رد: (روايــة مشــيت وررا احـلامـي وفجـاءه لقيـت نفسـي اطيـح)

تسلمي حبيبتي كلك ذوق...
بموت بالأشياء الغير تقليدية..

رد: (روايــة مشــيت وررا احـلامـي وفجـاءه لقيـت نفسـي اطيـح)

احلا شي تكتبين شي مو متعودين عليه ويلفت نظر الجميع

رد: (روايــة مشــيت وررا احـلامـي وفجـاءه لقيـت نفسـي اطيـح)

مزبوط... سوري قلبت روايتك شات..
لا تطولي علينا عيوني

رد: (روايــة مشــيت وررا احـلامـي وفجـاءه لقيـت نفسـي اطيـح)

هههه عادي فديتك خذي راحتك :cool::)

رد: (روايــة مشــيت وررا احـلامـي وفجـاءه لقيـت نفسـي اطيـح)

مراح اطول ان شاءالله

رد: (روايــة مشــيت وررا احـلامـي وفجـاءه لقيـت نفسـي اطيـح)

رووووووووعهههه روروو
استمري يا قلبي

رد: (روايــة مشــيت وررا احـلامـي وفجـاءه لقيـت نفسـي اطيـح)

البــــاررت التـــاسع عشــر




احمد وبدموعه اسبقت كلامه: نوووااااف سامحني

نوااف بآستغراب: ليييه

احمد بضيق: انا سبب دمار حياتك بينك وبين زوجتك

نوووااف انصدم اكثر: وووووشششش؟؟!!.....

احمد نزل راسه ومايدري وش يقووول وكان حاس بندم كبير: اسمعني للآخر يانواف وماتزعل انا لو ادري انها كانت تقصدكم انتم مكنت صدقتها وربي مادري وش اقول .. نوواف.. انا الي كلمت ع رقم زوجتك ذاك اليوم وزوجتك بريئه انا معرفها بس الحب والله يقطع الحب الي يخرب بين زوجين وحده انا حبيبتها الظاهر تحقد ع زوجتك وهي الي خلتني اسوي كذا فيكم ... السموحه يانوااف وربي خجلان منك وحاس بذنب كبير مكنت ادري انها تبي تخرب حياتكم الله ياخذها ونزلت دمعه م عينه نواف صدقني انا ما اقصد

نوواف لسئ مصدووم ومو مصدق خراب حياته ودمارها بسبب ولد عمه الي يحبه ويثق ..دمر حياته م اجل وحدده حقيره وسافله.. يعني انا ظلمت ليان انا اهنتها وتعبتها بالعيشه معاي كرهتها بالزواج مني انا اصلا ماصدقتها ماوثقت فيها هي ماتستاهل واحد زيي... قااام بسرعه وبعصبيه وضرب بكفه ع فخذه بدووون شعور وصار يمسح ع وجهه وصرخ بوجه احمد وبكل قهر وغيض مدفون صارله شهور: ياحقيير يالنذل خربت عيشتي كرهتني بزوجتي وخليتني اشك فيها وتعبتها بالعيشه معاي حتي وصلت معاي وكنت بيوووم راح اذبحها والسبب كله اااااانننننت .. انننتتتت ياولد عمي وصديقي واخووووي يسوي فيني كذا يدمر حياتي مع شريكة حياتي وحبيبتي ليان الي تعبت لين تزوجتها وبالاخير ظلمتها معاي والسبب انت ..

انا مو محللك ومراح اسامحك بالي سويته فيني خلي حبيبتك تنفعك وربي راح يعاقبك ع فعلتك ذي الله ياخذك انت وحبيبتك ونفتك م شركم خرابين بيوت ...

وحتئ لو مكنت انا ترضئ يجي احد ويخرب عيشتك كذا يعني انت ماتفرق عندك الي سويته ماحسيت بتآنيب ضميرك ماوجعك قلبك بالي سويته .... صرررخ لين انهار وطاح ع ركبتيه وهو يرجع شعر لورا وعيونه محمره ودموعه بدت تنزل: وشش اقول هالحين لزوجتي وحبيبتي ليان انا ما استحقها انا واحد نذل وحقير يوم اني تركت واحد سافل زيك يلعب فينا ع كيفه انا استاهل لاني اعطيت مجال لآشكالك يتلاعبون بحياتنا..

احمد عيونه احمرت وصارت تدمع: وربي انا آسف آسف يانواف والله ما اقصد انا راح انتقم منها ذي مراح ارحمها ورحمة امي مراح ارحمها انا راح اطلع حقك وحق زوجتك منها..

نوااف قرب ومسكه م ياقة تي شيرته بقوه وشده وطيحه بالارض: مابي انتقامك ابيك تروح م وجههي وتختفي ما ابغئ اشوفك م بعد اليوم

احمد يهديه: نوواف اهدئ نووااافووو وربي انا مابغئ ادمر حياتك وسامحني يانواف

نواف مشئ وتركه وهو مقهور ومايدري بآي وجهه راح يقابل ليااان ..لما كان يسوق كان يفحط بالسياره بدون شعوور وشعوره بالذنب اتجاااه ليان ماراح منه وغير صدمته م احمد مو قادر يستوعبها للحين ووصل للقصر خلال غضون وطلع غرفته ودخل حتي ماقال السلام لآمه الي كانت قاعده بالصاله واستغربت منه لما دخل معصب وماله نفس...

امه بغرور: هذا م تزوج ليانو وجهه الفقر مشفناه بيوم مرتاح.. اصلا انا الغبيه الي طاوعته وخطبت له اياها...لو تزوج وحده م بنات عمه يكون مرتاح هالحين..

نوااف دخل غرفته وسكر الباب وراه بقوه ودخل الحمام وقعد ع الجاكوزي وكان الماي دافئ عله يخفف م توتر اعصابه وطول ماهو متمدد عالجاكوزي كانت افكاره كلها بليان وكيف فرط فيها بذي السهوله كيف يتذكر مواقفها لما كان متزوجها وحركتها فالغرفه ملامحها الجميله جسمها الرشيق واسلوبها الطيب كان يحس براحه داخليا عرف انها بريئه م كل التهم وبنفس الوقت زعلان عليها يوومه كان يعاملها بقسوه ..



__________________________*





عند امال وهي فرحانه انها حامل واخبرت صقر ومات م الفرحه معها وكانت الساعه 12 ليلا وكانت تتجهز وتلبس ملابس نوم علشان لا جاء صقر وشافها يتجنن عليها اكثر ... لبست لبس نوم حريري شفاف باللون الابيض قصير لفوق الركبه .. سيحت شعرها كله لتحت كان واصل لنص ظهرها وسوت فيونكه ع شعرها وجلست جلسه دلوعه ومغريه لان صقر بعد دقايق بيجي لانها تدري انه يجي عالساعه 12 او 11 مايطول بالسهر...

طوفت الساعه 12 وهي لسئ تنتظر

وجات الساعه1 وهي بعدها تنتظر.

ومشت الساعه وحده وصارت 2 وهي تنتظر وغلبها النوم وصقر لسئ مارجع وبعد عشر دقايق تقريبا دخل صقر الغرفه وهو يترنح وماقدر يصلب طوله وريحت الخمر تفوح منه واول مادخل الغرفه رمئ نفسه عالسرير بقوووه وهو مو شايف كشختها اصلا وشوي سمعت صوت شخيره .. امال بقهر صفعته بخده صقر اصحئ وش فيك.... وابتعدت عنه بهرع وهي وتكشر لما شمت منه الريحة الخايسه .. صقر نام وصار يشخر ولا ع باله .. امال م العصبيه رمته م السرير لين طاح عالارض وعلت التكييف ونامت وتغطت وتركته بدون غطئ علشان تعاقبه وماهي الا لحظات ونامت وهي وسط دفئ اللحاف الناعم.. اما صقر مثل الحمار مطيح بالارض ومايدري وين الله حاطه..



__________________________*




~اليــوم الثــاني~


عند نواااف نزل وهو مقرر انه يروح يكلم ابو ليان علشان يبغئ يرجعها ماصار يقدر يبعدها عنه واكيد،دام عرف انها بريئه مصار له اي عذر يقعد .....

نوووااف وهو يجلس جمب امه عالكنب ونادئ الخداامه: ميري.. ميري

جات ميري: نعم بابا

نوااف بسرعه: جيبي لي فطور مع شاي بالنعناع

ميري: اوك

مشت ميري تجيب الفطور ونوااف قعد وهو يوجه نظره لآمه: يمه انتي فطرتي ولا بعد

ام نوااف بدلع: ياقلبي انت تدري افطر م الساعه 8 والحين صارت الساعه11 تفكرني زيكم ماتشبعون م هالنوووم اوووف بس منكم

نووااف بآبتسامه: يمممه انتي مايعجبك شي دوووم كذا..

ام نوااف: وانا الصادقه عند ربي.. جيل اول مافي منه وجيل الحين الله يستر منه

ابتسم نوااف وهو يغير ملامحه للجديه: يمه ابيك بموضوع.

امه بحيره: اي موضوع؟!..

نوااف: انا قررت اارجع ليان لي

امه بققت عيونها: وليييه تبغئ ترجعها انا اخطبلك الي تبي وبنات الحلال كثير

نوااف بملل: ما ابغئ البنات الي تقولين عنهم ابغئ زوجتي ليان وبس تروحون معي علشان ارجعها ولا اروح بروحي

امه بملل شوف اابوك خله يروح معك..

نواااف: طيب .. بعدين لا شفته ابسآله علشان بكرا ابغئ اروح لها

امه كشرت ورجعت تشوف التيفي وماهي الا لحظات وجابت له الشغاله الفطور وقعد نواااف يفطر وهو ساكت وكل تفكيرك وخياله مع ليان..




_________________________*




عند امال قامت الصباح وهي طفشانه مقهوره م صقر ماتوقعت انه يشرب وانه يطلع نذل وشوي راجعت نفسها وفكرت اييييه يمكن ذا تهديد انوار يومها قالتلي انتي لسئ ماعرفتي عيوبه وراح يجي يوم واعرفها... ياربي لا يكون ذي وحده م عيوبه الي يستر م المستخبي..

قامت عشان تروح تتسبح لقت صقر لسئ طايح بمكانه اتكشرت منه وهي تتذكر ريحته الخايسه بالامس: الا اقول ويعع بس وييع يستاهل .. وطلعت م الغرفه وهي تنادي الشغاله: سووما .. سوووما .. تعالي بسرعه..

جات الشغاله ركض: نعم ماما امال

امال بحمق: جيبي للخايس الي عندي شاااي او قهوه يصحصح فيها

الشغاله بآستغراب: م هو كايس ..

امال فهمت عليها: جيبي لبابا صقر شاي او قهوه وجهزيلي الفطور انا راح اتسبح الحين وانزل

الخدامه: تيب ماما

مشت الخدامه وراحت امال تتسبح وهي تكشر ونفسها بخشمها ومالها خلق لآحد..


_________________________*




عند ليان قامت وهي تحس بآرهاق وجسمها مكسر لان نومها كان مو مريح بالامس وكانت بتحلم نووواف في كوابيس ارعبتها ...


قامت ومشت للحمام تسبحت ونزلت قعدت بالصاله ماكانت قادره هاليوم ع الطباخ وتنظيف البيت وفكرت انها تريح شوي وبعدين تسوي شغلها هي طبعا مراح ترضئ ان امها تدخل المطبخ وتكنس وهي موجوده بالبيت ولو كانت حتئ تعبانه..

وبعد لحظات قامت امها م النوم: صباح الخير يالولو

ليان بكسل: صباح النور يامامي..

امها: وش فيه وجهك تعبانه.

ليااان: لا بس شوية ارهاق ودوخه امس مانمت زين ..

امها بفرحة: يبنتي لا تكونين حاامل

ليان بفجعه: لا لاااا مستحيل

امها: وش الي مستحيل انتي كنتي متزوجه وم تطلقلتي صارلك 3 اسابيع يعني ماتدرين ماصارلك وقت طويل م تطلقتي

ليان ضاق خاطرها وصارت تكلم نفسها: وشلوون احمل ونواااف م يوم تزوجته ماقرب صوووبي ووش بتسوي امي لو تدري ان بنتها مثل مراحت من عندها رجعت ... بس انا لازم ما اقولها ما ابغئ مزاجها يتعكر..

ليان: يايمه مافيني شي لااا تتحمسين كل مافي السالفه اني مرهقه وصارلي فتره مانمت كويس ..

امها: طيب يبنتي ارجعي نامي وارتاحي وشغل البيت انا الي اسويه

ليان بسرعه: مستحيل اخليك تسوين شي .. ترا قلبي مايرضئ اشوفك تسوين شغل البيت وانا موجوده

امها: يابنت امشي نامي انا بسوي اتركي عنك الدلع ذا

ليان قامت وراحت لغرفتها فعلا كانت محتاجه للراحه لان جسمها منهك م كثر التفكير ف زوجها

ام ليان بدت ف كنس البيت وتنظيف الارض وطبخت الغدا وهي تدعي م قلبها لبنتها ليان ان ربنا ييسر امرها ويرزقهاكل ماتتمناااه




__________________________*




عند نووواف دخل المكتب عند ابوووه ودق باب الغرفه ... ابو نوااف م داخل الغرفه: تفضضل

دخل نوااف الغرفه وجلس بالكرسي الي مقابل ابوووه ودخل بالموضوع بسرعه: يبه انا ابيك بموضوع

ابو نوواف وهو يقلب الاوراق ويوقعها: اي موضوع

نوااف: ابرجع ليان ع ذمتي

ابو نوااف بفرحه: زين ماسويت ...متئ ناوي ترجعها..

نوااف: اليوم بعد المغرب ان شاءالله

ابو نواااف: طيب وانا بروح معاك .. ليان بنت ماتتعوض وانت غلطت يوم تركتها بس زين رجع عقلك ورجعتها..

نوواف بضيق: انا ماقدرتها .. بس هالحين وعيت وبآذن الله راح اعوضها

ابو نوااف: طيب والله يوفقك بحياتك ياولدي

نوااف: امين

طلع نوواف وترك ابوه يكمل باقي اشغاله وهو صعد الغرفه يشوف وش يلبس اليوم لان اليوم بالذات راح يعتبر نفسه معرس ولازم يروح بطله حلوه لحبيبته وقلبه ليان




___________________________*




عند امال كانت تفطر وهي تنافخ ... وشوي نزل صقر وحالته حاله وكان مصدع ماله خلق لشي.

امال بقووه: تسبحت؟

صقر بتعب: اييه

امال بآستفزاز: اشوئ قرفتنا بريحتك الخايسه ذي

صقر بحمق: اقول انطمي وحطي لسانك بحلقك

امال بعدم اهتمام: وليييه انطم وانا اتفاجآ برجلي وهو يدخل علي وسكران بعد... تبغاني اسكت.. لا والله ماسكت

صقر ضرب ايده بالطاوله بقوووه لين تطايرت بعض الصحون والاكل الي فيها: اقول اسكتي ولا شفتي شي عمرك ماشفتيه

امال بقووه وماخافت م تهديده: ورني الي عندك باقي فيه اكثر م كذا ... انا ماتوقعتك تشرب بس م شفتك امس طحت م عيني كثير ويمكن.نوروه كانت صادقه والحين عرفت اني اختياري لك كان خطآ
وقامت وهي معصبه: سديت نفسي الله يقرفك~

صقر عيونه احمرتت وصار ينافخ بذيك اللحظه يبغئ يخنقها وهو يشوف لسانها الطويل عليه ... مسك معصمها بقووووه وشدها له وعطاها كف قوي ... قداام الخدم ..امال احمرت عيونها وحست بضيق قربت له ودفته بآقوئ ماعندها صقر امر الخدم يروحون... وامال صار تنفسها يطلع ويهبط بقووووه م عصبيتها وبعد م خوفها منه عرفت ان صقر مو الي تمنته.. قرب صقر ورماها بالارض وهو يدفها برجله وهي تمسك ع بطنها خايفه عالجنين .. وكانت تصارخ عليه يبعد عنها: ابعد عني ياحقير ياسافل ابعد

وصقر مو سائل عنها ولا عن طفله.. وشوي قامت وهي تركض وتمسك بطنها واستخبت بغرفتها وسكرت باب الغرفه وهي تبكي وتحس بآلم وقلبها يدق بقوه.. صقر كان يدق باب الغرقه بقوووه ماشبع لسئ.. وكان وده يضربها اكثر واكثر...

امال بسرعه اخذت جوالها واتصلت ع سعاد كبيره الخدم وقالت لها تتصل بطبيب العايله خايفه عالجنين لا يصيبه شي وهددتها انه ماتترك الطبيب يدخل الا لما يمشي صقر ...

سوت الخادمه الي قالته لها امال واتصلت بالطبيب وقبل لا تدخله للقصر شيكت بالقصر بالاول ومالقت اثر لصقر لانه لما تعب راح لغرفة الضيوف ورمئ نفسه عالسرير يسترخي شوي...

دخلت الخادمه الطبيب بكل حذر الئ غرفة امال وكانت هي معهم وسكرت الباب بالمفتاح .. فحص الطبيب امال وكان متحير وفجآءه تكلم بتوتر: جنينك مهدد بالموت

امال ناظرته بفجعه ودموعها نزلت بدون توقف""



~انتهـئ البـارت~

رد: (روايــة مشــيت وررا احـلامـي وفجـاءه لقيـت نفسـي اطيـح)

يسلمو:thumbup:

رد: (روايــة مشــيت وررا احـلامـي وفجـاءه لقيـت نفسـي اطيـح)

:rolleyes:

رد: (روايــة مشــيت وررا احـلامـي وفجـاءه لقيـت نفسـي اطيـح)

طولتي علينا ي رونق