*&*الجزء الواحد والعشرون*&*
مازن:ايه ياماجد ماقلتلي ايش ناوي تسوي دحين بعد مارجعت من السفر<<<بما انه ماجد كان قاعد جنب مازن واتقربو من بعض فحكاه على الحادث وعلى حكاية سفره...
ماجد:امممم مدري والله بس اعتقد اني بكمل دراستي
مازن:طب كويس حلو عشان نشوفك دكتور
ماجد يبتسم للذكريات الي مرت في عيونه ايام الجامعه والطب والحاله الي كان عليها زمان من الفرح والسرور الي ماكان يشوبه اي لحظة حزن....
مازن شاف سرحان ماجد فقال له:هه انت يالحبيب ليه تبتسم كدا زي الشيطان ههههههههههه
ماجد:هههههههههه الله يقطع ابليسك والله ولا شي بس اتذكرت ايام زمان وايام الفرح والسعاده الحلوه
مازن بإستغراب:ودحين ايش الي يعكر عليك سعادتك؟
ماجد ارتبك ماعرف ايش يقوله له:ها ما ادري
مازن:ههههههههههههههههههه شكلك مصيبه وانا مدري عنك
ماجد:لالا ماني مصيبه ولاشي بس يعني اسباب كثيره ومنها الي صارلي
مازن:انت من جدك الي صارلك مو مهم وبعدين انت دحين صاخ سليم مافيك شي الحمدلله
ماجد:اممم ايه صح بس اكيد حلاقي صعوبه في التسجيل مره تانيه
مازن:لاصعوبه ولاشي انت الي تصعب الامور من عندك
ماجد:ماشاء الله عليك شكلك متفائل..انت كدا على طول؟؟
مازن:اممم يعني احيانا بس مو دايما صراحه احتاج من يدفعني للامام بس مافي احد عشان كدا اتعودت ادفع نفسي وغيري ههههههههههه يعني متحكم ماشاء الله عليا ههههههههه<<<ويغمز له....
ماجد:ههههههههههههههههه والله انك فلله ياشيخ الله يسعدك يارب
مازن:امين ويسعدك معايا يؤ يؤ شوف بالله المنظر لايفوتك روعه<<<يأشر مازن على رقص رامي بالعصايا والحركات الرهيبه الي بيعملها...
ماجد:ياهو ماشاء الله عليه فنان الله يحفظه
مازن وهوا يجر ماجد من يده:امشي قوم نرقص معاه
ماجد بشوية خجل:كان نفسي والله بس ما اقدر
مازن افتكر انه مايقدر يرقص عشان رجله فتلوم نفسه مره:سوري مجود والله نسيت
ماجد:لاعايدي في الفرح ان شاء الله يكون اقدر
ويقعدو مازن وماجد يسولفو مع بعض....ونرجع فوق القاعه في الفندق في الجناح حق العروسه....دخل امجد مع ابو محمد وابو خالد...امجد حاول قد مايقدر انه مايطالع فيها ولا يشوفها كان يتحاشى تجي عيونه في عيونها او تجي عيونه عليها عشان ماتلاحظ الحزن الي في عيونه.... وبعد كدا وبعد ما سلم ابو محمد وابو خالد على لمى وطلعو وكانو ام محمد وام خالد موجودين طبعا مايقدرو يسيبوهم في الجناح لحالهم...
فقالت ام محمد:تعالي معايا يا ام خالد ندخل الغرفه جوا شويه خليهم ياخدو راحتهم<<وتغمز لأمجد ولمى...
ام خالد: ههههههههههه يالله اوكي مشينا
لمى كانت تبغا تنطق وتقولهم لاء خليكم بس امجد لاحظ انها بتعارض فعلى طول سبقها قبل ماتتلكم وقال...
امجد وهوا يبغا يقهرها:عايدي مره خدو راحتكم على الاخر<<وهوا في نفسه يقول لا الله يخليكم لاتصدقو
لمى...سكتت لمن حست انه يبغا يحرجها بس قالت في بالها...في احلامك تقهرني او تحرجني يا امجد...
دخلو ام محمد وام خالد الغرفه وخلوهم في الصاله.....
امجد ولمى قعدو ساكتين كم دقيقه امجد ماقدر يقاوم اكتر من كدا وسمح لنفسه انه يشوفها قال في نفسه خلاص صارت حرمتي وي ايش فيها لمن اشوفها...وعلى طول لف نظراته عليها وكانت راخيه راسها تطالع في الارض..امجد انبهر وانصدم من جمالها مو مصدق هادي الي جنبه لمى هوا كان عارف انها حلوه بس مو قد كدا امجد انصدم بقوه من شكلها الملائكي الروعه وقعد يتأمل فيها وهوا ومو مصدق معقوله في وحده في هالكون بي هالجمال....
لمى حست انه بيطالع فيها وهيا مقهوره منه رفعت عينها وشافت شكله المصدوم كانت حتضحك بس كتمت ضحكتها وطلع شوية صوت منها...
امجد حس على نفسه وعلى طول غير نظره للجهه التانيه.......<<<يحليلهم مرتبكين ومايعرفو يتصرفو.....
لمى ماقدرت تكتم ضحكتها هالمره وانفجرت ضحك:هههههههههههههههههههههه
امجد استغرب منها وقال:على شو تضحكي؟؟
لمى: ههههههههههه عليك هههههههههههههههههه
امجد؟؟؟؟؟؟؟؟!!!!!!!!!!
لمى:ههههههههه اسفه بس شكلك يضحك وانتا تطالع فيا كأنك اول مره تشوفني يعني مو طول عمرك بتشوفني
امجد والي صار يطالع فيها وفي عيونها خاصه عاجبته بقوه هالعيون يحس فيها بحر ولا سحر ولا شي يخليه مايقدر يشيل عيونه من عليها اول مره في الحياه امجد يعترف بجمال لمى في نفسه او مع غيره....فقال امجد بدون مايحس على نفسه او يفكر بلي يقوله...
امجد:تدري يالمى انك ملاك نازل من السما انا مو مصدق اني اشوف انسانه بي هالجمال
لمى صدمها كلامه اول مره في حياته يقلها شي عدل فانحرجت ورخت راسها بخجل......
امجد والي ما اتحمل انها نزلت عيونها وماصار يقدر يطالع فيها مسك راسها ورفعه بيده وقلها...
امجد:بليييييز لمى لاترخي راسك خليني اشوف هالعيون الحلوه وهالجمال بلييز
لمى ماقدرت تتحمل احد يقولها هالكلام صارت تقول في نفسها ايش تبغا مني يا امجد تبغا تموتني بليييز ارحمني انا ما اقدر اتحمل زي دا الكلام....
امجد بأصرار:ممكن تطالعي فيا لو سمحتي؟
لمى وهيا مارفعت عيونها من على الارض وتبغا تقهره:ليييييييه؟؟
امجد:ما ادري بس ابغا اشوف عيونك لو سمحتي
لمى ماقدرت ترفض وماتدري ليه ورفعت عيونها بخجل وطالعت فيه...اول مره تلمح عيونه واستغربت هيا كمان من شكله اول مره تحس انه وسيم لي هالدرجه امجد اليوم كان شكله غييييييييير كان حلو مره وجماله بينطق ويقول انا احلى واحد في الدنيا...لمى نسيت نفسها وصارت تتأمل شكله وعيونه والي حست هييا كمان انه فيها شي يشدها بقوه ليها ومايخليها تمل من النظر فيها ودا الشي فرح امجد وخلاه يبتسم...
لمى لاحظت ابتسامته وفهمت معناها...فعلى طول نزلت عينها للارض مره تانيه ماتقدر لمى للاحراجات واصلا لمى من النوع الخجول على طول ينكسف بسرعه...**لمى وامجد فيهم شبه كبيييير وجمالهم الاتنين مبهرر ويخلي الي يشوفهم يقول مخلوقين لبعض من كثر ماكل واحد فيهم يحمل جمال رهيب وخلاب**...
امجد بطريقه تقهر:لييه نزلتي عيونك مره تانيه؟؟
لمى بدلع:بلييييز امجد انا ماحب الاحراجات
امجد:هههههههههه طب كويس ومدام كدا فخلي في بالك حتشوفيها وتسمعيها كتير<<<يبغا يفهمها انه بيسوي الشي الي ماتحبه ودا الشي زاد من قهر لمى...وخلاها ترفع عيونها عليه مره تانيه بقهرر...
امجد وهوا ميت من الضحك من شكلها المعصب:ههههههههههههههههه رفعتيها غصب عليكي
لمى انقهرت زياده قدر يقهرها وينفذ الي يبغاه....
في هاللحظه دخلت ام محمد وشافت امجد وهوا يضحك وانبسطت وقالت في نفسها يعني مبسوطين طيب الحمدلله واللهم تمم فرحتهم واسعدهم اكثر يارب.......
امجد لمن شاف ام محمد استحى وسكت ولمى فرحت انها اخيرا بتفتك منه ومن تقل دمه...
ام محمد:ها امجد ايش رايك في عروستنا؟؟؟
لمى انحرجت كتييير من السؤال بس رخت راسها للارض وسكتت تنتظر جوابه...
امجد وهوا يطالع فيها ويفكر:امممممم....وقرب راسه منها...ودا الشي خلا لمى لاشعوريا تبعد عنه بس هوا مسك يدها ورجع قربها منه مره تانيه وقلها بصوت واطي:ايش رايك اقلها حلوه ولا ماشي حالها...
لمى انقهرت مره منه ودفته عشان يبعد عنها ودا الشي خلا ام محمد تفتح عيونها مستغربه ايش بتسوي هالبنت احد يسوي في خطيبه كدا...
ام محمد:لمى؟؟!!
امجد والي بيموت من الفرح انه قهرها قدام امها و وبيموت من الضحك كمان في نفس الوقت قال:ههههههههههههه سيبيكي منها ياعمتي شكلها هالبنت مسترجله من بدايتها والله يعينني عليها المهم انا بنزل للرجال ما ابغا اطول<<<وقالها بكلمه تدل انه مو عاجبته الجلسه...
لمى فهمت عليه وحبت تبين لها انها هيا كمان تبغاه ينزل:ايه ماما مايصير يطول((قالتها بنفس الطريقه))لازم ينزل للرجال
ام محمد والي تبغا تضحك بس ماسكه ضحكتها:مافي نزله قبل مايتصور معاكي انتي ناسيه الادميه المصوره لها ساعه جوة الغرفه تستنى وبعدها ياقلبي انتي وياه في زفتكم ناسين حنزفكم مع بعض
لمى بيأس:ايوه صح نسيييت
امجد انصدم ماكان يعرف انه لازم ينزف معاها فقال بقلق: شو اتزف معاها لازم يعني؟؟
ام محمد:ايوه لازم ياولدي ايش بك احد مايبغا ينزف مع خطيبته في يوم ملكتهم
امجد:اها طيب اوكي مو مشكله
ودخلت عليهم المصوره وقعدت تصورهم وتعمل معاهم حركات ودا الشي زود من عصبية امجد ولمى لانه في بعض الحركات محرجه والمصوره هادي مره اخده راحتها وعاجبها الوضع وكل شويه تسمعهم مدح على اشكالهم الروعه وانهم مناسبين لبعض ومن هالكلام...
ام محمد:ويي ياربي الله يحفظهم بتحسدهم هالحرمه والله
ام خالد:ايه والله ماتشوفيها ماسكتت من يوم مادخلت بس تمدح فيهم الله يحفظهم منها يارب
ام محمد وهيا مبتسمه:بس بجد لايقين على بعض ولا ايش رايك؟
ام خالد وهيا مبتسمه كمان:ايه والله كتير لايقين على بعض كأنهم مخلوقين لبعض
ام محمد:الله يسعدهم يارب
ام خالد:امين ويحفظهم كمان
ام محمد:امين
امجد طفر به الوضع خلاص صار مو متحمل الوضع اكتر من كدا والمصوره هادي منرفزته بحركاتها...
امجد:خلاص
المصوره:ايه حصل حاجه خطأ؟
امجد:ما حصلش حاجه بس انا عاوز انا انزل للرقال زهقتيني حضرتك...<<<يحاول يجاري لهجتها.....
لمى والي حتموت من الضحك من طريقة امجد ومأيده كلامه ماتبغا تتصور معاه اكتر من كدا:خلاص يا اختي مانبغا نتصور اكثر من كدا انا تعبانه وهوا كمان
امجد وهوا يطالع فيها بنظره تأييد لأول مره في حياته:اول مره في حياتك تقولي شي عدل
لمى.......سكتت وهيا مقهوره منه وتقول في نفسها كمان قدام الناس الله يعينني عليك بس
المصوره وهيا مستغربه منهم هالاتنين:في احد مايبغى يتصور في ملكته ويزهق بي دي السرعه ايه دا
ام خالد والي لاحظت عصبية امجد:خلاص ياختي يكفي كدا يعطيكي العافيه
المصوره:بس يا ام خالد
امجد:لا بس ولا خس قلنا خلاص يعني خلاص
المصوره والي انصدمت من تصرفاته الي ماتناسب شكله الحلو والهادئ:اوكي خلاص براحتكم
امجد:طيب انا بنزل عند الرجال ولمن يجي موعد الزفه خبروني اوكي
ام خالد:ان شاء الله بس ترى وقت الزفه مو بعيد دحين بعد نص او ربع ساعه على بال مايخلصو الناس الي تحت الترتيبات
امجد:طيب مو مشكله انا بروح تحت عند خالد اظبط من شكلي شويه وارتاح المهم تامري بشي يا امي
لمى تقول في نفسها تظبط ايش الله يهديك مافيك شي ماشاء الله عليك..
ام خالد:لا الله يعطيك العافيه بس لا تتأخر مايحتاج نعطيك خبر تعال على هنا من يوم ماتخلص
لمى بقهر:ولا انا كمان<<<تبغا تبين له انه ما عبرها...
امجد وهوا يقرب منها ويهمس في اذنها عشان محد يسمع:لمن اسألك اتكلمي طيب
ويطلع امجد ويترك لمى مولعه نار تقول في نفسها نفسييي اضربه اقتله اي شي يا ناس اكرهه......
وتحت في قاعة الحريم......
مي:احمد بابا مايصير تقعد عند الحريم روح عند بابا احسن لك
احمد:لا مافي انا ابغا اقعد معاكي
منال:ههههههههههه يامي خليه معاكي خلاص حرام عليكي
مي:لا مافي لازم يتعلم يصير رجال شوفي كيف الين دحين مايعرف يتكلم عدل وزي الناس
محمد وهوا جي يجري عليهم وهوا طبعا متشيك لابس الغتره والثوب وكأنه رجال:هيييييي انتا ليه قاعد عند الحريم امشي بابا وابوك يبغونا
احمد:ايث يبغو؟؟
محمد:امشي معايا وانتا ساكت
احمد وهوا يمسك يد امه:مافي ما ابغا انا ابغا اقعد مع امي احسن مو زيك ماعندك ام
محمد رخا راسه في حزن لانه يعرف انه ماعنده ام...
مي عصبت لمن شافت ولدها يقول كدا..
مي:احمد ماتستحي على وجهك كيف تقوله كدا هوا احسن منك رجال مو حرمه قاعد مع الحريم..حبيبي محمد كبير ورجال ماشاء الله عليه ومايحتاج ام عشان يقعد عندها صح محمد<<وتقول هالجمله وهيا تمسح على شعره...وبعدين انا زي امه صح يا محمد
محمد رفع راسه والفرح في عينه لانه في احد مدحه وحن عليه:ايوه صح وكمان انا رجال وانا حروح واسيبك لوحدك مع الحريم ياحرمه<<ويمد لسانه....ويروح يجري
منال وهيا تضحك على خبال هالصغار:هههههههههههههههه ماشاء الله عليه محمد يجنن حليوه
مي وهيا مبتسمه:الله يخليه لأبوه يارب
منال:امين الا اقولك فين منى ماشفتها؟
مي وابتسامتها اتوسعت اكثر:اهيه عمرها طويل<<وتأشر على منى الي جايه عليهم وشكلها مره تعبانه...بس كانت مره متشيكه وطالعه قمر كانت منى لابسه فستان اسود حلو وناعم وقصير شويه ورافعه شعرها كله ومنزله كم خصله وعامله فيه حركات جنان مطلع شكلها روعه وكانت حاطه ميك اب بس مو كتير ميك اب خفيف يبين ملامح وجهها الهاديه والناعمه...جاتهم وقعدت على الكرسي...
منى:اوففف تعبت
منال وهيا تضحك على شكلها:هههههههههه ايش بك حاربتي وجيتي
منى:لا والله بس عملت اكتر من الحرب
منال:اوففف الله يعينك
منى:وبعدين يا اخت مي مو كأنك ناسيه انه امجد يصير اخوكي ولا ايش
مي بإستغراب:لاء مانسيت ليه؟
منى:يعني قومي اتحركي قاعدتلي زي الضيوف قومي ساعديني دحين بينزلو لمى وامجد
مي:بجد طيب يالله عن اذنك منوله
منال:خدو راحتكم ولو تبو شي انا تحت امركم
منى:لا ياحبيبتي خليكي مايحتاج
منال:اوكي براحتكم
وتروح منى مع مي عشان يرتبو اشياء الزفه...

*&* الجزء الثاني والعشرون*&*
وبعد فتره نزلو لمى وامجد للقاعه كان في القاعه في بلكونتين يوصل بينهم زي الممر والطريق لمى راح توقف في بلكونه وامجد يوقف في التانيه...في هالوقت كانو مي ومنى مرتبين كل شي انوار القاعه كلها مقفله والشموع الي على الطاولات مولعه والانوار مسلطه على البلكونتين وفي اشياء زايده محطوطه في الممر والطريق الي بين البلكونتين لأن البلكونتين كان في طريق يوصل بينهم بعد كدا في طرفه في درج عشان ينزلو منها المهم القاعه بأختصار كانت حلوه ومرتبه واحلى شي في الملكه كلها لمى وامجد طلعت لمى وامجد على انغام احلى واحدث الاغاني الرهيبه والحلوه وبعد كدا مشيو الاتنين من مكانهم وصلو لنص الطريق الي يوصل بين البلكونتين وكان في كم سله فيها اشياء يرموها العروسين اول سله كان فيها دباديب حجمهم وسط مسكة لمى واحد وامجد واحد ورموها على الناس وطبعا الناس كانو مره مبهورين ومتجنين على شكل امجد ولمى والي ماخلو كلمه حلوه وقالوها عنهم وكانو بس يصرخو ويصفقو لهم وبعد مارمو امجد ولمى كل الدباديب اخدو من السله التانيه كان فيها ريش وكلين وشرايط واشياء غريبه قعدو يرموها على الناس والاطفال تحتهم بياخدو الاشياء وكان في سله فيها ورود ملفوفه بشرايط وتغليفات مره حلوه امجد رما كم وحده ولمى رمت كمان كم وحده وكانو منال ومي ورندا ومها ولجين ورهف وكم بنات من اصحاب منى ورندا ومي قاعدين تحتهم تقريبا يصفقو لهم ويصفرو وهيك حركات يعني وفي الاخر لمن خلصو لمى وامجد رمي الاشياء قعدو رندا ومي ومنى والبنات الي معاهم يقولو بالطول بالعرض لمى تهز الارض بأعلى صوت عندهم وقعدو يكرروها وبعدين قالو تلاته اتنين واحد امجد احلى واحد تلاته اتنين واحد امجد احلى واحد وقعدو مره مبسوطين الكل كان مبسوط ومبهور حتى لمى نفسها عجبتها الحركات الي عاملينا بس امجد ابدا مو عاجبته وقاعد ساكت حتى الابتسامه يبتسمها بالغصيبه وبالقوه وكل مايحاول يوسع ابتسامته لا اراديا تختفي من وجهه مو قادر يستحمل انه كل دا بيصير غصب عنه مهما كان هالشي حلو ورايق هوا مو مبسوط..المهم خلصو تصفيق واغاني وربشه وانزفو العروسين على الدرج للكوشه الي كانت مزينه بأحلى الورود واحلى الاشياء الروعه وكانت كلها من ذوق مي كأهداء لأمجد ولمى المهم جلسو العروسين على الكوشه وكل واحد فيهم يحاول يبتسم عشان مايبان عليه شي في الوقت الي قلبهم بيعتصر من الالم ....
في الجهه التانيه الكل كان يتكلم بكلام متفرق الي تقول:شوفو كيف لايقين على بعض الله يهنيم يارب..ولي تقول..روعه حركاتهم بس احس العروسين مو مبسوطين غريبه..والي تقول..ايش بها العروسه كدا مكشره بس برضو حلوه ...الخ من هالكلام حق الحريم الي كان كله تعليقات على العرسان...
كل شويه كانت ام محمد تجي للمى وتقول لها ابتسمي عشان الناس لا يتكلمو عننا وما ادري ايش وفي نفس الوقت كانت منى لانها تدري بزعل امجد كانت تجيه وتهديه وتحاول تروقه عشان يبتسم ومايبان عليه انه معصب...وفي اخر السهره الكل راحو على البوفيه عشان يتعشو وقعد امجد مع لمى شويه...
امجد في محاوله انه يكسر جدار الصمت الي بينهم من يوم ما انزفو:مبروك يالمى
لمى والعبره خانقتها:الله..الله يبا.رك فيك
امجد:ها ايش رأيك في الكوشه حلوه؟؟؟
لمى:ليه انتا اخترتها.؟؟<<<ماتدري انها هديه من مي
امجد بإستغراب:ليه ماتدري انها هديه من مي لينا
لمى بخجل:اها سوري ما ادري بس كويس انك قلتلي عشان اشكرها...لمى وهيا دوبها تطالع في الكوشه زي الناس وتشوف قد ايش حلوه ابتسمت وقالت:والله حلو ذوقها مي الله يعطيها العافيه
امجد وهوا يلف عيونه على القاعه الي بدأت تفضى الا من شوية ناس:ايه بجد الله يعطيها العافيه...وحاول يلطف الجو..وقال بس مو احلى منك<<<وغمز لها...
لمى بخجل:يسلمو
امجد:الله يسلمك ها شكلك تحبي النت؟؟؟
لمى:ليه يعني؟؟؟
امجد:لانه الي يدخلو النت متأثرين بيسلمو ولكمو وهالكلام الفاضي حقهم
لمى بإستغراب:ليه انتا ماتدخل الانترنت؟؟
امجد ارتبك((لسبب مو لازم تعرفوه هههههه))وقال:ها لالالا انا ما ادخل ما احب النت كدا من ربنا
لمى في نفسها اصلا مين الي بيطيقك انتا..وقالت بهمس:ودا شي جديد مانتفق فيه
امجد ماسمعها بس سكت لانه حس انه ضايقها بس قال في نفسه احسن مو لازم تعرف عني شي...
لمى:بس انتا في دراستك تحتاج للنت ولا مو كدا؟
امجد:ايوه بس استعمله لغرض وانتهي وما اقعد فيه كتير يعني
لمى:اها
لمى بعد فتره حبت تغير الجو:اممم طيب مين الي حط الافكار الحلوه حقت الزفه هادي؟؟
امجد بتفكير:اممممم مدري بس اعتقد انها منى او رندا وحده فيهم لانهم هما الفايقين لي هالاشياء انا والله مدري عن شي
لمى بإستغراب:ليه ماتدري عن شي؟؟؟
امجد وهوا مقهور لانه ذل لسانه:ها لالا يعني مو داري عن شي بس اقصد ما ادري عن اشياء الحريم هادي بس اشياء الرجال ادري عنها طبعا
لمى بعدم تصديق:اها
وبعد كدا في الجهه التانيه عند الرجال وبعد ما اتعشو..
ماجد:يالله عن اذنك بروح
مازن:فين رايح؟؟؟؟
ماجد:البيت فين يعني والله نعسان ومافيا اكمل السهره وبعدين الناس مو مطولين هادي ملكه مو فرح
وفي هاللحظه جاهم تامر والابتسامه على وجهه...
تامر:سلام عليكم
ماجد:اهلا<<<مايعرف تامر
مازن:هلا تامر..ماجد دا تامر صاحب رامي...تامر دا ماجد صاحب خالد اخو العريس
تامر وهوا يواجه ماجد:هلا والنعم والله
ماجد:هلافيك ينعم بحالك
تامر:كيفك ان شاء الله بخير
ماجد:الحمدلله
تامر استغرب وقفة ماجد فسأله:على وين رايح؟؟
ماجد:والله البيت مره تعبان
تامر:يؤ بس انتو مارزفتو ولا شي
مازن وماجد.؟؟؟!!!!<<<مافهمو كلمة رزفتو
تامر عرف انهم مافهمو فقال:اقصد مارقصتو مع الشباب
ماجد:ايش نرقص الله يخليك وبعدين هادي ملكه مو فرح وماشاء الله رامي وباسم وخالد ماقصرو هههههههههههههه
مازن:ههههههههههههه تصدق من كتر مالناس هنا مبالغين في الترتيبات صار على بالي انه فرح
تامر:هههههههههههه الله يسعد الجيمع يارب
ماجد +مازن:امييييييييين
مازن:الا فين خالد ورامي وباسم ما اشوف احد منهم
ماجد:هههههههههههههه خالد والله مدري فينه اختفى ولاعبرني ولاكأنه هوا الي عازمني
تامر:ورامي وباسم توني شايفهم يرزفو مع الريايل مدري وين طسو
ماجد:اها
تامر شاف رامي يزهمه فستأذن ماجد ورامي وراح له....
ماجد:اوكي مازن يالله نشوفك على خير
مازن:هه تعال تعال مافي بتسيبني لوحدي لا ياعم انا كمان خليني اروح بيتي احسن لي ولا اقلك خليني اوصلك ايش رأيك؟
ماجد:وباسم؟؟
مازن:خليه عنده سيارته وبعدين شايفه مره معبرني بس جايبني معاه زينه المهم انا بس حاخد اختي ونرجع البيت وبعدين انت ماعندك سياره تعال اطلع معايا مافيها شي....
ماجد ماعنده سياره لانه مامداه يشتري سياره ولسه رجله مو مره تمام عشان يقدر يسوق فيها والدكتور حزره من انه يسوق قبل اسبوعين من رجعته...00
ماجد انحرج لمن سمع كلمة اختي:لالالا ياعم اختك معاك انا استحي من البنات وبعدين انا السواق قلتله يجيني اكيد انه برا دحين<<<<ماجد مايدري انه رهف اخت مازن...
مازن:اوكي براحتك بس لو مالقيته برا بتجي معايا مالي دخل
ماجد والي استسلم لانه ماعنده حل غير كدا وهوا تعبان ويبغا يروح بيته:اوكي طيب على امرك امشي يالله
مازن:دقيقه بس اكلم اختي اخليها تطلع
ماجد بقلة صبر:طيب بس بسرعه نعسان
مازن وهوا يحط الجوال على ادنه:ياربي ماعندك صبر اسكت بس خليني اعرف اتكلم ردت الو
رهف والي القاعه عندها مليانه اصوات وماهي سامعه شي فقالت بصراخ:الو
مازن:ايش دي الاصوات؟!
رهف:يوه شو تبي مازن ما اقدر اسمعك اتكلم بسرعه
مازن:اوف طيب يالله اطلعي بنروح
رهف:فين..دحين بدري لسه ماخلصت عشايا؟؟
مازن:بدري في عينك وبعدين انا تعبان وابغا اروح انام<<<ويغمز لماجد ويضحك...
رهف:طيب دحين خمسه دقايق اخلص واطلع لك بس خلص اكلي
مازن:بسرعه باي
رهف كانت قاعده مع رندا ولجين في نفس الطاوله.....
لجين:مين الي اتصل؟
رهف:اخويه يقولي اطلعي بنروح
رندا:لييييييه بدري؟؟
رهف:ايش اسوي له دا الادمي مدري كيف مستعجل في كل شي في الحياه
لجين:اها طيب مو مشكله بس مابتسلمي على لمى تباركي لها
رهف:الا دحين اروح اسلم عليها قبل ما اطلع بس فين منى ماجلست معايا
رندا:والله مدري عنها هالبنت من مكان لي مكان ماقرت شويه
رهف:ياحرام اكيد مشغوله يالله الله يعينها
لجين:سيبوكم من منى وقولولي بتجو حفلتي الي قلتلكم عليها الاسبوع الجي ولالا؟
رهف:انا ان شاء الله حجي
رندا:ايت حفله؟؟؟
لجين:يؤ وانتي دايما كدا ماتدري عن شي؟
رندا:والله عاد ايش اسوي لكم اذا انتو ماتعطوني وجه وتعبروني وتقوليلي واصلا كل شي عندكم لمنى انا بححح
رهف بغرور:شي طبيعي ياحبيبتي مو احنا صحباتها ههههههههههه
رندا بقهر:مدام كدا اجل خلاص طلعوني من الموضوع ليه تقولولي دحين
لجين:هههههههههههه نمزح ياقلبي المختصر المفيد الحفله هيا حفلة عيد ميلادي وابغاكم تجو
رندا:اها اوكي اذا منى بتجي شور انا معاها اصلا بدون عزيمه على قلبكم ههههههههههههه
لجين+رهف:ههههههههههههههههههههههههههه
رهف:يالله حبايبي اتأخرت دحين بيقتنلي مازن
رندا:اوكي الله معاكي
لجين:بايات ولاتنسي الحفله
رهف:لا محا انسى باي
وتطلع رهف لبرة الفندق وتشوف مازن واقف مع واحد رجال معطيها ضهره واستحت تروح له فوقفت محلها مو عارفه ايش تسوي.....مازن انتبه لها وزهمها...1
مازن:رهف انا هنا تعالي

*&*الجزء الثالث والعشرون*&*

ماجد انتفض لمن سمع اسم رهف وحس قلبه يدق بالقوه وقال في نفسه معقوله تشابه الاسماء الفظيع هادا......
مازن:يالله امشي معايا ماجا سواقك ماعندك حجه دحين
ماجد مشي معاه وهوا ساكت يفكر..افتكر رهف حبيبته الي الى الان ماهو قادر ياخد اي معلومه عنها او قدر يجيب رقمه وهز راسه في اسف عشان ينفضه من التفكير فيها وعشان لايزعل نفسه في هاليوم الحلوو.....ركب ماجد السياره جنب مازن ورهف ركبت ورا مازن....
مازن:ها تجي على بيتنا تشوفه ولا اوديك بيتك ومره تانيه تجي تشوفه
ماجد:اممم براحتك
مازن:ايش الي براحتي براحتك انتا؟
ماجد:اممم والله صراحه انا تعبان وابغا انام فلو توديني بيتي يكون احسن وبعد كدا الجيات اكثر واقدر اعرف عنوان بيتك بالتلفون او اي شي
رهف جاتها رعشه في جسمها هالصوت يذكرها بشخص..شخص له مكانه كبيره في قلبها شخص يملك كل قطرة دم داخل قلبها...حاولت تبعد داك الاسم الي قاعد يلوح في راسها وتقول لامستحيل ماهو هوا....رهف كانت تبغا تقدم نفسها شويه وتشوف شكله عشان تتأكد بس مافي مجال لو اتقدمت عن محلها بيلاحظ اخوها والادمي دا معطيها ضهره ومو باين منه شي....قعدت رهف ترجف طول الطريق وكل ماتسمع كلمه منه يزيد شكها وتقوول في نفسها معقووووله نفس الصووت لالا ما اصدق...تصاعدت انفاس رهف غصب عنها مجرد تفكيرها بأسم ماجد يزيد من ضربات قلبها ومن سرعة تنفسها فكيف لو كان هوا دا الي قدامها وفي مكان واحد وانفاسه ممكن تخالط انفاسها ومابينها وبينه متر....كانت الشكوك تزيد في راس رهف كل دقيقه عن التانيه.......في نفس الوقت ماجد اضطرب ومايدري ايش صار له من يوم ما شاف هالبنت يحس في شي يربطه فيها وانه يعرفها جا في باله انها ممكن تكون رهف بس قال مستحيل الاقدار تجمعنا وما اعتقد انها هيا وقال انه دا بس تشابه اسماء وهوا الي خلاه يصير كدا وصار يتصبب عرق لنفس الفكره الي جات في بال رهف انها هيا الي وراه وانه مابينه وبينها متر والي السنين فرقت بينهم مسافات ومسافات في الاخر جمعتهم في مكان زي كدا..كل واحد منهم يتشكك في امر الثاني والاتنين حالهم اصعب من بعض....مازن حس بكهربة الجو وسكوت ماجد الغريب الي من ساعة ماعرفه ماسكت دقيقه...
مازن:ايش بك يا عم ليه ساكت كدا؟
ماجد.......
مازن:هييييييي انت ماجد
رهف؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!
كل كلمه في العالم مو ممكن توصف ردة فعل رهف في هاللحظه قالت بصوت واطي مايسمعه احد الا هي:ماجد معقول....نزلت دمعه من قلبها قبل عيونها دمعه حاره اتبخرت على خدها من كترة الحراره الي في جسمها من يوم مادخلت هالسياره...المووضوع بنسبى لرهف صاعقه... مووووووووووووت.. ونهايه..والم ...دموووووووووع...عذاب...صدمه مايمكن يتحملها قلبها الصغير والضعيف...سمحت لنفسها تقدم اكثر شوي عن مقعد السياره وتلمح وجهه لانه الشك قتلها وتبغا تشوفه لو ايش صار وشافت وجهه وما انصدمت كثر ما انصدمت بعد ماعرفت اسمه...رجعت نفسها للمقعد وسندت ضهرها بقوه وصارت تبكي وتبكي وتشهق وهيا ماهي داريه ايش الي صاير فيها وتقول في نفسها هادا ماجد..ماجد ماغيره الي سلب قلبي وروحي مافي غيره صوته محفور في بالي وشكله في قلبي قبل عيني..اه ياماجد رجعت تاني الحمدلله انك مامت ماجد انت حي انت بخييير..يا اللللللللللللللللللله ياماجد انت حي ياحبيبي..كيف هنت عليك كل هالفتره اه ياماجد رجعك الزمن ليا رجعتك الاقدار لعيني وقلبي...اه ياماجد حاولت انساك وانساك لكن ماقدرت اه وكم اه اقولها وقلبي يتقطع من شدة الالم اه..يام اجد......واطلقت اه صغيره بس لفتت انتباه مازن الي من اول سامع من جهتها اصوات غريبه بس ما انتبه لها مظبوط لكن دحين وضح الصوت اكثر......
مازن:رهف ايش بك.؟؟؟
رهف.........
مازن:رهفففف ردي عليا ايش بك؟<<<مازن حسب انها خجلانه من صاحبه وماتبغا تتكلم قدامه...وظل يناديها بس ماترد عليه......دخلت الشكوك في نفس مازن ووقف السياره على جنب الطريق ونزل وفتح الباب حقها...
مازن وهوا يحركها من كتفها:رهففففف ايش بك؟؟؟
ماجد انفجع لايكون صار في البنت شي:مازن لايكون داخت ولاحاجه؟؟
مازن:والله مدري الله يخليك تقدر تسوق تودينا على اقرب مستشفى عبال ما اشوف ايش اقدر اسوي فيها
ماجد:المنطقه هنا بعيده واقرب مستشفى على بعد كم كيلوو شوف ايش فيها اول او خلينا نطلب اسعاف
مازن والي الدموع اتجمعت في عينه على اخته الغاليه:والحل يعني انا ما اعرف شي في هالحاجات وجوالي فاضي وانت جوالك زي ماقلتلي ناسيه في البيت يعني رهف حتموووت
ماجد انشل تفكيره ترديد مازن لأسم رهف خلاه يشب نار مهما كانت هالانسانه مجرد حملها لأسم رهف يخليه يتجنن مايقدر يتحمل فكرة انه في انسانه بي هالكون اسمها رهف بتمووت وهوا مايقدر يسوي لها شي.....فجئه وبدون تفكير ماجد يقوم ويخرج من السياره ويروح لجهة باب رهف...
ماجد بصراخ:بعد يامازن
مازن:ايش بتسوي؟؟
ماجد:بعد يامازن بقولك
مازن بإستغراب كبيييييير:ايش الي بعد هادي؟؟؟!!!
ماجد هدء من نفسه شويه وقال له:سوري معليه اسمحلي بس لازم اشوف ايش فيها؟
مازن ارتبك ايش يشوف ايش في اخته؟ مايصيرررر....
ماجد قرئ افكاره قبل مايقولها:ادري انه مو من حقي بس لو تفتكر انا درست طب كم سنه وعلى ما اعتقد اني محتفظ بشوية معلومات بس تقدر تساعدنا نعرف ايش عند البنت صدقني انه موقف محرج لك ولي بس مايصير نسيب البنت تموت ونحنا نتفرج...
مازن الي استسلم للأمر لانه مافي غير كدا بعد له عن الباب وقال له:شوف ايش فيها وياويلك لو صار فيها شي انت المسؤول...
ماجد قرب منها وهوا نظره على جهه تانيه عشان مايشوفها احترام لمازن وللبنت نفسها فمسك يدها....وحس بزي الصعقه الكهربائيه تدخل في جسمه بس تغاضى عنها في سبيل انه ينقذ هالبنت مهما كانت...سمع نبضات قلبها البطيئه...وكان يبغا يشوف حرارتها بس استحى يمد يده على وجه اخت صاحبه((احراج والادمي معاه)) طالع في مازن يشوفه ايش بيسوي لقاه جالس على الرصيف وحاط يده بين راسه...فا ارتاح ماجد يعني كدا يقدر يشوف شغله بدون احراجات مد يده وبعد الطرحه عن وجهها........
وهنا الص دمه هالوجه المحفور في مذكرة ماجد لايمكن ينساه وجه رهف جن جنونه يعني هادي رهف رهف بتموت قدامي مستحييييييييييييييييييييييييييييييييييييييل....... .بدون مايشوف حرارتها او يلمسها قام وجر مازن من يده وركبه السياره ومازن مستغرب منه.......
ماجد ركب محل مازن وساق السياره بأسرع سرعه في الكون بسرعه جنووووووووووونيه........
في خلال دقايق كان قدام مستشفى دخل المستشفى يجري((برغم انه حالته ماتسمح له انه يجري او يمشي عليها بدي الطريقه))وخلال ثواني رجع ومعاه ممرضه وكرسي نقال...مازن طبعا اتكفل بالباقي شالها وحطها على الكرسي وانطلق مع الممرضه داخل المستشفى...
ماجد ماقدر يلحقهم تعب من المجهود الي بذله ورجله بدأت تؤلمه كتير المفروض مايجري عليها بي هالشكل ولايسوق السياره فدخل في السياره محل ماكانت رهف جالسه وجلس وحس مكانها حار والحراره دخلت لجسمه..نسي المه.. ونسي حياته ونسي تعبه.. وكل الي افتكره انه لقى حبيبته رهف وانها تعبانه ومدري ايش بيصير فيها.. نسي كل شي ممكن يصير فيه لو كمل ومشي على رجله اكثر...وبدون تفكير او تردد قام واتحرك وشال نفسه بالقوه وصار يدفع رجله عشان يوصل للمكان الي هيا فيه......
مازن كان واقف في احد الاسياب وشاف حال ماجد ووجه الشاحب وطريقة مشيه وراح يجري عليه......ومسكه من يده يساعده يوقف..
مازن:اسف ياماجد تعبتك من اول يوم قابلتك فيه...
ماجد ما انتبه لكالمه اساسا وسأله:كيفها دحين؟؟
مازن:ما ادري جوا الدكتوره بتشخص عليها؟
ماجد ماقدر يوقف وطاح في الارض...
مازن:ماجد فيك شي اجيب لك الدكتور
ماجد........
مازن:ماجد
ماجد بكلمات غير واضحه وبصوت واطي بالقوه ينسمع:مافيا شي يامازن بس تعبان ماني قادر امشي....وسك عينه بطريقه غريبه خلت مازن ينفجع...
على طول اتجمعو الدكاتره حول ماجد....
وبعد اكثر من ساعتين فتح ماجد عيونه ولقا نفسه على سرير ابيض في غرفه غريبه موحشه وشكلها من الاجهزه الموجوده انها غرفة العناية المركزه ...
مازن كان جنبه ولمن شافه فتح عينه على طوول نط عليه وجا يكلمه..
مازن:ماجد كيفك دحين ان شاء الله احسن..؟؟؟
ماجد:فين انا؟؟
مازن وهوا راخي راسه:في المستشفى
ماجد بإستغراب:ليه؟
مازن بخجل لانه يحس انه هوا السبب:انت تعبت لانك سقت السياره وجريت وبذلت مجهود فوق طاقتك..انا..انا اسف يا ماجد
ماجد والي افتكر الي صار وافتكر رهف وكل شي قال بسرعه وبلهجة خوف:كيفها اختك؟؟
مازن:بخير
ماجد وهوا يحاول يخلي طريقة كلامه عايديه:ايش كان عندها؟
مازن:ما ادري تصدق مافهمت الحاله مظبوط كل الي قالوه ليا الدكاتره صدمه عصبيه ومدري ايش ماني فاهم شي بس المهم انها دحين بخير
ماجد:طلعت من المستشفى؟
مازن بأسف:لاء لسه يقولو انخفض عندها الضغط والسكر وخلوها في العنايه المركزه الين مايتعدل وضعها...نفسي اعرف ايش سبب كل دا انا لمن وديتها ماكان فيها شي
ماجد غمض عينه بأسف ونزلت دمعه من عينه غصب عن عينه لانه عارف انه السبب قال في نفسه اكيد انها عرفتني من يوم ماشافتني وانا زي الاهبل راكب معاها السياره ولا ادري عن شي البنت تعبت وصار فيها كل دا وانا غبي قاعد ياربي كان لازم يعني تعرف وجودي بي هالطريقه كنت اتمنى يكون لقائنا افضل من كدا اه يارهف اه ياقلبي اتحملتي كتير وانا السبب...انا شكلي راح انوي ابعد عنك واريحك مني اكيد صرتي تكرهيني بس ايش الي فكرك فيا بعد كل هالسنين اه ياقلبي يارهف اه مسكينه عذبتك وظلمتك معايا كتير.....
مازن كان بيطالع في ماجد بإستغراب شديد ويقول في نفسه ليه هالدمعه ياماجد ايش تعني لك رهف قد كدا عشان تنزل عشانها دمعه وتسوي كل الي سويته عشانها مو معقوله كل دا عشان تنقذها مستحيل ياماجد من فين تعرفها وليه كل هالخوف والاهتمام ليها.. ياخوفي بس يكون ظني صح.. لالالالالا ما اعتقد ايش هالغباء اختي ايش دراها في اولاد اختي مو من هالنوع بس هيا ماكان فيها شي الا لمن شافته ياربي استغفر الله من هالظنون اعوذ بالله من الشيطان خلاني اشك في اختي انا احسن لي اروح اشوفها وابعد عني هالافكار السودا...
ويروح مازن لأخته الي بعد غرفة ماجد بغرفتين دخل مازن عند رهف وهوا خايف عليها والدموع في عينه والافكار والشكوك في باله لسه مسيطره عليه...
مازن لمن شاف حال رهف وهدوئها وافتكر داك اليووووم الي قبل سنتين يوم ماتعبت عليهم رهف ودخلت المستشفى الوضع يشبه هالوضع بس اول كان في شي غامض الي هوا اسم ماجد اما دحين ماجد موجود وفي وسبب وجوده غامض وغرررررررريب........مازن من يوم ماشاف نفسه بدأ يغوص في الموضوع ارتبك وحاول ينفض هالافكار وقال في نفسه بلا تخيلات وافكار هبله انا لازم انسى الموضوع الادمي جي من السفر وماله علاقه في احد ولو كان فيه علاقه بينه وبين اختي كان مارضي يركب معانا ولا يتصرف بديك العفويه معايا اكيد انا غلطان اعوذ بالله من الشيطان ومن افكاره يالله يارب احمي اختي واحفظها من كل سوء......

*&* الجزء الرابع والعشرون*&*
الساعه 3.00 الفجر...
بعد الملكه وبعد ماراحو الكل بيوتهم في سياره بتتمشى على الكورنيش ورافعه صوت الاغاني على اعلى شي كان خالد الي بيسوق السياره وجنبه على المقعد رامي والي قاعد في المقعد الخلفي امجد الي بالقوووه رضي يجي معاهم وطبعا بعد الاقناعات والمحاولات رضي وحاول يرفه عن نفسه بعد هاليوم الشاق والمتعب..
رامي:غير هالاغنيه يا ابو الشباب بايخه
خالد:طيب ايش تبغو؟؟
رامي:اممم حط اغنيه مفرحه تناسب هاليوم الرهيب وهالمناسبه الحلوه...ويطالع في امجد ويغمز له ويقول:ها مو كدا يا ابو الشباب
امجد دار وجهه على الجهه التانيه وصار يطالع على البحر من الطاقه ومارد عليه وقال في نفسه قصدك المناسبة المحزنه.....
خالد ما انتبه لهم وحط على ذوقه كست عادل محمود وطلعت بالصدفه اغنيه مرره رهيبه اسمها ياسعدتنا) وانبسطو الشباب عليها مررره ورافعين الصوت على الاخرررر....
المهم الشباب قعدو يتمشو في السياره اغلب الوقت وعلى الساعه خمسه الفجر تعبو من اللف وقررو يوقفو ويقعدو في اي مكان مطل على البحر عشان يبغو يشوفو الشرووق والشباب الليله عاملين رومانسيين بزياده مصرين يشوفو الشروق لو ايش صار وامجد قاعد متحقرص في محله يبغا يروح البيت زهقان حده برغم انه يموت على شروق الشمس وخصوصا على البحر..
خالد حس بضيقة اخوه فسأله:شو فيك يا ابو الامجاد متضايق؟؟
امجد:...............مافيني شي
رامي الي دخل بنص الحوار:فيك ونص غريبه مو بالعاده دايما انتا الي تحب تجيبنا هنا ايش فيك اليوم مستعجل على البيت لايكووون مواعد احد على التلفووووووون<<<ويغمز له..
امجد والي اتنرفز من تلميحات رامي البايخه:اقووول اسكت انتا بس
رامي:افا تسكتني ماهقيتها وربي
امجد:اوووووووفففففف انا مدري ايش الي جابني معاكم
خالد بإستغراب وتعجب:طيب قلنا شو الي مضايقك
رامي وهوا يطالع في البحر وامواجه الهادئه:تلاقي خطيبته زعلته ههههههههه
امجد الي دوبه استوعب خطيبته خلاص دحين هوا خاطب ومالك وقال في نفسه لمى تعتبر حرمتي على سنة الله ورسووله ياللله دوبي استوووعب الموضوع مظبوط حاس انه كل دا حلم والا كابوس وبينتهي
طلع واقع صاير صايرر...وحزنت واعتفست ملامح امجد لا شعوريا...ودا الشي خلا رامي يستغرب مررررره...
خالد والي يغير الموضوع فجئه وبصراخ قال:عندييييييي فكرررررررررررررره
رامي وهوا مستغرب منه:فكره فكرة ايش؟؟؟
خالد:شو رأيكم نقنع الاهل نروح المزرعه الاسبوع الجي والله فللللله؟؟
رامي بحزن:بس انا ما اقدر انا مسافر بعد بكره عندي اختبارات
خالد:اوووه ماقلتلي
امجد والي دوبه انتبه للنقاش:ماقلك ايش؟
رامي والي فقع ضحك:هههههههههههههههههههههههههههههههه والله انك مضيع منت معانا ياخي لنا ساعه نتكلم
امجد بندم:اوفففففف طيب شو كنتو بتقولو ما انتبهت لكم
خالد:كنت بقوله شو رأيك نكلم الاهل ونقنعهم نروح المزرعه الاسبوع الجي صار لي زمان زمان مارحت واعتقد انتو كمان مارحتو من زمان
امجد والي شدته الفكره ونسي حزنه:اي والله مرره زمان خلاص انا باتولى اقناع الاهل
رامي بحزن:يووه ماتقدرو تأجلو الموضوع لبعد شهرين يصير اكون معاكم
امجد وهوا يبغا يقهر رامي:عايدي على الاقل نفتك من غلاستك شوي
رامي:هيهيهي عاد يعني انتا الي مره طيب وحنون ومافيك ولا نقطة غلاسه ها
امجد بغرور:ايوه طبعا اصلا انا كل من يدور عليا عشان ياخد من حناني وطيبتي الرهيبه
خالد:هههههههههههههههههههههههه والله انكم تحفففففففه خلاص يارامي لاتزودها مو طول عمرك ما اهتميت للمزرعه واجتماعات العيله من متى الاهتمام؟؟وبعدين مافيها شي لمن ترجع نروح مره تانيه انا ان شاء الله ناوي على مخططات رهيبه للإجازه
وابتسمو رامي وامجد لروح خالد الي رجعت زي زمان...اصلا الكل فرحان لتغير خالد ورجوع روحه الحلوه والطيبه...
خالد:هههههههههههههههه ايش فيكم تبتسمو زي الهبل؟؟
رامي وهوا يقوم يحضن خالد:والله فرحتني يا ابو الشباب برجوعك
خالد بإستغراب كبير:يؤ دوبك تستوعب اني جيت من لندن صارلي اسبوع تقريبا دوبك ترحب فيا ههههههههههههههه
امجد بأبتسامه تشق الحلق:يقصد رجوع شخصيتك المرحه والحلوه واهتمامك بالعيله والناس يعني غير عن حالتك ديك اول
خالد والي اعتفست ملامحه شوي لتذكره حزنه ووفاة نهال بس بسرررعه ردها للمزح والاستهبال عشان ما يلاحظو:ههههههههههههههههههههههههههه الله يرجكم يالهبل انا من زمان كدا بس كنت احتاج احد يستوعب الوضع شوي بس خلاص عدت على خيررر
رامي بتردد:اممم بسألك شي بس ماتزعل ولاتعصب؟؟
خالد بإستغراب من خوفه وتردده الواضح:عايدي اسأل وي شو فيها!!!
امجد والي مسك قلبه لانه عرف السؤال حق رامي فقال له بنبرة تحذيررر:رامي بعديييييييين موووو وقته
خالد بإستغراب اكبر:وي شو فيكم شو السؤال الي مخوفكم قد كدا؟؟؟؟؟؟؟؟؟؟
رامي والي قرر يتكلم ويريح نفسه ويريح خالد من حيرته:انتا مو ناوي تتزوج مره تانيه؟؟؟؟؟؟؟
نزلت هادي الكلمات زي القنابل على خالد تاه ضاع اتردد صدى الكلمات الي قالها رامي في اذنه وعقله وقلبه الف مرررره انا اتزوج بعد نهال انا اتزوج غير نهال انا اتزوج مرررررره تانيه معقوووووول انا اخوووووون نهال لالالا مستحيييييييل......واعتفست ملامح وخالد واتجمعت الدموووع في عينه وشوي ويقووم ويضرب رامي او يقتله.....
امجد زاد خوفه وقلقه على اخوه فقرر يقلب الموضوع مزح فقال:ههههههههههههههههه ايش يتزوج الله يهديك ناوي تضيع عليا فرحتي وطلتي لالالالالا مافي انا اول شي اتزوج بعدين اشوف اسمح لكم انتو الاتنين ولالا
رامي بتأنيب ضمير وبدون مايعبر كلام امجد الي ماجا في وقته:اسف خالد شكله سؤالي زعلك
خالد والي قدر يسيطر على نفسه قال بصوت مخنوق:لاعايدي
رامي والي اتقرب من خالد ومسك يده:والله اسف خلوووود مو قصدي بلييييز لاتزعل
خالد يبعد يد رامي ويقول بصراخ:قلتلك خلاص عايدي انسى الموضوع
ويقووم والدموع الي خانته نازله على خده ويروح للسياره ويدخلها ويطيييير فيها بدون ما يعبر امجد ولا رامي....!!
رامي:يووووه ايش به دا كدا زعل والله ماقلت شي يستاهل
امجد:عشنك غبي كدا خليته يزعل اقلك مو وقته تقولي الا ماتفهم
رامي:طيب ايش فيها سؤال عايدي مايزعل وربي...!
امجد:انتا ماتدري قد ايش نهال غاليه على خالد وماصدقنا على الله يطلع من الجو الي كان فيه تقوم تجي تخرب علينا الله يهديك
رامي وهوا بيطالع محل ماكانت واقفه سيارة خالد وبدون مايعبر كلام امجد او ينتبه له قال:واه الاخ دا نسينا ولا ايش؟!؟!
امجد بدون استوعاب:نسينا شو؟
رامي:خالد راح وسابنا كيف نرجع بيتونا دحين يافرحة امك ها
امجد والي دوبه استوعب الوضع:اي والله صح كيف راح وسابنا والله نسيت انه هوا الي جابنا وماعندنا سياره غير سيارته
رامي بتذمر كبيرررر:اوففففففف منه مايدري انه احنا جيين معاه كيف بالله دحين نرجع في هالصبح مافي ولا بشر ولافي احد يرجعنا وتكاسي في صباح رب العالمين مستحيل تلاقي
امجد بحيره:طيب دحين شو نسوي؟
رامي سرحان يفكر وما انتبه له...................
امجد:هيي انت اقولك شووو نسووووي؟
رامي والي فاق على صوت امجد:ها والله مدري
امجد:غريبه مو انتا ابو الافكار والذكاء فين راح ذكائك ولا افكارك دحين ها؟؟
رامي:اممممممم طيب اصبر خليني افكر شويه
وقعدو امجد ورامي يفكرو ساعه وهما يتفرجو على البحر والمنظر الروووعه...
وفجئه طلعت فكره في راس رامي وقال...
رامي:لقيتها
امجد:شو الي لقيتها؟
رامي:فكره نرجع فيها بيتونا
امجد بفرح:من جد شو هيا؟
رامي:دحين بيت عمي فهد فين؟؟
امجد بإستغراب:عمي فهد مدري بس اعتقد قريب من هنا ليه؟؟؟؟؟؟
رامي يبتسم........
امجد والي اندهشت كل ملامحه:واو والله انك رهييييييب ياشيخ كيف مافكرت فيها هادي
رامي:عشان تعرف قيمتي بس
امجد:طيب بس برضو مهما كان قريب نحتاج سياره ماهو مره قريب يعتبر بعيييد والله
رامي:عايدي نمشي ايش فيها نعمل رياضه على الصباح
امجد: نمشي كل هالمسافه؟؟؟؟؟؟؟؟؟؟؟؟؟؟؟؟
رامي:ايوه والله مافيها شي
امجد بقلة حيله:اصلا هوا دا الحل الوحيد نروح عندهم وناخد وحده من سيارتهم بعدين نرجعلهم هيا يالله قوم خلينا نمشي
رامي وهوا يقوم ويرمي الغتره على كتفه:يالله مشينا
امجد:يالله الله السمتعان بس
ويمشوو رامي وامجد طوول المسافه ولقوها طوووووويله مو زي ما اعتقدو انها اقصر بكتيررر بس لانهم بيمشو فأكيد بتكون اطول من لمن يمشو بالسياره..
امجد:اوووفففف والله تعببببت
رامي:يالله هانت كلها شارعين ونوصل
امجد:يالله بسرعه امشي
رامي ويبتسم بخبث:تسابق؟
امجد:شوووووووووووو؟
رامي:هههههههههه مافيها شي مافي احد يشوفنا عايدي والبيت قريب نجري بس شويه يعني ناخد حماس عشان نوصل بوقت اسرع
امجد بتفكير:اممم طيب على شو؟
رامي:كيف يعني؟
امجد بخبث اكبر:اقصد الفايز ياخد شووو؟؟يعني شو بستفيد لو فزت؟؟؟؟
رامي:اها قووول كدا طيب تستفيد اممممم انتا اختار ايش تبا
امجد بتفكير:اممممم تاخدني معاك امريكا
رامي وهوا مبقق عيونه:اييييشششششش؟؟؟؟؟
امجد:اي والله خدني اقعد كم يوم اتمشى وانبسط وارجع عايدي مافيها شي على حسابك
رامي:لا زودتها كل دا عشان سباق
امجد:ماتبغا براحتك نا ماضربتك على يدك انتا الي تبغا تسابق
رامي بقلة حيله:اوففف طيب خلاص موافق بس خلي في بالك في انه مستحيل تفووزز عليا اصلا<<<ويغمز له بغرووور...
امجد بإتسامه شاقه الحلق:نشووووووووووف
ويرفعو الشباب تيابهم ويحطوها في فمهم والغتر على كتوفهم وينطلقوووووووووووووووووو......
في هالوقت كانت لمى صاحيه وماجاها النوم وكانت بتتفرج من طاقتها على السما وعلى الدنيا ومسررحه على الاخرررر كانت تفكر في امجد وطريقة تعامله معاها امس وتفكر في حياتها معاه كيف راح تكون وايش الي راح يكون بينهم في الايام الجيه وكتير اشياء كلها تتعلق بأمجد......ولفت انتباهها صوت زعيق فنزلت نظرها للشارع تشوف ايش في وانصدمت بقوه من المنظر امجد ورامي بيجروو في الشارع زي المجانين وشكلهم مررررره يضحك رافعين التياب في فمهم ومبهدليييين وكل واحد فيهم شكله يضحك اكثر من التاني..لمى قالت في نفسها معقوله من كتر ما افكر فيه جا الين عندي وكيف كمان بي دا الشكل والمظهر ههههههههههههههههههههههههه ايش الي بيسووه دولا المجانين...وشافت امجد ورامي يوقفوو عند البيت ويصرخ امجد بصوت عالي....
امجد:ههههههههههههههههههههههه انا الفايز ياسلام يالله على امريكا يا ابو الامجاد
رامي بخيبة امل:يوووه والله غشاش انتا مسكت توبي واخرتني
امجد:مالي دخل عشان انتا دفيتني كنت تبغا تتطيحني تستاهل ههههههههههههههههههه
لمى استغربت الوضع في البدايه حسبت انها بتتوهم بس الموضوع طلع جد وامجد ورامي فتحو باب الفيله ودخلوو...
امجد:خيرها فغيرها رمووي هههههههههههه
رامي:بنشوووف لك حل بعدين دحين قلي ايش حنسوي اكيد اهل البيت نايمين
.........:لا مو نايمين مين قلك
ويلتفتو امجد ورامي لوراهم ويشوفو لمى واقفه تطالع فيهم وهيا ماسكه ضحكتها وحاط يدينها على خصرها...
رامي:وه وانتي ايش دراكي اننا هنا
لمى:هههههههههههههههههههه شفتكم من الطاقه ايش بتسوو يامجانين
رامي وهوا مصدوم:شفتينا؟؟؟؟؟؟؟؟؟؟؟
لمى:ايووه فضحتوونا الله يفضحكم ايش دا احد يجري في الشارع كدا وبي هالمنظرر<<<وتأشر عليه بأصباعها من فوق لتحت

&&&&&&&&&&&&&&&&&&&&&&&&&&&&&&&&&&&&&&&&&&

رامي:هههههههههههههه دا خطيبك الي قلي امشي نتسابق انا مالي دخل شوفيه<<<ويأشر عليه
وتلفت لمى لي امجد الي ماشاركهم في الحوار والي كان يطالع فيها بإعجاب شديد لانه كان شكل لمى مرره روعه على الصبح وشكلها طفولي وملائكي مررره وكانت لافه شعرها الطويل اي كلام ونازله خصل على وجهها وهادي اول مره امجد يشوف شعر لمى بعد الملكه كان وجهها زايد نووره في الصبح وخصلات شعرها السوده عليه اعطتها شكل ساحر ورهييييب واكنت لابسه بيجامة النووم...
رامي:هههههههههههههههههههههههههه الله يخلي لنا العقل ايش بك ابو الامجاد انهبلت مو امس شايفها
امجد والي فاق لنفسه وغير تجاه نظره وقال:ها لا بس مستغرب كيف شافتنا؟؟
رامي:ايوه صح انتي ايش مصحيكي الين دحين؟؟؟
لمى والي ماعرفت ايش تقول لهم والي ارتبكت من نظرات امجد واتندمت لانها ماغيرت ملابسها واترددت كمان ايش تقول لهم كنت بفكرر في امجد فأنقذت نفسها بجمله صغيره وقالت:عايدي ماجاني نوم...وقالت هالجمله وهيا بتطالع في امجد بطرف عينها تشوف ايش ردة فعله...
امجد من ذكائه فهم انها كانت بتفكر فيه وفي ليلة امس وحس لأول مره بظلمه لها وانه امس ماهناها واعطاها حقها زي اي خطيب في ليلة خطبته لحرمته بالعكس كان جاف معاها وما عاملها زي الناس...فأنحرج مرره وسكت ورخا راسه...
رامي حسب انها كانت تنتظر مكالمه من امجد او بينهم شي فقال:اها قلتيلي اتاري امجد امس طول الليل مصر يرجع البيت ومو راضي يقعد معانا
لمى بإستغراب:وايش دخل امجد بالموضوع؟
رامي:يعني تبي تفهميني انك ماكنتي منتظره منه تليفووون ها اعترفي يالله بسررعه
امجد ولمى الي انصدمو من تفكير رامي الصبياني قالو في وقت واحد:لا طبعا
ودا الشي خلاهم كلهم يضحكووو......وفجئه لمى قطعت ضحكتها وقالت...
لمى:الا صح ايش جابكم عندنا في دا الصباح؟؟
رامي:بنقولك بس اول خلينا نجلس هنا<<ويأشر على مكان في الحوش زي الحديقه الصغيره فيها طاولات وكراسي وهيك اشياء تنفع الواحد يجلس فيها
وحكاها رامي على الي صار..
لمى:اها والله مسكين خالد يحزن الله يعينه يارب
امجد برغم انه مايحمل اي شعور للمى بس غيرته ما فكته في هالموقف وانقهر لانها اتكلمت عن اخووه وبان على وجهه الغضب..
لمى طالعت فيه وانتبهت للغضب الي في عيونه واستغربت منه بس قالت في محاوله منها انها تهدئه:عايدي نهال كانت غاليه علينا كلنا والله يعين الجميع موووو بس خالد
وهنا سكت امجد وحس انه اتسرع مافيها شي خالد برضو ولد عمها ومن حقها تدعي له...
رامي:طيب دحين فكينا وروحي صحي وحده من الخدامات تصحي لنا السواق عشان يوصلنا بيوتنا او يعطينا مفتاح وحده من السيارات
لمى:طيب دحين اروح اصحي لكم وحده عن اذنكم
وترروح لمى ويقعد امجد يفكر في موقفه معاها يقول في نفسه ماصار لنا يوم مخطبوين واخدت عني فكره خطأ اووففف لازم احاول ما اخليها تحس اني مغصوب عليها حرام بنت زي لمى ماتستاهل الا الحب والحنان لازم احاول اعدل معاملتي معاها حتى لو غصب عني..<<<ماتلاحظو انه امجد بدأ يلييين..
رامي شاف سرحان امجد واستغرب من هالثنائي امجد ولمى برغم تقارب افكارهم واشكالهم وحتى ارواحهم الا انه مايحس في تواصل او استلطاف او محبه بينهم....
وبعد دقايق جات لمى ومعاها تبسي فيه كاستين عصير..
لمى:اتفضلو اكيد عطشانين بعد كل هالجري
رامي:ياعيني عليكي يا بنت عمي ذووووق
لمى بشوية خجل بس مستخبي:ادري اصلا من يومي ذووق هههههههه
رامي:ههههههههههههههه وانا اشهد
امجد...........
لمى راحت لجهة امجد وناولته كاسته واخدها وابتسم في وجهها لأول مره في حياته وقالها..
امجد وهوا مبتسم:شكرا
لمى وهيا مستغربه:العفوو ولوو
امجد اتوسعت ابتسامته اكثر لانها قالت (( ولو )) يعني زيه لانه هوا دايم يردد هالكلمه بعد ما احد يشكره على اي شي..
لمى استغربت مرررره منه ايش فيه دا اليوم بس يوزع ابتسامات يالله يمكن ربنا يصلح حاله ويخليني اتقبله بشكل افضل..
المهم قعدو رامي وامجد مع لمى شويه بعدين استأذنو لانهم تعبانين ويبغو يروحو بيوتهم..
وعند باب الفيلا..
رامي:يالله نشوفك على خير لمووي
لمى:على خير ان شاء الله
وراح رامي................بس ماراح امجد..
لمى طالعت في امجد وهيا مستغربه منه ايش موقفه..
امجد وهوا مرتكز على الباب وحاط راسه عليه بشكل رومنسي خلاه يبان احلى بكتيرر وعيوونه الناعسه والنظرات الغريبه الي فيها قال:لمى ابغا اخد رأيك في شي
لمى وهيا مستغربه مرررررره:خير امر
امجد:امممم امس خالد اقترح علينا احنا الاهل والعيله كلها يعني اننا نروح الاسبوع الجي المزرعه وانا شفت انها فكره حلوه وقلت بقنع الاهل فقلت اسألك انتي شو رأيك بتكوني فاضيه الاسبوع الجي ولا نأجل الموضوع لأنه صراحه ماني رايح اذا ماجيتي انتي
لمى من ناحية استغربت فهيا خلاص انهبلت امجد عامل لها حساب ويبغا يروح عشانها ويبغا يعرف اذا كانت هيا فاضيه ولالا وكمان ايش يأجل الروحه كلها عشانها قالت في نفسها يتغير في يوم وليله يا سبحان الله ايش الي صار في الدنيا...
امجد شاف سرحانها/ واستغرب منها بس عمل حركه شيطانيه عشان يلفت انتباها...قرب منها مررره ودا الشي خلا لمى لاشعوريا ترجع على ورا من الصدمه اول مره امجد يكون معاها كدا..
امجد:شو فيكي؟
لمى:ها لا ولاشي
امجد وهوا مبتسم:طيب ماقولتيلي رأيك؟
لمى:اممم الي تشوفه
امجد:شو الي اشوفه انا سألتك بتكوني فاضيه ولالا؟
لمى:ا امم ايوه طيب
امجد:ايش الي ايوه طيب ههههههههههههههه؟؟؟؟؟
لمى اتلخبطت مره وماعرفت ايش تقول له فقالت:متى قلتلي الاسبوع الجي ايوه اقصد ايووه فاضيه
امجد حس انه لخبطها فا ابتسم وقرر يلخبطها اكترر وقررب منها وباسها على جبتها وقلها:باي اشوفك على خير
وراح يجري واختفا....وما انتظر ردها...
لمى وقفت مكانها مصدومه شو هالادمي الي كل يوم بلون وشكل الله يعنني عليه يارب....

*&*الجزء الخامس والعشرون*&*
في الجهه التانيه من جده في بيت ابو خالد في القسم الخاص بخالد وبالتحديد في غرفه خالد..
كان خالد قاعد على سريره و ضام رجلينه بيده ودافن راسه فيهم ويبكي بكا يقطع القلب..
مجرد قول رامي لديك الكلمات حسسه بالالم والخيانه حس كأنه خان نهال لمجرد انه سمح لنفسه يسمع كلام رامي ولمجرد انه سكت له وما عارضه او سوا له اي شي حس انه كان المفروض يصرخ وبأعلى صوووته انه مستحيل يخون نهال ويتززووج غيررها او انه يقوم ويتقل رامي لمجرد انه فكر في هالشي..
وبعد مانزلت دمعات خالد بكثررره وبعد ما اخذت الاحزان كفايتها منه رفع راسه وقعد يتأمل الغرفه..كل شي في هالغرفه يذكره بنهال وذكرياته معاها كثيررره...وجات عينه على برواز الصوره المحطوط على الطاوله الي فيه صورة زواج نهال وخالد والي كانت البسمه مرسومه على شفايفهم والفرح في عيونهم وقلووووبهم وكان اسعد يوم بنسبى لأحلى عاشقين..خالد اتزوج نهال بعد صراع مرير وبعد عذاب ليالي وايام كتيره وكل دا في سبيل انهم ينجمعو في بيت واحد وتحت سقف واحد...تذكر لياليه معاها وتذكر يوم فرحه ويوم مادخلت هالغرفه وهيا كأنها ملاك نازل من السما كانت حلووو مره وكانت مستحيه وخجلانه ومبهوووره بالحركات الي مسويها خالد في الغرفه والي كان حاطط شمووع في كل انحاء الغرفه يعني عامل جو رومنسي على الاخر وكان مبسووووط مره وكانت هيا كمان زيه والفرحه طاير بهم في السما لانهم اخيرا اجتمعو مع بعض وتحققا مناهم...
---------------------------
خالد والفرح يلمع في عيونه:مبرووك علينا نهوولتي
نهال:الله يبارك بعمرك حياتي
خالد وهوا يمسكك يدها:حياتي و قلبي انتي والله..وان شاء الله اذا ربنا قدرني وساعدني اني والله لأخليكي اسعد انسانه في هالكوون ومابقصر معاكي في شي واذا في يوم طلتبي عيوني مابتكون غاليه عليكي يالغاليه انتي
نهال وهيا راخيه راسها:وانا كمان ان شاء الله راح احاول قد ما اقدر عشان اسعدك
خالد:نهووووولتي
نهال:امرر حياتي
خالد:والله احبك وربي احبك احبك احبك احبك ايش اسوي اقطع نفسي عشان تصدقيني
نهال بخجل:ومي قلك اني ماني مصدقتك مصدقتك والله
خالد:بسسسس
نهال:ايش الي بس
خالد:بس مصدقتني
نهال وهيا ماسكه ضحكتها لانها فاهمه قصده:ليه ايش تبغا كمان؟
خالد:ابغاكي تقوووولي احبك ياخالد والله احبك
نهال:وي ياسلام ليه مين قلك اني احبك اصلا انا ما احبك
خالد انصدم واتحطم وكان بيتكلم..بس نهال ابتسمت وقالت:بس اموووووووووووووووووووووت فيييييييييييييييييييييك وفي الارض الي تمشي عليها
خالد والفرحه مشققته تشقيق:وربي انا اليوم اسعد انسان بي هالكوووووووووون
نهال:والله وحتى انا
خالد:الله لا يحرمني منك يارب
نهال:ولا منك حبيبي
خالد.......
نهال قامت وراحت عند شمعه مرررره كبيررره محطوطه عند التسريحه لفتت انتباهها وشكلها مررره حللووووو وملفت للنظر كانت عبار عن قلب كبييييييييرررر مكتووب عليه حرف ((N)) من جهه وحرف ((K)) من الجهه التانيه وكان شكل مره روعه والورود الحمره منثوره من حواليه..وقعدة نهال تتأمل الشموع وكل الحركات الي مسويها خالد في الغرفه وبعد شوي استغربت سكوت خالد فدارت وجهها عليه ولقته يطالع فيها ويبتسم...
انحرجت نهال بقوه وحبت تتكلم فقالت:خالد
خالد.........
نهال:خالد
خالد.........
نهال وهيا تطالع فيه بخجل:يوووووه خالد لاتطالعني كدا
خالد وهوا يبتسم:والله انا حر زوجتي واطالع فيكي على كيفي
نهال: طيب خالد اسمعني
خالد......
نهال:يوووه خالد رد عليا
خالد......
نهال وهيا تروح لجهته وتهزه من كتفه بنعومه:خالد حبيبي رد عليا خالد
خالد وهوا يبتسم بخبث:عيووونه
نهال بشوية تردد:اخيرا المهم ا..ابغاك...توعدني
خالد وهوا يمسكها من يدها ويقعدها جنبه:خلاص طيب اوعدك
نهال:هههههههههههه طيب انتا عارف بأيش
خالد وهوا يبوس يدها ويرفع عينه ويطالع فيها:مو لازم الي تبغيه انتي هوا الي اوعدك فيه وخلاص
نهال بخجل:لا مافي لازم تعرف
خالد بقلة صبر:ياربي ها طيب شووووو؟؟؟؟؟؟
نهال بجديه:ابغاك توعدني ماتتخلى عني وماتسيبني لو ايش صار
خالد والي ماعرف سبب الي قالته قرب منها وحضنها وقال:نهووولتي قلبي وروحي وحياتي انتي كيف اتخلى عنك واسيبك قلبي
نهال وهيا حاطه راسها على صدره وتستمتع بحنانه:يعني مافي شي ممكن يخليك تفارقني ولا تبعد عني
خالد:مافي شي ممكن يفرقنا ياقلبي انتي ولا يبعدني عنك حتى المووووووت
نهال:حتى المووت حبيبي
خالد:حتى الموت يا قلبي
-------------------------------
خالد افتكر هالكلمات ونزلت دموعه اكثر واكثر وقال بصووت مخنوووق ومليان بكا.....
خالد:نهوووووووولتي حتى الموووووووووووووووووت ياقلبي حتى المووووووت يانوووووووور عيني حتى المووووووووووووت ياحياتي انتي وربي ما راح اخونك انتي بقلبي وبعمري وعيوني مستحييييييل انساكي او اتخلى عنك يا قلب وروح خالد انتي...
والتفت نظراته للشمعه الكبيره ولقاها مكانها من يوم زواجهم لحد الان..خالد من بعد وفاة نهال ومن بعد رجوعه من السفر ماحرك ولا شي من مكانه كل حاجه زي ماهيا كأنه نهال موجوده حتى انه كل مايدخل الغرفه يتخيلها موجوده ويحس انه يشم ريحة عطرها في الغرفه ويحس بوجودها معاه ويقعد يشكي لها الامه واحزانه من بعدها...
صحيح انه خالد اتغير هالفتره بس مو معناته انه نسي نهال بالعكس كان كل مايرجع البيت وقبل ماينام يقعد يحتضن ذكرايته معاها في هالبيت وهالغرفه ويقعد يبكي بس بصمت وبهدوء ومحد يسمعه..دايما كان ولده محمد يبغا ينام معاه في الغرفه بس هوا مايخليه يخاف احد يخرب عليه ذكرى زوجته وحبيبته فما يسمح لاحد يشاركه في ذكرياته واحزانه حتى ولده الي هوا اقرب له من نفسه مايسمح له......
امجد لمن رجع البيت ماقدر ينام برغم من تعبه الشديد الا انه حركته مع لمى شغلته وصار يقول في نفسه انا ايش سويت ياربي ياريتني ما اتسرعت كدا وقعد يتلوم على حركته كأنه سوا شي غلط واتمنا لو انه ماتسرع وكلمها بديك الطريقه...ومايدري انه في الجهه التانيه لمى عجبتها الحركه وانبسطت مرره لانه صار عندها امل انه ممكن يتعدل وضعها معاه وممكن شعورها ومعاملتها كمان...
امجد طفش من جلسته وقرر يدخل النت ويبسط عمره((امجد كذب على لمى هوا اصلا مجنون نت وكمبيوتر بس ماحب يوضح لها هالشي)).....
في نفس الوقت لمى كانت على النت وشافت تسجيل دخول (( خلودي ))..
لمى انبسطت بس على طول اختفت ابتسامتها لمن افتكرت امجد..((لمى من بعد ديك الليله الي اتعرفت فيها على خالد اتعلقت فيه مررررره وصار صديقها المفضل كانت تكلمه اربعه وعشرين ساعه ويوميا وكان يقولها كل شي عن نفسه ومايخبي عنها شي حتى انه في يوم صارحها بحبه وانه مايقدر يتخلى عنها وهيا كانت تميييل له كثير بس ماصارحته بشي ولمن صارت حكاية خطبتها لأمجد ماقدرت تقوي علاقتها بيه اكثر وقررت تنهي موضوعه بكل حزن واسف ولمن قالت له على موعد ملكتها زعل في البدايه بس بعدين تمنى لها السعاده وقلها الي تبغيه سويه وانا راضي برغم انه لمى تقول لخالد الشي الكثير الا انها ماقالت له انها مجبوره على امجد لانها تعتبر دا شي خاص فيها)) وقررت الحين لمن شافته انها تنهي كل شي..حرام مهما كانت مجبوره على امجد لازم ماتخونه لو شو صار وقالت في نفسها خالد دا مجرد مرحله ولازم تعدي من حياتي وانا دحين حرمت امجد ولازم احترم هالارتباط مهما كنت مجبووره وقررت تتنازل وتكلمه بما انه ما بدأ ولا كلمها..
لولا:صباح الورد
خلودي:صباح الفل
لمى قالت في نفسها اكيد انه متضايق لانه عارف انه امس كانت ملكتي...
لولا:كيفك؟
خلودي:بخير
لمى انتظرته فتره يسألها عن نفسها بس ما اتكلم فقالت..
لولا:خلودي انتا زعلان مني
خلودي:لا ماني زعلان مين قال
لولا:احساسي
خلودي:لا قوليله غلطان
لولا:طيب بقولك شي
خلودي:اتفضلي قلبي
لولا:خالد لازم الي بيننا ينتهي
خلودي..............
لولا:ادري دا صعب عليك ووالله انه صعب عليا بس خلاص انا دحين على ذمة رجال وما اقدر اخونه وصراحه كلامي معاك اعتبره خيانه له وانا ما اقدر على كدا
خلودي:لمو قلبي انا حبيتك بدون شروط وقلتلك من البدايه مستحيل اتخلى عنك
لولا:ويعني؟؟؟؟؟؟؟؟؟؟؟
خلودي:يعني لو الشي دا فيه سعادتك مستحيل اعارض حتى لو على حسابي
لولا:والله انك ياخالد كل يوم تكبر في نظري عن اليوم الي قلبه
خلودي:لمو قلبي اتمنى لك السعاده من كل قلبي والله يوفقك مع الي كان من نصيبك وياحظه وهناها والله
لولا:وانتا كمان خالد الله يسعدك ان شاء الله وتلاقي الي تسعدك وبجد انتا ياحظها الي بتكون من نصيبك
خلودي:الله يسلمك يارب
لولا:صدقني الفتره الي قضيتها معاك احلى فتره في حياتي على النت صدقني كانت لك مكانه مره كبيره في قلبي بس خلاص كل شي له نهايه
خلودي:مين قلك هادي النهايه
لولا:.؟؟؟؟
خلودي:النهايه بنسبالك انتي بس اما انا فانتي بتظلي في قلبي وحياتي للأبد مهما افترقنا
لولا:.............
خلودي:اسف لو احرجتك
لولا:لا عادي
لولا:خلاص طيب الحين تامرني بشي
خلودي:مستعجله قد كدا؟؟؟؟؟
لولا:طيب شو قلنا الحين احنا
خلودي:امممم طيب مدام هادي اخر مره خلينا نتكلم لأخرررر مرررره بس
لولا:اممممممم
خلودي:والله اخر مررررررره
لولا:اوكي قلبي
وقعدو خالد ولمى يتكلموو حوالي ساعتين بعدين لمى استأذنت منه وطلعت لانها تبغا تنام ومانامت من امس برغم انه كان نفسها تكلمه وقت اطول بس خلاص ماقدرت تقاوم تعبها..
وفي الليل كانت في عزيمه في بيت ابو خالد بمناسبة ملكة امجد على لمى والكل حضر حتى عيلة ابو جابر لانهم ما راحو من امس وقررو يقعدو كم يووم عند بيت ابو خالد وكمان كان في تامر صاحب رامي الي عزمه ابو خالد لمن اتعرف عليه وشافه في الملكه ..
امجد في مجلس الرجال كلم العمان على حكاية المزرعه والكل رحب بالفكره ووافق لان الكل يحب روحة المزرعه وينبسطو هناك الا رامي ما وافق..
رامي:لحظه لحظه وانا
تامر:شو انتا هاي مو انتا مسافر بكره
رامي:يعني اهون عليهم يروحو بدوني كيف بالله يقدرو يعيشو بدوني
امجد:عادي جدا ناكل ونشرب وننام مافيها شي مابتنقص علينا شي من مقومات الحياه
رامي:افا بس افا
&&&&&&&&&&&&&&&&&&&&&&&&&&&&&&&&&&&&&&&&&
ابو خالد:وي ياولدي حبك السفر بكره يعني ماتقدر تأجله كم يوم
رامي:اممم والله ما قدر انا اختباري الاسبوع الجي
تامر:تقدر تأجله مافيها شي
رامي والي انصدم من كلام تامر لانه اصلا مؤجل الاختبار و متفقين يروحو للامارات مع بعض وبعد كدا يروحو على امريكا بس ماقالو لأحد لانه لو اهل رامي عرفو مابيخلوه ويقولو الفتره الي بتقعدها هناك احنا اولى بيها...
تامر يبتسم لرامي بطيبة قلب ويقوله:عادي ابو الشباب شو فيك؟
رامي سكت وماقدر يعارض..
امجد:ههههههههههه يالدب تقدر تأجل وعاملنا كل هالضجه
وفي هاللحظه في مجلس الحريم كل الكل مبسوط وكانت لمى محط انظار الجميع والكل كان يمدح شكلها يوم الملكه والحركات الي عملوها وقت الزفه..ورندا ومنى مره مبسوطين لانه الحركات من تصميمهم بس محد يدري وكل محد يسألهم يقولو ماندري...
في جهه من المجلس كانت منال جالسه مع محمد واحمد ومرره مبسووطه معاهم كل واحد فيهم قاعد يتفلسف على راسها ويتريق وهيا مبسوط على الاخر((منال مره تموت على شي اسمه اطفال وتحب تتكلم معاهم وتلعبهم وكل الاطفال يحبوها ويموتو عليها لانها انسانه مره طيبه وقلبها كبير وتملك حنان رهيب محد يقدر يجاريها فيه وياحظ الطفل الي بتكون امه لانه بياخد احن انسانه بي هالكون))
احمد:اقولك اثكت انا كم مره اقولك انا لمن اتكلم ماتقاطعني
محمد بزعل:بث انتا الي تقوله حطأ((خطأ))
منال وهيا ماسكه ضحكتها:خلاص حبايبي ماصار شي ايوه كمل احمد شو صار بعدين..
احمد:بعدين محمد ضرب الولد على راسه وخلاه يبكي
محمد بصراخ:لاء انتا مره كداب انا ماثويت شي
احمد:الا انتا بس اثكت يا غبي
محمد زعل وبدء يبكي ودموعه تنزل وراح يجري..
منال انصدمت ايش فيه دا زعل عاددي بيتكلمو ويمزحوو..وراحت تجري وراه ولقته جالس عند باب قسم ابوه ويبكي بصوت عالي..منال راحت له وضمته لصدرها..
منال:خلاص حبيبي محمد ماصار شي ليه تبكي؟
محمد:عثان((عشان))هادا احمد دايما يكدب عليا ويقول اسياء حطأ انا ماثويتها
منال وهيا تمسح دموعه وتمسح على شعره:خلاص طيب مالك دخل فيه انا اوريه شغله تعال انا اعطيك حلاوه بس لاتبكي حبيبي طيب
محمد بفرح:طيب
منال تبوسه على خده:شاطر حبيبي محمد يالله تعال معايا
محمد:خاله منال انا مله احبك((مره احبك))
منال وهيا مبتسمه:بس انا ما احبك
محمد انصدم وكان حيبكي مره تانيه بس هيا باسته وقالتله:ايوه انا ما احبك بس اموووووت فيك هههههههههههه
وفي هاللحظه انصدم الانسان الي كان واقف ورا الباب وسامع كل شي من يوم ما جا محمد الين ماجات هالبنت انصدم خالد بقووووه لمن سمع نفس كلمات نهال دايما تقولها بي هالطريقه((انا ما احبك بس امووت فيك))...
منال:يلا حبيبي تعال ننزل تحت
محمد:يلا
ويروح محمد مع منال وهوا ماسك يدها..ويوقف خالد مكانه منصدم مين هالبنت الي ساحرة ولده ومخليته يحبها قد كدا..بس بعدين قال في نفسه مهما كانت الله يسعدها دامها بتسعد ولدي وتجبر بخاطره.. وفرح واتبسم في نفسه وقال انا ايش الي مقعدني هنا خليني انزل مع الرجال رامي ماكان قصده شي ولازم انسى الموضوع وما ابين لهم شي..وراح خالد لبس واتكشخ ونزل لهم..
رامي اول ماشافه خاف ومسك قلبه..بس خالد ابتسم له ودا الشي فرح رامي وريحه..
خالد:سلام عليكم
......:وعليكم السلام..ياهلا والله..اهلييين<<<ردود متفرقه
وبعد ما سلم خالد على الكل..
ابو خالد:فينك ياولدي من زمان نسأل عنك
خالد وهوا يطالع في رامي:مافي شي بس كنت نايم شوي
رامي وهوا مبسوط:اهلين ومرحبتين تعال اقعد جمبي
خالد يبتسم له ويروح ويقعد جمبه...
خالد يلتفت لتامر:اهليين هلا وغلا بتامر اخبارك
تامر:هلا فيك بخير دامك بخير انت شو اخبارك
خالد:تمام الله يسلمك
وقعدو الكل مبسووطين ومرووقين على الاخر..
وبعد ماطلعوو الكل من عند بيت ابو خالد كان حال كل واحد غير...
لمى..كانت زعلانه لانه امجد ماعبرها وكم مره شافها ولا كلمها ولا سلم عليها ولا كأنه شايفها واستغربت دا الشي منه مره لانه ينافي الشي الي سواه الصبح..
خالد...الي كان مرررره مبسووط لانه هوا الي حيروح يرتب المزرعه للعيله ويشوف الوضع بعد ماوافقو الكل وهوا مرره مهتم بموضوع الجمعه هادي وناوي يخليها جمعه ولا اروع وفي افكار كتيره شاغله باله ومنسيته حزنه الي كان فيه الصبح
رامي..الي قرر انه مايروح مع تامر الامارات من بعد ما اقنعه تامر انه جمعة عيلته اهم وانه جياته للامارات بتكون اكثر ان شاء الله فقرر يقعد عشان يحضر جمعة العيله في المزرعه
امجد..والي كان مررره مستحي وخجلان من لمى على الي يسويه فيها اليوم الصبح كان معاها طيب والحين خصرها ولا كلمها او حتى طل في وجهها..بس دا الشي مو بيده هوا كان مشغووول على الاخر ومالقا وقت يكلمها وحتى لمن لقا وجا يسلم عليها راحت وخصرته..وقرر انه يصالحها لمن يشوفها في المزرعه..
في اليوم التاني في الصباح الساعه تسعه..
ابو خالد:يا ام خالد ام خالد ناديه ام خالد
ام خالد:ها منصور شو فيك حبيب البي؟
ابو خالد:انا بروح السوق دحين صحي لي خالد خليه يجي معايا
ام خالد:ليه شو بدك من السوق؟
ابو خالد:وي يا ام خالد ناسيه اننا بنرروح المزرعه بكره والمزرعه فاضيه مافيها شي لازم اروح اقضي واشتري الاشياء الي ناقصتنا وازهمي كاكي وتيتا يجو معايا عشان يروحو ينظفو المحل ويرتبوه قبل مانروح
ام خالد:ان شاء الله على امرك بس الساعه كم بدك انروح؟
ابو خالد:الساعه تسعه الصبح لازم نكون هناك عشان تشوفي بنفسك الترتيبات للغدا
ام خالد:ان شاء الله تؤبرني كل شي بدك هوا حيصير بس لاتوتر اعصابك
ابو خالد وهوا مرتاح:مابوترها ياقلبي
رندا:احم احم
ام خالد وهيا مفجوعه:بسم الله من فين طلعتي انتي
رندا:اشوف الغزل صار عيني عينك
ابوخالد:اقول اهجدي الله يعقلك وروحي صحي لي خالد بسررررعه ابغا اروووح دحين
ام خالد:مايحتاج انا بروح صحيه
رندا:ايوا ياعم ياهنيا لك كل شي لك مجاب
ابو خالد بعصبيه:رندا
رندا:ههههههههههه خلاص والله انا بروح اصحيه خليكي ياماما
وتروح رندا تصحي خالد ويروح مع ابوه والخدامات ويظبوو المزرعه ويجهزوها احسن تجهيز ليوم بكره..

*&*الجزء السادس والعشرون*&*
في نفس اليوم الي دخلو فيه ماجد ورهف المستشفى صارت الاحادث التاليه:...
رهف تفك عيونها وتشوف اخوها قدامها..
رهف:مازن
مازن:عيونه
رهف وهيا تستكشف كل شي حوالينها:انا فين؟
مازن:......في المستشفى
رهف بخوف:ليه شو الي يابني هني؟
مازن وهوا يطالع فيها بخبث:انا ادري عنج
رهف اتخلطت عليها الامور وصارت تقول في نفسها..شو الي صار معقوله يعني انه ماجد مارجع والي صار كان حلم لالا ما اعتقد طيب كيف اتأكد..اسأل مازن..لالا شو اقوله اقوله مين الي كان معاك..اصلأ بأي حق اسأل لالا ياربي طيب كيف اتأكد..
في الوقت الي بتفكر فيه مازن قلها بحزن بالغ على حالها:انا رايحه يارهف تامري بشي
رهف:ليه فين رايح؟
مازن:ماني رايح محل بس برجع البيت اغير ملابسي واييب لج امي وبكره الصبح بنكون عندج
رهف:اها اوكي برايك
مازن:رهف
رهف:خير
مازن:ها...لا ولاشي يالله باي
وراح مازن ونفسه مليانه بالشكوك والحسره والالم على اخته..
رهف قعدت محتاره تبغا تتأكد انه الي شافته مو حلم وانها ماكانت تتوهم..وقطع عليها تفكيرها دخول ممرضه متنقبه وشكلها سعوديه..
الممرضه:اهلييين رهف فقتي..سلامتك ماتشوفي شر
رهف:هلا فيج الله يسلمج والشر مايجيج ان شاء الله
الممرضه وهيا مبتسمه للهجة رهف الامارتيه:خير تشكي من شي الحين؟
رهف:لا بس احس بشوية دوخه وصداع في راسي
الممرضه وهيا تقرا الورق المحطوط على سرير رهف:اها ايه اكيد من انخفاض السكر والضغط..الحمدلله لحقناكي كان ضغطك مره منخفض وحالتك حاله
رهف وهيا منصدمه:ضغطي انا..ليش؟؟!!!
الممرضه:والسكر كمان والله انا ما اعرف الجواب انتي اسألي نفسك ايش الي وصل نفسيتك الي هالدرجه من التعب ونزلة الضغط والسكر مره وحده
رهف وهيا تقول بصوت واطي:ماجد
الممرضه:ايش؟
رهف:ها لا ماشي
الممرضه:اوكي لو تبي شي دقي على الجرس الي جمبك وانا بجيكي على طول
رهف:الا بسألج اختي انا لمن ييت هني حد يا معايا
الممرضه وهيا مبتسمه:ايوه اخوكي وواحد معاه ما ادري مين؟
رهف:وهالشخص فينه دحين؟
الممرضه:بالغرفه الي جمبك
رهف:شوووو؟؟
الممرضه:ايوه حالته مرره كانت صعبه لمن جا داخ علينا في وحده من الاسياب
رهف:شووووووووووووووووووو؟؟؟
الممرضه:ايه والله دا الي صار بس ايش يقرب لك اهو؟
رهف وهيا لساته مو مستوعبه الي صار قالت بدون ماتحس على نفسها بصوت واطي بس سمعته الممرضه:حبيبي
الممرضه انصدمت في البدايه بعدين فهمت وابتسمت وقالت:اها يعني خطيبك وانا اقوول ايش الي سوا فيه كدا اكيد تعب لمن شافك تعبانه ايه الله يخليكم لبعض بس مررره حالته صعبه الله يعينكم
رهف انصدمت من الي قالته الممرضه بس قالت فرصه حلوه هيا الي قالت مو انا..وجات فكره مجنونه في راس رهف وقالت بدون ماتفكر في الي قالته..
رهف:لو سمحتي اختي ممكن اشوفه؟
الممرضه:امممممم
رهف....تنتظر ردها وتطالع فيها بنظرات توسل...!
الممرضه:ههههههه اكيد ممكن من حقك طبعا برغم انه حالته صعبه وممنوع احد يدخل عنده بس عشان خاطرك بدخلك؟
رهف تتنهد:الحمدلله اوكي مشكوره اختي
الممرضه:ياعيني على الحب اوكي انتظريني دقيقه بجيب لك كرسي متحرك لانك ماراح تقدري تتحركي
رهف....ساكته تفكر في شكله لمن حتشوفه وماتدري اذا كان صاحي ولانايم..
جاتها الممرضه وحطتها على الكرسي ولبسة عبايتها عشان لو كان صاحي ولا شي مايصير يشوفها..
وراحت رهف لغرفته وهيا متلثمه وقلبها يدق زي الطبل وتحس انه شويه ويطلع من صدرها..دخلت الغرفه وكانت مره هادئه الا من صوت جهاز دقات قلب ماجد..
وصوت تنفسه باين من كثر الهدوء الي في الغرفه..واقل حركه حتبان في الغرفه على انها صوت عالي..
رهف قربت منه وهيا خايفه وعيونها كلها دمووع..
الممرضه قربتها منه وراحت وهيا مبتسمه وتقول في نفسها معقوله في هالدنيا لسه في حب بدا الشكل..
رهف قربت كرسيها منه واتأملت وجهه وملامحه وفي لحظة ضعف اتجرأت ومسكة يده..في ديك الساعه زادت دقات قلب ماجد وبان الصوت ورهف ابتسمت في نفسها..وقالت لساته يحبني حس فيني ياربي محلاه ومحلا وجهه الوسيم هادا..فديييته يارب فدييت رووحه وقلبه..
وفجائه وهيا بتتأمله فتح ماجد عيونه بطريقه غربيه خلت رهف تخاف وتشيل يدها على طول..
ماجد فتح عيونه ومو مصدق من هالانسانه الي قدامه معقوله رهف..هوا حاسه انها رهف..رهف..
ماجد:رهف
رهف بصوت مرتجف:عيونها
ماجد:انتي رهف؟؟؟
رهف:.........ايه
ولفت رهف كرسيها تبغا تطلع من الغرفه..
وقام ماجد ومسك كرسيها وقلها:خليكي دقيقه بس دقيقه يارهف
رهف ماقدرت تقاوم صوته وترجيه فلفت كرسيها عليه ورجعت جمب سريره وعيونها على الارض...
ماجد وهوا يرجع راسه على المخده ويبتسم ابتسامه تذووب الصخر ويقول:وحشتيني مووووووووووت
رهف زادت دقات قلبها وحست انه بجد راح يطلع..
ماجد:يعني ماوحشتك؟
رهف.......
ماجد:اها عرفت
رهف:شو عرفت؟
ماجد:اني ماوحشتك
رهف:لا مين قالك؟
ماجد:يعني وحشتك
رهف......
ماجد:ردي عليا قبل ما اتجنن
رهف:سلامتك من الجنان
ماجد:محا اتجنن الا لمن تقولي لي وحشتك ولالا؟
رهف:الا
ماجد:ايش الا هادي؟
رهف:وحشتني
ماجد والفرحه مو سايعته:من جد؟
رهف وهيا مستحيه مررره ونفسها تشرد من قدامه حولت الحوار للمزح وقالت:ايه من جد عيل من عم؟
ماجد ضحك ضحكه من قلبه خلت رهف تذووب فيه اكثر وتقول في نفسه ياربي محلا ضحكته كله على بعضه حلووو...
ماجد وهوا يسك عيووونه عشان يحاول يهدء نبضات قلبه الي صارت مسموعه بنسبا للرهف قال بصوت مرتجف وخايف:رهف
رهف:هلا
ماجد:تحبيني؟
رهف:؟؟؟؟؟
ماجد:رهف انا والله مانسيتك انا ظليت احبك لي يومي هادا ولاتظني اني نسيتك بس انا كنت اتعالج خارج البلاد ومالي فتره قصيره رجعت
رهف والدموع تخونها وتنزل على خدها:وليه ماكلمتني ليه تركتني بدونك اعيش سنتين بدون ما اعرف عنك شي؟
ماجد:ماكان عندي رقمك ورقمك كنت حافظه قبل بس مع السنين حاولت انسيه نفسي وماكنت مفتكره مظبوط لمن رجعت وبعدين ماكلمتك كل هالمده لاني كنت خايفه ما ارجع اتعافا وخفت اعلقك معايا اعلقك في واحد عاجز ماكان له مستقبل
رهف:ودحين؟؟
ماجد:ايش الي ودحين هادي؟
رهف:دحين منت عايز يعني؟
ماجد وهوا مستغرب مررره من طريقة كلامها وتفكيرها:لا طبعا منتي شايفتني قدامك صحيح متعافي ولله الحمد بس تعبت شويه وعشان كدا شايفتني في دا المكان وبي هالشكل
رهف والدموع على خدها وهيا تشهق بين جمله والتانيه:ماجد ابغا افهمك كم كلمه وحطها في بالك مدى العمر..العيز والضعف مو في اليسد((الجسد))..العيز والضعف في القلب والدين واذا كنت في يوم عايز عن حمل حبي في قلبك فدا شي مستحيل اسامحك عليه..انتا تركتني اعيش سنتين في عذاب مايعلم بيه الا ربنا حاولت انساك حاولت والله سويت الي مستحيل احد يسويه عشان انساك بس..مارمت((ماقدرت)) وحبك طغى في قلبي((في هاللحظه ابتسم ماجد ونزلت دموع رهف بكثرره))...كنت حاسه انك تحبني بس كان عقلي دايما يقولي انك خاين..ضعيف..اول مشكلة قابلتك في حياتك اتخليت عني فيها واتخليت عن حبي...قطعت قلبي عذبتني ييت اقلك انا احبك..قلتلي انا ما انفعج بالله ايت قلب ممكن يستحمل هالكلام الا القلب المصنوع من الصخر..عشت سنتين واكثررر في شوق ودمووع وحنين وعذاب..وكتير اشياء ما اروم اوصف لك هيا
ماجد:بس يارهف..
رهف تقاطعه ودموعها تنهمر بشكل اكثر:خليني اكمل كلامي لو سمحت ابغا اطلع كل الي في قلبي..انت همتك نفسك وماكنت مستحمل فكرة انك تكون عايز او ضعيف وقررت تروح تعيش حياتك وتتعالج او تسوي اي شي..ماهمتك هالانسانه الضعيفه الي حبتك بكل اخلاص رحت وتركتها بكل بساطه..((وهنا رهف تحط راسها بين يدينها وتقول بصوت عالي))رحت رحت رحت وتركتني وتركتنييي ياخاين...ويتجهش صوتها بالبكا..
ماجد.............................................. ..............
ماجد لأول مره في حياته يعترف لنفسه انه نذل... حقير... تافه... ماعنده ضمير.. ماعنده قلب...اول مره يعترف انه انسان مجرد من الاحساس ومن المشاعر كل كلمه قالتها رهف وعته صححت تفكيره حسسته بغلطته حسسته انه قد ايش كان ظالم رهف بتفكيره الاناني داك..ماجد ماعرف ايش يقول لها حس انه كل كلمات العالم مو ممكن توفي هالانسانه العظيمه حقها..
رهف.....كانت ساكته تنتظر تعليقه ورده بعد كل الي قالته بس هوا قعد ساكت وما اتكلم ولا نطق ولا بحرف...
وقعدو ماجد ورهف على هالحال فتره ولا احد فيهم يتكلم الا الدمووع ونظرات العيوون ماجد كان حاس انه قلبه بيتقطع حس انه رجع عاجز مره تانيه بس هالمره عجزه في كل شي في جسمه ماهو قادر يحرك ولا شي في جسمه حتى لسانه مو قادر ينطق ولا بكلمه وفجئه..
قال وحده كلمه قدر ينطق بيها والي هيا:احبك...ويروح لعالم تاني ويغمى عليه..
رهف انصدمت من رده ورفعت راسها تشوفه لقته ساك عينه ونور احمر ينور جمبه ويطلع صوت عالي منه وصارت تبكي وماهي عارفه ايش تسوي..وفجئه جات الممرضه الي كانت معاها قبل شويه وقعدت تشوفه وتشوف الاجهزه وتعطيه ادويه وابر وما ادري ايش المهم اتصرفت بسرعه وبطريقه غريبه خوفت رهف اكثر..
رهف بصوت مرتجف وكله خوف:شو فيه؟
الممرضه:ها لا ولاشي بس اغمي عليه واطربت ضرباته قلبه شويه هدي اعصابك وروحي غرفتك انتي تعبانه اكتر منه
رهف:طيب هوا ايش فيه اصلا؟
الممرضه:والله هوا مره عمل مجهود كبير عشان يوصلك عندنا هنا والمفروض انه مايعمل كدا لانه قريب خارج من عمليات وعلاجات خطيره ماتستحمل الي سواه والحمدلله هوا دحين احسن بس..
رهف:بس ايش؟؟؟؟؟؟؟؟؟؟؟؟
الممرضه بحزن:حالته خطره ومعرض انه يرجع ينشل تاني وفي اربعه وعشرين ساعه اذا عداها معانته عدى مرحلة الخطر وماراح يصير له شي اما اذا ماعداها
رهف بخوووف كبيررر:ايش ممكن يصير له؟؟
الممرضه:قلتلك...ممكن ينشل تاني
رهف والدموع تطفر من عينها لاشعوريا وبدون ماترمش عينها:يعني ينشل بسببي لا مستحييييييل
الممرضه:لاتقولي كدا دا قضاء الله وقدره وان شاء الله ربي يعينه ويعافيه
رهف وهيا تمسك يده وتضغط عليها:امييين
الممرضه:يالله لازم ترجعي غرفتك
رهف وعيونها عليه والحسره والالم في قلبها:طيب
وتروح رهف مع الممرضه لغرفتها وتكمل ليلتها في حزن والم..

اكملها لما اشوف الردود

مشكوره
ننتظر كمليها

*&*الجزء السابع والعشرون*&*
منى:رندا رندووووي قوووومي يادبه
رندا:....ها سيبيني بدي نام مانمت الا بعد الفجر
منى:ياغبيه نسيتي اليوم حنروح المزرعه ولا ماتبي تروحي معانا
رندا وهيا تقوم مفجوعه:ايوه صح نسييييت
منى وهيا تضحك على شكلها المفجوع وشعرها المنكووش:هههههههههههههه طيب قومي غسلي وجهك وصلحي هالكشه وانزليلنا كلنا تحت بنستناكي حضرة جنابك مؤخره العيله كلها
رندا:ليه الساعه كم؟؟!!
منى:امممم تجي تسعه الا ربع
رندا:والله
منى:اجل بكذب
رندا وهيا تنط من على السرير وتروح للحمام:طييب بس انقلعي انتي وسكي الباب وراكي
وخرجت منى وماردت عليها وهيا كاتمه الضحكه في نفسها لانها كذبت عليها لانها اصلا ما أخرت العيله ولاشي والساعه دوبها سته ومنى قامت من بعد صلاة الفجر ومو جيها نوم ومخلصه اشيائها حقت المزرعه وماعندها شي تسويه لانه ابوهم عودهم اي يوم يبغو يخرجو من البيت يكونو مرتبين اشيائهم قبلها بيوم ومنى تبغا احد يسليها فما لقت غير انها تلعب على رندا وتصحيها تقعد معاها بس الله يعينها لمن حتكتشف رندا الموضوع حتلعن ابو خيرها لانها فكرت تلعب على رندوووي اقوى وحده في العيله والي محد يقدر يقولها تلت التلاته كممم...
وبعد اقل من ربع ساعه نزلت رندا وهيا مربوشه وشكلها خايفه من امها او ابوها لايصرخو عليها لانها اخرتهم...
رندا وهيا مصدومه ومتفاجئه:فينهم مو تقولي ملطوعين يستنوني ماني شايفه احد...!!!!؟؟؟
منى وهيا ناويه تكمل اللعبه:ها..الا ماتدري ؟
رندا واعصابها بدت تفور:لا والله مدري شو صار يا ام العلوم انتي
منى وهيا تحاول تمثل انها زعلانه ومعصبه:كله منك راحووو وسابونا عاجبك كدا
رندا والقهر والندم ماليها:من جد يوووووووه والله راحت عليا نومه على بالي الساعه سته ولا سبعه دحين شو يدريني انا محد صحاني
منى......
رندا:شو فيكي سكتي؟؟
منى وهيا تحاول تحول لهجتها للعصبيه:وليكي وجه تتكلمي دحين بالله كيف حنروح اكيد حالفين ماياخدونا معاهم بعد ما اخرتينا الله يكافيكي يالدووووبه
رندا وخلاص حتنزل دمعتها:اهئ والله مدري شوو اسووي يعنيييييي
منى اللعبه عاجبتها وتبغا تحرق اعصاب اختها الي دايما تقهرها وتلعب في اعصابها وماتقدر ترد عليها او تسوي لها شي لانها ام المصايب رندوووي ومحد يقدر لها..
رندا:منوووي حبيبي الله يخليكي اتصلي على خلوود خليه يرجع لنا
منى:اووه خبرك عتيييق خالد اول واحد راح وقلي اذا تبي تجي تعالي معايا محا ارجع لكم مره تانيه وقلتله لا مايحتاج حنروح مع ابويه ولا امجد
رندا:يووووووه والعمل دحينا شو نسوي يعني
منى:امممم اقولك خليني اجرب واكلم خالد يمكن يرضا يجينا
رندا:والله فكررره دقيقه اجيب لك التلفوون...راحت رندا ومنى قالت في نفسها معجزه من معجزات الدنيا السبعه سيادة البرنسيسه رندا تقوووووم عشان تجيب التلفون ليا لاه قد كدا ينضحك عليكي يارندووي ما اتوقعت نزلتي من عيني بعد ما نصبتك منصب ام المصايب والي ماينضحك عليها ههههههههههههههه بس قدرت عليكي انا ياي رووووعه<<<اتجننت البنت عشان قدرت تضحك على اختها صار فيها كل دا اجل لمن تتزوج ايش حيصير فيها يمكن تطيح تدوخ ولاتموت ههههههه....
وبعد اقل من دقيقه رجعت رندا ومعاها التلفون واعطته منى وهيا كلها خوف انه اخوها مايرضا او انه يصرخ عليهم لانهم اتأخرو او اي شي تاني..
منى وهيا تحاول تخفي ابتسامتها تدق على رقم رهف...ولحسن الحظ يطلع الجوال حقها مقفول..
منى:الووو.....صباح الخير....كيفك خلودي وشو اخبارك؟
رندا وهيا تضربها على كتفها وتقولها بصوت واطي:وقته دحين خشي في الموضوع على طووول وفكينا
منى وهيا تحط يدها على سماعة التلفون يعني يعني عشان تبين لها انها ماتبا خالد يسمع:اي طيب طيب بس اسكتي لا يسمعك ومايرضا
رندا وهيا تحط يدها على فمها:اهوه سكتنا اخلصي انتي بس
منى ترجع سماعة التلفون لأذنها:ايوه خالد...سوري بس طاح التلفون المهم شو كان بدي قولك تقدر تمر عليا انا ورندا....ها.....لابس عشان رندا كانت بطنها تعورها وماقدرنا نروح مع ابويه وقلنا تعالو مع خالد.......اها طيب.......خلاص مو مشكله ندبر نفسنا....لالا مسمووح خلودي...طيب طيب ولايهمك...الله معاك ..بايات
رندا بلهفه:ها شوووو قال؟
منى تسوي نفسها زعلانه وبرطومتها واصله الارض:مارضي
رندا وتسند ضهرها بقوه على الكنبه:يوووووووووووووه وبعدين يعني ذلووونا ذل عشان اتأخرنا ساعه بس
منى:شفتي كله منك ساعه وتقولي بس
رندا:اوووووف والحل يعني والله مررره نفسي اروح المزرعه بليييييييز منوووي بدي رررووح مابفوت هالطلعه وربي
منى:طيب خلاص اهجدي حكلم امجد يمكن يرضا
رندا:طيب يالله بسرررعه دقي عليه لا يكون وصل هوا التاني ومايرضا يرجع لنا
منى:طيب
وسوت منى نفس اللعبه وسوت نفسها تكلم امجد..
رندا:ها ايش قال؟؟
منى:ما رضي يقول انطقو في البيت تستاهلووو..شفتي كيف كلللللللله منك
رندا دمعتها خلاص نزلت من القهر وصارت تبكي بس بهدوء..وفي هاللحظه دخل امجد عليهم الغرفه...
رندا؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!
رندا:امجدددددددد
امجد كان دوبه صاحي من النوم وكان لابس ثوب البيت وكان شكله باين انه دوبه صاحي فيعني انه منى راحت فيها...
رندا وهيا تطالع في منى وتأشر على امجد:منىىىىىىىىىىىىىى يالدوووبه شو دا فهميني بسررررررررعه؟؟؟؟؟؟
امجد:صباح الخير قيرلز ايش مقومكم من صباح الله خيرر
وفي هاللحظه منى حست انها خلاص انكشفت فشالت نفسها وهررربت على غرفتها وقفلت الباب..
رندا وحاسه نفسها تغلي غلي والدم كله اتجمع في وجهها:امممجد الساعه كم دحين؟؟
امجد وهوا يفرك عينه ويطالع في ساعته:اممم الساعه سته ونص لييه تسألي؟
رندا شويه وتنفجررررر راحت تجررري على غرفة منى وهيا نفسها تكسرها تكسير وتدق عليها الباب بقوه وتقول..
رندا:فكي الباب يازفته انا تضحكي عليا وتلعبي في اعصابي كدا طيب اولله لا اوريكي فكي الباب يازفته فكيييييييييي والله لأخليكي تندمي على اللحظه الي فكرتي تلعبي فيها على رندا فاهمه ولالا فكييييي الباب منووووووي...
وفي دا الوقت رندا قومت كل اهل البيت بصوتها العالي..
ابو خالد:رندا ليش تزعقي من صباح الله خير كدا ها؟
رندا وجهها احمر من الموقف صحت اهل البيت كلهم عشان لعبه تافهه من اختها:ها لا ولاشي اسفه... وترووح تجري على غرفتها وهيا تدعي على اختها في نفسها الله يكافيكي يامنى يادبه حطيتيني في هالموقف المحرج ايش ذنبهم امي وابويا اصحيهم في هالوقت...
منى كانت قاعده في غرفتها وفاطسه من الضحك عجبها الموقف مووووت وفي نفس الوقت خايفه من رندوووي مايندري ايش ممكن تسوي لها لو شافتها..
وجات في بالها رهف مختفيه لها يومين من بعد ملكة امجد لا اتصلت ولا شي مو بالعاده والله وحشتني ياربي ما اقدر اصبر عنها يومين وتوحشني شو تقول عني البنت مايته فيها..ايوه طبعا مو صحبتي ومن حقي انها توحشني واصلا هيا اذا ما اتصلت عليا اكثر من عشره مرات في اليوم ماترتاح يعني هيا الي مايته فيني مو انا هههههههههههههههه الله يرجني انا وهالافكار بس بجد غريبه ايش الي خلاها تقطع كدا..وقالت خليني ارسل لها مسج يمكن تكون صاحيه ولاشي..
وارسلت لها...

رسالة منك تكفى

تطمني على حالك

ومن جرح الجفا تشفي

وأعرف أني على بالك !
............................
بعد اقل من دقيقه و صلها من رهف هالمسج

تأكد ماأحب إلا أنت

وقلبي أن عاهدك ماخان

على وصلك وقف عمري

ولو وقتي تحداني
....................................
منى:ياقلبي يارهوووف وينك عني..بس شو الي مصحيها هادي في هالوقت..اوكي اكيد حتتصل دحين..بس مرت اكثر من خمسه دقايق وما اتصلت رهف فقالت منى:تستنيني اتصل ماني متصله بخليكي انتي الي تتصلي يا رهووف وارسلت لها

أتصلي عليا

ضروري أبي أعلمك

من اللي مات؟





فيك !
....................................
وفي هاللحظه شافت رهف المسج وضحكة ياعيني عليكي منووونتي تبيني اتصل لاماني متصله ههههه بستمر بالمسجات واشوف شو تسوي وارسلت لها

يا طارشي ود السلام

ورده

للي عيونه والهدب

مسوده

غالي ويتزايد بقلبي

وده !

وبالله روح وقله

رهف موووو متصله ههههههه((زودت رهف من عندها اخر سطرين))
............................
منى شافت المسج وضحكة وارسلت لها
هههههههههههه دووبه رهووف اوكي براحتك حبيبتي ماتبي تكلميني انتي الخسرانه