رد: (روايــة مشــيت وررا احـلامـي وفجـاءه لقيـت نفسـي اطيـح)

اااااااااااااااااااااااااااا!!!

الله يهديك تبغي تطلعي قلبي انتي ولا كيف, ما اقدر استنى البارت الجاي,

اتوقع انه اهل نواف بيوافقوا وحيتم الزواج ان شاءالله, امل بالنسبة لامال فأنا احب شخصيتها القوية

وكيف انها غير عن باقي البنات حتى تصرفاتها غير متوقعة, انا اتمنى انها تتزوج الصقر وانه يغير صفة

الطمع اللي فيها,

استمري عزيزتي

رد: (روايــة مشــيت وررا احـلامـي وفجـاءه لقيـت نفسـي اطيـح)

ههههه سلامة قلبك حبيبتي ان شاءالله هاليومين عندي ظرووف وم افضئ راح انزل لكم بارت ... واهم شي،قلبك يكون بخير :)

رد: (روايــة مشــيت وررا احـلامـي وفجـاءه لقيـت نفسـي اطيـح)

.البــــارت الثـــامن



عند نوااف معصب: ان ماخطبتوها لي مراح اتزوج غيرها تدرون اني م زمان ما آمن بذذي التفاهات والفروقات ومافيه نتزوج وحده م ثوبنا وانا قلبي حب هالبنت.

ام نووواف بغرور: يانوواااف الله يهديك انت الف وحده تتمناك بجمالك وفلوسك وكل شي فيك كامل والكامل الله...تروح لبنت الفقر لينا مدري ليان..

نوووااف بقهر: يمه انتي لما ابوي تزوجك كنتي بنت فقر .. ولا نسيتي هالشي ... الحين تعيبين ع غيرك ونسيتي ماضييك..

ام نوواف خجلت لما ولدها احرجها قداام زوجها: بس انا حالي مو زيها كنت متوسطه المعيشه بس ع حسب كلامك هذول الناس م الطبقه الفقيره م الدرجه الاولئ

نواااف وهو مقهور ف امه: تعيارين الناس يايمه... استغفرالله العظيم .ماتوقعتك يايمه ..المهم اذا مو حابه تجين معاي خلاص بس لا تعيارين خلق الله خافي لا يجي يوم ونبتلئ بذا الشي

ام نواااف وهي تتفل: تف تف الشر منا وبعيد ...اعوذ بالله وش ذا الكلام

نوااف وهو يوجه الكلام لآبوه: يايبه هالحين كيف تشوف

ابو نوااف بآبتسامه وهو يناظر ام نواف: اذا هي ماتبغئ تروح يكفيك اني انا احضر معاك

نوااف بفرررح: ايييه يكفي وزوود يايبه ربي لا يحرمني منك

ام نواف بعصبيه: وانت تشجعه ف هالزواج

ابو نوااف وهو يذكرها: مثل ما عنادت ابوي وتزوجتك ومنتي مو م مستوااي فما بحرم ولدي م حبه ولا ابيه يسوي شي م وراي وراح اسانده بكل خطوه... واي وقت ياولدي تبغانا نرووح قولي علشان نرتب لكل شي

نوواااف وهو يقرب م ابوه ويحضنه: تسلملي يايبه الحمدلله انك وقفت جممبي وساندتني انا عشقت هالبنت ومابيها تروح لغيري

ابو نووااف بحب: ربي لا يحرمكم م بعض وبآذن الله تجتمعون دام راسي يشم الهوا

ام نواااف وهي تنافخ ومشت لغرفتها وتركتهم ..

ابو نوااف يضحك: اتوقعت امك اول ماتقولها بالموضوع. تواافق وتراعي مشاعر هالبنت لانها هي عاشت ذي المعاناه... بس الظاهر شبعت فلوس واتكبرت..

نوواف وهو يبتسم: اييه الظاهر كذا الله يهديك يا يمه


-----------------------------------------



امال وصلت للقصر ونزلت وهي تدلع ولابسه تنوره قصيره باللون العشبي وقميص ابيض.. وعليه رسمه باللون العشبي ولابسه حذاء بكعب عالي جدا... ولوونه ابيص شعرها فالته كله وم قداام عامله خصلات متسلسله بطريقه ملويه..ومطلعتها روووعه حاطه فيونكه باللون العشبي ع بشعرها... ولابسه عقد باللون العشبي طويل لين تحت الصدر...وحلق باللون العشبي وبعد هي طويله قريبه م اكتافها...

وهي داخله القصر كانت تعدل ف تنورتها ومنزله راسها وماشافت مين قدامها....

وكان صقر بهالوقت طالع بسرعه جاه اتصال مستعجل م شركته ولازم يروح يوقع الاوراق مع الشركه الي تعاقدوا معها بالامس....

وصدمووووا ببعض ...

امال صرخت بخوف لانها ماتدري صدمت بآيش: آاااه

الصقر وهو متفاجئ: سوري ماشفتك

امال بدلع: عادي اصلا الغلط مني آلتهيت بتنورتي وماقمت اشوف قدامي

صقر وهو يناظر عيونها: فدااك الكون كله .... عادي ماصار شي... وتكلم بسرعه ديري بالك ع روان

امال بحب: طيب لا توصي

الصقر: يالله مع السلامه

امال وهي تناظر تفاصيله: اشوفك ع خير...

طلعتت هي لروان الي استقبلتها بالاحضان وصقر مشي لشغله..

امال تدلع: الحلو وش يبعئ يسوي اليوم...

روان بتفكر: ابي اروح للملاهي اشتقت لهم ...

امال بتعب: لاااا وربي مالي خلق اطلع م البيت.

روان: طيب وش نسوي

امال: وش رايك نحط فيلم اجنبي ونطفي النور ونقول للسواق يجيب لنا خرابيط ..شيبس وايس كريم وفشار ..

روان بحماس: واااو وناالسه

بعدها خبروا السواق يجيب لهم الاغراض وهم طفوا النور وحطوا فيلم رعب كانوا يشوفونه روووان خافت وصارت تتلصق ف امال وامال تضحك منها وش فيك خايفه.

روان: مررره يخوف

وبعد لحظات اندق الباب كلهم فزوا بخوف... روان امال غيري وربي خفت لا اكمل... امال بعناد لازم نشوف الاحداث صارت مشوقه...


امال بقوووه: تفضضل

كانت الخادمه جابت لهم الاغراض الي طلبوها...

امال بحماس: الحين راح يبدا الحمااس

كانوا هي وران يشوفون الفيلم ومرره يتحمسون ومره يخافون..


______________________*



عند نوااف اتصل بآبو ليان والفرحه مو سايعته: ياعم متئ تبون حنا نجيكم ابوي وااافق وراح نجي نخطب ليان..

ابو ليان ومو مصدق معقوله يوااافقون: البيت بيتكم اي وقت حابين تجون تشرفونا...

نواااف بحماس: طيب بكرا ... وبعدها حب يثقل: بعد باكر طيب.

ابوليان يبتسم: طيب..

نووااف بحب: يلا مع السلامه... ووصل السلام لاهل البيت

ابو ليان فهم ان اهل البيت مقصده ليان وابتسم: طيب مع السلامه


…………


ابو ليان طلع م غرفته وجمع ليان وامها... وجلس معهم.

ابوليان: ليان يبنتي ابيك بموضوع

ليان خافت: خير يايبه.

ابوليان: خير يبنتي.... ودخل بالموضوع ع طول: الرجال الي صدمك بسيارته... الي هو نوااف .. طلب ايدك ويبيك ع سنة الله ورسوله

ليان اتفاجآت: هاااا

ابوها يبتسم: وش فيك مفهيه كذا ... الرجال حبك ويبغئ يتزوجك... بتوافقين.

ليان بتوتر: مدري.. اللي تشوفونه.. .. وقامت بسرعه طيران لغرفتها م الخجل

ام ليان: ياحليلها بنيتي خجلت..

ابو ليان يبتسم: ليت امال زيها ... ربي يحفظهم ويرزقهم ازواج صالحين

ام ليان: امين يارب.


_________________________*



بالليل الكل قاعد بالصاله وامال تلعب بالجوال... فيه لعبه عندها بالفون تفضلها وقاعده تلعب فيها...

كلمتها امها وعيونها مليانه فرح: امال .. ليان ماخبرتك انها انخطبت

امال بققت عيونها: لا ماقالتلي...

ليان خجلت ونزلت راسها...

ام ليان وهي تبتسم وتناظر ليان: ياحليلها بنتي الحلوه مستحيه والظاهر استحت تقولك

امال بدون نفس: تخجل م اختها ... المهم م هو سعيد الحظ...

ام ليان بسعاده: نوااااااف.

امال بصدمه وقفت: نواااااف العالي خطبها ..... وكشرت ياخذ ليان

امها بعصبيه: ايييه وش فيها ليان جمال واخلاق واحترام ماحيلقئ زيها

امال بغرور: وش عرفها باالاكابريه راح تتورط بينهم لو ياخذني انا اقدر اتصرف مع ذولي الناس يبغالهم احد عنده شخصيه مو ليانوووه تبي تصير لهم خدامه تنفخ وتكرف بس ذي شغلتها

ليان انجرحت ودمعت عينها م كلام اختها وحست انها ماتحب لها الخير..

ام ليان قامت وضربت امال كف ع خدها: اختك هذي احسن منك والناس يبون بنات متربيه وفيها اخلاق وماترفع صوتها ع الي اكبر منها مايبون رزه ودلع عالفاضي وهي هناك بتعيش معززه ومكرمه والخدم بتآشيره.منها نفذوا كلل الي تبي... وانتي لو تحبين اختك وتبين لها الخير كان قلتي لها مبرووووك ماتحطمينها..

امال وهي تمسح مكان الكف: تضربيني علشانها وانا بنتك م بطنك وهي بنت النااااس اخذتوها وربيتوها بس الظاهر تحبونها اكثررر مننا ذي ماتستاهل تحبينها احسن مني

لياااان اتفآجات م الكلام وصارت تبكي وتبكي وراحت لغرفتها وسكرت ع نفسها الباب ماتبغئ تشوف احد هي كانت حاسه بفرق بينهم وبينها تحس انها ماتشبههم هي شقرا غير عنهم وعيونها رصاصي مو زيهم بس كانت تقول عادي كثير ناس شقر وتحاول ماتفكر بالموضوع...بس مافتكرت ان امال تحقد عليها كذا وهي تلاحظ معاملاتها الوصخه معها بس كانت ماترد عليها وتسكت مافتكرت انها تكرهها وتغار منها...


برا بالصاله ام ليان بعدها تكفخ امال: ياقليلة الحيا ...انتي وش عرفك بذا الموضوع مين قالك وليييه تقولين هذا الكلام قدااام اختك عالاقل احترمي مشاعرها. انتي ماعندك قلب انتي حقوده ليت ليان بنتي مو انتي .. انتي متعبتني ومحد رافعلي الضغط غيرك اتكلم ووماتسمعين لي... ليان كل هالبيت شالته ع راسها ولا يوم اشتكت ولا تعبت ومتحملتني انا ووابوك واخوانك وقلبها وسيع اما انتي مالت ع حظي يوم جتني بنت زيك ماتسوي الا الي براسها وماعندها احترام لآحد مطفرتني بعيشتي الله ياخذك...

مشت ام ليان لغرفتها وهي تعرق وتحس ان ضغطها مرتفع ..دخلت ع ابو ليان الغرفه وهي ترتجف.. انفجع ابو ليان وهو يمسكها م ايدها وش فيك يادلال..

ام ليان ماقدرت تتكلم كويس ابغئ حبوب الضغط احس الضغط مرتفع عندي.

ابو ليان بسرعه قام واخذ كيس الاقراص الطبيه مالتها وطلع حبوب للضغط ... خذ لها ماااي بالكوب .. واعطاها الحبه بسرعه شربت وهي تحس بصداااع قوي... اراحت براسها لورا وهي تتحسب: حسبي الله ونعم الوكيل.. ليت ليان بنتي ولا هي

ابو ليان مستغرب: وش فيك يادلال..

ام ليان بتعب: اموول بنتك قليلة الحيا... طلعت تدري ان ليان مو بنتنا وقالت هالشي لليان المسكينه وهي بغرفتها مادري وش فيها الحين... بنتك ذي مافيها خير ...اااه ياربي.. صدق الي يقولون عيال غيرك تتحملك احسن م عيالك.. وانا محد شايل همي ومريحني غير ليان ياقلبي عليها بتكون الحين مقطعه نفسها م البكي.. روح شوفها ياعبدالرحمن

ابوليان لسئ متفاجئ: امال تدري بالسالفه...مين قايل لها وشلون..

ام ليان بضيق: شوف بنتي ليان ياعبدالرحمن قلبي معاها

رااح ابو ليان لغرفة ليان وهو يدق عليها البابا وليان ماترد دق مرره وثانيه وثالثه وهي ماتكلمت
ابو ليان انشغل باله وبقوووووه استند عالباب واكسره واتفآجئ م الي شافه وبسرعه مشئ لها مثل المجنوون..



...يتبع...

رد: (روايــة مشــيت وررا احـلامـي وفجـاءه لقيـت نفسـي اطيـح)

روووعه ومشوقة ... منتظرين

رد: (روايــة مشــيت وررا احـلامـي وفجـاءه لقيـت نفسـي اطيـح)

اسعدني رآيك فديتك.. والبارت الاتي اروع بآذن الله

رد: (روايــة مشــيت وررا احـلامـي وفجـاءه لقيـت نفسـي اطيـح)

أبدعتـي يأرونق

رد: (روايــة مشــيت وررا احـلامـي وفجـاءه لقيـت نفسـي اطيـح)

يلأ عأد متـشـوقين للتـکملهـ يأرونق---کملي

رد: (روايــة مشــيت وررا احـلامـي وفجـاءه لقيـت نفسـي اطيـح)

تسلمين ياعسل ابداعي يكمل بمشاركتكم بروايتي وارائكم تحفزني لآبداع

رد: (روايــة مشــيت وررا احـلامـي وفجـاءه لقيـت نفسـي اطيـح)

والله ابدااااع كملي الله يسعدك ويوفقك,

بس ياخوفي يكون صار شي لليان, وامال ذي الله يهديها.

بإنتظار البارت الجاي

رد: (روايــة مشــيت وررا احـلامـي وفجـاءه لقيـت نفسـي اطيـح)

بعد شوي راح انزل لكم بارت