رد: (روايــة مشــيت وررا احـلامـي وفجـاءه لقيـت نفسـي اطيـح)

حبيبتي ظروف ماخلتني انزلكم البارت بسرررعه ونزلته متاخر واتمنئ اشوف توقعاتكم ع هالبارت وان شاءااله يعجبكم

رد: (روايــة مشــيت وررا احـلامـي وفجـاءه لقيـت نفسـي اطيـح)

رورو وين البارت

رد: (روايــة مشــيت وررا احـلامـي وفجـاءه لقيـت نفسـي اطيـح)

البــــارت الــــرابـع والعشـــريـن



*لاااابــــد من الحــــق أن ينتصر*



امال كانت قاعده تفطر وبكل ثقه ... احمد ناظرها بكل استحقار وقرب صوبها وهو يستحقرها: ولدك شخباررره ههه

امال عصبت وقامت م ع السفره: وانت وش جايبك هنا..

احمد: كيفي بيت ولد عمي وحلالنا انتي الي وش تسوين هنا ماعندك كرامه بعد الطق الي شفتيه م صقر وجنينك الي راح وكل هذا وبعد ترجعين وين كرااامتك..

امال بحمق: مالك دخل فيني بكيفي انا حياتي شي بيني وبين زوجي..

احمد بآستهزاء: زوجك مايرضئ فيك انتي تغصبين نفسك عليه.. صدقيني ربي مايطق بعصئ وهذا مصير الي يدمر حياة الناس يجي يوم وتدمر حياته..

امال بقهر قربت منه: وش دراك انه مايرضئ فيني انت قاعد تراقب مثلا.. قولي...وش عندك.. اصلا انت غيران اني تركتك وتزوجت ولد عمك..

احمد بحمق وهو يقرب منها ويتكلم بغضب: الحمدلله اني ماتزوجتك والا اكون الحين عايش بضيم وقهر معاك انتي،وحده انانيه وحقيره وتمشين ورا الفلوس بدووون لا تفكرين ف كرامتك..

امال رفعت ايدها بتصفعه بس احمد كان اسرع ومسك ايدها بسرعه وبقوه وبعدها عنه لين طاحت بالارض: لا تفكرين اني احمد الاولي الي بكلمه منك يسمعلك.. اقولك اياها راح ترجعين بيوم وتبوسين رجلي وانا الي ما ارضئ فيك وارميك رمية الكلام ياحقيره..

ومشئ عنها بسرعه وهو يروح يتطمن ع ولد عمه صقرر..



__________________________________*






عند نواااف نزل فبيت ابو ليان وبسرعه دخل البيت بعد ماطق الباب واستقبلته ام ليان استقبال حار... وهي تدوور ليان الي ماشفتها معااااه: وين بنتي ليان

نواااف: ماجبتها معاي.. ابيك بسالفه يا ام عبدالعزيز...

ام ليان بآبتسامه: تكلم ياولدي انا اسمعك..

نوااف: ابيك يايمه تساعديني بشي ودي اسويه لليان..

ابتسمت ام ليان: وش هالشي..

نوااف: عيد ميلاد ليان هالاسبوع وابي اسوي لها مفاجآه واعرف عنها الاشياء الي تحبها وانا ماعرفها وبعد ابغئ منك افكار تساعدني لاني ابغئ اهديها هديه كبيره تفرحها

ام ليان بحماس: ابشر ..

وقعدت تقوله عن الاشياء الي تحبها وحكئ لها نواااف الهديه الي اخطرت بباله وهي شجعته عليها ومتاكده انها بتفرحها..




_______________________*




امال تتصل تكلم العنود وهي تبكي: السموحه ياقلبي قطعتك وماصرت اكلمك غرتني الفلوس ونسيت نفسي ودي اشكيلك ياعنود وربي انا ماعدت اطيق حياتي بس ماقدر اشكي لحد غيرك..

العنود بضيق: يا امال انا كنت مشتاقه لك وانتي غيرتي رقمك بدون لا تقولين لي وكلما اتصل ع رقمك القديم يعتذرلي معقوله الصديق ينسئ صديقه بذي السرعه ومعقوله ماهميتك علشان تعرفي جديدي واخباري..

امال: اعذريني يانووونه انا تعبت صقر ماصار يبيني ومفتكر اني اخونه .. وانا احس كل الي صار لي بسبب احمد وانوار الله ياخذهم انا ادري هما مايبون لي الخير واهلي مايحبوني..  مدري وين اروح واشكي حالي وفجاءه مالقيت نفسي الا اتصل فيك يانونه انتي الوحيده الي تحبيني وتخافين علي وتنصحيني..

العنود بحزن: ياامال تدرين الي يصير فيك الحين بسبب اهلك

امال بصدمه: وشش

العنود آبتسمت بحزن: اللي مايطيع اهله ومايحترمهم يصير فيه كل ذا ... وانتي همك الفلوس وبس...عمرها الفلوس ماتعطيك راحة البال.. الفلوس تعطيك كل شي الا الراحه... وانتي مشيتي ورا احلامك لين مالاقيتي نفسك تطيحين ف مشاكل وهموم وآهات وحياة غير سعيده وغير انك دمرتي حياة اختك ليان وربي جزاك عن ذا كله وماينعرف الي بعد راح يصير فيك... مافكرتي بالعباره الي تقول كما تودين تدان ... الله يسعدك ويرجعك لعقلك يا امال كوني امال الهاديه الحنينه ... امال اهلك اليوم معاك صلحي كل شي وهم لسئ عايشين بري ذمتك قبل ربي ماياخذ آمانته... اهلك اليوم معاك وبكرا تحت التراب وقتها تقعدين انتي تتحسفين وتندمين وتعضين ع اصابع الندم ...

امال ببكاء: ياعنوود وربي تعبت كل الي حبيتهم كلهم اخدعوني وظلموني ... انا حبيت صقر علشان فلوسه وبالاخير رماني رمية الكلاب وانوار الي كنت اشوفها صديقتي هي الحين تدبر لي الخطط مع احمد... واحمد الي الوحيد حبيته م قلبي وعشقته هو الي دمر حياتي وقهرني

العنود: امال انتي جرحتيهم كلهم والحين محد وقف بصفك انتي دمرتي حياتك بنفسك حاولي تصلحي اخطاءك واحبي الناس راح يحبونك...

امال نزلت راسها ودموعها رجعت تنزل: ان شاءالله...

العنود تبي تفرحها: ماقلتي لي مبروك ...

امال بفرح: ع وششش

العنود: انخطبت لولد عمي

امال ابتسمت: مبرووووك يانونه ربي يوفقك ياختي..

العنود: يبارك فيك يا امول

وبعدها قعدوا سوالف وتذكار صارلهم زمان ماقعدوا مع بعض





__________________________*







عند ليان عصبت وصارت تنافخ لان نواااف تآخر عليها تحس بعصبيه طول هالفتره ماتتحمل اي نقاش وتفش خلقها بنواااف المسكين... وكانت رايحه جايه فالغرفه وتتصل عليه مايرد رمت الجوال عالسرير بقوه وصارت تتمتم بقهر...

وماهي الا لحظات ودخل نوااف الغرفه وكان يكلم فالجوال: ابي كل شي مرتب ماتقصر هااا... اوكي انا الحين اخليك تصبح ع خير ... لا تنسئ اني ابغئ كل شي خلال هالثلاث الايام ماصار فيه وقت.. وبعدها سكر منه..

وليان ع اعصابها وكانت تشبك ايدينها ببعض بعصبيه: لسئ بكير لييه ماتنام بالشارع احسن.. يعني م اول وانا اتصل فيك وترد علي شغلت بالي عليك وخوفتني الساعه الحين صايره 2 معقوله مافكرت فيني تقول اقول لزوجتي اني بتاخر علشان لا ينشغل بالها...

نوااف مستغرب م عصبيتها وقرب وهو يمسكها م كتوفها: استهدي بالله حبيبتي وقولي لا آله الا الله 

ليان بضيق: لا آله الا الله محمد رسول الله..

نواف بحب: ريحي بالك انا اليوم مشغول ونسيت لا اتصل واخبرك واعذريني ياقلبي انا مكلمتك وطمنتك علي وحقك علي بس راح تعرفين بيوم اني كنت ع حق وتفهميني

ليان سكتت وهي تنزل راسها تحت: مدري وش فيني احس اني عصبيه وانا عادتي مو عصبيه بس استحملني يانوااف.

نواااف بحب: مستحملك انا ادري مو طبعك العصبيه بس الناس ظروف وانتي ياقلبي كل الي تسوينه عسل ع قلبي

ليان بخجل: فديتك انا

نواااف بحماس قرب لها: ياعمري ع الي يخجلون وعلشان قلتي كلام حلووو لك مني بووسه..  وقرب منها وحضنها بقوووه بس ليان دفته بسرررعه وهي تتقرف وكبدها تلوووع: ووووع ريحتك تقرف رووح تسبح..

نوااف منقهر: ريحتي تقرف وريحة دهن العود تفوح مني وش فيك انتي صرتي ماتبيني اقربك... ما تفكرين ملاحظك لماا اكون جمبك او حضنتك تنقرفين مني بس كنت امشيها لك بس الحين لاا عاد مو مرتاح لك اكيد حاسه الشم عندك خربانه.. وصار يضحك.. 

ليان بحمق ماصارت تتحمل مزااح: وربي قليل حيااا تتمسخر علي قدامي..

نوااف: اجل تبيني اتمسخر م وراك وشفيك زوج وزوجته يضحكون ومستانسين لازم نكد يعني..

ليان بحمق: رووح تسبح قبل لا تنام مابيك تنام جمبي مع هالريحه...

نوااف صار يشك ف نفسه معقوله ريحتي خايسه وربي حسستني بشعور غريب وهو يحك رااسه و منحرج يعني زوجتي ماتطيق ريحتي وش ذا  .. وصار يشم نفسه مالقئ ريحة خايسه بس عشان يرضاها راح للحمام وتسبح وماحط اي عطور ع جسمه يخاف عندها حساسيه م العطور او يمكن تكره روايح العود..

وراح وقرب صوبها ورفع ايدينه: والحين تشمين شي ولا خلاص..

ليان تشمه... ومافهمت لنفسها شي: مادري يمكن باقي شوي ريحة بس مايخالف لانها الحمدلله قلت الريحه الكريهه بس عادي تنام جمبي بس ماتقرب مني حييل اذا ماتبغئ تاخذ مني بوووكس

نوااااف بقق عيونه: حشئ صرتي مصارعه مو حرمه ... اقول ابنام وراي دوام باكر اببعد عن الشر واغنيله

ومشئ للسرير ينام وهي قعدت تشوف التيفي وبعد لحظات غالبها النوم ونامت جمبه~








_________________________*








اليوم الثاني صباحا


امال قامت ع صرااااخ صقر وهو يشدها م يدها بقووه: اطلعي م بيتي يالحقيره يانذله الي ماعندك احساس وحسك عينك مررره ثانيه اشوووفك جاايه لقصري وانتي طــاللللــققق ..... طــالــقق ...... طــاااااالـقق.. وورقه طلاقك بكرا راح تجيك... وامشي يلااا 



امال ببكاء: اصبر ياصقر لا تطلقني ارجوك وقعدت تبوس ايده ارجوك لا تطلقني انا مستعده ارجع واشتغل عندك بس ماتطلعني م هالقصر ما ابغئ ارجع لعيشه الفقر..


صقر بستهزاء: ههههههه بنت فقر وماراح تكوني غير كذا مو معناتها عشتي هنا كم شهر صرتي بنت اكابر الفقير يضل فقير وانا حذرتك ان رجعتي هنا مررره ثانيه وربي راح اشرب م دمك وارميك للكلاب ... فاههمهه.. 


امال ببكاء وقهر سكتت وصقر كان يشدها م قميصها وهي بملابس نومها للشارع كانت ماتسوا ولا شي وحست بالذل والاحتقار لحظتها وعرفت انها هي الي رمت نفسها عليه علشان الفلوس وهي الي سفهت بنفسها وماعندها كراااامه: ارجوك اتركني البس ملابس تسترني..

صقر بكل قوه وغضب رماها ع عتبت باب القصررر وهي اتصدمت فيه لما شافت .. ان كل اغراضها وملابسها مرميه بحديقة المنزل يعني طرده قوييه محد يبي ينطرد بها الطريقه.. وهي مفهيه تنظر لأغراضها المرميه بالحديقه وهي ف نشوة صدمتها سمعت صوت باب القصر يتسكر  ... وصوت روان وصقر يضحكون عليها يبون يقهرووونها...

قامت امال وهي ذليله وصارت تلم ف اغراضها ودمعتها ع خدها كلمت السواااق ياخذها بس السوااق يمسك ضحكته بالغصب لاجل لا يجرحها: عمي صقر قال اني ما اوصلك مكان.. واعذريني يامدام

امال بعصبيه صفعته بقوووه: تبي تضحك علي ياحقير والله لا اوريكم وانت وسيدك هالحقير صقر وربي لا ادفعكم الثمن..

واخذت اغراضها بقوه وهي تتنفس بصعوبه م ثقل الاغراض وتمشي بصعوبه وكانت تآشر للسيارات علا وعسئ احد تكون فيه الرحمه ويوقف لها... وبعد ما آشرت لحدود خمس مراات وقفت لها سياره شاب ومبين انه صايع وهي م التعب وقفت وتبغئ تروح بآي سياره ونست الخوف... حطت اغراضها بالكرسي الخلفي وهي قعدت قدااام وصارت توصف له البيت .. والشاب اصلا مو معها كان يتمعن ف جمالها وصار يرتشف لعابه ويناظرها بخبث... امال مانتبهت له ونست انها لابسه ملابس نوم وقميص قصير.

الشاب وهو يرفع ايده ويمررها ع فخذها بقلة ادب... مما خلا امال تنتفض بسرعه وخوف ودفته ع طول: ياحقير ياوصصخ اجل انت نيتك وصخه وتفتكرني وحده رخيصه..

الشاب ماتركها وصار يقرب ويحاول يمتلكها بآي طريقه.. بس امال كانت تدفه وتبعده عنها بالاخير انتبهت للكرسي الخلفي بجانب اغراضها عود البولينج اخذته بسرعه وضربته ع راسه بقووه لين فقد وعييه.. وهي بسرعه نزلت م سياره وفتحت الباب الخلفي واخذت اغراضها وصارت ترجف وهي تاخذ الجوال تخاف انها موتت الولد وصارت تدق ع ابوووها بسرعه علشان يجي لها بالمره الاولي ابوها مارد اما الثانيه رد واستغرب م خوفها وهي تكلمه وهي مرعوبه رد ابوها بسرعه واستغرب طريقتها بالكلام وحس انها واقعه بمشكله واوصفت له المكان وبسرعه ابو ليان طلع م بين مناداة ام ليان علشان تسآله بسبب استعجاله بس هو مكان سامعها خوف ع بنته ماترك فيه شعور وطلع بسرعه وركب السياره وبسرعه فحط بالسياره ومشئ لها وام ليان قعدت متوتره وخايفه وصارت تفكر وتتوتر م الخوف الي تحسه وتفكيرها صار بعيد ...






_________________________*







احمد يضحك بقووووه: يا انوار الظاهر صقر مراح ينتظر لي بكرا انه يطلق  امال انا امس كنت عنده وحسيت بتفاعله يومي شجعته ع الطلاق وقلتله انها ماتناسبك وكذا حسيته صار حامي وعيونه احمرتت ..صدقيني امال حياتها راح تدمر مثل مادمرت حياتنا وحياة كل الي يحبونها اكيد بتدمر وتندم

انوار بآبتسامه: زين ماسويت ... انا كنت واااثقه ان انت الي راح تكرهها بحياتها... الحين ابتدئ دوري بآني اكمل انتقامي..

احمد: الحين صار دورك انك تملكين قلب صقر وتحببينه فيك عاد انتي وشطارتك... وبعدين انتي خلاص الوعد الي وعدتيه لآمال راح تنفذينه.. يومها قلتي صقر لي وانا الي باخذه وهي عندت بس نست انها تلعب مع ناس مو قدهم

انوااار بغرور: بنت فقر وراح تظل بنت فقر اصلا المفروض ماتطالع الناس الي مو قدها مافكرت بيوم انها راح تطيح بطيحتن شينه .... وضحكت بقوووه: هههههههههههههههه

احمد يسكتها بضيق: لا تتشمتين ف ظروف الناس انا اكره شي فيه فروقات احنا كلنا بشر وربي قسمنا ع درجات..  بس مو لنشوف نفسنا ع الغير .. انما هو الحظ .. وانا امال حبيتها م قلبي بس الي خلاني اسوي فيها كذا لانها خانتني واستغلت طيبتي وعمرها فكرت فيني كحبيب ... احمد حس ان مواجعه رجعت تنغزس بقلبه م جديد  وحس بضيقه..

انوار بهدوء: تحبها؟؟!!..

احمد مايبغئ يفصح عن شعوره ولا يبغئ يضعف قدام اي احد: لاااا اصلا كثر ماحبيتها كرهتها..

انوار بتفهم: انا افهم شعورك يا حمووود وربي يرزقك ع قد نيتك.

احمد وعيونه محمرررره: آميين... ويلا انا الحين بسكر بروح لخويي...

انوار فهمت انها تصريفه وتآكدت ان احمد لسئ يحب امال: طيب بحفظ الرحمن





__________________________*





ابو ليان وووصل لآمال وانصدم م وضعها هي واغراضها بالشارع وقرب لها وهو مستغرب: وش الي،صار يبنتي

امال بخوف: خلينا نمشي يايبه: بعدين اقولك

قرب ابو ليان وهو ياخذ الاغراض بالسياره وامال تحطها معاااه بسرعه تخاف م ذاك الصايع يقوم ويكشفها او يسوي لها مشكله وكانت تستعجل ابوها لتمشي ولما خلصوا م الاغراض ركبت جمب ابوها وركب ابو ليان م الجانب الآخر وع طول حرك السياره... امال بسرعه تنفست الصعداء  وهي تهرب بسرعه م ذاك المكان وهم ف طريقهم سآلها ابوها م المنظر الي شافها عليه وهو مستغرب...

ابو ليان بآستغراب: وشفيك كذا بالشارع بذا اللبس الفاصخ واغراضك معاك برا... صقر وش سواا فيك؟؟

امال ارتبكت بس لازم تقوله اساسا اذا ماعرف الحين راح يعرف بعدين: يبه صقر طلقني..

ابوها انصعق: وششش.. وليييه يطلقك؟؟!..

امال بقهر صارت تحكي له كل السالفه بآستثناء سالفة الصايع خافت لا تقولها له..

ابوها عصب ورجع م طريقه يبغئ يروح يآدب صقر بس امال ماعطته فرصه وترجته انه يتركه بحاله وخلاص ماتبغي تكبر السالغه اصلا هي كرهته وماتبغئ منه شي 

رجع ابوها وهو ينافخ م العصبيه: لييه تمنعيني هذا الرجال مايستاهل احد يسكت له يطلعك م بيته وانتي بهاللبس ويرميك رمية الكلاب والا قصده حنا فقاره وماعندنا كرامه

امال بضيق سكتت وماتكلمت وهي تسمع ابوها يتكلم بحرقه وهي تفكيرها صار بشي ثاني تفكر ف انتقامها فيه ع نار هاديه بس ماتبغئ ابوووها يدري لانه اكيد راح يمنعها...





*توقعاتكم*

رد: (روايــة مشــيت وررا احـلامـي وفجـاءه لقيـت نفسـي اطيـح)

بااااارت خيييياااااااال
حبي لاتطولين علينا

رد: (روايــة مشــيت وررا احـلامـي وفجـاءه لقيـت نفسـي اطيـح)

ان شاءالله مراح اطول بكرا انزل لكم بارت... فديتك اسعدني رائك

رد: (روايــة مشــيت وررا احـلامـي وفجـاءه لقيـت نفسـي اطيـح)

رووونق مو كأنك طولتي علينا ؛؛؛
والا احنا اللي مستعجلين

رد: (روايــة مشــيت وررا احـلامـي وفجـاءه لقيـت نفسـي اطيـح)

رد: (روايــة مشــيت وررا احـلامـي وفجـاءه لقيـت نفسـي اطيـح)

اسعدني تواجدك بروايتي وارائك الجميله .. دمتي بود

رد: (روايــة مشــيت وررا احـلامـي وفجـاءه لقيـت نفسـي اطيـح)

مراح اطول بأذن الله بكرا انزل .. كان عندي شوية اشغال واضطريت اتأخر ابالبارت شوي

رد: (روايــة مشــيت وررا احـلامـي وفجـاءه لقيـت نفسـي اطيـح)

قراءة ممتعه