-
-
رد: روايه: ابرياء العشق ملطخون بالدماء .للكاتبه/بنت الأياآويد
حمااس الففف ، وماحسيت بالوقت وانا اقرا البارت مر بسرعه، طولي البارتات المره اليايه لانها حلوه وما بنمل منهاتعليق
-
رد: روايه: ابرياء العشق ملطخون بالدماء .للكاتبه/بنت الأياآويد
بنات اعتذر الفففف انيه ما رح اقدر انزل بارت الليله أتمنى تعذرونيه
وان شاء الله جريب البارت بنزل بارت طويلتعليق
-
رد: روايه: ابرياء العشق ملطخون بالدماء .للكاتبه/بنت الأياآويد
ما عليه يا قلبي خذي راحتك
Sent from my LG-X210 using 3bir mobile appتعليق
-
رد: روايه: ابرياء العشق ملطخون بالدماء .للكاتبه/بنت الأياآويد
بسم الله الرحمن الرحيم
روايه/ ابرياء العشق ملطخون بالدماء
للكاتبه/ بنت الأياآويد
الجـــ(السادس)ـــزء
..
" انتقـــــــــــــــام بلا نــــــــــهايـــــة"
..
قال اوستن اومالي:
"غالبا ما يكون الانتقام كأن تعض الكلب لأنه عضك"
..
15/5/2017
سهرانين اثنيناتهم
واقفه ع الدريشه وتفكر بدون ولااااا دمعه
آخر شي توصلت له ان كلمته ما تمشي بعد اليوم
منسدح ع شبريته وسرحان يفكر باللي صار
ندم لانه ضربها جدامهم اول مره يمد ايده ع بنت يحس ضميره هب مرتاح
سمع رنه الفون وطنش
يتذكر اللي صار بعد ما عطاها كف جدامهم وهي تحدته
حدر وراها وقبضها قبل ما تحدر حيرتها
لف ع رقبتها
وايده الثانيه ع خصرها
نزل لمستواها
ولصق صدرها بصدره وبنبره هاديه: انتي ناويه ع عمرج
همايل صدرها يرتفع وينزل من الخوف لكن تكابر: اعلى ما بخيلك ركبه خلاص من اليوم ورايح ما بسكت
مرشان يحرك يصبعه ع خدها وهي توترها يزيد: اهااا جيه ناويه يعني
همايل من شده التوتر دزته: وما اسمح لك تلمسنيه
مرشان بهدوء عكس ثورانه اللي جان خاري: حلفي بس .. اظن انيه ريلج
همايل: خلك بعيد عنيه ولا
مرشان قطعها وهو يتجتف: ولا شووو
همايل: احب اقولك كلمتك ما تمشي بعد اليوم ما بجى شي ما سويته تبا تضرب ضرب تبا تهين هين سواا اللي تبيه بس تحلم اسمعك عقب اليوم
مرشان بستهزاء: حلفي بس
همايل تطالعه بتحدي
مرشان ابتسم: انتي جنيتي ع عمرج .. لا تسمعين الرمسه وعلي صوتج وبتجوفين هالمره شو اروم اسوي
همايل: هب خيفانه منك سوا اللي تبيه
مرشان مبتسم بسخريه: اوكيه ع راحتج وبنجوف
وطلع عنها
" رجع ع الواقع
والتلفون يرن طنش مره ثانيه
المتصل لحوح رجع يتصل ويتصل ويتصل
عصب وشل الفون جافه ذياب
رد بهدوء : الو
ذياب: انته لازم تذل قبل
مرشان: شو تباا
ذياب: شفيك منفس
مرشان: ذياب خلصنا شو تبا
ذياب: وين الاوراق اللي قلت بتطرشها هاه
مرشان: يوووه نسيت
ذياب: طرشها سرعه ع الايميل
مرشان: ياخي حد يتصل الساعه 11 بالليل ويتطلب بعد
ذياب: عندي الساعه ثمان مشكلتك عاد انا قايل لك من توصل تطرشهن
مرشان: اففف منك انته هب ع اساس بتخلص كل سنه يقول السنه وما نجوفك خلصت
ذياب: شسوي ي بوك مليت من كثر ما ارسب
مرشان: ههههه يوم انك هب قدها شعنه ساير
ذياب: واخيرا تصدقت علينا بهالضحكه الغاويه
مرشان: جب جب
ذياب: بلاك انته جيه صوتك متغير
مرشان يبا يفضفض: عطيت همايل كف جدامهم اليوم
ذياب: شوووو!!
مرشان: لا تخيل بعد ما صاحت
ذياب: ما وحالك ي بوووك توك واصل مسرعك كف وبعدين انته من متى تمد يدينك ع بنيات
مرشان: ذياب انته تعرفنيه يوم احرج ما اجوف جدامي
ذياب: انته حمااااار حمااار
مرشان صاخ
ذياب: اللي صار شي ما ينسكت عليه الله ياخذك آخر شي توقعته منك تضرب بنت
مرشان: لا تدعى لا اصنك بكف الحين
ذياب: ما شاء الله اجوفك مستقوي
مرشان: بس والله صدمتنيه تخيل تمت تزاعج عليه وانا معصب والله لو وقفت زياده جنت توسدت بها الدعنه وكوفنتها
ذياب: بعد بعد اكثر
مرشان: اففف ذياااب
ذياب: شسويلك يعني انته ياي مفتخر ولا شو بالضبط
مرشان: لا تبي الصدق متلوم .. بس ترا هب عشانها والله عشان انيه ما امد يديه ع بنيات
ذياب: اهااا
مرشان: بس الجلبه ما صاحت
ذياب: وانته ها اللي قاهرنك بس
مرشان: لا مقهور منها شعنه تعصب بيه قايل لها لا تجابلنيه بس عسب ما يصير جيه والحين ارتاحت صار اللي تباه
ذياب: دام انها ما صاحت يعني انته شحارنك
مرشان: لا جان لازم تصيح كيفها هي ما تصيح لااااازم تصيح
ذياب: لا والله
مرشان: هيه والله .. تصدق بسير اجوفها يمكن يالسه تصيح ويرتاح ضميري
ذياب: انته خبل!
مرشان: محد خبل غيرك
ذياب: الله يشفيك سير سير جوف حرمتك
مرشان: لا تقول حرمتيه الجاتله الجلبه
ذياب: انته يااااهل انته
مرشان: هيه ياااااهل بس لا تقول حرمتيه
ذياب: اووووف ما بنخلص منك سير زووول
صكر فويهه
مرشان: ما عليه ذيابوه الهرم انا برويك .. بس خل نجوف هالجلبه صاحت ولا
ظهر من حيرته وقف جدام حيرتها ما يسمع صوت!!
مرشان" ما صاحت الحيوانه يوم تصيح تنسمع من الحيره انا برويج ي الجلبه"
فتحت باب ويهها بويهه وخاز هو بسرعه
همايل: شتسوا هنيه
مرشان متجتف ورافع خشمه: ما يخصج
همايل ما عاطتنه اهتمام : خوز انزين بخطف
مرشان حط عيونه بعيونها مقهور وهو ما يجوف دموع: وين سايره
همايل تقلده: ما يخصك
مرشان رافع حايب: اونهه تقلدين يعني
همايل ساحبه: خوز عنيه
مرشان: واذ ما خزت
همايل بنظره احتقار: بتخوز
مرشان نرفزته: لا تطالعينيه جيه
همايل بنفس الاسلوب الوصخ: جيف تقصد
مرشان جدام ويهه من ويهها وهو يمسك اعصابه: هالنظرات ما بيها
همايل تلوي بوزها: فارج
مرشان: نعمممم!
همايل: ف ا ر ج يعني خوز من جدامي
مرشان: سمعي ي حشررره هالحركات ما رح امشيها دوم اذ سكت عنج الحين لان ما ليه مزااااج لكن صدقينيه اذ ضربن فيوزاتي رح تندمين
همايل: فيوزاتك ضاربات ومخلصات وما اخاف منك سوا اللي تبيه
مرشان: نصحتج وعيديها بنجوف تخافين ولا
همايل: ياله انجلع
مرشان: حاااضر بنت عمي حاضررر شكله الكف ما عطا مفعوله
همايل ابتسمت
مرشان: خلج قد افعالج
همايل مبتسمه وتاشر له باي
حدر حيرته وهو بينفجررررررر فحياته محد رمسه جيه آخر عمره اتيي هالجاتله تطاول عليه
همايل: ما عليه ي الضب بدينا معركه
مب مرشان يسكت ع اللي يغلط عليه لكن في شي يوقفه هب عارف شيسوي وياها
مرشان .. انا ليش ساكت عنها ليش ما صنيتها بكف وخليتها تعرف تحترمني شقايل جيه تغيرت فجأه
تغيرت واااايد تغيرت وين البراءه وين اللي تذبحني دموعها!!
..
بعد ما خلص عشا ويا امه واخته
شل السويج وطلع
وكالعاده فهالايام اللي مرت
مكتوم رمس همايل وفهمها السالفه واترجاها ترجي عسب تخبره
ومن يوم خبرته وهو كل يوم يروح لها عقب ما تنام
ماله ويه يجابها
وصل المستشفى
وراح جداها
مسك قبضه الباب
في شي يمنعه
يحس انه تعباااااان
جبس وهو يجوف ايدينه تنتفض
وهو يرمس عمره
معقول الحب يسوي بالواحد جيه
آآه ي ظبية
ليتنا ما وصلنا لهنيه
قاعد اجوفج بالسر
مالي ويه اجابلج
ما اعرف منو الغلطان فينا
كل اللي اعرفه
انتي تعبتيني وايد
تبعت وانا اجوفج ولا اروم ارمسج
فتح الباب وهو ع أمل يجوفها ع الاقل مثل كل يوم وويهها التعبان يصبره ع اللي هو فيه
خيبه الامل صدمه جانت فويهه
وهو يجوف السرير فاضي!!
جسمه يرتعش
وينها!
فتح باب الحمام
محد
ياه خوف هب طبيعي
يخاف يخسرها مره ثانيه
راح حق اقرب سستر
مكتوم: وين المريضه اللي هنيه
السستر: م ادري والله
مكتوم يرد شعره ع ورا والخوف باين فعيونه: دخيلج شوفيلي اياها وين
السستر: اتريا اخوي بسأل الممرضه مالتها
مكتوم : اترياج
راحت السستر
ومكتوم يحس انه هب قادر يوقف
تعب بشكل فضيع هالايام
قوته كلها راحت وهو يطالعها تتعذب
ما قام ياكل ولا ينام شرات الاوادم
واهله ملاحظين عليه التعب لكن ما باليد حيله
وصلت سستر ثانيه
السستر: تسأل عن ظبيه
مكتوم يحاول يثبت عمره: هيه نعم
السستر: انته اللي كل يوم اتياها صح
مكتوم يرص ع عيونه: وينها!!!
السستر: ممكن اتيا وياي
مكتوم: ان شاء الله
حدرو مكتب: تفضل
مكتوم يحمد ربه انه يلس يخاف يطيح بطوله من الالم اللي ياه فجأه
الممرضه: انته مكتوم
مكتوم: هيه نعم شقايل تعرفينيه
الممرضه: ظبية جانت ترمس عنك
مكتوم: وينهااا!
الممرضه: شلها عمها
مكتوم: شوووو
الممرضه: عمها من متى يقنعها تسير وياه
مكتوم الصداع يززيد فيه غمض عيونه وهمس: عشان الفلوس طبعا
الممرضه: بيزوجها ولده
مكتوم فتح عيونها بصدمه: شوووووووووووووو!!!!!!!
الممرضه: هيه نعم ولد عمها صار له اسبوعين يزورها .. وانا ارمسك هنيه لاني عارفه هي شكثر تحبك وانته باين انك ولد حلال لا تخلاها لهم انا جفت معامله عمها لهاا البنت تعذبت وايد ما اظن بيرحمونها دامهم يقولون لها جدامها مينونه
مكتوم يحس نصخه ضاج
بطل معاقم الكندوره ويحس انه ينهار
الممرضه زاغت يوم جافت لونه تغير وهو يحاول يتنفس نقزت من مكانها: اخوي فيك شي
ممكتوم يحس انه يختنق وهب قادر يرمس
الممرضه: اخوووي فيك شي
مكتوم يرمس بالغصب: خليني بروحي
الممرضه: ما يصير انته فيك الربو
مكتوم يرص عيونه وهو يرمسها بحده: ما فيني شي طلعي برع
الممرضه: خمس دقايق بس ما يصلح اتم هنيه اكثر
طلعت عنه وهي خيفانه
تماسك وطلع من المستشفى ووصل آخر درجات اليأس
راح جدا البحر ويلستعليق
-
رد: روايه: ابرياء العشق ملطخون بالدماء .للكاتبه/بنت الأياآويد
..
صباح يوم يديد
لابسه لبس البشكارات ومبطله شعرها القصير
شاله الشيله بإيدها وتتخنطر
ظهر من الحيره: وين سايره
همايل لفت وهي مبتسمه: اشتغل
مرشان تنرفززززه ابتسامتها شو اللي يخليها تبتسم لازم يمحي هالابتسامه: لبسي شيلتج
همايل حطت الشيله وبدت تلفها: حاضر
مرشان: يبي ليه القهوه فالصاله تحت
همايل بنفس الابتسامه: ان شاء الله
حدر اللفت: عندج خمس دقايق بسسس
همايل جانت بتحدر وياه لكنه وقفها: ما تحدرين وياي
همايل عصبت لكن ابتسمت: ان شاء الله
صكر اللفت نزل
ركضت بالدري وهي تتحسب عليه يقهررر باررررد
..
حامد نش الصبح وهو يتنظر هاليوم بفااااارغ الصبررر
اتصل
حامد: صبااااح الفل والورد والياسمين
بصوتها النايم: صباح الازعاج
حامد: مريوووووم ي الكسوووله قووومي
مريم: آآه قمت قمت
حامد: لازم نلتجي اليوم
مريم: اوكيه
حامد: لا تنسين بنت عمج
مريم: خلاص الساعه اربع اخليها تمر عليه ونلتجي فالـ..
حامد: ما تقدرين الحين
مريم: مينون انته.. من صباح الله خير اطلع .. اصلا محتايه اسير السوق من نخلص منك بسير اتسوق يعني احسن العصر
حامد: ياله بنصبر شنسوي بعد
مريم: اوكيه سيو
حامد: باي
بند منها وهو مبتسم وصل يوم انتقاااامه واخيراااا
..
عند مريم
يالسه ع دوشق جديم ع الارض ومن شكل الحيره باين الفقر
فاعده تفكر باللي رح تسويه
رجعت فيها الذاكره ""
جانت دمعه بعيونها وحي تحتريه
وصل حامد اللي حاله اردى عن حالها وعيونه حمرررراااا وتحتهن سواااد
حامد يلس ع نفس الكرسي اللي هيه يالسه عليه بس لاز عنها ومجابلين البحر
حامد: مريم ما تبين تعرسين
مريم حابسه دمعتها: شعنه هالطاري الحين
حامد: مريم انا عندي حل لج وليه
مريم: م فهمت
حامد عيونه شاله كميه حقد هب طبيعيه: ما مليتي من الفقر
مريم: والله انا ما عارفه شدخله بالسالفه بس اكيد مليت
حامد: اقدر اطلعج من الفقر اللي انتي فيه
مريم: جيف!
حامد: خلي كل شي عليه وعد اطلعج من هالفقر وانتقم
مريم: حامد فهمنيه متى نويت تنتقم وشدخلنيه انا والفقر اللي عايشته
حامد لف جداها بعيون حاقده: بنتقم ي مريم وانتي رح تساعدينيه وبنفس الوقت بخليج تعيشين عيشه عزززز ما حلمتي فيهاااا
مريم نست سالفه الانتقام وهي تتخيل عمرها فالعز: اكيد انا اوياك بس جيفف
حامد: رح نستغله انا اعذبه وانتي لج الفلوس
مريم ابتسمت: شو بنسوي
حامد: شوي شوي بس لازم تعرفين انج اذ دخلتي ويايه مستحيل تطلعين من السالفه
مريم بدت تخاف: حموود انتبه انا وياك لكن لا تنسى انك بتعلب ويا هوامير يسوون أي شي بفلوسهم ها عمران ابوه هب حي الله
حامد: يخسي الا عمران وابوه لا تحاتين بس انتي خلج جدها
مريم: انزين قوليه شو عليه اسوي
حامد قالها خطته
مريم شهقت: شوووو
حامد: لا تخافين بنسوي كل شي شوي شوي واذ حسينا ان في خطر عليج ولا عليه بنطلع من السالفه
مريم: حااامد انته تتمصخر
حامد: لا تخافين بيكون شي مؤقت بس لحد ما ناخذ اللي نبيه
مريم: واهلي!
حامد: مريوم لا تصعبينها ماشي غير يدتج بتصعبها شوي وبنلقى لها حل ولا تنسين عندنا سنه كااااامله ..باسلوب مزح: يمكن يدتج تموت
مريم: الله يااااخذك شهالرمسه
حامد : هههههه لا تعصبين بس جفتج خيفانه قلت اهونها
مريم: حمود تخيل اذ وصلت هناك م اقدر اظهر
حامد: لا تخافين والله اطلعج لو ع جثتيه وبعدين كل شي مدروووس
مريم: انته هب صاحي
حامد لمعه الحزن فعيونه: مريم انا اذ ما انتقمت ما رح ارتاح لا ليل ولا نهار
مريم: حتى انا والله شراتك لكن..
حامد: صبري لا تقررين فكري فيها ززززين عقب ردي عليه
مريم : ان شاء الله
..
قاعده تفكر ممكن انها تندم ع القرار اللي اتخذته ولا
لكن كل ما تجوف حالها فهالبيت تتمنى تطلع منه باسرع وقت
ساكنه هيه وامها ويدتها واخوها الصغير فبيت حالته تعباااانه وااايد محد يصرف عليهم وعايشين حياتهم ويا عيال عمتهم اللي بيتهم جريب منهم بشوي
امها وااايد هااااااااااديه وطيبــــــــــــه
يدتها حنونه وايد لكنها عصبيه شوي وكلمتها تمشي
اخوها عمره 6 سنوات شايف عمره اونهه راعي البيت وما منه شي
..
نرجع فبيت المرحوم سعيد
ركضت سررررعه من الدري
حدرت المطبخ تنافخ ومن حسن حضها انها لقت الطباخه تسوي القهوه
همايل: سرعه سرعه
الطباخه م تحب همايل: شوف انا يالس يسوي كيف يزيد يعني
همايل: افففف
فكرت شوي عقب: اقولج مرشان معصصصصب يقول اذ م وصلت القهوه الحين رح يطردج انتي وباتي وانا بيحبسنيه
الخدامه تتوقع كل شي من مرشان زااااغت وطولت ع الضو وهي خيفاااانه: شو يسوي يعني بعد ما يسور "يثور"
همايل: سرعه زهبي الفنايين والدله وانا بطالعها
الطباخه خيفانه: اوكيه
ركضت تزهب وهمايل تطالع الساعه مرن 3 دقايق
همايل جافت القهوه بدت تثور: سرررررعه باجي دقيقتين بسسسس
الطباخه متوتره والغسول يتجبب من الخوف وهي ترتب الصينيه
همايل شلت الغوري سرعه وتجبه فالدله : انا بشل هذول وانتي لحجيني
مرشان مبتسم" لو تسوي اللي تسويه ما تلحج
حدرت همايل مبتسمه وشاله القهوه والفنايين
مرشان امتحت ابتسامته : وين السح
حدرت الطباخه شاله الصينيه: هازا هو
حطته وسارت
مرشان محرررج لكنه حط ريل ع ريل واستند متشيخ
صبت له وعطته
وهي تقهويه حدرت مزنه
مزنه: السلام عليكم
مرشان وهمايل: وعليكم السلام
مزنه كشرت يوم جافت همايل ويلست بعيد
مرشان: ما بتتقهوين اميه
مزنه: لا بتريق قبل
مرشان: ع راحتج .. (وقف) انا بسير
ركضت همايل
ع وصلته لباب الرئيسي هي شاله المبخر
مرشان عاقد حياته
همايل تحرك غترته وتبخره
مرشان عيبته السالفه ومد ايديه
مزنه تجوفهم من الزجاج ومحرجه
مرشان نزل ايده: شرايج بعد توصلينيه السياره
همايل تستهبل مشت وراه: ياله اوكيه
مرشان بحده: جب ياله ذلفي داخل ها اللي قاصر بعد
همايل مبتسمه
مرشان: اذكرج ان الطلعه ممنووووعه منا ولا من ورا فاهمه
همايل: ع امرك
مرشان خطف عنها
همايل: الله ييسر لك
مرشان" شفيها هالهبله اليوم
همايل من عطاها ظهره: كل شي عسر ان شاء الله.. الله ياااخذك عسااااك ما تتوفج
مزنه: حوووه انتي
همايل راحت لها "ناويه ع ضرابه يديده العيوز
مزنه: شوه الحركات
همايل تجتفت: شو بعد
مزنه: اجوفج تبخرينه وتقهوينه من متى
همايل: والله كيفي ريلي وانا حرررره
مزنه تطنز: لا والله شكلج ما جفتي اللبس اللي لابسته
همايل ترفع طرف قميص البشكارات: هااا
همايل بابتسامه تذوب: هاي اوامر ريلي عاد تعرفين شقايل اموت فيه اسوي كل شيييييي يباه عيبنيه ولا لا
مزنه: غصبن عنج هب كيفج
همايل: هههههه عموووه لا تحاتين عشان مرشان كل شي يهون وفوق انه احب اللون الوردي احسه كيووووت
مزنه حرررررجت: انتي من متى ترادين عليه
همايل تدلع: افااا منو يرادج قاعدين نسولف نحن
مزنه: تخسسسسسين انتي اسولف وياج ياله فاااارجي ع شغلج
همايل: هههه حاضر عموووه سايره اشتغل تعرفينيه بعد احب الحركه ما احب الرقاد شرات بعععععض الحريم
مزنه تزاعج وهمايل خاطفه تتميع: شو قصصصصدج ي قليله الاااادب
خطفت عنها ع شغلها
قبضت البروش وهي تمشي
مزنه وقفت جدامها: اجوف مسويه لج راس وتطنشين ترا قمتي تلعبين بذيلج ي ...
همايل زامه شفايفها: م رح ارد عليج لانج اكبر منيه بسسسس
مزنه تزاعج: لا رح تردين وغصبن عنج
همايل بجديه: ي الشيخه مزنه اناا احترم كونج عمتيه وصاخه هب خوفاااا منج
مزنه معصبه وتزاعج: تخسين الا انتي اكون عمتجججج
همايل: خلينيه اجوف شغلي بدل م تربطين راسج بلا ويع
مزنه قبضتها من قميصها: احتررررمي نفسج يوم ارمسج ولا بتجوفين شي ما جفتينه
همايل بصوت هااادي مقهور: شو تم ما جفته ظهررررريه
مزنه الكيج داق آخررر عطتها كفففففف: بعده وايد ما جفتيه ي بنت السوريه
همايل شراااااااررررر يطلع من عيونهاااا مدت ايدها بترد الكف والا بايد تمسكها
مرشان زعج بقووو وهو ماسك ايدها: شووووووووو صاااااااير
مزنه تجتف ايدينها: تعال جووووف هالجلبه من ظهرت وهي تتزرزر عليه وها جداااامك تمد ايدها بعد
همايل تدافع عن عنرها: بسسس هيه قبــ
مرشان ضربها بقوووو ع ضهرها: جـــــــــــب ولاااا كلمه هاااا اللي قاصر تمدين ايدج ع امــــيه
مزنه: بعدها ما عرفت التربيه هالبنت
همايل تحاول تتماسك لكن نو وى بعد ذيج الضربه
مرشان سحبها: خليهااااا اميه اناااا اربيهاااا لج
ركبها وياه اللفت وهي تصيح : خووووز عنيه ي حيوووووان ي جلــب هي ضربتنيه قبلللل خوووز
مرشان يزاعج: جـــــب ولا كلمه
دخلها القسم وفرها ع الارض: انا بربيج ي حيوانه تمدين ايدج ع اميه
همايل زاااااغت يوم جافت العقال جدام عيونها: والله هيــــــه والله آآآآه
حصلت ضررررررب محترم بالعقال وطلع وه ينافخ عنها
نزل عند امه فالصاله ويلس
مزنه: ريح عمرك حبيبي ما تستاهل هالحقيره
مرشان: اميه هب معقوله اظهر ما صاير شي نسيت السويج القاكم قالبين الدنيا
مزنه: قلت لك قامت تطول لسانهااا
مرشان يمسح ع ويهه وظهر من البيت
دانه يايه تركض: اميه شو صاااار شو هالزعيج
مزنه مبتسمه: فاتج نص عمرج ههه قالت تموت فيه الحين بنجوف عاد
دانه متحمسه: قووووولي
وصارت تقولها السالفه
وهمايل متلويه ع الارض تصيح عاد ما ضرب حصلت علم فجسمها خطوط زرقاء من العقالتعليق
-
رد: روايه: ابرياء العشق ملطخون بالدماء .للكاتبه/بنت الأياآويد
..
عند مكتوم ساند راسه ع سيت السياره
واخيرا اتصل بربيعه يبا حد يشاركه همه
وشوي والا هو عنده
نزل ومشى وياه جدا البحر
عيسى: مكتوم انته من متى هنيه
مكتوم: من البارحه
عيسى: مكتوم هلكت عمرك ترا
مكتوم: تعبان ي عيسى والله تعبان
وهم يمشون: شو متعبنك هالكثر
مكتوم يمسح وييه
عيسى: حاس ان ذيج البنت لها شغل فالسالفه
مكتوم: ي عيسى ان من متى بنت تأثر عليه هالكثر
عيسى: شو اللي صاير وياك وانا خوك
مكتوم يلس ع الارض لف راسه بايدينه ونزلت دموعه هذي اول مره يصيح فيها : بيزوجونها لغيري !!!!
عيسى قلبه يتقطع ع ربيعه
يلس حذاله: ما ترزى ي خوك تعذب عمرك عشانها
مكتوم: عيسى انته ما تعرف شو صار لها
عيسى انفجع وهو يسمع نبره مكتوم اللي فضحت دموعه: مكتوم انته تصيح
مكتوم مغطي ويهه: عذبتها اناااا عذبتهااا
عيسى: مكتوم خبرنيه شو صار يمكن اقدر اساعدك
مكتوم يمش دموعه: بشو تساعدنيه البنت خلاااص راحت من ايديه
عيسى: كل شي يتعدل وانا ما احيدك ضعيف جيه
مكتوم: حتى انا عيسى مصدوم من عمريه هالبنت ما اعرف جيف جلبت حالي
عيسى: استغفر الله العظيم .. يا خوي اللي تسواه خطا الامور ما تنحل جيه لازم تفكر بحل لسالفتك بدل ما تعذب عمرك جيه
مكتوم: مالها حل
عيسى: مكتوووم شو اللي غيرك جيه انته اللي ما تهزك ريح آخر شي يأسان جيه ليشششش
مكتوم صاخ وهو يطالع البحر
عيسى: قوم ي خوي قوم روح بيتكم وارتاح وكل عدل وخلك قوي اذ تبا تساعدها وتساعد عمرك
مكتوم..
عيسى: قوم وانا اخوك الامور ما بتنحل جيه وجان اقدر انا اساعدك فالك طيب
مكتوم وقف وهو وقف وياه حط ايده ع جتفه: فالك ما يخيب
عيسى ابتسم له بحزن
ومشى مكتوم
وخلى عيسى بصدمته مكتوم الرزين العاجل الهيبه آخر شي حرمه تسوي فيه جيه هذي اول مره مكتوم يصيح فيها جدام حد
..
العصر
فالمكان المحدد
حامد: السلام عليكم
مريم والبنت المتنقبه: وعليكم السلام
حامد: يلس مجابلنهن: شخباركن بنات
مريم: الحمدلله طيبين "ابتسمت" اعرفكم
تاشر بايدينها: حمود هاي نوره بنت عمتي .. نواري ها حامد اخويه اللي ما يابته اميه
حامد: ههههه حلوه .. تشرفنا نوره
نوره صاخه
مريم: تستحي اونهه
حامد: هههه ع راحتها .. المهم خلونا فالمطلوب
ظهر الفون من مخباه وحطه ع الطاوله
حامد: الحين ساره بتتصل من هالفون ع هالرقم وبتقول ....
قالهن ع كل المخطط اللي يحسب حسابه من سنه كامله وزياده بعد
وبدا التنفيذ
نوره تشجعت واتصلت بعد تحفيز حامد
صوت خشن واثق: الو
نوره: الو
عمران: منو ويايه
نوره: انا بنت عمه مريم
عمران: امم
نوره: هيه مريم اللي تعرفها من سنه كامل
عمران هب مصدقنها ولازم يتاكد: ما اعرف حد اسمه مريم
نوره: عن الجذب سمع انا يايه انقذك قبل لا تتورط
عمران زاغ "واحد جبان" : شو تبين انتي ((اصلا مريم جانت تقوله عن نوره عمدا!)
نوره: قلت لك انا بنت عمتها ويايه الحق عليك
عمران: سرعه قولي اللي عندج وفجينا
نوره: مريم مختفيه من فتره
عمران (جان حاس انها مصيبه اختفاءها فجأه): ادري
نوره: وكل السالفه بتطيح عليك اذ ما تصرفت
عمران: وانا شدخلنيه ما اعرف عنها شي
نوره: يا ريال افهم البنت مختفيه من فتره واهلها جالبين الدنيا وطلبوا منيه افتح فونها يمكن يلقون شي , وانا ما اثق فيك يمكن تكون عندك
عمران فج عيونه ع الاخر والزيغه من خاطر: شووووو وانا شدخلنيه وشقايل اشله وليش اصلااااااا
نوره: سمع انته عمر عامر ما ادري شسمك عندك يوم واحد بس وباجر اسلم الفون لأخوها (( مريم قايله ان عندها اخو ومسافر))
عمران: فهمي ي بنت الناس ما اعرف شي عن مريم
نوره: لا تجذب! عندي المحادثات
عمران : محادثات شو!
نوره : دقايق وتوصلك الصور ع الواتس
بندت عنه
وطرشوا له الصور
قام ينتفض الجبان السالفه عوده ودام انه اهلها يدورونها يعني اكيد الشرطه فالموضوع جاف المحادثات وتذكر جان يتحرى مصخره
مريم: عموري حبيبي متى نتزوج
عمران: ودي ي قلبي اليوم قبل باجر بس تدرين عاد الحين اهلي منشغلين بعرس اخوي
مريم: افف حبيبي تخيل ما يوافقون
عمران: لا حبيبتي ان شاء الله يوافقون وتصيرين ليه واخيراااا
مريم: ههههههههه تخيل اهلي ما يوافقون
عمران: شهالفال لا تعسرينها ان شاء الله يوافقون
مريم: عادي اذ ما وافقوا رح نشرد
عمران: هههههههه فلم هندي
مريم: هههههه صدق شرايك بالفكره
عمران: حلو وفي عند ابويه مزرعه محد يطبها بنعشش هناك
مريم: لمتى عاد
عمران: لحد ما يحسون بجيمتنا هههههههه
مريم: هههههههههه
...
انصدم وارتبك وقام يحك راسه وحالته حاله
نوره: سمع اما انك تدبر عمرك وترجع البنت باي طريقه ولا باجر بيوصل الخبر لعمومها وتكبر السالفه
عمران تطمن شوي: يعني للحين محد درى
نوره: لا يدتها واخوها قلنا لعمومتها انها عند خالتها لكن الجذبه ما رح تطول لانه دوم يسالون عنها وهي هب متعوده تتم هالكثر عندهم ما رح يصدقون
عمران: واخوها
نوره: معتفس ويقول بيرجع البلاد
قالت مريم لعمران قبل ان عندها اخو راعي سجون ويزيغ وعمران جبان من الآخرر "دلوع" و مرباي ع العز بمصطلح آخر
عمران من الخوف قام يزاعج: اقووووووولج ماااا اعررررفهاااا وين مااااا اعررف
نوره: اوكيه جذب وبنجوف شقايل بتمشي الجذبه ع سعود "اخوها المزيف"
عمران خااف: لا صبري صبري
كلهم ابتسموا وهي حاطه سبيكر
عمران قام يتءتء : يم يمكن عند حد من ربيعاتها ول ولا ماااا ادري بس والله البنت هب عنديه
نوره : ما بكثر رمسه عندك لى باجر الصبح اذ ما وصلت البنت البيت الله يعينك
عمران : قسسسسسم بالـ
صكرت بويهه
حامد بابتسامه اخبث من الخبث: خلصنا الخطوه الاولى
نوره ما عايبتنها اليلسه ويا ريال غريب لكن ع شان خاطر مريم: خلص شغلي
حامد: يزاج الله خيرر
نوره وقفت: لعلمكم اذ صارت مصيبه ويا الكباريه انا واهلي مالنا شغل
مريم: نووواري شهالرمسه
نوره: هيه حبيبتي انتي تورطتي وخلاص ولو لا غلاتج ما جنت سويت هالشي والحين لازم تنكرون ان ليه علاقه بهالموضوع
حامد: حاضر ولا يهمج انتي مالج دخل موول
نوره: ياله مريوم سرنا
مريم متفشله من نوره: اوكيه سبقينيه الحين بلحقج
سارت نوره
مريم: والله آسف هاي دفشه وو
حامد قاطعها: لا عااادي عادي من حقها تخاف ع عمرها
مريم ابتسمت: اوكيه عيل بسير الحين
حامد: اوكيه سيو
مريم تلوح: سيووو
..
يالسه فبيت ابوها
فجأه تغير المكان وصار جنه دخان
تمت تزقر: اميــــــــــــه ابوووووي
فجأه تسمع حس ياهل وراها
لفت
محد
سمعت حس من اليانب الثاني يصيح
راحت جدا الصوت
جافت ظبية بنفس اليوم اللي جافتها فالمستشفى لافه ع عمرها وتصيح
ركضت لها وحضنتها: ظبييييييييه
ظبية تصيح
همايل: ليش تصيحين
ظبية دموعها اربع اربع: لحقيني انا انتهيت وهو هب سآئل عنيه
همايل: شووو صاير فيج ومنو ها
ظبية: همايل ساعدينيه دخيلج
همايله: ظبية شو فيج
ظبية تأشر ع ريلها المربوطه بحبل: فجيه
همايل: اتريي شوي
راحت تركض تدور شي
لقت نفس سجين الفواكه اللي جتلت فيها وقامت تصيح
شلتها وهي ترتجف
ولقت ظبية مطعونه نفس منظر سيف بالضبططط
وزعجت باعلى صوت والسجين تطيح من يدها: لااااااااااااااااااااااااااااااااا
قامت من النوم زايغه : بسم الله
ونشت تترادى حلم مريع وهي تحس بألم فظرها تذكرت الضرب اللي انضربته
آآآخ من زمان ما انضربت جيه
جافت الساعه تسع الفليل
حدرت الحمام" وانتم بكرامه" خذت شور
ظهرت مرتااااااحه عكس لما حدرت
وقفت جدام مرايتها وهي تجوف علايم العقال بجسمها
لبست بيجامه وسوت عقص
انصدمت وهي تجوف الساعه 11 !!!
شقايل ما حست بالوقت
اكيد من التعب
الله ياخذك يا مرشان
الله ياخذكم كلكم الله لا يسامحكم
حرااام عليكم شسويت لكم انااا
كل ذنبي سيف
آآآه ي سيف
16/5/2017
..
فتحت دفترها
خادمتكم الجديده قد خرجت عن طوعكم
لم تتمكن ايها الجبروت من ترويضها
فما عساك ان تفعل
الم يعلمك اباك ان من يعيش بلا سبب
لا توجد قوه لتتحكم به
سوى ذلك الحب
واللعنه على قلب احب
..
صكرته وهي ما ودها ترقد
لكن حبست عمرها مالها خلق احد
تمت واقفه ع الدريشه لحد الساعه 11 ونص
حاسه باليوع
ما عارفه شتسوي تروح وترد
لحد ما سمعت صوت الباب
معناته مرشان وصل
يلست تفكر بهالمخلوق
ميه الف مليون فكره براسها
وقررت تكمل خبال وتلعب بذيلها
ما رح تعديها ع خير
طلعت الصاله
شغلت التلفزيون حطت قناه اغاني اجنبيه وعلت الصوت عالآآآآآخر
3 دقايق وهو ظاهر
مرشان معصب: حفله هي حفلـــــه
همايل مطنشه
مرشان زعج بقوه: ارمسج انا
همايل فرت الريموت ع الطاوله ورفعت ريلولها ع الغنفه
تجدم وهو معصب خذ الريموت وبند التلفزيون: شسااااااااااالفتج انتي صمخاااا
همايل لاويه بوزها ومطنشه
مرشان يزاعج معصب: يوووووم اررررمسج ردي
همايل كتله ثلج: مابا ارد غصب يعني
مرشان جبس عليها: هيه غصب
همايل: خوز ويهك ي الضب عنيه
مرشان رفع حايب: ضب !!
همايل بثقه عيونها بعيونه: من يوم جفتك وانا مسميتنك ضب لا يكون ما عيبك الاسم
مرشان: ضب هاه!
همايل جتفت ايدها: شو تبا الحين
مرشان: ابا تاكلين تبن وتصخي لانيه ابا انام
همايل: وانا مابا انام
مرشان: مشكلتج
همايل لفت راسها
مرشان: من وين يايبه هاللبس
همايل "ششششت نسيت البيجامه" : من الكبت
مرشان: أي كبت
همايل: كبتي
مرشان: شعنه باتي ما عقتهن
همايل: الا لكن طلعتهن من الزباله
مرشان جدم ويهه: عن الجذب
همايل ترتبك لما يلصق فيها: خوز عنيه
مرشان: من وين يبتي هاللبس
همايل: م اقول
مرشان: روحي فصخيه ويبيه
همايل: لا
مرشان يتمالك اعصابه: اقولج سيري فصخيه الحين
همايل تجتفت: ما رح افصخه
مرشان مط ايدها بقو وسدحها ع الغنفه وهو يبطل المعاقم : خووووووووز عني لا تلمسسسسسسسني شتسووووى انتتت!!
مرشان بطل اول ثلاث معاقم وهي تدزه: طيب غصب بتفصخينه
همايل تغطي اللي ظهر وتزاعج: خوووووز خلااااااااااااااااص بفصخه خلااااااص خلاص
خاز عنها وهو بابتسامه انتصار: سرعه فصخيه
همايل وقفت وهي معصصصصصصصصصصصصصصبه: بفصخه خلاص
مرشان طااااار من الفرحه ع عصبيتها: ياله انجلعي
همايل تخطته: عووووووووووووااااااااااااااارررررر اليووووم ما افصخه
ركضت الحيره وقفلت الباب
مرشان ضحك غصبن عنه وهو يقاوم الضحكه: ياهل
..
قفل باب الملحق
وطلع ويهه الحقيقي
انسان لا مبالي ونذل
خلفه اكثر انسان مهزوم ويتألم
كل ما انفرد بعمره رجعت عليه همومه وبان ضعفه
يلس ع الشبريه وسند راسه
خذ باندا عود وحضنه يشم ريحته وهو مغمض
تذكر قبل 3 سنين وجنه اليوم
جان عمره 18 سنه
وعمرها 17 سنه
يالسين فغرفه فبيت متوسط وفاضي
ساند عمره ع الغنفه وهي لاصقه فيه
البنيه: حبيبي الحين يوصلون اهلي ياله سير
هو حضنها بايده: ما اقدر
البنيه: هههههه ياله عااااد
هو باس خدها: متى بجوفج مره ثانيه
البنيه: عقب سنتين
هو: لا والله
البنبه: ههههههههههه اسولف بلاك ياله عاد سيررر نتفاهم فالفون
هو: لا ابا وعد
البنيه: اوكيه خلاص بجوف متى واطرش لك
هو: لا لازم تقولين الحين
البنيه: اوووف منك حامد
حامد غمز: شسوي م اقدر ع فراقج
البنيه: هههههه مينون انته اوكيه خلاص بنلتجي ف المول شرات ذيج المره
حامد: تمام والعشا عليه ما تفشلينيه عاد
البنيه: من عيونيه
حامد: فديت عيونج
البنيه: ياله عاد قوم
حامد وقف: حااااضر
البنيه: صبر صبر عندي لك شي
حامد: ياله استعلي صارت الساعه وحده
ركضت شوي وترجع شاله الباندا
فاج عيونه: شو هااااا
البنيه بكميه براءه هب طبيعيه: ها لك
حامد: ي لبى انااااا هههههه وحركات عليه اتش و واف بعد
البنيه: عاد جوف كبره انته عشان يترس عيونك
حامد: ههههههههههه "حضنها" صاحبته تارسه عيونيه ما يحتاي
البنيه: عاد اونهه حركات عسب ليا عرسنا نتذكر هالايام
حامد بصدق: ان شاء الله /الحين هالدب وين احطه
البنيه: ههههههه دبر عمرك
حامد: اللي ما جافنيه بيجوفنيه من كبره
البنيه: انته فارج الحين ومحد بيجوفك
حامد: ياله ي قلبي
البنيه: حياك
..
فتح عيونه ودمعه ع خده!
يمرر صبعه ع الكتابه H"LOVE"F
عاش احلى سنين ويا هالبنت محد منهم فكر فالعواقب
ترا كميه كبيره من المراهقين عايشين حياتهم جيه اذ صارو بدون مراقبه
البنت احتمت مصيرها بايدها وهو يعاني كل ليله
حامد حقد وغل فيعونه: الله يلعنك ي الجلب والله لنتقم عن كل دمعه نزلت من عينها والله
" كل يوم يحلف ويتوعد.. الصبح يصيع ويضحك وبالليل ما يهنا له نوم "
......
.
ادري البارت قصير بس نزلته عسب ما اتأخر عليكن وايد
وتعويضا لكم انتظركم فالبارت السابع بجريمتين!
رح يكون بارت طوووووويل وحماس بإذن الله اتريا ردودكم
..
مقتطفات من البارت القادم
..!!..: هالانسان فوق طيبه قلبه وثجالته عليه جمال يذبح
..!!..: رجع لها يركض شلها بدون عبايه من الخوف
..!!..: بعنف وصوت يخوف: والله ثم والله ان ما كتبت كتابكم هالاسبوع ادفنكم اثنيناتكم
..!!..: لا ي خويه سمع بفهمك تعال خذ اختك هيه عنديه الحين توها واصله جانت تهيت والحين يت عنديه تبانيه اغطي عليها
..!!..: تصارخ وتزاعج وتحاول تدافع عن عمرها لكن بدون فايده
..!!..: بصوت هادي ورزين: ما هقيتها منك وانت ريال
..!!..: ابي اجوفها حتى لو بالسر
..!!..:فج عيونه ع الآخر: بتشتراهم بفلوسك!!!
..!!..: حدر ..... مستعيل وانصدم من المنظر الحميمي اللي كسر كل توقاعته وتلاشت عصبيته
..!!..: من الحسره بعده يدوس فيه
لحد ما تعب وسند ريوله ع الرض وهو يطالعها تحت ميته وزعج باعلى صوت عنده: لااااااااااااااااااااااااااااااااااااا
..
شيئان في الدنيا يستحقان المنازعات الكبيرة:
وطن حنون, وامرأه
الشاعر رسول حمزتوف
..
انتهـــــــــــــــي البــــــــــــارت
نلتقي فالبـــارت الــســابع
الكاتبه: بنت الأيـــآويدتعليق
-
رد: روايه: ابرياء العشق ملطخون بالدماء .للكاتبه/بنت الأياآويد
ليش مانزلتي حبيبتي :(؟تعليق
تويت
تعليق