مهوي :ويش رايس نمسكها
عبير: انا الي بمسكها
وكانت قطوه صغيره بس موب صغيره جدا ورحنا لها وكانت عادي جالسه وماخافت منا واول ماقربت منها عبير تبي تمسكها طلعت مع فتحه في الجدار الي يطل على الشارع من جنب وكانت الفتحه تقريبن 5 صانتي عرضها وطولها 6 صانتي وجلسنا نراقبها وراحت عند هندي كان جالس ومهوي جلست تراقبها
مهوي بصوت عالي ومبصوط : بنات شاروخان
انا :وينه خليني اشوف
وتبعد مهوي واجلس اوايق وكان هندي يشبه شارو خان بس شعره موب طويل بس يشبهله
انا : عبير روحي نادي شيخوه خليها تشوفه والله ان تنهبل وراحت عبير مسرعه لهم
مهوي :وناسه اول مره اشوف هندي يشبه فنان
انا :ليه مايروح يشترك في برنامج زي النجوم
وجلسنا انا ومهوي نتهاوش عند الفتحه كل شوي وحده توايق وجات شيخوه وأمجاد ونجود وعبير ولميوه
شيخوه بوناسه :صدق شارو خان جاي قطر موب مصدقه
نجود :من جدكم شاروخان مره وحده
أمجاد : ايه من جدكم شاروخان مره وحده
عبير :اكيد جاي على كفالت احد عشان يشتغل سواق ولا حارس
لميوه :خليني اشوف
ونجلس كل وحده توايق شوي
شيخوه :امانه صوروه برويه صديقاتي وبلعب عليهم بقول انا رحت للهند
انا :خلاص عطوني موبايلي بصوره صور وفديو
لميوه :هاس موبايلس
انا بستغراب :ويش جاب موبايلي معس ولا ليه تاخذينه
لميوه :كنت ارسل صور لموبايلي منه وجبته معي يوم نادتني عبير
واخذه منها واطلع يدي مع الفتحه واجلس الصوره ثلاث صور وفيديو ويالله اني الشوف زين
وتوني اصور فيديو مقربه من الهندي وحاطه على خشته
شيخوه بخوف :ليلوه جسوم جاجاجا
انا ترووعت وجيت ادخل يدي بسرعه وصقع الجوال في طرف الفتحه من فوق وطاح برا والتففت ادور جسوم وتجلس شيخوه توايق مع الفتحه
انا :شيخوه ياحقيره وين جسوم
شيخوه :اكذب عليس بلا ابيس تبعدين عشا اكحل عيوني بشوفت شارو خان
انا بخوف :يالحقيره موباليلي طاح برا
مهوي : جعل شيخوه السياره المسرعه وتكون قلابي عشان تفيد فيها
شيخوه :عادي بطلو الباب وجيبوه
مهوي :كيف تجيب الموبالي الحين الباب مقفله عمي وليد
انا :موبايلي برا لاياخذه شاروخان واتورط فيه فديوات لنا وصور
شيخوه :ليه شايفه شاروخان حرامي
لميوه :يارب الصوري الي فيه لي حلوه عشان اذا شافها احد ليني كاشخه
مهوي : مالت عليس انتي وشيخوه الي ورطتنى ويش نسوي
شيخوه بلاموبالاه: تصرفو
انا :كله منس يالحقيره
أمجاد :ويش بتسوون الحين
نجود :ايه صح ويش بتسوون الحين
انا :لازم نجيب الموبايل بس كيف ؟؟؟؟
شيخوه :ايه صح لازم تجيبونه عشان اخذ صور شاروخان
لميوه :هاذا الي هامس مالت عليس يالدفشه عشان تشوفين شاروخان ورطينا
وتورطنا الباب مقفول و يش نسوي ولاعرفنا نطول الموبايل مع الفتحه ولا عندنا احد من البزران كلهم طاردينهم وعبير الحقيره عيت تروح تجيبه مع باب الرجاجيل وجلسنا كلنا عند الفتحه شوي وجات ريموه
ريموه :ويش عندكم
عبير :وتقولها السالفه بتفصيل الممل واشياء ماصارت بعد
ريموه :الحين ويش بتسوون
انا :لازم اجيب الموبايل لاياخذه الهندي
ريموه :ياحرام لونكم علمتوني قبل اطرد البزران والنسوان كان خليتهم يعطونا اياه
مهوي :ويش رايكم نقول لمشاري وسلمان يجيبونه
ريموه :كل الطعشات راحو يجيبون العشاء مع الدريول من الدوحه
لميوه :المعنى شاروخان بياخذ الموبايل
امجاد :عادي وحده تروح تاخذ المفتاح من عمي وليد
نجود :ايه هي صادقه وحده تاخذ المفتاح من عمي وليد
لميوه :موب معطينياه لو بنموت لأنه قافل الباب يوم شاف البنات الخايسات طالعين برا
انا :المعنى
ريموه :عادي وحده تطب من فوق السور وتجيبه
انا :فكره تروحين انتي
ريموه :اكد لوه يشبه جاكي شان كان رحت
شيخوه تكذب:فيه واحد ثاني قاعد جنب شاروخان يشبه جاكي شان يالله روحي
ريموه :بايخه دوري غيرها
ونجلس نفكر وكل وحده تقط خطه كنها وجهها
وطبعن ريموه شوتت البزران برا وحتى الحريم وقفلت البيبان كلها يعني مابه احد يروح يجيبه من برا وحتى لو فيه احد فيه مسافه بعيده بين باب الشاليه ذا والشاليه ذاك يعني محد راح يروح لو بنموت البنات الصغار خايفين والطعشات مافيه احد وعمي وليد مقفل كل بيباب شالهنا ورايح يسبح في البحر على السكوترات ولا رد على موبايله يوم دقينا عليه ولا لقينا جسوم ويش نسوي ؟ وبعد تفكير قررت اني اطلع اجيب موبايلي من فوق السور عادي موب ضايعه بطلع وبجيبه وبرجع وين المشكله وريموه شجعتني بس وين عباتي ..عباتي وصخه ويش البس اذا جيت اطلع وروحت ريموه تجيب عباتي وطبعن الستعبط ابيها تشوف العبايات وراحت وجابت عبات امي وطرحه مدري لمن وكانت ريموه وشلتها مستانسين على الأخر يقلون فأخيرأً بتسوين شي موب غصب عنس وعاجبتهم الفكره ويقنعوني ويسهلون على ويحطون كل شي عادي
وعبير تقول فأخيراً بشوف مغامره على الطبيعه
وشيخوه تقول ياحضس بتشوفين شاروخان من قريب وتحمست ولبس العبايه واول ماراح شاروخان وتو مهوي تتكلم علي تقول تطلعاتها سفهتها وركبت على الشجره الي داخل وركبت على السور الي من داخل قصير ثم نطيت برا في الشارع الي كان هادي وشبه مضلم لأ نها موب الجهه الرئيسيه مسفرته انوار الشاليه وطحت على الأرض وتغبرت والطيحه كانت قويه شوي ورحت لموبايلي اول ما خذيته حضنته وجلست ابوس فيه وافكر وشلون لو ضاع كان رحت فيها فيه كل صوري وذكرياتي وكل شي غالي عالي وبعد ربع ساعه من تبويس الموبايل وحضنه انتبهت لشارع الي يخوف وهدوئه يذبح والبنات داخل يطالعوني مع الفتحه قررة ارجع بس وين ..؟؟؟؟ مصيبه ....؟؟
السور عالي من برا كيف الركب عليه مافيه شي ويش اسوي ياربي ويش ذي الورطه وعلمت البنات وجلست مهوي تهاوشني وتقول احسن لأنها كان تبي تقول تطلعاتها وانا طنشتها وجلست افكر ويشلون ارجع ادخل والسور من برا عالي وما فيه شي الركب عليه والباب مقفل ومستحيل ادخل مع باب الشاليه الثاني ويش بيقولون عني من وين جايه عذر اقبح من ذنب ياربي موب غصب عني كله من ريموه الخايسه الحقيره هي وشلتها ورطوني عشان يشفون مغامره والله لايشوفني واحد من عماني ان يذبحني ويش مطلعني بيشكون فيني وجلست عند الفتحه كني مسكينه ومدخله يدي على البنات عشان يمسكوني لاحد يسرقني وحسيت بخوف من كل شي الشارع والهدوئ وحتى الهلي وشيخوه سببت لي رعب زياده الحقيره كل شوي فلان طلع وفلان جا وفلان شافس وتخيلي لوتنسرقين وتخيلي لو وتخيلي وانا وقف قلبي ويش السوي وبعدين شوفولي حل يابنات ؟؟؟؟؟؟؟؟؟
انا بخوف :بنات شوفولي حل لايطلع شارخانو يشوفني ويش اسوي
شيخوه :احلا يالمستحيه
انا بخوف :موب مستحيه ياغبيه انا ميته رعب ويش بيدخلني الحين
عبير :احسن ليه تطلعين
انا :وعدس بعدين يالحقيره ..... مهوي تكفين صرفيني
مهوي :احسن تستاهلين الحين ياويلس كيف تدخلين
انا :كله من ريموه وشلتها والله لو ماتصرفوني ان اذبحكم
عبير :انتي ارجعي الحين ثم فكري تذبحينا
لميوه :خلي ريموه تنفعس الحين
انا بخوف ودموعي بدت تنزل من الرعب والموقف الي ما أحسد عليه : جعل الطليل الجلطه المزمنه هو وريموه
عبير :ويش دخل طلال
انا :انتي ياحقيره انطمي والله ماخليس
نجود :ليه ماسوت شي
أمجاد: صح ماسوت شي
انا :اكلو تبن كله منكم يالحقيرات
شيخوه :امانه ليلوه روحي صوريه من قريب
انا :اكلي تين ياحقيره جعلس الصرطان انتي وياه
مهوي : ليلوه انتي ليه غبيه كذا فيه احد يسوي سواتس
انا :انتو تتشمتو فيني شفولي حل بسرعه
ريموه :بصرفس انا
انا :ايه يالحقيره صرفيني اصلن كل ذاه بسبتس
ريموه :انثبري عاد ولا ترا موب مساعدتس
انا :خلاص بس بسرعه
مهوي : ادخلي مع شاليه ارجاجيل
انا :لاوالله ويش بيقولون عني
شيخوه :امانه ليلوه روحي صوريه من قريب وخليه يقول انا شاروخان
انا :وعدس بعدين يالحقيره
عبير :خلي شاروخان يساعدس هو يعرف يتسلق زين انا اشوفه في الافلام
انا :انثبري انتي بذات والله ماخليس بس خليني ارجع
عبير :ياربس ماترجعين وحد يسرقس
انا خفت:استغفري يالحقيره
أمجاد :كلش ربي قبل دعوتها
نجود : ايه كلش ربي قبل دعوتها
شوي وتقط علي ريموه كرسي ويطيح وينكسر
وتقط ثاني واحطها جنب الجدار بس مافيه امل ماقدرت كان عالي مدري كيف قدرت اطلع كان طوله من برا حوالي 4 مترو زياده ولا قدرت احط الكرسين على بعض لانها ماتركب اذا حطيته دخل في الثاني وتورط حاولت وحاولت وماقدرت
المهم نصف ساعه وانا منقعه عند الجدار ومدخله يدي مع الفتحه وماسكتني شيخوه والبنات انتشرو يدورن عمي وليد عشان ياخذون منه المفتاح والي يدورلي حل وشوي وتدق مهوي على موبايلي ورد
انا وشوي وابكي:هاه لقيتولي حل
مهوي :ايه قلنا لعمي وليد ان حمني قط موبايلس مع الفتحه وهو يبجي الحين يجيبه لنا يالله قطيه عند الفتحه
انا وانا ابكي من القهر : وانا ياحقيره ويش اسوي
مهوي بعبط :انتي بعدين
انا بنفس الحاله واعدا :الحين انا الي متورطه وتنقذون الموبايل وتخلوني برا
مهوي بستخفاف :هاه تبينا نقوله بعد ان حمني قطس بعد انتي مع الموبايل
انا :تصرفو كتفو عمي وليد وخذو المفتاح منه ولا اغتالوه جعل شاروخان الجلطه هو الي ورطني
مهوي :هذاك جاء يالله حطي الموبايل ونخشي بعدين بنساعدس
انا بعصبيه مخلوطه بنواع الخوف والرعب : لوا والله ماحط الموبايل بخليه معي يمكن احد يسرقني ليني اكلمكم
مهوي :وحنا انشالله نطلع كذابات قدام عمي وليد اذا طلع مايلقى شي
انا :تصرفو والله ماخلي مبايلي لو بتموتون واجلس كذا
مهوي بعصبيه :بتحطينه ولا والله لاعلم عليس عمي وليد يالله حطيه ماني مستعده اطلع كذابه وعمي وليد عصبي
انا :لا ولوا ليه مافكرتو بذي الطريقه يالبقر قبل اطلع برا
مهوي :انتي صبرتي
انا :ساعه كامله احوس عندكم شاروخان بياخذ موابايلي وانتو تفكرو يالبقر
مهوي :بسرع بسرعه حطيه هذاك عمي وليد جاي وسكرة في وجهه
ويش اسوي احطه اخاف احد يسرقني وانا مامعي موبايل ويش اسوي بس لازم احطه
ورحت وحطيته في المكان نفسه ورحت ركض ونخشيت جنب الجدار وجاء عمي وليد من الشاليه الثاني وخذا الموبايل وراح " ليش مابطل الباب جعله الجلطه " واول ماراح رحت ركض للفتحه الي ماعندها احد ومت رعب لا احد ولا بنات ولا شي ولا موبايل واتنقع وقلبي يرجف من الخوف واجلس تقريبن عشر دقايق وتجي مهوي وتعطيني موايلي مع الفتحه
انا بخوف :ليه وليد مابطل الباب جعل شاروخان الجلطه
مهوي :لأن المفتاح ياحلوه مع الطعشات الي راحو يجيبون العشاء
انا بعصبيه :ليه ياخذونه جعلهم الحادث
مهو ي :وليد معطيهم اياه عشان يدخلون العشاء منه
انا :يعني ويش بيصير فيني

مهوي :تنقعي لين يجون الطعشات وناخذ المفتاح
انا ابكي:لالالا مستحيل اقدر اتحمل اكثر من كذا تكفين شوفيلي حل والله انا في اكبر ورطه موب غصب عني
مهوي: دوري شي وركبي عليه
انا :مافيه شي الشارع نضيف جعلهم الجلطه ذبحتهم النضافه
مهوي :خلاص تسلقي البوابه
انا :شايفتني سبايدر مان كيف صعب
مهوي :خلاص جربي نطي وتعلقي على الجدار
انا :تنكتين علابالس بات مان
مهوي :خلاص انطمي لين يجي العشاء
انا :لا ماقدر والله فشله لاحد يجي ويشوفني جالس جنب الجدار
مهوي :خلاص بطقاق جعلهم يحدونس وتتورطين
انا :متى ضنس بيجي العشاء
مهوي :اكيد الساعه 9 او 10 مدري
انا برعب :يعني بتنقع اهناه ساعه كامله لالالا تكفين ساعديني جعل شاروخان الجلطه الحقير كله منه هو وشيخوه الدبه
وشوي وسمع صوت سياره جايه انا وقف قلبي
مهوي :ويش اسوي تكفين فيه سياره جايه
مهوي :انحاشي انخشي جنب الجدار
ورحت ركض وانا قلبي طاير من الخوف والرعب ووقف جنب الجدار
شنو تتوقعون صار في اليلوووووووووووووووه ؟؟؟؟؟؟؟؟؟؟؟؟؟؟
انتظر توقاتكم

الجزء الخامس عشر من روايه غصب عني
الفصل الرابع من............ ( شوفو لي حل)



ورحت ركض وانا قلبي طاير من الخوف والرعب ووقف جنب الجدار وداقه على مهوي فاتحه السبيكر عشا اذا صار لي شي تنقذني
وجات السياره ووقفت عند باب الشاليه ونزل مجود وبطل البوابه ودشت السياره عشان ينزلون العشاء
وقالت لي مهوي تعالي ادخلي بسرعه مافي السياره غير مجود وبتلهيه وعلى طول رحت ركض ودشيت الشاليه وانا موب مصدقه ورحت ركض ودخلت في الغرفه وطحت على السرير وبكيت من الخوف ومن الرعب ومن الوناسه وعلى طول بطلت الستديو ومسحت صور الحقير الي بغيت اروح في ستين داهيه بسبته مالت عليه وعلى شيخوه الدبه معه ومسح كل شي الفيدو والصور وبعد مسحت صور شيخوه الحقيره مابي اشوفها وتجمعو عندي البنات كلهم ولعنت خير ريموه وشلتها هم السبب هم الي اقنعوني اطلع وجلست اشتم فيهم والعن خير هم وحده وحده الي لها دخل والي مالها دخل وماخليت احد مادعيت عليه حتى ام اطليل وكل البنات وخاصه شيخوه الدبه وسويت نفسي زعلانه ورحت وطلعت من الغرفه الي هم فيها ووقفت عند القزاز من الجهه الثانيه واشوف العبايات مغسوله ومنشوره ووصلت معي من الحقيره الي اغسلتها قبل يشوفونها البنات ورحت على طول للمطبخ وانا واصله معي ضايقه حدي وجمعت الشغلات كلهم وشتمت فيهم لين قلت بس وكلهم اجحدو وفي الأخير اعترفت راهين الحقيره انها هي الي غاسلتها وخذيت النعال على طول وحذفتها في وجهها وتفلت في عينها وشتمتها وسبيتها ولاعطيتها فرصه تدافع عن نفسها ذي العبده وابردة حرتي فيها وطلعت كل زعل الموقف الي صارلي فيها ورجعت على البنات وجلسنا شوي وانا ماده بوزي شبرين وشوي ونروح نتعشاء كلنا وبعد العشاء رحنى بدلنا ملابسنا لأنا خلاص قررنا موب راجعين نتسبح ولبست انا بنطال جنز ازرق و حزام ابيض وبدي وردي طويل تحت ومربوط ورا رقبتي ولابسه عليه تي شرت كت وقصير من تحت ابيض ومخطط بلون الازرق والبيض و الوردي ولميت شعري بعد ماجففته ولبست عليه كاب جنز ولبست اسبادريه ابيض مع وردي
والبنات كلهم بعد بدلو ولبسو بناطيل عشان يلعبون وتيشرتات خفيفه ورحنى بعد ما فضينا شاليهنا من البزران والنسوان وسكرنا البيبان تقريبن وفرشنا فرشه ويش كبرها وجلسنا عليها كلنا ياشلة وناسه وشلة ريموه ومعنى دانا ومشاعل وحطينا انواع العصاير والكوافي والشبسات وكل شي والبنات الي منسدح والي جالس والي قاعد والي يسولفون وقامت عهود ووقفت عند اخر الزوليه
عهود :بسراحه شكلكم يهبل ويش رايكم ارسمكم
مهوي : الي يسمعس يقول ذي شكسبير
عبير :ايه صح ولا على بالس ....روبرت جارفيك
هنود:من ذاه
عبير :رسام
هنوده :ليه تكذبين هاذا الطبيب والعالم الي اخترع القلب الصناعي
عبير :صدق توني ادري خلاص ولاتزعلين الي يسمعها يقول ثبودور بهارس
هنوده :بعد غلط اولن اسمه ياجاهله في الطب ثيودور بلهارس وهو طبيب الماني وبعد هو الي اكتشف جرثمة البلهارسيا فهمتي ياعبيطه
عبير :انا موب عبيطه وانا اصلأن بلا استعبط
عهود :خلاص مو ب راسمتكم يالجنقل
نجود :الي يسمعس يقول ذي اكبر رسامه
أمجاد: أي والله الي بيسمعس على باله اكبر رسامه
عبير :على الأقل احسن منكم وبعد خالتي العنود توها معطتني درس عن الأبعاد ورسم بلفحم بعد
نوير :انثبرو اذا أمكن
شيخوه :لاتجيبين طاري الكوره ذبحتس ياطرطنقيه
نوير :لا بس كان ابي اقولكم ويش رايكم نلعب بيلوت اذا امكن
انا:لا مالي نفس
نوير :واذا انتي مالس نفس معناتها مانلعب
انا :بطقاق العبو يالحقيرات
رنود بزعل :محد حقير غيرس خير ويش احنا مسوين
انا :جعلكم الجلطه انتو وطليل وشاروخان
شيخوه :ليه تمسحين صوره يالطرطنقيه
انا :احسن مالت عليس انتي وياه
شيخوه :الحين متنقعه برا والحوسه ذي كلها واخرتها تمسحينه الله يمسح ملامحس
انا :انطمي يانذله كل الي صار بسبتس
مهوي :خلاص عاد كل ماصار شي جلستو كل وحده تورط الثانيه
انا :حتى انتي حقيره ليه ما فكرتي بلفكره الي قلتيها قبل اطلع
مهوي : انتي مافيس صبر
ندوي بسرعه :بنات كان حلو ....ليه مانديتوني ... كان نفسي اشوفه .... اكيد ليلوه منعتكم .....يشبه شاروخان صدق .......ليه تمسحون اصوره ابي اشوفه ...
انا :اكلي تبن ياحقيره
ندوي :خير ذابحه لس احد ....ايه بنات مادريتو
الكل :ويش
ندوي :شفتو الشباب الحقيرين ويش سوو
"اكيد شافت العبايات واخيرأً احد شافها وتعبي ماراح سدا "
ندوي : ماخذين قوارب وصايدين سمك وجالسين يشوون مالت عليهم ولا هان على احد يعطينا
انا :"مالت على الحقيره محد شاف العبايات جعل راهين الصرطان اغسلتها قبل يشفونها بلاتعبت نفسي على الفاضي ووصخت عباتي " بس على بالي عندس سالفه
ندوي :ليه ذي موب سالفه
رنود :انا عندي سالفه اكبر منها
الكل :ويش
رنود :شفتو الشباب الحقيرين ويش سوو
انا :" ياربها شافت العبايات " ويش سوو
رنود : لقيتهم حاطين عباياتنا كلها في طشط وكابين عليها جميع انواع العصيرات وموصخينها وحطينها في الحمام وكاتبين تعيشون وتاكلون غيرها وحرف g اكيد انه جويس
مهوي :ويع والحين وين عباياتنا
رنود :خليت الخدم يغسلونها
" حرام وانا توطيت الشغاله "
مهوي :والله ان نردها لهم بس كيف صعب
رنود :بفكر في مقلب اكبر من الي سويته قبل هين
هنود:اما انهم اذكياء كيف درو انه احنا
ندوي :موب رنود حاطه حرف أر اكيد شكو فيها ولا ليه جسوم يحط حرفه يعني وحده بوحده
ريموه :لازم ننتقم منهم ونخليهم يدفعون الثمن غالي
انا بحماس :اكيد ولا احنا نسكت عليهم الزم نرد لهم الصاع صاعين والا مانكون شلة وناسه
أمجاد :حتى احنا بفزع معكم
نجود :ايه بنفزع معكم ليش لا
رنود :اكيد لازم تفزعون لأنهم بعد وصخو عباياتكم
اجاد +نجود :الحقيرين
نوير :خلة منكم الأنتقام الحين خلونا نلعب أي شي
انا :لالالا كيف تلعبون وانت مانتقمتو
نوير :الحين صعب ننتقم اذا جاء اخر اليل والكل رقد خططنا
رنود :هي صادقه الحين خلونا نستانس
نوير :بيلوت اذا أمكن
ريموه :يالله
وحطو الورقه ولعبت ريموه ونوير ورنود وأمجاد ونجود وعهود وعبير ودانا ومشاعل وندوي
ريموه + عهود
رنود + نوير
أمجاد + نجود
مشاعل + دانا
عبير + ندوي
وحنى يالباقين مالعبنا مالنا نفس وجلسنا نسولف نص ساعه والحقيرين الي يلعبون كل شوي وحده تامر الثانيه تكفخ وحده منا وطول الوقت اهواش ومطارد وفجئه قالت مهوي
مهوي :ليلوه عادس على التحدي
شيخوه :أي تحدي
مهوي :هي متحديتني نتسلق الشجره هاه عادس على الوعد ولا غيرتي رايس عقب الطلعه برا
انا : " العنه ذي ماتتمنى على الله احد يتحدها " ايه
شيخوه :وانا بعد بتحداكم
مهوي :لا انا وليلوه بس
شيخوه :لاتكون اشجرة ابوس وانا مادري والله لركب معكم
مهوي :يالله ليلوه
انا :يالله
لميوه :منجدكم بتتسلقون ذي الشجرة موب خايفينى
انا :ليه بتاكلنا
لميوه :لا بس كبيره حوالي 18 متر كيف بتتسلقون
مهوي :عادي جذوعها واجد ومن السهل انا نتسلقها
ورحت انا ومهوي ووقفنا ونتبهو لنا كل البنات
انا :يالله عدو لنا
مهوي : انا الي بفوز
انا :الي يوصل اعلى قمه هو الي فايز
شيخوه :قدام
انا :انتي ويش دخلس
شيخوه :بتسابق معكم
مهوي :لا تبين تطرحين الشجره
شيخوه : سامجه وبتسابق معكم غصب
انا :لوا يالحقيره موب كفايه الي سويتيه قبل شوي
لميوه : يالله كل وحده تاخذ ربطه واعلى قمه توصلها تربط فيها ذي الربطه
وعطتني ربطه ومهوي ربطه
لميوه :.... 1...... 2 .....3 انطلق .......
وبدينا انا ومهوي نتسلق الشجره انا من جهه وهي من جهه وطبعن الشجره كبيره مررررررررره اول مره اشوف شجره بلكبر ذاه كله وكلها جذوع واوراقها واجد المهم مهوي اسبقتني الحقيره ورتفع ضغطي واجلس اتسلق بسرعه ونرقا ونرقا لين تعدينا تقريبن 9 امتار ونتقابل على الجذع الوحيد الي يوصلنا للي بعد ومهوي اسبقتني ورقت قبلي واسرعت وبحركه غبيه مني انكسر الجذع الي قدني متعديته بس مانكسر جدا عاد فيه امل انكسر لأني انا ومهوي كنا عليه وماتحمل ورقيت ورقيت وسبقت مهوي الي نشبت في جذع اشجره وشوي واسمع صوت شي طاح والتفت تحت معنى كان مقرره ما التفت لين اصل عشان ما أشعر بلخوف من ألارتفاع واول مالتفتت لقيت شيخوه الحقيره تنزل بعد ماكسرة الجذع الي على رفع 9 امتار من الأرض وستنتجت ان الحقيره كانت تبي تتسابق معنى ووصلت لين ذاك الجذع واول ماتعلق فيه طاح قامت الحقيره ورجعت كن شي ماصار
المهم انا رقيت لين وصلت في مكان معاد اقدر اتعداه لأن الجذوع الباقيه صغار وجلست على ارتفاع 14 متر ومهوي تحتي على طول على ارتفاع 12 متر وربط الربطه الي معي ومهوي بعد ربطتها لأنها نشبت في الشجره ولاقدرت ترقا زياده
انا :مهوي فزت عليس ياخايسه
مهوي :غش تعال ساعديني نشبت في الشجره
انا :بس انا الي فزت
مهوي :خلاص انتي تعالي عاد ساعديني
لميوه تحت بصوت عالي : بنات خلص الوقت من الي فاز مانشوفكم
انا + مهوي :انا
لميوه :من

انا :انا الي فزت مهوي كذابه هاذيك ناشبه
مهوي :ليلوه الي فازت ...عاد يالله تعالي ساعديني
ونزلت حبه حبه وطبعن الرقي اسهل من النزول
وجيت عندها وحولت اساعدها بس ماطلتها لأنها على جذع وانا على جذع واذا قرب منها اخاف ينكسر بنا وكان سيور بربتوزها ناشبه من ورا في الشجره عشان كذا هي ماقدرت تفكها وبعد لأنها متمسكه بيديها قلت لها بنزل وبجيب مقص وبرجع اقصه لها وتوني ابي انزل الى المصيبه
شيخوه كسرت الجذع الي يوصلنا لتحت وصارفيه فراغ حوالي 3 امتار ونص بين الجذعين كيف انزل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ويش لون ننزل ولامن بينزلنا ولاكيف بنعلمهم ولا ويش عذرنا راكبين فوق الشجره والشارع قدامنا على طول والله ورطه الله ياخذ شيخوه الدبه ورطتنا مره ثانيه وقلت للبنات لسالفه وجلسنا نفكر وكل عاده كل وحده تقول اقتراح كنه وجهها وتورط لأن الموقف صعب كيف ننزل ولا من الي بينزلنا ولا اصلن كيف بينزلنا الي بينزلنا والله ورطه
مهوي :بنات حتى لو نزلتو ليلوه انا كيف انزل
انا :تطمني انا موب نذله موب نازله الا وانتي معي
شيخوه بعبط : بنات نطو
انا :انتي يالحقيره احسابس معنا بعدين
شيخوه :انتو انزلو ثم توعدو على كيفكم معني اشك انكم بتنزلون على المستشفى على طول
مهوي بستخفاف :ليه انشاء الله لايكون بتذبحينا
شيخوه : لا لأنكم يا حلوين ماعندكم غير خيارين الأأولى تنطون واكيد بتتكسرون ويمكن تموتون ونوديكم للمستشفى والثاني انا ننادي عماني ينزلونكم واكيد بيلعنون خيركم لان محد يسوي سواتكم وبعد بتدخلون للمستشفى ...وتطمنو انا برافق معكم
مهوي :بايخه وبعدين احنى ماسوينا جريمه
انا :توس قبل شوي كان لاحقتنا والحين تقولن محد يسوي سواتكم
شيخوه : ياحرام تكسرون الخاطر بسراحه ودي ماعلمكم بس غصب اعلمكم عشا تحسنون التصرف
مهوي :ويش عندس
شيخوه :انا وبماأني ذكيه والاحظ واقدر الاشياء
انا :اخلصي
شيخوه :وانا توني ارقاء شفت شي انتو ماشفتوه ولو شفتوه كان قدرتو الي جالسين تسوونه الحين هل هو جريمه ام لا
مهوي :الزبده
شيخوه :وانا توني في نص الشجره شفت شي منعني اني اكمل ونزلت
انا :رقعي نزلتي عشان كسرتي الجذع الوحيد الي بينا وبينس يالبقره
مهوي :ويش شفتي اخلصي
شيخوه :التفتو وراكم وتعرفون
انا ومهوي على طول التفتنا وشفنا المصيبه كان ورانا شاليه الرجاجيل واكيد لو لاحضو شوي بيشوفونا ويش نسوي ؟؟؟؟ انا ومهوي انجلطنا وفتحنا ثمينا وعلى طول صرخنا ذيك الصرخه
انا + مهوي :طفو الأنوار كلها
" طبعن قلنا طفو الأنوار عشان محد يقدر يشوفنا زين من الرجاجيل "
وفهمتهم ليه ونطلقو البنات يطفون الانوار لين صار الشاليه ظلماء على الاخر
وانا كنت ارقب شاليه الرجاجيل عماني كانو نصفهم يسبحون ونصفهم جالسين في الجلسه
والحريم بعد جالسين ويسولفون والشباب منتشرين والبزران وشوي اشوف جسوم جاي
انا بصوت عالي :بنات جسوم جاكم اجلسو ولاتعلمون أنا فوق والله ان يذبحنا
ونتشرو البنات الي جلس والي راح وجاهم جسوم وشكل ريموه صرفته وراح كان يسأل ليه مطفين ألأنوار وقالت له أنا نلعب وراح وتجمعو البنات عند الشجره من تحت
رنود :بنات كيف بتنزلون
انا :مدري تكفون صرفونا
مهوي ودموعها بدت تنزل :والله فشله لايشوفونا الشباب وحنى على الشجره ويش بيقولون عنا
عبير :اكيد بيقولون ذي وحده حقيره وماتستحي
هنود :اكلي تبن
انا :دورو حبل وربطوه لنا
نوير : اقول ادعو الله انها تعدي على خير
ريموه : نطو وتعلقو في نص الطريق
انا :شايفتني طرزان انط من 12 متر يالحقيره
ندوي :احسن ليه تروحون اصلن انتو تدورون المشاكل ولا فيه بنات يرقون 12 متر والله طرزان ماسواها
انا :انتو تتشمتون فينا بدل ماتساعدونا
أمجاد :قصرو عاد صوتكم طلع ترا بيسمعونكم
نجود :ايه بيسمعونكم قصرو
وشوي وتولع كل انوار الشاليه ووقف قلبي انا ومهوي الي جلست تبكي وانا تئثرت شيأن ماء
وجات املوه الحقيره ووقفت وجلست تطالع في البنات
أمل :ويش فيكم واقفين عند الشجره كنكم غنم تبي تاكل
ريموه :بايخه وفارقي
امل :ترا انتو يابنات عمي فهد ماخذين في انتفسكم مقالب ترا الشاليه موب ملككم
ريموه :ادري وفارقي لا اجيس ولعن خيرس
امل :كيد مسوين جريمه ولا ليه ماتبوني
رنود :امل كلش موب في حالس
امل :يعني انا الي فيحالكم ..ألا وين ليلوه الحقيره اكيد مسويه جريمه ومنخشه
" والله التدري اني فوق الشجره ان تفضحني وتعلم علي عماني وجدي ويش لون نفتك منها لا تشوفنا "
وجلسو البنات على الزوليه وهي جلست تتلفت اكيد انهاتدورني وبعدين راحت وانا اراقبها لين دشت في الشاليه الثاني وراحت لعمي وليد وقالت له شي وعصب وجاء صوب شاليهنا وعلمت البنات ونحاشو الي دخل والي راح يلعب كوره وحدت ريموه عمي وليد عند الباب ومدري ويش قالت له وراح وطفت الانوار وقفلت البيبان ورجعو نصف البنات عند الشجره وتنقعنا نصف ساعه وبعد ايش فكرت ريموه جايبه عباياتنا ومربطتها ومتسلقه الشجره وتعطينياها عشان اربطها عندي وجلست اربط نصف ساعه ونا الضحيه انا اول من بيجرب سلم ريموه الي مسويته بلعبايات
وانزل بشوي شوي واتمسك فيه بس كان صعب اني انزل بس غصب معن كان متوقع اني اطيح في أي لحضه بس توكلت على الله وعلى الله يتوكل المؤمنون ونزلت وتوني بوصل الجذع الي تحتي انفكت العبايه وبغيت اطيح بس الله ستر وتمسكت في الشجره وجلست شوي موب مستوعبه اني ماطحت وبعدين نزلت وإول ما حطيت رجلي على الأرض رحت ركض ونسدحت على الفرشه وانا موب مصدقه اني نزلت ....بس البلشه هي مهوي كيف ننزلها ؟؟؟؟؟؟وهي ناشب بربتوزها في الشجره وبعد العبايه انفكت يومني انزل ويش لون بتربطها ؟؟؟؟
مهوي وهي تبكي :تعالو نزلوني
انا : معليس بتصرف .....وجلست افكر ويش لون انزل مهوي
لميوه :حاول تفكين روحس
مهوي :صعب ماقدرت
ريموه :خلاص برقا واجيس انقذس
مهوي :تعالي
هنود :اقطعي بربتوزس ونزلي
مهوي :يعني قادره وانتضر اقتراحاتس
شيخوه :خلاص انا عندي الحل
الكل :كيف
شيخوه : تفصخ البربتوز وتنزل
ريموه :بايخه
هنود :دمس ثقيل
أمجاد :عيب عليس
نجود :عيب عليس يالخايسه
نوير : اما نس فاضيه
انا : صدق انس حقيره تورطينا وتستخفين دمس
حمني : وصخه شيخوه اذا افصخته بيشوفونها الشباب ماعليها شي ؟؟؟؟؟
كلنا التفتنا على حمني الي واقف بينا مدري منوين دخل ولا ويش جابه
انا بخوف : من متى وانت هناه
حمني :قبل شوي
انا :شفتني
حمني :ويش ويش ويش انتي مسويه
انا اصرف : ماسويت شي يالله فارق " لا اطرده راح وعلم على مهوي ويش اسوي " على طول غمزت المشاعل ودانا ياخذونه ويخشونه لين نخلص من ذي المصيبه ...على طول خذوه وراحو والله لوه شافني ان على طول يروح يعلم الحقير اما مهوي عادي ماعلم النمام الخايس المهم
انتشرنا كلنا ندور حبل عشان ننزل مهوي وكل وحده في مكان وفجئه نسمع صياح مهوي فوق الشجره ونروح كلنا ركض لين وصلنا تحت عساها مامتت كلنا تجمعنا تحت الشجره
انا : مهوي انتي بخير
مهوي بوناسه :ابشركم انفك البرباتوز
الكل :هيا
هنود :يالله عاد انزلي اشتقنالس صارلس اكثر من ساعه وانتي فوق الشجره
مهوي :اخاف اطيح
شيخوه :عادي طيحي اهم شي انس تنزلين
نوير وهي جايه تركض :بنات لقيت حبل لقيت حبل
الكل استانس وأخيرا بينزاح كابوس الشجره وتسلقت انا وفكت مهوي العبايات وعطيتها الحبل بعد ماعقته كم عقده عشان تقدر تنزل بسهوله وربطه ونزلت ونزلنا وبلأحضان استقبلناها وجلسنا لاشعورينا ننطط كنا مجانين ووالعنا لانوار كلها وجلسنا نغني ونرقص من الوناسه عشانا كان بروح في خبر كانا وانا ومهوي مسكنا شيخوه وطقيناها لين تفلت العافيه وجلسنا مطارد وهواش ولعب ووناسه و الساعه كانت 1 وحنا جالسين نلعب ونرقص
وفجئه نسمع صياح نوير ورحنا كلنا لها ركض نبي نعرف ويش فيها لقيناها جالسه وسط الزرع ومعها قطوه صغيره مره وشالتها وهي مستانسه على الأاخر
انا :خير ليش تصيحين
نوير بحنان :شفو تهبل
مهوي :على بالي صارلس حادث
شيخوه :ولا دخل فيس سكني اسمه شاروخان
نوير :بايخين.......... شفو محلاها تهبل..وتحضنها
هنود بسرعه :لالالا تقربينها منس
نوير بستغراب: ليه تارا هاذي قطوه موب اسد
هنود :ادري انها قطوه و اكيد كلها الحين جراثيم ويمكن تكون مريضه او فيها شي وتعاديس او تنقلس الجراثيم ونتبهي ترا اذا دش في خشمس شعره بس وحده منها يمكن تسبب لس مرض في الرئه
نوير بلامبالاه :اقول انطمي انتي وعبطس
هنود بزعل :الله يادنيا صار الطب عبط
عبير :هو موب عبط بس اذا طلع منس صار عبط
هنود بعد ماعطت عبير بقس حطم ضهرها : اكلي تبن يالحقيره انا تقولين عني عبيطه صدق امي ماربتس
عبير وهي تتألم :والله لاعلم امي عليس يالخايبه
نوير :بنات باخذه واربيه أذا امكن
انا :حرام توه صغير بيموت
نوير :عادي برضعه
شيخوه :يالوصخه ويشلون بترضعينه
نوير :على تراب انا قصدي بعطيه مرضاعه
شيخوه :ليش ماقلتي كذا من البدايه
نوير :ويش دراني ان عاد في العالم ناس عبيطين مثلس
شيخوه :هين انا عبيطه والله لاذبحه لاتاخذينه
رنود :الحين كل هالصراخ ومناديتنا عشان هالقطوه مالت عليس الى مالت عليس
نجود :أي والله مالت عليس
أمجاد :ايه صدق مالت عليس
نوير :اشرهه موب عليكم على الي ياخذ رايكم
عهود :ماعليس منهم اخذيه وربيه وانا بعد بروح ادور لي واحد ثاني واخذه ونخليهم يعيشون معنى كأسره وحده
ندوي :بايخه
عهود :انا ماقلت نكته عشان تقولين بايخه
ندوي :ليه بس النكت الي تصير بايخه
لميوه :ايه بس انكت
عهود :انتي مالس دخل اطلعي منها
لميوه : أصلن انا كيف نزلت من مستواي وكلمتس
عهود :محد طلب منس تنزلي ارجعي له
ريموه بعد ماجات :بنات لقيت شي عجيب
رنود :اكيد مصيبه جديده
ريموه :هي شبه مصيبه
انا :الي فيني مكفيني
ريموه :اعرفو اول ثم علقو على الموضوع
هنود :غردي ويش عندس
ريموه :يوم رحت ادور حبل عشان انزل مهوي لقيت سلم
انا :اما نس حقيره ليش ماجبيته وانتي جايبه حبل لين بغت مهوي تطيح وتموت انا قايله انتي نذله بس ماصدقتيني مالت عليس ياحقيره
ريموه بعصبيه :عمى اصبر لين اكمل جعلس الموت
انا : نقطي ...معني متأكده ماعندس شي غير الي قلت
ريموه :السلم الي انا اتكلم عنه يالغبيه سلم الي يودي فوق الغرف
ندوي :هاه وبعدين
ريموه : نروح نركب فوق الغرف ونستانس
رنود :انا قايله انكم تدورون المشاكل
هنود :وبعدين اذا ركبنا ويش نسوي
ريموه :نفرش زوليه ونجلس عليها ونسولف
مهوي : بس نروح نركب كلنا ياذا الجيش عشان نجلس نسولف لالا لا بسراحه انا صرت اخاف من المرتفعات خلونا على الأرض احسن
عبير :لالا فكرت ريموه احلى
ريموه :كيفكم تبون ولافي الطقاق انا بروح والي يبي يلحقني يجي
انا :يشفونكم

ريموه :بننسدح عادي ونسولف وبناخذ مراقدنا معنى وبنرقد فوق بعد يالله قايس
عهود :يالله
مشاعل :عجبتني الفكره بروح معكم انا ودانا
دانا :ايه حلوه
ريموه :يالله كل وحده تجيب مرقدها وتلحقنا
وراحت ريموه وعبير وعهود ونجود وامجاد ومشاعل ودانا ورحت معهم اجس انبض واشوف انكان المكان يستحق ان الواحد يروحله او لا ورحنى ورا الغرف ولركبنا على السلم ورقيت ولقيت الجو فوق الغرف غير حلو وهدوئ وبعيد عن صجت البزران وفرشت ريموه بصاطين ومده ورقو الشله كلهم بمراقدهم وفرشوها وتسدحو كلهم في مراقدهم
انا :منجدكم بترقدون هناه
ريموه :ايه عادي
انا :بس خاف يهاوشكم احد
عهود :ألأحد هاذا موب داري ألا اذا علمتوه
انا :اكيد بيفقدونكم يالغبياء
عبير :الي بتنعس بتروح ترقد تحت
انا :كيفكم
نجود :اكيد
أمجاد :اكيدين
ورحت وخليته فوق ونزلت ورحت للبنات الي لقيتهم مالت عليهم في المسبح ومعهم دلال وجواهر والهنوف وعمتي ساره وخلود الي جالسه على الكرسي وتتحلطم تبي تسبح وشكل احد محذرها اكيد امها ورنود وندوي ومهوي ولميوه كلهم في المسبح بعد وحمني وخوخه وسلطه وغدير ونص والجوري ومي ومرام بعد كلهم عندنا مدري من الحقير الي فاتح الباب لين جاو ذشله وجيت وجلست عند خلود الي تتحلطم من الصبح
انا :خلود ويش عندس تتحلطمين
خلو د بزعل :بسراحه انا شاكه فيس ياليلوه
انابستغراب :ليه ويش مسويه
خلود :انتي الي معلمه امي اني سبحت اليوم لين اطردتني
انا :وانا ليش اعلم
خلود :حسوده
انا :وانا ليش احسدس
خلود :تسأليني اسألي نفسس يالحقوده
انا :أي انتي لتورطيني موب انا الي معلمه عليس وبعد موب اكثر ماشحني بطقاق تسبحين تتسلقين تغطسين تموتين بستين داهيه
وقمت ورحت لشيخوه الي جالسه على طرف المسبح وانا جلست على كرسي لأني مالي خلق تتغرق ملابسي
شيخوه :لاتحاولين انس تراضيني
انا بستغراب :وليه اراضيس انشاءالله ويش مسويه لس اصلن
شيخوه :انا زعلانه منس انتي ومهوي
انا :بطقاق حتى انا زعلانه منس
شيخوه :بلا اكذب عطيني موبايلس
انا :ليه
شيخوه :او عطيني المومري بس
انا :طيب ليه
شيخوه :بروح اطلع صور شاروخان الي انتي مسحتي
انا :لوا والله لاكسر المومري ودزيت شيخوه في المسبح ونحشت وطلعت شيخوه وجاتني تلحقني وانا انحشت ولطراد انا وياها وفي الأخير دزتي الحقيره في المسبح
انا :والله ماخليس يالخايسه
شيخوه : احسن وموبايلس باخذه غصب ....الى وينه
انا :موب معطتس اياه لو بتموتيمن والله لا اكسره عشان ماتاخذين صور الحقير شارخان
الهنوف : ليه ماله صور الى معس صوره ماليه المجلات
شيخوه :لا مادريتي
الهنوف :وش
واجلس اغمز لشيخوه انها ماتعلم بسالفه فضيحه ادري فيها
شيخوه بعد ماشافت غمزتي :شاروخان جاقطر
الهنوف :صدق جاء متى ولا ويش دراس
شيخوه :متى مدري ويش دراني هاذي سالفه طويله عريضه بقولها لس بعدين
عمتي ساره :سر يعني ترانا بعد نعرف شاروخان
شيخوه :صدق عمتي تحبينه
عمتي ساره :لاحد يورطني ماحب غير خليفه وشاروخان بس احب افلامه
شيخوه :وليه تحبين افلامه اكيد لانه فيها صح
عمتي ساره :لا طبعن موب عشانه
شيخوه :اجل ليش تحبينها
عمتي ساره بعصبيه :انتي غصب تورطيني بذا الهندي
شيخوه بعصبيه :ليه ويش فيه الهندي احلى من خليفه الي راجتنا فيه
عمتي ساره وشكلها عصبت من جد :اقول انثبري صدق ماتنعطين وجه ولاعاد تجيبين طاري خليفه على السانس قطعته
شيخوه :ليه انا خبله خليني في شاروخان احسن لي
عمتي ساره :هين ياشيخوه والله لاعلم عليس ابوس انس تحبين جوني برهام
شيخوه : اصلان ابوي يدري وانا شخصين معلمته وهو بعد شخصين شاريلي فلمين لجون ابراهيم
عمتي :يدري انس تحبين افلامه موب تحبينه شخصين وبعد دلال تقول انس ماتبين فواز تبين جوني برهام صح
شيخوه :ايه صح وين العيب
عمتي :صدق انس وجه بنفهره
شيخوه : الله اعلم
عمتي :شيخوه انتي ناسيه اني عمتس
خلود :شيخوه انطمي والله لاعلم امي عليس انس قليلت ادب
شخوه :اصلان امي داريه وتقول انها غاسله ايدها مني
جواهر داخله عرض :الى من الي طاق سلطه بنعال على عينه
شيخوه متورطه : ليلوه هي الي طاقته
جواهر :انا قايله ذي العنيفه اكيد ليلوه
شيخوه :وبعد مهاوشه حمني
جواهر :صدق انها حماره
انا بعصبيه :أي انتي وختس الدفشه لاحد يورطني من زين عيالس الهيلق عشا اطقهم
جواهر بعد شهقه عصبت :اعيالي هيلق
انا :ايه هيلق محد قالب الشاليه غيرهم
جواهر :والله ماخليس تقولين عن اعيالي هيلق وهم الي ساترين عليس مالت عليس والله ماعديها لس واعلم عليس
انا : ويش ويش ساترين علي ليه وانتي بتعلمين لاكون سارقه رضاعت سلطه ولا نعال حمني الي مايعترف بها
جواهر :ياليته كذا انتي مسويه جريمه
انا :ويش
جواهر :حمني علمني بكل شي وانا قلت له الاتعلم علها احد حرام اكيد قصدها تشوف حبيب القلب
انا بعصبيه : أي انتي حمني ويعلم وحبيب القلب ويش قصدس
جواهر :تستعبطين
" لايكون قصدها الهندي الي يشبه شاروخان بس كيف شافنا حمني مكان فيه احد ؟؟؟ويش تقصد ذي بطقاق خير يعني مسويه جريمه "
انا :لايكون قصدس الهندي الي يشبه شاروخان تراه حبيب قلب اختس شيخوه
جواهر بستغراب :أي هندي
انا :الي تتكلمين عنه
جواهر :انا ما اتكلم عن هندي
انا :اجل ويش تقصدين بحبيب القلب
يشخوه :اما انس حقيره تغمزين لي ما اعلم بقصت الهندي واخرتها تعلمين وتورطيني
الهنوف :يمه منس ياليلوه ليش ماخليتيها تقولي سالفت الهندي
جواهر : لاحد يضيع السالفه انا بعلمكم بسالف احسن من سالفت الهندي ذاه الي تتكلمون عنه
خلود :بخصوص من
جواهر :بخصوص ليلوه الي مسويه لنا افلام هندي ومابي ومابي وهي اكبر كذابه ورايحه في خبركانا
" ويش بتورطني ذي فيه "
انا :خير تراس الحين يتألفين قصه من لا شيئ
دلال:جواهر قولي حمستينا عاد
جواهر :ليلوه

الكل :ويش فيها
جواهر :من الحب الزايد والشوق الي معذبها والوله عشان تشوف حبيب القلب طلال
واقاطعها وانا من جلطه لاتورطني وتقولني كلام ماقلته :لحضه لحضه لاحد يورطني وبعدين حبيب قلب في عينس انتي وياه ويخسي
جواهر :خليني اكمل وانتو احكم انا اورطها ولا لا
عمتي ساره :عاد كملي حمستينا
جواهر :تخيلو ليلوه متسلقه الشجره الي طولها 20 متر بس عشان تشوف طلال
انا انجلط وبطلت عيوني على الاخر كيف درت ولا من الي شافني وقالها وكيف برقع
دلال: اف يالحب وتقولين انس ماتبينه انا قايله طلال مايرد
انا :اتخسين ياجواهر الحقيره السالفه ذي من بطنس ويخسي اطليل احبه مالت عليس انتي وياه
جواهر :اجل ليش راكبه فوق الشجره موب عشان تطلين على شاليه الرجاجيل وتشوفين طلال
انا بعصبيه :بايخه وتخسين انتي وياه الحقير
خلود :وتنافقين مابي ومابي وانتي رايحه في خبر كانا
دلال :اناقايله دلع بنات على قولت مرام ماكذبت يوم قالت ( اتغير عليك ولا اسأل واجيك واقولك ماحبك وانا بموت فيك ياكل الحياه ماخبي عليك ترا كل هاذا ياروحي دلع بنات )
الهنوف :وليلوه طبق الكلام صح ومشت علينا كذبتها
انا بعصبيه :من الي قايلس تراه كذاب
جواهر :لالالا حمني مستحيل يكذب
انا مدهشه :حمني الحقير الي قايل ذاه الكلام
جواهر :ايه
انا :اصلان الي كان فوق الشجره يوم جانا حمني مهوي
جواهر :كذابه انتي موب مهوي
انا تورط وحسيت الموضوع بيكبروبيطلع من ذي الفضيحه وبتفضحني وتورطني وخايف تسمعها ام طليل وتعلمه بلكذبه لازم انهيه الحين واطلع من المسبح وامسك حمني وعطيه كفين واجيبه عند المسبح يعترف من الي كان فوق الشجره يوم جانا لعنبوه عله وانا موب فوق الشجره ورطني لوه جا ونا فوق الشجره كان فضحني
انا وانا خانقه حمني :من الي كان فوق الشجره
حمني :مهوي
انا :ليه تقول انه انا
حمني :ماقلت شي
جواهر :خلي ولدي في حاله
مهوي :صدق انه نمام
جواهر :ماعلم الا انا وانا بعد حذرته مايعلم احد
رنود :عاد انتي صبرتي فضحتيها وورطيها
حمني بعد ماخنقته :ايمههههه شوفي
جواهر :خليه ولدي بريئ
انا :لاوالله بريئ ويورطني يخسي ماركبت فوق الشجره يومه عندنا كانت مهوي الي فوقها
موب انا ليه يكذب
جواهر :اولدي مايكذب انا الي اكذب
ندوي :هاذا لغز
نوير : وضحي ويشلون يعني انتي الي تكذبين
جواهر :يعني هو قالي ان مهوي متورطه فوق الشجره ولا اعرفت تنزل وكان يبيني اساعدها وعاد انا ابي انتقم من ليلوه لأنها مهاوشته وورطها عرفتو من الي يكذب
انا ارتحت نفسين اول ماسمعت الحقيقه الله ياخذها بغت تورطني والله معاد اهاوش البزران ولا اكفخ احد عشان معاد احد يورطني لأن مهوي موب تهاوشه ماعلم عليها خلاص توبه
جواهر :وين وصلتي ياليلوه لاتكون كذبتي صدق وسرحانه في حبيب القلب
انا بعصبيه :تخسين انتي وياه والله الاردها لس ياجواهر
جواهر :خلاص فكي فلذت كبدي
وفكيت حمني وراح وارتحت نفسين وجلست اسأل متى بنرجع للبيت واغير الموضوع ومن موضوع الى موضوع وضاع موضوعي ونسو كل شي الله ياخذ جواهر ورجعت الهنوف الحقيره للموضوع بسؤالها
الهنوف :شيخوه تكفين قوليلي ويش قصت الهندي
لميوه: اما نس قطه مانيبي نقولس غصب يعني
الهنوف :انتي يلمايعه مالس خص شيوخي قوليلي
لميوه :احترمي نفسس
نوير: أي لميوه احترمي نفسس انتي لاحد يغلط على مرت الغالي
الهنوف :بس هو الغالي
نوير :لاطبعن والغاليه ام الغوالي
لميوه :ويعه
شيخوه :ويع تقب وجهس ياطرطنقيه
لميوه :بسم الله منكم مكثركم يالسلطان
خلود:قولي مشاء الله لاتصكينا عين
جواهر :ايه تراعينها قويه مثل ا
لميوه :رجاءً لاحد يغلط يالله انتها الموضوع
خلود :هب عليكم مامليتو من السباحه اطلعوعاد
هنود :وانتي ليش حاقده كل ذاه عشانس ماسبحتي معنا
خلود :لايكون انتي الي معلمه امي
هنود :ويش دخل
خلود : ادري فيكم نحيسات
رنود :أي انتي قبل شوي في هنود والحين حطيتيها فينا
خلود : اقول الشرهه موب عليكم علي الي جالسه معكم
ندوي :محد اغصبس
نوير :أي انتو ويش فيكم على اختي كليتوها
انا :مالت عليس وعلا خواتس معس
جواهر :مالت عليس انتي ...وياحرام يليتني ماعترف وخليتس تموتين وفضحتس بعد ؟؟؟؟؟؟؟؟الى مهوي ويش مركبس فوق الشجره
مهوي بعبط :اتسابق انا وليلوه
انا تورط افضحتني ..................
جواهر بدهشه :يعني ليلوه كانت معس
مهوي ترقع : هاه لالا احنا متفقين اتسلق انا واذا نزلت هي تتسلق ونشوف من الي بياصل اعالى قمه فأيوم نشبت هونت هي ولا رقت فوق الشجره
جواهر :متئكده
مهوي :ايه اكيد
انا :هين اما ورطس وفضحتس وانتقمت منس ياجواهروه
جواهر :يمه منس حقووووده من قلب
انا :يالحقود مالت عليس ......وطلعت من المسبح ورحت جلست عند رنود وندوي
المهم جلسو يسبحون وزحمه وكل الحريم جاو والي راح يرقد والبزران كلهم رقدو لأأنهم قدهم دايخين من العب ورجعنى كلنا نسبح لين الساعه 3 ونص وصلينا ورحنى كلنا وبدلنا والحريم ارقدو وصار الشاليه هدوئ مره وحنى بعد ما بدلنا رحنى وفرشنا برا وجلسنا وشوي ويجون شلت ريموه بعد ماصلو وجلسو معنا ومشاعل ودانا راحو يرقدون وراحت نجود وأمجاد يسوون لنا حليب وخلصوه وجابوه وجلسنا كلنا دائره كبيره
انا :بنات مافكرتو تنتقمون من الشباب
رنود :ايه صح نسيت
شيخوه :انا عندي فكره
الكل :ويش

شيخوه :نغتالهم هاهاهاها
الكل :بايخخه
انا :مالت عليس صدق ان ماعندس سالفه وبعدين لوبتموتي مانفذنا لس خطه
شيخوه :ليه قاصر
انا :ايه عبير اعقل منس
ريموه :فكرت انا وشلتي وقررنا انا نسرق كل بوكت الشباب
لميوه :ليه شايفتنا حرميين
ريموه :انتي مالس دخل واخر وحده تناقشني
ويش رايكم يلبنات الكبار
لميوه : انطمي مالت عليس
انا :لالا كيف نسرق بوكتهم وبعدي ويش نبي بها
عبير :ناخذ فلوسهم ونطخطخ
نوير :لالا الى السرقه مستحيل انزل نفسي الى هاذا المستوا الرذيل
هنود :رذيل ويش يعني
نوير :ماعندي خبر
ندوي :هي شتيمه وعلى ماأعتقد ان معناتها واطي او سافل او ا اهم شي انه شي تحت ويش هو مدري
هنود :انتي لازم تسوين مثل ولاعاد تعطين احد معلومات ناقصه زين
ندوي :وليه معلومانتي ناقصه
أمجاد :ماحددتي ويش المعنى
نجود :ايه صح ماحدتي ويش المعنى
ندوي :وانتو دبش افهموها
انا :انتو ياعبط فكرو ويش لون ننتقم منهم شر النتقام
عبير :ويش رايكم اروح لشاليهم واقفل عليهم الباب واخذ المفتاح ويتنقعون
عهود :اكيد بيطلعون مع الدريشه
رنود :اصلان بايخه
عبير :ليه بايخه بلعكس تهبل وحلو ودمها خفيف هههاي
نجود + أمجاد بستهزاء :بايخه هههاي
انا :لازم يابنات نرويهم شي عمرهم ماشافوه وننتقم منهم شر النتقام عشان يعرفون ويش لون ينتقمون منا احنى البنات محد قدنا يجون ذا الحقارا ينتقمون منا لازم نرويهم صح يابنات
الكل :اي صح
ندوي :بنات ترا فارس ماله دخل اكيد موب معهم يوم سوو المقلب فينا
مهوي :ويش دراس معهم ولا لا
ندوي :اكيد لانه طيب ومستحيل يسوي كذا
شيخوه :المعنى
ندوي :لاحد ينتقم منه ولا يزعله
عبير بنضرات غريبه :وانتي ويش حارس من فارس قلعته ولا ليه ماتبينه يزعل لايكون اخوس وحنا ماندري
ندوي :لانشاء الله مابيه يكون اخوي
نوير :نصيحه يابنات اصلن لاتنتقمون خلوها بعدين خلونا من الحقد والغل وخلونا نستانس
رنود :متى بعدين اذا رجعنى كلها ايام ثم الملكه كيف ننتقم منهم بعدين
انا :هي صادقه دقو الحديد وهو حامي
عهود :يمه انتو بتتملكون بعد ايام يعني ريموه بتتزوج
ريموه : ومن الي كاذب عليس وقايلس اني بيزوج
عهود :ليه موب متملكه
ريموه : لا وحتى اذا تملكت موب متزوجه لو بيموتون
نجود :يعني اذا تملكتي بتصرين ملك اخوي عزوز
أمجاد :ايه بتصير ملك اخوها عزوز
ريموه بقرف :يخسي انا ملك نفسي واصلان خالي مشعل موب مخليني اتزوج واحد من التوئم المختلف
نوير:احترمي نفسس واصلان يخب عليس
شيخوه :ليه تكذبن يريموه وتقولين اهم التوئم المختلف وهم نسخه في كل شي
عبير :تقصد الرسوم
عهود :صدق انس ياريموه خايسه ليه تتكلمين عن الخواني كذا
ريموه :احسن كيفي
انا :العنه ليه انتو كل شوي تطلعون من موضوعنا
رنود :أي موضوع
انا :العنه امداكم تنسون ننتقم
هنود :انتي ليه مغله كذا
مهوي :انتي ويش فيس علميبس اذا احد غلط عليس تنتقمين بدون ماتستئذنين احد ولاحتى تاخذين شور احد
انا :لا يكون جالسين تنتضروني انتقم لكم لحالي
ندوي :عادي انتقمي انتي خبره
انا :مالت عليكم صدق انكم دجاج وماعندكم كرامه انا اقول شكل ذولا مئجلين الانتقام عشان يضبطون ذيك الحركه الي تفجر الشباب اثاريكم دبش تنتضروني
لميوه :الى غريبه منس ياليلوه انس مارحتي تنتقمين بدونا وجالسه تاخذين شورنا
انا :عبالي عندكم سالفه مادريت انكم دبش
نوير :خلاص اجلوه بعدين الأنتقام وخلونا نستانس
عهود :ويش نسوي مثلان
رنود : خاطري نلعب لعبت الشاب والشرطي امانه خلونا نلعبها
ريموه :ايه صح تهبل
هنود :يالله روحو سوو الاوراق
ندوي :من الي بيسويها
نوير :اصغر القوم خادمهم
عبير :المعنى
ريموه :افهميها
وقامت عبير وراحت تجيب اوراق
انا :بنات وولأنتقام
نوير :انتي ويش ذا الحقد كله على الشباب قلنا بعدين
انا :مالت عليكم اصلان انتو ماعندكم كرامه
" العنه ليش الدبش مايروحون ينتقمون ينتضروني :
ندوي :روحي انتقمي يالي عندس كرامه
انا :اكد عليكم بطقاق
رنود :خلاص اسكتي خلينا نلعب
وجات عبير بلاوراق وجلسنا نلعب والعبه كانت وناسه وانا كل شوي صايره شرطي وصايده الشاب وبعد ماخلصنا لعب لعبنا لعبه ثانيه اونو ووناسه بعدوخلاصنا وملينا ونصف جلس يسولف في المستقبل والحاضر والماضي ونصف يلعبون ونوير تتحلطم لأن قطوتها ضاعت أو بمعنى اصح وحده من البنات خاشته وعلى الساعه 4 ونصف كلنا في غرفه وحده يالبنات وفارشين مراقدنا على الأرض وراقدين كلنا كل وحده جنب الثانيه انا ومهوي ورنود وشيخوه جنب بعض في مرقد واحد وعند روسنا نوير وندوي وهنود ولميوه وعلى يمينا نجود وامجاد وعبير وعلى يسارنا ريموه وعهود ومشاعل ودانا الي رقود معنى في نفس الغرف ومطفين الانوار وضلمى على الاخر وطبعن من غير ماقولكم ويش صار يعني بنات ورقود مع بعض اخر ازعاج سوالف وضحك و الي تقبص الثانيه والي يتهاوشون على المراقد والي والي اهم شي رقدت انا والبنات كانو نصفهم واعين وقعدت على صوت جدتي تقعدني اصلي واتغدا ثم بعد الغدى مشينى لبيوتنا ووصلنى كانت الساعه 3 ورحت اسبح واللرقد لأني ما شبعت نوم ورقدت وقعدت الساعه 6 المغرب والقاء ندوي كاشخه كنها جايه من حفله
انا : ندوي وش عندس
ندوي: ماعندي شي
انا : وليه كل ذا الكشخه
ندوي : عندنا ام نايف وام سعود
انا : وين الغريب
ندوي :ابد قعده اضبطهم بما ان عيالهم حلوين
انا : مالت عليس وروميو نسيتيه
ندوي : اخاف ما يحصل ثم اتورط
انا : اذلفي مالت عليس يا الخبله
واروح لبيت جدي ادور البنات ولا حصلتهم مدري وينهم اروح لبيت مهوي اكيد انهم هناك
وانا رايحه حصلت مشاري كنه يتسحب صوب الكراج ولا يبي احد يشوفه ورحت وراه بدون ما يدري واراقبه ويركب في سياره فارس اخوه والحقه ويركب في الشنطه واجي شوي شوي وابطل الباب بقوه والركب في الوسط واطل في الشنطه اللي مشاري كان منسدح فيها
انا : مشاريوه شفيك تتسحب ما تبي احد يشوفك
مشاري وهو مرتبك : ليلى ا انتي ليش لا حقتني هاه
انا : ليش راكب ومنخش يالله اعترف
مشاري : ليلى باقولج بس موب الحين روحي وبعدين اقولج
انا واطب معه في الشنطه : ما وراي شي تكلم وش عندك يا بطل
مشاري :ليلى ترا فارس بيجي الحين الله يخلليج انزلي
انا : ايييه زين قلت ولا كان توهقت وتوني احكي لا وفارس مبطل الباب وانسدح على طول ويركب هو ويا طلال ويشغل السياره ويمشي ويشغلون المسجل بصوت شوي مرتفع اغنيه خليلوه وبدينا نتكم بصوت واطي
انا بصوت واطي : مشاري وش السالفه وينهم رايحين
مشاري : مدري
انا :شلون ما تدري تكلم
مشاري : يووه خللاص بعدين لا يسمعونا
انا : خلاص اسكت
وقصرو على المسجل وبدو يتكلمون
طلال: فارس وينهم فيه وبعدين ترا مابي اتاخر
فارس : خمس دقايق موب مطولين
طلال: ابوي يدري
فارس : اكيد لا تخيل اقول لبوي موب مخليني اروح اصلا
طلال : احس مشاري سمعنى
فارس : حتى لو مستحيل يقول لبوي
طلال : لا يكون مسوين لك كمين
فارس : لا مستحيل متأكد بعدين صديقي نادر معهم
طلال:اوكي مر فواز
فارس : لا طلال الله يخليك وبعدين لوك ما اصريت كان ماجبتك اصلا
طلال: وانا الي اقول انك نسيت كل المشاكل
فارس : والله يا طلال اني ندمان على كلشي سويته فيك
طلال: تدري هاذ احسن شي سوته ليلى في حياتها
فارس : ترا ليلى طيبه كل المشاكل تصير معها بدون قصد
طلال بستهزاء: تصدق رفضتني
فارس بستغراب :شلون رفضتك
طلال: يقول ابوي انها ما تبيني شفت القهر الحين انا حلم البنات ترفضني طيب ليه
فارس بغرور : ماتدري ليه ياغبي لأن فيه احد احلى منك
طلال بستهزاء: يعني ترفضني عشانك والله انك واثق

فارس بغرور : اكيد واثق لأن مافيه في العايله احلى مني
طلال ببتسامه : يا الواثق ما تبيك بعد انت
فارس بصدمه : تخسي............ اجل من تبي
طلال : لا اقولك انصدمت
فارس : من
طلال : خالد ولد عمي نايف
فارس :اكيد عندهم قصه حب
طلال : لا لو خالد يحبها كان دريت
فارس : لا يا الf.b.i. كيف عرفت
طلال : عندك اخ داهيه تراني اعرف بقصص الحب الي في العايله
فارس : قلي وحده منها يا الداهيه
طلال : قبل اقول عندي كم سوال وابي اجابه صريحه
فارس: اسال
طلال:ندى بنت عمي فهد وش تعني لك
فارس : مافهمت
طلال : يعني وش رايك فيها كاحبيبه
فارس : حبيبه لمن
طلال : لك
فارس : طلال وش ذا الغاز اللي قاعد تقطها
طلال : بلعربي البنيه ميته فيك وتحبك
فارس : وكيف عرفت " انا صدق عمي ناصر يحب الحكي قال لطلال ان ندوي تحب فارس "
طلال : ابد الله يسلمك مره ه يوم كنا في البر كان فيه ثنتين من البنات يسولفون وسمعتهم يقولون ان ندى تحبك
فارس : ياغبي ندى ماتحبني بس لأني حلو
طلال : العن بوالثقه هاذني مقابلها من ربي خلقني ليه ماحبتني
فارس : مو انت تقول انك شاك ان ليلى تحبك شلون تحبك واختها تحبك
طلال : لا بعد مارفضتني اكيد ما تحبني وبعدين وشرايك تحبها عادي بنت عمك وبعدين وش دراك انها تحبك لأنك حلو
فارس بهدوء: سألتها وقالت لأنك حلو
طلال بدهشه : يعني قد اعترفت لك بحبها
فارس : هي انت أي اعترفت بحبها ترانا موب بفرنسا
طلال : انت اللي تقول هي اللي قايله لك
فارس : خلاص ترا مايسوا علي
طلال : تبي تعرف شكلها اقولك
فارس : حتى لو كنت بتقدم لها ودريت انك تعرف شكلها والله ما خذها
طلال : يا حرام تقطع قلب البنيه
فار س : وش دخلني هي الي تحبني وانا موب مجبور أي وحده تحبني اخذها
وصار لنا ساعه واحنى نمشي وهم يسولفون وموبايلي انقطع عنه الارسال
طلال : موب كنا ابعدنا
فارس : اني مواعدهم هناه
طلال : انت اللي محدد ولا اهم
فارس : انا وهم
طلال : والله خايف يكون نون مسوين لنا كمين ونلقا مليون واحد
فارس : اقولك خويي نادر معهم اهو مستحيل يخوني
طلال : بس المنطقه هاذي مقطوعه شمعنى اختاروها
فارس : مدري عنهم اهم شي انا متاكد من نادر
طلال : الله يستر مع اني احس انهم يكذبون وانهم مسوين كمين ليتني قلت لحد من الشباب عشان اذا تاخرنا ولا شي يجون
فارس : طلال شفيك خايف
طلال : لا بس موب مطمن
فارس : اقولك شي ولا تزعل
طلال : قول عادي تمون
فارس : احسك خايف مني انا
طلال : والله السراحه ايه ادري فيك عله وكم مره ورطني بدون سبب
فارس : صدق طلال عادك ما تثق فيني
طلال : بسرحه لا
فارس : طيب ليه طلعت معي وليه شاك فيني
طلال : طلعت معك لأني ابي اثق فيك اما ليه شاك فيك فالأنك ما خليتني اقول لحد اني معك ولا خليتني امر فواز
فار س : ماخليتك تقول لحد لأني ادري اخوي مشاريوه اذا تاخرنا ميه في الميه بيقول لبوي اما فواز ما اثق فيه
طلال : بسراحه فارس انت سعيد ان طلع لك اهل
فارس : اكيد سعيد وكنت اتمنى تخلص المشاكل اللي بيني وبينك عشان نكون ربع وتصدق نفسي اهدي ليلى احلى هديه على انها كانت قويه وقدرت تقول لبوي وخلتني اتكلم غصب عني واقول اللي في خاطري
طلال : ياخي ها اليلى غريبه معقوله فيه حب استطلاع الى ها الدرجه
فارس : تصدق طلال نفسي اشوف شكلها هي حلوه
طلال : ماسالت مشاريوه ترا حكيه واجد "ومشاري تورط لأني جلست اناظره نظرات توعد"
فارس :لا ماسألته ولا يمكن اساله بطيح من عينه
طلال: خلاص انا اقولك شكلها
فارس : وشلون شفتها
طلال : كم مره تصير مواقف واشوفها
فارس : قلي شكلها
طلال : بسراحه هي حلوووووووه ومملوحه تحس عليها نعومه عذاب وبيضاء وشعرها الى نصف ظهرها تحسها احلى من ندى لان ندى سمرا شوي
فارس : اف شكل عند ك خلفيه عن البنات كلهم
طلال : افا عليك وعندي ذاكره خطيره تحفض كل شي
فارس : اجل لا تقول لعيال عمي ثم يتعقدون
طلال : وش يعقدهم
فارس : انك تعرف اشكال حريمهم وبعدين ما اعجبت في وحده
طلال : تصدق اني وانا اشوفهم احس انه عادي احسهم خواتي او مدري بس ماقد نظرت لهم على انهم بنات غريبات عني مدري ليه مع ان المفروض انا اكثر واحد احس نفسي غريب عنهم
ويوقف فارس السياره في منطقه شبه ظلام وكانت الساعه 8 ونزل ويا طلال وجلسوعلى الكبوت وانا ومشاريوه مكانا نتكلم بصوت واطي
انا : مشاريوه وش السالفه انت تدري
مشاري : مدري بس الظاهر بيتهاوشون مع احد
انابخوف : جعلك المرض والجلطه وليه ما قلت واحنى في البيت
مشاري : خفت اقولج توقولين لهم انج معهم وينزلوني وانا ابي الروح معهم
انا : وليه انشاءلله تبي تروح معهم
مشاري : عشان اذا تهاوشو اساعدهم
انا : الله ياخذك ياربي وانا الحين وش اسوي لو درو اخوانك وش بيكون موقفي
مشاري : انتي عله ليه تركبين معي واصلا ليه تلحقيني
انا : وانا وش دراني انك بتورطني يا حقير
مشاري :ليلى رجا لا تقولين لي حقير وتخليني اتهاوش معج
انا بقهر: إلا حقير وزباله الله ياخذك على ذا المشكله اللي حطيتني فيها
مشاري : وش دخلني انتي اللي حطيتي عمرج فيها
إلا وجايه سيارتين وحده همر والثانيه لكسز ووقفو ونزلو يجي 10 شباب وطلال وفارس كانت على وجيهم دهشه واستغراب ويمكن خوف وعلى طول بدون مقدمات بدو يتهاوشون وينزل بسرعه مشاري يساعد اخوانه بس وين يساعدهم 10 ومعهم الثنين معضلين وبد ويتهاوشون وانا قلبي وقف لا احد يجي الحين ويلقاني وش بي سوون فيني ويجي واحد من النعضلين صوب السياره وانا كنت باموت وش اسوي وخذ مفتاح السياره وبدا يدور في السياره وكان طرف عبايتي طالع مع الكراسي الي في الوسط يوم ركبت كان واضح المهم المعضل شافه وسحبه

وبس

بسم الله الرحمن الرحيم

الجزء السادس عشر من روايه غصب عني
الفصل الخامس من...........(( شوفو لي حل ))



وكان طرف عبايتي طالع مع الكراسي الي في الوسط يوم ركبت كان واضح المهم المعضل شافه وسحبه
وانا على طول فصخت العبايه ولزقت عند اخر الكراسي وانا منسدحه وطل ورا بسرعه ولا شافني وراح وانا معد تحركت من مكاني والحقير سوو نفس ذيك المره كسر المخزن حق البترول وخلا يبنكب وانا خلاص بيوقف قلبي كنت خايف مووووت واسمع اصوات الهواش برا وصراخ وصوت مشاري يبكي واصوا ت وانواع الظرب المهم ساعه ونص وهم يتهاوشون واللي فهمت منهم انهم يبون شي من فارس وان واحد من اصدقا فارس خانه وسوا له كمين عشان الجيش ذولا يجون يظربونها عشان يعلمهم باللي يبون والظاهر اهم استغلو وجود مشاري وبدو يظربونه عشان فارس يعطيهم اللي يبون وعطاهم فارس للي يبون لأنه خاف على مشاري من الظرب وراحو وانا مكاني ياربي انزل معد سمعت صوت عيال عمي عسى ماصار فيهم شي انزل بس ما علي عبايه انزل بشيله بس وبعد شوي سمعت صوت فارس يقعد مشاري ياربي وش اسوي وفي الاخير قررت اسوي لي لثام وانزل ظلمه موب من تبهين وبعدين هم في حاله يرثا لها ونزلت وليتني ما نزلت اشكالهم كلها دم ويخوفون ومشاري كان كله دم واروح الركض لمشاري وانا ابكي واحاول اساعده وفارس كان منصدم مايدري وش ذا البنت اللي طلعت فجئه لا ولا عليها عبايه وطلال كان مغمى عليه وعبايتي كانت مشققه وقطعها طايحه في كل مكان
فارس بتعب ولهفه : تكفين جيبي ماي من السياره بسرعه واروح ركض واجيب الماي ويكب على مشاري اللي قعد وهو كله تعب ويعطيني الماي قال كبي على طلال اللي كان بعيد عنهم بحوال 3 متر والروح واقول عسى طلال ما يعرفني واكب عليه الماي بس لا حياه لمن تنادي "ياربي كل مره اقابل طلال فيها تصير مصيبه ولا زم يدخل المستشفى الله يعني على توقعاته "
ويناديني فارس اجيب له قطع من العبايه عشان يلف على الجروح اللي في مشاري اللي من قعد وهو يبكي من الام وفارس كان معصب عليه ومارحم توسلاته وهو يترجاه لا يحرك يده لأنها تعوره وبعدين جاء صوب طلال وكان شكله تعبان ما يلام اللي طقوهم اصغر واحد فيهم كبر الطوفه ومدري وش سوا لطلال وقعد طلال وكله تعب وانا رحت لمشاري اللي يبكي من الم يده
فارس : تعالي فكي البطاريه وجيبيها
انا : ماعرف افكها
فارس : تصرفي
ويعلمني شلون ابطل الكبوت وشلون اطلع البطاريه انا مندهشه وش يبي في البطاريه وحطها عنده
فارس : شوفي البترول شلون انكب انكانه بعده متنقع شليه ودخليه في المخزن مره ثانيه
والروح وهو يبطل البطاريه والقا البترول متنقع واشيله بدي وادخله ويدي كلها ريحه بترول
فارس : تعالي تعالي
انا اكيد ناديني اكيد ماعرفني وبعدين الغبي ما سألني من انا ورحت له
فارس : امسكي يد طلال انتبهي تفكينه امسكيها عدل
انا : ليه
فارس : عشان بكب عليها ما بطاريه عشان توقف نزف تراه بيتالم انتبهي تفكينه
انا : اوكي وامسك يد طلال الي شكله موب بخير واتوقع يموت واول ما كب عليها الماء واسمع ذيك الصرخه اللي لو اموت مانسيتها ويسحب يده من يدي ويظرب الماي حق البطاريه اللي كان مع فارس لا من كب عليه وعلى صدره بتحديد
وجلس يصارخ من الام وبدى يهلوس مدري وش يقول وانا مت خوف وبديت ابكي شكل طلال يكسر الخاطر مدري ليه احس جسمه ضعيف ومايتحمل على طول يتعب شكل عنده مرض اما فارس صدق قوي وبعد ساعه شل فارس طلال وركبه في السياره وراء وانا ساعدت مشاري اللي الى الان يبكي ومشاري قدام وانا ركبت جنب طلال لأني ما اقدر الركب وراء الاني اذا جيت الركب وراء لازم الشقلب او اركب مع الباب الوراني اللي محد فتحه لي وانا ماعرف ابطله وجلست جنب طلال الي شبه مغمى عليه
فارس بغضب وتعب : مشاريوه ليش تركب بدون ماتقولي هين وعدك بعدين وانتي وش جايبج معنى انتي وش قصتج ليش جايه ومن انتي
انا بخوف :ا انا وحده من بنات عمك
فارس بعصبيه : ادري وحده من بنات عمي بس ليش جايه
انا : واقوله القصه
فارس : انتي اكيد ليلى صح
انا : "اقوله لا بس مشاريوه اكيد بيعلم "ايه
فارس بقهر :تخيلي احد شافج وخذاج وش اسوي ذاك الحين ما تقولين
انا بخوف : قلت لك غصب عني وموب قصدي
فار س بصراخ : شلون تسكتين لين وصلنى هني كان ماعبرتي مشاري
انابخوف : على بالي بتطلعون محل قريب وبترجعون وش دراني انكم اهل مشاكل
وبعد ساعه يعني الساعه 12 قعد طلال ولا انتبه لي لانه كان يالله يطالع
طلال بصوت كله تعب :قلت لك يافارس شام ريحت خيانه
فارس بقهر: بعدين يا طلال
طلال وهو يتلفت وشافني بلطمه جنبه وكنه مشبه علي ويطالعني وبشده وانا مت من السحى احراج ماعلي عبايه وتنورتي إلا نصف ساقي فسفوريه فقعت عيونهم وبلوزه كت فسفوري مع تحديد وردي وبشحاطه مالت البيت اللي كلها قطن فسفوري مع وردي مع ها الاوان كني خاله عبده
طلال بتعب وصدمه ودهشه: ليلى
انا بحرا اج:ايه
طلال بدهشه : وش اللي صارغصب عنس لين جيتي هني لا تكوني متفقه معهم وبعدين كسرنا خاطرس ونزلتي معنى
واعصب : هي انت ترا موب على كيفك كل شوي تتهمني و انا ساكته واللله لاعلم عليك وانت وذا الاتهامات والله لاقول لجدي واخليه يتصرف معك
ويلتفت طلال علي بستغراب : معاليس عبايه
انا بأحراج : ا
فارس : ويقوله سالفه العبايه
طلال : وليه ما تشغل السياره
فارس : المفتاح ضاع قطه الحقير وبننتظر لين الصبح عشان نقدر ندوره زين
طلال بتعب : وانت مشاريوه وش جابك هين اه
فارس بخوف : طلال شفيك تعبت زياده
طلال بتعب زياده: لا بس يدي
وينزل فارس ويجي من الجهه الثانيه ويبطل الباب ويجلس يفحص يد طلال
انا بخوف واحراج: بنزل ادور في أي جهه قطه ؟
فارس بيتعجب : موب خايفه من الظلمه
انا بقلق واحراج : هه لا قاريه اذكاري حقت المساء
وبدى يتبسم فارس بس صدق ابتسامته عذاب لو ندوي هني كان راحت فيها وهو تعبان يجنن وابتسامته تذبح كيف عاد وهو متعافي
فارس : خلاص ببطل الليت وانتي دوري
انا بحراج : بس ا
فارس وهو يجلس على الكرسي بتعب : بس ايش خايفه صح
انا: لا بس امانه وفي ذمتكم ما تطالعوني على النور
فارس وهويتبسم : افا عليج يابنت عمي مستحيل انطالعج
انا : اشيطان ملعون
فارس : اطفي الليت
انا بخوف : لالالا كيف اطفي اللليت
فارس بستغراب : ها وش اسوي عشان تصدقيني
انا متوهقه : مدري بس ما اقدر الروح وانت تطالعني
فارس :اف وش معنى انا ترا انو واخوني 3
انا : طلال شوي يصحا وشوي يغمى عليه وماشاري عادي
فارس : خلاص خليج انتي وانا بنزل
انا بشفقه : بس انت تعبان يالله تتحرك من مكانك
فارس بحيره : وش اسوي اذ كانت بنت عمي موب واثقه فيني ولا حتى هان عليها تجي تربط لي يدي اللي تنزف من الصبح
انا بتعجب : يدك تنزف سوري ما انتبهت وبعدين ليه ما تكلمت ذابحك الحيا
فارس : قلت مابي احرجج
انا بعين قويه : وهاذا ما صبرت وتبي تحرجني
فارس : خلاص سوري على الاحراج
انا تورط : لا ما انحرجت ولا شي وبربط لك على يدك الحين
فارس : انزل اجي لج ولا تجين
انا : لا باجيك بس سكر الليتات كلها
فارس : ووشلون بتطالعين
انا : بتصرف
ويسكر الليت الداخلي مال السياره وانزل وابطل الباب اللي عند السايق عشان فارس قاعد عند السكان ويمد يده ويصد وراه وانا اللف عليها والرجع مكاني
انا منحرجه : فارس بنزل مبس امانه لا تطالعني
فارس : موب مطالعج بس انتي خايفه تروحين وحطيتيها فيني
انا : اكيد موب مطالع
فارس : ليلى تكفين انا محتاج الروح الدوحه بسرعه عشان كذا هاج القماش ربطي عيوني
انا : ايوه جبه
والربط عيونه وانزل الدور المفتاح على ليت السياره وبعد ربع ساعه لقيت المفتاح وجيت ركض ابشر فارس
فارس بفرح : ها لقيتيه
انا وانا مستانسه : ايه لقيته
ويفك عيونه ويشغل السياره اللي ما فيها الاشوي بترول ويروح فارس مسرع قبل يخلص البترول لين وصلنى مكان فيه الرسال وتشتغل موبايلاتنا اخر ازعاج
وتكلمني رنود وتوني بارد ويقولي
فارس :لا تردين على احد
انا : اهلي بطمنهم اكيد يدوروني
فارس : لا اكيد لا درو بسالفه ابوي موب مخليني اروح الى أي مكان وانا عندي مشوار
انا : روح أي احد
فارس: ليلى بليز لا تزعجيني 5 دقايق ويدرون اهلج
انا : طيب رنود
فارس بنفاذ صبر : لا يا ليلى
انا : من بتكلم
فارس : جاسم
انا : قله يجيب لي عبايه
فارس : او كي
ويكلم جاسم ويقوله يجيب معه عبايه وساعه إلا وهو جاي و اللبس العبايه ونركب انا ومشاري وطلال ورا انا ثم مشاري وبعدين طلال
وفي السياره واحنى نمشي
جاسم : ممكن اعرف وش سالفتكم
ويقوله فارس السالفه
جاسم بعصبيه : انتي ما تستحين على وجهس تخلصين من مشكله تطيحين في اكبر منها
فارس بتعب : الحمد الله انها كانت موجوده ولا كان من اللي بساعدنا كان الحين ميتين
وناصل البيت الساعه 3 وينزل على طول فارس ويركب سياره طلال ويروح ونزلني جاسم وراح للمستشفى وانا تورطت وش اسوي واكلم رنود وانا في الكراج واقولها السالفه وتقول لهلي واروح لبيتنا سيده واللقا العالم كلهم في بيتنا والدخل واوقف عند الباب وكلهم يطالعوني وتجي للوش تركض وهي تبكي وتسألني عن عيالها وام طلال مثل حالتها واقولهم والسالفه وانهم بخير وراحو كل اللي في البيت مافيه إلا اهلي والبنات وراحو اهلي يرقدون طبعا ابوي ماشفته عاده منخش مع ان ذي فرصته عشان يلعن خيري
ونجلس في غرفتي واقول للبنات اللي صار من البدايه إلا انهايه وندوي كل شوي ياحضس مسكتي يد فارس وكلمتي فارس وفارس وفارس مع اني قلت لها كلام فارس بس الاخت ما عندها كرامه وقلوالي البنات عن حالت ابوي انه حس بذنب يحسبني من حاشه من الملكه وكان طول الوقت يلوم نفسه ولا راحو البنات إلا الساعه 7 ورقت بعد التعب وقعدت الساعه 3 ولبس وصليت ونزلت لصاله ما حصلت احد وتغديت ورحت لبيت جدي واحس البيوت فاضيه مدري وين اهلي ودخلت بيت جدي وحصلت لميوه ورنود في الصاله وسلمت وجلست
اناببتسامه وانا اجلس : وين العالم ووين جدي
رنود بملل: كلهم راحو للمشتشفى
انا ببتسامه : عسى طليل ما فطس
لميوه بدون نفس : خربت الدنيا وانتي راقده
انا بخوف: شصار

رنود بقلق : فارس خذا كل الشباب وراح للي ضربوهم وصارت هوشه كبيره ورمو نواف بمسدس في يده ورمو راشد في صدره وحالته خطره وكل العيله هناك والباقين من الشباب مسجونين واكثر واحد متورط خالد اخوس لأنه رمى واحد وحالته بين الحياه والموت ويمكن يموت والله يستر كنت اسمعها معقوله خلود اخوي يعدمونه يموت معاد اشوفه وبديت ابكي من قلب ماني متخيله حياتي بدونه ومر الوقت كله حزين شيخوه ونوير حالتهم حاله خايفين على اخوهم ومهوي نفس الحكايه وكان الجو متوتر كل ذا بسبت فارس ومشاكله وبعدين تذكرت فارس
انا : فارس وش اخباره ويا اخوانه
رنود : فارس بعد تعبان اما طلال تعبان اكثر
انا : مايلام اللي ظربوه ظربوه من قلب الله ياخذهم ومشاري
رنود : طيب بس طلال ماثر عليه ماي البطاريه
اناشعر باذنب : احس انه انا اسبب لوني مسكته صح كان ما انكب عليه
رنود : خلا نروح للمستشفى عشان نواسي للوش ويا امهات المصابين المهم
ونروح للمستشفى الي كان زحمه على الاخر ورحت اتطمن على الولد اللي خالد اخوي رماه لا يكون مات المهم مر اليوم ممل وفي اخر الليل قالو الولد تحسن والشباب طلعو ما بقى إلا رشود الي تحستن حالته شوي ورقدت وجا اليوم الثاني ومع الظهر قالو ان رشود تحسن ونتجمع يا الشله البنات ونروح لبيت مهوي ونمر على نواف وندخل عليه في غرفته
كلنا سلمنا وتحمدنا له على السلامه ورحنى بيت عمي ناصر
واول مادخلت ويجي عمي ناصر ويضمني ويبوسني
عمي بسعاده : مدري وش اسوي بس كل شوي منقذه احد من عيالي والحين تنقذينهم كلهم
انابوناسه مع شوي خجل : ياعمي مكتوب اني انقذهم وبعدين الحمد الله لقيت احد يطلع الشي الحلو اللي سويته في موب كله عتاب وهواش
عمي ببتسامه: ما عندهم ذوق لا انتي كل شي توسينه منه فايده
اناببتسامه : شكرا عمي اخجلت تواضعي إلا شلون العيال
عمي وهو يجلس: الحمد الله كلهم طيبين وطلعو من المستشفى
انا وانا اجلس: عمي طلال احسه ما يتحمل هو مريض
عمي :مريض شوي وعلى طول يتعب
رنود وهي واقفه: الف حمد الله على سلامتهم
عمي :الله يسلمس
رنود : وينهم عيالك نسلم عليهم
عمي : مشاري ربعه كلهم عنده ما تقدرين تدخلين رجلس في الغرفه وطلال راقد اما فارس هاذاك في غرفته
رنود: خلاص بروح له
عمي : اذاٍ سأل عني قولو معصب عليك
ونروح لغرفت فارس ونسلم ونجلس وندوي ماتكلمت "اظاهر معد قدرت تتكلم يوم شافته " وفارس كل شو يطالع ندوي بتفحص
فارس بتعب: مشكوره ليلى لولاج كان مدري وش صار فينا انا اسف اذ زعلتج
اناوانا واقفه : لا ما زعلتني ولا شي وبعدين الله يحبك دايم يرسلني لك عشا نانقذك "اما ندوي كانت تخزه خز"
ندوي : الحمدالله على السلامه فارس
فارس : الله يسلمج
رنود وهي جالسه جنبه على السرير: يا كرهك فارس كل شوي مخوفنا عليك
فارس ببتسامه : سوري يا عمتي الغاليه
المهم سلمنى وطلعنى رحنى الى مقر الشله في بيت جدي وفي غرفه رنود
ندوي وهي تفصخ العبايه وبرومنسيه : بنات شفتو نظرات فارس لي اه تهبل
انا بحتقار: مالت عليس انتي وياه
رنود ببتسامه: ليلوه ما دريتي
انا : ويش
رنود وهي تشرب ماي : امي شيخه كلمت اهل منى صديقتس عشان تخطبها لجسوم
وقالو بيردون بعد السبوع
انا وانا اجلس على الكنب: اكيد بتوافق كل يوم امدح جسوم عند البنات مالت عليه اللي بغا ياكلني ليه وليه بدل ما يقول الحمد الله على السلامه
شيخوه ببتسامه عبط: وناسه جسوم يعرس عشان نلبس في عرسه كلنا سوا
انا بندفاع : لالالا كل مره نلبس سوا ننحرم من المكان اللي نبي نروح له
مره لبسنا سوا نبي نروح لعرس ومارحنا ومره نبي نروح للبر ولا رحنى
نوير: اتقي الله هاذ تشاوم والتأشوم من الطيره وهو حرام
هنود : وبعدين اتطقيم قديمه
المهم مر اليوم عادي مثل أي يوم واليوم الثاني طلع خويلد من السجن لأن اهل الولد تنازلو وطلع رشود من المستشفى واحنى كنا متوترين على الاخر خايفين من بكره لأنه يوم الخميس يعني اليوم اللي يا بنتخلص من الملكه يا بنتوهق فيها وللابد (( وجاء يوم الخميس ))
وبعد الظهر كلنا مجتمعين في غرفه رنود
رنود بحزن : بنات اليوم يمكن اودع حبي للأبد واعيش على اطلاله
ندوي بحزن وقهر: اه قلبتي علي المواجع يابعد عمري يا فارس احلامي
شيخوه وهي تشرب بيبسي : انا خايفه يكون عمي ناصر يكذب علينا ثم نتوهق توهيقه على الكيف
انا بخوف: الله يستر شرايكم ننحاش
هنود: لا ننحاش لا اكيد بنعقد الامور زياده
نوير: اه يا احنى في ورطه كبيره لو عمي يتخلى عنى يارب ساعدنا
ريموه بلامبلاه: انا ما عندي مشكله مشعل بيخلصني
لميوه بلامبالاه مع ميوعه ودلع : وانا خالي سعود بيخلصني
مهوي بتفكير: بنات خلونى ننحاش اصرف لنا من انتظار الحدث بخوف
انابحماس : أي والله صادقه مهوي
رنود بحزن ورومنسيه : اه يا بدر يا حبيبي وحياتي شلون بعيش من دونك
شيخوه وهي تاكل شبس: خلى نسوي شي نظيع وقتنى لين يجي الليل لأنا لو نتم على اذ الحال اكيد بيصير لنا شي
مهوي بقهر: وش نسوي ولا من اللي له نفس يسوي
رنود جابت الابوم حق الصور لها ويا بدر من ايام الروضه وشكل رنود مصخره هي وياه كل واحد اشين من الثاني سبحان اللي غير رنود ولا لوها قعدت على شكلها وهي صغيره كان عنست
رنود قعدت تشرح هاذ يوم كذا وهاذي يوم كذا ومطلعه الورد اللي مرسله لها والكروت والله ها البدر زاحف وبعدين لايدري جدي بذا الهدايا والرسايل والورد كان ذبحها
ندوي ببتسامه : بنات قررت اذا ما تمت الملكه بقعد اتكلم نفس فارس احلامي بالجا
انا وانا رافعه حاجب: وليه وهو مايتكلم نفسنى
ندوي : لا خلينا نصير مميزين
انا بقرف :ليت ربي يريحني منس كان افضل
شيخوه : سمعتو اخر خبر
كلنا بدون نفس : لا
شيخوه ببتسامه عبط: حتى انا ماسمعت هاهاهاهاها
مهوي بدوون نفس: رايقه الاخت تنكت
المهم قرب الليل والكل بدى يكشخ اماتنا كنهم في عرس وابوانا اخر كشخه وريحت العووووووووود تارسه المكان والبزارين اخر كشخه وحنى في بيت جدي وكل شوي جاي واحد يطمن علينا وفي الاخير جاء جسوم جلس معنى في غرفت رنود
انا بخوف : جاسم شفيك جالس عندنا
جاسم وهو يتشخص عند التسريحه : اف شفيس ما دانيني
انا : لا مستغربه عندنا عزيمه وانت جالس عندنا
جاسم وهو يطالعني:عشان تعرفون قدركم شفتو مخلي الرجاجيل وجالس عندكم
مهوي : شسالفه ليش جاي
جاسم وهو يجلس: الله يسلمكم كلكم...... اخواني اللي هم ابائكم يحاتونكم يقولون منتشر اشعاعه مع اني ما اعتقدها صحيحه انكم تبون تسسممون تسمم جماعي تخيلو اناس يسوون زواج جماعي وانتو تسمم جماعي
وكلنا انجلطنى كيف عرفو معناتها عمي ناصر لعب علينا موب مسوي شي ندوي ورنود بدو يبكون وانا مدري وش اسوي والروح الدق على عمي ناصر بس موبايله مقفل وانجلط معقوله لعب علينا
جاسم رايق : هي شفيهم ذولا يبكون يا سلام اكيد من الفرحه عقبال ما تبكي عروسي انشاءلله يارب
انا بدون نفس وترجي: جاسم تكفى بطلب منك طلب
جاسم : اطلبي ياعروسه وياحرم طلال بن ناصر
انا بدموع : تكفى رح ناد عمي ناصر
جاسم : لا ثم يصير فيكم شي واتوهق انا وبعدين وش تبين به
انا ودموعي تسيل : خلاص بسالك امانه جاوبني بصدق
جاسم :اسألي يابنت اخوي
انا : شفت عمي ناصر مره يحاول يتوسط لنا عند اهلنا
جاسم : بسراحه ولا ابيس تزعلين هو يقول انس ماتبين طلال ولافارس وتبين خالد بن نايف عاد ابوس عصب وقال موب بكيفها وقال انت ياناصر مالك علاقه في بناتنا وسكت ناصر
انا منجلطه:
رنود برجاء ودموووع : تكفى جاسم حاول ما تخلي الملكه تتم
جاسم ببتسامه ومروووق : وش اسوي اخطف الشيخ اللي بيملكم مثلا
ندوي وهي تبكي : سو أي شي حتى لو تذبحه اهم شي ما تم الملكه
ريموه بثقه : خالي مشعل جاء ؟
جاسم : لا مسافر للأمارات ويا صديقه سعود خال لميوه
وهنا لميوه بغت تجيها جلطه وبدت تبكي وتكلم خالها لكن موبايله كان مسكر
مهوي برجا:تكفى جاسم سوو خير في حياتك وخلهم ياجلون الملكه
جاسم : اما عليكم عبط شلون نأجلها والمجلس متروس رجاجيل وكلهم يدرون انها ملكت كل بنات العايله يعني صعبه
شيخوه : خلاص دور عمي ناصر وجبه هاذي موب صعبه
جاسم : بسراح لا اطلع من عندكم ذبحوني ولو افتح لكم الباب لعن خيري ابوي
مهوي بقهر: ليتنا ما كلمنى عمي ناصر معقوله يكذب علينا اه يا القهر
انا بقهر مووووت: اللي قاهرني طلال والله لا اذبحه الحقير
نوير برجاء: يارب ساعدنا
لميوه وهي تبكي من قلب : طيب افتح الباب باروح لمي
جاسم : سوري خاف تروحين تنتحرين
شوي ويدق الباب ويروح جسوم يبطل ويرجع معه رساله
جاسم : رساله من عمكم اللي هو اخوي ناصر
وتاخذها رنود وتقراها علينا

بسم الله الرحمن الرحيم
الى بناتي
انا اسف اسف طحت من عيونكم لأني ما قدرت اسوي لكم شي
ابوانكم استغفلوني وقالو انهم موافقين على كلامي اللي قلته
وهم كانو يبون يسكتوني
والحين حاولت لكن ماقدرت انا اسف
ليلى سامحيني بس خالد فهم الموضوع غلط وانه عيالي اللي ما يبونس وقال حتى انا مابيها
والحين مالس إلا طلال حاول تتقبلينه عشان خاطري اذا كان عادلي يعندس خاطر
وسامحوني موب قصدي اللعب عليكم او اسكتكم
بس هم لعبو علي وانا مالي وجه اقابلكم تكفون سامحوني
انا الغلطان اسف اسف
اني ما قدرت اسوي لكم شي ولا احل مشكلتم بس ترا مشكلتكم عوده مره صعب حلها عشان كذ انا اسف للمره المليون اسف


ابو طلال


وانقطع الامل عندنا وبدينا نبكي ونتحلطم ولا ندري وش نسوي وانا ضاقت بي الدنيا وش السوي اكلم طلال اترجاه بس كرامتي ما تسمح لي يارب ساعدني ومر الوقت بطيئ ويدق الباب
وراح جاسم وبطل ودخل جدي ومعه الدفتر عشان نوقع يبوني اوقع على اعدامي يعني معقوله طلال من بد خلق الله ياربي ساعدني
جدي : يالله يا بنات وقعوو
انا وانا ابكي من قلب: تكفى جدي ما نبي الله يخليك
جدي بجمود: لا تحاولون خلاص اللي صارصار يله خلصو
لميوه وهي تشاهق من البكا : خلاص خلوني اشوف ابوي
جدي : يله وقعي اخلصو الشيخ مشغول
رنود برجاء ودمووع: تكفى يبه لا مانبي
جدي بعصبيه : اخلصو ولا تبون انادي ابوانكم يتفاهمون معكم
رنود وهي تبكي: انت ابوي تفاهم معي انا مابي عبد المجيد ولا ابي اتزوج الحين تكفى يبه
جدي بصراخ : يا عيال تعالو تفاهمو معهم
ويجون ابوانا ويدخلون وكل واحد بوزه شبرين "اظاهر كانو عند الباب "
انا بقهر وفقدت اعصابي: اخيرا يبه ظهرت وين كلامك وين بنتي لولي واول فرحتي وين اللي مستحيل يزوجني غصب نسيت يبه انا الغبيه اللي ما صدقت منى انك ممكن تقطني ذا القطه
ريموه بعصبيه: تكفى يبه توني صغيره وانت دايم تقول مستحيل ازوج ريومي
ابوي بجمود: خلاص الموضوع انتها ووقعو
وبدت كل وحده توقع وهم يطالعونا بنظارتهم اللي ترعب واول من وقع
هنوه وهي توقع : الله يسامحك يايبه
ثم رنود وهي تبكي: هاذ اخرتي لعبد المجيد حرام والله حرام
ثم ندوي اللي وقعت بصمت ودمووع
ثم انابقهر ودموووع: ليت ربي ياخذ عمري ليته موب طلال أي واحد تكفى يبه أي واحد حتى لو واحد من الدريوليه بس طلال لا
ابوي بستغراب: وليش تكرهين طلال الى ها الدرجه
انابقهر : اكرهه كذا وبعدين عمي ناصر يدري ليه اكرهه
ثم مهوي بتهديد: انتو الخسرانين على توقيعي وعلى قطتي وبتشوفون
عمي نايف بستغراب : وش بتسوين يا القويه
مهوي بمكر: الايام بينا
ثم سيخوه بدل ما توقع رسمت نجمه
عمي سلطان بعصبيه: شيخوه وجع وشذا التوقيع وقعي عدل
شيخوه بدون نفس: هاذ اللي عندي
ومشاها عمي "مدري كيف "
ثم نوير وهي اطالع ابوها بنظرات حزن ودمووع: لم اعرف يموما انني الى هاذ الحد رخيصه وانك يا ابي الذي طال مادلعتني ودللتني ترميني كما ترما القمامه ويرمى شي فوق الحاجه كم تمنيت اني اموت ولا اروما بهاذي الطريق كم تمنيت اموت ولا ازف بلا كرامه لقد قتلت كرامتي يابي وسوف اعيش بقيه حياتي بلا كرامه ذليله وذنبي هو انك ابي يابي
عمي سلطان كن احد ظاربه كف تغيرت ملامحه يوم سمع خاطره نوير الخطيره وقال بدون نفس: اخلصي وقعي ياله
نوير وهي توقع : ترا الزواج هاذ باطل وحرام ولا يجوز وانا بوقع عشان خاطرك بس ترا موب معترفه به
ثم ريموه وهي تبكي ووقعت وملت الدفتر بدموعها
ثم لميوه اللي طلع دلع الدنيا كله وهي تكلم ابوها وتترجاه بس لا حياه لمن تنادي
ثم بدينا نبكي وابوانا واقفين يطالعونا ماراحو كنهم يتشمتون فينا


انشاءلله تكنون استمتعو في البارت وانكان قصير وانشاءلله الجاي اطوووووووووووول بكثير
تقبلو تحياتي وانتظر تعليقاتكم

بسم الله الرحمن الرحيم

الجزء السابع عشر من روايه غصب عني
الفصل السادس والاخير من<< شوفو لي حل >>



وابوانا واقفين يطالعونا ماراحو كنهم يتشمتون فينا
نوير: لا تبكون يا بنات ترا الزواج باطل
عمي سلطان : تستاهلون من اعمالكم
فيصل يتفلسف: ولا احد يسوي اعمالكم اللي سوتوه صعب احد يغفره انتو ارتكبتو جريمه في حقكم وفي حق العايله بطيشم وغبائكم فارجاء تعذرونا على اللي سويناه
ابوي بجمود: تستاهلون كذا واكثر على فعلتكم
عمي نايف وهو يطالع مهوي : انتو اللي اجبرتونا على كذا وانتو اللي حطيتو انفسكم في ذا المشكله
وليد ببتسامه كنا في حاله : وبعدين ترا عادي كل بنت مصيرها تتزوج وبعدين الزواج بعد كم شهر موب الحين
ثم دخل عمي ناصر وهو منزل راسه ورحنى له كلنا ونبكي ونقول وين الوعد وينه وهوكان ساكت
رنود وهي تبكي: هاذ اخرتها ياناصر تلعب علينا وتسكتنا
انا بحقد ودموع: كان قلت انك موب قدها ولا تقدر تتصرف وبعدين ليه مابدلت طلال >>>>>>>حشى ثوووب
مهوي بحزن وهي تمسح دموعها : ليه ياعمي حرام عليك
ريموه بقهر : وبعدين وين مشيعل ووين وعده
عمي ناصر بحزن : خلاص اللي صار صار وانتهى وعيشو حياتكم عادي وانا شرحت لكم موقفي في الرساله
انا ورفع صوتي :ليتني ماوثق فيك ليتني تصرفت
شيخوه بدموع :والحين شفيكم واقفين كنكم تتشمتون فينا ترا اللي احنى فيه من سبتكم
جدي بهدوء : شوفو يابنات انتبهو لي
ونجلس كلنا نطالعه ويبدى يقلب في صفحات الدفتر وفجئه بدون مقدمات شقق الدفتر وكلنا منصدمين
وتنط شيخوه وتبوس جدي وتصارخ يحيا العدل اخيرا احد حس فينا
ندوي بفرح : وهي تضم جدي الله يخليك لنا يارب
انابوناسه محد يتصورها : اخيرا احد حس فينا وبذات فيني
عمي نايف ببتسامه : مافيه ملكه ولا شي اصلا
كلنا انصدمنى معقوله كيف
جدي: هاذ مسرحيه سويناها عشان تعرفون تتصرفون وتقدرون الاشيا اللي تسوونها ولا عاد تعيدون اخطائكم وعشا تتعلمون انه ممكن تدفعون ثمن للي تسوونه
ابوي وهو يطالعني بنظرات كلها حنان : صدقتي يا لولي ياول فرحه اقطس قط ولا على طليل والا انتي ياندوي زوجس غير فارس احلامس ولا ازوج دلوعت ابوها ريومي مستحيل
عمي ناصر وهو رافع حاجب : هي انت تنكت ترا طليل هاذ فلذت كبدي واذا كانت بنتك معقده وما تحبه ولا دانيه موب تسوي نفسها وتحش في فلذت كبدي قدامي
ابوي ببتسامه : ياخي مالوم بنتي ولدك ماينبلع عله مدري كيف مستحمله الله يعينك عليه
عمي ناصر يستهزي: على الاقل مايسويلي مشاكل
انا خفت من رد ابوي
ابوي : احمد ربك بنتي اللي تسوي مشاكل كل مشكله تنقذ واحد من عيالك مالت عليك انت وياهم
انا كنت موب مصدقه اللي ييصير حولي
وعماني كانويتكلمون على بناتهم مدري وش يقولون من الصدمه ما انتبهت لهم معقوله حقيقه اللي صار وانا تخلصت من طليل بذا السهوله ومعقوله كلهم كانو يدرون انه كذب ولا هان على احد منهم يقولي ويريح بالي وانا جالسه اتارجاهم واقولهم شوفولي حل
المهم رنود كانت في حضن جدي وراحورندوي وريموه يركضون لبوي الي لمهم في حضنه وانا واقفه موب مستوعبه اللي يصير وبعدين دخلو اماتنا واجلس ابكي من الفرحه اخيرا رجعت المياه لمجاريها
قال جدي مافيه ملكه اصلا بس حبينا نرعبكم وانا بنقطكم عشان تتادبون وتكبرون شوي
عمي ناصر وهو يطالعنا وحده وحده: عساني نجحت يوم جربتوني
انا : نجحت بعد ما طلعت روحنى
رنود : حرا م عليكم والله اللي سوتوها فينا والله انحرم اسوي شي ثاني توبه توبه
مهوي :الله يخليك لي يبه والله اني اقول مستحيل ابوي يقطني حتى لو كان على ولد عمي
ندوي تشققت من افرح نوير صلت ركعتين لله لميوه ضمت ابوها ولا عاد فكته شيخوه كله تبوس في عمي ناصر"شكلها من افرحه ضيعت ابوها" مهوي بكت من الفرحه اما العزيمه اللي عندنا كانت على سلامه العيال ولا فيه ملاك ولا يحزنون وجاونا عهود وشلتها واحنى مستانسين وقالو بننضم لكم ومن الفرحه وافقنا كنا موب مصدقين ياه زال كابوس طلال اخيرا الحمد الله
وما طلعو عماني وابوي وجدي ألى بعد ماطلعو عيونا عطونا محاضره ياهي محاضره لويسمعها كافر اسلم طويله عريضه كلها
..ليه ..ولو ..وكان ....وحرام ....وتخيلو .... ألى خره
لين كرهنا انفسنا كنا جالسين وروسنى في ألارض
لأن المحاضره قويه وطويله وكلها صح
والجو كان جدي ومافيه مزح ولا ضحك كلهم يتكلمون بجديه وصدق
كل واحد من عماني يتكلم شوي وكل واحد وطبيعته
الي بعصبيه يلومنا
والي بحكمه يكلمنا
والي ينصحنى من قلب
والي يحذرنا مانكررها
والي يترجانا معاد نسوي شي خاصتن انا
والي يقول بنبدأ صفحه جديده بدون تهور
والي أقصد جدي يقول في ختام المحاضره أنسو المشاكل وكل شي ونبدأ من جديد
وفكرو مليون مره قبل تسوون شي
وأول.....شي شوفو هو حرام ولا حلال
ثانياً..... هو صح ولا غلط
ثالثاً ... يرضي اهلكم ولا لا.
رابعاً.... يناسب عاداتنا وتقاليدنا
خامساً ...ويش عواقبه زينه ولا شينه
سادساً .... هل بينفعكم ولا بيضركم
سابعاً .... حطو لكم حدود ماتعدونها في المجازفه
ثامناً ..... خلو في بالكم قبل ماتسوون شي
.. لو ..وكان ....وتخيلو ....
تاسعاً ... اذا صارت المشكله حاولو تحلونها بعقل او الجئو لحد أكبر منكم يحلها لكم
عاشراً .... حاسبو انفسكم وعاقبوها اذا غلطو
أحداعشر .... خذو العضه والعبره من الي تسوونه انكان صح او غلط
أثناعشر .... انتبهو تكررونه مره ثانيه لأن موب كل مره تسلم الجره
ثلاث عشر ..... أرضو بئي عقاب على غلطكم أنكان كبير او صغير
اربعت عشر ...... بعد المشكله والعقاب حاولو تنسون كل شي ألا العبره من المشكله
خمست عشر .... أبدأو صفحه جديده بيضا صافيه بدون شخابيط
كلهاذا وحنى متفشلين ومتورطين ومستحين من الي سوينا والبنات كلهم تمنو انهم زوجوهم ولا يسمعون هاذي المحاضر ألا أنا لو يجلسون اسبوع كامل كله محاضرات ارحم لي من طليل
وبعد ألمحاضره الطويله والقلق والزحمه راحو عماني وابوي وجدي
واحنى استانسنا فأخيراً خلصو وانتها الموضوع وكل شي رجع على ماكان ونزلنا تعشينا كلنا
وبعد العشاء جلسنى مع الحريم وستلمونا
بنصايح والمحضرات وكل وحده تقط حكمه وعادو لنا محاضرة الرجاجيل بس بشكل مطول عشانهم حريم وحنى تورطنا وتمينى الأرض تنشق وتبلعنا نخلص من ذولاك يجونى ذولا
معاد ناقص الى الشباب يجون يعطونا
محاضره بعد ... والله صرنا ملطشه بسسبب تهورنا مايسوى علينا الي سويناه
ألمهم أنتهت المحاضرات
ثم بدى الكل يروح لبيته وحنى يالشله تجمعنى في مقر الشله غرفه رنود وطردنا عهود وشلتها لأنهم اصلا بيروحون يرقدون عشان يروحون المركز الصيفي مع الصبح
جلسنا في الغرفه كلنا يالبنات وبدت السوالف
رنود بفرح: بتقطع من الفرحه موب مصدقه باروح اكلم بدر
كلنا انصدمنى ؟
انا بصدمه مع استغراب : رنود تكلمين بدر !!
رنود ببرود: ايه وين المشكله
شيخوه بعبط : عادي وجدي يدري
رنود بخوف: لا مايدري تبينه يذبحني وبعدين بدر بيتقدم لي قريبا
مهوي بستغراب: حتى لو المفروض ما تكلمينه
رنود بهدوء كنه الي اتسويه شي عادي : وش ذا التعقيد كله وبعدين ترا موب ماكلني ولا شايفني وبعدين ترا من زمان اكلمه
هنود بستخفاف : من متى انشاءلله
رنود ببتسامه: يووووه من كنت في ثالث اعدادي
انابستغراب : من ثالث اعدادي بس من جيتينا ماشفتس تكلمينه مع انا شبه 24 ساعه مع بعض
رنود : كان مسافر وتوه جاي واكيد قريب بيسافر
نوير : بس كذا حرام
رنود: يووه ليتني ما قلت لكم
ندوي : خير ازعجتوها خلوها على كيفها مايسوى عليها وبعدين بعد كل مكالمه تستغفر وتصلي ركعتين وخلاص
رنود بملل : اف خربتو علي فرحتي خلاص بدز له مسج عشان ترتاحون
انا بدون نفس: اصحاب العقول في راحه
مهوي : نوير وشذا الخاطره الخطيره اللي قلتيها
نوير :وش رايكم فيها موب خطيره
لميوه : اف هزيتي عمي اللي تغير لون وجهه وبدى يسوي نفسه عادي عنده
ريموه : ولا يوم قلتي الزواج باطل وانس موب معترفه به كنتي داهيه صراحه
شيخوه : والله قوت شخصيتس يا نوير
نوير : الله يسلمكن قريت كم كتاب عن مواجهه المشاكل وبديت اطبق المكتوب بس بصراح حلوه الكتب
هنود: تكفين عطيني الكاتب خليني اتعلم شوي
ألمهم كمالنا السهره وحنى موب مصدقين الي صار ومستانسين وماخلينا شي ماسوناه تعبيرن عن الفرحه انا وشيخوه عبرنا عن فرحتنا وجلسنا نتصارع وقلبنا الغرفه وكنا نضحك بدون سبب ومستانسين حدنا وقلبنا غرفت رنود وطردتنا وقلبنا الصاله انا وشيخوه ماخليت شي ماحذفتها به وهي بعد دفشه ونتحاذف بلمخدات وكل شي قدامانا لدرجت ان شيخوه الدفشه بعد ماحذفتها بلمخده حذفتني بتحفه ونحاش وتظرب في باب قسم عمي وليد وتنكسر وتورطنا ونحاش انا وياها ونجلس على الدرج تحت ونتسمع وعمي وليد يتحلطم ويدعي علينا ويدور من الي حذف التحفه وحنى منخشين على الدرج
أنابصوت واطي عشان ما يسمعنا وليد : شيخوه صدق انس دفشه تخيلي انها صقعت
فيني كان مت
شيخوه : ليته اصلان انا ماحذفتهالى ابيس تموتين
انا : احسابس بعدين
شيخوه : انا الي حسابي معس بعدين يالخايسه
أنا : ترا بطلع واعلم عمي وليد عليس احسلس اسكتي
شيخوه :تهددين
انا :ايه انطمي ولا
ويطلع علينا عمي وليد وكانت بطانيته على كتفه ومخدته شكله كان نازل يرقد تحت ولقانا على الدرج وحنى متورطين
وليد بعصبيه : انتو الي مزعجيني برا من الصبح
احنا متورطين ونطالع بعض :------------
وليد بعصبيه وهو نعسان:ماتستحون على وجيهكم الوحده ويش كبرها وتلعب كنها بزر ولا بعد مكسرين الصاله ماتستحون
شيخوه بالعب المعتاد: لا ليه ؟
وليد بنضرات استحقار : لا
انا ارقع :ترا ماسوينا شي كل الي صار
ويقاطعني وليد :غصب عنس
انا :لا غصب عن شيخوه عشانها هي الي حاذفه التحفه موب انا
وليد : انتو ماتدرون اني راقد ووراي بكره دوام من الصبح
شيخوه بشفقه غبيه : صدق حرام ولله تكسر الخاطر متى بترقد الحين
وليد بعصبيه : تنكتين روحي شيلي التحفه الي انتي كاسره قبل يطيح فيها احد من البزران
شيخوه : في المشمش
عمي وليد يسوي نفسه ماسمع :هاه
شيخوه بصوت عالي : في المشمش
وليد : صدق انس ماتستحين
ويحذفها بلمخده الي معه على وجهها ويناضرها نضرات استحقار وينزل
وشيخوه من صدمه موب مصدقه وانا ميته من الضحك وتشمت فيها وجلست شيخوه تتحلطم
شيخوه:والله لانتقم منه
ونزلت تلحقه وانا وراها وهي ما سكه المخده ورافعتهابيديها فوق واول ما وصلته دخل المجلس وتحذف الباب شيخوه بلمخده وهي معصبه ورجعنى فوق ونا ميته من الضحك عليها وهي معصبه حدها وتدعي على وليد من قلب
واول ما وصلنا فوق لقينا خلودي ولد وليد ماسك مفرش صغير ومخده صغيروره ونازل ومسوي معصب ويطالعنا بنضرات وهوماشي
أنا :خلودي وين رايح
خلودي بعصبيه : بروح ارقد تحت
انا :ليه ان شاء الله
خلودي : ازعجتونا وانا ابي ارقد
انا :لايكون انت بعد عندك دوام
خلودي : بس...... ابي ارقد
شيخوه :جعلك معاد تقوم انت وابوك
خلودي بستغراب:ليه
شيخوه بلعانه: احسن
انا :وين بتروح الحين ترقد مع جدتي
خلودي :لا مع ابوي في المجلس
انا : خلاص روح
وتوه بيروح وتمسكه شيخوه مع اشعره
خلودي :اه اه افكيني
شيخوه بمكر: لوا يا الحنتف
انا :شيخوه عمى شفيس عله
شيخوه بنتقم منه
انا :ويش دخله حرام عليس
خلودي :اههاههافكيييييني
شيخوه وتسحبه مع شعره وتدزه قدام الدرج وتاخذ بطانيته منه والمخده احذفتها تحت
شيخوه :يالله اذلف
خلودي يبكي : لالاهههاه ا ه اعطيني حقي
شيخوه :لوا روح قول لبوك
خلودي يبكي بصوت عالي : لالا ماما اه اه ابي حقي
أنا انحشت لايجي احد ويلقاني مع شيخوه الخبله ودخلت في قسم رنود وجلست اراقبها مع الباب
شيخوه : يالله طس لبوك
خلودي يبكي بصوت اعلى : إا ا حقي
وتهمله شيخوه وتوها تبي تروح ويتمسك خلودي في بطانيته الي كنها فوطه وشيخوه تمشي وتسحبه وهو متمسك ويبكي وتو شيخوه تمشي
طلعت دلال ام خلودي على صوته ووقفت عند الباب قسمها وهي منصدمه وشيخوه تسحب ولدها كنستبه الصاله وهو متقطع من الصياح
وتجي مسرعه وتشيل ولدها و تسكته
دلال : شيخه حرام شفيس عليه
شخوه وهي متورطه :هاه ا قل ادبه معي
دلال :كيف يعني مافهمت
شيخوه : يعني قل ادبه معي
دلال: سبس
شيخوه : لا
دلال : ضربس
شيخوه : لا
دلال :هاوشس
شيخوه : لا
دلال :غازلس
شيخوه : لا
دلال :رقمس
شيخوه :لا
دلال: ضحك عليس
شيخوه بعصبيه :ليه مهرج اكيد لا
دلال :اجل ليش ضربتيه
شيخوه وهي متورطه :ابلا العب معه
دلال : توس تقولين قال ادبه معس وبعيد وحتى لو تلعبين ويش ذالعنف مع طفل عمره الربع سنين
شيخوه : اقصد ابوه قل ادبه معي
دلال : وخوختي ويش دخله
شيخوه :معصبه من ابوه ولقيته قدامي وطقيته
دلال :حرام عليس يا شيخه الي سويتيه ويش ذنب خوختي
شيخوه بعصبيه :قضيه تراه مامات وبعدين انا ضايقه وبردت حرتي فيه
دلال بعصبيه : عندس اخوس رويمي كان كتمتي ضيقتس لين تروحين لبيتكم وضربتيه وبرتي حرتس
شيخوه :ياسلام وليد يطقني وانا اطق اخوي روميو
وبعد من قالس ان عندي صبر لين اروح للبيت الساعه 5 او 6
دلال بصدمه: لا تقولين يعني انتو مطولين لين الساعه 5 ولا6
شيخوه :ويمكن 7 او 8
دلال : لا لا حرام عليكم نبي نرقد روح الحين لبيوتكم تكفون
شيخوه: طرده يعني
دلال : ايه طرده بس روحو
شيخوه :لوا لاصار بتس لحالس ذيك الحين فكر تطردينا
دلال :يعني مافيه امل تروحون الحين
شيخوه : مستحيل
دلال: خلاص جيبي بطنيت خوختي
وتسحبها من شيخوه بقوى وتروح تنزل ولدها تحت عشان يرقد مع ابوه وشيخوه جاتني
شيخوه :ليلوه ترا مابعد خلصت منس
انا: خوفتيني اقول روحي شيلي الي كسرتي مالت عليس
شيخوه :ويش دخلس شيله انتي ولا انطمي
انا :هين واخذ ارنوب حق رنود الكبير واحذفبه شيخوه وتاخذه شيخوه وتحذفني به وتبدأ الهده من جديد ولا خلينا دبدو ولاعروسه ولا لعبه ما حذفناها ورنود تتحلطم تقول لاتعذبون اللعابي تراها تحس " اكيد فيها سكن "
بس ماعبرناها وقلبنا الغرفه ونتطارد كنا بزران بس محد لامنا لانا مستانسين وطول الوقت
نضحك نعوض تكشيرت الايام الي راحت
وطول الوقت وحنى نتطارد من مكان الى مكان ولميوه تنطط على السرير وتشقلب وتسوي حركات وهي حدها مستانسه علينا
وهنود وندوي مشغلين المسجل ويرقصون بشكل غريب كنهم خبلان ولاخلو اغنيه ماشغلوها شوي متماسكين ويرقصون رقص رومنسي وشوي قالبين الغرفه دسكو وينططون كنهم مجانين وشوي هز وشوي عرضه وهم مستانسين وصوت ضحكهم يجيب الي في الشارع
ورنود مبصوطه موب مستوعبه وشوي تراكض ورانا وشوي ترقص وشوي تضمضم في اللعابها وهي ترتب واحنى نخرب وشوي جالسه ماتدري ويش تسوي ومهوي مسويه نفسها
سياره وتفحط من مكان الى مكان كنها داشر وتطلع اصوات تفحيط وقالت عندكم ضيق وراحت تفحط في الصاله الكبيره ومسويه يديها كنها ماسكه سكان سياره وريموه متمسكه فيها من ورى يعني انها راكبه في المرتبه الي ورى وهي تفحط ودور وجميع الاصوات السيارات تطلع منها والبواري الهرنات انواع واشكال حتى مره اغلطت
وقالت (مووووو ) مدر ويش قصدها بوري او انها طلعت على حقيقتها ونوير كانت جالسه على ألابتوب تقرا قصه في الصاله عندهم ووصط الزحمه الي مسويتها مهوي وريموه والازعاج
نزل من فوق عمي فيصل على صوتهم واول مانزل جلس يطالعهم وهو حاط يده على راسه موب مستوعب وهم ماشافوه وكملتهاريموه وقالت لمهوي
ريموه وهي ماسكه في مهوي من ورا: مهوي رقمي
مهوي وهي مستانسه:من ارقم
ريموه : رقمي نوير
وتجي مهوي مسرعه وتسوي عكسيه على قولتها وتقط على نوير ورقت شجره بعد مامرت عليها ونتفتها واول ماسوت العكسيه لين ريموه طايحه على الأرض وعمي فيصل موب مستوعب الي يشوفه وماسك راسه وهم ماشفوه لأن الصاله كبيره وهو بعيد على الدرج جاي من فوق وتقوم ريموه وتوها تبي تمسك مهوي انحاشت مهوي وقالت
اوووووو يعني تفحيطه وساعت لفت شافت عمي فيصل وتورطت ووقفت وهي منحرجه وريموه وجه بنفهره تمسكت في مهوي وتقول يالله فحطي ومهوي متورطه ومنحرجه لأن شكلها غلط حافيه وبارمه(مصفطه ) البنطلون بشكل غريب صاير برموده ومنفذه(مصفطه ) بلوزتها ومدخله البدي الطويل في بنطلونها من قدام بعد من طوله رافعته
ولابسه كاب ومن كل مكان طالع شعر مهوي اصلها كانت كاشخه ومرتبه بس لاستانست يصيرلها كذا وريموه نفس الحكايه
فيصل بعتاب مع استحقار: حرام عليكم الساعه 3 تفحطين ماتدرين ان فيه ناس راقدين وعندهم دوامات
مهوي متورطه : اسفه نسيت وماتوقعت صوتي عالي لهالدرجه
فيصل بعصبيه : تلقين الحين كل هل البيت واعين على صوتس
ريموه بحزن مصطنع : ترى ما سوينا جريمه خلونا نستانس والله حرام موب كفايه الايام الي طافت ماذقنا طعم الضحك ولا الوناسه وبعد محد يعبرنا ومسافرين تستانسون ومخلينا لحالنا مقابلين الجدران ونحاتي الكذبه الي كذبتوها علينا وطول الوقت هادين وساكتين وضايقين وحالتنا يرثا لها الحين خلونا نستانس
فيصل بهدوء شوي : أنا ماقلت لا تستانسو ولا تضحكون بكيفكم اضحكو وستانسو وسوو الي تبون بس بصوت واطي ولا في مكان ثاني هناه كلنا رقود لوكم تحت كان احسن
ريموه بشكل يكسر الخاطر : ما تجي الأناسه اللا بصوت عالي ولا به مكان غير بيت جدي ناخذ راحتنا كلنا يا البنات فيه وبذات هاذا الدور الي بعد ناخذ راحتنى فيه اكثر وماعندنا مكان ثاني ابيوتنا مانقدر نلعب كذا والحوش الشباب منتشرين وحتى تحت في بيت جدي مانقدر عشان الشباب داخلين طالعين وقسم رنود صغير أحنا درزن 9 بنات كيف نجتمع فيه وبعدين احنا كان نلعب في قسم رنود وهي طردتنا هاه ويش نسوي ولا وين نجتمع ولا وين نروح حرام والله حرام قسوت زمن
فيصل متئثر بكلام ريموه : خلاص كيفكم سوو الي تبون لو تبون تلعبون في قسمي العبو انا بروح الرقد تحت في المجلس
مهوي : لا لا تروح اصلان احنا ملينا وخلاص موب سامع صوتنا اوعدك
فيصل : لا لا خلاص اخذو راحتكم أنا برقد تحت وراح
مهوي : لا ب
وتبلمها ريموه بيدها لين طلع فيصل
ريموه : انتي خبله ساعه اترجا فيه ويوم راح تخربين علينا مسويه ذربه
مهوي بشفقه: حرام صدق ما عندنا دم
ريموه : تكلمي عن نفسس انتي الي صوتس جايب الي في اخر الدنيا
مهوي :خلاص موب لاعبه
ريموه :بعد ماطفشتي الرجال قلتي موب لاعبه
خلينا نلعب والله وناسه التفحيط
وكملو كلهم حتى نوير وكل وحده سياره لحالها كنهم خبلان وضحكهم جايب الي في اخر الدنيا
ولا شعورياً نزلو وهم يفحطون ورابعض "صدق ماعندهم ذوق ولادم طفشو فيصل يوم نزل الحقوه اعوذبالله " اولهم مهوي ثم ريموه ثم نوير وتسوي مهوي عقده في الصاله ونوير عكسيه وريموه تشل على جنب يعني على رجل وحده وكانت جدتي قايمه تصلي وشافتهم وهم يفحطون وجدتي ماتحب الخرابيط وتجلس تطالعهم بستغراب موب مستوعبه وهي واقفه عند الدرج ومهوي وريموه شافوها ووقفو على طول كنهم في طابور مدرسه
اما نوير تفحط ماشافت جدتي وكانت جايه مسرعه من جهت الدرج الثانيه وتنطل يمين ويسار بايعتها واول مامرت على جدتي مسكتها جدتي مع جكيتها من ورا ومهوي وريموه انحاشو النذلات فوق ووقفو على الدرج
جدتي وهي ناقده: نوره ويش ذا الخبال الي تسوينه
نوير وهي متورطه :ا
جدتي :ماتستحين من صباح الله خير تناقزين والناس الرقود
نوير : جده بلاكان ا
جدتي :خبلت بس ريوم ومها
نوير : حنا اصلن ا
جدتي بعد مافكت نوير : صلتي
نوير تبيها من الله : ايه كان جاين عشان نقعدس ونتوضى عشان دورة المياه الي فوق البنات يتوضون فيها
جدتي :توكم تصلون وهو مذن قدله ساعه
نوير متورطه: حتى انتي توس قايمه تصلين لولا صوتنا كان ماقمتي
جدتي : انا مصليه من الصبح بس توني جايه من العيال الي في المجلس اشوفهم صلو ولا لا الله يهديهم
نوير :اميييين
جدتي :ويهديكم أنتو بعد
نوير :اميين ويخليك لنا يا احلى جده
جدتي : النوري يا بنتي لاعاد تسوين مثل الخبل الي فوق وتنسين صلاتس
نوير :ان شالله ياجدتي وباست راس جدتي وراحت فوووق ورجعو البنات كلهم فوق في غرفت رنود وتوضينا كلنا عشان نصلي جماعه الى هنود ولميوه صلو قبلنا وصلينا وكانت نوير تصلي بنا وبدا العبط حق لميوه طول محنا نصلي هي تستهبل وتوايق(اطل) في وجيهنا وتضحك وتضحك البنات وتذكرهم ببلاويهم عشان يضحكون وحنى نصلي وتسحب جلالاتنا وتصفط السجادات قدامنا وحنى نصلي وتنكت وتنطط كنها بزر وتبقسنا وقبصنا وحنى نصلي وذا سجدت وحده راحت ووقفت وراها وشاتتها بوز لين يدخل خشمها في ألأرض واحنى نصلي المهم ريموه ماصبرت قطعت صلاتها عشان تكفخ لميوه واول ماشفتها لمويه انحاشت وراحت وراها ريموه من مكان الى مكان وراحت فوق ودخلت قسمهم وسكرت الباب ورجعت ريموه تعيد صلاتها واحنى خلصنا الى السديس نوير توها تتسنن وتقرا اذكارها واول ماكبرت ريموه جات لميوه
بعد مابدلت ولبست بجامتها برموده ورديه مكرته من تحت وسيقانها طالعه وبلوفر بيضى وعليه لولي كاتي ورديه ومكرت بعد وشحاطت لولي كاتي كبيره ورابطه شعرها قرنين مسويه بيبي ومعها كاس ماء وكبته على ريموه وهي تصلي وقطعت صلاتها ريموه ونحاشت لميوه لقسمهم وسكرت الباب وريموه بغت تجيها جلطه وجلست تطق الباب ازعجت كل اهل البيت ما يسوا عليها وشافت مافيه امل يبطلون ورجعت تصلي في الغرفه الثاني حقت الجلوس في قسم رنود وقفلت الباب وجات لميوه ونخشت عندنا وقالت لاتعلمون اني هناه ودخلت في الكبت وصلت ريموه وراحت على طول لقسم لميوه الي كان فوق وتضرب الباب ريموه بقوى وتبطل نجلا مرت عمي فيصل
ريموه : وين لميوه
نجلا بدلع : صباح الخير
ريموه واصله معها : صباح النور وين لميوه
نجلا : مادري عندكم
ريموه :لا جات قبل شوي ودخلت عندس
نجلا :مافيه احد اكيد طلعت
ريموه : اكيد انس خاشتها فرجائاً طلعيها
نجلا : اقولس موب عندي عندكم انتو
ريموه بعصبيه : يعني اكذب عليس انا شايفتها يوم دخلت
نجلا وشكلها خافت من ريموه : خلاص ادخلي دوريها ريموه ماكذبت خبر وراحت للمطبخ وخذت دبت ماي بارده وجلست تنكث البيت شبر شبر وماخلت شي مادورت فيه حتى غرفت عمي فيصل "صدق انها ماتستحي " وريموه تنكث ونجلا تطالعها بنضرات خوف وستغراب عشان ريموه كانت معصبه حدها ماتعودت احد يدوسلها على طرف وبعد مافتشت البيت اقصد انكثت البيت جاتنا في غرفت رنود وحنى كان جالسين نسولف
ريموه :ماشفتو الصايعه لميوه
شيخوه : انزلت تحت
ريموه :كذابه امها تقول عندكم
هنود: ماعندنا احد
ندوي : شكلس بتذبحين البنيه تراها تمزح معس
ريموه :حتى انا ابي امزح معها عندكم مانع
نوير :تعوذي من بليس يا ريم
انا :بنات مشتهيه حليب
رنود :خلاص اذا قامو الخدم خليهم يسوون
انا :تبيني انتضر لين يقومنو الخدم
رنود :خلاص روحي سوي
انا :يالله من الي بيروح معي
مهوي : انا

انا :يالله وننزل انا ومهوي للمطبخ واركب الحليب والبيت كان هادي الكل راقد ما فيه احد
ونجلس انا ومهوي نسولف عن المعجزه الي صارت وانا موب مستوعبين انها كذبه وتونا نتناقش
الى ونسمع صياح وشوي وتجي لميوه تركض نازله من فوق وريموه وراها بدبت الماء
ولميوه بلميوعه والدلع والخوف تقول تكفون بنات ساعدوني من المتوحشه
وريموه وراها بل بربتوز جنز متشقق مع اركبه وطايه سيوره على رجليها ومصفطه من تحت يومها تفحط وحافيه و اتي شرت ربع ومنفذته لين صار بلوفر و بدبت الماء ورا لميوه
وينزلون ويقلبون الصاله والغرف ومن مكان الى مكان والصياح واللعن وتمر علينا لميوه وهي تصارخ
لميوه: بنات تكفون ساعدوني
وطلعت مع الباب الوراني حق بيت جدي
وريموه وهي تلحقها وتقول
ريموه :ترا الي معي ماء موب رشاش
ويطلعو الثنتين
مهوي : ليلوه امسكي اختس لاتذبح البنيه
انا : احسن ليه تكب عليها ماء
مهوي :تمزح
انا : 8 بنات مالقت تمزح الى مع ريموه
مهوي : انا بروح اشوف ويش صار لهم معاد سمعت صوت لميوه لاتكون ماتت
انا : بروح معس
مهوي :والحليب
انا :موب طاير
ورحنا انا ومهوي ولقينا ريموه لاعن خير لميوه وماسحه به الارض وكابه عليها الما البارد مووت وفاقعه راسه بثلجه الي بقت في الدبه وبجامت لميوه الي كانت وردي مع ابيض صارالوردي بني والابيض رمادي ولولي كاتي صارت فقمه كيف مدري وشعرها الي كان قرنين صار مكنستين وطاير كنه شعر رقيه ولا عليها الى شحاطه وحده وصايره كنها طينه والثانيه مدر وينها ولميوه حالتها يرثا لها وهي طايحه على الأرض كن وطيتها تريله لا حرام ليه اضلم التريله التريله ماتسوي الي سوته ريموه حتى اتحدا القلابي يسوي كذا وريموه كانت متقطعه من الضحك عليها وتتشمت المهم تئكدنا ان لميوه حيه ومافيها أي كسور وانها مافقدت الذاكره بعد ماسئلناها كم سوأل وهي كانت منصدمه وشوي وتبكي وتحلطم قومنها ووديناها فوق وهي تعرج من الدلع الزايد وريموه توزع ابتسمات وراحت لميوه تبدل وبترقد وحنى جلسنا في غرفت رنود
رنود :ريموه حرام عليس لي سويتيه في البنيه
ريموه : احسن عشان تحرم معاد تنكت وتستخف دمها مع الكبار
هنود : ريموه صدق انس عنيفه هرستي البنيه
شيخوه : وناسه يابنات ويش رايكم نتراش بلماء
مهوي :اخاف انتراش وتصير جريمه ثانيه يالله تخلصنا من ذي الي كانت بسبت افكارس الهدامه
ندوي وهي كانت تطالع التلفزيون :بنات فيلم هندي
انا : بايخ قد شفته
هنود :غيري دوري غيره
نوير : لا انا وندوي اول مره نشوفه
ريموه : هو اكشن يالي شفتوه
شيخوه :لا رومنسي الى ابعد الحدود لدرجت ان المافيا الي فيه اذا تهاوشو قامو يتقابصون (يقبص أي أي يضغط بأصبعين على أي جزء من الجسم حتى يتالم المقبوص )>>امووووت على اللغه الي عندي فديتني
ريموه :يع خلاص انا بروح للبيت نعست
هنود : نعستي ولاتعبتي من تكفيخ لميوه
ريموه :ما شوفكم اهتميتو يومها تشوتني وانا اصلي ولا يوم كبت علي الماء
رنود :هي تمزح معنى
ريموه : حتى انا امزح معها
نوير : امحق مزح
ريموه :هاذا مزحي يالله باي
وراحت ريموه
هنود :عزتي لس الي ختس عنيفه مدري كيف عايشين معها
انا : احسن اصلان ما يعيش اليوم الى امثال ريموه ليتنا كلنا مثلها
ندوي :ابسم الله علي منها ذا المتوحشه
انا :على فكره تراس ماخذه في نفسس مقلب ترا ريموه احسن منس
ندوي : ويييييييييييييييع ويش احسن مني فيه انتي ما شفتي شكلها يوم راحت حتى نعالها ما خذتها هاذيك طايحه رايحه حافيه
رنود : بنات كم الساعه
نوير : الساعه 5 ونص
مهوي بصوت عالي فجر اذني : ليلوه الحليب
انا : اه نسيته واروح اركض انا ومهوي وتونا على الدرج الى ريموه حادتنا
ريموه : ارجعو ارجعو انخشو ياويلكم من جدتي بتذبحكم
وكانت ريحت الحليب والغاز منتشره في البيت لدرجت انها جاتنا على الدرج
انا :ويش صار
ريموه : الحليب نشف وحترق الغوري وريحت البيت تبط الكبد وجدي وجدتي وعمي جسوم يدورون من الي مسوي الحليب وهم شاكين فينا وفي الشباب عشان خويلد وتركي ومشعل في المجلس وتوهم راقدين عاد انا قلت ارجع احذركم عشان جدي معصب حده وجدتي بعد يقولون لو احترق البيت وهم رقود ولا اختنقو
مهوي: يختنقون من غوري
ريموه : وياويلكم لايدرون انه انتو يالله خلو البنات كلهم يروحون لبيوتهم ورنود تسوي نفسها راقده ويتورطو الشباب بسرعه
ونرجع انا ومهوي للبنات ونعلمهم ويطلعون كلهم عادا رنود طفت الانوار وسوت نفسها راقده
وحنى طلعنا في الصاله و كل وحده بعبايتها في يدها
انا :بنات كيف ننحاش عشان ماتشوفنا جدتي
هنود :والله لاتدري جدتي انه انتي يا ليلوه الي نسيتي الحليب ان تطردنا ومعاد تخلينا نجلس عندها
مهوي : صح لازم ننحاش بس كيف
ندوي :الحين جدتي وجدي في الصاله
انا :مدري
نوير : تكفون تصرفو والله لا يدرون ابوانا معاد يخلونا نسهر هناه
شيخوه : ويش بنسوي جعل ليلوه الباحص خربت علينا جمعتنى
انا : جعلس انتي الباحص والجلطه يا الحقيره بسبتس انحبسنا عشر ايام وتشتتنا اسبوع وتورطنا ورطه ويش كبرها وانا اكثر وحده رحت فيها ولا احد قالس شي يعني قضاء وقدر وتجين يالحقير تلومني عشان بس خربت الجمعه البايخ وانتو اصلن بتروحون ترقدو على كل حال
نوير : بنات تكفون خلاص لحد يسمع صوتكم ويجي وننكشف
مهوي : ليه مسوين جريمه
ندوي : لا بس بيمسكونها علينا ماتعرفون تطبخون وماتعرفون تتصرفون وما وما الى اخره ويعطونس محاضره طويله عريضه وانا يالله استحملت محاضرت البارح موب ناقصه كل يوم محاضره كني في الجامعه
هنود: محضرات الجامعه ارحم على الاقل محد يهزئس فيها
نوير :خلاص ياكثر حكيكم تصرفو
انا :انا بتصرف بس لاحد يطلع صوت
ورحت لقيت ريموه على الدرج تتصوخ (تتسمع )
انا بصوت واطي :ريموه ويش صار
ريموه بصوت واطي : اصصصص الحين جدي وجدتي في الصاله يتحلطمون وقام عمي فيصل على الريحه
انا : يعني نقدر نروح ولا لا
ريموه :لا مستحيل جالسين في الصاله
انا: كيف نطلع
ريموه :انحاشي أنحاشي جسوم جا يتئكد انا هنا ولا لا
ونرجع انا وريموه نركض ونعلمهم ان جويسم جاء
طبعن مانبي جسوم يشوفنا بذات عشانه يحب المشاكل ويكبرها ويئثر على جدي عاد هو يبي الزله علينا المهم اول ما علمت البنات قامو يتصادمون في بعض وانادي البنات كلهم على طول وندخل في الأصنصير كلنا ونروح لصطح ونطلع
أنا: والحين ويش نسوي
شيخوه : عادي قضيه هي خلونا ننزل ونقول انا نسيناه
انا :لوا محد رايح فيها غيري
هنود : لا ويش لانا في المشاكل ننحاش من غير محد يشوفنا احسن
نوير : صح ترا جدي متهور يمكن بعاقبنا شهر ما ندخل بيته
ندوي :معقوله
نوير : ايه معقوله وذيك الحين دورو احد يستحملكم هاذا اذا لقيتو احد يلمكم في بيته
ندوي :لهاذي الدرجه
نوير :وكثر يا بنت عمي
شيخوه :كله من ليلوه
ريموه : تراها رايحه تسوي لكم حليب جعلكم السم
هنود : موب لنا عشانها هي محد طلب منها
انا : اكيد عشان نفسي ولا انا اسوي لكم حليب على اخرعمري تبطون
مهوي: خلاص يابنات شنسوي الحين
ريموه :خلونا ننزل مع الدرج عشان نشوف وينهم فيه
انا :لا انا بنزل مع الدرج وانتو خليكم وبشوف الوضع واذا ما شفت احد في الصاله بدق عليكم تنزلون في لاصنصير اوكى
مهوي :خلاص
شيخوه بروح معس
انا :يالله وننزل حبه حبه على الدرج الدور الثالث كان هدوئ والثاني بعد هدوء والاول كانو جالسين في الصاله يسولون جدي وجدتي وفيصل
انا :شيخوه ويش انسوي
شيخوه : مدري متى بيروحون من الصاله
انا : شكلنا مطولين صارت الساعه 6 ونص وحنى متورطين
شيخوه :انتو تكبرون المشاكل عادي قضيه هي كله غوري بشتري لجدتي ثلاثه من سوق نجمه وبتسكت
انا : انتي عبيطه ولا تستعبطين اقولس بيمسكونها علينا هم يدورون الزله لنا
شيخوه : اسكتي فيه صوت
وكانت تحت في الصاله جاي جسوم من المجلس
جسوم :الشباب يقولون موب هم وتر ا عادي ماصار شي كله غوري
فيصل : الغوري الي تتكلم عنه كان بيذبحكم وانتو راقدين
جسوم :لايكون قنبله
فيصل : لا موب قمبله بس الحليب طاش على الفرن وطفاه وجلس يهرب غاز يعني لو امي ماقامت كان احنا كلنا في المستشفى ياشاطر
جسوم : ويش بتسفيدون اذا عرفتو من الي مسوي الحليب
فيصل : بسراحه انا شاك فيك انت و الباقين
جسوم :ليه تراني توني قايم من انوم وبروح الحين ارقد
فيصل : انا دايمن اشوف في اليل عندكم غواري حليب من الي يسويها لكم والشغالات رقود
جسوم :انا بروح ارقد قبل تورطني
جدي : اذا موب الشباب اجل من
جدتي : اقولكم البنات هم الي كان مع الفجر يفحطون هناه
جدي بستغراب : البنات يفحطون
جدتي :ايه ايفحطون الخبل
جدي : بس البنات راحو مافيه احد فوق
جدتي : الى هم تعلمني فيهم رفلان دايمن مدري متى بيكبرون
جدي :مدر والله
جدتي : ماتدري اقولك هم انا متئكده انهم الي حرقو المطبخ
شيخوه بصوت واطي ومعصبه : ذا العجوز خرفت
و قامت تقط خيط وخيط
انا :شيخوه عمى تراها جدتس
شيخوه بستخفاف : صدق ياحضي على ها الجده الي تموت على المشاكل انا اقول جسوم طالع على من
انا : عمى خلاص تراها جدتي انا بعد
شيخوه :اشبعي بها يالبا قلب جدتي ام امي حبيبه وطيبه وتمشي وترقع لبنات خوالي وخلاتي ياحضهم موم مثل ها الجده
انا :شيخوه مصختيها
ونسكت ونتسمع لهم
فيصل : انا شاك في الشباب هم من الصبح واعين
اكيد انهم هم الي شبو على الحليب وخلوه بروح الحين وبطردهم شايفين بيتنا فوضه ولا ملجئ ايتام
جدتي : اقولكم مافيه غير البنات الشباب انا جايتهم مع الفجر ولاقيتهم راقدين
فيصل : ماعتقد الشباب كانو واعين بس يكذبون عليس يسوون انفسهم راقدين عشان ماتزعلين عليهم وبعين البنات ماعتقد بينزلون لانهم يدرون ان الشباب هنا وهم بعد قالولي انهم مايقدرون يجلسون تحت بسبب الشباب وطول اليل كانو محكورين فوق
جدتي : والله نك مسكين ماينزلون اقولكم لاقيتهم يفحطون في الصاله وصوتهم جايب الي في اخر الشارع تقولي ما ينزلون ونهم بعد يستحون من الشباب وجالسن فوق اليوم كله اطراد في الصاله وماهمهم احد لا جدان رقود ولا شباب في المجلس
شيخوه بصوت واطي : العجوز طلعت علينا اشاعات شفتي جدتس ويش تقول مالت عليس انتي وا
انا : كملي مالت عليها من جده معزمه تورطنا
شيخوه :توها قبل شوي جدتس الحبيبه وبعدين هي صادقه موب انتي الي حارقه المطبخ كيف تورطس
انا : ياحياتي ياجدتي نوره فديتها ياناس حبيبه وطيبه وتحب البنات بعد
شيخوه :خلاص السكتي خلينا نسمع ذا العجوز ويش تقول
وسكتنا
جدتي بعصبيه بصوت عالي : اقولكم البنات مابه غيرهم ذالرفل وراحت لغرفتها
انا +شيخوه : جعلس تطيحين
شيخوه + انا : امييين
فيصل: انا بروح البس وراي دوام وجا صوبنا
انا :شيخوه انحاشي ونحشنا انا وشيخوه ويش نسوي ونرح وندخل غرفت رنود ونوايق مع الباب
وجا عمي فيصل الدور الثاني ورقا مع الاصنصير لدور الثالث
انا: توه متذكر ان فيه اصنصير ليش ما ركب فيه من البدايه وريحنى
شيخوه : التيلفون يرن اكيد الدبش " الله اعلم من الدبشه "
انا : ردي قوليلهم شوي جعلكم الجلطه
وردت وقالت شوي جعلكم الجلطه وسكرت التليفون
انا :يالله ننزل
ونزلنا ولقينا الصاله فاضيه وتنزل شيخوه تتئكد ويوم ما لقت احد انحاشت بيتهم وخلتني على الدرج صدق انها نذله وتوني ابي ادق على البنا ت يجون جات العجوز قصدي جدتي وجلست في الصاله ...يالله الورطه ويش اسوي الحين ودق على ندوي
انا : الو
ندوي :العنه مافيكم حيله الشمس كوتنا صرنا بيض مسلوق
انا : وعادكم مطولين ولا احد ينزل عشان عمي فيصل بينزل بعد شوي
ندوي :لوا خلاص مليتا ماتسوعلينا بننزل وبقول انا الي حرقت المطبخ وخلاص
انا :خلاص انتها الموضوع اصبرو شوي
ندوي :بسرعه تصرفي ملينا
خلاص يالله باي واسكر ونتضرعلى الدرج يمكن تروح العجوز ونزل بلأصنصيرعمي فيصل وراح لدوام وقامت جدتي ودخلت غرفتها وانا على طول دقيت على البنات وتوهم رادين لا وجدتي طالعه انا بعصبيه اللعنه
ندوي :ويش فيس
انا :شوي شوي
وطلعت جدتي برا
انا :خلاص تعالو بسرعه مع الاصنصير
وسكرت ونزلت اشوف وين راحت العجوز وادور واطلع اوايق مع الباب ونزلو البنات
انا: يالله انحاشو ورحنى كلنا نبي نطلع مع الباب الوراني حق البيت واول ما طلعنا مع الباب لين جدتي واقفه مع الشغاله ومعطتنا قفاها بعيد بس بتشوفنا
انا :ياليل ذا الع .... الجده
ريموه : خلونا نطلع مع الباب الرئيسي ماتقدر تشوفنا