-
-
رد: روايه: ابرياء العشق ملطخون بالدماء .للكاتبه/بنت الأياآويد
اعتذر من متابعين الروايه ع التأخير
استوا لي ظرف وما قدرت انزل
وعسب ما ازعلكم رح انزل يوم اليمعه بارتين كاملات
انتظر ردودكم اللي تبرد الفوادتعليق
-
رد: روايه: ابرياء العشق ملطخون بالدماء .للكاتبه/بنت الأياآويد
بسم الله الرحمن الرحيم
روايه/ ابرياء العشق ملطخون بالدماء
للكاتبه/ بنت الأياآويد
الجـــ(الثالث)ـــزء
..
" بـــدآيـــــــــــــــه ام اعــــــــــــدام"
قال علي بن ابي طالب:
ان دمعت عين امرأه بسبب ظلم رجل لعنته الملائكه في كل خطوه يخطيها
..
5 / 1 / 2017 الإمارات العربية المتحدة.
فكر يدق باب البيت لكن غير رايه وهو يسمع صوت ضحكه ما سمعها الا قبل اربع سنوات
فتح الباب شوي
وحدر البيت
يت عينه عليها ما شايفنها من سنتين وقف صافن فيها
..
لابسه سكيني عشبي وبلوزه فستقيه للعنق بدون ايدين عليها فيونكه بالريبمبو
حافيه وشعرها الاشقر الطويل يتمايل مع ميلان جسمها المبلل
تضحك من خاطر ولا جنها اللي جانت تصيح قبل سنتين
اشتدت ملامحه اكثر وعيونه تراقبها
ايزا قابضه فوز الماي وترشها وهي تغطي ويهها عن الماي وتضحك
همايل: خلاص تووووبه والله هههههههههه
ايزا: لااااا لاااا ههههههههه
همايل: هههههههههههههه بس والله بسسسسس ههههههه
فجأه طاح بيب الماي
همايل: مامي بلاج
لفت تجوف وين ايزا تجوف
انقطعت انفاسها تحس ان جسمها صار حار
تصرطت : م مر ش آ ا ن
مرشان تجدم: السلام عليكم
ايزا بصوت زايغ: وعليكم السلام
همايل انربط لسانها : ش شـ
مرشان ببرود: كل عام وانتي بخير حرمتيه
صاخات مصصدومات < اليوم خمايل كملت ال/20
مرشان بملامح بارده وعيونه بعيونها: ايزا زهبي جنطتها
ايزا بدون نقاش تحركت
همايل: ش شعنـ ـه و و
مرشان: بلاج رمسي شرات الاوادم
همايل حاسه انها لو وقفت دقايق اكثر رح يغمى عليها طاحت ع ريولها: شو تباااا شعنه ياااااي رووووح ما نبيك انا هب محتاااااااااايتنك لا انته ولا عمك
مرشان: قومي ياله بدلي بنسير
همايل الدموع بعيونها: شعنه منو انته اصلا
مرشان يرص ع ضروسه: قومي قبل لا اعصب
همايل تهز راسها ودموعها طاحت: لا ما رح اتحرك هب كيفك ما لك حق سير
مرشان مسك زندها: لي كل الحق انتي حرمتيه والحين بتمشين ويايه
همايل: لا هب كيفك تودرنيه ليله عرسي وتسافر والحين شو اللي رجعك روووح ما بيك انا هب بحايتك
مرشان نزل لمستواها بنبره حاده وحزينه بنفس الوقت: هب بشوري ولا بشورج لو الامر بايدي جان ذاج اليوم آخر مره اجوفج فيه فحياتي
همايل: عيل شحقه راجع روووح عادي انا مابيك دامك ما تبينيه روح
مرشان بدا يعلى صوته: قوووومي وغصبن عنج لا تتحرين ياينج حبن فيج
همايل زعجت والدموع ع خدها: لااااا ما بيك هب كيفك ما رح اتحرك
مرشان: قومي لا اصنج بكف الحين
همايل بقهر وهي تصيح: تروم تجتلنيه والله ما تحركت انا هب لعبه بايدك ياي عقب سنتين انا هب لعبه فاااااااااااااهم
وصلت ايزا ودموعها فخدها وقلبها يتقطع وما باليد حيله
سلطه القوي ع الضعيف
سحبها بايدها ووجه كلامه لايزا: حوووه انتي هاتي فوطه
ركضت ايزا تييب فوطه
همايل: خوووز ما بيك خووووز عنيه
مرشان بعصبيه: جب ولا تطولينها بتنقفضين ويايه وغصبن عنج فااااهمه
همايل: لاااا ماباااا روووح فجنيه والله ماااابيك
مرشان: يااااله جــــــــب ولا انا اباااااااااج بتمشين الحين بالطيب احسن لج
وصلت ايزا
مرشان بحده دزها ع ايزا: نشفيها سرعه ورانا درب
همايل ماشي حل جدامها تفلتت من ايدين ايزا وركضت باتجهاه البيت
ركضت داخل ومرشان وراها
قبل ما تقفل باب الحيره حط ريله: عن اليهاااااله ياله طلعي
همايل تصيح: لاااا مابيك مابا اروح لاااا
حدر وسحبها بايدها طلعها لنفس المكان وهي تزاعج وتصيح
مط الفوطه بقو من عند ايزا وحطها ع شعرها وسحبها
مرشان بقو وحده: هاتي الجنطه السياره سرعه
مشى وهمايل تصارخ وتصيح وايزا وراهم
ركبها السياره جدام بالغصب وراح يبا يركب وفتحت الباب
رجع لها وعطاها كف من قوته طاحت تحت: نحن ما نلعب هنيه والله ثم والله حركه وحده بايخه بعدج والله لذوقج الويل
وقفت همايل من ع الارض تصيح وايزا تطالعها من بعيد وتصيح
مرشان زعج بحرجه: ياله ركبي
همايل تطالع ايزا ومصفنه مكانها
مرشان مطها بقو ويلسها ع الكرسي شل الفوطه من الارض وشاتها عليها: جربي تتحركين برويج
صكر الباب بقوووه وتحرك لكرسيه
ركب وصكر الباب وهي عيونها من الدريشه ع ايزا وثنتيناتهن يصيحن
عرفت ان اليوم اللي خايفه منه وصل وما رح تجوف ايزا عقب اليوم
ابوها سافر عقب عرسهم ولا جافته ايزا ما تستلم راتب لكنها ضلت ويا همايل يوصلنهم فلوس فضرف ما يعرفون مصدرهن ( يدهم الوليد )
عقب ما جافته يوم العرس تكنسل كل شي وشلوها البيت وهي هب فاهمه شي آخر شي عرفت ان مرشان سافر وسحب ع كل شي فرحت من خاطر انها فتجت منهم لكن جانت عارفه انها ما رح تضل جيه طول العمر
فالطريج
مرشان: سمعي من الحين بقولج
همايل دموعها ع خدها وصاخه
مرشان: رح تسكنين بنفس الطابق اللي انا فيه لكن مابي اجوف رقعه ويهج
كمل رمسته مستغص وهو مجبور: مالي شغل فيج لا ترمسينيه ولا ارمسج بطلع كل يوم من البيت الساعه ست الصبح مابي اجوفج وارجع الساعه وحده الظهر بكون موجود بالقسم لا تفكرين تظهرين من حيرتج لانيه لو شفتج ما رح يصير خير موليه برجع اظهر الساعه خمس العصر وارجع وقت اللي ابا بس اهم شي ما اجوفج وهاللبسات الماصخه ما تلبسينها
ابتسم ع ينب: والله يعينج ع بلوتج
همايل ايدها ع حلجها تمنع طلعت شهقات من حلجها: لمتى؟
مرشان بحده: انا ارمس وانتي اتصخين حتى حسج مابي اسمعه تنجبين وتاكلين تبن لحد ما تندفنين عل ذاج اليوم اليوم قبل باجر
همايل بهمس: آمين
مرشان: قلت جـــــب ي المينونه وصح للعلم اذ فكرتي تسوين شرات قبل وحركات لا تحلمين اشلج الدختر والله اخلي روحج تطلع اسبوع كامل وتذوقين الويل لين ما تفارجين هالدنيا
همايل: شي ثاني
مرشان حرج: قلت ججججججججججججججججججب ما ترمسين فاهمه
هزت راسها وعيونها ترمش بسرعه هالانسان يروع عنبوه ي صوته يخوف جلب واحد والله ما اجتل عمريه عشانك حيوان جلب حقير
مرشان: غير ها قسمنا ما يحدرنه بشكارات اميه بالعاده تنظفه لكن الحين انتي رح تنظفينه وتغسلين ملابسيه وتكوينهن ومابا منج طبيخ وكل ها تسوينه يوم ما اكون موجود لاني حذرتج اذ شفتج
همايل لوت بوزها بملل وبحسها" يايب بشكاره حضرتك اونهه ما يبا ياكل من ايديني تخسي الا انته اصلا حيوان جلب حقير حتى انا مابا اجوف ويهك
مرشان يكمل مقهور: طلعات ماشي سوق ماشي
وجنه يقرا افكارها: اذ محتايه أي غرض ترمسين البشكارات وهن اييبنه
مرشان: وهالشهر بشكاره تنظيف الفله محد يعني انتي بتسوين شغلها لحد ما اييبون وحده ثانيه واميه بتخبرج متى تنظفين لانهم ما يبون يجوفون ويهج
فجت عيونها ع الآخر هي تذكر بيت عمها زين لو نظفته بروحها بينكسر ظهرها
مرشان: وباجي الشغل في بشكارات غيرج
همايل عضت ع شفايفها" غيرج!! معناته يايبينيه بشكاره الله ياخذكم بسسس
مرشان ابتسم: لا تنصدمين ترا حالج حال البشكاره لا ولا اقول هن اكرم منج ع الاقل هب مجرمات
همايل" الله يرحمك ي سيف لو انته حي ما خليتهم يسون جيه
مرشان بسخريه اكثر: والمطبخ ما تحدرينه تعرفين يعني هناك سجاجين وغيره نخاف تجربين هوايتج علينا
همايل فجت عيونها ع الآخر
مرشان كمل بدون ما يطالعها: ذيل الجلب دوم اعوي ودامج جتلتي اخويه هب غريبه تجتلين غيره
همايل سندت راسها ورصت ع عيونها وعضت شفايفها
زعج بصوت عالي: وهالحركه مابيهاااااااااااااااااا
فتحت عيونها والتقت بعيونه زايغه ما فهمت شي
مرشان بعصبيه: ما تعضين شفايفج ولا ترصين عيونج فاااااااااااهمه
لمعه الدمعه بعينها من الخوف وهزت راسها بهيه
مرشان رجع يطالع الطريج: هيه جيه ابااااج لا حس ولا غيره وانصحج لا تصيحين وايد لانه جدامج مشوار طويل
..
عند مكتوم
ضحك بصوت عالي
سعد زميله فالمكتب: اكيد وحده من هالبنات المصخره
مكتوم: ههههههههههههههههههه هيه
سعد هز راسه باسى
مكتوم بصدق : بس ياخي عجيب والله انا مرن عليه بنات وايد لكن شراتها ما جفت
سعد اندمج: شعنه
مكتوم: جررررريئه ياااااخي ما عندها واحد اثنين تقول ما عندها اهل اعتقد عسب جيه ما تخاف من حد
سعد ابتسم: حلوه
مكتوم: لا تصدق ارمسها من سنتين بس ما طلبت صورتها
سعد: سنتين!!!!! احيدك تطنش وحدك اسبوعين
مكتوم: اقولك هاي غيرر والله اول مره اجوف بنت جيه
سعد : انزين ما قلت ليه شعنه ما طلبت صورتها
مكتوم: هاي وايد قويه اخاف تقصفنيه ويروح كل تعبيه ع الفاضي
سعد: ما مليت سنتين
مكتوم: لا سوالفها حلوه هب شرات السخيفات
سعد: ههههه ليش ترمس عن المواتر شو
مكتوم: هههههههههههه شعنه تجوفينه جدامك مرشان وما دريت
سعد: ههههه ما ادري عنك من متى البنات سوالفهن حلوه
مكتوم: قلت ترا والله هالبنت غير حتى تصدق ما تحش فحد موليه
سعد: يمكن ما تبيك تعرف عنها شي
مكتوم: جىه حتى اسمها اعرف انه جذب
سعد: ليش
مكتوم: اول ما رمستها ساره عقب قامت تستهبل وصارت هدى وكل يوم باسم
سعد: لا صدق خبله
مكتوم: قلت لك .. تصدق افكر اقولها تطرش صوره ياخي حمستنيه
سعد: ما ادري والله عن رمستك ما اظني تعطيك
مكتوم: هاي بايعتها يمكن تصور قطوه
سعد: ههههههههههه جرب حظك
مكتوم: اصلا ما تثق فحد شقايل بتعطينيه
سعد: ي بووك جرب انته ما استفدت منها شي طول هالسنتين شو خسران
مكتوم: صدقك اصلا جنت اباها بس عسب الملل وما حصلت منها شي خل نجرب
سعد : ياله حتى انا ابا اجوف
مكتوم: اوووكيه
..
ظبية منسدحه ع الشبريه وتسولف يا هالشباب
كلهم تافهين بعيونها محد يسوى
اتصل مكتوم >تطورت السالفه
ظبية: ياله بعده ها ع الاقل شوي
ظبية: ولكم
مكتوم: تعرفين انا كملنا سنتين من بدينا نرمس بعض
ظبية: والمطلوب << ظبية جيه ما تفيس وكله تجذب وهم يعرفون انها تجذب
مكتوم: دام انج جفتي شكلي شرايج انا اجوف شكلج
ظبية: الزبده؟!
مكتوم: طرشي صوره
ظبية بحسها "ههههههه واخيرا استاذ مكتوم طلعت حمااار شرات غيرك
حكت ذقنها شوي وبحسها "ياخي ها هامور تعال نسويها فيه
فكرت شوي: اخخخ واخيرااااا لقينا حد يسوى
مكتوم: ها شو قلتي
ظبية : انا ما احب لعب اليهال اما نلتجي فمكان عام ولا بلاها المصخره
مكتوم: اهااا لعب كبار يعني
ظبية: اكيد وجانك جدها نعطيك الموعد
مكتوم: جدها ونص وين تبين
ظبية: ع البحر روح وبعطيك اسم المحل
مكتوم: متى
ظبية: عقب ساعتين
مكتوم: بس تم
ظبية: ورح اخبرك عقب اسمي الصدقي
مكتوم: هب الا اسمج ابا اعرف وايد جان راق ليه شكلج
ظبية بثقه : ههههههه يروووق الغلا يروووق
مكتوم: يعجبنيه الواثق
ظبية: ياله الغلا عندي شغل نلتجي ع الموعد
مكتوم: وين وين
ظبية: تدري بزنس ويمن
مكتوم: هههههههه نسيت
ظبية: سيوووو
صكرت عنه وقامت تتزهب
..
وصلوا البيت
مرشان : باجي اغراضج بييبهن الدريول
همايل بصوت خافت: ابا عباه
مرشان: نزلي
همايل صدت جداه :في دريوليه وبيدار شقايل انزل
مرشان: اففف لا تسوي فيها مطوعه وانتي جاتله ياله نزلي خلصينا
همايل غمضت عيونها وفتحتهن عسب ما تدمع عينها
نزلت والفوطه ع راسها وحدرت البيت
البشكاره ودتها للفت
وصلت الطابق الثالث سحبت جنطتها وحدرت
نزلت دمعتها ع طول
فرت الجنطه وفتحت اول حيره كبيرررره كلها كبات
فتحت الثانيه عرفت انها حيره مرشان
فتحت الثالثه صح وسيعه لكن هب شرات القبليات
عقت عمرها ع الشبريه وقامت تصيح بحسره
تصيح بصوت عالي عل القهر يطلع
يابت مذكراتها
وبدت تكتب
..
وصلت سجني الابدي
يا دمعه نزلي لا تحاتين موليه
يا خد ارتوي دام دمعي يغطيج
يا يفن لا تشكي الحال ترا الشكا لغير الله مذله
لعنبو حالن وصلناه يا قلبي
وصلنا بيت الغالي بعد فرقاه
وصلنا لريحته وما وصلناه
متى نفارج هالدنيا ونفرح بلقياه
وين نيتمع يالغلا بجنه ونار
وين حسك وين ضحكك وين الاخبار
جيف تترك قلبن بين محبتك والكره محتار
5/1/2017
..
اندق الباب
طلعت تجوف
جابلتها بشكاره فلبينية: سلام عليكوم
همايل ابتسمت: وعليكم السلام
البشكاره مدت يدها: ام باتي
همايل سلمت: انا همايل
البشكاره: ماشاء الله انتي واجد حلو
همايل بنفس الابتسامة: تسلمين ..
اختفت ابتسامتها: وانتي تشبهين مامي
البشكاره فجت حلجها: يور ماما فلبين
همايل ابتسمت: لا هي ربتني .. شي واز لايك ماي موذر
البشكاره: اهااا .. آم شغل غسيل كوي
همايل: اها
البشكاره مستحيه: انتا في تنظيف
همايل بابتسامه حزينه: ادري
قامت: ياله رح ابدل وايي
ظهرت وطلعت جلابية بايدين طوال لفت شيلتها وظهرت للبشكاره
البشكاره :انته واجد صغير
همايل: جسمي صغير انا 20
البشكاره وهمايل فاللفت: سوري!
خمايل: هه آم تونتي
البشكاره: اووووو!!
نزلت وياها لطابق الاول
جابلتها صاله جنها مسرح خيل من كبرها
ظهرت ورا الشغاله منها ع صاله فاضيه صغيره فيها اربع
اشرت البشكاره: منا في يروح كتشن
اشرت ع الباب الثاني: منا في انا غرفه
اشرت ع الباب الثالث: منا في يروح برا دونت قو ذير
همايل بحسها" ما تدري انيه جنت دوم بهالمكان" : تمام
اشرت ع الباب الاخير: كم هير
مشت وراها وحدرت مستودع
ظهرت مجنسه : تفزل
خذت منها المجنسه: امم تعرفين شهاب
صوت فيه نوع من الخشونه والهداوه: جنه حد يطرانيه
لفت همايل بسرعه مبتسمه
شهاب ابتسم: هلااااا والله
همايل تجدمت له وفجأه وقفت
شهاب: بلاج
همايل: جم صار عمرك
شهاب: 15
همايل: شهاب ادريبك ما تتغير لكن
جبست راسها بضعف: انا اناااا
مزنه بحده: انتي بشكاره
شهاب: امــــــــــيه شتقولين
مزنه: ايه انته لا تعطاها ويه بزياده حالها حال البشاكير هنيه
مدت سبابتها بويه همايل: لا تطاولين ع اسيادج وعرفي حدودج زين
صدت ع شهاب المصدوم وهي عاقده حياتها: وانته مابي اجوفك هنيه فاهم
شهاب: هب كيفكم هاي بنت عمي
مزنه: شهاب لا تحرجبيه هب بنت عمك هاااااااااااااي جاااااتله تفهم جااااااااتله
همايل تتحطم اكثر كل ما تسمع هالكمله منعت عمرها عن تصيح
مزنه: ياله اظهر
ظهر شهاب وامه من المكان
البشكاره حطت يدها ع جتف همايل: لا يزعل هازا ماما دوم
همايل شلت المكنسه: لا تحاتين
ظهرت وتوجهت لصاله وبدت تنظف
خلصت كناس ومسحت الارضيه وعقب نظفت الاثاث وتحس ان حيلها منهد
ع الساعه ست وشي توجهت للفت تبا ترتاح
طاحت اسوارتها جبست تشلها تحس بشي يضرب فظهرها شرات الريل
نشت وجافت دانه متجتفه جدامها
ابتسمت بشوق: دااااااااااانه
مدت ايديها تبا تحضنها لكن صدمتها دانه وهي تجب العصير ع همايل
دانه: اووووب سووووري ما انتبهت
همايل امتحت ابتسامتها وانترست عيونها دموع
دانه: هذا حدج ي الجاتله لا تفكرين تقربين جدايه
فرت القلاص ع الارض وتكسر
تحك ضفورها بدلع: اووو بالغلط شرايج تنظفينه
همايل عضت ع شفايفها : حاضر بنت عمي
دانه لوت بوزها ودزت الزجاج المتكسر بكعبها جدا خمايل: تخسين والله
لفت شعرها ع ورا: لا اعرفج ولا تعرفينيه وياله نظفي هالزباله يالجاتله
همايل جبست وطاحت دمعتها
مشت دانه بغنج عنها وهي حاطه السماعات باذنها
مرشان من وراها بصوت خفيف : حووه
لفت جافته حاط ريل ع ريل ع الكرسي اللي حذال اللفت
اشر ع زاويه فالصاله: تجوفين ذاج المكان
لفت عيونها للمكان وجنه سجين انغرزت بصدرها
مرشان عاقد حياته: جوفيه زين تجوووووفينه
وقف حذالها وهي لازالت عيونها ع المكان
مرشان بهمس: هناك جتلتيه لا تنسين هالزاويه موووووليه لانج رح تجوفين الدم فيها مره ثاااانيه تذكرين هالرمسه زين ما زين
همايل رصت عيونها وعضت ع شفايفها والدمعه تحرق خدها
مرشان دزها وطلع من البيت
تحس انها تختنق نست او بالاصح تناست المكان اللي هيه فيه
ما قدرت تتحمل هالاهانات وارا بعض
رقت فوق
وركض ع حيرتها تصيح
قبضت دفترها
..
تذكرني بالكفن
تذكرني بالقبر
تذكرني بالوحشه
تذكرني بالغربه
تذكرني بالدجا
تذكرني من اكون
تذكرني فيه
اليوم اول يوم فبيت عمي
اليوم دخلته جني غريبه عنه
"ثالث ابشع يوم بحياتي"
اولهن يوم موته
ثانيهن ارتباطي بغيره
ثالثهن مكاني اليوم
..
غمضت عينها وغفت
....تعليق
-
رد: روايه: ابرياء العشق ملطخون بالدماء .للكاتبه/بنت الأياآويد
قال نزار قباني:
الحب لا يقف على الضوء الاحمر
..
وصله المسج ونزل فالمكان المطلوب
حدر المقهى اللي ع البحر
يدورها بعيونه بملامحه الحاده
..
جافته يحدر ترددت تاشر ولا ما تاشر
يشبهه والله يشبهه نفس عقده الحوايب الله يلعنك ي مرشان
واخيرا رفعت ايدها واشرت له <مكتوم يشبه مرشان شوي لكن يشبه سيف وايد >
..
جاف بنت تلوح تجدم جداها
ملااااااااااك جمممماااااااااااااال رباااااااااااااني ثقــــــــــــــــه غروووووووووور هيــــــــبه رزززززه انوووووووثه
ها كله بعيون مكتوم وهو يمشي باتجاه المخلوقه اللي ما يعرف عنها شي
ظبيه
ي ررررربيه محلاااااااااااااااه مزيووووووووووون ي عالللللللم خخخخققققققه رجوووووووووووووووووله رزاااااااانه
وها بعيون ظبية
كل واحد داق مواويل غزل واعجاب فخاطره كل واحد شموخه اقوى من الثاني
مكتوم : ريال لا له ولا عليه .. يلعب ويقضي وقت الحياه تسليه والآخره منسايه ما يخاف من ربه فجيف يخاف من اهله
ظبية: لا حد وراها ولا جدامها.. لا رقابه اهل ونست رقابه ربها بايعتها بايعتها واللي فيها فيها وبالاخير محد غيرها يروح فيها <استويت شاعره خخخ
..
قعد جدامها يتأمل اول انسانه يجابلها غرشوب جدامه ما قادر يخوز عيونه
ما مثجله ميكب مجحله والآيلاينر والروج فاتح ورموشها الطواااال وشعرها الاسود مغطي اطراف ويهها ونازل من الوقايه
مكتوم: ساره هدى فاطمه عليا سلامه عايشه مريم شخبارج
ظبية: ههههههههههههههههه بخير مكتوم استريح
يلس: وشو تصيرين بالاخير
ظبية برزه وثقه: ظبية
مكتوم باعجاب وثجل: عاشت الاسامي
ظبية: شتشرب
مكتوم: افاااا
ظبيه قاطعته: خل عنك الحينه انا عازمتنك
مكتوم: ههههه ع راحتج بس المره اليايه انااا
ظبية سندت ظهرها وعطته نظره
مكتوم: لا يكون ماشي ثانيه
ظبية: والله ع حسب
مكتوم صغر عيونه: من وين يايبه هالثقه
ظبية انسحرت بعيونننننه شي هب طبيعي شعور غريب: الظروف
مكتوم بنفس النظره وويهه قريب منها: أي ظروف تقوي الادمي ولا تهده
ظبية جدمت ويهها: ظروف ما يعرفونها عيال العز
مكتوم: الفقر؟!
ظبية بثقه تهز الريال: اكبر من جيه بوايد
مكتوم: ينبان الغلا ينبان
سند ظهره واعجابه يزيد بهالبنت ما تخاف من شي: وين اهلج
ظبية حطت صبعها ع الطاوله وحركته بخط مستقيم: هذا حدك
مكتوم ابتسم ع ينب: سالفتج عوووده
ظبية: اكبر من انك تدخل فيها
مكتوم يجذب: تصدقين طلعت ويا ميه غيرج ما جفت شراتج
ظبية: شقايل يعني
مكتوم: كلهن يتصددن يمين ويسار ولا وحده عندها ثقتج
ظبية: هههههههههههههههههههههههه
مكتوم عض ع شفايفه هالشعور اول مره يجربه ان في انثى تضحك جدامه
ظبية: ما تعرف تجذب
مكتوم ابتسم: ما ضبطت
ظبية رفعت حياتها: لا
مكتوم: علمينيه
ظبية: اذ بتجذب خلك واقعي ولا تجذب ع جذاب
مكتوم: يعني انتي جذابه
ظبية: يمكن
مكتوم بابتسامه سخريه: باين
ظبية: الحين البنت طالعه ويا واحد اذ يابت هالجرأه شعنه تصدد
مكتوم: يعني البنات ما يخافن
ظبية: هالنوع لا .. وما اعتقد في حد شراتيه لانه الاشكال اللي ترمس عنهن هب موجودات فالاماكن العامه
مكتوم: وانتي شعنه هب خيفانه
ظبية: نفس السبب اللي ما يخليك تخاف
مكتوم بحده: انا ريال
ظبية بحرجه: وانا من ظلع ريال
مكتوم عاقد حياته: بنت الريال ما ترضى تطلع ويا غيره
ظبية دقت ع الطاوله: لو غيره هب بايعنها هي ما باعتها
مكتوم بحرجه: ليشششش
ظبية بنفس العصبيه : الحين صرت تغااااار الحين حسيت انته يبتنيه هنيه
مكتوم هدا شوي: ندمانه؟
ظبية رجعت لثقتها: لا
مكتوم رص ع ضروسه: بس ابا افهم ليش
ظبية: اذ عرفت ليش ما تطلع الا وانت مالج عليه
مكتوم بسخريه: اخسي والله ما عاش النسب
ظبية ابتسمت: ههه لا تخاف ما عندي نيه فالمكايد
مكتوم: تعتبرين الزواج مكيده
ظبية: لا . اعتبر زواج اثنين يمعهم العيب ما ييتمعون الا ع العيب ما تدخل الراس ولفتهم بالحلال
مكتوم: دامج تعرفين كل ها شعنه انتي هنيه
ظبية: قلت لك هالسؤال ما وصلت لمرحله تستحق الاجابه
مكتوم: يعني مصيرج تتمين مجهوله
ظبية: بالعكس انا واضحه وياك للحين ما جذبت بكلمه
مكتوم: قلت اهلج قلتي حدك والحين هالسؤال منعتيه
ظبية: عندك ميه سؤال غيره
مكتوم: فقيره؟!
ظبية: متوسطه
مكتوم: جم واحد ترمسين
ظبية: فوق العشرين
مكتوم: ويا جم واحد تظهرين
ظبية: واحد
مكتوم: بززززز
ظبية: كيفك ما تصدق
مكتوم: قنعينيه
ظبية فرت فونها عليه: جوف
مكتوم ابتسم: شعنه واثقه هالكثر
ظبية: لانك اول واحد
مكتوم: يعني في نيه بغيري
ظبية سندت ظهرها: هههه بعدني افكر لا تحط ببالك اني حلالك ترا كله مصخره
مكتوم رجع الفون: راضيه تمصخرين عمرج
ظبية: انا امصخر حياتي ولا انا عزيزه نفس ولا ما التقيت بك بمكان عام
مكتوم: ليش بايعه حياتج
ظبية: هي باعتنيه قبل
مكتوم: شعنه تجاوبين ع قد السؤال رمسي طلعي اللي بخاطرج
ظبية: اذ طلعته بيكون آخر يوم اجوفك
مكتوم: ليش ما تبين اتقرب منج
ظبية: لان للعب حدود
مكتوم: اللعب بايخ اذ ما لعبناه صح
ظبية: شو تبا تعرف
مكتوم: عندج خوان؟
ظبية: لا
مكتوم: خوات؟
ظبية: لا
مكتوم: ام
ظبية: لا
مكتوم: ابو
ظبية لوت بوزها وصخت
مكتوم رص عيونه: ابوو؟!
ظبية بخاطرها" امانه لا تصغر عيونك جيه" : لا
مكتوم: ويا منو ساكنه
ظبية: بروحي
مكتوم: باجي اهلج
ظبية: ما اعرف حد منهم
مكتوم: امج وابوج متوفين؟!
ظبية: اميه هيه ابوي شبه ميت
مكتوم: غيبوبه؟!
ظبية: شلل كلي
مكتوم: الله يصبره
ظبية: في أي سوال ثاني
مكتوم: الثقه من وين
ظبية: قلت لك الظروف
مكتوم: شهالظروف
ظبية: دوري اسأل
مكتوم عرف انها تغير السالفه: اوكيه
ظبية: ابوك
مكتوم: مسافر من اربع سنين
ظبية عرفت انه من الحادثه
<ظبية تاكدت ان مكتوم من اهل همايل وهي تعرف بسالفه همايل لكن مكتوم ما يعرف انها ربيعه همايل هي عرفته من اول مره بالمستشفى
ظبية: امك
مكتوم: اسمها عايشه طيبه وايد اطيب من ابوي
ظبية: ابوك شرير
مكتوم: من يوم مات عمي
ظبية: أي عم
مكتوم: سعيد
ظبية عرفت انه ابو سيف : خوانك؟!
مكتوم: صقر متوفي بحادث سياره وخالد يدرس بلندن
ظبية: خواتك؟!
مكتوم: ما عندي غير وحده المفروض عمرها 12 سنه لكنها ما تكبر
ظبية باسى: معاقه
مكتوم هز راسه بهيه
ظبية: شو اسمها
مكتوم: شوق
ظبية: عندك لها صوره
طلع فونه ودور صور لها ومد لها الفون
ظبية ببراءه: ي قلــــــبي محلاااااااهااااا
مكتوم: يقولون تشبهنيه
ظبية: ههههه ترفع معنويات نفسك
راح بيشل الفون ويت ايده ع ايدها
سحبت ايدها بسرعه: عايلتك عوده؟
مكتوم: هيه
ظبية: متيمعين ولا متفرقين
مكتوم: حد وحد
ظبية: بس خلصن اسئلتي
مكتوم: تصدقين احس انيه جايفنج من قبل
ظبية تصرطت: صدق!
مكتوم يحك لحيته: ما ادري ولله
ظبية " مستحيل يذكر ذاج قبل سنتين": ما اعتقد
مكتوم: المهم هب يوعانه
ظبية: شوي
..
فتحت عيونها وهي تحس بالم فظهرها
البشكاره بنعومه: هميل هميل قوم
همايل تفرك عيونها: هممم
البشكاره: قوم الحين ماما مزنه يعصب
همايل فتحت عيونها: الساعه جم
البشكاره: تسعا
همايل نقزت: شووو
البشكاره: ايوا
همايل: شو اسوي
البشكاره: بوكرا في ضيوف واجد هي يريد كل شي ترتيب لازم يفتح غرف يسوي تنظيف
همايل: بيباتون
البشكاره: ايوا
همايل: صح تذكرت اكيد عموه حصه يايه "ابتسمت" اشتقت لها
البشكاره: هي يحب انتي
همايل امتحت ابتسامتها: جانت وااااااايد جنت شرات بنتها
نزلت دمعه وهي تحيد ذيج الايام: جنت انا المدلعه عندها تحبنيه زود عن شواخ وسلامه ويعصبون عقب يرجعون لنا انا وحمده ومنذر جان شرات اخوي اكثر واحد يحبنيه
جبست: عدا سيف
البشكاره: سيف هزا بوي هو كل < سيف الولد اللي انجتل
همايل صاحت: هيه
البشكاره تلومت وحضنت همايل: واي يو كراي
همايل: ام ذا ون هو كل هيم < انا اللي جتلته
البشكارة ابتعدت بسرعه عنها: وووووت!!
همايل هزت راسها وهي تصيح: ذاتس واي ذي آل هت مي / ها سبب كرههم ليه
البشكارة تغيرت نظرتها ميه ثمانين درجه وبكره: قوم سوي شغل
همايل غطت ع حلجها ورصت عيونها وهي تصيح: آآآآآآآآه
مرشان من صاله القسم بصوت عالي: حوووووه هب بيت ابوج تصيحين جيه انجبي لا ايي ارشج بكف
همايل غطت ع حلجها تحاول تسكت
مرشان بنفس الصوت العالي: وحده فالعشرين وتصيح شرات اليهال الحمدلله والشكر انا تحريت الجاتلين ما يصيحون جيه
همايل طنشته نشت وغسلت ويهها وظهرت
سمعته يقول: لا عقل ولا شكل ولا اخلاق الله يعين
همايل بهمس: مخليه الاخلاق لك
مرشان بصوت عالي: نعم ما سمعت
همايل وهي فاللفت: سلامتك
وقبل ما تطلع سمعته يزعج ع البشكاره شعنه تحدر قسمهم
نزلت وجابلتها مزنه فالطابق الاول يالسه فالصاله وقابضه فونها
مزنه بدون ما تطالعها: اوول شي فازعي الطباخه ع العشاء عقب في ثلاث غرف تنظفينهن زين ما زين وتبخرينهن ابي اجوفهن يلقن فاهمه
همايل مشت
مزنه رفعت راسها : ايه انتي يوم ارمسج تردي
همايل: ان شاء الله
مزنه رافعه خشمها: تقولين حاضر عمتي
همايل عضت شفايفها وغمضت عيونها وهي تمشي: حاضر عمتي
حدرت المطبخ جافتها الطباخه وعطتها نظره استحقار
< طباخه تنزانيه موجوده من قبل ما ينجتل سيف فتعرف السالفه وتكره همايل >
همايل: شو اسوي
اشرت لها ع الخضراء: قطعي
بدت تشتغل وياها
خصلت وتوجهت للمستودع خذت ادوات التنظيف ورقت الطابق الثاني تدعي انها ما تجابل دانه حدرت اول غرفه وبدت تنظف
..
ظبية ومكتوم يلسوا لصلاه المغرب
ع الساعه ثمان ع البحر
ظبية: ههههه بس لا ترش
مكتوم: انتي بديتي
ظبية: احم ياله خلاص برجع البيت
مكتوم: بعدها الساعه ثمان
ظبية: والله تعبت من الساعه ست ونحن نتمشى
مكتوم: شسوي سوالفج حلوه انا ما مليت
ظبية نفخت صدرها : ادري
مكتوم: رجاء عدم تسوي هالحركات
ظبية: هههههههههههههههههههه فديت العربي
مكتوم: عيبتج
ظبية: ههههههههه هيه ههههه
مكتوم: اعيدها
ظبية اصطلبت: لا خلاص
مكتوم: اوصلج
ظبية: سيارتي هنيه
مكتوم: افاااا ما قلتيليه تسوقين
ظبية بثقه: شعنه لا يكون عيب
مكتوم: لا حشا م قصدي جيه بس يعني
ظبية: ههههههههه خلاص بلاك جيه جلب لونك
مكتوم يحك رقبته: انا جيه
ظبية بابتسامه: وتعيبنيه جيه
مكتوم: يعني اعتبرج من معجباتيه .غمز
ظبية: تو تو انا ما انحط ويا باجي البنات لازم تعتبرنيه في آي بي
مكتوم: اونهه
ظبية: هيه الشو عيل
مكتوم: ياله مناك عطيناج ويه
ظبية: هههههههه خلاص اوكيه حطني وين تبا
مكتوم: وانتي وين حطيتينيه
ظبية: فالريه < الرئه
مكتوم: ههههههههههههههههههههههههههههههههههههههههههههههههه يديده هاي
ظبية: ترا بعدك ما وصلت القلب
مكتوم: ههههههههههههههههههههههههههه والله حاله ههههههههههههههه
ظبية: بس جب ما يضحك هالكثر
مكتوم: يعني انا دخلت من فوق
ظبية: هيه اول شي بلعتك ما هم يقولون جيه عاد الحين صرت فالريه
مكتوم بهمس تقرب منها: ومتى بصير فالقلب
ظبية بنفس الهمس: مواحين
مكتوم: انا مستعيل
ظبية: شو بتفرق من الريه للقلب ترا كله واحد بس هالرومنسيين ما عندهم سالفه
مكتوم: هههههههههههههه والله هبله هههههههههههههه
ظبية: ما صدق
مكتوم: ههههههههه صدق بس انا ابا القلب
ظبية: ابوي ما دخل القلب انته بتدخله
مكتوم عقد حياته: انتي شريره
ظبية رفعت حايب : انتبه
مكتوم خشمه شوي ويلصق بخشمها: قويه
ظبية ابتسمت: اعجبك
مكتوم: تذبحينيه
لصق خشمه وتبعدت عنه: حذرتك انتبه
مكتوم: شعنه انا شو سويت
ظبية: عن تفكر بس
مكتوم عصب: لا تخافين ما كفرت >اونهه ما كفر!
ظبية: بلاك عصبت
مكتوم مشى باتجاه البراكن: ما عصبت
ظبية: خيبه استعيلت ترجعنيه اجوفك
مكتوم: اللي ما يبانا ما نباه
ظبية: الحين شو اللي عصبك هالكثر
مكتوم وقف ولف جداها: انتي
ظبية رفعت جتوفها: شسويت
مكتوم تجدم لها: حسستينيه رح اكلج مثلا
ظبية: مكتوم انا ما احب هالحركات
مكتوم: وانا ما احب الحدود
ظبية: لا تنرفزنيه
مكتوم: ولا تطلعينيه عن طوري ياله روحي
ظبية علت صوتها: الحين بلاك يالنفسيه
مكتوم يرص ع ضروسه: لا تزاعجين
ظبية تجتفت: ما زاعجت
مكتوم تجدم: بلاج جيه جلبتي
ظبية ارتبكت من قربه: انته اللي عصبت قبل
مكتوم: من شو خايفه
رفعت راسها بشموخ: تعرفنيه ما اخاف من شي
مكتوم لصق خشمه بخشمها: تخافين
ظبية عاقده حياتها: ما اخاف
مكتوم ابتعد عنها وهو يحك يبهته
ظبية: جفت انته اللي خزت
مكتوم ينافخ: ياله نرجع
مشى ومشت حذاله: شو صار
مكتوم عض ع شفايفه وهو عاقد حياته
ظبية عصبت: مكتووووم
مكتوم متنرفز: نعم
ظبية سحبت ايده ولفته جداها: بلاك
مكتوم صغر عيونه : انا اللي اخاف .. ارتحتي الحين
ظبية: من شو
مكتوم: منج
ظبية: شعنه
مكتوم دز ايدها: خااااف منج لانج تخلينيه اتهور
ظبية بنبره هاديه: تخاف تحبنيه
مكتوم: اخاف اأذيج
ظبية بهدوء : ياله نروح
وصلون البراكن
مكتوم: وين موترج
ظبية اشرت: ذيج
مشوا باتجهاها ركبت وهو واقف ع الباب
مكتوم: في غيرها
ظبية: هالمره عندك
مكتوم ابتسم: شقايل اسلم عليج
ظبية: هههههههههه خبل
مكتوم: يعني عسب اعرف شو المسموح
ظبية صكرت الباب: سلاااام
مكتوم رفع حياته: بس جيه
ظبية تلوح بايدها وهي تريوس: عن الطمع
مكتوم: ههههههه باي
مشت
وحط ايديه ع يبهته" شقايل جيه تعودت عليها .. ما توقعت اتاقلم بهالسرعه .. هب معقوله هالبنت
ركب موتره ومشى
..
خلصت تنظيف الغرف ونزلت شلت المبخر ورقت
بخرت وهي تبا تنزل باللفت جابلتها دانه
دانه: بخري حيرتيه
همايل: ان شاء الله
حدرت حيرتها وبخرت ودانه واقفه ع الباب مقهوره
دانه: حوه انتي
همايل: ها
دانه: قولي نعم هب هاا
همايل بصبر: نعم
دانه: شلي ملابسيه تحت
همايل لفت لها: هاي شغله باتي هب انا
دانه تجدمت لها بحقد: اللي اقوله تسوينه بدون مراد فاهمه
همايل عضت شفايفها
دانه حركت الشيله بقو وهي تمر حذال خمايل بحيث انتكس المبخر
طاحت يمره ع ريل خمايل وزعجت: آآآآآآآآآآآآآه
دانه طنشتها وانسدحت ع شبريتها
همايل لمعه الدمعه بعيونها وهي تحاول تشل اليمره
رجعتها بطرف صبعها للمبخر وظهرت من الحيره والدمعه ع خدها
حدرت اللفت وحطت المبخر تحت تجوف الحرق
فتح اللفت ومرشان واقف جاف دمعتها نزل عيونه وجاف ريلها محترقه
شلت المبخر وظهرت من اللفت
ما حدر للفت راح لامه دق الباب
مزنه: منو
مرشان فتح الباب: انا
مزنه: حدر حبيبي حدر
مرشان: اميه شعنه تامرينها الحين تعرفين مابا اجوفها امروها يوم ما اكون هنيه
مزنه: شسوي باجر بيون قم عمتك حصه عاد خليتها تنظف الحير
مرشلن: البزيا وين
مزنه: احيدها بحيرتها .. نحط العشا الحين ولا هب يوعان
مرشان: بسبح قبل
طلع وراح لطابق الثاني
حدر حيره دانه: حوه البزيا
طلعت من الحمام: شعندك
مرشان: انتي حرقتيها
دانه تضحك: لا يكون يت تشكيلك
مرشان ابتسم: لا بس دخيلج كثري من هالحركات ابا تكره عمرها
دانه: افاااا ولا يهمك بوقف لها وقفه
مرشان: هيه عاد باجر شويخ وسلامه هنيه لا تقصرن
دانه: فالك طيب
مرشان: فالج ما يخيب
ظهر وراح لطابقه
..
خلصت شغل ولقت عشاها ع ينب تعشت فالمطبخ
تعشت تحس بيووووع فظيع كلت من خاطر ورقت حيرتها ركض ما تبا تجابل حد
حدرت الطابق
مرشان: بلاج عن منوه شارده
صخت ومشت باتجهاه حيرتها
مسك ايدها بقوه: ما تطنشين يوم ارمسج
خمايل ما رفعت راسها: شقول
مرشان مسك فجها ورفع ويهها بقوه: اي شي بس ما تصخين
خمايل لمعه الدمعه بعينها: حاضر
مرشان تم للحظه يجوف عيونها خضر ويلمعن وما فيها رموش موليه رهيبات
حست بالذل وهي تجوف عيونه الجحيله الوساع ورموشه غلاظ وطوال احلا عن رموشها بمليون مره عيونه ذباحهه
سرح بعيونها يقرا الحزن اللي بداخلهن وهي تجوف الحقد والكره بعيونه
شد عليها اكثر وهو يصغر عيونه
حس بالونه اللي ظهرت منها من كثر ما سدك
ودرها وطلع
فركت فجها عورها من خاطر: حيوان جلب ما يحس
حدرت حيرتها وسبحت ونامت سرعه من التعب
..تعليق
-
رد: روايه: ابرياء العشق ملطخون بالدماء .للكاتبه/بنت الأياآويد
تعشا وظهر من البيت
يحس ماله خلق لشي مول
اتصل بذياب
ذياب: هلا والله ببو ذياب مرحبا ملايين فذمتيه ما يسدن وان سدن خلاص ههههه
مرشان: يسدن يسدن ههههههه ع كيفك انته شليت اسم ولدي
ذياب: هيه عيل شو . شخبارك الغالي
مرشان: الحمدلله طيب علومك انته
ذياب: طيب طاب حالك
مرشان صخ
ذياب: كيف الاوضاع عندكم
مرشاان: زفت فزفت طلع يدي فالبيروت هب هنيه حتى
ذياب: ع شو ناوي
مرشان: اذبحها
ذياب: مينون انته
مرشان: شسوي بعد
ذياب: صدق صدق ع شو رسيت
مرشان: ما رسيت لا بر ولا بحر حالتيه صعبه
ذياب: والله لو بيديه شي جان سويته شكلنا غلطنا بالشرده
مرشان: ادريبك سنافي ما تقصر لكن الحايه بنت حرام
ذياب: يالله الله يعين
مرشان: انته متى تخلص لو انك كل يوم براي
ذياب: والله هب بشوري تعرف الوالد بعد لو بأيده حطاني الشيخ
مرشان: ههههههههههه تخسي انته تتشيخ علينا
ذياب: بس جب جب الله يحفظ شيوخنا
مرشان: آمين
ذياب: انزين علوم حرمتك
مرشان: ولا جنه فيها شي عال العال ع قولتهم عااااادي عندها
ذياب: صدق!
مرشان: له صيحتها شوي بس شكلها عنيده
ذياب: شعنه شو ناوي تسوى
مرشان: والله ما اعرف الحين مرحله الكرف الله يعلم بالمستقبل
ذياب: هب زين منكم
مرشان: جب جب لا ارشك بكف لين لندن مالك
ذياب: هههههههه متى صارت مالتيه
مرشان: افف ما وقت ضرافتك
ذياب: وانته دوم جيه اخلاقك زفت
مرشان: مزااااااااااااج
ذياب: بس بس فهمنا ما الومك بعد
مرشان: من رجعت هنيه وانا ادعي احدر بيتهم يقولوليه ماتت لكن لقيتها تتضحوك الجلبه
ذياب: خيبه حشااااا اسمنك حقود
مرشان: انته حمار ما تفهم ياله بصكر
ذياب: تعال وين
مرشان: ما عندي رصيد
ذياب: هههههههههه سير ي الشليخ <شليخ:جذاب
مرشان: هههههههه باي
..
مكتوم ع الساعه 12 اتصل ع ظبية
جانت يالسه تاكل ابوها
مشت حلجه بكلينكسه ونظرات ابوها متغيره
جان كل ما يجوفها يبتسم والحين في رمسه بعيونه
تجاهلت كل نظراته وباست راسه وظهرت
طلعت للمطبخ
سوت لها توست ونوتيلا
وصبت لها جاهي ويلس ع طاولة المطبخ
ابتسمت وهي تذكر مكتوم
حطت ايدها ع خدها: ي ربيه ي الرزانه
رن الفون بمخباها
طلعته: والله انك ولد حلال
مكتوم رايق: مساء الخير
ردت بهدوء ونعومه: مساء النور
مكتوم: اخبارج
ظبية: ههههههه تستهبل
مكتوم : اشتقت لج
ظبية: ها ها لعب اليهال ما احبه
مكتوم عقد حياته: الحين لاني قلت اشتقتلج صرت ياهل
ظبية: مكتوم ي قلبي انته حركات اليهال والله ما تمشي قسم بالله مكشوفه ادري انك تقولها لميه غيري فشرايك اكون غير وما تقول ليه الا اللي تعنيه
مكتوم حك رقبته: انتي شو
ظبية تستهبل: انثى
مكتوم: الحين منو مسمنج ظبية
ظبية قلبت نفسيتها وحزت بخاطرها: اميه
مكتوم: الله يرحمها . شعنه مسمتنج ظبية
ظبية: لان عيونيه حلوات من يوم صغيره
مكتوم: اوووووووووب ي الثقه
ظبية: هه شو عبالك ما اتمصخر انا
مكتوم: ادري الغلا ادري
ظبية: هههههه بالله عليك ما حلوه الثقه
مكتوم بصدق: والله حلووووه تذبححح
ظبية: ها
مكتوم: قسم بالله عنيتها ما اجذب
ظبيه: هيه كفو خلك جيه
مكتوم: لعيونج
ظبية: ههههههه بلاهن عيونيه
مكتوم بصوت يعذب : تذبح
ظبية: ههههههههههههههههه وانته كله عندك يذبح
مكتوم: شسوي الملغات اللي عندي تعيبهن هالكلمه
ظبية: ههههههههههههههههههههههههههههههههههههههههههههه
مكتوم: ي ويل حالي
ظبية: بلاك هههههههههههه
مكتوم: حتى بضحكتج ما تتصنعين
ظبية: قصدك دفشه ههههههههههههههه
مكتوم: لا .. اقصد طبيعيه
ظبية تاكل ولا هامها:همم
مكتوم: شو همم شتسوين انتي
ظبية: اتعشى
مكتوم: شتاكلين
ظبية: نوتيلا اممممم
مكتوم: ههههههههههه والله طبيعيه والله
ظبية تدلع: منو قال اصلا انا رقيقه
مكتوم: جب بس جب خلج شرات توج ابرك
ظبية ساحبه وتاكل
مكتوم: اففف بسج عاد
ظبية: ليش تخاف امتن
مكتوم: ههههه ما يهمني
ظبية: جذاب
مكتوم باين انه يسلك: ههههههه
ظبية: ما مليت من التسليك كل شوي /تقلده: ههههه
مكتوم هالمره ضحك صدق: هههههههههههههههههههههههه جب جب
ظبية تتثاوب
مكتوم: باله عليج جم عمرج
ظبية: قلت لك 21
مكتوم: ما مصدق
" وهاي سوالفهم
تبون تعرفون شو صار بينهم فهالسنتين
مكتوم من النوع اللي ما يحب الروتين من عادته ان حده يرمس البنت ثلاث شهور عقب بحححح ما يسوي لحد سالفه شخصيته قويه وثجيله والبنات ميتات عليه
ظبية (صارت) انسانه لا مباليه ما يهمها شي ما تحاتي أي شي شخصيتها واثقه وعفويه ما تحب تتباهى وتتصنع قويه وواثقه ع طبيعتها جذابه بخبالها
" واللي صار ان مكتوم تعلق بظبية وايد وصار هو اللي يلحجها وهي مطنشه
مكتوم هب انه يحبها لكنه يحس بانجذاب لها ما قادر يودرها شرات الباجيات فيها شي يسليه ويجذبه اسلوبها الفريد وعفويتها وخبالها وذكائها بعد
ظبية ما تحس باي شي اتجاه مكتوم مجرد انه تسليه من النوع الراقي غير عن عيال الفقر هذا هامور وقانع وجايف ما يهمها لكن مكمله متعه لا اكثر
..
رمسها لساعه ثلاث الفير وهي بتموت من الرقاد كل ما تغط وعاها
..
ع اذان الفير
فتحت عيونها قبل الصلاه تمت تقرا قرآن لحد الاذان
توضت وصلت وظهرت الصاله ببيجامتها
ظهرت: اوهو نسيت طلباته اففف اونهه ممنوع اللبس كيفه هو كيفه
راحت بتبدل بعدين تعايزت ونزلت ع الطابق الاول
خذت بروش>مجنسه يدويه .. ومخمه< اللي يلايمون فيها الوصخ
وممسحه< اللي يبلونها ماي ومعطر وينظفون فيها الارضيه
بدت تنظف فقسمهم
رافعه شعرها فوق بفيونكه ونازله خصل منه
لابسه بيجمه يهال البطلون وسيع لكن وااااايد قصير والتيشيرت بدون ايدين وردي وعليه ميني ماوس ربيعه ميكي ماوس خخخ
< تعودت ع هالنوع من اللبسات بسبه التوحد اللي عاشته اربع سنين ماخذه راحتها لا تجوف حد ولحد يجوفها ما غير ايزا مجابلتنها اربع وعشرين ساعه وظبية مرات
حدر مرشان ياي من المسيد جاف ضوء من البكونه
راح يجوف منو فاتح الستاير جافها مندمجه تمسح والسماعات باذنها
وهي تغني اغنيه تركيه للمغنيه ايريم
اغنيه رقيقه تناسب جوها
انتبهت له ومطت السماعات وعضت ع شفايفها متفشله البنطلون واااايد قصير
مرشان واقف بنظرات استحقار وما ينكر الانبهار اللي داخله
مرشان متجتف: شو ها لابسه
جبست تمط البنطلون عل وعسى يغطي الركبه ع الاقل لكن م ينفع
مرشان: لا تستهبلين شو قصدج من هالحركات
رفعت راسها مستغربه من طريقه تفكيره
مرشان عاقد حياتها: ايه انتي لا تجربي هالحركات عليه ترا ما تنفع مول خلج بعيده عنيه وجان جفتج مره ثانيه بهالمنظر والله تجوفين شي ما يعيبج
جبست وغمضت عيونها وعضت شفايفها
تجدم بعنف ورفع فجها بقووو وهو محرج: جم مره اقولج ما تسوين هالحركه
فتحت عيونها المدمعه
مرشان بقسوه وحده: تافهه ورخصيه ما تفهمين انتي هالحركات ما تمشي عليه
غصت عبرتها لكن الدمعه نزلت ع ايده
دزها بقوه وهو يمشي ايده بكندورته: ياااااااااااهل انتي ما عندج غير الصياح
همايل شهقت بدايه صياح > ما تعرف تصيح الا شرات اليهال بصوت عالي
مرشان: جججججججججججججججبببببببب
همايل زاغت منه ويلست ع الكرسي من القش وتكورت ع عمرها
مرشان يزاعج: قوووووووومي بدلي هالمصخره
همايل ما رايمه توقف من الزيغه شكله صدق يروع
مرشان وقفها بقو من ايدها: ماااااااااا تفهمين حماار انتي اقوووووووولج قومي بدلي
همايل وصلت حدها وصاحت
مرشان يشد ع شعره: اوووووووووووووف ي ربي بشو بليت عمري
زعج عليها بقو: يااااااااااااهل انتي
همايل عطته نظره طفوليه حاقده ومشت حيرتها تكمل صياح
مرشان يتافف: اكرهج
يلس ع غنفه وحط الايباد جدامة ع موقع الوكاله
صوت صياحها ينسمع من عنده مع انه ينعرف انها مغطيه حلجها
عض ع شفايفه مقهور يبا يذبحها
ما قدر يصبر وهو يسمع صياحها
فتح باب حيرتها بقو والتفتت له عقب ما جانت دافنه ويهها بالبطانيه
تكورت ع عمرها وهي تطالعه زايغه
مرشان: ما بسج صياح
همايل عضت ع شفايفها وهي تطالعه جنها ياهل حاقد
مرشان زعج: لا تطالعينيه جيه
جبست وصخت
مرشان: قومي بدلي هالمصخره
همايل قامت
مرشان: جفتي لبسات باتي بتلبسين شراتها جان شفت هالمصخره عليج
همايل حطت عيونها بعيونه: شو تفرق
مرشان: قلـــــــــــت تصخين يوم ارمس فاهمه
همايل عقدت حياتها وتطالعه بتحدي
مرشان: لا تطالعينيه جيه ويا هالعيون جنج قطوه
همايل لازالات عاقده حياتها
مرشان: تبين اذبحج
همايل: يكون احسن
مرشان مسك زندها بقو: غبيه انتي ما تفهمين اقولج انــــــــــجبي
همايل الدموع ترد عنها
مرشان جدم ويهه لويهها: ما مليتي من الصياح
همايل عضت شفايفها وغمضت عيونها
مرشان دزها بقو وضربت فاليدار: قلت لج ما تسوين هالحركه
همايل قامت تشاهق بتصيح من خاطر من قوه الضربه
مرشان يزاعج: بس جب جب لا تصيحين
همايل عاضه ع شفايفها عسب ما تصيح
طلع عنها وهو مفووووووووول
قامت وبدلت لبسها ونزلت تحت تبدا تنظيف
..
الساعه عشر الصبح
تلفونها يدق ويدق تغطي راسها بالمخده ويرجع يدق
عصبت وفتحته بدون ما تجوف
ظبية محرجه: نعم خيررررررررر شو تبووووووون
مكتوم: خيبه بلاج
ظبية : يوووه مكتوم عصبت بيه
مكتوم: بلاج
ظبية: ما احب حد يرمسنيه وانا راقده
مكتوم يستهبل: شعنه انتي راقده بعدج
ظبية: ه ه ه ه وايد تضحك
مكتوم: ول المزاج مقفل موليه
ظبية: سوري والله بس طبع خايس ما احب ارمس حد وانا بعدنيه هب مصحصحه
مكتوم: سمحيليه عيل ازعجتج
ظبية: لا لا وين عادي والله بس انا كسوله
مكتوم: هههه تعرفين
ظبية: شسويبك مسهرنيه والحين توعانيه
مكتوم: ابشرج عيل كل يوم جيه
ظبية: هههههه بقفل الفون
مكتوم: بييج لبيتكم
ظبية: صدق
مكتوم: لا طبعا هب صدق
ظبية: شعنه لا . محد عندي ترا بقهويك وبعرفك ع ابويه
مكتوم انصدم: من خاطرج ترمسين عادي ايي بيتكم
ظبية: هيه
مكتوم: شو بتقولين له
ظبية: شو بقول بعد
مكتوم: حبيبي مثلا
ظبية: تعال وجوف
مكتوم: يعني جد جد ترمسين
ظبية: طبعا هب جد اصلا بيتنا هب من مستواك
مكتوم: ظبية الله يهديج شهالرمسه
ظبية: اقول الصدق
مكتوم: من متى انتي تفكرين جيه
ظبية: من امس
مكتوم: شكلها الطلعه اثرت فيج
ظبية: لا اثرت ولا شي بس خلنا نصير واقعيين
مكتوم: فهمينيه شو تغير الحين
ظبية: ما ادري احس جنا صرنا جديين بزياده انا هب مستوعبه انا كملنا سنتين
مكتوم: ما تعودتي عليه
ظبية: بالعكس واااايد وها اللي مخوفنيه
مكتوم: شعنه شو اللي يخوف
ظبية: مكتوم احس ان السالفه بدت تكبر بينا شعنه نضحك ع بعض زيادة عن جيه نحن مستحيل نكون لبعض اخاف
مكتوم قاطعها: تخافين تحبينيه صح
ظبية: هيه
مكتوم: بس انا احبج
ظبية الكلمه سكتتها موليه
مكتوم: ظبية انا حابنج من زمان وامس تاكدت حبيتج لدرجه انيه ما قدرت اتقرب او أاذيج صرت احبج وودي تكونين ليه انا وبس خلاص اللي خفتي منه صار خلينا يميع دخيلج ما اقدر بدونج
ظبية ارتبكت وقلب لونها : مكتوم انـ
مكتوم : بليز لا تقولين فرق وما ادري شو تعرفينيه ما تهمنيه هالاشياء
ظبية: بس ما يصير
مكتوم: شو اللي ما يصير اقتنعي عاد انتي هب قادره تودرينيه شرات ما تسوين ويا الباجين وانا نفس الشي ظبية تحيدين يوم طلعنا البر وانقطعت الشبكه شقايل خفتي خسفتي ذاج اليوم من المسجات والاتصالات شتسمين هالخوف تحيدين شقايل هازبتينيه يوم قلت لج اني هديت بنت خاتم وقلتي هب لهدرجه المصخره جنتي تغارين اقتنعي عاد .. تقصين عليه بس لا تقصين ع عمرج ما نقدر نجذب زياده عن جيه انا احبج صار دورج تفكرين زين انا شو بالنسبه لج
ظبية: مكتوم افهمنيه انا ما وصلت لدرجه الحب
مكتوم: اوكيه ما طلبت منج شي بس دخيلج لا تقولين الحين خلاص
ظبية: قلت لك نحن مستحيل نكون لبعض فليش نطلولها وهي قصيره
مكتوم: شعنه مستحيل
ظبية: مكتوم تتوقع اهلك يوافقون عليه او صبر صبر انته فكرت بالعرس اصلا طبعا لا لان اثنيناتنا حدنا هنيه ما نروم ع اكثر وقاعدين نعذب بعض جيه
مكتوم: واللي يقولج انيه اباج ع سنه الله ورسوله
ظبية وقف الدم بعروقها: بس بس انـ انا مابا اعرس
مكتوم: ليش شو ناقصنج
ظبية: وايد
مكتوم: ظبية انا راضي فيج بكل ما فيج وانا عارف ان ها اللي تسوينه كله غلاف وانج هب جيه موليه هالسنتين خلنيه اعرف ظبية اللي داخلج وقاعده تزيفينها
ظبية: انته ما تعرف عنيه شي موليه
مكتوم: ما يحتاي اعرف زياده اللي اعرفه يسد عسب ارضى فيج حرمتيه
ظبية: مكتوم اهلك لو سألوا عنيه صدقنيه رح تندم ع هالتسرع
مكتوم: انتي شو ضامه عنيه
ظبية: ما اقدر صدقنيه ما اقدر آسفه
مكتوم: دخيلج قولي
ظبية: الموضوع زاد عن حده
مكتوم بدا يعصب: تعرفي انج اول بنت انزل عمريه لها ظبية عشان خاطر السنتين وغلاتي عندج لا تنهين اللي بينا جيه
ظبية: ما بينا شي
مكتوم: بس ابي افهم شو اللي مخوفنج
ظبية: ما اخاف لكن مابي اخيب ظنك فينيه
مكتوم: قولي
ظبية: لا .. لهنيه وبس
مكتوم: لا تسوين جيه خلينا نتفاهم
ظبية: الموضوع ما فيه تفاهم صدقنيه انك لو عرفت زياده رح تندم وتدعى عليه
مكتوم عصب : لــــــــــــــــيش رمسي قولي شهالسالفه العوده اللي هب قادره تقولينها
ظبية طاحت دمعتها: ما ليه حق ادخلك بمشاكليه
مكتوم: انا مستعد اسمعج واكون وياج
ظبية دموعها اربع اربع: آسفه
مكتوم: ظبية دخيلج لا
ظبية: فمان الله
صكرت الفون قبل مآ يأثر عليها
ظبية حذفت كل الشباب من سنه تقريبا ورافضه تعترف بمشاعرها خايفة يعرف حقيقتها وتجرحه خيفانه عليه وهب قادره تعترف بحبها تحاول تتجاهل وتسوي نفسها هب مهتمه لكنها منهاره من داخل ماضيها يدمر كل شي حلو بحياتها
..
خلصت شغل ويلست ع كرسي المطبخ تعبانه
حدرت باتي
همايل عرفت ان باتي كرهتها عقب ما عرفت انها هي اللي جتلت سيف: باتي
باتي بدون بارض: نعم
همايل: ذاج الفون مال منو
باتي: افري ون < الكل
همايل: كان آي يوز ات < اقدر استخدمه
باتي: نعم
ظهرت باتي متضايجه صايره تكره همايل
راحت ع طول للفون وبدت تكتب الرقم اللي حافظتنه
دقت ودقت ودقت ومحد يرد
واخيرا ردت بصوت صايح: منو
همايل عرفت انها هب طبيعيه: ظبية حبيبتي انا خمايل بلاج
ظبية فرحت انها همايل: ي قلــــــــــبي اشتقت لج والله
همايل: وانا زود والله بلاج ي الغلا شعنه صوتج جيه
ظبية منفجره صياح: تعبت ي خمايل والله تعبت
همايل: ي قلبي عليج لا تصيحين دخيلج فهمينيه شو صار
ظبية تصيح: حبيته ي خمايل وهب قادره اقوله
همايل: يحبج؟
ظبية: هيه
همايل: شعنه ما تقوليله عيل
ظبية: ما قدرت والله اخاف اخسره ابيه والله احبه
همايل: خلاص حبيبتي لا تصيحين
ظبية: دخيلج قوليليه شسوي ودرته بس والله احبه
همايل: ما ادري شقولج ي ظبية انـ
زعج من وراها ومط الفون: صكري
صكر عنها الفون: شعنه ترمسين هالخايسه
همايل بهدوء: لو سمحت لا تقول عن ربيعتيه جيه
مرشان: تاكلي تبن انتي وياها يويلج اجوفج قابضه فون فااااااااهمه
همايل غصت العبره فيها وجبست
مرشان قبضها بقو: ما سمعت
همايل رفعت راسها وعيونها مدمعه: حاضر
ودرها وطلع
طلع وهو يتحرطم: قال يحبج منو هالحمار اللي يحب هالخايسه الله ياخذها ام لسانين والله ازخها عيل ما عليه برويج ي هانم ظبية تعطينيه كف ما عليه
شهاب: اعوذ بالله بلاك ترمس عمرك
مرشان: شعندك انته
شهاب: شحقه هب مداوم
مرشان: ما يخصك
يلس ع الغنفه ويت امه
مزنه: السلام عليكم ورحمه الله وبركاته
مرشان وشهاب ودانه من وراها: وعليكم السلام
مزنه: انتي هنيه
دانه تبوس امها: يب
مرشان: ي ميه هالبنت مدرسينها فمدرسه حكوميه وارفعه خشتها لو دارسه شراتي فواشنطن
دانه: ها ها ها
شهاب: جان خشمها داق السما
شهاب ومرشان: ههههههههههههههههههه
دانه: جب جب
مزنه: بس عاد انته وياه اروم الحينه اطرشها لندن جان تبا
دانه: ويووووووووو
مرشان: هيه تطرشينها من زين نسبتها هي خخخخخ
شهاب: واسطات ي بوك
مرشان وشهاب: ههههههههههه
دانه: جب عاد جنت اروم اييب نسبه لكن بروحي ما احب الدراسه
..تعليق
-
رد: روايه: ابرياء العشق ملطخون بالدماء .للكاتبه/بنت الأياآويد
جانت تبا تطلع لكن ما ودها تمر حذالهم سمعت رمستهم
وابتسمت وهي تتذكر
" يركضون ويضحكون
سيف: أووووووووووووووووول
دانه: ثااااااااااااااني
همايل يلست ع الارض: اوووه تعبت الباص يوقف بعيد
دانه: محد قالج تصيرين دبه
سيف رجع عند همايل ومد ايده لها: ايه لا تغلطين ع حبيبتي
دانه: اووهو نسينا محامي الدفاع
همايل: جب عاد
سيف: همول تحيدين دانوه صف اول يوم تصيح كل يوم
همايل: ههههههه هيه ما تبا المدرسه
دانه بوزمت: ما يضحك اصلا المدرسه هب حلوه
سيف: ما ادري شقايل وصلتي صف 5
همايل: يووه ذكرتنيه السنه اليايه ما بندرس يميع
سيف مسك ايدين همايل: بشتاق للركض كل يوم من الباص للبيت
همايل: وانا بعد
دانه: بس عيب صرنا كبار
سيف: نحن كبار همايل صغيرونه يعني عادي
همايل: صح
دانه: ي الغبيه سيف كله يضحك عليج لانج صغيره
سيف ياشر حق دانه بجتلج: لا حبيبتي تعرفين ما اسويها
همايل دزته: خوز ما باك
سيف: حبيبتي لا تصدقينها تجذب اصلا ما بينا غير سنه وجم شهر
دانه: اهااا ارمس يعني
سيف يركض ورا دانه: جب ي حيوااااانه
"
همست والدمعه ع خدها: من يوم يومك ي سيف وانته قاص عليه
باتي من وراها: هيه انتي ما عيب يسمع كلام ناس
مسحت دمعتها وعضت شفايفها وطلعت
صخوا يوم جافوها وقلبت ويوههم
مشت للفت بهدوء من صكر باب اللفت نزلت دموعها
وصلت طابقهم حدرت حيرتها فرت الشيله وبطلت شعرها غسلت ويهها
طلعت للبلكونه وجافت سياير بيت عمتها واصلين
خنقتها العبره وهي تتذكر عمتها حصه
اطيب انسانه فالعايله كلها
هي اصغر وحده فعيال الوليد عمرها بدايه الثلاثين متزوجه وهي صغيره شوي
سلامه 25سنه البجر دلوووووووووووووووووعه شرات دانه مغروره وتعشق مرشان بشكل فضيع لدرجه انه يوم خطب همايل سوت عزا فالبيت والكل مدلعنها ولما ودر العرس وسافر طارت من الفرحه وحقوده للموت لكن حنونه وايد
اكبر عيالها الاولاد منذر اكبر من همايل بثلاث سنين وعمره 23 حاليا حبوب لكنه رمسته ماصخه شوي ووايد فرررررررررررري مطنش وعايش
حامد 20 سنه انسان اجتماعي وصايع من الآخرررر فاصخ الحيا وما يعرف الاحترام لا امه ولا ابوه بس يخاف يده موديله البنات > هو ولد سلمان الوليد الوحيد لكن امه متوفيه من هو صغير وعايش بيت عمه وابوه توفى جريب
حمده 17 سنه مالها خلق لشي موليه كسوله وعيازه ما تهتم بشي مووووليه وما عندها شخصيه ضعيفه وينضحك عليها بسرعه
..
جافتهم ينزلون وحدرو
جبست ويت عينها ع الحرق عضت شفايفها كل ما تجوفه يذكرها بحدودها ع قولتهم " ما رح اطلع ابد ادريبها سلامه تموت فمرشان من يوم صغار اكيد بتحط حرتها فيني مع انها داريه انيه احب سيف .. آه ي سيف الله يرحمك"
يلست ملانه ومتضايجه من الجلابيه ما متعوده جيه
آخر شي قامت وحدرت حيرتها وقفلت الباب ولبست لبس ويلست تفكر كالعاده
..
مكتوم يالس فدوامه ع المكتب وسرحان مرتبك ومقهور ومعصب
حدر مرشان: صباح الخير الغاوي
مكتوم بدون خلق: صباح النور
مرشان: عجيب ما قلت ليه " يقلده/ شرفت جان ما ييت ..
مكتوم قاطعه معصب: شو تبا الحين
مرشان: افااا بس افااا بلاهن اخلاقك
مكتوم: شعندك ياي هنيه سير مكتبك
مرشان يلس: ياي اتأمل جمالك
مكتوم دور الكرسي وعطاه ظهرك: هب وقت سخافتك
مرشان نش حط يده ع جتف مكتوم وبجديه: بلاك
مكتوم: مرشان خلنيه بروحي
مرشان: افااا حبيبي شو صاير
مكتوم: مرشان خوز عنيه
مرشان: شفيك ما استهبل انا صدق
مكتوم: مابا ارمس حد ممكن
مرشان رجع يلس ع الكرسي: لا هب ممكن وقوليه منو ولد الـ.... الله مضايجنك خل اتوسد به
مكتوم: فجنا
مرشان: يا ريال رمس
مكتوم معصب من خاطر : ياخي انجلع ما تفهم انته
مرشان وقف تنرفز: اووووه سير ولاااء هب منك من اللي ياي عندك
صكر الباب بقو: نفسيه
مكتوم يدق بريله فالارض محرج
سمع صوت الباب ينفتح دور الكرسي: اوهوووووو مرشـ
جابله عيسى ربيعه المقرب
عيسى: بسم الله بلاك منفس
مكتوم: عيسى يرحم والدينك فجنا انته الثاني
عيسى: بلاها البنت منفسه متى ربت خخخ
مكتوم: جب لا اصنك بكف انته وضرافتك
عيسى: اففاااا شكله معصب من خاطر
مكتوم: شعندك الحين شو تبا
عيسى: قوليه شعنه معصب
مكتوم: ما يخصك
عيسى: ول ي النفسيه
مكتوم: فارج بس
عيسى نش: بطران واحد مالت عليك بس
مكتوم طنشه ولف الكرسي
عيسى بجديه: مكتوم بلاك امس شمحلاك
مكتوم بهدوء: ضايج خلقي حرام ايلس بروحي يعني
عيسى: قوم خل نطلع
مكتوم: هب وقته
عيسى: قوم ي الدلوع قوم
مكتوم حط فونه وقام
..
ظبية حالها اخس والعن كل ما يدق رجعت تصيح
شعور صعب انك تحب واحد ويحبك وهب قادر توصل له
حدرت عند ابوها حطت راسها ع صدره وصاحت
لحد ما نامت من السهر تعبانه
..
فتحت عيونها وجافتها جدامها انصدمت!!
بهدوء: ما بتسلمين
قامت بسرعه وحضنتها وع طول نزلت الدمعه: عموووووووووووه
حصه: ي حبيبه قلبي انتي
همايل تشاهق: احبج والله احبج انـ انا
حصه: هشششش حبيبتي خلاص اعرف ي قلبي اعرف
همايل ببراءه: يعني ما تكرهينيه شراتهم
حصه: لا شعنه اكرهج وانتي ما سويتي ليه شي
همايل: بس انـ
حصه قاطعتها: انتي حبيبتي ودلوعتي وبتمين جيه ما عليج من حد والله فات مات
همايل: وسيف
حصه: سيف الله يرحمه
قامت ويابت لها ماي
لما هدت
همايل فاتحه ايدينها وحاطتنهن جدامها: اجوفه دمه فايدينيه كل يوم ي عموه
حصه تمسح ع ظهرها
همايل: اتعذب كل يوم وانا اجوف مرشان جدامي اضعف لما اجوف سيف فيه
طاحت دمعتها: احبه ي عموه شقايل اكون لأخوه كلكم تعرفون شقد نحب بعض اموت فيه ولا يمكن اكون لغيره هو داخليه
صبعها ع صدها: هنيه ي عمووه هنيه دفنته ما اقدر اعيش بلاه جيف ي قلبي جيف للحين عايش
حصه : انسيه
همايل مدت ايدها وبان حرف الاس عليها مررت صبعها ع الحرف: مينون قلبي اذ نساه
حصه: شو ها!!!
همايل تمرر صبعها وسرحانه
حصه: انتي شقايل تسوين جيه بعمرج
همايل: مره دنيتي بدونه والله مره
حصه: همايل بسج عااااد ها هب حب ها حرامممم سيف مات وارضي بالواقع
همايل باصرار: سيف ما ماااااااااااااااات سيف انجتل وانا جتلته وجتلت قلبي وياه
حصه بصرامه: من اليوم ورايح ما اسمع هالرمسه انتي لمرشان الحينه وما تنسين انه ريلج لازم تحبينه عسب يحبج انسي الماضي خلاص توبي ترا اللي تسوينه حرام ما يرضي الله ولا رسوله حرااااااام ي بنتي
همايل صحت ع كلمات عمتها جيف هانت روحها تجتلها عسب انسان وراح: لكن ها هب أي انسان
حصه: ها سيف وجانج تبين سيف عيشي عشانه دامج صابره للحين ترومين صدقينيه
همايل بيأس: شقايل اروم وانا كل ما غمضت عيونيه ينعاد ذاج اليوم عليه
حصه: بتنسين النسيان نعمه لا تيأسين رح تنسين ان شاء الله
همايل: عموه انا اربع سنين دموع ما يبست وقلبي ما نسا شقايل بنسى الحين انا جتلت روووح ي عموووه
حصه: ليتج بس تخبرينيه اللي صار
همايل تعبانه: شو اقول
حصه: قولي اللي صار
همايل: خذت السجين اللي حذالي وطعنته وانا اجوف ابتسامته جداميه حدر عمي وظلمت عليه البقعه
حصه: وقبلها
همايل رصت ع عيونها: ها كل شي
حصه: شعنه طعنتيه
همايل عضت شفايفها" يمين بالله انيه احس بالسجين تطعنيه كل يوم آآآه ي قلبي شعنه انا سويت جيه شعنه الله ياخذك ي بليس الله ياخذك جان عندي خيارات ثانيه غير ذيج السجين": عموه ساعدينيه ابا انسى
حصه: مرشان
همايل: هه مرشان وهو يزيد اليرح ملح
حصه: صدقينيه محد يقدر ينسيج اياه غير مرشان
همايل: شقايل ي عموه وانا اجوف ويه سيف فيه
حصه: فكري وياي شو اللي ينسيج حد حدر قلبج غير ثاني
همايل: م فهمت
حصه: يعني حطي حد مكان سيف عسب تنسين اللي صار وهالحد رح يكون مرشان
همايل انفجعت: شوووووووووو!!! مرشان محل سيف مستحيل ي عموووه مستحيل
حصه: ماشي مستحيل ما تبين تنسينه ما تبين ربج يغفر لج
همايل: عموه انا جاتله عمد يعني ما ينغفر ليه
حصه: هب بكيفج ها بيد رب العالمين
همايل جبست: شسوي
حصه: حبي مرشان عسب يحبج
همايل: انا اكثر انسانه يكرهها بهالدنيا شو اللي بيخليه يحبنيه
حصه: انتي حبيه قبل عقب بتجوفين
همايل: بحاول
حصه مسحت ع خدها: لا تنسي جمالج بيوقف فصفج نسيهم اللي صار وطلبي الرحمه من ربج الله ما ينسى عباده
همايل: شسوي بالضبط
حصه: انتي ما شاء الله عليج جمال استغليه صح جوفي مرشان شو يحب شو ما يحب وسويه حاتيه واهمتي فيه رويه انج ندمانه ع جتل اخوه رح تنسون مع الايام
همايل: صعبه والله .. اصلا مرشان يكره أي شي اسويه حتى لو هب متعمده
حصه: ما عليج منه صدقينيه بيتأثر
همايل: بحاول
حصه: لا هب تحاولين تسوين ع طول
وقفت ومدت ايدها لهمايل: الحين ياله قومي
همايل قامت : وين
حصه: ابا جوفج عروس فصباحيه العرس ياله تزهبي خل ننزل لهم
همايل: شووووووووووو!!
حصه: الي سمعتيه
همايل: بس انتي تعرفين انهم يكرهونيه
حصه: وانتي شعليج منهم ي حبيبتي بتخسرين عمرج اذ حاولتي ترضينهم
همايل: رح يكرهونيه اكثر اذ جافونيه جيه
حصه: انتي ما عليج منهم اهم شي مرشان ونفسج
همايل: واذ عقن عليه رمسه تعرفينيه ما اتحمل
حصه: لا تخافين بكون موجوده وخلج قويه
همايل صخت
حصه: ياله اجوف روينا جمالج
همايل قبضت ايدها: وين سايره
حصه: ما يستوي انزل وياج لازم يجوفونج بروحج خلج واثقه من عمرج ها يعكس ثقتج بربج وانه رح يسامحج ان شاء الله
همايل حضنتها: شكرا
حصه: ولا يهمج
ظهرت حصه وبدت همايل تتزهب
..
بعد ربع ساعه
سوالف وضحك حوالي 13 شخص
نزلت تتصنع الثقه الكل صخ ع صوت الكعب
عيونهم ع الدري وانقلبت ويوههم يوم جافوها
لابسه اسود عالي وموديل فرنسي شيفون عليه دانتيل كله اسود مخصر من فوق وفيه حزام بكريستال ابيض لا فه شيلتها زين ومبينه ملامحها
الفاونديشن خفيف مع بلشر برونز هادي وروج احمر مخملي
عيون خضراء صارخه مع الماسكرا السوداء والآيلاينر
نزلت بهدوء وهي تتقرب عيونهم شوي ويشهقون
ليش؟!
اولا محد توقع إن عندها الجرأه تنزل
وبعدين ما جان حد يلتفت جداها هب متوقعين ان ذيج البنيه تطلع حرمه جمال فجمال
الشباب عيونهم طالعه من محلها عدا مرشان اللي عصصصصب ع الآخر
حامد: احم احم عمتيه منو هالمزيون
حصه: جب قليل الادب هاي حرمه مرشان
وصلت عندهم: السلام عليكم ورحمه الله وبركاته
الكل صاخ
حصه وحامد: وعليكم السلام ورحمه الله وبركاته
سلامه: اميه هاي شتسوي هنيه
حصه: هاي بنت عمج وحرمه ولد عمج
مرشان قام وراح لها
يهمس معصب: شتسوين
همايل عيونها تلمع: بيلس وياكم
مرشان بنفس الهمس والعصبيه: منو سمح لج
حصه وقفت: مرشان خل البنت اتيي
وصلت عند همايل وقبضت ايدها: تعالي حبيبتي
يلست حذالها
منذر يهمس: اميه هاي بنت السوريه
عليا: هيه
حامد: شخبارج همايل
سلامه محرجه: دانوه شعنه هاي يالسه جيه حقيرررره تقهرنيه
دانه : ولا يهمج الغلا دام عموه حصه تبا تلعب خلينا ندخل اللعبه
سلامه: شواخ
شيخه مشغوله بالاكل: همم
دانه: وعمااا تعالي
شيخه يت: في مؤامره يديده
حامد زعج: عمتيه جوفي تولفن الثلاثي النحيس اكيد وراهن مكايد
شهاب ومنذر وحمده: هههههههههههههههههههههه
شيخه وقفت : ما يضحك
شلت الماي: عموه حصــه تبين مــ
وانجب ع همايل
رفعت راسها عاقده حياتها وجابلتها عيون شيخه بابتسامه سخريه
شيخه تمثل: سوري ما قصدي
حامد: هههههههههههههههههههههههههههههههه جذابههههههههههه
منذر: بدينا حركات صبحا
شيخه رشت باجي الكوب ع حامد: جب
حامد زعج: حووووووووووووووووه ي حيووووانهه صبحاااا جلبه
حدر مكتوم ببرود: السلام عليكم
الكل: وعليكم السلام
ميثه" ام مكتوم: بلاك ولدي
مكتوم بدون نفس: ماشي
يلس ع اقرب مكان جابله
نش مرشان بعذر يحط الفنيان ورجع يلس حذال همايل
مرشان بصوت خفففيف: شعنه نزلتي وتعرفين محد يبيج هنيه
همايل طنشت وهي تلعب بساعتها
مرشان: ماله داعي اعيد السؤال
همايل بعدها صاخه
مرشان مسك ويهها بايده ولفها جداه
يت عيونه بعيونها وهي ترمس بهدوء
مرشان: شعنه
همايل تحرك شفايفها غصب خيفانه من خاااااااااااااطر: عموه قالت
مرشان بنفس الهمس: بس انا ما قلت
همايل عيونها غرقت عضت شفايفها
مرشان عاقد حياته: ما تعرفين انه ممنوع تسوين شي بدون شوري
همايل: بس
مرشان: جب .. حمدي ربج ما سحبتج جدامهم تتحرين عمتيه حصه بتقول شي لو سويت اللي براسي لا ي قلبي عمتيه يومين وتروح وعقبها جوفي اللي يرحمج
همايل خلاص واصله حدها بتصيح
حامد: حووووه ي عرب الله نحن هنيه
مرشان ودرها: نعم شعندك
حامد: يعني أ
مرشان قاطعه ووقف وهو قابض ايد همايل: جب لا تتفلسف
سحبها بقوه لدرجه ان الكلينكس اللي جانت تمش فيه لباسها طاح كله: آآه
حصه: مرشان بلاك
مرشان: رجاء عمتيه هاي حرمتيه وانا حر و لف ع خصرها بايده: لا تحاتين اباها بسالفه
منذر منقهر : فارج انته وياها وفجونا
مرشان: نعم ما سمعت استاذ منذر
منذر باصرار: اقول فارج انته والجاتله اللي وراك
همايل تنطعن بكلمه ورا كلمه
سلامه: الحمدلله حد رمس انا تحريت عايبنكم تنسون ولدكم
حصه: سلامه شهالرمسه
عليا: صدقها خليها ترمس
شيخه: عمتيه لا يكون نسيتي سيف عشاآن هالسوريه التافهه
دانه: شلها دخيلك شلهاااااااا لوعت لنا بجبدنا
مرشان بصوت عالي: جفتي آنسه همايل هب مرحب فيج هنيه تقدرين تفارجين يعني
ودر ايدها: ياله فارجي
حصه: مرشااااااان
مرشان: عمتيه لا تتدخلين
مزنه زعجت ع همايل: انتي شعنه بعدج واقفه ياله فارجي
مكتوم: شالسالفه
شهاب: صخ صخ خل نسمع
همايل طاحت دمعتها
شيخه: اوهوووو علينا بدن دموع التماسيح
سلامه: فاااارجي ي بووووي فااارجي
عليا: حصه خليها تسير محد يبيها هنيه
همايل ما تحملت اكثر مشت بانكسار جدا اللفت
وراحت قسمها
منذر سحب حامد جدا المطبخ
حامد: يوووه شعندك
منذر: شهالحركات البايخه اللي تسويها
حامد: شو سويت انا
منذر: انته خبل انته
حامد: اففف عاد صدق ما عندك سالفه شو تبا الحينه
منذر: حميدوه تعرف شو اقصد شعنه مسوي عمرك شي وترمسها جيه
حامد: شعنه شقايل تبانيه ارمسها حالها حال شويخ اختك
منذر: لا والله لا يكون تبا حد يذكرك انها جاتله
حامد: ما يهمني
منذر: حامد اعرفك صايع لكن هب لهدرجه
حامد: ياله عااااااااد مصختها ترا اونك انته المطوع سمع عاد ترا انا ارمسها هب لنها غاويه ولا عايبتنيه وبعدين ماخذه مرشان البطران شو ابا فيها الحين
منذر: عيل شعنه ترمسها جيه
حامد: شعنه حضرتك شقايل تبانيه ارمسها يعني وانته تعرفنيه ارمس الكل جذا
منذر: بس هي جاتله وجاتله ولد عمك انته ما فيك دم مول
حامد: سمع عاد لا تعلى صوتك عليه وانا ارمسها مثل مابا انا حرررر
منذر: وسيف!!
حامد: اوووهووو علينا سيف انا من يوم يومه وما ادانيه ولا اواطنه شو تفرق يعني
منذر: لا صدق انك .
حامد قاطعه: ما نبا محاضرات دينيه ياله فارج
منذر: انته ما تحس شو
حامد عصب: افففف عااااد شدخلك انته شدددددخلك كيفي ياخي البنت عايبتنيه وسيف انا مااااااااااااا احبه هب اول ولا آخر واحد ينجتل كله ما يهمني فاااااهم
منذر: والله انك نذل ولا راعي سنه
حامد: كلمه وحده زياده وارشك كف ع ويهك اونك مسوي فيها شريف مكه .. هيه انته حط فبالك تر ا مالك شور عليه واللي براسي بسويه لاانته ولا غيرك يردنيه
منذر: وممكن تقوليه شو فبالك حضرتك
حامد: مالك شغل وخلك بعيد عنيه لا تصدق انيه اخوك عسب ياي تتفلسف
منذر: حامد انته شرات اخوي و
حامد طنشه وخطف
" حامد: شخصيته عنيفه وايد فوق انه مغازلجي يحس انه عله ع عيال عمه وانهم ما يحبونه عسب جيه ما يخالطهم موليه ما يحب احد فيهم الا حصه لانها مربيتنه وحاليا علاقته حتى ويا عمته حصه هب اوكيه وكل الكره اللي بقلبه السبب مجهول من سنه والكل ملاحظ لكن يعرفون حامد مافي تفاهم يشل الدنيا ع راسهم لو حد تسأله زياده عن اللازم"تعليق
-
رد: روايه: ابرياء العشق ملطخون بالدماء .للكاتبه/بنت الأياآويد
..
فتحت الدفتر ودموعها ع خدها
" كلمت خمس سنين من جتلت قلبي
واليوم يردون الصآع صآعين
كملت خمس سنين من حرمت عيونيه من النوم شرات الأوادم
واليوم يتمعوا يحطون ع اليرح ملح
ما برا حالي ولا اظن يبرا
متى ينعدم لحساس واصير مثل الملا جاسي
متى يا صآحبي انسآك وتنتهي كل المآسي
بنآم ي قلبي إذ النوم عن كثر التفآكير راحهه
بنام ي يرحي وتطمن بصحى على حسك
..
اندق الباب
همايل بصوت هادي: منو
حصه: انا
همايل: عموه مابي ارمس حد
حصه: حبيبتي فتحي شوي
همايل صخت
حصه وقفت ع الباب ربع سآعه لكن مافي فايده عقب ظهرت
بطلت شعرها ونثرته ع المخده وحطت راسها
ودها تنام نومه ما بعدها نشه
ابد ما فكرت هي مستعده تجابل ربها ولا؟!
كل تفكيرها ترتاح من الويع اللي تحس فيه
اندق الباب لكن هالمره بعنف
همايل زاغت: منو
مرشان بصوته الحاد: اناااا فتحي
قامت وفتحت الباب وهي مجبسه
مرشان سحبها لصاله وجابلها: سمعي بقولج
همايل صاخه خيفانه تحتري الكف اللي بييها
مرشان: هالمره بعديها لكن جربي تسوين شي بدون شوري والله ي الجاتله والله لندمج انتبهي من الحين اقولج لو عمتج حصه ولو يكون اللي يكون ما تتحركين شبر بدون علمي فاااااااااااهمه
هزت راسها بانصياع
مرشان زعج: مااااااااااا اسمعععع
همايل: ان شاء الله
مرشان: والحين تذلفين داخل مابي اجوف رقعه ويهج يوم ينام الكل تقومين تسوين شغلج
همايل دمعتها فعينها: ان شاء الله
مرشان يطنز: لكن اذ مستعده للمهزله مره ثانيه سوي غير اللي قلته
همايل جبست والدمعه تنزل مغطيه ويهها بشعرها
مرشان: يويلج والله تظهرين من الطابق بدون شوري
همايل طلعت منها شهقه ما تقدر تحبس نفسها اكثر
مرشان: والحين ذلفي كملي مناحتج داخل
همايل لفت بتمشي
مرشان: صبري صبري
همايل وقفت
مرشان يلس حاط ريل ع ريل وولع المدواخ: مره ثانيه تستأذنين قبل ما تمشين
همايل " تاكل تبن يلعك السقم ويا هالريحه" : ان شاء الله
مرشان: وهاللبس وهالحركات البطاليه مابي اجوفها
همايل" بعد هاللبس جوفيه الله يلعنك حيوان جلب"
مرشان: ترا محد الخسران غيرج حتى لو قلت لج تنزلين ما اجوف هالحركات مره ثانيه حتى الجحله ممنوعه والكعب ممنوع وهالخرابيط اللي تحطينها ع ويهج بعد ممنوعه ضميها تحت مخدتج ولا اقولج عطيهن البشكارات ابرك
همايل" تخسي الا انته اعق الميكب عشانه ما عليه ي الهرم بنجوف"
مرشان: هذي آخر فرصه احذرج والا مثل ما قلت لج رح تلبسين شرات باتي والطباخه فاهمه
همايل: زين
مرشان: شو اللي زين ياله الحين انجلعي
همايل مشت
مرشان: صبري
همايل" اللهم طولك يا روح
مرشان: ما سمعتج تستأذنين
همايل بهمس: ممكن اروح
مرشان: ما اسمع
همايل: ممكن اروح
مرشان: روحي
حدرت وقفلت الباب
مرشان" والله لذوقج الويل ي بنت السوريه ما عليه
نزل تحت جافهم ع نفس حشرتهم يلس حذال مكتوم
مرشان: انته بلاك اليوم
مكتوم: بلانيه
مرشان:شعنه عاقد النون ويالس بروحك
مكتوم: تعرفنيه ما احب سوالفهم البايخه التافهات اكيد فالخرابيط مال البنات والحريم يحشن وذيلاج المرغد سوالفهم نفس ويوههم وين ايلس يعني
مرشان: ها انا حذالك رمس
مكتوم: مالي خلق
مرشان: لا صدق شي فيك اول تطردنيه من المكتب والحين حتى هنيه منفس
مكتوم: خوز عنيه دخيلك
مرشان حط ريل ع ريل: افف صاير تلوع بالجبد آخخ وينك ذيووووب
مكتوم سرحان ومطنش
مرشان راح المطبخ
مرشان : حوه انتي سويلي عصير
قامت الطباخه وحافظتنه سوت له عصير كوكتيل بدون فراوله
قابض فونه ويقلب فيه
حدرت سلامه تتلغن: سلااام
مرشان مندمج فالفون: وعليكم السلام
سلامه يلست مجابلتنه: سويلي عصير وياه
الطباخه ما تحب سلامه لانها شريره من خاطر: عصير شو
سلامه بنظرتها المعتاده: شرات مرشان
سلامه: الا ما قلت ليه مرشان شخبارك ويا الجاتله
مرشان بدون نفس: شرايج انتي
سلامه تجتفت: يعني اجوف تناقض محد عارفلك
مرشان رفع عيونه عن الفون: هب ملزومه تعرفين ومالج شغل
سلامه: اووهووو حشا محد يرمسه
مرشان: دخلي كشتج قبل محد قايل لج من قبل انه كل شعره بيمره
سلامه انحرجت ودخلت قصتها: انته دوم جيه
مرشان: شو
سلامه: منفس
مرشان: ع المزاااااااااااااج
سلامه: مزاجك هب رايق يعني
مرشان حط عيونه بعيونها الصغار: تتوقعين لو مزاجي اوكيه بحضنج مثلا
سلامه ارتبكت: شهالرم مم سه
حطت البشكاره العصاير
مرشان قبض عصيره ووقف: سلامه بسج كبرتي ودري هالحركات انتي هب ذوقيه موليه
سلامه شوووووكد!!! مصدومه منحرجه متقفطه
طلع ولا جنه قايل شي
مرشان حدر الصاله: حوووه
كلهم يطالعونه
مرشان: عندي شور
عليا: قول
مرشان: شرايكم اليوم نروح المزرعه نغير جو يعني
مزنه: شورن زين
حامد ومنذر: حلو
شيخه وحمده : ياله
حصه: دام انه كلكم موافقين متى تبون
مرشان: اقول لو نظهر الحين عسب نزهب الغدا هناك
مزنه: عجيب مرشان داقه فالخاطر
مرشان بابتسامه ع ينب: مزاااج
حدرت سلامه
دانه: سلامي بنسير المزرعه نسير نزهب اغراضنا
سلامه ابتسمت بالغصب: ياله
مكتوم وقف
مرشان: ايه وين ساير
مكتوم: ما بسير وياكم
مرشان: شعنه تعال نغير جو
مكتوم: عندك منذر وحامد انا مالي خلق
مرشان: وانته كل شي مالك خلق
مكتوم طنش وطلع
..
ظبية
يالسه فالصاله ترجع تقرا مسجاتهم للمره العاشره
تشتاق له بشكل فضيع عيونه اسلوبه رزانته وهدوئه
" آآآآه ي مكتوووم والله احبك وما بيدي حيله سنتين هب شوي سنتين وانا كل يوم اتعلق فيك اكثرر ي ترا هو يفكر فيني جيه ولا انا بس حاشره عمري"
صايره ممله وما تفكر الا فيه ما تبا غيره راح كل حماسها
تجوفه بكل شي
صعب تتعلق بإنسان طلعك من جو كئيب وخلاك تحب شي فالحياه تفقده بيوم وليله عقب مده طويله صعب جدا هالنوع من الخصاره
..
سمعت حشره تحت جدا البلكونه وقفت وجافتهم يحملون اغراض
ربع ساعه وهي تراقبهم كلهم ظهروا
همايل: يعني محد فالبيت!!
جافت كل سايريهم ماشي الا سياير مرشان الجي سكستي ماشي معناته شالنها
راحت ع اللفت ونزلت لطابق الاول وقفت تتسمع
البيت هدوء راحت جدا المطبخ محد لا البشكاره ولا الطباخه ولا بشكارات عماتها عليا وحصه وميثه حرمه عمها محد مول
صوت من وراها: شو يسوي
صدت زايغه: اوووه باتي زيغتينيه
باتي: شو يريد
همايل: وينهم
باتي: كلش يروح مزرعه
همايل: اهااا عيل انا بسوي ليه عصير
سوت لها ويلس ع الكرسي وهي تفكر
" خاطري ارمسها بس هالشينه واقفه ع راسي شسوي بها
تمت تماطل وتماطل لحد ما طلعت باتي
ركض جدا الفون جافت من الباب محد
رجعت للفون ودقت الرقم
تريت شوي
عقب رد عليها صوت باين عليه الكبر: سلام عليكوم
همايل ع طول يت البحه فصوتها: مامي ايزاااااااااااااا
ايزا: همايل حبيبي آآآه اشتقت لك انت وين حبيبي ليش ما يكلم انا
خمايل: مامي شخبارج اشتق لج والله
ايزا تصيح: او ماي دير ام نوت فاين وذ آوت يو آت آل < عزيزتي انا هب بخير بدونج موليه
همايل: مي تو مام آي مس يو سو متش < انا بعد مامي اشتقت لج وايد
بعد عشر دقايق
باتي: هماااايل بابا مرشان قول مافي ياخذ فون
همايل: بليز باتي ون منت بس
باتي تاخذ الفون: نو
همايل: بليز ذس از مام
باتي: نووو مرشان سي
بندت عنها الفون
همايل نزلت دمعتها: لماذا تنصتين لمرشان طوال الوقت ماذا عني الآ تشعرون انا بشر انا لدي احاسيس ايضا هذه امي هي فلبينيه ايضا هي من ترعرت على يداها هي آخر شخص بقى لي استحرموني منها ايضا <انجليزي>
يلست ع الارض تصيح
باتي طيبه تأثرت سرعه: هذا طلب استاذ مرشان لا يمكنني فعل شيء
همايل تصيح
باتي: حسنا حسنا قومي بمهاتفتها لكن بسرعه
همايل وقفت: لا اريد شيئا
مشت جدا حيرتها والدموع ع خدها
تحس ريولها ثجيله حتى لسانها ثجيل: بآ آ آ ت تـ ي
طاحت ع ركبها: آآآه باتي
صداع فضيع وريولها ما رايمه تشلها الدنيا تدور بعيونها
باتي بالصدفه حادره لان همايل جانت تهمس بس: او ماي قااااااد
ركضت لها : وت هبين
همايل اغمي عليها
باتي: اوووو همايل هماااااااااايل
حدر ع صوت البشكاره: شو صاااار
باتي: لا أعلم هي ليست بخير مطلقا
حامد ركض لها دق خدها: همااايل هماااايل
همايل تسمع لكن هب قادره تفتح ولا تتحرك
حامد: همااااايل شو صااار بلاج
شلها من ع الأرض ورصت ع جتفه
حامد: هماااايل قووومي
همايل تهمس: آآآه
حامد يمشي فيها: همايل تسمعينيه شو يعورج شو صار
زعج ع البشكاره: هاتي عبااااه سرعه
مرشان زعج من اول مدخل البيت: نزلهاااااااااااااااااااااا
حامد: بلاك انته لقيتها ع الارض طايحه
مرشان ركض له وشلها: هاااات
حامد: لعبه هيه هاااات بلاك انته ي المتخلف
مرشان شلها جدا اللفت: هاي حرمتيه وانت مالك شغل لو تجوفها تموت جدامك
حامد: سير التعن انته وحرمتك هب منك يالمتخلـــــــــــف
مرشان ركب اللفت وشلها طابقهم
" علاقه حامد بمرشان سيئه وايد شرات حامد وسيف قبل ,حامد ما يحبهم موووول لانهم بطرانين بعيونه ويبون كل شي لهم متسلطين ومغرورين ومن حقه يكرههم
سدحها ع الغنفه: حوووه
همايل تون وابضه بطنها: آآآه
مرشان: شو فيج
همايل طول الوقت تون بس ومغمضه عيونها
مرشان: اوهوووو شكلج بتأذينا انتي
شلها وحطاها فحيرتها صكر الباب وطلع عنها
راح المزرعه
خلاها تون مكانها
عقب ساعه ونص باتي بغت تطمن عليها
رقت عندها دقت الباب وقت مح يرد عقب حدرت الطابق جافت محد بالصاله اول مكان راحته حيرتهم دقت ودقت عقب فتحت الباب
جافت محد فالحيره استغربت وين سارت البنت
ظهرت من الحيره وهي تحك راسها وايدها الثانيه ع خصرها
سمعت صوت ونين جريب منها
لفت جدا الصوت الحيره الثانيه
راحت ودقت الباب محد يرد بس صوت آهات
حدرت الحيره وجافت خمايل متلويه ع الارض تون ودموعها ع خدها
باتي يلست حذالها: شو في
همايل: آآآه بطني بطني يعورنيه حيل
باتي: شو في ليش يعور
همايل: آآآآآه يعور آآه آه
باتي: صبر صبر انا يجيب حبوب
ركضت البشكاره تييب حبوب الدوره الشهريه
دقايق وهي راجعه
يلستها شوي شوي: خذ هذا
خذت الحبه بالغصب وخذت كوب الماي من باتي
استندت ع باتي عسب تنش بالغصب حدرت الحمام " وانتم بكرامه
ظهرت ولقت باتي مزهبه لها المطاره
انسدحت وهي تذكر ايزا
جانت كل شهر فهالحاله لازم يغمي عليها لكن ايزا جانت تهتم فيها ع طول تعرف توقيتها ابتسمت حتى وهي تتألم من طاري ايزا فبالها
" في ناس اعرفهم شخصيا يعانون من اسواء الحالات بس بسبب الدوره فاللي فنعمه وما تحس بييتها حتى تحمد ربها وتشكره انها هب محل هذول البنات اللي عانون شهريا"
حدرت باتي شاله قلاص ماي مصخن وقرفه
عطتها همايل وبدت تشرب
بدت تهدأ عقب نص ساعه
همايل تعبانه: باتي ارجوك اريد ان اتحدث مع صديقتي الوحيده
باتي بحنان: حسنا سأسمح لك بإستخدام هاتفي الخاص لكن ارجوك لا تعلمي مرشان بذلك
همايل: حسنا
طلعت باتي دقايق وهي راجعه
خذت منها الفون ودقت ع ظبية
همايل: ظبية
ظبية: همايل حبيبتي اخبارج شو صار ذاج اليوم منو صكر الخط
همايل: هب مهم بليز ظبية تعالي الحين
ظبية: وين
همايل: بيت عمي سعيد
ظبية: شوووو!!
همايل: محد هنيه كلهم برع البيت رح يرجعون متأخرين بليز تعالي
ظبية: ان شاء الله ي قلبي مسافه طريج واكون عندج
..
بعد مده وصلت ظبية دقت حق همايل
ونزلت فتحت لها الباب وع طول سارن قسمها
ظبية وهي تمشي فطابقهم: وااااااااااو تويتي جوفي محلااااه
همايل: ههههه بس عاد ما ملتي من تويتي
ظبية: لا والله ما مليت
همايل: هههههه تصدقين من اجوفج ارتاح
ظبية: ادري ادري " عقت بعمرها ع الغنفه" وووواااااو صج العز نعمه
همايل: لا يغرج الشكل قلوب ميته ساكنه هنيه
ظبية: هب مهمممم جوفي الفخامه انتي
همايل: والله هبله
ظبية: الله اني اسألك زوجـــــــــــا هاموراااااااااااااااااا
همايل: ههههههههههههه الله يشفيج ههههههههه شرايج تاخذين مرشان والله ببلاش
ظبية: يعععععععععععععععععع والله ما اخذه لو عنده فلوس الدنياااااااا
همايل: هههههههههههههههه
ظبية: لا لا غيرت رايي بخذه بخذه وبنصبه وبشل فلوسه وسووووف اهرب الى حيث لا تعلمون
همايل: افاااا ولا بتشليني وياج
ظبية: لا الغالي انتي وراج الوليد انا ما ورايه حد
همايل: عاادي .. المهم تبين عصير
ظبية: الحمدلله والشكر انا قلت هالبنت صارت زطيه احتريج متى بتعزمينيه
همايل: ههههههههههه افا عليج بس من فرحتيه بجوفتج
ظبية: واااو يليت ايي مرشان الحين ونتضارب
همايل: لا عاااد هالمره بتروحين وطي داشه بيته وتبين تضاربين
ظبية: نعممممم نعممم بيته منو قال ها بيت عمج
همايل: لا حبيبتي ها بيته وفلوس عمي كلهااااا باسمه ويدي مسمنه وكاله حقه بروحه هذا غير الافرع مالها بعد باسمه وغير ورث ابوه
ظبية: والخخخخخخخخخخخخخخيبه انزين شعنه وداانه وشهاب
همايل: ي قلبي ها مرشان ما تعرفينه ياخذ الاخضر واليابس لا وازيدج من الشعر بيت اتوقع انه بيسفر شهاب برع عسب ما يقاسمه الحلال
ظبية: ول ول ول جششششع .. صبري صبري انتي شدراج
همايل: احم ترا سلموني مفاتيح هذا البيت وامس لقيت اوراق عمي مجسم حلاله ع عياله لكنهم عاطين مرشان توكيل فصار الحلال باسمه تخيلي حتى البيت امه مسويه له تنازل اعتقد عسب جيه له طابق بروحه
ظبية متحمسه: وشهاب شقايل عرفتي
همايل: تعرفين ذياب؟
ظبية: لا
همايل: ها ربيع مرشان الروح بالروح وهو الحين بلندن وسمعت مرشان يرمسه يقوله لا تخاف سنتين ويكون شهاب عندك وعقبها بنتصرف
ظبية: تهقين ع شو يتآمرون
همايل: يمكن ع شرده ثانيه هههههههه ترا شارد مره
ظبية: هههههههه دام انه ما يبيج شعنه رجع
همايل: اوووو انتي بس لو جفتي نفسيته يوم يا يشلني ****
ظبية: عيل شعنه رجع
همايل: اتوقع كلها سوالف يدي محد يغلبه
ظبية: وانتي كله تتوقعين ماشي اكيد مول
همايل: هههههههه ما مدالي ايلس وياهم
ظبية: برااااافووو عليج يبي دفتر اسود وكتبي فيه سوالف هالعايله كلها عشان نتكتك
همايل: ع شو تكتكين لا يكون تبين تاخذين منهم
ظبية: هههههههههههه يمكن
همايل: عيل حامد ههههههههههههههههههههه
ظبية: شعنه يعني
همايل: ما ادري احيده صايع يمكن تغير الحين
ظبية: حلو؟
همايل: شققققققق بس هب احلى من مكتوم مكتوم احللللللى واحد فيهم " وبحزن" يشبه سيف الله يرحمه
ظبية قشعر جسمها: مكتوم!
همايل: ولد عمي سالم
ظبية تحس ان قلبها ينعصر
همايل: ياله عيل بييب شي نشربه وبرجع
ظبية صاخه
نزلت همايل
ظبية من انطرا اسمه وهي تحس بويع فقلبها
فتحت فونها وهي تجوف مسجاته مال امس
" ظبية شعنه تسوين جيه
ها يزاه اللي يعترف بحبه
السموحه منج لو دريت انج جبانه ما رمست
شقايل تهون عليج السنتين
ظبية لو سمحتي ردي
اذ ما عايبنج جيه احلف يمين جان تبين ايي اخطبج من باجر بس الشيمه لا تسوين فيه جيه"
دمعه ع خدها وهي تجوف " جار الكتابه..
مكتوم: ظبية شعنه ما تردين
ظبية واخيرا: شو تبا
مكتوم: قلبج
ظبية: قلبي هب حلالي عسب اعطيك اياه مكتوم خلاص ارجوك لا تزيد الطين بله
مكتوم: دخيلج رحمينيه ي ظبية لا ليلي ليل ولا نهاري نهار شو اللي مخوفنج بس صارحيني يمكن نلقا حل للمشكله
مكتوم: وعد اسوي كل اللي تبينه بس لا تسوين فيه جيه
ظبية: كل اللي ابه كل واحد منا بطريج
مكتوم: قسم بالله حرااااااااااااااام عليج تلعبين بقلوب الناس والله حراااام
ظبية: مكتوم انا ما لعبت بقلبك انا هب من نصيبك وخلاص
مكتوم: شو اللي تبين توصلينه بس فهميني شو هدفج
ظبية: ماشي
مكتوم محرج من خاطر: تستهبلين حضرتج انتي اللي بديتي وانتي اللي كملتي وياي سنتين وانتي اللي قلتي نتجاوف وعقب كل ها تقولين خلاص ما بينا شي
ظبية: والله هب بيدي
مكتوم: سمحيلي ع هالكلمه لكن اللي تسوينه نذاله تعلقين قلب فيج تالي تروحين
ظبية: دخيلك لا تقول جيه
ظبية تصيح صيااااح
مكتوم: ها الصج ودام انج ما ناويه تقولين الصج انا آسف لاني حبيتج من خاطر
ظبية: لا مكتوم دخيلك لا تقول جيه والله تعذبنيه
مكتوم: ليش اللي انتي تسوينه شو هب عذاب مثلا ولا انا هب آدمي وانتي غير لا ي ظبية انا صخيت وايد
ظبية مغطيه ع اثمها وتصيح ع دخله همايل
مكتوم: عندج خيارين اما اني اجوفج وتقولين السالفه كلها ونتفاهم ولا ما اذل عمري زياده عن جيه انا عندي كرامه شراتج وعقب هاليوم لو يتيني تصيحين دم تبين تفهمينيه عذرج ما اسامحج ولا ارجع لج انتي اختاري لاني هب لعبه بين ايديج باجر انتظر الرد .. فداعت الله
همايل حطت الصينيه: ظبية حبيبتي بلاج
ظبية حضنتها وتصيح
همايل: ي قلبي شفيج شو صاار
ظبية: آآآه مكتوم " وتشاهق: مكتوم
همايل: مكتوم!! لد عمي ولا
ظبية بعدت عنها وهي تهز راسها
همايل حطت ايدها ع خد ظبية وهي تهديها: من وين تعرفينه شو صار شفيه
ظبية حطت الفون جدامها وهي تصيح : جوفي
همايل تمت تقرا المحادثات وهي مصدوووومه!!!!
ظبية تصيح من خااااطر
همايل ايدها ع حلجها: سنتين!!!
ظبية: احبه ي همايل والله احبه
همايل: يقول نتجاوف يعني انتو تجابلتوا
ظبية تهز راسها وهي تصيح
همايل: جيف!!!
ظبية: همايل انا احبه والله وهو يحبنيه
همايل حطت الفون: خلاص حبيبتي خلاص
.. عقب ما هدت وغسلت ويهها
همايل: ياله قولي السالفه من البدايه
ظبية قالت ك شي
همايل!!!
ظبية: والله ما بيدي حيله شسوي يعني
همايل: دام انه يحبج هالكثر شعنه ما تقولين الصج
ظبية: جوفيهم شقايل يكرهونج انا مابي مكتوم يكرهني انا احبه واموت فيه مابي اخسره
همايل: بس انتي حتى بهالحاله رح تخسرينه اللي يحب ما يكره قوليله
ظبية: لا ما اقدر لا
همايل: مكتوم شكله عاجل من رمسته اكيد بيتفهم
ظبية جبست: حتى لو تفهم مستحيل يرضى اكون حرمته
همايل صخت
ظبية: واذ هو رضى اهله ما رح يرضون
همايل: ما ادري شقولج والله
ظبية رفعت راسها: خلاص ما اقدر اسوي شي خليه يروح بحاله حرام اعذبه جيه
همايل: انزين جربي حظج يمكن
ظبية: همايل انتي ادرى بحالي لا يمكن يوافق يتزوج ..
همايل قاطعتها: يمكن مكتوم غيرر يمكن يحبج لدرجه انه يتغاضى عن كل شي
ظبية: مرشان ما تغاضى انج جتلتي اخوه
همايل: لانه ما يحبني
ظبية: تتوقعين لو حبج رح ينسى
همايل: لا لكن رح يتفهم
ظبية: ما ابيه يتفهم انا اذ قلت له احبه ابيه يصير حلالي مابي احبه طول العمر واجوفه ويا غيري ما اتحمل والله
همايل: اذ جيه انتي صادقه دام انكم ع البر خليه يروح بحال سبيله
ظبية: الايام تداوي رح ينساني اكيد
همايل: ما اعتقد " سيف كمل خمس سنين من مات وانا هب قادره انساه
ظبية: لو حبيتي مرشان رح تنسينه
همايل: آآه
ظبية: ما ادري شعنه بعدج تحبينه
همايل: مينونه انتي هذا قلبي وروحي ولو يرد ذاج اليوم والله ثم والله اطعن عمري ولا اطعنه
ظبية: آسفه همايل لكنج غلطانه لو انا..
همايل قاطعتها : خلاص خلاص سكتي بعدج ما جربتي الحب
ظبية: جربت
همايل: تخيلي مكتوم جدامج وجدامكم عقد الزوج ولازم توافين
ظبية تستهبل: مواااااااااااااااااااافقه وه فديته انااا علني من نصصصيبه
همايل: هههههههههههههه هبله
ظبية: ياله ي هماااايل محلااااه اذوب بعيونه انااا اففف مزيون فديته مزيووون
همايل: جنج مصختيها
ظبية: ما يخصج جان تبين تغزلي فريلج انا كيفي
همايل: وععع ويا ذاج الريل
ظبية: لا لا لا عاد جان تبين الصج الصج مرشان احلى حتى عن مكتوم
همايل: كررررريه ي ناااااس اكرهه لو جان ملك جمااال اكرهه اكرهه
ظبية: ههههههههه خلاص خلاص حبي فلوسه
همايل: هههههههههههه انتي من متى صرتي ماديه
ظبية: من يوم ودرتينيه بروحي احس بيني التوحد
وهاي سوالفهن
..
فالمزرعه
يالسه ع زاويه بروحها
...بدلع: ههههه حلف انته
..اهمم
..ايوااا ههههه
..لا لا مصدقتك ههههه
..حبيبي والله
..اوكيه
..ياله قلبي لازم اصكر الحين
..سيووو
..اموااااح
بندت الفون
من وراها: احم احم
شهقت من الزيغه: الله يا خذجح صبحوووه شتسوين
شيخه: اسمي شويخ لا اسطرج بكف
يلس حذالها: منو ها
دآنه: شدخلج
شيخه: اونهه قمنا نحب
دآنه تستهبل: طشرنا الوكت
شيخه: جب جب ما يخص
دآنه: آآه ي شويخ قلبي يؤلمني
شيخه: خفي خفي منو هاااا ولد أي هامور ترمسين
دآنه: لا هامور ولا شياته ها اخو ميشوو ربيعتيه
شيخه: لا لا لا هب من صجج
دأنه: والله
شيخه: انتي تخبلتي ها ولد الفقر شتبينه صججججج تخبلتين
دآنه تهز جتوفها: شفيج انتي تخبلتي تقوليلي بعد كافي شفيج انت تخبلتي
شيخه تقاطعها: بس جب جب وععع ويا هالصوت لا والاغنيه من زمن يدي
دآنه: كيفي
شيخه: خل عنج هالرمسه الحين وصج قوليلي تحبينه من خاطر
دآنه: شعنه تجوفينيه استهبل مثلا
شيخه: حوووه شكلج نسيتين من تكونين
دآنه: ادري .بخقه/ دآنه بنت سعيد الوليد الـ
شيخه تقلدها: دانه بنت سعيد الوليد الـ.. ودامج عارفه شقايل تحبين واحد شرات اخو ذيج الكحتره
دآنه: حوووه ما اسمح لج ميشو ربيعتيه من يوم صغار وهو يحبنيه وين المشكله
شيخه: صدقينيه انتي ما تحبينه
دآنه: الا احبه
شيخه: خبله انتي منو رح يوافق ايوزج اياه لا يكون اخووووج مرشان ولا يدج
دآنه: اوووهووو
شيخه: صبري صبري فرضا تيوزتيه تخيلي عيشتج شرات عيشه ميشو
دآنه: شفيها يعني
شيخه: سمحيلي الغالي تجذبين ع نفسج لكن عليه لا مااااا رح تتحملين ي قلبي انتي قطوه لو انيرحت تصيحين شقايل بتتحملين عيشتهم
دآنه: ابا افهم شدخل القطوه بالسالفه
شيخه: انا بخبرج الحينه جم جيمه الاكل اللي تشترينه حق القطوه
دآنه: ما ادري
شيخه: جفتي انتي آخر همج البيزات تصرفين ولا تحاتي لكن هم لا هم ع قدهم ما رح يتحملون مصاريفج ولا انتي تتحملين عيشتهم .. تخيلي انج ما تروحين الصالون سنه كامله وما تشترين من الماركات اللي تحبينها ما تطلبين من النت تاخذين كل شي حي الله .. لا وفوق ها رح تقتصدين وتيمعين بيزات عسب تطلعون بيت بروحكم هذا اذ ما اشتغلتي فأكيد بهالحاله رح تشتغلين وتكرفين وانتي لو ينكسر عنج ظفر احتشرتي بالله فهمينيه شقايل بتتحملين
دآنه: خيبه خيبه هاي تفكر فالامد البعيد
شيخه: هيه حياتي حسبيها صح
دآنه: عادي ي قلبي اخويه ما يقصر بالبيزات بيتكفلنيه هنيه ولا هناك
شيخه: هاهاهاهاي بعدج ما تعرفين كرامه الفقير
دآنه: اففف انتي تعقدين الأمور
شيخه: ما اعقدها لكن ها الواقع الفقير كرامته فوق كل شي عنده فأكيد ما بيرضى اخو حرمته يصرف ع حرمته
دآنه: انزين عادي بشتغل
شيخه: دآنه حياتي لا تقصين ع عمرج انتي جامعه ودرتيها لانها تبا كد
دآنه: اففف
شيخه: سمحيلي لكن انتي دلوعه والولد ما يصلح لج وانتي ما تحبينه انتي عايبنج شي معين فيه واكيد رح تلقينه فغيره
دآنه: جماله اخخخخخخخ محلااه واسلوبه ياخي طررر رزين وينحط ع اليرح يبرا
شيخه: جفتي انتي ما تحبينه انتي تقضين وقت وانصحج لا تعلقين الولد فيج
دآنه: انتي من متى صرتي حكيمه جيه
شيخه ضربت جتفها: جفتي كيف .. خخخ كله من ستيفن جوبز
دآنه: آآآآآي لا تضربين وبعدين شدخل ستيفن
شيخه وقفت: ليش ما دريتي انا صرت مثقفه واقرا وشاده حيلي
دآنه: مالت بس مالت صج ماشي شغل
شيخه: عذرا ايتها البزيا انتهى حوارنا الى الآن ولدي شعب لأصلح حاله الى اللقاء
دآنه تحرك التراب بسوط: الله يشفيج >سوط:خشب ضعيف
عم الهدوء خمس دقايق تقريبا
وقف وراها وهو يجوفها ترسم قلب مشقوق نصين وحركت النص الثاني لحد ما اختفى
منذر: ها سيف؟!
دآنه زاغت: بسمممم الله الرحمن لرحيم
منذر: جايفه يني
دآنه: انتو بلاكم ياااخي ما تعرفون ترمسون الا يوم توصلون حشااا لازم يزيغون الواحد
منذر: ااااهب بلاج حشااا
دآنه: ما أدري عنكم
منذر: خلاص السموحه دآنه البزيا
دآنه: ترا والله ما تضحك حتى انته
منذر: عندي لج خبر يسوووووى
دآنه: قول
منذر: تعرفين من ع طريج الحينه
دآنه : منوو
منذر: توقعي
دآنه: يااااخي لا تذل سرررعه قول
منذر يحرك ايدينه: يدج الوليد
دآنه فاجه عيونها ع الآخر: صدق!!
منذر: اجذب مثلا
دآنه: يااااي حماااس بتصير ضراآبهه
منذر: الحين اكيد بنعرف سبب رجعه مرشان
حامد: سلااااام
منذر: انته وين جنت
حامد: شدخلك
دآنه: حمووود تعال اسمع اونهه يدي رجع
حامد: حلفي!!
دآنه: والله توه منذر يقول
ابتسم حامد بمكر
منذر: شعندك الاستاذ حامد اجوفك تتبسم
حامد حر منذر: ما يخصك
راح منذر
حامد يلس: دآنوه صج يدي ياي
دآنه: يوووه حامد
حامد: خلاص خلاص
دآنه: انته شو وراك متخبل اكثر منا
حامد: متحمس اجوف مرشان
دآنه: انته شعنه تكره مرشان
مرشان: لانه بطران
دآنه: صدقك لكن عاد هب لدرجه انك تكرهه جيه
حامد خلص سرحان ووقف: شكله محد خبرج انيه اكرهج انتي بعد
راح
دآنه ترفع جتوفها : شهالنفسيه!
..
اعظم اعمال الانسان تظهر في الصراعات الصغيره , الحياه ,البلاء, العزله, الهجر, الفقر كلها ميادين معارك لها ابطالها , وهم ابطال مغمورون ولكنهم في بعض الاحيان يكونون اعظم من الابطال المشاهير
من اقوال فيكتور هوجو
..
مقتطفات من البارت القادم
..!!..: الكل توه استوعب ان مرشان صار النسخه 2 عن يده
..!!..: تلهث: وصل بابا مرشان سرعااا سرعااا روووه
..!!..: فتحت الباب واسسسسسسستحت وهي تجوفه منسدح ببنطلون وصدره عاري
..!!..: طاحت السجين ع الأرض من زيغتها ع قوه الصرخه
..!!..: ترمس عمرها: الله يعلم شمصيري الظاهر بطلع من هالسجن لى سججن ثاني
..!!..: وقفت تتأمله ونزلت ع خدها دمعه: والله احبك
..!!..: وقف حذالها وهو يثبتها: شو صار بلااااج ليش حالتج جيه!!
..!!..: شهقت والدموع بعينها: انا لله وانا إليه راجعون حسبي الله فيهم حسبي الله
..!!..: ايعقل ان تعيش فتاه فاول شبابها كأنما عجوز على فراش الموت
موعد لقاءنا الجمعه القادمه بإذن الله
..
انتهـــــــــــــــي البــــــــــــارت
نلتقي فالبـــارت الـرابـــــع
الكاتبه: بنت الأيـــآويدتعليق
-
رد: روايه: ابرياء العشق ملطخون بالدماء .للكاتبه/بنت الأياآويد
حمااااس كمليتعليق
-
رد: روايه: ابرياء العشق ملطخون بالدماء .للكاتبه/بنت الأياآويد
ما شاء الله عليج دومج مبدعه وانا وياج من الروايه الي قبلها بس ماكنت عضوه فالمنتدى والحين اشتركت لعيونج ودومج من ابداع لإبداع الغاليه، نتريا البارت الياي على نارتعليق
تويت
تعليق