رواية عشاق من أحفاد الشيطان // كامله

**>>AL-3NOOD<<** · 26-04-2008, 06:57 PM

اشكرك اختي متكحله بدم خاينها

وانا ما سجلت الا عشان هالقصة

بس انا عندي اقتراح كل يوم تنزلي

بارتي

يكون احسن >> مجرد اقتراح

اتمنى لك التوفيق

تقبلي احترامي
العنود

**أحلى من الحلا** · 26-04-2008, 08:17 PM

المشاركة الأصلية بواسطة أفكارها وردية

أحلى من الحلا

انا توني تابعت الرواية لأنها جذبتني بعنوانها فأتمنى يا الغلا لو توقفين للحظة لين يمديني اوصل معاكم او اقرا اكثر من بارت

و بصراحة اللي شين طرحك هو انك تنزلين في اليوم اكثر من بارت أنا انصحك أنك تنزلين بارت واحد كل يوم و احنا نعطيك ارائنا و توقعاتنا و إنتقاداتنا و بهذا الشكل نكون شوية فعالين و اذا نزلتي و محد رد لا تنزلين الا لين تلقين ع الأقل 3 ردود تشجعك يا الغلا و بعدين نهاية البارت حماسية و انتي اذا نزلتي البارت اللي بعده ع طول راح تخربين حماسنا و توقعاتنا

اتمنى ما أكون طولت عليك لأني بصراحه مدمنه روايات أنا ألفت عدة روايات و اللحين بادية برواية و أقرا بنفس الوقت 3 روايات و من بينها روايتك انا يا الغلا حفظتها عندي بال WORDو متى ما راح أنهيها راح أطلعك على ارائي يا قلبوؤوؤو

و أتمنى ما أكون ثقلت عليك بس حبيت أعطيك شوية نصائح مشان تستفيدين و تلاقين حماس من الاعضاء المتابعين للرواية

و في النهاية اتمنى يكون ردي شجعك و أطلعك ع شوية نصائح و اناحبيت أقول راي كقارئة لا أكثر من وجه نظري يا الغلا

With All My Love

هلا فيك عيوني ومشكوره على نصايحك

حبه اقولك انا مجرد ناقله للقصه فقط يعني مو انا الي كاتبتها ,,,ولو انا الي كاتبتها كان ما كتبتها في ها الموقع مع احترامي الشديد له بس اعضاءه قليلا جدا ,,,,ولاحظت انهم مايقراوا القصص الطويله

وحابه اقولك تركت الموقع اسبوع كامل ,,,ما رد علي غير 3 اعضاء واحد منهم قال تسلمين على القصه يعني ما قراها اصلا ,.,.,يعني ما فيه نوع من الحماس عشان كذا ,,هذي اخر مره انزل روايه في ها الموقع ,,,,

انا نزلت قبل قصة غارقات في دوامه الحب ,,,والاعضاء المتابعين لي 2 بس والجميع لاتعليق

بس قلت ممكن ما تكون اعجبتهم

والله خليتيني يا اختي اقول كل الي في قلبي من زمان

وفيه ناس راحوا وبحثوا عنها وقراوها ,,,ولادخلوا مره ثانيه

والله انا الي مستعجله عشان اخلصها

ومشكوووووووووووررررررررررررره مره ثانيه على صراحتك ونصيحتك الحلو

**أحلى من الحلا** · 26-04-2008, 08:21 PM

المشاركة الأصلية بواسطة >>AL-3NOOD<<

اشكرك اختي متكحله بدم خاينها

وانا ما سجلت الا عشان هالقصة

بس انا عندي اقتراح كل يوم تنزلي

بارتي

يكون احسن >> مجرد اقتراح

اتمنى لك التوفيق

تقبلي احترامي
العنود

هلا والله فيك ,,,ومرورك على عيني وراسي اختى العنود

والله انا ودي اخلصها عشان احس اني اكلم نفسي

اقتراحك حلو بس لو فيه احد يتابع

مشكوووووووووووووورررررررررررررره

**فراشة الرياض** · 26-04-2008, 08:45 PM

هذي اخر مره انزل روايه في ها الموقع ,,,,

بليز لاتتركي كتابة الروايات احنا مو مستعدين نخسر كاتبة روايات رائعة مثلك
بس انا ماقرائت الرواية من اول مابدءتي فيها
انا قرأتها بعد ماكتبتي 20صفحة
ولو أني قرئتها من أول جزء كان رديت عليكِ

ومشكورة الرواية اكثر من رائعة
ابدعتي

**شوشونه** · 26-04-2008, 10:59 PM

مره حلوه وننتظر التكمله وبصراحه شيقه مره

**أفكارها وردية** · 27-04-2008, 04:51 PM

*ياترى وش راح يسوي ريان مع شموخ .؟ وكيف بتطلع نفسها من هالورطه ..؟ وليه سبب الكره الكبير بينهم ..؟

اتوقع بيتهاوش معاها و تحقيق لأنه يكرهها

* رويوف وش صار معها ..؟

اكيد بتحاول تنتقم من شموخ بس شموخ ذكية و ما راح تخليها

* ومن هذي منى ..؟وش دورها بالقصه ..؟

اتوقع اللي أأتمنت ريان ع الشركة و لها قرابة بالعائلة

* عائله بو نواف من تكون وايش علاقتها فيهم..؟

صراحه ما ادري !!:l:

**شوشونه** · 27-04-2008, 07:20 PM

شو احلى من الحلى متى بتنزلين الاحداث تراني ادخل ولاشوفها انا من متشوقه اعرف النهايه

**شوشونه** · 28-04-2008, 06:01 PM

كل يوم ادخل ولاشوف شي اكمل وينك ياحلوه عطينالباقي

**SAM WAYIES** · 29-04-2008, 04:32 PM

بصراحه قصه اكثر من رائعه لقد اندمجت معها جدا لدرجت انى كنت انام و احلم بالشخصيات
فأنا اتمنى و اترجاكى انك تكملى القصه لأنى مشتاق لأعرف النهايه
لقد غبت كثيرا جدا عن المنتدى و هذا اول رد لى هنا بعد هذه الفتره (لم استطع ان أصمت لجمال و روعة القصه)

**أحلى من الحلا** · 29-04-2008, 04:52 PM

الفصل الواحد و الثلاثين ..
الجزء الاول ...

* .* ستكون احداث هذا الجزء ومايليه .. بين شهور واسابيه سريعه .. لما تتطلبه الاحداث....*.*

.
.
.
.
.

(( شيصير دام انك مع الغير بتروح ...
مثلك مثل غيرك بالموت قد راح.. ))

تمددت بكسل وهي تبتسم ..
لمتى بتعيش غبيه .. تحط ايدها على خدها وتنتظر حنان من حد يلمها ..
وماتبغى ترجع شموخ الشرسه اللي يسيرها حقدها وقلبها الاسود ...

لا
تبغى تكون انسانه طبيعيه ..
وايمانها بالله قوي ..

ماصاب زوجها الا رحمه من رب العباد ..
يمكن رحمه لحالها المتعذب معه ..

خيانه ..
انحراف ..
سكر ..
فسق ..

يمكن ترتاح من هذا كله ..
بس بتفقده ..فيصل مالي حياتها وجوها ..
مهما عمل تحس فيه .. تحس بوجعه..

عادي تعودت ..
تفقد وتنحرم شي صار روتيني بحياتها ...

بدلت ملابسها برواقه غريبه عليها .. من زمان ماحست بهالراحه ...

نزلت لتحت تدور فيصل من اول ماصحيت ماحصلته .. توقعت انه موجود تحت بس خاب ضنها ...

سلمت على ام جراح وحده من بناتها : خالتوو..

ام جراح : هلا ..

شموخ بهدوء : فيصل طلع ..

ام جراح : اووه من بدري ..

شموخ هزت راسها : اها .. افطر ..

ام جراح : لا يقوول عنده موعد مع رجال مستعجل ..

شموخ (( مع رجال والا وحده من اياهم .. معقوله يواعد وهو مريض ..
اكيد يعملها فيصل مايهمه شي .. لا جنه ولانار ..
لا يمكن اظلمه .. حرام .. هو يحتاج مني الدعاء ..
بس المشكله انا فاهمته اكثر من نفسي ..ماعلي منه .. اهم شي ضمنت مستقبلي وان محد بيظلمني ان شاء الله ..
اذا حملت من فيصل ..)) اخذت نفس طويل : اها ..

اخت فيصل ناظرت بشموخ الواقفه بعيد بلبسها المرتب : اجلسي ..

شموخ ابتسمت لها .. ونفسها تجلس معهم لكن تهديدات فيصل انها ماتنزل اذا حد غير امها .. ولاتحكي مع اهله وتحتك فيهم ..ماتدري هي غيره وحب تملك ..
والا عقاب .. : لا وراي اشغال .. عن اذنكم ..

طلعت لفوق بخيبه امل ...

دقت على امها تطمن عليهم .. من زمان ماحكت معها .. ومشتاقه لصغيرونه ..

: الو هلا ماما وحشتيني موت ..

ام ريان بشوق : وانا اكثر ياقلبي كيفك وكيف صحتك ..؟! وكيف فيصل ..

شموخ خنقتها العبره .. و ماحبت تحكي لامها شي تضايقها معها ..
كابرت مثل عادتها : كويسه ..انتي كيفك وكيف ريان وسامي ..

ام ريان : سامي ملك ..

شموخ بفرحه : ملك ..جد ههههههههه ..

ام ريان : ايوه من كم يوم .. يقول سام انها حلوه .. بس امها مقبول شكلها حليوه ..

شموخ : يقول ليه انتي ماشفتيها ...؟!

ام ريان : لا هي تدرس بمصر وعجبته خطبها ..

شموخ بحماس : اما سام بيتزوج ماصدق ..ههههه .. بالله ماما كيف اقتنع ..

ام ريان : ههه مادري جالي هو وريان وقالوا نبيك تخطبي لسام قرر يترك حركاته ..

شموخ لفت على نفسها بحماس وهي ماسكه الجوال : لا ماصدق وناسه .. سام بيتزوج .. والله لارتب له خطوبه ماصارت..

ام ريان :مافيه خطوبه .. زواج على طوول ..

شموخ : ياربي نفسي اشوفها ..من هذي اللي جرت سامي ..

ام ريان : يقول حنا شفناها ماذكر والله .. تراها تقرب لاهل زوجك ..

شموخ : لفيصل .. من هي ..؟!

ام ريان : شفتي سجى صديقتك بنت أخو فيصل .. تصير ندى العروس بنت عمها ..

شموخ شهقت : ندى اخت وعوود .. من جدك ..

ام ريان : تعرفيها ..

شموخ : ماما تذكريها .. هذيك اللي كانت لابسه ذهبي بخطوبه رياض هي تشبه سجى .. وا لله ذويق سامو هههههه ..

ام ريان : لا ماذكرها ..

شموخ : ياسبحان الله ياحليلها والله .. الحياه صغيره ..ماما قولي لسامي كل شي علي انا ..

ام ريان : يابخت سامي والله انتي وريان حالفين له ..

سكتت شموخ شوي وهي تحاول تنسى ريان وتشغل نفسها باي شي غيره ..
: ماما وش مخططاتك لزواج .. ابغاه يرفع الراس ..

وحكي شموخ مع امها مايخلص ..

ومكابرت شموخ لجرحها ماتخلص ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

انسيه انسيه ..
ياسجى ...
خلاص هو مايستاهل حبك ...
ماوثق فيك .. وقسى عليك ..
ليه شاريته وهو بايع ..

حاولت تصبر نفسها بهالكلمات وهي تساعد وعود تنزل من سياره رياض ..
معها بنفس المكان .. مايفصل بينهم الا كم خطوه ..
: خلاص خالتوا انتي دخلي وعود وانا بجيب اغراضها ..

ام نواف : لا تعب عليك اتركي الشغالات ..

سجى : خالتووا خلاص وعود تعبانه دخليها ..

حاولت تسرق نظرات لسياره متعب .. كان تركي منزل راسه لشي بحضنه يناظره ..
تاملته بقهر مو مهتم لوجودهم بمكان واحد..
تمنت شي واحد بهاللحضه وجنونها يحركها .. انها تروح لعنده وتفتح باب السياره تطلعه وتعضه وتضربه لحد ما ترتاح ..

قلبها دق بسرعه وهي تشوف غميزاته تبان يعني بدايه ابتسامه .. ضحك وبانت اسنانه ..

واضح ان متعب حكاله شي ضحكه ..

اشتاقت لابتسامته الهاديه .. اللي تسبق ضحكه عاليه مرحه ..

اه ياتركي تضحك مبسوط وانا معذبه نفسي معك ..

رفع اللي بيده كانوا سيديات ومحتار يختار ايهم .. تذكرت اغنيه فيروز وهم بالطريق للمزرعه .."اشتاتلك "..

تركي كان مندمج بالضحك على متعب اللي فاتح باب السياره ويدور على سيدي روابي المفضل تحت السيت .. ويتشكى من عصبيه روابي لتركي ..
: والله قزم وتعصب لو تتخيل شكلها ..

تركي : هههه ارحم البنت يارجال ..

متعب وايده يمدها لداخل قال بصعوبه : قاهرتني باخر عمري تتحكم فيني مرأه ..

تركي طلع السيدي المطلوب من بين السيديات : ليكون قصدك هذا ..

متعب : اوووه الحمدلله كان صرت ميت اليوم ..

تركي: هع هع هع قلتلي مافيه مرأه تتحكم فيك أستريح ..

متعب : هع هع هع .. عديها يارجال ..

تركي التفت ليمينه وهو يضحك .. انتبه بعيون سجى اللي كانت واقفه عند السياره تناظره ..

سجى نزلت عيونها بسرعه واخذت الاغراض لداخل ...
(( ياربي وش البلاهه اللي فيني بيصدق حاله هاللحين ..وانا مافهيت عليه الا هاللحين .. ))

تركي التفت لمتعب مرتبك و يكابر .. هي تتمناه مثل ماهو يتمناها ..

التفتوالصوت اغنيه اجنبيه مرتفع " لتوباك "..وصوت فرامل السياره البورش الكحليه ..

التفتوا متعب وتركي على الصوت ..

نزل فيصل من السياره وهو يغني مع توباك ويرفع النظاره الشمسيه عن عيونه ..
: هاي ..

تركي ومتعب مايعجبهم فيصل ولا تصرفاته قالوا بدون نفس: هلا ..

فيصل ضحك عليهم : لهاللحين انتم عايشين هههههههه .. وين سوسو حبيبتي ..

متعب : داخل ..بس انتبه زوجه رياض وامها داخل ..اذا تبغى رياض وعمي حمد بالمجلس ..

فيصل اشر بلامبالاه : لالالا مو ستايلي ...- وصرخ - سووسو .. سجوووي ..

متعب : الفيصل ماتقدر تطلع لك .. طليقها هنا ...

ناظر فيصل تركي بطرف عينها : ياوقاحتك ياخي مطلقها وجاي لبيتها ..

تركي مامداه يرد الا ومتعب قال بانفعال : الفصلي انشغل بحالك ..

فيصل طنشهم ودق جوال : هالللو سجووي

سجى شهقت : خالوووووو..

فيصل : انا فيصل وش خالوا اطلعي بسرعه ..

سجى : ليه..؟!وين ..؟!

فيصل : عازمك .. يله بسرعه فايف منت لك بس ..

سجى : اوكي طيرررران وانا عندك باي ..

سكر من سجى وناظرهم باحتقار ..
دخل للبيت يسلم على اخته من زمان ماشافها ..
.
.
.

بداخل القصر ..

ام رياض : يالله انك تحييها تو مانور البيت ياوعود .. حياك الله يام نواف تفضلوا ..

ام نواف : الله يحيك ..

ام رياض : ترى فتحنا لك غرفتين .. - أشرت للخدامات - افتحوا الغرف بسرعه ترتاح وعود ..

وعود بهدوء وطفش : لا يمه بجلس معكم شوي ..طفشت من الغرف والسرير..

ام رياض : ههه ههه الحمدلله على السلامه ..

وعود : الله يسلمك ..

ام نواف جلست وعود ..

وعود: يمه .. وين روابي ..؟

ام رياض : مشت لحايل الفجر مع امها .. .. يا ميري انتي و ورفوعه جهزوا الشاهي لرجال ..

ام نواف : خساره كان بودنا نجلس مع خديجه شوي ..

ام رياض: والله متعب حاول معها ومانفع..

وعود ضحكت بتعب : هههههه متعب علشان روابي ..

ام رياض : ايوه الله يهداهم هههههه

قاطعهم صوت فيصل الخشن : يام رياض .. يالغلا ..

ام رياض : كنه صوت فيصل ..

وعود: ايوه مو صوت رياض او متعب ..

ام رياض وقفت :عن اذنكم ..

ام نواف: خذي راحتك ..

ام رياض طلعت لعند فيصل : يالله حيه القاطع ..

فيصل باس راسها : ههههه .. هلا يالغاليه كيف صحتك ..؟! من جاء بوش وانتي ماجئيتي لعندنا ..

ضحكت ام رياض على حكي فيصل عن ابوه ويسميه بوش ..: ههههه هههههه ..وين شموخ ليه ماجبتها معك ..

فيصل ابتسم بطريقه مختلفه وعيونه تبرق : تركتها نايمه ..

ام رياض : اها .. والله ماتنشاف زوجتك كل الحريم يقولوا ..ماتطلع عندهم اذا زاروا امي ..

فيصل قال بثقه : انا مارضى لها .. اخاف عليها من عيونهم وحكيهم ..

ام رياض : بلا حكي زايد وحنا ماخترنا لك بجمالها الا علشان تشرفنا عند الناس ..

فيصل : ما هي ملكان للعرض علشان انزلها عند المشافيح هذولاء اللي ماعندهم شغله الا يحشوا بخلق الله ..

قاطعتهم سجى وهي تسكر عبايتها : انا جاهزه ..

ام رياض : وين ..؟!

سجى بلعت ريقها : بطلع مع خالوا ..

فيصل : باخذ السنيوره لمطعم كذا ..من زمان عنها ..

ام رياض: اها ..

سجى لبست برقعها بسرعه قبل لاتغير رايها امها.. : باي ماما ..

ام رياض قالت بدون نفس وهي ترجع لعند ام نواف : باي ..

فيصل ياستغراب : ايش بتتبرقعي ..؟!

سجى : ايوه ..

فيصل باستنكار: لا سجوو ماينفع انا ماحب امشي مع وحده مبرقعه والله فشله ..

سجى : لا خالوا ساعدني انا ابغى حد يحمسني ..

فيصل رفع كتفه : سوري ..مو انا ..

سجى تعلقت بكتفه : فصوولي تكفى .. بس لحد مامر من عندهم ..

فيصل بخبث : اها من تركي هذا .... ماعليكي منه يفتح فمه بحرف ويقابلني ..

سجى بسرعه : لا مو كذا بس . .. اممم ..

فيصل ميل فمه مو عاجبه : ليه تتغطي منه هو وبس

ابتسمت ببراءه : طقوسات ..

فيصل بطفش : اوكي تعالي ..

طلعوا وماكانوا موجودين متعب وتركي دخلوا مع الرجال بالمجلس ..: ها افتشي مافيه حد ..

سجى من وراء قلبها فتشت : اوكي ..

فيصل : تعالي معي والله لارجع هذا زوجك لك يزحف دامك ميته عليه كذا ..

سجى : خالو ..

.
.
.

بداخل المجلس ..

بو نواف : يا رياض ماقلتلي وين الممرضه الشقراء اللي كانت مع وعود ليه ماجبتوها معكم ...

رياض استغرب : ممرضه اي ممرضه ..

بو نواف: الطويله اللي كانت تساعد وعود بالمستشفى ..

رياض فتح عيونه بصدمه .. معقوله وعود ماحكت لاهلها عن كاترين ..

ايش الانسانه هذي .. وش قدرة التحمل اللي تعيشها ..
والقوه اللي هي فيها ..

كبرت بعيونه اكثر واكثر ..وتمنى يطلع من عندهم ويدخل عندها .: لا عمي هي بس موئقته ..

.

.
.
.
وعود كانت تجامل وتبتسم لامها وام رياض وهي تعبانه مرره ..

اعتذرت منهم ودخلت لغرفتها تنام .. وهي بين نارين ..
نار حبها لرياض وكرامتها ..

تمددت وتغطت وهي متوكله على رب العباد ..

وماتدري وش مصيرها معه .. بيتقبل وجودها والا مايبغاها بعد ماضاع اللي ببطنها ...

.
.
.

طلع من المجلس والهواء الخريفي .. انعش وجهه ..مايدري وش رد روابي عليه بع ماتركهامس زعلانه وطلع لشرقيه ..

واللي زاد الطين بله ماقدر يدق عليها لانه نسى جواله ..

دخل للقصر ودور عليها بالمطبخ .. ماحصلها .. طلع لجناحها مع امها .. بعد مو فيه .. .

تافف و دخل لصالون ... ناظر بامه جالسه لوحدها مو بالعاده .. بالعاده مع عمتها .. قال باستعجال ..

متعب : يمه وين روابي مو بغرفتها ..ولا لها حس ..

ام رياض باستغراب : روابي بحائل ..

متعب : حائل ..؟؟!!

ام رياض : ايوه الفجر رجعت مع امها ..

متعب ضرب راسه بقهر: الجامووسه صدقت ..

ام رياض : متعب وش فيك ..؟!

متعب : لا يمه سلامتك بس وراهم رجعوا بدري ..

ام رياض : وراهم مدارس واشغال والا فاضين لك هم ..

متعب (( يالليل رجعت وهي زعلانه )): اها .. يمه ماشفتي جوالي ..

ام رياض بلامبالاه : ايوه على مكتبك روابي حطته ..

متعب بسرعه : كان عند روابي ..

ام رياض : ايوه .. متعب وش فيك كانك ابله ..

متعب صفط ثوبه و طلع بسرعه لفوق ..
فتح غرفته باستعجال واخذ الجوال ..
دور بالرسايل .. ومثل ماتوقع اخر رسايل مفتوحه وكلها من لميس ..
كاتبه حكي مقزز بطريقه استفزازيه ..
: الله يلعن؟؟؟؟ يازباله .. مزحت معك كثير ..

نزل لسيارته بسرعه .. وهو معصب ..
دمه يثور تلعب معه غبيه وبتدمر حياته ..
.
.
.

تركي وقف عند السياره ومسك متعب :يابن الحلال تعوذ من الشيطان وفهمني الحكايه ..

متعب بين اسنانه : سكت لها كثير وماحب اذيها بس شكلها تبغى من يربيها ..

تركي : م

قاطعه متعب وهو يمد له الجوال : خذ ..
اعطى تركي الجوال ودخل سيارته سكر الباب بقوه .. وقبل مايحرك دخل معه تركي وهو مو فاهم الحكايه ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

مرت ايام .. واسابيع طويله ..

غابت الشمس والمدينه أضلمت ..

.
.
.
حاله قصر بو جراح الرالي .غيررر..

مع جو الخريف البارد الحار ...وتقلباته ..

.
.
.

صرخت باستنكار : محد قتله غيررررك .. انت اللي دمرته انت .. ..

ربى مسكت شموخ وبعدتها عن جدها : شمووخ تعوذي من الشيطان ..

شموخ تبعد ايد ربى بكل قوتها عنها ..وتشمخ ايدها .. : اتركيني .. اتركيني هو اللي مفروض يموووت مو فيصل .. موو زوجي .. – ارتجف صوتها واشرت على بو جراح باصابعها – انت اللي قتلته انت ..

بو جراح كان واقف جامد بدون اي حركه ..
هسترية شموخ .. صحته للواقع ..
فيصل مات ..
فيصل فقد حياته .. من تجارته هو ..

رجع لورى خطوتين وعيونه متعلقه بعيون شموخ الرماديه .. كانت محمره من البكي والقهر ..

دفت ربى بقوه ورمتها على الارض .. كانت بحاله هستيريا .. خلاص اللي كانت تنتظره من شهر وايام واسابيع حصل ..غمضت عيونها وفتحتها و فيصل مو حولها .. مو معها ..

ركضت لعند بو جراح الضخم السمين ودفته بقوة على صدره من القهر والحرمان ضياع السند ..
ضربته وهي تذوق طعم الملح من دموعها ..
تتمنى تحطمه وتقطعه .. :فيصل مات ..منك انت ..
انت اللي قتلته ..
انت اللي اخذت زوجي مني ..
انت اللي يتمت ولدي ..
انت اللي حرمتني من الوحيد اللي بقالي بحياتي...
انت السبب .. انت ..
انت ياللي يقولوا انك ابوه .. ابووووه ..
ياما تمنى تضمه لصدره .. تمسح دمعته ..
وش خسران اذا اخذته لصدرك .. ايش بتخسر ..
ليه يتمته وهو عايش ليه ..
ليه ..؟؟!- صرخت باعلى صوتها -
وش بينقصك .. قلي بالله وش بينقصك ..
يتمته وانت عايش .. قتلت شبابه وحياته ..
والله ماسامحك لان فيصل ماسامحك .. ويقولك .. لاتدفني قالي قولي لابوي لايدفن ولايرفع نعشي بكتفه .. .. ولايرمي التراب بوجهي يغطيني ..
قوليله ماهو محللك ولا بيبحك .. وذنبه وذنب كل واحد ادمن على المخدرات اللي دخلتها لهنا عليك ..
عليك ..
.
.
.
بو جراح كانت الصدمه شالته .. مايبغى يبعدها عنه .. لانها ريحه فيصل ..
ولايبغى يبقيها قريبه منه تالمه اكثر ..
كل الم يحسه يعطيه كف يصحيه من سكرته ..

شموخ كملت وهي تفرق القهر اللي فيها .. مسحت دموعها بقوه من طرف كمها .. لكن رجعت تنزل على خدها : تدرري ايش قالي .. قالي مابغاه يرفع ولدي ولايحضنه لانه ماحضني بيوم .. ماعرفت حنانه بلحضه م

قاطعتها ايد سجى اللي سحبتها من جدها : يامجنونه ابعدي عن جدووو ..

شموخ قالت بصعف وايدها ترتجف .. اشرت بالهواء : سجى فيصل راح .. خالك راح ..

سجى ناظرتها ودموعها تاكد لشموخ انها ارمله وحيده بالعالم ..

شموخ ضمت سجى بكل قوتها : مات .. مات ..

سجى بكت اكثر وهي تضم شموخ ..
اول مره تحس سجى باحاسيس شموخ ..
اول مره تذوق اللي ذاقته شموخ لما فقدت اختها مروج وعمها اللي ماعرفت ابو غيره .. واختها وبنت عمها نجلاء ..
ذاقت حقد شموخ اللي تحس لناس كلها ..
عذرتها .. عذرت قسوتها وهي تفقد اللي حولها بالتدريج ..
وهاللحين فقدت زوجها وابو طفلها اللي ماصار له شهر وكم اسبوع ببطنها ..
مهما كانت حقارتها بس هي انسانه محطمه ..ومحتاجه لها ..

ضلوا ضامين بعض يبكوا .. وكل وحده منهم تحاول تاخذ قوتها من الثانيه ..

ربى كانت ضامه جدتها تبكي ..

اما ام رياض من بين دموعها .. ناظرت بابوها .. معقوله مايبكي فيصل وهو فقد ثاني اولاده بنفس السبب ..
هو السبب تجارته يبليه ربي باولاده ..

ماكانت قادره تتحرك تبكي اخوها الشاب .. وتذكر ضحكته العاليه .. مع وسامته اللي تشع شباب ..
هاللحين بيكون تحت الثرى ..

فقد اخوينها الاثنين ..

قالت بصوت مرتجف بين دموعها ..: سجى ..
متعب ..
رياض ..
ربى ..

قالت اسم اولادها خايفه تفقدهم ..
الحياه فانيه ..

بسرعه وقفت .. وراحت لربى تضمها وتسحب سجى من شموخ تضمها ..
تضم بناتها لو فقدتهم هاللحين ..وش بيفيدها قوتها وتسلطها ..
فلوسها وش بتنفعها فيه ..

بتكون مثل ابوها حجر .. قاسيه ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

كانوا على السفره ياكلوا ..

هواجس بفضل الله ثم المراهم قدرت تتحرك وتعيش مثل غيرها .. واللي ساعدها اكثر الشتاء ..

هواجس : يله ملوكه تغدي وجهزي الشنطه ..

ملاك تاففت : الابله ماعطتنا شي ..

نور بهدوء غريب رافقها الفتره الاخيره : بلا كذب من اول الاسابيع بتكذبي ..

ملاك : انا اكرره المدرسه ..

بو هواجس :ههه هذا والمشوار طويل قدامك توك سنه اولى ...

ملاك : اصلا انا مراح ادرس بتزو نواف وبجلس بالبيت ..

هواس : هههه بلا خيالات زايده وكلي بس كلي ..

ملاك عصبت وقفت زعلانه علشان ماتذاكر : بتشوفوا اذا ماتزوجته بكره ..

راحت معصبه لفوق ..

نور وام هواجس وبو هواجس ضحكوا عليها : هههههه

هواجس : تعالي لاتفكري بحركاتك هذي مراح اذاكر لك ..ههههههه

بوهواجس : الحمدلله..

نور : وين يبه ماتغديت ..

بو هواجس: لا شبعان مواعد زوج عمتك ندور وظيفه ..

نور: اها

ام هواجس رفعت ايدها تتذلل لرب العباد : ياسامع الصوت وياسابق الفوت.. يارزق الطير بالسماء .. والدوده تحت الارض .. افتح ابواب رزقك .. و ارزق زوجي شغل من فضلك .. يارب العباد يارحم الرحمين ..))

اللكل : امين ..

طلع بو هواجس لغرفته يبدل ويطلع ..

وهواجس تغسلت بصعوبه مثل العاده وطلعت لفوق تدرس ملاك ..

ناظرت بالسراميك الزيتي من تحت رجلها وهي تطلع الدرج ..

الشي الوحيد اللي بقاء لها من سعود هذا البيت الواسع .. كرم منه تركه لهم ..
باعت الارض اللي بسمها وباسم نور علشان يدفوع لسعود الديون النذل ماتنازل عن ريال واحد ..
المهم ارتاحت منه هذا عيد بالنسبه لها ..
- تنهدت - ..ماعندهم دخل غيرشغل نور مدرسه رياض اطفال بوحده من المدارس الاهليه ..
ولان ابوها .. كان يشرب صعب يحصل وظيفه ..وكل يوم محاولاته مع زوج عمته ..

تحمد ربها على نعمه راحه الباب اللي عايشتها هاللحين ..
تبيع فلوس العالم علشانها ..

دخلت عند ملاك غرفتها : بدوووووون نقاش افتحي كتبك ..

ملاك تاففت وهي تجر شنطتها الفوشيه بيدها : ياربي متى ارتاح بس ..

هواجس باستهزاء : لاتزوجتي نواف .. ههههههههه..

.
.
.

نور تغسل مع امها المواعين وتحكي لها .. عن الاطفال اللي اكلوا قلبها بالحضانه ..
تعشقهم وتقضي وقت معها اكثر من انها تشتغل ..

دام يزيد باعها مايهمها ..

تذكرت فجاءه حكي المدرسات معها بالمدرسه .. صرخت بحماس : يممممه مادريتي ..

ام هواجس بعدت عن نور مكشره : لله يهداك نوور .. وش الصراخ .. اسمعك مو انا بالمريخ ...

نور: هههه اسفه بس والله خبر بمليون ريال ..

ام هواجس بلهفه : يزيد دق عليك .. قالك متى بيرجع ..

نور تاففت كل ماحاولت تنسى رجعت امها تسالها بالحاح : لا يمه انا ماتحمست علشانه .. – ابتسمت بهدوء – راكان ولد خالتي صار مشهور ..

ام هواجس استغربت : راكان ..

نور هزت راسها بحماس ومشاعر عاديه لراكان ولد خالتها وبس : ايوه المدرسه يحكوا عنه يقولوا انه شيف مشهور بمطعم فخم بدبي .. وله كتب هناك وصفات .. وبيفتتح مطعمه اورررريب .. .

ام هواجس ضحكت : جد الله يهنيه .. ياحليها خالتك ماحكت لي .. بس قالت انه بيخطب ..

نور استغربت : بيخطب ..

ام هواجس بتردد: ايوه .. مابعد صار شي ...

نور : يمه اعرف حركاتك لاتتحسسي انا نسيته انا ليزيد زوجي وبس ...

ام هواجس: وينه زوجك عنك بيرجع والا بيرميك مثل مارمى عمه اختك .. ..

نور: لاحوووووول ولاقوه الا بالله يمه كل مره اجلس معك تنرفزيني كذا ..

ام هواجس عصبت : من خوفي عليك والا راميك عندنا طوال هذي الفتره ليه .. ولا يتنازل يحكي معك الا وين وين .. ويسكر بسرعه ..

نور رمت الليفه من ايدها معصبه : يمه لوسمحتي هذا زوجي وانا راضيه ..

ام هواجس بنفس عصبيتها قالت باستهزاء : لا خلاص اسفه يامدام نور ماعاد احكي عن زوجك المصون ..

نور مسكت اعصابها وقالت تضيع الموضوع : يمه من خطب راكان ..

ام هواجس : عارفه بنات عمتك ..بنت عمه اسمها رنا مادري رباب ..

نور ابتسمت : ربى .. ههههه .. واخيرا خطبها شكلهم طفشوا غراميات قال يخطبها ..

ام هواجس : وش غرامياته ..؟!

نور: سلامتك يمه بس توقعت .. ماعلينا الله يوفقهم ويسعدهم ويرجع لي الغايب ..

ام هواجس طلعت من المطبخ وهي تقول بطفش : امين ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

تناظر المرايه والحبتين اللي بجبتها مضايقنها
ونفسيتها تعبانه منهم ..

سامي يضايقها دايم بتدخله فيها وحجته زوجتي ..
تقرف منه وماتتقبل وجوده الا بعض الاحيان اذا طالعه لمكان وتحس بالامان والسند لانه يكون معها ..

ضغطت على الحبتين وهي تناظر بنجود اللي جالسه على السرير بعايتها ..
: وليه جالسه بعبايتك ومحجبه ههههه ..

نجود مندمجه مع لعبه بالجوال .. قالت بخبث : كذا .. احسن منك بهالمصخره ..

ندى ناظرت بلبسها ..
شورت طويل لنص الفخذ فوشي مقلم بالاخضر.. وتيشيرت وردي فيه وجه بنت باللون الفوشي والاخضر ..
: هههههههههه وش رايك اليوم مستهبله وبايعتها ..

نجود : اشوفك مادري وش عندك ..

ندى رمت نفسها على السرير بجنب نجود
فردت يدينها ورجلها طالعه من السرير : ...اول شي حرررررر اليوم ...

نجود بفجعه: حرر حرام عليك كل هالبرد ..

ندى ناظرت السقف : ثاني شي .. اليوم رايقه احس انو في شي حلو بيصير لي .. هههههههه

نجود ابتسمت بخبث : اكيد في احلى من خطيب عيونه ناعسه ..

ندى عدلت نفسها وقالت ببلاهه : ها ..؟؟؟!- بعدها ضربت نجود بالمخده – ماعندك سالفه ..

نجود : بلاحركات مبزره انتي ..
من جد ندوش وش احساسك ان سامي خطيبك ..

ندى حست بالضيقه من طاريه وتهربت من نجود : بنام ضفي وجهك ...
تمددت على السرير وغطت نفسها

رفعت الغطاء عنها : ندوووش يله قولي ..

ندى ناظرتها بطفش .. وتربعت بجلستها ...
رفعت الفيونكه عن شعرها .. وتركته على وجهها ..خربطته بطفش ...
وشدته من القهر ..

نجود : هههه اعصابك ي

قاطع نجود دقت الباب الهاديه ..
دقه منتظمه تدل على ذوق صاحبها ..

ندى صرخت : شمس وربي مايلبق عليك الادب هههههههه

فتح الباب ..وهو مبتسم من اسلوب ندى .. ماسك الجوال بيده وقف عند الباب ..
: ممكن ادخل ..

ناظرت ندى بنجود تستوعب .. وهي ماسكه شعرها تشده ..
وقاحته يجي لغرفتها ..
شكل السالفه عجبته .. لما جاء اول مره ..
كشرت بوجهه ..

نجود ابتسمت بخبث وشماته : اكيد تفضل ..

ندى رفعت غطاء السرير عليها لحد رقبتها .. وناظرت نجود : وين يجي انتي هييه .. - ناظرت سامي بجديه – لاتفكر تدخل حتى ..

نجود بعباءيتها مشت لبره الغرفه .. وسامي دخل

نجود ناظرت ندى وابتسمت وهي ترفع حاجبها اليسار لندى وتسكر الباب ..

سامي ابتسم اكثر وهو يناظر بندى ماهي عارفه ايش تعمل .. وعيونها مصدومه ..

ناظرها بتامل ..
شعرها مبهدل .. بلفلفات حلوه
مع غطاء السرير الاخضر العشبي ..
وخدودها مورده ..

ومقطعه شفايفها من الضغط عليهم باسنانها ..
حسها ورده ..متفتحه بتالق ورقه ..

ندى عصبت : نعم خيرتناظر .. – غمضت عيونها بقوه ماتناظره –اطلع بره..

سامي تذكر الجوال واللي بالسماعه ...
قرب من عندها وهو يحس بمغناطيس من تجعيدات عيونها اللي ضاغطتهم من قلب ..

: تفضلي ..

ثواني ..
فتحت عيونها تناظر ايش لللي تاخذه ..
عقدت حواجبها وهي تشوف واقف قريب من السرير وماد جواله لها ..
: ايش تبي ..؟؟!

سامي ابتسم : امك بالسماعه ..

ندى فهت : امي ..؟؟؟!!!!

سامي قرب السماعه لها اكثر : خذي حرام تنتظرك اكثر ..

ندى احتقرته : كذاب ..

تنهد وهز راسه بلاحول ولاقوه الا بالله .. وحط ركبته على السرير ورجله الثانيه بطرف السرير ..
رجعت ندى بسرعه ..
قرب منها اكثر : اسمعي والله ماكذب ..

حط الجوال باذنها وقالت بتردد وقلبها يدق بسرعه رهيبه ..
وصدرها يطلع وينزل .. : يمه ..

ام نواف اول ماسمعت صوت ندى تنادي باسمها ... حست بروحها رجعت لها ..
وبكت من قلب: يمه بنتيتي .. يمه ندى ...

ندى حطت ايدها على قلبها صوت امها ..
صوت الغاليه ..
صوت راس المال والظهر والعزوه والسند ..
صوت قلبها اللي ترتكته بالظهران ..

نزلت دموعها بسرعه وحطت ايدها الدافيه على ايد سامي اللي ماسك الجوال ..

سامي ارتبك من حركتها ..وحس بدم ساخن يمشي من ايده لباقي جسمه ..
ايدها الناعمه مرره الدافيه ربكته ..
دقات قلبه ارتفعت وهو يشوفها .. تبكي بقوه ..

ندى تحشرج صوتها .. وارتفعت شهقاتها: يم ..ه سام.....حيني ..
يمه سامح......وني .. يم.....ه انا اس....فه ..

ام نواف : ليه يمه .. ليه سويتي كذا ..؟

ندى : والله غلطانه عارفه اني غلطانه .. بس ماكنت ابغى عبدالرحمن ولد عمتي .. وانا غبيه غبيه ..
ياليتني تزوجته يايمه ومارهربت منكم ..
ياليت الطياره طاحت فيني وانا رايحه ...

ام نواف بسرعه : لا يمه بسم الله عليك جعل يومي قبل يومك ..
يمه البيت بدون مايسوى ..
اشتقنالك ولضحتك ..
يمه جدتك ماعادت مثل اول وانتي بعيده عنها .. ماتحكي ولاتبغى حد ..
وعود سقطت ..
و..ابوك حالف مايسامحك ..و زوجك .. بدون علمك ..
ابوك مريض ياندى

ندى حست بالذنب يقطعها اكثر وانها مخنوقه ..

رفعت ايدها من على ايد سامي ..
ورمت نفسها بحضنه ..
لفت يدينها حول خصره و دفنت وجهها في بطنه وضمته بقوة وهي تقول بصوت مقطع من وسط شهقاتها :يمه .. يبه ..

سامي انصدم .. وناظر بظهرها اللي بان لما رتفعت بلوزتها .. عرف ليه ماتبغاه يدخل ..لابسه شورت يابرائتها تذكرت شموخ وخلاعتها ..

قال لام نواف بسرعه وهو مرتبك : عمتي تحاكيك بعدين ماهي قادره تحكي ..

ام نواف حالها مثل حال ندى واكثر .. ماردت عليه بس سكرت السماعه ..

سامي يحس انه على طرف السرير وتوازنه مختل .. بيطيح على ظهره .. بس سكت .. وحاول يهديها ..
ايش النعيم اللي هو فيه ..
ندى بحضنه وتبكي ..

مسح على ظهرها وشعرها يهديها وهو يتمنى انه من زمان مخليها تحكي مع امها : خلاص ندى لاتبكي ..هم اهلك واكيد بيسامحوك ..

حكيه خلاها تدفن وجهها اكثر وتبكي ..
مراح يسامحوها بعد سواد الوجه ..
ندى كانت حاسه بشي غريب وهي تبكي براحه فصيعه ..
من حراره جسم سامي ..
امها مسامحتها بس ابوها ..

لما دفنت وجهها اكثر .. زاد الضغط على سامي
وماقدر يضغط على جسمه اكثر وهو بطرف السرير ..

.. وطاحوا على ورى عند السرير ..
الطيحه كانت قويه ..

ظهر سامي مباشره على السيراميك ..
وندى من فوقه زادت من الضغط ..
: اه ..

ندى مصدومه .. واستوعبت هي ايش عملت ..

قبل لاحد منهم يتحرك .. كان الباب مفتوح ..
والثلاثه واقفين وراه يضحكوا ..

شمس ونجود ولمى .. هم كانوا عند الباب يحاولوا يسمعوا شي واول ماسمعوا صوت قوي فتحوا الباب ..

وتفكيرهم اخذهم لبعد لورى الشمس والقمر ..: هههههههه

ندى طنشتهم و ناظرت بسامي اللي وجهه مكشر من الالم وايده على خصره ..
كان بالها مع سامي وصوت جسمه وهو يطيح بسببها ..
قالت بخوف وهي تبعد عنه وتمسح دموعها اللي من شوي بسرعه : يالمك ..

سامي كان بيهز راسه ويقول لا .. علشان ماتضحك عليه
بس نظره الخوف اللي بعيونها .. خلته يقول بخبث وهو يصطنع الالم اكثر : ايوه

ندى بعفويه عدلته ومسكت ظهره ..
وهي تناظر البنات : كانت قويه ..ياربي كله من غبائي ..
نادوا لاحمد ياخذه للمستشفى ..

لمى : عمي بالسعوديه مو فيه وحتى لو فيه مراح ياخذه ..

سامي عدل جلسته اكثر : لا مايحتاج شويه الم ..

ندى : اي شويه .. سامي ... ماسمعت الصوت ..

سامي فهاء بوجهها وهي تقول اسمه سامي بنبره الحنان هذي ..

شمس ناظرتهم بابتسامه خبيثه : دامكم مو قد الشي لاتعملوه هههههههه

لمى ونجود ضحكوا بصوت عالي وسكروا الباب : ههههههههه

ندى انقهرت منهم تفكيرهم غبي مثلهم ..
ساعدت سامي تجلسه على السرير وهي مستغربه من ارتجافته .. اكيد من الالم يرتجف ..
حست ان قلبها بيطلع من مكانها من الخوف عليه : دقيقه ابدور مرهم عندي ل

سامي كان يرتجف لان عنده قمه التحدي مايلمسها ..
مسك ايدها وقاطعها : خايفه علي ..

ناظرته ندى بسرعه ..
مفضوحه .. مشاعرها واضحه لهدرجه ..

ارتبكت وسحبت ايدها ..
وحماسها انها تطمن عليه اختفى ..
قالت بصوت قوي : لا

حاولت تشغل نفسها باي شي بس ماتناظره ..

سامي ابتسم .. خوفها واضح ..
حس بمشاعره تقوى جهتها ..
وهي بالشورت والتيشرت ..

هذي زوجته من جد ..

مسح مقولته المشهوره ومبدأه (( الجنه بدون بنات ماتنداس وشلون الارض ..))
حسه مبدأ غبي ..
وان الجنه بدون ندى هي اللي ماتناس ..

بنظره هي الملاك الابيض ..
هي النور بالارض ..

تنهد ووقف ..يهرب من مشاعره اللي لو اعطاها وجه بتضيعه ..
وقت الندم ماينفع شي ..
: بترك جوالي عندك دقي على امك متى ماحسيتي انك مستعده ..
انا استذن ..

طلع بسرعه ومالف عليها..
سكر الباب واخذ نفس طويل ..

.
.
.

ندى تنفست براحه ..
وش الحاله اللي تجي لها لما تشوفه ماتدري ..

رمت جسمها على السرير وابتسمت .. وهي تتخيل شكلهم ..
مسكين هو اللي راح فيها ..

ضحكت بصوت مرتفع وهي تحس بصوت امها جنبها .. : ههههههههه

اخذت الجوال ودقت عليها بدون تفكير ..: يمه ياقلبي ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

رواية عشاق من أحفاد الشيطان // كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget