تويت
الرد علي الموضوع
مشكووو علي الموضوع
مشكووو علي الموضوع
-
-
العفو حبيبتي وربي اسعدني مروركتعليق
-
البارت الثامن ..
يا صدمتي في أكثر " أحبابي " ..
ويا خيبة "" ظنوووني "" ..
يا ضيق صدري .. لا ذكرت إني عليهم ما كذبت ..!!
ياطعنةٍ خلتنيي أنسى من سبايبها طعوني ..
ياجرحٍ ماله :..: طبَّ :..:
حتى لو أقول اليوم {.. طِبتً ..} ..
\
/
\
يوم الجمعه – الدمام – حي الفيصليه ..
رجع من المسجد وهو بكامل كشخته وأناقته مع أخوه ..
دخلوا البيت لقوا امهم جهزت الفطور عشان أخواتهم لسى ما أفطروا ..
وهم طلعوا للصلاه بسرعه بعد ماشربوا شاهي بس ..
دخل سلم على راس امه هو واخوه وجلسوا ع السفره بعد مانادتهم امهم ,,
كانت الفرحه تنطق من عيونهم ..
والراحه تظهر على اشكالهم ..
جلسوا كلهم حول السفره ..
هو برأس السفره وأمه على يمينه وأخوه على يساره وخواته قدامه جنب بعض ..
جلسوا يتكلمون عن ايش الخطبه اليوم بالمسجد ومين شافوا من الجيران واللي يسال عن فلان واللي يسلم على فلان ..
سكتوا شوي وقالت أمهم بصوت فرحان كثير : أقول يمه عزام ..
لف على أمه وبعيونه نطرات حنونه : لبيه يمه ..
قالت وهي تطالع ب ساره اللي تفطر ولا تدري وش الدنيا فيه ..: عندي لك خبر حلو ..
طالع عزام الجهه اللي تطالع فيها أمه وقال بإبتسامه حلوة : سمي يمه وش الخبر .. فرحينا ..
قالت بإبتسامه كبيره وهي تركز على ساره : ساره جاء لها خطاب ..
فرحه .. وتشويق بالنسبه للكل اللي مايعرفوا مين ..
إلا شخصين ..
عصام .. اللي كان عارف مين هالشخص .. وفرحان إن أخته بتأخذ ولد خالته وأخوه وصديق عمره ,, رجال ونعم فيه ,,
أما هي ..
تعوودت انها تنخطب ويرفض عزام أو عصام بعد مايسألون عن الولد ..
بس هالمره تشوف عصام وأمها مستانسين ..
طالعت سديم اللي سالت بسرعه : من هو يمه المتعووس ؟؟
ضربتها أمها بخفيف وهي تقول : المتعووس اللي بياخذك أما ساره اللي بياخذها إن شاء الله أمه داعية له .. وهو (ركزت بنظراتها على ساره ) تركي ولد خالتك ياساره ..
ساره .. صدمه .. ذهول .. عدم إستيعاب .. هي ؟؟ .. هي تنخطب ألحين ؟؟ هذا شئ مو جديد .. بس الجديد .. من مين ؟؟ من تركي ؟؟ .. مو معقووول ..
كانت تعيش بدوامه من الحيره والصدمه ..
تركي وش اللي خلاه يختارها هي ؟؟
هو اهله اغنياء وهم بسيطين ..
ليش اختارها ليش ؟؟
معقووله يوم شافها بالدرج أُعجب فيها ؟؟
ضحكت على تفكيرها .. وحطمت نفسها وهي تقول : لاتستانسي على نفسك مو من زود حلاك ..
هو المفروض لاشاف نفسه ماعاد يشوف احد احلى منه من وسامته ..
كانت تحطم نفسها بشكل موطبيعي ..
ليش موعارفه ..؟؟
يمكن لان المغرور دائما عنده نقص بنفسه وعدم ثقه يحاول يغطيها بالثقه الزائده الزائفه قدام الناس ..
حست بتشتت كبييييير ..
حيره ..
خوف من فكرة الزواج ..
قطع عليها تفكيرها صوت عزام وهويقول لها بإبتسامة فرح : أوووة أووة .. مبروووك ياعروووس ..
التفتت عليه ببلاهه وهي تطالعه وماتدري ليش مو مستانسه ..تحس إنها مصدووومه بقووة ومو عارفه لأحاسيسها أي تفسير.. طالعتهم كلهم ..
وجيههم متهلله بالفرح إلاهي .. ليش .. يطالعونها وهم مبتسمين لها .. فرحانين لها وعلشانها .. ليش هي كذا ؟؟ ليش ماتحس مثلهم ؟؟
سمعت أمها تقول وهي تمسك يدها : يمه ساره وش فيك ؟؟
طالعتها ساره بتوهان وقالت بهدوووء غريب عليها : يمه .. إنتي متأكده ان تركي اللي خطبني ..؟؟
ضحكت أمها وقالت بفرح وهي تشد على يد بنتها : إيه يامي .. خالتك أمس كلمتني وقالت انه هو اختارك بالإسم ..
إنصدمت ساره أكثر .. أمس خالتي كلمت أمي ؟؟ يعني أكيد من بعد ماشافني .. يعني اكيد بس غرَّه شكلي وهو بالأصل ماهو داري عن هوى داري ..
طالعت أمها وهي تحاول تقوي نفسها وتتكلم بثقه ,, هالموضوع مافيه لعب وقالت : يمه .. خالتي متى كلمتك ؟؟
قال امها تبي تطمنها : كلمتني العصر بعد ماجينا ب نص ساعه .. تقول تركي قام وهو بس يهوجس بالعرس ويبي اخطب له ساره ..
لحد هنا وخلاص ..
مو قادره تلاقي أجوبه لتساؤلاتها الكثيره ..
أجوبه عارفه إنها ماراح تلاقيها إلا عند صاحب الشان ..
:
:
:
(( تركي )) ..
:
:
:
ماتدري ليش صابتها رجفه من مجرد ماذكرت إسمه ..
هل هي خوف منه ومن المستقبل معاه ..؟؟!
أو هل هي إعجاب فيه ..؟؟!
طالعت بأخوانها اللي كل واحد قام يمدح فيه من جهه وأمها بعد ..
وسديم اللي متشققه من الفرح وتقول : ياي .. ألحين بتصيرين أنتي وسمر ببيت واحد وعيالكم يصيرون عيال عم وعيال خاله بنفس الوقت .. ياحظكم ..
ضحكوا أخوانها على تفكيرها المحدوود في ظل هدوء ساره الغير متوقع منها ب مثل هالظرف ..
وقفت وقالت : عن إذنكم ..
وقفها عزام لما قال : ساره .. إستخيري وأنا أخوك وتذكري إن تركي رجال والنعم فيه .. وماخطبك إلا وهو شاريك .. لاترخصين فيه بأفكارك المحدوده ,,
خلص جملته وهي طلعت تركض لغرفتها ..تعليق
-
أول مادخلت أخذت جوالها القديم وحطته شريحتها اللي خذتها يوم انكسر جوالها بموقفها مع تركي ودقت على إختها سمر ..
محد راح ينصحها مثل اختها وخصوصا إنها متزوجه أخوه بعد ..
يعني ( إسأل مجرب .. ولاتسأل حكيم ) ..
دقت عليها وجاها صوت سمر ..: هلا وغلا ب سارونه ..
قالت ساره بصوت باين فيه الغصه : هلا سمر .. أخبارك ؟؟
قالت سمر : الحمدلله بخير .. إنتو أخباركم ؟؟
حاولت ساره تكبت غصتها اللي ماتدري وش سببها وهي تقول : الحمدلله هم بخير .. بس أنا لأ ..
خافت سمر على ساره اللي محد يفهمها غيرها وقالت : سارونه حياتي وش فيك ..؟؟
قالت ساره بسؤال لا ارادي : سمر إنتي تحبين سعود ؟؟
ضحكت سمر من سؤال اختها اللي ماله داعي وقالت تجاريها : أكيد أحبه وأموت فيه .. هذا زوجي و حبيبي و ولد خالتي وابوعيالي وكل شئ بحياتي .. بس ممكن أعرف سبب سؤالك ؟؟
قالت ساره وهي تمسح دمعه نزلت : طيب ت .. تركي أخوه مثله ؟؟
إنصدمت سمر من سؤال ساره وقالت : ساره وش فيك ..؟؟ ليش تسالين عن تركي ؟؟ وش صاير ؟؟
قالت ساره وهي خايفه وترجف : ا .. ت .. أنا .. تركي خطبني ياسمر ..
(وبكت فجأه وهي تقول ) خطبني ياسمر تركي خطبني ..
سمر كانت بتنجن من فرحتها بس خافت من دموع إختها لايكون لها سبب ثاني وقالت : ألف الف الف مبروك ياحياتي .. تركي رجال ينشرى .. ونعم فيه .. وامي داعية لك يوم خطبك ..(سمعت ساره تهدأ شوي شوي وكملت ) طيب ممكن اعرف سبب دموعك هذي ..؟؟!
قالت ساره بصوت يرجف : خايفه ياسمر ..خايفه ما أعجبه ,, امي تقول انه خالتي كلمتها امس العصر.. وبصراحه .. (سكتت وهي تبكي بربكه وخوف ماتدري وش مصدره ) ..
خافت سمر وقالت بصوت عالي : ساره وش فيك .. طيحتي قلبي .. تكلمي ..
قالت ساره بخجل وخوف من ردة فعل اختها ومن انه اللي ببالها صح : انا بعد المغرب صليت ب غرفة لمى وجلست اكلم شذى .. و بعدين يوم طلعت وجيت نازله من الدرج وصقعت فيه .. شافني ياسمر شافني .. (بكت بتوتر كبيييير )..
ضحكت سمر على ساره اللي غالبا تصير حساسه على اتفه الأشياء وقالت تهديها : عشان كذا الحبيب طاح وماأحد سمى عليه .. خطبك من نفس اليوم هههههههههههههههههه ,,
قالت ساره بعصبيه وهي تمسح دموعها : إنتي ماتفهمين اقولك خطبني العصر والمغرب شافني .. يعني يمكن الحين يغير رايه ,, يعني يمكن ماكون عجبته ..
ضحكت سمر على اختها اللي تفكيرخا كل ماله ويصير محدود بشكل كبير وقالت : قسما بالله انك سخييييييفه .. شافك ياساره امس يعني بكامل كشختك .. وانتي ياقلبي حلوة من قبل بدون ماتكشخين .. يعني أكيد عجبتيه ,,
واصلا تعالي .. ماتذكرين من واحنا صغار كان يقول ل عصام دائما أنا ماراح اخذ الا اختك بس ماكان يقول الإسم معناته إنتي ,, ودائما يدافع عنك ويدلعك ومايرضى احد يهاوشك ,, والحين ياساره أبي منك تفكرين بعقلك زين .. فكري بعقليه ياساره .. مو تفكرين بالمظاهر وبس ..
قالت ساره بعصبيه : وش فيكم انتو علي فكري بعقل فكري بعقل .. لاتطالعين بالمظاهر لاتفكرين بافكار محدوده .. لاتفكرين بمظاهر ,,..؟؟ لهالدرجه انا تافهه بنظركم ومافكر زين ؟؟
قالت سمر تهديها : ياساره ياحياتي انتي .. اللي أقصده انك لاتفكرين مثل تفكيرك باللي خطبوك قبل هذا راتبه قليل .. هذا شكله يفشل .. هذا سيارته قديمه .. كنا نسكت لك لأن عزام او عصام لهم ملاحظاتهم عليهم ,, أما تركي ,, شكل وأخلاق ومال و فوق هذا ولد خالتك .. يعني تعرفينه زين ويعرفك ..
إقتنعت ساره بكلام سمر وقال : أفكر ..
قالت سمر : إستخيري ياقلبي وشوفي .. وترى تركي الف وحده تتمناه وتتشرف فيه .. لاتضيعينه من يدينك ..
قالت ساره بشرود : طيب طيب .. بأصلي الإستخاره وأفكر وأشوف .. يلا مع السلامه ..
سمر : مع السلامه ..
\
/
\تعليق
-
مشكوره
تابعي متابعينكتعليق
-
الخبر- حي الحزام الذهبي – بيت ابوليد ..
صحت من النوم نشيطه وتحس انها خفيفه لدرجة الطيران ..
قامت من سريرها وتوجهت للحمام (وانتو بكرامه) ..
خذت لها شاور سريع وتوضت وطلعت صلت الظهر وهي تحمد ربها وتشكره إنه عطاها نعمة الأهل .. ومو أي اهل ..ناس يحطون ع الجرح يبرى .. يفدونك بحياتهم بس ل مجرد انك تحبينهم ب صدق ويحبونك ,, كيف لو كنتي من دمهم و لحمهم..
غيرت ملابسها ل بنطلون جينز برمودا كحلي ناعم .. وبلوزه قطنيه كم طويل برتقاليه ناعمه وخفيفه ..
نزلت تحت عند ابوها وشافته ب غرفة الطعام يفطر مع زوجته وعياله ..
دخلت سلمت على ابوها وحبت راسه وجلست جنبه وهي تشوف نظرات منى الغريبه لها ..
جلست بهدوء والفرح ينطق من عيونها والهناء والسعاده مبينه على ملامحها ..
قال ابوها بإبتسامه لها : هاه ياعمري كيف نومتك أمس عسى ماتعبتي ؟؟
قالت بفرح وإبتهاج : أحلى نومه يابابا .. كلها أحلام حلوه ..
ضحك ابوها وقال : وب مين متحلمه ياقلبي ؟؟
قالت : أكيد فيك وف ماما (الله يرحمها ) وعمتي منيره وساره وسمر وسديم ومها ولمى وكلللللللهم ..
ضحك ابوها أكثر على حماس بنته الطفولي وقال : طيب وش هو الحلم ياعسل ؟
قالت وهي تهز كتوفها بدلع عفوي : مدري والله نسيته بس اذكر انه حلو مره .. وكل اهل عمي وعياله معانا ..
قالت منى وهي تبث سمومها بإبتستامة إستهزاء جانبيه : أي عم هذا اللي تحكين عنه يافاتن ؟!
كانت الفرحه بتنقتل بعيونها وقلبها قبل لايقول ابوها ب حده لزوجته : عمها هو أخوي خالد رحمة الله عليه .. (لف عليها بنظرات حاده ) وأذكر اني قلتلك عنه قبل كذا ..
إستغربت منى وش بيجيب خالد الحين على بالهم وقالت بخوف من نظرات زوجها المرعبه : الله يرحمه ,, وش فيه ؟؟
قال ابوليد وهو ياكل من صحنه ببرود ذبح منى : أمس عرفت عياله وعرفوني ,, وطلعوا عيال اخت ام سعود جيراننا ..يعني طلعنا اهل احنا واهل ابوسعود مو بس جيران ..
منى لوخيروها بين الموت وبين هاللحظه كانت إختارت الموت أرحم عليها من اللي قاعد يصير ..
أولا : زوجها كان معصب عليها لأنه سمعها تكلم صديقتها وتسب ب فاتن ويوم هاوشها واجهها أنكرت وقال ان فاتن اللي تقصدها وحده من صديقاتهم ..
ثانيا : هي اللي تعرفه ان خالد اخو فهد متوفي من زمان وماتدري انه متزوج وعنده عيال ..
ثالثا : الفرحه اللي ب عيون فاتن وابوها تدل على انه بينهم وبين هالعائله محبه قديمه مو ببداية تعارفها وهالشئ خوفها لأنهم اكيد بيحبون فاتن وبيعزونها وبيوقفون ضد منى ومخططاتها ..
رابعا : والأهم إن هالعائله راح تشاركها ب ثروة زوجها ورثه اللي بتكسبه بعد وفاته ..
كانت راح تنجن وهالأفكار تتوالى على راسها أو بالأصح المصائب اللي قاعده تطيح على راسها ..
:تعليق
-
مشكوره عالبارت
متابعينك لاتتاخريتعليق
-
يتبع
التفتت عليهم وهي تحاول ترسم ابتسامه ميته على شفاهها وتقول : لا ماشاء الله الله يخليكم ل بعض ..
بس انت يافهد ماقد قلت لي ان خالد اخوك عنده عيال او حتى متزوج ؟؟
قال فهد وهو يشرب عصير ومايطالعها : هذا انتي عرفتي الحين ,, وش اللي تغير ؟؟
ضحكت ب توتر من اسلوب زوجها وخصوصا قدام بنته وقالت : ولا شئ بس يعني مافرحتني بهالخبر ..
فاجاها سؤاله ونظراته المشككه لها وهو يقول ب همس تسمعه : من كل عقلك يامنى تقولين ان هالخبر فرحك ؟؟
حست انه مويه حاره إنكبت على راسها وصلخت جلدها ..
ماقدرت تحرك شفايفها من نظرات زوجها له والمليانه شك وإتهام ..
حست ب عجز فظيع .. وقاتل ..
أما هو ماعطاها الفرصه أصلا انها تفكر بإجابه وقال ل فاتن بابتسامه حنونه : إفطري يابابا والعصر نروح انا واياك نزور أهل عمك خالد الله يرحمه .. وش رايك ؟؟
نطت واقفه ب فرح الدنيا كلها وهي تبوس ابوها على راسه وخده وهي تقول : واو من جد بابا بنروح عندهم ؟؟ الله يخليك لي ياحلى اب ..
فرح ل فرح بنته وقام ينام له شوي لحد العصر عشان يزور اهل اخوه ..
أما هي من الفرحه إنفتحت شهيتها ع الأكل وجلست تاكل تحت نظرات منى الحاقده الخبيثه ..وهي تقول لها : أقول إنتي ؟؟
وقفت اللقمه ب بلعوم فاتن وبسرعه شربت عصير بدون ماتطالع ب منى ..
كملت منى وكأنها تحكم على أفراح فاتن بالإعدام شنقا بنبرة حزن مستهزءه : أكيد أهل عمك ناس فقراء وعلى قد حالهم مادام ابوهم متوفي .. وماصدقوا ان ابوك يقول انا عمكم الا جوه يركضون عشان ثروته .. واكيد بعد ان اخلاقهم زفت .. لأن اللي تربيهم مره غالبا يكونون سيئين الأخلاق ..
حست فاتن ان الدم يفور بجسمها فوران .. ونفسها متسارع من العصبيه .. قامت وقفت بقوة وهي تقول بنظرات حاده ماتدري من وين جابتها قدام منى وقالت : أولا عيال عمي شايفين خير ونعمه والحمدلله الغني غني النفس مو المال .. وثانيا أبوي ماقالهم من فراغ إلا بعد إثباتات وأوراق رسميه تثبت هالشئ ..
وثالثا عيال عمي متربين أحسن تربيه وأحسن أخلاق ,, ومو كل من ربته مره فاسد .. ولا كل من رباه رجال صالح يامرة أبوي ,, (كانت تقصد بهالكلمه منى لأن امها متوفيه واللي رباهم ابوهم ) ..
منى نار الغضب اشتعلت بصدرها وشياطين الدنيا تناقز بوجهها .. قامت عند فاتن و
:
:
طراخ ..
:
:
باقوى قوتها ضربتها كف طبعت علامته على خد فاتن الأبيض ..
فاتن حست الدنيا تسود بوجهها والألم رجع لها والعذاب يرحب فيها ..
حست أن فكها راح ينكسر من قوة الكف ..
ومنى ما إكتفت إلا انها تسحبها من شعرها بقسوه وتقول بصوت يرعب : انا يابنت الكلب تقولين لي هالكلام وتوقفين ترادديني .. أنا .. طيب يالحيوانه ان ماربيتك ما أكون بنت ابوي ..
ورمت فاتن ع الأرض وضربتها برجلها على بطنها وطلعت ونار الحقد تشتعل بقلبها زود ..
أما فاتن طايحه ع الأرض وتتلوى من الألم والعذاب ..
تحس أحشائها بتتقطع من قوة ضربة منى على بطنها ..
وركبتها توجعها بسبب قوة طيحتها ع الأرض السيراميك عليها ..
جلست تبكي وتبكي ..
ليش كل ماجات تفرح ماتلقى ل فرحتها مكان ..
ليش كل ماتحس بالهناء ماتلقى ل هناها وجود ..
ليش كل ماجات ب تبتسم ماتلقى ل بسمتها سبب ..
ليش كل ماضحكت فرح ماتلقى ل ضحكتها إلا دموع الحسره ..
ليش .. ليش .. ليش ..
بكت وتكورت على نفسها وليليس الخادمه الخاصه فيها كانت شاهده ع الموقف مثل كل المواقف اللي قبل ..
جات تساعدها وتوقفها بس فاتن ضغطت على نفسها وقامت بمساعدتها وتوجهت ل غرفتها بالأصنصير وهي تبكي حسره وألم وخوف على أبوها اللي لو وصله خبر بيذبح منى لا محاله ..
\
/
\تعليق
-
الخبر – حي الحزام الذهبي –بيت ابوسعود ..
صحت من النوم بعد ماحلمت ب حبيب الروح والفؤاد ..
حب الطفوله والمراهقه ..
قامت مستانسه وفرحانه ومرتأحه ..
بعد ماصلت الظهر وغيرت ملابسها ل بنطلون واسع بني محروق ب جيوب كثيره وبلوزه جوبونيز بيج قطنيه ..
نزلت عند اهلها للي مجتمعين تحت دخلت سلمت على ابوها وأمها وجلست تفطر بهدوء وراحه وهي تسمع كلام ابوها عن لقاء الشباب ب عمهم امس وش ردة فعلهم ..
كانت تسمع كل حرف بإصغاء تام عشان تطرب مسامعها ب طاري توأم الروح وتعرف شعوره وتتفهم إحساسه ,,
سمعت مها تحاكي تركي وتقول بابتسامه وغمزه بعد ماقامو ابوها وأمها وراحوا ينامون شوي : وش عليك يالأخو .. طلع لخطيبتك عم تخطبها منه .. من قدك ؟؟
شرقت لمى وهي تسمع تركي يضحك بوناسه من طاري ساره ويقول : إيه والله بس إنقهرت يوم قال اسمها والله لو موب عمها كان توطيت ببطنه ..
لفت لمى بصدمه وتطالع تركي وتقول : أي خطيبه يالخايس ؟؟ من خطبت ؟ ومتى ؟ وكيف ؟ وليش ماقلتوا لي ؟؟
ضحك تركي على شكل لمى المصدوم وقال وهو مبتسم اكبر ابتسامه زادته حلا : اول شئ مالخايس الا انتي .. ثاني شئ ,, باركي لي انا امس خطبت ساره بنت خالتي ,, وليش ماقلنالك لأنه ماجاتنا فرصه ..
إنقهرت لمى بشكل موطبيعي وقالت : عساك اللي ماني ب قايله .. طيب ياخي عطني خبر بيجرني دز لي مسج أي شئ بس ماتخليني كذا وانا اختك الوحيده ..
شهقت مها وضربت على صدرها بمزح وقالت : ايا المفتريه الحين انتي اخته الوحيده وانا وين رحت ؟؟
طلعتها لمى وقالت : أنتي متزوجه خلاص .. يعني تعتبري تابعه ل محمد مو لنا .. (ولفت ل تركي ) وانت جد من خطبت ؟؟
ضحك تركي وقال : من جد مانتي ب صاحيه توني اقولك ساره وش فيك ؟؟
قامت واقفه وهي كانها توها تدري وتقول ب فرحه : وناسه ساره بتجي عندنا يعني ... بس ليش ماخترت سديم .. والله انها أحلى وأزحف .. هههههههههههه ..
طالع اخته ب نظره وقال بهيام يقهر لمى : ساره بعيني اجمل ما رات عيني .. وسديم خليتها لك .. اول شئ صغيره علي .. ثاني شئ وألأهم .. (أشر على قلبه ) هذا اللي اختار وتعشَّم يابنت ابوي ..
إنصدمت لمى وقالت : يعني انت كنت تحب ساره ؟؟ مو امي او مها أختاروها لك ؟؟؟؟
ضحك تركي وقال : هههههههههه .. أحبها منذو مبطي .. و محد اختارها لي .. أنا وقلبي اخترناها عن رضا وإقتناع تام ..(ومدها عشان يقهر لمى يعرفها تنقهر اذا واحد من اخوانها مدح حبيبته او زوجته نفس حالتي ^,* )
وقالت بطنازه : تكفى إنتبه لا يطيح فكك .. (وجلست جنبه وهي تقول بلقافه ) جد جد جد تركي انت كنت تحب ساره والا بس كذا ؟؟
ضحك وقال : وش فيك يابنت الحلال .. اقولك (وقرب يهمس باذنها ) انا كنت اموت عليها من واحنا صغار ,, وامس شفتها وهسترت زود هههههههههههههههههههههههههه ..
خلص كلامه وشاف وجه لمى المصدوم وهي فاتحه فمها ومات ضحك على شكلها وهي لفت تطالع فيه وقالت : بس انت ماكان باين عليك انك تحبها .. انا صح كنت اشك انك تحب لما أسمعك تغني ب غرفتك ولما أشوف كتبك مكتوب عليها شعر بس ماتوقعت انك تكون تحب ساره ..
إبتسم ب حلاوه وهو يقول : انا كنت كاتم هالشئ عن الكل ماكنت ابي احد يعرف لحد ماخطبها وتصير ملكي .. لأنه ممكن لا قدر الله ماتصير لي واصير ب عيون الكل مجروح ومأخوذه منه حبيبته .. وانا لايمكن أسمح لأحد يشوفني كذا .. ع الأقل اذا انكسر قلبي يكون بيني وبين نفسي .. بدون ماتعرض ل نظرات الشفقه من احد ..
لمى كانت تسمع لأخوها بكل حواسها ..وكأنه يحكي عنها هي مايحكي عن نفسه .. وقررت تكتم حُب عصام بقلبها لحد ماتشوف نهايتها معاه ..بس تخيلت مجرد تخيل انه يكون عصام مو لها ول غيرها وهي واقفه تناظره بدون ماتخطي أي خطوه .. خافت وحست قلبها ينزف ل مجرد التفكير بهالشئ .. كيف لو كان واقع .. تعوذت من إبليس ولفت على تركي وباسته على خده وهي تقول بإبتسامه باهته : الف مبروك حبيبي .. والله يجمعكم على خير ..
إبتسم لها تركي وهو يشوف التغير الملحوظ عليها بس قال : الله يبارك بعمرك حبيبتي .. وامين الله يجمعنا على خير .. (وغمز لها كأنه فاهمها وهو يقول ) وعقبالك ماتاخذين اللي يحبك وتحبينه ..
حمرت خدودها من كلام اخوها وغمزته اللي كأنه فاهمها وفاهم تفكيرها وهي تقول تصرف : أنا بأطلع اذاكر عندي اختبار علم نفس بكره ..
وطلعت الدرج تركض وهي تقول بقلبها : امين ياخوي امين ..تعليق
-
الدمام – حي الفيصليه – بيت ابوعزام ..
الساعه 5 العصر ..
دخل من الحوش بعد ماكان يكلم خويه برا ولقى أمه تبخر المجلس وترتب وسديم مدّهره تشتغل وتسوي حلى وتنظف مع الخدامه ..
ماشاف ساره معاهم وسأل أمه : يمه وين ساره ؟؟ما أشوفها معاكم ؟؟
إبتسمت أمه وقالت : يامي اختك من قلنا لها عن الخطبه ماعاد نزلت من غرفتها ..
خاف عزام لاتكون ساره ماتبي تركي وقال وهو يتوجه للدرج : طيب يمه انا باطلع لها قبل لايوصل عمي وأهله..
طلع الدرجه بدرجتين ووصل غرفة ساره اللي كانت ماسكه ملزمتها حقت الجامعه وكأنها تذاكر ومبين انها مو حولها أبد وسرحانه بوادي ثاني ..
لما شافها مانتبهت على دخوله طق الباب وهو واقف عنده وشافها التفتت ع الباب وابتسمت له بهدوء وقالت : حياك عزام تفضل ..
إبتسم لها ودخل جلس جنبها وهي تعدل جلستها وقال بحنان : ليش مالبستي .. ماتدرين ان عمي واهله جايين لنا بعد شوي ؟؟
قالت بهدوء وهي تلعب بطرف ملزمتها : الحين بالبس وانزل ..
قال وهو يمسح على شعرها الذهبي الناعم وبصوت حنوووووون : ساره .. إنتي سامعه عن تركي شئ مو زين .. شايفه عليه شئ ؟؟
لفت على اخوها بسرعه وقالت : لا والله ماشفت عليه شئ ابد ولاسمعت عنه شئ ..
قال : طيب ليش كل العزله اللي عايشتها من قالت لنا امي الخبر ..؟؟
قالت بهدووء : مدري .. أحس إنصدمت .. يعني ماتوقعت بصراحه ..
قال عزام بإستغراب : وليش انصدمتي ؟؟
قالت بتوتر وهي خايفه من ردة فعل اخوها على كلامها : يعني .. يعني هو وش اللي يحدّه على انه يخطبني ..(شافت اخوها يطالعها بنظرات يعني كملي ومبين مستغرب) يعني .. هم وين واحنا وين ؟؟
حس ب كف يضرب على وجهه من كلامها وقال ب حزم حاول يخفيه بهدوءه عشان لاينفرها منه وتكمل : ووش فيهم هم ووش فينا احنا ؟؟؟
قالت بتوتر وهي تلعب باصابعها : يعني .. مدري سعود الكل عارف انه كان يحب سمر من زمان .. والفرق بيننا وبينهم واضح احنا بسطاء مره وهم أغنياء مره .. (واخذت راحتها وقالت بإندفاع ماحسبت حسابه) يعني شوف بيتنا وشوف بيتهم .. شوف الحي اللي هم ساكنين فيه وشوف حينا .. شوف عندهم كم خدامه واحنا واحده وبالحسره .. شوف سياراتهم وملابسهم وشوف احنا .. فروق كثيره بيننا وبينهم ..وش اللي خلا تركي يخطبني وانا مو من مستواه ..
ماكان مستوعب اخته وش تقول او كيف قالت هالكلام .. هي كيف كانت تفكر وكيف تفكر بالأصل .. مصدووم ..ومجرووح انه بعد تعبه كل هالسنين مابيّن ب عين اخته أبدا .. والا صح هي ماعانت معاهم من صغرهم .. هي كانت بال 10 سنوات ماتذكر كيف تعذبوا هم اة بالأصح هو .. هو اللي كان يشتغل ويدرس عشان يوفر لهم لقمه سنعه .. كان يرفض ان امه تشتغل أي شغله وبس تتفرغ ل بيتها واخوانه عشان ماتتعب ويحس هو بالذل ان امه تشتغل معاه .. كان يشتغل ويدرس ويكد بالوقت اللي اخوياه مجتمعين بالإستراحات ويفحطون بالساحات ويلعبون بلوت ويتعرفون على بنات بالوقت اللي هو كان مايفارق بيتهم ومسجد حارتهم .. عشان لاينحرف او يختلط بصحبة سوء يجرونه للي مايرضاه لا دين ولا عُرف ..
بعد ماتعب هو وامه يربون باخوانه ويكبرون فيهم تجي اخته تطالع ب فروقات تافهه وانه حياتها موعاجبتها الحين .. وان عيال خالتها اللي ابوهم من فتحت ارامكو وهو يشتغل فيها ورتبته (سينيور ) فيها وراتبه بعشرات الالاف شهريا .. تقارنه فيه هو اللي موظف مايتعدى راتبه ال 10 الاف وأخوه ال6 الاف ب خالته وزوجها ..؟؟
لف على اخته وعيونه فيها نظرة ماقدرت تفهمها وقال بعتب : عمرك نمتي ومالقيتي لك غطاء ؟؟ عمرك بردتي ومالقيتي اللي يدفيك ؟؟ عمرك جعتي ومالقيتي اللي يشبعك ؟؟ عمرك احتجتي فلوس وقلنالك ماعندنا ..؟؟ عمرك طلبتي شئ ورديناك ؟؟ عمرك قلتي ابي هالشئ وماجبناه لك ؟؟ (وعلى صوته ) هاه ردي علي ؟؟
إنتفضت من صوته اللي مايعتبر صراخ لكن نبرته ترعب وقالت وهي ترجف : لأ ..
قال بنظره حاده : أجل لا عاد أسمع منك هالكلام .. وإحمدي ربك ع النعمه اللي انتي فيها غيرك مو لاقي ربعها .. (وضرب باصبعه على راسها وهو يقول ) وهالأفكار شيليها من راسك ولا اسمعك تطرينها قدام امي لاتنجلط منك ..
وتذكري انك بنت خالد البدر اللي عاش طول عمره بسيط ومات وهو بسيط .. بس كسب محبة الناس وسيرته العطره للان الناس يذكرونها .. وصدقيني مايبقى الا الحب والإحترام والمال والجاه عمره مادام لأحد يا ,, يا أختي العزيزه ,, (وقام يوقف وقلبه ينزف الم وقال ) و صدقيني لوبقيتي تفكري بهالطريقه بتخسرين اللي حولك وأولهم تركي اللي شاريك بالرغم انك اثبتي لي بعد هالكلام انك ماتستاهلينه ..
قال هالكلمه وطلع وقلبه ينزف الم وحسره على اخته وتفكيرها التافه .. هذ لو اخذت تركي شلون بتعيش معاه ..؟؟
انا عمري مانصدمت ب أحد كثر صدمتي فيها ..
قلت يمكن يكون سبب انعزالها تفكيرها ب تركي وشخصيته وكيف بتكون حياتها معاه مثل تفكير أي بنت تنخطب ..
بس ماخطر ببالي لو 1% انه يكون كذا عقلها او تفكيره بهالصغر والتفاهه ..
اه ياربي تصبرني بس..
كان يردد هالكلام بينه وبين نفسه وهو متجه لغرفته ..
أما هي ..
بعد ماتركها عزام مصدووومه بكلامه ونظرته الحزينه الغريبه اللي يخفيها بحدة نظراته ..
مجرووحه وزعلانه من نفسها ومن كلامها ..
معقووله انا تفكيري تافه لهالدرجه ؟؟ معقووله يكون عقلي صغير مثل مايقولوا لي دائم ؟؟ معقووله ؟؟
بكت وبكت كثييييييير ندم على كلامها اللي شافت أثره على أخوها الكبير وسندها وأبوها .. اللي رباها .. تحس انها خذلته بكلامها هذا ..
ندمت كثير .. وخافت لا تكون ب جد ماتستاهل تركي ..
\
/
\
تعليق
تعليق