رواية عمق القلوب...كامله

**انثى من الخيال** · 07-03-2010, 05:47 PM

رندا........سكتت محاوله انها تخليه يتكلم ويفتح لها قلبه ويقولها على اللي فيه..
بس امجد ما اتكلم ولا قال شي وكل اللي صار له انه صار يكح ويكح...وكحته قويه..وخلت رندا تخاف عليه..
رندا:امجد فيك شي اجيب لك مويه امجد امجد
امجد:اهه اهه لا اهه لاتجيبي اهه شي...وحط يده على فمه ويده التانيه على الارض عشان يوقف...بس رندا مسكت يده عشان تساعده يوقف..ولمن مسكت يده شافت فيها دم وانصدمت..وخافت على اخوها مره..
رندا بخوف وصدمه:امجد شو دا؟
امجد وهوا يروح على الحمام:اسكتي يارندا اهه ولاتخرجي من الغرفه اهه الين اجيكي اهه
رندا قعدت على السرير بصدمه وحيره وخوف..اخوها فيه شي زي ما اتوقعت امجد مريض مريض مريض...
في مكان تاني بجده في سكن البنات حق جامعة الملك عبد العزيز..
كانت مسدوحه على سريرها تسمع كلمات اغنية انت الغلا للفنانه فاطمه
انت انت انت الغلا كله انت الغلا كله...
انت الغلا كله انت الغلا كله...
قلبي نسى الدنيا بس مانساك انت ...
شاغل بالي والله والوقت لك كله...
ماكنه في الدنيا غيرك ابد انت...
انت الغلا كله انت الغلا كله...
قلبي نسى الدنيا بس مانساك انت ...
شاغل بالي والله والوقت لك كله...
ماكنه في الدنيا غيرك ابد انت...
ياساحر افكاري ولا انت داري...
لا ليلي مثل الناس منك ولا نهاري...
ياساحر افكاري ولا انت داري...
لا ليلي مثل الناس منك ولا نهاري...
قلبي وطن وانت بالحب تحتله...
قلبي وطن وانت بالحب تحتله...
انت الغلا كله انت الغلا كله...
انت الغلا كله انت الغلا كله...
قلبي نسى الدنيا بس مانساك انت...
شاغل بالي والله والوقت لك كله ...
ماكنه في الدنيا غيرك ابد انت...
مدري انت فاهمني او منت فاهمني...
ولا انت فاهم بس قصدك تجنني...
او يعجبك يعني اهواك وتتغلى...
انت الغلا كله انت الغلا كله...
انت الغلا كله انت الغلا كله...
قلبي نسى الدنيا بس مانساك انت...
شاغل بالي والله والوقت لك كله ...
ماكنه في الدنيا غيرك ابد انتا...
و تفكر..تفكيرها هالايام كتير يتجه ل هالانسان الغريب..انسان ماعمرها شافت زيه..بس المهم والاهم انه بدا يستحل تفكيرها بقوه...ويستحل لو جزء صغير من قلبها..
مرام:منال منال
منال وهيا مفجوعه:ها خير خير وش صار؟
مرام:ولا شي بس ليا ساعه اقول منال ومنال وماتردي وين وصلتي؟
منال وهيا تطالع في سقف الغرفه:وصلت وصلت وصلت لي ال ولا شي وصلت بس للأوهام والضياع
مرام بحيره:والله بتخليني اتجنن من تفكيرك ذا ايش وصلتي لي ال ولا شي هاذي بعد؟
منال وهيا تقعد وتطالع في مرام زميلتها بالغرفه والانسانه اللي ماتخبي عليها شي:والله يامرام ماني عارفه بفكر في ايش ولا ادري وين بتوديني افكاري الغريبه هاذي
مرام وهيا تقعد جمب منال وتحط يدها على كتفها:خير يامنال في شي مضايقك انا ضايقتك بشي؟
منال:لالا ماضايقتيني ياقلبي بالعكس انتي الانسانه الوحيده في العالم اللي مستحيل تضايقني
مرام:اجل؟
منال:والله مدري يامرام استحل تفكيري وعقلي وكلي مدري ايش اللي يخليني افكر فيه بس مدري والله مدري عيونه نظراته كلامه صوته كل شي يشغلني كل شي
مرام فهمت منال تتكلمم عن مين وقالت:بس يامنال اخاف انك تدخلي نفسك في دوامه تضيعي في نهايتها حسب مافهمت منك انه خالد كان يحب زوجته وعلى ما اعقتد انه مابيتزوج او يحب من بعدها...لمن قالت مرام هالكلمات انصعقت منال خالد يتزوجها يحبها اهي لالالا مستحيل تخون صحبتها حبيبة قلبها..تغدر بها بعد ماراحت وغابت عن هالدنيا..مستحيل...
مرام كانت عارفه افكار منال واتعمدت تقول هالكلام عشان تخليها تعرف وترجع للواقع..
مرام:انا عارفه انك ماتبي هالشي وعشان كدا ما ابغاكي تقحمي نفسك في هالموضوع وانتي عارفه نهايته
منال والدموع تنذرف من عينها لاشعوريا:ما اقدر يامرام ما اقدر مدري وش اللي جاني احس طيفه كل شوي يمر من قدام عيني احسه معايا احسه موجود بكياني مدري وش اللي صار فيا صرت افكر فيه دوم وبدون سبب
مرام:مين قلك انه بدون سبب؟
منال وهيا تطالع في عيون مرام بإستغراب وخوف:وش تقصدي؟
مرام وهيا توقف:ها ولا شي يلا عن اذنك بروح للبنات
منال وهيا تمسك يد مرام:مرام معقول يكون تفكيرك صح معقول معقول؟؟!!
مرام:ياقلبي يامنال اخاف اوعيكي لشي يكون سبب المك بعد كدا يامنال طريق خالد كله شقى وعتبات وانا ما ابغاكي ابدا تتعذبي
منال وهيا تسيب يد مرام وترخي راسها لتحت:خلاص طيب فهمتك روحي
مرام وهيا تقعد تاني وتحضن منال:ياقلبي يامنال الله يعينك يارب الله يعينك
منال رمت نفسها في حضن مرام وقعدت تبكي..تبكي بكا وحده متعذبه تبكي بكا غريب...عميق..بكا..بكا في نظرها ماله سبب..بكا شوق..وحب...والم..بكا شي لسه ما اكتشف بنسبالها وبنسبى لخالد...
في مكان تاني بجده....
.....:قلتلك تعالي هنا تعالي هاتيها
.....:مافي ماني جيه سيبني في حالي حرام عليك
.....:بالطيب بتكلم انا هاتيها
.....:ههههههه تحلم...ويقطع عليهم حوارهم دخول احد الغرفه...
احمد:بابا ماما ايث بتثو ثوتكم مره عالي؟؟
مي:هههههههههههههههههههه الله يفشلك يا رائد فشلتنا
رائد كان قاعد يلحق مي لانه معاها صوره لرائد وهوا صغير ويبغا يشقها لانها مو عاجبته بس مي اخدتها وهربت منه ورائد قاعد يجري وراها عشان ياخدها..
رائد استحى من ولده وقال له:احمد بابا روح نام بكره وراك مدرسه
احمد واللي يفرك عينه بيده:انا كنت ابا انام بث انتو مره صوتكم عالي
مي طالعت في رائد ومسكة ضحكتها..ورائد طالع فيها بقلة حيله وسكت..
احمد:بابا
رائد:خير
احمد:ليه كنتو بتضحكو ايث ثار؟
رائد وهوا يرفع واحد حاجب:وانتا اشلك اقول روح غرفتك فارق يلا فارق
احمد وهوا يروح يمسك يد امه ويتخبا وراها:ما ابا ابغا انام عندكم
رائد وهوا معصب:مي شيلي ولدك هادا وروحي نوميه
مي وهيا تطالع في ولدها:حبيبي احمد ليه ماتروح تنام في غرفتك مع فهد حرام عليك تسيبه ينام لوحده مسكين يخاف
احمد:لا ما يحاف هادا الولد روحي ثوفيه نايم من اول ويطلع ثوت كمان
مي وهيا تخبي الصوره بدون ماينتبه لها رائد:هههههههههههههههههه والله انك تحفه حمودي اقول تعال معايا انا حنام معاك في الغرفه ونسيب هادي الغرفه لبابا ايش رايك؟<<<وتطالع في رائد وتبتسم بخبث..
احمد وهوا مبسوط:ثحححح نثيبه هنا لوحده كاكاكا يلا يلا
رائد وهوا مو مصدق اللي بيقوله ولده:احمد ولد احد يقول عن بابا كدا انتا ماتحب بابا؟؟!!
احمد واللي انحرج من ابوه ماعرف ايش يقول:ها لالالا احبك والله والله..بثثث عثان انتا ماتباني انام عندكم عثان كدا انا وماما نروح ننام في عرفتي هاهاها
مي انفجرت من الضحك:ههههههههههههههههههههههههاي
رائد انقهر ومسك احمد وشاله وراح يجري بيه...
احمد:بابا لا نزلني نزلني
مي وهيا تجري وراه:رائد رائد سيب ولدي حرام عليك نزله سيبه في حاله رائد رائد
رائد وهوا يضحك:ههههههههههههههه مافي مافي مالك دخل بوريه شغله هالمفطوس تسبوني لحالي ها اوريييييكم
احمد بصراخ:بابا اثف اثف والله بث ثيبني
مي وهيا تضحك:ههههههههههههه رودي((رودي دا الاسم اللي تدلع بيه مي رائد))حرام عليك عاد ولد صغير تاخد على كلامه
رائد وهوا يوقف جري ويطالع فيها بخبث:اها ولد صغير طيب نمشيها دا ولد صغير بس انتي حرمه كبيره تاخدي صورتي وماتديني هيا لييييه ليييييه؟؟؟؟ظ
مي:والله حلوه يا رائد حرام عليك مايصير تشقها
رائد:والله صورتي وانا حر مو عاجبتني انتي ايش لك
مي وهيا تقرب منه:رودي قلبي حياتي خلاص خلي الولد يروح ينام بعدين نتفاهم
رائد وهوا يبعد عنها:بعدي عني تبي تاخدي الولد ههههههههههههههه والله خلاص صرت كاشفك ماتمشي حيلك عليا
مي وهيا تمد بوزها شبرين:ويعني ايش اسويلك طيب عشان تسيب الولد؟؟!!
احمد وهوا يدخل في نص الحوار:ايوه ايث تثويلك عثان تثيبني ايث دا؟
وانفجرو رائد ومي من الضحك:ههههههههههههههههههههههههههههههههه
رائد وهوا يبوس احمد على خده ويقلد طريقته في الكلام:ولاثي بث روح نام وفكنا
احمد بفرح:تيب تيب والله اروح انام والله
رائد وهوا ينزله على الارض:يلا تصبح على خير
احمد وهوا يبوس ابوه على خده:وانت من اهله
مي:ههههههههههههههههه والله حركات حمودي صرت تعرف تقول وانت من اهله
احمد وهوا يطالع في امه بحيره:ايوه مو فهد يقولك كدا لمن تقوليله تثبح على خير
مي:ايوه صح شطور يلا روح نام حبيبي
احمد:تيب...وراح احمد غرفته ينام وبقيت مي مع رائد في الصاله...
رائد كان يطالع في مي بخبث ويقول في نفسه والله لجننها زي ماجننتني...وقعد على وحده من الكنبات الموجوده..
مي قعدت على اقرب كنبه جمبها وقعدت تطالع في رائد بحيره..غريبه قاعد ساكت ولا كأنه صار شي...
مي:رودي
رائد.....
مي بدلع:رودي
رائد......
مي وهيا تقوم وتقعد جمبه:رائد حبيبي ايش بك؟
رائد وهوا يطالع فيها بغضب مصتنع:نعممم خير ايش تبغي؟
مي انصدمت من ردة فعله بس بعدين حست من عيونه انه بيلعب عليها فقالت في نفسها ههههه تبا تلعب عليا يارائد طيب انا بقلب الموضوع واخليك تلعب على نفسك..
مي طالعت فيه بنظره وقالت:ولاشي بس خليك هنا...وقامت بطريقه تبين انها زعلانه وراحت على غرفة نومهم وقفلت الباب..وتركت رائد لوحده بالصاله..
رائد:وييي ايش دا هههههههههههههه قلبتها عليا الدبه سابتني لحالي طيب يامي طييييب...وراح لغرفة نومهم...وجا يفتح الباب لقاه مقفول...
رائد بصدمه:ميييي مييييييي فكي الباب
مي من ورى الباب وهيا تحاول ماتضحك:نعممم خير ايش تبغا؟؟
رائد:ههههههههههههههه تقلديني اوريكي فكي الباب
مي بدلع:ليه؟
رائد بإستغراب:ايش ليه ابا ادخل غرفتي ابغا انام
مي:ماهي غرفتك هادي غرفتي انا
رائد:افففففف غرفتي وغرفتك كله واحد فكي الباب نعسان وهلكان وبكره ورايا دوام
مي بدلع:ماني ماني
رائد:ميييييييييويييييييه بلا دلع فكي الباب
مي:اول شي اعتذر وقولي سامحيني بعدين افكرر
رائد:كمان تفكرري
مي:ههههه ايوه مالي دخل يلا قول
رائد بتذمر:اففف طيب انا اسف سامحيني
مي:لالالا قول انا اسف يا برنسيسه مي سامحيني ومحا اكررها مره تانيه
رائد بعصبيه:مييييييييييييييي ماصارت وربي فكي الباب يالله
مي:قلتلك محا افك الا لمن تقول اللي قلته
رائد بتذمر كبير:افففففففف طيب انا اسف يابرنسيسه مي سامحيني محا اكررها مره تانيه فكييييي الباب خلاص قلت
مي وهيا تفتح الباب وترجع على ورى:هههههههههههههههههههههه تستاهل
رائد وهوا يدخل الغرفه ويقفل الباب وراه:استاهل ها والله لأوريكي
وفي اليوم اللي بعده..الساعه 1.00 الظهر..في بيت ابو محمد..
ام محمد:لمو لمو
لمى:هلا ياماما
ام محمد:روحي عند ابوكي قاعد لوحده في غرفة الميشعه روحي اقعدي معاه
لمى:طيب ان شاء الله..وراحت لمى لغرفة المعيشه ولقت ابوها جالس يتفرج التلفزيون بملل والرموت كنترول في يده..شافت ملامحه الملانه واللي لساتها محتفظه بشي من الوسامه..لانه ابو محمد للحين فيه لمسه من الوسامه مافقدها والبنات يعجبو في مظهره برغم كبر سنه..شافت عيونه الحاده واللي يبان فيها الذكاء والحزن..وشافت خشمه المسلول زي السيف ودا الشي الوحيد اللي لمى ورثته عن ابوها...وكانت لحيته خفيفه وماهي مرتبه وتبين عدم اهتمامه بيها...قربت لمى منه بخطوات هادئه..
لمى وهيا تبوس راسه:كيفك يابابا؟
ابو محمد وهوا مبتسم:تمام بشوفتك كيف دخلتي ما انتبهت لك!!
لمى هيا تقعد جمبه:هههههههههه والله شكلك كنت سرحان المهم ايش بيسوي الحلو؟؟؟
ابو محمد وهوا يقفل التلفزيون بالمروت كنترول:ابدا ولا شي جالس طفشان اتفرج على التلفزيون
لمى:المهم بابا ابغا اطلب منك طلب...ودخلت عليهم ام محمد..
ام محمد:السلام عليكم
ابو محمد ولمى :وعليكم السلام
ام محمد وهيا تجلس مقابله لهم:ايش عندك يالمى اسمع كلمة طلب وطلبات بالموضوع؟؟
لمى بإرتباك لانها عارفه انه امها لو عرفت مابتخلي ابوها ينفذ لها طلبها:ها
ابو محمد:شو طلبك ياعيون بابا؟
ام محمد وهيا ترمق ابو محمد بنظره:ياكثر طلباتك يالمو
لمى وهيا تضحك على امها:ههههههههههههه الله يهديكي ياماما برضك تغاري مني يا ماما حرام عليكي انا بنتك احد يغار من بنته هههههههههههه
ابو محمد:هههههههههههههه قوليلها هالغيوره<<<ويغمز لأم محمد..اللي كانت مقهوره بجد من ابو محمد لانه يتعمد يقهرها وهوا يعرف انها ماتحبه يمدح احد غيرها...
لمى وهيا تشوف امها بعيون حذره:المهم طلبي اني ابغا اروح بيت عمي منصور
ابو محمد:هادا طلبك اجل ما طلبتي يابنتي خدي راحتك هادا عمك ولازم تزوريه
لمى........ كانت ساكته تطالع في امها وهيا مستغربه غريبه ماقالت لها لا ولا شي...
ام محمد وهيا تبتسم:هههههههههههههههههه والله انا اللي كنت بقول هالطلب
ابو محمد بإستغراب:وايش عندك انتي كمان عندهم؟؟
ام محمد:والله ام خالد مجتمعين عندها الحريم وابغا اروح اشوفهم من زمان على جمعاتهم
ابو محمد:هيا دي شغلتكم يالحريم الاجتماعات وبس
ام محمد وهيا تطالع فيه بنص عين:ويعني انتا اللي ماكان عندك اجتماعات وانتا بشبابك والله افتكر انك ماكنت تقر في البيت اربعه وعشرين ساعه بره
وتقطع عليهم لمى:ياهو دحين نسيتوني وخليتوني على الطرف ابغا اعرف دحين متى حنروح ؟؟
ابو محمد وهوا يرفع حاجب وينزل التاني:وانتي ماقولتيلي ايش عندك في بيت عمك مو بالعاده متصرفده على الروحه كدا
لمى بدلع:والله البنات واحشيني وابا اشوفهم وكمان ابا ابارك لمنى
ابو محمد:خلاص طيب روحو لهم بعد المغرب
ام محمد:الا صح ليه يا ابو محمد انتا مارحت لأبو خالد يوم جوهم الناس يخطبوهم مو انتا عم البنت والمفروض تكون موجود؟؟!!
ابو محمد:والله الناس جوهم كزياره عاديه وماكان ابو خالد يدري انهم جيين يخطبو واصلا كدا ولاكدا مو مهم المهم سعادة البنت ونصيبها وانا اذا ماحضرت هالمره بحضر اللي اهم بحضر الملكه والفرح ان شاء الله
لمى كانت تطالع في ابوها بفخر..ابوها انسان متفهم وماعنده هالتعقيدات اللي تكون دوم موجوده بالرجال الكبار بالسن يعني اي واحد بمحله بيقول انا عمها والمفروض اكون موجود ويزعل ويقلب الدنيا بس هوا دايما متفهم لأبعد درجه...
ام محمد:الله يوفقهم ويسعدهم يارب والله الناس حسب ماعرفت من ام خالد انهم ناس والنعم فيهم
ابو محمد:والله انا ما اعرف الولد شخصيا بس اعرف ابوه رجال طيب وصالح وماعليه كلام
ام محمد:ماشاء الله
لمى وهيا توقف:طيب انا عن اذنكم
ابو محمد:فين رايحه يابنتي؟
لمى:والله بروح اقعد على الكمبيوتر شويه في عند يكم شغله لازم اسويها
ام محمد:وانتي ماعندك الا هالكمبيوتر اقعدي معانا شويه
لمى:معليه ياماما شي ضروري اخلصه واجيكم
ابو محمد:روحي يابنتي الله معاكي
لمى:عن اذنكم...وتروح لمى...
ام محمد وهيا تطالع في ابو محمد بنظره:ايش دا يا افهد خف دلعك على البنت
ابو محمد:حرام عليكي في ايش دلعتها انا دحين!!؟؟
ام محمد:والله مو على حكاية دحين ولا بعدين بس مايصير خليك حازم معاها شويه
ابو محمد وهوا يتجاهل نظراتها ويشغل التلفزيون مره تانيه:والله بنتي واغلى شي في دنيتي براحتها تسوي اللي تباه
ام محمد:طيب مدام بنتك تهمك قد كدا ابغا افتح معاك موضوع مهم
ابو محمد وهوا يطالع فيها بإستغراب:خير؟؟
ام محمد:شوف يا فهد احنا يهمنا مستقبل البنت وانا ما ابغا بنتي تتزوج قبل ماتخلص دراستها
ابو محمد بإستغراب اكبر:والمعنى ايش تقصدي؟
ام محمد:يعني لو طلب ابو خالد او امجد انهم يعجلو في حكاية الزواج ابغاك ترفض
ابو محمد:والله يا نهى انا مستحيل ارفض لأخويا طلب ولو طلب كدا انا بكون معاه
ام محمد بتعجب:وي يافهد يعني تزوج بنتك لواحد طالب
ابو محمد بإستهزاء:اها قولي كدا انتي مو هامك دراسة لمى انتي ماتبي لمى تتزوج امجد وهوا طالب بس لا ياختي لاتخافي امجد لو قرر يتزوج في هالحظه محد راح يقوله لاء لمى دحين تعتبر زوجته على سنة الله ورسوله وابو خالد من البدايه لمن خطب لمى مني قلي احنا بنسوي الملكه بس عشان نتأكد انه البنت لولدنا ونحمي نفسنا من الناس وانا وافقت وامجد لو يبغا يتزوج عنده شركة العيله فيها بدل الوظيفه عشره وهوا مستقبله مضمون سواء بالشركه او غيره يعني مايحتاج هالكلام
ام محمد:وي حشى اكلتني
ابو محمد بعصبيه:والله صراحه كلامك ماله داعي انتي اللي في البدايه زنيتي على راس البنت عشان توافق ودحين

**انثى من الخيال** · 07-03-2010, 05:48 PM

تقولي هالكلام
ام محمد بندم:لالا حرام عليك لاتفهمني خطأ مو قصدي والله انا بس قصدي اني ابغا اضمن مستقبل بنتي ولا امجد رجال والنعم فيه وبالعكس احبه زي ولدي رائد وله معزه في قلبي بسس
ابو محمد وهوا يقطاعها:لا بس ولاغيره قفلي الموضوع خلاص
ام محمد حست انه عصب وزعل منها فقامت وراحت قعدت جمبه...وابو محمد لمن شافها قعدت جمبه دار وجهه على الجهه التانيه لانه انقهر منها وما يبغا يشوف وجهها...
ام محمد مسكة وجهه بيدينها الاتنين وخلته يطالع فيها غصب..
ام محمد بدلع:فهودي
ابو محمد وهوا مبقق عيونه:ايش فهودي استحي ياحرمه كبرنا على هالاشياء
ام محمد وهيا تمسد على لحيته اللي مو منظمه بيدها:ههههههههههههه والله انتا اللي كبرت مو انا انا لساني بشبابي
ابو محمد وهوا يبعد يدها عن وجهه:روحي بعدي عني قال كبرت قال
ام محمد:وي مو دوبك تقول كبرنا
ابو محمد:كبرنا مو كبرت في فرق
ام محمد:هههههههههههههههه لا مافي فرق يعني انتا مشمول بكلمة كبرنا
ابو محمد:افففففففف منك
ام محمد:افا تتأفف مني افا بس افا فييييين ايام زمان لمن كنت تترجا نظره ولا كلمه مني
ابو محمد وهوا يطالع فيها بنص عين:والله انك مصيبه ههههههههههههه
ام محمد:هههههههههههه حرام انا مصيبه اجل انتا ايش!؟
ابو محمد بزهو:قمر طبعا ههههههههههههههههههه
ام محمد:ماتسيب التكبر حقك دا من ايام احنا شباب وانتا تقولي قمر وقمر فييين قمر خلاص قمر عجززز وشيب
ابو محمد:هههههههههههه لا ياحبيبتي القمر لو بعد مليون سنه بيظل قمرر
ام محمد برقه:وانا اشهد
ابو محمد:ياعيني على الرقه
ام محمد:هههههههههههههه
ابو محمد بصوت واطي عشان يقهر ام محمد:الللله على ايامك يا ام مهند
ام محمد اللي كانت كل ملامحها مبتسمه كشرت وعصبت وقالت:برضك على ام مهند يلا روح لها خليها تنفعك والله ماتسوى ظفر من اظافري...وقفت وراحت عن ابو محمد...
ابو محمد وهوا يوقف ويروح يمسكها من يده:صلي على النبي بمزح معاكي
ام محمد بقهر وهيا تحاول تبعد يده عنها:بعد عني مو حبيبة قلبك ام مهند خلاص روح لها روح
ابو محمد وهوا يشد من مسكه ليدها:ياشيخه بلا دلع اي ام مهند واي خرابيط يا امي الادميه عجزت وخرفت وماندري عن ارضها ولساتك تغاري منها
ام محمد........
ابو محمد:بلا بياخه نهى خلاص اعقلي صرتي حرمه قد ايش كبرك وبزورتك بطولك وانتي لساتك تغاري عليا
ام محمد وهيا تطالع فيه بحب:والله لو يصير عمري مية سنه وما اقدر امشي واخرف بقعد اغار عليك كم فهد عندي حرام عليك حتى الغيره بتكبرني عليها
ابو محمد وهوا يمسك يدينا الاتنين:الله لايحرمني منك يارب والله يدوم الحب بيننا
ام محمد وهيا تبتسم بحنان:امييييييين
فوق في غرفة لمى اللي كانت على الكمبيوتر..
لمى:الللللللله اخيرا خلصت...لمى كانت بتسوي لأمجد الايميل اللي طلبه منها وسوته ايميل مميز وحلو وسوت لنفسها زيه بس في اخره تو ((2))..وفجئه شافت جوالها يدق...
قلبي
يتصل بك
لمى من فرحتها ردت على طول من اول رنه...
لمى بدلعها المعتاد:الو
امجد:هلالالالالا وغلالالالالا
لمى:هلا مجودي كيفك
امجد:بخير ياوجه الخير انتي كيفك؟
لمى:الحمدلله تصدق دوبي كنت بتصل عليك
امجد:والله
لمى:ايه والله
امجد:خير شو كان عندك؟
لمى:وي لازم يكون عندي شي عشان اتصل
امجد:هههههههههههه لالا مو القصد بس يعني قلت يمكن عندك شي
لمى:هههههههههه صح عندي شيين مو شي
امجد بدهشه:خيرر شو الشيين؟؟
لمى:الشي الاول هوا اني سويت لك الايميل خلاص
امجد:حركات بي هالسرعه
لمى:اسمع انتا بس ماخليتني اخلص كلامي
امجد:وي طيب سوري كملي
لمى:وسويت لنفسي نفس الايميل اللي سويته لك بس حقي في اخره تو وابغاك ماتضيف احد فيه غيري وانا ما اضيف في حقي احد غيرك اوكي
امجد بفرخ:من هالعين قبل هالعين وغيره امري
لمى بخجل:ما يامر عليك ظالم
امجد:تسلمي طيب والشي التاني
لمى:اممممممممممم اني بجيكم اليوم
امجد بفرح:من جد
لمى:ايوه من جد
امجد:واو كول والله ومتى بتجي؟
لمى:بعد المغرب ان شاء الله
امجد:اجل خلاص يلا عن اذنك باي
لمى بإستغراب:وي ايش بك؟
امجد:باي باي اكلمك بعدين باي
لمى بإستغراب:طيب براحتك باي

**انثى من الخيال** · 07-03-2010, 05:49 PM

*&*الجزء السابع والثلاثون*&*
قبل المغرب في بيت ابو خالد..
كانت رندا في غرفتها تبكي على سريرها ومنهاره على الاخررر...
رندا في نفسها...اه يالدنيا اه امجد امجد بسمة البيت..امجد روح الحياه يصير فيه كدا امجدددددددد مستحيل مستحيل..اه ياقلبي .. واه ياخويا اه بس اه .. شكلها الدنيا حكمت على كل واحد فينا بالعذاب...خالد بوفاة نهال..وانا ببعد رامي عني..ومنى بحبها الغريب لمازن واللي الله يعلم ربنا حيتممه على خير ولالا...اه منى منى ياختي لو عرفتي في اللي امجد ايش راح تسوي..ولا ايش راح تسوي يا امي ولا ابويا ولا لمى اه يالمى اه اخويا بيروووووح قبل ماتفرحو ببعض اه ياقلبي كان لازم اعرف ياريتني ماعرفت ياريتني وياريتني مالحقت امجد لغرفته ولا سمعت اللي سمعته...
في الغرفه الملاصقه لغرفة رندا كانت منى جالسه تفكر..حست انه موقفها بايخ وموقف امجد ابيخ كانت تفكر بوجهتين مره انه امجد حر ومن حقه يسافر وانا أأجل الملكه وماحبكت تصير في هالفتره ولمن يرجع امجد يصير خير ومره تقول ليه يعني هوا ما يأجل سفره ملكتي اهم من هالسفر المفاجئ..وبعدين انا اخته والمفروض يضحي بشي تافهه زي دا عشاني..واحتارت في افكارها اللي توديها يمين وشمال وقررت تروح تشوف رندا اللي غريبه انها ماجاتها من امس وماشافتها في اي مكان بالبيت....
في جهه تانيه من جده..
مازن:الله يخليكي يا امي كلميهم ابغاها الاسبوع هادا بلييييز
ام مازن:وي يامازن العرب اكيد وراهم اللتزامات اكيد مايمديهم يرتبو امورهم في اقل من اسبوع خلي عندك صبر ياولدي
مازن بتذمر:كيف يعني حتريا وايد
ام مازن وهيا تفكر:امممم اليوم شو؟؟
مازن:الربوع((الاربعاء))
ام مازن:اممم خلاص خليها يوم السبت الياي
مازن:شنو شنو السبت الياي وايد
ام مازن:مب وايد ياولدي البنت تحتاي ترتب عمرها وتشتري فستانها وامورها هب شراتك
مازن بقلة حيله:خلاص اللي تشوفيه
ام مازن وهيا تطالع في ولدها بفخر:والله وكبرت يامازن واخيرا بشوفك عريس
مازن وهوا يبتسم بسعاده ويقرب من امه ويبوس يدها:كبرت وبكبر بدعاكي يا احلى واغلى ام بالدنيا ووالله اني بدونج ما اسوى شي
ام مازن والدموع تنزل على خدها:فديت روحك والله
مازن وهوا يمسح دموعها بيده الحنونه:لاتصيحي ولاتضيعي هاللؤلؤه على الفاضي دموعج لئالئ حافظي عليها وما ابغا اشوفها بيوم
ام مازن وهيا تحاول انها تبتسم:الله يهني عروستك فيك بتاخذ احسن ريال بالدنيا
مازن وهوا يتذكر منى ويبتسم:وانا كمان اخذت احسن بنت بالدنيا ولا مو كدا
ام مازن:هههههههههه كدا ونص
مازن:ياحلووووووووووو الكدا منج تجنن هههههههههههه
ام مازن:هههههههههههههههههههه خلاص عيل بقول شذي احلى
مازن وهوا يطالع فيها بخبث:مو احلى كدا احلى بوايد<<<مازن دايما يحب يغايظ امه ويقعد يقولها انه اللهجه السعوديه احلى وهيا تعرف انه يمزح وتقعد تعاند فيه...ويقعدو على هالحال كل يووووم...
رهف وهيا تدخل الغرفه:ياهوووووووووو رجعنا على موال احلى واحلى ماصدقنا نفتك من هالموال والعناد كم يوم رجعتولنا هوا تاني
مازن وهوا يمسك يد امه ويبوسها بحنيه:فديتها امايه مافي احلى من عنادها
ام مازن وهيا تضربه على راسه:اوريك يالسبال عيل حد يسوي في امه شذي كل يوم تعاند فييي وانا حليلي صابره عليك
مازن ورهف:ههههههههههههههههههههههه
في مكان تاني بجده...
وقفت قدام غرفتها وهيا ناويه انها تفجعها وتخوفها...فتحت الباب بشويش ووببطئ وحاولت انها ماتطلع اي صوت..
شافت الغرفه مضلمه على الاخر ومو باين فيها ولا شي اول ماشافتها ارتعشت وحست بالخوف والبرد والدهشه في نفس الوقت من هالجوو..دخلت بخطوات خايفه وبطيئه..دورت بنظرها عليها في الغرفه بس مالقتها حست بأنه الغرفه زي الثلج وضمت يدينها لبعض وبخوف..وفجئه وهيا تدور بنظرها في الغرفه سمعت صوت كأنه صوت احد بيبكي صووت تنفس قوي صوت شهيق وزفير منتظم وعالي...صوت خلى كل خليه في جسمها ترتعش...التفت بسرعه لمكان الصوت ولاحظت شي يتحرك...قربت بشويش من مصدر الصوت...وحست انه الصوت بدء يعلى ويعلى ويعلى..خافت وكانت حتخرج من الغرفه..الا وسمعت احد يكح من وراها...
...:اهه اهه ميين في الغرفه؟؟
منى ارتجفت لمن سمعت الصوت هادي رندا معقووول..جريت لمكان النور وولعته..وشافت رندا مسدوحه على السرير بتعب وشكلها مررره متغير وجهها احمر والدموع على خدها وحالتها حاله...
منى بخوف وهيا تقرب من رندا:ايش بك يارندا ليه وجهك كدا؟
رندا وهيا تمسح دموعها وتحاول تسند نفسها وتجلس:ها لا بس تعبانه شويه
منى وهيا تقعد جمبها وتمسك يدها وتساعدها عشان تجلس:تبي تروحي المستشفى
رندا:لالالا مايحتاج خلاص دحين اصير احسن
منى بقلق:ايش تحسي
رندا:شويه سخونه وصداع مافي شي لاتخافي
منى:طيب بس لو تعبتي اكثر بتروحي المستشفى يعني بتروحي مو بكيفك
رندا وهيا تحاول تبين انه مافيها شي:هههه اوكي
منى وهيا حاسه انه في اختها في شي:رندووووي حبيبي قوليلي شو فيكي ليه بتبكي مو معقول عشان شوية صداع وسخونه تبكي؟؟
رندا حست انها ماتقدر تمسك نفسها تبغا تقول لأي احد لازم يساعدو امجد مايصير لازم مايصير يضيع امجد وهما ما يدروو..
منى:رندا رندا ردي عليا بليييييز
رندا.....رندا في نفسها تقول ايش اقولك ايش اقووولك يامنى اقووولك انه اخويا امجد مريض بالسرطان مررررريض بالسرطان وعلاجه صعب..
منى حست انه رندا في عندها كلام بس ماتبا تقوله وخافت اكثر وقالت:رندا الله يخليكي لاتخليني اقلق صار شي؟؟فيكي شي قوليلي؟؟
رندا غمضت عيونها بقوه والم وانعصرت الدموع فيها وقالت في نفسها..اتماسكي يارندا اتماسكي انتي القويه وصار فيكي كدا اختك منى رقيقه ماتتحمل الله يهدني ماني قادره امسك نفسي في اصعب المواقف..ومسحت دموعها وابتسمت وقالت..
رندا:اقووووووول مافيني شي وبلا هباله
منى صنمت من الحركه اللي سوتها رندا..واستغربت الطريقه اللي اتكلمت فيها من بعد ماكان باين عليها الحزن والالم...
منى بإستغراب:نعم؟
رندا وهيا تبعد اللحاف عنها وتوقف:قلت مافيني شي وقومي يلا صلي المغرب ترى دوبي سامعته يأذن
منى:رندا انتي فيكي شي اليوم دوبك كنتي بتبكي وحالتك حاله ودحين عادي ولا كأنه صار شي
رندا وهيا تروح عنها وتحاول تخلي طريقة كلامها عاديه:اوفففففففف قلنا مافيني شي يعني مافيني
منى استغربت كل اللي صار وقررت تسكت عن الموضوع وتروح تصلي لانه لمى جيتهم بعد شويه وماتبغا مزاجها يتعكر معاهم...
وبعد المغرب...وبعد وصول لمى بنص ساعه...
لمى بإستغراب:غررررررررريبه ايش بك يارندا كدا اليوم هادئه على غير العاده وشكلك متغير كمان
رندا بضيق:عادي مافيا شي
منى وهيا تطالع في اختها بشك:مدري شو فيها اليوم؟؟
رندا:مافيا شي بس شوية صداع وسخونه وبتروح
لمى في نفسها حست انه رندا فيها شي وشي كبير كمان وحست انه هالشي يتعلق بأمجد وقالت لازم اعرفه لازم...
رندا شافت نظرات لمى وحزنت عليها لانه باين انها كانت خايفه على امجد الفتره اللي فاتت ولو صار فيه شي بتروح لمى فيها...
منى سكتت عن رندا وقالت في نفسها الله يستر...
وفجئه سمعوو صوت احد يدخل الغرفه..
.......:السلام عليكم
لمى ارتعش قلبها لمن سمعت الصوت ودارت راسها لليسار وشافت امجد واقف ويبتسم لها..وكان لابس توب بدون غتره وحاطط بس الكوفيه على راسه...
منى ولمى:وعليكم السلام
امجد طالع في رندا لانها ماردت السلام ولاحظ نظرات الحزن في وجهها..وحس نفسه ضعيف وحزيييييين قدامها وكان نفسه يبكي بس مسك نفسه واتنهد وقال...
امجد:هلا والله نور البيت
لمى: منور بوجودك
امجد:كيفك
لمى:بخير الحمدلله
امجد:دوووووم مو يوم
في هالوقت رندا قامت من محلها بسرعه وراحت لغرفتها قبل ما احد يسألها فين رايحه...
امجد في نفسه...ياربي عليا كان لازم اقول لرندا على اللي فيا مو حرام احطها معايا في هالدوامه واخليها تحس بمعاناتي ياريتني ماقلتلها ياريتني..يلا اليوم المفروض ابدا ما ازعل اليوم يوم حلووو بما انه لمى عندنا وراح استغل هالفرصه واسعدها زي ما سعدت قلبي في الايام اللي فاتت...
لمى كانت تطالع في امجد بحب...تحس انه وحشها وحشها مرررررررره اشتاقت له برغم انه ماصار لها فتره طويله ماشافته...كلها كم يوم..بس في نظر لمى كانت ايام كتيررره...وحست انه سرحان ومو داري عنها..
لمى:هيييييي يا عم نحن هنا
امجد وهوا يبتسم:ادري انكم هنا بس دقايق عن اذنكم بروح ابدل ملابسي عرقان وقرفان وحالتي حاله
منى:احسن روح فارق
لمى تطالع في منى بإستغراب ايش بها هادي تكلم اخوها كدا..
وامجد عارف انها زعلانه منه بس ابتسم لها وقال...
امجد:بعدييين نتفاهم ياحلوووو
منى حست بغصه في قلبها ماتقدر تعامل اخوها كدا بس هوا قاهرها مرره وماهي قادره تحدد موقفها تجاهه..
ولمن طلع امجد..
لمى:بنت فيكم شي مو طبيعي اليوم رندا ساكته وهاجده على غير العاده وانتي معصبه على امجد خيرر ايش صار لكم؟؟؟
منى:ماصار شي بس الاخ عمل موقف زي وجهه
لمى:ليه ايش سوا؟؟
منى:قلك ايش بيسافر الجمعه ومايبغا يحضر ملكتي تخيلي اخويا مايحضر ملكتي ولمن اقله أجل سفرك يقول ما اقدر بالله ايش تبيني اسوي له اروح ابوسه واقوله مشكور يا احلى اخو ولا كيف يعني اكيد بعصب
لمى انصدمت وماسمعت ولا كلمه من بعد كلمة الجمعه...وقالت في نفسها امجد بيسافر الجمعه الجمعه بس هوو ماقالي ماقالي انه حدد الموعد...ياربي يا امجد ياريت بس لو تقول على اللي فيك..
منى لاحظت صدمة لمى وخافت انه لمى ماتكون عارفه بسفر امجد وهيا صدمتها..
منى:لمى
لمى.......
منى:بنت لمى ردي
لمى بإرتباك:ها ايووه خيرر
منى:فين رحتي؟
لمى وهيا ماهي منتبها لكلام منى:هوا امجد اكيد حيسافر الجمعه؟؟
منى بتردد:ها مدري عنه روحي اسأليه بنفسك
لمى بإصرار:اكيد بسأله بس خليها بعد شويه تلاقيه دحين بيتروش
في هالوقت امجد لمن طلع لغرفته واخد شاور وغير ملابسه...
طق طق ...
امجد:ميين؟
.....:انا تيتا سوا كاكي
امجد وهوا يروح للباب ويفتحه ويشوف تيتا وكاكي واقفين:ها تيتا جبتي اللي قولتلك عليه
تيتا وهي تحط صندوق كبير على الارض مع كاكي:اوووه بابا امجد ايش في هادا سندوق مررره كبيررر
امجد:مالك دخل المهم عسى احد شافك؟
تيتا:لالا مافي احد سوف انا
امجد:كيف طلعتي ولمى ومنى في الصاله؟
كاكي:لمى سوا منى في حديقه مافي سوف احن
امجد:طيب يلا روحو
تيتا:اوكي بابا
بعد عشره دقايق نزل امجد يشوف لمى ومنى ايش بيسوو...
وقتها كانت لمى مع منى ورندا اللي ماحبت احد يحس اختفائها نزلت وقعدت معاهم في الحديقه الخلفيه للبيت..
لمى:بنات وربي اليوم انتو مره بايخين
منى وهيا تطالع في لمى بتكبر:وليه ياختي يعني انتي الرهيبه ؟
لمى:لا مو قصدي بس عاد ماتعودت عليكم كدا دايما رندا مجننتنا وتضحكنا وفرفشه اليوم مررره ماعطتنا وجه وكأنها في عزا ولا جنازه
منى انقبض قلبها من التشبيه:اعوذ بالله ايش هالتشبيه الله يهديكي
رندا وقتها كانت تفكر وقالت في نفسها ايش اللي انا بسويه لازم ما ابين لهم شي انا وعدت امجد اني ماخلي احد يعرف وبعدين انا المفروض ما اتشاءم كدا ان شاء الله امجد بيتعافي وحالته زي ماقالي ممكن تتعالج والمرض في بدايته...لحظتها حست بنور من الامل يخترق قلبها وابتسمت بسعاده....
لمى وهيا تطالع في رندا بحيره:سبحان ربي دوبها كانت مكشره ومسرع ما ابتسمت
منى وهيا تضحك:ههههههههههههههه والله هادي البنت جنيه
لمى:ههههههههههههه ايش دخل الجن بالموضوع!!
منى:مدري احسها اليوم من هدوئها انها جنيه ناويه على مصيبه
رندا وهنا ردت لطبيعتها العدوانيه:نعم نعم ياختي انتي وهيا ترى سكت لكم كتير اشوف طالت وشمخت
منى ولمى بفرح لانه رندا اتفاعلت معاهم:هههههههههههههههههههههههه اخيرا اتكلمتي
رندا:ههههههههههههه
لمى:اخيرا رجعتي لرجتك
رندا:ههههههههههههههه انا ما سبتها بس حبيت اعطي نفسي فترة نقاهه
لمى:احلى يانقاهه بس اما نقاهه من الصبح لليل
رندا:هههههههههههه بس تدرو اول مره اعرف انه السكوت بايخ
منى:طبعا بايخ لأشكالك والا انتي شكل وحده تسكت
رندا:بنت احترمي نفسك
لمى وقتها افتكرت امجد وقالت بتروح تكلمه...
لمى وهيا توقف:بنات عن اذنكم بروح اكلم امي في شي وبرجع
رندا وهيا تبتسم بخبث:بالله بتكلمي خالتي طب بالله سلميلي عليها
منى وهيا عارفه لمى فين بتروح:وانا كمان بوسيلي هيا وقوليلها تقولك منى وحشتني اوبس اقصد وحشتيني هههههههههههههههههههههههههههه
رندا:هههههههههههههههايييييييييي خطيره الحركه يامنى وحشتني ها
لمى احمرت خدودها من قصدهم البايخ وراحت بسرعه وخصرتهم..
وهيا رايحه سمعت منى تقول:لاتنسي بوسيلي هيا
لمى وهيا مقهوره من حركاتهم:مالي دخل اذا تبو تبوسوها تعالو معايا وبوسوها بنفسكم
رندا ومنى:ههههههههههههههههههههه لا بطلنا خلاص مانبا
لمى وهيا تفتح الباب الزجاجي اللي يدخل على الصاله الكبيره اللي تطل على الحديقه..تشوف امجد نازل من الدرج وعلى وجهه احلى ابتسامه..
لمى ردت له الابتسامه بإبتسامه احلى منها وحبت بالفعل تروح لأمها في مجلس الحريم عشان تكلمها في موضوع..بس امجد سبقها ومسك يدها..
امجد:لمى دقيقه فين رايحه؟
لمى:بروح لأمي
امجد وهوا يبتسم:خالتي معاكي طب كويس نروح لها سوا لاني ماسلمت عليها
لمى:لالا هيا في مجلس الحريم وفي حريم هناك ماينفع تروح
امجد بإستهبال:ليه ايش فيها اسلم على خالتي بسرررعه واطلع
لمى:هه ماتضحك
ويقطع عليهم صوت عالي..
محمد:كاكي تعالي بثللللعه
لمى وهيا تشوف محمد:هلا حبيبي محمد كيف حالك
محمد وهوا يروح للمى اللي مدت له يدها:الحمدلله تيب
لمى وهيا تبوسه على خده:ايش الحلاوه هادي فين رايح؟؟
محمد ببراءة الطفوله:انا لايح مع بابا الملاهي عثان اللعب اللعاب كتيييييييييييل ملللله
لمى:ههههههههههه طيب وفين ابوك
محمد:بلا يثتناني في الثياله
لمى:طيب الله معاك وانتبي على نفسك
محمد:تيب..كاكي تعالي
امجد:وايش تبغا في كاكي؟
محمد:مالك ثلاح
امجد بقهر مصتنع:شوفي الولد..ياقليل الحيا انا عمك كلمني بأدب
محمد:مالي مالي
لمى:هههههههههههههههههه امجد يلا عاد لاتكلم الولد كدا حرام عليك
امجد:دحين انا اللي حرام عليا ماتشوفي كيف يكلمني وانا عمه
محمد:ايوا عثان انتا كداب
امجد بإإستغراب:وي وليه كداب ان شاء الله؟؟
محمد:امث قلتلي حتزيب((حتجيب))لي حلاووه ومازبتها
امجد:هههههههههههههههههه سوري حبيبي صح انا ما استحي على وجهي معليه نسيت خلاص ولايهمك بكره اجبلك هيا
محمد:حلاص تيب
وتجي كاكي ومعها شنطة محمد وتعطيله هيا...
امجد:اها من اول تزهمها عشان شنطتك
محمد وهوا يحط شطنته الصغيره على ظهره:اي تقيله
امجد على طول مد يده ومسك الشنطه:هات انا اشيلها
محمد:تيب
امجد وهوا يتريق:يا الله مرررررره تقيله
لمى:هههههههههههههه تقيله عليه مسكين يلا روح وصله لأبوه
امجد:طيب بس لاتتحركي من هنا
لمى:ههههه طيب بس يلا روح
وراح امجد وصل محمد لخالد في السياره ...
امجد وهوا يفك الباب لمحمد عشان يدخل السياره:يالله استلم ولدك
خالد:هههههههههههه مشكور يا امجد
امجد:العفو ولوو ويالله انبسطووو
خالد:ان شاءالله اكييد
امجد:يلا بايووو محمد
محمد وهوا يأشر بيده:باي
وبعدها رجع امجد لصاله وشاف لمى واقفه ومسرحه..
امجد:تعالي ابغا اوريكي شي
لمى بإستغراب:ايش؟
امجد:تعالي انتي بس
لمى:ياربي عليك لازم تعاملني بي هالطريقه تعالي وتعالي وبدون ما اعرف فين موديني
امجد:وقد مره شفتي شي مايرضيكي
لمى:لا لسه ماشفت ههههههههههههه
امجد:يعني متوقعه طيب اوريكي يلا المهم تعالي وبتعرفي
وتروح لمى مع امجد للدور التاني من الفيلا وبالتحديد لمكتب امجد..
امجد يوقف عند الباب ويفتحه ويقول:اتفضلي
لمى وهيا تدخل وهيا مستغربه ومندهشه على الاخر..الغرفه كانت جنان كانت الاضواء فيها خافته وريحتها تجنن وفيها طاوله في نص الغرفه عليها شمعتين وشي مدور ومغطا ماهو باين ايش هوا وحول الطوله كرسيين وبعد الطاوله كان في صندوووق كبيرررر مررره احمرر وملفوف بشريط ابيض وفوق الصندوق باقة ورد خطيرررررررره فيها ورود حمره وبيضه منسقه بشكل مره حلووو ومعاها بالونه حمره مكتوب عليها بالابيض I love you...
لمى بإندهاش كبير:واو ايش دا؟
امجد يتقدم كم خطوه ويوقف عند الكرسي ويجره ويأشر بيده بطريقه تبين لها انها تجلس..
لمى ابتسمت بهدوء لانها عارفه امجد لازم يكمل خطواته وكل اللي يبغا يسويه بعدين يقولها ايش الموضوع..فتحركت في هدوء وقعدت على الكرسي..
امجد راح واخذ باقة الورد من فوق الصندوق واعطاها لمى...
امجد:Happy Birthday
لمى بإستغراب:هادا ليا انا
امجد:هههههههههههه اكيد ليكي ياقلبي
لمى:.......ما اعرف شو اقلك فاجئتني
امجد وهوا يبوس يدها:مايحتاج تقولي شي فرحتك هيا الاهم عندي
لمى ارتعشت كل خليه في جسمها من هالحركه ومن هاللمسه واستحت واحمرت خدودها..
امجد:هههههههههههه ياربي على الكسوووف
لمى بشوية حيا وهيا تضيع الموضوع:كيف عرفت انه عيد ميلادي اليوم؟
امجد:هههههههههههههه انا امجد مو اي احد يا امي اللي ابغا اعرفه اعرفه بدون اي صعوبه
لمى:ههههههههههههه ماشاء الله عليك
لحظة صمت حسست لمى بالتوتر فيها...فحبت تقطعها وقالت..
لمى:ايش هالصندوق الكبير؟؟
امجد بإبتسامه ولا احلى:هههههههههههههه لمن تروحي البيت وتفتحيه حتعرفي
لمى:واو يعني هالصندوق فيه هديتي حركات
امجد:هههههههههههه شفتي كيف بس ان شاء الله يعجبك اللي فيه
لمى:اكيد بيعجبني مدام انه من ذوقك واختيارك
امجد:احم احم طبعا
لمى وامجد:هههههههههههههههههه
ويقطع عليهم صوت دقة باب قويه...
امجد ولمى يلتفتو لمكان الصوت فيشوفو منى ورندا واقفين يطالعو فيهم ويضحكو...
امجد:ههههههههههههههههههه ادخلو ليه واقفين عند الباب
رندا:نأسف لأننا قطعنا عليكم الجو
منى:ياعيني ياعيني جو رومنسي وحركات
امجد وهوا يوقف ويروح يقوي الاضائه:هههههههههههههه لاعادي ادخلو
رندا:ايش عندكم شو مناسبة هالجلسه اللطيفه؟
امجد وهوا يجي للطاوله ويفتح الغطا اللي على الشي المدور:هادي المناسبه
وكانت كيكه بالشوكلاته ومكتوب عليها Happy Birthday lama
&&&&&&&&&&&&&&&&&&&&&&&&&&&&&&&&&&

**بنت الجبال** · 07-03-2010, 05:50 PM

يسلمووووووووووووووووووووووووووووو

**انثى من الخيال** · 07-03-2010, 05:51 PM

رندا ومنى وهما يطالعو في لمى:اوووه عيد ميلادك
لمى وهيا تبتسم:ايه تصدقو كنت ناسيه بس ماشاء الله عليه امجد عرفه
منى ورندا في وقت واحد: Happy Birthday
لمى وهيا تبتسم:ثانكس
منى:ياخس عليك يا امجد كان قولتلي عشان اجيب لها هديه
رندا:ايوه صح كان قلتلنا
امجد:سوري بس انا ماجات الحكايه في بالي الا على العصر لمن كلمتني لمى فما لقيت وقت اقلكم اتربشت اروح اشتري الهدايا واظبط اموري ونسيت اقلكم
لمى:اصلا مو لازم هديه ولا كلام فاضي انتو بنسبالي احلى هديه
رندا:حتى ولو لازم نجيب لك هديه
منى:وايش اشتريت يا اخ امجد؟
امجد وهوا يأشر على الصندوق الكبير:هادا
رندا:حركتات صندوق وشي وشو فيه؟
امجد:سرررررر
لمى:ههههههههههههههه اذا انا ماعرفت بتعرفو انتو
منى:طيب فكيه عشان نعرف
امجد:لالالا ابغاها تفتحه في بيتها
رندا ومنى:خلاص طيب براحتكم
امجد:عندي فكره
رندا ولمى ومنى:ايش؟؟
امجد:بما انه منى ورندا كان نفسهم يعطوكي هديه فأنا اقترح انه هديتكم انكم تعزمونا على شي برة البيت ونروح ننبسط وناخدها فللله شو رايكم؟
رندا وهيا تفكر:اممممم فكره حلوه خلاص انا اعزمكم على أروما كافيه
منى:وانا على العشا في تشيليز
امجد:خلاص اجل اتفقنا يلا رتبو نفسكم وانا اروح ابدل واستناكم في السياره
منى ورندا:اوكي
لمى:دقيقه بس أكلم الوالده استأذن منها
امجد:طيب وانا متأكد انها محا ترفض
رندا:طيب هالصندوق اللي قد ايش كبره فين بتودوه؟
امجد:انا اوصله لها بعدين دحين يلا امشو بسرعه قبل لايتأخر الوقت
الكل:اوكي
وبعد ماراحو وانبسطو وقضو احلى وقت..وصل امجد لمى بيتها...ورجع البيت هوا وراندا ومنى...وكانت الساعه 1.30...
ولمن دخل امجد مكتبه يرتب فيه اشيائه قبل السفر..شاف الصندوق مكانه..وقال..
امجد:واي نسيت اودي للمى هديتها...وراح للصندوق وشاله ومن كبره ماهو قادر يشوف شي..فنزله على الارض تاني مره وماعرف ايش يسوي كل الناس اللي في البيت نايمين..فقال خلاص اوديه لها بكره..وراح يرتب اشيائه لانه مابقي على سفره غير يوم...
وفي اليوم التاني..الساعه 2.00 الظهر..في الصاله كانو قاعدين العيله كلها متجمعين من بعد الغدا..
خالد كان قاعد في الطرف مع محمد يلعب معاه ويكلمه...ومنى ورندا قاعدين يشوفو مسلسل في التلفزيون وابو خالد يتكلم مع ام خالد..وامجد قاعد على الطرف يحس بالحزن والكأبه فكر في لحظه لو مات كيف راح يكون حال اهله حس انه حيفتقد هالناس هالجمعه الحلوه حيفتقد رندا ورجتها ومنى ورقتها ومي وحنانها وخالد بأخوته ومعاشرته الحلوه ومحمد وشيطانته وامه بحنانها وحبها الجارف له وابوه بعطفه وسخائه ورجولته..ولمى برقتها وشخصيتها الحلوه.و..و..و..الخ...قعد يفكر بكل الناس اللي يعرفهم فكر في حياته من اولها ليومه هادا فكر في حلمه اللي عاش طول عمره يسعى له...حلمه انه يكون طبيب ناجح ويعالج الناس ويحقق اللي ماحققه غيره..فجئه هلت دمعه حاره من عينه ماقدر يمنعها هالدمعه لاحظتها زوج من العيون من اول بتراقب امجد عيون حاسه بعذاب امجد وبلي فيه عيون رندا..
منى:رندا بنت من اول اكلمك ليه ماتردي عليا؟
رندا:ها سوري سرحت شو كنتي تقولي؟
منى:ايش رايك في الحلقه اليوم خطييره شكله جاسم بيخطب ريم الحلقه الجيه مو؟
رندا وهيا مو منتبها لكلام منى:ها ايوه ايوه صح
منى:هههههههههههه والله مره منتي معايا
وفجئه يقطع هالجو صوت امجد...
امجد وهو يحاول يخلي طريقته مضحكه:احم احم من فضلكم أعيروني شوي من اهتمامكم
خالد:هههههههههاي حلوه يابو الشباب بس لاتعيدها
امجد:هيهيهي اسكت بس
ابو خالد:خير ياولدي ايش عندك؟
امجد وهوا متردد:اممم طبعا كلكم عارفين انه سفري بكره
وهنا رندا انقبض قلبها...وكمل امجد يقول..
امجد:فحبيت بس اقلكم للمره التانيه لاتعطلو ملكة منى عشاني لاني يمكن اطول
ابوخالد وهوا يقاطعه:ليه ياولدي حتطول في سفرتك هادي؟
امجد:والله مدري يا ابويا ما استبعد بس اتوقع اني اطول
ام خالد واللي قلبها يقولها انه في شي مو صح بالموضوع تقول بصوت مخنوق:خير ياولدي مابتصارحنا عن سبب هالسفره المفاجئه؟؟
امجد وهوا يقوم ويبوس راس امه ويقعد جمبها:مافي شي يا امي هياسفره مع الشباب اروق وانبسط فيها
منى واللي مولعه قهر منه:وهالسفره اهم من ملكة اختك مو؟
امجد هنا اتلعثم وماعرف ايش يقول فسكت..
رندا اتدخلت وقالت:لا يامنى ولاتحكمي على شي انتي ماتعرفي عنه
وهنا كل العيون اتجهت ناحية رندا كلامها كان يأكد شكوك الكل انه في سبب خطير لي هالسفر...
خالد:رندا امجد بلا عبط اتكلمو عدل في شي مخبينه عننا
امجد:مافي شي ياجماعه ماهي اول مره ولا اخر مره اسافر فيها ايش بكم؟؟
خالد بحزم:بس يا امجد انا اعرف قد ايش تعني لك خطوبتك وملكة اختك ومو بالساهل تتركها عشان مجرد تغيير جو
امجد واللي مو عارف ايش يقول:الله يخليكم لاتضغطو عليا خلوني اسافر وانا مرتاح بلييز انتو ماتعرفو اللي فيا..وقام امجد بعصبيه وطلع من البيت....ركب سيارته واتوجه للبحر مكانه المفضل..والحزن يقطع قلبه تقطيع يقول فيي نفسه..لييييه مايفهموني لييييه..
وفي اليوم اللي بعده...يوم الجمعه بعد المغرب..الكل كان مجتمع في بيت بو خالد..على اساس انه يوم جمعه والعيله كلها مجتمعه...
رندا من يوم ماصحيت الصبح وهيا تبكي..وطول الوقت حابسه نفسها في غرفتها...ولمن جات لمى وكانت هيا التانيه زعلانه وحزينه مرره وقلبها يعورها على فراق امجد وحالته اللي مو مطمنتها..راحت لغرفة رندا واصرت عليها تفتح الباب...
لمى:والله يارندا لو ما قولتيلي سبب حزنك الفظيع هادا لا اعرفك ولاتعرفيني
في لحظة ضعف ضعفة رندا:ايش اقولك يالمى ايش اقولك اقولك انه امجد مررريض ورايح يتعالج ويمكن مايرجع من سفره هادا اقولك انه مررريض بالسرطان..وهنا لمى حست بصدمه كبيرره حست كأنه صاعقه ونزلت عليها..والدموع اتجمدت في عينها...امجد امجد سرطان امجد مريض بيموت امجد وصرخت بأعلى صوتها لا.....وفي الصاله تحت الكل كان موجود يسلم على امجد..ام خالد وابو خالد ومنى ومي وخالد والاولاد محمد فهد واحمد...اما بقية العيله ابو محمد وابو رامي ورائد وام محمد وام رامي سلم عليهم قبل لايسلم على اهله...
ام خالد وهيا تبكي:تروح وترجع بالسلامه ياولدي
امجد وهوا يحضن امه بكل حب:الله يسلمك يا امي حتوحشيني والله العظيم حتوحشيني
ام خالد وقلبها يعورها:مابتقولي ياولدي على اللي فيك
امجد وهوا يبوس يدها:مافيا شي يا اغلى واحلى ام في الدنيا
ام خالد:ماني مصدقه امس قلت انتو ماتعرفو اللي فيا شو فيك ياقلب وروح امك
امجد:مافيا شي ياماما مافيا شي بس انا نفسيتي كانت تعبانه الفتره الاخيره واحتاج اني اغير جو صدقيني دا كل الموضوع لاتشغلي بالك انتي بس
ام خالد:الله يوفقك ياولدي ويسهل لك كل امر عسير
امجد وهوا يبوس يدها:اللللله هادي احلى دعوه سمعتها في حياتي
ام خالد والدموع تنزل من عينها:تسلملي حبيبي
امجد:ليييه الدموع ليييه؟؟
ام خالد:خايفه عليك ياحبيبي خايفه قلبي مو مطمن
امجد والعبره خانقته:......راضيه عليا يامي؟
ام خالد:راضيه عليك ياحبيبي راضيه
امجد وهوا يسلم على مي:يلا ميويه اشوفك على خير
مي وهيا مستغربه من اللي بيصير قدامها لانه امجد لا اول ولاخر مره يسافر فيها بس الكل بيعاملوه كأنه مسافر سنه او مسافر للأبد:على خير حبيبي وتروح وترجع بالسلامه
امجد وهوا يحضن مي بكل قوته ويقول بصوت واطي عند اذنها:اهتمي في النونو مظبوط
مي لمن ضمها حست برعشه في جسمها وحست انه امجد فيه شي بس ماعلقت...وحتى ما انتبهت انه امجد قالها نونو وانه بين لها انه عارف انها حامل سكتت ودمعه وحيده انحبست في عينها..
وفجئه يتفاجئ الكل بلمى تجررررررررررررررري وترمي نفسها على حضن امجد وتبكي بصوووت عالي..الكل انصدم من المنظر وامجد انصدم اكثر واخدها وخرج على الحديقه..
لمى:ليه ماقولتلي يا امجد قد كدا ما اعنيلك شي كدا يا امجد
امجد فهم انها عرفت بحكاية مرضه من طريقة بكاها..
امجد وهوا يمسد على شعرها:خلاص ياقلبي لاتعذبيني انا ماقولتلك عشان لا اقلقك ولا اخوفك عليا
لمى وهيا تبعد راسها عن صدره:ولييييه ان شاء الله انا مو مرتك ومن حقي اخاف واقلق عليك
امجد:الا طبعا بس انا صراحه ماحبيت اقول ولا لأحد بس رندا ضغطت عليا واطريت اقلها
لمى........ساكته وتطالع في وجهه وفي ملامحه تحبببببه تحببببه نفسها تقوله هالكلمه نفسها تقوووله احبببببك والله احبك وما اقوى على فراقك بس لسانها خانها وماقدرت تنطقها..
امجد حس انه قلبه يتقطع من دموع لمى ونظراتها..حاول يحسسها بوجوده وانه حيشتاق لها فضمها بقوووه لصدرره وفي نفسه يقول لأخر مرررره يالمى لأخر مرره..
وبعد خمسه دقايق صمت...
امجد:لمووو
لمى تبعد نفسها عنه...وتطالع في عيونه بصمت...تستنى تسمع اللي حيقوله...
امجد وهوا يشوف عيونها اللي ياما عذبته:لمى حبيبتي خلاص لاتبكي انا حرجع اوعدك حرجع حرجع عشانك وعشان امي وعشان اخواتي واهلي ماراح اخذلكم صدقيني
لمى ابتسمت من كلامه ومسحت دموعها:تروح وترجع بالسلامه يارب
امجد:الله يسلمك وانتبي على نفسك
لمى:ان شاء الله وانتا كمان انتبي على نفسك وكلمني طمني عليك اول بأول
امجد وهوا يبتسم:من هالعين قبل هالعين
لمى:تسلملي هالعين والله
امجد ابتسم لها وحس ان الدموع تتجمع في عينه خاف في نفسه انه مايشوف هالعيون مره خاف في نفسه انه مايسمع هالكلام مره تانيه خاف خاف من كل شي واكثر شي خاف من الاقدار...
وبعد كدا امجد طلع لرندا لغرفتها يسلم عليها بما انها مارضيت تنزل تسلم عليه....
ورندا من يوم ماشافت امجد رمت نفسها في حضنه وقعدت تبكي في حضنه لمده..
امجد حس انه لو قعدت رندا على هالحال كمان شويه حتنزل دموعه فقال:يلا رندوده حبيبي اشوفك على خير
رندا وهيا تبعد عنه:خلاص بتروووح
امجد وهوا يحاول انه يبتسم:بس حرجع حررجع وانتي ماعليكي الا انك تدعيلي احتاج لدعاكي يا رندا
رندا تمسح دموعها:الله يعطيك العافيه ويردك لنا سليم معافا
امجد وهوا يبتسم بسعاده ويسلم عليها:يلا مع السلامه
رندا وهيا تبكي:مع السلامه
خرج امجد من غرفة رندا ولقا منى في وجهه تبكي والدموع تنزل على خدها في هدوء..
امجد في نفسه ياربي ليه بتبكي هادي كمان ما اقدر استحمل كل هالعذاب...
منى بصوت هادئ:امجد
امجد:عيونه
منى بصدق:حستناك
امجد وهوا مستغرب منها:وانا محا اتأخر عليكي
منى ابتسمت بوهن وراحت له وباسته على خده بكل هدوء على عكس البقيه..
امجد وهوا يبتسم:ماتبي تحضنيني انتي كمان اشوف البيت كله يسلم عليا كأني رايح للأبد...وقال هالجمله بغصه في قلبه..
منى وهيا تمسك يدينه الاتنين:يمكن هما خايفين عليك وحاسين فيك شي وحبو يسلمو عليك بطريقتهم بس بس انتا اخويا وحبيبي وانا عارفه انه مهما كان اللي فيك بترجع لانه امجد ومنى ومنى وامجد مستحيل يفترقووو مو كدا
امجد اتأثر بكلام اخته وجا يبا يحضنها بس هيا بعدته بيدها..
امجد:لييييه؟
منى ودموعها تنهمر:ما احب هالسلام احس بدي الطريقه اني اودعك وانتا زي ماقلت راح ترجع ومدة سفرك مهما طالت مصيرها في يوم تخلص
امجد واللي مستغرب من اخته حس انها عارفه بمرضه بس متفائله حس بالتفاؤل من كلامها وباس راسها...وقال...
امجد:اللي يريحك ياقلبي ولاتزعلي مني يا اختي وربي الشي موو بي...
ومنى وهيا تقاطعه:مايحتاج تقولي خلاص انا فاهمه كل شي حتى لو ماقولتلي
امجد استغرب منها: فاهمه ايش؟
منى:فاهمه وخلاص روووح الله معاك
امجد:مع السلامه..وراح امجد ونزل للدور اللي تحت وشاف ابوه وخالد في الصاله وقالهم...
امجد:اذن العشا مو؟
خالد:من زمان الساعه 10.00
امجد:اوووه يالله اجل انا بروح
ابو خالد:تروح وترجع بالسلامه يا ولدي
امجد وهوا يبوس راسه:اشوفك على خير انشاء الله
خالد وهوا يوقف:انا بروح معاك
امجد:مايحتاج بروح مع راجو
خالد:لالا مافيها شي اجي معاك اوصل لك اكسب فيك اجر هههههههههههههه
امجد:هههههههههههههههه اوكي براحتك
وراح امجد مع خالد للمطار وخلصو الاجرئات وصارت الساعه 12.45
خالد وهوا يسلم على امجد: يلا انبسط يابو الشباب رايح لأمريكا من قدك
امجد:ههههههههههههههههههههه طبعا مين قدي انا امجد مو حيا الله
خالد:هههههههههههههههههههههه ياربي على الغرور
امجد:هههههههههههههههههه
خالد:يالله تروح وترجع بالسلامه وسلملي على رامي
امجد:يوصل الله يسلمك يالله مع السلامه
خالد:مع الف سلامه
والساعه وحده طارت طيارة امجد متجهها لنيويورك...
وفي بيت ابو محمد لمى كانت قاعده على سريرها وتبكي بصمت..
حست انه جده بدون امجد مالها معنى..وتقول في نفسها كيف فكرت في يوم اني ارفضه كيف فكرت اعيش بدونه مستحيييل انا حياتي مع امجد ولازم امجد يرجع...وفجئه لمحت عيونها الصندوق الكبير اللي قدامها وافتكرت انها مافتحته لانه امجد اليوم العصر ارسلها هوا مع السواق وهيا نسيته وانشغلت بموضوع سفر امجد...قامت بسرعه ومسحت دموعها وراحت لعند الصندوق..الصندوق كان كبير لدرجة انه يوصل لوسط لمى لمن توقف جمبه...كان شكله كهديه كبيره فكرت في لحظه ايش ممكن يكون فيه ومدت يدها وفتحته...شافت جوته شي ابيض كبيررر رفعت هالشي بيدها لقته دب كبير شكله مررره كيووت وهالدب ماسك قلب احمر في يده مكتوب فيه I miss you لمن شافت الدب انبهرت من جماله وشالته وحطته على السرير طالعت في الصندوق لقت جوته شي زي القش وفيه قلووب حمرررره كتيررر منثره في الصندوق وفيه في ركن الصندوق علبه ومعاها ظرف...استغربت ومدت يدها..لقت العلبه عباره عن علبة عطر اسمه forever فتحته وشمته عجبتها الريحه ابتسمت لانه ذوق امجد خطيررر حتى في العطور...افتكرت الظرف وفتحته لقت فيه رساله....وكان مكتوب فيها...
بسم الله الرحمن الرحيم
الى غاليتي...لمى
اهني اليوم فيك لانك من مواليده
واغنيلك في ميلادك عساها لك سنه سعيده
لمى..احببت ان اشاركك يومك هذا بطريقتي هذه وبهدايايا المتواضعه
كنت اتمنى ان اهدي هذا العالم اجمع لعينيكي الجميلتين لكن
الامر ليس بيدي...فاتمنى ان تعجبك هذه الهدايا وتنال على اعجابك
لمى مهما حدث انا سأكون معك
ولن اتخلى عنك انا معك forever and ever
وصراحه احترت ايش اجيب لك هديه مالقيت الا هالدبدوب الكبير عشان يذكرك
فيني كل ماتشوفيه و لانه مره عجبني وتمنيته يكون لك
وهالعطر اللي عجبتني ريحته واسمه كمان اتمنى يعجبك وينال ذوقي على رضاكي وعلى فكره اخر الصندوق في شي تاني كمان شوفيه لو ما انتبهتي له
مع تحياتي واشواقي:امجد منصور ال..
لمى قريت الرساله مره واتنين واحتضنتها في قلبها كلامه عذبها حست انه يبغا يثبت نفسه لها ويبغاها تتذكره لانه حاس انه حيروح وبعد دقيقه انتبهت لجملة وعلى فكره اخر الصندوق في شي تاني كمان وفتشت في الصندوق اكثر ولقت علبة تاني فتحتها لقت فيها سلسله من الذهب الابيض عباره عن قلب يخترقه سهم بشكل جدا رائع ومكتوب عليه من جهه لمى ومن الجهه التانيه امجد لمى من يوم ماشافتها عجبتها وعلى طول لبستها وخلت اسم امجد هوا الظاهر..وبعد فتره لمى حست بالتعب والارهاق من كثر البكا واخذت الدب وحطته في مكان مناسب في الغرفه واخذت الصندوق وحطته في مكان تاني وخلت غطاه مكشوف بحيث اللي جوته يبان وكان منظر القلوب اللي جوته حلووو...ورشت من العطر اللي اعطاه هوا وراحت في سابع نووومه....

**انثى من الخيال** · 07-03-2010, 05:52 PM

*&*الجزء الثامن والثلاثون*&*
بعد شهر صارت احداث كثيره خلال هالشهر من ضمنها....
**منى كانت في الجامعه واتفاجئت بالجوال يدق واتفاجئت اكثر لمن شافت الاسم مازن فأستأذنت من صحباتها وراحت محل بعيد شوي وقعدت تشوف الجوال بس ماردت..الين مافصل...استغربت في نفسها وقالت ايش به مازن ليه يتصل عليا..ومسرع ماقطع عليها افكارها اتصال مازن مره تانيه منى حست انه مصر يكلمها فردت...
منى:....
مازن بعصبيه:الو
منى:....
مازن:عارف يامنى انج سامعتني انا بس حبيت اسألج سؤال مدام ماتبيني يا منى ليه وافقتي عليا؟
منى انصدمت من اللي قاله وردت عليه:مين قال هالكلام؟؟
مازن بفرح ممزوج بعصبيه لانه سمع صوتها:انا اقول طول عمرج تصديني ويوم طلبت اتزوجج وافقتي والله العالم وافقتي ليش يمكن عشان اهلج ولا يمكن عشان ماتنحرجي من رهف وعقب ماوفقتي وزرعتي الامل في قلبي تقولي ماتبي الملكه الا لمن يرجع اخوج والله العالم متى بيرجع ليه تبي تبعدي بيننا بكل الطرق ليه
منى واللي عصبت: هييييييييي انت ترى سمحت لك تتكلم كثير لاتحكم على شي انت ماتعرفه امجد مسافر شهر واحد واعتقد مافيها شي لمن نستناه شهر واحد بس واعتقد اكثر انك المفروض تقدر موقفي لانه هذا اخوي وسعادتي وفرحتي ماراح تكمل الا وهوا معايا وانت لو حطيت نفسك بمكاني راح تعذرني وانا اسفه ماراح ارضا بأي حل بديل واذا ماتباني عندك اهلي تعال قلهم انا ما اقدر استنى كتير ومالي نصيب عندكم
مازن واللي اقحمته منى وفكر في كلامها ولقاه صحيح يمكن هوا اندفع وعصب لمن عرف انها تبا تأجل الملكه وهدمت كل اماله اللي كان حاططها على اساس انه الملكه تكون في موعد قريب ومافكر في موقفها وشعورها كان اناني ودحين زعل منى على الفاضي بسبب طيشه وعصبيته اللي صارت ملازمه له الفتره الاخيره
مازن:منى انا انا
منى وهيا تقاطعه بصوت اهدى من اول:لا انتا ولا انا ترى انتا يامازن دوم تظلمني حرام عليك ارحمني ولاتحكم على شي انت ماتعرفه امجد اخويا وغالي عليا فكيف تباني افرح وهوا مو معايا مازن قدر موقفي لو سمحت
مازن:انا اسف يامنى اسف صحيح انا كان تفكيري اناني واسمحيلي ازعجتج معايا وخلاص اجلي الملكه لو تبي لسنه انا تحت امرج اتريتج كل هالسنين ماراح يخلص صبري على شهر
منى ابتسمت بفرح لانه مازن قدر موقفها....
مازن:منى
منى.....
مازن:منى معليه ادري انه اتصالي ازعجج بس اوعدج ماراح اتصل مره تانيه الا بعد ارتباطنا ان شاء الله
منى:عادي لاتشيل هم ما ازعجني ولا شي كان لازم افهمك موقفي عشان ماتفهمني خطأ كالعاده
مازن....
منى:واحب اوضح لك شي كمان انا ماوافقت عليك عشان رهف ولا عشان اهلي ولا عشان اي احد في الدنيا انا وافقت عليك انت انت مازن مازن وبس
مازن وهوا مبسوط انها بتتكلم معاه ولأول مره حب يستدرجها بالكلام:وليه وافقتي عليا وانتي تكرهيني؟
منى بصدمه:انت برضك على تكرهني وماتكرهني ميييين قالك هالكلام
مازن واللي يتكلم بجد:تصرفاتج تجاهي طول السنين اللي فات
منى بجديه اكبر منه:انا يامازن ماني علامة غيوب ولا انا مشعوذه ولاشي عشان اعرف مقصدك من اتصالاتي وانت ولا في يوم قلتلي ليه بتتصل عليا انا زي اي بنت وكأي تفكير مبدئي بيتكون عندي انك بتتصل عشان تلعب وتحب ومدري ايش وانا هالشي مايناسبني انا ما احب اسوي شي اندم عليه في يوم واي صله بتكون بيننا برأيي انه شي خطأ وانا ما احب اسوي هالخطأ رديتك وصديتك كثير وكان قلبي وعقلي يقول لو انت تحبني بجد راح تعرف كيف توصلي
مازن بإستغراب:شنو كيف يعني؟
منى:يعني كنت دوم اقول لو تحبني اكيد بيجيك اليوم اللي تخطبني فيه ونكون مع بعض للابد مو يوم ولا يومين
مازن....سكت يفكر تفكيرها عقلاني وصحيح وانا اللي دوم افهمها خطأ وازعل من تصرفاتها ياريتني فهمت مقصدها من زمان كان ماصار كل اللي صار...
منى....سكتت حست ماعندها كلام تقوله اكثر قالت كثيرر واول مره تاخد وتعطي معاه تحس ضربات قلبها بتخرج من صدرها والحروف بقوه تنطق من لسانها..بس في نفس الوقت في شعور في قلبها بيفيض بقوه وبغزاره مدري هوا شعور الشوق اللي كان مخبا كل هالسنين ولا شعور الحب اللي ماقدرت في اي يوم تعبر عنه ولا شعور الخوف والرهبه من اللي بتسويه..؟
مازن حس انه فرحان طاير في السما سمع صوت منى بما فيه الكفايه اليوم فهم اللي كان يسأل عنه من سنين اليوم اليوم هوا يوم مولده من جديد...
مازن:منى احبج وراح يظل حبج في "اعماق قلبي" للأبد بستناكي لأخر يوم في حياتي باي....وقفل الخط....
منى وقتها فرحت لان مازن فهمها واتصلحت كل الامور بينهم ودعت في قلبها انه ربنا يجمعهم في اقرب فرصه مع بعض...
**في امريكا امجد لمن راح قعد مع رامي في شقته وكان دايما يزور الاطباء ويحاول مايخلي رامي يعرف اي شي عن مرضه...ورامي كان يستغرب من اختفاء امجد عنه بإستمرار بس في الاخر قال يمكن بيتمشى ويكتشف الدنيا انا مالي دخل خليه على راحته...
وفي هالشهر كمان اتوفى والد شوق مما ادى الى تعاطف رامي معاها..واللي علاقتهم صارت اقوى من قبل صحيح رامي ماحبها لكن بدى يستلطفها وماصار يرفض وجودها زي اول
**مي ولدت في هالشهر واللي خبر ولادتها كان مفاجئه كبيره لكل العيله ماعادا رندا وامجد اللي كانو عارفين...الكل انصدم هيا متى كانت حامل عشان تولد...مي جابت بنوته قمر وسموها جوانا...ورائد كان طاير فيها وفرحته ماتنوصف لانه من زمان نفسه ببنت...
**رندا على حالها بدأت اختباراتها النهائيه للترم الاول وشدت حيلها فيها والحمدلله جابت نسبه كويسه جابت 99% والكل فرح لها ودعا لها بالتوفيق في الترم التاني..وهي حاليا في اجازه بين الترمين..
**خالد رجع عمله وكانت سفراته كلها داخل السعوديه ...ومحمد كان احيانا يروحي يبات عند عمته مي
**لمى كانت تكلم امجد بإستمرار وتهون عليه وتدعي له وفي هالفتره قربت منه كثير وصارت علاقتهم اقوى من اول بكثير..
بعد هالشهر..امجد كان عند الدكتور وبيقوله على نتائج اخر الفحوصات والتحاليل..
امجد بصدمه:waht?
الدكتور واللي كان لبناني الجنسيه:معليه بس الفحوصات اللي سويتها ماكانت دقيقه واللي ظهر عندنا بالتحاليل انه المرض ما انتشر ومنحصر بس على منطقة اللوز والموضوع سهل ممكن نشيل لك اللوز وينتهي بهيك موضوع السرطان
امجد بعدم تصديق:بس يادكتور انا كنت استفرغ دم من صدري واحس انه الدم بيخرج من صدري ايش تفسير هالشي؟؟!!
الدكتور:يا امجد اللوز كانت متضرره إكتير من الخلايا السرطانيه وكمان صار قيح وصديد وكان ينزل على الرئه وصار يحدث تلوث بالرئه وبطبيعة الحال الجسم حاول يخرج هالصديد والجراثيم اللي معاه فكانت بتخرج على هيئة دم هذا الموضوع بإختصار انت لاتشيل هم اي شي اتفضل انت روح هلأ كمل في شوية تحاليل بسيطه بدنياك تعملها عشان نطمئن عليك اكتر
امجد كان متفاجئ مصدوم في لحظه كان عنده يأس وضعف وخوف من المجهول وفي اللحظه اللي بعدها حس بالحياه وبالامل وبالنور اللي يدخل لحياته كان مذهول وقعد ساكت مو عارف ايش يقول...
الدكتور:امجد انا مقدر شعورك وبتمنى لك الشفاء التام بس هلأ عندي شوية شغل انت ممكن تتفضل وانا راح تابع حالتك بإستمرار
امجد وقف وابتسم بسعاده ونصر:مشكور يادكتور مشكور
طلع امجد من غرفة الدكتور..وهوا في نفسه طلع من حالة اليأس طلع من المرض..طلع من العذاب اللي كان عايشه..طلع وهوا يتمنى انه محد يعيش الوضع ولا الحاله النفسيه اللي كان عايشها..
وبعد كم يوم وبعد ماسوا امجد العمليه واتطمئنو الدكاتره على حالته وصار الحمدلله مافيه ولا اي شي..كان اول اسم خطر على بال امجد بعد ما سوا العمليه هوا لمى فكر امجد في لمى وكيف دخلت حياته وكيف اتقبل وجودها..لمى في نظر امجد انسانه مميزه ورائعه من صغرها..من زمان من ايام كان صغير ولمى تلفت انتباه نظراته اهتمامه بجمالها وشخصيتها الرقيقه الحلوه...مافي بنت في الدنيا قدرت تخلي يفكر فيها ولو لحظه..بس لمى كانت تاخد كل تفكيره لمى كانت لأمجد شي غريب شي ماله تفسير او معنى..كان دوم يلاحقها بنظراته بس ماقد جرب مره واتقرب منها وكلمها واتعاطف معاها الا داك اليوم في البحر..لمى كانت شي في بال امجد لايمكن يمسه اويفهمه بشر حتى لمى نفسها..كان يحمل لها نوع من المحبه ماعمره اعترف لنفسه لو لها او لأي احد في الدنيا بلي في نفسه..كان كتوم لدرجه انه كان ينسى بلي في داخله كان يحاول انه ينساها لانه كرامته وطباعه ماتسمح له يفكر فيها بنت صغيره وهوا صغير وامور الحب وهالاشياء ماكانت تشغل باله كثير...ومع الايام والسنين نسي حبها في قلبه لانها ولا مره اعطته وجه ولاعبرته وهوا بطبيعة شخصيته مستحيل يقرب منها او يكلمها وحتى لمن يكلمها يكلمها بجفا وبعصبيه وبغض عشان بس ماتحس انه متعاطف معاها!!..امجد في لحظه افتكر كل ذكرياته وكل ايام طفولته..أيام ماكان يطالع لمى ويراقبها بنظراته المتفحصه والغريبه..أيام كانو يروحو المزرعه والاولاد يقولوه يروح يلعب معاهم وهوا يرفض بس عشان يقعد يراقب لمى كان يحب يراقبها دايما وبدون سبب..افتكر مواقف صارت معاه وهوا صغير..مره كانو على البحر وكلهم قاعدين ياكلو ايس كريم الا هوا لانه مريض..ولمى شافته فحزنت عليه وجات عنده وقتها كانو صغار كان عمر لمى9سنين فجات عند امجد وقالت له...
لمى:خد امجد ايس كريم
امجد استغرب من تصرفها واستغرب اكثر انها جات كلمته وقال:ما ابغا
لمى بتعاطف:معليه خده انا خلاص شبعت
امجد كان يطالع فيها بإستغراب لانها اول وحده كانت تبا ايس كريم ودحين بسهوله تجي تعطيه هوا..
لمى:امجددد خده يلا
امجد يوقف ويروح عنها:قلتلك مابغا ماتفهمي
ومره كانت لمى في بيتهم وامجد دوبه راجع من المدرسه وكان دوبه اولى ثانوي ولقاها عندهم واستغرب..
امجد:هييي انتي بنت ايش جابك عندنا في هالظهر
لمى وهيا تطالع فيه بغرور وبنظرات من فوق لتحت:انا جيت مع منى عشان السواق حقنا مشغول وماقدر يجيني
امجد وهوا يطالع فيها بإستنكار:طيب بعدي خليني امر
لمى كانت تستغرب من تصرفاته بس شافته شايل اشياء كثيره ومن ذكائها وحسن تصرفها..راحت وزهمت له وحده من الشغالات عشان تساعده..
امجد:مين قلك تزهميها؟
لمى:انا قلت بنفسي
امجد:بس انا ماطلبت منك
لمى:براحتك ماتبا خليها تروح
امجد وقتها سرح وطالع فيها وشاف جمالها الملائكي ونسي نفسه..ولمى استغربت من نظراته..وقالت..
لمى:ليه تطالعني كدا؟
امجد انحرج:ها لاولا شي...وراح عنها ومن وقتها وهوا يحاول يتجنبها لانه حس انها لاحظت شي من نظراته..
امجدكان يحب يتأملها وهيا تتكلم وتأكل وتمشي كان يحب كل ملمح من ملامحها ولما كبرت وماصارت تطلع له كثير بعد عنها وصار يحاول ينساها برغم انه كان مجنون بيها..في هاللحظه كانت تتكرر هالجمله في بال امجد..انا مجنون فيها انا مجنون فيها كيف ماعرفت كدا من زمان انا احبها لالا ايش احبها الا اموت على التراب اللي تمشي عليه ودوبي ادرك مقدارها عندي والسبب اللي خلاني انساها وابعد عنها غرورها وغروري فكرت في مستقبلي وحياتي بعقلي ونسيت او تناسيت قلبي دعست عليه.. قطعته.. رميته في سلة المهملات.. تناسيت وجود شي اسمه عواطف.. ومحبه.. عشان بس ابني مستقبلي..كيييييييف كييف قدرت اغفل يالمى عن حبك كيييييييف..حتى لمن صرنا مع بعض ماقدرت اعرف شعوري تجاهك وماعرفته الا دحين وانا بعيد عنك اه من غبائي اه يالمى اه كيف اقدر اعيش من دونك دقيقه من بعد اليوم ياربييييييي لازم اتصل عليها دحين اقولها اني احبها واموت فيها لازم تعرف اني احبها لازم.. وقرر يتصل على لمى ويقولها على شعوره تجاهها ويعترف لها بحبه اللي كان غافل عنه طول هالسنين وكمان يخبرها عن التطوارت اللي صارت له ويطمنها لانه صار له اسبوع ما اتصل عليها فبالتالي هيا ماتعرف اخر التطوارت اللي صارت له...
اتصل امجد على لمى وكان جوالها مغلق..واتصل على البيت لقاه مشغول كرر الاتصال كم مره لكن برضوه يعطيه الخط مشغول...قال اكيد انها بالنت فقال بدخل النت واكلمها لازم اقولها على اللي صار لي واطمئنها...دخل امجد من الاب توب حقه على النت وكان الماسنجر على طول يدخل على ايميله واللي كان عند لمى معروف انه لخالد...
دخل ولقا لمى وجا بيكلمها بس افتكر انها تعرفه على اساس انه خالد وكره الحركه اللي سواها وكره نفسه لانه فكر في يوم يبعد لمى عنه والحركه اللي سواها فيه غبيييه مرره وقرر انه يكلمها ويعترف لها..
همس القمر((امجد)):سلام
لمى وقتها استغربت هذا خالد ايش فيه كلمني غريبه اول مره يسويها من بعد ديك المحادثه اكلمه؟؟..لالا...ولا ليه ماكلمه ايش فيها انا طفشانه وماني لاقيه احد اشكيله همي وخالد انسب واحد يفهمني ويقدر يسمعني...
لولا:وعليكم السلام اهلين!!
همس القمر:ولييه علامات التعجب هادي؟؟
لولا:لا ولاشي بس استغربت اول مره تكلمني من بعد..من بعد اخر مره
همس القمر:عادي قلت اسلم عليكي واكلمك من زمان عليكي ياشيخه كيفك وايش اخبارك؟
لولا:بخير الحمدلله انت كيفك؟
امجد استغرب انها رضيت تكلمه بس قال امشيها خط واشوف ايش ممكن تقولي..
همس القمر:انا بخير دامك بخير ايش اخبارك وايش اخبار خطيبك وزوج المستقبل؟؟
لولا وهيا تتذكر امجد وتبتسم:بخير الحمدلله وخطيبي انشاء الله يكون بخير
همس القمر:ليه انشاء الله ؟؟
لولا:لأنه مسافر
همس القمر:اها

**انثى من الخيال** · 07-03-2010, 05:52 PM

امجد حب يستدرجها وقال بسألها عني واعرف رأيها فيني...
همس القمر:كيف علاقتك فيه؟
لمى حبت تقول اللي بقلبها لخالد لانها نفسها تتكلم مع احد وتشكيله..فقالت
لولا:شوف ياخالد انا في البدايه كنت رافضه وجوده في حياتي نهائيا لانهم غصبوني عليه
لولا:بس بعد كدا اكتشفت حبي الكبيررررر له واكتشفت اني ما اقدر اعيش ثانيه بدونه امجد صار في حياتي الهوى اللي اتنفسه وبدونه ما اقدر اعيش
امجد وما ادراك ما امجد امجد وقفت عيونه عند جملة غصبووووووووني عليه ماشاف شي من بعدها وفقد التفكير والحس والحياه والعالم وكل شييييي فقد لذة وطعم الحياه..قبل شويه انولد حبه ودحين مات بسكييينه حاده قتلته لمى بكلماتها هادي اللي ماكانت تقصد فيها شي مات حبه قبل ما تعرف عنه لمى شي مات مات...
في مكان تاني من العالم في جده...
مي:رائد بشويش على البنت هلكتها تبويس سيبها حرام عليك خليها تنام
رائد:جوجو حبيبي اخصريكي من امك لا تنامي اقعدي مع ابوكي حبيبك اللي يحبك
مي:رائد ماصارت حرام عليك انت ايش عليك ماراح تسوي شي دحين تروح تنام وانا اللي اقعد امسكها بعد ماطيرت النوم من عينها
رائد وهوا يدلع بنته:ياقلبوووووو عليكي قمرررر قمررر ياناس بنتي قمررر عمرك شفتي وحده بهادي الحلاوه امووووووووواححح
مي:اففففففففف
رائد وهوا يضحك ويطالع في مي:هههههههههه ايش بك معصبه كدا غيرررانه منها ها اعترفي
مي:لا غيرانه ولاشي بس هلكتنييييي خلاص خليها عندك وانا بروح انام وانتا نومها بكيفك
رائد وهوا يطالع في بنته ويلعب معاها ويحط خشمه على خشمها:روحي مع الف سلامه
مي بخبث:ماراح ترجع عن قرارك
رائد:لا مستحيل محا ارجع
مي وهيا تقوم:طيب خليك فاكر وتصبح على خيرررر
وتروح لغرفتها وتقفل الباب..
رائد وهوا مصدوم ويطالع يمين ويسار:مييييييي تعالي صدقتي من جدك انتي تعالي انا ايش يقعدني مع هالفقسه دحين محاتنام للصبح
وجوانا قعدت تبكي من صوت ابوها العالي..ورائد ماعرف ايش يسوي فحطها على وحده من الكنبات وراح لمي..
رائد وهوا يفتح الباب:مييي قومي شيلي بنتك
مي وهيا تسوي نفسها تبا تنام:مالي دخل انت قلت ماراح ترجع عن قرارك يلا روح امسكها حرام عليك لاتسيب البنت تبكي
رائد:لا والله انا ورايا بكره دوام قومي امسكي بنتك
مي وهيا تطالع فيه بنص عين:مو دوبها كانت بنتك دحين صارت بنتي لوحدي مالي دخل انت صحصحتها خليك تستاهل اقعد معاها للصبح انا والله تعبانه ومافيني حيل اقوم
رائد وهوا يقعد على طرف السرير جمب مي:ميوووويه قلبي عمري حياتي انتي قومي امسكيها
مي وهيا تسمع صوت بنتها يعلى:والله مو عشانك بس لاني ما احب اسيب بنتي تبكي...وقامت وراحت لها ومسكتها وهدئتها الين ماسكتت...
رائد ابتسم لانه مي قلبها حنون وماترضى تسيب بنتها تبكي وكمان قدر انها سامحته وخلته يرتاح وينام برغم انها المفروض تخصره وتخليه يمسك البنت لانه هوا السبب اللي ماخلاها تنام من الاول..
مي في الصاله كانت ماسك جوانا وتهزها بشويش عشان تنام..فكرت رائد مسكين يحزن يجي من الدوام الساعه 3 تعبان وهلكان ويادوب يتغدى وينام له ساعتين بعد كدا يصحا يروح يسوي مشاويره حقت الشغل ومشاوير عمانه للشركه ومايرجع البيت الا الساعه 10 هلكان وتعبان ويادوب يلحق يقعد مع اولاده ومرته ساعه ولا نص ساعه ويتعشا ويروح ينام..بس اليوم عشان مي قعد معاها ساعتين لانها طفشانه وحب يسليها ولانه مي الفتره الاخيره مره كانت تعبانه مع جوانا لانها بس تبكي وماتريحها في نومها ومابتلحق تقعد مع رائد فقعد معاها هالساعتين عشان خاطرها برغم انه تعبان..فحبت تسامحه وتخليه ينام لانه مهما صار هيا ماتبغا الا راحته وهيا امرها لله بتقعد مع هالبنت للصبح لانها مستحيل تنام بعد مارائد خلى النوم يروح منها……..

*&*تكمله الجزء الثامن والثلاثون*&*
ناصر:رهفففف يارهف حرام عليكي افهميني انا بس ابغاكي تجسي نبض البنت يمكن مخطوبه ولا في احد عينه عليها
رهف:ياربي انت ليش ماتفهم اقولك مو مخطوبه ولا في احد عينه عليها
ناصر وهوا مو عارف كيف يبين لها مقصده:ياربي انتي كيف تفهمي
رهف بإستغراب:انت شقصدك اتكلم بوضوح؟!
ناصر وهوا يتنهد:قصدي انها ممكن تكون تحب واحد ولا في واحد يحبها واجي انا واخرب عليهم
رهف بتسرع:لالا رندا ماعندها هالخرابيط
ناصر بخبث:خررابيط اها يعني انت ماعندك هالخرابيط؟؟
رهف ارتبكت:ها لالا موب قصدي خرابيط بس قصدي اني ما احس انه رندا تحب او شي زي شذي
ناصر:مين قلك انك تحسي اصلا
رهف بعصبيه:نصووور
ناصر:هههههههههه لالالا مو قصدي بس اقصد انك مستحيل تحسي فيها اصلا هادي اسرار خاصه بكل انسان ومو بسهوله احد يعرفها عنه
رهف وهيا تفكر:هيه صج خلاص انا راح احاول اسألها بطريقه مو مباشره
ناصر وهوا يبوس رهف:فدييت هالوجه ياربي
رهف:هههههههه اشوفك قمت تتفدى
ناصر:ههههههههههههههه بعض مماعندكم
رهف:ههههههههههههههه
وراح ناصر عن رهف...وقعدت رهف تفكر في طريقه تسأل بيها رندا عن الموضوع...
في مكان تاني من السعوديه بالدمام ..
ماجد:نواف قوووم يالله بسررعه اتأخرنا
نواف بتذمر:افففففف ياخي هلكتني ماتقولي ايش اللي نزل عليك فجئه وخلاك مهتم في الشغل لهالدرجه
ماجد بعصبيه وتهديد:نواف بتقوم ولا
نواف وهوا يقوم من السرير:اففففففففففففففف اهوه قمنا
ماجد:انا بستناك في السياره لاتتأخر الناس بيستنونا
ماجد وهوا في السياره كان يفكر في رهف...رهف اه يارهف ياشوقي الطووويل وياحبي الكبير وحشتيني ووحشني همسك وقلبك ورسمك..صدقيني محا اتخلى عنك وحاسوي المستحيل عشان نكون مع بعض تحت سقف واحد...اوعدك يارهف اوووعدك...وفجئه يقطع عليه صوت جواله..ويشوف الاسم...خلووود...
ماجد وهوا يرفع الجوال لأذنه:هلا وغلا هلا والله بخلوود
خالد:ههههههههههه هلا فيك يالغالي كيفك عساك بخير؟
ماجد:بخير دامني اسمع هالصوت انت كيفك؟
خالد:هههههههه تسلم يابو الشباب انا بخير دامك بخير ها فين ارضك اليوم؟
ماجد:ههههههههههه ليه يعني اليوم ليه مو امس هاهاها
خالد:لا بس ماشاء الله عليك كل ما اتصل عليك اشوفك في بلده صايرلي سندباد زمانك
ماجد:هههههههههههههههه الله يرجك اي سندباد واي خرابيط والله مهلوووووووك وحالتي حاله مع هالشغل
خالد:ليه فينك انتا دحين وبعدين اصلا انت ايش اللي حادك على الشغل مو طول عمرك كنت مبسوط تدير اعمالك من بيتك ومن شركتكم اللي بجده
ماجد:لالا مافي كل شي لازم يتغير لازم اثبت نفسي اكثر واكبر شركتنا وبعدين شركتنا لها فروع في كذا منطقه وانا مدري عنها مخلي الناس يلعبو فيها لعب ومقرر اني بأذن الله اخلي شركتنا احسن شركه بالسعوديه وعندي كثير مخططات للمراحل الجايه
خالد بإستغراب من حال ماجد اللي اتغير:طيب الله يوفقك ياعم بس برضو ماقلتلي فينك؟
ماجد:امين ويوفقك انا في الدمام حاليا
خالد:في الدمام ماشاء الله من متى وانت هناك؟
ماجد:من يومين بس
خالد:وحتطول؟
ماجد:اممم لا ما اعتقد كمان يومين وبروح للرياض
خالد:اها حلووو..طيب ودراستك منت ناوي تكملها؟
ماجد بأسف:للأسف ماعندي وقت لها بس سحبت الترم اللي قدمت عليه وخلاص ببدء من السنه الجيه خليني دحين استقر في الشغل بعد كدا اشوف موضوع الدراسه
خالد:طيب ياذكي بعد كدا حتنشغل في الدراسه ومين بيدير كل هالاعمال اللي انت مكبرها ومسويها على الفاضي؟
ماجد وهوا يبتسم ويشوف نواف نازل من الفندق وجي على السياره:نواف ناوي عليه يعني ناوي علييه
خالد:هههههههههههههههههه كيف يعني بتقتله مثلا ههههههههههههه
ماجد:هههههههههههه الله يرجك لا بس انا اخده معايا عشان يشوف الشغل ويتعود على اعمالنا وناوي اني اخليه يمسك كل الشغل وانا اشرف بس
وفي هاللحظه دخل نواف السياره...
ماجد وهوا يرفع صوته:والله مايصير انا اتعب واشتغل وهوا بس ياكل ويشرب وينام
نواف يطالع في ماجد بنص عين:عن مين تتكلم انتا؟
خالد وهوا يسمع صوت نواف:هههههههههههه هوا جمبك
ماجد:هههههههههههه ايوه المهم خلووود اكلمك وقت تاني لاني لازم اروح اقابلي كم مندوب عندي معاهم مواعيد مهمه
خالد بمزح:ياهوووو يلي رايح يقابل وشي خلاص احنا دحين ماصرنا ننفع صرنا كخه ها؟
ماجد:لاولووو انتو الخير والبركه احنا ايش نكون من دونكم
خالد:ههههههههههههه انا ادري ايش تكونو من دوننا هههههههههه
ماجد:ههههههههههههه الله يرجك
خالد:خلاص مجود اسيبك لشغلك واتصل عليا لمن ترجع اوكي
ماجد:ههههههههه اوووكي تامر امر يلا في امان الله

**انثى من الخيال** · 07-03-2010, 05:53 PM

خالد:الله يحفظك مع السلامه
ماجد وهوا يحط الجوال في جيبه ويطالع في نواف:ايش اللي اخرك مو قلتلك بسرعه اتأخرنا على الناس؟
نواف:عن مين كنت تتكلم وانتا تكلم خالد؟
ماجد بتريقه:عن ناس اعرفهم ويعرفونا
نواف بقهر:والله شكلك كنت تتكلم عليا طيب يامجود طيييب هادا انا اللي سايب دراستي وامي ومشاغلي وجي معاك تقول اني اكل واشرب وانام ولا اسوي شي طيب طيب يصير خير
ماجد:ياسلمممم ويعني انا اللي مو سايب شي وبعدين دا حلالك زي ماهو حلالي لازم تعرف كل شي عنه وتساعدني عشان نكبره وننميه والا مو كدا
نواف:اقول حرك بس حرك خلينا نروح نقابل الناس دولا وبعدين ليا كلام تاني معاك
ماجد وهوا يشغل السياره ويحركها:هههههههههههههه على امرك يابو كلام
وبعد يومين..
لمى:امجد مايصير كدا قولي على اللي فيك لييه تعاملني بي هالطريقه؟
امجد ببرود:طريقه؟؟ ليه ايش سويت؟
لمى:امجد هادا مو اسلوبك في التعامل انا اعرفك مظبوط يا امجد ماعمرك عاملتني بي هالبرود انا ايش سويت عشان تسوي فيني كدا غلطت في شي جرحتك بشي قلت لك شي ضايقك بليييز امجد قولي
امجد في نفسه هه قولي ايش ماقلتي يالمى قولي ايش ماقلتي..
امجد......
لمى بدأت تبكي:حرام عليك يا امجد حرام
وقفلت الخط بوجهه...
امجد بعد ماقفلت لمى حس قلبه يعوره مايقدر يسوي فيها كدا مايقدر يستحمل انه لمى تنزل دموعها مايقدر يفكر انه العيون الحلوه ديك تنزل دمعه منها ولا انها تتألم حرام عليكي يالمى حرام هدمتي الحب اللي كان ممكن يكون بيننا بكلامك حرام عليكي انتي مو حرام عليا انا خلاص مابيدي شي اسويه انتي اللي حكمتي وانا لازم انصاع لحكمك الظالم هادا...
لمى كانت كأنها تسمع افكاره وكلامه وتقول في نفسها انت الظالم مو انا...وماتدري ليه هالجمله جات في بالها..واستغربت هيا نفسها لانه هالجمله خطرت ببالها فجئه..وبدون ذكر مناسبة للظلم او شي زي كدا..
لمى وهيا بتموت من البكا:اه ياربي ساعدني ما ابغا اخسر امجد يارب لاتحرمني منه واصلح حاله وفقه يارب العالمين
امجد كان يقول في نفس الوقت:ييييييارب ساعدني وخليني اسوي اللي فيه الخير ليا وللمى
وفي هاللحظه دخل رامي على امجد...
رامي:امجد ايش بتسوي؟
امجد:ها ولا شي
رامي وهوا يقعد جمب امجد:مابتقولي على اللي فيك؟
امجد بإستغراب:ايش فيا بخير مافيني شي؟!
رامي:لا فيك ونص كمان
امجد........
رامي:امجد انت قد كدا تعتبرني غريب عنك؟
امجد بإستنكار:غريب في عينك اي غريب انت زي اخويا ويكفي انك ولد عمي ايش تبا اكثر من هالقرابه
رامي:طيب ليه تخبي عني اللي فيك؟
امجد وهوا يمثل دور اللي مو فاهم:انا..انا متى خبيت عليك شي مافي حاجه يابني لاتكبر المواضيع
رامي:ايوه صح مره صدقتك احنا اتفقنا اول انك تجي امريكا في الاجازه بين الترمين بس انتا قدمت السفر وجيت وسبت دراستك انا قلت يمكن طفشان وتبا تغير جو ولمن جييت ماشفت وجهك الا كم مره وقلت يمكن يبغا يتمشى لوحده ويغير جو جات فتره غبت فيها اسبوع قلت يمكن سافر بلده تانيه ونسي يقولي وبعد كدا تجي وتقعد اسبوع كامل في البيت وماتتكلم ولاتخرج بعد ماكنت تخرج كل يوم ايش الموضوع يا امجد مو عليا انا كل هاللخبطات وتقولي مافيك شي
امجد وهوا يتنهد:ايش اقولك خلاص ماعاد له لزمه الكلام
رامي:طيب حتى لو ماله لزمه قولي الله يخليك تراني مره قلقان واعصابي تلفانه
امجد:خلاص طيب حقولك بس لازم تتفهم موقفي
رامي:حتفهم والله بس قول
ويقول امجد لرامي بس على حكاية مرضه اما لمى ماجاب سيرتها ابدا لأنه يعتقد انه موضوع لمى شي خاص فيه لوحده حتى منى اللي يقولها كل شي هالموضوع بالذات محا يقولها عليه لانه بنظره فيه مهانه لذاته اللي رفضتها لمى..رامي كان يسمع مصدوم مو مصدق..كان رامي مو مستوعب مرضه بالسرطان..رامي كان يفكر يقول في نفسه..امجد فيه السرطان وانا ما ادري كييف كنت لاهي عنه الفتره هادي كلها كان قدام نظري يروح الدكتور ويتعالج وانا اللي احسبه يتمشى ويتسلى سوى عمليه وانا ماكنت جمبه عايش معايا في نفس البيت ولا اعرف شي عن الامه...يا الله قد كدا انا عديم الاحساس ولا خطر ببالي انه امجد تعبان او فيه شي...
امجد حس بصدمة رامي وحب يلطف الجو فقال:هييي رموي لاتنفجع انا بخير دحيين ومافيني شي
رامي:متأكد خلاص مافيك شي
امجد:ايوه طبعا متأكد مافيني شي الحمدلله
رامي وهوا يقوم ويجلس جمب امجد ويحط يده على كتفه:طب الحمدلله على سلامتك ياعم ومره تانيه اي شي يكون فيك لاتخبي علينا موضوع خطير زي دا
امجد وهوا يبتسم:يسلم قلبك يارب وان شاء الله تامر امر ولو كم رامي عندنا
رامي:هههههههه طبعا واحد واحلى واحد
امجد:ههههههههههههههه مشكلة الغرور
رامي:ههههههههههههه احلى غرور مدامه طالع مني
امجد:هههههههههههههه ياخطير
رامي واللي يوقف ضحكه ويتكلم بجديه كأنه افتكر شي مهم:طيب بترجع السعوديه ولاكيف؟
امجد وهوا يتنهد بضيق بعد ماكان يضحك:هييييييه تصدق مالي نفس ارجع مره
رامي بعدم إستيعاب:كيف يعني؟
امجد:ما ادري افكر اقعد كم اسبوع وابسط عمري
رامي:من جدك تتكلم؟
امجد:ايوه طبعا اجل من عمي
رامي وهوا يفكر:طيب دراستك واهلك ومنى اللي بتستناك عشان ملكتها؟؟
امجد واللي ظهرت لمحة حزن في عيونه قال في نفسه..ايش يسو كل دولا من دون لمى من دون حبها وحياتها وقبولها فيني كيف ارضا ارجع لإنسانه ماتحبني ومغصوبه عليا كيييييف قولي يارامي قولي...
امجد بضيق:انا مرتب كل شي
رامي حس انه في امجد في شي تاني غير موضوع مرضه بس ما حب يضغط عليه وقال له..
رامي:امجد انت حر في قراراتك بس اتمنى تفكر مظبوط قبل ماتتخذ اي خطوه...وراح رامي وساب امجد يفكر في دوامة حياته...
امجد طلع من الغرفه وراح للبلكونه وقعد فيها يتأمل السما ويفكر في حاله شاف القمر وحس بألم بصدره..وقعد ينشد القمر عن احزانه وقال في نفسه اي عذاب اللي ممكن يكون في الانسان بدي الطريقه..واي شعور واحساس بالتعب والالم يغمر قلبي المتعذب هادا..تعرف ياقمر معنى العذاب لمن تكتشف انه القلب اللي تحبه مايحبك...تعرف معنى العذاب لمن تنطعن من قلب اعتقدت انه في يوم ممكن يكون حبك...تعرف معنى الالم والاحباط اللي ممكن يجتاحك وانت في قمة فرحك وسرورك..
ممكن في لحظه تحس نفسك طاير في السما من كثر الفرح وفجئه تجي هبة ريح ماكنت تتوقعها وتطيحك من اعلى واجمل مكان الى اعمق واسوء مكان..
تعتقد انك في حديقه مليانه بالورود ومعاك اجمل واروع الروائح والمناظر وفجئه بيد تصفعك صفعه قويه وتقول لك شوف فين انت..فتلاقي نفسك في خلا فاضي ومكان موحش لأقصى درجه تتكلم وماتسمع الا صوت نفسك تصرخ بأعلى صوتك ومحد يسمعك غيرك..اقسى من هالالم اقسى من هالشعور اقوى من هالصدمه..انا عشتها..انا حسيتها.. انا انقتلت بيها.. انا مت منها وليها اه اه..تعرف ياقمر شعور الانسان اللي رايح يقابل شخص عزيز عليه جدا وشايل بيده له ورده حمرا ويقوله بكل صدق ومشاعر واحاسيس احبك والشخص التاني ماسك في يده سكينه ويطعنها في صدرك ويقولك اكرهك بكل قوه وجبروة..تعرف...تعرفو..احد في هالعالم يعرف...لالالا ماتعرفو ولا احد يعرف في هالدنيا غيري انا اللي عشت حياتي وقلبي ينشد للمى وانا مدري عنه..عشت ابني مستقبل مليء بالامل والنور وفجئه احد يوقفني عند حد ويغصبني على شي ما اباه...ولما اقبل بي هالشي واقبل وجوده بحياتي وابني امل جديد ونور جديد..الاقي ألم أشد واقع اقسى من اللي قبله واتعرض لمرض محد يعرف معاناته الا ربي..خبيت عن اهلي اخفيت المي وحزني وجيت اصارع الالم وحدي..وبفضل ربي ومعونته ليا قدرت ونجحت واتغلبت عليه..وفجئه اتذكر كلمة لمى...غصبوني عليه..عليه..عليه..فترة صمت..بين امجد والقمر..فكر امجد فيها بحاله اكثر...وحس انه تعبان تعبان..وكل الاهات اللي بالعالم ماتكفي قلبه الحزين..فبدأت افكاره تتزاحم في باله والكلام يروح ويجي وكتير من المواقف تمر قدام عينه...وبعض التفاسير اللي يحاول يفهم عقله فيها عشان يسكت انات قلبه الحزين لكنه كل مايلاقي تفسير لموضوع لمى يلاقيه يطعن قلبه زياده ويفسر رفضها له بشكل اكبر...امجد قال في نفسه محاول انه يوضح بعض الغموض اللي في باله انا ماحاولت في يوم اقرب من لمى لاني كنت واثق من نفسي وعارف اني مطيح البنات وكنت دايما اقول بيجي اليوم اللي بتطيح لمى فيه بحبي..بعدت عنها بحجة انها حتقرب مني ..لكن ولا في يوم اعطتني اهتمامها كنت دايما انقهر منها لانها ماتعبرني زي باقي البنات ويمكن هالشي هوا اللي ولد شرارة حبها في قلبي وهالشي اللي بعد المسافه بيننا كل السنين اللي راحت..دحين عرفت سر زعلي وتعصيبي يوم قالي ابويا لمى..لمى بنت عمك هيا اللي حنخطبها لك..عرفت انه زعلي وغضبي كان ناتج عن معرفتي في قرار نفسي انه لمى ماتباني ولا في يوم اعطتني لو شويه من اهتمامها..ويمكن كان دا الشي اهانه ليا وجرح في كرامتي لانه ولا بنت في الدنيا تقدر تردني او ماتعطيني لو قطره من بحر اهتمامها..
امجد....امجد بإختصار كان عايش دوامه مع نفسه قبل مايعيشها مع غيره..صدمة حب لمى كانت اقوى من اي صدمه ممكن يتلقاها في حياته..امجد طول عمره يحب الدنيا بكل مافيها ودايما يشوف الحياه باللون الوردي..لكن اليوم لمى صدمته ..بعد ماعشقها بعد ماحبها..بعد مامات فيها وفي ثراها...امجد وبعد تفكير طويل قرر قرار مهم جدا وقال في نفسه انه هوا دا الصح واللي لازم يصير واللي يصير يصيرر..
في جده...
نزل قرار امجد على الجميع كصدمه بعضهم اتقبلها كأمر عادي وبعضهم كانت اشد صدمه ممكن تقع عليه...
امجد قرر انه يكمل دراسته في امريكا ويكمل مشواره في تعليم الطب..وكما هوا معروف الطب مشواره طويل ودراسته اطول يعني الفتره اللي بيقعدها امجد حتكون ماهي قصيره..امجد مرعاة للظروف منى قرر يرجع يحضر ملكتها ويرجع امريكا بعد كدا...
((ردود فعل ابطال قصتنا تجاه قرار امجد))...
منى..اتضايقت كثير لمن عرفت الخبر لانها ماتقدر تبعد عن اخوها بس في شي طمنها انه امجد كان فيه شي وراح هالشي لانها اول كانت تحس انه امجد فيه شي خطير لكن دحين ماصارت تحس بي هالشي وشافت انه امجد يعرف مصلحة نفسه واللي بيختاره اكيد انه هوا الصح وكمان في شي فرحها وهوا انه امجد مانسيها وقرر يحضر ملكتها وراعى مشاعرها اللي كانت كلها امل انه امجد يكون معاها في يوم فرحتها..
رندا..كانت اسعد مخلوقه على وجه الارض لانه امجد بلغها بأنه اتعافا ولله الحمد وهادا الخبر كان اهم من اي شي عندها..صحيح انها اتفاجئت بموضوع دراسته لكن الامر ماكان عندها بهالاهميه من بعد موضوع المرض...
ام خالد...زعلت مره لانها ماتقدر على فراق ولدها وحبيب قلبها بس قالت في نفسها مدام هوا يبغا كدا انا محا اوقف في طريقه واللي يبغاه امجد يصير..
ابو خالد...كان زعلان مرره ومعصب من امجد لانه ماعمل له اي مكانه ولا قدره ولا استشاره لانه امجد فاجئ الكل وكان حاسم قراره ودا الشي ضايق ابو خالد مره وخلاه يتخذ قرار صارم اتجاه امجد ....
خالد...استغرب الموضوع في البدايه بس بعدين شافه عادي ودعا لأمجد بالتوفيق..
رامي...رحب بالموضوع خصوصا انه يحتاج ونيس له في غربته بعد ما اطر انه يقعد كمان كم شهر زياده عن المده المقرره له بسبب تأخره في السعوديه...
لمى...وما ادراك مالمى...لمى في البدايه فرحت بخبر شفاء امجد وكان دا الخبر اسعد خبر سمعته في حياتها..وقررت بعده انها تقول لأمجد عن حبها الكبير له...بس يافرحه ماتمت امجد من بعد ما اتعافا اتغير في معاملته للمى..ودا الشي كسر قلب لمى اللي كله حب وشوق لأمجد..لمى من كثر التفكير وصل تفكيرها انه امجد كان يعاملها بالطيب وباللطف لانه حس انه بيموت وعمل فيها خير وحب يترك ذكرى حلوه عندها ولمن اتعافا وربنا شافاه شاف انه مافي فايده منها ولا من معاملتها بالطيب ولقا الحياه مره تانيه بوجه جديد فنسيها ونسي وجودها في حياته...لمن انصدمت لمى من التغير المفاجئ في معاملة امجد حبست الاهات والانات والدموع في قلبها كثير لكن فاض بيها الامر..يوم كلمت امجد في اخر مره وكان بارد معاها لدرجه فظيعه ماقدرت تستحملها وهيا اللي كانت تتصل عليه وكلها شوق ولهفه عليه وهوا قابلها بهالجفاء والصد...لمى اللي جاتها فتره كانت فيها اسعد انسانه مع امجد..صارت انسانه وحيده...كئيبه..حزينه..ماتكلم احد وماتبغا تشوف احد..بس همها دراسته ورضا امها وابوها..صحيح المده ماهي طويله لدرجه تخلي لمى تغير حالها بس لمى من يوم سفر امجد وهيا منعزله عن الناس وعن العالم...وكمل عليها انعزالها وحدتها معاملة امجد الجافه..قرار امجد كان له وقع شديد في نفس لمى..لانها ماتتخيل حياتها من دون امجد ولو لفتره بسيطه فمابالكم بسنين وايام طويله...زعلت وتعبت نفسيتها اكثر من اول..لانه قرار امجد اثبت لها انها ماتعني له اي شي في حياته..واتخاذه لقرار مهم زي دا بدون مايشملها في حياته كبر لها فكرة انه امجد استغنى عنها ونسي الكلام اللي قاله لها في الرساله وانه ماعاد صار لها اي اهميه في حياته..
بإختصار لمى وامجد اتعذبو بسبب فهمهم الخاطئ للامور ولو كان كل انسان يقدر يشوف قدره في قلب التاني..كان محد تعب في هالحياه..
مرت الايام ومنى اتجهزت لشبكتها واتجهز الكل معاها لهالمناسبه السعيده..
مازن في هالفتره كان يحترق من شوقه لمنى لكن كان يصبر نفسه ويقول راح الكثير ومابقا الا القليل..
اما منى فكانت ظاهريا اهدء انسانه على وجه الارض تسوي كل شي بهدوء وبعدم قلق..تتجهز بفرح وسرور صامت..وهيا في الاساس من داخلها تصرخ بفرح وعدم تصديق..
منى قالت انها تبغا الملكه في البيت وتبغاها عائليه ومختصره..ودا الشي خلاها طول الوقت مشغوله تعدل وترتب وتنسق في البيت..غير كدا منى احتارت في الفستان كيف تختاره وكانت تبغا شي نعومي ومافيها شغل كتير لانه الوقت قصير كلها ثلاث اسابيع مايمديها ...ورندا ساعدتها في الاختيار فختارت لها نفس موديل فستان العروسه اللي في فيديو كليب من قال لك اني في البعد مرتاح ((حق اغنية نبيل شعيل لو كنتو شفتو الفيديو كليب يعني))وعجبها مره..فختارت تقريبا نفس القماش ودته عن افضل وافخم مكان عشان تخيطه في هالوقت اللي يعتبر قياسي بنسبة لفستان شبكه..
ورهف طبعا كان الفضل لها في كل شي يصير كانت تساعد منى في كل حاجه وكل يوم هيا مع منى يا في السوق يا ترتب معاها في البيت وتساعدها في كل شي..وكانت فرحتها ماتوصف لانها قدرت توفق بين قلبين اعز اثنين في حياتها...
في بيت ابو محمد..وبالتحديد في غرفة لمى..الساعه3.30العصر..
لمى كانت قاعده في غرفتها تسمع اغنية متى بتعود لفرقة ميامي
)تسمعها[/url] بكل حزن واندماج..
دخلت ام محمد عليها...
ام محمد:لمى يابنتي قومي اتجهزي انتي نسيتي انه اليوم ملكة منى
لمى واللي كأنها اول مره تسمع هالشي:ملكة منى؟؟ مو كأني سمعت قبل فتره انها بعد ثلاثه اسابيع متى غيرو الموعد..؟؟!!
ام محمد:ويي يا بنتي والله انك منتي في الدنيا وايوه صح نسيت كيف تعرفي شي وانتي حابسه نفسك في هالغرفه اربعه وعشرين ساعه الله يهديكي بس قومي اتجهزي اليوم الملكه مرت الاسبوعين وزياده وانتي مو داريه عن شي قومي يلا اللبسي وعدلي في نفسك شويه شوفي كيف صار وجهك اصفر وذبلان
لمى......
ام محمد عجزت منها طلعت من الغرفه بدون ماتتكلم...
لمى كانت تفكر في نفسها يا الله مرت ثلاثه اسابيع كامله وانا على هالحال والله نسيت الايام ونسيت طعم الحياه..الله يسامحك يا امجد الله يسامحك...وقامت لمى من محلها وراحت تتجهز..نسيت لمى انه امجد قال انه حيرجع من السفر عشان يحضر ملكة منى..وماخطر هالشي في بالها ابد..
في بيت ابو خالد كانت الدنيا مربوشه مره والبيت مقلوب فوق حدر...
ام مازن كل شويه تتصل على ام خالد عشان تتطمئن على الاشياء والسواقين رايحين جيين..ومي جات مع اولادها عشان تساعد امها لو تبغا حاجه...
رندا ماقعدت محلها دقيقه رايحه جيه رايحه جيه...كانه اليوم فرح مو ملكه..وكمان لانه الرجال حيسو الملكه في الحرم..وحيجو كلهم على البيت ويتعشو فيه..فكانت الترتيبات شغاله في البيت طول الوقت..
&&&&&&&&&&&&&&&&&&&&&&&&&&&&&&&&&&&&&&&&&&&&

**انثى من الخيال** · 07-03-2010, 05:54 PM

خالد المسكين اعطوه مهمة الاولاد اللي كانو قالبين البيت ويخربو كل شي يشوفوه في طريقهم..مي خلته ياخد فهد ومحمد واحمد ويوديهم يمشيهم في اي محل المهم يبعدهم عن البيت وكانت هالمهمه كافيه انها تصدع راس خالد المسكين اللي مايعرف يتصرف مع هالثلاثي المرح...
الساعه 3.45 في العصر...
دخل واحد من باب البيت مستغرب كل هالضجه والجنان اللي في البيت..مايشوف شي بس يشوف ناس رايحه جيه واشياء تنحط واشياء تنشال...ومحد منتبه لوجوده..
وفجئه يحس بيد تربت على كتفه..استغرب والتفت...وشاف احلى ابتسامه ممكن ترتسم على وجه بشر...
رندا وهيا مبتسمه بفرح وتحضن امجد:حمدلله على السلامه هلا والله ماني مصدقه شايفتك قدامي
امجد وهوا يحضنها:الله يسلمك ياقلبي كيف حالك يارندا وشو اخبارك؟
رندا وهيا تبعد نفسها عنه:بخير دامك بخير انت كيفك طمني عنك؟
امجد:انا تماموووووو الحمدلله ميه الميه هههههه...ويدور بنظره في البيت..الا بسألك هادا بيتنا والا انا غلطان في العنوان؟؟!!
رندا:هههههههههههههه لابيتنا بس زي منت عارف الملكه بتكون في البيت وحيكون في رجال وحريم واحنا شغالين ترتيبات تخيل انا صاحيه من الساعه سبعه الصبح والين دحين ماقعدت دقيقه على بعضها
امجد:اووه الله يعينكم يارب ها اذا تبو مساعده ولا شي انا في الخدمه
رندا:ههههههههههه لا ياعم مشكور انت بس ارتاح دوبك جي من السفر واكيد مرهق
امجد:لالا انا بومب مافيني شي انتو بس امروو كم منى عندنا احنا
رندا:ههههههههه طيب طيب لاحق على الشغل روح سلم على امي واهل البيت بعدين تعال نشوف لك شغله
امجد:ايوه صح امي نسيتها نساها الموت يارب امييييي امييييييي انا هنا
ام خالد كانت في الصالون وسمعت صوت امجد فطارت من الفرحه وخرجت تشوفه...
امجد وهوا يجري على امه ويسلم على راسها ويدها:وحشتيني يا اغلى واحلى ام بالدنيا
ام خالد وهيا تحضن ولدها بكل قوتها:وانت اكثرررررر حبيبي حمدلله على سلامتك
امجد مو مصدق نفسه انه رجع لبيت واهله وحضن امه بعد ما اعتقد انه راح يفقدهم للأبد
امجد:كيفك يا امي وايش اخبارك؟
ام خالد وتنزل دمعه من عينها:انا بخير وحكون بخير دامك جمبي وقدام نظري
امجد عورة قلبه هالكلمه فهم انه امه ماتبغا يسافر مره تانيه بس ماعلق وماحب يفتح هالموضوع لانه حاس انه حيتكلم فيه كتير بعد كدا...واكتفا انه مسح دمعة امه..واخدها وجلسو على اقرب كنبه جمبهم..
ام خالد وكأنها افتكرت شي فجئه:امجد رحت سلمت على لمى؟
امجد كأنه سمع شي غريب او شي خطأ مو المفروض ينقال:ايش؟؟؟
ام خالد:لمى خطيبتك وي شو فيك ياولدي سمعت انها مريضه مسكينه وحالتها حاله رحت سلمتها عليها ولا لسه؟؟
امجد عوره قلبه لمى قلبي مريضه سلامتها فيني ولا فيها ياربي...
امجد وهوا يحرك عينه في كل مكان الا عين امه عشان ماتلاحظ حزنه:حسلم عليها بعدين ولا يهمك المهم كيفكم كلكم وكيف ابويا فينه ما اشوفه؟
ام خالد:والله كلنا بخير الحمدلله وماكان ناقصنا الا شوفك وابوك عنده كم مشوار وبيجي بعد شويه
امجد:طب كويس اجل انا رايح اسلم على منى
ام خالد:لالا خليك منى فوق عندها الكوفيرا دوبها جاتها
امجد:ا اوكي مو مشكله حسلم عليها بعدين
ام خالد:بس لو تحب ترى رائد برى في مجلس الرجال قاعد روح سلم عليه
امجد:مي هنا كمان ماشاء الله
مي وهيا تدخل الغرفه:اكييييد مي هنا ليه ماتبا تشوفها ولا ايش
امجد وهوا يبتسم:لا ولوووو بالعكس نتمنى شوفها..ويقوم يسلم عليها..
مي وهيا تقعد جمبه:ها بشر مجود كيف كانت سفرتك ان شاء الله انبسطت
امجد:ايوه الحمدلله
مي:كويس
امجد:ايووووه صح فكرتيني فين بنتك اللي هلكتينا عليها خليني اشوفها
مي:هههههههههههههههه صح حتى انا نسيت دقيقه اجيب لك هيا
وتروح مي وتجيب لأمجد جوانا...
مي:امسكها مظبوط لاتطيحها
امجد وهوا يشيل جوانا ويسمي:بسم الله الرحمن الرحيم يالبوووووووووووو على النونووو ايس دا يامي مرره نتفه بنتك اول انتاج صغير الحجم هههههههههههههههه
مي:هههههههههههه الله يرجك والله عاد مدري عنها هيا طلعت كدا برغم اني كنت اتغذى كويس في فترة حملها
ام خالد بتريقه:ايوووه صح تتغذي كويس مررره مصدقينك..اي تتغذي واي خرابيط انا ماكنت داريه انك حامل وماقولتيلي ولا شي ولا حتى كان باين حملك بطنك قد ايش كان صغرها وتقوليلي تتغذي والله لوكنت ادري ماكنت سبتك كدا
مي:ههههههههههههههه خلاص يا امي هلكتيني لو كنتي تدري ولو كنتي تدري حرام عليكم خليتوني اندم اني عملتها مفاجئه طول الوقت تحطمو فيا
ام خالد:ياحبيبتي المفاجئه مو في هالاشياء
مي:هههههههههه طيب طييييييب يا امي انا اسفه خلاص ما اعيدها اوعدك
ام خالد:لابتعيديها بس تعديها واحنا نعرف مو تخبي علينا
مي:هههههههههه طيب على امرك ولاتزعلي
امجد كان مشدود مع جوانا اللي حجمها مرره كان صغير بس شكلها مرررره طعووم ولزوز وحتى كان فيها شبه كبيرر من لمى ودا الشي شد امجد..
مي لاحظت نظراته:تشبه لمى مو؟
امجد وهوا يبوسها على خشمها:ايوه
مي حست في لمحة حزن في عيون امجد وعرفت انه هالشي يخص لمى لانه لمى حالها مو طبيعي من يوم ما سافر امجد وامجد كمان حالته مو طبيعيه وقالت في نفسها اكيد في شي بينهم..
بعد نص ساعه جو اهل ابو جابر..وكانت معاهم طبعا منال..
امجد اطر انه يخرج من البيت وراح للمجلس الخلفي حق الرجال وسلم على رائد وقعد معاه..بعد شويه دخل ابو خالد المجلس وشاف امجد وعصب وطلع...امجد استغرب تصرف ابوه بس سكت وقال حيشوف بعدين ايش به..
المهم انقضا الوقت ولمن صارت الساعه 9.30 في الليل..بدأو الناس يجوو واكثرهم كانو الاهل والاقارب وماكان في احد غريب..حتى منى ماعزمت كل صديقاتها ماعزمت الا لجين وكم وحده غيرها...ورندا نفس الشي ماعزمت الا مها..ورهف صديقاتها هما نفس صديقات منى فما عزمت احد زياده...المهم لمى كانت طول الوقت من العصر تتجهز وتعدل في نفسها ولمن اذن العشا امها راحت وسابتها لانه لمى مامداها تخلص..وقررت تروح مع السواق..
منى كانت قاعده في غرفتها ومعاها رهف وبدأت تتوتر لانه الرجال خلاص ملكو في الحرم وقبل شويه كانت تكلم خالد على الجوال واللي خلاها تكلم الشيخ وتقوله انها موافقه على مازن..
رهف:منى بلا بياخه ماله داعي كل هالتوتر طول الايام اللي فاتت وانتي هاديه دحين شو صار فيج؟
منى:حرام عليكي رهووف والله اني خايفه
رهف:خايفه من شنو؟
منى:خايفه من ا من ما ا ادري رهووف خلاص سيبيني في حالي
رهف:ههههههههههههههه الله يهديج اذا كنتي خايفه من اخويا فترى مازن طيوب وحبوب ويحبج لاتخافي مابياكلج
رندا واللي دخلت الغرفه وسمعت اخر الحوار:هههههههههههههه ها منى اشوفك صرتي خوافه
منى:ياربي هادا وقتكم لاتتريقو عليا حرام عليكم والله حسووو فيني
رهف ورندا:ههههههههههههه مسكيينه
في الطريق...
رائد كان في سيارته العمان..ابو محمد وابو رامي وابو جابر..
وفي سيارة خالد..جابر وابو خالد..
وفي سيارة امجد..عبد الرحمن صاحب خالد وامجد ومحمد صاحب رائد...
وسياره باسم اللي كانت مزينه بأحلى زينه..فيها ابو مازن ومازن وناصر..
وكانت في سيارات تانيه منها من اهل منى وسيارات تانيه من اهل مازن..
كان كل هالموكب متوجه لبيت ابو خالد..وانواع دق البواري ((البواري جمع بوري وما ادري شو تسموه بس هوا الصوت اللي يطلع من السياره<<ماهي عارفه تشرح)) في الشارع وكان هالموكب من السيارات ملفت للنظر لانه سيارة باسم اللي فيها مازن في النص وكل السيارات من حولها وتطلع نفس النغمه في البوري..وفي سيارة امجد كان عبد الرحمن يصور وقاعد في السياره يصور بما انه سيارة امجد كشف المهم كانت الاجواء روووووعه وولا احلى...
فجئه منى قلبها بدء يدق لانها سمعت اصوات السيارات قريبه من البيت...
منى:ميييييييييي ميييييييي
مي وهيا تفتح الباب:هلا منونا
منى:شو هالاصوات؟؟
مي وهيا تغمز لها:ماتعرفي هالاصوات؟
منى:ميي بلييييز شو هالاصوات؟
مي:ههههههههه وصلوو ياذكيييه
منى:ياربيييييه
مي:ههههههههههههههه الله يعينك
منى:ميي بالله عليكي كيف شكلي مرتب؟؟
مي: وهيا تطالع فيها من فوق لتحت وتغمز لها:قمرررررررر 16 مو بس 14 الله يحفظك ياقلبي
منى عيونها بدأت تدمع..
مي وهيا تروح جمبها وتمسك يدها:يؤيؤيؤ لييييه الدموع يامجنونه لاتخربي المكياج
منى:ماني مصدقه يامي ماني مصدقه
مي:هههههههه لاصدقي صدقيييي ياقلبييييييي بس بلاشي الدموع لسه الناس ماشافوكي حرام تضيعي تعب الادميه اللي قعدت تشتغل فيكي من العصر
منى وهيا تحاول تمسك نفسها:اوكي بحاول
مي قعدت تطالع في منى بفخر وتقول في نفسها..هادي اختي حبيبتي كبرت وانخطبت يا الله يادنيا منى كبررت وانا كبرت والحياه مشيت بسرعه مين كان يتصور منى اللي تلعب قدام عيني وتاكل حلاوه وتجي تنام في غرفتي لمن تخاف تتزوج وتصير حرمه كبيرر ولها زوج وفي القريب اولاد الللله يادنيا شفنا اللي ما اتوقعنا في يوم نشوفه الحمدلله الحمدلله...
منى حست بدمعه تنزل من عيون اختها فطالعت فيها برجاء:ميويييييي قولتيلي لاتبكي تقومي انتي تبكي حرام عليكي
مي وهيا تحضن مني:الف مبروك حبيبتي الف مبروك
منى وهيا مو مستوعبه وتبعد مي عنها وتطالع فيها بغباء:مي يعني خلاص انا دحين اعتبر زوجة مازن خلاص مافي شي ممكن يوقف الموضوع
مي وهيا تمسح دمعتها وتضحك على اختها اللي للحين ماستوعبت الوضع:ايييوه يامجنونه خلاص انتي دحين حرم مازن جميل ال... ايش تبي اكثر من كدا
منى بتفكير:امممم ولاشي
مي:هههههههههههه لا والله
منى:اييييه والله
وفجئه يسكتوو بعد ما سمعو صوت السيارات وهيا تدخل الحوش..
منى بخوف:ميييي
مي وهيا توقف:اوه منى انا لازم اروح يلا برسلك رهف ولا رندا باي
وطلعت مي وسابت منى لحالها...منى وقفت جمب الطاقه وقعدت تطالع وتدور بعيونها على مازن بين كل هالرجال فجئه شافت واحد خرج من سياره سودا وكل الرجال حوالينه ابتسمت منى برغم انه ملامحه مو باينه بس قالت اكيد هادا مازن..
منى كان شكلها رووووووعه لابسه الفستان اللي طلع خطيرررررر عليها وكان لونه بيج والخرز والاشياء السبيطه اللي فيه لونها بنفسجي غامق وحركة الشال طلعت عليها تجنننن
والكل مدح ذوقها وذوق رندا طبعا في الاختيار...كانت ببساطه ملاك يمشي على الارض والهدوء الطبيعي اللي على وجهها اعطاها لمسه سحريه رووعه..
في هالوقت برة في الحوش وصلت لمى المتأخره واللي كانت فرحانه لفرحة منى ومبسوطه عشانها..بس مكسوفه انها جيه متأخره وهيا بنت عمها والمفروض تكون معاهم وتساعدهم في الترتيبات...دخلت الحوش وشافته مليان رجال فخافت ياووويلي لو شافني رائد بيقتلني وراحت على الطرف وحاولت تمشي بسرعه وتطالع في الارض لانه فستانها طويل وخايفه تتنعقل وتطيح.. وفجئه وهيا مو منتبها للي قدامها صدمت بشي...

**انثى من الخيال** · 07-03-2010, 05:55 PM

*&*الجزء التاسع والثلاثون*&*
لمى لمن انصدمت بالشي اللي قدامها طاحت طرحتها وبان وجهها...
.........:هييي انتي ايش جايبك هنا
لمى رفعت عينها وانصدمت بلي تشوفه معقوله معقوله...امجد قلبي...لمى كانت مرره ناسيه انه امجد حيرجع اليوم من السفر...قعدت تطالع فيه مو مصدقه تقول في نفسها امجد..حبيبي.. وحشتنيييييييييييييييييييي وحشتني ياحبيبي والله وحشتني..
امجد لمن شافها وشاف عيونها اللي كان باين فيها العذاب حس نفسه حيدوخ اه يالمى فيييييييييييييييينك عني كل هالفتره اللي راحت اه ياقلبي لمى قدامي...اتلاقت نظرات امجد ولمى وعيونهم اللي كان باين فيها العذاب وكل واحد يشكي لثاني حاله وحبه وشوقه الكبير..طالعو لمى وامجد في بعض كأنهم ماعمرهم شافو بعض كل واحد يحس انه يبا يرمي نفسه في حضن التاني عشان يرتاح وجات في بال امجد كلمات اغنية لمني لراشد الماجد..
لمني في محجر اعيونك حبيبي وخلني..........خلني اشوف نفسي في عيونك واطمأن
دامك سلهمت بالرمش الضليل تفلني........لعن بو ذا الرمش كيف اني من اسبابه اجن
ولمى كانت تحس بالشوق يطفر من عيونها..وحست ان دموعها حتنزل...
بعد لحظه او دقيقه او ساعه او حتى سنه مدري كم مر من الوقت انتبه امجد انه الرجال لاحظو وقفتهم وشافو لمى ولمى كان وجهها مكشوف فجرها ودخلو في منطقه صغيره جمب البيت عشان محد يشوفها..ومن صغر هالمنطقه كانت لمى لاصقه في امجد وامجد كان ماسكها بيدينه...
لمى ارتجفت من هالقرب وعيونها بدأت تتجمع فيها الدموع وقلبها يدق بقوه ..لمى تقول في نفسها امجددد كنت بعيييييييييييييد عن عيني كل هالايام لكن الدنيا ردتك ليا وفين في هالمكان انا وانتا اه يا امجد اه وحشتنيييييييييييييييييييييييييييييييييييييييييي ياظالم وحشتني..جات لمى تبا تقوله وحشتني..
لمى:امجد انا ...يقاطعها..
امجد بعصبيه:ايش انتي ماتستحي على وجهك ليكي وجه تتكلمي كمان..جيه جمب الرجال ولا كاشفه وجهك كمان ماعندك اخلاق لو ماتخافي على نفسك خافي على سمعة اهلك
لمى انصدمت وصنمت من كلامه..حست نفسها كأنها اخدت اقوى كف وصفعه ممكن احد ياخدها في حياته..
لمى:لالا امجد انا
امجد وهوا يستنشق ريحة عطرها اللي اتشعبت في كل خليه في صدره ويتكلم بهدوء بعد عصبيته ويطالع في عيونها المصدومه:لا انتي ولا انا ادخلي عند الحريم بعدين نتفاهم
لمى ماهي مصدقه نفسها كانت في قمة فرحها انها شايفته ومشتاقه له موت وهوا يعاملها بي هالطريقه وبدون ماتحس في نفسها نزلت دمعه كبير من عينها بهدوء وبدون ماترمش عيونها...
امجد لمن شاف دمعتها عوره قلبه وعرف انه اتسرع في ردة فعله كالعاده بس ماقدر يمسك نفسه يشوفها متزينه وباحلى زينه وكاشفه وجهها والرجال يشوفوها تمشي قدامهم ماقدر يستحمل انه احد يشوفها غيره...
امجد وهوا يتنهد بضيق:لمى قلتلك روحي ادخلي جوه بعدين نتفاهم
لمى قفلت عيونها بعد ماجا نفس امجد عليها وخلى كل شعره في جسمها توقف..ونزلت عيونها في الارض وقالت له:شكرا
امجد بإستغراب:شكرا على ايش؟
لمى بصوت مرتجف:على كل شي
وغطت لمى وجهها وراحت بسرعه البرق قبل ماتسمع رد امجد واللي كانت متأكده انه ماراح يقل قسوه عن اللي قبله...
امجد وقف متجمد في مكانه ويطالع نفس المكان كأنه لمى قدامه يقول في نفسه..ليه قالت كدا....لييييه...ليه كانت عيونها كدا.. ليييه كل هالعذاب اللي في عيونها معقوله انها زعلانه لانها شافتني...اه اكيييد كانت طول الوقت اللي راح مفتكه مني ولمن شافتني اتضايقت...اه يالمى لو تعرفي قد ايش اشتقت لك..اه ياناس احس قلبي بيطلع من صدري...جا امجد بيخرج من هالمكان اللي مدري كيف كفاهم هما الاتنين افتكر اللحظات اللي مرت قبل شويه..لمى لمى قبل شويه كانت بين يدي كانت جمبي كانت قرييبببببه مني وفي حضني..شفتها.. شميت عطرها.. لمستها.. كلمتها.. سمعت صوتها.. شفت عيونها.. اه ياقلبي كيف حتتحمل بعدها عنك يوم من بعد اليوم ..اعتقدت اني نسيتها بس فيييين انساها هادي القلب والحياه وعمري كله اه يالمى اه كيف انساكي يا قلبي كيف انسى حياتي وعمري احد يقدر ينسى او يفغل عن قلبببه وحياته قوليلي كييييييف انساكي...وفجئه سمع خالد يزهمه ويقول بصوت عالي امجد امجد..
امجد وهوا يفوق من افكاره:طيييب طييب جي
ويروح امجد ويوقف مع الرجال واللي في وسطهم الجسيس بيجس ويغني الموال...((
وبعدين جا جسيس تاني من اهل مازن وغنا هالموال ..
والكل كان منطرب معاه ومبسوطين وخصوصا مازن اللي مو مصدق نفسه وحاسس نفسه طاير من الفرحه..مازن في نفسه..يا الله مو مصدق خلاص منى ملكي مناي ليا ياه يامنى واخيرا والله ماعتقدت في يوم اننا بنكون لبعض الحمدلله الحمدلله اشكرك يارب حققت ليا مناي...كانت البسمه مرسومه على شفاه مازن ومافرقته..والكل لاحظ مدى سعادته ودعو له بالتوفيق مع منى...الكل كان مندمج ومبسوط الا اثنين..امجد اللي يفكر بحاله مع لمى...ولمى اللي دخلت البيت حزييينه على عكس ماجات دخلت لقت ناس كثير..فطلعت على طول فوق غرفة منى...
طق طق....
منى:ميين؟
لمى وهيا تفتح الباب وتطل براسها وتبتسم:سلام يا عروسه
منى وهيا تشهق :لمو حبيبتي فييييينك انتي عني
لمى وهيا تحضن منى بكل حب وموده:وحشتيني الف مبروك حبيبتي
منى وعيونها تدمع:كدا يالمى ما اشوفك من يوم ما سافر امجد لاتكلميني ولا شي
لمى وهيا تنزل راسها وتطالع في الارض:انا ادري يامنى اني غلطانه انا المفروض اني اول وحده اكون جمبك واساعدك في الترتيبات بس انا نفسيتي الفتره الاخيره كانت تعبانه مره انا ادري يالغاليه اني مقصره بس...وترفع عيونها وتطالع في منى اللي تسمع بصمت...وتنزل دمعه من عينها..منى انصدمت لمن شافت عيون لمى كانت تحمل عذاب واضح ودموع كثيره محبوسه في عينها الا هالدمعه الوحيده اللي هربت قبل شويه..
منى مسكت يد لمى واشرت بيدها التانيه على انها تسكت:خلاص اشش مايحتاج ما ابغا اعرف شي يكفي انك معايا دحين
لمى وهيا تبتسم برقه:معليه حتى اليوم جيتك متأخره بس اصلا ماعرفت انه الملكه اليوم الا في العصر ومامداني اظبط نفسي لمن جاتك ماما و
منى:ياربيييه قلتلك خلاص اششش ما ابغا اسمع شي كفايه اني كنت محتاجه احد يكون جمبي والكل راح وسابني وانتي جيتي وانقذتيني من هالوحده
لمى سكتت وطالعت في منى دوبها تنتبه للشياكه والنعومه والرقه اللي هيا فيها...
لمى:الللللللللله خطيره منونا ماشاء الله الله يحفظك طالعه روعه
منى وهيا تطالع في لمى من فوق لتحت:بسسس ياشيخه شوفي نفسك انتي تبي تغطي عليا انتي كمان مو كفايه رندا اللي متشيكه على الاخر
لمى كانت لابسه فستان اسود حريري طويل وساده وماله اكمام ولا له حملات عليه شال احمر خطير طالع عليها جنان خصوصا انها رافعه كل شعرها ومنزله بس خصلتين من قدام وعامله مكياج احمر واسود روعه كالعاده مبين جمال وسع عيونها بإختصار لمى كانت تسحر اي احد ممكن يشوفها...
لمى ابتسمت بوهن على اطراء منى اللطيف...
لمى:لا ولو انتي اليوم قمرنا ماعاش من يغطي عليكي
منى واللي تتحول ملامحها للإرتباك:لمى انا خايفه مدري ليه انتي كدا كان شعورك يوم ملكتك؟
لمى افتكرت يوم ملكتها وكيف كان عذابها فيه..ظهرت لمحة الحزن في عيون لمى..ولاحظتها منى وعورها قلبها..
منى وهيا تمسك يد لمى:لمى فيه شي؟؟صار شي بينك وبين امجد؟؟
لمى وهيا تهز راسها في محاوله منها انها تنسي امجد لو ثانيه:لالا ماصار شي انتي اليوم لاتشغلي بالك في شي ابدا اليوم يومك ياختي مين قدك..وتغمز لها..
منى سرحت...تفكر ياترى مازن مبسوط فرحان قد فرحتي؟؟...اشتاق لي...زي ما انا مشتاقه له....كيف حيتقبل شكلي..حشوفه ياربي ما اتخيل باشوفه ويشوفني..
لمى طالعت فيها وابتسمت بأحلى ابتسامه في الكون وقالت في نفسها الله يسعدك يامنى الله يسعدك...وبدون ماتدري منى اتسحبت لمى وطلعت من الغرفه لازم تنزل تسلم على الناس ولا شو بيقولو عنها..ومنى لو شافتها محا تخليها تروح...
اول مانزلت لقت منال شايله محمد ومحمد بيبكي...
منال بإختصار كان شكلها شيك مرره وطالعه جنان...
لمى ابتسمت لمن شافتها وقالت في نفسها ماشاء الله...
محمد وهوا يبكي:ماما منال ابا نام
منال وهيا تبتسم:طيب كل دا البكا عشان تبا تنام كان قلت من اول وريحتنا
لمى وهيا تقرب من منال:مرحبا
منال وهيا تلتفت للمى:اهليييييييييين وسهليييييين بالقمر هلا والله هلا
لمى وهيا تسلم على منال:هلا فيكي ياقلبي كيفك؟
منال:الحمدلله انتي وش اخبارك؟
لمى:والله ماشي الحال
محمد:ماما تئبان((تعبان))
لمى وهيا تبوس محمد:فدييييييت التعبانين انا كيف حالك حمودي؟
محمد وهوا يتجاهلها:ماما منال حليني اتلع العلفه ابا انام
لمى:هههههههههههه طيب حمودي تخصرني
محمد وهوا يطالع فيها بتعب:ايث تقولي؟
لمى:ههههههههه ولاشي سلامتك
منال وهيا تمشي:يلا لمو دقايق بس اطلعه غرفته وانومه وارجع لك
لمى:اوكي براحتك
وراحت منال فوق لغرفة محمد عشان تحطه في سريره وتنومه..اما لمى فراحت سلمت على الحريم وساعدت بشوية ترتيبات بسيطه عشان تثبت وجودها وانها على الاقل سوت شي...
برى عند الرجال...
مازن:نصور قلهم ابا ادخل اشوفها
ناصر:ياخي اركد فشلتنا
مازن:ياربييي يانصور ماني قادر استحمل بليز قوم اتصل على رهف قلها تقولهم ابا ادخل
ناصر وهوا يوقف:افففففف منك عريس ولازم نستحملك ايش نسوي
مازن:ههههههههههه فديت روحك
ناصر طلع برى هالمجلس الكبير واللي كان فخم ومرتب ومزين بأحلى شكل..
ناصر وهوا يكلم رهف:الوه
رهف:ناصر الجوال فاضي حيفصل ترى
ناصر:اسمعيي اطلعي برى ابا اق...فصل
رهف:يوه ياربي فصل
ام مازن:رهف خير شو فيج؟
رهف:ماشي ماشي...وتروح رهف تدور جوال لانها ماسمعت ايش قال ناصر اخر شي..
وشافت رهف رندا واقفه تكلم كاكي..
رهف:رندا حبيبتي انتي عطيني جوالج؟
رندا:اممم والله مدري فينه تصدقي
رهف وهيا تبوز:يوه بس اباه ضروري
رندا وهيا تحاول تتذكر فين حطته:امممممممممم ايه افتكرت عند المسبح على طاولة البوفيه
رهف:اها اوكي بستعمله وارده لج
رندا:عادي خدي راحتك
وراحت رندا تقعد مع الحريم...
اما رهف راحت لبست عبايتها وراحت عند المسبح وشافت كيف هوا مرتب ومنظم وفيه طاولات منثره في كل مكان..وطاولت البوفيه الطويله ممتده من اول المكان لأخره..ابتسمت رهف على الفخامه والعز والكبر اللي فيه هالبيت وقالت في نفسها..الله يسعدهم ويزيدهم من نعيمه..
وراحت تدور على الجوال..في كل مكان..وبينما هيا بتدور...في واحد كانت عيونه عليها مو مصدق هالملاك اللي قدامه...ملاك يسحر قلب اي احد برقته وشكله الملائكي..
رهف كانت حاسه بيعون تراقبها وخافت لانه مجلس الرجال قريييب من هنا وخافت يكون احد جا على هنا بالغلط...وفجئه شافت الجوال على طاوله من الطاولات راحت لعنده بسرعه وسحبته وجات ترجع للبيت..
............:لحظه
انتفضت كل خليه في جسم رهف من هالكلمه ومن هالصوت...الصوت رجالي يعني صدقت شكوكي ياربي ساعدني...وعلى طول وبسرعه حركت رهف يدها وعدلت طرحتها على راسها وحاولت تتلثم بس ماقدرت لانه الطرحه صغيره وشفافه ومالها داعي..وسرعت خطواتها تبا تدخل البيت بأي شكل...بس هالشخص ماسابها في حالها...
............:رهفففففففففففففففف
لحظه من الصمت والصدمه خلت رهف زي الريشه اللي في مهب الريح..كانت حاسه نفسها حتدوخ او حتطيح على الارض في اي دقيقه..مو لان الصوت رجالي..بس لان اللي نطق هالصوت...هوا قلبها..
التفت رهف بسرعة البرق...وشافته وشافت نور عيونها وقلبها...ماجد...
ماجد وهوا يقرب منها:ماني مصدق عيوني يارهف ماني مصدق عيوني انتي قدامي بعد كل هالمده
رهف انتفضت من خطواته اللي متجه تجاهها..
ماجد لاحظ صدمتها وابتسم..
رهف بهمس:ماجد
ماجد بصوت ذوب رهف:ايوه ياعيون ماجد
رهف انتفضت وماصدقت اللي تشوفه..اخيرا ماجد قدامها اخيرا...ياربي قد ايش اشتقت له هالشخص..
ماجد من كل قلبه:حبيبتي وحشتيني
رهف سكت عيونها وحست الدنيا تدور فيها..لاه هادا ناوي عليا اليوم...استجمعت قواها وقررت تدخل البيت مايصير توقف معاه هالوقفه لو جا احد وشافهم بتكون فضيحه..
بس ماجد بحركه اندفاعيه ومتهوره مسك يدها:دقيقه خليكي بس دقيقه
رهف انصدمت منه ودارت وجهه له وطالعت فيه بغرور من فوق لتحت وبنظره تقتل ماجد...
ماجد في نفسه ياويل حالي على هالنظرات..
رهف سحبت يدها منه وقف تنتظر اللي بيقوله...رهف في نفسها كانت فرحانه لانها اخيرا شافته بس كانت في نفس الوقت مقهوره منه لانه غاب عن حياتها كل المده اللي راحت...وكمان لانها وعدت مازن انه مايحصل اي شي بينه وبينها..بس دحين هيا ماهي قادره تتصرف ولاتتحرك ماجد اسرها اسرها بحبه وعطفه وقلبه..ماهي قادره تتحكم في نفسها ..تبا تروح تسيبه احتراما لأخوها واهلها..بس ماهي قادره لسه ماشبعت عيونها منه تحبببببببه ياناس تحبه...
ماجد كان حاس بفرحه ماقبلها ولا بعدها...اتمنى ماجد هاللحظه من زمان..وماعتقد بيوم انها ممكن تتحق..فرحته بشوفة رهف مابعدها فرحه..ماجد لمن شافها ارتعشت كل خليه بجسمه وصنم لدقيقه بس بعدين حس باللي يسويه وافتكر العهد اللي اخده على نفسه وقرر يروح بس لمن شاف رهف رايحه ماقدر لسانه يسكت خانه ونطق بكلمة لحظه...وبعد كدا لمن راحت البيت رجوله خانته وخلته بدل مايروح لبعيد يروح لها...مايقدر يمنع نفسه انه يحبها مايقدر يستحمل يشوفها قدامه ولا يسمع صوتها ويكلمها..
رهف حست نفسها حتضعف وتكلمه وتقوله اشتقت لك او احبك او اي شي..ففضلت انها تجبر نفسها وتدخل جوه...بس ماجد وقفها قبل ماتحرك من مكانها..
ماجد:رهف انتي خلاص نسيتيني ولا ماتبي تكلميني؟؟
رهف اتقطع قلبها من كلامه..حرام عليك ياماجد انا انساك وما اباك اكلمك حرام عليك لاتظلمني...
رهف اتجمعت الدموع في عينها وقررت تروح غصب طيب...
ماجد بصوت كله رجاء:ارجوكي لاتحطمي قلبي خليني اروي شوقي واملي عيني من شوفك
رهف في نفسها حرام عليك ماجد ما اروم استحمل هالكلام ما اروم...
ماجد بكل حب:رهف
رهف وجهت نظراتها له وبالتحديد لعيونه وقالت بكل رقه:نعم
ماجد:انتي زعلانه مني؟
رهف:مدري عنك انت سويت شي يزعلني؟
ماجد بقهر:رهف بليز لاتعالميني بي هالاسلوب انا ماصدقت اشوفك
رهف حنت عليه مسكييين حبيبي مستحملني وانا اتغلى عليه...
رهف ابتسمت بحب:لا ماني زعلانه بس مشتاقه
ماجد ماصدق اللي تسمعه اذنه وطار من الفرح...
ماجد:اخيرا ماني مصدق انتي مشتاقتلي انا انا يارهف
رهف ضحكت عليه مسكييين يجنننن وهوا فرحان...
رهف وهيا تبا تحطمه:انا ماقلت مشتاقه لك
ماجد وهوا متحطم:افا خلاص يعني ماعاد صرنا ننفع يالله لنا الله
رهف ضحكت بدلع على شكله الكسير:ههههههههههههههه
ماجد فز قلبه من هالضحكه:ياويلي حرام عليكي رهوف ارحميني
رهف كانت حاسه نفسها بتموت من الفرح ماجد حبيبها قدام عيونها ويكلمها....
ماجد انتبه للي بيصير انا ايش بسوي صحيح اني احبها ومشتاق لها بس انا وعدت نفسي اني ما اكلمها عشان اخوها واهلها مايصير اخون عهدي وصداقتي لأخوها اعوذ بالله منك يالشيطان..خلاص انا كلمتها بما فيه الكفايه..
رهف سكتت كانت تتأمل في وجهه من زمان ماشافته تبا تحفظ شكله وصورته في بالها..مشتاقه له موت بس ماتقدر تفضح شوقها ولاتقوله عليه..صحيح هما احباب وكل واحد فيهم عارف مقدار حبه عند الثاني...بس لكل شيء حدود...
ماجد:خلاص يارهف روحي ادخلي جوا
رهف فاقت من سراحانها على كلامه معقول مايبا يشوفني ويباني اروح...
رهف:ليييييييه؟
ماجد:مو دوبك كنتي تبي تروحي خلاص يلا روحي
رهف بزعل:خلاص طفشت مني
ماجد بتريقه:صراحه ماعرفنا لك دوبك ماتبي تكلميني ودحين ماتبي تروحي
رهف ضحكت:هههههههههههههههه اوكي خلاص بروح
ماجد حس قلبه وروحه هيا اللي بتروح مو رهف جا بيقولها لا..بس لسانه خانه...
ورهف اتحركت قدامه وراحت وقبل ماتدخل البيت طالعت فيه وابتسمت ابتسامه تذوب ماجد وتخليه يموت فيها اكثر واكثر...
ماجد في نفسه ياربييييييييييييييييي عليها احبها ياناس لو اصرخ في كل هالكون اني احبها مايكفيني....
لمن دخلت رهف البيت كانت رجولها ماهي شايلتها من الفرح تحس نفسها تطير مو بتشمي شافت كرسي قريب من الباب راحت و قعدت عليه ومن الفرحه ماقدرت تسوي ولاشي بس قعدت ساكته وتفكرر وتسترجع كل لحظه صارت قبل شويه...
رندا وهيا تقرب من رهف وتلاحظ الفرحه اللي في عيونها:بو
رهف وهيا تمسك قلبها:بسم الله الرحمن الرحيم شو فيج رندا؟
رندا وهيا تضحك:هههههههههههههههه ولا شي ها لقيتي الجوال؟
رهف وهيا تتذكر ناصر:يوه نسيت اكلم ناصر دقيقه معليه حبيبتي ماكلمته
رندا طالعت في رهف بإستغراب مين ناصر هادا انا اعرف انه رهف ماعندها اخوان الا مازن وعبد الرزاق...**
رهف وهيا تكلم ناصر:الو ايوه ناصر شو تبي؟
ناصر وهوا مستغرب من الرقم:رقم مين هادا؟
رهف وهيا تطالع في رندا وتتكلم بخبث:بعدييين اقولك
رندا استغربت نظرات رهف بس سكتت وراحت عنها يمكن في امور خاصه بينهم مايصير تقعد تسمع..
رهف وهيا تطالع في رندا اللي رايحه:هههههههههههههههههه

رواية عمق القلوب...كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget