روايه: ابرياء العشق ملطخون بالدماء .للكاتبه/بنت الأياآويد

تقليص
X
تقليص
 
  • الصفحة لـ 14
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 9 10 11 12 13 14 template التالي
  • بنت ال مكتوم
    عـضـو
    • Feb 2017
    • 18
    #61
    رد: روايه: ابرياء العشق ملطخون بالدماء .للكاتبه/بنت الأياآويد

    أمين الله يسمع منج،، عسب الشخصيات قبل كانت وايد بس الحين لان اقرا اول بأول تعودت عليهم وعادي الوضع❤️

      تعليق

      • اميره العفاف
        عـضـو فعال
        • Dec 2016
        • 75
        #62
        رد: روايه: ابرياء العشق ملطخون بالدماء .للكاتبه/بنت الأياآويد

        اممم بنسبه للشخصيات احس عادي

          تعليق

          • بنت الأياآويد
            عضو متألق
            • Apr 2016
            • 278
            • أنــــا شاآعـــر واحســاسي لابد أبديــــه
              وش خـــانه الشعر وانـــا باليــوف خاآفيه
              ..
              اللهم إني اسألك رضاك عني
              <بنت الأياآويد>
            #63
            رد: روايه: ابرياء العشق ملطخون بالدماء .للكاتبه/بنت الأياآويد

            بسم الله الرحمن الرحيم
            روايه/ ابرياء العشق ملطخون بالدماء
            للكاتبه/ بنت الأياآويد
            الجـــ(التاسع)ـــزء
            ..
            " لعـــــــــــــــــــــــبه المصـــــــــــــير"
            قال نزار قباني:
            من يجمعهم الله لا يستطيع ان يفرقهم احد!
            ..
            مرشان
            يحاتيها يالس من نص ساعه بعد ما راح الدكتور عنه وقاله انه مجرد تعب وعندها فقر دم وباله عندها تنعاد عليه رمستها
            باين انها ميروحه من خاطر في شي ضامتنه ويعذبها
            ما قدر يصبر اكثر
            حدر وهو يفتح الباب شوي شوي
            نايمه
            تجدم جداها بهدووء
            ملاك .. براءه .. جمال .. مع ان ملامحها حاده رسمه حياتها البنيات محدده بإتقان من الله عيونها صايره ورديه من فوق من التعب شفايفها بيض ومايله بحزن خشمهها الصغير احمر من الصياح شعرها الاسود القصير متناثر ع المخده
            مرر ايده ع شعرها وهو يتذكر شقايل قصه لها عسب ما يحبها اكثر لكن حتى بالقصير فتنه بعيونه
            عاقد حياته وهو يحرك صبوعه ع شعرها
            وده يلمس خدودها اللي حتى وهي تعبانه حلوات وموردات لكن يخاف تنش
            ما قادر يمسك عمره
            جبس عليها وباس يبهتها وهو مغمض عيونه همس بخفيف: آسف
            طلع سرعه وجنه يتهرب من الحب اللي بانت صورته فقلبه
            فتحت عيونها وسالت الدمعه اللي جانت قابضتنها
            جانت ناشه بس خايفه توايهه
            قلبها يدق سرعه وهو يبوسها تحس انه بيسمع نبضاتها زعلانه عليه وعلى عمرها
            محد ينلام فيهم
            همايل " لا تحاول ي مرشان صغرت وايد بعيني وانته تحرمنيه من نعمه العيال
            قامت بتثاجل تكره النوم وايد
            طلعت شافته منسدح ع الغنفه يوم سمع صوت الباب فز
            مرشان ارتبك خاف انها درت: انتي شعنه قايمه
            همايل ما تبا تبين له: احس شبعت رقاد
            مرشان: حتى ولو المفروض ما تقومين
            همايل ترمش عيونها بتعب: يهمك!
            مرشان عقد حياته وهو يبتسم ع ينب بطنازه: طبعا لاااااا لا تصدقين عمرج ترا خايف ابتلي فيج زياده
            همايل حرمت ع نفسها الابتسامه
            مرشان في ربكه وخافيها: ترا فيج فقر دم
            همايل: اعرف
            مرشان: يعني من قبل فيج؟
            همايل: هيه
            مرشان: وشعنه ما قلتي من قبل
            همايل تتقطع من داخل : شعنه لو دريت مثلا ما عطيتني ذاج الكف ولا ما مديت ايدك عليه وخليت العقال يعلم بجسمي ولا ما حرمتنيه من العيال
            مرشان صخ
            همايل عيونها تلمع: مرشان انا تعبت انته ما عندك مشكله والف بنت تتمناك العوق صار منيه والفضل لك يزاك الله خير (مسكت خصرها بألم ) كفيت ووفيت ودامك مستحيل تطلق خلاص لا تحدر هنيه ماله داعي انا بخير بدونك
            مرشان يرحته وااااايد الرمسه لكنه رفع راسه بشموخ: وانا ما يسرنيه انج تكونين بخير ولا تتحرين ان هالدراما بتأثر فيني ترا هب ندمان مول ع اللي صار لج لانج تستاهلينه وزووووود بعد ولو تعصين كلمتيه مره ثانيه اسوي فيج اكثرررر فاهمه
            همايل حقد يتيمع زياده والألم يزيد
            مرشان: وما انتي اللي تطردينيه من بيتي فاهمه وانا حر متى ما بغيت احدر سمعتي
            همايل زمت شفايفها قابضه الصيحه من الألم اللي يقطعها بخصرها
            عطاها ظهره بنظره الكره: ولو نشيتي من فراشج ما بتجوفين خير
            طلع وهي تحاول ما تصيح
            همايل ودها تصرخ فويهه وتسبه
            يلست بسرعه تتفادى الالم اللي يزيد كل ما تتحرك..
            عادة اذ حست بهالشعور ترقص ع انغام هاديه
            لكنها هب قادره حتى توقف
            سحبت عمرها سحب ورجعت ع شبريتها
            ..
            رجع ينسدح ع شبريته بعد ما خلص فحوصاته
            سرحان فالفراغ مقهوووووووووور قلبه يتقطع بالثانيه مليون وهو يعيد ذكرياتهم
            يعششششششقها واللي يلوم العاشق ما فيه عقل
            ما خازت عن باله يحقد ع كل واحد بعدها عنه حتى اللي ببطنها يكرررررهه يكرررررهه
            غمض عيونه يخاف تنزل دموعه
            شوي ويسمع صوت شهقات
            فتح عيونه معصب: ماااااااااا قلت مااابااااا اجووو
            صخخخخخخخخخ وهو يجوف عشق عمرررره جدامه
            جدامه
            حبيبته
            الحامل من غيره!
            حاطه ايديها ع حلجها وهي تصيح وما يطلع غير شهقاتها
            حامد عقد حياته وعيونه ع بطنها وده يذبح المخلوق اللي فيه
            فاطمه: حاااامد انـ
            حامد طلع حقددددددد فجأه: شو تبين
            فاطمه ما رايمه ترمس كله تصيح
            حامد حاقد: يايه تتشمتين
            فاطمه: لا حامد ان ان
            حامد يجتلها ولا يقوم يحضنها
            حاول يرفع عمره ما قدر حاول وحاول ما رام
            دق بعمره بقووووو ع السريره وآآآه تطلع من يوفه
            فاطمه ركضت له: حامد أنا آسفه والله آسسسسفه
            حامد غمض عيونه: طلعي برع
            فاطمه: لا حامد دخيلك انــ ان
            حامد معصب وهو راص ع عيونه: خلاااااص اللي بينااا انتهى روحي عافتج نفسي رووووحي للي حملتي منه
            فاطمه: لاااا حامد دخيلك والله اسمعني
            حامد زعج بقو: طلــــــــــــــــــعي برررررررع
            فاطمه زاغت من صرخته حتى صياحها وقف
            حامد: فتح عيونه وهو يطالعها بحقد: ي خسااااااره اللي صار بمريم عشانج الله لا يساااااااااااااامحج رووووحي ما بيـــج رووحي
            فاطمه: صبررر ووالله "وتصيح
            حامد: طلعي برعع ..وبآلم^ والله حساااافه اللي سويته عشانج انتي اوصخ من الحب عل اللي صار بمريم لعنه ما تفارقج طول عمررررج الله ياخذ الساعه اللي عرفتج فيها
            فاطمه تصيح وتحاول تدافع: لا تقول جيه دخيلك انا ييت
            حامد قاطعها والكره بقلبه: سككككككتي ييتج بروحهااااا ثبتت ليه شقد انتي رخيصه
            فاطمه: لااااا والله لاااا
            حامد : كلي تبن لو انتي هب وصخه جيه ما ييتي هنيه تخونين ريلج وانتي حامل منه انتي اوقح بوايد من اللي عرفته
            فاطمه: حامد عطني فرصه انا هب جيه
            حامد تعبت وسند راسه ع المخده: طلعي برع
            فاطمه تصيح
            حامد: طلعي بررع
            فاطمه: بس اسمعنيه شوي
            حامد صكر اذنيه وهو يزعج: طططططلعي بررررع
            حدر منذر وهي تغشت سرعه: منوو انتي
            فاطمه طلعت سرعه
            منذر: حامد منو هاي
            حامد: منذر طلعنيه من هنيه
            منذر: ما يصير ترا ..
            حامد: منذرررر سرعه قول شو فينيه
            منذر: حامد انته .
            حامد يترياه يرمس ..
            منذر يتصرط وخيفان من رده فعله
            حامد بهدوء: رمــــس
            منذر: ياك شلل
            حامد يمسح ويهه: الحمدلله لك ي ررررب الحمدلله
            منذر انصدم جان متوقع منه يزاعج ويشل الدنيا
            حامد مغمض عيونه: اللهم لك الحمد والشكرررر
            منذر: حامد
            حامد عرف منذر بشو يفكر: منذر هاي رحمه من الله ربي عطانيه فرصه اكفر عن ذنوبيه
            منذر !!
            حامد مبتسم: اذ خلاص ياله هاتو الكرسي ابا اسير بيتنا
            منذر عاقد حياته: صددق
            حامد: والله ياله
            منذر طهب عارف يفرح له ولا يصيح عليه: حامد الشلل مؤقت
            حامد: الحمدلله ع كل حال سير قولهم يظهرونيه
            منذر طلع فرحان لانه متوقع منه رده فعل عنيفه
            حامد غمض عينه " سآآآآآآآآآآآآآآآآآآمحني ي رب سآآمحني ع ذونبي اللي كثرت يآله انك تغفر ليه ي رررررب يآرب "
            مسح الدمعه اللي سالت ع خده
            ..
            ((نبتلي لعلنا من الذنوب نفيق~

              تعليق

              • بنت الأياآويد
                عضو متألق
                • Apr 2016
                • 278
                • أنــــا شاآعـــر واحســاسي لابد أبديــــه
                  وش خـــانه الشعر وانـــا باليــوف خاآفيه
                  ..
                  اللهم إني اسألك رضاك عني
                  <بنت الأياآويد>
                #64
                رد: روايه: ابرياء العشق ملطخون بالدماء .للكاتبه/بنت الأياآويد

                ..
                الساعه 5 العصر
                مقاومه كل الألم اللي تحس فيه
                وناشه ترقص!! ع الخفيييييف
                سمعت صت الباب
                ونقزت تدور شيلتها بعيونها "شتسوي لابسه لبس
                همايل عصبت ع شهاب: انته جيف تحدر جذااا
                شهاب: هههههههههههههه حررررركاااااات
                همايل ودها الارض تبلعها من الحيا ها ما يحس انا
                شهاب: من وين متعلمه
                همايل مستحيه ومعصبه: شهااااب
                شهاب: ههههههه لا تستحين عادي ترا .. المهم عندي بشاره لا سوري بشاااااير
                همايل براءته نستها العصبيه تحس انها محتايه شي يفرحها: شوووو
                شهاب: رقمممم واحدددد : باجرررر اناااا بسافرررر ويووووو عاد خلاص من ارجع وعد اتوب وادق الباب اوكيه
                همايل: افففف ونا حسبت شي بعد
                شهاب: يوووووه ما سألتينيه وين بروح
                همايل را الحماس: وين
                شهاب: العمره
                همايل غارت منه: مبروك
                شهاب: ان شاء الله عقبال اسير وياج
                همايل ابتسمت بحزن: ان شاء الله
                شهاب: الخبر الثااااني
                همايل رجع الحمااس
                شهاب: مرشانوه الزفت بيسافر ويانا يعني بتفتجين منه اسبوع
                همايل ضحكت ع تفكيره
                شهاب: صبري اكمل وسمعته يرمس واحد يقوله عقب العمره بيكون عنده فلندن
                همايل: صدددددددددددددق
                شهاب: والله جيه سمعت
                همايل: شكثر بييلس
                شهاب: اعتقد انه مطووووول
                همايل: فجججججه
                شهاب: ههههه سمعي الخبر الثاااااااااالث
                همايل: ياااااااي فديتك والله
                شهاب: ايوه تفدى لانه ممنوع عقب العمره
                همايل: هههههههههههههههه اوكيه
                شهاب: وفي وحده عليها عيوووون تذذذذذذذذذذذبححححح خاري تقول انها تباج
                همايل عرفت ع طووووووول انها ظبية: حلــــــــــــــــــــــفففف ظبية هنيه وانته مخلينها تتريا
                شهاب: والله متنقبه بعد وشكلها ما تبا حد يجوفها بس انا صدتها
                همايل: هههههههههههه سير سير ييبها عندي عن يجوفها مرشان انا ممنوعه من الطلعه
                شهاب: تآآآآآمرين دام السالفه فيها ذيج المزيوون
                همايل: هههههههههههههههه
                ركض شهاب يزقر ظبية
                شهاب يركض ركض ويوم وصل جدام الباب وقف سيده وهو يرتب عمره عقب ظهر: احممم همايل تباج فوق
                ظبية: اوكيه .. ايه تعالي
                عايشه: ايه ويـــنه
                ظبية: الله ياخذج فضحتينا تعالي
                سحبتها داخل
                شهاب يحك راسه: تدورون حد
                عايشه بدفاشه: هيه اخووووك مرشان وين
                ظبية صكرت ع حلجها: سووووري والله هاي هبله تتمصخر بس
                شهاب ضحك
                ظبية عقب النقاب وهم يصكرون باب الجناح
                شهاب فهى وهو يجوف ظبية
                عايشه تهمس: ايه جوفي هالياهل شقايل يطالعج
                ظبية لفت جدا شهاب وجافته مفهي جان تضحك وتقبض خده: توك صغير
                شهاب شهق: ريال اناااا
                ركضت لهمايل: قلـــــــــــــــــــــــــــبيييي
                همايل وظبية يتحاضنن وحالتهن حاله
                اما عند الباب من داخل
                عايشه: اقولك
                شهاب: ها
                عايشه: شسمك
                شهاب: شهاب
                عايشه: الله اسمك حلو .. امم مرشان شو يقرب لك
                شهاب: اخوي
                عايشه بخفيف: ووووعع وين مرشان ووين هالدب
                شهاب عقد حياته: ترااا سمعتج هب ياهل انااا
                " شهاب ويهه طفولي ومدور وجسمه دبدوب
                عايشه: اووووبس
                شهاب: انتي جفتي ويهج من قبل
                عايشه: هيه الحمدلله جفته .. "تحاول ترقعها" انته جم عمرك
                شهاب: شدخلج .. لا تحلمين ادليج ع مرشان لانه ما يطالع هالاشكال
                عايشه فجت حلجها
                شهاب: لا تطالعين جيه اجوفج متخبله عليه سسسسقمم ناس ما جايفه خيرر الله يعز ام عيون ذباحه عنج
                طلع عندها بعد قصف محترم
                ..
                شهاب حدر ولقا امه ومرشان يتشاورون
                يلس بهدوء
                راحت مزنه
                مرشان بهدوء: وين جنت
                شهاب: هاه
                مرشان: جنت عندها صح
                شهاب ما يعرف يجذب: هيه
                مرشان: شو جانت تسوي
                شهاب انصدم مرشان ما زاعج عليه وتحمس اول مره مرشان ييلس وياه: ترقص
                مرشان فج عيونه!!!!
                شهاب "اول فرصه له يسولف استغلها صح: اقولك لو جفتها تقول وحده اجنبيه
                مرشان: ويت ويت جيف ترقص يعني ترقص ترقص
                شهاب: لا لا لا ما ها الرقص ترقص شرات الافلام المكسيكيه
                مرشان" ما يتابع افلام": جيف يعني
                شهاب: اممم تعرف ها اللي يسوونه اثنين اصلا جيه تتحرك شوي شوي لكن الحركات صعبه
                مرشان: انته وين جفته من قبل
                شهاب متحمس: ففلم فرنسي
                مرشان: وانته تطالع فرنسي
                شهاب: يوووه اطالع كــــــــــــلللل شي
                مرشان: وهي يعني جيف ترقص اقصد يعني
                شهاب قاطعه والابتسامه شاقه الحلج: فتنـــــــــــــــه ي بوووك فتنه والله تتحرك جنها من الممثلات التركيات ولابسه لبس شووووو اقولك وو
                مرشان سطعه بقوووو ع راسه: جـــب
                شهاب زاغ
                مرشان: انته ما تستحى
                شهاب: اففف انته سألت
                مرشان: انا ما قلت لك توصفها قلت لك شتسوي
                شهاب: انزين خلااص
                مرشان: شهابوووه سمع آخرر مرررره والله لو دريت انك جربت جداها يويل ويلك
                شهاب: ان شاء الله عمي .. اصلا قلت لها آخر مره
                مرشان: شو آخر مره
                شهاب: شفيك . آخر مره احدر جيه بدون ما تجوفنيه
                مرشان: وانته جنت تخت شو
                شهاب: هيه يوم سمعت الموسيقى خيــــــــــه لو تجوفها شقايل تفشلت
                مرشان صخ
                شهاب: حمرررت بعدين عصبت وهازبتنيه
                مرشان: تستاهل
                شهاب: انزين اقولك الجزء الثاني
                مرشان يتأفف "ها محد يعطيه ويه ثرثار" : قول
                شهاب: ينها بنتين وحده منهن لو تجوف عيونهااا قسممممم غزاااال غزااااااااال
                مرشان: منو هذول
                شهاب: ما ادري هاي المزيون اسمها ظبية
                مرشان ثااااااااااااااااااااااارررررر من هالاسم لكن هدا شوي وهو يفكر
                مرشان: هي قالت لك
                شهاب: هيه
                مرشان: وصفها جيف جان شكلها
                شهاب: اول شي جانت متنقبه عليهاااا عيووون سوووود ووساااااع لو جفتهن تسكر
                مرشان رجع يخبطه: رمس بأدب
                شهاب: ياخي اذ تميت تضرب ما بكمل
                مرشان: يووووه رمس عااد
                شهاب: يوم عقت الغشاه والخيبه محلااااهاا جنها بدويه سمرا وخشمها طووويل
                مرشان تأكددددد ميه ميه انها هيه هاااي: قلت ليه اسمها ظبية
                شهاب: هيه همايل قالت
                مرشان وقف معصصصصب: متأكدددد
                شهاب زاغ ما فاهم شي: هيه
                مرشان يوم يعصب ما يجوف جدامه
                صار يمشي بسرعه جدا جناحها وما ناوي ع خير موووول
                شهاب خاااااااف من شكل مرشان
                وصل جنه يركض من سرعته
                دق الباب بقوووووو مقفول
                تم يزاعج: همااااااااااااااااااااااااايل همااااااااااااااااااااااااايل
                زاغن كلهن من الصوت
                يزعج بأعلى صوته: طلـــــــــــــــــعي الجللللللللللللبه اللي داااااخل طلعيهاااااااااااااااا
                همايل تنتفض: ي ربيه سترك ي رب
                ظبية: بيذبحنيه
                مرشان يزاعج وشال الدنيا ويضرب الباب من الحرجه دمه ثاااااااااااايررر
                عايشه: شالسالفه
                ظبية خاااافت: ها مرشان هو هو
                همايل: لحد يفتح الباب والله عادي يرتكب جريمه
                مرشان يصارخ: هماااااااااااايل ي الحقيررررره طلعي اللوث اللي عندددددج ظبيــــــــــــــــــــة ي الحيواااااااااااااااانه طلعي والله لرووووويج طللللعي
                ينتفضن من الخووووف
                عايشه: بنات شنسوي اكيد بيلجى درب وبيحدر
                همايل خيفاااانه: بنتصل ع مكتووووم
                ظبية فز قلبهااااا ع الاسم
                عايشه: منو مكتوم
                همايل : مكتوووم ولد عمه يدي حط لي رقمه اذ بغيت شي
                اتصلت وصبوعها ترتجف من الخوف
                وهي تدق وقف صوت الضرب والزعيج
                سلمى تزاعج: هماااايل شي باب ثاااني
                همايل تصيح كااااااااااابوووس عليهااا هالزعيج كل مره تسمعه جسمها يعاني اسبوع كامل منه وهي تصيح : مكتووووم لحج عليه دخيلـــــك
                مكتوم زا: منو انت يشو صاير
                همايل تصيح: انااا همايل مكتوممم تعال سرعه دخيلك
                مكتوم: شفيج هدي شوص اير
                همايل: مرشان بيذبحهاااا دخيلك تعال طلعها دخيلـــك
                مكتوم: همايل انتي شتقولين يذبح منووو
                همايل من الخوف مب عارفه شتقول: تعاااال مرشان والله بيذبح ظبية كلنا تعال هنا البيت
                مكتوم من سمع اسم ظبية تخلبطت فمخه كل شي: ظبية!!!!!!!!!!!!!
                همايل: هيه هيه ظبيه اللي انته تحبهاااا ..مرشان يكرهها بيظربهااااا والله تعااال دخيلك
                مكتوم مرتبك وخيفان : دقايق بس
                رجع مرشان يزاعج ع الباب ويضرب لانه لجى الباب الثاني مقفول
                همايل: سرررعه
                بندت الفون وطاحت ع الارض تصيح
                تولفن ع همايل كلهن خيفانات
                عايشه اونهه عاد: انتن شعنه خيفانات جيه شوب يسوي يعني حرام يصكنا
                همايل تصيح وترمس بصوت عالي: ما تعرفينهم ما يعرفون الحرام والله ما يعرفونه

                  تعليق

                  • بنت الأياآويد
                    عضو متألق
                    • Apr 2016
                    • 278
                    • أنــــا شاآعـــر واحســاسي لابد أبديــــه
                      وش خـــانه الشعر وانـــا باليــوف خاآفيه
                      ..
                      اللهم إني اسألك رضاك عني
                      <بنت الأياآويد>
                    #65
                    رد: روايه: ابرياء العشق ملطخون بالدماء .للكاتبه/بنت الأياآويد

                    ..
                    مرشان فقد الامل وتذكر المفتاح الاحتياط
                    رجع البيت ركض
                    جابله شهاب: مرشان شو صار
                    مرشان دزه وهو يركض: باااااااااااااااااتي باااااااتي
                    باتي زاغت وهي تجوف مرشان يركض: سو في
                    مرشان: وين مفاتيح الاحتياط
                    باتي: داخل مستودع
                    مرشان: سررررررررررررعه وووووين
                    ركضت باتي تييبهن من الخوف
                    "مرشان يخوف يوم يعصب
                    رجع عندهن عسب ما يشردن يحتري باتي
                    تاخرت وايد ومرشان عصبيته تزيد وده يروح يدور المفاتيح بروحه لكن يخاف يطلعن
                    باتي يايه تركض شاله المفاتيح
                    "المسافه هب قصيره بين الجناح والفله
                    سبقها مكتوم: صبررري
                    باتي وقفت تعبانه
                    مكتوم: شو له هالمفاتيح
                    مرشان: سررررررررررررعه تعاااالي
                    باتي: بابا مرشان يريد
                    قبل ما تتحرك مسكها مكتوم ومط المفاتيح: انا بشلهن
                    راح جدا مرشان سرعه عسب ما يعصب زياده
                    مكتوم: شو صاير
                    مرشان يبا ياخذ المفاتيح: يبهن سرعه
                    مكتوم بعد ايده: لاااا قول شوص اير قبل
                    مرسان: ذيج الجلبه اللي عطتنيه كف داخل هاااااااات بأدبها
                    مكتوم عرف انها ظبية: لاااا ما اعطيك انته خبل بتتهجم ع بنات الناس
                    مرشان معصصصب: مكتوووووم السالفه مااااااااا تخصك ييب المفتااااح
                    مكتوم : مرشان هدى شوي خل نرمس
                    مرشان: ماااا رح نررررررررمس بتعطانيه المفتاح وانا بربيها بنت الجلب
                    مكتوم يحاول يهديه: مرشان الامور ما تنحل جذا صبر شوي
                    مرشان يحاول يقصر الشر ويا مكتوم: مكتوم انته ما عارف شي هات المفتاح وتوكل
                    مكتوم: لا ما بتحرك منااا قبل ما اشل خطيبتيه
                    مرشان: شووو!!
                    مكتوم: مرشان ظبية بتصير خطيبتيه وانته مارح تلمس شعره منها
                    مرشان مصدوم
                    مكتوم: والحين روح منا بطلعها
                    مرشان: انته شتقول
                    مكتوم: اقولك اللي داخل بتصير حلااااااااااالي والحين بطلعها تفهم
                    مرشان يحاول يستوعب: اهبل انته اللي داخل بنت شوارع انته ما جفتها
                    مكتوم سكته: حدددددددك عااااااد
                    مرشان : مكتوم انته شقايل تعرفها
                    مكتوم عصب عليه جيف يسب حبيبته: مااااااااا يخصككك
                    دزه وهو يفتح الباب
                    مكتوم على صوته وهو يزقر: ظبيـــــــة
                    ظبية دموعها ع خدها وترتجف وهي مجابلتنه
                    مكتوم مب مصدق ان حبيبته جدامه: انا ييت
                    ظبية تصنمن عيونها عليه تحس ان توانها يخل هب قادره حتى توقف
                    مكتوم تجدم بيلمسها
                    دزته بسرعه: بعددددد عنيه
                    مكتوم طنشها وسحبها من يدهاا ومشت عايشه وراها
                    طلعوا من جدام مرشان المتنصنم وهن يطالعنه زايغات وطلعوا من البيت
                    همايل حدرت الحمام خوفا من مرشان
                    .
                    مرشان واقف مكانه هب مستوعب
                    البنت اللي مدت ايدها عليه جانت جدامه !!!
                    ولد عمه يحبهااااا!!!
                    مكتوم بيخطب!!!
                    بنت الشوارع بتصير خطيبته!!!
                    مشى بهدوء جدا البوابه
                    وهي حابسه عمرها فالحمام
                    ..
                    فالسياره
                    مكتوم: شو بينج وبين مرشان عسب يكرهج جيه
                    ظبية " منوووو انت ياي تسألنيه الحين مابي اجووووفك اناااا اكرهههههك اكرهك
                    مكتوم: ظبيه ارمسج اناااا
                    ظبية مطنشتنه
                    مكتوم يأس منها عقب سأل: وين بتكم
                    عايشه دلته المكان ووداهن
                    وقبل ما تنزل: ظبية لا تتحرين بودرج
                    نزلت وجنها ما تسمعه
                    ..
                    همايل
                    حست انها بتختنق لو يلست اكثر فالحمام
                    صار لها زياده عن نص ساعه
                    كله خوف
                    طلعت وهي تلف يمين وشمال
                    تاكدت انه محد وانسدحت ع الشبريه
                    تحس بتعب
                    عيونها تغمض وترجع تفتحهن
                    غمضت والا تحس بشي
                    فتحت عيونها مرشان جدامها
                    خااااااااااااااااااافت
                    مرشان: تعبانه؟
                    توقعت كف ضرب أي شي لكن مرشان ثابت مكانه
                    مرشان: تعبانه؟
                    همايل هزت راسها بهيه
                    مرشان جبس شوي: انا بسافر
                    همايل تتسرط اول ما شفاته يقرب منها
                    مرشان : لا تتعبين عمرج زياده عسب تصحين
                    وهمس وهو يزل لمستواها
                    مرشان: بشتاق لج
                    فجت عيونها ع الأخر " هذا اكيد يتعاطى شهالنفسيه" تطالعه فاجه حلجها :هااا
                    مرشان ابتسم: صكري اثمج
                    صكر اثمها بسبابته ونزل لمستواها وباس شفايفها ع الخفيف: بشتاق لج
                    قلبها يدق
                    معقول
                    شو طينه هالانسان
                    فظيع
                    راح
                    همايل بعدها مصدومه ها صدق مينون
                    طلع وهي ترمش بعيونها " ها هب صاحي ع الآخر شفيه كل شوي ع حال
                    حطت ايدها ع شفايفها تستوعب" اما انا تخبلت منه ولا هو الخبل
                    ابتسمت" بيسافر! بفتج منه
                    نشت وزعجت: ويووووووووووووووو
                    جان واقف برع
                    سمعها وابتسم وراح
                    قامت تحتفل ويا عمرها
                    ...
                    بمناسبه قرب يوم الأم
                    نرفع كفوفنا لإمهاتنا:
                    •اللهم ألبسها العافية حتى تهنأ بالمعيشة ، واختم لها بالمغفرة حتى لا تضرها الذنوب ، اللهم اكفيها كل هول دون الجنة حتى تبلغها إياها برحمتك يا ارحم الراحمين
                    •اللهم لا تجعل لها ذنبا إلا غفرته ، ولا هما إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها
                    •اللهم ولا تجعل لها حاجة عند أحد غيرك اللهم و أقر أعينها بما تتمناه لنا في الدنيا
                    •اللهم إجعل أوقاتها بذكرك معمورة اللهم أسعدها بتقواك اللهم اجعلها في ضمانك وأمانك وإحسانك
                    •اللهم ارزقها عيشا قارا ، ورزقا دارا ، وعملا بارا اللهم ارزقها الجنة وما يقربها إليها من قول اوعمل ، وباعد بينها وبين النار وبين ما يقربها إليها من قول أو عمل
                    اسأل الله ان يحفظ لنا جميع امهاتنا وامهات المسلمين ويرحم من هم فالقبور.
                    ..
                    المقتطفات
                    ..!!..: اقطع ايدي اذ ما بديت تحبهااااااااااااااااا
                    ..!!..: انا ياي هنيه ابا بنتكم ع سنه الله ورسوله
                    ..!!..: الروووووح ردت لي ي .....
                    ..!!..: بحب صادق: ولهت عليك ي الدب والحين ياي تقوليه انك بتروح خمسسس سنوات
                    ..!!..: مسكها بعنف: يوم انا ارمس انتي تاكلين تبن
                    ..!!..: غطى ويهه بايدينه: الله يلللللللعنج متى بتضهرين من راسي
                    ..!!..: روميوووو وينك عني
                    ..!!..: تجدم منها بشكل مخيف وعيونها تقاوم الدموع
                    ..!!..: طلعني من هنييييييه ي حيوووووووووان طللللعني
                    ..!!..:هههههههههههههههههههه تستاهل بننت الجلبه خل يأدبها
                    >>> سوري ادري البارت قصير بس أحاول التزم مع انه عندي ضغوط دراسه ردوووووودكم ي الحلووووين
                    ..
                    انتهـــــــــــــــي البــــــــــــارت
                    نلتقي فالبـــارت الـعاشـــــر
                    الكاتبه: بنت الأيـــآويد

                      تعليق

                      • اميره العفاف
                        عـضـو فعال
                        • Dec 2016
                        • 75
                        #66
                        رد: روايه: ابرياء العشق ملطخون بالدماء .للكاتبه/بنت الأياآويد

                        البارتات تجنن والمقتطفات حمستني شكله الاكشن بيكون توووب البارت الياي

                          تعليق

                          • بنت آل نهيان
                            عـضـو
                            • Jun 2016
                            • 11
                            #67
                            رد: روايه: ابرياء العشق ملطخون بالدماء .للكاتبه/بنت الأياآويد

                            هلاا حبيبتي بنت الاياويد علومج طمنيني عنج ، اسمحيلي من فتره م علقت ع البارتات كنت خلف الكواليس ع قولتهم لاني ناسيه الباس مالي وحاولت كمن مره لين م استوى اليوم الحمدالله ، احسني وايد رمست المهم والله البارتات كل واحد يقول الزين عندي

                              تعليق

                              • بنت آل نهيان
                                عـضـو
                                • Jun 2016
                                • 11
                                #68
                                رد: روايه: ابرياء العشق ملطخون بالدماء .للكاتبه/بنت الأياآويد

                                لااااا كنت كاتبه وايد كلام بس ذهب هباء منثورا

                                  تعليق

                                  • بنت آل نهيان
                                    عـضـو
                                    • Jun 2016
                                    • 11
                                    #69
                                    رد: روايه: ابرياء العشق ملطخون بالدماء .للكاتبه/بنت الأياآويد

                                    كنت اقول انه ميشان مستوي خبيث وفديتها همايل تغمضني احسن وحده ، وقلت اتريا اليمعه ع ناررر وربي يوفقج ف امتحاناتج ويوفقنا ويرزقنا النسب لي تفرحنا

                                    تحياتي واشواقي"بنت ال نهيان"...

                                      تعليق

                                      • بنت الأياآويد
                                        عضو متألق
                                        • Apr 2016
                                        • 278
                                        • أنــــا شاآعـــر واحســاسي لابد أبديــــه
                                          وش خـــانه الشعر وانـــا باليــوف خاآفيه
                                          ..
                                          اللهم إني اسألك رضاك عني
                                          <بنت الأياآويد>
                                        #70
                                        رد: روايه: ابرياء العشق ملطخون بالدماء .للكاتبه/بنت الأياآويد

                                        المشاركة الأصلية بواسطة اميره العفاف
                                        البارتات تجنن والمقتطفات حمستني شكله الاكشن بيكون توووب البارت الياي
                                        تسلللللللللللللللللمين
                                        علني لا خلا ولا عدم من ردودج اللي تشرح الفواد

                                          تعليق

                                          السابق 1 2 3 4 5 6 7 8 9 10 11 12 13 14 template التالي

                                          google Ad Widget

                                          تقليص
                                          يعمل...