رد: (روايــة مشــيت وررا احـلامـي وفجـاءه لقيـت نفسـي اطيـح)

تسلم ايدك رواية رائعة
بانتظار التكملة على أحر من الجمر

رد: (روايــة مشــيت وررا احـلامـي وفجـاءه لقيـت نفسـي اطيـح)

نورتي وجودك بروايتي :)

رد: (روايــة مشــيت وررا احـلامـي وفجـاءه لقيـت نفسـي اطيـح)

بحاول امسك اعصابي شوي
جميل جدا
رغم انه زعلانه على لينوو
بس انشالله نشوف شي جميل و ترجع لنواف
كملي رووؤوو يا مبدعهه

رد: (روايــة مشــيت وررا احـلامـي وفجـاءه لقيـت نفسـي اطيـح)

ياقلبي.. لاتزعلين مانقدر ع زعلك

رد: (روايــة مشــيت وررا احـلامـي وفجـاءه لقيـت نفسـي اطيـح)

فديتكك يا رورو
انا زعلانه عشان لينو ما تستاهل الي يصير لها

رد: (روايــة مشــيت وررا احـلامـي وفجـاءه لقيـت نفسـي اطيـح)

البــــاررت الثــامن عشـــر




اليــوم الثــاني



قامت امال ع صوت صقر وهو يقومها م نومها ويقولها: قوميي امول حبيبيتي بنرجع للديره يلا قومي ورتبي شنطنا

امال بقهر: ولييه ذي العجله والله.... خلينا نمشي باكر اليوم نبغئ نتمشئ ف ايطاليا شوي

صقر يستعجلها: لا حبيبتي انا وعدت روان ان نرجع ذي اليومين وانا ما ابغئ نتاخر عليها وانتي تدرين السفر بالطائره يبغاله يومين ونص لين نوصل ...

امال تنافخ بقهر: اووووف حتئ شهر عسل ماتهنينا

صقر: ليه كذا تتحلطمين خيرها فغيرها

مشت امال تسبحت وبدلت ورتبت الشنط وهي عجزانه ونفسها بخشمها ولما خلصت بدون نفس قالتله انها خلصت... نادئ صقر السيرفس وقالها تخلص علشان يمشون للمطار لان حجز بالطياره الي بتمشي الساعه 1 والحين صارت الساعه 11 وع مايخلصون كل المعاملات...

مشت امال معاااه ومشوا للمطار وبعد 3 ساعات اقلعت الطائره...




___________________________*




عند ليان حطت لابوها وامها واخوانها الصغار الغدا... وتغدوا

وبعد الغدا .. ماحست الا بآختها غدير تقرب منها وتبوس خدها: تسلمين ع هالغدا الحلو يالولو ... طباخك حلووو احسن م الماما


ليان ضخكت وهي تشد خدودها وتبوسهم : هههههه فديتك انا ..اجل امي ماكانت تسويلكمم غدا طيب

غدير وهي تزم شفايفها: لااااا

ليان وهي تجلسها وتمسكها م كتوفها: لا تقولين كذا امي قاعده تتعب وتشقئ لين تطبخ لكم الغدا وليما تخلص الطباخ بوسيها وقولي لها شكرا ماما.... وراح ازعل عليك لو قلتي مورره ثانيه ان طباخ امي مو حلو

ابو ليان وهو يضحك: صادقه لبنيه طباخك ياليان له نفس حلو امك مرره تطبخ كويس ومررره الله لا يرراويك

ام ليان بآحراج: عبدالررررحمنن وش ذا الكلام... اجل طول الوقت كنت تجاملني

ليان فقعت ضحك: يبباااااااااه حرام عليك لاتزعل امي بذا الكلام

ام ليام بحب: مازعل م ابوك انا ابوك نور عيوني وكلامه ع قلبي مثل العسل

ليان تصفررر: وااااو يحبي لكم ع ذي الرومنسيه مثل عصافير الحب

ابو ليان: الله يخليكم لي وتسلم ايدك ياليان ع ذا الطباخ الحلو.. تراا الكل اشتاق لطباخك وماتنسين تعلمين امك الطباخ الطيب


ليان ضحكت: يباااااااه ترا مزحك ثقيل الحين امي تاخذ بخاطرها


ام ليان: ولييه ازعل يبنتي ترا الحق ماينزعل منه انتي طباخك كويس وله نفس حلو وانا ابيك تعلميني وم بكرا علمي امك


ليان باست راس امها: واناماتعلمت كل ذي الشغلات الحلوه الا منك يايمه..


ام ليان: هههههه بس يقولون ان التلميذ يتفوق ع المعلم وانتي تفوقتي علي



__________________________*



بعد اسبوع...




عند احمد طلع م الحمام وحاط المنشفه ع خصره وشعرره المبلول بالمويه وخصلات شعره نازله ع جبهته طالع مثل ممثلين هوليوود وعضلات بطنه مشدوده ورائعه اخذ منشته وصار يجفف شعره وهو ياخذ الجوال يبغئ يكلم امال يحس انه مشتاق لها .. اتصل ع جوالها مررره ومرتين ماردت استغرب منها وفكر يمكن هي حاليا بعيده عن الجوال راح يلبس ملابسه وبعد مايخلص يرد يكلمها ولما خلص اتصل فيها وسمع صوتها وهي تكلمه بشويش وبدون نفس: ايش تبي متصل؟

احمد استغرب: وش فيك تتكلمين معاي بنفس شينه

امال بخوف تتكلم بشويش تخاف صقر يسمعها: قول الي عندك واخلص تراني مو فاضيه لك

احمد تكلم معها بعصبيه: وش فيك انتي تكلمي معاي بآسلوب احسن ولا تشوفين شي ماشفتيه

امال تبغئ تقهره: هههههه وش بشوف مثلا.. ياعمري انا الحين متزوجه تعرف وش يعني تزوجت يعني انت مالك حق علي ولا تهدد ترا انا لو ماحشمتك كان قلتلك م قبل لا اتزوج ابعد واتركني بحالي بس انا ماحب اجرح احد وع فكره هذا اخر اتصال بيني وبينك لا تعيد اتصالك مررره ثانيه ولا اشتكي فيك..

احمد لسئ مصدووم: تزوجتي متئ وكيف؟

امال وهي تلعب بشعرها وتستهزئ فيه: تزوجت .. ليييه تبغاني استآذن منك مثلا

احمد بقهر: وربي خاينه وحقيره وقليلة حيا... وووين وعودك لي؟

امال تضحك بدلع: راحت بآدراج الرياح ياقلبي

احمد بعصبيه : وربي ما اعدي لك اياها انا دمرت حياة شخصين بسببك وعلشان وعودك الي وعدتيني فيها ..بس والله لا ادمر حياتك وانتقم منك

امال تستهزئ: يمه خفت .. ورني شطارتك يالخطير.... وضحكت بقوووه علشان تقهره: ههههههههههههههه

احمد قفل منها وهو ينافخ م العصبيه ونادم انه بيوم فكر يحب وحده بذي الاخلاق الشينه وندمان انه صدق كلامها وكذبها عليه...

وبهاللحظه شاف اتصال م نوواف رد بعصبيه ماقدر يضبط اعصابه: الوووو

نوااف مستغرب: بسم الله الرحمن الرحيم.. وش فيك انت معصب كذا

احمد: حاس بقهر وربي

نوااف: م وشو؟

احمد يحاول يهدي اعصابه: بعدين اقولك

نوااف: تخبي ع ولد عمك هااا

احمد: لااا بس بوقت ثاني اقولك مابي اتكلم عن ذا الموضوع اليوم مالي خلق.

نوااف بتفهم: طيب براحتك ياخوي وريح بالك وخلينا نطلع تراني طفشان

احمد وهو يتنفس بقوووه: طيب نص ساعه واجيك

نوااف: طيب انتظرك.



_________________________*




امال رجعت للغرفه عند صقر وهي تتمايل وقعدت تلعب ف شعره وهي تتلمس خدوده وتبوسهم: حبيبي وش يسوي

صقر وهو يشدها له ويبوسها م فمها: حبييك مشتاق لك حييييل ياقلبي...

امال بدلع وهي تتحسس خدودها بخده: والي مشتاق لييه ينتظر حبيبه لين يجييه .كان تعنيت له.

صقر ذايب: انا ما اتحمل دلعك الزايد وربي انتي عسل وماينشبع منك

وخذها للسرير وحطها عليه بشويش . امال بكل جراءه حاوطت بيدها ع رقبته وشدته بسرعه طاح عليها وصاروا يضحكون وهو يرمقها بنظرات كلها شغف ويداعب انفها ... الا ويسمعون صوت الباب ينفتخ وع طول فزوا..

كانت روان هي م دخل كذا فجاءه صقر عصب شوي وكلمها بعصبيه: روان كيف تدخلين الغرفه كذا بدون لا تطقين الباب

روان تجمعت بعيونها الدموع: آسفه...

وركضت ووهي تبكي وطلعت برا ... صقر حس بتآنييب ضمير ومايرضئ انه يزعل بنته قام ووده يمشي وراها ويرضيها بس امال م خبثها قامت مسكته م يده وهي تدلع: تعال ياقلبي هي طفله ومصيرها ترضئ خلينا انا وانت بجونا الحلو

صقر متردد وده يطلع لروان ولا يصدق امال ويقعد معها وبالاخير اغويته بدلعها واغراءاتها لين استسلم لها ونسئ بنته الي تبكي وتنتظره يجي ويراضيها وقعد يكمل رومنسيته مع امال...

امال كانت ع وجهها ابتسامه خبيثه وهي تتكلم بخاطرها: راح اجننك وما اخليك تشوف غيري وروانوه انا اربيها الزفته محد مخرب لي عيشتي غيرها ..




_________________________*





بالعصريه ليان فالمطبخ سوت كيك وحلا م ابتكارها وم ايدها الحلوه وقصت منه شوي وطلعت لامها علشان تذوقها وتشوف رآيها ..

امها كانت تشرب القهوه وتتابع المسلسل التركي زهره القصر ومندمجه معاااه... وقفت ليان جنب امها وقدمت لها الصحن وبآبتسامه جذابه: يمه ابيك تذوقين ذا الحلو وتعطيني رايك فيه

ام ليان ذاقته ولما اكلته انهبلت عليه: تسلم ايدك يبنتي روووعه ..

ليان بحماس: الحلا ذا م ابتكاري وسويت بعد كيكه ياماما اذا ودك تاكلينها مع القهوه وتتسلين فيه وانتي تتابعين المسلسل

ام ليان وهي تاكل الحلا عاجبها مررره: اييه يبنتي حطيلي شوي الله يبارك فيك....

ليان: طيب دقيقه وتلقينه عندك

امها بحسافه: الا اقوول ويععع ع نوااافووو يومه طلقك خسر نعمه وشي مايتعوض بحياته عسئ يذووقه القهر الي ذقتيه يبنتي يوومه خلاك كذا بدون سبب

ليان اوقفتها: لا يايمه لا تدعين عليه ... مو زين يايمه اتركيه هو شي وخلصنا منه وربي يوفقه بحياته انا مو زعلانه عليه وقلبي صافي وماني ماخذه بخاطري منه .. نوااف طيب بس ف احد لعب براسه والله يسامح ذي الناس الي تخرب بين حبيبين

امها: ياقلبي عليك .. يبنتي طيبتك ذي نادره بذا الوقت .. صدقيني يبنتي ربك مايضيع حق المظلوم وانا احساسي نوااف مراح يقدر يعيش بدونك وراح يجي يوم ويعرف مدئ غلطته ويرجع لك

ليان نزلت راسها وحست بغصه: الحمدلله.. ربي يقدم الي فيه الخير

امها: آمييين

مشت ليان ورجعت للمطبخ وهي تكلم امها: راح احط لآبوي شوي علشان يذووق الحلا اللي سويته وان شاءاله يعجبه

امها: اكيد راح يعجبه كل شي م ايدك حلو يبنتي

ليان تبتسم وتغمز بعينها بمرح: تسلمين ياماما الحلو طالع ع امه

امها بآبتسامه: اييه اضحكي علي بكم كلمة .... وشوي تذكرت: الا اخوانك وينهم؟؟

ليان غدير نايمه وعبدالعزيز راح عند خويه مزووون

امها: الا بقول غريبه موويزين مصار يجي عندنا

ليان: راح يجي تدرين هو مايصبر م عبدالعزيز واصلا هو كل همه البلايستيشن يعني مراح يطول لين تشوفينه هنا

امها وهي تكلمها بهدوء: ارتاحي يبنتي وخلصي شغلك

ليان بحب: خلصت يايمه الحين اروح لآبوي واذوقه الحلا وبعدين ابروح اتحمم

امها رجعت تشوف التيفي وتاكل قهوتها والحلا ..




________________________*





بالليل الساعه 8 عند امال بعصبيه مشت لغرفة روان وشياطين كلها فوق راسها واول مادخلت الغرفه روان فرحت وافتكرت ان امال اشتاقت لها وتبغئ ترجع ايام قبل .. قبل لا تتزوج ابوها.. ورحبت فيها: اهلين ماما اموول

امال وهي تشدها م شعرها بقوووه لين روان صرخت وبسرعه مسكتتا م فمها: اشوفك مرره ثانيه تدخلين غرفتي انا وابوك والله لآذبحك ياقليلة الحيا ليييه داييم تبين تخربين علينا .. انتي سبب رجعتنا م السفر وانتي لك كل شي ابوك مدلعك بزياده وبحياتك ماحتجتي شي وماحصلتيه بس الحين راح تشوفين وش راح اسوي فيك يارورو ... وكملت بآستهزاء: لو تقولين لآبوك الي سويته فيك والله لآذبحك.. وكملت بقووه: فاااااااهممه

روان كانت تبكي واتوجعت لانها تشدها م شعرها: طيب

امال: عيدي وش الي قلته.. ان تكلمتي وش بسوي فيك

روان بكت وماتكلمت م الخوف: ………………

امال ضربتها كف ع خدها: تكلمي ان قلتي لابوك وش بسوي فيك؟

روان ببكاء ووجهها وانفها محمرين: تذبحيني .. ايهئ ايهئ ايهئ

امال وهي تفكها بقوه لين طاحت بالارض ولا اهتمت فيه وصارت تلعب بشعرها بلا مبالاة: ايييه خليك شاطره كذا

وهي تهم بالخروج م غرفتها الا وتشوف صقر جاي لغرفة روان يتطمن عليها: هالووووو رورو.. بس انصدم وهو يشوف بنته تبكي ووجهها محمر م البكاء وامال عندها تشتت افكاره وبسرعه قرب م بنته وهو يسآلها وشفيك ياروان؟

امال تناظرها نظره قويه معناها اسكتي..

روان خافت وصارت تمسح دموعها... صقر يهزها بخوف: وش فيك يابنتي

روان ماتدري وش تقول تعلثمت: مافيني شي بابا

امال تخفي الي سووته: صقوري حبيبي البنت لساتها زعلانه منك وانا جيت هنا اراضيها لقيت وجهها منعفس م البكاء وانا نيابة عنك راضيتها وقلت انك ماتقصد وانك انت تحبها وماراح تنساها

صقر بحب احتضن بنته وهو يتآسف منها: يبنتي انا مقصدت ازعلك اعذريني يبنتي ان شاءالله باكر حرضيك بآحلا هديه

روان احتضنت ابوها بقوه وبخوف وكانها تقول له لا تتركني لحالي... صقر ابتسم: وشفيك رونااا كذا خايفه

روان بخوف: مافي شي بابا


امال ناظرتها بخبث وهي تمسك صقر م ذراعه خلينا نمشي حبيبي هي قالتلي قبل شوي ان ودها تنام ..خلينا نمشي ونتركها تنام وترتاح

صقر وهو يبوس بنته بخدها: طيب ... يلا رونا نامي وارتاحي وانا بعدين ابجيك اتطمن عليك... اوك

مشئ صقر وامال معاه متمسكه بذراعه وهي تعطي نظرات لروان معناها لسئ مشفتي حاجه.. وروان خافت ومشت لسرير تكمل بكاها حتئ نامت..


عند امال وهي تقول تزن ع صقر: حبيبي وش رايك نروح نتعشئ برا

صقر يحس بضيق: مالي خلق حبيبتي انا حاس ان روان فيها شي ومو مرتاح وحتئ ما ابغئ اطلع مكان




_________________________*




~بعــد مــرور اسبــوعيـن~




نواف واحمد طلعاتهم وتقربهم م بعض ازدادت .. واحمد ناوي ينتقم م امال ويكرهها بعيشتها ... نوااف يفكر ف ليان كثير وحاس بشوووق كبير لها بس يقاوووم ..
ليان بعد مشتاقه لنوااف واايد بس كل ماله تبعد تفكيرها عنه لانها تحس ماصار لعلاقتهم امل..

امال تعاملها مع روان زفت ومرعبتها ومو مخليتها تقعد مع ابوها لحظه بدونها علشان روان لا تفكر وتقول لابوها الي تسوييه فيها ..
صقر لحد الحين امال ماعرفت وجهه الثاني ويمكن ع قريب تبدا تنصدم فيه ..


………………………………




عند نوااااف كان نايم وفجاءه اخذ المخده وحطها بحضنه وكنه يحسبها ليان م كثر شوقه كان يضمها بقووووه لصدرره وهو يهذي: ليااان.. ليييووون.. الله يسامحك لييه سويتي كذا...

وفجاءه استقيظ م نومه كان يحس انه يهذي مسك راااسه بقوه يحس بتشتت وافكاره مشوشه وحبه لليان يطغئ ع كيانه وشوقه المدفون صار ينكشف ومايقدر ع بعادها...

قام م السرير وهو يفكر ويحس انه مضغوط واتصل ع احمد وهو يتكلم بضيق: احمد ابيك الحين ابي استشيرك بشي محيرني وربي مو قادر امسك نفسي اكثر اذا فاضي نطلع الحين نروح اي مكان المهم مايكون ف احد معنا ابي اخذ رايك ف مسآله خاصه

احمد مستغرب م مكالمة نوااف وحس فعلا ان نوااف ضايق وعنده شي خطير: طيب تبغئ نروح مطعم او كوفي

نوااف وهو يحس انه عيونه محمره م القهر الي عايشه: مابي مكان فيه ناس او ازعاج

احمد بحيره: اي مكان طيب؟

نواف بضيق: مادري مادري انت اختار المكان الي يناسبك

احمد: طيب نجلس عالبحر ولا بعد رافض

نوااف: اييه البحر احسن مكان هادي ... المهم انا ربع ساعه واجيك ... ابتحمم الحين اخليك..

احمد: يلا سلام..



_________________________*



عند امال دخلت لبيت اهلها وبوجه بشوش وهي تيبب بصوت عالي مما خلا امها وليان طلعون م غرفهم بهرع ومستغربين م ذي الي تيبب كذا وتدخل بيتهم..

واول ماشافوا امال كلهم كشروا وعرفوا ان وراها سالفه.

ام ليان بتوتر: ياهلا ببنتي وش فيك تيببين فرقعتي قلوبنا

امال وهي تنتظر ليان وودها تقهرها: هاتي البشاره ياماما

امها بآستغراب: خير وش عندك؟

امال وهي تمسك بطنها بدلع: بنتك امووول حااامل وهي الي راح تجيب لكم الحفيد هههههههه

امها بفررح: والله .. مبرووووك يبنتي الحمدلله ربي استجاب لدعوتي واشوف اولادكم قبل ماموت... ... وقربت منها وهي تبوسها وتبارك لها..

امال وهي تناظر ليان وتبغئ تغيضها: لينواا مافيه مبروووك ولا مافرحتي لآختك.

ليان وكنها استيقظت م احلام يقظه: ايييه اكيد مستحيل ما ابارك لك ... وقربت منها واحتنضنتها وباركت لها..

امال وهي تروح بشويش علشان تجلس عالكنبه: عاد انا مافيني شده للوقوف ودي ارتاح تدرون اني حامل والحامل يبغالها عنايه واهتمام.... ومسكت ع بطنها تمسح عليها وعينها مع ليان تبغئ تشوف موقفها وتعرف اذا كانت غيرانه منها وكلمت امها وهي تدلع: ماشاءالله علينا الله يحفظنا م العين ماصار لنا الا شهر وحملت ... خبري بالناس الي لهم 3 شهور وماحملوووا .. انما الاعمال بالنيات والظاهر نيتهم ماكانت صافيه واللي ياخذ حق غيره مصيره يجيه حسابه..

ام ليان فهمت مقصدها: وبعدين معاك يا امال انتي ماتتغيرين عمرك مراح تعقلين ..هذي اختك ليييه تحقدين عليها كذا

امال بقووه: مو اختي بس هي اخذتك واخذت ابوي مني وخلتكم تحبونها اكثر مني

امها بغضب: امال امشي لبيت زوجك واكرمينا بسكوتك ومشاكلك ترا وربي ارتحنا منها طول ذي المده

امال بغضب اكبر: تطرديني يايمه

امها: ايه اطردك م تجين انتي تجي معك المصايب امشي لرجلك الله يهديك وينور طريقك

امال بغيض: طيب.. انا اصلا ندمانه يومي جيت هنا وبشرتكم.. اصلا انا هالبيت مراح ادخله اصلا المكان الي انطرد منه ما ارجع له

ومشت بسرعه وغيض وهي تقول للسواق تحرك ..وودااها السواق فخلال غضون للقصر وكانت تنافخ واخلاقها شينه..




__________________________*




عند احمد ونوااف كانوا جالسين قبال البحر ونووواف كان يفكر وافكاره تبحر مع موجات البحر ومايددري م وين يبدئ يبغي يقول لآحمد ويحس ان ذي مشكله خاصه مو م المفروض يقولها لاحد بس حس انه مضغوط وده يفرغ شي م همومه لآحد وده حد يدله عالطريق الصحيح .. واحمد ولد عمه وستره وغطااااه وحس انه الوحيد الي يمكن يقدر يقوله كل الي بخاطره..

احمد يناديهه: الوووو.... الووووو..... نوووااافو وينك؟

نوااف بضيق: حمني ابيك تسمع لكلامي لين اخلص وبعدين ابغئ رايك وابغاك تقولي كل شي بدون مجامله ابغئ استشير احد انا عايش ف دوامه وماني مرتاح وربي عايش بضيق ماله حدود ماقدرت اتحمل اكثر ... بس امانه هذا الشي مايطلع م لسانك ولا تقوله لاحد والا لآزعل عليك ليوم الدين

احمد بثقه: سرك ببير ياقلبي خليك واثق انا ولد عمك وعيب اطلع اسرارك الخاصه لآحد

نوااف: احمد انا طلقت حرمتي ومو مقتنع بالسبب الي طلقتها فيه انا احس انها مظلومه بس الكلام الي سمعته للحين يتردد ببالي، وم حبي وغيرتي عليها ماقدرت انساااه.. ف ليلة زوجي لما وصلنا للفندق جاها اتصال م واحد قعد يتغزل فيها وماتحملت الكلام الي سمعته وم ذاك اليوم وانا وهي زي الاغراب وعدتها بعد ثلاث شهور اطلقها بس علشان لا حد يتكلم عليها صبرت 3 شهور وم اتعب الشهور الي عشتها ... كان الشك يغزيني واضيق لما تقرب مني لاني احبها بس م احس بقربها اتذكر الكلام واضيق واحط غيضي كله عليها..

احمد استمع له وهو متحير وسآله: وش قالك الي متصل عليك لييه مستعجل انت وحكمت عالبنت قبل ماتسمعها.

نووواف والدمعة خانته وملامحه تغيرت وعيونه احمرت: لو تكون مكاني اكيد راح تحس بالي حسيته بنت حبيتها وكنت واثق م اخلاقها وفجآه انصدم فيها كيف تتوقع مني اسوي... الخسيس كان يعرف اسمها يعني اكيد يعرفها وقالها كلام يمكن كانت متعوده تسمعه منه... كان يقول: حبي وربي اشتقتلك.. كيف كانت ليلتك مع ذا الوصخ.. وربي قاعد اتخيلك وياااه وقلبي مقبوض وحاس اني مخنوووق ومو قادر اتخيلك مع احد غيري والي صدمني اكثر انه قال بآسمها. كان يدلعها مثل مكنت اقولها ... ليييووون....

ماتحملت الي اسمعه اكثر وسكرت بوجهه كرهت نفسي وحسيت ان انهانت ف رجولتي وانا اسمع ان رجال ثاني يتغزل بحرمتي..

احمد كان يسمع كلامه ومصدوووم انه ارتكب جريمه كبيره لما عرف انه هو سبب ف خراب بيته والي صدمه اكثر انه ازدادت كرهه وحقده ع امال الوصخه.. وحس انه كان غبي كيف خرب حياة زوجين لحب كاذب ووعود كاذبه بالاخير تزوجت وتركته ولا سآلت عنه..

نووواف وهو يكلمه وعيونه حمرا وكانت غزيره بالدموع: ليييه شردت بتفكيرك

احمد وبدموع اسبقت كلامه: نوووااااف سامحني

نوااف بآستغراب: ليييه

احمد بضيق: انا سبب دمار حياتك بينك وبين زوجتك

نوووااف انصدم اكثر: وووووشششش؟؟!!.....




~إنتهئ البارت~

رد: (روايــة مشــيت وررا احـلامـي وفجـاءه لقيـت نفسـي اطيـح)

ياااا ربيي منك...
وقفتي عند مقطع أكشن...
يسلمو ايديك الحلوين وان شاء الله ما تطولي

رد: (روايــة مشــيت وررا احـلامـي وفجـاءه لقيـت نفسـي اطيـح)

ههههه علشان اشوقكم شوي

رد: (روايــة مشــيت وررا احـلامـي وفجـاءه لقيـت نفسـي اطيـح)

والله شاطرة بالتشويق...
أنا المسكينة بوقف عند مقطع فيو شبح أو غموض وما حدا بيتحمس..

رد: (روايــة مشــيت وررا احـلامـي وفجـاءه لقيـت نفسـي اطيـح)

بالعكس انا متحمسه لروايتك وبقريها بس باقي بارتين ماقريتهم وان قريتهم راح ارد بس بصرااحه روووعه وقصه م نوع مختلف اشباح وكذا شي جديد وممتع