللي يرسل ينتبه للصندوف تبعه يحذف او يرتب او يسوي
أي شي خلوني نرد عليها !

ما احب احد ياخذ فكره عني ان طنشته او مارديت عليه اوكيشن !!!

نقطه ونهايه سطر !!!!

ماشاء الله اشوف المشرفين هنا بذا القسم كثرانين الله يعطيهم العافيه
صارو اكثر من الصفحات حقت المدونات امزح لحد يدقق

عاد تخيلو ثاني يوم ارجع فيه اتهاوش معهم خاصه اغلبهم وربي ما اعرفه
لان اللي اعرفه بيعرف اني امزح

المهم ماعليكم ربي يعطيكم العافيه ويعينكم بس خلونا نشوف شي
اجتمعو وحركونا شوي الاختبارات بالطريق حمسونا لها على الاقل

صح قبل انسى فيه كذا رساله جايه وربي اشك في اللي مرسلينها
انهم كانو بكامل قواهم العقيله وقتها !!

طبعا مو هنا اغلبها بالاسك !!!

عاد اللي يشوف نفسه فاضي ينزل تحت عند التوقيع ويدخل
صفحتي بالاسك واذ خايف على نفسه انصحه لايرووح

نقطه ونهايه حكي ولي رجعه باذن الله

خودافس !!

يارباه

قعدت الف ف المدونات ولايكات وتقييمات لين قالو لي بسك تقيمات لقد تجاوزت الحد المسموح به
عاد يوم شفت ذا الكلام قضبت ارضي ورجعت مدونتي

ماشاء الله فيه عالم جديده بالنسبه لي في عالم المدونات هنا
صراحه تدوينهم حلو وتنسيقهم احلى

مشكله اذ رحت مدونات منظمه ومرتبه وكلام صاحبها ونقله رائعه ورجعت لمدونتي
اقول ياولد انا وش احس بوووه يوم اصف مدونتي معهم

يالله ماعليكم العافيه طيبه والجنه الجنه

نقطه ونهايه سطر !!


بالله سيرو على مدونة ميمي بدل لا تسوي بارتي مدري حفله وتعشينا هي وطيف وغيوم
قاعده تستهبل عليا

تقول ماجبت الى الضعوي عاد زين طيف ماتدري وش معناها ولا كانت قالتها كمان هي
وغيوم بعد قرووب البي بي !

وبعدين كنت برسل لك نعناع مديني حساوي حبق على قولتكم بس ذحين مافيه
لا تحلمين فيه لاجيتي مكه المره الجايه للعمره خذي منه

صح قبل انسى هو مكه اللي يروح لها يسوي عمره والله معلومه جديده
شكرا لك شايف يانفر قلت لك من زمان بس انت مو مصدق

نقطه ونهايه سطر !!

صح قبل انسى اللي يعرف شي عن لنو قلب صافي حنين مرامي يقول
من زمان عن ذول العالم وربي لهم فقده هاذا كبرها

خلوني اطلع قبل يخلصون الشباب الفطور عني توه وصل واخيرا وصل قصدي
عاد لو ماهو ممنوع كان صورت لكم سلفي مع التميز والفول

خودافس

... سلام ... عليكم ...

هلا ابو ريان حياك الله يالخوي اخبارك هلا والله هيا تعال انتم من كثر مواعيدكم
10 مايو مدري كم اكتوبر وديسمبر انقلاب ومدري ايش من العام
واخرتها وضعيه الميت بعد الموعد

ابو العز عندي احساس بتعثرونا ف الدوري لكن ماراح نخسره لان منافسنا ماعنده صملة رجال
ويخورها ف اخر الدوري !!

بس تدري وين الطامه بتعثرونا بالدوري وبنطلعكم من حلم العالميه
وبعدين اقعدو تبكبكو لين السنه الجايه

وقادمووون يا اسيا



المهم عزوز ربي يسعدك ويحفظ لك ريان اللي كل يوم خاطب له وحده
اثبت لك على بنيه مو كل يوم ناقز لديره الجنوبيه لنا ابعد عنها بس

ذول ارحامنا من سنين

خليك مع نوره ياخي يكفي انها من بنات زهران ونعم وسبعه انعام !!



يالله خودافس

مدري اشوف ذا الكلمه صايره مترززه بكل مدونه ياولد ترى حصريا لي
لا اشوفها في اي مكان ثاني

لقلبها عاصفه الحزم على مدوناتكم

سلام

شباب تكفون ترى والله ماعندي سالفه وفاضي ومن زود الفضاوه تلقوني فيذا
اذ اختفيت اعرفو ان عندي شغل يشغلني عن ذا المكان وبس !!

والله حتى يوم اكتب فيذا اكتب كذا خرابيط وشخبطه اضيع فيها وقت
تدرون نفسي اسوي شي بس بالمنتدى ذا مايجي !!

اخاف اجيب العيد قبل رمضان



صح على طاري رمضان الله يبلغنا واياكم رمضان على خير
وكل عام وانتم بخير

يازين رمضان وذكراه وطاريه



تصدقون جاتني رساله ودي انزلها هنا بس اخاف صاحبها يزعل عليا
والله ياهو موصلني السماء مدري ليه

شكل خوينا دخل مدونات الشباب هنا وسمعهم يتكلمون
ولا يعرفني اصلا وقال اللي قال

يالله ماعلينا العافيه طيبه والجنه الجنه



قبل فتره قبل ارجع هنا كان براسي ميه مليون موضوع وودي اهرج فيها
يوم رجعت وربي كل شي طار اثاري التفكير واحلام اليقظه سهله

لاجيت بتطبق على ارض الواقع تخور وتضيع علومك




ف الاخير

صايره قرارات كثيره اليوم عندنا على مستوى القيادات والوزارات
ومدين العسكر راتب شهر الله يهنيهم وربي


الله ينفع البلد باهلها ويديم عزها ويحفظ لنا سلمان الطيب يارب

ويبعد عنا كل شر وكل حاسد ويحفظ امن بلدنا



يالله خودافس

نفسي افهم شي واحد بس ليه البنت سهل تزعل وسهل ترضى !!
سوال عجزت القى له جواب ؟؟

شكلي بموت ولا راح اعرف لذا السوال اجابه ؟

عندنا الشباب مو سهل يزعل الواحد اقصد زعل زعل
بس اذ زعل اعوذ بالله جمل بعضهم يموت وهو ما سامح اللي زعله !!

لا تاخذو الكلام ع الكل طبعا لا وربي بس بعضهم !!

بس نفسي احد يقول لي ليه البنات كذا ؟

يعني ماشاء الله تلقاها متعلمه وفاهمه وهذا زينها
بس بكلمه تطلع البنت الاميه اللي جواها وتنسى كل انواع الذرابه والاتكيت اللي تعرفه !!

اذا لقيتو اجابه لسوالي فيدوني !!

بس هاه بدون زعل تكفون اعرفكم على طريف

خلوني اطلع قبل اكمل واجيب العيد



عاد لاصحاب العقول المتفتحه والدوافير لا تفصلو الكلام على كيفكم
وهذه وش يقصد وليه يقول كذا !!

ترى الدعوه ماهي اكثر من مجرد فضفضه يمكن تفيد أي احد فينا
يوم يجي يتعامل من الجنس الاخر !!

تخبرون اكثر شبابنا غشم في التعامل مع البنت والله يخراجنا
عشان كذا الظاهر اكثر نسبة طلاق عندنا

خودافس

تو راجع من مدونتين قراب من هنا اول مره اجيهم وحده جديده
والثانيه تقريب لها سنه او اقل وربي ما انتبهت !!

بس صراحه المدونتين قمه ف الروعه ياولد صرفت كل اللايكات اللي معاي هناك

من جد يستاهلون تسنيق رهيب وكلام جميل
كنت جعان قبل ادخل وطلعت زايد الجوع وشكلي بدون ما انتبهت جبت طار الاكل بالتقييم

يعني يعذروني وعساني اكون غلطان وماجبت طاري للاكل في مدوناتهم

ماعليكم بس من جد فيه اقلام جديده ف المنتدى صراحه مبدعين
واختياراتهم لمدوناتهم اكثر ابداع ...



اما الجديد القديم مدونه والله ياني اسرق منها سرقات على كيف كيفكم
كل ماجيت عبيت جوالي منها ونثرت اغلبه بتويتر حبيب الكل

هذه مدونه اختنا عاشقة المطر

الابله هذيك مبدعه في رص الحروف وتوزيع السطور
وتناغم الكلام مبدعه وربي

انصحكم زورو مدونتها بس لحد ياخذ شي منها انا الحرامي الوحيد هنا




الشباب ف المدونات تقريبا مختفين الى نفر وعزوز لاشي يستحق الباقين مدري وينهم
صح شوي وانسى عبدالرحمن الله يستر عليه تدوينه قمه ف الابداع وربي

كمان انصحكم زورو مدوناتهم

صح على طاري قبل انسى كمان للي يدورون السوالف والعلوم
يروحون مدونات طيف وغيوم وميمي والحكاواتيه شهرزاد

كمان وربي مدوناتهم تدخلها بنفسيه شكل وتطلع منها بشكل ثاني

عندهم طريقه في سرد الاحداث والقصص اللي تصير لهم بطريقه من جد رهيبه
وتحمسك للقرايه مبدعات وربي



هيا خلصت اعلانات للمدونات ذا المره بلاش المره الجايه ترى باخذ عموله



خودافس

صبحكم الله بالخير .. ياوجيه الخير وبدايه صفحه جديد في مدونه قديمه ومغبره
صار للصفحه اللي قبل هذه اكثر من سته شهور واليوم توي اقلبها !!

اللهم لك الحمد من قبل ومن بعد الحمد لله على كل حال وين كنت وكيف صرت
اللهم لك الحمد كما يليق بجلال وجهك الكريم ..



تصدقون كنت قبل شوي في اول صفحه في مدونتي
طلعت فاتح ذا المدونه من (5/5/2010) ياولي ويلاه يامسرع الايام

صاير لنا خمس سنين يارباه لو انه ولد كان يمديه بيدخل المدرسه السنه الجايه

بس يعلم الله لو ف الخمس سنين اللي راح مالقيت متابعه وكلام يرفع الراس ما كان
شفتوني هنا من زمان

الله يسعد كل من كان له بصمه بكلمه بلايك بدعم باي شكل يعلم
الله ان افتخر ان عضو بذا المنتدى

الله يذكر كل العالم اللي عرفتهم بكل خير وان شاء الله نشوفهم قريب
راجعين فيذا



نفسي اسوي تصويت او تقييم لذا المدونه وصاحبها بس ماني عارف شلون !!


( * ودي اشوف نسبه الغرور اللي فيني كم من عشره )

(* نسبه ثقاله الدم والسماجه كم من عشره )

( * نسبه اللقافه كمان كم من عشره )

تدرون بقبل بالتصويت ف التقييم او برساله خاصه خلوني اشوف كيف تطلع النتيجه
بس بليز ارجوكم يعني للي مايعرف انجليزي التصويت او التقيم ف الثلاث الاسئله اللي فوق بس

مبغى تطلع عنها !!

واللي مايقدر يرسل او يقييم يكتب بمدونته عايدي لاني بوصل هناك اكيد

ف الاخير ترى اتقبل الصدمات

يالله في امان الله ( خودافس )