رد: (روايــة مشــيت وررا احـلامـي وفجـاءه لقيـت نفسـي اطيـح)

البــــاررت الخــامس عشــر




~بـعـــد 3 شهــور~




اليوم زواح آمال... خطبها صقر وصار الي تبغاه ... امال فالمشغل تدلع وبكل غرور كانت تآمر الكوافير وكل شي مو عاجبها وكل شوي تقول لها عدلي ذولي وعدلي ذي... والكوافير طفرت م غرور امال وسيطرتها .. لين خلصت وافتكت... ناظرت ف نفسها بالمرااايه وهي تبتسم: اجنن وربي راح يطيح فيني ومحد مسمي عليه.. وابتسمت بخبث... واتصلت ع صقر وهي تتكلم بدلع: حبيبي خل سواقك يجي ترا انا خلصت

صقر ذايب: متشوق اشوقك احس انك طالعه قمررر تجننين.. الظاهر انا اليوم راح ارووح فيها

امال تتغنج: اكيد راح اجننك عالاخر تراا انا اموول ويبختك فيني يومك خذتني

صقر ولسئ هايم فيها: ياقلبي انتي..

امال: طيب ياحبي.. اتصل بسواقك هالحين

صقر: م عيوني ياعيوني

سكرت م صقر... وصارت تاخذ ااغراضها واعطت الكوافير حقها وهي تكشر .... وماهي الا لحظات وجاء السواق وطلعت بالسياره الفخمه وهي تتلمسها وتبتسم بحالميه وخبث: اليوم بصير المدام امال وبآشاره مني راح يقولون لي حاضر واسوي اي شي يخطر ببالي بذاك القصر .. ههههههه انواااااروووه ابغئ اشوف نظرات القهر والغيره بعيونك اليوم... هي صح سوت لي معروف وعرفتني ع صقر بس الحين هي بتندم انها بيوم ساعدتني... لازم تدري ان الي يدوس لآمال ع طررف ادوووووسه كله ههههههه ... ياهلاااا بالفلوووس. وبالرفاهيه .



__________________________*




عند ليان خلصت م المشغل واتصلت ع نواااف يجي لها .. ووصل نواااف للمشغل وانتظرها لسئ كم دقيقه وصار يعصب وينافخ... تقولي تعال وقاعده تثقل وتفور دمي الظاهر قاصده تحرق اعصابي... هين ياليووون هين..

وبعد 20 دقيقه طلعت ليان م الكوافير وشعرها الي كان يتطاير مع نسمات الهواء... نواااف اول ماشافها تسبهه ... كانت اجمل واورع حتئ بيوم زواجها ماكانت كذا.. اليوم كشختها وحلاوتها غير ... نوااااف م ركبت ليان انربط لسانه وهو قبل دقايق كان يتوعد لها والحين مو قادر يتكلم وعصبيته فجآااه راحت ...قال وهو يتنحنح ويحاول يبعد عيونه عنها: لييه تآخرتي كذا

ليان اتفآجات اول مرره يكلمها بهدوء كذا يعني م تزوجوا ماكان يكلمها كذا بذي الطريقه وكآنه مرتبك... بس ابتسمت وبكل رقه: آسفه تآخرت عليك .. ماكان قصدي بس الكوافير كان باقي لمسات خفيفه وآخرتني..

نوااف مرتبك: عااادي بس هااا لا تكررينها ترا انا ماحب انتظر.. يعني مرره ثانيه تسوين كذا راح امشي واتركك..

ليان نزلت راسها: طيب

نوااف حرك السياره وعيونه تتبع ليان وماقدر يرفع عيونه عنها كان سرحان فيها وف حلاوتها الي يوم عن يوم تزيد وماصار يقدر يقاومها بس هو مفكر يطلقها واصلا ماوده يتقرب منها وهو لسئ كلما تذكر الي صار بليلة زواجهم يحس انه غبي وانضحك عليه ... ويحط كل عصبيته وحمقه ع ليان المسكينه



وشوي سمع صوت ليان تصرخ: نــــــوااااف انتبـــــههـ




_________________________*






انواااار مررره تحس بغيض وحمق وتروح وتجي وهي بغرفتها م التوتر: الحقيره سوتها واخذته الظاهر سوت له شي مستحيل صقر ياخذ وووحده زيها بس ماكون انوااار ان ما انتقمت منك وكرهتك بحياتك ياامول وربي ماراح تتهنين بحياتك وبذيك الفلوس الي تحلمين فيها..



_________________________*




ام ليان كانت كاشخه وخالصه منتظرين سوااق صقر يجي لهم وياخذهم للقاعه وامال كانت لسئ مخلصه وامها تخبرها وتقرا وتسمي عليها م عيون الحسود..

وهي تتآفف: اوووف خرافات كل شي تخافون منه يعني الي يبغي يحسد يحسد ... وان شاءالله مايتهنئ

امها: يبنتي العين حق وانتوا بناتي اتوفقتوا بنصيبكم واخذتوا اولاد العالي يعني اكيد بيسحدونكم وانا اخاف عليكم حصني نفسك يابنتي واقري ع نفسك المعوذات..

امال طفرت: خلصي ترا مليت وخنقتيني بذي البخور.

امها طلعت المبخر وقامت م عندها: الله يهديك بس يابنتي وحتئ بذا اليوم بتروحين فيه عني وبتتركيني المفروض تحنين عليي وتخففي علي شوقي لكم انتي واختك ... تقعدين تهزئين ماتخافين م ربك انتي.

امال بكرره: تطمني بنتك ليووون راح ترجعلك.. مراح تفقدينها

امها بآستغراب: وشش

امال بآبتسامه وحقاره: كل شي بوقته حلو .. الحين اتركيني بحالي شوي ابغئ اجلس لحالي شوي وارتاح...

امها بضيق حطت المبخره ع الطاوله واخذت عباتها وطلعت هي وعيالها وراحوا مع السواق للقاعه وامال راح تجي بعدين .. قبل الزفه بساعه..


…………



عند امال فوق بغرفتها لقت اتصال م انوار ابتسمت ابتسامه عريضه وهي ترد بكل تكبر وغرور: آلووو

انوار بحمق: سويتها يالحقيره يالفاسده

امال بغرور: بشويش ياقلبي ع نفسك لا ينقطع لك عرق.
وش فيك معصبه انتي غيرانه مني اني خذيت صقر ولا لآني كسبت قلبه وخليته يحبني.

انوار بقووه: راح تندمين يا امول ماراح تتهنين بحياتك وماكون انا انواررر ان ماخليتك تكرهين عمرك انك بيوم تحديتيني

امال تضحك وبآستهزاء: اعلئ مافي خيلك اركبيه... ومارح تقدرين ع امول لاني وبآختصار ماراح اعطيك فرصه تخربين حياتي ياغبيه..

وسكرت بوجهها وهي تضحك بقوووه: الغيرة تعمل عمايل وييييع تقرف

وراحت عالسرير تتمددد شوي وتريح قبل لا تروح للقاعه وتجتمع مع زوجها صقر..



________________________*




عند نوااااف وقف سيارته بقووووه لين اهتزوا هو وليااان.. كان بيصدم السياره الي قدامه بدون شعور لما نبهته ليان....

ليان بتوتر: نواااف انت بخير _ وصارت تطبطب ع كتفه وتتلمس وجهه..

نوااف بعد يدها بسرعه: ابعدي يدك عني..

ليان تضايقت من اسلوبه وعيونها امتلئت بالدموع: طيب

نوااف حس انه جرحها بس طنش ومارد عليها وفحط بالسياره بقوووه ومشئ بسرعه لقصرهم وهو يفكر ومو طايق ذي العيشه


رجعوا للقصر.. ليان ع طول مشت بسرعه وطلعت لغرفتها مالقت بالصاله احد لان نوف وخالتها ام نوااف بالمشغل ولسئ مارجعوا ... طلع نوااف وراها وهو معقد حواجبه ومستغرب م تصرف ليان اول مره تحجره كذا وتمشي...

ليان لما دخلت الغرفة دخلت غرفة التبديل وفصخت اللبس الي عليها وطلعت فستانها التركوازي الي كان مرصع بالكريستال الاصلي والاكسسوار الباهض الثمن ولبست الفستان وخلصت وطلعت م غرفت التبديل علشان تشوف نفسها بالمرايه وتنظر كيف ززينتها.. نواااف كان لسئ طالع م الحمام واول ماشافها قلبه صار يدق دقات جنونيه وعيونه مابعدت عنها وبدون شعور صار يقرب ويمشي بآتجاهها لين وقف ورا ظهرها وشدها بقوووه ويحس بعصبيه وغضب مايدري لييه لما يشوفها كذا متزينه .. وكآنه متحسف ع كل ذا الجمال الي عنده ومايقدر يتقرب ولا يلمسها وعلشان كذا يحس بقهر بداخله...

نوااف بحمق: اقووول غيري لبسك لا تلبسين ذا الفستان بالعرس

ليان بقوه ماعهدها نواااف قاومته بقووه وابتعدت عنه: مراح اغيره

نواااف بقهر: تتحديني؟؟

ليان: ولييه اغيره انا ماجبت فستان غيره وانا حبيت هالفستان وماابغئ اطلع اقل م غيري

نواااف بعصبيه اكبر: اقول لا تتحديني لا تخليني اهون ع روحتك للعرس وان ماغيرتي هالفستان راح يصير شي مايعجبك

ليان بحمق: مراح اغيره والي تبي تسويه سويه


نواااف شدها م شعرها بقوووه: اسكتي ولا ترادديني لا اصفقك بكف الحين..

ليان نزلت راسها وتقاوم الدمعه لا تنزل م عينها قدامه: انا الي اسويه الحين علشانك روحتي لزواج ولد عمك اعتبره واجبي م طرفك قبل لا احسبه واجب م طرفي انا مو لخاطر امال وبس بمشي للعرس علشانك انت واهلك ومابي الناس كلها تحضر وانا لا وبعد ما ابغئ اكون اقل م احد وانا ادري ان كل العيون راح تكون عليي... بس اذا ترضئ علي اني اكون اقل وحده فيهم راح اغيره... لكن اتحمل الكلام الي بيطلع واولهم امك هي الي راح تهزئ فيني..
ومشت بسرعه لغرفة التبديل بس نواف اوقفها بسرعه: لا تغيرينه

ليان نزلت راسها وتحس بضيق م معاملة نواااف لهاوسكتت وصارت تلبس بهدوء وصمت ونواف صار يلعن نفسه وغيرته الزايده عليها الي تخليه يقط،عليها كلام هو مايكون قاصد يقوله بس يقاوم علشان لا يضعف عندها..



________________________*




فالكوشه امال تطالع الكل بطرف عيونها ومو شايفه احد بمستواها ولا بجمالها ولا بمستوئ الثراء الي وصلت له...

وبعد لحظات لمحت انوار وهي تمشي صوبها وبكل غرور قربت منها وهمست لها بكل غرور: افرحي يا امال ع ماوصلتي له.. بس كلها كم شهر وراح تشوفين وجهه صقر الحقيقي وراح تكرهين حياتك وماكون انا انوار... لاني ياحبيبتي اعرف اشياء عن صقر اتوقع لو كنتي تعرفينها كان مافكرتي تتزوجينه ... بس انا متشوقه للحظه الي تكتشفين عيوبه وتندمين... وضحكت بخبث: مبروووك ياعرروسه.. اتمنئ لك السعاده


امال سكتت وحست بخوف م كلام انوار وخافت اكثر لما قالت لها: . بس انا متشوقه للحظه الي تكتشفين عيوبه وتندمين..
امال بتفكر: وش هي عيوبه معقوله انا للحين م عرفت صقر شفته انسان محترم ولا عليه غبار... هي حسوده وودها تخوفني م رجلي..مراح اهتم بكلامها ذي الحسوده.. اصلا هي غيرانه..


وبعد لحظات دخلت ليان والعيون كلها كانت عليها وهي كانت واثقه م نفسها وتمشي بشموخ وام نوااف اول ماشافتها اتعجبت ف كشختها ولبسها وغير جمالها الفاتن .. ام نوااااف بدت تتقبل ليان لانها شافتها بنت طيبه وحبوبه..

ليان مشت لآمها وباستها بشوق: وش اخبارك ياماما وحشتيني موووت

ام ليان بفرح تحس الدمعه بغت تنزل: انا بخيرر يابنتي ناقصتني شوفتك ووجودك بالبيت بس الحمدلله انا ادري انك سعيده ومرتاحه مع نواااف مراح تلقين احد زييه ربي يحفظكم وان شاءالله دووم مرتاحين

ليان ببشاشه ماحبت تبين الي بداخلها: امين يارب ربي لا يحرمني م دعواتك لي يا ماما

امها تهمس لها بآذنها وهي تتلمس بطنها: مافيه شي جاي بالطريق يايمه.. ودي بجاهل نتونس به ..

ليان بآنحراج انصبغ وجهها احمر: لا .. لسئ بكيررر

امها: ياويلي ع الي يستحوون يايمه لييه الخجل اي وحده متزووجه راح تحمل وتجيب عيال وانتم صارلكم 3 شهور وكنت مترقبه اليوم الي تفرحيني فيه وتقولين انك حامل...

ليان ولسئ وجهها محمر: لسئ بكير ياماما ع الحمال.. نحنا الحين تونا 3 شهور

امها بحب: ايييه بس لا تتاخرون علينا كثير ابغئ اتطمن عليكم انتي واختك وازوجكم والحمدلله ها انتوا تزوجتوا وربي يوفقكم بحياتكم ..

ليان بتنهيده تعبر عن الضيق الي بداخلها: امين يارب

وبعد لحظات سمعت ام نوااف تناديها: ليان .. ليان بنتي .. تعالي

ليان استآذنت م امها ومشت لخالتها ام نوااف: هلا خالتي

ام نواف تتظاهر قدام صديقاتها انها تحب كنتها: تعالي يايمه هذول صديقاتي يبون يتعرفون عليك .. سلمي عليهم تراهم بمقام خالتك.

ليان قربت منهم وسلمت ووجهها محمر م الخجل والارتباك لان تخاف م صديقات خالتها لانهم نفس الطينه مغرورات...
بس لاحظت نظراتهم لها بآعجاب وحسد

عرفتها ام نوااف بآسماءهم.. تكلمت منيره صديقة ان نوااف: ماشاءالله كنتك مثل القمر اتوفقتي فيها

صديقتها الثانيه: اييه مرت ولدك تجنن ربي يحرسها م العين

ام نواااف بثقه: ولدي عرف يختار مثل امه طبعا

ضحكوا الحريم ورجعوا يسولفون ...اما ليان ماعرفت بنفسها وحست ان سوالفهم غير سوالفها ولفرق العمر ماقدرت تجلس معهم ملت... فقربت م خالتها وهمست لها: ياخاله ودي امشي لآمي ممكن

ام نوااف بآبتسامه: اييه يبنتي امشي ..

تنفست ليان الصعدااء ومشت لانها تحس الجو مكهرب بالاول بين هذول الحريم الي كل وحد تقزها ويدققوون فيها وبملامحها ولبسها وكشختها وملت منهم ومن قزهم لها


امال كانت تراقب خطوات اختها ليان وغيرانه مرره م كشختها وجمالها وتفكر ان ليان الي ماتوقعت انها بيوم تتطور ووتتآقلم مع الناس الاغنياء وتكشخ كذا ..
تنهدت امال بحمق وهي تشوف تحركات ليان وثقتها بنفسها وحست بغيره فضيعه وهي للحين مستغربه وشلون نواااف قبل فيها وكيف ماطلقها رغم كلام احمد لو احد غيره كان طلقها بنفس اليوم والي اغرب منه ماتوقعت نوااف حبه يطغئ ع احساسه بالغيره اتجاه زوجته وحست بقهر ان احمد رفض انها انه يكررها ويكمل بهاللعبه .. وهي خايفه لانه احمد م سوا الاتفاق وهو يصر ع مقابلتها له لانها هي وعدته لما يخرب بين ليان وزوجها راح تدخل معاه بعلاقه واتورطت لان احمد،كل يوم تكلمه واخبرته انها تتزوج...

بعد ساعه دخلت زفة صقر.. واحمد ف وقت زفة ولد عمه صقر جاته مكالمه مهمه م الشركه ومشئ كان ف نقص ف اموال الشركه ومدخراتها وراح يشوف وش الموضوع ..

دخل صقر واول ماقرب م الكوشه باس جبين امال وجلس جمبها وهو يناظرها ومنبهر ف جمالها ...
وبعد لحظات دخل ابوها وعمها ونوااف وولد عمه محمد اخو احمد .. وسلموا ع صقر وباركوا له وتصوروا معه وبعدها طلعوا...
وبعد ماطلعوا رجعت الحريم ترقص وتهيص وبعد ساعه خلص العرس ومشت امال مع زوجها صقر للفندق

دخلو لغرفة النوم واول مادخلت بكل جراءه امال طلعت الطرحه ورمتها بالكنبه وصارت تفك شعرها ضاقت منه..

دخل وراها صقر وبآستغراب: لييه تطلعين زينتك وانا لسئ ماشفتها

امال بغرور: مايحتاج تشوفها اصلا بزينه والا بدون زينه حلوه

صقر بضحكه: وربي مغروره

امال بدلع: اعجبك وغروري هو الي محليني

صقر بسرعه مشئ خطوات سريعه لصوبها واول ماوصل عندها مسك خصرها وصار يلعب بآصابعه عليها وهي بجراءه ودلع حاوطت يدها ع رقبته: انت دايم كذا حامي

صقر بآبتسامه: ماتبين اكون حامي وانا معاي وحده تطيح الطير م السما

امال بدلع شدت انفه وهي تبتسم بدلع: ايييه عيارر

صقر شالها بين ايدينه ومشي بها للسرير: انا ماعندي وقت اضيعه

امال بدلع ضحكت بقوه: ههههههه وربي انت تحفه

صقر وهو يحط يده ع فمها واطفئ نور الابجوره وهو يهمس: اشششش بلا كلام فاضي وقت الجد ابتدئ...




~إنتهئ البارت~

رد: (روايــة مشــيت وررا احـلامـي وفجـاءه لقيـت نفسـي اطيـح)

منورره فديتك وتسلمين ع ردك الرائع

رد: (روايــة مشــيت وررا احـلامـي وفجـاءه لقيـت نفسـي اطيـح)

روايتك الاروع والله.. لا تتآخرين علينا رورو وربي كل ساعه آشوف اذا نزلتي بارت او لا

رد: (روايــة مشــيت وررا احـلامـي وفجـاءه لقيـت نفسـي اطيـح)

اهم شي عجبتك بس ماصرت اتحمس انزل بارتات مثل قبل م قلة التفاعل

رد: (روايــة مشــيت وررا احـلامـي وفجـاءه لقيـت نفسـي اطيـح)

البــــاررت الســادس عشــر



عند ليان فكت شعرها وقعدت عالتسريحه وهي تمشطه وتطلع الاكسسورات م ع رقبتها واذنيها وايدينها وحطتهم عالطاوله وبعدها قامت ودخلت غرفة التبديل وبدلت ملابسها ولبست لبس نوم ابيض شفاااف..وهي قاصده تلبس هاللبس لان عرفت ان نقطة ضعف نوااف لما يشوفها تلبس ملابس جريئه قدامه واخذت شعرها الطويل وحطته قدام منسدل ع كتفها نزولا الئ اخر بطنها وطلعت م غرفت التبديل ومشت للسرير وتممددت وهي تتجاهل نوااف وخذت اللحاف وتغطت..

نوااف ماتحمل.منظرها بهاللبس الشفاف والكاشف لمفاتنها وصار يمسك نفسه بالقوووه بس ماقدر يتمالك نفسه وقرب لها واحتضنها م ورا وصار يبوس رقبتها .. ليان بققت عيونها واتفاجآت وماصدقت معقوله نواااف يتنازل يقربها معقوله ... عرفت ان خطتها بدت تنجح وبكذا راح تقربه منها..

ليان ابتعدت عنه بس هو شدها له بقوه وصار يبوسها بجنون وكانه يطلع حرته فيها ولييه تغريه بهالملابس وتخليه يخلف بوعده.. وم كثر شدة مسكته ع ذراعها سوا لها بقع زرقا وهي بغت تبكي م الآلم بس سكتت ليان صبوره وراح تبقئ صبوره.. نوااف قلبها لناحيته وصار يناظر عيونها البريئه وهو يحس انه مو مصدق الي سمعه.مو معقوله ليان يطلع منها كل هذا ..
ليان بعد كانت تناظر عيونه الحمرا وهي تحس بخوف بداخلها وتحسه مقهور .. هي ماتدري وش السبب بس الي تعرفه ان احد يبغئ يفرق بينهم هي ونوااف.

ماطال تفكيرها لان نواف قام ومسك ايدينها يثبتهم علشان لا تقاومه ويرتشف شفاتها بقوووه وعنف يحس بشعور داخله غريب بين الكره والحب مايدري الي يسويه فيها حب والا انتقام لين ماحس بآختناقها وهي تتنفس بصعوبه م ضغطته عليها لين سمعها صرخت وهي تقول: ابعد عني نواااف ... نوووااااف.

وهو يتلذذ بعذابها ومو هامه..

ليان ووجهها محمر: خنقتني بمووت نووااف نووااااف وصاااارت ترفع ايدينها وتقاومه وهو محاوط ايدينه ع رقبتها ومقهور: لييييه تلبسين كذا ليه تبين تقهريني ... انا مابيك انتي استغليتيني وكرهتيني بعيشتي ارجعي لحبيبك وانا بطلقك مابيك معاك انا عايش بشك وضيق وعدم استقرار انتي لازم تموتين وتفكيني

ليان اختنقت وصارت عيونها حمرا وتكح وهي ماتقدر تتنفس وفجآه صرخت بتعب: نــووووووااااااااففففف



__________________________*




ام ليان حاسه بضيق شديد ماتدري لييه وماقدرت تنام ...وكل شوي تقوم وتجلس م الاحلام المزعجه الي تشوفها .. وكل احلامها تشملها ليان... حاسه بغصه ولو يكون الوقت مو متاخر كان اتصلت عليها وتكلمت معها وتطمنت عليها.. بس مو حلوه تتصل بهالوقت وتخوفهم..
حاولت ترجع تنام بس ماقدرت .. قامت ومشت للمطبخ وسوت لها عصير برتقال علشان تشربه وترتاح م ذا التفكير الي يوديها ويجيبها كل شوي...
ورجعت لغرفتها وحاولت تنام شوي..



_________________________*





انوار تبتسم بقوه اووووب انا اصلا قاعده اخطط لها خطه محترمه وش رايك انت تساعدني

حسن: ايييه حاضرين للحلوين وش تبين بس ابشري وحنا ننفذ

انوار: طيب راح اقولك بخطتي وصدقني احلا مكافآه راح تاخذها واطلب الفلوس الي تبي

حسن بمكر: تعرفين اني ماتهمني الفلوس وكذا بس يعني بما انك مصره يعني باخذ منك 3 الآف.

انوار ابتسمت: وكل ذا ماتبي الفلوس.. انا ادري انك الفلوس ذي حياتك وتموت عليها لكذا بزيدك 5000 بس تنفذ كل خطتي بالحرف الواحد لازم اكسر خشمها هالآمال . الحقيره

حسن بخبث: اسويلك كل الي تبين حتئ لو تطلبين اذبحها كم عندي انوار انا... انتي النور كله فديتك انا

انوار بآبتسامه: طيب اسمع وش بقولك... وصارت تقول له بخطتها الي بتسويها بالآمال..



________________________*





ليان اختنقت وصارت عيونها حمرا وتكح وهي ماتقدر تتنفس وفجآه صرخت بتعب: نــووووووااااااااففففف


ليان صارت تشاهق ونوواف قاعد يضغط ع رقبتها.... وبعد لحظات رن جواله فجآه مما خلا نوووااف يقوم عنها بسرعه وهو يرجع شعره لورا ويحس بضيقة لو انه قتلها وش راح يستفيد وصار يسب ويلعن ابليس الي لعب بعقله ف لحظه كان راح يسوي جريمه..

ليان بقوووه شهقت واخذت نفس كانت تحس انها دخلت بلحظاتها الاخيره والنفس ضاق عندها ماتوقعت بيوم نواااف يسوي كذا .. وكانت تكح وتكح وتمسك حلقها وتفرك وتحس بآلم ع رقبتها ....
جلست وهي ترجع شعرها لورا وتحس بخوف كبير م نواااف هالمره ربي انقذها... وبسبب اتصال واحد م ربعه المره الثانيه ماتدري وش يصير...

نوااف بتوتر قام ورد عالجوال: الو

صديقه عزام بمزح: السموحه ياخوي الظاهر خربت بينكم انت وزوجتك

نواااف وهو يتلعثم ويعرق م كثر القلق ويلعب بشعره مايدري وش يسوي م التوتر الي عايشه: لا لا ... م... ما فيه شي اي.. ووو .. مايدري وش يقول ويحس الكلام راح م فمه: كنت الحين بنام فيني نوم

عزام: طيب بتنام بس عندي موضوع مهم وولازم اقوله لك عالسريع

نوااف بتوتر: قول عالسريع بسرعه مشغول انا..


عزاام بملل: طيب..

نواااف عيونه كانت تراقب ليان وخطواتها ويحس بذنب كبير وبسرعه يبغئ يخلص هالمكالمه ويعتذر منها لان الي كان راح يسويه فيها مو شوي لاحظ وجهها الاحمر والتعب الي بان ع وجهها حس بخجل م تصرفه الوضيع.. وبدوون شعور قال لعزام: شكرا ع اتصالك بذا الوقت المناسب

عزام مافهم مقصده: وشش

نواف بدون سابق انذار سكر م صديقه عزام حتئ وقبل مايفهم وش يقول وقرب منها يعتذر: ليان انا اسف.. وربي اسف.. مكان قصدي بس غيرتي عليك جننتني خلتني افكر بشي عمري مافكرت فيه انا اسف ياليان احمد ربي انه اتصل صديقي بالوقت المناسب..

ليان بحمق: ابعد عني انت شكاك وشكوكك راح تقتلني .. طلقني مابيك تعبت م العيشه معاك

نوااف مسك ايدها يعتذر: السموحه ياليان انا ماقصدت اسوي ذا الشي

ليان قلبت وجهها عنه ومشت للحمام وراحت تتسبح وهي تبكي بالحمام وتبكي بصوت عالي ونواااح م تعبها الي تحملته لمده ثلاث شهور نواااف بالغرفه كان يسمع بكاها وحس بضيق كبير وعرف انه عمل غلطه كبيره جدا وقعد بالسرير وقلبه يحس بغصه كبيره وفكر ان لازم يريحها م ذا العذاب الي معيشها فيه...


بعد ساعه طلعت ليان وجهها محمر ومنتفخ م البكاء ودخلت بالسرير وتلحفت باللحاف الناعم وابتعدت عن نواااف وصارت بطرف السرير وم التعب نامت .. نواااف كان مسوي نفسه نايم لما سمع صوت باب الحمام ينفتح لان ماله وجهه يشوفها م بعد الي سواااه فيها...

ولما حس انها نامت وتنفسها انتظم قام وقرب لها وهو يشوفها ووجعه قلبه وهو يشوف عيونها الهافته م الدموع ووجهها المحمر ومبين فيها التعب صار يلوم نفسه وكره نفسه بلحظه وحس انه حقير يستقوئ ع وحده ضعيفه ورقيقه مثل ليان .. قرب لها وباس خدها بشويش وم احساسه بالذنب طاحت دمعه م عينه ع خدها الناعم ... مسح دموعه بسرعه ورجع ينام مكانه ومقرر باكر يسوي اوراق الطلاق ويطلقها ويريحها م التعب وم العيشه معاه.




_________________________*




~اليــوم الثــاني~



عند المعاريس قامت امال وهي تحس بحلاوة هاليوم غيررر .. ابتسمت وقربت م صقر وباسته ع خدها: good moorning Baby

صقر ابتسم ابتسامه جذابه وهو يتمغط وقرب ومسك شعرها ويلاعبه: Your morning is flowers

امال تشد خدوده: فديتك انا

صقر وهو يلمها بسرعه: احلا ليلة عشتها معك تسلمين ياقلبي

امال بدلع: ولو حبيبي هذا واجبي

امال بكل جراءه قامت ولبست بيجامه نومها ودخلت للحمام تتسبح واشرت له بآصبعها: تعال معااي

صقر بقق عيونه اول مرره يشوف وحده بذي الجراءه وانهبل ع دلعها وجرآتها قام بسرعه وهو يبعد اللحاف: وانا اقدر بس

ومشوا يتسبحون ~


هي تقضي احلا شهر عسل مع زوجها وخربت بين اختها وزوجها وتركت حالتهم اسوا واسوا بيوم الي زرعت بينهم الشك وظلمتهم ف حياتهم وماتهنوا فيها ...بس جايها الدور الله يمهل ولا يهمل..




_________________________*





دخل نوواف الغرفه وبآيده اوراق ووجهه متغير ومعتفس.. قرب ناحية ليان وسلمها الاوراق وبكل هدوء: وقعي ع ذي الاوراق

ليان باآستغراب: لييه.. وايش فيها

نوااف: اوراق طلاق

ليان شهقت م الصدمه: وشش؟!...

نوااف استغرب ردت فعلها اتوقعها تفرح بس عرف انها مازالت تحبه ولو ماكانت تحبه ماتتحسف م العيشه القشره معاااه: ابيك ترتاحين مني وم العيشه معاي... وكمل بقهر: وترجعين لحبيبك وتنسيني

ليان انقهرت بس سكتت وتخليه بشكوكه دامه يبي الطلاق وهو لسئ مصدق انها خاينه خليه يفكر بالي يبي تنهدت بضيق.. واخذت منه الاوراق بسرعه ووقعتها بسرعه علشان لا تتراجع ورمت الاورق بالكرسي الي جمبها ماتبغئ تعطيها اياااه فيها حرقه وع طول قامت ورتبت ملابسها واغراضها بالشنط وهي تحطهم وترميهم وعينها فيها الدمعه بس ماتبغئ تبين...


نواااف بقهر مشئ بدون لا يتكلم وحتئ ماعاتبها ع حركتها معاااه وحس انه ندمان بلي سوواه بس يحس مالهم عيشه سواا والله يوفقهم كل واحد مع شريك حياة اخر..




__________________________*





اتصلت ام ليان بليان علشان تطمن عليها وتعرف اخبارها.. رن جوال ليان وبالاول ماردت مالها خلق وحتئ ماشالته وماعرفت م المتصل.. بس المررره الثانيه ردت لما شافت رقم امها ازدادت دمعاتها.. وردت ع امها وهي تبكي..

ام ليان انقبض قلبها كانت تدري ان ف شي ببنتها ليان وردت بسرعه وبكل لهفه وخوف: وش فيك يبنتي؟!..

ليان ببكاء: نوااااف طلقني

ام ليان بصدمه: ووشسش .. ولييييه

ليان بضيق: لاجيت اقولك .. بس يمه الله يخليك قولي لابوي يجي لي مابي اقعد هنا ولا ثانيه

ام ليان ودمعتها بعيونها وضاقت م ذا الخبر: طيب يبنتي خليك جاهزه

وسكرت م عندها..


وراحت كلمت ام ليان زوجها وبسرعه مشئ لها وهو يحس نفسه مو مصدق نواااف الطيب الخلوق مكان متوقعها م نواااف...


وصل ابو ليان فخلال دقايق لقصر ابو نواف.. اول مانزل كان بيدق الجرس وبيدخل الا يشوف نواااف لسئ طلع م القصر ..


نواااف انصدم بجية ابو ليان وخجل م شوفته ونزل راسه..


ابو ليان م عصبيته قرب ناحيته ووقف بوجهه والشرار يتطاير م عيونه: وشش سويت ببنتي ليان

نوااف ناظره بعيون كسيره وسكت شوي وفجاءه لما فتح فمه وكان بيتكلم شاف ليان م وراه وهي تجري لصوب ابوها وحضنته وهي تبكي..



~يتبع~

(روايــة مشــيت وررا احـلامـي وفجـاءه لقيـت نفسـي اطيـح)

ياخي اسمحي لي بس و ربي آمال حقيرررررره كيف تسوي كذا في اختها
و نواف واحد غبي و ربي
فديتها ليون و ربي ما تستاهل الي يصير لها
ياخي ذي الامال كرهتها من البدايه
و صقر وايد مصدقنها على باله تحبه يا مسكين
متاكده انها تحب فلوسه بس
ههههههه و ليون تسوي كذا بالعمد
عسان تقهر نواف ههه
ياريته بس يسمع كلام قلبه و ما يصدق فيها
ياااربي كيف يسافرون و هم زعلانين من بعض و ربي انقهرت
ليون تستاهل بس هذه الآمال الدبه ما تستاهل شي
ياخي و ربي حرام ما يصير مذا
ليش دائما احلى اثنين يتعذبو☹️
ياربي و ربي هالبنت مدري كيف
للدرجهه هذه تحب الفلوس و بتسوي كل شي
لكن الله ما ينسى حد
الله يستر وشصااار مع ليان و نواف
رورووو تراك و ربي مبدعه ما اتوقع شي منك ههههه
ياربي انا نغسي تضايقت مع انه خيال
و نواف غلطان ليش كذا يكلمها واااي و ربي منقهره
عسى يا امال ما تتهنين يالحاسده كله منها
هههههه
يعني لو دخل احمد كان بيكشفها
ياريت الله
بتتدأب
لاااااا ليش يطلقها
لياااان غبيه ليه تسوي كذا
هي بثبتله الي في باله و نواف هالغبي المحنون ليه يسوي كذا
و هذه امال الله يشفيها انسانه مريضه و ربي
ياااربي
احس كل شي بدا يتعقد
بانتظااااااااارك
و يارب تصير احداث حلوهه
تضايقت عشان ليان و نواف ما يستاهلو الي صار لهم
مبدعه و افكارك جدا جميلهه و فريده من نوعها
كالعاده مميزة
ربي يسعدك رورو لا تتاخرين علينا

رد: (روايــة مشــيت وررا احـلامـي وفجـاءه لقيـت نفسـي اطيـح)

فديتك ميروا الظاهر انك زعلتي كثيرر م البارررت وان شاءالله تشوفي اخبار تسرك بالبترت الجاي:)

رد: (روايــة مشــيت وررا احـلامـي وفجـاءه لقيـت نفسـي اطيـح)

ايه وااايد معصبه من امال عديمه الاحساس
انشالله انتظرررررك فديتك

رد: (روايــة مشــيت وررا احـلامـي وفجـاءه لقيـت نفسـي اطيـح)

:thumbup:

رد: (روايــة مشــيت وررا احـلامـي وفجـاءه لقيـت نفسـي اطيـح)

البــــاررت الســابع عشــر



نوااف ناظره بعيون كسيره وسكت شوي وفجاءه لما فتح فمه وكان بيتكلم شاف ليان م وراه وهي تجري لصوب ابوها وحضنته وهي تبكي..

ليان وهي تبكي: يباااه خذني معاك مابي اقعد هنا ...

ابوها وهو يمسح ع شعرها: تعالي يبنتي وين اغراضك ابشيلها

نوااف بسرعه تحرك انا اجيبهم.. بس وقفته ليان : لا تاخذهم انا باخذهم مراح اترك ابوي يشيلهم

نواااف حس نفسه صغير وحس بخجل: طيب اقول للخادم ياخذهم.

سكتت ليان ورجعت تكلم ابوها وعيونها ماوقفت دموع: السموحه يايبه تعبتك معاي وخليتك تجي هنا.. مكان ودي اروح مع السواق اتخنقت م ذا القصر.

ارتاحي يبنتي واركبي بالسياره انا ابغئ اكلم نواااف كلمتين واجيك مراح اتاخر عليك.


وهي ماشيه للسياره سمعت صوت ام نوااف وهي تتكلم بغرور: وش ذا الازعاج.. وش فيكم هنا.. ليانوووه وين رايحه

ابو ليان بقووه: ليان بترجع لبيت ابوها

ام نواااف انصدمت: وووش تقصد

ابو ليان بحمق: ولدك طلقها

ام نوااف شهقت: ووششش

ابو ليان بضيق: آسآلي ولدك

ام نوااف رغم غرورها الا انها ماودها تخسر ليان لانها بدت تتقبلها وتحبها وماشافت منها الا كل احترام واتحسرت ان ولدها اتخذ ذا القرار... وبقووه نادت نوااف الي كان طالع شايل اغراض ليان مع الخادم: نوااااف لييه طلقت مرتك؟!..

نوااف بخجل: سالفه خاصه بيني وبينها... بس ماتفاهمنا

ام نواااف بقهر: بس انت تسرعت كل زوجين تصير بينهم مشاكل بس ماتوصل للطلاق الا لشي يستاهل انك تطلق

نوااف نزل راسه ويحس عيونه راح تخونه والدموع ماصارت بعيده مايبغئ يخسرها بس مصدوووم م الي صار بينهم خلال 3 شهور عمرهم ماقعدوا مع بعض قعده حلوووه وطول الوقت مشاكل وشكوك: حنا اتفقنا ع ذا الشي وخلاص انتهئ..

ام نواااف كشرت وقلبت وجهها وشعرها تتطاير لما التفتت بقوه ومشت للداخل القصر وقالت بعدم اهتمام: كيفكم عاد..

ابو ليان مسك نوااف م معصمه لما مر م جنبه ومقصده بياخذ اغراض ليان للسياره مع العامل وتكلم بكل رجفه ودموع كسيره م القهر الي يحسه لانه يعرف ليان ذهب ومستحيل تخطئ وفيه ندم انه سلمها لنوااف الي بيوم افتكر انه المنقذ لها: وش تحصل ع بنتي علشان طلقتها؟..

نوااف ارتبك م سؤال عمه وحس انه مايقدر يجاوبه وكسر خاطره ابو ليان لانه انسان محترم وله معزه وكرامه وهو يحبه كثير وماكان يبغئ بيوم يجرحه: ما احصل عليها الا كل خير.. بس ماتفقنا ياعم .. واتفقنا انه نتفرق م الحين قبل لانتعلق ببعض اكثر

ابوليان بصوت متهدج: وش تحصل عليها ليما طلقتها؟..

نوااف عرف انه عمه ماصدق هالكلام وارتبك مايدري وش يقوله.... سكت شوي وبعدها تكلم: لو سمحت ياعم هذا شي بيني وبينها ماقدر اقوله لآحد


ابو ليان مسح ع لحيته وع وجهه كان يمسح الدمعه الي خانته ونزلت: انا مابيك تقولي بآسبابك الي لقيتها بليان بس راح اقولك شي انت خسران يانواف وخسرت خساره كبيره . لان ليان اذهبه وانت ماثمنت قدرها... ليان كامله والكامل الله جمال واخلاق واحترام وماظن ان بنتي تغلط بحقك بس تدري راح يجي يوووم وتعرف انك غلطان بس بوقتها ماراح اسلمك اياها لاني ماقدر اشوفها تنجرح وتتآذئ منك.. دام ماقدرت تحافظ عليها الحين ما اظمنك انك تحافظ عليها بعدين .. وهذا انا قلت لك .راح يجي يوم وتندم ...

ومشئ ابو ليان للسياره والخادم اخذ كل الشنط وحطهم بالسياره .. ونوواف وقف مكانه مصدووم وخايف م الغلطه الي سواااها وخلاه يخسر زوجته وحبيبته


ليان بالسياره كانت تناظر ف نواااف تتذكره وتنذكر انها تحبه وتجنن عليه بس عمرها ماسمعت منه كلمه حلوه ولا عيشة حلوه كانت تفكر انا هذي مو طبايع نوااف اكيد ف احد يحسدهم ومايبغالهم الخير.. نزلت راسها والدموع كانت تتوالئ ورا بعضها

ليما سمعت صوت باب السياره ينفتح وكان ابوها دخل السياره وع طول حرك ومشوا للبيت... وماهي الي لحظات ووصلووا البيت

ام ليان اول ماشافت ليان قامت وعيونها مليانه دموع و ع طول احتضنتهانزل وهي تبكي: وش الي فرقكم يابنتي وش صار ... عمري مافكرت نواااف يعمل فيك كذا الله يسامحه بس

ليان تمسح دموع امها: ياقلبي يايمه ربي ماشافلي فيه خير ... الحمدلله ع كل حال

امها مصدوومه: بس لييه طلقك ياليان يبنتي انا ادري بتربيتي فيك وماراح تغلطين وانتي اي واحد يتمناك ماعليك عيوب علشان يطلعها فيك

ليان رغم انها ماخذه بخاطرها ع نوااف بس ماتبغئ تطلع اسرارهم برا مهما كان العشره الي كانت مدتها 3 شهور ماتروح هدر وم طيبة ليان وقلبها الصافي تحترم كل الي صار بينهم وماتقوله لحد: يمه ماصار بينا شي بس ماتفاهمنا والحمدلله

امها وهي تمسح ع شعرها: ربي يحفظك يابنتي ويرزقك بالي احسن منه

ليان بضيق: يمه انا ابطلع لغرفتي ودي انام وارتاح شوي..

ام ليان وهي كاسره خاطرها ليان: طيب يبنتي امشي ارتاحي


مشت ليان وام ليان قعدت تبكي بحضن ابوليان: مكنت اتوقع م نوااف ذا الشي كان رجال والنعم فيه يعني وش الي لقاه ع بنتنا ليان ... وانا ماصدق ان ليان تغلط بشي انا ادرئ ببتربيتها واخلاقها انا لو كانت امال كان اتوقعت انها تسوي شي واشياء بس ليان ذي المسكينه وش ذنبها ... ربي يكون فعونها ماتهنت ف زواجها ولا ارتاحت ..

ابو ليان وهو يمسح ع ظهرها: ريحي اعصابك يادلال وماتفكرين بذا الموضوع مصيره نوااف يعرف غلطته ويرجع يركع تحت رجلينها .. انا واثق ف بنتي وف تصرفاتها وادري ان نواااف غلطان بس ربك راد كذا والحمدلله.

مشت ام ليان تسوي عصير بارد لبنتها ليان علشان ترتاح وتريح اعصابها



___________________________*





نوااف بضيق قعد بالغرفه مايدري وش يسوي حس بنقص واشتاق لوجود ليان عنده بالغرفه رغم انه ماكان يطيقها بس حركتها ف الغرفه كانت تسوئ له كثير مايدري ايش يسوي وحيييل تعبان لانه يحبها كثير ويعشقها بس مايدري لييه كرهها م ذاك اليوم وراجع نفسه المفروض يتاكد المفروض يسآلها ..حس انه راح يجن م التفكير وقعد ومسك الجوال مايدري وش يسوي فيه وشوي وهو يحوس بالجوال بلا هدف .. جاء عند اسم احمد ولد عمه وبدون تردد اتصل ع احمد وهو ملان: حمني وش تسوي الحين

احمد وهو يلعب العاب فيديو وياا الشباب: انا قاعد العب العاب فيديو مع الشباب

نوااف ملان: سخيف وربي مالك هدف بحياتك انت

احمد: تعال معانا تتسلئ شوي وربي انت ماعندك سالفه شايل الدنيا فوق راسك

نوااف بآستسلام: انت وين راح اجي وربي ودي انسئ الهموم الي فيني شوي

احمد: حلووو تعال .. احلا ليلئ بتقضاها معانا حنا نطلع الملل بالغصب انت بس تعال

نوااف: طيب البس واجيككم

احمد بآبتسامه: نتنظرك


قفل نوااف وراح يلبس تي شرت اسود عليه اسم ماركه(adidas)
وشورت بعد كان فيه نفس الماركه بس باللون الابيض والماركه مكتوب بالاسود.. ولبس شوز سبورت باللون الابيض ومتداخل فيه اللون الاسود... عفس شعره النازل شوي بآيده وبحركه سريعه بس طلع نايس واخذ جواله وطلع..


……………


وصل عند احمد واول مادخل صار يدور احمد لين لقااااه .. احمد يرحب: ارحبووووو My brother

وصفقوا ايدينهم ببعض ..

نواااف بآبتسامه: اهلين ولد العم

احمد: اهلين فيك ياقلبي

نوااف: وش الفوضه الي عايشها انت واصحابك الصايعين

احمد بآبتسامه: افااااا احنا صايعين هااا.. طيب لييه جاينا هنا دامنا صايعين

نوااف تغيرت ملامح وجهه: ملان.. وربي هموم قد شعر راسي

احمد: اعوذ بالله .. انت همومك ذي ماتخلص .مرره م الشركه ومره م وشو والحين متزوج المفروض تكون مريح وناسي الهموم.

نوااف ابتسم ابتسامه بارده ومارد...

ودخل معهم واحمد صار يحمسه ويدخله بجو الحماس و صار يلعب معهم العاب فيديو يمكن لاول مرره بحياته لان نوااف كان متحمل المسؤوليه كثير مع ابوه وهالاماكن مايروحها رغم انها اماكن عاديه بس للتسليه واللعب ولما جربها ولعب مرره وحده صار يتحمس يلعب مرره وثانيه وثالثه واصحاب احمد دخلوووه معهم بجووو الحماس والهم والملل زال منه وعرفوا يطلعونه م جوووه شوي..



______________________*





عند ليان ف غرفتها لقت آلبوم صورها هي ونواااف يوم زواجهم حست بقهر بذاك اليوم كل شي كان بينهم كويس كانت تشوف الصوره ونزلت دموعها الحاره تطيح عالآلبوم.. مستغربه لييه نواااف يسوي معاها كذا وايش السبب.. جلست تمسح دموعها وهي تقول ف نفسها دامه اتخلئ عني .. انا بعد راح اتخلئ عنه وانساه واعيش حياتي بدون نواااف الي كرهني بالزواج ..




________________________*





عند امال كانوا هي وصقر طالعين ويتمشون بشوارع ايطاليا ... صقر وهو يغطيها بجاكيته: الجو باررد امولتي لا تلبسين كذا مرره ثانيه ترا انا ما اتحمل اشوفك كذا بردانه

امال بدلع: فديتك ياحبي .. ترا انا عندي حبيب يسوئ كل شي بدنيتي ويخاف عليي ليكذا كل مرره راح البس كذا علشان اشوف اهتمامك فيني

صقر يبتسم: ياكثر دلعك ذا الي مجنني .. لا تلبسينن كذا ولا راح ازعل منك مرره ثانيه

وبعد لحظات رن جواله وابتسم بلهفه.. امال استغربت: م المتصل؟

صقر والابتسامه مافارقت وجهه: رووان

امال كشرت وبحمق وقالت بهمس: مانخلص منها ذي

صقر وهو يكلم روان وماسمعها : اهلين حبيبتي وش اخبارك.. طمنيني عنك سعاد مهتمه فيك تاكلين وتشربين كويس

روان بحزن: اييه بس اشتقت لكم انت وماما امال وينكم متئ ترجعون..

صقر بشوق: راح نرجع لك بآقرب فرصه كلها اسبوع ونرجع يبنتي اصبري شوي

روان بدموع: تعال يابابا مابي اسبوع وااايد باكر تجون ..اشتقتلك انت وماما امول..


صقر بحرج: خير ان شاءالله ياحلووو .. بس لا تزعلين كلها يومين ونرجع لك

امال كشرت لما سمعت كلامه وعرفت انهم راح يرجعون بسبة روان واحترقت م الغضب وهي تتمتم راح تشوف وش بسوي فيها ذي لا رجعت

صقر يكمل مكالمته: يلا ياقلب بابا راح اسكر الحين اوك

روان وهي تزم شفايفها: طيب مع السلامه.

امال بدون نفس: سمعتك تقول لها راح نرجع ذي اليومين

صقر ع نياته: تدرين اني ماقدر ارفض طلب لرورو حبييتي وعلشان خاطرها باكر راح نرجع..

امال عصبت: طيب حنا ماصارلنا الا سبوع وذا شهر عسلنا نبغئ نتهنا شوي بذي الاجواء الحلوه ولسئ ماشبعنا

صقر استغرب عصبيتها وتكلم بكل هدوء: اصلا انا قلبي مع بنتي وكل يوم افكر فيها وهي بعيده عني...نرجع الحين وبعد فتره نرجع بس هالمره نجيب معنا روان علشان ناخذ راحتنا ونجلس فتره طويله..

امال بطفر وهي تنافخ: طيب..




__________________________*





اليوم الثاني قامت ام ليان وهي نعسانه وتتهمم بشغل البيت .. وشوي بققت عيونها وحست بدمعه فعيونها وهي تشوف كل شي نظيف ومرتب وشمت ريحة الطباخ المطبخ ابتسمت وهي تمشي للمطبخ ووقفت لحظات تناظر ليان وهي تطبخ وتحس بفرحة برجعة ليان وروحها الطيبه بالبيت وبنفس الوقت زعلانه لانها تعبانه ومجرووحه م زوجها نواااف

ام ليان دخلت المطبخ: صباح الخير ليونتي حبيبتي

ليان بحب: صباح النور ياقلبي ياماما

ام ليان: نورت البيت بوجودك رجعتي الحياة لجو للبيت ياليان

ليان بضحكه: ووه فديتك يامامي انتي حلاة البيت وروحها انتي الي حنا مانسوئ بدونك

ام ليان بضحكه: وش الفطور ياقلب امك

ليان بحب: كل الي يحبه قلبك

وبدت تقدم لامها الفطور وحطت لها العصير وهي تبوس خدها: بالعافيه ياست الحبايب

ام ليان: يعافي عليك... تسلم يدك لينوو

اكلت ام ليان وليان رجعت تكمل طباخ الغدا ولما خلصت الغدا قعدوا هي امها يسولفوا ف سوالف ومواقف قديمه خلت ليان تنسئ همومها شوي ..



~إنتهئ البارت~