رد: (روايــة مشــيت وررا احـلامـي وفجـاءه لقيـت نفسـي اطيـح)

.البــــاررت التـــاسع



امال ولا كآنه شي صاير رتبت ملابسها وطلعت فوف وهي تنافخ: لو كنت زوجة الصقر ماكون عايشه كل ذا الذل.. ولا انام بذا البيت الخرابه اكون معززه ومكرمه وبكرامتي ..انا لازم اتزوجه بسرعه لازم اطلع م ذا البيت ماصرت اتحمله وربي هالبيت يخنق... اجل ليان ذي العصله الغبيه تجيب نواااف وانا اتزووج احد اقل منه لااااا انا زاااد عنادي اني اخذ الصقر واحط راسي براسها

فكت شعرها بقهر: ودخلت الحمام وتحممت وطلعت بالروب وهي لسئ معصبه: انا لازم ازووود العيار باكر لازم اجنن هالصقر واخليه يتزوجني بسرعه لازم اجيب راسه ابغئ اطلع م هذا البيت بسرعه

خلعت الروب واستشورت شعرها بسرعه ولبست ملابس نوم مريحه علشان تنام م بعد هدا اليوم المتعب .. وتغطت بلحافها ونامت...


--------------------------------------------




ابو ليان انشغل باله وبقوووووه استند عالباب واكسره واتفآجئ م الي شافه وبسرعه مشئ لها مثل المجنوون: ليان بنتي وش فيك
وهو يطبطب ع خدها: ليياااااان... ليييااااان اصحي..
نظر يمينه وشماله لقئ كوب الماي وكبه كله ع وجهها ليان بدت تفتح عيونه ولسئ عيونها تدمع: يبه يبااااه .... آيههههي آيهههي ... معقوله انت مو ابوي امال تقول اني مو بنتكم ..لييه كل ذا يصير فيني..

ابو ليان احتضنها وهو يطبطب ع راسها: ارتاحي يابنتي انا ابوك انا ربيتك وانتي صغيره ورضعتي م ام عبدالعزيز انتي بنتنا ياليان انتي بنتنا وهذول كلهم اخوانك.. بس امال غير عنكم امال حقوده وقلبها اسود وانتي قلبك ابيض لا تاخذين بخاطرك ع اختك ودام انا وامك معاك لا تخافين م شي

ليان ودموعها تنزل بغزاره: بس يبه م اهلي الحقيقيين قولي يايبه لا تخبي علي شي ..لازم ادري ولييه اتخلوا عني وش عذرهم الي يخليهم يتخلون عن بنتهم كذا .. ورجعت تبكي..

ابو ليان مسك كتفها وجلسها عالسرير وصار يقولها السالفه: يبنتي ذي السالفه قديمه بس راح اقولك اياها ابوك اكبر مني وكان متزوج وحده اجنبيه برا وبالسر ماقال لآحد م قبل حتئ اهلي ماقالهم ..لانه كان يدرس برا وشكله انعجب بآمك

ليان بصددددمه: امي اجنبيه..؟؟؟

ابو ليان وهو يمسح ع شعرها: ايييه امك ايطاليه.

ليان وهي متفاجئه م الي تسمعه وعيونها ماوقفت دموع: وانا كنت مستغربه بشكلي واحس ان ملامحي غربيه.. ورجعت عيونها تدمع... تحس بالآلم بقلبها ان الآم الي ربتها طول عمرها وعطتها م حليبها وحنانها بالاخر تطلع مو امها .


ابو ليان يكمل: ابوك كان عشقان لآمك مرررره وتزوجها هناك وامك علشان ابوك اعتنقت الاسلام وبعد فتره م زواجهم طلعت امك حامل .. وصارت تخاف م ابوك لانه هو مماكان يبغاها تحمل حتئ اهلي يعرفون وهو يقولهم بالسالفه..

ولما تآكدت م حملها اخبرت ابوك وابوك تضايق وعصب وبالاخر رضئ بالامر الواقع وقال انه لازم يخبرنا .. رجع لنا وقال لآبوي وامي بالسالفه.. بس اهلي عاندوا واطردوه هو زوجته م البيت وحلف ابوي انه مايدخل هالبيت وانه متبري منه ليوم الدين بذاك اليوم ابوي جته جلطه بالدماغ ودخل بغيبوبه شهر وامي كانت حالتها حاله .... وكمل بحزن: وبعد شهر مات ابوي.

ليان اتآثرت كثيير وعيونها رجعت تدمع..

ابو ليان بحزن: واخوي عبدالعزيز الي هو ابوك صار يعصب م كل شي ومحد قبل فيه غيري وكنت انا وقتها عريس ومتزوج امك ام عبدالعزيز م ثلاثة شهور ...واخواتي مريم وسعاد رفضوا يسامحونه وحملوووه وفات ابوي.. ويوم دق بابي وجاء عندي وصار يترجاني اني اسامحه ويقعد عندي سامحته.. رغم حزني وقهري ع ابوي ... بس فكرت فيه هو بعد اخوي وماله غيري ودام امي وخواتي مارضوا فيه ونفذوا وصية ابوي الله يرحمه انه مايدخل بيته ولا يشوفه امنعووه م دخول البيت ..استقبلته عندي ضفيت لهم غرفه لابوك وامك كانت امك ذاك الوقت حامل فيك بثلاثة شهور... وبعد شهر احملت امك الثانيه ام عبدالعزيز وكانت الفرحه تغمر البيت ... بدل فرحه فرحتين.. ومشت الايام وجاء الوقت الي تولد فيك امك ومشينا انا وام عبدالعزيز وابوك معنا بس للآسف امك وهي تولدك ماتت وابوك حزززن عليها كثير وكانت هي حبه وحلم حياته وحس انه انتي السبب بكل مشاكله بموت جدك وبعدها امك وماتحمل الصدمه واول ماشافك رفض ياخذك حتئ ماحطك بحضنه

ليان هنا صارت تبكي بقوووه وتضايقت م ابوها الي فكر بذاك التفكير وترك قطعه منه..

المهم خلص اوراق شهاده الوفاة وتم نقل جنازة امك لبلدها وهو راح معها وم ذاك اليوم عييا يرجع وصار عايش بعالمه واحلامه الي بناها مع امك هناك... قبل لا تجين انتي .. وقبل لا يمشي وصاني اني احتفط فيك وصئ امك الي صرتي لها الحلم وكانت تحبك وتلاعبك وربتك وحبتك زي وكانك طلعتي م بطنها.. وصاها وامنها انها تربيك وتعتني فيك ومشئ بس هو ماقطعك كان يسآل عنك وللحين يسآل عنك ماينسيك بس صار له شهرين مايرسلي ولا يسآل عنك وبعد اربع شهور م ولادتك ولدت امك ام عبدالعزيز امال وكنتوا صغار وكلكم بنات كنتوا نفس التوووم بس الله يغير ومايتغيير امال اخلاقها شينه وماتتحمل احد وانتي طلعتي محترمه واسلوبك غير عنها رغم اني انا وام عبدالعزيز ربيناكم تربيه وحده ومافرقنا بينكم بيوم بس الحمدلله ع كل حال ...

ياليان اعرفي ان ابوك لحد الحين ماهو بناسيك وكل شهر كان يحول لك مصروف بس حنا مانبي نقولك بذا الشي وانتي بنتنا وكبرتي ع انك بنتي مو بنت اخوي انتي بنتي وانا اعزك واحبك زي عيالي واكثر ياليان مراح يتغير شي وكل شي راح يظل زي اول واحسن ..

ابو ليان وهو يمسكها م ايدها ويقومها .. قومي تطمني ع امك وطمنيها عليك هي خايفه عليك مررره ومقطعه نفسها م البكي وضغطها مرتفع بسبب امال لما قالت لك بذي السالفه وعكرت عليك مزاجك وفرحتك..

ابتسمت ليان وقامت تتطمن ع امها الي احبتها وربتها والحين احبتها اكثر وهي تدري انها اهتمت فيها واحبتها زي بنتها الي طلعت م بطنها ولا يوم فرقت بينهم وبالعكس كانت تحس انها تفضلها ع امال وتحبها اكثر منها..

لما وصلت لغرفة امها نزلت ع ركبتها وباست يدها وراسها وهي تبكي: ربي يحفظك لي يا يمه مراح يتغير شي بينا انتي امي وانتي الي ربيتني وكبرتيني وانتي الغاليه يايمه..

ام ليان بكت وهي تحضنها: ربي يحفظك ليي وويطول بعمرك ياليان ربي لا يحرمني منك يابنتي


-------------------------------------------




اليوم الثاني الصبح..


قامت ام ليان فرحانه ...ليان بنتي اليوم لازم نرتب البيت ونعدله بكرا يجون المعازيم... اقصد خطيبك واهله... وضحكت..

ليان بخجل: طيب ياماما

امها بتعب: احس اني تعبانه...

ليان: ارتاحي ياماما لا تتعبين نفسك اصلا امس ضغطك كان طالع ف طبيعي اليوم تكوني مرهقه شوي..

امها تبتسم: اتركينا م الضغط وش رايك ف نوااف؟

ليان بخجل: مدري

امها: انا امك احكيلي وش رايك فيهه..

ليان بخجل: مدري بس احس انه كويس

امها بنصح: شوفي يبنتي هذا القرار بالآخير لك وحنا ماراح نغصبك لا كان ذا الولد عاجبك واافقي عليه والزواج ستر للبنت ونواااف رجال باين م اخلافه زين وابوك بعد راح يسآل عند وان شاءالله يكون زين وتتزوجينه وتعيشين براااحه ورفاهيه ونشوف اولادك يارب

ليان: آمين يارب.

طيب ياماما انا بروح اصلح الغدا الوقت يمشي والسوالف معاكي حلووه..

ام ليان: روحي يبنتي ربي يرزقك ع قد نيتك

ليان: امين يايمه جميعا


راحت ليان للمطبخ تسوي الغدا وهذي امال نزلت وهي لابسه وخالصه.. وتكشر ماتبي تكلم احد..

امها بحمق: وش فيك مبكره ع الدوام اليوم..

امال بطفش: ابغئ افتك منكم وم كلامكم والمحاضرات السخيفه الي ماتخلص.

امها بقهر: الله يهديك يبنتي م يحاكي اهله بذي الطريقه ومايآنبه ضميره ...يارب استر علينا

امال بدون نفس: ويهدي الجميع

مشت وراحت لقصر الصقر ع طول مع التاكسي واليوم بكرت ف الدوام وقبل الموعد للآساسي للدوام بساعتين مشت الساعه عشره... وفي راسها موال انها تشبك الصقر علشان يطلب ايدها للزواج وتفتك م ذاك البيت..

امال لما دخلت لقت البيت هادي ..اصلا هو دايم هادي لانه مافيه حد غير الخدم وصقر وبنته وممل نوعا مااا بيت كبير ومافيه اناس يجيب الكآبه...

دخلت امال ووقفت قبال المرايه تعدل ف نفسها وبالاخير عطت نفسها بوسه وهي تشوف نفسها وتبتسم: امممم حلووو

وهي تناظر نفسها حست بطيف وراها ويحاوط خصرها: وربي طالعه قمرررر.. واحلا م القمر بعد...

امال بجرآه وهي مصممه تجننه وتجيب راسه حاوطت ايدينها ع رقبته وبدلع: عجبتك

صقر هايم فيهاااا: واااااايد

امال طيحت الميانه: زوجتك الاوليه احلا مني

صقر بجنون: حتئ ما تساوي ظفرك

امال تجننت وتبعدت منه: طيب حلوووو.

بس صقر لفها له مررره ثانيه: وين رايحه وتاركتني

امال بدلع: بروح لبنتك

صقر: لا تروحين لها لسئ نايمه مو حاسه انك مبكره اليوم بالدوام

امال بطفش: ايييه طفشت م بيتنا وبعدين اشتقت للناس الطيبه... اقصد روان

صقر بجرآه: روان والا ابووها.

امال انحرجت وتبسمت بدلع: لا لا روان حبيبتي... وانا الحين بمشي ما ابغئ الخدم يشوفونا ويفهمون غلط

صقر: خلهم يشوفون اصلا مايقدورن ينطقون بحروف وااحد بدون اذني

امال مسويه نفسها وحده شريفه وتخاف ع سمعتها وهي اصلا مو مهتمه وامورها طيبه بس حابه تجذب الصقر: اذا انت ماتخاف ع سمعتك انا اخاف عليها...

الصقر بحب: فديتك انا...

امال وهي تمشي بسرعه: ابروح اقوم بنتك ذي الكسلانه

الصقر يبتسم: كيفكم انتي وياها... وطلع هو ع مكتبه اليوم معاااه اجتماع ... وترك امال تمشي لروان تصحيها...


امال بدلع: روانوا يالكسلانه قومي.

روان لسئ نايمه: امممممم

امال وهي تطبطب ع خدودها: اصحي يابنت.. شوفي انا جيتك مبكر اليوم وحابه نروح للملاهي..

روان بسرعه قامت لما سمعت للملاهي وبسرعه قامت وحضنتها: good morning amool

امال بمرررح: انا كويسه واحسن منك بعد صباحي منور اليوم... وكملت بخاطرها: يومي صبحت بووجهه ابوك صقر وابتسمت ابتسامه العريضه... يلااا قومي آلبسي ورانا شغل تلبيسك وتسريحتك علشان نطلع..

قامت روان بسرعه تتسبح وامال طلعت لها ملابس حلوووه م الي شرتها لها اخر مرره وطلعت شباصات وحركات للشعر علشات التسريحه..

طلعت روان م الحمام بروبها نشفت شعرها وسوت لها امال استشوار وبدت تسرح لها ولما خلصوا قالت لها تلبس وهي راح تكلم السواق علشان يشغل السياره...

وبعد لحظات نزلوا وهم كاشخين ومخلصين وطلعوا السياره وسيده راحوا عالملاهي..


-----------------------------------------




عند نووواااف الدنيا مو سايعته... وكان يفكر ف ليان ويتخيل ملامحها... وشوي دخلت عليه امه وهي مكشررره: الساعه كم باكر بتمشون لذيك... اقصد لينووه.

نوااف ابتسم بخاطرره: الساعه 8 بعد العشاء بنمشي... لييه يايمه تسآلين

امه: اجل تبي ولدي ينخطب وما احضر خطبته،،، وبعدين نشوف ذي البنت الي مجننتك وش تكون

نواااف: طيب.. اصلا روحتنا ماتكتمل بدونك يايمه ياحبيبتي راح تحبيها وربي لا شفتيها بنت حلوووه وجميله واخلاق

امه: ان شاءالله عالاااقل تغطي الجانب الشين فيها انا مستحيه م اختيارك بس لا كانت حلوووه مثل ماتقول عالاقل نكشخ فيها بين اهلك واصحابنا..لان لا دروا انك تزوجت وحدتن فقيره مدري وش بتكون نظرتهم لنا.

نوااف يبتسم ويبي يشوفها وش بتقول: نفس نظرتهم لك لما تزوجتي ابووي

ام نوااااف بحمق: وربي انت م حبيت ذي البنت صاير قليل ادب... احسلي اطلع م هنا قبل لا اصفقك بكف يرجعك لطبيعتك وافكك م سحرهاا .. وبعدين وراي شغلات تدري امك رزه وماتطلع بالقليل ابغئ اشتري فستان فخم يلج م بعيد علشان اوريهم ان مررت العالي مو شوي ..

اوووف وراي شغلات كثير اقول اتصل بالكوافير الخاص حقي لازم اعدل ف نفسي ماصار وقت مدري انت وابوك ع وش مستعجلين باكر مراح آلحق لذا كله


طلعت امه م عنده ونواااف كان يبتسم بحب م تصرفات امه رغم غرورها الا انها شي ثاني بحياته ومايقدر يستغنئ عنها...


-----------------------------------------------


امال لما خلصوا م الملاهي ...تعالي ابغئ اشتري شوز جديد... ترووحين معاااي... وهي معندها فلوس بس شافت روان اخذت فلوس م مكتب ابوها...

روان بحماس: ايييه خلينا نرووح حتئ انا ودي اشتري شوز جديد

امال: يلا حلوووو

روان: صارت تختار

وامال اختارت شوزز وبعدين سوت انها نست فلوووسها: اوووف نسيت فلوسي بالبيت ... وش ذي المصيبه الحين حبيت ذا الكعب.... وسوت انها بترجعه: يالله خيرها بغيرها..

روان بسرعه اخذيه املووو انا معاي فلوس تكفي وتزيد..

امال بحماس: تيب ...ثانكيو رورو

روان: عادي حبيبتي

ولما خلصوا م السوق رجعوا للبيت وكانت امال اخذت ثلاثه آخذيه بدل واحد.. وروان اخذت خمسه

………



الصقر رجع للبيت وهو يدور بالصاله ع امال يبي يقولها شي قبل لا تروح البيت..

وبهذا الوقت امال دخلت مكتبه وتدور الفلوس تبي تاخذ منها وهي تقول بخاطرها مهما اخذت منهم مراح يحس فيها م كثرها عنده وبنته تاخذ ومايعدهم... اووووف لازم اخذ واريح نفسي اليوم واعزم العنود ونتعشئ برا... وهي تحوس بالمكتب وتدور .. سمعت صوت الباب وهو ينفتح. امال انفجعت وارتبكت ماتدري وش تسوي حتئ مارفعت راسها... بس سمعته يقول وبصوته القوي: وش تسوين هناااا ؟..



إنتهئ الباررت


~ توقعاتكم~

رد: (روايــة مشــيت وررا احـلامـي وفجـاءه لقيـت نفسـي اطيـح)

رونق بليﺰ کملي ؛ألأحدأثـ جـدأ مشـوقهـ فـ هـألبأرتـ ؛ودي أعرفـ أيشـ بيصـير ع أمأل ؛يمکن صـقر يتـهـمهـأ بألسـرقهـ وتـصـير سـألفـهـ معأهـأ؛ أتـوقع أم نوأفـ بتـعجـبهـأ ليأن وبتـنبهـر بجـمألهـأ بسـ رأح تـکأبر وتـعأملهـأ معأملهـ شينهـ لأنهـ رأح تـغأر منهـأ ع ولدهـأ؛وصـقر بتـتـغير نظرتـهـ ل أمأل وبتـتـغير معأملتـهـ لهـأ ويمکن يفـکر يطردهـأ بسـسـسـ بتـجـبرهـ بنتـهـ عليهـأ لأنهـ أتـعلقتـ فـيهـأ کثـير؛؛وبسـ
هـأذي تـوقعأتـي

رد: (روايــة مشــيت وررا احـلامـي وفجـاءه لقيـت نفسـي اطيـح)

اشكرك ع توقعاتك الحلوه ولعيونك راح انزل بارررت بعد ساعه مو حابه اشوقك للاحداث القصه اكثر

رد: (روايــة مشــيت وررا احـلامـي وفجـاءه لقيـت نفسـي اطيـح)

سول اووف هوب اتمنئ اشوف ردودك وآرائك ع الروايه ومشكوره ع تواجدك

رد: (روايــة مشــيت وررا احـلامـي وفجـاءه لقيـت نفسـي اطيـح)

اتوقع نووف بتروح فيهااااا

رد: (روايــة مشــيت وررا احـلامـي وفجـاءه لقيـت نفسـي اطيـح)

يسعدنئ مرورك الرائع يامخاووي السراب:thumbup:

رد: (روايــة مشــيت وررا احـلامـي وفجـاءه لقيـت نفسـي اطيـح)

.البــــاررت العـــاشر



سمعت صوت الباب وهو ينفتح. امال انفجعت وارتبكت ماتدري وش تسوي حتئ مارفعت راسها... بس سمعته يقول وبصوته القوي: وش تسوين هناااا ؟..

امال ارتبكت وسوت نفسها تنظف الغبرره بالمنديل الي بيدها: اهلين الصقر.... جيت هنا ادورك كنت حابه اكلمك بموضوع.. بس مالقيتك بس لما دخلت لقيت غبره ع مكتبك فما هان علي وقعدت امسحها بمنديلي... المفروض تعاقب ذوولي الخدامين لي عندك ليييه ماينظفون مكتبك كويس..

الصقر بآبتسامه: ولا مرره اللاحظ مكتبي موصخ دايم ينظفونه بس تسلميلي ياقلبي لييه تمسحين المكتب بذي الايدين الحلوه..

امال بآرتياح انه ماشك فيها: تسلم عيونك... اجل انا بمشي

صقر اوقفها: كنتي تبيني بموضوع؟

امال اختبصت: اييه كنت ابيك بموضوع بس،، نسيت م اتذكر وش كنت بقولك ... وطلعت وكانت بتمشي بس الصقر مسك معصمها بسرعه وهو يهمس لها بآذنها وبكل حب: تتزوجيني.

امال جن جنونها وماتوقعت انه بسرعه وم نفسه يكون سهل كذا... امال بدوون شعور قربت منه وحضنته: ايييه مواافقه..

صقر استغرب حماسها: لدرجة ذي تحبيني

امال انحرجت م تصرفها وبعدت منه بخجل: ااا... اقصصـ... اقصد .. اا انا آسفه

صقر بآبتسامه: ولييه تتآسفين .... ورجع هو وحضنها ..

امال اختبصت وكانت بتبتعد بس هو شدد م حضنه لها وقال بصوته العذب: لي وافقتي مستعد م بكرا اخطبك.. ماصرت اتحمل بعادك تراكي جننتيني حيييل.

امال بدلع: احسن بعد اسبوع علشان انا اكلم ابوي عنك وبعدها اقولك

صقر فك عليها وهي تنفست الصعداء ولسئ ماهي مصدقه: طيب ياقلبي..

طلعت امال م الغرفه ...واول ماطلعت صرخت بشويش: يسس
....ومشت بسرعه وهي فرحانه وتكلم نفسها مو ياليان لوحدك تتزوجين واحد غني ويمكن الي عندي اغنئ م خطيبك... واااو ماني مصدقه...

ومشت لروان وباستها واخذت شنطتها ورجعت للبيت.. ولما وصلت لقت الترتيبات امها وليان يرتبون البيت ويحطون زينه ومزهريات وصور جديده ... م الفلوس الي اعطاهم اياها نواااف قدروا يشترون بهها اغراض ورتبوا فيها البيت... امال اول مادخلت ناظرتهم بغرور: ويييع مهما تعدلوا فيها هالبيت مايبين..

وطلعت لفوق ولا همها احد .. طلعت تسبحت ولبست وجلست بالغرفه تكلم العنود: يادبه اشتقتلك وينك لا تتصلين ولا تسآلين

العنود: انا انتظرك انتي تتصلين فيني لازم اكابر شوي عاد

امال: ويييع وربي قاسيه... انا لا انشغلت محدن يلومني لاني اشتغل وقت طويل م الساعه 12 لي المغرب وانتي وش وراك غير اكل ونومم يادوووبه..

العنود بدلع: طيب مزااج مابي اتصل فيك ... وبعدين صار معاااي جووو ثاني ينسيني الملل

امال بفضوول: واااي لا تقولين انك تحبين... نوونه معقوله انتي تحبين؟... ماصدق ...

العنود: ايييه صرت احب مليت مالي هدف بحياتي وجاء ذا الخبل وقلت اتسلئ فيه

امال: ياحماررره ..صرتي تتعلمين مني اللعانه... وين العنود الطيبه

العنود بسرعه: لا لا مابي اكون زييك بس انا ما آللعب فيه م جد بدااا يعجبني شوي

امال: تتهنوا ببعض انتي وحبيبك... عشنا وشفنا عنوودووه تحب ههههههههه

العنود: لييه وش ناقصني... علشان ما انحب

امال: ما ناقصك شي بس انتي كل شي عندك عيب ماتوقعتك. بس حلو تطلعيين م قوقعة افكارك المعقده.

العنود: بس طبعا كل شي له حدود مو زي بعض الناس ماعندهم حدود لشي

امال بقهر: تقصديني انا... اهااا ياحمارره لو كنت جمبك الحين اكون ضربتك يادووبه

العنود: اقووول ترا رجيتيني بصوتك القوي...يالله بسكر ابغئ اكلم الحب.

امال: قبل لا تسكرين ابقولك خبر

العنود: وش صار

امال بآستهزاء: ليانووه العصله انخطبت

العنود بفرحه: والله... مبرووووك تستاهل ليان اختك قلبها ابيض

امال بغيره: اخذت واحد غني وربي مايناسبها لياانووه اختي اتعودت عالفقر راح تفشلنا عند الناس وبتصرفاتها الهمجيه.. وييع بس

العنود اتفآجات: اموول تغارين م اختك انتي... وش ذا الكلام احد يقول عن اخته كذا

امال بضحكه قووويه ولها معنئ: ولييييه اغار منها وانا الي عندي يمكن احسن م الي عندها.

العنود مافهمت: مافهمتك،، وش عندك انتي؟..

امال بغرور: حبيبتي الصقر اليوم طلب ايدي للزواج ..وهو الحين متجنن فيني وماله حل خلاص وقع بين ايدين اموووول... انا تحديت انوارووه الزفته وسويتيها وعن قريب راح تسمعين بزواجي منه.... واول وحده راح يوصلها الخبر انوارروووه الكلبه.

العنود متفاجئه: واااااو اموووول سويتيها.. وربي انتي قويه.. قويه مرررره ...وشخصيتك رووعه ..وش سويتي له قوليلي.. وكملت: اخاف سويتي الي سويته ب آحمدوووه جننتيه بذاك الحضن ليين استسلم لك ..

امال بآبتسامه وجرآه: مو وايد شويتين.. بس قدرت بتصرفاتي ولبسي وكشختي اطيحه بشباكي..

العنود: وربي انتي مالك حل خلاص فصختي الحيااا.

امال: روووحي زين ناقصتك انا...

ودردشوا شويات مع بعض وبعدها سكرت منها ولما جات بتنزل سمعت الجوال يرن مرره ثانيه اخذت الجوال بدون لا تشوف الاسم وردت بسرعه: اللوووو انتي م ماتشبعين توك سكرتي مني

احمد هايم: فديت هالصوت الحلووو.

امال كشرت وتمنت انها ماردت: وش تبي انت متصلل اووووف وش ذا اللصقه

احمد: اوووف وش فيك نفسك شينه... هذا وانا اكلمك برواق ..تتكلمين معااي كذا

امال بحمق: اييه اكلمك بكيفي بالطريقه الي احبها وش دخلك فيني ياغبي ياعديم احساس يالدلللخ ..

احمد استغرب عصبيتها: لا ياحبيبتي مو كدذا تكلميني ترا انا احـ.... وماسمع الا صوت الجوال يتسكر: تووووط تتتتووووط ..

احمد عصب ورمئ الجوال بكل قوته: زين يا امول ان ماوريتك النجوم بعز الظهر يالحقيره ماكون انا احمد... هذا وعد اقطعه ع نفسي لازم انتقم منك واكرهك بعيشتك


عند امال حست نفسها طفرت وراسها وجعها: وش فيه ذا وربي غبي وعديم احساس... اوووف بس فاضي للمغازل..

نزلت وجلست عالكنبه ووحطت رجل ع رجل بتكبر وشموخ وهي تشوف امها وليان ينظفون ويشتغلون حتئ غدير كانت تساعدهم.. مسكت الريموت وصارت تغير بالقنوات بدون لاتتكلم


امها لما شافتها حست بآلم بقلبها ماتوقعت بيوم بنتها امول تكون بها القساوه وقلت الاحترام... وضاق صدرها وهي تشوف انها مافرحت لاختها ولا حتئ باركت لها وواضح منها انها تغار منها.. مشت عنها وماكلمتها ماتبغئ ترجع اليوم وتمرض ويرتفع ضغطها

مشت غدير عندها: امول قومي ساعدينا.. ماتشوفين البيت حوسه وحنا ننظف

امال تعلي صوتها علشان تسمع امها وليان: انا ما اخدم فبيت الفقر.. عن قريب راح اكون ف قصر وبحركه مني كل الخدم يصفون قدااامي ويسمعون كلمتي وازور كل الدول الي ابغاها والفلوس آلعب فيها لعب؛.
مو لياانوووه العصله لحالها تتزوج غني انا بعد راح اجيب واحد زييه واحسن منه بعد..

ليان ماتحملت كلامها وصارت تدمع بدووون لا تتكلم وتحاول ماتوري امها دموعها علشان لا تزعل وتتضايق.. وام ليان بعصبيه مشت لآمال وصفقتها كف بدووون شعور: اقوووول احترمي نفسك وتكلمي زي العالم والناس وربي اني اندم باليوم الي ربيتك فيك وشلتك بحضني وتعبي فيك كان كله بدون فايده فيك ماتستاهلين اي شي مني.. الله يهديك بس ..

امال قامت بعصبيه ودفتها: اقول وخري عني

امها انصدمت واتآلمت لانها طاحت بالارض بقوه: استغفرالله العظيم يارب اغفرلها وصبرني يارب ارزقها الصلاح ...وجلست تدمع م القهر...

ليان بسرعه راحت تطبطب ع امها: يمه يمه .. فيك شي

امها وهي تآشر لها بيدها معناها هي بخير بدون لا تتكلم وقامت واستندت عالكنبه وجلست وعيونها تدمع م القهر...

ليان ولآول مره ماتتحمل وتكلم امال بعصبيه: امالوووو انتي ماعندك قلب احد يسوي كذا بآمه

امال تستهزئ فيها: اووووب وصار لك لسان بعد... الظاهر السيد نواااف غير اخلاقك.

ليان بحمق: انطمي انا ما اتحمل احد يتعب امي بشي او يكسر قلبها والي سويتيه اليوم مابيه يتكرر ولا اشتكيك لابوي


امال ضحكت بستهزاء: وواااي يمه خفت... يعني وش يقدر يسويه هذاك الشايب عادي قوليله واعلئ مافي خيلك اركبيه... وهذيك امي ماهي بآمك وبكيفي اسوي الي ابي انت مالك دخل فينا انتي دخيله علينا..

ليان دمعت غصب عنها: هي صح ما طلعتني م بطنها بس رضعتني م حليبها وحنت علي مثل امي الحقيقيه واكثر وكبرتني وسهرت علي والحمدلله انه تعبها فيني ماراح هباءا انا كنت لها احسن م بنتها الي طلعتها م بطنها ..انتي يا امال مافيك رحمه ولا عندك ضمير والا ما بتسوين بآمك الي ربتك وتعبت فيك كذا..

امال طلعت وهي تغني وطنشتها ومقصدها انها ماتهتم بكلامها ... دخلت الغرفه لعبت بالجوال شوي وبعدها قامت وصارت تحوس بالدولاب مالها وهي تفكر بخبث: لازم آلبس شي يلفتت النظر وباكر اخلي كل الانظار علي اهم شي اخرب فرحة ذي الهبله.... وابتسمت ف نفسها صدق اني شريره ههههههه




_________________________*




اليوم الثاني م الصباح قامت ليان وام ليان وسووا المعجنات ووجهزوا كل شي وعالساعه 2 كملوا باقي الشغل وصاروا يطبخون الفطائر والحلويات وجهزوا اللازانيا والبيتزا والبقلاوة والفالوده وكثيررر اشياء عملوووها وخلصوا عالساعه ست .... ام ليان بسرعه وهي تستعجل ليان: يبنتي امشي تجهزي خطيبك واهله راح يجون بعد العشاء

ليان بآصرار: لا مراح اطلع لين اخلص معك كل شي .

امها: اذا تبين رضاتي اطلعي يبنتي وتجهزي وقتك ضيق واسمعي كلمة امك..

ليان: طيب راح اطلع واناديلك امال تجي تساعدك

امها توقفها بسرعه: لا تنادينها مابي مزاجي يتعكر اليوم وانا فرحانه بخطبتك ..راح اخلص هالشغل مابقئ شي بس بجلي الصحون واطلع

ليان ومالها قلب تطلع وتترك امها: طيب ياماما...

طلعت فوق وتسبحت وطلعت بالروب وعملت استشوار لشعرها وجلست امام المراييه وصارت تتمكيج..عملت كحل فرنسي وبلاشر احمر فاتح وروج احمر بارز ومبرز جمال بشرتها البيضه وشعرها الاشقر سيحته كله ع كتوفها ... ونزل لين اخر ظهرها نزلت خصلاتها ولبست فيونكه باللون الاحمر.... الفستان كان طويل ولونه احمر مبرز تفاصيل جسمها... والكعب كان بعد لونه احمر... وكانت كلها ع بعضها جننان واول مررره ليانن تلبس وتكشخ كدا .... خلصت وطلعت توري امها ...امها انبهرت فيها ودمعت وحست بنفس الوقت بحزن ماودها ليان تفارقها وهي الي مونستها بذا البيت ومريحتها م كل شي بس بعد فرحت لها وتتمنئ لها تتوفق بحياتها...

وبعد ساعه جووا نواااف واهله وشرفوا بيتهم رحبووا فيهم ابو ليان وام ليان..

وطلعت لهم ليان وقدمت لهم العصير ..... ام نوواااف خقت لما شافتها وابتسمت ع ذوووق ولدها الحلووو وكسرت شوي م غرورها..
ليان قدمت لهم العصير ولما وصلت لنوااف مسك يدها عمدا حتئ انحرجت وليان ارتبكت لانها مو متعوده احد يلمس ايدينها وبدون شعور طيحت صينية العصير م ايديها وانحرجت كثيرر ... انكب شوي عصير ع ثوب نوااف وعطته كلينكس بسرعه عشان ينظف ثوبه وهي اخذت بالكاسات بسرعه وراحت المطبخ وهي تلعن غبائها لانها حطت نفسها بموقف صعب وجلست فتره ف المطبخ كلما فكرت ترجع تحس مالها وجهه تطلع وتقابلهم..

ام نوااف انقرفت منها وهي تتمتم: هذي بداياتها حتئ ماتعرف كيف تاخد العصير

ام ليان تغطي السالفه: ليان بنتي خجوله وااايد ولا تلومونها لانها انحرجت وماعرفت وش تسوي

ابو نواااف يبتسم: عادي ماصار شي ذي الاشياء تحصل .

امال وهي نازله م الدرج وبكل غرور: لانها خبله وماصدقت انها تنخطب..

ام ليان وابوليان انصدموا ف امال بنتهم وصل فيها الانحطاط انها تخرب ع اختها وتقول عنها كلام ذا كذا...

ام ليان بعصبيه: رووحي انثبري بغرفتك

امال وهي تطنش امها وتسلم ع ام نووااف بثقه وغرور: وش اخبارك ياخاله..

ام نوااف ابتسمت لها حستها وحده شخصيه: الحمدلله وانتي

امال بدلع: بخير ولله الحمد وقعدت بالكرسي وحطت رجل ع رجل وهي تقز بنوواف م فوق لتحت وحست بغيره لما ناظرت ملامح نوواااف لانه احلا م الصقر بكثير وملامحه تبين قوة شخصيته ...

اما ام نوااف تناظر لكشخت امال وعجبتها لانها اووفر بزيها وبكل شي مبالغ . بس علشان مظاهر...

ولكن اعجبتها ليان بحلاتها والبساطه محليتها لانها جميله وبآبسط شي تسويه راح يطلع عليها حلو

ابو ليان خجلان م تصرف امال ومو طايق القعده الي فيها امال بس كلامه معها بعدين لما الناس ترووح لانها زودتها وصارت قليلة حييا..

ليان م بعد تردد رتبت بصينيه ثانيه وحطت مقبلات .. فطاير... بيتزا .... والبقلاوه والحركات الي سوتها هي وامها وقدمت لهم مررره ثانيه...

ام نوواااف بتكبر: انتبهي لا عاد تطيحين ذي الصينيه بعد ...

ليان وكنه حد كب عليها مووويه م الاحراج بس مابينت وسكتت ولا ردت عليها وصارت تحط لهم ككل واحد بصحنه حلووو ومقبلات...

ابو نووااف كان يناظرها وعرف م ملامحها انها بنت محترمه وطيبه ...وكان يفرق بينها وبين امال... وبقلبه ما ارتاح لآمال يحس انه اسلوبها سامجج ..

جلست ليان م بعد ماقدمت الحلووو والمقبلات وهي تبتسم ذيك الابتسامه الحلووه علشان تغطي انحراجها

نووواف كان يقزها م فوق لتحت وماترك شي ماقززه ...وهو يبتسم ويعطيها نظرااات وليان خجلانه حيييل ومنزله راسها...

امال تناظرهم وهي غيرااانه وواصله معها والي فهمته ان نواااف غرقان ف حب ليان حيييل ... قامت بحمق وطلعت غرفتها وهي طفراانه حيييل وماتدري لييه ماتبغئ لليان الخير..

عند ابو ليان وابو نوااف اتفقوا ع كل شي وقرروا ان الملكه راح تكون بعد اسبوعين والزواج بعد شهرين...

نوواف فرح لانه وده كل شي يصير بسرعه ... وبعدها قدموا ليان وامها العشاء واعجبهممم حيييل ام نووواف بغرور تسآل: مين طبخ ذا الطبخ...

ليان وامها خافو وافتكروا ان العشاء ما اعجبهم..

ام ليان بآرتباك: وانا وبنتي ليان..

ام نواااف بدوون نفس: تسلم اياديكم.. بصرااحه الطباخ حلووو.. الظاهر عروستنا لها نفس حلو بالطبخ..

نوااف ابتسم وعرف ان امه بدت تحب ليان اولا شكلها وبعدين طباخها بس يعرفها ماتبغئ تتنازل بسرعه ولازم تبين انها قوويه ..

كلووا كلهم ونواااف لسئ عيونه ع ليان: تسلم ايدك ياخاله ... وسكت شوي وبعدها كمل وهو يقززها ومركز ع عيونها: انتي وبنتك الحلووه

ام نوااف استغربت جرآة نووااف وهمست له: اقول نوااافووو اهجد واثقل شوي

نواف ابتسم وهو يهمس لها: لا تلوميني يايمه انتي مو تشوفين ذي القمر الي قدااامي وربي زين للحين ماسك نفسي..

امه بققت عيونه: وش بتسوي يعني اقول لا تفضحنا كلها شهرين وتكون جمبك لا تغربلنا الله يغربل ابليسك

نواااف سكت وهو يكتم الضحكه الظاهر امه خافت م كلامه...


بعد ساعتين م بعد الاتفاقات والعشاء مشوا ابو نواااف وعايلته للبيت وليان طارت م الفرح وواول مررره تحس ان الفرحه تغمرها كذا وصارت تتخيل نوااف ونظراته وحست بآعجابه وهي بعد انعجبت فيه وبآسلوبه الطيب...

دخلت امها عندها وهي تبتسم وفي عيونها الدمعه: يبنتي اليوم كنتي عروووسه وربي فرحت لك م قلبي وانا امك راح افتقدك حيييل ..ودمعت عينها: نواااف طيب واخلاقه عالييه يارب يوفقك معاه....وقربت منها وحضنتها: نامي يبنتي اليوم تعبتي حيل م الصبح وانتي قايمه وتحوسين بالمطبخ وبعدها تجهزتي لخطيبك والحين نامي وريحي...

ليان بحب وهي تبوس امها ع خدها: طيب ياماما.




~ انتهئ البارت~


~توقعاتكم~

رد: (روايــة مشــيت وررا احـلامـي وفجـاءه لقيـت نفسـي اطيـح)

جميييلة البارتات والقصة كل مالها تصير مشوقة اكثر,
اتوقع انه نواف يتزوج ليان وتتم امورهم بسلام بس اظن انه امال بتحاول تسوي شي بس يارب
ماتنجح, وبالنسبة لامال فانا نفسي اصفقها كف(يعني اسفة والله اعذريني) بس الله يهديها وبس.
اتمنى اشوف المزيد من ابداعاتك.

رد: (روايــة مشــيت وررا احـلامـي وفجـاءه لقيـت نفسـي اطيـح)

هههههه م جد تستاهل الكف شريره امول وتوقعاتك حلووه ;)

ويالله ياحلو انتي بعد نزلي لنا بارت بصراحه كل يوم امر ع روايتك واتمنئ اني آلقئ بارت وماآلقئ لاعاد تشوقينا اكثر بليزز نزلي لنا بارت اليوم

رد: (روايــة مشــيت وررا احـلامـي وفجـاءه لقيـت نفسـي اطيـح)

.البــــاررت الحـــادي عشـــر




اليوم الثاني قامت ليان ووجهها مشرق ومنور وهي تحس بشي جديد يجتاح احساسيسها وقلبها الصغير..

قامت تسوي فطور لاخوانها وخلصت شغل البيت وقعدت تخيط فستان لاختها غدير..
قامت امها م النوم وهي تبتسم: عروستنا وش تسوي

ليان بخجل: صباح الخير ياماما

ام ليان فهمت انها تصرف: تتهربين هااا... المهم وش خبارك اليوم..

ليان ببشاشه: انا كويسه ياماما وانتي

امها: الحمدلله انا بخير دامك بخير.

مشت ام ليان للمطبخ تفطر ونادت ليان تفطر معها بس كانت ق فطرت وخلصت ..

نزلت امال وهي تكشر: وويع الي ينخطب ع نوواااف العالي بعد يفكر يرجع لذي السوالف التافهه خياطه ومدري وشش ... صدق بنت فقر

ليان طنشتها وكملت خياطه... امال انقهرت منها وم برودها الدايم: اووووف تمثال وربي وشلون بيتحملك نوااافو...

ليان ابتسمت بحب وهي تقول بخاطرها: نوووااافي غيرر رااح اطلع كل مواهبي ف الحب والرومنسيه معااه


مشت امال للمبطخ علشان تفطر،، وكشرت لما شافت امها بالمطبخ وبدون نفس: اصبحنا واصبح الملك لله

امها بقهر: الناس تقول صباح الخير ياقليلة الخاتمه..

امال بطفش: انتي اصلا م تشوفين وجههي ع طول تبين تخترعين المشاكل... اوووف

امها بقهر قامت م ع السفره وهي تقول بآسئ: افطري براحتك راح افضيلك المكان ادري شوفتي عندك شؤم.. استغفرالله لو كنت ادري انك بتطلعيلي كذا كان تمنيت ماجبتك ولا تعبت فيك يالي ماتستاهلين..

وطلعت وتركتها~

امال وهي تكشر بتعابير وجهها وتقلدها: لو كنت ادري انك بتطلعيلي كذا كان تمنيت ماجبتك ولا تعبت فيك يالي ماتستاهلين..

اوووف وش ذي الام ماتعرف غير النكد...

فطرت ولما خلصت قامت وراحت لغرفتها تسبحت وطلعت بروبها مشطت شعرها وسرحته تسريحه خفيفه ولبست جينز ازرق غامق مع تي شيرت باللون التيفاني وحقيبه ع كتفها وصندل باللون التيفاني وطلعت وكانت روووعه .. مشت لقصر صقر ....





__________________________*





مرت الاسبوعين وامال ميته م الفرح لانها استلمت اول راتب لها وكانت ايدها مليانه فلوس وماهي مصدقه 10،000 فذاك الظروف مو مصدقه...وتفكر وش تسوي فيهم تروح السوق... ولا تحفظهم للوقت والا وووش ..بالاول كانت مفتكره تعطي اهلها شوي وبعدين راجعت نفسها وهي تقول: مايستاهلووون مني شي وخلي نواااف ينفعهم ..

وابتسمت بخاطرها اليوم راح اطلع انا والعنود ونتعشئ برا محد يستاهل غيرها..

اتصلت فيها واخبرتها...العنود تحمست وقالت لها تمام


…………



عند ليان راحت هي وامها للسوق علشان يشترون اغراض للملكه شروا فستان بنفسجي وواكسسوارات وحركات علشان تحطها بشعرها وحذاء بنفسجي... ولفووا بالسوق وشرت اغراض هي م زمان تبغئ تشتريها ولما خلصوا رجعوا وايدينهم مليانه اكياس دخلوا البيت ورجلينهم تعبانه م اللفه فالسوق ورموا نفوسهم ع طول بالكنبه..

ليييان بتعب: اووووف تعبت

ام ليان: ولسئ ماشفتي شي ذي علشان ملكتك بس لزواجك راح نتعب اضعاف ذا التعب..

ليان بآبتسامه جذابه: بس مع ذا التعب رراحه.. شي حلو نتسوق ونتشرئ بكل شي نبغاااه

ام ليان بحزن: ايييه يبنتي حنا انحرمنا م ذي الاشياء بسبب ظروفنا بس الحين انتي راح ترتاحين ونوواااف راح يدلعك والسوق شكله يوميا راح تروحين له

ليان خجلت: مو لذي الدرجه مو يوميا.


…………



اليوم الثاني..



فالملكه.. خلصت الكوافير لليان وكانت تناظرها وهي منبهره بجمالها الرباني وتسمي عليها م العيون والحسد: ماشاءالله تبارك الرحمن.. ملكه ماشاءالله ربي يحفظك

ليان بخجل ابتسمت وماتكلمت...

الكوافير بحب: طيب انا الحين بمشي تبين شي قبل لا امشي..

ليان: سلامتك

مشت الكوافير وقامت ليان وطالعت نفسها بالمرايه وماهي مصدقه عمرها وهي شايفه نفسها بذي الجمال ..رغم انها جميله بس كانت ماتهتم بعمرها واهم شي عندها اشغال البيت ورضئ اهلها ونست جمالها بس الحين ماهي مصدقه وتحس انها ملكه وشكلها جدا متغير...

كانت الكوافير مسويه لها ميك اب بنفسجي ومزجت معااها شوي اسوود وروج وردي وفيه لمعه... وبلاشر وردي فاتح ومكبررا رموشها بماسكررا الي كررتتها لين طولت رموشها اكثر لان ليان رموشها كثيفه اساسا وماحبت تحط لها رموش صناعيه... وشعرها نزلته بالكامل علشان تظهر حلاوته وطوله بس سوته بالفير وخلته متموج وسوت لها بف م قدام ونزلت لها خصلات رقيقه..وحطت اكسسوار م قدام كان مخليها ملكه رووووووعه..

الفستان كان عباره ع فستان طويل باللون النفسجي وبه ذيل طويل ومفتوح م قداام ومبين رجلينها شوي والحذاء الطويل باللون البنفسحي وفيه الذيل كان عليه كسراات وف الكسرات كان فيها فصوص وكريستال ..وم قداام عند الصدر كان فيه حززام باللون الفضي وكان حركته مثل الاكسسوار وكان ضيق ومبرز جمال جسدها النحيف ..
ليان ماكانت تطلع وماكان لها صديقات وبهالشي افتقدت الاحساس بالرفقه ...لان اختها مو مقربه منها وم فتره صارت لها عدووه... ولو كانت عندها صديقه كان حضرت خطوبتها وووقفت معها وخففت عنها توترها ...هي رفيقتها امها وبس ..


بعد لحظات فتح ابوها الباب وهو يقدم لها الدفتر ويقول لها وقعي...

ليان بآرتباك وبيد مرتجفه اخذت الدفتر ووقعت،،، ابوها باس جبنيها وهو يقول لها مبروووك

ليان ووجهها محمر: الله يبارك فيك يابابا..

ابو ليان بدموع: الحمدلله ان ربي رزقني العمر حتئ ازوجك واتطمن عليم واشوفك عرووسه ويارب يطول بعمري واشوف احفادي

ليان وهي تحضن ابوها ودموع عيونها بغت تنزل بس خافت لا الكحل يخرب: ربي يطول بعمرك ويخليك لنا يايبه..

ابوها وهو يطبطب ع كتفها: ان شاءالله ... ويالله اخليك معرسك بيكون جانن ومستعجل علشان يشوفك... خليك جاهزه بعد شوي راح تطلعين له..

ليان وقلبها رجع يدق دقات جنونيه: طيب..

طلع ابوها وترك ليان تغرق بآحلامها الورديه وعشقها الي بدا يغمر قلبها بالسعاده ...كانت تفكر بنوااف وش يقول لا شافها وابتسمت بدلع: راح اجننه...
وبعد لحظات رجع التوتر يجتاح قلبها الصغير وجلست وهي تنتظر اللحظه الصعبه بالنسبه لها



…………




عند امال الحقوده كانت تضغط ع اسنانها م القهر والحمق وكانت تحسد ليان حظها وكانت تقول بخاطرها بكرا راح تكلم ابوها بسالفه صقر وراح تكلم صقر انه يعجل بخطبته علشان تقهرها وتعرفها انه مو هي وبس الي تتزوج غني... كانت افكارها مسمومه وقاسيه بآتجاااه ليان وماخفي اعظم...



…………



دخلت ام ليان بسرعه: يالله قومي يبنتي زوووجك يبي يشوفك

ليان توترت: الحين

ام ليان ضحكت: ههههه والا متئ ...الرجال متشوق يشوف حرمته

ليان قامت وهي ترجف ومسكتها امها م ايديها وطلعت معها ودخلتها للمجلس ومشت وتركتها وهي تقول بآبتسامه: وذي عروستك وصلت

نووااف بحماس تنحنح وقام وهو منبهر ف جمال ليان وبخاطره يقول: وش هالجمال ..هالبنت مستحيل تكون عربيه جمال فتاك


ليان جلست مقابلته ومستغربه فيه وكانت عيونه ونظراته فحالة سرحان وعرفت انه مو معها... سكتت وهي تنتظره يرجع لواقعه.

نواااف وصحئ م احلامه وافكاره الي خذتها ليان ورجع يقزها مرره ثانيه وبدون شعور قرب لها وجلس جمبها: وش اخبارك.

ليان بآرتباك: الحمدلله

نوواف وهو يمسك ايدها ويمسح عليها بآيده برقه: وش فيك مستحيه انا زووجك.

ليان حست بشي غريب لما قالها زووجك وسكتت وهي تحس انها التنفس بدا يتوقف عندها م قربه منها الي خلاها تكتم انفاسها م الخجل..

نوااف بآبتسامه سحرتها: ماتبين تسآلين عن حالي

ليان بهمس: كيفك انت.

نواااف بجرائه وهو يقرب شفايفه لآذنها وهمس لها: دامك بخير انا بخبر ياقلبي

ليان صار قلبها يدق دقات جنونيه... وذابت فيه وبرومنسيته وشاعريته ... مافتكرته يكون كذا رومنسي وشاعري..

نووااف وقرب اكثر وباس خدها: وش فيك اتخبصتي كذا

ليان وتيقضت م احلامها الورديه وتكلمت بصوت خافت: ابمشي

نواااف وقرب احتضنها بقووه: مرااح اخليك تمشين لسئ ماشبعت منك..

ليان سكتت وحست بخذووول بجسمها قربه كهربها ... فكها نوااف وهو يبتسم لها بحب: ياليت اليوم زواجنا مو ملكتنا..
لاني ما ابغئ افارقك ابد

ليان ابتسمت بدلع: لييه مستعجل

نوااف فرح انها بدت تاخذ وتعطي معااه: ابيك ماتدرين وشلون حالتي بدونك.. فآي وقت اتخيلك وبنومي احلمك وشوقي لك ماصار له حدود واحس اني ماعدت اتحمل بعادك عني..

ليان نزلت راسها قامت وهي تنوي تمشي... بس نوااف كان اسرع وشدها م معصمها بقوه لين صرخت بشويش: ااااايييي

نوواااف بعيونه العسليه الي كانت تلمع وهي تناظر ليان: فديتك انا.... وش فيك مستعجله انا لسئ ماقلت لك تطلعين اسمعي كلمة زوجك ليونتي

ليان ذابت وهي تسمع ليونتي لااا وصار يدلعها..

نوااف مسك وجهها الصغير الي كان مورد م الخجل وباس جبينها: اشوفك ع خير ياقلبي .. بس قبل لا تروحين اعطيني رقم جوالك.. علشان ما انحرم م صوتك ذا الحلووو

ليان بحب: طيب... وملته الرقم (……).

نواف: تصبحين ع خير حبيبتي

ليان وبدون لا ترد ركضت لغرفتها وهي مو مصدقه عمرها وصارت تتخيل نواف وحركاته وتصرفاته..



___________________________*




اليوم الثاني ..


نزلت امال ومالها خلق لاحد وغيرتها م اختها ليان وصلت لحد ما تقدر هي تخفيها.. واول مادخلت القصر... لقت صقر بوجهها وقفته بسرعه وبدون مقدمات: اذا تحبني تعال باكر واخطبني

صقر بآستهزاء: وش فيك مستعجله ماقلتي راح اقول لابوي

امال بتعالي: اليوم راح اقوله وانت تعال بكرا واخطببني... وقربت منه وهي تلعب بياقة تي شيرته : تدري ماصرت اقدر اعيش بدوونك وبعدين انا ابغئ افتك م بيت هلي ترا اني طفشت م العيشه معهم

صقر بآستهزاء: تعبتي م الفقر مثلا

امال حست بقهر بس ماحبت تبين وكلمته بالقوه الغرور المعتاده منها: اييييه مراح اكذب ابغئ اعيش جمبك وبذا القصر الي يستحقني واستحقه.... وهي ترفع حاجبها: صححح

صقر ذاب ف قوتها وغروروها: اييييه وانا ابيك اكثر... طيب كلمي ابوك وانا بكرا م عيوني اجي واخطبك

امال بدلع قربت وحضنته وهي تبتسم بخبث: ربي لا يحرمنا م بعض ياقلب امولتك

صقر بادلها الحضن: امين...

امال بعدت عنه وهي تدلع: اخليك بمشي لروان ... ... صقر بقوووه شدها م معصمها: اتركي عنك روان وخلي اليوم لي انا وانتي لوحدنا... ودي اجلس معاك

امال بهمس: بكرا لا خطبتني يصير خير بس انا اليوم بقعد مع بنتك هي تحتاجني اكثر منك

صقر بضحكه قويه: ياحلووو غرورك يا امول

مشت امال لروان وهو طلع وراح لدوااامه...



_________________________*





بالليل عند امال لما رجعت م الدوام بدلت ملابسها وتسبحت ولما طلعت م الحمام صلت العشاء.. ولبست قميص خفيف وطويل لونه وردي ومرسوم عليه دبدوب ومعاه برمودا سودا ولفت شعرها بشباصه ونزلت تدور ابوها ودها تكلمه وتخبره بخصوص صقر ...

نزلت ولقت امها وليان قاعدين يتابعون فيلم اجنبي... تآففت ومشت تدور ابوها بغرفته ... دقت الباب ودخلت لقت ابوها يقرآ قرآءن قبل لاينام.. دخلت امال وهي تجلس جمب ابوها: ابغئ اكلمك بموضوع..

ابوها وهو يسكر المصحف ويحطه بالطاوله الي جمبه: تكلمي

امال: في واحد يبي يتقدم لي

ابوها بآستغراب: مين ذاا؟..

امال اختبصت هي ماتعرفه غير صقر ولا فكرت تسآله م اسمه كامل: اسمه صقرر

ابوها بجديه: صقر مين؟

امال بتوتر: مدررررري ماسآلته

ابوها بقق عيونه: طيب م وين عرفتيه

امال اختبصت اكثر وبدت تلف عيونها يمين ويسار تدور كذبه وماعرفت وش تقول وبالاخير نطقت: هووو. ...ـوو



~إنتهئ البااارت~